 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي / من المستحيل ان تهدم صرحٌ انته بانيهـ ...
(http://www.gsaidlil.com/vb/showthread.php?t=182762)
البارت التاسع والعشرون
: : هادي يضحك وهو يشوف يعقوب ياي يشله ومسعد يستلم سيارة هادي كالتبديل قال: همممم طيب شو رايج العب وياج لعبه .. اريام تضحك : لعبه بالتلفون كيف!!! هادي: اباج تشغلين نفسج شوي وتسوين لج جو رومانتك وحلو وتصورين لي أبا اشششووف اجواءج وانا بعيد عنج أبا اشوف كيف تدلعين عمرج .. ابتسمت بخجل وخفق قلبها ماتدري ليش ياها شعور انها تتمنى قربه قالت بحماس : خلاص اوك يلا بجهز الغرفة وبصور لك يمكن عقب التصوير اييبك من كثر الشووق ... وقالها بحماس: شغلي غنية غمض عيونك واحلم انك معايه ضحكت بغباء وهي تقول : مقدمك الاغنيه قديمه ... هادي يضحك: ههههههه فديت من تملكني بزينه وطيب افعاله .. اريام: أقول شكل الحب خشعك تخشيع يلا خلني اعدل جوي وصور لك .. هادي: تمام يا عمري... سكر منها وهو يبتسم وصل قرب المينا ولف ع يعقوب وهو يقول: حجز لنا يخت فخم لمدة أسبوعين .. هز راسه ببتسامه وهو يقول:حاضر طال عمرك .. نزل من سيارة وركب اليخت متجهه للجزيره بيروح لغناته متوله عليها قبل لا يوصل اغلق كل تلفوناته .. اما هي كانت مجهزه الغرفه بورد طبيعي منثور حول الشبرية وتحت والشموع اللي تزين التسريحه والكمدينو ولبست فستان بحري قصير لين فوق ركب ومن فوق كسرات حول الصدر والحلج سبعه وفيه فتحه من عالجوانب ولبست خاتمها واسويره وسلسة ذهب بسيطه وبدت تحط شموع وتنقر الورد بهبل وهي تضحك وتصور نفسها سناب وطرش لهادي وطرشت له ترتيب الغرفه وهي تضحك على غباءها سوت فحم وشغلت المبخره ودخنت الغرفة بعود المسگ وحطته على التسريحه... : عساني في ضلوعہْ من يسار ومن يمين : دخل البيت وهو يشم ريحة الشمع تنفس بعمق وهو يرخي اعصابه الشوووق يابه لها وبقووه غمض عيونه وهو يستمتع بريحه اللي داعبة خشمه دخل غرفة الاكل وشاف فوزيه ترتب الاكل مع الخدم ابتسم وهو يقول: يعطيكن العافيه .. ردت له الابتسامه وهي تقول: الله يعافيك ... وراح فوق وهو كله شووووق وغلا خايف يتهورررر بقربببه زوووود خايف تضيع علومه من يشوفها ووصل عند الباب وشم ريحة الدخووون اللي استقبلته اه محلى الريحه ومحلى راعيتها حط ايده على قبض الباب وهو يسحب شهيييييق وبدأ يفتح الباب بهدوء وهو يدخل على اطراف أصابع ريوله وسكر الباب بهدوء وقفله شاف الاضاءه الخافته في ظلام اللي يايه من شمع وانارة الغرف مسكره تنهد بعمق ياويل قلبي اللي يدق بقوووه غير طبيعيه حط اييديه على قلبه وهو يقول : اهدأ اهدأ كلها ثواني وتشبع من شوفها ... سمع صوت ياي من البلكونه حط الورد ع التسريحه واتجهه للبلكونه وشافها واقفه بفستانها وهي تتحاول تتصل به وتلفونه معلق وهي تتحرطم ليش تلفونه مغلق معقوله خلص الشحن اوووف يا هادي وينك ... كان شكل شعرها وشكل الفستان لاعب في حسبته ومتخبل حضنها من ورى وهو يدفن راسه في رقبتها:اشتقت لج يا قلب هادي .. رجفت كل خليه في جسمها صدت صوبه تحتضن ويهه بكف يديها : هادددي انتتته وصلت ولا يتهيأ لي من كثرر شوووق .. باس خدها وهو يقول: أي يتهيال لج انا بشحمي ولحمي وباس خدها غمض عيونه بفرحه يوم شافها تحضنها زوود وباست رقبته ابتسممم والله البعد خلاج تطلعين كل شوقج شد ع حضنها زووود وهو يقود: يا روحي والله يا بنت العم انتي لي وطن صعب اتغرب عنه واذا تغربت يردني حنيني وشوقي وقبل كل هذا يردني ولائي له .. باسته على طرف شفاته وهي تقول: لا تضيع علومي ترا بروحها علومي ضايعه من دونگ ... قرب منها زود وهو حط عيونه في عيونها: اذا علومج ضايعه انا من زمان ضاعت علومي من صوبج .... اريام وهي ذايبه بين ايديه ومستمتعه بحب عادي وتوزيع قبلاته العشوائيه لها بعدت وهي تقول: تعال نروح نتعشىى مجهزه اليوم فوزيه طبق مصري ع كيف كيفك ... شلها بين حضنه وهو يقول: مابا عشا ما دام ان زين عندي الاكل انا شبعان منه بس انتي ماشبعت منج وغمز لها وهو يخطف له بوسسه سريعه ع تورد وجنتيها الجميلتين ضحكت وهي تدفن راسها بحضنه زووود .... : : في إيطاليا ،،،قبل يومين ،،عند ظافر في الشقه يسولف ويا اهله اللي راحوا واخطبوا وضحى من عبدالله وكانت وضحى جدا رسميه مع عليا اللي ما توقعت ان وضحى بتستقبلها برسميه ابدا وكانت متعاطفه مع مريم وايد رغم انها ما حضرت وياهم لكنها شافت الفرحه في عيون امه وابوه وحست بمكانة ظافر عند أهله فاتفقت مع نفسها تحط عهد بينها وبين نفسها بان تكون رسميه مع الكل باستثناء امه وابوه اللي حفووها وارحبوا بها .. : - في الواقع ... : لو آخر الليل يشرح لگ عن أحوالي تلقاگ بأول سواليفہْ . . وآخرها ��... : عند ظافر بعد ما ملج على وضحى وتم تصديق الأوراق في سفاررره الاماراتيه صار له يومين ما شافها اتصل على عبدالله اللي ضحك وقال: والله مادريت منو اللي لازم يفرح انا او اختي او انته .. ضحك بقهر وهو يقول: عبدالله خل عندك شوية دم واحساس .. عبدالله: انزين شو اسوي والله هي بروحها ما تكلمني .. ظافر بقهر قال: أقول انا اليوم ياي عندكم انته شوفها خلصت اغراضها ولالا ... عبدالله: هيه شنطها جاهزه بس ما تطلع من الغرفه من امس حتى ما تعشت عندي .. ضحك وهو يقول: عساك ما تعشيت اهم شي هي ولا انته برايك ... ضحك عبدالله وهو يقول: انزين عفيت عنك بس تعال شلها برد البلاد... ظافر : يلا دقايق وانا عندكم ... سكروا من بعض وعلى طلعت مريم اللي قالت: وين !! ظافر استغرب جملتها وقال: شو اللي وين !! عمرج ما سالتيني وين رايح ليش اليوم بالذات .. مريم بقهر : قول انك مروح لها لا تطول السالفة وهي قصيره ... ظافر بعصبيه: هيه مروح لها .. لف ع امه وابوه وهو يقول : ترا اليوم الوضيحي بتي عندنا رتبوا لنا غرفه خاصه لين ما نرد البلاد ... امه: شو نبا بشقه ليش ما نروح للفلة ونعيش كلنا .. ظافر: امي الفلة بعيد عن المستشفى مافينا ناجر سيايير ... امه:زين فديتك خلاص روح ييبها وانا برتب الغرفه وببخرها لكم.. ضحك ظافر وهو يسحب سويجة ونظارته ويحط الجاكيت عليه ويطلع من الشقة ... : عند وضحى اللي كان كل تفكيرها باشواق اختها لولا هادي ماعرفت شو يصير عندهم لفت على فتحت الباب وهي تشوف عبدالله شاحت بنظرها عنه وهو قعد عدالها وقال: ريلج بيي يشلج قومي ترتبي وضحى انا ما بغيت اقولج شي عن الموضوع ما بغيتج تحاتين... وضحى بهدوء: ماعرف والله شو أقول بلشتوا هادي في مشاكلكم وكل واحد طول بعرض ماتعرفون تحلون مشاكلكم بروحكم ،،، امكم بروحها قصه ،، اشواق اخرتها مصحه نفسيه ليش يعني سلطان لقى مخرج عشان يطلع من ارتباطه باشواق ،، وانا ضحيت افعالكم تخيطون وانا اللبس ولا اعرف وين بيوصلني دربكم... مسح ع شعهرها وهو يقول: صدقيني باجر بتعرفين يوم بتعيشين مع هادي ... وسمعوا صوت الجرس وقال بهدوء : قومي تزيني بتروحين ويا ريلج عند هله وانا بحط اغراضج في سيارته لين تزهبين وتطلعين .. تنهدت بتعب وقامت وهي تتجه للحمام .. اما هو راح يفتح الباب لظافر وقعدوا في صاله وعبدالله يشرح لظافر الموضوع .. نرجع عند عروسنا اللي من بعد ماهلصت يبوح لبست تنوره بكسرات عنابيه وقميص ابيض هاي نك مع دانتيل مخبق وحطت ميكب خفيف وكثفت رموشها ورسمت عينها بالأيلينر وحطت روج نود شغلت المبخره وتبخرت ومن بعدها تعطرت وحطت مخمرية ورى اذنها بريحة مسك الختام وبين نهودها وفي أماكن نبض وفي نفس الوقت حطت كريم لليدينها ولبست خواتمها وسويرتها وساعه والقلاده مع الحلق وخذت شنطة الميكب في يد وشنطة اليد في يدها الثانيه ولبست كعب عنابي ولبست عباتها وشيلتها وطلعت لهم وصلت عندهم وهي مستحية من نظرات ظافر اللي يطالعها بتفحص من فوق لين تحت همست: السلام عليكم .. ردوا بتفاوت: وعليكم السلام .. والأخر وعليكم السلام وش هالزين والجمال .. ابتسمت بحيا وقعدت عدال عبدالله وهي متوتره بعض شي حست به ييوفف ويتقدم ويقعد عدالها وهو يقول: من اليوم ورايح يلستج عدالي مب عدال اخوج ولا حد غيره سمعتي ولالا .. هزت راسها بنعم وهي ساكته شبك ايده بيدها وضغط عليها بقوو ييا يحس بقربها.. شوي وعبدالله يسلم عليهم عشان بيروح المطار توادعوا ووصى ظافر عليها وطلعوا مع بعض من الشقه عبدالله متجهه للمطار وظافر ووضحى متجهين للشقة اهله... : فيك ِتفاصيل محد إنتبهلها ، إلا قلبي .�� : : عند اهل ظافر كانوا مجهزين الفوالة ومرتبين كل شي طلعت مريم وهي شاله عيالها وقالت وهي تطالع عمتها: افا يا عمتي كل هالفرحه بمرت ولدج .. طالعتها امرظافر وهي وتقول: والله يا مريم انج غاليه بس فرحة ولديه ظافر اليوم تسوى عمدي الدنيا وما فيها وانتي بنتي ونحن اهلج بس ظافر بعذ له نصيب من الفرح لا تنسين كيف زواجكم كان.. مريم بقهر وحسره: وانا عمتي تتوقعين عليه سهل اشوف وحده تشاركني ريلي تراني نفسه أبا انحب واحب .. عليا بضيقه: مريم انتي تحبين ظافر بس ظافر ماقدر يحبج تنهدت بضيق وهي تشوف الباب ينفتح ويدخل ظافر وهو شابك ايده بيدها ويقول: السلام عليكم الكل : وعليكم السلام ... نشت امه وسلمت على وضحى وعليا بعد سلمت عليها وعهود اللي طلعت من غرفتها وطارت صوبها وهي تحضنها وترحب فيها أبعدت وضحى وظافر عطى مريم نظره انه سلمي... وضحى بعد السلام رفعت راسها وهي تشوف مريم اللي طالعها من بعيد وشاله ولدها في ايدها عطتها ظهرها ودخلت الغرفه شي اللي خلى ظافر يزفر بعصبيه لكن وضحى رصت على ايده بمعنى خلها في حالها .. قعدت على الكرسي وقعد ظافر عدالها وبدوا يحطون الفواله.. وكانت ًجداً رسميه ويا عليا شي اللي قهر عليا بان الجليد اللي بينها وبين اخوها متى بيذوب وبترد علاقتهم حلوه نفس قبل .. دخل ظافر الأغراض وشنط في الغرفة رد قعد عدال وضحى وحط ايده ورى كتوفها وقربها منه وهو يهمس في اذنها: مرتاحه ولا تبين نروح داخل .. اختبص ويهها وانحرجت ولا عرفت شو ترد لاحظ احمرار ويهها وابتسم انقذ الموقف امه وهي تقول: سيري فديتج داخل ارتاحي .. ابتسم بضحك على شكلها كيف متوتره وقام واقف ومسكها من يدها وهو يقول : يلا سمحولنا بنروح نقيل شوي ... ووقف مع حرمته في نفس الوقت اللي طلعت مريم وهي تقول: ولدك عنده موعد بتوديه ولالا.. طنشها وهو يتجاهل عدم وجودها ونطقت امه وهي تقول: باجر موعده مب اليوم وان كان قدمتيه سيري مع عليا وحميد ... دخل داخل وهو يسكر الباب وراه ويقفله سحب وضحى من يدها وقعدها عدالها وهو يقول: وضحى.. ابتسمت له وهي تقول: ماعليه ظافر قدر مشاعرها تراها حرمه وتغار وما تنلام بلي فيها لها مشاعر واحساس لو ريلي انا واحبه وايييب ع راسي حرمه والله بجتلها والله وين هي ما تنلام ترا روح اجبر خاطرها وشل ولدك وروح الدختر معاها لا تلومها بشي .. بضيقه وهو يحضنها: مابا اروح يا غناتي انا أبا قربج .. حطت يدها ع كتفه وهي تقول: والله يا تروح تودي ولدك ترا ماله ذنب هذيل عيالك شالين اسمك يا ظافر ... انتهى ✅ |
هادي يملك قلباً حنوناً
لذا اجواء رومانسيه مليئة بالأحداث وضحى أصيله عجبتني طريقتها لأنها رحمت مريم مالها ذنب أسلوب يشدّ ولغة جميلة متدفقة وأحداث متواترة مثيرة في احداثها وعميقة جدا في معانيها واسلوبك بسرد القصة ممتع ومميز دمت ِمبدعة ايتها الأنيقة دجى |
شكرررا ملكوًًًتي ع الكلام الطيب
|
حلو كلام الحب وطريقته بينهم
جزء،يابنتي بطل |
جزء دافئ في محتواه
مبدعه |
حبيت ساالفة الحب في البااااارت
|
شكرا مجنون ونجم وعود ع المرور اسعدتوني صراحه بمروركم اللطيف
|
ماشاءالله عليك
بارت جميل جدا كل حب ومحبه بارت حلوووو كثير نريد مزيد كمان وكمان يا جميلتي ابداعتي يا مميزه أنتي كاتبه مبدعه |
حبيبتي ضاميه من ذووقج يا عسل والله استانس بتفاعلكم يارب يعجبكم لللارت الثلاثون
|
رد ع الروايه
تحذير: البارت الثلاثون.. : بعد مرور أسبوع تاقلمت وضحى ويا اهله ومازالت محافظه على رسميتها ويا خواته ،، ومريم تطلع وتعق عليها كلام ووضحى ماتلومها لانها حاسه بمشاعرها وبغيرتها وتحاول تطنش قد ما تقدر دخل ظافر اللي كان شال ولده المستشفى ومن بعدها وداه السوبر ماركت وياب حلويات وكيك وحطه ع طاوله وقعد عدال وضحى وولده في حضنه وقال لمريم: انتي تعطين الولد حبوبه .. مريم بقهر: نسيتها الفتره هذي .. ظافر بعصبيه: مينونه انتي تنسيين ترا العضله تضخ الدم في الريه يا البقره عطيه ادويته في اوقاتها شوفيج دومج تعطينه ادويته ليش الأسبوع هذا مهملتنه .. عضت ع شفايفها بقهر كانت متعمده عشان ظافر يحس فيها تبا تلفت انتباهه بأي طريقه اما وضحى انسحبت بهدوء من بدا يعلي صوته على مريم ودخلت الغرفه وسكرت الباب وراها ،، دخلت الحمام وتسبحت وبدلت ثيابها وطلعت تشفت شعرها وشافت الوقت عشا فضلت انها تنام سمعت صوت الباب وعرفت ان ظافر وقفل الباب وراه دخل دورها بعيونه واتجهه لتسريحه اللي واقفه عليها وحضنها من ورى : ليششش قمتي .. رفعت حايبها من المنظره له وهي تتعطر وقالت: حلوه انك تهزئها قدامي او قدام اهلك .. دفن راسه في رقبتها وشم عطرها وحس انها توترت وباسسس رقبتها بشغف رجفت من قربه وهي تهمس: خلاص توبه والله ما بدخل فيها ... ضحك بخبث وهو يقول: كل ما تيبين طاريها او دافعين عنها شوفي شو بسوي فيج ابتسمت بحيا لكنه حاوط خصرها وهو يقربها زوووود ويبوسها بشغف وهي تهمس له برجاء ماحست بنفسها الا فوق السرير طايحة وهو عايش جوه حاولت تمسك ويهه بيدها تبا ترجعه لوعيه ولكن لاحياة لمن تنادي صرخة بخفيف وهي تهمس بالم:عضيت خدي يعوور ورد عض رقبتها بشغف تالمت من عنفه وسكتت لانه قاعد يعاند فيها ابتسم وهو يهمس: عيبج الوضع شاف حمرار خدودها ورجع يكمل بوساته الجهنميه ... : برى شقه كانوا مجتمعين عالعشا ومريم مب قادره تبلع لقمه لانها منغصه من وجودها في حياتها شافتهم ياكلون ودخل حميد وهو يقول: ما شاء الله تتعشون عوافي وين ظافر عيل .. عهود : انته متى رديت من ميونخ ... حميد يغسل ايديه ويقعد: تقريبا قبل ساعتين الكل: حمدلله ع سلامتك رد عليهم : الله يسلمكم ... كمل اكله وسار غرفته ولقاها مقفوله رجع عند امه: ليش غرفتى مقفوله .. علياي المعاريس خذوها ،، انته رقد في حجرتي وانا برقد عند عهود ... عقد حواجبه باستغراب عند صمت الجميع وقال: أي معاريس واتكئ على الباب يتريا جواب ... نطقت عليا: ظافر تزوج ووضحى .. فرح لا شعورياً متناسي وجود بنت عمه وقال: صددددق وأخيرا خذاها لما حس ع عمره تحنحن وحك راسه وتعذر من مريم وراح .... قامت مريم بغصه ودموع في محجر عيوونها صار له أسبوع ما يفارق وضحى ومتجاهل مريم دخلت وشافت عيالها نايمين نامت ... : في صباح اليوم الثاني وعلى الجو البارد قامت وضحى بعد ماحست بثقل عليها لما افتحت عيونها شافت ظافر ملصقنها في جسمه راسها على صدره وذقنه على راسها ابتسم لما شافها فاتحه عيونها وتبوسم وتطالع شكله حطت يدها على خده تبا تبعده فاجأها يوم حضنها زود وهو يقول ؛ ما ببعد بهمس قالت: أبا اتسبح وابدل شكل الجو حلو . باسها وهو يشوف اثار جريمته وعنفه ضحك وهو يحلف ان الفاونديشن ما بيغطي شي من عنفه كمل يبوس وعطاها وحده عند خدها وهي تقول: خدددي لاااااا كيف اغطيه ياويلي منك كلهم بيشوفونه ... بغياص باسسها في كل رقبتها وانصدمت منه وهي تقول: والله مينون ما ينشره عليك .. ابتسم وقال: مينون فيييج يا عمري وكمل ييطبع باقي اشواقه على كل جزء في رقبتها او عند نحرها .. ؛ ؛ برى شقه حاطين ريوقهم وعليا تقول لامها بهمس: ولدج. شكله ما شبع من البنت من البارحه حابسنها لين الحين بسسسه ... ضربتها أمها ع جتفها وهي تقول بهمس: صلي ع النبي وابركها من ساعه اللي اشوف فيها ولدي مرتاح ومستانس .. عليا: ما قلنا شي بس يخف عالبنت ... : عند هادي واريام كانوا متجهزين بيطلعون لفت اريام على هادي وهي تقول: حبيبي ... لف هادي عليها وهو يقول : لبيه يا عيون حبيبج.. اريام بمستحى: وين بنروح هادي ابتسم وقال: الحين بتعرفين.. وصلوا عند الميناء ونزلوا ومسعد خذهم ع اليخت اللي حجزه لهم يعقوب وركبواهادي واريام وراحوا في رحلتهم... : في اليخت كان مرتب ترتيب خرافي بالونات ووورد منقور ومسبح جاكوزي خاص فيه رغوه السرير دائري وعليه مفرش احمر قطن ومنثور عليه ورد وشممووع استانست اريام وهي تلف تحضنه : ياااخى انتهه جووو باسها بين عيونها وهو يقول: انا مب اخوج لذلك لا تقولين ياخي شدة ع حضنه وهي تقول: انته اخوي وابوي وصديقي وحبيبي وكل شي ... حضنها اكثر على صدره وهو يبوس رقبتها؛ فديت عينج ... : : : عند اشواق بالمصحة دخل عبدالله وهو كله ضيق تنهد بالم وهو يشوف ظلم ابوه وين وصلهم كيف انتقلت حياتهم من والى دخل على اشواق اللي كانت تلعب بلعبتها العروسه وتمشطها شافت عبدالله داخل عليها وابتسمت بخوف ردت على ورى قرب منها عبدالله وهو يقول: شحالج يا حلوة البنات .. ردت بخوف وهي تقول: لا لا لا ... وانطوت على نفسههها اكثر بخووف عبدالله بحنيه: تعالي يا ماما تعالي يا عين اخوج قعدي قربي ويقعد على الشبريه وياشر لها .. هزت راسها بلا وهي تحضن العروسه قرب منها عبدالله وانصدم من صرختها قالها بهدوء: اشواق اهدي يا حبيبتي انا اخوج .. دخلوا الممرضين ودكتور على صريخها بعده دكتور وهو يقوله: عبدالله تفضل معايه ... سحب شهيق وهو يزفره.. راح مع الدكتور اللي كان وابد متعاطف مع اشواق وقال لعبدالله: شوف عبدالله بكون صريحه وياك اختك وايد متاذيه نفسيا من جنس ادم بالذات وخصوصا بعد اللي صار بينها وبين خطيبها ومحملنها مسوولية اللي صار انته تدري انها تعتبر الدمية بنتها وتأكلها وتبكي عليها وتقولهم تعالوا شوفوا بنتي ماتأكل اختك محتاجه اهتمام من طرف اخر وانا لازم اييب لها دكتور مب دكتوره هو اللي يبدا بموضوعه عشان تلين معاه وتققبل الطف الاخر لازم تتغلب على الصعوبات اللي فيها الحين هي عايشه الحالة المتناقضه او المعاكسه للطبيعه بانها لا اشعر بالأمان من قبلنا نحن كرجال لذلك انا خاطبت مستشفى في دبي عندهم دكتور شاطر يقدر يطلعها من اللي هي فيه ... عبدالله يمسح ع ويهه بضيق : الله يستر يارب ان شاء الله خير ... ... : في إيطاليا بعد ماراح ظافر ويا مريم موعد عياله راحوا يتمشووون وسار فيهم الحديقه وملاحظ قرب مريم له الأسبوع هذا اسبوعها وهذا اول يوم وياها مريم تمسك يده وهي تقول: ظافر ممكن ننسى ان نحن منا مغصوبين ع بعض وتبدا تحبني مثل ماحبيتك.. ظافر طالعها ومن قم طالع عياله اللي يلعبون قدامه وقال: يا مريم الله يهديج لو قلبي بيدي فريته صوبج من زمان بس قلبي مب بيدي وهذا موضوع منتهين منه انتي لج أسبوع وهي لها أسبوع ... مريم تتقرب منه وهي حاسه بنفوره منها قالت: بس توعدني تكون هالاسبوع صدق عندي مب يضرب الشوق وتروح.. في خاطره يقول والله اني ولهان وخالص ابتسم وهو يقول: انا قلت كلمه وقدها كل وحده لها اسبوعها ولها حقوقها اللي عليه لكن القلب امره بيد الله مب بيدي وابتسم وهو يلف حول عياله ويشلهم .. مسكت. مريم. ايده بحب وهي تقول: حبيبي نروح السووق .. ابستم بحنيه وهو يشوف عياله اللي ركبهم العربه وقال: حاضرين.... راحوا السووق وخذت شنط وميك اب وبعدها قالت: بروح المطعم ... وقضوا يومهم كامل برى ووضحى كانت قاعده طول اليوم عند عمها وعمتها وتسولف وياهم وتضحك معاهم وعليا مستغربه من وضحى اللي ابدا مب مضايقنها وجود ظافر مع مريم طول الوقت .. انفتح الباب ودخل حميد سلم وقعد ويسولف وشاف امه وابوه كيف محتفين وضحى وفرحانين من فرحة ظافر سالها بعشوائية : ريلج وين ..؟! ابتسمت وهي تقول: اليوم يوم حرمته وعياله الله يحفظهم .. انصدم حميد من الجواب وسكت وهو يهز راسه بالإيجاب .. ساد صمت وشوي يت عهود وقعدت عدال وضحى وهي تقول: حميد باجر ورفجه تطلعنا عاد صار لي أسبوعين ما طلعت ... حميد ياشر ع عيونه: حاضرين ... عليا توها بتقوم تبا وضحى انفتح الباب ودخلوا ظافر وعياله ومرته وهم يضحكون على ولدهم اللي يصيح يوم يوقفون العربه ويسكت يوم يمشون العربه .. رفع عيونه يدورها بين الموجودين شافها بين اهله تقدموا لهم وسلموا ردوا الجميع ببتسامه قعد عدال حميد وتفاجا بمريم تقعد عداله لف على امه وهو يقول : تعشيتوا وكان القصد يسرق النظر لها جاوبت امه اللي قالت: لا فديتك الحين بنحط العشا .. ابتسم وهو يأخذ ثواني يطالع اللي ملكت قلبه يعرف انها ما تبا تطالعه عشان وجود مريم لف لمريم وقال: روحي بدلي للعيال لان ودي بجو رايق اليوم بدون مغثتهم.. ابتسمت بحيا المخ راح بعيد وقامت وهي تقول: ان شاء الله في نفس الوقت عليا قامت وقالت: وضحى ممكن شوي أبا اكلمج .. طالعتها وضحى باستغراب ثم قامت وقالت : اوك ... توها بتتخطاهم قام ظافر مسك يدها وقال لعليا: انتي بعدين موضوعج .. دخلت الغرفة وهي تشوفه يسحبها مجرد ما سكر الباب حضنها بقوو وهو يقول: تولهت عليج .. وضحى بعدت وهي تقول: ظافر حرام عليك لا تكسر خاطرها هذا اول أسبوع لها .. ظافر بقهر: انزين انزين بروح بس ع الأقل حضن يا ويلي ولهان ... وضحى : والله ادري بس ترا كله بينجلب ضدك عقب في اسبوعي بتيلس تسوي لنا مكر الحريم اللي ما يخلص عشان تنتقم مني وانا ما يخصني اسبوعي تكون لي بروحي محد يشاركني فيك فهمت يلا رووح .. حضنها ع سريع وطبع بوسه ع خدها وطلع وهو يقولها الله يصبرني لين ايي دورج... شوي وطلعت وعهود قالت للظافر : حبيبي يوم تروح عندها ع طول ادخل الحمام واتسبح لا تشم ريحة وضحى فيك وتسوي لوضحى سالفه .. ظافر مسك عطر اللي ع طاوله تعطر منه ع سريع وهو يضحك وقال لعهود : غطي عليه فديتج هالاسبوع لازم ضبطيني ويا وضحى فديتج .. عهود تاشر ع عيونها : حاضرين يا الحب .. اما عند وضحى طلعت وهي تشوف عليا وقالت: نعم عليا شو فالخاطر .. عليا قامت واتجهت لغرفتها تحت انظار ظافر وقالت لوضحى: حياج تعالي ... دخلت وضحى غرفة عليا وتفاجات بعليا وهي تبكي من القهر وتقولها : وضحىى انا ادري كنت غلطانه وانانيه بس لاتلوميني .. سكتتها وضحى وهي تقول: الموضوع منتهين منه قالي ظافر كل شي وانا ما بخاطريه شي عليج وانتي حره وهذا حب حياتج من حقج تحافظين عليه غيره امرني في شي اقدر اخدمج فيه .. عليا : هيه تكفين أبا ظافر يسامحني ويرد لي ظافر اللي اعرفه أبا الحاجز هذا اللي بينا يذوب واقدر اخذ واعطي وياه .. وضحى باستغراب: ليش بينكم شي ... عليا هزت براسها: ما يكلمني من يوم ما يوسف تعرض لج فالمطعم ودافع عنج حميد اخويه تذكرين ... وضحى بصدمه: هذا خطيبج ..!؟ هزت راسها بهيه وهي تقول: للأسف وعيونه زايعه المهم صار بيني وبين ظافر تج هذاك اليوم أقوله برد لك وضحى فقالي اعرف كيف اردها لي بدونج الحين فكرتي فيني بعد ماشفتي خطيبج ذاب في عيونها... وضحى بصدمه: لا حول ولا قوة الا بالله العلي العظيم طيب مب مشكله شوفي انا بكلمه بس ماوعدج هالايام لانه أسبوع مريم فان شاء الله في اسبوعي بكلمه... عليا: لا وضحى تكفين اقلها هاليومين تكلمينه انتي مرته وانا عليه اتصرف ويا مريم واشغلها عنج بعد شو تبين !! وضحى : يا بنت الحلال صبري لين أسبوعي وبكلمه والله عليا : صعب والله صعب افهميني .. وضحى بحيرة: خلاص ان شاء الله ،، بحاول اشوف طريقه.. عليا: ما يحتاي هو بروحه بيشوف طريقه وبييج .. وضحى تبتسم: مايهمج اذا يا بكلمه.. ضحكت عليا وهي تقول: كيف ما تبينه اييج وجرايمه تشهدً افعاله وتاشر بعيونها على رقبتها وخدها ... انحرجت وضحى وعدلت شيلتها اللي نست وضعها وهي تقول: سخيفه لا تعلقين بشوف فيج يوم ... طلعت وضحى وشافت العشا جاهز وظافر مب موجود تحرك شعور الامتلاك والحب صوبه لكنها لازم تتحمل هاي مرته وهذيل عياله قعدت على طاولة الطعام وهي تال من الباشميل وتفكيرها كيف تكلم ظافر بخصوص عليا طلعت مريم وهي تقول لعمتها : انتوا مسوين باشميل بحط لنا .. ام ظافر : ليش ما تاكلون معانا مريم بقصد: لا نبا ناخذ راحتنا ونفتح نفس بعض عليا: وين ظافر مريم: يتسبح فديت روحه ... حطت لهم وطالعت ووضحى اللي تاكل بهدوء وهي تقول باستفزاز: يلا بروح عند الحب ... ابتسمت مريم وهي تقول : تصبحون ع خير ... ودخلت قسمها وشافت ظافر يحط تلفونه في الشحن حضنته من ورى وبعد بسرعه وهو يقول بنرفزه: يا بنت الناس لا تين ع غفله .. ضحكت باحراج: ادري ما تحب هالحركة بس بغيت انبهك بوجودي تعال كل معكرونة باشميل يا عيون مريم .. ضحك وقعد وهو يقول: توج ماكله في المطعم بغد بتردين تاكلين .. ابتسمت وهي تقول : ماقدر اصبر عن المعكرونه ... ابتسم وتم ماسك تلفونه فتح الواتس ولقاها اون لاين كتب: حبي ردت بسرعه: لبيه .. :ولهان عليج يا روحي يوم كامل ماشفتج.. ابتسمت وردت: احسن عشان شوق يزيد حط فيس يغمز وكتب ترا مب في صالحج عقب اذا زاد الشووق .. ردت بمستحى: هههه مب جنك مزود العيار شكلك ناوي تخليني استحي منك حتى لو بعيد عني ارحمني يا بوي والله والله ويييهي محمر من كلامك .. رد بعشق: فديت ويهج وخدودج وفديتج كلج ع بعضج وين انتى عندهم في صاله !! لا دخلت الغرفه ... شو تسوين منسدحه على الشبريه ومدده ريولي .. ليتني الشبريه ظافر خلاص والله احترم يومها.. انزين هي قاعده تاكل وراحت تسبح الحين تكفين بس بسمع صوتج .. لا فديتك باجر بتخرب اسبوعي بتنيحس ويايه انا اقدر اتحمل واضعط ع عمري في اسبوعها هي ما تقدر تمسك نفسها ودليل الأسبوع اللي طاف .. ضحك وطرش لها فيس عيونه قلوب وقال: حظظظي بلي تغار وبدت تمسك نفسسسها حبببيت .. ظافر استودعتك الله بنام عط البنت حقها وطلعت من المحاثه بسرررعه .. انقهر من سرعة خروجها وتافف وهو يقول الله يعدي ع هالاسبوع على خير .. حس بها وراها ابتسم مجامله وهو يقول : انتي من منو هنيه .. مريم تضحك: توني طالعه من غرفة الملابس.. ابتسم : ناموا العيال.. ردت وهي تتقرب منه: هممم قام وهو يقول: بتسبح وبييج .. هزت راسها وهي معزمه تسوي اللي في بالها طلعت الحبوب وحطتهن في العصير وخلطتهن مع بعض ... اعرفج يا وضحى حقيره وخبيثة تبين تاخذينه مني لكن اراووريجج ... |
مشاء الله سردك جميل ومترابط
اهجد ي ظافر أعدل بينهم مهما كان زوجتك وأم اولادك وضحى عاقله ورزينه وتنحب دجى دمتِ بهذا الرقي والشمووخ و العطاااء تقبلي مروري البسيط لأرضك الخلاابة أجمل وأعذب التحااايا لروووحك النقية |
جمال حضورك غطى على جمال روايه لحضورك رونق اخر يا ملوككة
|
اول شي فديت رووحك
تاني شي يمه الحب يمه واهم شي اني ما قدر انتظر بدي البارت الجديد فديتك روايه جميله ومشوقه جداااااا وفضولي كبير للنهايه اتمنى تكون نهايه سعيده تفرح قلوبنا ومني لكِ اهداء تصميم يخص الروايه كامله :48::48::48::48::48::48: |
جزاج الله خير ومشكوره ع التصميم سعيده جدا بمرورج الغاليه
|
اقتباس:
فدييييتك غلآآآتي :48: |
اقتباس:
يزين برنسيسه اللي بتصمم الروايه انا متشووووقه للأبداااااع :2cdf5e15bb: |
رد ع روايه
تنبيه: البارت الواحد والثلاثون : شوي جريئه هالبارت لذلك عذراً احبابي : طلع من الحمام وهو قلبه ناغزنه انسدح عالشبريه وفتح تلفونه ومن بعده حطه صامت قربت العصير وهي تقول : تشرب حبيبي .. مايدري ليش قبضه قلبه وقال: لا مابا تعالي قعدي حذالي شاف في عيونها خوف وتوتر ورجفة ايديها ما يدري ليش حس ان العصير فيه شي ... قربت منه وباست خده وهي تقول: احبك والله ... ابتسم وهو يشوفها توزع بوساتها عليه وقالها بحذر: انتبهي تتركين اثار ترا والله بعدها بيصير كلام ثاني .. بعدت وهي تقول : يعني حلال عليها ظافر بحده يبعد: شقصدج ،، يعني اذا في بالج شغل غياض مابا وهي والله ما تسوي هالحركات اللي انتي تسوينها.. بوزت وهو كمل كلامه: انتي تعرفين من زمان كيف علاقتي وياج في حياتج ما سويتي اللي انتي قاعده تسوينه لكن شوفي مادامج تبين جي اللي ينطبق عليج بينطبق عليها .. مريم ما افتكرت اهم شي تغايض وضحى وقالت بلا مبالاه : اوك موافقه ... انسدح وغمض عينه وقالها كملي شغلج وضحك بطنازه ... كملت بوساتها العشوائيه في كل مكان وهو نافر من شي هذا اخر شي بعدها وهو يقول صراحه ماقدر اتقبل منج وهاشيء مب يديد عليج لكن ان بديتي تغايضين وضحى ترانى بخليها تغايضج .. بعدت بنرفزه وهي تاافف وتلعن وضحى من دون إحساس ضربها ع شفتها وهو يقول؛ اذا بتلعنين لعنيني انا هي ما يخصها وعطاها ظهره ونام ... : عند وضحى نامت بعد التعب وتفكير اللي ذبحها من كثر ما تفكر في ظافر صدق ان المراه يوم تغار تستوي نار وشرار ماحست الا بتلفونها يرن ردت بنوم : الو ظافر: فجي الباب حببي قامت بفزعه وهي تقول : ظافررر !! ظافر بهمس: افتحي بسرعه ... !! قامت وسكرت تلفون وافتحت الباب وهي تعدل الروب نست تلبس بجامه من كثر حرقتها افتحت الباب وهي تربط الروب وتشده عليها اكثر دخل وتفحصها على عجل منه اربكته عيونها وقال وهو يبوسها بشوووق: سمعي نظام الأسبوع ما ينفع عندي انا انسان بنقض هالنظام وببدا نظام يوم بيوم ابتسمت وهي تقول: بس مقومني عشان ها شيء .. اغرته فتحت الروب قرب منها لين لصقها في اليدار وباسها بعمق وهو يرد على كلامها مقومنج لاني ولهان ومشتاق طالعها بتفحص وهو يكمل احس اني حرامي وخايف حد يشوفني وانتي بشرع الله لي وحلالي احتواها بين صدره وهو يبوسها وقال: هالمره ما بعضج هالمره بشفطج شفط لين ما يتم فيني من شوووق شي ... ابتسمت بحب: ظافر .. سكتها ببوسه وهو يقول: مابا طاريها سمعتي !! : عند عهود اللي كانت عطشانه راحت المطبخ تشرب ماي وشافت حركة ورى باب وضحى استغربت صوت توها بدق الباب سمعت جملة ظافر احس اني حرامي وخايف حد يشوفني وانتي بشرع الله لي وحلالي ابتسمت بينها وبين نفسها عارفه ظافر ما يصبر عنها راحت المطبخ وشربت ماي وهي طالعه قابلت مريم اللي قالت باستغراب: شفتي ظافر ... عهود: هيه طلع ويا حميد يقولج عندهم شغل ضروري وبيردون عالظهر هزت راسها ودخلت قسمها.. : دخلت قسمها باريحيه وهي تفكر وتحمد ربها انه ما راح لوضحى بلاها مادرت بالصدق 🥰 كملت رقادها ... : بعد ما مر أسبوع هادي واريام عايشين جوهم في اليخت .. اريام واقفه على اليخت تشوف البحر والمنطر العجيب غمارات شامخه وابراج وزرع وخضار واشجار من الجوانب الأخرى ومستمتعه بالهواء البارد اللي يلامس شعرها حست بدفء حضنه وهو يلمها من ورى وبهمس: شرايج في هالجو .. اريام تحط ايديه فوق ايديها وقالت بنفس همسه: يغرررم ما محلي الجو الا وجودك قربي .. شد ع حضنها زود وهو يقول. تدرين ان هادي يحبج ... اريام: ادري وهو يدري انى ميته عليه ولا ما يدري .. لفها صوبه وحط ايديه على ويهها وقال: كان مايدري بعشقج كان يحس بحبج بس ما يعرف انج عشقتيه .. ابتسمت بخجل منه وباس خدها وحضنها وبعدها راحوا ع طاولة الطعام ويلسوا ياكلون.. : عند اشواق في المستشفى وصل الدكتور المناوب على حالتها واستعرض الملف ودخل على اشواق اللي من شافته انطوت على نفسها بدون صوت قرب منها وسحب كرسي وقال: اشواق.. طالعته وهي تضحك وتلعب بدميه ابتسم وقال: الله هذي منو وياشر على لعبه ... اشواق ابتسمت وقالت: بنتييي !! ابتسم وقال: تزوجيني إياها ... طالعته بعصبيه وهي تحضن الدميه: لالا انتوا كلكم جذابين!! هذي بنتي ما تضرونها ! محد يعلق قلبها عليه!! حزن الدكتور عليها وقال : طيب ،، شرايج نتكلم انا بعد ماحب احد يأخذ قلبي لاني حبييت وخذلتني وراحت عند غيري بس صرت قوي وخليت قلبي يعافها وينساها عشان ما تعرف اني ضعيف من بعدها.. قعدت تسمعه بكل جوارحه وهي تشوف تعابير ويهه وهو يتكلم واندمجت وياه بعدين ابتسم وقال: عورت راسج صح بكلامي ... وابتسم ... هزت راسها بلا وهي تقول: انته ليش ما تعبت من فراقها.. ابتسم ع تجاوبها وقال: لاني قوي وماباها تخذلني وتفكر نفسها انها هي الوحيده بها الكون عست لنفسي ودرست وأصبحت دكتور وعندي منصب وعندي شهادة دكتوراه .. ابتسمت وسكتت ومن ثم قالت: كل البنات في عيونك خوونه وما يستاهلون قلبك صح .. هز راسه برفضض وقال: لا غلط مب صحيح ،، الحين انتي نفسها خاينه ..عقدت حواجبها وتوها بتنفعل قال يتدارك الامر : طبعا لا صح ،، لذلك نحن مب كلنا نفس شي ،، افرد صبوعه قدامها وقال يتشابهون هزت واسها بنفي قالها شفتي وبعدها قام وهو يكمل كلامه انا اقتء باجر طيب ابتسمت وهزت راسها طلع منها دكتور... : : • صبآحي حبگ اللي ماخذني من أولي لآخري♥... : : : في إيطاليا 🇮🇹 طالعين يتمشون كلهم ظافر وحريمه وعياله وامه واخواته ،،،، كانت مريم تتعمد تتلصق فيه وتحجج بعيالها وظافر يسايرها بافعالها ،، اما وضحى فكانت مبتعده وهي تشوفهم كعايله ابتسمت بالم تظل دخيله عليهم اتنهدت بضيق وهي ترمش بسرررعه عشان ما تدمع عيناها ومسحت دمعتها بسرعه بعد ما بعدوا ظافر ومريم والعيال ،، لفت على عنود وهي تقول : ندخل المحل هذا شوي نشوف شو عنده... ابتسمت عهود اللي شافت الدمعه في عينها وهي تقولها: يلا ندخل .. دخلوا وبعدت عهود وهي تتصل بظافر يرجع وهي تقوله: كسسرت خاطرها وهالاسبوع اسبوعها .. ظافر بضيق: تراها لزززقه شو اسوي يعني !! عهود: تصرف وتعال... وسكرت وراحت عند وضحى اللي شافتها تسلم ع وحده وقربت منهم وضحى تلف ع عهود وهي تقول: هذي عهود اخت زوجي وهذي تاشر ع روضه روضه ربيعتي .. روضه تبتسم: انتي وينج والله لج وحشششه تكفين تعالي االشقه عندنا زورينا ... وصل عبدالرحمن وسلم على وضحى وهو يضحك معاها: انتي وين اختفيتي ابتسمت باحراج: والله مشاغل الحياة ... ابتسم وهو يطالعها كيف باين عليها راحه يت شوق خت روضه في نفس الوقت وحضنة وضحى بكل شوق في نفس اللحظة دخل ظافر يدورهم بعيونه قرب منهم وانصدم يوم شاف وضحى وحولها بنات والريال من بعيد يطالعها ويبتسم انقهر من نظراته قرب منهم وانتبهه على البنات كيف لفن عليه وشافنه معصب استسمحت منهم وضحى وقربت منه مسكها بيدها بقووو وقالت بهمس: كسرت يدي ... رص على ايدها بقو وقال: شفتي نظراته !!! .. ابتسمت ع غيرته وقالت: حليله عبدالرحمن ما يقصد طالعها بقهر ولف عليها : شوووو!!! تعرفين اسمه بعد !!! وضحى لا تلعبين في حسبتي .... وضح تترك يده: منو اللي يلعب بالثاني تراك روحت عندها وخليتني وانا طول الأسبوع اللي فات احشمها عشانك لكنها تسوي لي مكر الحريم الحين انا اسفه لي حق فيك مثلها.. قربها منه وحضنها من كتفها وهو يقول:وغلاتج اليوم وكل يوم انا لج ... ابتسمت بحب وغيره على قلبها ولقت عليه وهي تقول: ظافر ... لف عليها وهو منتبه لنبرتها غير عن قبل مب مثل نبرتها العاديه طالعها بصمت دقق في عيونها شاف لمعة فرح ولكن ماعرف شو يفسرها توه بيهمس باحبج تفاجأ فيها وهي تقول مشتته نظرها: ممكن اليوم نروح لذاك القصر اللي وديتني إياه ... لف عليها وهو يقول بصدمه: ليششش!!! فيج شي !!! طالعته وبعدها سكتت ثم كملت : انا ضايقه وودي اروح لهناك وانته تقول يوم تضق تروح هناك هالمره انا اللي ضايقه وابا اروح هناك... لفها عليه وهو يقول بعد صمت دام لثواني او دقايق: وجودها مضايقنج... هزت راسها بنفي : لا مستحيل ما ضايقتني في شي ابداً ،، بس انا متضايقه متولهه على اهلي أبا بروح القصر ممكن ولا يضايقك .. ظافر يقربها صوبها ويدفيها بجاكيته وهو يقول: بالعكس سعيد جداً بطلبج ... ووضحى بعدها قالت: أخاف ها شي يضايقها لان بنكون برى .. ظافر : ما عليج منها خل تولي تعالي بس وراحوا لين شقه لموا اغراضهم على سريع وطلعوا وقالهم ظافر لا تتصلون فيني ..... : في المصحه بعد تطورات شوق مع الدكتور كانوا يالسين بحديقه المصحة ويتكلم معاها باريحيه اكثر خصوصًا بعد ما فضفضت له اشواق عن عقدتها من الرجال وكسر قلبها من سلطا ردت بواقعية : ما كان المفروض يسوي اللي سواه كأن اللي صار طوق نجاه عشان يتخلص مني بسرعه وبهذي طريقة .. دكتور خالد: بالعكس أصلا اللي صار لج خيره لان بين لج من الأول معدنه وانه مو شاريج .. اشواق وهي طالع عيونه: لا والله انى اسوى نظر عيونه ويحبني.. ضحك بخفه وهو يقول: لو كنتي مثل ما تقولين ما تخلى عنج بأول طريق وبأقل الخساير . تضايقت اشواق وهي تقول: الظاهر الحب اللي عشناه كان خدعه او فلم روائي او سينمائي انتهى بالخساير وبهذي النتيجة... د. خال: بالعكس يا اشواق كان المفروض تشكرين ربج اللي ظهر ع حقيقته وبارل دربكم قبل لا ترتبطون ببعض وقبل لا يصير بينكم أطفال.. تنهدت بصمت ونظرتها بعيده ومتفائله بالعلاج انه بيب لها نتيجة .. : 💭 من صب لي من دلته ربع فنجان ؛ صبيت له من خافق الروح دله ♡` : في إيطاليا في القصر بعد ما قعدوا ورتبوا اغراضهم اتصلت ع عبدالله وتخبرت عن اشواق وتطمنت عليها وسكرت ظافر راح اييب عشان اختلت في الكوووخ وبكت من غصة فراق أهلها وكيف القدر فرقهم وكيف تغيرت حياتهم حد زانت حياته وحد شانت وحد حياته على شفى حفرة تخبطوا في حياتهم كثير شهقت وهي تطلق لعيونها تبكي براحه بدون وجود أي خد وبعيد عن الجميع ،،، حياتي اللي انفرضت غصب عني وأسباب الزواج والعيشه اللي عشتها حسسسيتهم اهلي وانا بنتهم عشت جو العتيله اللي انحرمت منه لكن يبقى سوال لين متى بصمل وبثبت ومريم بدت تخطي بخطوات الغياض وتتجه للقرب ظافر في سبيل بعد وضحى عنه عارفه نفسها لو من مقها تحب وتغار لكن مو من حقها تمنعه عن زوجته مادام اني رضيت لازم ارضى بكل شي تسويه مريم انتبهت على دخلته لفت وشافته مسحت ويهها بسرعه وهي تبتسم: يييت .. ظافر كان مستعيل حط العشا وما انتبه لها وقال : وضحى اسف بس العيال تعبوا مظطر اروح .. ابتسمت بالم ولوحت بيدها وطلع ظافر ورد للشقه عشان العيال ... شلت الاكل ودته حق البود قارد ياكلون انجعت للعرفه اتسبحت وبدلت ثيابها لبست ثقيل ونامت وعيونها ع خدها.. في المستشفى بعد ما نقلوا التوأم مريم تترجى الدكتور: الله يخليك قولهم ان لازم يقضون أسبوع في المستشفى الطبيب: بس ابنك يا مدام بخير ... اما التاني هو اللي عايز رعايه اديتيه جرعه زايده ليه ؟؟ يا بنتي!! مريم تبكي: أبا ابوهم يفضل معايه ما يروح لغيري .. الطبيب بتفهم : حاضر يابنتي بس انتبهي تاتي مره تدي جرعات زايده ... ابتسمت وهي تمسح دموعها: شكرا دكتور .. طلع الدكتور وطلعت مريم وراه اللي كانت تبكي من غيرتها وتترجى الدكتوره شافت ظافر توه واصل ويمشي بسرررعه استانست يوم ماشافت وضحى .. حضنته وهي تبكي لمها بحضنه وهو يهديها: اهدي مريم اهدي ان شاء الله مافيهم الا العافيه .. دخل عند اهله اللي انصدموا بوجوده وكيف يا ومنو خبره تضايقت عهود اكيد وضحى زعلت حسبي الله عليج يا مريم .. مريم وهي في حضن ظافر وتمسح دموعها ،، عهود طلعت برى واتصلت على وضحى ولكن لا مجيب .. راح ظافر عند الدكتور وسال: كيف حالة محمد واحمد طمني دكتور.. الدكتور يبتسم: بصراحه يابني ابناءك بيحتاجوا رعايه وانته ابوهم ما تبعدش عنهم .. بالنسبه للحاله الصحيه محمد احسن بكتير ،، بس احمد بصراحه ماخبي عليك واخذ جرعه زايده من دوا ونتيجته عكسيه ... انصدم ظافر وقلبه دق بقوه: يعني دكتور وضح لي اكثر أبا استوعب .. الدكتور : احمد ممكن يصيبه شلل أطفال او عمى لانه عنده تكسر بدم وعنده القلب بيضخ الدم في ريه وانا بنبهه ع احمد كتير لكن بوص اهمالكم واخطاكم في اخذ الدوا وعدم الالتزام بالجرع المناسبه أدت الى هذا النوع من الحاله ... ✅ |
لا ي مريم الا اولادك
حرام تزودي بالأدويه عشان ظافر يرجع لك الأطفال براءه أبدعتي دجى مااروعك ومااجملك شاهدنـا ابهـى لحظات القرب محملة بالحب والرومانسية عند كل همسة غزل مليئ بالجمال و العذوبه دمتِ كما أنتِ :kitty (120): تسلم الانامل على هـ الابداع الكتابي:fSj82528: |
ماشاء الله عليك
البارت 30 تبارك الرحمن وش الابداع وتميز دائما تبدعين بكاتبه بارت حلوووو كثير |
والبارت 31
ماشاء الله عليك تبارك الرحمن دائما تبدعين في بارت يكون كل مره أجمل من قبل مبدعه يا دجي وربي كاتبه ماشاء الله عليك مميزه ومبدعه استمري |
حبيبتي شكرررا من ذوقج غناتي
ملوكه وضامية تواجدكم اكبر دافع وهمه للاستمرار واكثر من رائع حضوركم زادنى شرف |
فيه كل شي هذا البارت لكنه روعه كفكر منك يابنتي
بدايته حركات ورومنسيات |
شكررررا ع تواجدك اللي يزيدني شرف وهمه للاستمرار
|
الروماانسيه حبيتهاااا بالعكسس عطت شي حلوو
في الروااايه |
تسلم ع مرورك الطيب ياخوي نجم الحمدلله ان عجبكم البارت
|
رد ع الروايه
البارت الثاني وثلاثون..
: : يبقىٰ لگ .. اللي قلبَه علىٰ قلبگ👌🏼♥ : بعد مامرت يومين وضحى رجعت شقه وقعدت مع اهله تسولف وتضحك وكابته حزنها والمها في قلبها ماشافت ظافر من هذاك اليوم اللي راح فيه للمستشفى ولين الحين في المستشفى مع عياله ومرته ،، الحزن كان في عيونها بس كانت تداريه اسبوعها ولها حق فيه لكن لاجل عياله سكتت وما تكلمت وماحبت تلهيه عن عيالها اتصل ظافر بامه كان يسال عن دواء احمد اييبونه في المستشفى عشان يشوفون كمية الجرعه الزايده ... عهود قعدت عدالها: وضحى صدقيني ظافر مب قاصد يخلي اسبوعج بس ظروفه يت جيه .. ابتسمت وهي مخنوقه: بالعكس فديتج انا مب مضايقه انه بين عايلته ويداريهم هذا من حقهم كعايله .. طالعتها بتدقيق ولمحت نظرة الحزن في عيونها تبين حتى نبرة صوتها بس قويه يا وضحى قويه حقدت على مريم اللي زادت بجرعة دواء احمد عشان تخرب ع وضحى اول ليله في اسبوعها ومرن ثلاث أيام ووضحى حالتها حاله ما راحت معاهم المستشفى ماتبا تضايق قلبها ولا تبا تدخل بينهم وتفسد جوهم كعايله قضت وقتها في الغرفة ويوم تسمع صوت اهله تطلع لهم تقعد معاهم وبعدها تدخل تنام ... في المستشفى كانت عهود قاعده بتوتر وهي تشوف ظافر حاضن مريم ويهدي فيها ويمسح عليها طلع الدكتور وقال: عملت فحوصات واخذت عينه من دواء ،،احمد بخير الحمدلله بس الدواء اللي خذاه احمد هو فالحقيقه دواء محمد وليس احمد والجرعه الزايده تسبتت في تحسس جلد احمد والورم ده اللي انتوا شايفينه على جلده نتيجة تحسس الدم بما انه احمد عنده تكسر بالدم وعين وحده تمزقت الشبكيه لابد من اجراء عمليه لها .. ظافر اابعد مريم بقوه وهو يقول : صار لي أيام اواسيج واواسي نفسي واخرتها تطلعين مدبره كل شي غربلج الله عيالج هذيل انتي مستغنيه عنهم اذا انتي مستغنيه عنهم انا ما استغنيت عنهم ،، عهود قربت: كيف ما تباها تحرق قلبك بعيالك وانته حارق قلبها بوضحى.. ضرب ع يبهته وهو يقول: وضحىىىىى كييف نسيتها؟؟؟ لف ع عهود وضحى رجعت الشقه عهود تطالعه بالم: عمري ماشفت وضحى مكسوره نفس اليوم راح اسبوعها واهمالك زاد وايد يا ظافر ... تالم وضاق صدره والله احبها كيف نسيتها هذيل عيالي عوروني اكسروني .... حط أيديه على راسه وخلل أصابعه في شعره وهو ضايق رفع عينه ع مريم وبقهر قال: لو كنا مب في المستشفى كان شفتي شو بسوي فيج لكن سمعي من اليوم ورايح مالج خص في عيالي لا في ادويه ولا في اكل ولا نوم فهمتي هذيل عيالي شالين اسمي نحن يينا نعالجهم تروحين زيدين الطين بله وتخربطين بدوا وتعطين دواء محمد لاحمد ليشششش شو هالممكر اللي فيج لا تفتكرين انج بذي طريقه بتيبين راسي وببعد عن وضحى فهمتي ولالا رجع الطبيب وهو يقول : أستاذ ظافر تقدر تأخذ محمد وتسيب احمد لانه حالته عايزه عنايه اكتر ... هز راسه بضعف وودخل للغرفة ودخلت عهود وهي تشوفه منكسر حطت ايدها ه كتفه: اهدا حبيبي اهدا ان شاء الله احمد بيكون بخير .. رفع يده وهو يقول: يارررب يا عهود الله يسمع منج لف عليها : هاتي أغراض محمد ورتبيهن لف لمحمد وشله وباسه بين عيونه وحضنه وهو يشوف ايده الصغيره المتورمه من الابر والمغذيات تنهد بالم حطه بالعربه وجهزوا اغراضه وطلعوا لقاها تبكي قرب منها وهو يقول: ع البيت يلا يا العله عليتي فؤادي... تحركوا للبيت ،،، ووصلوا الشقه ،، اللي كانت هاديه طالع الساعه استغرب الهدوء لف على عهود وهو يقولها: وينهم.. عهود بهمس: اكيد نايمين الوقت متأخر نسى ان الوقت المتاخر وقال لمريم : روحي الغرفه ولا اشوف زووول ويهج ولف لعهود وهو يقول: محمد امانه عندج شلي اغراضه ونيميه عندج.. هزت راسها بفرحه وهي تقول : والله ابركها ساعه يوم شيخ بينور غرفتي ... لفوا جهة المطبخ وشافوا عليا ووضحى طالعات من المطبخ شالات ماي في ايديهن وضحى طالعتهم بصدمه وحست ريولها مايشلنها طالعت ظافر لثواني ومن بعدها مريم وهي تقول: حمدالله على سلامة عيالكم ... خطوات ظافر تقرب منها وهي قلبها يرقع من الخوف رفعت عيونها له وتفاجأت فيه يسحبها لحضنه بعد ما عليا تداركت الموقف وشلت الماي من يد وضحى اللي كانت أنفاسها تتسارع في كل مره يقرب شد على حضنها زود وهو يبوسها على راسها قدام انظارهم وهو يقول: السموحه منج يا القلب والله غصبا عني وتراني بييج خلي الباب مفتوح .. استحت من الموقف بس برد نار قلبها وارتاحت اقلها مب ناسنها وخذت الماي وردت الغرفه وهي تسكر الباب بهدوء وصوت قلبها يرقع من الخوف ولا الحب يا وضحى ؟؟؟ ظافر بعد ما دخل عند عهود ورتب مكان لمحمد وحط اغراضه دخل غرفة مريم وهو يقول بتهديد: قسم بالله اذا سمعت منج صوت طلاقج بيوصلج .. شهقت وهي تحط يدها ع ثمها بخوف وسكتت رقع الباب وراه .. واتجهه لوضحى مب عارف شو يقول شو يبرر دق الباب وافتحت لكنه حصنها مره ثانيه بشووق وقال: الحضن الأول اعتذار والحضن الثاني شوق... بعدت عنه وهي تقول: ادخل ارتاح نومة المستشفى تيب الضيم .. دخل طلع له ثياب من الكبت واتجهه للحمام يتسبح ،، طلع من الحمام وتلبس مالقى لها اثر عارف انها زعلانه بس استغرب وين ممكن تروح وشوي دخلت وضحى وهي تقفل الباب وتتجه صوبه استقبلها بحضن دافيء وهو يعتذر منها: صدقيني بعوضج من اليوم لين الأسبوع الياي وانا قربج.. ازفرت بضيق وهي تقول: رحت اشوف محمد ليش جي ايده حرام عليككم كان حطيتوا كمادات دافيه عليها تخف من الألم والورم قلت لعهود تعطيه مسكن عشان ينام مسكين يبكي ... حضنها بحب وهو يقول: ليتج امهم .. بعدت عن حضنه وهي تطالع ويهه اللي اشتاقت له وردت دفنت ويهها بحضنه وهي تقول: الله يسامحك من الأول لازم تعتني فيهم وتهتم لا تنشغل عنهم حتى لو كان عشاني سمعت ... ابتسم بحب وهو يشد على حضنها زووود ... شهقت بين حضنه وهي كانت تحاول تكتمها بس ماقدرت حنيته غلبت على مشاعرها همس في اذنها: ادري زعلانه ومتضايقه خربت اسبوعج بس لج العوض بامر الله ادري شرهانه عليه ولكن ما الومج ... قعدت على الشبريه وهي تمسك كفوف ايديه : ظافر طلبتگ طالعها بعيونه وهو يقول:عيوني لج غناتي امري ... خذت شهيق وزفرته حطت عينها في عيونه: وعدني ما تعصب اول .. مسح على خدها باطراف اصبوعه وهو يقول : مستحيل عصب مننج ... طالعته وهي تقول: هيه هذا الا الحين تقول جي بس لو عرفت انا اباك في شو وبكلمك عن شو ؟؟! بتعصب ! .. قرب منها وهو يطبع بوسه بطيئه ودافية على خدها وهمس: قوولي حبيبي اسمعج والله ماعصب لو شو ما كان الموضوع .. ابتسمت وهي تحسس بوسته وقالت عينها في عينه وايدها على خده : اللي بينك وبين عليا لازم ينتهي .. وترقبت افعاله وشافة ضيق في عيونه نطق وقال: انتي غالية واطلبي أي شي غير ها شيء... وضحى: بس فديتك انا عندك الحين وبين ايديك لا تخلي الماضي يعكر صفوو جوك وانتوا خوان مايفرق بينكم شي حتى لو كانت حرمة .. طالعها بضيق وتنهد : شوفي عيوني لج بس انا اباها تتادب اللي سوته فيني مب شوي وتسحب عليج عشان انا احبج .. قاطعته وهي تحط يدها حول شفايفه قالت: لا تكمل يا قلبي ما دام انا عندك وقربك الحين الماضي ننساه مثل ما انا نسيت الماضي .. قرب منها وباسها بوسه طويله وبهمس : طلباتج أوامر .. بعدت عنه وهي تبلل شفتها وتقول: انته تعشيت .. هز راسه برفض وقال وهو يتمدد عالسرير : أبا انام تعبان ثلاث أيام مادري خمس أيام ما نمت زين .. قربت منه ووبدت تسوي له مساااج ايديه وريوله وراسه وظهره لين حست بنفسه المنتظم باست راسه بوسه طويله ومن بعدها نامت عداله وهي حاضنتنه كأنه ولدها ... : : : في جانب اخر من إيطاليا ،، روضه وشوق قاعدات يلمن اغراضهم بيردون البلاد لفت ع عبدالرحمن وقالت: شفيك لف يطالعها وهو يقول: تصدقين صورة وضحى ما تفارقني... ابتسمت بالم وهي تقول: من يوم هي ع ذمة علي وانته معجب فيها ... ابتسم بضيق وشاح بويهه يحاول يشتت أفكاره ... بعد ما رتبوا الأغراض نزلوا ودخل كوفي ترك رساله لها في أي لحطه تي تشوفه تقرى الرساله غلف الرساله باسم روضه ووضحى ... وتحركوا للمطار... : : بعد ما رجعوا من اليخت واستمتاعهم باللحظات الجميله والحلوه بينهم ... هادي يدخل من باب صاله ويقول: مستانسه !! ردت عليه ببتسامه: وايد كانت احلى أسبوعين قضيتها في حياتي والله ... دخل تسبح وبدل وشغل المدفاه ووصى فوزيه بطبق مصري كشري وصوص سبايسي ... دخلت بدلت لبسها وثقلت في اللبس واتصلت ع وضحى ولكن لا مجيب ... دخل هادي وهو يشوف الفازه اللي فيها الورد والجوكايت مرتبتنه على تسريحه بحرف اج وحرف أي ويتوسطهن قلب 💓 دق قلبه وهو يطالعها وبهمس شاعري: جنه قلبي من قبب ماعرف الحب الا يوم شفتج .. ابتسمت بحيا وهي تقول: منو متصل بك ابتسم: المحامي يقول الأسهم ردت لج واملاك عمي كلها صارت لج عثبت وهي تقول. هادي لا تقعد تينن فيني قتلك ياخول باسمك انا مابا اعرف أي شي ولا ادير أي شي ولا يخصني بشي زين .. غير الموضوع وهو يقول: شو رايج بالجو اللي يكسيه غيم طالعته وبقهر: نفس ويهك ... ضحك منن خاطره وهو يقول : يعني حلو ... ههههههههههه راح صور سناب وكتب انا والجوو نتشابه بس ناقصنا حب وحنيه وضحك وهو يطرشها عالخاص عليها وحطها ستوري... ضربته ع كتفه بقهر وهي تقول: هااادي اسمع الكلام اللي بقوله.. طالعها وهو يصور المحميات : اقولج شي يخص حلالج مابا اسمع عنه فهمتي ولالا ؟؟ ولا عاد تفتحين الموضوع عشتن ما يصير زعل بيني وبينج ... طالعته بقهر وغيض : يا المينون انا بهيمه في هالسوالف انقوووح يعني بقرررره بالعربي مقصه ياخي انا بدله ماعرف لها سوالف ... هادي عينه على تلفون ويطرش صور ع سناب : عادي تتعلمين وبييب لج أوراق تذا تبا توقيع وتقوينها وتفهمين هالاوراق حق شو .. انقهرت من بروده وهي تتنهد قالت: اوووف منك !! ضحك وباسها وهو يمسك خصاه من شعرها ويجرها: فهمتي ولالا !! هادي مايبا يعور راسه!! ولى زمنيه الحين دور زمنج !! طالعته بطوف عينعا وضحكت وهي تضربه ع صدره .. رفع حاجي وهو يقول: يابنت ايدج طوالانه هالفترة... ضحكت عليه وهي تحضنه باست خده وهي تهمي: احبك .. شد ع حضنها زوووود وهو يقول: وانا اموووت فيج يا عمري ... انتهى ✅ |
على ظافر ان يعدل بينهم
مريم ضعيفه وخايفه من الطلاق هادي واريام حلوين مع بعض دجى كم آنتِ رائعه .. بجمال عذوبة احساسك هكذا هو الحب بركان لا يهدأ داعبتِ أوتارقلوبنا تتراقص على أنغامها نبضنا شكرا لهذا السرد الجميل الهاطل عذوبة ونقاء ولك خالص حبي وتقديري |
شكرررا ع ردج الجميل المفعم بالحيويه واللحماس
|
انا ونجم خلونا مع هادي واريام
وشلنا في المشاكل عايشين جو العشاق بعدما شيبنا في الروايه |
حاضرين يا خوي ماطلبت معطيكم من جووو الرومانسييي في البارت الرابع والثلاثون اما البارت الثالث والثلاثون نكبببه نكبتهم
|
رد ع روايه
البارت الثالث والثلاثون |
لا ي مريم ويوسف وضحى متزوجه
اتوقع ان وضحى بتقول مشتاقه لأهلها بتسافرلتبتعد عن يوسف والمفروض تعلم ظافر بلي حصل من يوسف دجى كم آنتِ رائعه بجمال عذوبة احساسكِ وحروفك تتغنى بهمس الحب لك الورد بكل ود |
فديتج تبردين اليوووف
|
رد ع الروايه
الجزء الرابع والثلاثون.. |
مريم ضحيه وحززنتني ساالفتهاااا
والله البااارت هذاا اثر فيه كثير |
الله يابنتي
صح فيه جزئيه اثرت فيه للمسكينه مريم وضعها مزري مع اللي جالس يصير لها بس فكرك ممتاز |
اقتباس:
بارت جميل جدا:3z (8): كاتبه جميله جدا يا قمري :kitty (10): الله على تميز والابداع :2cdf5e15bb: دجي الليل أنتي مميزه :d4: |
اقتباس:
جمال وتميز وابداع يا ذوقك وفنك في كاتبه :d4: أحبك وأحب أسلوبك وتميزك :2cdf5e15bb: أستمري وإلى الامام دوما :d4: |
اقتباس:
مبدعه ياقلبي ما أجمل ما تكتبين لنا يا عسل أنتي :d4: أنتي أجمل كاتبه قصص وروايات بكون كله :2cdf5e15bb: مبدعه يا جملتي استمري إلى الامام دائما يا شطوره أنتي شو بحبك وبحب ما تكتبين لنا :d4::2cdf5e15bb::butterfly: |
ياعمريً يا ضموي. سلمتي والله ع الكلام الطيب شرواج يا حبيبه والله من ذوقج الرفيع
|
| الساعة الآن 07:32 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية