 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - ديوان الشاعر سعود الحافي
(http://www.gsaidlil.com/vb/showthread.php?t=24123)
ديوان الشاعر سعود الحافي
هـاض الخفـوق وفـاض قافـي وغنـيـت غنـيـت مــن شـغـل التفـاكـيـر وإنـتــاج مـن عقـب مـا شفـت البـدو يـوم مريـت مجلاسهـم طيـب ونـقـاء وفـلـة حـجـاج يــا ليتـنـي عـايـش مــع الـبــدو يـالـيـت ولا عشت في ديرة هل الضج و إزعاج لامــن طــرى للفـكـر طــاري تمشـيـت أطلـق عنـان الـرجـل مــع كــل منـهـاج أمشـي وأســج بخـاطـري يــوم عـديـت بيـن الفـيـاض النـاظـره طــب وعــلاج ولاجاء العصر جبت الـدلال وتقهويـت فـوق الطعـوس اللـي لهـا البـال محتـاج والفـجـر لا نــادى المـنـادي وصـلـيـت القـا الجماعـة وإقصـراء البيـت أفــواج وعـقـب الفـرايـض للمـعـازيـم نـاديــت فـي مروبـع العـمـدان والصـبـح فـجـاج وصـفـر الــدلال إتـعـد والـنـار شبـيـت وأسـمـع رنـيـن النـجـر والـنـار وهــاج ودارت سواليـفـن عـلــى مـــا تمـنـيـت والعـود الازرق عاثـي وجـالـه عـجـاج مليـت أنـا مــن زحـمـت الـمـدن ملـيـت مليـت مــن روتـيـن لاهـيـن و إحــراج الكـل يدبـك كـل مـا أصبحـت وأمسيـت منطوقـهـم مشـغـول ومـزحـوم الادراج مـا كنـي بوسـط الـعـرب لــو تهقـويـت كنـي غـريـب مـطـوق بـسـور وسـيـاج الوضـع مـزري ومــن سبايـبـه عانـيـت حالي إ نبـرا وأرجـي مـن الله الافـراج طبـع الـدن شايـك وانـا طبـت وأزريـت بـأ قضـي أوقـاتـي مــع اللـيـل بـسـراج مـن لامنـي وأعـلـن بيـانـه مــن البـيـت أقــول بـيـتـك مـرصــد بـكــم مـــزلاج |
(طـبـاعـة ا لـسـنـة عـلــى بـيــض الأوراق
الله لا يــحـــرم فــهـــد مـــــن أجـــرهـــا) ( مـكـا رمــة غـطـت عـلـى كـــل الآفـــاق وســــع حـرمـنــا والـمـسـاجـد عـمـرهــا ) شــق الـطـرق يــم الـحـرم تـحـت الأنـفــاق دوك الـجـبــال الـكـايــدة مــــن شـطــرهــا ومـــد الجـسـورالـلـي بـغـبــات الأعــمــاق ذيـــك الـبـحـور ا لـلــي بـفـكـره طـمـرهــا لـبـى ا لـنـداء لـلـي إ شتـكـى سـطـو بــواق رد الـحــقــوق وزال عــنــهــا خــطــرهــا ريف ا لضعوف اللي كظموا وحالهم ضا ق ريــــف الـيـتـامـى والأرامـــــل سـتــرهــا كــم فــك مـسـجـون وكـــم فـــك الأعـنــاق يـكـتـب لــــه الـتـاريــخ بـإسـمــه حـفـرهــا عـلـى شـهـوده تـشـرق الـشـمـس مـشــراق وتـغـيــب يــــم ديــــار صـيــتــه عـبــرهــا نـسـل السعودالـلـي عـلـى ا لمـجـد يـشـتـاق عــهــد مـجـيــد والـفـهــد مــــن سـطـرهــا الله يـبـيــحــة عــــــد مـــــــالاح بـــــــراق و إعــداد مـانـبـت الـزهــر فـــي شـجـرهـا |
وين الرجال اللي تعرف المواجيب
الـلـي تـحـط لـكـل رجــل قـيـاسـه من لا يروم المرجله حاله صعيـب حتيـش لــو زانــت حيـاتـه تعـاسـه يشـب فيهـا بإسـم مجهـول ويشيـب وعنـد النشامـا مـا يـسـاوي لبـاسـه ناس على خبث الموارد شراريـب يـا قــل مــن يمـشـي بلـيـا نجـاسـه ا مجنبيـن الـعـز والطـيـب تجنـيـب وعلى الـردا فيهـم ميـول وحماسـه يـا هيـه يالـلـي ودكــم بالمعـازيـب واللـي تريـدون الشحـم والونـاسـه مـا تاخـذون أبيـات مـنـي مكاتـيـب ابـيـات شـعــر ماعلـيـهـا دسـاســه أبيـات مـن لــه بالليـالـي تجـاريـب وبينه وبين ضعوف الأنفس نحاسه إتعـذربـون الـلـي بـلـيـا عـذاريــب وتـفـرّسـون الـلــي بـلـيـا فـراســه الرجل ما يجهل دروبه كما الذيـب والذيـب عـن نـومـه يـسـده نعـاسـه |
السعوديـة مطلـب جمـيـع المخالـيـق
ولاة الأمـر قـد بينـوا ويـش جــدواه لا عـاد يـوم شفـت أنـا بــه تواهـيـق مـا بيـن الأرتـيـري ومابـيـن نـخـواه سلـم علـى مـن علـق الشمـغ تعلـيـق أنقـذ غريـق البـاص والـجـال عــداه لا بـد مـن إثبـات محـضـر وتحقـيـق باللـي حصـل سيـن وجـيـم وفـحـواه مـن عينـه مـن وظـفـه يــا لمطالـيـق وش حجةالمسئـول لا قــال شـكـواه يانـاس مـن يـآمـن مـحـارم غرانـيـق مـع هاتـش مطفـوق لاعــاد مـرسـاه ياليتنـي مـسـؤل وأمـشـي طـواريـق وأحاسـب اللـي خالـف البنـد ممشـاه هــذا شـعــور نـابــع فـيــه تخـفـيـق اللي جرى لبنت الوطن كيف نرضاه السعوديـة مـا هــي شـعـار وتعلـيـق ودعايةالتفـضـيـل شـــيء عـرفـنــاه دار العمـل أصـدر قــرار بلواحـيـق الـحـد مــن مـنـح التياشـيـر مـغــزاه يـبــذل جـهــود سـامـيـات وتـدقـيــق لأجل الوطن وإبن الوطن من مزاياه يمـلـك نـظـام ومعطـيـات ومـواثـيـق برنامـجـه وظــف سـعـودي ومـبـداه بقـيـادة النـبـراس غـــازي وتنـسـيـق ووزارة الصحـة بهـا طـيـب ذكــراه لـه ماضـي حلـق مـع النجـم تحلـيـق يذكـر ويشكـر كـل مـا حــل طـريـاه وله حاضـر فيـه الأمـل فيـه تشويـق و ماخـاب مـن ينصاالقصيبـي وبـداه |
أهواك ،،
اهــــواك يـاسـيــد الغـنـاديـرأهـواك قلـبـي تـولــع فـــي مـحـبـة كـيـانـك يازيـن أنـا قلبـي مــن الـنـاس بــداك قلـبـي أسـيـر فـــي مـــودة حـنـانـك ماكنت أعرف الحب لوعات وإرباك إلابـعـد مــا شـفــت بـسـمـة ثـمـانـك أنسـاك لا .لا يمكـن القـلـب ينـسـاك ينـسـاك كـيـف وبالمواثـيـق صـانــك تفداك روحـي يامنـى الـروح تفـداك وأرخص حياتـي يـا حياتـي عشانـك ما غاب عنـي لـو للحظـات طريـاك عايـش معـي بأحـلام وأنـت بمكانـك يـا شـوق عينـي تفـرح بـيـوم لقـيـاك وأشاهـدك وأكــون فــارس زمـانـك |
دارنا مملكتنا ،،
دارنـــا مملـكـتـنـا لا عـدمـنـاهـا كلـنـا دونـهــا والـبـاغـي نـــرده مملكـتـنـا بهـالأبـطـال تـحـمـاهـا مايعيش الخصيم اللي نجي ضده مالبسناالسيـوف الحمـر لـولاهـا من حدودالخليج إلـى بحـر جـده نحتميـهـا و بـــالارواح نـفـداهـا نطـرد المعتـدي عنهـا ورا حــده دارنــا مــا تـهـز الـقـوم مبنـاهـا فـالـرخـاء وإلا عــلــى الــشــده كـل مــن حـدتـه دنـيـاه ينصـاهـا والخبـر يـم عـدوان العـرب وده ضدالعـداء اللـي خبثـت نوايـاهـا حصن العداء ولوهوعالـي نهـده كل طاغوت شوق النفس ومناها من يعادي الشريعـه لعنبـوا جـده حربة الموت لا وقفـت شريناهـا عـن بلدنـا العزيـزه مالنـا صــده وغير سنـة محمـد مـا رضيناهـا مستـعـديـن بــالإعــداد والــعــده ولوتطـول المسيـره مـا شكيناهـا كيدكـم فـي نحركـم ياهـل الـرده دام ابومتعـب المحبـوب يقـداهـا وابـو خـالـد عضـيـده يــده بـيـده ما علينـا مـن العـدوان ورضاهـا كـم صبـرنـا وحاولـنـا لـنـا مــده |
رثائيه في خالته ام خالد
بعد معانة مع المرض توفت أم خالدوتركت أطفال أكبرهم يبلغ الثانية عشر من العمر . الصدر ضاق ولج به هـم وأشجـان والوقـت شــان وزود الـهـم همـيـن جوفي غدابه راجـف هـز الاركـان وعينـي تهـل ودمعهـا حـرق العيـن من يوم ما جاني خبـر مثـل بركـان قال البقاء بك والعـزاء بفقـد غاليـن جاها القدر مكتوب له والاجل حان و مـا يكتـب الله نافـذ لـو بعـد حيـن نبكـي عليهـا خالتـك كــل الاحـيـان نبـكـي و يبـكـي حالـنـا والمعـزيـن يـا لله يـا سامـع دعـاء كــل إنـسـان تجبـر بنـا ووداعـتـك ذا البـزاريـن واكتب لبو خالد لـه الشعـر عنـوان عسى البقاء بك عد كتب و دواويـن الرجل لا صكت على النفس بيبـان ودارت على حاله دوايـر وتخميـن يصبر على غدر الليالي والازمـان ثـم يرتجـي لله ويـرفـع لــه إ يـديـن الله يعوضك خير والخيـر بـك بـان يامكرم الضيفـان مـن عهـد وسنيـن يالله تحفـظ خـالـد الـذيـب سـرحـان إخوانـه أشبـال علـى العـز والديـن جعلـه عويـن لوالـده عالـي الـشـان ويرفـع مبـادي المرجلـه بالميـاديـن على القدر مالي جدا وكان ما كـان إلا الرضـاء ثـم الصبـر يالمسلميـن ثم الدعاء وأطلـب لهـا كـل غفـران ويجعل سكنها فـي جنـان ورياحيـن بيوت القصايد تجبـر الشعـر قيفـان وأناجبـرنـي لاهــب شــب نـاريــن يغفر لها ربي عـدد ورد الاغصـان وإعداد ما هـل المطـر قولـوا آميـن |
الحـب مـن قلبـى تمكـن و سيطـر
إستعمره و الروح صارت رهينـه أصبحت مشغـول الفكـر و اتفكـر مما جرا في ما مضى مـن سنينـه با سباب من شفته يطالـع و ينظـر بالطايـره راكــب و عيـنـى بعيـنـه الحـظ جابـه فـى جـوارى و بشـر الـنـافـذه يـســراه و آآآنـــا يمـيـنـه طرنـا و طـار القلـب منـى و نفـر و الحـال صابتـه السهـوم السنينـه جلسـت بالكرسـى وكنـى مسـمـر أدعــي الاهــى حـالـى الله يعيـنـه نسمـات عـطـره بالمقـاعـد تبـخـر فــواح شـافـى للـجـروح الدفـيـنـه عـثـا شــذاه الـطـايـره ثـــم تـنـثـر أ ثـرّ علـى القايـد بـوسـط الكبيـنـه أعلـن و قـال الجـو منـكـم تعـطـر اهــلاً و سـهـلا بـالــذى ناثـريـنـه نظـرت يمـه كنـى اشـوف وأسبـر يـم السحـاب اللـى يسـايـر جبيـنـه هرّجـت حـالـى قـلـت يالله تسـتـر الطـف بنـا مـن ذا الــذى شايفيـنـه رد الكـلام و قــال حـالـك مـكـدر أ كـيـد ركــب الطـايـره خايفـيـنـه قلت الأمر ماهو من الخوف ينظر الخـوف دامـك راكـب محاربيـنـه الموت ما اخافـه ولـو كـان يذكـر مـن شوفتـك حلـت علـي السكينـه رد و تبـسـم قــال يـافـلان تشـكـر نفس الشعور اللـى بكـم شاعرينـه يـوم قالهـا كنـى مـع الـجـو مفـتـر دارت بـى الدنـيـا بلمـسـت يديـنـه عـن رحلـتـى يالـربـع والله مـقـدر مـقـدر اوصفـهـا وعـنـدى ثمـيـنـه و إختامهـا منـي الـعـذر وأ تـعـذر أرجـو قبـولـه لا وصلـكـم بحيـنـه |
الزوجة الثانية وما بعد ذلك ،،
مـره حـدث لـى موقـفٍ يالرياجـيـل يـوم قلـت أبآخـذ حرمـة لـي جديـده ودى اغـيّـر يــوم شـفـت البـهـاذيـل مـن ذا القديمـه يـوم صـارت جليـده مـن عقـب ماشـاروا عليّـه مشاكـيـل قـالـوا تـجـوز خــل عـنـك العـنـيـده قلـت ابشـروا باللـى يــرد المكايـيـل والـصـاع مدبـولـن وفـوقــه نـقـيـده قـالـوا مــرادك عـنـدنـا بالتسـاهـيـل انـتــه تـقــدم والـمـطـالـب زهــيــده ثم قمت انفّش كشختى فـوق واشيـل مثل الحصـان اللـى عزومـه شديـده ماهمنـى لـو صـار بعـض الاقاويـل فـى نفسـى احـفّـز مـواقـف سـديـده صمّـلـت بالنـيـه وعـزمـت بالـحـيـل وانـــا اتـطـلــع لـلـحـيـاة الـسـعـيـده خذنا الوعـد والوقـت لجـل المقابيـل عـنـد الــذى سـاكــن بـــدارٍ بـعـيـده جـيـنـا و حـيـونـا بـذيــك الفنـاجـيـل قالـوا نعـرفـك انــت راع القصـيـده قلنـا نريـد اللـى رمـوشـه مضالـيـل عـلـى كـتـاب الله مـحـصـي عـبـيـده قـالــوا طلـبـكـم والـــم يالحـلاحـيـل بلـيـا شــروط وقــدم الـلــى تـريــده لاجيت بعـد اسبـوع تلقـى المعاميـل واتـحـظـر المـمـلـك ويـــدك بـإيــده عـودت مـع دربـى بذيـك المـواويـل ادعـى الاهـى كـل مـا ابنـى نشـيـده يـوم جيـت لعيالـى لقـيـت التهـاويـل لـقـيـت قـدامــى حــرايــق وقــيــده الـبـيـت مـقـلـوب وفـيــه الغـرابـيـل وقـدامـى الـحـرمـه بـيـدهـا حـديــده قالـت علومـك وصلوهـا المراسـيـل اعـلــوم نبخـصـهـا وجـتـنـا وكـيــده قلـت الخبـر ملبـوس بالقـال والقيـل مـا هـو صحيـح اللـى بلغكـم مكـيـده معـقـول نـرضـى بالغنـاديـر تبـديـل لا لا ولا يـمـكـن وانـتــى الـوحـيـده مـن بعدهـا والـراى جـالـه تحـاويـل ودى اتراجـع ميـر كـيـف الشـريـده حطيت نفسى فى ضروف ومشاكيل ويـش العمـل ياهـل الحلـول المفيـده مضـى علـي اسبـوع مثـل المهابيـل والنـاس ترقـب جيتـى فــى وعـيـده فكـرت واعطـيـت التفاكـيـر تحلـيـل أبغى اتخلص ميـر مـا أبغـى النقيـده زهـمـت بالـلـى ودهــم بالتواصـيـل اهل العـروس اللـى خصالـه فريـده قلـت العـذر لـو يمكـم نفسـى اتميـل لـكــن حـدانــى حــــادىٍ يـالـولـيـده يوم رحت للمشفـى بقصـد التحاليـل قـالــوا نتايـجـكـم هـجـدهـا هـجـيـده حالـتـك صايبـهـا كـثـيـر العـلاعـيـل بـالـدم فـيـروس ومـشـاكـل عـديــده لـيـاك تـعــرس دام بـالــدم تشـكـيـل حالـك دمــار وغـيـر لايــق وريــده اقنعـتـهـم بالـشـاطـحـات المـثـاقـيـل قـالـوا هــذا المقـسـوم والله مـريــده خلصت واتخلصت من ذا المهازيـل وكلـن رضـا بمقسومـه اللـى حديـده |
لا ياحبـيـبـي لا تـسـافــر وتــرحــل
ملكـتـنـي والـيــوم بتـغـيـب عــنــي لا مـا هقيـت الهجـر منـك بيحصـل ولا ضربـت حسـاب طبـع التجـنـي ان كـــان قـلـبـك يـاحـيـاتـي تــبــدل أنـا بـكـم يـازيـن مــا خــاب ضـنـي وان كان قصـدك فـي جمالـك تدلـل الله يـزيـدك مــن حــلا الـفـن فـنــي وكــان التغـلـي فــي خيـالـك تمـثـل متـى علـى خـلـك تــروف وتحـنـي وان كـان غـرك هـرج عـاذل تبجـل في صـورة الناصـح وجـاك متعنـي طـبـع الـعـواذل يــا حبيـبـي تـسـلـل بـيـن الحـبـايـب بالنـشـايـب تـزنــي دايـم علـى عــذل الموالـيـف تعـمـل عـنـدي يعذلـونـك وعـنـدك عـذلـنـي لامـن ذكــرت ايامـنـا الـلـي مـنـول حنـيـت مـشـتـاق وعـيـونـي بـكـنـي ارجــوك يالـغـالـي علـيـنـا تـجـمـل أنــا مــن اسبـابـك قصـيـدي يـغـنـي من حبكم صـرت بهواجيسـي أغفـل محسـوب بحسـاب المجانـيـن كـنـي ولا اوحيـت طاريـكـم يديـنـي تبـلـل مــن حــر نـيـرانٍ بجـوفـي كـونــي اصـبـر واداري عـنـد نــاس تـعـلـل أخفي هواكم غصب واضحك بسني حبـك ملكنـي وأنـت بالكـون أجـمـل الله عـطـاك الحـسـن حسـنـك فتـنـي مـتـى عـلـي يـازيـن تلـفـي وتـقـبـل هــذا رجــا قـلـبـي وهـــذا التـمـنـي |
ترى المشاكل بين الأزواج تغتال
تـرا المشاكـل بيـن الازواج تغتـال تغتـال فرحـه حالـمـه فــى زمنـهـا دايــم عواقبـهـا لـهـا شــر مـنـزال تجلـب أذى بالـدار والـلـي سكنـهـا تجعـل حيـاة العايلـه ذعـر وجـدال والطفل يستاحش مـن اللـي ومنهـا مـا فالمشاكـل فـود وبلـيـس حـيـال يقـدح شـرارة نـار بالـلـي شحنـهـا أقولها من عقـب ماشفـت الاهـوال كـل يـوم نـقـرأ بالجـرايـد رطنـهـا تعذيب مكروه على بزور وأطفـال هــذاك يوسمـهـا و هـــذا سجـنـهـا ليـه الاوادم ترتكـب هكـذا أعـمـال هــى واعـيـه وألا تـزايــد جنـنـهـا مـاكـن بـالاسـلام للـنـاس مـدهــال حيث العمل مرفوض من كان منها يالزوج يالمسؤول عن بيت وعيـال أنصـحـك بأبـيـات تـنـاغـم لحـنـهـا إزرع ورود الحب بالوان واشكال فى منزلـك تحصـد حسانـى ثمنهـا الاولـه بالنـفـس والــروح والـبـال تضفى على نفسك و يشـرح بدنهـا و لزوجتـك ورد مـن الـفـل مـيـال مـيـال بـاشـواق الـمــوده رسـنـهـا تعيش العمر مسرور ياطيب الفـال تسعـد و يسعـد مـن يعيـش بوطنهـا |
بمناسبة فوز نادي الهلال السعودي ببطولة الدوري والكأس للعام 1428 - 1429 هـ
مبـروك يـا نـادى الهـلال البطـولـه مبروك يا نادى الذهب والبطـولات كل الجماهير اهتفـوا و صفقـوا لـه حيث البطل يبقى براس الطويـلات هـذا الزعيـم ازرق ومنهـو يطولـه شف بالسماء رمزه بعيد المسافـات خلفه رجـال ولـه مواقـف رجولـه رجـال تعمـل لجلـه بكـل الاوقــات لا مـا يغيـب بكـل صولـه و جولـه دايـم مـع التتويـج يرقـا المنـصـات يشـهـد لــه التـاريـخ كـلــن يـقـولـه ياما سطر لـه بالدواويـن صفحـات خصمه الا مـن قابلـه ضـاع زولـه يفقد فنون اللعب و تجيـه حسـرات ينتـابـه إربــاك و تصيـبـه خمـولـه يطلب طبيب النفس هات العلاجات علـه يحـث الـروح يـوم نزلـوا لـه ويشجع قلـوب بهـا عشـر رجفـات والموج ما يرحم خصوم عنـوا لـه يختل و يرسم هجمة القول رفعات مبـروك يـا نـادى الهـلال البطـولـه مبروك يا نادى الذهب والبطـولات كل الجماهير اهتفـوا و صفقـوا لـه حيث البطل يبقى براس الطويـلات |
المرجله ماهي سواليف وعلوم
المرجلـة مـا هـي سوالـيـف وعـلـوم يشـيـن وجـــه الـــلاش وإلا يـزيـنـي الـلاش مـن كسـب المناعيـر محـروم مالـه عـلـى كـسـب الجمـايـل يديـنـي الحـر حـر مـا يوصّـف عـلـى الـبـوم الـبـوم مــا تـقـنـص بـــه الجايعـيـنـي الحر يا هل العرف مشـري ومسيـوم والـبـوم مــا يـشـرى بـربـع الثميـنـي والرجل له في الضيق همات وعزوم وإلا الـــردي متـخـفـي مـــا يـبـيـنـي الرجـل فـي كـل المواجـيـب مـلـزوم مـواقـفـه تـبـقـى مـواقــف رزيــنــي الـرجـل جعـلـه دايــم بـعــز ويـــدوم وإلا الــردي جعـلـه يلـحَـف بطـيـنـي لا لا تغـرك كشخـة البـشـت وهــدوم الـرجـل بافعـالـه عـلـى كــل حـيـنـى ولا يثـمـن مظـهـره أمـــس و الـيــوم قـد قالـهـا الـلـى هــم لـهـا خابريـنـي بيت الشرف ما هوب يالربـع مهـدوم لــو حــاول الـرديـان سـاسـه متيـنـي |
ياطايـر الاشـواق وصـل سـلامـى
يــم الحبـيـب الـلــى بـعـيـد عـلـيـه الصاحـب اللـى لـه بقلبـى مقـامـى عينـى عـلـى شوفـتـه دايــم شهـيـه مشتاق لـه ياطيـر والشـوق حامـى الشـوق مشعـل فـى فـوادى شظيـه والعـيـن مشقيـهـا قلـيـل المـنـامـى مـا طـاب نومـك يالعـيـون الشقـيـه سلـم لـه المكتـوب واذكـر كلامـى أذكـر لـه اوضاعـى تـراهـا أسـيـه هـو غايتـى يبقـى و يبقـى مرامـى ما أرضـى بدالـه لـو تخيلـت زيـه الروح ترخص له ولو هى عدامى لـجـلــه أقـدمـهــا لـعـيـنـه هــديــه لـه الغـلا بالقلـب شامـخ و سـامـى سـاسـه مـتـيـن والـثـوابـت قـويــه حبه سطـا بـى و شاغلـن اهتمامـى مفـتـون بــه راع الـخـدود الـنـديـه حـالـى سقـيـم و بايـنـات عظـامـى البـعـد مشقيـنـى و حـالــى رديـــه أحـب مـن صـوب بقلبـى سهـامـى الـلـى كــوا بالقـلـب ملـيـون كـيــه ليتـه قريـب مـن خـوال و عمامـى واسعد بقربـه كـل صبـح و عشيـه وجدى على خلـى وخلـى غرامـى قلـبـى و قلـبـه فــى عـنـاق سـويـه يالله تجـمـعـنـى بــبــدر الـتـمـامـى يــا عـالـم مــا بالـصـدور الخـفـيـه وافـرح انـا ويـاه مـع كــل زامــى وتمـوت عـدوانـى و أهــل الاذيــه |
مالي سواك أرجيه في كل حزات
ابـدا بذكـرك يـا عظـيـم الجـلالـى يالخالـق البـارى بديـع السـمـوات الخافـض الرافـع رفيـع و عـالـى الواحـد المعبـود جـزل العطـيـات أرجيـك ياربـى علـى كـل حـالـى مالى سواك ارجيه فى كل حزات إ تعيـن و تثبـت علـى الديـن بالـى و تقبـل دعايـه يامجيـب الدعـوات و تصلح لى النيه و تقبـل سؤالـى أدعيه رب البيت في كل الاوقـات وتكـيـد عـدوانـى واهــل النـذالـى اللـى لهـم بالهمـز واللـمـز نـيـات وتحفظ لسانى عـن كثيـر الزلالـى أعوذ من شـر الهـروج المـزلات تــرا البـنـادم لــه ذنــوب ثـقـالـى اوزار يحملـهـا حـمـول ثـقـيـلات النـفـس أمــاره بـســوء الفـعـالـى دايـم هواهـا يطـرب لكـل مشـهـاة |
بنــــي صــهــيـــــون
أعلنـوهـا حـرابـه صبـرنـا مــا يفـيـد الـعـدو ا يتـطـاول بينـنـا مـــا أخـتـفـا حربـة دمهـا يقـطـر وفــارس شهـيـد في سبيـل الكرامـه والشـرف والوفـا حربـة تقهـر الخصـم اللعـيـن العنـيـد لو يحالف بني صهيـون عشـر احلفـا مـع جنـود الحجـاره كـل يــوم تـزيـد ترعب أعدأ العروبه في يدين اشرفـا لـو تبـيـد الحـجـاره شعبـنـا مــا يبـيـد باعتـقـالـه وقـتـلـه عــمــد وإلا نــفــا عـزلٍ ضامنيـن إشـراق نصـر أكـيـد بالـدمـاء الطـاهـره وايمانـهـم يعـرفـا إبـن صهيـون يقذفـهـم بـنـار وحـديـد في المساجد وفي المنزل سطا ما كفا التغـطـرس طبيـعـه يهـتـويـه ويـعـيـد بالتعنـصـر وبـالإرهـاب قــد صـنـفـا مــا ينـفـذ قــرار ولا يـهـمـه شـريــد يـتـحـدى قـــرارت الأمـــم عـجـرفـا اليهـودي تـرى مـا هـو عــدو جـديـد غــادرٍ يطـعـن الاســلام طعـنـة قـفـا في وطنا دخيل وصـار شوكـة وريـد فـات وقـت التجـاوز والتخـاذل كـفـا |
لا تعتذر ما عــاد تنفعــك الاعـــذار
لا تعتـذر مـاعـاد تنفـعـك الاعــذار خـلاص يالمـزيـون حـبـك نسيـنـاه مـا عـاد بالخاطـر لـكـم أي تـذكـار تذكـاركـم هـديـت سـاسـه و مبـنـاه مالـى بحبـك وأنـت خايـن و غـدار درب الغـدر يازيـن مـا قـد مشينـاه أخلصت لك بالحب ياشمعـة الـدار واهديـت لـك قلبـى وحبـك شرينـاه لرضاك عانيـت المشقـه والامـرار من شان من نهوى ومن شان عينـاه كنت الأمل عندى وانا كلى إصرار أحضـى بعـشـوقٍ ٍ بـذاتـه عشقـنـاه واليوم لا والله لـو صـار مـا صـار قلبـى سمـح مـن كـان عينـى تمـنـاه أعطانـى إنـذار وانـا عطيتـه انـذار إنــذار مكـتـوب بسبـبـكـم عطـيـنـاه الحـب لــه لـلـى يعـرفـون مـقـدار ماهـو تسلـي يـا هـوى مـن هوينـاه حبك كشفته عقب ما جات الاخبار إ نـزاح و إسـدل الستـار و كشفنـاه دور على غيرى من اشكالك كثـار يامـا مثـل شـرواك عشـنـا وشفـنـاه عفتك وعافك قلب محـروق بالنـار لا واحسايـف وقتنـا اللـى قضيـنـاه |
يا بــعــد عــمــري وحـــالــــي ،،،
حبيبى يا بعـد عمـرى و حالـى يا غايـة مبتغـاى اللـى عسيـره رسمت آمال يا صعب المنالـى أعيـش العمـر وآمالـى كثـيـره لعـل الـقـاك واشـوفـك قبـالـى اعبـر لـك عـن اشـواقٍ مثـيـره حبيبـى بغيبـتـك يـامـا جـرالـى عيونـى هلـت ادمـوع غـزيـره عليل وصايب النفـس اعتلالـى سقيم الحال واوضاعى خطيره أحبك ياهـوى روحـى و بالـى احبـك يامنـى القلـب وخشيـره أحبك وانـت رجـواى ومثالـى احبـك يـا شـذا الـورد وعبيـره أحبك وانـت عنـدى دوم غالـى يا اغـلا مـن حياتـى والعشيـره أخايـل طيفكـم لا مـن طـرالـى ابـد مـا فـارق العيـن السهـيـره يسليـنـى و انــا سـاهـر ليـالـى اليـن اصبـح ونيرانـى سعـيـره لـذيـذ الـنـوم مــا يــومٍ هنـالـى نهبـت القلـب ياللـى مستعـيـره |
يا ناس انا اللى ضايق و محتاس
و الـحـال مـتـكـدر و زعـلانــى الصـدر مهمـومٍ و بـه وســواس والدمـع سايـل فــوق الاوجـانـى خلـى نـوا لـى بالهجـر يـا نـاس وانــا بـحــب الـزيــن هيـمـانـى حـبــه تملـكـنـى بـــلا مـقـيــاس بيـن الضلـوع مـأسـس أركـانـى ما كنت اظن الغـدر لـه نومـاس عنـد الـذى شـانـه عـلـى شـانـى كان القريـب وكـان لـى نبـراس كـان الأمـل لـو كـان مــا كـانـى راع الهـوى قلبـه تـرى حسـاس يـتـعــذب و بـالـحـيـل حـنــانــى لو كنت مخطـى فالأمـر لابـاس ا بأعـتـذر لــه دامـــى الـجـانـى أجـيـه و اقبّـلـه فـــوق الـــراس ا ستسمـحـه مـدعـوج الاعيـانـى اللى حصل هرجِ ولا لـه سـاس كلـمـه رمـاهـا بـعـض عـدوانـى معـقـول خـلـي يسـمـع الـبـلاس نـــاس عـــواذل كـذبـهـا بــانــى نــاس تسـيـر ومشيـهـا بعـكـاس تعمـل علـى التزييـف ياخـوانـي قلبـى ضحـيـة عاذلـيـن انـجـاس حسـبـى عليـهـم كــل الاحيـانـي |
حبيـب قلبـى و عينـى غايـة مـرادى
يا عمـري اللـي هويـت وكـم تمنيتـه حبـك بقلـبـى كثـيـر و زاد بـزيـادى سطـا بقلبـى وانـا بـالـروح ضميـتـه الشـوق شاعـل بقلبـى نــار وقــادى لهيـبـهـا بالضـمـايـر أنـــت شبـيـتـه نارك حبيبى تصالـى داخـل فـوادى ملكـت قلبـى و بالهـجـران جازيـتـه عزّاه حالي كمـا اللـى تايـه وغـادى عِـزّاه ذقـت العنـاء والـحـال عنّيـتـه أطرّي إسمك الا من جيت بـآ نـادى أسمّي اسمك علـى مـن كـان ناديتـه دايـم خيالـك يجينـى ساعـة رقــادى قـدام عينـى و انــا بـروحـي تبنيـتـه النوم عفته وعفت الشرب والـزادى حالى سقيـم وعنـا اللوعـات قاسيتـه هدّيـت لوعـة فـوادى ميـر مـافـادى هاضت جروحه علي من يوم هديته كانـك تغـلا حبيـبـى يكـفـى عـنـادى يكفـى غيابـك عـذاب البـعـد عانيـتـه متـى تكـرم علينـا يـابـن الاجــوادي إعطف على من بنار الحب صاليتـه أخشـى عـواذل تفرقـنـا و حـسـادى اللـي لشمـل الهـوى تسعـى لتشتيتـه أخلفت وعدك وانا ما خلفت ميعادى إ ذكـر حبيـب يحبـك وأنــت حبيـتـه إذكـر زمـان مضـى ياليـت ينـعـادى يوم المواصـل معـي مـا يـوم خليتـه أرجو حنانك علي يا سيد الاسيـادى عليـك دمعـى علـى الاوجـان هليتـه حبيـب قلبـى و عينـى غايـة مـرادى يا عمـري اللـي هويـت وكـم تمنيتـه |
ياروح روحى بعدك البال مشغول
والقلـب ملـتـاعٍ وزادت جـروحـه قلبى خذيته معك حامـل ومحمـول مشتاق لك يا حب شامخ صروحه العين تسألنى عن اسبـاب وحلـول جاوبتـهـا بـدمــعٍ تـزايــد مـلـوحـه ياحّول من حظ النـدم منـه ياحّـول دايــم يعانـدنـي بـجـيّـه و روحـــه مالي جـدا ياكـود آسايـره و اقـول ممنون يا حظي و منـك السموحـه معقول غاب اللـى هوينـاه معقـول وانـا متيـم بــه وروحــي بـروحـه البعد طال ولا وصل منه مرسـول مشتـاق يـا غايـة منـاي و طموحـه مقوى فراقك وانت يازيـن مسـؤل عن عاشـق نفسـه عليكـم جموحـه أفنى حياته بالهـوى لجـل مجمـول قلبـه يعانـي لجلـك و فـاح فـوحـه أهداك عمره ميرماشاف محصول غير التعب و جهـاد نفـس نزوحـه إ ذكر كلامك يالغضي يومك تقول أنت الحبيب اللي سحرنـى ببوحـه يوم المواصل بيننـا كـان موصـول إذكـر سواليفـك و ذيـك المزوحـه ياروح روحى بعدك البال مشغول والقلـب ملـتـاعٍ وزادت جـروحـه |
لوآآ هني اللي من الحـــب ســـالـي
لا واهـنـي الـلـى مــن الـحــب سـالــى مـتـريــح بــالــه ولا عــــاش بـهــمــوم قـلـبـه سـلـيـم مـــن سـهــوم و نـبـالــي عـايـش و متهـنـي ولاهــوب مـحــروم مـاهـوب مـحـرومٍ مــن عـيـون غـالــى ولا طــرا لــه بالـهـوى عـلـم و عـلــوم مـاهـوب مثـلـي بـــس سـاهــر لـيـالـي أعـانـى الـلـوعـات و احـسّّــب نـجــوم باسـبـاب مــن جـالــه بقـلـبـى مـجـالـي غــروٍ حسـيـن الــدل والنـهـد مـزمــوم ريـــان عــــوده والـجـدايــل طــوالــي هاف الحشى والخصر ضامى ومهظوم والعـيـن مــن رمـشـه علـيـهـا ظـلالــي لا رف بأدنـى العـيـن صابـتـك بسـهـوم حـبــه تـمـكـن بـــي و سـاكــن بـبـالــي و انــا بـحــب الـزيــن مـانــي بمـلـيـوم نـصـف الشـهـر بــان القـمـر بالعـلالـي متكـامـل بـــدره ولـــو حـولــه اغـيــوم و تــال الـشـهـر يـبــدا يـعــود هـلالــي مـذكـور و حسـابـه مـــدرس ومـعـلـوم وانــا حبيـبـى بــدر فـــي كـــل حـالــي مـا يختلـف بـدره ولــو حـالـت اعـقـوم مــــا يـنـحـسـب بحـسـابـنـا أو يـبـالــي ولا يعتـرف بحـسـاب تـاريـخ و رقــوم حـبـيــب قـلـبــى كــامـــل بـالـجـمـالـي مـالـه مثـيـل بـيــن الاشـــوام والـــروم نـجـديــة الـمـنـشـأ وتـــــاج الـكـمـالــي مـن سـاس عربـان لهـم صيـت وسـلـوم يـامـا مــن المـحـبـوب شـــي جـرالــي حيـرنـي الظـالـم وانـــا مـنــه مـظـلـوم مــدرى غـيـابـه لـيــه طّـــول وطـالــي انـــا مــــن الـمـزيــون والله مــصــدوم أرجــوك يـــا خـلــي تـلـطـف بـحـالـي مـا للهجــر معـنـى ولا هــوب مفـهـوم لــك مـــدة مـــا بـــان مـنــك اتـصـالـي ولا وصلـنـي مـنـك يــا زيــن مـرسـوم مــا قــد هــوى قلـبـي لغـيـرك ومـالـي أنـت الوحيـد اللـي لـه القـلـب مـجـزوم يـــا غـايــة آمـالــي ويـــا راس مـالــي لا غبـت محشـومٍ والا جـيـت محـشـوم |
اليوم انا مبسوط والبـال مرتـاح
خذْت القرار اللـى يريّـح فـوادى قرار لا رجعه ولا لعـب ومـزاح صادر ومرسوم عليـه اعتمـادى خلاص من درب الغرابيل وجراح عزلت من درب الهوى والنكـادى دشيت فى بحـره ولانيـب سبـاح خذتنى امواجـه بعنـف وعنـادى انا على الخفرات من قبل منسـاح حب العفاف اعطيه عندى مبـادى واليوم انا محتاط بحصون وسـلاح متيقضٍ قلبى علـى كـل عـادى ياما بدربه تهت وارخصت الارواح و ياما بدربه نلت ضيم وهجـادى ياما كوّن قلبـى مزاييـن ومـلاح شبّو به النيران واصبـح رمـادى أتعبت حالى بالسهر لين الاصبـاح عايش و كني تايه الفكـر غـادى لا نهج متصافى ولا خـل نصـاح ولا صـدوق بالتصافـي ينـادى إبسوقهن ماشفت مـردود واربـاح اسلوبهن بيـع الهـوى بالمـزادى خلاص من درب الغرابيل وجراح عزلت من درب الهوى والنكـادى |
ياناس انـا قلبـى مـن الحـب ملتـاع
و العـيـن مشقيـهـا قلـيـل المنـامـي اسهر طوال الليـل والنـاس هجـاع تسرح بي الافكار مـع كـل زامـي ما كنت اعرف الحب للرجل لواع ولا عرفت انه على القلـب حامـي الا بعـد مـا شفـت مـن كــان دلاع يمشي و يرمي بالعيـون السهامـي هافـى الحشـا والعـود ميـال ميـاع تحتـار مـا بيـنـه و بــدر التمـامـي مدعـوجـة العينـيـن والـخـد لـمـاع لمـاع لـو يجلـس بوسـط الظلامـي ريم الفلا مـا شفـت مثلـه بالانـواع ولا وصف وصفه فصيح الكلامى اليوم انا منصاب بسهـوم واوجـاع اسهـوم مرميـات مـن كـان رامـي هيمان محتار بهوى زيـن الاطبـاع متـكـدرٍ و اخـتـل عـنـدى نظـامـي اشغلني التفكيـر والقلـب مـا طـاع ما طاع يسـلا حـب راع الزمامـي ياناس انـا قلبـى مـن الحـب ملتـاع و العـيـن مشقيـهـا قلـيـل المنـامـي |
تقليد بعض الناس للناس مكشوف
تقليد بعـض النـاس للنـاس مكشـوف مكشـوف نهجـه لـو يحـاول يغطـيـه عميان عين ويحسب الناس ماتشوف ماهـوب يـدرى ويـن دربــه مـوديـه غشيـم مايقـوى علـى بــدع مـألـوف مجهـود غيـره ينسـخـه ثــم يسـويـه الصنـف هـذا مبتـلا بطـبـع ملـفـوف الله يعافـيـنـا و عـســى الله يشـافـيـه عقله صغير وماله احساس معروف إضعيـف نفـس وتايـهٍ فـي مسـاريـه لفت النظـر دزيتـه برسـم وحـروف عـلـه يثمـنـهـا و عـسـاهـا تصـحـيـه مالى ومال اللـى خـذا طبـع ملقـوف ممشـاي يكـرم عـن نـبـاه ومماشـيـه لكن بلاني فـى مواضيـع وضـروف مـا لـوم نفسـى لـو مسكـنـا علابـيـه موقفـه والله يالربـع صـار مكسـوف إن كان به بعض الحياء ليـت يحييـه للتـالـيـه يـافــلان مـنـتـه بـمـكـلـوف لـكـن حـظـك عـاثــرٍ يـــوم تـرمـيـه |
إستغربَت كلمتى يوم قلت انـا احبـك
و تبسّمـت لـى و قالـت لا تجاملـنـي قالت كلامـك بـدا ياسعـود مـن قلبـك ولاّ لبعـض الغـزل تبـغـى تسمعـنـى جاوبتها يالغضى ما تخاف من ربـك قلبـى معـك مـآخـذه ياسـارقـه مـنـي قلبى أسيرٍ معـك مرهـون فـى حبـك عـايـش بلـيـاه يــا لـيـتـك تسـاعـدنـي ياليت أبقى معك و اعيش فـى قربـك مـادام قلبـى معـك يـا زيـن إرحمنـي انـا بحبـك غـريـق الـحـال متشـربـك شبكتـنـى بالعـيـون الـلـى تنـاظـرنـي أنت المنى والأمل أهواك واحلم بـك ياغايتـى بالحـيـاة أرجــوك تفهمـنـي نهج الوفا و الصفا هـو طبّـي وطبـك دام الهدف واحد و ظنك علـى ظنـي يازين لجلك زرعت الورد فى دربك لـو كـان كـل الزهـر مـنـك يغـارنـي بالحـب ماقـد طـرا فـى بالـى العبّـك عهدي وثيقٍ معك بس أنـت عاهدنـي |
عزي لمن قلبـه مـن الحـب ذايـب
متـولـع بــراع العـيـون الوسيـعـه ريـمٍ حسيـن الـدل سـيـد الحبـايـب خــدٍ و قــدٍ و المـحـاسـن بـديـعـه اللـى بهـجـره زاد بــي العطـايـب الـروح بـا سبابـه تراهـا صريـعـه خلـي بقلبـي شــب فـيـه اللهايــب نــارٍ سنـاهـا بالضـمـايـر شنـيـعـه يازيـن خـاف الله ويــش السبـايـب مالك على الهجران عذر وذريعـه بـا سبابكـم يازيـن شفـت العجايـب عـذبـت قلـبـى يــا شـتـاه وربيـعـه حبيبـي اللـى مـن كـبـار النسـايـب اللـى لهـم صيـتٍ وهـامـه رفيـعـه أهل الهوى يشكون ضـده طلايـب على قضاة العشق و اهل الشريعه من شـاف خلـى زاد فيـه العقايـب لـو كـان خـلـى مـاشـي بالطبيـعـه يمشـى بحـالـه والعـوالـم نشـايـب ذولا مصـاويـبٍ و ذولا جـزيـعـه وانا من اللى مستصيـبٍ وصايـب رمانـى المـزيـون رمـيـه سريـعـه ياليـت مـا شفتـه بـذيـك الركـايـب و ياليـت ريعـي مـا تلاقـى بريعـه أنـا عليـل اليـوم والــراس شـايـب ضاقت على حالى فجـوجٍ وسيعـه قلبى بحب البيـض ماهـوب تايـب عجزت من عذله و نفسـى تطيعـه ياناس قولوا له ترى الحال عايـب علّـه يواصلنـي و ينسـى القطيعـه |
قلبـى تولـع فـي هـوى حـب مزيـون
ريـمٍ حسيـن الـدل مـا شـفـت حلـيـاه قلبـى بحـبـه هـايـم و صــار مفـتـون متعـلـقٍ قلـبـى عـلـى شـبَـاك مـرمـاه ياغصـن مـوز ناعـسٍ يمشـي بـهـون محـلا حبيبـي لـو تشـوفـون ممـشـاه فيـه الـحـلا والــذوق متـعـدد الـلـون ما تحصي اوصافه شواعيـر و رواه ابــو جـديـلٍ نـاثـره فـــوق الـمـتـون و الخـد مثـل البـرق والمـوت بشفـاه رعبوب محبوب النبا و داعج عيـون هـو غايـة المطلـوب للقـلـب و مـنـاه روحي وقلبـى والعقـل منـه يشكـون والحـال متكـدر و انـا اقــول ويــلاه ويــلاه يــا قـلـبٍ تـعـنّـى و مـغـبـون علـى حبيـبٍ غــاب وشـلـون ابلـقـاه ما شيف . له شهرٍ مضى أو يزيدون مدري علام الزين يا نـاس وش جـاه عنـي حبيبـى غــاب يالـربـع تكـفـون شيـروا علـى اللـى هـام قلبـه وعنـاه يـوم الحبيـب الـلـي هويـنـاه بجـنـون نسـى العهـود الـلـى تعـاهـدت ويــاه وشـلـون انـــا بـنـسـاه بالله وشـلــون والقلـب مــا ظـنـي ولا يــوم يـسـلاه |
قصيده مهداه الى الفنانه (احلام)
إذا تبـي تسمـع وتطـرب بالالـحـان أحـلام هـي للفـن أصـلـه وسـاسـه هي . مالها نـدٍ علـى مـر الازمـان فـريــدةٍ مـــن نـوعـهـا والسـيـاسـه الحانهـا عذبـة علـى كــل الالــوان إ تسمعـك مــن كــل لــون بقيـاسـه الصوت بلبل شاديٍ فوق الاغصان فـي ساعـةٍ فيهـا الفـرح و الوناسـه يشرح لها الخاطر ولو كان زعلان وبداخـل الاشجـان تـرفـع حمـاسـه مسكيـن مـن سـمّـى بنفـسـه بفـنـان يـا ليـت عنـد أحـلام يآخـذ دراســه أحـلام حلـم الفـن ظاهـر للاعـيـان بأبـهـا حللها رائـعــه فـــي لـبـاسـه غلطـان مـن يبغـى ينافسـك غلطـان صعـبٍ علـيـه إن يعتـلـي للرئـاسـه الفـن يشهـد لـك علـى كـل عـنـوان ويقـول راس أحـلام تاجـي مقاسـه يرعاك ربـك مـن أذى كـل شيطـان ومن سعى في كـل شـر وحساسـه وختامـهـا مـنـي تحـيـه و عـرفــان وهـذي شهـادة مـا عليـهـا دسـاسـه |
اشوف بعض الناس منـى تهـرّب
لا جيت بالمجلس على غير ميعاد كن الوضع بيني و بينـه مكهـرب لا شافـنـي قــام يتـعـذر لـلافــراد يقول ابمشـى لجـل وقتـى مقـرب عنـدي دوام الصبـح تعبـان بزيـاد مدرى علامه صار نهجه مغـرب مثـل الـذى يجفـا و لاهــوب وداد كـان الخطـا منـي عليهـم تـسـرب من غير قصد فالعـذر جـاه منقـاد وان كـان بـه علـم علينـا مـجـرب لا عاد يومن كان نحسبهـم اجـواد مانى على طـرد المقفيـن اطـرب ولا خبـرت النفـس للـنـاس تنـقـاد ما يحسَب المعقول مثل المخـرب ولا الـذى مفتـون بالهـرج قـصـاد هذا جوابـى شاهـد بكـل مضـرب العذر منكم ياهـل الجـود وامجـاد |
عينـي علـى شـوف الحبايـب شقيّـه
و القلـب مـن فرقـا حبيـبـى يعـانـي حبيبـى اللـى غـاب و أبطـى علـيّـه ياليـت يـدرى بغيبتـه ويــش جـانـي نسـى جـروحٍ فـى فــؤادى طـريـه زوّد على جرح الهوى جرح ثانـي حبيـبـي الـلـى كــان مـنّـي و لـيــه حبيبـى اللـي فيـه لطـف و حنـانـي اللـي شبيـه الريـم و إسـمـه سِمـيـه اللـى بوسـط القلـب جـالـه مكـانـي وش غيّـر المـزيـون طبـعـه كـذيـه ما قد خبرت الزيـن قاسـي وجانـي عــزي لقـلـبٍ فـيــه مـلـيـون كـيــه والجوف تصلا به لواهـب ضيانـي مـا عـاد أميّـز بيـن صبـح و عشيـه حتى الزمان أجهل مسـار الزمانـي ولا عاد لـي روحـه ولا عـاد جيـه أعانـي الساعـات وأحسـب ثـوانـي تسـرح بـي الأفكـار و آخـذ شـويـه و اشوف نفسي فالخبَر رحت كاني يـا مـن يـوصـلّ لــه رسـالـه نـديـه فيهـا العـتـب يـبـدا بصيـغـة بيـانـي ايضا طلب وايضاح ويـش القضيـه منهـو بــدا والـلـى بــري ومـدانـي يكسب جزا المعروف والأجر فيـه و يجـيـب رد الـلـى بحـبـه بـلانــي |
مسكيـن راع الهـوى متـردىٍ حالـه
دايم وطيف الهـوى والشـوق يلعبـه دايم مزاجه حزيـن و مشغلـن بالـه الشـوق نـاره بوسـط القلـب مشتبـه شوقـه لخلـه يزيـد بـزود كـل مالـه يشتاق لـو كـان خلـه جالـس بجنبـه له في حياته أمل يشقى ويسعى لـه يبذل جهـودٍ كثيـره لجـل يظفـر بـه قلبه مع اللى يريد و رايد و صالـه معشوقه اللى سلب تفكيـره و حبـه هـو غايتـه والمنـى يهـواه بـلحـالـه يوم الأمل غايـبٍ عـن عينـه وقلبـه مـا يستمـع للوشـاة و قــول عـذالـه مـا همّـه الا هـواه اللـى تـولـع بــه عزي لـراع الهـوى يانـاس عزالـه حاله صعيـبٍ علـي يالله تلطـف بـه عسـاه يلقـى السعـد و يحقـق آمالـه و يلقى بحياته فرح من ربى و ربه |
باسباب هاك النهـار إتنكـدت حالـي
من جيت ذاك المكان اللـى تناسيتـه عكّـر عليّـه مزاجـى وانشغـل بالـي من يوم شفته مع الشـارع و مريتـه دارٍ قديمه لمن هـو كـان لـي غالـي يـوم كـان بيتـي قريـب امقابـل بيتـه أخذت ساعه وانا فى شارعه سالي أتذكـر ايـامـي الـلـي مـعـه قضيـتـه من شفت بابه عتيـق وفيـه الاقفالـي وقـفــت عـنــده تأمـلـتـه و حـنـيـتـه كنّا و كنّا و صار الحـال لـه حالـي أصبـح زمـانٍ مـن الماضـي تمنيتـه يا عين شوفي سبب ماجاله وجالـي شوفـى سبايـب دموعـك يـوم هليتـه هـذاك شباكـه الـلـى درفـتـه مـالـي ياما نظر لـى معـه كـل مـا تحريتـه كنـا نطـالـع و ننـشـد كــل الآمـالـي على التصافى مصافيني و صافيتـه واليوم دار الغضي متهالك و خالي يا وقت وشبك كذا ويش أنت سويته ما كن به ناس عاشت فيه واجيالـي يالـيـت وقـتـه يـعـود الـيـوم يالـيـتـه |
ياليتـنـى يـانــاس مـــا يـــوم حـبـيـت
ولا عـرفـت الـحـب والـلـى يحـبـون اتنـكـدت حـالـى وانـــا مـــا تهـنـيـت اشكي عـذاب الحـب ياللـى تعرفـون طبيـت فـي بـحـره و يالـيـت سمـيـت طبيـت بأعمـاقـه مــع الـلـى يطـبـون أثره شبيه لساكب الماء علـى الزيـت يحـرق فـؤادٍ هـام فـي حـب مـزيـون دربـه عسـر و يفتـت القـلـب تفتـيـت والـروح يعسفهـا غرابيـل و شجـون شفت الأمل لهـل الهـوى عنـد ياليـت حياتهـم لوعـات و أحــلام و ظـنـون الـكـل منـهـم فــى دعـاويـه تشـتـيـت غنـى علـى ليـلاه بـاكـي و مـحـزون ما عاد لي بالنوم وان نمت ما ابطيت كنى صويب يشكي جروح و طعـون حزين . نومـى صـار هـم و تناهيـت تسرح بـى الأفكـار و الحـال مغبـون من قبل انا باهـل الهـوى كـم تهزيـت أضحك على اللى قال بالحب مجنون عز الله ان فـي مـا انـا قلـت أخطيـت أخطيـت فالمبـدا وفـي كـل مضمـون و ياليتـنـى يـانـاس مــا يــوم حـبـيـت ولا عـرفـت الـحـب والـلـى يحـبـون |
| الساعة الآن 02:39 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية