 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي السادسة: العمر لحظة
(http://www.gsaidlil.com/vb/showthread.php?t=178021)
لكم من الابداع رونقه
دام لنا عطائكم المميز والجميل |
طرح اكثرمن رائع اهنئكي على السر و التسلسل الجميل في روايتك
في انتظار البارتس الجديدة تحياتي و دمتي ب ألف خير |
رووووعه ربي يوفقك اكملي نحن بانتظاااار البقية موفقه |
جعلني ما نحرم منكم كلكم والله يسعدني مروركم ويسعدني اكثر ان روايه عبجتكم ونرتقي فيها دايماً الى الاعلى حبايب قلبي لكم كل الود والاحترام دمتم بخير
|
روايه جميله و ممتعه جدا
|
حبيبتي ارتواء من ذوقج فديتتجيلمتى عالمرور الطيب ...
|
اقتباس:
قسما كسر خاطري مشعل دجى تسلمين على هذه الرواية الرائعة |
رائعة دجى
شما حرام الى صار لها من الدكتور وفرحت ل مشعل يوم قالو بيخطبون له بسوم شموخ بطله |
روعه تواجدك يا غناتي
|
نحن ما زلنا ننتظر
و يسبق خطوتنا اللهفة والشوق يا دجى الليل.. |
: البارت الثامن والعشرون ... : : : كالظلال عبرنا ماء العمر، لا نحن كدرنا صفوه ولا هو بلّلنا... : : : وأمضي وحيداً في طرائقِ غربتي فدربي طويلٌ و الدُّروبُ عواثرُ أُصبِّرُ نفسي والنّفوسُ ودائعُ وأذكُرُ صحبي والصِّحابُ نَوادرُ : : : بعد سلام وتحايا والاستقبال اللي سووه من حضن وبوس وصياح ابتسم وهو يشوف امه كيف متشبصه فيه وقال وهو يطبطب عليها : خلاص يمه فديتج لا تبجين هذوني قدامج ما فيني الا العافيه .. حضنة ويهه بكفوف ايديها وهي تقول: يمه شلون ما فيك الا العافيه وانته ويهك شاحب وتعبان وطالعت جسمه بعيونه ونحفت يا عين امك .. ابتسم وهو يبوسها عراسها وقال وهو يرفع نظره وشافها واقفه ع دريشه من بعيد ابتسم من دون شعور ودقه نواف بيده عشان يحس لان الجميع كلن يطالع مشعل وين يطالع واولهم بطي بس لمل رفعوا ناظر عيونهم مالقوا حد ،، حرك بطي عيونه بعصبيه وهو يتوعد لبسوم اكيد ما خبت عادتها وتوايق من فوق واكيد ريال شافها طلع مسرع لين الغرفه ونواف لف ومالقى الا حامد وقال من دون شعور : الحق عليها لا يجتلها بسرعه ... ربع حامد بسرعه يشوف شو سالفه ونواف لكمه بعصبيه وعطاه نظره ومشعل كان منشغل مع الحريم يرد عليهم السلام ... : : : اما عند بطي فدخل وشاف بسمه واقفه عند البلكونه ومتسانذه على اليدار ومغمضه عيونها وهي تبتسم ما حست الا بهجوم بطي عليها وهو يضربها ويضربها وهي تصارخ وتصيح وهو يقولها : يا حيوانه كنت شاك فيج من زمان يا الجلبه هذي اخرتها واخرة الثقه اللي عطيناج إياها توايقين على الريال عنبوه شو من مذهب فيييج انتتي ويرفسها ع بطنها وريلها وظهرها وهي بتموت من صايح وضربها ع ثمها بريله ونزل الدم ،، تكورة على عمرها وبسرععه دخل حامد يحاول يرر بطي عنها وبطي ماسك في حديد دريشه ويضربها وسار برى ولقى راشد زخه من ايده وراشد يصرخ عليه يبا يعرف سالفه وحامد دخله الغرفه وقال : تعال نخوزه عنها جتلها ضرب البنت بتروح منا... راشد انصدم من بطي وكردة فعل وقف بينها وبين بطي ومسك ايدين بطي ودفررره ع الأرض ولف على حامد وهو يقول شلها المستشفى البنت فقدت وعيييها الحقها لا تموت ياه صوت بطي المغتاض وهو يقول : عساااها تموت الكلبة وما يكون فيها شي صاحي ... حاول راشد انه يمنع بطي من ان بطي يقرب لبسمه اللي طايحه بدمانها وشبه فاقده الوعي وحامد حاول يشلها وحسسسها ثقيله بين ايديه وهو يحاول انه يششششل اخته باي طريقه شاف حمده اللي انصدمت من منظر بسمه وقالها حامد : تعالي حمدوه ساعديني نوديها السياره بسرررعه وصرخ باعلى صوتها يوم شاف عيونها تحولت بياض بسررررعه ركضت حمده وهي تشل بسمه وياه ونزلوها من دري بسرعه وسط انظار عيون الجميع والدم اللي ينزل منها ،، والكل صابه فضول يعرف شو صاير .. : : : كان يتكلم بالتلفون ويسولف حول نظرته على الباب اللي انفتح بسرعه جنونيه ويتبعها صرخه عليا وهي تقول: حااامد بنتي شفيها بالمقابل ركض حامد وحمده بسرعه جنونية الى سياره ونا يرد على امه وركب وهو يصرخ بحمده: ركبببببي ... ركبت وهي تشوف لبسها بالمخور وشيلة البيت حركوا بسرعهه اتجاه المستشفى وهي تقول: الله يشفيها ،، وحركت عيونها لحامد بمعنى يا خوفي لا يكون اللي في بالي استوى ... : : اما هو بعد ما شاف المنظر اللي كان قدامه حرك عيونه على راشد وهو يصرخ ع فهد خاله انهم يروحون المستشفى سكر الخط في ويهه اللي يكلمه ويررع خطواته تجاههم شافهم كلهم قايمين ومختبصين ومب عارفين الشرق من الغرب ،، تدارك امره وهو يسأل راشد: شنووو صاير . طنشه راشد وهو يركب سياره وخاله عنده وحرك سياره بسرررعه ع اقرب مستشفى في بوظبي،، اما فيصل بعد ما شاف ان راشد مارد عليه والكل مختبص ومرتبش قرر يلحقهم بسيارته لين المستشفى... : : : اما نواف ومشاري وابوه والحريم كلهم بما فيهم مزنه اللي كانت عارفه ان بطي عرف بموضوعهم وقاعده تصيح طول الطريق الترتيب كالتالي: مشاري وامه وابوه ومرته في سياره ... نواف شال البنات كلهم اخته وشمس ومنال ومزنه .. فيصل بروحه .. ام فهد وبوفهد وعليا سياره ... شموخ نايمه ... بطي قاعد في صاله كانه ما سوى شي ... مشعل نام بعد تعب المستشفى وكان وده يشوفها بس صبر نفسه لين ما يخلص الموضوع رسمي... : : نرد للروايه عند مزنه اللي كانت تصيح وهي مقهوره من تصرفات فيصل الطفوليه اللي دخل عرض بين اثنين ،، وصلوا المستشفى وطبعاً كان حامد قبلهم واصل وكندورته كلها دم ويصيح وحمده اللي نازله بشيلتها وكندورتها ومنظرهم يقطع القلب قروا اللي مكتوب على الباب ( غرفة العمليات) ،، انصدم الجميع ووقفوا ببلاهه يبون يسالون بس الوضع ما يطمن والمنظر ما يساعد ان حد يسالهم عن حالتها.. الكل التزم الصمت الا من شهقات مزززنه اللي كل شوي تحسبن ع فيصل وطالعه بنظرات خايسه حس بنظراتها نواف اللي فاهم وضعها،، حاولت تكتم شهقتها ما قدرت قرب منها راشد وحضنها وهمس باذنها: بسسس فديييتج ان شاء الله انها بخير .. طلعت من بين شهقاتها: حسبي الله عليه ... لف الكل عليها ما عرفوا تحسبن ع منوه ووهنيه نواف انقهر عباله تحسبن على اخوه ،، مداخله سريعه: ايه تحسبن ع اخوك الثور اللي واقف وياكم ولا هامنه شي .. لف عليها وهو يقول: سكنهم مساكنهم من وين طلعتي انتي يا روح.. ضحكت عليه وهي تقول: من مصباح علاء الدين يعني من وين من باب النستشفى.. طالعها نواف بنظره وهو يقول: صيري ادميه ترا نحن في وضع ما يسمح الواحد انه يضحك وانتى تحاولين تنكتين.. استحت روح وهى تقول: ماعليه العذر والسموحه من ي خوي ،، بس وهي صاجه اخوك فيصل داخل عرض وشوف بسبايب افعاله وين وصلنا... هز برأسه بالإيجاب وهو يقول: دريت بس شنو اسوي ،، الله يستر من الياي يا روح بطي ذبحها وانا اخوج وخلاها بلا روح .. تنهدت بضيق وهي تقول: والله يا نواف انى هذا اللي كنت خايفه منه ان بطي يشك فالموضوع ويروح علينا.. نواف زفر بتعب وهو يقول: قولي عسسسى بس ما يربط بين نظرة مشعل وبين هذيانه بأسمها فالمستشفى لما كان تعبان.. روح بضيقه: ان شاء الله ما بيذكر ،، بنقول لدجى تنسيه هالموضوع لا ينقلب الموضوع على مشعل وازفرت بضيق... خذ نفسسي طوييييل وازفره وبعدبن قال: الله يستر ياختي ... : : تقريبا بعد مرور ساعتبن او اكثر طلع الدكتور من العمليات ويهه ما يبشر بالخير ابداً ،، تجمع عليه الكل وقال بو فهد: طمني يا دكتور.. شتت نظره الدكتور بينهم وهو يقول: في الحقيقة العملية وايد صعبه انا اشكر الله انها نجحت البنت توقف عندها القلب مرتين وهي تحت العملية فكانت معجزة الهية ولله الحمد بعودة القلب مرة ثانيه ،، البنت متعرضه لكسر في فكها فالعمليه اللي قدرنا نسويها اليوم اهم عمليه اللي هي مراقبة القلب عن طريق جهاز للقلب ركبناه لها في حال اذا وقف القلب لا سمح الله الجهاز يبدا دوره باعطاء كهرباء وذبذبات للقلب حتى يعاود للعمل بامر الله ،، اثنين تم إعادة الفك الى مكانه طبيعي بس يحتاج للوقت ما بتقدر على الاكل لانه راح يسبب لها الم كبير في الفك ،، ثالثاً وهو الأهم ان الضربه اللي على راس كانت ممكن تدخل في غيبوبه بس الحمدلله انها غيبوبه موقته مب دايمه بالاضافه الى ان الغيبوبه المؤقتة ان متوقع رجوعها ع الواقع يكون بفتره زمنية لا تتجاوز أسبوعين ،،، رابعاً ان بعد ما يتم التأكد من صحتها راح يتم تشخيص المخ اذا يوجد أي نزيف داخلي على حسب التصوير الحالي اللي اجريناه في غرفه العمليات تبين لي انه مافي لين الحين أي نزيف اما بعد ما تصحى من الغيبوبه الموقته او قبلها راح نجري تصوير ثاني نشوف حالتها كيف تسيرر ... انتهى البارت الثامن والعشرون وسامحيني كتووفه ع تاخير بس انشغلت ،، يامحونى ع الاخطاء الاملائيه واتمنى اسوووف توقعاتكن يا حلوين وحلواات |
الي كنت خايفة منه صار
الله ياخد بطي وين الخيرزانه خاطري اعطي درس ما ينسى ابدا اشوف البارت منور ليتات ليتات اسمي في ههه الله يشفى بسوم صج كسرت خاطري بسوم فديتها لازم يحبسون بطى يعلقونه في الشارع الساعه ٢ الظهر ينشوى دجى رائعة قمة في الابداع |
نووور البارت بوجودج ونورت الرواية بتشريفج
|
ربي يحفظك و يسعدك دجى الليل صدق انك كاتبه رائعه
ب انتظار البارتس الجديده امنياتي لك بالتوفيق تحياتي و دمتي ب ألف خير |
سلمت ع المرور الطيب
|
:kitty (131): وينج دجى
|
فديتج اكتب البارت
|
: البارت التاسع والعشرون... : :هذا البارت لعيووونج يا روح ادري انه قصير بس معوضين ان شاء الله اكيد ان شاء الله بحاول اكتب اكثر بس اباكم تعرفون شي واحد هالفتره آنا مشغوله وايد فالحمدلله اني احصل وقت اكتب باررتً سامحوني وابا توقعاتج. يا روح : لا تَخشَ مِنْ شيءٍ وإنْ يكُ ساءَ فصَنيعُ ربِّك يَدفعُ الأسواءَ، كَمْ مِحْنةٍعادتْ قريبًا مِنْحةً وكريهةٍ قد أَعقبتْ سرَّاءَ؟ الجأْ لربكَ داعياً متذللًا مارَدَّ ذوالكرمِ العميمِ دعاءَ. : : : "سَأَصْدقُ نَفْسي إِن فِي الصِّدقِ حكمةً وَأرضَى بِدُنيَايَ وَإِن هِيَ قَلتِ". : : : بعد ما نش المغرب من النوم حسس بتعب فضيع مسك تلفونه وشاف اتصاالات من مرته طنشها ودخل يتسبح ويصحصح وطلع ولقاها في ويهه وقال: بسم الله شنو بلاج وقافه قدامي جنج جلب بوليسي فيج شي .. ردت بدلع وغنج وهي تحضن ايديه ببعض: اشتقت لك يا حبيبي والله بالمووت قدرت اشرد من الحريم واجيك... بعد ايديه عنها وهو يمسح ويهه بالمنشفه وقال: ايه وليش يعني ،، كان قعدتي لين ما اصحى انا واجي عندكم .. زمت شفايفها بقهر من حركاته وبروده وهي تقول: ماريد اصبر عنك اكثر ابغي اخذ راحتى معاك.. حرك ايديه وهو يقول: روحي يبي لي شي اكله يوعاان .. استانست بفرحه ان طلب منها شي ونقزت بفرح وراحت تيب له اكله .. اما هو قعد ع الشبرية وشاف تلفونه استغرب لا مسج ولا اتصال تنهد بضجر واتصل عليها تفاجأ بالتلفون مغلق استغرب اول مره تسويها وتغلق تلفونها فر تلفون بضيق وشوي يت مرته يايبه الاكل ... : : : ⠀ "فإذا أتيتُك ثائرًا فتجاهل جميع أعذار القتيل الواهية فأنا أحبك غاضبًا ومُعاتبًا ومُسالمًا، وبكل حالات التناقض والجنون الطاغية".���� : : : كل ع سريع وطلع لقى بطي واقف بعصبيه وقدامه مزنه اللي كانت تقول: انا يا الغبي اللي كنت واقفه مب اختك يا المينون وتصيح وتشاهق وهي تقول: والله كرهتك انته بس خذوه فغلوه ما تقدر تميز ،، تاكد يا خي اول مب تصدق احاسيسك وضربته ع صدره بغيض وهي تقول: حسبي الله عليك يا بطي .. بطي مسكها بعصبيه وهو يقول بجنون: والله اذبحج لو كنتي انتي والله ماخليج ع الحياه ،، واردف كلامه وهو يقول : والله والله ومسكها من كتوفها وهو يردد على مسامعها: انااااا عارففف من تكونين يا مزووون مب انتي اللي تلتفتين للرياييل ،، اما الزززفته انا شاگ فيها من زمان حركاتها تيب الشك وهذا اللي كنت خايف منه وصار .. مزون تبعد يده عنها وقال بغصه : مب انتي اللي تخونين من تعلق به قلبج... بانهيار جاوبت وهي تبكي: الا انا بس انته بلا ضمير وبعدت ايده بالقوو وراحت عنه داخل وهي تبكي اما هو حرك سيارته وراح برى ... : : : �� | الحيَاةُ لَن تَعتذِرَ عَمَّا بَدرَ مِنها، تَجاوَز!د! : : : كان يشوف اخوه الحيران اللي كان قاعد يشوف بطي ومزنه ومناوشاتهم الحادة ،، تنهد بضجر وقرب من اخوه: تعرف ليش هالزعل بينهم... حرك راسه بلا وخذ نفس طويل وحرك عيونه على شاليه أبوفهد سمع صوت نواف: لا تتامل وايد ما راح تشوفها بعد اليوم ... طالع اخوه بنظظظره غريبه وقال: شلون يعنى ما راح اشوفها بعد اليوم.. حرك راسه بعدم اهتمام وهو يقول: ليش الموضوع يهمك واااايد يا خوي .. مسكه من ياقة قميصه وهو يقول : نواف لا تختبررر صبري تحجى عاد ... قام واقف بغيض وهو ينزل ايدين مشعل من قميصه وقال بصراخ مع حده: ايييه ما تهمك لو كانت تهمك كان ما ذبحتها بيديك ،، انته تدري شنو سويتت لما كنت تطالعها يا عاشق زمانك خليت بطي يذبحها ويشرب من دمها ويشبع الأرض بدددمها مو حرام عليك اللي قاعد يصير شلون تسمح لنفسك تأذي قلب حبك وحبيته ... تم يطالعه وتنفسه يتسارع وقال بتوتر وتقطيع بالكلام : شل..شلوون.. ييعنن....يي .. مسكه نواف ووداه للمكان الدم وهو يراويه الدم اللي من اول شاليه لين سياااره وقال بحقد ع اخوه: دووومك اناني تفكيرك في نفسك وبسس الحين ان عاشت البنت قول الحمدلله ... انصدم بذهوووول وهو يشوووف الدم ويحرك عيونه لنواف وهو يقول: ماتت ...؟! بقهر جاوب: هي ميته سريرياً الحين الله العالم بحالها بطي خلى فيها شي صاحي بسببتك انته ونظرتك جنك ما تعرف تمسك نفسك عن البنت شويه ... : : •° ألقاكِ بالروحِ إن لم نلتقي صُوَرَا وأكشفُ الشوقَ عن عينيَّ والسَّهَرَا وأورد النفس في درب الهوى أجلي وأسلكُ الحبَّ مهزومًا ومنتصرَا - سلمان جمعة �� : : : ووقف بصدمه ودهول من اللي يسمعه لف على اخوه وقال: ودني لها أي مستشفى... لف عن اخوه وقال: يا خوي لا تقتل البنت خلها في حالها ترا والله محد يعلم بها غير ربها متى تفوووق ... تسرررربت دمعه حاااره من عييينه وبعد عن اخوووه وركب سيارهه وسمح لنفسه انه يبكي واغلق تلفونه عن الازعاج ... |
مبدعة دجى:sm5:
ليش ما سجنو بطى لازم يتحاسب بس اظن ان بسوم الله يشفيها ويكسر يد بطي بتكوم بالسلامة بس ما بتقول شي عن الى سوا فيها بطي ل الشرطه ومشعل الله يعينه من حبه ل بسوم ممكن يسوى اشياء واشياء يسلمو على الابداع والجمال دجى |
حبيبتتتي روووح
|
مبدعه دجى الليل قلم وفكر راقي
للأمانه قراءت البارتي الاول لي عوده باذن الله لتكملتها سلمت أناملك وسلم فكرك يسعدك ربي ويحقق أمانيك |
شكررررا ي شمووووخ سعدت بمرررورك
|
جميل قلبي
اعجابي وتقييمي |
تابع البارت التاسع والعشرون
: : في المستشفى كان الجميع عندها اللي يقرى عليها واللي يكلمها حمدوه منهاره من البكي من بعد ما شافت منظر اختها وام فهد تستغفر وفهد راح اتصل ببطي ولعنه لعان بالكلام وسفل فيه ووسكررر عنه ،، أبو مشعل تضايق من قاله نواف سبب واحمد هدى الأمور بينهم وقالهم : الحين العتب ما يفيد يا جماعة الخير،، الحين شي الوحيد اللي ينفعها الدعاء .. هزوا روسهم بضعف وأبو فهد خايف لا يخسرها.. اما عليا فكانت تحوقل وتصبر نفسها ودموعها ما وقفت : : °° وَإِنْ كُنْتُ لَا أَشْكُوا هُمُومًا بِأَضْلُعِي فَحَسْبِي بِأَنْ اللّٰهَ يَعْلَمَ مَا بِيَ 🌿🌧. : : : مرن أسبوعين والحال واحد ما استجد شي على بسمه واهل مشعل ومشعل راحوا الكويت غصبا عنهم لان عندهم أشغال يبون يخلصونها ومشعل كان رافض وبشده انه ما يروح معاهم بس نشاري ونواف اقنعوه يروح وياهم عشان محد يشك في جلوسه وخصوصاً بطي ... : حمده ومزنه كل يوم يروحون عند بسمه يقرون عليها قران ويدعن لها ويرقنها ويمسحن ع راسها ولين الحين ما فاقت وتعدت أسبوعين اتنهدن بضيق وقالت حمده: ما يسوى عليها اللي صار تبعت قلبها لين وداها في تهلكه .. ردت بحزن وضيق: القلب لا مال يا حمده ما ينلام .. طالعتها وهي تقول: تحبين مزوون.. سكتت بضيق وبعدها قالت: الله كريم افضل انى ما أتكلم الحين ... سكتت عنها ولغت على اختها وهي تقول : الله يقومج بسلامه يا ختيه .. : : : في جهة أخرى كان توه طالع من البيت ومسكه ابوه: تعال هنيييه وين شارد عقب سواتك اللي ما تبيض الويهه ... نزل راسه بقهر وقال: الموت اهون لها الكلبه اللي توايق ع رياييل شو تباهم ،، بتاخذهم،، لا حشمه ولا مستحى يوم تربع توايق ع ريال من فوق لو لمحها وقال شي عنها ... بقهر وحده قال: وانته ضربتك الحميّه يعنى وع طول رحت ضربتها ،، بتاكد انزين يمكن كانت واقفه وما انتبهت عليهم ويوم سمعت الأصوات ردت داخل .. زفر بضيق وروح عن ابوه وهو يقول: لا تقعدون دورون اعذار والعين شايفه كل شي وراح عنهم ... هز راسه فهد ودخل البيت... : : : - لستُ بِخير، أُفكر بِك كثيرًا وأسرح بصورك كثيرًا، ذبلت عيناي من شدّة تأمل وجهك، وتألم قلبي، أُظهر لهم أنني بخير ولكنني العكس، يقتلني التناقض جدًا، كلما زاد ألمي لجأتُ للنوم، وكلما سألوني مابك يبقى عذري الدائم لا شيء .. ولكن يا كل شيء اشتقتُ إليك.. : : : في الكويت الحبيبة ،،، كان قاعد في الحديقة يطالع اخر رساله بينهم ولف على قائمه المكالمات وشاف اخر مكالمه تالم واااايد كل ما يتصل يلقى تلفون مغلق ،، حتى معالم الحزن خيمة على ويهه شاف اخوه ياينه تنهد بضيقه وهو يسمع خطواته تقرب منه وقال: لين متى ،، ترا امي بدت تشك وومب عايبنها حالك وحالفة عليك تاكل وانته ترد ايديها وترد الاكل مشعل لا تأذي بنت ناس يا غالي لا تخليهم ينظرون لها بنظرة دنيئه يكفيها اللي فيها... زفر بهم وهو يطالعه: فقدتها يا نواف فقدت ضحكتها احس الدنيا كلها سودا في عيوني ما شوف الا صورتها وخيالها اللي يطاردني في كل مكان... طبطب على كتف اخوه وهو يقول: ما عليه فديتگ هونها وتهون وان شاء الله انها فترة وتعدي .. امين ز واسه بأسو وهو بضغط على رقم احمد ويرفع السماعه للاذنه وصله صوت احمد: مرحبا يا مشعل رد عليه بضيق:المرحب لا هان الغالي كيف الحال .. سمع صوته الضايق ورد عليه: كلنا بخير وقلبك بعد بخير واليوم وايد احسن... بفرحه رد عليه ومن دون شعور: تقووولعا صااادق يا احمد.. ابتسم يطمنه: هيه والله اني صادق اليوم كنت عند دكتور وطمني ان الغيبوبه عدت أسبوعين صح بس نسبة الخطووورة قلتتت وايد ومافي أي نزيف ولله الحمد وقالي بعد خلال هاليومين ممكن تكون صحوتها .. بفرحه غخرت قلبه قام واقف وهو يقول: عيل خلاص بامر الله باجر انا عندكم فدييييت صوووتك اللي برد على قلبي ... وسكر من احمد وحضن نواف بفرحه وهو يقول: الحمددلللله تحسسسسنت وايدددد .. حضنه نواف بقو وهو يقول: الحمدلله الله يجبر خاطرك ويفرحه .. بعد عنه مشعل وهو يقول: انا رايح احجز الامارات ... ابتسم وهو يشوف الفرحه بانت ع ملامح اخوه ويبعد عنه باتجاه الباب ركضض على سياره رفع ايديه لسماء وهو يقول : الله يجعلها من نصيبك يا مشعل ويفرحك يا خوي .. لف ورجع داخل البيت وشاف امه تشوووفهم من الدريشه وقالت بهم: ما تقولي اخوك شبلاه فرح مره وحده شنووو فيه انطق... ابتسم وهو يقول: علمي علمج بس يقول خويه غالي على قلبه جاء لين الكويت وراح يستقبله وبيحجز معاه شاليهات وبيعزمون ربعهم كلهم .. فرحت وهي تقول: اشششششوى وانا كمت اظن انه الولد شايف له شوفه وانا مادري ... ابتسم وهو يروح فوق وقال بصوت واطي: مادريتي انه حساسج في محله ... وبعد ساعتين رجع مشعل وجهز شنطته وحطها في سيارته تحت انظار امه ومرته وغدير اللي مستغربين من لهفة مشعل لصاحبه الا مرته اللي قالت له: لييش يعني انته فرحان جيه منو هالرفيج اللي غالي عليك حييييل .. طالعها بطرف عينه وقال: ما يخصصصج غالي وغالي عليّ اكثر من روحي .. هنيه غدير فهمت انها بنيه بس ما فهمت منو المقصود... ابتسمت لاخوها وهي تقول: الله يبرد قليبك ي خوي بشووفته سالم غانم ... طالعها بامتنان وابتساممه وراح عنهم وهو يلوح بيده ... : : : انتهى البارت 29 |
الله يشفي بسومه يارب وعسى بطي يتعلق وينضرب ب الخيزرانه:609637154:
الله يجمع بسوم ومشعل الخوف من ام مشعل صج زوجه مشعل تكسر الخاطر ولازم مشعل يقول لها مهما كان زوجتة فقدت سوالف راشد وحمده هههههه وفقدتج جم يوم دجي ابداع في ابداع الله يعطيك العافية |
عمررري روحح ما تفقدين غالين .. ان شاء الله البارت ثلاثين قيد الكتابه من يجهز بنزله
|
: : البارت الثلاثون .. : لا تجزع ؛ أنت بين يدي الرّحيم، اللطيف، الودود، الرّؤوف، السّلام، أنت عبدٌ للمدبّر، والميسّر، والمقدّر، أنت تحت ظلّ صاحب الخير، مالك الرّزق، منزل الرّحمات، ومعطي الحاجات، أمرك عنده كلّه خير، فافهم ذلك ،ولا تجزع♥️.... : : : بعد ما شملها لطف الله وغمرها فضله صحت وهي مصدددعهههه وتتالم من راسها فرحت حمده بشوفتها وهي تقول: حمدلله على سلامتج يا ختي .. فتحت عيونها بشوي شوي وقالت بهمس: م...شعل ش..ي قاطعتها حمده وهي تقول : سكتتتي لا تكملين كلهم بخير ونعمه انتي شحالج ... طالعتها بتعب وهي عرمش بمعنى بخير وحطت ايده على ثمها وهي تحسس عملية الفك لفت لحمده وقالت: أبا ماي .. حمدوه توهقت ماعرفت كيف تعطيها الماي زفرت النيرس ،، والنيرس عطتها الماي عن طريق الابره مالت الدوا شفطت الماي وحطتها في ثمها. لانها ماتروم تشرب ولا تروم تمصها عن طريق صلب ( اللي هو عباره عن البيب اللي ايي مع العصاير الاسترو بالانجليزي ان شاء الله فهمتوا ��) .. بعدها سكتت وحمده طلعت برا لقت راشد ومززنه يايين ،، حمده بفرحه: راشد تصدق بسووم قامت راشد اللي كان يمشي بإتجاهه هو ومزنة ابتسم بحب وهو يقول: فديتتت فرحج يا غناتي الحمدلله يعلني فداج. ،، عسىىى دوم فرحج وياي تكون... ابتسمت حمده باحراج وقالت مزون: هيه يييهااء االله يرزقني بواحد رومنسسي نفسسسس اخوووي .. ضربها راشد ع راسها وقال : روححي عند بسسسوم انتي داخل وهوينا شوووي ... ضحكت حمده ومزنه حركت حوايبها وهي تدخل عند بسوم اما راشد فتكئ ع اليدار وهو يقول : اشتقت لج يا القاسيه ما حيدج قاسيه ... بلوم نزلت راسها وهي تقول: والله مب قاسيه يا الغالي بس انته تشوف الظررروف كيييف وتشوووف هالايام عقلي مب عندي.. مسك ايدها وهو يقول: يخسسسسسي اللي يكدر بالج وصفووو جوووج يا بعد كل ناسي وهلي انحرجت من مسكة ايدة وهي تقول: راشددد شو صار على بطي.. ترك اايدهها بعد ماحس بكمية المشاعر الهياضه اللي اجتاحته من لمسة ايدها وقال ببتسامه: ماعليه يالس عندنا في البيت ماكل وشارب ونايم وامي مدلعتهه بزياده عن اللزوم لا تحاتينه.. تنهدت بضيق هي تقول: اجرم فيها والله ،، الله يسامحه.. قرب منها وهو يهمس في اذنها: بطي طبعه غيورر،، وهذي الغيره وما تسوي .. تسارعت أنفاسها بعد ما حست بانفاس راشد تلفح ويهها وقال بحرارة مشاعر؛ لو انا مكانه تتصورين يا حمده بتحمل الموقف هذي اخته ما يبا حد يرمس عنها ولا يبا حد يتكلم فيها وفي سمعتها وشرفها.. كمل كلامه وهو يردد: الحب والغيره اذا اجتمعت في قلب انسان وحب على الحبيب الرحمه لان الحب والغيره مثل الزيت والبانزين قابلين للاشتعال وانا واحد غيييور ومالوم بطططي انتى ذاك اليوم بس رفعتي عينج كنت أتمنى اخبق عيووونجج لان الغيره ماتي الا من حبيب ومن شخص محب ... تفاجات حمده من كلامه واحاسيسه .. ولفت عليه وتلاقت عيووونهم مع بعض نزلت عيونها باحراج وهو تم يطالعها وتنهد وهو يقول: خلي بس موضوع بسمه يعدي ع خير ولي قعده معاج ... زفرت بضيق عارفه راشد انه مضايق منها ومن أسلوبها معاه... دخل داخل بعد ما قالها: يلا دخلي داخل .. دخلت وراه وهي تحوقل وتستغفر ... : : : _ "الله أكبر مِلْءَ أفْواهِ الوَرى ما جَنَّ لَيلٌ أو أطلَّ صَباحُ"�� : : : وسائدُ النومِ صفِّفها ونَم فغدًا سيبعثُ اللهُ عند الفجرِ أفراحا!⭐️ : : : بعد ما راح الجميع عن بسمه تمت قاعده وطالع الدريشه بعد ما قررت انها تنام اليوم عندها وتعطي حمده اجازه اليوم ترتاح فيها من نومة المستشفى وغثاها،، وتفكر بالغالي اللي ورط نفسه هالورطه شلون بيطلع منها زفرت بضيق بعد ما سمعت طرقات عالباب ودخل الطبيب معاه المحقق وهو يقول: ايه تفضل ممكن تسالونها ؟؟؟ وتاخذون اقوالها!!؟ انصدمت وهي تشوفهم يتجهون صوب بسمه توقعتها ما بتتكلم بس من سالها المحقق وهو يقول: انتي بسمه!؟ هزت راسها بالإيجاب واردف كلامه بمنو معتدي عليج ؟! انطقت بصعوبه وعي تقول؛ اخووو....ووويه... ب...ب...طي ... سجل المحقق الاسم وقالها: شو سبب الاعتداء... ردت عليه بالم: فه....م.......ني.....غل.....لط..... حس تنفسها صعببب وقال: خلاص لين هنيه ونكتفي شكرا اخت بسمه وطلعوا عنها وتمت مزززنه في حييييره معععقوله حبيبها بيدخل السجن واعترفت عليه اخته .... : |
كاتبه انيقه ماشاء الله
حبيت دجى مبدعه اعجابي وتقييمي وتنبيهات |
لا أعلم أي قلب كان يحمله بطي
و أي ضمير كان في بسمة.. كيف يتساوى هذا الطريق يا دجى وعر في الخصام والنتيجة اندفع و اشتكت كيف يتساوى؟ رااائعة يادجى ننتظر التتمة.. |
يا حلو راشد وحمده وسوالفهم
زين سوت بسوم واشتكت عن بطي بش اذا صحصحت عدل ممكن تتنازل عن الى سوا بطي رائعة داجى ومميزة الله يعطيك العافية |
يعافيكم جميعاً انتظروا تتمه بامر الله اليوم ان سمحت لي ظروف
|
: ما ذاقَ بؤسَ معيشةٍ و نعِيمها فيما مضى أحدٌ إذا لمْ يعشقِ الـحـبُّ فـيـهِ حـلاوةٌ و مـرارةٌ سـائلْ بذلك مَن تطعَّمَ أوْ ذُقِ.. : : طالعت الدريشه واسمحت لعيونها تذرفف دموع الخوف من المستقبل والخوف من المجهول ،، حبيبها بيروح من بين ايديها زفرت بضيق وبخوف سمعت صوت انيينها لفت عليها وهى تمسح دموعها بسرررعه واتجهت صوببببها وهي تقول: بسم الله عليج شبلاج.. اشرت على فكها وهي تقول : يعوررررني ... نادت الممرضات وجوووها بسرررعه وعطوها مهدىء وتمت بافكارها المتضاربة ومشاعرها المتخربطة ... : : : عدن يومين بسرررعه وحقققوا مع بطي ولكن فهد وراشد واحمد ومشعل الكل رفض انه ينسجن ،، وفهد بما انه ابوهم ماحب انها تكبر سالفه وقال للمحقق يسكر سالفه ،، وطلع بطي منها ولله الحمد ورجع لعمته فاطمه وقعد في بيتهم ،،، مشعل يحاول يلقى فرصه يزور حبيبته ومرتبها مع بو راشد وراشد اللي درى بالموضوع من ابوه وقال راشد لمشعل بهمس: فديت الحبّيب اللي يحب بكل جوارحه .. ابتسم مشعل وهو يقول: اسكت والله انه قلبي يدق دق ام علايا.. راشد: رتبنا لك انا والوالد ترتيب حلو عشان تشوفها الليله الفليل ... ضحك مشعل وهو يقول: الله يسر يارب ... : : و لِذا فقدُّتُ إحساسي بكُلِّ مَن حَولي سِـواكِ فأنتِ مَسـؤوليَّتي و كَذا شَعرتُ.. فكُلِّي فداكِ حنـانيكِ قد تملَّـكتِيني وملكتِ قلبي يا مَلاكِي نسـيتُ آلامي و كـادَ فُؤادي يَهيمُ إذ احتَواكِ : : : انتبهت الى رنة تلفونها وردت بسررعه: هلااا يمه لكنها تفاجات بصوت بطي: هلا وغلا مزنه بعدم استيعاب : بططططي حس بلهفتها في صوتها وقال: لبييييه بدمووع وعبره مكتومه قالت: انته ما دريت انها ... قاطعها وهو يقول: اببببوي تنازل عن شكوى ما يبانا نفتضح بين الخلق وسكر القضيه في شرطة المستشفى ما وصلها للمركز .. تنهدت بفرحه وهي تقول: الحمدددلله كنت احاتيك وايد معني شاله في خاطري وايد عليك ما كنت اباك توصل لهاي المواصيل... بالم جاوب وهو يقول: شو اسوي اختي واغار عليها مابا حد يتكلم فيها بس هي تستاهل اللي ياها... ردت عليه وهي تلف على بسمه اللي نايمه وقالت بهمس: بس مب بها الطريقة يا الغالي كان المفروض تهد عليه واذا كنت تبا تضربها عن خاطرك اضربها ضرب خفيف مب توديها في غيبوبه وتكسر فكها الله يهديك... قالها بنبرة اربكتها: شو اسوي يعني هذا طبعي نسيتي العام شو سويت فيج .. ارتبكت من ذا الطاري وقالت: اممم ما نسيت كيف انسى قسوتك عليه .. زفر بعد ما ضحك وهو يقول: ههههه كسررت ايديج تكسسسير .. ضحكت وهي تقول: هيه هذا وانا ما ستويت حلالك يا بطي الله يستر منك عقب العرس شو بتسوي فيني ... ضحك وهو يقول: ع المقبرة سيده... ضحكت وهي تقول: اسكت الله يهديك ،، فال الله ولا فالك ،، مستغني عني .. حب يطول وياها ويندمها شوي وقال: عيل انا لي بديل وتسيييرين وياه الكوفي حمدي ربج ما جتلتج قدامه ... بخوف جاوبت: انته لين الحين ماذكر ذاك اليوم الأسود... غمض عيونه بضيقه وقال: تبيني انسى وانتي كنتي حبيبتي .. سكتت وبعدها قالت: كنت جاهله وصغيره وماعرف شي .. احتد صوته وهو يقول : وبعد الضرب اللي لقيتيته وتكسسسير اللي شفتيه حبتيني ولا لا... همست برجفة صوتها: حبيت جنونك يا المجنون عرفت قيمتك بعد اللي صار .. رد عليها بحده وهو يقول: عرفتي ليش كسرت بسووم لاني خفت انها تكون مثلج وهذا اللي دفعني اني اضربها لحد الجنون ذكرتني بخيانتج... غمضت بعيونها بالم: بطي تكفى انسسسى تراك توجع قلبي بذكرياتك المره ... حاول ينهي المكالمه: خلتيني قاسي يا مزون واقسى على الكل جتلتي فيني رحمه اللي ما عدت احس بها ولا اعرف دربها وتنهد بضيق وكمل كلامه بمع سلامه يالي جتلتي فيني كل الاحاسيس... وسكر الخط .. بكت بضيق وبحررقه ما توقعتك لين اليوم متذكر الله يغربل اليوم اللي تعرفت فيه عليك يا حمدان وجنوني اللي وداني في داهيه .. : : : ان الله الذي يضيء مابين المشرق والمغرب ،ايعجز ان يضيء عتمتك الصغيره !؟���� : : : سكر منها بعد ما حس بكمية القهر وهو يسترجع ذكريات مزون مع حمدان ،، كان طالع مع ربعه وساير المقهى لمح من بعيد سيارة دريولهم استغرب منو اللب ممكن يكون ياي المقهى راح لسيارة وساق الدريول ساله رد عليه: هذا مزون خبر انا انته يستنى منيه... هز راسه بطي باستغراب وقال؛ ليش مزون وين .. اشر الدريول بيده عالسياره اللي كانت واقفه ع السككة وهو يقول: داخل تاني سياره .. انتفض بطي من التفكير اللي راودة مب معقوله مزوون مب جيه وتم في بحر أفكاره لين ما وصل عند الباب وفتحه وكان حمدان ماسك ايد مزون انتفضت مزوون من شوفته وحمدان انصدم زوود بوجود بطي ولد خالها وقتها بطي انعمى عن عصبيته ومسك مزوون وضربها وممسسسك ايدددها ولللفها لين كسرها وضرب راسها ع سيييت ومره ع طبلون سياره ونزلها من سياره وهو يسحبها من كشتها وعقها في سياره وركب وياها وكملل ضرب فيهااا لين ماحس انها فقدت وعييها ووداها البيت وحبسها عند حمده ثلاث أيام لين ما خفت العلامات وضرب وقالها بالحرف الواحد: قرلي لامج انج كنتي عند حمده وتلفونج كان ضايع وبعدين اونج لقيتيته في سيارة فهمتي ولالا .. هزت راسها بخوف منه وما قدرت تطالع وييهه ... صحى من ذكرياته ع صوت تلفونه شاف رقمها ورد وهو يقول: هلا ردت عليه وهي تحبس دموعها: شقصدك يوم قلت لي انتي ما تخونين اللي تحبينه من تقصد ... عرف انها تحسست من كلامه وقال: عندج حبيب غيره ... قهرته وهي تقول: هيه عندي مب انا قايله لك ان حمدان ماضي وانتهى لا تفتكر اني احبه لين الحين بس صح كلامك انا ما اخون اللي احبه الحين عرفت قدره شكرا بطي فتحت عيوني على قدره زين ما زين وسكرت في ويهه وهي تشهق .. حس بقهر من كلامها وكانها طعنته في رجولته وحبه لها يعني هاي ما تحس ولا بتحس الكلبه تستاهل اللي سويته فيها هي وبسسسوم فر تلفونه ع الكرسي وهو يحط صبوعه على شعره ويمط شعره ... : : : "أنا لست مستغنيًا، أو مستعدًا لأن أبيعك حتى ولو كنت سأكسب كُل شيء فور خسارتك، أنا فقط لا يعجبني ما يحدث بيننا.. وأدعو للصلاح في كل مرةٍ يبدو لك أنني أدعو للخراب." : : سكرت منه بعد ما حست بانها انغلت منه ومن تفكيره الوصخ لين الحين يفكر فيني تفكير القديم لين الحين انا في عين بطي مزنه الخايسه الخاينه ثقت أهلها وحبه لها لين الحين ماعرف قدره عندي لين الحين مادرى بانه هو يعني لي الكثير لين الحين مازلت في نظرة سافله ومنحطة ودنيئه يا للعار عليك يا بطي ان لم تكن تفهم لهفتي وتعرف حجم حبي الكبير لك اه اه منك ومن هواك اللي معذبني اين انته من موقع قلبي يا فتى متى ستعرفني ومتى ستعلم بحجم حبي الكبير لك .... |
[COLOR="Wheat"][الم تعهد اليّ بان تغفر اخطائي وتتجاوز سيائتي وتعفر زلاتي ها انا حئت اليك بدخوع الندم والخيبه ورجاء بان تلملم ما بقى من شتاتي وما انا عليه الآن هو بسبب ما الاقيه من جفاك أيها الحبيب التائه عد اليّ فأنا احببتك وادركت ان لا مفر لي عد اليّ فانا الضياع حيتما لا القاك فانا دروب الوعره حينما لا اجدك بجانبني ارجوك عد فكم لك في القلب مكانةً لم يعلم بها احداً يوى خالقكَ فقط وقلبي الذي فتح مغاليقك لگ أيها الحبيب المتعالي ...
سكرت مذكراتها في تلفون وهي تخس نفسها مهنوقه من بطي وكلامه تعرفه مستحيل ينسسسى ويمكن ما يعرف انها تحبه عباله لين الحين حمدان في قلبها .... سمعت دقات خفيفه عالباب شافت راشد اشر لها بمعنى تعالي وراحت له وهي تشوف ابوها وشعل فهمت الموضوع وراحت برى ومشعل دخل داخل وأول ما شافها كيف ملفوف ويهها بشاش بكى وهو يقرب منها انتبهه عليها وهي تحاول تتحرك وتفتح عيونها وقال : الحمدلله ع سلامتج يا قلب مشعل .. وصله صوتها المتقطع وهي مغمضه عيونها : الله يسلمممك .. لف يطالعها وقال: فديت قلبج ي غلاي الحين ردت روح لي شلونج ي غلا روحي ابتسمت وهي تقول: اليوم الحمدلله وايد احسسسسن والله انته شلونك يا قلبي عسى انك بخير .. قعد ع طرف الشبريه وهو يقول : اكيد اني طيب بعد ما شفتج ازفر براحه وهو يقول عذبتي القلب من بعدج ي روح مشعل ... هزت راسها مع الإبتسامه وهي تقول: لا تفكر فيني يا بعدهم انا بخير زين انه انكتب لي عمر يديد .. بزعل قال: شلووون تشتكين ع بطي بصدمه جاوبت : شوووو اشتكيت ع اخوي قووول والله بصدمه رد عليها : والله شنو انتي ما احسين باقوالج ولا شنو.. بصدمه قالت : تككفى مشعل قول انها كذبه واني ما سويتها في اخوي ... هداها وهو يقول: والله العظيم بس الحمدلله ابوج تدخل ورفض انهم يرفعون التحقيق للمركز فسكر القضية ابوج شكلج ما كنتي بوعيجً.. هزت راسها بلا: والله ماعرف شو قلت ولا شو سالوني بعد شكل كان البنج ماثر عليه تنهدت بفرحه وهي تقول: الحمدلله انه ابوي خلص الموضوع ع خير مهما يكون بطي اخوي وعارفه انه غيووور وانه مايبا شينه في حق اخته.. هز راسه بالإيجاب: شدي حيلج عقب فترة بخطبج ... ابتسمت وهي تطالعه وقالت: الله عليك وانته تتكلم بجد .. مسك يدها وقال: سكتي من بعدج ماعرف للدنيا لا لون ولا طعم ولا حياه... دخل راشد وهو يقول: ادخل الحمام بطي يأ لنتفض مشعل وهو يقول: الله علينا رحنا فيها وانا دوووم حظي معثورر.. دزززه راشد في الحمام وشكر الباب وهو يلف ع بسمه: الله يأخذ حبكم اللي بيودينا للموت وكله بطي موجود قسم بالله اليوم عزاكم انتوا الاثنين الحمدلله ان الله يابني فوق في الوقت الضايع ... دخل بطي بغد ما دق الباب وقرب منها سلم عليها وهو يقول : حمدلله ع سلامتج الغالية.. ابتسمت بتوتر حست ان الله ينذرها بتمام الزواج او البعد عن مشعل ردت بتوتر: الله يسلمك اخوي الغالي مسك ايدها : اسسسف ادري غلطان.. خطت ايدها ع ايده وهي تقول: لا انته مب غلطان يا خوي هذا عرضك وشرفك مالومك لو حافظت علينا نحن خواتك لف ع الكمدينو وخط الباقة ولمح ميدالية سيارة مشعل وقال: هذا سويح مشعل تصرط راشد وهو يقول ايوووا رحنا وطططي وقال بسرعه: هي الويه يايب سويح وياه لان مشعل بيرقد في بيت يدي وابوي قال لمشعل بيشل سيارته هاليومين .. ضحك بطي وقال: انزين شفيكم محد قال شي يعني بيكون موجود هنيه مثلا ولد عرب وناس هذا ما يسويها .. حك راشد راسه وهو يقول بعمس لبسمه: الله يغربلكم احس انا اللي بموت مب انتوا مب ناقصنكم وراي عرس حمده تباني الله ينطبج انتي وشعلتج وانتبه ع بطي وهو يقول: بلاك انته تهذرب ... حسس انه لازم يطلعون وقال لبطي: شرايك نروح تحت في لوبي عند ابوي نشرب كوفي ... حرك بطي راسه يدورها بعيونه ومالقاها وقال: مزووون وين!! راشد بسرعه حسها مفتاح الفرج وقال: تحت عندي ابوي والله .. طالعه بطي باستغراب وقال: راشد شوفيك متوتر .. راشد: لان انتهى وقت زياره يا بو شباب خلاص لازم نطلع وشل سويج مشعل وهو يقول يلا بعطيه ابويه.. تنهد براحه بعد ما راح بطي وصل عند الباب ولف عليها وقال: الله ينطبكم محد يسوي فيكم خير خليه يطهر ويطلع من الباب اللي ورى لا نموت كلنا اليوم .. ضحكت بسمه بتوتر وتنهدت براحه بعد ما طلعوا وراشد مستوي ظل بطي وقعد يمشي وياه ويلهيه بسوالف لين ما وصلوا عند الكرفي وقعد ويا ابوه ومزنه وبطي سلم ع احمد وقعد عداله وطنش مزون لانه منقهر منها بس القلب يخفق مستحيييل ينكر حب قلبه لها . انتهى البارت الثلاثون /COLOR] |
تووووقعاااااااتتكم
سوووري ع الاخطاء الاملائية |
البارت واحد وثلاثون...
: : : أرضف الونة على الونة أرضف الونة على الونة أرضف الونة على الونة ونّتي من اليوف مغصوبة شط بي يلي صغر سنه، له عشر و سبع محسوبة الغوى و الطيب مكسنّه، لي جماله زايد اعجوبة شل قلبي و ابتعد عنه، و لي شراتي حارت دروبه أشتكي و أعواقيه منه، و في حشايا نار مشبوبة له غلا راسخ و مخفنه، عن جميع الناس يهذو به لو طلب العيون يفدنه، و في البشر ما حد بعد يابه سل سيفه و فالحشا سنّه، وما دريت وش عاد مطلوبه كان هذا الصد هاونّه، طالبه يعيد محسوبه مستحيل أيوز عن فنه، لين قلبي ينال محبوبه و من حروف الشعر هادنه، بمشاعر حب مكتوبة و يعل يلي يابه الينّة، و العذر مطلوب من صوبه : : : كانت قاعده بينهم تسمع سوالفهم ومتغصصه من بطي وتطنيشه من سمعته يشل بها شله حست بغصه والحلو فيه ان راشد كان يلهي بطي عن مشعل اللي نزل من اللفت مروح صوب الباركنات وكان ياشر لاحمد فراشد طلب من بطي يغني اغنية عيضه فغنى هالاغنية وكان قاصد فيها مزون بس مزون فهمته غلط وانقهرت منه واستاذنت تروح فوق عند بسوم ... : : تبعها بعيونه لين ما وصلت المصعد وهو يراقبها مشتاق للمعاتب وياها ومشتاق لها بس رفضها له مخلنه مقيد ما يقدر يسوي شي اما الحلوه بعد ما صعدت فوق فالغرفة عند بسوم وشافت امورها طييه قعدت عالكرسسي وجهت انظارها على تلفزيون وحطت لها فلم وسرحت بشكل بطي يوم كان يغني الاغنيه وقلبها يحترق حراق ودها تعرف منو هاي اللي ماخذه قلب بطي وبقهر سوت عمرها مندمجة في الفلم وهي تهز ريولها بتوتر وتعض شفايفها ومب حاسه بعمرها الا فجأه قالت: حشششى من كثر ما افكر فيه قمت اشششوفه في كل الويوه بلاني اتخيله موجود .. سمعت صوته وهو يقول بحده وغيظ: ودج تجربين شعور بسمه وهي في المستشفى طايحة عالسرير متكسره .. انتفضت لما سمعت صوته وقالت في خاطرها علم يعني وانتبهت عليه وهو يطالعها بحقاره ،،، ندمت انها تكلمت بصوت مسموع تنهدت بالم وسكتت... : : : الحمدلله على حنيّة جلسة السجادة وطمأنينة قرب الله لقلبك، تجدد اليقين بدوام السعادة وخير الأيام بالغوا بالحمد والشكر والرضا يُرضيكم سبحانه.������ : : : خلصت الصلاة ولمت سجادتها وحطت مصحفها على الكمدينو وحست انه حد دخل عليها لفت وهي تقول: هلا عموه .. شموخ بعصبيه: حمدوه ايش ما تقولون لي عن هالاشياء اللي تصير .. بضيقه وهي توقف: بروحه اللي فيج يكفيج شو اقولج بعد انها كانت بتسجنه تراه ابويه انهى الموضوع وخلصه .. بعصبيه قالت: يعني انتوا ترضونها في ماف بطي ينحط له نقاط سودا تتم محفوره في ملفه طبعا لا انا ما ارضى كيف انتوا رضيتوا ليش ما دخلتوا ابوج فالموضوع قبل لا يتم تحرير اقوالها... بضيقه قعدت ع الكرسي وهي تقول: يا بنت الحلال مادريت بها ما كنت موجوده مزنه اللي كانت عندها... هدت بعد ما طفت شي من ضيقتها وطلعت عن حمده اللي ردت تفتح مصحفها عشان تكمل وردها اليومي ... : : : اما شموخ نزلت من دري وهي تكلم بطي ي جعل عيني ما تبكيك يا الغاالي والله اني تضيقت يوم دريت يا حبيب عمتك ... ضحك وهو يقول: فديت قلبج يا حبيبتي لا تضايقين ولا تعصبين والله طلعت منها ولله تاحمد يطول عمر ابوي بعد فضل الله ... وحرك عيونه ياتجاه مزنه اللي شاف القهر مالي ويهه ويدا يحمر قال عشان يزيد قهرها: كله ولا تضايقين عاد ما تهونين عليه بعدين يخترب يومي ولا اعرف لعمري بلاج وطالع مزووون اللي ويييها احمر حمرار الدم وشكلها شوي بطلع دخان من راسها همس بخفيف في سماعه شي اللي خلى مزون ترفع ناظر عيونها وتشوف فضولها ويت بيوديها شافته مقرب سماعه من ثمه ويهمس ببصوت خافت ويضحك ازداد حقد وقهر عليه وتعمدت تخطف من عداله وضربت كتفه بالعمد بس سوت عمرها انه بالغلط وراحت من دونرما ترد له وطلعت برى المستشفى وقعدت في حديقة المستشفى وهي تشم هواء وغطت ويهها وسمحت لنفسها تبكي من تحت الشيله .... تابع بقية البارت غدا بامر الله اتمنى الاقى توقعاتكم ىاشوف حماسكم دمتم بخير |
لمااا اشوووف رددددود انززززل البقية
|
تابع البارت الواحد والثلاثون
: فهد كان قاعد مع حمده بنته يكلمها عن موضوع راشد ،، حست بالجدية اللي في ابوها وهو يكلمها حست بالخوف دب في قلبها قالت بربكة: هو كلمك عن هالموضوع.. هز راسه بنفي وهو يقول : لا هو ما طلب بس من عيونه مبين شي هذا فلازم تحطين شي هذا في بالج عاجل او اجل وبما ان بسمه قامت انا افضل اني استعيل بموضوع راشد ويتم زواجكم على خير .. ارتبكت حمده وقالت: بس انا مب مستعده لزواج مره وحده انا احيده قال ملجة وعقب زواج . زفر وهو يكمل كلامه: الملجة وزواج مره وحده تملجون ونعشي الناس وتروحين مع ريلج .. انصدمت حمده من ردة فعل ابوها وقالت: هو طلب منك ها شي ... هز راسه بنفي وهو يقول: لا ،، راشد وايد يفكر فيج ويفكر بشي اللي يريحج بس انا حاب اصغطج شوي لان راشد يدور قربج وانا ماشوف انه له داعي لتاخير ... هزت راسها بصمت وطلع ابوها عنها.. : : : وكلُّ امرىءٍ يولي الجَميلَ مُحَبَّبٌ وَكُلُّ مَكانٍ يُنْبِتُ العِزَّ طَيّبُ #المتنبي : : : بعد ما مر أسبوع ونص ،، حمده وافقت ع كلام ابوها بخصوص الملجة وحفلة زواج مره وحده ،، بطي لازال يغايض مزنه بشموخ يوم يكلمها على اساس انها حبيبته ،، مزنه محترررقه من بطي وافعاله وخايفه بطي يتسرع في الحكم ويخسرها وتخسره تحبه وهي تتعذب من جفاه وتدعي ربها ان يلين قلب بطي لها بس من كثر قسوته عليها بدت تمل منه وتحس ان في قلبها شي قاهرنها ما تعرفه هو كره او حب مشاعر متناقضه ومشاعر متخربطه ،،شموخ وسعود ردت علاقتهم ببعض وشموخ واقفه وياه في كل مراحل علاجه خلص الويه وباقي له شي بسيط من الويه ويمارس تمارين طبيعيه وعلاج نفسي عشان النفسيه داووون عنده ومحبطه وباقي جسمه وحررروقه لين الحين. ما بدوا فيه .. : : عند سعود هالفتره اللي مرت حس انه متاقلم على اللي قاعد يسويه ومتقبل شكله اليديد تقبل المضاعفات اللي راح تصير انه ما يقدر ييب عيال وتقبل فكرة انرمو كل حروقه راح تتعالج راح يبقى اما كن في جسمه فيها اثار الحروق وبعض الاماكانرحساسه جدا ما يقدرون يسوون فيها تجميل لذلك استسلم للواقع وفكر يعيش مع شموخ بكل مافيه بعد ما يرجع من العلاج .... : : : مروه وسرور عايشين احلى عيشه وحبهم يكبر بينهم والحين مروه حامل ... : : تحسن جداً ملحوظ في حالة بسمه وتمت خطبتها رسمياً من أبو مشاري ومشاري اللي جووا الامارات وخطبوها رسمي بحضور ابوها ويدها واخوانها ومشعل اللي ما فارقهم من طلعت من المستشفى وامه وأهله ما يدرن لين يملج وبعدها يصرح... : : : حمد قرر ينفصل عن الريم ويبعد عنها ،،، العنود ملاحظه تغير دوجها عليها بس ساكته ... مبارك وابوه زعلانين على حالة شما اللي ردت تنتكس بمجرد مارجع عوض يخطبها واصررر عليها توافق وشما رفضت رفض تام ... : : : ام مشعل وشمس كانوا قاعدين بالبيت وام مشعل ما هي مرتاحه نهائياً عن اللي قاعد يصير تحس ان سفرتهم المفاجأه للامارات فيها شي وشي حايد على قولتها بس شنهو ها شي ما تعرفه ،، ارفعت سماعه تلفون واتصلت لام فهد ولكنها ما ردت عليها لانها كلنت مشغوله بتجهيزات ملجة بسمه ومشعل اللي استعيل عليها مشغل لحاجة في قلب يعقوب مصل ما يقولون وقرر بينه وبين نفسه يخبر مرته او بالاصح يعطيها خبر ... : : : بينما هم قاعدين تحت أضواء التلفزيون وحشرته والاصوات العاليه للعيال هذا يصيح وهذا مضروب وهذا يبا لعبته والدنيا قايمه قاعده عندهم ،، كانت تتصل بولدها للمره للالف ومارد عليها بعدها بدقايق رد اتصل عليها وهو يقول : مرحبا يمه ... ازفرررت براحه بعد ما خذت شهيييق طويل وهي تقول: مرحبتين هلا يمه حبيبي شخبارك ي عيوني ... كان قاعد يتمشى فالحوش وهو يرردد: بخير جعلني ما بكيج امري يا الغالية... تكلمت بهدوء يصاحبه حوف وتردد: يمه ليش مروحين الامارات شهو صاير وبعدين ليش مشعل ما يرد على اتصالاتنا ... تكلم بصراحه وهويردف بكلامه: يمه مشعل طيب ومافيه الا العافيه بس جينا للامارات لاجل مشعل ... ما فهمت كلامه بس قالت: شلون يعني لاجل مشعل هو فيه شي .. ماعرف شو يقول هو كان بيقولها بس ما يبيها تخرب ع اخوه بس قال: لا يمه ترا بنتهم بتزوج وجينا مخضر زواجها.. افرحت الام وهي تقول: جعله مبروك ان شاء الله من مناسبين ... توهق البطل وجان يقول؛ مادري يمه بس اللى اعرفه انه رفيج مشعل وهو شاري البنيه ويبيها انتهى البارررررت |
انتي مبدعه يابنتي في الحبكه
وكل بارت يشدني اكثر |
استمري حبيبتي انا اتابعك وواصله معاك
البارت 28 ومبسوطه |
احسس يووم توهق جااب العيد
انتظرر وش بيصيرر |
| الساعة الآن 02:22 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية