صفحة 1 من 2 1 2 > عرض 40 مشاركات من هذا الموضوع لكل صفحة

غزلان 09-21-2015 05:16 AM ديوان الشاعر الأسير   الشاعر الأسير " فايق عبدالجليل " ... السلام عليكم و رحمة الله و بركاته .... الشاعر فايق عبدالجليل من مواليد دولة الكويت 5/5/1948م وهو متزوج ولديه ولد واربع بنات بدأ حياته رساماً ثم اتجه الى كتابة الشعر وقد صدر له ديوان في عام 1967م بعنوان وسمية وسنابل الطفولة وصدر له بعد ذلك العديد من الدواويين الشعرية وقد اتجه الى كتابة الاغنية وحقق انتشاراً واسعاً وغنى له كبار الفنانين ... و من اشهر قصائده المغناة :... " المعازيم " يوم أقبلت .. صوّت لها جرحي القديم يوم أقبلت .. طرنا لها انا و شوقي و النسيم و عيونها .. آه آه عين لمحتني و شهقت .. و عين احضنت عيني و بكت يا فرحتي .. الحظ الليلة كريم .. محبوبتي معزومة من ضمن المعازيم في زحمة الناس صعبة حالتي .. فجأة اختلف لوني و ضاعت خطوتي مثلي وقفت .. تلمس جروحي و حيرتي بعيد وقفت .. و أنا بعيد بلهفتي محد عرف شاللي حصل .. محد لمس مثلي الأمل كل ابتسامة مهاجرة جت و رجعت لشفتي .. كل الدروب الضايعة منى .. تنادي خطوتي و يا رحلة الغربة .. وداعا رحلتي .. و يا فرحتي .. الحظ الليلة كريم .. محبوبتي معزومة من ضمن المعازيم .. يا عـــيـــون الكون غضي بالنظر .. اتركينا اثنين عين تحكي لعين .. اتركينا الشوق ما خلى حذر .. بلا خوف بنلتقي .. و بلا حيرة بنلتقي بألتقي في عيونها .. و عيونها أحلى وطن و كل الأمان .. و يا فرحتي .. الحظ الليلة كريم .. محبوبتي معزومة من ضمن المعازيم

غزلان 09-21-2015 05:17 AM " عطشان " عطشان اسمع يا نهر .. عمر الصحاري و الجفا .. عمري انا ما مر على عمري مطر .. عطشان لدموع الشتا .. مشتاق للون الخضر صبري عزف .. صبري نزف أنا النخيل و أنا ارتجافات السعف ناديتك بصوت العطش شلال صوتي ياللي ما تسمع نشف ... شوقي لوح لك وقف .. ترابي لوح لك وقف منين أرتوي .. و الدنيا صحرا و بس !! .. النار تحتي و فوقي عين الشمس .. الشتا بالصيف اختفى و الغيم ما عنده وفا و أنا العطش بيتي .. و نسيمي عاصفه قصيدة غناها الفنان عبادي الجوهر ...

غزلان 09-21-2015 05:18 AM سالفة صمتي ... يلاحقني الورق .. تاخذني هموم الوقت من وقتي اسكت و السكوت انتِ أحاول و الحلول انتِ شسولفلك .. و انتِ سالفة صمتي بسمرت الشفايف .. بين صمت و صمت تحديت الزمن .. حتى نساني الوقت خطيتك على الاصرار .. على التكرار و شلتك في سكوت الحب .. حبيبة آخر المشوار حبي فوق تعريفي .. حبي فوق تحريفك و تحريفي و أنا ملزوم اتصبّر نسيانك ماهو بكيفي و عيونك نجوم الليل .. و كل الليل في صيفي

غزلان 09-21-2015 05:19 AM أحارب عالم عيونك أحارب ينكسر سيفي أبحر فيك يا حلوة .. تغرقني مجاديفي أنا بصحرا سكوتي انتحر وحدي أعاني الصمت أعاني الخوف أعاني وجدك و وجدي بهاجر من جديد أبدي بحارب بالجمر بردي بأصمم أوفي في وعدي أصمم أحكي ما عندي و لما يرتفع صوتي .. أحس حتى الورق ضدي أنا المقسوم للسكتة .. أنا المقسوم أنا العايش .. أنا المعدوم أنا غيمة مطر .. و أنا العطش كل يوم كنت آكل من أشعاري

غزلان 09-21-2015 05:20 AM كنت أشرب من أشعاري و كنت أعزم على المقسوم كنت أتعاطى هم الناس كان بيتي بيوت الناس و ياما بدفتر بيوتي ..طاردني السهر و النوم و ياما بليلي ضاع الليل .. في سكة قمر مهموم و ياما بشعري و أشعاري .. غفت ياما كثير نجوم أمشي في شوارع ليل ..غريب حتى عن ثيابي غريب حتى عن احساسي .. عن اعجابي أضيع في غربة الألوان .. أسير الصمت و أعصابي أضيع تحت المطر غابة .. ارفضتني أصغر أعشابي أضيع مثل الطفل في البر .. حزن الليل ألعابي أمشي .. أمشي .. طول الليل الماضي يوقفني الذكرى تصادفني

غزلان 09-21-2015 05:21 AM أمشي .. أمشي .. طول الليل تتعب مني أتعابي أمشي .. أمشي .. طول الليل يبكي دربي و ترابي أنا أوّل شجر .. أغصانه ممنوعه أنا أوّل شجر .. يشرب من دموعه يهاجر ظلي من تحتي ..

غزلان 09-21-2015 05:22 AM يترك صوتي حنجرتي تصير السكتة مشروعه و بين الهجرة و الهجرة .. يموت الحب من جوعه و تبكي خطوة عيوني تبكي .. تبكي .. مخدوعه أحاول أمشي و أتردّد جميع دروبي مقطوعه

غزلان 09-21-2015 05:22 AM ... وهـــــم ... وهم .. كل المواعيد وهم تعب .. كل المواعيد تعب بإسم الحب .. بإسم الشوق مأساتي معاكِ تزيد .. و أتم بعيد .. و تتم بعيد .. و أتم مثل الحزن .. أنطر سحابة عيد ..

غزلان 09-21-2015 05:23 AM أجي ملهوف .. ملهوف عطش .. تحت المطر ملهوف .. وقتي يطوف .. لوني ضايع و مخطوف .. يضيع الشارع بصمتي .. و صمت الانتظار سيوف ..

غزلان 09-21-2015 05:24 AM و كل ما مر .. وهم صوبي .. أقول انتي .. اكذبت العيون .. و الموعد وهم ألم كل ساعة و كل لحظه ألم وين عيون حبتني .. و منتني .. و قالت لي نعم .. تلاشت فرحتي .. و تاهت خطوتي .. و حلمي كبير .. كبير .. في لحظة انهدم ..

غزلان 09-21-2015 05:25 AM (اتحدااك ) اتحداك إذا تقدر تخاصمني اتحداك ما تقدر تخاصمني ولا أقدر أنا انساك اتحداك

غزلان 09-21-2015 05:25 AM في عيونك أشوف أشواق تكلمني تقول لا يمكن أنت في يوم تخاصمني وسطورك لما تبعثها بحنين وحب تذوّب كل شيء بيننا

غزلان 09-21-2015 05:27 AM يصد الحب وتتحدى الزمن بالشوق مثل ما انا اتحداك تقول انساك وانت اللي قضيت جنبي ليالي ما عرفها الحب من قبلك ومن قبلي

غزلان 09-21-2015 05:28 AM تقول انساك وانت اللي تعيش الحب في عيوني ومن اجلي ماتقدر تخاصمني ولا اقدر انا انساك اتحداك.

غزلان 09-21-2015 05:28 AM لذة الاصرار حبيبى اختار لاتنهار اعصابك لاتنهار اعترف بالسر..قول للناس من حقنا نحب ونعيش رغم الكون والاقدار انت النبض فى شوقى انت الدم فى عروقى انت انسان خلق عمرى وخلا لحظتى اعمار وانا من غير حبك

غزلان 09-21-2015 05:29 AM ريشه فى تيار ومعاك انته يموت الفرق... بين الشوك والازهار وينبت فى حزن قلبى فرح واشعار انا وانت يمكن يوم نروح عند القمر زوار ونكتب فوق اشجاره سوالفنا

غزلان 09-21-2015 05:30 AM ونزرع سطحه وضلوعه هوى واسرار اوقف ارحم اعصابك ارحمنى من الافكار لاتتركنى دمعة حب على ساحل هواك احتار تعال نعلنها ثورة حب تعال نذوق مره لذة الاصرار

غزلان 09-21-2015 05:30 AM نساي ... و انت الهوى بالنسبه لي و الماي اسمع أنا صوتك و لا تسمع نداي اشهق أنا باسمك ... و اشتاق له و انت معاي اكتب على سمعي أغاني اكتب و اغنيك .. حيرتني و احترت أنا فيك

غزلان 09-21-2015 05:31 AM تزعل بلا أسباب ... و تعاند و أراضيك بكل حالاتك أبيك .. بكل زلاتك أبيك حبـيـبـي انت ... و الا العذاب انت و الا الفرح انت ... مدري وش أسميك نساي

غزلان 09-21-2015 05:32 AM تغيب و الدنيا معاك تغيب تقطع خيوط الشمس عني و يصبح العالم كئيب و أصبحت أنا لوحدي على ... أرضك غريب ما تكتفي من غربتي

غزلان 09-21-2015 05:33 AM ما تكتفي من حيرتي الله كم انت عجيب .. الصمت دايم لعبتك الصمت احيان رهيب

غزلان 09-21-2015 05:33 AM ..:: آخـــر زيـــارة ::.. آخر زياره .. حسيت في آخر زياره .. شي بعيونك مختلف و شي بحديثك مختلف حتى سكوتك مختلف كنت بشكوك .. و شفت الحقيقه في عيونك .. .. تعترف ..

غزلان 09-21-2015 05:35 AM موقف غريب .. موقف أبد .. ما ينوصف وين الكلام .. وين الحراره في السلام .. كبـــيرالفرق ما بين أول لقا .. و آخر زياره مدري شقول ياحب خانتني العباره .. مدري شقول .. و الحر تكفيه الإشاره ..

غزلان 09-21-2015 05:37 AM كل شي حبيته .. في بيتك نساني الهدوء .. الليل .. الصمت .. الأغاني حتى لون الورد .. و الفرحه .. و مكاني داهمتني الغربه .. ليتني ماجيت .. ليتني .. رديت .. حزني .. غرّب ضحكتي .. لساني ضيّع كلمتي حسيت بالياس .. و مشيت كنت بشكوك .. و شفت الحقيقه .. في عيونك .. تعترف ..

غزلان 09-21-2015 05:37 AM ... عاشق قديم ... جريح جريح .. و اللي علمني المشي علمني أطيح و اللي شراني بالذهب .. رد باعني للريح عاشق قديم

غزلان 09-21-2015 05:38 AM عاشق صريح اسألوا نوم الشوارع .. تحت أجفان المصابيح و اسألوا البرد و الشمس و الريح اسألوا .. صبري اللي سويته مفاتيح اسألوا يمكن قوافي الشوق .. مني تستريح يمكن الصمت اللي ساكني .. يغافلني و يصيح

غزلان 09-21-2015 05:39 AM جريح .. جريح .. جريح درايش الديرة عيوني .. عيوني نواطير عيوني ألم غافي عيوني ألم صاحي و عيوني في الغربة أطيرهم .. عصافير مجروح و عيونك ضماد مجروح و عيونك بلاد يا موسم النار بحياتي و الرماد يا موسم النور بحياتي و السواد مكتوب في بحرك يمر السندباد مكتوب اسمك للربيع و للحصاد

غزلان 09-21-2015 05:41 AM يا خضرة .. يا صفرة .. يا حمرة .. يا مشغولة بالطفرة سمعت اسمك غنى عصفور على سدره قريت اسمك... قبل ما اكتب و اقرا و أنا عاشق .. عاشق .. عاشق الرملة أنا بعدي طفل في شارع الذكرى أحبك دمعة صيفية أحبك و اسألي الأهداب أحبك صحرا عطشانه تحلم بالمطر .. يسأل عن الأعشاب كتبت اسمك .. على ضلوع السدر و الماي

غزلان 09-21-2015 05:42 AM طار اسمك غاب .. و غاب و لقيت اسمك ... عصفورة سكنت الأهداب أنا دمعة ارهنتني الغربة .. في عيون المرافي حبيبة عمري رذاذ المطر .. في ليل غافي عرفتك صارت السكتة قوافي عرفتك صارت الدنيا .. حقيقة و اكتشافي

غزلان 09-21-2015 05:43 AM و صار لون السما أزرق لون صافي .. صار حتى الورد يشرب من جفافي و صار حتى الشتا .. دافي صدقيني هذا واقع .. سجلي هذا اعترافي

غزلان 09-21-2015 05:43 AM ملّينا غناوي الحزن ملّينا**مسحنا في الدموع أجمل أمانينا ----------------------- طريق الحب بعيد مجهول .. بعيد في دنيا مجهوله ارجع لا تحاول فيه بكوا كل اللي راحوا له هذا الحب ... قصة مسطرة بالشوك و الأشواق هذا الحب ياما عذّب العشاق

غزلان 09-21-2015 05:45 AM الزمان اللي عرفنا كان عنيد و أقسى من الحرمان خذانا للفرح مره .. و عشر مرات للأحزان ضيّعنا بدروب الليل .. ذوّقنا الألم و الويل فاني .. و حياتي كلمه تتألم .. على لساني ما تدري .. بيدينك أنا من صغري سجاره .. و روحي .. دخاني معاك انت ... ابتدا عمري و معاك انت ... انتهى أمري يا أقوى قدر موجود يا قسوة بدون حدود يا أكبر من النسيان

غزلان 09-21-2015 05:46 AM أنا بعيد .. بعيد وحدي معلّق في سما الأوهام ينام الليل في عيوني .. و عيوني ما تحب تنام سهرانه مع صوره .. مع كلمات .. مع أحلام

غزلان 09-21-2015 05:47 AM صناديقي .. أسراري .. بلا مفتاح ما اتعب .. و لا أشكي .. و لا أرتاح و اللي يوصل أسواري يحس اني بسبع أرواح جرّبت الصبر .. و الصبر جرّبني و عرفت أشياء .. و كثير أشياء فاتتني

غزلان 09-21-2015 05:47 AM أنا في حزن الجدايل منطفي أنا في ليل العيون السود .. عايش مكتفي ياللي تأثيرك خفي ياللي مفهومك خفي اتركيني شراع في البحر الخفي و انقذيني من تراثي العاطفي افتحي دفتر حياتي .. اكتبي نزّليني عن مداري و كوكبي هذي شباك الصيد .. هذا مركبي هذي أدراجي افتحيها و مكتبي

غزلان 09-21-2015 05:49 AM حاوريني بلغة الأعصاب .. يالله عصّبي كلميني بالفصيح العربي انقذيني من جنوني العاطفي انقذيني من تراثي العاطفي ظلالك يتعب أهدابي سكوتك شرّد أعصابي داهميني كسّري أخشاب بابي فتّشي بيتي .. و سراب الماضي .. في بيتي الضبابي فتّشي الأزهار .. و الأعشاب فتّشي كل شي زرعته في ترابي فتّشي أيام عمري فتّشي ساعات صبري و اعزليني عن عذابي ضيعتني دروب آلاف المطابع و اتهمتني عيون .. و عيون و أصابع اركض و يسبقني صوتي في الشوارع في الشوارع .. في الشوارع سكتة .. سكته في الشوارع اتبعتني السكته .. كم سكته أصارع معجزة .. يا معجزة .. ماقدر أتابع يا زمان المعجزات .. ارجع و طالع ريحة عطر

غزلان 09-21-2015 05:51 AM ريحة أوراق و شعر ريحة كلامي المختفي تحت السطر ريحة كلامي اللي يعطرني و يفر شعر .. شعر .. كنت ضايع .. ضيعة الألوان في الألوان ضيعة النسيان في النسيان ضيعة الضحكة بصدر مفتوح للأحزان كان عمري .. درب خالي درب موحش درب ما منه أمان و كنت شاعر حب .. مقطوع اللسان نسيتيني .... منهو جاب لك طاري منهو وصّل أخباري نسيتيني .. مثل ما تنسى الأمطار الصحاري نسيتيني .. دمعة فيّ في عز الظهاري و عيوني معلّقه عيوني على رمش انتظاري حزين الشوق و كلامي هاجر لساني و قلبي قلب

غزلان 09-21-2015 05:52 AM قلبي دفتر أحزاني .. من مينا إلى مينا .. مواني الدنيا عنواني هارب من كتاباتي و تواريخي أدوّر سيف نسياني وين ما أروح حبك قمره و أنا الليل وين ما أروح القمره .. القمره تلقاني اركض و انت كل الأرض أغرق و انت ماي الحظ يا حظي اللي بكاني قلبي يوم مات في لحظة ولادة حلمي سافر من وسادة الى وسادة و انكتب حلمي على كل الدفاتر صار حكمة .. صار عادة حكمة الأحلام حكمة

غزلان 09-21-2015 05:54 AM كل سطر منها يبيله ألف كلمة ألف شاعر ينسى اسمه ألف نوتة .. ألف نغمة .. حكمة الأحلام حكمة و نهمة النهام نهمة و حلمي وايد صعب رسمه منهو فينا صاد نسمه منهو فينا .. باسته في الليل نجمة خلنا اخوان هوانا كان .. ساعة من شهر نيسان سفينة و البحر سكران لوحة و المطر ألوان قصة كانت و معنى .. و هذا اليوم فوق الرف لا معنى و لا عنوان ما أقدر أوضح لك ما أقدر أقول أكثر في لساني الكلام يموت و في عيوني الهوى تابوت خلنا اخوان .. خلنا اخوان .. أحبك .. أهواك

غزلان 09-21-2015 05:56 AM كلام كنا نقوله سنين أنا ويّاك هوانا مغبر و مجهول هوانا ذايب و مسلول أنا ما كنت أحبه يزول انت وحدك المسؤول ما أقدر أوضح لك ما أقدر أقول أكثر في لساني الكلام يموت و في عيوني الهوى تابوت خلنا اخوان .. خلنا اخوان .. يا جرح الطفوله يا فرح حيران يا كلمة بريئه ما لمسها لسان أحبك .. أهواك و أموت و دمعتي تبكي على ذكراك بس فات اللي فات .. و راح و لا يمكن بعد نرتاح ما أقدر أوضح لك ما أقدر أقول أكثر في لساني الكلام يموت و في عيوني الهوى تابوت خلنا اخوان .. خلنا اخوان .. جيت الحين متأخر الورق الأخضر على الأشجار صار أصفر انتظاري طال و ما أقدر بعد أسهر الثمن عندك بعض كلمات

الساعة الآن 01:32 AM

صفحة 1 من 2 1 2 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية