 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - ديوان الشاعرة/همسة عنا
(http://www.gsaidlil.com/vb/showthread.php?t=45788)
ديوان الشاعرة/همسة عنا
محتاجة لعيون النهار على ليل الجفاء تنهار أشوفك تمسح الدمعه تغازل للحظة الجمعه تواعدها بشروق الشمس مابين الحاضر ومابين الأمس على وهم الخيال تختار أنا نفسي تحب أعلى الأمكان مكاني فوق في أعلى المساكن على حد الجدي يسري خيالي وشفتك بعيني في الليالي يا موهم خاطرك بعض الأفكار ؟ أشوفك في النظر إنسان عادي ولا لك شف في لهفة مرادي ترى حدك انجوم في عيونك تلالا وأنا قمرا في خيالك اجيلك كل لحظه بين الأفكار تصدق خالي إحساسي ولا لك مكانه ولأحد ماخذ بدالك نهايه في بدايات التجافي وجو العمر على فرقاك صافي ولا يخفى عليك اليوم خافي ابترك قصتك في ثغر الأقدار |
يا خالد الوقت يمضي بين مر وحلاة
هذا حاضر وهذا في زمانه غياب الليالي تمر عيوننا مظلمات بعض الأحيان فيها تلقى غامض جواب وإنت شاعر تجيد المعرفه والصفات تدري البخت لمن قام له استجاب في عذاب المعاني مايفيد السكات نبرة الحزن تظهر ما تهاب وتهاب الحقيقه تماري فوق صدر الحياة للمولع بلحظه هجت ألفين باب قلتها لك على ذكرى وله أمس فات اتذكر غلاها فوق مثنى السحاب |
هذي الحياة وسنة إللي يبونك تنشال فوق الراس مدام يغليك تشوف عزه واضح في عيونك مهما حصل في العمر حولك يداريك همه الأول كيف يعلق بكونك ويكسب رضاك ويهتني في أراضيك مهوب مثل إللي يفكر يخونك يضحك معك زيف وقلبه مجافيك يدور الفرصه بناس يجونك يأخذ مسار مختلف من يحاكيك والناس أجناس وأنا فدا جفونك من خلقت الدنيا تقلب مواطيك |
فكرت بدنيا على ناقص وزود واحترت أنا مابين خافي علمها نوب تجي بيض ونوب تجي سود أيامي إللي صايبات سهمها الحب في قلوب المحبين محمود يبين في عيون الخلايق ألمها كلن شكى من لهفته ياهوى النود إنت وأنا والغير ضاع ابحلمها خل الندم والحب يبقى لنا اشهود رمز يعانق ليلنا في سلمها يافرحة إحساسي ترى العمر محدود أغنم زمانك واستفد من قدمها صحيح أحبك وأعترف فيك مشدود بالي وروحي وإنت قمة قممها هذي الحقيقه بين حاسد ومحسود الله يعدلها لنا في حكمها |
للعز والأمجاد في العمر ميدان أقولها لك والبشر دوم تفخر ما كل مافي الخاطر نشوفه بالأعيان الخافي أعظم من شعيب تحدر لي نظرة فيها المعزه والإحسان لا إنت به ولا غيرك بقلبي تأمر كرامتي ماهي تقدر بالأثمان نفسي عزيزه في المواقف تأثر ترى العنب ما طاله أطول إنسان من طاح ما سمى تراه يتعور أفهم كلامي يا جريح بالأحزان خذ ذكرياتك وسط ليل تعثر قبل الوداع إللي على عيون سهران ترى الصغير بمر الأيام يكبر |
أنا يا رفيق العمر حزني ثناه النور شبيهك وليلي شدني في عذاريبه أحاول قدر ما أقدر أروض فرح مقهور وأرده على قلب يبس في مشاريبه تصدق خذاني الليل في غربته بسرور على تنهيده أظمه بترحيبه أخايل غدير وأطرده مكتمل بالدور أبي شربة تروي لواهيبه مضت لي إسنين أرتجي من وراها شهور وثرها سراب نابعه تحمل الخيبه حبيبي ليالي الحزن معها ترانا ندور أنا وإنت وإحساس الغلا سر نسريبه أحبك نعم مانكرت وإنته بعد مجبور غلانا مابين الناس بصدق نحكي به أنا وإنت مثل الطير في غربته مكسور جناحه يعيقه ماوصل منثني في مطاليبه وعلى رغم ذاك الغلا في الحشى منثور مابيني وبينك مرتبط بينناالطيبه ابعلن لكل الناس بصوت يفوق ابحور أنا لك في طول العمر حبيبه على الغيبه ملكت المشاعر كلها والمحبه شعور أحبك أحبك والملاء الحب تدريبه تعال ابغلا قلبي تصرف بليا شور وقدم بقايا العمر كله بترحيبه |
الجرح ينزف والغلا حوله الشوق
والحب في هامة شعور المفارق شمس تلوح بناظري حزت الشروق غاب القمر منها على ليل شارق وده يعاتبني على الود ابذوق ووده يقول ما بيننا أية فوارق ما يدري إني بين الأحلام مسروق أشبه أنا المزاح إلا شاف سارق أشوف نفسي في السما دايمه فوق أمشي على عز ابمجد ومشارق أعرف مواطي نظرتي وأكره البوق فيني الذكا في درب الشوق خارق أقولها لك والفعل خير منطوق ترى الهوى يا ولد الأجواد حارق إنت وأنا وغيري من الناس محروق والله يعين إللي يحب ويفارق |
رد القصيده عنها ما تخلى أدور المعنى الجزل في طروقي أختار كل إللي على البال يحلى أجاري إللي بالمعاني يسوقي خالد مهندس كل معنى تغلى عبره وحكمه والخواطر تروقي الشعر هبه من عظيم تعلى إللي خلق شمس تبث الشروقي أقولها إللي بصبره تحلى راز القوافي في جميع الطروقي وإللي تغلى في المحبه يخلى حيث الظماير من شقاها تعوقي نصيحتي لك لافي الهوى لا تسلى الحب ينبض في جميع العروقي عسى الهموم إللي بقلبك تجلى وتعيش في نعمة ارعود وبروقي واختم قصيدي فوق نجم تعلى وكل المعاني في قصيدي تفوقي |
راعي الهوى مولع مثل ما تولعت وسود الليالي إللي خذنه خذاني أسرح معها كلما غبت أو بنت أسمر معها مشغله كل ظني تمرني دقايق العمر لا هنت وابكي عليها كل ما تمتحني وجاذب الهاجوس حتى تمكنت من جرحي إللي في الأماني يوني أرمي سواليفي على الليل ما نمت وأشوف همي يأخذ القلب مني ذي حالتي ياجرح الاشواق ياليت تفهم خفايا حب عمر فتني ياشاكي ليل الهوى ما تراجعت عن فزعتي لك لو تخليت عني |
إبتدى عمري من الليله معك
قبل أعرف إسمك ولا أدري من تكون صوتك الدافي جبرني أسمعك واعتبرت إنك على نفسي تمون ياغريب السالفه كيف أقنعك كيف أعبر لك عن إحساس حنون كيف أردك قبل تسري وأمنعك وخافقي شفته على نور العيون يرجف بلهفة عيونك واتبعك من غلا قلبي وصل حد الجنون من تكون أرجوك قلي وارفعك إنت منهو إنت قلي من تكون |
الشعر متعه وكل شاعر أجاريه
ببيات شعر نابعه من خيالي وفيها أختصر ما أقول بروعة معانيه وخير الكلام ما قل بكل المجالي يا مطول أبيات القصيده على إيه القصد واضح من جنوب وشمالي من صغر سني والشعر عايشه فيه غلاه عندي حسبت أصغر اعيالي بيني وبينه عشرة إسنين مخاويه بشهد على ما أقول كل الليالي الحر يفهم بالإشاره معانيه ويعرف بين غالي و غالي مسك الختام سبعة أبيات تكفيه يدور فيها من جوابك سؤالي |
ريح الخزامى على معنى مكاتيبي تفوح عطر الموده من مكاتيبه على نسيم الليالي جت على طيبي من كل صوب عطرها فاح تسريبه وأنا عزيزة مشاعر مصدره عيبي مكانتي فوق طيبي من عذاريبه يمناي دايم بودي داخله جيبي على الكرم هاجس الإحساس يسريبه يا مرسل أشواق قلبك صعب تسريبي أخذه عبره وليلي ما أقدر أسريبه هذي الحقيقه وكل الناس تدريبي جنبت درب الهوى وجفت مشاريبه رغبة عيوني تهاوت بخطوة دروبي الحب قلبي نساه وما يماريبه |
على الحكى ياغاوي الرأي ما احلاك
جبت القمر والشمس للي أمامك وأنا الذي أعرف خفايا نواياك وقدرك صغير منثني في كلامك من بين كل الناس أفهم خفاياك وأعرف مواطي نظرتي في ملامك بنت الحمايل جنبت درب شرواك ماهمها حكيك وكثر إتهامك الورد من حوله مسافات واشواك يجرح إيدينك قبل يجرح اقدامك لا إنت ولا غيرك ولذا ولا ذاك يوصل اورود ترتفع عن مقامك أقولها لك من تصاريف الأفلاك يمديك تفهم نزوتك واحترامك واختامها ضيعت وقتي وما جاك يكفيك ياتايه ابعتمت ظلامك |
في غيبتي .. مالي على الدنيا ملام همسة عناء .. فيها تعابير الغرام يوقف غلاي .. مني على حد النظر يركض وراي .. ويشوفه كل البشر وتنثر سحايبها غلا .. وتنبت على عيوني زهر .. وأقول أحبك .. موت أحبك .. وأعطر الدنيا زهور .. من دمعتي فاحة عطور .. وأنادي أيام الهوى .. على أمل نبقى سوى .. وأسامر دروب السهر .. وأصحى على طيف القمر .. وأرسل مراسيلي عذاب .. على مراويح السحاب .. تعبت ما اقدر أمنعك .. واوادع أحلامي معك .. وأخايل عيون السحاب .. أعاتب أيامي بلاك .. وأقول أحبك .. موت أحبك .. |
المعاني عطرها فايح علينا من مكانه
ريحها ريح الخزامى والعطر سايق هبوبه منك يافلانه لفتني والغلا معتز شانه والخطا وارد وبعض الناس مهيب معصومه بلغي راعي المكارم بالنيابه عن شيهانه زلتي فيها إحترامي والخطا أعرف ادروبه عمري ماجرحت إنسان عن زلة لسانه عمري ماذكرت إنسان في كثرت اعيوبه عارفه حدي ولا يمكن أبادر بالإهانه الوفاء طبعي ملكته دايما أنساق صوبه زلة جت سبه في سبايب في زمانه الغلا فيها يماري في مواطنها سلوبه كل قصدي من وراها ضحكة ترفع مكانه فهمي قصدي يافلانه زلتي ماهي محسوبه |
أنا بعيده قريبه ما أحب المعمعه حولك ولانيب حولك خافقي ماسلا صوتي معك لا تتجاهلني وتكفي أسمعه اطلق عنانه تعرف إني معك في الملا ترى المشاعر على بيوت الشعر مولعه ترتاح فوق القصائد في مواري الفلا أقولها والشعر يعرف ترى مرجعه ياصايغ القاف قلبي قال مية هلا جتني المشاعر وليلي زاد فيني موجعه نقض اجروحي وخلاني جريحه ولا هذا زمان غريب مايجمع معه غير الهموم الكثيره مع حلوم البلا حولي اظروف الليالي كلها منوعه لا قلت راحت خذتني وقالت الفين لا على عذابي ظروفي للأسف مبدعه تقابل إحساسي بكلمه هلا ومسهلا تحبني حب جارف والشقى مطمعه تصدق إني أشوف المر فيها حلا مليت صبري وصبري عافني مدمعه من كثر ما اشكي أحس إني وحيدة خلا ما غير أكابد زماني لا بكيت أدفعه ذي قصتي يا شديد الباس بين الملا |
أنا معك وأتفق يامعلن الدعوا
هرج القفا باين للناس تأثيره ماهو جديد ولا له قيمة وجدوا من سالف الوقت أجاهد حول تدميره أهل النمايم تزود بطبعها الحكوا والعاقل إللي يميز وزن تعبيره أدور الطيب وعيبي دونه القسوا وأرفع اسلاحي بوجهه في مشاويره أنا أصيله وأحب إللي به أمروا من فوق راسي أشيله فوق عن غيره يملكني إللي بقلبه للبشر نخوا لا جا مجاله يعطر طيبه السيره أقولها وإنت تدري ياولد حوا إن الوفا طبع فيني صعب تغييره |
الله وأكبر عذاب صابني بهموم مدري هو علم ولا وهم في ظنوني من غالي زل في حقي بكف ظلوم وأنا أحتمل وقلبي كله اطعوني لو كنت عني غريب ما يلحقك لوم لكنك عندي عزيز ودايم تموني علمي بك إنك أصيل وتدرك كل علوم آه يا فهد كيف عليك بلحظه اهوني ترخص بقدري بكيف ثم علي تقوم آه يا فهد فيني أوجاع من اشجوني تذرف عيوني بهمسات وعتب وهموم ياليتها جت من غيرك تراهم ما يهموني ولك في خفوقي عظيم الود لك مكتوم وأنا اطلب الله مصيبة أمري تهوني باكر مع الوقت تعرف حقي مهضوم وإنك علي أخطيت يا عز مضنوني |
أرخ الحبل كلما شديت
لا تقطعه بيني وبينك ياما وياما معك أرخيت وحبل الهوى براحة إيدينك إن رحت عني زعل أو جيت حد الزعل عيني وعينك أعرفك أنا من حمام البيت يومين وتسأل علي وينك يامالك الطيب أنا ما أخطيت معقول أنا أحرجك وأهينك أنا معك صادقه حبيت شفني على عالم سنينك ردة فعل بالغلا زليت أموت لا يمكن أدينك ما أدري وش إللي معك سويت ياخف دمك ويا زينك |
آخذ قراري في جميع المعابر
أجنب عيوب وراها الذليله أكرم سبيل إللي لفى الدار عابر وأدور علوم تجيب الفضيله ماهمني من راح شاكي ودابر ما دام في الدنيا مضيع دليله المسلم المؤمن وراه المقابر على النعش الناس لازم تشيله كتبتها على الورق بالمحابر أبيك تفهمها بأيت وسيله مانيب أكابر ياجريح المنابر أقوله لك يارفيق الفشيله ما همني صالح وخالد وجابر أصيلة من عائلات أصيله الحب نزوه وإنت بالحب صابر ليلك ظلام دايم تشتكي له خلي الهوى لهله حرام تكابر وكل على الدنيا يلاقى مثيله ترى النساء مثل الرجال مخابر وأقولها لك والهوى لا تجيله دور على مثلك مع الناس عابر تضحك معه ساعه وتطلق سبيله |
أحلى قصيدة حب في عز غالي
كتبتها في إللي أغناني عن الناس إللي خذاني قبل ما أسأل سؤالي فيه الحلا ماله أبد عندي اقياس عرفته بصدفه من أربع ليالي وخلى حياتي كلها أشواق وإحساس هذي المشاعر بالوفاء والتعالي من باطن أقدام إلى هامة الراس وقلبي رسم له صورة في خيالي ألوانها مطرزه كلها ماس هذي الحقيقه بكل شيء مضالي حتى تلاشت صورة الحزن والياس |
يازينها دنيا بها الحلم جالي
واستبشرت فيها الليالي والأيام وخيوط نور الشمس فيها تلالي على مغيب أوهامها نور الأحلام تحققت عندي على قدوم غالي ومنها أنجلت كل المآسي والأوهام وتغيرت أطياف ذيك الليالي غاب السواد إللي على بيض الأعوام ولفتني ردون الغلا يوم بالي أرتاح من ماضي مضى كله آلام وأمطر سحاب الحب شوق خيالي مامرني ياهل الوفا من يجي عام عوضني إللي في حياتي مضالي والحب له كله على صدري وسام |
الذنب ذنبي سريت بعالم أحلامك في دربها قبل ما أعرف وش تواليها فكرت فيها الأمل شمس على أيامك تبقى ولا يمكن الدنيا تخفيها سريت حتى صدمني واقع أوهامك وشلون ما أدري رمتني في لياليها وصاحت جروحي ندم والعين قدامك تنثر دمعها غلا من حر ما فيها تذكر إللي مضى من سالف أعوامك يوم المحبه بروح الروح تحييها صدقت أنا كيف ما أدري نزوة هيامك الحب فيني وعيني فيك معميها أخطيت لكن على الله باكر آلامك تكشف حقيقة جروح كنت ناسيها |
إنت جاحد في الهوى ... ما صحى فيك الضمير
والعلوم إللي تجي منك ... يا خاين كثير حيرتني فيك وأجد كذباتك فوق النظير مالك في قلبي مكان .. إنت أبد مالك آمان لا تحاول بالمحبه وإنت مجهول المصير تدور وبتلقى بدالي في البشر مثلك وفير مالك في قلبي مكان إنت أبد مالك آمان الخيانه في شعورك والكذب حبله قصير أبتعد عني بلحظه لا تقول إنك عشير مالك في قلبي مكان إنت أبد مالك آمان |
يا مرحبا باللي على البال هلي
ترحيبة ريح الخزامى لشرواك من صادق إحساسي تفوح وتهلي بك يارفيق الحرف في صدق معناك مرتني احروف القصيده وأنالي كلي ألم واشواق في عز ذكراك قريتها وعيت اعيوني تملي هذي علوم السالفه لا عدمناك سود الليالي والظروف أوقفلي عيت تفارقني على دور الأفلاك ظرف يقابلني وظرف يولي تعبت أعاني بين هذا وهذاك والله يعلم بالغلا مثل ظلي لا غبت لحظه إلتفتلي وناداك أقولها لك بالوفاء وإنت قلي ترى عيوني بين الأحلام تلقاك |
أنا ما همني شخص يدور حقه المهضوم
يصارع زيف ما قاله وهو بالفعل مغبوني يقول إن الشعر غايب عليه من البنات اغيوم سحابه ملتبد ماقد نشر من كبده مزوني تناسى أن الزمن داير وفي ليله قمر ونجوم يغالط واقعه وده جميع الناس يحكوني هدف مكشوف كل إللي يبي يحصد وراه اعلوم يبي الشهره على أقصر طريق لو يلوموني مثل هذا كثير بيننا في عالم مهموم على اكتاف الشعر يطلع يبي ياصل وشوفوني يرزز نفسه في كل المواقع يابشر موهوم يقول البيت مكسور وذا ما هوب موزوني وهو مايعرف حروف الشعر من فكره المهدوم بعيد بعيد لكن إنه يحب الشعر مجنوني أقول إن البنات اليوم خوات إرجال سيد القوم فعلهم يشرح الخاطر بنات إرجال يعدوني وفيهم شاعرات خالدات بالقصيد اليوم قصايدهن لهن رمزا وكل الناس يدروني نردد في مجالسنا قصايدهن بطيب إعلوم حقايق كل ما تخفيه تبين بنظرة اعيوني |
إنت إنسان بهالدنيا غشيم
ماتعرف الحب وماسير عليك لا تقول إنك معي دائم حليم عارفه كذبك ولا يمكن أبيك راحت أيامك رمادي يالسقيم شفتها في نظرة أيام تجيك خاين الماضي وتاريخك قديم والليالي بالمآسي تحتريك كنت في عيني قبل غدرك عظيم كنت أبيع الناس لجلك وأشتريك أحسب قلبك مثل قلبي سليم ما تصورتك تخون إللي يبيك |
اسرق الوقت من لحظات عمري وأجيك اسبق الشوق ... ويسبقني بلهفه عليك تحتريني برغبه صادقه وأحتريك نتفق بالعواطف في لقاي ولقاك ياحبيبي ترى مالك بقلبي شريك يشهد الله ترى كل الجوارح تبيك أزعل الناس لجل أرضيك مازعل عليك كلما جابني شوقي يجيبك غلاك أسأل الليل عني ياحبيب الغرام كم ليله عيوني ساهره ما تنام أتخيل وصلك بين نار وهيام ماذبحني بعمري غير نزوة جفاك |
أسألك ذا حلم أوعلم صابك
أو خواطر وارده بينك وبيني أو عظيم الشوق في لحظات جابك مثل ماغرد عظيم الشوق فيني وينها ذيك العواصف في غيابك مين طفا شوقها يانور عيني ياحبيبي أعترف ماقوى عذابك إنت مني والغلا يجرح حنيني لو تجافينا وصك الوقت بابك إنفتح بابي لحبك ياضنيني لا تعاند والغلى لبد سحابك إنثر مزونه علي كأنك تبيني دام شوقك علم من قلبي هلابك لمني بالعطف ياأحلى من سن |
| الساعة الآن 09:41 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية