 |
منتديات قصايد ليل
(http://www.gsaidlil.com/vb/index.php)
- …»●[ ملتــقى قصــايدلــيل ]●«…
(http://www.gsaidlil.com/vb/forumdisplay.php?f=90)
- - حياكم في خيمة قصايدليل
(http://www.gsaidlil.com/vb/showthread.php?t=142422)
سأل رجل زوجته ..
أوصفي لي ثقتج فيني .. قالت له .. ثقتي فيك مثل الحليب على النار .. عيني عليه على طوووول .. وبس التفتت عنه .. يطيش .. أذهلتني دقة الوصف🤣 |
بعض الناس من كثر مايسوي نفسه مثقف لو تقوله شخبارك ، يقولك من منظوري ومنطلقي الخاص أرى إني بخير وهذا شي إيجابي
|
بعثت لـ زوجها رسالة تقول:
"ماتنسى تجيبلي الفستان اللي وصيتك عليه، واميرة تسلم عليك" رد عليها : "من اميرة؟" ردت عليه :" ما حد بس أتأكد انك قريت المسج وما تقولي ماشفته كالعادة" عن كيد الحريم اتحدث🤣😂 |
١ - سبحان الله .
٢ - الحمدلله . ٣ - لا اله الا الله. ٤ - الله اكبر. ٥ - استغفر الله . ٦ - لاحول ولا قوة الا بالله. ٧ - سبحان الله وبحمده. ٨ - سبحان الله العظيم. ٩ - اللهم صلّ وسلم على نبينا محمد. - انشرها تكسسب اجر كل من قرأها |
الكحة في الاختبارات !؟
تعتبر نداء استغاثه😅 |
واحد يقول🤣
تروح مراجعه بمستشفى خاص موظفة الاستقبال تحسسك انك خطيبها وتروح مراجعه مستشفى الحكومه موظفة الاستقبال تحسسك إنك طليقها .. لا وبعد مو دافع لها النفقه🤣😂 |
كل ما جيت أفهم الحياه
تنزل تحديثات جديده ^ وبعدين يعني🤔 |
أحسن شيء إنك تنام على كنب مزخرف
وتقوم تلقى وجهك مسوِّي نسخه إحتياطيه🤣 |
تخيلي إنّك توّك مولودة
بتجلسي سنه كامله ماتقدري تتحركي ولا عندك شغله بس تشوفي بالسقف والله ملل ويجيكي واحد سخيف ويقول لك اغووغوو😂🤣 |
كل شي بـ المسلسلات الخليجيه فهمته إلا أن وحده بغيبوبه وحاطه مكياج !!
|
معلمة في الروضة تصور طلاب الصف مع بعض و تشجعهم عشان يتصوروا وهي تقول:
بكرا تكبرون وتتذكرون اللي في الصورة وتقولون هذا حسن صار استاذ عربي وهذي مريم صارت دكتورة و هذا احمد صار مهندس وهذا عمر صار طيار نطت بنت صغيرة وقالت :وهذي المعلمة ماتت الله يرحمها جيل قااااااسي |
يقولون .....
البصمه الجميله تبقى حتى وإن غاب صاحبها ...... إلا بصمه الدوام ...... إذا غاب صاحبها سجلوه غياب |
الوضع محتاج شخص فيه زهايمر !!
تفضفض له وبعد ما تخلص تقوله تبي شي ؟ يقول لك من أنتي😉 |
إذا تبي تحقق هدفك في الحياة لازم تسعه
وإذا ماقدرت تسعه .. تسعه ونص .. بالكثير عشره إلا ربع .. لا تتأخر الله يرضى عليك ضحكوا إنه الخميس |
محشش بعد ما خلص مقابلة للشغل في شركة ، سألهم كم الراتب؟
قالوا له ٤٥٠ دينار وبعدين بيوصل ٨٠٠ دينار!! قال لهم خلاص باجي بعدين |
يقول الشاعر الميكانيكي
قلبي مكينه فاضيه مابها زيت من زيت حبك صب لي لو شويه قلبي قبل فرقاك ماينقص الزيت واليوم ازيده كل روحه وجيه احساس شاعر من شارع الخدمات |
أتمنى من الحياة تعطيني
فلوس بدل ما تعطيني دروس و أنا بتعلم على حسابي وفي الخارج بعد |
وحدة زارت صديقتها،
شافتها زعلانة وتصيح ..!! إسئلتها صديقتها: ليش تصيحين؟ شصاير؟ ردت عليها : تصوري، طلبت من زوجي 2000 دينار، علشان عملية تجميل لوجهي!!! صديقتها : وما عطاچ ؟؟ الزوجة : ياليت ما عطاني.. عطاني 5000 وقال 2000 ما تكفي حق ويهچ صعقها التعبااان |
بعض الشباب يكتب :
"أعشق التمرد على القانون" وهو لو يسمع صوت إسعاف وراه ربط الحزام من الخوف |
مصري يقول لأصحابه :
الستات نعمة من ربنا، والمفروض كل واحد يروح بيته يبوس ايد مراته قاله واحد : طب انا مش متجوز !! قاله : انت بالزات تبوس ايدك وش وظهر |
هل تعلم :
أنك تشاهد خشمك طوال الوقت لكن عقلك تبرمج على تجاهله الله يغربل راعي هالمعلومة من البارح مانمت مشغولة بخشمي |
تعرفوا ليش الرجال لما يتزوجوا يجيهم السكري؟
لان الحريم عسل |
إذا دشيت سوبرماركت ولا شريت شيء
وأنا طالعة أحسهم كلهم يتلفتووون علي شاكين إني حرامية🤣 |
التفكير في فتح موضوع مع ضيفة ساكتة
أصعب من التفكير في مستقبلي مالج إلا: وشخبااارج بعد🤣 |
واحد شاف اخوه متكحل
فسأله وهو مستغرب : من متى وانت تتكحل ؟! . قال له : من يوم ما زوجتي شافت الكحل في سيارتي ... . متورط 😂🤣 |
دراسة ايطاليه
تقول كثرة شرب القهوة تجعلك تتقبّل آراء الآخرين بشكل أكبر أعرف شعب من الصبح الى الليل يشرب قهوة ولو تعارضه بشي هفك بالدلة |
سألوا أحد الشباب المثقفين : ما هو
الكتاب الذي قرأته فغير مجرى حياتك ؟ قال: كتاب الفيزياء سألوه : ليش ؟ قال: أول ما قرأته حوّلت أدبي على طول🤣 |
واحد يقول لمرته اقدر اسألك سؤالين ؟
قالت له تفضل قال لها اقدر أسهر مع اصحابي وليش لأ ؟ ههههههههههههههههههههه🤣 |
دايماً أحس إن الحياة صعبة
وكل شيء ضدي بعدين أكتشف إن الأمور طيبة بس كنت جوعانة🤣 |
وحدة تقول لخطيبها:
بكره لما نتزوج بشاركك همومك واحزانك ومشاكلك وتعاستك. قال لها بس أنا ما عندي هموم ومشاكل قالت:اقول لك بعدما نتزوج!!! ناويه تسود عليه عيشته🤣😂 |
في وحده اسمها بتول
انسدحت صارت بالعرض🤣 |
تم تغيير الأمثال القديمة تزامناً :
اصغر منك بيوم أعلم منك بالايفون. خير جليس في الزمان النت. على قدر أهل النَّصب تأتي المناصب. من جد وجد ومن تخرَّج قعد. وراء كل امرأة مهتمه بجمالها شغاله. وراء كل رجل عظيم واسطه. يا خبر بفلوس بعد دقايق يجي بالواتساب |
الحمدلله أن أجدادنا اخترعوا كلمة " دودهتنا "
ولا الواحد وين له خلق يقول : "لقد أوقعتنا في حيرة من أمرنا لأنك لم تثبت على رأي واحد🤣 |
يقولون: من تأنى نال ماتمنى
ويقولون: خير البر عاجله ويقولون: كل تأخيرة وفيها خيرة ويقولون: دق الحديد وهو حامي برأيكم نمشي مع مين🤔 |
حرامي معضل دخل على ناس
صفقهم تصفق..وباق بيتهم وهو طالع جاف واحد نايم ← صحاه وعطاه كف سد اذونه قال :حرام عليك ليش تطقني بعد رد عليه: عشان لين قمت بكره ما تتفلسف عليهم وتقول ياليتني كنت قاعد هههههههههههههههههههههههههههههههههههههههههههههههههه ههههه😂🤣 |
خرجت مع زوجها للسوق واشترت فستان 1200 ريال، حذاء 600 ريال، عباية 500 ريال، وقف زوجها يشتري شاي عشان يريح راسه من اللي خسره قالت له: ماحد مخلص فلوسك إلا هالشاي
- اي والله صادقه صباح الإبتسامة🤣😂 |
ولد يسأل أمه : يا أمي ، في أي عمر أقدر أطلع من البيت من غير ما أستأذن منك ؟
- قالت له: أبوك نفسه ماوصل ذَا العمر - حكومة قوية هہِهَہهَہهَہِہِهَہهَہهَہهَہهَہِ |
من روائع لهجة أهل #البحرين:
انزين = اوكي انزين = براويك انزين = شسوي لك انزين = بعدين شو صار انزين = مندمج في السالفة ومستغرب انزين = حاضر انزين = بشوف انزين = يصير خير بس نبرة الصوت هي اللي تخليك تعرف الهدف من "انــزيــــن🤣 |
واحد راح يشتري سيارة من الوكاله أقساط
سألوه وش عندك من حسابات؟؟ قال عندي فيسبوك وتويتر وإنستقرام وواتساب.. قالوا أجل خذلك سيلفي مع السياره وتوكل على الله |
دايماً إللي ما يدري يقول:
*مادري* بس إللي يقول: *شدراااني* هذي بالذات أكثر واحد يدري چذاب واحد |
| الساعة الآن 11:45 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية