يا كثر ماني بغربتي شلت همك
وأنشد نجوم الليل من عقب فرقاك

عليك أخاف أكثر من أبوك وأمك
والله ما تلقى مثل قلبي أغلاك

مارتاح أنا من الوله لين أضمك
وأعلمك وشلون حالي بلياك

أحيان أسوي لك عذر وأعذرك فيه
وأحيان أدورك لك عذر بس ما القى

مليت من كثر العتب والمشاريه
أثر الذي يعشق من العشق يشقى

تقول لا دايم وأنا أقول لك إيه
تضحك وأنا دموعي من الوجد غرقى

لا لا تحاسبني ولا تقول لي ليه
لا قلت لك ماعاد له داعي أبقى

أنت متعود تحب وتختفي
وأنا مو ناقص أحب وأحتريك

أنت من كثر الحبايب مكتفي
وأنا أدور لي أمل.. يربطني فيك

لا تمثل لي وتقول إنك وفي
ولا تعيش الدور ما يصلح عليك

أهلين يا سمح المحيا وسهلين
يا رأس مال اللي يبيك ورصيده

إشتقت لك شوق الشقي للملايين
اللي حياته كلها عالحديدة

وجهك إلى شفته تذكرت شيين
الحظ الأوفر والحياة السعيدة

خطاي إني سألت وجيت أدور للغياب أسباب
خطاي إني تعلمت الوفا والناس كذابة

حسايف يازمن ماعاد باقي للزمان أصحاب
على حسب المصالح كل واحد يحسب احسابه

من زود حبك جيتك بكل ذاتي
وأشكي غيابك يا بعد كل مزيون
خلك رحوم بحالتي يا مناتي
طال الغياب وضاق بعيوني الكون
ليه الجفا وأنت الوحيد بحياتي
مدري تغلي أو دلع منك وفنون
يا زين إرحم حالتي ياغناتي
يكفي تعذب واحد" فيك مفتون
حرمتني حتى الخشوع بصلاتي
واسهرتني يوم الأوادم ينامون
عقلي ثقيل وكان أحلى صفاتي
وخليتني أمشي مع الناس مجنووون

أنا لي قلب ما يحقد ولا يحسد ولا يغتاب
لأن الناس من تخطي لها رب" يجازيها

ولا أندم على البايع ولا أحزن على اللعاب
وناس" ما تقدرني أطنشها وأجافيها