غدر البنات؟!
 

أحد المتابعين بتويتر قرأت تغريده
كلها الم وتعب وانكسار كتبها على طريقته ليس
شعرآ بل نثرآ غير متقن اقرب الى الفضفضه
احسست بالمه وصدمته ممن عشقها واحبها
تخلت عنه ولاتجيب على اتصالاته
فايقن بانها رحلت وانتهت فقد استبدلته باخر
وتختلق الحجج لانهاء العلاقة بظروفها ووضعها
الذي لايسمح لها بالرد عليه او اكمال الرحلة معه
.
.
حاولت ان ارسم صورة لهذا الخذلان على الطريقة
الرامزيه كمشاركه ومواساه لهذا المغدور؟!
النص موجود على حسابي بتويتر كرد على ذلك
المكلوم في عشيقته؟!
.
.

.اكتب وفضفض ياعسل
قول الذي في خاطرك
احكي وبوح..
وشللي حصل؟!
ان كان تشكي هجرها
وغيابها
واسباب قل سؤالها!
لاتبتئس الوضع عادي
عندهن
مافيه اختلاف..
كل الوجيه متشابهه؟!
غدر وخيانه وقل ذوق
مثل السروق
بكره تجيك وتعتذر
وتكذب عليك؟!
عن اللي طاف!
وتقول وضعي اختلف
ماعرف ادوور ولا الف!
كل العيون صارت علي
مقدر اجي متكتفه
مقدر ابوح ولا..اروح..
حتى شوارع حينا
ليه سنه ماشفتها
نسيت لون الارصفه!
وضعي وربي اختلف
حتى حياتي عفتها..
هذا الذي ليه حصل..
ارجوك أبعد لاتجي
انهي العلاقه كلها
تكفى لاتحرجني كفى
انا نسيت السالفه
وكل العلوم التافهه
اللي تضر بسمعتي
بالمختصر لاتتصل
لاتتصل
مره ولاتسأل علي؟!

رااامز..

صح لسانك على ترجمتك للواقعه
لكن خلنا نقف شوي عندها

مابني على باطل فهو باطل
واستغرب اما حبيت وهي حبيت
اذا بليتم فستتروا
بعدين بنت جاها نصيبها وراحت
وكل مجتمع وبيت له عاداته
اعتب على من يتفاخر بالحب
غير حب الاهل والزوج والزوجه
غيرها خرابيط

صح بوحك
ترحمان قصه بقلمك اكثر من روعه
رامز
قلم جودته عاليه

صخ لسانك على ماكتبت
دغدر البنات العنوان
ليتك غيرته وماعممت

كم هو جميل لن نترجم مشاعر غيرنا
باسلوبنا ونظهرها بالشكل
الانيق مثل مافعلت تماما

يالله ماتدري انه جُرم وش احلى من الصدق
احترت وش اقول لكن يبقى في ناس حلوه وقلوبهم حلوه ووجودهم حلو انا اشهد وابصم بكل اصابع يدي واللي يحب للاخر شي بيكون معاك صادق
الله يحفظ لنا كل من نُحب ويجعلهم لنا خير

ثح منطووووقك
كلماااتك ولااغلطه صرااااحه

كنت بنااقش معك القصه
لكن نمشيهااا

لبتك تكتب العكس غدر الرجال
تراها نصيب

وصح لسانك

اهلا وسهلا مديونه
منوره المحتوى وشكرا على الاطراء..
فعلا ماذكرتيه هو عين العقل
هي التقاطه لحاله حاولت من خلالها
مواساة ذلك العاشق..
تحايا واكثر