منتديات قصايد ليل

منتديات قصايد ليل (http://www.gsaidlil.com/vb/index.php)
-   …»●[آحســــاس قـلــــــم]●«… (http://www.gsaidlil.com/vb/forumdisplay.php?f=67)
-   -   بصمات خيـــال الطيـــر ... (http://www.gsaidlil.com/vb/showthread.php?t=98174)

طير السعد 05-10-2024 07:26 AM

أحياناً تقول لشخص..... لك وحشه...
لأنك لا تستطيع أن تقول له... أشتقت لك
وأحياناً تقول لشخص.... لم نعد نراك....
لأنك لا تستطيع أن تقول له..لماذا لا تسأل عني
وأحياناً تقول لشخص..إنك تعرف مكانتك عندي
لأنك لا تستطيع أن تقول له..... أحبك.....
وأحياناً تقول لشخص.... إسأل عني ولا تنساني
لأنك لا تستطيع القول له..أقترب مني ولا تبتعد
أحياناً هناك فرق بين ما نقوله...وما نقصدهُ حقاً

طير السعد 05-12-2024 08:00 PM

تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِ مَا يِرَاعِيهَا

بُكْرَهْـ لاَ هَمْلُوكْ النَّاسْ تَذْكِرْنِي
وْ تِقُولْ عِزَاهْـ عِينِي مِنْ يِدَارِيهَا ؟

مَدَامْ غِيرِي عَلَى قَلْبِكْ { مِشَارِكْنِي }
وِشْ هُو لَهْ أَعَلِّقْ الآمَالْ وْ أَبْنِيهَا

يَكْفِينِي إِنِّكْ رِحَلْتْ وْ مَنْتَ { عَايِفْنِي }
هَذَا عِزَا النَّفْسْ مِنْ كِثْرَة بَلاَوِيهَا

أَهْدِيتِكْ دُمُوعْ مِنْ طَعْنِتِكْ تَحْرِقْنِي
وْ إِنْتَ إِللِّي تِسْتَاهِلْ الدِّنْيَا وْ مَا فِيهَا

واهديتني جرح موجعني وْ عَاجِبْنِي
لأَنَّ الهَدَايَا عَلَى مِقْدَارْ مِهْدِيهَا

صَحِيحْ { حِنَّا انْتِهِينَا } بَسْ صَدِّقْنِي
وَاللّه إِنِّكْ تِبْقَى { هُوَى رُوحِي } وْ غَالِيهَا

مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْحَه وَاضْحَة فِي وَجْه رَاعِيهَا

لِكُلِّ دَاء ٍدَوَاءْ لُو هُو مِتْعِبِنِّي
إِلاَّ مَحَبِّتِكْ عَيَّتْ مِنْ يِدَاوِيهَا ‎

إِنْ قِلْتْ عَلِّمْنِي أَنْسَى ؟ لاَ تِعَلِّمْنِي
دِنْيَايْ لاَ مِنْ نِسِيتِكْ وِشْ تَالِيهَا ؟ ‎

فَارَقْـتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَنْ أُبُو الفَرْقَا وْ طَارِيهَا

مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَانْ حَاجَة بْقَلْبِي مَقْدَرْ أَخْفِيهَا ‎

أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎

نِشَدْتْ عَنِّكْ وْ سِمَعْتْ إِللِّي { يِفَرِّحْنِي }
وْ يِرْتَاحْ صَدْرِي مِنْ هُمُومِ يِحَاتِيهَا

( تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا )

طير السعد 05-12-2024 08:12 PM

عليك إسلوب . .
يخلّي إلْـ ما يذوب ~ يذوب ،
على النيّة تكلّمهم ! لأنّك :
( طيّب و حبّوب )
أنا كم مرّه قايلّك ، حبيبي :
- لا يشووووفونك ....
ولا أبيهم - يكلمونك ..
ولا تضحك :
يا غالي ... تو و و ب !

ولا تسولف مع غيري
علينا كل شي محسوب ترى بعض البشر
يفهم كلامك :
صوب ، وقصدك ، صوب !

أنا .. مو ناقص العالم
يِحَسْدوني ، على عيونك
يذمّوني ، و ... يغيرونك
ونِعيش فْراق ~ يا طيّوب ؟
أموت إن عِشت من دونك

تعااااااااال إشرق ولا تَغْرِب عن عيوني :
كفاك غر و و و ب !
وإذا تفكّر تقاطعهم فديتك :
هذا هو : المطلوب . .
أنا ما أبي يسمّونك :

حرامي قلوب ..

طير السعد 05-13-2024 06:24 AM

يهزني طاريك واجيك مشتاق
وارسم على درب المواعد حنيني
أجيك كلي ياهواء الروح تواق
يالذة الحاضر وباقي سنيني
:
:
:
صباح الخير ...يا أصحاب الطير وزوّاره


الساعة الآن 02:57 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية