اختيار ذوق عود..


دمعة العين مثل الكلمه الشينه
لااطلعت منك ماتقدر ترجّعهـا

قال النوى قطع الوصل بين الاحباب
ولا طال صار بسيرة الوصل خله
قلت العفو قلب من الحب منصاب
ما ينكر احبابه على البعد لله

الحب يا سيد المزايين غلاب
لك في خيالي هاجس ما يعله
اضم طيفك ضم من بين الاهداب
واقول له سلم عليه بمحله

خل خذاني لا تدرى ولا هاب
سلمت له روحي وانا راضي له
جيشه عيون وخد ورموشه حراب
سيف الهوى من رمش عينه يسله

لا يحسب اني بارخصه عقب ما غاب
طال المدى والا قصر وافي له
والعاشق اللي تخلفه بعض الاسباب
قله برى من كلمة الحب قله


كلمات: سعود بن عبدالله
غناء وألحان: خالد عبدالرحمن

آه لو تدري بـ قلبي وشـ يقول؟
يوم تقطع خطوتك حبل الوصال
تشهق أنفاسي ويملكني الذهول !
وتنرسم في نظرتي كلمة تعـال

كلمات /خالد عبدالرحمن




حنيت حنيت لاهل الدار والديرة
لو غبت ما بطيت بعض الشوق عناني
الدرب لو طال ما أقبل معاذيره
شوق للاحباب تالي الليل سراني
ترى المحبة شعور صعب تفسيره
يكفيني مولع بالزين يا اخواني
الحب ياهل الهوا هذي مقاديره
مغلوب راعي الهوا في كل ميداني
عودت القلب في سحبـه وتخديـره
رديت رديـت يـم أهلـي وخلانـي

ليـلـي بـدونك وش يـســاوي
جـيـت وحبيبــك صـفا جـوّه
وإن خفـت من حـاســدٍ غـاوي
يـحرسـك مـولاي من ســوءه

قضى ليل الهوى طلابه
وقلبي للونس جذاب
خفى أمر كايد أسبابه
ولا أفتح للعواذل باب

صحيح النفس طلابه
وأقول أن الهوى غلاب
سلبته عقلي نهابه
وأخذته ما حسبت حساب

اخاوي الليل مغنى به
جميله صحبة الأحباب
وتركت النوم لأصحابه
وسهرتك يا قمر ما غاب


كلمات: مخاوي الليل

أنا اتغاضى إلين تطيب نفسي ،
و أعوذ بالله من نفسي اذا طابت !

‏يامحسن الظن لاتندم على طيبك
طيــب النـوايا فضيلـة لاتخليـها .

الله على فعلك المعروف يدري بك
واللي زرع كـذبةٍ بالشـر يجنيـها ..

كيف أعبِّر عن شعوري و أملكك ؟
خايف أتكلَّم يداهمني السكوت

لو يقولو يا أموت أو أتركك ؟
والله إنِّي من غلاتك راح أموت

النفوس الوافية رغم المصاعب ماتميل
و السماء كثر السحب مايغطي نورها

لا اليل مستوعب سهر كل مهموم
ولا السهر قادر يلم المشاعر

‏قل للقلوب اللي تناست وفانا
‏طابت خواطرنا من اللي يغيبون.

‏وشلون تبغيني آبين زيآدة غلآك
‏وآنت آكثر آنسآن حبيته ولآحبنّي .

على كثر ما شفت بـ العمر : أوطان
ما فيه موطن أنتمي له : سوى أمّي

على جرٓح الأماني و أنتصار الظرف
يحين الشوق ويطفي من سمانا نور ،

على لحظة وداعك ، ما نطقت بـ حرف
لكن بـ عيوني الثنتين .. ألف شعور !

/




تبي جديد التعب ولا جديد القصيد
مافيه سكة ظروف إلا تعلمتها

أغيب مرات لا خمتني أم العبيد
وكم كلمة في حشاي ولا تكلمتها


لـ/ شآعرهآإ }~ :48:


/

مدّيت لك كف الوفآ .. ليه صديت ؟!
وألي عطآك من الرخآ مآ عطآني

جيت أشتكيلك من زمآني ورديت
لقيت ( قلبك ) وآقفٍ .. مع زمآني

ليت الوله ياغيمة الشوق ينساب
ويهل من عقب الجفاوالقطاعه
احباب ياغالين ون غبتو احباب
يبقا الغلا موجود رغم انقطاعه
راع الوفاماينتظرسطروكتاب
يحن قلبه وكل ماحن طاعه

ياصرح الاحلام.. قبل انك تعاتبني
..قدر جهودي..وروحاتي وجياتي..

دام العمر !! راح وش ذنبي تحاسبني؟
راح العمر غلطته..! ماهي بغلطاتي

ان جيت واحسرتي.. وان رحت واغبني
ان رحت ..وان جيت.. في غبني وحسراتي

تعبت من حظي ..التعبان.. واتعبني..
اسعى.. ويسعى.. معي حظي ..بعثراتي

ابني طموحي!! ويهدمه الزمن.. وابني..
تعبت ياخي ..وانا ابني طموحاتي..

لــ عـادل الرشيدي

والله ان حبك جريمه وانا ماني بري
وادري اني مرتكبها ولاني قــــــــدها

رحت ابظفرفي قليلك وضيعت اكثري
في رجاك ابليت جرد السنين وجــدها

سقت لك عمري بكيفك تبيع وتشتري
كلها لعيونك اللي ذبحــــني ودهـــــــا

فيك انا ماطيع هرج الحسود المفتري
وكل كف جت تعاندك للوي يــــــدهـــا

نظرتك..جرح ومسافه..ومشيك..بختري
يرتخي عزم المسافات.. وانت تشـدهـا

اعشقك مجنون..هايم ..بحبك ..عنصري
لوتجي ضدك بني عبس جيتك ضــدهـا

لــ عادل الرشيدي

١صاحبي قل للقصايد:وش نقول ؟وش نخلي ؟
والـشعـور اكـبـر من حـروف الـقـوافـي والجـُمـل

للسكوت ارفع مقام الـصـوت عن لـيـت، ولعلي
وان خذلك..احساس..قل للياس..موعدناالامل

خلها للصمت ،وان هزت كـيان الـبـوح ، قل لي
ويــن اولــي.؟ والـزمـن سـكـيـن ،والشاعر جـمـل!!

صارباكر في ..بلاد الشمس..!مثل امس!.المولي
وانـفـصـام..!احـلامـنـا..روتـيـن.. للــصـبـر الـمُمــل

ابـجـديـات الـشـوارع جـرح / والـشـاعر مولي
والطموح / ابـعـدمن ابـعـاد الـمـُحال الـمُـحـتـمل

الشعر فن .! وكل شاعر له اسلوب
واللي بدون احساس ما يوصل الناس

خل المعاني.! كنّها الملح وتذوب
وعمق البحر ما ياصله كل غطاس
.