جروح العمر 07-03-2011 09:25 PM ديوان الشاعر/محمدبن لعبون   يا علي صحت بالصوت الرفيع يـا مـرة لا تذبيـن القنـاع يا علي عندكم صفرا صنيـع سنها يا علـي وقـم الربـاع نشتري يا علي كانـك تبيـع بالعمر مير مـا ظنـي تبـاع شاقني يا علي قمرا و ربيـع يوم انا آمر وكل امري مطاع يوم اهلنا و اهل مـي جميـع نازلين علـى جـال الرفـاع ضحكتي بينهم و انـا رضيـع ما سوت بكيتي يـوم الـوداع هم بروني و انا عودي رفيـع يا علي مثل ما يبرى اليـراع طوعوني و انا ما كنت اطيـع و غلبوني و انا ظفر شجـاع وجد عيني على ظبـي تليـع عندكم كن فـي خـده شمـاع شيبتني و انـا تـوي رضيـع جاهل تو في سـن الرضـاع سايمن الهوى يـا مـن يبيـع سايمن الهوى لاهـل الرفـاع و انت يا لايمن جعلك تضيـع ما تماري بها مثـل الشعـاع ودي اسلاه و الكـون الفنيـع سلوتي يا علي مـا تستطـاع دون مي الظبي وام الوضيـع و الثعالب و تربيـع الشـراع

جروح العمر 07-04-2011 02:15 AM غاب القمر وانتحى الغيـوب واتنـى الحبيـب ولا جانـي طقيت باب علـى الرعبـوب اشرف من السطح نـا بانـي قال انتزح مجلسك مقضـوب فـي رفـة البيـت عـدوان اطلب عسى اهل الحسد غيوب صــم وبـكـم وعمـيـان واطلب عسى منيتي محبـوب احظـى بمدعـوج الاعيـان كل ما انتوي يا مـلا ابتـوب لا قانـي الزيـن واغوانـي

جروح العمر 07-04-2011 02:16 AM حي المنازل شمال الكـوت تحيـة الريـم حـواشـه منازلٍ يـا فهـد وبيـوت مداهل الحـص وقماشـه عرايبٍ حسنهـن منعـوت وعزي لمن هيضن جاشـه طرادهن ما يذوق القـوت وعينه عن النوم منحاشـه وتمر في كل عصر وتفوت تضحك وهي عاد غشاشه أطلب عسى يا ملا ما موت إلا على شرشـف فراشـه

جروح العمر 07-04-2011 02:18 AM حَي المنازل جنوب السيـف مِمتـدة الطـول مصفوفـه امشِي على زينهـا واقيـف في حبها الـروح مشفوفـه دار الخدم والكرم والضيف دار المناعيـر معـروفـه دار العجب والطرب والكيف والانـس والفـن ودفوفـه علمي بها من ليالي الصيف يوم البخـت ناشـرٍ نوفـه أيام حظي يقـص السيـف يشرب من المـي بكفوفـه يا دار ربعي عساك الريف ترتـع جوازيـه وخشوفـه لي فيك غصن يهيف يعِيف محبتـي فـيـه مخلـوفـه مثل عظيم البها مـا شيـف مهـرة وزيـرٍ ومعسوفـه ما شوف منه لفى تعريـف يا وجد عيني علـى شوفـه ليته يجيني ولـو بالطيـف وتفارق القلب هـا اللوفـه

جروح العمر 07-04-2011 02:28 AM قالـت فريجَـه لـورقٍ نـاح يـا مَــالْ ســلاَّل الأرْواحِ يالورق عَطْني هَـواك وشَـاح واعطيك طَوقـي و مِسباحِـي لَي عاد وَصل الغَريـم سفـاح ودمُـوع الاعْـيَـان سـفَّـاحِ خِذ ما صفَا لك تـرى الأرْوَاح يَسْـري عَلَيـهـا و يِـنـزاحِ ابر القلـم وادْنِ لـي وضّـاح واكتب من القيـل مـا لاحـي واكتب لعين الغضـي مـا لاح قيـلٍ كمـا نظـم مسبـاحـي مـن كوكـبٍ يفـرق السبّـاح مـا ينـزحـه دون ميّـاحـي سَاعَـة وصّـالٍ وأنـا شفَّـاح تِـهـبّ هَـبَّـات الاريــاحِ أنـا عَويـنٍ ولـك نَـصّـاح بالغـي مـا نَــابْ مَــزَّاحِ أصبِح واخَلِّي الهَوى مِسـراح وامْسي عَلـى مَـي مِرواحـي عمهُوجـةٍ جِيدهـا وَضَّــاح والخَد مِثـل القُمَـر صاحِـي قَضَيت بيـن الهـوى مـزَّاح مـا فـات مَعهِـن بَالافـراحِ أسْهَـر إليـن الفَجـر ينبـاح وارقد إلى اكبر ضَّحى الضَّاحي ولا هَقَيت الوَلَـع يـا صـاح يطـرَّنِـي طَــرَّةَ اَلْـحـاحِ إلاَّ انت يالورق مـا تِنْصَـاح فَانَـا عَلـى البّـاب مَــدَّاحِ فتَحـت قفْـلٍ بـلا مِفـتـاح وأنــا للَـقْـفـال فـتّــاحِ ضَيفٍ عنا لـك يِريِـد مْـراح يـا عِنـق ريميَّـة الضَاحِـي قالت مـلاوي عَلـى مـا راح يـا مَــالْ ســلاَّل الأرْواحِ

جروح العمر 07-04-2011 02:29 AM ألا يا بـارقٍ يوضـي جناحـه شمـالٍ وأبعـد الخـلان عنّـي علـى دارٍ بشرقـيّ البـراحـه أقفرت مـا بهـا كـود الهَبَنِّـي لَكِنْ بْها عُقـب ذيـك الشَّراحـه إلـى مرَّيـت بسـم الله جِنّـي يفـز القلـب فيهـا للصباحـه إلـى قامـت حمامتهـا تغنـي توصّينـي لا هلهـا بالنِّيـاحـه يعود إن الحمامـة خيْـر مِنّـي وأنا إن كان لي بالنـوح راحـه فانا بانوح دهـري مـا أونّـي وترى الهم والسلـوى نصاحـه ولا تسليـن سوانـي أو مـنّـي وأنا ما نيـب مثلـك بالوقاحـه على ذا الطوف طرْبٍ وامتهنـي ولا رجعـت فـن فـي براحـه على نبنوب غصـنٍ مَرْجحَنّـي وقالـت جامـعٍ كـل الشراحـه ولا انت بسامعٍ ذا الصوت منّـي ومثلك يدّعـي زايـد فصاحـه وطريح الغَـيْ لا رمتـه يوِنّـي أبات اللّيل في رجـوا صباحـه وادق من النِّـدَمْ بالعـود سنـي على فقـدي لغـزلان الملاحـه طويـلات المعانـق واسفهنـي ولا ثوبي غدا يطـرخ اشلاحـه يـدق القـاع ردنـه و متثنـي ولا أردح جزت من ذيك الرداحه عقب خبرك ليالٍ لـي مضنـي عليهم صار في خـدي قراحـه من الفرقا وشفني ويـش كنـي وقالت من مشى مثلـك بساحـه وحاله حال مـن كثـر التغنـي وفي بحر الهوى يسبح سباحـه كثر شربه ولا هـوب امتهنـي أو من فتق أفتـوقٍ بالفصاحـه وعرض مذهبه شيعـي و سنـي أو من خلى البني بكـل ساحـه يخفقـن الدفـوف بكـل فـنـي أنا ولا أنت يامن فـي مزاحـه يعرضني المنـى بـي بالتمنـي قلـت لهـا ودمعـي بانسفاحـه سقا السفـح مـن ذاك المغنـي عسى من كاذب يكسـر جناحـه ولا يحضـى بحبـه و التمنـي فساد الغي ردك عـن صلاحـه وأنساك الثنـى لاهـل التثنـي وأهل ذيك اللطافـه والسماحـه رعا الله عيشهن يامـا رعنـي ولكن يوم صبري منـك ماحـه أعنادك لي وقصـدك تمتحنـي فقوم وشوف لونـي كالمحاحـه وأهل هالقيل ما يحكـون عنـي فعاد اليوم لومـك لـي قباحـه وضنك بالهوى أخـلاف ضنـي على الله الهدى يامـن صلاحـه إلى جنت بنات الشـوق حنـي حديثه بالهوى تروى اصحاحـه ضعيفات النسايـم بـي ترنـي عن الضحاك عن مبسم أقاحـه عن البراق عن ثغـره رونـي حبيبـي كلمـا هبـت ارياحـه سفى للريح نـوج ضـاع منـي

جروح العمر 07-04-2011 02:30 AM قال الـذي هَيِّضَـه رعْبُـوبْ حـط الجفـا دُوبـهْ ودوبـي مَيَّاس لاَهْل الهـوى محْبـوُبْ هرجه عجاريـف و عجُـوبِ خَدهْ سـواة الفَنَـرْ مَشْبُـوبْ شِفْتهْ ضَحَى مر من صوبـي وَالجِيدْ جِيـد المهـا مَسْلـوُبْ والعين يـا عيـن الاشبُـوبِ يمشي دَلَعْ بوش بَـس بْثُـوبْ وخيُولهـا تلْعـبْ الجْـوبِـي مَدْلُولْ فـي حِجِّتـه مَكتُـوبْ يا أهل الهَوى لا تفـادوا بـي خَلَّتْنِي اركـض لهـا والُـوبْ مثـل المهيبِـيـل واهـوبـي حَطَّتْ من النوم والمشـرُوبْ مثـل البـزازيـن بعيُـوبـي ومن الوصل ما قِضَتْ لي نُوبْ ومن السّقـمْ فَصَّلَـتْ ثوبِـي يالايمي صدهـا مـا هُـوبْ رمــح اتْلَـقّـاه بِجنُـوبِـي صَبْري لبلواي صَبْـر أيـوبْ وأحزانـي أحـزان يَعْقُـوبِ فإن كان يَحْسِبْ علي ذنـوبْ بوصال غيـره فـان أتُـوبِ وان قال شيخٍ فانـا محسُـوبْ عـبـدٍ لعيناتـهـا نُـوبـي الطَّالِب أرْهَى من المطْلُـوبْ ومـغـالـب الله مَـغْـلُـوبِ

جروح العمر 07-04-2011 02:31 AM نح ياحمام الهوى بسجـوع يا من يسومه وانـا بيعـه ما فيك كود العنا و فجـوع وقرور قلبـي و تصديعـه ياعلى ذالي شهر واسبـوع الطم كمـا تلطـم الشيعـه راعى الهوى زايده مقطوع قلبـه معـلـق بشريـعـه دُونكْ ثْوَيبي مِزوع مْـزُوع فتـق ظفـوري بترقيعـه راعي الهوى دايمٍ مسبـوع بالليـل تكثـر سعاسِيعـه وجدي على الجادل المربوع اللي خـذ القلـب تفجيعـه أمني على شوفته و امـوع والنفـس فيهـا طميميعـه وخِْديدْ مَي يشـع اشعـوع مثل القمـر فـي ترابيعـه تغريك في قولهـا كعكـوع حمر الخواتـم باصابيعـه قلب الخطا يا على مطبوع بالصدر تخفـق بترميعـه

جروح العمر 07-04-2011 02:33 AM ذا حِس طارٍ او ضميـرك خفوقـهْ يدقّ به مـن نـازح البيـن دَقَّـاق الحيّ هُو حيـك وطابـت وفوقـهْ والدار هي دارك وهذيك الاسـواق يا عبيد خل اللـي تشكـل بسوقـهْ شيخٍ وهو عبـدٍ يذكـر بالاعمـاق يا قلب وان كانت علومك صدوقـهْ بينك وبين الـدار عهـدٍ وميثـاق شرواك ينشد عن مغانـي تروقـهْ حيثك محـبٍّ للمغانـي ومشتـاق تذكر بها عيش مضى مـا تذوقـهْ يا عونة الله يـوم تقسيـم الارزاق إلا ولـك فيهـا مقـامٍ طـروقـهْ يا عبيد لبسك ناعم الشاش ورقـاق العبـد عبـدٍ هافيـاتٍ عمـوقـهْ ان جاع باق عمومته وان شبع ماق والحـرّ حـرٍّ يرفعنـه سبـوقـهْ والبوم يلعي بين الاَسـواقْ خفـاق بع بالهجير وصـال حـيٍّ تشوقـهْ دارٍ عساهـا للـرزايـا بتيـفـاق دار الثنـا للـي بهـا والمعـوقـهْ لو هي عن الدولة على سبعة احواق دارٍ بهـا الوالـد كثيـرٍ عقـوقـهْ واللي يعقونـه مصليـن الاشـراق راعي الوفا منهـم عميلـه يبوقـهْ تلقـاه حـلافٍ مهيـنٍ و مــلاق بأركانها المستور ضاعت حقوقـهْ وحقوق داني الجد جت له بالاوفاق يمسي عريب الخال فيهـا و نوقـهْ ترعى من الوجلا بها نور الاشفاق يغدي صبوحه في جباهـا غبوقـهْ في نازح البيدا من الـلال رقـراق كم جر مصقـول النمايـم بسوقـهْ عليك لبـقٍ فـي منابـاه ورقـاق دون العشايـر هافيـاتٍ عروقـهْ والفعل ما يعتاض به طيرة الغـاق ما بيـن شقـاقٍ ورافـي شقوقـهْ وشمات مخلوقٍ وعصيـان خـلاق تلقى بهـا هـذا علـى ذا يسوقـهْ الله يعزك و الخوانـدات بزحـاق يامـال هطـالٍ صـدُوقٍ حقوقـهْ يشبه كما ليلٍ على صبـحٍ انسـاق ياضي كما حرب النصارى بروقـهْ يطرب له البهلول منهـم ويشتـاق يفتل نـداف الطهـا مـن طبوقـهْ مثل النعام ان ذارهـن زول تفـاق ترفـا مريضـات النسايـم فتوقـهْ لجبٍ عسى ما فـي نوِيـه بتيفـاق تسوقه الغربـي والأخـرى تعوقـهْ مترادفٍ مبناه طـاقٍ علـى طـاق يفتر عن مثـل الدحاريـج موقـهْ أربع ليالٍ مدلجـاتٍ علـى سـاق وخامس تشوف الدار و الثلج فوقـهْ مثل السرير مجلـلٍ عـاد بـرواق تلقى العذارى حسرٍ فـي صفوقـهْ ياضي لميع خدودهن مثل الاوراق بين الطموح وبين من شاف شوقـهْ صرعى بها من غير خمرٍ وترياق تسمع بذا زَجرْ الملك في صعوقـهْ قضى القضا وَالتَّفت السَّاق بالسَّـاق عمت مغاني لاهـيٍ فـي فْسُوقـهْ يظنها خِضْر بن دابيل و اسحـاق رواد بهُمْ مـا رادْ بيضـا سحُوقـهْ من طولها تمضي على سبعه اطباق منشي الخيال الى غشى في شروقه ْ يحـده اللاهـب ويغويـه بـراق كل النجيـب وكـل مالـه يسوقـهْ وكل العقب ومن بغا الطيب ما ماق واللي يرى ضد الوفـا مـا يذوقـهْ يدق به مـن نـازح البيـن دقـاق

جروح العمر 07-04-2011 02:34 AM يا منازل مي عن قبـة حسـن من يسار وعن قبر طلحة يمين في ربوع كـل مافيهـا حسـن في ديار كـل مافيهـا حسيـن غربـن شموسهـا واغلنطسـن موحشات ما يبات بهـا اميـن ساريات كنهـن الـى ارجسـن بالمدامع دافنـات بهـا جنيـن ما دريت ان العـذارى يلبسـن ثوب دال خالطه نـون وسيـن دار مي يـوم مـي لـي تسـن سنةالعشاق عونـك يـا عويـن دارهـا يـوم الازار مورسـن والخصر مشغول والسروال جين ظبية القناص في صبح ومسا(ن) درة الغـواص مشراهـا ثميـن تسحب القيلات من فوق اطلسن الهوى ميـال ورداهـا خنيـن يوم حظي جالس له مجلسـا(ن) مهتني بوصال صافيـة الجبيـن غنجة العينين والخـد الحسـن والقوام ان قام عـود الياسميـن كم عذلني في هواها من لسـن حاسـد بالغـي حـلاف مهيـن بادرنـي بالملامـة وجلـسـن عند راسي كالخضاري له ونين عاذلاتي فـي هواهـا ويخسـن هالخبز ماهوب من ذاك العجين اطلقت يمنـاي ملـوي الرسـن وبعدت بوصالنا غبـر السنيـن هبت رياح الحبايـب نسنسـن في ربوع كان ماتذرى الطحين ونشدنـي بالعنـا يـوم افلسـن ربما لي او عسى لي او قميـن واحمد الله يـوم ردن واختسـن والثـنـا لله رب العالـمـيـن

جروح العمر 07-04-2011 02:35 AM حي المنازل تحيـة عيـن لمصافح النـوم سهرانـه والاَّ تحيـة غريـم الديـن معسـر ووافـاه ديـانـه منزل فريد البهـا والزيـن عطبول مكحولـة اعيانـه ودي بنسيانها ومـن ايـن ينسـى محمـد لخـلانـه اطيع انا في هـواه اثنيـن سلطـان قلبـي وشيطانـه اتبع هواها من اين إلى اين واحظى بشوفه ورضوانـه وابغضت الادنين والاقصين واحببت قومه على شانـه يالايمي به شويـن شويـن ديـان قلبـي وديـوانـه ما شفت برقٍ سري ما بين ذيـك الحواجـب بليوانـه وما ذقت مابي رماك البين بيـن شفتيهـا و برهانـه ومجدَّلاتٍ علـى المتنيـن سافات خانه علـى خانـه والبطن والخصر والنهدين والعنق والعيـن وأوجانـه والورك والساق والفخذيـن من بينهـن فلقـة الدانـه ولا دعاك الولـع ياشيـن دعـوى المـدوه لظميانـه وين اشتكى ما دهاني وين مشـكـاي لله سبحـانـه واقول يا أهل الهوي عزين ما قـال محسـن لعثمانـه

جروح العمر 07-04-2011 02:36 AM يا منازل مي في ذيك الحـزوم قبلة الفيحا وشرق عـن سنـام في سراب عن جوانبها يحـوم طافحات مثل خبز فـي يـدام ما بكت فيها من الفرقى غيـوم من نظير العين الا عن غـرام من هموم في قلوب في جسـوم في بيوت في ديار فـي عـدام دار مي يوم مي لي تقوم قومة المامـوم مـن خلـف الامـام يوم مي تحسب الدنيـا تـدوم وان عجـات الصبـا دوم دوام في نعيم تحسبـه لزمـا لـزوم مثل منزلنا على (ديم الخـزام) يوم هي توريك خد به وشـوم يفضح البراق في جنح الظـلام كنه القنديل بالزيـت مخـدوم شبتـه داياتهـا عنـد المنـام داعجات غانجات لـو تـروم كنهن في كنهن بيـض النعـام والهواوي من هواهن محـروم غير وصل لا حلال و لا حرام يا سنين لي مضت مثل الحلوم كنهن في دار ابن عـوام عـام عل غريم الشوق يشبع منك يوم شبعة المسكين بايـام الصـرام او تلمين الشمـل لـم الهـدوم يا ليالي السعد عـودن بالتمـام قالت اللي فات ماهـو بمعلـوم ردته لك وانت سالم والسـلام

جروح العمر 07-04-2011 02:37 AM بالنعاثـل مرنـي طفـل يسيـر ثم علـى درب المفيـرق شفنـاه ثم قفـى ليـن خلانـي حسيـر حسبه الله مايخـاف مـن الالـه لبسه الماهـود وثيـاب الحريـر والمبيسم بالدجـا يوضـى سنـاه لو يجي عباس باشا مـا يسيـر والشريف حسين سير مـن وراه سائلـك بالله يـا طيـر تطيـر لين عرض الحيد وقع في جبـاه وان مشى كنه يوطي له حصيـر ومن الغوى يا طا على ردن العباة كن يزوي القلب كالـوب قصيـر والتمنـي مـا نفـع لـو قلتنـاه

جروح العمر 07-04-2011 02:38 AM حمام يا للـي علـى نبنـوب فـى شيلـه الفـن بيطـاره بالله عليك انحـر الرعبـوب واسجـع بفـن عـلـى داره وان قال وش لك من المطلوب قل لـه مـن الولـف زواره الى تبسـم حسيـن الـذوب حـص فلـق عنـه محـاره خده كما بارق مـن صـوب والا كمـا فـرغ جـمـارة والردف نابي يشيـل الثـوب ينسـف كمـا شـد طـواره

جروح العمر 07-04-2011 02:40 AM ما طرق فوق الورق يا بن جلـق زور كف فـوق كـف مـا يليـق كلما هب الهـوى لـه واصطفـق حملـه بفراقهـم مـا لا يطـيـق حته المضنون بـه حـت الـورق من شفا روحه عليهم في مضيـق تنتحـي رايـات حربـه وانخنـق مع نظير العين في طـق وطقيـق ادعتـه غمـس الليالـي مطـرق للعدو وان مر في ثـوب الصديـق لو رموها بالحرق عقـب الغـرق ما سلت يا ابن جلق عن ذا الطريق فيه مصروف الغواني لـو مـرق رايـح يطّـاف بالبيـت العتيـق طايـر عاقـه مقـاديـر التـفـق بالهوى واليوم يـا نعـم الرفيـق اسأل الأطلال عن سـود الحـدق حيث علمك بالطلـل علـم وثيـق ما عليك إن خلـت بـراق بـرق من ثنايا دار أهـل وادي العقيـق قانيـات العاسهـن مثـل الدنـق زرقـة واجيـاد تلعـات عنـيـق محصنـات مـا علقهـن الـدبـق ما كشف غراتهن كـود الابريـق لفتـة العـزلان وبطـون السلـق والمعارف من خوافي ريش هيـق شايـلات مثـل شيشـات العـرق ناعمـات والخمـر خمـر عتيـق خيلهن تشربك يـا حلـو المـرق جيشهن ياكلـك بالخبـز الرقيـق كنهن ياطن على اطبـاق الزلـق إن علاه الطل أو نوض الطريـق ميسـرات بالتمـانـي والـجـوق كنهـن للـي برجواهـن شفـيـق دوحة البرهـام وظـلال الغـوق من قعد في ظلهن مـا فـك ريـق راكبات في طبـق عالـي طبـق من زعانيف الهوى قلبـي خفيـق رحت الومه في هواهـن وانطلـق مدمع له سال مـن بحـر عميـق ضارباته فـي عصاهـن وانفلـق كل فـرق ظـل كالطـود العتيـق اترعن كاس الهوى لـي واندفـق كاس عذري الهوى راعي الحريق غـرد الحـادي بصوتـه بالبلـق ينهم الاضعـان عجـلات اللحيـق يا رحي يُلهـى لهـا كـف الفلـق دارهـا الافـلاك والدنيـا دقيـق ناشت العربـان والشمـل افتـرق في فريق حال مـن دونـه فريـق شتـت الخـلان وادعتهـم طقـق ركبة الماشـوم لحصـان سبيـق سيـف غـارات الليالـي ونذلـق مغفر السلطان وخـوٍ لـه شقيـق

جروح العمر 07-04-2011 02:41 AM ياذا الحمام اللي سجع بلحـون وشبك علـى عينـي تبكيهـا ذكرتني عصر مضى وفنـون قبلـك دروب الغـي ناسيهـا أهلـي يلومونـي ولا يـدرون والنار تحرق رجـل واطيهـا لا تطري الفرقى على المحزون ما أدانى أنا الفرقى وطاريهـا أربع بناجرفـى يـد المجمـو تـوه ضحـي العيـد شاريهـا أنا اشهد انه كامـل و مزيـون مثل البدر سنا الليل شارع فيها يامن يياصرنـي انـا مفتـون الـروح فيهـا الـذي فيـهـا يامن يعاونـي علـى الغليـون والدلـة الصفـراء مركيـهـا سته بناجر وأربعـه يزهـون وان اقبلـت فالنـور غاشيهـا أبو هيا طـرب يشيـل فنـون مـا ثمـن الدنيـا و طاريهـا

جروح العمر 07-04-2011 02:43 AM ألا يابارق يوضـي جناحـه شمال وابعد الخـلان عنـي علـى دار بشـرق البراحـة تمخلت ما بها كـود الهبنـي لكن بها عقب ذيك الشراحـة الى مريت باسـم الله جنـي يفز القلـب فيهـا للصباحـة الى قامـت حمامتهـا تغنـي صفقت براحة من فوق راحة يعود ان الحمامة خير منـي وانا ان كان لي بالنوح راحة فانا ابنوح دهري مـا اونـي وانا مانيب مثلـك بالوقاحـة على الطاروق طرب ومتهني ولا روجعت فن في براحـة على نبنوب غصن مرجهـن وقالت جامع كـل الشراحـة ولاانت بسامع ذا الصوت مني ومثلك يدعي زايـد فصاحـه وطريح الغي لازمتـه يـون ابات الليل في رجوا صباحه وادق من الندم بالعود سنـي ولا ثوبي غدا يطرخ شلاحـه يدق القـاع ردنـه ومتثنـي عليهم صار خدي به قراحـه من الفرقى وشفني ويش كني

جروح العمر 07-04-2011 02:44 AM سقى صوب الحيا مـزن تهامـى علـى قبـر بتلعـات الحـجـاز يعط بهـا البختـري والخزامـى وترتع فيـه طفـلات الجـوازي وغنى راعبيـات الحمامـا علـى ذيـك المشـاريـف الـنـوازي صلاة الله منـي والسلامـا علـى مـن فـيـه بالغـفـران فــاز عفيف الجيب مـا داس الملامـى ولا وقف على طـرق المخـازي عذولـي بـه عنـود مـا يرامـا ثقيـل مـن ثفيـلات الـمـراز أبـو زرق علـى خـده علامـا تحلاهـا كمـا نقـش بـغـازي عليـه قلـوب عشاقـه ترامـى تكسـر مثـل تكسيـر الـقـزاز ألا يا ويل من جفنه على ما مضى لـه مـن لذيـذ النـوم قــازي تكدر ما صفا يا ما ويامـا صفـا لـي مـن تدانيهـا المـجـازي ومن قلبـه إلـى هـب الولامـا يجرونـه علـى مثـل الخـراز ليالـي مشربـي صفـو المدامـا وثوب الغـي منقـوش الطـراز مضى بوصلهـا خمسـة عوامـا وعشـر كنهـن حـزاة حـازي بفقـدي لـه ووجـدي والغرامـا تعلمـت النيـاحـة والتـعـازي وصرت بوحشة من ريـم رامـا ومن فرقاه مثـل الخـاز بـازي عذولـي فـي هواهـا بالملامـا يعزيني وانـا مـا نيـب عـازي وكل البيـض عقبـه لـو تسامـا فلا والله تسـوى اليـوم غـازي سلينـا لا حـلال ولا حـرامـا عليهـن الطـلاق بـلا جـوازي حيـاة الشـوق فيهـا والهيـامـا وجعـد فـوق منبـوز العجـازي وخـد تـم بـه بـدر التمـامـا وقـد مـنـه يهـتـز اهـتـزاز فـلا ابـي عقبهـا زاد ولا مـا وجزت من الهوى والغي جـازي وخضت بحـور ليعـات تطامـى خلاف الخل ما ادري وين ابا ازي نكيف الهـم فـي قلبـي ترامـى وجيش البين بالغـزوان غـازي أريده وانكسـر كسـر السلامـى بسيف جرّده مـا هـوب هـازي على بخت الدهـر ليتـه تعامـى وخلاهـا وليتـه مـا يــوازي وليتي مـا حكيـت بهـا ويامـا بكيت لهـا وفـي قلبـي حـزاز اظــل هـايـم دوم دوامـــا همومـي فيـه تنحـاز انحيـاز أبـاح الله يـا مــن بالمـلامـا يسلـم يـوم تـرزاه الــروازي اسـلَّـم لــه ولا رد السـلامـا عزيـز مـن عزيـزات عـزاز وصـلاة الله مـنـي والسـلامـا علـى قبـر بتلعـات الحـجـاز

الساعة الآن 04:32 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية