 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية / لآ تعتذر لي حبيبي خلني بجروحي أموت ولآ تنحني لي ..~/ البارت الرابع عشر &الخامس عشر السادس عشر^^
(http://www.gsaidlil.com/vb/showthread.php?t=167804)
رواية / لآ تعتذر لي حبيبي خلني بجروحي أموت ولآ تنحني لي ..~/ البارت الرابع عشر &الخامس عشر السادس عشر^^
البارت الرابع عشر&الخامس عشر
السادس عشر^^ هذي الدنيا متاهات واحزان كلن يدور راحته مالقاها تبيلها صبر مع شوي نسيان مع ضحكة تخفي دموعك وراها .. كانت تلبس بسرعه و هي تمسح دموعها اللي ما وقفت من امبارح سحبت كتابها اللي ما تعرف وش فيه و الا اذا هو امتحانها اليوم والا لا و لبست عبايتها و طلعت كان ينتظرها بالسياره و بين لحظات يلوم نفسه و لحظات لا يقنع نفسه أن هذا أبسط حقوقه كان مقتنع انه لو تركها راح تتمادى أكيد كذا كم يوم وهي مو شايفته شي كيف لو أنتركت على هواها شافها نازله مع الدرج تنهد وهو يستغفر كان شكلها الصبياني مستفز له بقوه شافها وشلون رافعه العبايه لنص الفخذ وجواربها بألوانها الصارخه الملفته وشلون تسحب الشنطه و المشيه ركبت بهدوء عكس نيرانها كانت تحاول تكوون هادئه بعيده عن مواجهه معاه تطلع خسرانه منها مشاري:فطرتي لفت ظهرها له و جلست تقلب بالكتاب اللي بيدها وهي بدنيييييا ثانيه مشى و رجع يسألها:فطرتي؟رشا تكلمي هزت راسها بنفي له نزل عند اقرب محل ظلت تطالعه وهو يبعدكانت تشوفه يكلم بالجوال و يضحك و بداخلها يا مال الوجع أضحك وش عليك كانت مقهووووره بس تحسب هالدقائق تمر عشان تشوف مدى أخذت نفس تبي تبعد هالضيقه عنها و تنسى ليلة البارح اللي كل ما تذكرتها تحس ودها تشب فيه محتقرته و محتقره تصرفه رجعت تقلب بالكتاب من دخل قدم لها الاكل و ظلت مطنشته مشاري:رشا في شي؟ رشا ببرود:لا مشاري:زين خذي كلي رشا :ما طلبتك تجيب شي! ظل يطالع فيها وهو يفكر أي أسلوب بينفع معاك يا رشا بس أكيد مو العناد :اممم على راحتك خل اوصلك لمدرستك عشان ما تتاخري ع امتحانك الا وش عليك؟ رشا :أقول وراك ما تسوق و انت ساكت صوتك أخر شي أتمنى أسمعه ع الصباح مشاري بأبتسامه على كلامها:من عيوني كم رشونا عندي؟ جالسه باخر الساحه بمكان بعيد شوي عن البنات و بعالم غير عنهم كانت تفكر بمحمد معقوله مثل كلام أخته ليه لا و الا ليه جاي الدار و يبي يتزوج منها ولا انا اللي قضية أهلها حكايه لناس يلزم عليها و الا التبن نايف متبري من مسئوليته صوبي و توي أعرف بس مو مهم عنك ما سألت و مو مهم كيف تكون يا محمد المهم أطلع أوصل للي أبيه لفجر اللي ما اعرف لها طريق أبتسمت وهي تشوف كتاب رشا مرمي عند رجولها و بضحك :خبري هذي أخر ماده جايبتها اليوم ليه رفعت راسها و من شافت ملامح رشا شهقت و قفت بسرعه:رشونا وش فيك؟ليه تبكي؟صاير لك شي؟ رمت نفسها بحضن مدى و أنفجرت تبكي :حقير أكرهه تافه مدى وهي تضمها وبخوف:رشا و ش فيك؟ رشا:ما أبيه ما أبي أرجع له ضمتها مدى و هي تفكر وش ممكن يكون فيها:اشششششش رشو خلاص حياتي brb |
معكَ .. . تلّونتْ رماديّتي بـ كُل الألوَان ،
معكَ .. . عرفتُ كُل الفصُول ونسيتُ خَريفي . معكَ .. . نبتتْ لقلبِي أجنحَة الفَرَح ! معكَ .. . إرتدَيتُ الحُب وتزيّنتُ بالأمَان . فتحت عيونها بتعب وهي تتأفف ما عرفت تنام من اتصالات وليد و المشكله ما تقدر تقفل جوالها خوف من خالها سحبت أغراضها و دخلت تسبح ع السريع عشان دوامها رفع راسه لعمته اللي كانت تتابع نقاشه الحاد مع أمه أغتصب الابتسامه من بعد ما طلعت أمه:هلا بنور البيت مريم بأبتسامه:هلا بنور عييوني وش عند أمك ع الصبح وليد:اممممم اختلاف بوجهات النظر مريم:و على ايه هالمره وليد:ما تبيني أتزوج فجر بحجة مو مستوى مريم :تحبها؟ رفع عيونه لها و بصدق:اموووت فيها و خالقك يا عمه أحبها بس أمي ما تبيها مريم:وانت يا وليد تقدر تعيش دونها؟ وليد بخوف:لا يا عمه ما اقدر أنا اذا مر يوم دون شوفتها و صوتها و اخبارها اجن يا عمه أحسها شي لي لو حدي أخاف عليها ودي أشيلها من ع الارض و أدخلها هنا و هو يأشر على قلبه لو تدري اني ما قدرت أنام البارحه لاني ما سمعت صوتها و لا ادري اذا هي زعلانه و الا خايفه مني والا صار لها شي امي لو تعرف شنو فجر بحياتي صدقيني ما فكرت تبعدني عنها و الا رفضت ارتباطي بها مريم:تعرفها من زمان؟ و ليد :لا شفتها صدفه قبل كم أسبوع بحياتي ما شفت بنت بجمالها و طفولتها خجلها و طيبتها أبتسم و هو يذكر أول موقف جمعهم ما قدرت أنسى ملامحها صار طيفها يزورني صدفه جرت صدفه أبتسم أخذت رقمها مريم:ليه تبتسم فرحان؟ وليد:تعرفي شلو ن أخذت رقمها دفعت حساب عنها و يوم ردت لي قلت مو ماخذه و خليه بذمتك لحد ما اخذ رقمك مريم:اخذته؟ وليد:ايه شفتي ببراتها ؟صرت ازعجها و اظل وراها لحد ما تكلمني و اذا شفتها غمض عيونه و بهمس أنسى نفسي مريم بشك:وشلون تنسى نفسك؟ وليد:أنسى المكان و الصح و الغلط ما عاد أهتم الا أنها بحضني وبس حتى لو بكت و صاحت و ارتجتني ما اقدر أبعدها عن حضني مريم وهي تقرب منه و تلمس جبينه:لا حشى مو صاحي يا ولد خالد و ليد لا تكون جايب العيد في البنت؟ أبتسم لتعبير عمته:لا يا عمه مو لدرجه هذي هو أخربها بس مو لدرجه هذي تنهد أنا اخاف عليها من نفسها تتوقعي أضرها بيوم و الا أخلي عيونها تبكي؟ مريم :دامك تحبها و شاريها توكل على الله وليد: و أمي مريم :مع الايام بتلين لا شافت ان هالشي يسعدك بتنسى هالشكليات بس هي مين بنت منو؟وين ساكنه متى تبي تخطب كل هالشي يا وليد مهم و ما اشوفك حكيت فيه وليد:لا أعرف كل اللي تسألين عنه بس اذا تبيني ما اعرف عنها؟ مريم:ههههههههه يعني كل هالغزل و تكلمها ما تعرف اذا تبيك؟ وليد بخجل و هو يحك شعره:اممم هي ما تعطيني وجه دوم صادتني و خايفه مني بس أحبها مريم:هههه يا حلوك يا وليد زين يمه أعرف و لا تنسى دق على خالد قال يبيك بس ما ترد عليه بس مو منك من فجر! أبتسم لعمته اللي مشت و رجع يطالع بصورتها أشتاق لها وده يتطمن عليها دق على سكرتيره:أسمع حول كل المواعيد و الشغل على الدمام انا هناك اليوم قفل و هو يتنهد شكلي بأغير حياتي كلها لعيونك يالغلا رجع دق و أنصدم يو م لقاها مقفلته اممم يعني لازم أشوفك تنهدت براحه بعد ما تاكدت ان البيت مافيه أحد قفلت البيبان و دخلت ع غرفتها تبدل بسرعه عشان الدوام اللي تاخر عليه و زاد انها ما داومت اليوم اللي قبله بسبب و ليد و ريم و اللي صار معها brb |
؛
يا صبح علّم هالشجن .. كيف عيني تهِل من وابلها دمع ٍ .../ لِ الأحباب : ( ريم بنعاس:امممم و بعدين شذى:ريمو جد أزعل أصحي ريم:موافقه يعني؟ شذى بخجل :ايه بس ما أعرف كيف أقولها لماما ريمو أنتي قوليها ريم :طيب بس خليني أنام و ين فيصل؟ أمس ما شفته شذى:اوووووووه طالع مع ربعه و أمي متحلفه فيه تقطع المصروف عنه انا مدري من وين يجيب مصروف هالطلعات ريم وهي ترمي اللحاف:شذى بما أنك طيرتي النوم من عيوني سوي لنا فطور و الا وش رايك نطلع لبرا نفطر شذى:لالا أسوي لك هنا أنا وراي أمتحانات ما يمديني أطلع ريم وهي تدخل الحمام:المهم فطور هنا برا لان حدي جوعانه طالعت للاب ريم بفضول نفسها تفتحه و تغوص بعالمها تعرف وش هالسر اللي قلبها معقوله تحب؟طيب ليه ما تبين ؟لييه دوم حزينه؟و ما تتكلم مع أحد عيونها جوتها لغز كبييير ؟؟يا ترى وش فيك يا ريم حاولت تفتح الجهاز بس ما قدرت لان كل الكلمات اللي جربتها ما مشت معها طلعت قبل تطلع ريم و تتنرفز عليها مشاري بقهر :ليه تضحك؟ محمد:في الدنيا هذي شي أسمه أسلوووب وش فيك؟ مشاري:رشا انسانه أستفزازيه و هي اللي جبرتني محمد وهو يقفل الملف قدامه:رشا أنسانه مجرووحه حيل يا مشاري ولازم تراعي هالشي أنت تتوقع منها أيه تتقبلك و أنت اللي أبوك مسكها بيدها و دخلها الدار؟ تتوقع أن شي عادي أنها تعيش أحساس اليتم و هي لها أهل و ناس؟حتى لو ما شالت بقلبها عليك بتظل خايفه مو عارفه وش يننظرها معاك انت لازم تراعي أنها كانت بعالم مقفل و طلعت لدنيا غير مسئوليه و زوج و دنيا عمرها ما خططت لها يا مشاري تقوم تتصرف كذا و هو يكتم ضحكته بطريقه حيوانيه مشاري اللي كان منسجم مع كلامه بس أنتبه على أخر جمله :محمد بالمكتب ترى و أنا وش سويت مو كافي هي اللي ما خلت مسبه بالقاموس العربي و الاجنبي الا حطتها فيني تجي تكمل علي محمد:هههههههههههه يا اخي روق شوي مشاري:بكره نشوفك تقدر تطبق هالحكم بحياتك و الا لا؟ محمد بجديه:ليش لا؟مره الوضع سهل انا ماقلت لك ان يوم الخميس راح أكتب العقد لانها ما تبي شوفه و مو مهم عند مشاري:أنت متأكد تقدر تعيش معها محمد:ايه بعيد عن قضية أبوها أقدر ما عندي مشكله أني أتعامل مع اللي حولي برواق مو بتسرع مشاري و هو يطالعه على جنب :تقصدني؟ محمد:أبد تعرف أن نايف متبري من مدى و ماله أي علاقه فيها؟ مشاري:يعني راميها بالدار و تبيه يعترف فيها لا تكون مستغرب بس؟ محمد:امممم اكيد أستغرب هو ما سوى كذا الا من فتره بسيطه يعني يوم تأكدأن القضيه بردت تبرى منها مشاري :يعني شاك و هو يطالع بساعته محمد:وش عندك كل شوي تطالع الساعه؟ مشاري بأبتسامه:أبي أشوف أذا وصلت الساعه تسع أروح لها محمد :ليه تسع بدري؟ مشاري:أيه بدري بس رشا ناويه ترجع الدار محمد:ليه هي قالت كذا مشاري:نو نو رشا ما تقول تسوي الشي اللي تبيه بسكووت بس تقدر تقول فاهمها من نظراتها أو حاس بيها محمد :أحم أحم قلت لي أستفزازيه وصعب التعامل وياها و تفهمها من عيونها مشاري وهو يسحب مفاتيحه:خلك بشغلك و الوعد بعد ـأسبوع بس أشوفك و اشوف كلامك يتطبق و الا لا؟ يوسف:يعني نازل السعوديه سامي:ايه دام عندي فرصه ليش لا يوسف:و تخليني بروحي سامي:أنزل منو ما سكك يوسف:انزل أسبوعين و أرد من تاني لا أخلص و أنزل مره وحده سامي :امممم كيفك بس مدري أدق ع ريم و الا أاخليها مفاجاه لها يوسف:لا خليها مفاجاه و راشد عندك بيستقبلك متى بتوصل؟ سامي:ع الفجر رحلتي ع 12 الصبح يوسف:زين وش رايك تعزمن قبل سفرك سامي:هههههه طيب من عيوني كان ملزم ينزل السعوديه حال ريم مو عاجبه فيها شي لازم يتطمن عليها و نفس الوقت ملكة شذى لازم يكون جنبها كانت جالسه تأكل بملل و هي تسمع سوالف أبوها و خالد عن الحفله أروى:متى تحددت؟ خالد:الخميس الجاي أروى:امممممم بابا خالد وهو يدور النظر بين أبوه و أروى أبو خالد:يا عيوني أنتي أروى:لازم أنزل السوق عشن أتجهز للحفله أبو خالد و هو يعطيه الكارد:ها يبه و لو أحتجتي شي قولي لي يا نور عيوني أنتي أروى و هي تبوس يده و تضمه:عسى الله لا يخلني منك يا تاج راسي بس مو مشكلتي هذي مشكلتي منو يوديني و يجيبني خالد:ايه و عشان كذا تبين سواق ريم بدخله و الخرجه معاك أروى بخبث:الله لا يحدني على حد انت و فهد وش فائدتكم اذا بتخلوني اروح مع السواق أبو خالد:معاك حق شوفي متى تبين تنزلين و ينزلك واحد منهم خالد بقهر:يبه أبو خالد:لا تتعبني معاك كل مره نفس السالفه و تاليها؟ خالد وهو يسحب مفاتيحه:أبي أروح عند سعود تأمر على شي أبو خالد:سلامتك من بعد ما طلع رجع يطالع ببنته اللي حاضنها و بحنان:ها يبه و شلون دراستك؟ أروى:تمام أعجبك أبو خالد:دنيا ما كانك اللي كانت تبكي بحضني عشان ما تداوم اللحين بس انتظرك تجيبي شهادة التخرج أروى بدلع:تبي تقولي أني كبرت ابو خالد:هههههههه يا هالحريم تموتن لو أحد قال بعمركم شي و لو كبرتي و وصلتي لمائة سنه بتظلي أروى اللي كنت أشربها حليبها و اللي ما تنام الا بحضني أروى و ه تضمه بقوه:عسى ما أنحرم منك أبو خالد:و لا منك و يعطني طولة العمر لحد ما أشوفك عروس و افرح فيك أروى:كأنك تبي تتطلعني من البيت أبو خالد:هههههه لا يبه بس أبي أتطمن عليك انا مو دام لك يا يبه أروى :اش هالكلام يبه يعطيك طولة العمر و بعدين اذا ابتزوج ابي واحد مثلك و انت مافي مثلك يعن أنسى الموضوع اذا ممكن أبو خالد :مؤقتا بس بأنساه بس برجع له بعدين و اللحين خلصي أكلك و كملي مذاكرتك أروى وهي تطبع بوسه على خده: من عيوني brb |
ؤش الشعور لمـآ كل من يشوفك
يقول أحسس فيک شيـىء وأنت تحلف بعجل مافيني شيـىء وأنت بداخلك ألف شيـىء وشي بس مآتقدر تقول تكتـم مافيك فيک وتموت ألف مره ومره وتجـآمل كل خلق الله ولامن جلست لوحدك هـلت ۶ـلى خدك ألف دمـعه ..مدى:تتوقعي ننجح؟ رشا بملل:يعني مهم هالشي؟ مدى:مدري أسمعهم يقولون مستقبل و حاجه زي كذا رشا:هههههههه ضحكتيني و أنا مالي خلق مدى:عادي أضحكي وش فيها الدنيا يسوى انا ماتوا قدام عيوني أغلى ناسي و فوق كذا أنظلموا و أنظلمت بعدهم و عايشه ما صار علي شي رشا:اممم مدى أقدر أركب معاكم و أروح صح؟ مدى بصدمه:و مشاري رشا:افففف مو طايقته مدى بخبث:و كل ليله بترجعين تبكين يعني رشا بقهر:مدىىىى مدى :هههههههههههههههه لا جد رشا هههههههههههههههههههههههه بتتتتتتتتتتتتتتتتتتتتتتتتتتتنننننننننننني رشا:وشع مدى:رشا ترى اللي صار شي طبيعي مره أنتي ليه مكبره الموضوع رشا:مدري ما ابي أرجع معاه مو مستوعبه الوضع كل شي صعب و اللي محسوب أبو يبي فلوس و كأنه ما قصر معاي طول عمره مدى:تعرفي ودي تجي معاي عاليووه يبي لها قرصة أذن رشا:وااو كأني غبت سنه مدى بأبتسامه :تقوليها رشا:راح تشوفيه ؟ مدى وهي تتنهد:مافي خيار بس عادي مو فارقه معاي و عاليه خليها لبعدين راح أدفعها ثمن كلامها على رواق و حبه حبه رشا:طيب يلا نطلع مدى:مصره؟ رشا:اييه بلييز مدى مدى :أوكي براحتك دامك تضمني أنه مو جاي اللحين رشا :لالا ما راح يجي اللحين مدى وهي تلبس:ما عندي مشكله خلصوا لبس و طلعوا كان واقف ينتظرها برا مجرد ما شافته مدى:هههههههههههههههههههههههههههههههههههه رشونا هههههههههههههههه رشا بأستغراب:وش فيه؟ مدى وهي تأشر على مشاري اللي يطالع فيهم :شوفي مين؟ رشا بصدمه:وش جابه مدى وهي تبعد متجه لنقلها:أشوفك بكره على خير ذاكري عدل بااااي وقفت مكانها وهي تشوفه ماشي لجهتها:يلا رشونا الشمس تتعب رشا :منو أجبرك تنتظر؟ مشاري برواق:لعيونك مو يوم أنتظر دهر و مسك يدها يلا حبيبتي سحبت يدها ببرود و مشت قدامه فجر اللي تكلم ريم:لا تطمني ريم:ما قلت لك شذى وافقت فجر:جد؟ ريم:من شوي قلت لامي عشان تعطيهم خبر فجر:أها طيب ماقلتي اروى كلمتك؟ ريم :لا قلت أمرها لو طلعت لان مالي خلق أطلع اليوم و أنتي فجر :انا بأخلص شغلي ع المغرب و مدري و يش بيصير معاي ريم اللي بعدت الجوال عن أذنها وهي تشوف رقم راشد يتصل لها من جديد كانت مصدومه وهي تطالع بالشاشه فجر:ريم ريم تسمعيني قفلت فجر و بداخلها يمكن أنشغلت رجع يدق لها و بداخله يتمنى ترد لا تتكلم بس يكفيه أنفاسها نزلت الجوال بجنبها ببرود وهي تطالعه كانت أحاسيسها متضاربه شوق و برود حماس و احباط فرح و حزن تتنفس بس تحس أنها تختنق سحبت عبايتها بسرعه و لبست و نزلت و هي تركض بسرعه نادت ع أسواقها و طلعت معاه :فين مدام ريم:شقق العلي بسرعه ما تدري ليه تبي تروح هناك عجزت تفهم أحساسها تركت لدموعها حرية أنها تنزل يمكن تحل حريتها تفهمها وش أخر ضياعها بعد فتره رفعت راسها على صوت السواق:في أوصل مدام نزلت و مشت لفوق بخطوات بارده كان توه نازل و أنتبه لبنت طالعه جهته ما قدر يميز ملامحها زين لانها منزله راسها أنتظرها ترد على جوالها ريم وهي ترد على جوالها :هلا سامي سامي:صباح الخيرات يا أغلى اخت رجع بسرعه لفوق قبل ما تنتبه له بس ظل يسمع كلامها ضحكهاكلمات شوقها لاخوها قفلت من سامي و أستثقلت تكمل طريقها نزلت من جديد لسواقها و مشت بعدها بفتره نزل وهي متضايق يعني ريم لسى تجي هنا ؟ ما نست و الا تناست حتى ركب سيارته و غمض عيونه أتمنى صوتك و بكم دقيقه تصيري قدامي يا ريم ؟أبتسم وهو يرد على سامي اللي داق عليه :هلا بالغالي سامي:هلا راشد شلونك؟ راشد:بخير الا صدق كلام يوسف جاي؟ سامي :مداه يقول ؟ راشد:هههه أيه دق يوصي عليك سامي:والله ماصدقت تطلع هالاجازه مشتاق حييل لاهلي أبي أتطمن عليهم راشد بشك:ليه فيهم شي ناقصهم شي أمرني بس سامي:ما تقصر يالغالي بس لازم أنزلهم و أتطمن بنفسي عليهم راشد:براحتك متى وصولك؟ سامي:على 6 الصبح راشد:حلو يكون بيننا أتصال و راح أنتظرك أكيد سامي بخجل:لا ماله داعي انا راح أكلم السواق و راشد:سامي أنتظر منك أتصال ان شاء الله سامي :ان شاء الله يلا مع السلامه يالغالي حرك سيارته و مشى وهو يكلم نفسه خلاص رجعت يا راشد صرت قريب من ريم ليه ما تواجهها كل هذا خوف من ردة فعلها هي ما نستك كل شي فيها يقول كذا حتى ملامح حزنها و ش تنتظر جيت سامي؟ليه هو مصر ينزل معقوله عشان ريم و الا زي ما يقول شوق و يتطمن معقوله جاي بيبعدها عني نهائيا و يخليني أقتل هالامل بداخلي و أنتي يا ريم وش أقولك أي أعتذار ممكن ينقال لك و خالقك أقوله لك بس ترجعي ريم حبيبتي أعرف اللي صار صعب عليك و علي بس صار وقف بسرعه و هو ينعاد قدامه كل شي :وش فيك وش مطلعك بالجو هذا و تالي الليل يذكر وشلون رمت نفسها بحضنه و بكت كانت تشكي و تلوم ما يذكر وش المشكله اصلا و الا ليه هي بكت والا ليه طلعت بالوقت هذا كان متجمد و منصدم احساسه كان مو له اللي يحبها و يموت فيها بحضنه تبكي و ترتجي الامان بقربه ضمها بقوه و هو يهديها يحاول يفهم وش فيها وش صار معها هالمره كمان ماكان يقدر يسيطر على نفسه وهو يحس بقربها بحضنه شكلها كان يسحره يعذبه صوتها كلامها ما يدري شلون نسى من نفسه و شلون تمادى و قرب منها خان ثقتها وهي اللي هربت من الدنيا باللي فيها و جته تبكي و ترتجيه ريم:حقيييييييييييييييييييييييييييييييير ليه سويت كذا :خلاص بس سكتي صوتك و بكاك يوترني و بعدين أنتي كنتي راضيه أنتي جيتي لعندي ضرب الدركسون بقووه راشد:حامل ؟شلون يعني ريم فاهمه وش تقولي أنتي ريم: روووووووووح الله لا يسامحك روح عساك ما ترجع حسبي الله عليك لسى هالدعوه باذنه لسى حرقت قلبها ما نساها يارب كون معاي يارب ييسرلي أمري يارب كون معاي brb |
***
لسى هالدعوه باذنه لسى حرقت قلبها ما نساها يارب كون معاي يارب ييسرلي أمري يارب كون معاي انتبه على صوت مسج بجواله و فتحه أنهنت في حبــك وانا حــر ما أنهان والحــر ما يرجع لشخص يهينــه والله احبــك حب والقلب ما خان حا فظ عهوود الحب يومك تبيه ! بس للاسف ما أقدر على حب خوان يمشى يشيل اسمى وباجر يهينه أبتسم على جنب شكل الطريق معاك صعب و مستحيييييل بعد يا ريم هذي رساله بالله؟الله يستر من الجاي تدري وش آكثر ششي , ضـآيقني آليوووم ’’ آني نوويت آنسسـآك , وحسسيت بآلموووت ’’ تعب وهو يدق عليها خايف عليها ما يقدر يفسر أحساسه بغير الخوف لا يكون صار لها شي انا ليه مشيت وراها بس انا كان قصدي اوووف كان قصدك ايه يا حاتم تشوفها تكلمها و بعدين؟ما فكرت بأهلها اللي حولها لو شافوها ايش حيصير رجع دق عليها من جديد ونفس الحاله مقفل حتى شغله مو قادر يركز عليه طالع بساعته لسى 11 يالله ما اطول الوقت ايش هدا كانت تحس بملل فضيع ودها تفتح جوالها و ما تبي ظلت تطالعه وهي تذكر كلام حاتم و تتنهد و اذا في أحد معاه يا أروى أنتي ليه تزعلي و تضايقي روحك منه ليه أنقهرتي منه أبتسمت وهي تعض شفايفها حاتم معتوق مهندس رجعت تتذكر شكله واي يا حاتم طول عمري اكره اللون الاصفر بس شكلك بتكسر المعادله و أصير أحبه عليك فتحت جوالها وهي تفكر تكلم ريم و تحكي لها بس خافت من ردة فعلها و موقفها منها بس هي تساعده تسمعه بس ما تمادت معاه و هو ما اذاها بشي قطع تفكيرها و حيرتها المسجات اللي توصل رمت نفسها ع الكرسي و سحبت جوالها بس شهقت من شافت كم موجود من حاتم رفعت حواجبها مستغربه خيير؟وش ذا كله أدق و الا لا؟أكيد في شي معقوله خالد رجع كلمه دقت بسرعه مجرد ما جاها هالتفكير وهي تردد يارب أستر يارب عسى خير بس يالله رد بلهفه عليها:هلا يا ماما هلا حبيبي أروى بخوف:حاتم فيك شي؟ حاتم و هو يطلع برا مكتبه عشان يكلم براحه:أنا اللي فيني أنا مفروض أسالك يا بت فيكي حاجه صار لك حاجه أروى بأستغراب:لا انا ما فيني شي الحمدالله حاتم:طيب ليه مقفله جوالك شغلتي بالي عليك أروى بهدوء:و ليه ينشغل بالك؟ حاتم:كيف ليه خفت عليك ما تبغيني أخاف يعني؟ أروى:لا ما ابيك تخاف و بعدين خلي الاهل اللي لك يتهنون بالخوف هذا هم أولى حاتم كان يحاول يجمع كلامها و يربطه ببعض وبعد فتره:أهه ههههههههههههههههههههههههههههه انا ما عندي أهل هنا و أنتي عارفه أروى بجديه :أنت متزوج حاتم:لا يا ماما أيش بك مافي شي من دا كل الحكايه أني خفت عليك و ما ادري كيف جت الهرجه دي معاي أروى وهي تحط يدها ع قلبها و تتنفس براحه و بكذب: مو مهم بس قلت ماله داعي يكذب حاتم:أنتي تحفه يا بت و اكدب ليه يعني أروى صادق معاك بكل حاجه كدا تشككيني بنفسي أروى:طيب و ش تبي؟ حاتم:اووه الله الله شكل زعلك جامد وانا ايش قلت يعني أروى:مدري بس تنرفزت حاتم برواق:ليه أروى اللي أربكتها نبرة كلامه:اممم قلت انو ماله داعي يخبي و هو اللي قايل لي نكون صريحين و نسمع بعض حاتم:و انا ما كدبت سوء فهم بس تعرفي و قعتي قلبي كنت حأموت من الخوف ما تعمليها من تاني أروى بدلع:امممم وش كمان؟ brb |
محمومةٌ أَنا بِـ نار العشق
مَغمومة العَينين ، مُجهدة الجَسد أَلقِمني أَقراصاً من صوتك و جُرعات من شَوقك الدَافئ ، وأُتركني على رصيفٍ بَارد لأنتظرك ، لَن يقُتلَني البَرد ، ولَن تَشتهيني الذِئاب ، فـ حَرارة الحَنين ، ورَائحة الشَوق ستجعلُني لُقمة لا تُستَساغ. رشا بملل:خلاص تعبت افتر راسي مشاري بأحباط:و انا اللي قاصد أغير لك جو رشا:رجعني البيت تعبانه أبي أرتاح مشاري و هو يبوس يدها :لدرجه هذي مالك خلقي ما ردت عليه وظلت تطالع بالسيارات اللي حولها وهي تفكر بحياتها معاه تناقض بتناقض شخصياتهم هو بيقتلوها بالبرود وهي ضايعه و خايفه خايفه تسلم له نفسها و تندم معاه تنهدت بقوه مشاري :عسى ماشر رشا:مافي شي ماصدقت شافت باب البيت و نزلت بسرعه كانت تمشي بسرعه وهو وراها بخطوات هادئه دخلت غرفتهم و شهقت بقووه وهي ترجع لورى :مشاري شوف مشاري وهو يحاوط خصرها و بحنان :حلوه؟ كانت الغرفه متغيره من الاثاث الى الانوار الورد بكل مكان منثور وبكل لون وشكل رشا بهمس:ليه؟ مشاري:اليوم كبرتي سنه و صرتي 19 سنه نسيتي أمتلت عيونها دمع وهي تطالع بالمكان ما عرفت وش تقول هي اللي طول عمرها تتناسى هالتاريخ واذا احد تذكره تقلب الدنيا ليه اللحين تبكي من الفرح يمكن لانه مشاري اللي ماهي عارفه حياتها معاه يمكن هالشي اعطاها امل ولو بسيط مشاري بحنان:أحد يبكي بعيد ميلاده هزت كتفها و ما قدرت تحكي غطت عيونها وهي تحاول تمنع دموعها ضمها بقوه من ورى:لو ترتاحي أبكي الدموع أحسن فضفضه لنفس ساعات تحكي اللي ما قدرنا نقوله لفت عليه و حضنته وهي تبكي ضمها بقوه وهو يحس بالقهر كل ما سمع صوته شهقاتها و بباله كلام محمد رشا مجروحه حييل! أبو سعود :خلاص يا عيسى اليوم كلمته عيسى:يعني اللحين كلمها؟ أبو سعود:لا هو ما يطلع الا حول المغرب وراك مستعجل عيسى بشك:أخاف ترفض أبو سعود:هههههههههههههههههههههههههههه لا تطمن المسأله بس شكليات عيسى:يعني؟ أبو سعود:يعني أنا و نايف متفقين على هالشي حتى لو ما طلبت أنت انت لجوري و سعود لشجون يعني رايكم أخر شي نفكر فيه فهمت؟ عيسى بتفهيه:ما فهمت ابو سعود:مو مهم و اللحين أطلع برا تراك معطلني عن شغلي عيسى:أحم أحم توي بقولها يلا عن أذنك طلع وهو مو فاهم أي شي من كلام أبوه بس ما أهتم المهم جوري له و أقدر يضمن هالشي مشى و هو يمسك على يده المرضوضه و صوت ضحكتها بباله أبتسم على جنب وهو يتخيل بس موقفها لو أنحطت قدام هالامر و مالها أي خيار brb |
وليد بصدمه:خـــــــــــــــــــــالــــــد
خالد:هههههههههههههه أذا أنت سويت كذا الوالده شنو بتسوي وليد :بالاحضان يالغالي خالد وهو يضمه :وحشتني ولود و حشتني أيامك و سنينك و الله لك فقده وليد وهو يطالع لخالد:مو مصدق انك قدامي خالد:لا لا صدق وليد:ليه ما قلت؟ خالد:و الله تعبت أتصلك مافي امل تعطيني وجه وليد بخجل:ههه لا بس أنشغلت بالشركات أعذرني يالغالي خالد وهو يجلس:غريبه هنا بالدمام خبري كل الشغل هناك هنا مجرد مقر وليد: لابس حبيت أتطمن ع الشغل هنا عاد ما يصير اخلي حلالي ع الغير الا وش تحب تشرب؟ خالد:لا الحمدالله بس قلت اسلم عليك بما أن الوالده بوحده من هالجمعيات و أروح ع وقت رجعتها وليد:و أنت وش عرفك خالد:أفا عليك ما يطوفني شي حتى لو كنت بغير ديره أمس قالت لي أنها نازله كم جمعيه هنا و بتمر الدار رفع راسه له: أي دار؟ خالد:الدار اللي هنا نزل وجه وهو يفكر بفجر نفسه يشوفها تمنى انه بدل عمته هاللحظه خالد:وين رحت؟ وليد:لا بس ودي انها قالت كنت حاب أدعمهم خالد:اوووه الايام جايه ما ودك تعزمني ع غداء حدي جوعان وليد:و أحلى غداء لعيونك تفضل يالغالي كانت تمشي لمكتبها بس و قفها صوت ام خالد :لو سمحتي فجر وهي تلف لها:هلا ام خالد :ممكن أتكلم معاك شوي فجر:تفضلي أم خالد:وش أسمك؟ فجر:فجر أم خالد وهي تطالع بجوالها اللي يدق و كان و ليد:متزوجه يمه فجر؟ فجر:لا أم خالد بأستغراب:كل هالجمال و لا ليه؟ الناس أنعموا فجر بخجل:هذا من ذوقك ام خالد:معاك مريم محمد الناصر أبي أتعرف على أهلك و من خاطري تكوني من نصيب ولدي و الله دخلتي قلبي من اول ما شفتك و اللي تبينه يجي لحد عندك فجر اللي حست أن الدنيا تلف فيها و هي تردد أسمها مريم الناصر ظلت تطالع فيها مريم بأستغراب:فجر في شي فجر ببرود:لا بس أنا ما أفكر بالزواج اللحين لسى بدري عن أذنك مريم اللي مستغربه من موقفها مو مشكله أرجع أكلمها من جديد اللحين تأخرت على شغلي دخلت وقفلت عليها الحمام وهي تمسك راسها اللي يلف مو قادره تستوعب هذي مريم اللي كانت صديقة امها يا ترى لو عرفتي من أكون وش بتقولي وش بيكون موقفك؟ إرتآح يآقلبي.. كفاك اللي جرالك من زمآن فآت ..! خذني وبلآ هذا الشتآت . خذني، وحن يآقلبي على روحك.. وريّح هآلجنآح..! وإطفيّ المصبآح سعد وهو يغسل يده من بعد ما خلص غداء :مافهمت ـأم سعد:يعني شذى وافقت سعد و هو يطالع بامه:جد أم سعد:ايه جد اصبر خل ارد ع التلفون سعد بالامبالاه: بطلع أنام دخل غرفته و رمى نفسه بتعب ع السرير شذى وافقت؟ و بعدين تقدر تتحمل و الا لا؟مو هذا اللي تبيه ترضي ريم ؟ خلاص أفرح يا سعد ريم أكيد مبسوطه اللحين لان شذى مبسوطه بس أنت لازم تنساها شذى ما لها ذنب ذنبها تحبك و أنت تحب اختها لازم تنساها هي عايشه حياتها من سنين وهي ملغيتك منها الى متى تتامل بريم شي أسمه حب تحمل و أصبر و ربي قادر يعوضك عنها يمكن شذى تكون شي حلو بحياتك حتى لو ما كانت يكفيك انها تحبك مو شي يستاهل منك تسعدها غمض عيونه بقوه وهو يحس بصداع فضيع brb |
راقني انتقائك الماسي
تسلم يمينك ودام عطائك العذب پآقة ورد http://www.hamsatq.com/vb/images/fac/14.gifhttp://www.hamsatq.com/vb/images/fac/14.gif |
الصديق
مهما علا فوقه غبار يبقى مدى الايام سلعة ثمينة ومثل المطر مهما المطر هل مدرار لو غاب عام صاحوا الناس وينه ومثل البحر غلطان من قال غدار وموجه يعالج كل عبره حزينة</B> ريم:يعني شنو؟ فجر:أقولك أخت عمي خالد الله يرحمه كانت هنا و كلمتني عن خطوبه و ما اعرف ايه ريم:و أنتي وش سويتي؟ فجر:قلت مافي ببالي شي و بعدت عنها بسرعه ريم أنا خايفه ريم بقوه:من ايش يعني؟هي لو تفكر للحظه تأذيك ما احد بيوقف لها غيري انا فجر لا تخافين تنهدت بقوه:كل شي يخليني أخاف هم مو فاهمين وين الحقيقه ريم:فجر لا تشيلي هم صدفه و راحت بحالها روقي و قولي لي الاخ وليد كلمك؟ فجر:طول الليل و هو يتصل علي ريم :وش يبي؟ فجر:ما كلمته ريم:ههههههههههههههههههههههههه زعلانه يعني؟ فجر:و من يكون حتى ازعل و الا ارضى عليه ريم:هههه فجر وربي انتي تحفه يعني كل ما يشوفك بتبكي و تسوي هالمناحه و بعدين؟ فجر بخجل:رييييييييم انا اخاف ريم:امم قلت لي و الاخ قوي وجه بزياده و ما همه فجر:خلاص ريم لا تذكريني فيه ريم:طيب ما اذكرك بس أنتي انسيه خلاص انسيه و انا ما اذكرك فجر وهي تبتسم على جنب:طيب خل اخلص شغلي قبل اطلع ريم:طيب غلاي خذي راحتك قفلت منها و دقت على أروى أروى برواق:هلا ريم:أخيرااااااا أروى بخجل:أسفه ريم:وينك؟ أروى :موجوده بس متضايقه ريم:من شنو أروى: تعرفي ان الاسبوع الجاي شبكة خالد وشيخه ريم:اووووووما كيف و متى وش صار؟ اروى:هذا اللي صار ريم:تطورات خطيره مو قلتي لولد خالتها هي أروى بعصبيه:تقول اهلها ادرى بمصلحتها ريم:ههههههههههههههههههههههههههههههههههههههه وليه زعلانه؟ أروى:مو متخيله أنها بتصير معاي ببيت واحد ريم:والله طيوبه البنت أروى:افففففف يا زينك و انتي ساكته قال طيوبه الا مثاليه تخنقك سم لبيه امر تحت امرك اوووف اووف ريم:زين تقبلي الموضوع و بعدين حلك تتعودي عليها وشلون مذاكرتك أروى:زينه بس طفشت أبي افتك من هالامتحانات ريم:تهون يا شيخه اممم شذى وافقت على سعد أروى :جد ريم وهي تتنهد:أيه أروى:وليش هالتنهيده يا بعدي ريم:لان الوالده بتفضى لي خلاص أروى:و الى متى؟ ريم:اليوم داق علي و قبلها سامعه صوته أروى:متى كل هذا ريم:لانك معاي بكل خطه تعرفي ويش يصير لي أروى بخجل:أسفه ريم:أشتقت له أروى:ما تكرهيينه ريم:وش يعني أكره انا أتعذب انا حبيته من قلب يا أروى الحب من يدخل قلبك صدقيني بيخلي كل دنياك بأمره أروى:طيب و النهايه ثلاث سنين و داخله ع الرابعه و الى متى ريم:عندك حل؟ أروى:سوي العمليه سافري و سويها ريم:اششششششش يا أروى وقلبي وش بيداويه؟ وش حله ؟ وش طبه أروى:النسيان يا ريم أنسيه ريم وهي تمنع نفسها عن البكاء:ما أقدر وشلون أنساه حتى لو كرهته و شلون عذابي ثلاث سنين و ابدا بسهوله أروى اللي بداخلي صعب أحد يفهمه صدقيني صعب أروى :حاسه فيك بس مدري ويش أسوي لك نفسي القى لك حل ريم:الله كريم المهم لا تقطعيني من جديد انا بقفل اللحين كل الجروح اليوم صارت تشابه نفس الوجع ياصاحبي والمواري !! بس أنت جرحك عاد كلٍ درابه حاولت أداري بس مقدر أداري !! له في عيوني غيمتين وسحابه وله في خفوقي ألف طاري و طاري !!</B> brb |
خالد وهو بحضن امه اللي حاضنته و تبكي:يا جعلني فدى هالدموع مسحيها يالغاليه
مريم:اذا ما نزلت لك منو أغلى منك يستاهلها؟ وليد:أحم أحم ترى خلاص عن جد بروح احضن جدار من نقص الحنان اللي فيني مريم وهي تمسح دموعها:ههه وش دعوه وين أمك؟ وليد:أفا بدل ما تقولي تعال بحضني و فديتك يالغالي خالد:ههههه لا لا هذا بعيد عني بوجودي أنسى الدلال هذا وبعدين اطلع برا أبي اجلس مع امي بروحنا وليد:يلا يجي منك أكثر و انا اللي من الظهر ما خذك تاليها كذا؟ مريم:ههههه لا يبه انت نور البيت و عموده تعال يمه وليد وهو يقرب و يبوس يده:يالله ما انحرم منها سمعت يا خالد خالد:يمه كم جمعيه لفيتي عليها حنانك طاغي اليوم مريم وهي تعدل جلستها و باين انها راح تتكلم بجديه:رحت لدار بالدمام وليد بفضول:و بعدين؟ مريم وهي تطالع بخالد:شفت ذيك البنت المزيونه اللي ماشفت بحلاها خالد:وليه تطالعيني؟ مريم:شنو ليش أطالعك انا كنت أبي أخطبها لك وليد بهدوء:تشتغل هناك مريم وهي تغمز له:طالع أسمها فجر خالد:واذا يمكن ما ابي مريم بجديه:لو شفتها بتغير رايك بس المشكله تقول ما تبي تتزوج و ما مداني اخذ منها لاحق و لا باطل وليد بقهر:عمه وش جاك ع طاري الزواج اللحين مريم:والله البنت من زينها تجبرك تتكلم بالطاري هذا خالد ببرود:زين أوصفيها لي يمكن اخق عندها وليد وهو يضربه على كتفه:صدق ما تستحي خالد:وجع وش فيك؟ مو بتخطبها لي وليد بقهر:بس قالت البنت ما تبي وش لك بالوصف مريم اللي ماسكها ضحكتها على شكل وليد و عصبيته و شلون قدرت تستفزه خالد:حصل خير خلاص باخطبها على طول كيف ابقوى الإنتظار .. ؟ إنتظار .. !؟ يعني وش هو .. إنتظار !؟ كلمه تجمع من خليط المفردات البؤس كله .. !! كلمة تعني .. إحتضار .. وإنهيار .. وإنكسار .. وكل لحظاته .. مرار ! :" ( brb |
وليد وهو يزفر:حدك سخيف انا طالع عن أذنكم طلع بسرعه و هو نازل مع الدرج كا ن يدق رقم فجر و بقهر ردي
خالد اللي يطالع بامه وهي تضحك:وش السالفه؟ مريم:تعرف منو فجر؟ خالد:لا والله منو فجر؟ مريم:هذي بنت وليد يحبها و يموت فيها بالصدفه شفتها و خمنت انها هي لانها هي تشتغل بدار بالدمام وهي الوحيده اللي اسمها فجر خالد:وليه تخطبيها لي؟ مريم:ههههههههه انا ما خطبتها لك انا كلمتها وفعلا ارتبكت و انسحبت بس انا قصدي على وليد بس قلت كذا عشان أبيه يتحرك بدل هالبرود اللي عايشه و فعلا البنت حلوه و ممكن تروح من يده وهو لسى على كلام امه خالد:وخالتي وش تبي؟ مريم:تبي وحده من أغنى العائلات و فجر حالها على قدها خالد:أها اجل وليد حاب و منتهي زين قلتي لي القى شي أتونس فيه مريم:ههههههه أترك عنك وليد و تعال بحضني مشاقه لك يمه خالد وهو يحط راسه بحضنها:كبرت يمه؟ مريم:سهام ايه بس مافي عقل خالد:هههههههههه ليه عاد؟زوجتي العقل كله مريم:مابعد صارت زوجتك؟ خالد:و هذا ما بعد صارت زوجتي و سويتي فيها كذا لو صارت يمه وش تسويين؟ مريم:أقول أعقل أنا امك خالد:هي تعرف أني أبيها مريم:طبعا لا وش المناسبه؟و بعدين حط ببالك أحتمال ترفضك خالد ببرود:عادي وش المشكله مريم بشك:ما راح تزعل؟ خالد:يمه و انا كل ما اخطب وحده و ترفض أزعل وش بيصير فيني من الهموم عادي يمه انا بخطبها لان هذا اختيارك و لو رفضت دوري غيرها وش ورانا الا اقول وش رايك تخطب لي فجر من جد مريم:هههههههههه خالد روح لا يسمعك و ليد و الله ينسيك من أكون خالد:طيب بس أبدل و ارجعلك يالغلا عندي كثير سوالف مريم :زين يمه حاولت تتصل بوليد بس كل مره كان يعطيها مشغول ما قدرت الا تضحك عليه وليد:عيد وينك؟ عيد:معاها يا طويل العمر وليد:وينها؟ عيد:توها تطلع من شغلها وليد وين ما تروح تقولي قفل بسرعه ورجع يدق لها فجر أستغفر الله العظيم وش يبي طنشت وركبت مع راجو اللي طلبته يمر السوبر ماركت قبل ما ينزلها البحر وليد كان يحس انه بيحترق و مو عارف يوصل لها كلام عمته قهره ما يدري وشلون مسك نفسه قدامها و اللي قهره انها تتكلم وهي قاصده هالشي ضرب بيده ع الدركسون الا فجر ما تروح مني عمري ضاع بين شغل و تعب بس من شفتها نسيت كل شي حسيت انها شي حلو لي لو وافق خالد ممكن تروح مني له حس بغصه و انه يختنق يالله ردي يا فجر أرحميني وردي دخل لدمام و مشى لعند البحر و بداخله يدعي يشوفها اللحين قدامه نزل وجلس قدام البحر وسرح في فجر فتح جواله و ظل يطالع صورتها اللي اخدها وهي هنا و مو منتبهه لوجوده تذكر ليلة البارح وهي تبكي و تترجاه يبعد و بداخله اروح فدى لدموعك يا شيخه رجع يدق لها بس اعطته مشغول أبتسم و هو يتخيل شكلها متضايقه من اتصالاته تعالي </B>ارحمي بلادك لا تسوين حالة استنفار ...........غيابك حول افراح الوطن للضيق </B>والشده brb |
البارحه يوم الخلايق نياما
بيحت من كثر البكا كل مكنون أم حمد:طيب تخيل ترفض نايف بحده:زيها زي أختها تحلم تاخذ غير عيسى مو بكيفها تكلمينها اليوم و تعطينها خبر تحدد وقت مناسب للحفله و تعطينها خبر ان رايها ما يهم التفتوا على صوت الكوب اللي كان بيد جوري وصار ع الارض جوري بصدمه من كل شي أمها و برودها أبوها و موقفه ليه مصر على عيال ابو سعود و عيسى اللي خاطبها:مافهمت؟ نايف:زين جيتي عيسى خطبك و وافقت جوري :و انا ما ابيه منو قال راضيه نايف:قبلك أختك وشوفيها مبسوطه جوري بصراخ:انا ما علي من أحد ما همني احد وبعدين عيسى انا لو اموت ما ارتبط فيه اكرهههههههاااااااا و شجون مو مبسوطه بس لانك انت تبي كذا نايف:جور و طي صوتك انا ابوك لا تنسين جوري بصراخ:لالالالالالالالا مو منزلته و عيسى ما ابيه أفهم ما ابيه ما ابي اتزوج راضيه بس اخذ عيسى ما ابي أم حمد:بس و حطبه قليلة ادب وش هالصراخ جوري برجاء:ماما سمعتيه أم حمد:عيسى مافي منه الف من تمناه جوري وهي تمسح دموعها:انا مو من هالالف ما ابيه فهموا نايف:يبه جوري لا تتعبيني معاك وش فيه عيسى جوري وهي تبكي:ما ابيه نايف:بكره تحبيه مع الايام يا بنتي جوري واللي بكاها يزيد:الا عيسى ما ينحب ما ابيييييييه غصب نايف:ايه غصب جوري:لا مو غصب مو غصب و بصراخ ما ابييييييييييييييييييييييييييييييييييه افهموا ما ابيه قطع صوتها العالي كف من ابوها على وجهها وسحبها بشعرهها لعنده:جوري لك أسبوعين تجهزي حالك تعرفي ليه لاني راح احط زواجك و ملكتك بيوم واحد وخليني أشوف وشلون تعارضين سحبت يده و طلعت تركض لغرفتها وهي تسب بعيسى وتصارخ أم حمد:قلت لك بترفض نايف:بالناقص تبي تفضحني بنتك تالي العمر تبي تجيب لي واحد مدري من وين وينبش بالماضي تزعل تنطق قبلها شجون وشوفيها عايشه و مرتاحه أم حمد:جوري غير شجون جوري نار مو زي اختها تهدى و ترضى باي شي نايف:بتهدى وترضى ابدوا تجهيزاتكم أم حمد:من صدقك بتسوي الزواج وكتب الكتاب بيوم نايف:ايه ابدي جهزي جوري وهي ترمي اغراضها مافي شي على حاله بغرفتها وتبكي دقت على عيسى وعلى اخر دقه رد بنعاس:هلا حبيبتي جوري وهي تشهق من البكاء:عيسى عيسى بخوف وهو يقوم بسرعه:وش فيك؟ جوري ببكاء:أكرررررررررررررهك اكرهك عيسى بتفهيه:ها طيب ليه تبكين اكرهيني بدون تبكين جوري:حقيييييييييييييير تافه بلا اخلاق انت لو عندك ذرة رجوله ما كان قبلت على نفسك انا ما احبك ما احبك عيسى اللي بدا يستوعب وببرود:وش المطلوب؟ جوري وهي تشهق بين كل كلمه وثانييه :ما ابيييييييييك عيسى:عادي وش الجديد بس مستغرب انا ما جيت صوبك جوري وهي تمسح دموعها:حلوه هذي و من خطبني؟ عيسى وهو يتصنع الصدمه:اييييييييييييييييييييش اسمعي لو تكوني اخر نساء الارض ما ابيك تكفيين لا تقولي انهم خطبوك لي و بلوني بييك جوري بصراخ مع بكاء:حقييييييييييييير ماقدر يفهم كلامه لانها كانت تبكي عيسى اللي بعد الجوال عن اذنه بسرعه من صراخها انصدم من ردة فعلها توقعها ترد تسب بس ما تنهار و بحذر:جوري طوط طوط<<قفلت في وجهه يعني مشعل وهو رافع حواجبه:مبسوط بحرق أعصابها عيسى بصدمه:توقعت تسم بدني مثل العاده مشعل:و أكتشفت ايش؟ عيسى وهو يلبس التي شرت بعجله:كانت تبكي متصور انها تبكي؟ مشعل:وانت تقول هالكلام و ماتبيها تبكي عيسى بتحطم:خلاص مشيعل التبن بروحي قلبي محروق عليها يا الله نفسي أضمها مشعل:يوووووووووووووووووه حالتك صعبه اطلع برا خل انام brb |
ليش تحرمني دفآك .. وأنا أتنفس هوآك
مآ أبي الآ رضآك .. ليتك بْ إحسآسي تهتم حبني أكثر شوي .. وخل قلبك بس علي انت دنيآي وهلي .. والله الشآهد ويعلم كل ما أشوفك أذوب .. منك ما أشبع وأتوب شمس مآ تعرف غروب .. وأحلف بْ ربي وأقسم قلبي لآ شفتك يطير .. وافرش الدنيآ حرير عآلمي دونك صغير .. تكفى لآ تخليني أندم وليد:خلاص تقدر تروح تنفس براحه و هو يشوفها تجلس بمكان بعيد قام وقف بعيد بمسافه شافها وهي تسحب لثمتها عقد حواجبه و ابتسم وهو يشوفها تفتح شيبس و تأكل و بداخله يا بعد عمري جوعانه رجعت تسرح بمريم اللي شافتها اليوم حست بخووف فضيع صح كان ودها ترجع وتسألها من دون ما تعرف من تكون بس خافت و جودها صدمه بالنسبه لها ما توقعت يجي يوم تشوف احد منهم قدامها تحس بلخبطه فضيعه نفسها تدل صاحب بيتهم القديم ذحين و تاخذ الشريط بس ما تدري مين يكون ما حست على وليد اللي جلس جنبها و هو يطالع لها بانسجام الا من بعد ما تنهد فجر نزلت الشيبس من يدها و من خوفها مالفت سحبت لثمتها من جديد على وجهها و نزلت وجهها وليد:مو من البدايه ماله لزمه تنزل و يبان وجهك فجر بتردد:وليد؟ وليد:ايوا لفت بسرعه لناحيته و رجعت تلم أغراضها و قبل ما تقوم سحبها:جلسي عاد فجر بحده:لو سمحت وليد:لبيه فجر: هدني وليد:أسف فجر:وبعدين؟ وليد:ليه ما تردي علي فجر بدلع عفوي:ماابي وليد وهو يشد على يده:ارحميني بس فجر:وش تبي؟ وليد:تزوجيني؟ فجر:ها وليد:تزوووووجيني فجر وهي تنزل وجهها:أنت ما تعرفني وليد بلهفه:الايام بيينا نعرف بعض على رواق و حبه حبه فجر بهدوء:قبل اعرفني بعدين قرر؟ رفع حواجبه مستغرب:ما فهمت فجر:يمكن يكون في حواجز بيننا وليد وهو يمسك يدها:أي شي مستعد اكسره أي شي يبعدني عنك فجر انا من قلب اقولك احبك ما اقدر اعيش بدونك ما تدرين امس وش سويتي فيني كنت راح اجن بس اسمع صوتك و اتطمن عليك فجر بهمس:وش تبي مني؟ وليد:وش ابي منك؟ ابييييييييك كلك يا فجر احبك أفهمي كانت راح تتكلم بس سكتها وليد:اشششش فجر طيب خل نتفق على شي فجر وهي تحاول تفك يده من يدها و هو مبتسم على فشلها بكل مره:أفهميني و أفهمك أسمعك و أسمعيني و بعدها نقرر فجر:خلاص فك يدي وليد:ههههههههههههههههههه سحب يدها و طبع بوسه عليها:وش قلتي؟ فجر:قلت أتركني وليد وهو يفك يدها:طيب و فكيت يدك بس كلميني فجر:نعم؟ وليد:بليييييييييز حسي فيني فجر:وش تبي مني؟ وليد:كل خير يا فجر قلت لك ابيك زوجه لي متردده قلت لك نعطي أنفسنا فرصه نفهم بعض و بعدها نقرر و صدقيني لو ما تبيني راح أنسحب من حياتك وش قلتي؟ فجر:مدري وليد:جربي مو خسرانه شي فجر:و المطلوب؟ وليد:نفهم بعض نكلم بعض نقرب من بعض أكثر بعدين نقرر نكمل و الا نفترق ظلت تطالع بوليد وهي تفكر بكلامه يمكن يا فجر يكون لك امان من بكره و اللي جاي الى متى عايشه بخوف وش تنتظرين دام عندك دليل يبريك اعطي نفسك فرصه يمكن تكون خيره لك وليد:وش قلتي؟ فجر:طيب بشرط وليد بفرح:تأمريين فجر:ما تتعرضي يعني بس جوال وليد:هااااا لازم اممم طيب مو مشكله موافق فجر وهي تلم أغراضها:عن اذنك وليد:فجر ردي علي اذا دقيت لك فجر :اوكي عن أذنك كان يطالع لها وهو يحس ان الدنيا مبتسمه له من جديد صح كل ما ذكر كلام عمته يضيق خاطره بس ردة فعل فجر ناحيته صح بدون شوفتها بس أهم شي يقدر يكون قريب منها يقدر يقنعها بكثر حبه لها brb |
مآنّيٌ بَنّآيمً ولانّيٌ بَصْآحّيٌ ..
"ألشّوقٌ گدًرْ مَزأجّيْ وطارت اَلْنٌوَمِهَ صحت بسرعه و هي تشهق وتطالع ع الساعه اللي داخله ع 9 مشاري و هو يسحبها لحضنه:وش فيك؟ رشا :بعد يالله الساعه 9 مشاري:عادي رشا وهي تلبس الروب :صدق طيب ارجع نام مشاري:وش وراك؟ رشا:وراي امتحان مشاري وهو يحرك جسمه:مدري ليه ما يقرون انك ما تهنيتي بشهر عسلك عالم ما تفهم رشا وهي تدخل الحمام:أناقشهم في هذا الشي مشاري:وش عليك؟ رشا:انجليزي مشاري:مساعده؟ رشا بالحمام:أيوا مشاري:شنو؟ رشا:أطلع و ما اشوفك فضي الغرفه مشاري:والله بسيطه رشا كانت تحس برواق فضيع يمكن أسلوبه معها اليوم احترامه لها تقديره محى من بالها الليله اللي قبل كذا من قلب كانت تدعي انه ما يتغير عليها يكون معها على طول كذا حنون مدى ما صدقت حطت راسها و نامت بعد يوم مرهق بين تحاليل الزواج و ضغط نفسي من عاليه كالعاده و مذاكرتها كانت تحس بارهاق مجرد ما حطت راسها ع المخده غفت الا تعذّر ذنبك أكبر ذنبك أكبر من جبين الإعتراف ! وجرحي أعظم من حكاية : " ما على الغالي عتب " ريم اللي جالسه بغرفتها و ما تطلع الا وقت ما تحتاج شي كانت امها مستغربه ان اليوم ما طلعت كالعاده فسرت هالشي ان له علاقه برفض سعد لها ممكن تكون انجرحت من الشي هذا و ظلت تفكر و شلون تحل هالحاله اللي عايشتها بنتها ريم اللي لسى تطالع بصورة راشد قدامهاو هي تفكر ليش داق علي وش تبي؟ما كفاك هالعمر اللي ضاع بيدك و انت و لا داري عني لا تقول بترجع؟على كثر ما رجوعك بيحل كل مشاكلي على كثر ما اكرهه قفلت اللاب بقوه و نزلته ع الارض سحبت لحافها و تغطت و هي بدوامه أروى اللي كل يوم تغرق ببحر حاتم أكثر و أكثر صارت تعرف أدق تفاصيل حياته و هو يعرف كل شي عنها ماهي قادره تبعد عنه كل يوم تغرق معاه اكثر من اللي قبله جوري اللي مو راحمه نفسها من البكاء مالت عليه انا اللي ميته عليك يعني عسى امك تبكيك اليوم قبل باكر يجعلك العمى زاد بكاها وهي تشوفه يدق عليها من جديد ياربي رحمتك وشلون أعيش معاه وشلون؟ brb |
يآ ( رب </B>) ..
لآ تحرمني مطلبي ‘</B> فـ أنتَ وحدک ~> </B>تعلم کيف أنسجُ أحلآمي کل مسآء | و آصحوآ على آملِ تحقيقهآ في آلصبآحِ ! فجر وهي تقفل غرفتها عليها وتسمع اصوات الاغاني كل يوم هذا الجو نفس الخوف و مافي امل يتغير يا ترى يا وليد لو عرفت من اكون ؟بتقبلني بتحبني و تتمناني زوجه لك يارب لطفك و رحمتك يارب دقت عليه الباب و دخلت وليد وهو يقفل ازرار بيجامته تجاهل وجود عمته مريم:وش دعوه يمه؟ وليد:هلا عمه أمريني مريم:شايل بقلبك علي؟ وليد:لا وعشان ايش؟ مريم:هي فجر اللي تحبها؟ وليد ببرود:يمكن مريم:لا هي يا وليد انا يوم كلمتها كان قصدي عليك وليد:مافهمت مريم:يمه البنت ملاك و يمشي ع الارض ان قلت خلقه و ان قلت اخلاق و اليوم شفت و شلون نص اللي معاي تمنوها لعائلهم و مافي شي بيخليها ترفض وليد:كمان ما فهمت مريم:يعني اليوم فجر لك بكره ما تدري عن نصيبها يمكن تكون لغيرك تحرك لا تضيعها من يدك وليد و هو يبتسم بثقه:و الله اللي يقربها بيكون جنى على نفسه و بعدين هي بتخليني عشان غيري صعبه شوي مريم:واثق يا ولد خالد وليد:والله بكم كلمه لخبطتيني بس من شفتها تطمنت و ارتاح بالي مريم:على طول يارب مرتاح يلا بخليك ترتاح تصبح على خير وبكره أعرف و شلون ريحة بالك وليد بأبتسامه :مع السلامه رجع يدق لها من جديد حس بأحباط يوم طول ردها بس جاه صوتها الهادي فجر:هلا وليد بعتب:يحتاج رقمي كل هالتفكير عشان تردي عليه؟ فجر بنفس الهدوء:لا كنت أصلي بس وليد باستغراب:وش تصلي له هالوقت؟ فجر:الوتر وليد بخجل:اها و خلصتي؟ فجر:الحمدالله وليد:زين وشلونك اللحين؟ فجر:الحمدالله وليد:أحكي لي عنك يا فجر فجر:مو تقول تعرف عني كل شي وليد:مو كل شي أعرف يعني اعرف انك فجر تشتغلي بدار ايتام عايشه مع امك معروفه بالحي باسم الشيخه فاطمه فجر:وش تبي تعرف؟ وليد:ما عندك اخوان؟ فجر:لا ما عندي وليد:طيب يضايقك لو سألت عن أبوك؟ فجر:بابا متوفي من زمان عندي اخت وحده عايشه مع عمي بس ما اعرف له طريق يعني ما خذها من زمان و مختفي و انا عايشه مع خالو وليد بقهر:ما حاولتي تدوريها فجر بحزن:اكيد بس ما لقيتها وليدوهو يحاول يغير الموضوع من سمع نبرة حزنها:و دراستك؟ فجر:وصلت لثانوي بعدين اشتغلت وليد:ليش؟ فجر:لاني أحتاج لشغل و خالي مو دوم بيصرف علي أختصرت على نفسي و أشتغلت وليد:مرتاحه بشغلك؟ فجر:أكيييييد وليد بعد فترة سكوت:انا عندي اخت وحده اصغر منك بسنه فجر:اها وليد:ايه فجر ماودك تسألي عن شي فجر:ها لا عادي وليد:شكلي بتعب مع الهدوء هذا طيب انا مسئول عن أهلي فجر :و بابتك؟ وليد وهو يقلد نبرة دلعها:بابتي مات من زمان فجر:امممممم مثلي؟ وليد:ههههههه ايه يا دلوعه سالفه طويله تعرفي يا فجر اني لو أمسك السبب بموته انفيه من الوجود فجر بخوف:مافهمت وليد وهو يطلع لبلكونته :قلت لك سالفه طويله بس لسى جوتي ما انتهت فجر:مو فاهمه حاجه وليد:بكره الايام تفهمك فجر:أها وليد:عندك دوام؟ فجر:لا الظهر دوامي وليد:يعني بتنزلي البحر؟ فجر:مدري وليد اللي يحاول يطلع أي سالفه بس ما تقفل:وش اسم صديقتك؟ فجر:ريم وليد:اوووووف يا هي كبريت فجر:بالعكس هي مره طيوبه طالعت لساعتها اللي داخله على 2 زين انا لازم اقفل وليد بقهر:ليييييييييش فجر:لابس ابي انام وليد:أسهري معاي فجر:ما وراك دوام وليد:ايه وراي بس عادي ما عندي مشكله أسهر فجر وهي تتثاوب:أها وليد وهو ياخذ نفس:فجر انا لازم أقفل ذحين فجر:اوكي مو مشكله وليد:مع السلامه فجر:مع السلامه قفلت منه و قفت عند الشباك على طول تاخذ نفس وليد وهو يرش على وجهه ماي بارد:يالله انا لو اكلمها كل يوم اتعب تعذيب وش هالبنت دلعها كلامها صوتها عفويتها بس شكل حياتها حزينه حيييل بس مو مشكله انا وليد باذن الله أعيشها احلى حياه و أنسيها همها و أسعد لها قلبها بس هي تكون معاي و ما تحرمني منها و لا من وجودها بقربي نزل الجوال و نزل لحديقة قصرهم يمشي يحس النوم طار من الوناسه اللي هو عايشها مو مصدق فجر قريبه منه وبداخله و الله كنت راح انجن الا شوي اليوم وشلون تروح من يدي brb |
تِشُوٍَفٍ آلهُمٍَ بُعُيًوٍنٍيً
وٍشُوٍَقٍِيً وٍآلغٌَلآ َفٍضَآحِ .. تِعُآل أسِمٍَعُ صِدُىٍ صِوٍتِيً مٍَنٍ َفٍرٍآَقٍِگ بُدُآ مٍََفٍضَوٍحِ .. بُنٍيًتِ بُدُآخٍليً لآأجَلگ .. مٍَنٍ ضَلوٍعُ آلصِدُرٍ صِرٍوٍحِ.. دُخٍلتِ آلَقٍِلبُ وٍآغٌَلَقٍِتِ. وقلبي ماله المفتاح عُسِىٍ تِشَُفٍعُ ليً هُمٍَوٍمٍَيً وٍدُمٍَعُ َفٍيً وٍدُآعُگ طَآحِ .. أحِآوٍل أحِبُسِ آلدُمٍَعُهُ .. وٍأنٍآ مٍَنٍ دُآخٍليً مٍَجَرٍوٍحِ راشد مو قادر ينام ما خلى مكان الا راح له مشتاق للحظات تجمعه مع ريم و هاللحظات ما راح تصير الا بوجود سامي ما يدري هو الليل طويل و الا من همه صار كل شي بحياته يمشي ببط سامي اللي ينتظر رجعته لسعوديه مشتاق ثلاث سنين و عليها بغربه و هو يدرس بس عشان يحقق حلم أبوه اللي زرعه بداخله مشتاق لفيصل ريم وشذى امه حياتهم مشتاق يكون قريب من امه يشاركها همومها و تعبها يكون مع فيصل و يعلمه الصح من الخطأ مشتاق يزف شذى لسعد و يشوف وش كثر كبرت وريم تنهد من جاب طاريها ريم اللي نفسي اضمها على صدري و اقول تكلمي وش مضايقك احكي و انا لك عون وسند و دي اشيل همومها و حزنها خوفها ودي اعرف وش كسرها معقوله تحب؟طيب ليه صار كذا فيها معقوله لا لا أستغفر الله العظيم ريم مستحيل تغلط مستحيل!وش هالتفكير اللي علي وشلون اسمح لنفسي افكر كذا؟ عيسى اللي جالس مقابل امه و هي تهزي فيه عيسى :يمه حصل خير ام سعود:أي خير انت كفو زواج و بيت شوف شلون وجهك الوان من الضرب و مكسر و تقولي خير انت متى تعقل ابي افهم بس متى؟ عيسى بملل:يمه خلاص مشكله و صار ما ادافع عن نفسي ام سعود:ما اقول الا مالت عليك من ولد طلعت و هي تتحطم من عنده عيسى اوووف و انا ناقص مو كفايه جوري اليوم تمنى بس ترد عليه حتى لو تسبه عادي بس يتطمن عليها من يوم سمع صوتها تبكي و هو مختبص و مو قادر ينساه يا لبى قلبك يا بعد دنيتي و البكاء اه بس لو اني جنبك يا ناس احبها احبها امووت فيها صحت على صوت دق قوي ع الباب فجر وهي تفتح عيونها بتعب و تطالع بالساعه 7 الصباح خير ان شاء الله مشت لعند الباب و بنعاس :منو؟ عبدالرحمن وهو يشرب من السكار اللي بيده:يا لبى انتي وش الصوت هذا؟ فجر اللي فتحت عيونها و طار النوم بلحظه رجعت لورى:وش تبي؟ عبدالرحمن:أبيك يا عسل يا سكر تكفيين فتحي الباب و الله تنبسطين رجعت على كرسيها ورمت نفسها عليه و انفجرت تبكي من قلة حيلتها وقهرها كانت تغطي اذنها عن كلام عبدالرحمن الوقح و ضحكاته المقززه brb |
بِلادِي أنتَ ] .. لَا يُجِيد قَلبِي الإنتِمَاء إلّا إليكَ ،
مَا أخذنِي الحَنين إلّا لعينكَ ! ولَم تَختَنِق غُربَة رُوحِي إلّا فِي صدركَ أنتَ . سامي :وااااااااااااااااااااااااااااااااو راشد:أركد عن الخبال سامي:اسمح لي حدي مبسوط مو مصدق راشد:الله يسعدك زود و تفرح بشوفة اهلك بصحه و سلام سامي كان بيرد بس اختفت ابتسامته وهو يشوف راشد واقف عند باب بيتهم:وشلون؟ راشد:وشلون شنو؟ سامي:وشلون دليت البيت انا ما وصفت راشد اللي انتبه على نفسه و على غلطته بس تصنع الثقه:تستهبل؟ سامي :نعم؟ راشد:أنت وصفت لي لا تكون نسيت؟ سامي:ما أذكر راشد:سامي لا يكون انا ساحر اكيد وصفت لي وش فيك سامي اللي شك بنفسه:يمكن يلا حياك راشد:لا مشكور وراي دوام سامي:مايصير تعبتك معاي ادخل افطر راشد:لا تسلم بس روح نام صاير تجيب العيدالسهر اثر عليك سامي:هههههههههه عادي عادي سلك سلك راشد:بسيطه يلا أشوفك على خير من نزل سامي ضرب على راسه غبي كنت راح اجيب العيد غبي سامي من اول ما دخل :يمه شذى ريم فصول شذى وهي طالعه من المطبخ مو مستوعبه بعد فتره:سااااااااااااامي و ركضت له تحضنه سامي وهو يبوسها:شذوي حبيبي و رجع ضمها شذى وهي تصيييييييييح:ريييييييييييييييييييييييييييييييم ماااااااااااااااااااااااااااااما سامي هنا ام سامي:شذى انهبلتي بس سكتت من شافت سامي: يمه سامي ركض لها وباس يدها وراسها:يا نور عيني انتي يا جنتي يا بعد دنيتي ام سامي وهي تضمه وتبكي:مو مصدقه والله مو مصدقه اني اشوفك يا سامي سامي وهو يمسح دموعها :لا يالغاليه عشاني مشتاق لضحكتك ام سامي :من فرحتي يمه من فرحتي فيك سامي وهي يطالع بشذى:وين؟ شذى:أقول لريم سامي:لا لا انا اقول لها و طلع ركض لعندها فتح الباب بسرعه brb |
ياآخوي عطني شماغك
بلثمه و أحتمي به بالله ماقد صرخ لك يا جعلني فدى راسك ريم وهي تلبس جواربها:فصيل و وجع مليون مره اقولك دق الباب ما تفهم سامي برواق:لا ما افهم ريم لفت بسرعه و بصدمه:سامي سامي وهو يفتح يده لها:بالاحضان يا الريم بالاحضان ريم ركضت له وضمته بقوه:مو مصدقه ما قلت لي سامي:وشلون اعرف غلاي اذا ما فاجاتكم كذا ريم وهي تبكي وتضمه بزياده:أشتقت لك موووت سامي:وهو يبوس راسها:ما اقولك وش كثر مشتاق لك وش كثر خايف عليك ريم بدلع:لالالالا مافيني شي سامي وهو يضم وجهها بيده:واضح واضح بس تعالي معاي لتحت و بعدين لنا كلام بالشي هذا ريم وهي تبوسه:لا تشغل بالك هذا انا قدامك مافيني الا العافيه سامي وهو يسحبها معاك:لا تحاولين اللي اشوفه غير اللي اسمعه يالغاليه ريم وهي تشوف امها جايه صوبهم:اشششششششش سامي:من عيوني أروى:هههههههههه حاتم:ممكن ما تضحكي اروى بدلع:نو حاتم:أروى جد جوعان أروى:انا مو خيار لك قلت لك اقرب بوفيه حاتم:طيب متل ما تأمري أروى:يلا خل اختم المنهج يومين عليه حاتم بصدق:يارب كدا تنجحي و تجيبي أعلى الدرجات و تفرحي قلبي و لك أحلى هديه أروى:واااااوفي مغريات راح انجح ان شاء الله حاتم:يلا الشغل يتصل علي أروى:أوكي باي شجون وهي تحاول في الجوري تتكلم:و بعدين جوري اللي جالسه بنص الكرسي و مافي شي بمكانه و ساكته سمر بطفوله:حاله عمو يقول انتي عروسته جوري وهي تشد سمر مع شعرها:هالسيره ما تتكلميها فيها قدامي فاهمه سمر:ماااااااااااااااااااااما و بدأت بحالة بكاء شجون وهي تسحب سمر بخوف:جوري مو طبيعيه لا جنيتي سمر:ما احبس جوري بصراااااخ:برررررررررررررررررررررررررررررررررررا ما أبي احد منكم قدااااااااااامي برا شجون وهي تطلع من عندها:كنت مثلك يا جوري ارضي بالواقع و قفلت الباب بعدها جوري وهي تطالع بجوالها اللي ما هدى من مكالمات عيسى طيب يا عيسى ان ما كرهتك بنفسكح ما اكون جوري و الايام بيننا و نشوف من يخسر ؟ فجر ما صدقت طلعت من البيت و راحت عند فاطمه كانت مصدوومه من شافت عبد الرحمن هو نفسه صديق وليد ياربي وش هالحوسه دق و ليد و اعطته مشغول على طول قفلت على نفسها الغرفه و جلست تذكر ملامحه أيه هو نفسه اللي كان مع وليد انا متأكده كانت تسترجع صورته وهي تشوفه مع الشباك وهو يدق عليها الغرفه معقوله وليد يعرف؟لا يا فجر لا تتوهمي أكيد تتوهمي مو و ليد اللي كذا يووووووووووه وش هاللغز أسأله ؟و الا اسحب منه الحكي و أشوف وش يقول قامت تطل ع الحريم اللي بالحوش و اللي فاطمه تعلهم القران و حفظه حست بارتياح فضيع و هي تسمع الذكر بأصواتهم مدى:ههههههههههههههههههههههه قلت لي عيد ميلادك؟ رشا:يالله مدو ما ينحكى لك شي مدى:لا يا عمري تعرفي اني حييييييييييل مبسوطه لك ع الاقل تعويض عن بكاك قبل امبارح رشا وهي تلعب باصابعها:مدري احس اني نسيت كل شي مدى:وين ابوك؟ رشا وهي تدفها:مالت اذكري شي عدل مدري يقول نزل الاحساء عند اهل مرته مدى:ايون لا بس شفته مختفي عن الساحه رشا بخبث:باقي يومين و تصيري حرم محمد و عاليييوه حماتك ههههههههههه مدى وهي تبوز:وجع و الطاري مالقيتي الا هالشي تذكرينه رشا:وربي متحمسه لشي هذا ترى جايتك جايتك مدى:منو قال لك خيار بالرفض ما افتح جفني الا وانتي رازه فيسك رشا:لا تعاندي ترى ما اجي مدى:والله تسويه يقوم مشاري يرش لك عطر و انتي تخقي على طول و تجيني و انتي بعالم ثاني رشا:مالت عليك اشوفك يالخايسه يلا انا طالعه و انتي مدى:كالعاده يكتملون البنات و اطلع رشا:ذاكري عدل امواح مدى:باي عسوله و انتي بعد سامي:و أمي عادي عندها شذى:هههههههه ماما حدها زعلانه منه ريم ببرود:عاد الجو هناك احلى يختبر و في نفس الوقت يغير جو brb |
سامي :شذى ما ودك تذاكري انتي
شذى:اممممممم كانها طرده مو؟ سامي بجديه:أبي ريم بموضوع شذى:أوكي لف لريم اللي جالسه تقلب بالتلفزيون:و بعدين؟ ريم:هلا عيوني سامي:من يوم جيت و أنتي تتهربي مني ريم:لا حبيبي بس انت لازم ترتاح و قبل ما تطلع سامي:ريييم أبي أكلمك أنا ريم:سامي اللحين الساعه بتصك الوحده و أنت ما ارتحت و لاشي سامي:عادي ريم:نعم سامي:لبسي عباتك و تعالي ريم:وين؟ سامي:وحشني البحر ريم:اوك ثواني من صارت لوحدها تأففت بصوت عالي اووووووووووووووووف وش تبي يا سامي يا ربي وش الحل معاه لبست بسرعه وهي تسمعه ينادي سامي:يلا ريم ريم:خلاص جييت كان طول مشوار الطريق ساكتين كان بباله ملييون سؤال و سؤال يسأله لها امه علاقتهم عمانه و شلون قطعتهم بغيابه سعد و سالفة الملكه اللي لخبطتهم و شذى ورفضها للزواج فضل يكلمها بمكان هي تحبه و بنفس الوقت بعيد عن أمها ريم أخذت نفس و أستعدت لنقاش طوويل مع سامي سني‘ـن لهفهُ و حب ............. سني‘ـن بعد و قرب فيهآ ................ آ ه ه ه يّ صبرري * ، brb |
سامي وهو يمسك يدها:نفسك بشي
ريم:لا مشكور سامي:و حشني هالجو ريم:اممممم تذكر هذاك المكان طالع للمكان اللي تاشر له ريم و أبتسم:ايه ههههههههه وش كثر تحبي تبني بيوتك هناك و اذا ضيعناك نلقاك هناك ريم بحزن:امم بابا الله يرحمه هو اللي كان يفقدني سامي:و احنا؟ ريم وهي تضيع الموضوع:تذكر يوم رحت عائله مصريه تتمشى معهم و امي قالبه الدنيا عليك سامي:ههههههههههه ايه اذكر بس انبسطت معهم و تالي بكيت ريم:هههههههههههههههههههههههههه سامي:يا شيخه عوائل ما عندهم أي انسانيه والا ليه من شافوني مبسوط ما يتركوني ريم:لا والله ههههههههههههههههههه سامي و هو يمشي قدامها:دوم الضحكه ريم :بوجودك سامي:بجد؟ ريم:اكيد سعادتي اليوم غير شكل سامي:طيب ممكن تريحي بال اخوك و تطمنيه عليك ريم:مافيني شي سامي و هو يمشي قدامها وهي وراه و عينها بالارض و تسمع كلامه:ما اتوقع ريم عندي اشياء بخاطري ما احد يحلها غيرك كلامك انتي حل لها ثلاث سنين هناك و قلبي و عقلي هنا ريم بداخلها ليتك ما رحت و تركتني ليتك ظليت جنبي حتى ما أضيع كان راشد يمشي ع البحر و انتبه لسامي و هو ماشي مشى لجهته بسرعه و ما انتبه لوجود ريم وبضحكه:يووووووو كل هذا شوق سامي وهو يمشي نا حيته:راشد انت و ش قصتك؟ ما وراك شغل رفعت راسها وهي تكذب عيونها مو راشد لا لا لا يا ريم اصحي مو هو مشت لجهتهم من دون وعي و مو مصدقه راشد سامي يعرفون بعض؟راشد هنا معاي من متى؟وكيف؟ اختفت ضحكة راشد وهو يشوفها جايه ناحيتهم و بصدمه :أحد معاك؟ سامي تذكر ريم ولف بسرعه :عن أذنك الاهل معاي كان مصدومه حست الدنيا تدووووووور فيها تحس انها مو ع الارض بين السماء والارض حست انها تختتتتتتتتنق وكل شي فيها يرتخي مو قادره تقاوم كان مصدوم وهو يشوفها تغيب عن الوعي و تطيح قدامه و سامي يحركها و مو مستوووووعب :رييييييم رييييييم ردي علي لـ الصبح..لـ أصوات العصافير..لـ بكاي ـــــ لـ أحلامي الخجلى وأنا وسط عينه لملمت بعضي | جيته أركض من أقصاي ـــــ بـ يدي حنين / وذكرياتٍ حزينة الصّمت طوّل وإعتذاري من أشياي ـــــ فنجان شوقي / غرفتي / والمدينة الكلّ فـ غيابه تململ من اخْطاي ـــــ والكلّ صرّخ يا [ وطن ] فاقدينه والضّيق جاورني حضن خط ممشاي ـــــ لين إختنق من قوّ دمعي .. ونيـنه محتاجة أشرح له بعض جور دنياي ـــــ كيف الضّياع أًصبح لقلبي | سكينة من علّمه يكسر أمانيه جوّاي ! ـــــ مافهمه وشلون جبر الغبينة ! عندي يقينٍ بـ إنه أكبر خطاياي ـــــ وإن أبسط جروحي سببها يدينه ,’’’ لهون و خلصت البارتات |
سلم ذوقك واختيارك
ربي يعطيك العافيه وما ننحرم من جمال طرحك لروحك الجوري |
تسسلم يدياااتك على رووعه طرحك
الله يعطيك العاآآآآآآفيه ... وربي يسعدك |
الله يعطيك العافيه على الطرح
اللي كله ابداااااااع حضوري شكر وتقدير لك ولاهتمامك في مواضيعك اخوك نجم الجدي |
اقتباس:
|
اقتباس:
|
اقتباس:
|
ماشاء الله تبارك الرحمن
ذوق في اختيارك وعافيه عليك وعلى الطرح الراقي لاحرمك الله رضاه لك كل تقديري واحترامي مجنون قصآيد |
اقتباس:
|
*،
آنتقاء مميز .. مَ ننحرم من جديدك |
اقتباس:
|
سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه مودتي |
يسلموو على المرور
|
| الساعة الآن 05:17 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية