فيني اعزف عالم من الهذيان المجنون
 

قلوبنا ماهي حجاره

ولا هي صلبه

لتتحمل كلمات عابره

قلوبنا فقط تتلهف

لمن يلينها لتنبض بالحياة

مرات نحسس انفسنا ان

نحن اقوياء

اننا لانضعف من توافه الكلمات

لكن حقيقتنا

تختلف عمّا يرونه

في جبيننا

...

لطفا فما نحن الا ارواح

تتعثر وتنكسر

حينما لا تجد

الالفه والموده♥️♥️

احيانا كثرة المسؤوليه

ترهقنا دون ان نشعر

ويجي فتره نستوعب

ان حنا خلاص لم نعد نستطيع

ان نتحملها

....

حينما تغفو قلوبنا

ع فرح

تخشى ان تصحو

وتجد مالم تتوقع

فيارب بارك لنا في ايامنا القادمه

وسخرلنا الارض ومن عليها ������

اخذتني نفسي الى هنا

لا اعلم مالسبب

هل هو خذلان انتظار

اومتاعب الحياة
مشاعر متراكمه

تارة تهدا وتارة تتبعثر وتبعثرني
حقيقة كل مااشعر به الان

هو اسى فقط

روح جزءاً منها
مكسوره
لاترمم ولاتجبر
لكنها تتناسى
الوجع
لتبقى قويه
امام احبائها

حقيقي زمان زماااان مره
ماعبرت عن مشاعري ولا كتبت خواطر
ولاحتى رسمت
فقدت كل اشيائي اللي

كانت حياتي
ماعرف

بس الحياة في كل مره تصعب علي

راحة العقل والاستكنان اللطيف

خلافات وصراعات
ثقل ع القلب
لايعبر عنها

شيء

مرات حتى احساسنا يخوننا
في اقسى نقطه تمر فيها
لدرجة تحس ان ماودك
حسيت بهالاحساس
لان هنا تنهز الثقه حتى بالنفس

دنيا صعبه واللي يصعبها علينا
اللي مايوافون
نوافيهم في حزنهم
ويخونونا في اضعف النقاط في قلوبنا
بس عادي
بننتظر
وبننتظر
كيف تدور فيهم الدنيا
وتطعنهم *_*

والله ماعندي شي بس تعبانه

قلت اخش ع عالم الهذيان

احفظ قلب مغليك

دامه حافظك في محاجر عيونه

حائر ذاك القلم
مابين روح قد ارتوت عشقا
وروح ارقها الابتعاد
حائر ذاك القلم
مابين حروف تسكب وحروف قد جفت
ي هل ترى
ممكن ان تعود المياه لمجاريها
ام تبقى جافة كما هي

احيان

ودك الناس كلها تفهمك
بس ماتحس انك يائس وانك مرهق
ودك الكل يفهم

شعورك وانت في اسوء

حالاتك

بس عشان مايفهمون تصرفاتك غلط

صرت اعرف ان التربيه صعبه جدا

والاصعب استيعابها

لمن تلاقي

اطفال عنيدين

لا انت فاهمهم ولا هم يحاولون يفهمونك

اخ بس الله يجملها علي من ايام

احساسي هذا الصباح غير
لاهو حزن ولا هو فرح
بس الله يجيب الايام اللي تخلينا

نضحك مو بس نبتسم

جرح الزمان

من يزيله من خاطري

يقولو اذا ماحدك زمانك تحدك ظروفك

فعليا عرفت معناها

يوم مرة بي الأيام العصيبه

لاعودها الله بي

شي مو سهل انك تتقبل وضع

يخليك تبكي ع طول

لما تكون مرتاح ماديا ونفسيا

وبعدها تطيح

طيحه تحس كل اللي حولك يتعاطفون معك

تشوف في عيونهم شفقه عليك
وانت خاطرك بس في لحظتها

دموع وقهر

الحمدلله

صحيح ان الايادي الرحيمه

ماراحت من حياتي

وانا اظل ممنوونه طول عمري لهم

بس يظل شيء

ترك جواتي اثر

اثر مجروح

مايتداوى مع الأيام

ابدا ابدا ...

الحياة لمن تتغير عليك

في غمضة عين

تحس ان الدنيا كلها

مو واسعتك

حتى لو ان الناس

كانو حواليك ومعك

في كل حالاتك

يظل شيء ناقص داخلك

وماتقدر تبوح ولا تقدر تظهر دموعك

بس تتأمل وتبتسم

وتمشي حياتك

بعد كل مامريت فيه
لقيت نفسي في شغله

ماكنت اتوقع يوم من الايام اني بكون محترفه فيها

وبدات فيها واعجب فيها الكثير
لكنها تلاشت

الان وللاسف ...

كانت هالشغله قريبه لقلبي

حتى نستني الألم

صحيح اني حساسه جدا

وماكنت اتحمل احد يخطي علي

لكن احمدلله

اني نجحت فيه

وكانت عونا لي بعد الله

والحياة تكون كريمه معك
اذا اعطيتها روحك وشغفك

عرفت شي واحد

ان اللي يصر عالشي

ويكون قريب من الله

باذن الله تتحقق له

كل أحلامه

انا اشكر في حياتي

كل الداعمين لي في وقت ازمتي
جد لاجعلني انسى

كيف فرحو قلبي وقلب صغاري وزوجي

احبهم بقدر السماء

وبكذا نخلص بوح الصباح

نلتقي غدا ببوح القلب

الذي تراكم

...

اتوق جدا لك ي عالمي

فانت العالم الذي ابوح فيه
ليرتاح القلب
فأنت بلسم لقلبي

ومابعد البوح الا الارتياح

لتعزف معزوفتي

ولتتجه حروفي بترتيب ذاتها

لتكون الكلمات

اما انا اليوم اتأمل جدا

ان يوم الثلاثاء يكون يوم تغيير لحياتي

للافضل اكيد

يارب يسرلي وقر عيني بما ترضاه ياالله

حينما يكمن مابالخاطر

فإنه لادنيا لا سماء لا ارض

تسعني

يارب كن معي ووفقني

تدري ايش اللي يقهر القلب

لما تأمن احد ع سرك وانت مابحت له

الا لانك تتوقع ان الناس قلوبهم طيبه مثلك
تتفاجأ عند نقطه

ان سرك كان بالنسبه للشخص هذا

ماهو الا مجرد كلام عابر

حقيقي انا اعتبره طعن بالظهر

شيء صعب لما تشوفه مكشر عن انيابه

ويقوله وكأنك قلت له قوله للي تبي

حقيقي ماقدرت اسامح

ولا قدرت اعفو

تنام عينها

وانا ادعو

لانها اسقطت دموعي قهرا وحاولت تكره اللي حولي ويحبوني بكلامها التافه

لكن يارب انا عبدك وارتجيك

انها تنطعن من اقرب الناس لها

حرفيا لهالكلام سنين وماقدرت انسى

الجرح مو بسيط

مو بسيط ابدا

الم لمن تحس انك

اخطيت بحق روحك

انك بعت سرك لشخص

ماكان يستاهل حتى انك تجلس معاه

بس الطيبه وآخ آخ يالطيبه

وابقول عنها البلاهه

بس حقيقي اخذت درس

منها

ان مو كل الناس

اللي حولك يكونو قد المحبه وحفظ السر ...

النسيان
وآخ يالنسيان

اللي نرتجيه ينسينا

ألم ان احد يطعنك بظهرك

ألم ان احد يصدق مايقولو عنك

رغم ان الكل يعرفك ويعرف وش انت

لكن لما يجي الكلام


يبطل عنك كل الصفات الحلوه

لكن الحمدلله

ان احنا تحت رحمة رب العالمين

وعسى ان تكرهو شيئا وهو خيرا لكم

يلا اليوم قلبت ع صفحة اكثر وجع جاني

وماقدرت انساه

لكن لعل الايام كفيله تداوينا

وتنسينا

.....


هنا يغلق البوح

هذا الصباح

اخترته مبكرا

ليجمعني بك ي عالمي
لنرى الى اين

تسير بنا الاحرف

...

والله اني قاعده احاول اكتب

لكن احس ان المزاج ماش مو مساعدني

بس طفش غامرني بذالساعه

والله اني قاعده احاول اكتب

لكن احس ان المزاج ماش مو مساعدني

بس طفش غامرني بذالساعه

حلم

أمل

تحطم اي والله تحطم

ماعرف وش الشعور اللي امر فيه الحين

بس اللي اعرفه

تحطمت

الحمدلله يارب

اللهم ارضني وارض القلب

الذي تحطم

يارب الرضا