 |
منتديات قصايد ليل
(http://www.gsaidlil.com/vb/index.php)
- …»●[آحســــاس قـلــــــم]●«…
(http://www.gsaidlil.com/vb/forumdisplay.php?f=67)
- - لا تأخد كلامي على محمل الجد
(http://www.gsaidlil.com/vb/showthread.php?t=123408)
.
. . . . مبروك للطواقي اليوم ومن بثارة وغرور بعض الزملاء تمنيت فوز الزعيم .. وما قصر وفاز. مبروك للامة الهلالية. في سالفة باحكيها لعابري السبيل المارين بمدونتي القميلة الي أحيان استرجع بعض الاحاسيس وأنا اقرأها مثل بقيّة المارين. في احد الايام استعار ولد عمي سيارتي واتجه اكثر عمله وانحشر ولم يستطع ان يعود لمكة! (عمله في تبوك) قال: بارسالها مع شركة نقل السيارات. قلت: أنا بأحل ضيفًا عندك (تغيير جو) وارجع بالسيارة خط. رحب بالفكرة. حجزت بأحد الباصات وانطلقنا .. جلست وعلى يميني رجلان ببدل راقية متانقين جدًا اجانب مو بسعوديين وخلف مقعدي ابدوي بثياب نوعًا ما رثّة .. انطلقنا وبعد برهةً من الزمن تجتاحني رائحة كريهه.. مكيف ورائحة نفاثة وكريهه جعلتني انتظر نقطة التوقف على اخر من الجمر. وصرت اكيل لصاحب الثياب الرثّة سيل من الشتائم في قلبي. توقف الباص بعد حوالي الساعة والنصف .. اول المترجلين من الباص محسوبكم جسد .. تعشيت واخذت كوب شاهي وأصبحت اخر الصاعدين.. شاهدت صاحب الثياب الرثّة بنفس مقعده .. وحاولت وأنا اعدي من جواره اقلل في عملية التنفس. جلست بمقعدي اتونس للرآئحة لان لو كانت قوية باستبدل المقعد .. ويا للمصادفة اختفت الرائحة .. نظرت للراكبين المتأنقين لم أحدهما! عرفت ان مصدر الرائحة من الي من برا الله الله ومن جوى يعلم يدلها الخشم. القصة ذي ذكرني بها خبر قريته في فيديو شاهدته بتويتر صدمني وهو ممثلين شباك تذاكر من ومشهورين امثال: كورتني كاردشيان ؛ روبرت باترسون ؛ جون ديب ؛ بلاك بيرد المذهل اخيل في فيلم طر ادة وزوجته السابقة جنيفر أنيستون ؛ وصاحبة الاعلى اجرًا جوليا روبرتس والخ والخ والخ لا يحبون الشور ورآئحتهم نتنه مصدوم انهم بالشهور ما يتروشون. في احد المرات في احد الاصدقاء الورع مزيون تعنيت له ابغى اسأله عن اخوه يوم فتح الزجاج رائحة فمه صرعتني قلت: ايش ماكل حمار! قال: هذا من ثوم البيك! والله صرت ما ودي اكلمة من هذاك اليوم! من وقتها لما اكل من البيك لازم افرش اسناني واكل لبان برايحة جميلة ونفاثه. اخاف واحد يكرهني من رائحة فمي والكلاب الخواجات ما يستحمون بالشهور .. ما أقول إلا الحمدلله على نعمة الاسلام. |
. |
. |
. |
. |
.
. . . . سعادة الهرسك مدير إدارة نادي اعضاء الليل .. حفظك الله. إشارة إلى التراشق الحاصل امام سعادتكم وانت مع كامل احترامي لا تتحرك ساكناً. فقد بلغ السيل المدري ويش شكله. نأمل منكم شخصيًا وضع حد لمثل هذه الامور ؛ وأتمنى ان تتقبّل خطّي برحابة صدر كما عهدناك هرسكًا . بليز .. التوجيه بما تراه لإكمال اللازم حسب المتبع نظامًا.. حفظكم الله ورعاكم. ... أفكار العمل معاي في سريري اهاجس فيها. |
. |
.
. . . . انا شخص اقرا الكلام " المكتوب " جيداً ، اتقمص اغلب الاحيان الادوار حتى اعرف وش من لحيّة. ونظراً لإهمالي في شق المشاركات فإننا إذ نعلن انظمامنا لحزب النشطاء .. وهذا الكلام الذي نطلق في الهواء البارد ماهو إلا تحفيز للكلام الكثير المحشور في حلقي. وانا اتكلم قصدي اكتب قطع حبل افكاري اتصال شخص عزيز ، اعطيته على راسه حتى يستقيم ، يبغا يصالحني عشان بالاصل هو مزعلني ومقر بذلك. قبلت دعوته .. وللحديث بقيّة. |
.
. . . انا حاليًا زعلان … نسيت اني امسي بالخير لكل الكائنات الحيّة .. واخص المارون من هنا فوق الخير سعادة. نرجع لمحور حديثنا الي ابدئه على قدر المحبة يكون الزعل .. زعلان لان احد المقربين على قلبي وعدني وجاء متأخرًا .. جاء وانا مطنقر ( منفّس ) ولا رديت على المكالمة المتأثرة بالشبكة وجائت على شكل رسالة. بعد نصف ساعة عاود الاتصال ، شكلته وقلت: -في نفسي- راحت عليك يا صديقي. كان عندي استعداد اني اعطيه على راسه ، لكن ما يستاهل ( هو حيوان ) لكن هم بعد اقدره فوق اني احوبه .. بس مازالت زعلان ودي اتسوّق واشرب قهوة معاه. خرّب اوم جدولي .. المهم: هو عارف اني زعلان وعارف اني ارضى بسرعة .. كنه خابزني وعاجنّي! وبما انه خرب جدولي وانا جالس وبجواري ثوبي .. بالبس الثوب واشتري دخان وأرجع |
.
. . . . فيني غصة، وكلما أردت أن أكتب تراودني الغصة مرة أخرى. فوق الغصة غرق داخلي حرفيا. منذ شهر وانا احاول ان اخرج هذا الغرق على شكل دموع. ولم افلح. منذ أن توفت امي وانا أشعر بهذه الحالة.. حدثتني اختي عن حلم.. كدت ابكي .. تملكت نفسي خوف انهيار التماسك. |
. |
. |
|
.
|
.
. . صباح العالم ايها العالم و صباح الخير لكم جميعاً .. باطلع فوق وشوف شنو الي كتبته واكمل القصة اخوي الكبير تزوج الثانية رغبة في الاطفال ورزق ولله الحمد بطفل ما شاءالله ذكي .. قبل امس يقولي شوف كيف ( وهو لاعب بحسبة عواطفه ومشاعره ) اقول له اكلت العسل زي ما وعدتني رد عليه: لا ما اكلته قال: ليش قال: العسل في مكة - يقصده اخوي المهم نرجع لمحور حديثنا .... جاء باحد المراريت ( قيس مبسوط من كلمة المراريت ) بغرفتي بيسولف ومن سالفة الى سالفة الى ان وصل لجلسته بالبيت بدون سيارة يقول: تعبت السواق في بيته الثاني صدم بالسيارة واخذو سيارته عشان دوام زوجته ومدرسة ولده ، كان متذمر من الوضع الي هو فيه .. وبلغ حده. وبدأ يتكلم عن معاناته بدون سيارة! قلت ياخي اشتري دماغك + راحتك بكل بساطة .. انت لا تنسى انك مسؤول وراح الكثير السيارة يومين وسيارتهم بتكون جاهزة وانت لا انت مجمل ولا شيء الى ماخذين سيارتك لاشغال تخص بيتك الاخر ولا تخرب الى سويته. هذا تطبيق شوف امتن سيارة واستأجرها يومين ثلاث .. وانزل جدة واتطمن على عليهم كلهم .. ترى زوجتك فاهمة والشغله كل ابوها بتحسب لك. لا تجلس بالبيت وانت زعلان لا يضرب فيك عرق من الزعل مو كل مرة بتخرب السيارة .. مرحلة بتعدي. قال: تصدق قلت في نفسي روح شوف صلوح ايش عنده حل وانت مصيبة جبتها باشتري دماغي وحمل لي التطبيق خلينا نشوف السيارات. حملت له التطبيق واخذ سيارة وفي خدمة توصيل السيارة للبيت .. والامور طيبة. . . ونختم حديثنا ببيت للمغني الكبير مزعل فرحان الي يقول في الغنية الي ما انصح احد يسمعها - صوته ليس الكل يستسيغه: قد كنت اداوي من كان مجروح .... واليوم ادور من يداوي جروحي قصدي دوى المجروح من غير مصلوح ...... ونسيت من هم الزمن ضيم روحي |
.
|
.
|
.
. . . .مافي نوم بل بالأحرى - صالح ليس متصالح مع النوم. ولد عمي مبيت في استراحتي - ياء الملكية التي لا تخصني وحدي بالسابق كانت تبهجني اكثر من ماهي عليها الان. المهم: ليته يرد على رسائلي حتى اعرف انه صاحي. حتى اشد الرحال إلى استراحتي. ولد عمي ليس له دخل بموضوع ياء الملكية هي نثرات مضت وانا ماضي في حاضر. |
. |
. |
. . . . الحياة عبارة طقوس و رشّة رتابة روتين وسيطرة ، وجزء جوهري من تلك الرتابة الحفاظ على صحة الفم قبل تفقد ضرس ظهير ايمن. لذلك حافظ - بدون قدر المستطاع - الظهير الأيسر بالأجنحة والوسط يا جسد. ... نثرات من تحفيز الذات لي شخصياً .. ولا ضير ان تكون لكل مارٍ من هنا. |
.
. . . امس الدوام بدأ وتقابلنا مع الزملاء والزميلات وتعايدنا. أنا انضميت لحزب الاوباش مع اني لست منهم .. كذا أنا اشوف المهم: احدهم بالغ في الأطراء الغير محمود ويثني على حلاوته وكيف كان قبل يتجرمد وما افسده الدهر. يقول: كان شعره ناعم .. وهو يتكلم رفع عن الأستاذ الرياضي الموجود اعلى رأسه قائلاً: كان الهوا يطير الشعر على عينه. مآبي أوصفه عشان احوبه لك مبالغ جداً .. قاطعته وقلت: شف وانا صغير عين كانت زرقه والأخرى اخضر عشبي .. وشعري ما يهجده إلا بكلة وكانوا ينادوني بالحارة صالح بكلة. اكتب وانا اضحك تخيلت الدوووب وهو مسوي مستنكر لكن البعير ما يشوف سنامه. أنا من ولدك ما احوبك بس مجبور من بعدها ما يكلمني بكرة باراضيه الله يهديه أخذ السالفة جد. مدري كيف انام وانا كل ما اغمض عيني اشوف صورته كأنها ستارة مسرح بنظارته وهو يبتسم. شكلة عادي بس أنا احوب المحشات والحبيب يتحملني برضو اكتب واضحك على الأستاذ الرياضي والشعر الي جهت أذنه كنه مدرجات الاستاذ |
.
. . . تذكرت متواعد مع صديق يقول: انه خبير بالطيور .. صديقي ماشاء الله كبير زي أندرتيكر .. بكرة بإذن الله ابغاه يمسك طائر الزيبرا بشوف يتحول هذا الطائر في يده من طائر لقملة. يده أمكن 15 يارة والعصفور 2سم .. ولا راح اقبل أي نصيحة حتى يقدر يمسك الطائر عشان أثق |
.
|
كتبت كلام كثير ومدري كيف انقلبت الصفحة |
.
. . . صباح الخير لكل من يشعر ويحس .. صباح الخير مخصوص لضيوف الرحمن الذين يتنفسون نفس هوائي بأطهر بقعة على وجه الأرض .. ثم اماً بعد. قبل كم يوم احد مرتادي المسجد يكبرني عمراً كلما أراد ان يستفسر عن معاملته نصاني وانا بدوري اسأل زميلي عن استفساره وأفيده. جاني العمل وانا في حالة صفا .. باقي شوي ويشك اني أتغزل فيه إلى ان سألته عن جليسه بالجامع - الي أنا اصلي فيه الجمعة - عن اسمه. سبحان الله هذا الإنسان حبيته ما اعرف ليش! والله اني اروح له لحده وأسلم عليه بابتسامة ليست متصنعة .. كيف كذا ما ادري. قبل جمعتين بعد صلاة الجمعة رجعت للخلف اسنن وبالصدفة الأخ أو بمعنى اصح العم محمد قدامي جالس على كرسي الله يديم الصحة عليه .. وإذا بأحد الشيبان يمازح العم محمد وصاحبنا المذكور أعلاه ويومئ لهما وكأنما بيده كاميرا. عجبتني الالتقاطة .. قمت كالعادة بأسلم عليه ومن معه .. وانا أصافحهم قلت: عجبتني حركة التصوير! ضحك وقال: لايقين على بعض الشيبان. الشاهد: سبحان من احبب الناس لهذا الإنسان القليل الكلام ، لست أنا الوحيد الذي يحبه. - قبل ثلاث أيام كثرت الاتصالات التي لم يرد عليها خاصتي .. فضيت واخد ارد على من اهتمّ لأمرهم. ونسيت اثنين وهما الأهم ، ووقت أتذكرهم أقول في نفسي اخلص من الشغلة الي بيدي واتصل عليهم .. وأنسى. تكرر موضوع التذكّر والنسيان كذا مرة حتى اتصلت علي ابنة اختي. رديت واخذت أتعذر وهي تقول: يابوصلوح عادي والله (كنت بشوفك قبل ما أودع واسافر .. بس ما سمحت ظروفك ولا أنتا منت قادر) امزح امزح استرسلت على أغنية عبادي وهي جاية بالسياق. تقول: جاية بالعيد وبنعوضهم بطلتي البيهيه (على طاري الطلة اليوم تعشيت برا البيت ما ادري ويش فيني ولا ويش فيهم الناس للقدر شكيت فيني شيء واحد يطالع فيني كنه مشبه فقطة ثلاث مرات ولكن ما عطيته اهتمام) شوي أتكلم عن هذا الموضوع بإسهاب نوعي. نرجع لمحور حديثنا تكلمت مع احد المهمين من اصحاب المكالمات المفقودة والثاني واحد ما ادري ايش مسوي مع الله من خبيئة. امس داومت عمل الحج نزلت أنا وزميل لي نفطر وانا بالسرى مسكت الجوال أطالع بالمكالمات المفقودة الجديدة واشوف رقم الي كذا مرة باتصل عليه وأنسى .. على طول اتصل سلمت عليه وتعذرت منه دوامين وارجع البيت فاصل طبيعي والرجل يدعي لي بالصحة والعافية الله يسعده. وصل السرا حقي بالمطعم على طول قاطعت حديثة قائلاً أفطرت ولا باقي. من كلامه عرفت انه لم يفطر .. قلت: انت ووالدتك ومن معاك بالبيت ابك فطورك عندي ولزمت عليه.. علمني وتقابلت معاه وعطيته الإفطار ومع البيبسي حطيت 100 ريال والله اني ندمت قلت ليتني حطيت 300 ولا حتى 500 ما عنده شغل وأموره تعبانه .. لكن يبشر بالعوض. الإنسان هذا حافظ القراءات السبع ماشاءالله عليه وتلاوته مريحة لي أنا شخصياً. الصدق قلت في نفسي هذا الي جالس في بيته ومتوكل على الله كما احسبه وانا اتصل واشري له فطور وقاسمني بفطورة راتبي المكتوب له سبحان الله. تذكرت حديث أبي هريره رضي الله عنه - عن أبي هريرة - رضي الله عنه - أن رسول الله - صلى الله عليه وسلم - قال: ((إذا أحب الله العبد نادى جبريل: إن الله يحب فلانًا فأحببْه فيحبه جبريل، فينادي جبريل في أهل السماء: إن الله يحب فلانًا فأحبوه، فيحبه أهل السماء، ثم يوضع له القبول في الأرض))؛ متفق عليه. |
. . . . . [INDENT][/INDENT]قلت أعلاه عن نظرات بعض الأشخاص وما اهتميت وكذا هي على حسب بعض الأمور قياسها يختلف من يوم لآخر مثلما تلك النظرات أقول لكم كيف. اليوم الي تعشيت معاه صاحب سوالف والمود اليوم طاغي فيه السماع .. يعني اليوم ابغا واحد يقرقر وانا استمع اعتقد عشان كذا ما شغلت بالي بعين صاحب الطاولة المجاور لي. لكن في احد المراريت :3 z o t e (47): نسيت لي نظارة بمستشفى خاص اتصلت على الدكتور وقلت: نظارتي دوكتر قال: تعال خذها قدامي. المهم رحت للمستشفى طلعت الدور الثاني لقيت زحمة قدام عيادة الدكتور سلمت عليهم بصوت يسمعه الجميع وانا ابغا نظارتي وامشي. عند باب العيادة شخصين واحد يمين الباب والآخر يساره جيتهم من النص طرقت الباب في برهة الزمن القصيرة الي يساري ضايقني بنظره شوي واحسه شايف مخي. قلت: ما يخالف. فتح الباب قلت للممرضة كلمي الدكتور عن نظارة صالح. قالت: سواني. صاحب نظرات الأشعة ما ادري ويش يحسب جاني شيطاني وكلمتين منه واستويت. فاجأت الي بيساري اني التقت عليه وعيوني بعيونه ولا رمشت انخلع الأخ من الاختلاف الكبير وزدتها قائلاً: خلصت عشان بامشي. استحى ولا رد عليا وطأطأ عيونه ع الأرض. أنا أستطيع أنا اتركة يطالع لبكرة ما علي منه ، ولكن الدرس هذا حتى لا يزعج احد الشخصيات الخجولة الذين لا يستطيعون الرد مثل أسلوبي الشرير. بأحد الأيام كان ابن اختي تخرج من الحقوق بيصير محامي وأعرفه شخصيته نوعاً ما خجوله قلت له القصة بأخذ رأيه. قال: يا خال بأتركه هو أنا فاضي اربي الناس. ضحكت وقلت: أنا عكسك هما ما يقولون الحياة مدرسة! قال: نعم مدرسة. قلت: أنا احد المدرسين بهذه المدرسة. فضحكنا ضحك طفلين معاً .. فعدونا حتى سبقنا ظلنا:bt0354212avj: الفيس هذا مو مكانه هنا لكن لقيته وهو له مكانه أيام ما كنت وردي واليوم ضاع الصبر واعز حالي.. |
. |
. |
. . . . .نعم ارتدي قناع - هنا - بكامل ارادتي ليس من أجل كذبٍ ؛ او تزوير بل لكي اظهر على حقيقتي. يمنعني الخجل آحيان, وتارةٍ الخوف ؛ أو الارتباك من قول ما لدي ؛ لأن وجهي الحقيقي ضعيف وهش يسقط عند اول نظرة عتب ؛ أو حزن. |
.
. . . https://youtu.be/fft46HnnYc4?si=wJrsLS6V0oqlB4T9 . - هناك أشخاص لن يضرهم معك ذنب، لان بكل بساطة ذنوبهم نفسها مقبولة. - منحهم بعض قلبك واجب انساني. |
. |
|
. |
. |
. |
.
. . . صباح الخير والإحساس والطيبة .. مطعمة بـ كل عام وأنتم بخير ومن العايدين لكل شخص يحتاج لهذه الكلمات الخفيفة الباردة النقيّة حقيقةٍ اكتب وانا خجل (بظفر السبابة باليد اليمنه يحك حاجبة الأيسر يبحث عن مخرج) حيث اني وعدت وأخلفت. أنا اعلم ان لمدونتي زوار وقد خذلتهم بوعد لم يتم الوفاء به. فلذلك: حاولت بالسطرين الأولان اخفف ما يمكني تخفيفه. سويت مقطع خفيف يفي نوعاً ما .. يارب ألقاه ويطلع بدون تعب. |
|
اقتباس:
والنشاط تغير عوائل الزيبرا والكناري تم استبدالهم بالروز والبادجي والكوكتيل. قلت يمكن يتكاثرون واقلبها تجارة. لي شهرين اروح لهم كطائف العنبر (يعني زيارة خطافية) عندي بالشهرين دوام إضافي على دوامي (فيس واحد مكروف) الحمدلله اولاً وآخراً يعتبر رزق نحمدوا على كل حال. |
|
| الساعة الآن 12:25 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية