 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - شعر وقصائد الشاعر : فالح العازمي
(http://www.gsaidlil.com/vb/showthread.php?t=43717)
شعر وقصائد الشاعر : فالح العازمي
بسم الله الرحمن الرحيم السلام عليكم ورحمة الله وبركاته موضوعي ديوان شاعر الاسم : فالح مفلح بن معترم العازمي الجنسيه : كويتي اسم النشر : فالح بن معترم بيبان القصائد اللتي كتب عليها الشاعر (( مدح - حكمه ونصح - غزل - رثاء - مسجلات / رديات )) ملاحظه هذي النبذه حسب ماتبين لي من قرات قصائد الشاعر من اروع قصائد فالح العازمي الورعه الي غلاها شامخن فينـي تسوى حياتي وهالدنيـا ومافيهـا لاشفتها ضايقه جاء خاطري شيني والنفس ضحكت شفايفهـا تسليهـا اسج في سجتي تضحك لها عيني وأنسا همومن على صدري مبانيها روحي فداهه مع قلبي وشراينـي وأقرب قريب لنا في سبع اراضيها في (مي) سوق القوافي مايكفينـي ازين لي ارجي ولي الكون يشفيها ياملي قلبن ليا شاف الوراعينـي يضيق من ضيقتـة غنـا قوافيـا صابر عليها عشر والحول حوليني يالله عسها اتمشا فـوق رجليهـا ودوج يام الديـارف والدكاكينـي وتونس النفس عقب اللي لجى فيها وتـدق وتقـول يافالـح تودينـي بروح ودوج بالديـره وضوحيهـا كرهت دراجتن دايـم تخاوينـي وبونس النفس عقب اللي لجى فيها |
(((2))) ماضقت من فرقاك والـراس عالـي عيبن علي اضيق لجلك.. يحسـاس ابـوي علمنـي وعمـي وخـالـي اني اخـوي كـل حـرن وقرنـاس ومن علمهم شفني بـروس العوالـي اللي بشواهقهـن يضيقـن الانفـاس وماطاب لي ياكـود صفـر الدلالـي في مجلسن مافيـه كـاذب وبـلاس عنـد الرجـال اموجبيـن الرجالـي اللـي فعايلهـم علـى كـل مقيـاس اليا طرولي سـاق هجسـي غوالـي ابيوت شعـرن كنهـن در والمـاس واحلى من العـد القـراح الزلالـي اليا لاقاه الضامـي امعانـق اليـاس مجـلاس ربعـي للمجالـس مثالـي عزن على عزن وجـودن ونومـاس تلقـى العلـوم الطيبـات الجزالـي سوالفن يطـرب لهـا كـل جـلاس مافيه منهـم مـن يسـوق الهزالـي مادام فعل الطيب باقي لهـم سـاس وان كان بان الضيق تالـي الليالـي وتجمعن فالصدر ضيقـه وهوجـاس ابقى علـى مافـات خالـي وسالـي عند الرجال منـزح كـل عومـاس وصفت ربعـي طيبيـن الخصالـي وجف الحبر من وصفهم فوق قرطاس نسل العوازم مـن كـرام السبالـي اللـي فعايلهـم علـى كـل مقيـاس وماقول فـي باقـي القبايـل ميالـي ونعم فـي كـل القبايـل والاجنـاس |
(((3))) (((اخذ من كل شطر اول حرف والنتيجه))) (((الشطور الاوله عدنان العنزي))) (((والشطور الثانيه فالح العازمي))) عوايد اهل الطيب مدح الكريمين فانا مدحت اهل الفعول الجزالي دونتها تذكار بسم العزيزين ارسم بها عنوان بالجود عالي نكتب حروف الشعر لأجل الوفين لا ما تنسينا كرام السبالي انادي الاشعار ثم جابت الزين حارص ومن حرصي اجيب الغوالي نادر تلاقي من يجيب البراهين اوصفك واجيب لجلك مثالي احفظ مثال الحر وعده ترا دين لو طالت المده يجيله مجالي لاوالله انك تسوي عندي ملايين عنوان عز وفيك طيب الخصالي عوايدي ما اغطي الدين بالدين اسدد اديوني مع شخص غالي نمشي بهالدنيا لون شابت العين زعل وضيق ولانشوف اعتدالي زال النهار وشفت انا الليل لليلين ماشفت في ظلمته غير الثقالي ياسمعن صوتي وصوت المصلين يالواحد المعبود ترفق بحالي |
(((باب الحكمه والنصح))) ((1)) يقول اللي مشى كل الطرايق يعرف السهل ويعرف العوايق تهيض بالمثايل والمثايل دليل وفيه ياكثر الحقايق انا اصغير وعرفي عرف شايب وبيبان المعرف ماهي غلايق الاودم مثل صف الاصابع وهذي حكمة الله بالخلايق ودنيانا ترا كف إلبعضهم ويوم الاخره نشف الروايق ومن صان الامانه شاع صيته ومنهو خانها سموه بايق لوني شفت خلق الله بطبعي ماكنت ازعل ولا كنت اتضايق من اللي قوله إفلان الفلاني يسولف بالنميمه واللافايق هزيل اخصال مامنه نفايع خبيث وللخباثه شخص لايق اقول الحمدلله ماعترف به ولاني معترف باهل النفايق واذا جاك الهوى من باب سده وصل الله على سيد الخلايق |
((2)) ياللي تضن انك على الزين دايـم اصابعـك لـو شفتهـا متشابـه وماكل رجالـن بلبـس العمايـم وهرج الحقيقه ماهو هرج الدعابه ماتصلي وشفتك مع الناس صايم لا حول مثلك صار يطرد سرابه ارجع لنفسك شف غرورك ينايـم هذا سوالن منتظر منـك اجابـه احدن لجزل القول شاري وسايـم واحد لهزل القول ساقـه هبابـه واحدن على النوماس والطيب قايم واحدن سعى للخبث لاينه لاجابه واحدن اخوه بالعز والجود هايـم واحدن اخوه اللي سعى في خرابه ماني من اللـي للمخلايـق لايـم انا من اللي عرفن وش صوابـه الصدق مثل الطير بالجـو حايـم حرن ونادر منهو يوصل هضابه وياللي تضن انك على الزين دايم اصابعـك لـو شفتهـا ماتشابـه |
((3)) ياللي لجزل الشعر جـلاس تقـرون هذا جديدي سايـرن فـي مسـاره البارحه مابيـن طاعـن ومطعـون سجلت لي في دولة الحـب غـاره ياهيـه ياللـي بالمحبـه تـوحـون اهـل المحبـه بالليالـي سـهـاره هذاك في ليلـه يغنـي لـه إلحـون يجر صوتـه يـوم طـال انتظـاره وهذا ينشد منهـو حولـه يهرجـون كنه غريب اليـوم فـي وسـط داره في ليلهم ماهم مـن اللـي يتهنـون الكل لجـل الحـب ماسـك خفـاره اكبـر دليـل العامريـه ومجنـون قيس الملـوح مـن يـرد إعتبـاره ياهيـه ياللـي بالمحبـه تسجـون درب الهوى مابه قديـم وحضـاره لاتقول لي من روحت السوق مفتون العقل ساس الراس واحكـم وقـاره انصحك ياللي بالهواى صرت مقرون اتـرك خبيثـه وافتهـم بالاشـاره الحب منه تاجـر السـوق مديـون مفلس من الدنيـا ومفلـس تجـاره والحب منه افقـر النـاس مغبـون زودن على فقـره يـذوق المـراره الحب كنه جمرتـن فـوق غليـون كل ماتمـزه زادت إبـه الحـراره عليكم إبحـب الشـرف لا تنحـون حب الشرف سترن وضافي ستـاره ستر العذاره ربح وافـي ومضمـون تذوق من شجرتـه حالـي ثمـاره وختامهـا صلـو عـدد ماتشوفـون غصن الشجر مع الورق مع خضاره على رسولـن خصـه الله ومعلـون محمد اللـي مخصصـن للطهـاره |
(((4))) الاولـه منـي سـلام وتحـيـه على النبي راعي الخصال الحميده والثانيـه منـي هجوسـن نديـه تجمع لي الفكره ومعنا القصيـده والثلاثـه مالـي ومـال الرديـه مدامنـي عنـد الجماعـه وليـده والربعـه خـوة ارجالـن وفيـه والكل فعله بالمراجـل عضيـده والخامسـه الله جعـل بالبـريـه نفسن شقيه ونفسن اخرا سعيـده والسادسـه ابطلـب الله عطيـه الدين في صدري لاينقص وزيده والسابعـه مابيـن هـذي وذيـه وصل الرحـم لقربهـا والبعيـده والثامنـه ماحـب نفسـن دنيـه دايم مع العربان نفسـي زهيـده والتاسعه مني حـروف ابجديـه سجلتها ببيـوت شعـرن جديـده والعاشره في صبـح ولا عشيـه صلو على راعي الخصال الحميده |
(((5))) ياصاحبي لا قلت لك وش جرالي همي مثل هم الرجال المساجيـن حظي واعرفه مامشـى بعتدالـي حظن مسوي بي سوت المجانيـن الوقت هذا فيـه مـرن وحالـي يومن على شينن ويومن على زين وخابرك رجلن للمثايـل مثالـي رجلن يعرف الزين ويميز الشين بنصحك كانك طالبـن للمعالـي نصيحتي كانه غدا الهـم هميـن خلك مع ارجالن لها صيت عالي ظلن يظلك لى غد الويـل ويليـن امشي مع الايـام هـي واليالـي وخلي اليسرى وابمشي على يمين ناسن مانشريها بحـب الرمالـي وناسن غلاها بالضماير بساتيـن وناسن سوالفها رماحن تصالـي وناسن معك مسند بعسرك وبالين الحق حق وهـذا موجـز مقالـي قولن طرالي وقتها الناس ساليـن اعيش بالدنيـا وحيـدن لحالـي ولاعيش مع شلة رخوم ومجانين من شافني لـو قـال وعزتالـي ماهمني لو قـال هـذا مسكيـن |
(((6))) بسم الله نبدا قول معنا وسط صـدري يلتمـع والي شرها والي عتب ولايصح الى الصيحيح ياهل القصيد المعتبر ماغركم غيـر الطمـع القدس صدرن ياهل الاشعار غديلـه فحيـح سلام والامعنا على الشعـار وسامـع سمـع اهل النوايا الباطله وسط نبـط ولا الفصيـح اشعارهم يطرب لها كثير فـي ذا المجتمـع والنصح ما منه ضرار ياشاعر ولاانته شحيح انتم كما فتيلاتـن والـي محاصرهـا شمـع اليا ولعت ذاب الشمع نيرانهـا تقـدح قديـح قولي كما وضح النقا مافيه رمعت من رمـع قولن نطقه الهاجس الي مانطق غير الصحيح |
(((7))) الله من وقتـن كثيـره مصايبـه اهل الشجاعه شفتها اليوم غايبـه يامنهو ساعي بالردي العمر فاني لازم يجيلك يـوم تقفـي ركايبـه ولاتفتخر في عز وحنا من الطين العز لله ذخـر المـاء بسحايبـه وباحذرك تفخر بالذنوب الكبيـره وفكر بيوم الاخره مـع حسايبـه كم واحدن جاله زمانه علي الكيف وكم واحدن عينه من الهم شايبـه وابختم عسى الله يغفر الذنب كله وعسى الزمان الشين تبعد مصايبه |
(((باب المدح))) (((1))) عوازم على القاسين قاسين لنا بالوطن عـز ومهابـه رجال الكرم والطيب والدين لنا عزنا وقـت الحرابـه سلايل عطاء نسل الكريمين وكلن ولـه عـزوه ولابـه بسنـت نبـي الله ماشيـن ومن بعده ابنهج الصحابه رجال الوفاء بالطيب وافين ولاهمنـا طـارد سرابـه رجالن تعرف الشين والزين وهـذا تـرا رد الاجابـه عوازم على القاسين قاسين لنا بالوطن عـز ومهابـه |
(((8))) ياهاجسي رتـب جديـد القوافـي واجمع لي الامثال في ربع ساعـه اليوم بيـن كـل ماكـان خافـي خابرك للجزلـه تجيـك اندفاعـه ميز وبيـن كـل هافـي ووافـي واللي خذا علمك تجمـل وذاعـه واللي جهل ماقلت مابـه خلافـي فرقن بخلق الله شعـور وقناعـه بعض البشر ميت شعوره وطافـي مايعرف الا هرجتن في لاكاعـه جاهل بدين الله للارحـام جافـي ساعي بمتاعه خيـب الله متاعـه والبعض الأخر مدهم مد ضافـي جامع علوم المرجلـه والشجاعـه قرم وكريم وبيـن ربعـه سنافـي في وصل رحمه مايعرف القطاعه بينت لـك مافيـه كـل اختلافـي وبذلتك جهـدي بقـدر استطاعـه والسفن تمشي بالرياح الصلافـي لو يرفع شراعه ونـزل شراعـه اترك دقاق العلم كـب الضعافـي واترك علوم المهزلـه والاشاعـه وخلك صحيب الحق لاتصير نافي وتاخذ طبوع النذل وتلبس قناعـه واسمع لنصحن جاك مابه رهافـي واحذر من اللي ساعين في ضياعه |
(((باب الغزل))) (((1))) البارحه سهران مانامت العين من سبت اللي فارقه في حلاها قمت اتذكر مامضالي من سنين واجاوب الورقه وغني غناها العيطموس الفاتنا شيخة الزين الله من وقتن مضالي معاها حبه معي من عام الافين وثنين وللحين وسط الصدر شامخ غلاها اليا طرت سجيت مابينها وبين مابين ضيقتها وضحكت شفاها ياوجد حالي صرت مابين نارين نار الموده ونار فرقا هواها اليا انشدوني قلت مابيننا شين وجروح قلبي مالقينا دواها حبه بقلبي سارين بالشراين والطيف في عيني ولااحدن سواها لكن غيابه مثل فور البراكين للي منع الارض شوفة سماها |
(((2))) بكره وراي اشغال واشغال وشغال ومن سبت الاحلام مانمت العين العيطموس اللي كحل عينها سال تقول يافالح افراق المحبين من قبل جيلي وجيلك اجيال واجيال من مثلنا ولا ملوك وسلاطين حكم علي الوقت ماينفع اجدال ولا تل قلبي غير فرقا العزيزين اللي فعولى اجزال ما والله اهزال من لابتن بالعز والجود وافين بالحرب والشوباش ماصابها اجفال بسنة نبي الله وبالشرع ماشين بني عطاء ومثلك يكفيني امثال يابن الرجال اللي على الطيب ضارين حل الفراق ولا تطالبني اوصال ولا تقول من فرقاي غير الله يعين قلت اصبري وفزيت واصبحت في حال قمت اتلفت صرت مثل المجانين بسم الله الرحمن وين ام الاخصال في غرفتي واطالع ايسار ويمين وشوف قدمي وخلفي يمين وشمال واثريه حلم ومنه انا خاطر شين ياحلم انا من سبتك ضايق البال لو كنت رجالن ابي منك ثنتين الاوله لمواجهك تشهد ارجال والثانيه وجهك ابفركه بالطين وعلمك في سالفة كبر الاهوال لينك تميز عسرك اليوم واللين أخذت اسجل ما جرالي بجوال وام الحلا سميتها شيخة الزين جابت من الاحكام وامثال واقوال ولاهنتي يابنت الرجال المسمين |
(((3))) بسم إلاه الكون ربن سجدنا له عبيد يعلم الاسرار والميته بلحودها ارسل الابيات من ضيق فينا يستزيد وانت كفون يامحمد تحل اعقودها من هواها ياهل العرف غنيت القصيد جادلن غندور عنقاء ياطول اجعودها في عيونه مايفك الحديد اللى الحديد مبسمه معسول والبرق وسط اخدودها خاطري من سبته لايكل ولايحيد بعد نوض البرق نسمع لجيج ارعودها اقبلة مزنته تمطر مطرها ولاتهيد من ظلوعي لي ظلوعي رسمت احدودها حبها مايعرفه لا قريب ولا بعيد مير من فرقاه نفسي تبيح اسدودها قلت له بالضحك فرقاك عندي يوم عيد قلتها وماهقوتي بالجفا مردودها من بعدها ماني اللي مع العالم سعيد القراده ردها عود إلمقرودها صاحبي ياصاحبي ودنا علمن مفيد المعاني مثلكم ياولد نمورودها والله اني شاعرن بالمعرفه لي رصيد مالتفت لناس نقادها ومنقودها الختام اسلم وسلم على من يستفيد جاك ماهاجت بها قريحتي وجنودها |
(((4))) حلوه ايامي معاها شايشن طرباني والشعر لعيونها نكتب جميع اوزانه قبل الوم العاشق اللي بالهوى خسراني وقبل الوم اعيوني اللي بليلها سهرانه ياسلام الله سلام العاقل الفهماني عمره اصغير وعرفه فاتحن بيبانه الهوى ويش الهوى يقوله الحيراني يشتكيه الشيخ والتجار والفقرانه ابتليته وابتلاني وجال لكم برهاني وين منهو يمدحه يجيب لي برهانه اول ايامه يذوق الخوخ والرماني واخر ايامه يصير امع الذي ندمانه واعذابي من نظرني داعج الاعياني صابني خفخاف يوم الشوق بين اعيانه |
(((5))) سلام مني عد مالاح براق للشاعر الاستاذ شوق البنيه سجلتها من بعد ماخطري ضاق بحروف شعري من جوسن نديه الحب يالاستاذ جازاني افراق واء نفسي اللي من فراقه شقيه النار في صدري وانا حيل مشتاق جيتك ابي فزعت بيوتك إحميه بالخلق مزيونه وتنقصه الاخلاق وقال المثل محدن رضاء بالخطيه اقول ليت افراقه ايبدل اعناق وعيش انا وياه برضن خليه فرقا حسين الوصف ماهو بينطاق دايم على بالي بصبح وعشيه الزبده اني عايشن حالت ارهاق ياشيب عيني مدري وش صار فيه اجمل العالم وحزني بالاعماق وجروح فرقاها بصدري خفيه |
(((6))) ياهاجسي جازم على محراف خلك معي في وسط محرافي محرافنا مع زينة الاوصـاف اللي خذت جزلات الاوصافي ابو جديلن ساتـر الاطـراف اسود يغطي كـل الاطرافـي اعيونها لو شافهـا العـراف يصيح انـا مانيـب عرافـي ماالوم عقله طار يومه شاف وقول العرب إفلان وش شافي من دونها الحراس والسيـاف وماطولها لو كنـت سيافـي جازم لها ولانيب انا خـواف ولاني اخاوي كـل خوافـي اما تجاوب غايتي بنصـاف ولا تقطـع قلبـي انصافـي بعض الاودم معتلي مشـراف ولا غيرها بحدود مشرافـي نفسه جميله والضلوع ارهاف ولاتعترف بنفوسن ارهافـي كن الجمال اصبح لها ميلاف والخلق والاخـلاق ميلافـي بغير الموضـوع للاهـداف ابيه يكشف وشهـي اهدافـي الله نهى عبده عن الاصراف واليوم شفت العبـد صرافـي احدن ينام ابدوشقه ولاحـاف واحدن ينام ولا له الاحافـي واحدن لاقا عزه مع الاشراف واحدن لاقا ذله مع أشرافـي واحدن يشوقه وزنها والقاف واحدن يفتش وزنها وقافـي واحدن لكل مهره ترا عساف واحدن ماهو للخيل عسافـي وياهاجسي لاهنت بالميقـاف جملتني في وسـط ميقافـي |
(((7))) يامل عينن ليا شافتـك بالشاشـه والعين من شافتك عافـة ولايفهـا مشاعري دايمن للزيـن جياشـه نجلا عيونه ويامصغـر شفايفهـا بالحيل ضامي ومنه النفس عطاشه واقلبي اللي حشى ماهوب عايفهـا يفداه ناسن مع العربـان غشاشـه والبيض والسمر ماتوصل وصايفها ويفداه موج البحر كله مع طاشـه اللي وفت بالحلا والزيـن نايفهـا والنفس ماهي على الزله بنباشـه تعرف سلوم العرب والعز لايفهـا واختامها مزنتن بالغيث رشاشـه تمطر على صاحبي وافي قنايفهـا |
(((8))) بأكتب لك حروفن بها الشوق فايـق تصيح بإسمـك ياحياتـي تناديـك مرسال حبي يالغلا جـاك سايـق يشرحلك أحوالـن تهمـك وتعنيـك تضيق بي دنياي لاصرت ضايـق مني وآنا اللي كل همي أراضيـك يالي غلاك يفـوق كـل الخلايـق إي والله إني أعشقك موت وأبيـك تكفى تعال شـوي بالقلـب وايـق بتشوف كيف القلب بالحيل مغليـك شوفـه يحسـب الثانيـه ودقايـق واسمع لنبض القلب كلـه يناديـك وحشتني وقلبي من الشوق شايـق وودي بكل لحظه أشوفك وألاقيـك جيتك من احساسي وصدق الوثايق إحساس من نبض الهوى وأكتبه فيك هاك الكلام الجـد وإخـذ الحقايـق وإخذ الجواب اللي يثبت خطاويـك هذا جوابي وأنت قدمـك طرايـق واختار من بين الطرايق مساعيـك ما شيً يسوى لجله إتكون ضايـق وتزعل من اللي كل همه يراضيـك خلك وسيع الصـدر لاتصيرعايـق وتعوق وصلي ياحياتي ولأ أجيـك أبـي أشوفـك يالغـلا دوم رايـق ياللي أحبك وأعشق إسمك وطاريك أبيك لإحساس الهوى تصير ذايـق تتلـذذً بحبـي وأنـا ميتـن فيـك |
(((9))) الجادل الي في هواها..ولعتني فـي هواهـا شاب راسي وزاد شيبي..من هواها زاد شيبي الحلا من مستواها..فراقه عن مـن سواهـا جيتها وهذا نصيبي.. عرفـن هـذا نصيبـي و القصيده ومحتواها..من هجوسـن احتواهـا للبعيـد وللقريبي..لغزهـا ماهـو قريـبـي فكرتن فكري ضواها..نور يمشي في ضواها قال جيب وهذا جيبي..قال لا وطـر جيبـي صيدتن مثلك شواها.. ذاقهـا منهـو طعمها مثل الحليبـي..ولا ماهـو كالحليبـي قلت انا شاعر نواها..وصادها يومـه نواهـا حلها ماهو غريبي..لاحقيقـه مـو غريبـي |
(((10))) شب قلبي مثـل ضيـان الحرايـق الهـوا شرقـي وقفيتـه عجـاجـه من جفاني الزين صدري دوم ضايق خطري مجروح وين القـا علاجـه ياحسين الوصف لو تسمـح دقايـق وصلكـم يازيـن قلبـي بحتياجـه وياشبيه الريـم لاتخفـي الحقايـق خابرينـك تلفـق الحجـه بحاجـه في هواكم كـم تحملـت العوايـق والشعـر يازيـن فلينـا حجاجـه ياصاحبي ماشفـت مثلـه بالخلايـق والبلا ياصاحبـي كيـف انتواجـه |
(((11))) لاتشيحط في غلاك اللي مسوي بـي بليـه ذاك في وقتن مضى والقلب يومه فيك ذايب ياعيون الكـون قلـي ليـه متغيـر عليـه ليه تقطع سيرة اوصالـي ولاكنـا حبايـب ليه تبخل في غرامك ليه امسبب لي الاذيـه ليه ماتمطر بحبك من ورى ذيك السحايـب اي احبك واعشق اسمك لين قالولـي سميـه والله ان قلبي يفز ولجلك يسـوق الركايـب ايه احبك منقهر واعظ مـن فـوق الشفيـه وكن قلبك علي قلبي يطلب ديون وطلايـب خلانـا نبـدا حيـاه نعيـش قصـه وافيـه في دروبن فيها حب ونترك دروب المصايب ارجع لقلبي وعـود ياغناتـي بزيـن نيـه شاب قلبي في شبابي لين صار الراس شايب والله ان قلبي معاكـم قصتـه قصـه شقيـه من سبب حظي الي مايصيب ودوم خايـب شوف قلبي منجرح وجروحه اجرون نديـه شف جروحك عدها مالها طـب و طبايـب ليه تجرح واحدن اغلاك ورحه لـك بريـه ليه تخطي دايمن من دون عذر ولاسبايـب |
((12)) يامن يقول اصبر على مر الأبعاد واشوف فينا الصبر عدى مجالـه صبرن صبرت اشوفه اليوم مافاد وصبرت قلبن ما يطيق احتمالـه وش عاد يبقى في ياناس وش عاد ونسيان حبه من فؤادي استحالـه تسهر عيوني والملا نوم ورقـاد واشكي عذابن زايـدن بشتعالـه والقلب له دون المخاليـق ينقـاد حيثن عمري يبتدي في وصالـه لينه تسيد سيـدي سيـد الأسيـاد حكم علي بـدون عـدل وعدالـه حكم على العينين ماتذوق الأرقاد من غير مافي داخل القلب شالـه عذب صميم القلب من كثر الأبعاد وأشقى فؤادن في غيابـه بكالـه من زود جوره خافقي بالحكي شاد وكتب بيوت الشعر والشعر سالـه تعال شف لك بالغلا عندي بـلاد لا والله أكبر من بـلادن لحالـه حبك تمكن من شراينـي وسـاد ويسري مع دمي لوحـده لحالـه ياكبر قدرك مرتفع عنـدي وزاد قدرك تعلى فوق محـدن رقالـه مافيه غيرك لجله القلـب ينقـاد ملكت قلبي مثـل ملـك العمالـه يامن تربع فوق قلبـي والأفـواد اجلس تقهو امن الغـرام ودلالـه وغلاك له مصدر بقلبي وميـراد أخذت قلبي يـوم عنـدك وكالـه ارفق عليه ولا تشمت به اعبـاد ترى العواذل ماتعـرف الجمالـه ياكثر ماحولي من الناس حسـاد وتـدور العنـوان لجـل القوالـه اجلس معاهم مير انا كنـي بـواد واسرح بمنهو زايـدن بنشغالـه ماني عن علوم المحبيـن نشـاد لأنك ملكة القلـب وبـلا شكالـه اللي بقلبـي صـار للحـب رواد كنه بدر في يـوم حـل اكتمالـه هو لي في ذالدنيا ملاذن ومسنـاد وانا له أقرب مـن ثيابـه لحالـه لو زارني طيفه مثل يوم الاعيـاد ومن زود حبي عذولـي ظلالـه عود علي وبس يكفـي ذاالبعـاد ترا الصبر خانت يدينـي حبالـه تسهر عيوني والملا نوم ورقـاد عله ينور دنيتـي فـي وصالـه |
(((باب الرديات / المسجلات))) (((1))) (((((((قصيدة الشاعر / فالح بن معترم العازمي ))))) سلام الله عدد ماطار طاير وعدد ماساقة المزنا بشاير.. من اللي شاقته جادل جميله كحيلة عين مجدولة ظفاير.. تواعدنا وكلن جاء بوقته وبعد ماشفتها هلت عباير.. تقول افراق ما بيني وبينك وصار الفكر من كلمته حاير.. وقلت اصبر وبالفرقا تروى ترى فرقاك من روس الخساير.. وقال ارجوك ابرحل في طريقي لان افراقنا لابد صاير.. وراح ونار بعده في ضلوعي تشب بخافقي مثل السعاير.. شسوي بالهموم اللي اجهدتني وشسوي بدنيتي والحظ باير.. انا واشلون ابنسى مامضالي وحب صويحبي وسط الظماير.. وانا حالي من فراقه ياخالد سهير الليل وكربن زقاير.. مغير اسج من ضيقه لضيقه اصارع دنيتي والهم جاير.. صحيح إنا بهالدنيا نتجمع ولكن نفترق والوقت داير.. نصاك الي حصلي بالرسايل وانا بشورك ترا ياصاح ساير. |
(((2))) (((((((قصيدة الشاعر / ساير بن عكشان))))) بسم الله المعبـود زاد إجتهـادي رحت أتعلا فالجبـال الرفيعـات مانيب من يجني قليل الحصـادي ولانيب من خاوى قليل المـروات الله وأكبر قمت أصـوت وأنـادي ياكيف أبقطع درب كله متاهـات الله يعيـن العبـد بيـن العبـادي ويوصلـه للـي يبـي بانهايـات هذا كلامن زايـدن بـه عنـادي وأعرف حله ماطلبت أختيـارات ياحيث دربي ماشين فيـه عـادي وأمشي ودربي حاسبله حسابـات الله يبعدني عـن أمـر النكـادي والله حسيبي بالأمور الصعيبـات هذي علومـي كلبوهـا وكـادي= والله يعينك في تراديـد الابيـات يبن الرجال الي بها الطيب زادي ودي أوردها عليك إنـت بالـذات أبيك تعطيني أعلومـن أجـدادي أتوسع الخاطر أبحلـو الجوابـات يم أبو مفلح نعتمدهـا إعتمـادي أموثقه فيهـا أشهـود وبصامـات عسى قصيدن جاك ماهوب رادي وارجا السموحه كان باللعب زلات (((((((رد الشاعر / فالح بن معترم العازمي ))))) يامرحبا وعـداد شعـب البـلادي ترحيبتن تسوى قصور وعمـارات إل ساير العكشـان يومـه ينـادي واجاوب ابيوته بجـزل العبـارات من بعد ما هبت هبـوب البـرادي سقت القدم بعراضهـا والطويـلات دامك تعـلا فـوق روس السنـادي خلـك علـى هاماتهـا بالعليـات وآنا معك ياخـوك عـز السنـادي= وانا يمينك بالـدورب العسيـرات ان كان شفت البيض صارن سوادي وان كان مارد الصدى بالمسـرات جتك العلوم الشامخـات الحـدادي اتوقـر العاقـل لحلـو المسـارات النـار حيـه ولايبيـن الرمـادي ودايم على المعنى تسوق الجزيلات وهـذا وتحـل إمعقـدات القيـادي اللي مشربك قافهـا فيـه حيـلات هذي علومك سقتها مـن مـرادي وزودن عليها مالكن لك شهـادات امن الظفر مع رد كيـد المعـادي هذا صحيح امسجلـه بالمجـارات تمت وصلو عد خضـر الجـرادي على النبي رعي الخصال الكريمات |
(((3))) (((قصيدة الشاعر / بدر الحربي))) من عذابي قمت اغني ممتطي صهوة جوادي واليالي السود شينه اه من سود اليالي والمشاعر هايمه وانا اهيم بكل وادي والقلوب العاشقه تطرب ليا سمعت مقالي فالح اسردلك بيوتي وانت تفهم وش مرادي صاحبي بعد التحيا والثنا والراس عالي من عرفتك وانت قرمن ماتهاب ايت معادي مو غريبه ع العوازم لنجبت سبع الرجالي صاحبي والقلب ينبض والهواء سيد فوادي والحقايق واضحه والكذب ماهو من خصالي القلوب الله خلقها لحم ماهي من جمادي وما خلق بالناس كامل بس لله الكمالي والعشق بلوى عضيمه تبتلي بعض العبادي لاسلم منها صغير ولا سلم منها معالي سنة الله بالحياه وسن تسبيح الايادي وليت قلبي ما عشقها وليتني داله وسالي ويش اسوي في هنوف(ن) قربها رغم البعادي كل ماغنيت بيتي جات تسرح في خيالي والله اني لا ذكرت عيون منهي باعتقادي سيدة كل الصبايا استوطنت عرش الجمالي صرت كني طفل توه بادين بالعمر بادي وشاهد امه في كفنها تندفن في قبرخالي وصارت الدنيا بكبرها في عيونه شي عادي مابغاله شي منها لا الرخيص ولا الغوالي والله اني من رجلن تفزع لصوت المنادي بس هاذي قسمة الله واحمده في كل حالي من عذابي قمت اغني ممتطي صهوة جوادي عل منهو كان سالي يتعض من ما جرالي ((رد الشاعر / فالح بن معترم العازمي )) من قديم الوقت ولا في ليلينا الجدادي الهوى عذب كثير امن الاويل والتوالي المشاعر هايمه لا بيني وبينك نكادي والقلوب العاشقه نيارنها دايم تصالي مرحبا ترحيبة(ن) امعطرا عنبر وكادي من هجوسن ماتجيب الهزل تبدع لك جزالي ماعليكم زود واسمع مايجيكم بعتمادي يابدر ياصاحبي ياشوق ذيك ام الدلالي ناركم بالحب حيه مايبين ابها الرمادي والحقيقه قدمكم عنتر وابا زيد الهلالي وقدمكم قيس الملوح وابتلا فيها المهادي الوكاد انمدكم بجنيه ولا بالريالي كان قلبك هايمن معها ولا تذوق الرقادي صاملن ياصاحبي في عرضها ولا الطوالي كانها ماجت رضى غصبن تجيلكم بالعنادي ابشرو لو دونها حرب وجهادن ما نبالي انت غالي يابدر مكانكم فوق السنادي ثابتن فوق العوالي شامخ فوق الجبالي النصيب اصيب والدنيا توردك السوادي واسترح عن شمسها ياصاحبي وسط الظلالي وكان بان الضيق وان كانك ذكرته بالبلادي دف نفسك للطليعه ولعن ايام الجدالي خابرين افعولكم يالقرم ياسقم المعادي والله الغفار والله فوق خلقه امتعالي عد ماهتز الغصن وعداد ماهب البرادي وعد موج البحر وايضا عد حبات الرمالي إنقول صل الله وسلم للي لاسلام قادي محمد المختار نتبع ملته مابه ميالي |
((4)) ((قصيدة الشاعر / فالح بن معترم العازمي )) انا غشيم الحب من يوم حبيت جاهل سلوم اهل الهوى والمحبه يضيق صدري كل مصبحت ومسيت جمر الغضى في وسط صدري مشبه من سبت الاشواق ياكم تعنيت اسوق رجلي ومطلبي بس دربه يابدر لا لا تلومني لاستخفيت الزين يلعبي وقلبي لعبه بديت لك سرن بالابيات بديت الحب جرح وماعرفنا لطبه ان قلت لي وش صار بقول سويت سويت لجل الحب سايسان صبه اشرح لك احولي وانا اقول ياليت يرجع لي اللي كل نبضن يحبه ((رد الشاعر / بدر الحربي)) كانك غشيم الحب لاويش طبيت بحر الهواء مقرود منهو يطبه ان كان به غنيت ولا استجنيت كلن على ماقيل يجزى بذنبه يصاحبي فالح مدامك تحكيت لازاد فيك الشوق داري وخبه وخف القدم ياذيب لامنك مريت خلك الى مريت دربه تكبه ماني انا لايمك لاقلت عانيت الحب نارن كل ريحن تهبه ان كان سيسانك سليمه فذا البيت اجل علامك تشتكي بعد قلبه ماكنت ابا اتمنى ولا كن تمنيت ان الهوى في يوم محدن نشبه |
((5)) ((قصيدة الشاعر/ محمد خالد بن حسيان)) الله مـن قلبـن بـه الهـم مدكـوك دارت به الدنيا كمـا دور الأفـلاك هذي ثلاث سنين والقلـب مدهـوك والجوف يافالـح تمـلا بالأشـواك بقعى تقلـب بيـن مالـك ومملـوك واللي ملكهـا العـام قفـا وخـلاك الباب دون اللـي بغينـاه مصكـوك وماقدر الوالي تـرا اليـوم ياطـاك الطيب أشوفه تالي الوقت مشكـوك ودنيا المصالـح والبـلاوي تبـلاك لاكثرت فلوسك ترا النـاس حبـوك كلـن يبـا قربـك وكلـن تمنـاك ولاقلة فلوسك ترا النـاس عافـوك ولا أحدن يبا قربك ولا أحدن ترجاك كم ليلتـن بعقولهـم مـا تناسـوك وكم ليلتـن هلـم ليامـر طريـاك واليوم من عقب المعـزه تحاشـوك كلن يبا صـدك وبعـدك ونسيـاك ترا الرجال اللي على النفس بـدوك ولاهمهـم ماتحملـه كـم مخبـاك ريف النشامـا لاتعزويـت شالـوك ربـع الشدايـد والفعايـل والأدراك سقت الرساله وسطها العود مفـروك وأطيب من العنبر ليامـر شـرواك يبن معترم وأخـر القـاف محبـوك وصلو على اللي نور الكون وأهداك ((رد الشاعر / فالح بن معترم العازمي )) حي الخطاب اللي به الرمز مشبوك نمشي معاه وخطوتي تسبق اخطاك هذي ثلاث اسنين والويل والـروك ناسن مماشيها يخالـف لممشـاك امصكريـن البـاب لا لا يهمـوك الله ولـي الـكـون لله مشـكـاك دنيا ترز اللي من الناس صعلـوك ولا عزيز النفـس باعتـه دنيـاك ياعلهـم يامحمـد اليـوم يفـدوك اهل المصالح والردى كلها افـداك لا طابت افعولك هل الطيب راكوك ناسن على فعلك تخصك وتنصـاك اهل الوفاء لمن تضايقت عانـوك بالطيبـه ياصاحبـي دوم تجـزاك ماهم من اللي لا قسى الوقت خلوك ناسن تعل القلب توصلك لقصـاك ان طعت شوري يامحمد وانا اخوك خلك مع ربعن تبي دايم إرضـاك يم الكـرم والجـود دايـم يدلـوك والكل يعسـى يامحمـد لمسعـاك ربعن على دربن موثق ومسلـوك لاجيتهم تفـرح بشوفـك وملقـاك ماهم من اللـي بالنمايـم تقفـوك هرج النميمه كل ماغبـت كفـاك واختامها مانتبـع البنـز والـروك دايم نصلي للولـي رب الافـلاك |
(((باب المرثيات))) (((1))) (((مرثية ولد عمه))) جاني خبر والضيق بين الضلوعي قالو توفا وعتزيت وتوضيت وصليت لله ثم فاضت دموعي مرحوم يانواف ياطيب الصيت مع لجة العالم تصكر سموعي وسويت لجه قاف لا ماتنحيت انا اشهد انه حر ماهو تبوعي دايم على الهقوى ليامن تهقويت لكن سبب حادث فقدها الربوعي ولا عاد ينفع قولنا ليت ياليت الموت حق ولا يجي به رجوعي مادايم الا الله وخلقه ترا ميت والله ماترجع لو احب كوعي لكن عسى الله يرحمك مع هل البيت يالله ياقابل صلات الجموعي اغفر له وغفري ليامن توفيت |
(((2))) (((مرثية حريق الجهراء))) ياهاجسي سجل بيوتن لهـا يبقـى صـدى و ارث الظفير اللي لهم بالوفى صيتن عريق يالله يارحمان ياللـي بـك العبـد اهتـدى اتجير منهو صابته امصيبتن امن الحريـق العبد يالرحمن يدعـي ورافـع لـك يـدى منهم ربوعن لي ومنهم رفيق ولي صديـق من مات وسط النار ياربنـا قيـل اشهـدى وانت الذي تعلم صدورن بها اهمومن وضيق ويالله وسع صـدر منهـو تـردى بجهـدى وافتـح لهـم يالله للخلـد بيبـان وطريـق اهل البويت الي عطاهـم بعيـدن بالمـدى جعل السحاب الي غدى له لجيجن مع صفيق يمطر على الاسلام ويخص منهـو بلحـدى وصلاة ربي للنبـي عـد مايبـرق بريـق وسلامتكم صح لسان الشاعر : فالح العازمي فائق الاحترام والتقدير |
| الساعة الآن 04:30 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية