 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي السادسة: العمر لحظة
(http://www.gsaidlil.com/vb/showthread.php?t=178021)
تم حذفه بتكراره
|
سكر تلفون ولف عليها شافها واقفه بحيره وطالعه بعيون متشتته وفيها تساؤل تجاوزها بضحكه وهو يدخل الحمام لكن قبل لا يدخل قال: خلي كرامتج تجاوبج على فضولج وتسالج عن سؤال اللي في عيونج ودخل الحمام وسكر الباب .. : : : انسدحت بعد هالجملة وحطت راسها عالشبرية وفزت ع اتصال من تلفون فهد شافت الرقم دولي ياها فضول ترد وأول ما حطت السماعه ع تلفونها ياها صوتها : فهد متى ستأتي الى المانيا لقد اشتقت اليك .. سكرت تلفون وهي تمسح رقمها وتتحلطم عليها وتسبببها حست بحضنه من وراها وهو يشل تلفون عنها وقال وهو لا زال حاضنها وانفاسه تحرق خدها: ليش المكابر يا الغاليه طيحي الحطب ولا تسلميني لها ع طبق من ذهب .. صرطت ريقها بخوف وهي تهمس: اسلمك لها مب انته لها الحين .. لفها عليه وهو يقول: انتي فيج عقل ؟ تفكرين؟! ولالا !!وحط عينه في عينها وقال اذا لين الحين ماحسيتي بقيمتي وماحسيتي انى لين الحين احبج واباج فعلى الدنيا السلام وتركها وراح ينسدح عالشبرية اما عي فتمت تطالعه بعيونها وتفكر بكلامه ليش يرد فيني إحساس حبك وقربك وينتابني شعور اني تعلمت منك انك لي وتبقى لى وهذا اللي المفررض اسويه ،، يعني هي بتصال واحد جلبت حياتي وعفست كياني شبلاني اانا اففف انام وايد احسن انسدحت عالشبرية ونامت ... : : : - اختر الرضا، يَهن عليك العُبور.💚 : : : اما حمده فكانت قاعده مع بسوم وبطي ومشغله اغنية خالد عبد الرحمن وتردد معاها وبطي وحامد يضحكون عليها لف عليها بطي وقال: حمدوه بسج غراميات استحت منهم وبندت تلفون وقالت ليسومم: غناتي علوم الدار اللي هناك اشوت لها بسوم بعيونها بمعنى سكتي مب وقتج .. حمده فهمت ان بسوم يايبه العيد وياها وطالعتها بحده وبسوم بادلتها بنظرات رجاء شاحت بنظرها وهي تقول لبطي : بطني لو وحده منا ياخذها احنبي تتوقع عادي عندكم بتوافقون.. بطي نطر حوايبه دلاله ع ان كلامها ما دخل مزاجه وبانت خطوط يبهته من العصبيه وقالت حمده: اسحب كلامي كنت امزح بس .. طالعها بغيظ وهو يقول: ليش بلا اهل انتن تاخذون أي واحد اظني وراكم رياييل ما بنيوزكن ع هواكن وع ماتبن .. اسكتت حمده وردت حامد : شبلاك تمزح تبا تغير سوالفكم النكد تبا تضحكم بس انتوا مب ويهه حد يعطيكم ويهه ولف لحمده وقال: ماعليه فديتج محد فاهمنج كثري يا غناتي ... اباسمت حمده بمتنان له ونثلت نظرها لصوب يدها ويدتها... ومر الوقت سريع ونزلوا من اليخت بعد ما تعشوا ووصلوا الشاليه وكل واحد راح حجحرته الخاصه ... : : : لا شيء يخترق “القلوب” كلطف العبارة ، وبذل الإبتسامة ، ولين الكلام ، وسلامة القصد ، ونقاء القلب وغض الطرف عن “الزلات”💐 : : : في شاليه بو فهد ،، وتحديدا في حجرة حمده وبسوم قاعدات يسولفن ،، وحمده قالت: انتي شو وراج منو هذا اللي كل شوي يتصل بسوم بحالميه: ياربي يا حمده هذا العشق والحب .. حمده تضحك: مالت عليج والله يا ويلج من بطي بيذبحج بقهر قالت: مب اجنبي هذا كويتي ... طالعتها حمده وقالت: وشبلاهم شبابنا يوم انتي طحتي ع كويتي ( كل الاحترام لشعب الكويتي ،، مب القصد تجريح لا والله الجميع ونعم فيهم وكلكم خوان والعين والراس،، بس الغرض توصيل فكرة شو سبب اختيار شهص مب منك وفيك مثلا الأسباب اللي تخليك تنعجب في شخص ثاني ما يكون من دولتك يعني النصيب ) طالعتها بقهر وهي تتفحص نظراتها من فوق لين تحت وقالت: حمدوه جب قلبي مب بيدي يحب ويكره .. حمدوه: ولا يهونون اهل الكويت بس شمعنى شو سبب تلاي خلاج تحبينه .. حضنة التلفون بحالميه وهي تقول: ياختي كل شي فيه حلوه طوله عرض كتوفه شعره سكسوكته جماله كل شي .. حمده تضحك: الحمدلله والشكر بس من الناحية الجمالية ماخذتنها انتي ما تدرسين الموضوع بجديه .. انسدحت عالشبريه وهي تبادل الحب مقاطع فيديو واهداءات أغاني قالت حمده بجدية: بسوم ترا ابويه ما بيوزج واحد غريب لا تعيشين واقع غير واقعج الكثل يقول حلات الثوب رقعته منه وفيه لا تعيشين أحلام وايد معاه .. طتشتها وهي تكمل حوارها مع الحب وشوي اتصل بها ردت بدلع: عمري اللي ما يصبر عني . ابتسم بحب وهو منسدح : وانا اقدر ما انام قبل لا اسمع صوتج يا غرام المحبين . لعبت بخصلة شعرها وهي تقول : فديت قلبك حبيبي طمني عنك وشلونك... ضحك وقال بهمس: مسرع ما نسيتي لوني هههههه فديت اللي يحب لهجتنا ويقلدنا.. ضحكة بدلع وهي تقول: تفداك معاليق القلب يا بعدهم .. تنهد وبعد طولة بال قالها: انااااااا ....... وانتهى توقعاتكم ... |
العمر لحظة
تم حذف البارت لانه مكررر فهليت لللي في نص :139113205810::609637154::609637154::v9v9net_107:: v9v9net_107::v9v9net_107::9:
|
اقتباس:
بسوم احس يمكن بتشوف الويل من حبها ممكن يفرقونهم عن بعض:3 z o t e (16): دجى الليل فديتج تشويق رائع الله يعطيج العافية:sk22: |
فدددو ندووو ان شاء الله تعجبج البارتاات اليايه
|
كل البارتس جميله ورائعه
لا حرمنا الله كتاباتك ب انتظار البارت الجديد تحياتي و دمتي ب ألف خير |
سلمت ياخوي وبيض الله ويهك عالمرور الطيب
|
البارت العشرون..
: : الحمدُلله على تِلك الأيام التي مرت بسِلام، ونرجُوا من الله أن تمُّر باقِي أيامُنا بسلام��.. : : : وهيِّئ لنا من أيدينا المرتجفة، وكلماتنا التي نرددها في صمتنا، ومن إرتباكنا المتعب وضعفنا الذي في الأعماق، ومن حياتنا التي توشك وتوشك و توشك. ما نشاء وننشد، ما نأمل ونستجدي ��.. : : : عند بسوم وهي تكلم الحب دخل عليها بطي وقال: ليش صوتج عالي ترا ابوية وامايه رقود ..عقد حوايبه وقال بعصبيه : منو تكلمينن انصاص ليالي.. تبلمت من الخوف وسمعت صوت الحب يقولها: قولي له اسمع أغاني .. لعبت بشعرها وهي تكلم بطي بدلع : اسمع أغاني يا عيوني .. بطي لف عنها بعصبيه وقال: شتان ما بيني وبينج توم لكن مب شرات بعض... ضحكت وهي ترمششش بعيونها : افدىى المعصبين ... سمعت رقعت الباب ضحكت وهو قال بغيره: شو افدى المعصبين بعد يعني ما حلى لج تفدين اخوج الا قدامي... ضحكت باحراج وهي تقول؛ اسفه عمري الا اقولي شخبارك وشو دنيتك وشو أستراليًا من عقبي .. ضحك وهو يتامل البحر وقال: وانا شو أبا استراليا من عقبج .. عقدت حوايبها باستغراب وعدلت يلستها وهي تقول: ليش انته وين!! ضحك وهو يشوف مرته يايه صوبه وقال بهمس : في قلبج.. انصدمت وهي تسمع صوتها وهي تقول: مشعل حبيبي وينك ليش قاعد بروحك.. سمعت رده القاسي وهو يرد ببرود: شتبين انتي روحي وانا ياي عندي سالفه مع ريال بخلصها وبيي .. راحت عنه ووهو يقول: تتوقعين اني بعدج بتم في استراليا طبعا لا .. خنقتها العبرة وهي تسمع صوت مرته وقالت بغصه: رجعت الكويت.. ابتسم وهو يقول: افدى اللي خانقتنهم العبره ويبكون بسكات تراج عارفه ان القلب ملك لج مب لغييرج .. حاولت تداري دموعها وعبرتها وقالت بخنقه: تتوقع ان اهلك يرضون بزواجنا تتوقع ان اهلي واخواني بيرضون بزواجنا ... ابتسم وهو يقول: ايييه بيوافقون وراح تشوفين لخلي نسبنا تتكلم عنه العالم كله مب بس الامارات والكويت .. حاولت تسيطر على عمرها وما تبكي وقالت ببحه: بس والله انته كلب بعد ما حبيتك قلت لي انك معرس ،، انته ما تتوب عن علومك.. ضحك وقال: ليش مينون اقولج عن علومي عشان تحطين بيني وبينج حدود .. ضحكت بالم وهي تمسح دموعها وتقول: وربي انك كلب ،، انزين لا ضيع الموضوع قبل لا يدخل بطي كنت تبا تقول شي شو .. ضحك وقال: انا احبج تعرفين ها شي صح. ولالا..هزت براسها بالإيجاب وكانه واقف قدامها وقالت بغصه وقهر: بس انا احبك وهي مالها ذنب اخذك منها.. تنهد بضجر وقال ينهي النقاش: انتي عارفه ان زواجي منها كان غلطه وسببه امي مب انا وقتلج كل شي وبعدين انا فلتيه خالصه باقي لها تشطيبات وتنورينها باذن الله .. عبست وتكدر خاطرها وهي تقول: مشعل تكفى تقولي صراحه شو اللي مخبيه عني قبل لا يدخل بطي قلت لي اناااا وقطع علينا بطوي تكفى قولي ماني حمل صدمات وعواقب بعد.. ضحك وهو يلف على شاطئ ويجابل البحر والموج يداعب ريوله : انا عشان خاطر عيونج وخاطر قلبج الطيب والغالي انا ييت الامارات وقاعد في منتجع الفرسان .. فزت بفرحه وقامت من مكانها وهي توقف ع البلكونه وتقول: امانننننننه قول والله .. ضحك وهو يقول: فديت الفرحه اللي دخلت معاليق قلبج ،، والله بس تراني ماني بروحي عندي اهلي ومرتي... تكدرت وقالت بضيقه : ايييه نسيييت انك بتكون مشغول مدام انك جايب اهلك ،، طالعت ساعه وهي تقول: اوك حبيبي برايك بنام... حس انها زعلت وقال: طيب مافي مجال اشوفج باجر .. بضيق ردت : انا مب فالعين انا في بوظبي وحاجزين شالهيات صار لنا كم يوم .. رفع بنطلونه عن الماي وهو يقول: تصدقين ودي أعيش هالجو وياج وبقربج ،، براد وبحر وقمر ونجوم... زفرت بالم وهي تقول: لاًتتامل وايد ماظني ،، المهم صار لازم اسكر اوك.. حس انها تضايقت لعن نفسه ع هالسواة سودا اللي سواها وضرب يبهته وهو يقول بقهر : اوك بس ترا لازم تدقين واسمع صوتج.. سكرت باب البلكونه وتساندت عليه وهي تغمض عيونها تحاول تجاهد نفسها وتمسك دموعها : ان شاء الله فداعه الله ... حس بضيقه تلف حول صدره وانهى المكالمة بتصبحين ع خير ياروحي ماقدرت ترد لان العبرة وصلت وبلغت الحناجر وبدت تجمع لتندفع مره وحده همست بهمس ما يسمعه ماتبا تخليه يحس بضيقتها وبكاها ماتباه يحس بالم بكاها سكرت قبل لا تصدر منها شهقتها اللي كانت محتجزه بين الحناجر والصدر وبكت وهي تشاهق من صايح مستحيل تفرط بمشعل هي تحبه وهو يموت عليها بس هل الاقدار بتجمعهم !! هل حبهم بينصرهم والناصر الله ،، ام للقدر راى اخر .... : : : في الصباح من بوظبي الحبيبة وبالتحديد في منتجع الفرسان ،، كان قايم بتعب وملامح الضيق باينه في ويهه اول مره يمر عليه يوم بدون مسج منها او حتى كلمة صباح الخير ،، شل نفسه وقعد ع الكراسي يطالع نواف اخوه سرحان قاله بهم:شعندك تحب ولا شنووو !! اشوفك سرحان.. طالعه وقاله بهم : تصدق قبل ما تي من استراليا ييينا لين بوظبي وصارت لنا سالفه مع شباب وتضاربوا وقلت في خاطري ليتنا ما تعنينا وحجزنا يخت .. بفضول جابل اخوه وهو يقول:ليش عسى ما شر شو صار !! اسرد له نواف الموضوع وشو صار وكيف شاف الهم والخوف ع راشد وكيف شهاب كان يحاول يداري الموضوع ويحافظ عليها كاخته وكيف شفعت له نفسه ان يبعد عن الموضوع اول ماعرف انه ربعه عرفوا بوجودهم تكلم بقهر: كرهت نفسي ياخوي حسيت اني منحط لما قالي شهاب ان اعراض خلق الله مب لعبه ،، بس من شفت ويه اخوها كيف اسود والخوف اللي في عيونه حسيت اني فعلاً حقير الخوف اللي في عيونه عرفني معنى عرض وشرف .. طالع اخوه وهو يقول: ماحيد هذي نخوتك يا نواف .. عدل يلسته وحط ريله فوق الكرسي وريل ثانيه تحت وقال: ما هقيت اندفاع شهاب لها بطريقه هذي تحط فيني البرود شفت الخوف في عيونها وعيون شهاب حسيت للحظه ان هالبنت تخص شهاب مادري ليش بس اندفاعه وخوفه وتستره على وجودها معانا وكل شوي يراقبها حد ياها ولالا وييب لها اكل وضرابه اللي قامت بينه وبين شباب وشفته كيف مسكني ودفرني حسيت للحظه انها تخصه ... طالع بعيونه مرته وامه اللي يايين صوبه وقال: حتى ولو كانت ما تخصه هذي اعراض ناس واللي يدق باب الناس الله يدق بابه ،، وبعدين مب شرط تخصه ولالا تخيل اختك تكون مكانها وبين نفس الشباب شو بيكون موقفك يا نواف ... تحركت شعور الحميّة فيه والخوف اللي تملكه وقال : والله اثور فيهم ماخلي حد فيهم صاحي ... عدل يلسته وخذ وضعية اللي بينسدح عالكرسي ومدد ريوله على الكرسي عشان ماتقعد عداله وقال بهدوء عكس اللي فيه: هذا شعور أي واحد عنده نخوه يا نواف وبالأخص لو كانت تخصه وتعني له الكثير مب مجرد اخت بس بيسوي اكثر من جيه وانته فاهم قصدي ... هز راسه بسكات وهو يشوف امه وحرمة اخوه وصلن عندهم في القعده قعدت امه وهي تشوف مشعل اللي بدا يلعب بتلفونه وقالت: امداك تعبت ومددت ريولك توك ناش ... حط تلفون ع صدره وقال بهدوء: لا والله يا الغالية بس قلت شوي امدد ريولي عشان بعد شوي نروح ويا نواف نمشي ونفك ريولنا بالمشي... ابتسمت امه وهي تقول: وشلون نمت البارح.. فز على صوت تلفونه وهو يرد بدون ما يشوف رقم : الووو ،،، هلااااااا وغلااااااا وينن دارك البارح ماسمعت لك صوت ايه في بوظبي مع الاهل تمام نتلاقى اليوم الغالي زين مع سلامه ،، عدل يلسته وقال لنواف: ترا اليوم بنروح وياك المول بقابل ريال طيب واباك تعرف عليه .. هز راسه بسكات وقال: تممم الغااالي ... رد ع امه وهو يقول: عادي نفس كل مره يمه النومة وش الجديد يعني ... ضحكت امه وهي تقول: اييييه ما كنك يبت العيد وانته نايم ... طالع امه ومرته ورفع حايب وقال: اييييه صادقه كانت نومه غيرر وحلوه ... ضحكت مرته باحراج وقالها: وليش المستحى عادي ترا انا زوجج ماني غريب وقام واقف وراح ... اما نواف كان توه بيقوم وسمع مرت اخوه تقول: عمتي لا تحرجيني هو أصلا حضني وهو في عز نومه مب بوعيييه ولا بحاسيته لو هو حاسسس كان ما سواها .. ضحكت عمتها وهي تقول: برايه بداية الغيث قطره ... وراح ورى آخوه اللي كان يتصل واخرتها تافف وصل عنده وقال: ها أقول مبروك طالعه بغيظ وهو راص ع تلفونه وقال: شتبييي انتتتته ... ع شنننننو ،، ان شاء الله تبارك لي ... نواف يغمز بعينه : علينا نايم في حضن زوجتك يعني اخيراً رضيت واقتنعت بزواجك ... طالعه بصدمه وقال بعدم تصديق : اناا نمت في حضنها قول والله ... نواف يضحك : والله ماشفت كلام امي لك وتنغيزاتها وتبوسم .. بقهر وضجر قال: اخسسسي اعيد الحركة ثاني مره شياني انا من تزوجت ماسويتها الحين بسويها ... ضحك نواف وهو يقول: شكلك بتيب العيد وانته نايم ... زفر بضيق وقال لنواف: تكفففففى نواف ابعد شياطين الانس والجن تنطنط قدام عيوني ... وراح لبوه وهو يسولف عن الغوص لخوه مشاري واخته غدير قال له : يبه طلبتك ... تابع |
طالعه ابوه وهو يضحك: وش العلم يا اخو نواف ....
فرك ايديه بتوتر وقال: يشهد الله يا يبه انك تعلم وتعرف اني ماني مرتاح بزواجي بعد الله صح ولالا.. هز راسه بقل حيله وقال: وش تبيني اسوي مب انته طعت امك ياما وقفت وياك وانته عصيتني وطعت امك وخذتها... عدل يلسته وهو يقول: يبه تكفى ،، نخيتك يا يبه لا تردني فككني من ذا الموضوع قبل لا يصير اللي مب فالحسبان تكفى .. طالعته غدير بعيون ضايقه وهي تشوف حالة اخوها كيف تعبان وتشوف كيف يترجى ابوه لمست صدق في صوته وفي نبرته وشافت الخوف في عيونه خوفه من ضياع ومن مجهول ومن شي مايعرفونه ... سمع صوت ابوه وهو يقول: ابشررر يبه ولا يهمك انته ما دام نفسك طايبه منهااا علمني وش اللي تبغيه وانا لك حاضر وبشوفه... باس راسه بفرحه كانه محكوم بقصاص وياه الفرج باخر لحظه ،، يحس انه الأيام اليايه أيام ولادته من جديد أيام ظهوره على الدنيا وبيبدا حياه يديده ... : : : وقفة تعريفية بو مشاري ( عزام) خمسيني طيبه ويحب عياله وشديد ع زوجته اكثر من عياله وله عليها كلمه وهيبه ... ام مشاري ( هبه) خمسينيه طيبه ع عيالها بس عندها خاصية تسيطر والفضول اللي لاعب فيها وتحب تختار على كيفها مب كل الناس ذوقها نتعرف عليها اكثر بعدين ... مشاري البكر عمره ٣٨ متزوج منال بنت عمه ويحبها مووت ويايب منها بنتين ولد شهد ووعد والولد اسمه عزام ع ابوه ... نواف عمره ٣٧ سنه راعي فله وسوالف غدير اخته عمرها ٣٥ سنه تشتغل في البنك... فيصل عمره ٣٢ سنه عايش حياته ومبسوط ومشعل عمره ٢٦ سنه يدرس في استراليا وتزوج غصباً عنه لغرض في نفس امه وقبل كان القلب خالي لا حبها ولا هم يحزنون ومن سافر عاش الحب صدق بكل ما تحمله الكلمه من معنى ...واللي تزوجها اسمها شمس بنت خالته بس ما قربها من اول ماخذها لانها نسررره ع قولته فتانه وتنقل علوم البيت مستويه جاسوسه لخالتها كل شي تقوله لها بالحرف حتى أي شي يستوي بينها وبين ريلها عرفتوا ليش الحين امه تحبه وتباها زوجه لولدها .... نرجع لروايتنا ..: : |
يا ويل ويلا الاحداث صارت ررروعة
بسوم ومشعل ابطالها في هل البارت بسوم يوم زعلت كسرت خاطري هذى نهاية من يتزوج غصبا عنه ومهما كانت زوجته بعد لازم يصارحها دجى الليل قمة الابداع الله يعطيك العافية |
:
: أتدري ما الشعور السيئ يا صديقي ؟ أنْ تُراكم الوجع والأماني المعلقة والخيبات التي أصابت قَعر قلبك وذاتك المحطمة بزاوية صغيرة داخل قفصك الصدري الذي بالكاد أصبح هشاً .. فيأتيك خذلان بسيط ، كلمة لم تلقي لها بالاً ، فراق لم تعد له العدة ، خبر فقد ، شيئ ما من هنا أو هناك ؛ فيصبح كسهمٍ راسة مشتعل أُطلق من قوس غادر من خلفك فيخترق كل شيئ دون اكتراث .. ليُشعل الوجع في صدرك كما تُضرم النار في القش … أتدري ما الأسوء منه ؟ أن تدرك أنك كبرت مئة عام بينما البشرية تمشي ببطئ ؛ كأنك تُسابق الحياة وتدور أسرع بكثير من الأرض حول الشمس ..لتشعر بكل ما يشعر به الآخرون في بُرهة من الوقت ! حينما أنت بريئ لا ذنب لك من هذه الفوضى ؛ غير أنك تنشد الحياة !! شعور مرعب جدا يا صديقي ومُؤلم مـنـيرھہ�� : : : كانت قاعده وطالع خوانها كيف يلعبون كوره طايره ومسوين فريقين وتضحك عليهم سمعت أمها تقول: بسوم خوالج بيون .. هزت راسها بتعب حست بحضنه من وراها ولفت وهي تشوف ابوها: يا عمر ابوج ليش نظرة هالحزن في عيونج يا الغالية.. طالعته وهي تحاول انها ما تضعف قدام حنان ابوها وقالت بقلب يملاه الهم والضيق : ابد يا عين بنتك قاعده اتامل اخواني فديتهم عسى ربي ما يحرمني منهم واشوفهم شيووووخ على قبيلتهم كلهم ،، ابتسم وهو يلم بنته اكثر وقال: فديتج هذيل سندج وعضد لج في الحياة من بعدي يا بنتي ولازم تفهمين الحياه وضيقتها وتتغافلين عن الكثير لان الحياة تتطلب تنازلات كثيره يابنتي .. ابتسمت وهي تقول: ما دام هالسبع اخواني لا تخاف عليه ... ابتسم وراح عندهم يلعب وياهم كوره طايره ... اما هي طالعت تلفونها كان صامت وشافت ٧ اتصالات منه ومسجات وشوي رن تلفون بيدها ردت بعد ما بعدت عنهم وهي تقول: هلا والله بشوق ولهفه رد عليها: وغلا واللله بها صوووت وينج ياخي حرام عليج تسوين فيني جيه .. بهمس ردت: اسفه فديتك كان صامت والله ما انتبهت عليه ،، حقك عليه يا الغالي ... بهمس وهو يتجاوز كل اللي حوله قال : في مجال نتلاقى شهقة بخوف وهي تقول: اهههههىء عشان اروح ملح صح ،، تكفى اليوم خوالي يايين وخالاتي شاليهات متروسه مافيه فرصه يا الحب اني اتلاقى وياك ... زفر وهو يقول: تكفففففيييين يا الحب لو دقايق بس من بعيد اروي قلبي واشبع عيوني .. ابتسمت بحب وهي تقول: بشوف كيف الترتيب يا الغالي وبرد عليك ... بهمس قال: تكفين لا تبطين ،، انا انطرج عيوني .. بسوم: بامر الله غناتي برد عليك اكيد ... وصل المول مع نواف ونزلوا وقال بشوق: طرشيلي صورتج اصبر نفسي .. ضخكت بدلع وهي تقول: بعد السما اقرب لك يا الغالي... همس لها بعد ما شاف صديق عمره وقال: دقيقه حبي ،، مرحبا بو راشد الغالي كيف الحال ووايهه ورد عاالسماعه وقال بهمس: الليله بشوفج ولج عين تنظر ... ارتبكت لما سمعت صوت احمد ريل فاطمه اختها وقالت: انته تعرف احمد؟؟؟ ضحك بحب وهو يقول: شفتي المفاجأة يلا يا الغلا بخليج مع فضولج يا حبي ... انتهى البارت العشرون |
تابعيني ندووش ويرضيج بامر الله 💕💕💕🤍
|
الله يستر من نهاية الحب
حسيت شلون بسوم تفاجات:kitty (130): دجي الليل رائعة:sm5: |
والله روعه حماسسسج
|
رووووعه يعطيك العافية استمري بانتظاااار البارتات المتبقية بالتوفيق |
يعافيك يا المهره
|
البارت الواحد والعشرون
: : : ❤️ | إنَّ الفؤَادَ يَرَىٰ مَا لا يَرَىٰ البَصَرُ! �� | لَا يَعلمُ مَوطِنَ الألَمِ فِي الرُّوحِ إلَّا خَالِقَها! : : سكرت تللفون وردت عليهم وهي شاردة الذهن وسمعت فاطمه تقول لامها: امي يقولج احمد زيدي في العشا ربيعه بيي... ام فهد: فاله طيب بو راشد مرحبا به هو وضيوفه ... ابتسمت فاطمه وهي تكلم مزون بنتها: سيري شوفي اخوانج ... مزون وهي يايه صوبهم وفي ايدها غرشة بيبسي : رقدتهم وييت يا امي خليني اتنفس شوي من ييينا شاليه وانا مستويه بيبي سستر لخواني .... ضحكت فاطمه ع بنتها اللي صدق كرفتها وقالت: فديت نفعج يا بنت احمد سكتت عنها مزون وهي أصلا ً تبا تعرف حمده شو فيها بس مب لاقيه فرصه تقعد مع حمده ... اما بسوم كانت متوتره وايد ماتعرف كيف احمد ومشعل يعرفون بعض ،، ولا تعرف الدنيا شو مخبيه لها ،، خافت توترت ماتعرف شو اللي ورى راس مشعل .. نقزت ع صوت بطي وهو يقول: بسوووم شفيج .. طالعته بضيقه وهي خايفه منه ومن سواة مشعل شو في راسه ما تعرف ،، حرك يديه قدام ويههها وهو يقول: هييييييه هيييييي نحن هنا بخوف لفت عليه : لبيه ماعجبه شرود اخته وقال بنص عين : انتي شبلاج سرحانه ويهج فيه شحوب فيج شي تحبين لاسمح الله .. فجت عيونها ع كبرهن وهي تطالعه وتصرط ريجها بخوف منه ومن أفكاره ،، خايفه من بطي لا عرف شو بيسوي فيها حست انه ينفضها بين ايديه وقالت: بطي شفيك بعصبيه رد عليها: انتي شفيج سرحانه ويهج شاحب وعيونج حمر من الصايح ما تقولين شو فيج والحين ذهنج شارد مب ويانا قاعده طالعيني بعيونج بس ،، بسوووم شفيجج نطقي ... بعدت عنه وهي تقول: ما فيني شي يا خوي بس افكاري مخربطة شوي .. طالعها بطرف عينه وبحده قال: ان طلع غير هالكلام يا بسوم ياويلج مني اعتدلي وانتبهي لنفسج اكثر اوك... تنهدت وقالت بطولة بال: ان شاء الله .. مر الوقت سريعاً واذن العشا وبعد صلاة العشا يووا خوات عليا وخوانها وعيالهم وقعدوا لي شاليه عليا ،، اما احمد ونواف ومشعل ووصلوا وعرفهم على بطي وحامد وراشد ولده اللي انصدم منه نواف وقال لمشعل عنه .... : : : يابخت قلبي يوم جيتي وسكنتيه ويابخت عيني دامك انتي نظرها�� : : : قعدوا في القعده اللي برى وعيون مشعل ما فارقت بطي كوبي من حبيبته ،، اما بطي فكان يقهويهم ويرحبهم وشوي يأ فهد عندهم وسلم عليهم وانا راشد فكان يكلم نواف بصوت واطي وهو يقول: انته اللي كنت في اليخت ذلك اليوم صح !! هز رأسه بإحراج منه وقال: ايه بس السموحه منك والله بروحي متلوم على اللي صار مادري كيف جات اختك وركبت عندنا اليخت .. ابتسم راشد وهو يحط ايده ع كتفه وقال : افا عليك وقفتك معاها وقفة اخ لاخته واشكرك على وقفتك معاها وبعدين ذي دوجتي ماهيب اختي .. طالعه نواف كردة فعل سريعه وهو يشوف عيونه اللي تلمع وابتسامته ويهز بالإيجاب راسه له وابتسامته ما فارقته ،، اما مشعل ضرب صداقه مع بطي وبطي وايد ارتاح له وفهد يسولف ويا احمد ..... بطي يضحك على مشعل وقاله: صراحه حبيتك من اليوم انته صديقي ضحك مشعل وهو يطرش الفويس نوت لبسوم وقال: فديتك ،، حبيب يا بو فهد ،،، لي الشرف والله وياحظي بوجودك كصديق وطرش الفويس لبسووم ... ابتسم بطي وهو يطالع ملامح مشعل وقاله : انته شكلك مغارلجي وضحك.... ضحك مشعل وهو يقول: ايييه خلني اغازل يحضها اصلاً اللي بغازلها ... ابتسم بطي وهو يقول : وربي روحك ححلوه وقلبك وسيع صدر ... ضحك مشعل وهو يقول: ماعليك زود يا الغالي... : : : اما عند الحريم فكانت القعدة حبوه وسوالف نقزت ع صوت مسج تلفونها وهي تشوف مطرش لها ريكورد حطت سماعه وشغلت التسجيل وسمعت صوته هو وبطي مجرد ما سمعت ضحكت بطي حست انها بامان واستانست يمكن لان بطي تقبل مشعل بينهم ... : : كانوا يبون يمشون نواف مع بطي وراشد يسوون رياضه وأبو فهد حلف ع مشعل انهم يوون باجر اهله كلهم يتغدون ويتعشون لمده ثلاث ابام وينامون في شاليه فهد الخاص وففهذ ومرته بيون شاليه ابوه الحميع رحب بالفكره واولهم مشعل اللي ما صدق ورحب بالموضوع بينهم ،،، تعمد يروح بعيد عنهم واتصل لبسوم وهو يشوفها من بعيد ميف انتفضت وقامت من شافت اتصاله وردت قعدت ،، طالعوها باستغراب وقالت أمها: شبلاج قمتي وقعدتي .. بخوف جاوبت: لا قطع الاتصال قلت برايها بعدين بكلمها... رد اتصل مره ثانيه وقامت راحت ورى شاليهات وهي ترد : سخيييييف تعرف انك مطيّح فوادي .. ضحك عليها وهو يقول: ياربي شنو تبيني اسوي ما سمعت صوتج وايد اليوم ولهان .. قعدت تمشى بين شاليهات وماحست بنفسها وهي تبعد واشتد الظلام وهي تسولف مع الحب وقالت بوناسه: صدق مشعل ابوي قالكم تون عندنا ضيافة ومبيت.. بهمس وهو يمشي على البحر: اييي والله اني صاج يا عيون مشعل وانا تبين صدق قلبي من اليوم ما وده يفارق ... همست بحب وهي تبعد عن شاليهات اكثر من دون إحساس وهي تكلمه: مشعل والله اني فرحانه ومستانسه بقربك واني بشوفك هالفترة بس الللي مزعلني شي واحد رد وهو ينتبه لها وين رايحه وراح وراها من دون محد يحس وقال بصدق: ادري اللي مزعلنج تبيني دوم قربج صح .. ردت بضيق وهي تغمض عيونها مب وقت المعاتب ولا وقت تنكيد قالت بهم: هممممم أبا قربك وبسس ،، قربك عافية ... : : : عُيونك فتنه ومبّسمك جنه وضَحكتك نعيم.. : : : أنت حُب قلبّي المُنفرد وأنت حلو الحياة. : : : عند راشد ونواف وبطي كانوا يتمشون في جهة ثانيه بعيدة عن شاليهات ويسولفون ويضحكون ،،وراشد تعمق مع نواف وتكلموا عن اليخت وعلومه ونواف استسمح من راشد وزادت صداقتهم اكثر... يااس عداله وقال: بالحل يا نواف لا تلوم زود ولا تكترث الموضوع عدى على خير ولله الحمد.. ابتسم نواف وهو يلمح اخوه من بعيد ويا وحده. تقول لدعته عقرب هي من زمان شاك في الموضوع انه اخو عنده حبيبه بس انها من اهل هالبيت ما توقع ومن هالدار اللي بعيده انصدم ودق لمشعل اللي تجاهله ومارد عليه طرش له مسج ابعد عن البنت قبل لا يطيح الفاس براس يا العاشق الولهان.... ومن بعدها حاول يلهي بطي اللي كان يطالع المكان وخاف لا يشيح بنظره صوب مشعل وينكشف المستور تكلم برجفه وخوف ع اخوه المتسرع وهو يقول: بطي شو ترتيبك الحين ... كان يطالع أجواء البحر وشاليهات وموج البحر لف عليه وقال: والله الحين بنرد عند الاهل ونتعشى وباجر ان شاء الله ضيافتكم عندنا يا مرحبا بكم شاح بنظره مره ثانيه وركز ع مشعل وقال بتعقيده حواجب: شوف هذاك اللي عايش غراميات على طرف البحر ارتبك نواف وهو يلعن مشعل لعان وقال: ايه الله يهديه المهم تعال بقولك ابيك بسالفه وسحبه وطلع من هالمكان وحاول انه يبعده عن ناظر اخوه .. اما راشد فرجع الشاليه وشاف امه مزهبه العشا.. : : اما عند الكناري كان مشعل ماسك ايديها وهو يقول: افضى لج ولو كل من حولي يفقد وجودي .. كان الخوف باين عليها وكل شوي تتلفت وهي تترجاه: ارجوك مشعل روحح والله ان طحنا في ايدين حد ما يخلونا عايشين تكفى محن بعدنا وايد عن شاليه وكله من سبايبك ،، ارجوك ابعد وانا اوعدك ارد ع كل اتصالاتك .. ابتسم بحب وهو يشوف الخوف باين في عيونها وقال بهمس: طيب خلاص لا تترجيني اكثر انا رايح بس ع الوعد تردين على اتصلاتي وترك ايدينها وراح وهو ماوده يروح عنها وهو ما يبا يفارقها دقيقه... : : : بعد ما راح انتبه ع مسج اللي مطرشنه نواف وانصدم انهم يبينون ويدعي ربه انهم ماعرفوا الببنت انصل بسرعه بنواف وقال بسرعه: البنت حد عرفها من اللي حولك ولا لا... ود نواف بسرعهه: لا الحمدلله غيرنا طريقنا وين انته .. تنهد براحه وغمض عينه وقال: جاي في طريق لكم ... : : : اما عند حمده وراشد ومزنه كانوا قاعدين في الجلسة ومزنه تطالع نواف اللي جاي مع بطي وهي تهمس لحمده: طالعيه والله انه فتنه رفعت عينها في نفس الوقت اللي رفع عينه راشد يبا يطالع حمده وشاف نظراتها وانقهر وهو يقول: نزلي عيونج ي قليلة الادب... انصدمت حمده من ودة فعله وشافته يقوم وهو يقول: مب مازر عينج يعني انا ولا لانه ابيضاني ،،،>> مداخله سريعه : فديتك يا الاسمراني .. طالعني بغيظ وقال: جب انتي محد مخرب الدنيا الا انتي ومواقفج البابخه اللي تحطينا فيهم ... دجى: فديتك يا المعصب والله وغلاتك مالها الا انته وتتادبها على ذوقك يا الغالي .. راح عنهم وهو يقولي: جلبي ويهج وراضي بينا بسرعه مب لازم تخلين الزعل يطول.. دجي بحب: فالك طيب الغالي وخليها تلوم فيك بعد يا بعد عيني ،، المثل يقول ازعل عليكم من غلاكم ولا عليه ما تهونون ... تضيق مني وقال: روحي انتي وامثالج البايته ووصلت عند رياييل انا سلم ع الرياييل وقعد معاهم يكمل السوالف وشوي زهب العشا وزقروهم يتعشون ... وانتهى البارت الواحد والعشرون |
توقعاتكم اين البقية مختفين
|
اشوه بطي ما شافهم مع بعض
انا خايفة بطي يعرف الى بين بسوم ومشعل وتصير سالفة ودجى داشة عرض بين حمده وراشد حلوة :139113205810::sm5::139113205810: فنانه دجى احلا من مسلسلات رمضان ههه الله يعطيك العافية |
يا قلبيببييي انتتتي بسويها مسلسل ما يهمج
|
وااااااااااااااااو حبيبتي
مبددددعهه وربي ولاابداعك انا مو جالسه اتوقع انتي شي لايتوقع ماشاء الله اعجابي وتقيييمي وتنبيهات |
حبييييبتيييي طيوووفه فديت خشممممج انا من ذوقكم الغالي يا الغالية
|
لا حرمنا الله كل البارتس الي منك دجى الليل جميل جدا و التوقعات صعبه و الأجمل المفاجأت الي راح نشوفها بكل بارت
ب انتظار البارتس المتبقية تحياتي و دمتي ب ألف خير ومن تقرري تسويه مسلسل ابي أكون البطل فيه يسعدج ههههههه |
قالك طيب ي خوي امير ما طلبت يسعدني تكون احد ابطال مسلسلي عاد ان شاء الله الشركات تميثل والتوزيع تقبل روايتي وتسويها مسلسل
|
البارت الثاني والعشرون..
: : : ” كنّ فخور بأصالة شخصيتك، فلا يوجد أي احد في العالم يشبهك ☕🥐“. : : : لأننا مؤمنين أن الله معنا يُطوّقنا بلطفه، يكفينا عن كُل شيء ويسمعُ أبسط شكوانا، هنا نتفاءل ونعيش 💛. : : : "إليا أعتزيت .. أنا معزي وإن مت أنا، ما مات عزي"🌻 : : : مر اليوم بسلام ،، وفي صباح اليوم التالي في منتجع الفرسان كانوا شالين اغراضهم وبيروحون عند خوي مشعل اللي بادرت امه بسول: وميف نروح لناس ما نعرفهم .. كان يرتب الأغراض في سياره وهو فرحان قال لامه: وشعليه يا يمه العرب يبون يتعرفون عليكم ويضيفونكم .. رد مشاري وهو يضحك: أي يمه وهو صاج ذولا اهل كرم ومعنى ويبون يسون واجبهم معنا .. ضحك نواف وهو يقول لمشعل بهمس: الله يدرم افراحك وضحكتك يا غالي ونطر حوايبه له وحركهن بالمقابل ضحك مشعل وركبوا سياييرهم وراحوا لشاليهات ... : اما عند البنات فما كانن يعرفن شو يلبسن ،، حمده ومرنه لبسن مخاوير وطلعن اما بسوم لبست قميص وتنوره والحريم لبسن جلابيات : ونقلوا أغراض فهد ومرته لشاليه ابوه ،، ونظفوا شاليه للعرب ودخنوه وعطروه الوحيدة اللي كانت متوتره بسوووم حاسه ان ريولها ما يشلنها ماتدري ليش نفسها متسارع بعد ومتوتره وايد ،، قامت قعدت عندهم في الياسه وهي تشوفهم كيف مستعدين لاستقبال العرب وهي تحس ان الأرض ما تشلها من رجفه والخوف ماتدري اليوم خوفها زايد ليش وعشان شو ما تعرف تعوذت من بليس وحاولت تشغل نفسها في ترتيب ،، مر الوقت عالسريع وييوا اهل مشعل وطلع الجميع برى يستقبلهم البنات متغشيات والرياييل ظهروا يسلمون .. في لحظة سلام الحريم غدير وشمس ومنال مرت مشاري وام مشاري صار سلام بحراره وترحيب وبعد السلام ام مشاري تكلم ام فهد : انا ام مشاري وهذا مشاري ولدي الكبير ومرته منال هذي وهذا مشعل ومرته هذي زينة البنات كلهم شمس وهذي غدير بنتي وعندي ولد اسمه فيصل الليله بي الامارات ويجينا وتسلمون عليه ... : اما ام فهد بعد ما رحبت بهم عرفتها ع نفسها وبناتها وع ولدها فهد وعياله وبناته ،، ام مشاري تمت تطالعهن نقلت النظر لفاطمه وعيالها وبنتها وقالت: ما شاء الله تبارك الله مزيونات البنات ربي يحفظهن وطالعت بسوووم ودخلوا داخل وقالت لبنتها غدير : ما شاء الله بنتهم حلوه واشرت بعيونها ع بسوم .. ابتسمت وهي تقعد وتاخذ الحلى من ايد مزنه والقهوه من يد حمده وقالت لامها: أي ما شاء الله .. وقعدوا يتقهويون وبسوم شوي وبطيح من كثر دوخه وتعب ما كلت شي صايره وايد تحاتي وفيها خوف من المجهول ماتدري من وش هالخوف نقلت نظرها لمرة مشعل وشافتها كيف تحاول تثبت نفسها شاحت بنظرها عنها وهي تشوف القلب يتصل قلبها طاح بطنها ما يودر سوالفه عارف انها مرتبكه وهو الوحيد اللي بيخليها تنكشف مايحسب حساب لحد ابداً بايع الدنيا وشاريها .ماردت عليه وطرشت له مسج(.تكفى ارحمني والله احس اني مفضوحه لا تزيد المواجع تدري ان صعب عليه اتقبل الموضوع خلني اثبت نفسي عشان اقدر افكر ثح وارد عليك وانا كلي ثقه محد مزعزع ثقتيه الا انته)... رد عليها بمسج( وش يصبر قلبيييي عن صوتج وهمسج ،، على الأقل اذا حرمتيني الشوف لا تحرميني من الصوت.. احبج يا الخوافة) . ابتسمت ع المسج واستانست تحس انها مالكتنه كله مب بس قلبه . : انتبهت حمده ع حركات اختها وقامت قعدت عدالها: اقولج مب وقت الحب وغرامياتج الحين بيشكون فيج الله لا بليتنا ما تعرفين تمسكين نفسج يا العاطفية ... ردت عليها بهدوء وهي تهمس لها: حمده لو تعرفين اللي انا اعرفه ما بتلوميني عالخبال اللي فيني مره اضحك ومره متوتره وشوي بتشوفيني اصيح ... ردت حمده عليها وهي تقول: ليش الحبيب فيه شي .. ردت عليها وهي تقول: الحبيب بكبره هنيه هو وأهله.. شهقت حمده وهي تقول: اهيييييييءءء قولي والله وانتبهت ان الكل يطالعها وقالت باحراج: العذر والسموحه منكم بس اختى شوي تعبانه وما قالت لي انها تعبانه عن اذنكم باخذها تريح وبهمس: قوميي الغرفه حست كانه حمده طوق نجاة لها راحت الغرفه وقالت لحمده : شكرا يا قلبي خدمه ما انساها .. قعدت حمده وهي تلطم وتقول: اويلي ويلااااه منج شو يفجج من بطي والله ياويلج ما بيعتقج بيذبحج بيديه... انسدحت ع الشبريه وهي تقول: امه طالعني تهقين حبتني هزت راسها بنفي وهي تقول: لا لا لا تحطين امه في بالج اساساً امه ما فكرت فيج واحد يالمية رجاءً خيتوه قبضي ارضج واركدي ،، ما شفتيها شو تقول عن حرمة ولدها يوم عرفتها قالت زينة البنات يعني حلمي تفكر فيج .. غمضت عيونها بحالميه وفزت ع صوت المسج وهي تقراه مره ومرتين وثلاث واربع ورفعت ناظر عيونها وطالعت حمده وهي تقول: لا مب من صدقه هذا يستهبل اكيد .. طالعتها حمده برفعة حايب وهي تقول: حمدلله وشكر تعال يا باباه شوف بناتك مبتلبين بحبايب ... ضحكت بسوم وهي تقول: انا هيه عندي حبيب انتي لا راشد هطيبج وريلج المستقبلي وحركت حوايبها لها ... ضحكت حمده وطلعت وهي تزفر بضيق فديتك يا راشد يا اغلى من كل هالبشر .... انتهى البارت الثاني والعشرون |
توقعاتتتتكم وينكككم يا جماعههه
|
ان شاء الله اكيد دجى الليل تستاهلين كل خير و نشوفك مؤلفه و مخرجه كبيره يا رب
|
انا جيت:139113205810::bt0354212avj:
|
ما ابي اكون في مكان بسوم ههه شعور يا لهوي
اتوقع اذا ام مشعل درت ب حب مشعل بتزعل زعل كبير لان اهية مختارة زوجة مشعل واذا ما نسيت ل غرص عندها او اخوها بطي بيدري ب الي بين بسوم ومشعل واتصير سالفه لان بطي عصبي احب الاكشن ههههععع فديتج دجى رررائعة دخليني القصة وانا بزوج بسوم ل مشعل وازوج بطي ههه ل طليقة مشعل بطلقها ههههه :9::139113205810::sk22: |
فديت توقعاتج والله يا الغاليه ابشررري بعزج بدخل في حوار بينج وبينننن....... بخليها مفاجاه
|
البارت الثالث والعشرون ...
: : : عَيْناكِ تُلْقي في المَجَازِ قَصيدةً والرِمْش جمهور يُصَفّقُ واقِفا. ���� : : : نرجع لبسوم اللي كانت تقرى المسج وتضحك من صدمه وهي تقراه ( والله العظيم كنت بييب العيد ،، وبقول لبطي ياخي تشبه بسوم وايد ،، قسم بالله كل شوي بطي يطالعني يقولي بلاك متخرفن أقوله لا ولاشيء والله كان ع طرف لساني أقوله سبحان من خلق وفرق انته ولد وهي بنت بس مسكت لساني ولا والله اليوم انا مرحوم ههههههه غربلات حبج شو سوى فيني يننتيني قمت اشوفج في كل الوجوه )... ضحكت بس توترت من نغزها قلبها ياربي بلاك انته اليوم تنغزيني فيه شي بيصير كلمني يا قلبي قولي انته دليلي وانا حاسه بعلومن ماهيب طيبه بتصير لكن تكفى يا قلبي ما اقوى ع فراق حبيب ولا ع هجران اهل تكفى زين الأمور وبتزين واركد لا تنغزني خلني قد نسيت ،، سمعت صوت تلفونها وردت بدلع: هلا هلا بلي كان بييب العيد .. ضحك من خاطره وهو يقول: اخخخ بس بطي ضربني ع كتفي وقال انته شفيك منحرف لا سمح الله كنت بقوله قسم بالله مب منحرف بس ياخي ماقدر انزل عيوني عن جمالك بس قلت بيفرني باقرب تكيه خلني محترم نفسي شوي .. بضيقه قالت: تحمل ع عمرك ترا بطي ما يحب هالحركات انا يوم دريت انك ربيع احمد قامت الأفكار توديني وتيبني والله العظيم لدرجة اني قمت اسرح وبطي ما خلاني في حالي يقولي شبلاج ويهج شاحب انتي تحبين اقولك قسم بالله كل قواي انخارت وانخرست قدامه تميت بس اطالعه بعيوني لو شم ريحة خيانه مني بيذبحني والله ... التمس الضيق في صوتها وقال: يخسسسي حد يلمس شعره منج وانا موجود وقام يمشي ويبعد عن الشاليه يبا يأخذ راحته في الكلام وكمل كلامه بمستحيل اخليج ضايعه بيني وبين اهلج بسوم شنو تحيديني قول ولا قول وفعل ... ازفرت وهي واقفه ع البلكونه تلعب بخصلة شعرها : قول وفعل يا الغالي ،، بس هالامور اكبر مني ومنك يا مشعل ماظني ايي اليوم اللي بنجتمع فيه مع بعض تحت سقف واحد .. بحده قال: بسسسسمه شنوووو فيج اليووووم ليش قاعده تتكلمين بكلام وكأنج تعرفين كل شي بيستوي.. تجاهلت حدة صوته وهي تقول: نحن لازم نعيش الواقع قسم بالله عشنا في خيال وبننينا أحلام ونسينا ان الواقع له راي اخر .... بحده وهو يعلي صوته: انتتتتتي شفيج هبله ولا تستهبلين انا محد يوقف في طريقي لا واقع ولا اهل لكن انا اراويج ولج عين تنظر شوفي شو بسوي وسكررر في ويههها وهو مقهور منها ... لف وراه وشاف احمد ونواف وراشد توهم يايين صوبه سحب احمد ع صوب وراحوا صوب سيايير وركب سيارته وقال لاحمد: اركب اباك في موضوع .. هز راسه بطاعه وركب وياه وهو يقول: هلا الغالي امر شو في خاطرك... بدون مقدمات وهو يرويس بسياره قال: انته تدري انا كنت ادرس وين .. هز راسه وهو يلعب بسيدي اللي قدامه وقال: في استراليا .. ضرب ايد احمد وهو يقول: ركز وياي وطب سيدي عنك واردف كلامه بمنو من الاهل كان يدرس هناك .. طالعه احمد بنظره وبعلامة استفهام قال: محد غير بنت اخو حرمتي طالعه بنص عين وقال وهو يجاوز السيارات في شارع : وصلنا خير وانا اعرفك من سنين لذلك انا أبا القرب منكم في بنت اخو حرمتك ... طالعه احمد بصدمه وهو فاج عيونه ع كبرهن وقال: كييييييييف !!!! من وين تعرفها !!!!!!! طالعه بتعقيدة حوايب وقال : من استراليا من وين يعني !! التمس العصبيه في صوته وقال: يعني بينكم معرفه ... عطى بريك قوي قدام البحر وهو يأخذ نفس وقال بقهر وهو يضرب السكان: احمد ورب الكعبة ان ما وقفت ويايه والله ما اكلمك واعتبر نفسي ما اعرفك ولا شفتك في حياتي ... زفر احمد وهو يقول: مشعل عمري ماوقفت ضدك انته تدري بي ،، أوقف معاك حتى لو انته ع غلط بس قولي شفيك ليش انته معصب لدرجة هذي شو مستوي ... لف عليه وهو يتنفس بسررعه وقال: انا وبسوم بينا علاقه حب طويله وانا ماقدر استعنى عن هالانسانه اباها احبها ... انصدم احمد ماتوقع بسوم يطلع منها جي وفجاه ضحك وقال: وانا اشوف بطي طفران منك اليوم من كثر ما طالعه الله يخسك لا تيب العيد ارجوك ترا نظراتك يبين انها نظرات حب واعجاب الله يغربل ويهك بس توقعتك مشبه عليه مادريت انك تتخيله بسمه ههههههههه وضحك بصوت عالي وصدى صوته صدح في سياره كلها وقال لمشعل: قسم يالله لو مااعرفك بقول هذا منحرف مالوم بطي يوم طفر منك وشمأز الله يغربل ويهك لا تبلي البنت ترا والله موتها يكون ع ايد بطي ... ضرب السكان بيديه الهنتين وقال: صرررفني ،، أوقف وياي،، يا احمد تكككككفى لاني قربت ايييب العيد وانا عارف عقب لا بيرحمني بطي ولا بيرحمها ارجوووووك ي احمد طلبتك... عدل يلسته وخذ الموضوع بجديه: اوك بس شو أقول للحرمه او كيف ابدا بالموضوع انها تفاتح بنت اخوها... صرخ بصوت عالي وهو يقول : لا يا غبيييييييي نقز احمد من صرخته وهو يقول : لا تصارخ الله يغربلك طيرت حمامه فوادي ما تسوى علينا هالبسوم مطيره عقلك .. ضربه مشعل ع كتفه وهو يقول: لا تسبببها ،،، انته الحين فكر فيني انا انقذ قلبي من الغرق يا ولد الايواد ... ضحك احمد ما قدر يمسك نفسه ع شكل مشعل وجان يقوله: الله يقطع الحب شو بيذل هههه وبجديه وحده قال: زين رمسني رمسة رياييل وقولي شو تباني اسوي ... تنهد بضيق وقال: انته تعرف اني معرس وانه زواج حصل غصبن عني فالحين اباك تساعدني تقنع أهلها اني اباها ثانيه وبسكنها في الامارات ما بنروح الكويت لاني عارف ان امي ما بتوافق عشان بنت اختها المصون بس انا ما يهمني انته تعرف زواجي كيف تم وتعرف حياتي كيف ماشيه صح !! سكت احمد بعد هالكلام الطويل وقال بعد مده : صحيح بس كيف بتطلب يد بسمه وانته معرس ومافي حد يعرف بسمه غيرك وبجذيه انته بتعطي مجال لبطي يسال وايد ويشك فالموضوع وبعدها ما بيوزك اخته بيسوي بلاوي بطي انا اعرفه اكثر منك لا تغرك ضحكته وتبوسمه بس بطي عند شرف ما يعرف امه من ابوه ... زفر بضيق ودق راسه ع السكان وقال:عيل انا انتهيييتت يا احمد انتهيييتتت ... حط ايده ع كتف ربيعه وقال: افا عليك يا مشعل تضايق وانا موجود ،، انته ما انتهيت وانا موجود انته ابتديت والحين انا بفكر لك بفكره كيف اطلعك من هالوضع بس اصبر شويه ... فرك يبهته بيده وهو يقول: وربي العالي في سماه ما تمنيت غير قربها .. ابتسم احمد وهو يقول: والله ما طلعت هينه راعية استراليا لو يدري بها بطي جان الحين هي المرحومه ... ضربه ع كتفه بقو وهو يقول بقهر: فال الله ولا فالك ليش تتشمت فينا ياخي الشماته ما هيب زينه ... امتبه ع تلفونه اللي يرن وشافه رقم فيصل: ارحب يا خوي الغالي بوناسه وهو يسمع صوت اخوه : المرحب لا هان وينك يا خوي الشاليه فاضي ضرب يبهته وقال : ايييي نسييييت اطرش لك اللوكيشن شاليه خويي نحن في شاليه بو راشد الحين بدز لك لوكيشن وتعال ... ركب سيارته وهو يحرك من شاليهم الخاص وقال: تمام اجل دزه الحين ..سكر عن اخوه وهو يقول: استودعتك الله وانهوا المكالمه وبعدها طرش له اللوكيشن .. انتهى البارت |
وين كنف ونجم ومجنون وعود ونظرة حب والغند وجسد وش جاهم اعرضوا عن روايه انسحبوا تسحيب تكتيكي������
|
البارت الرابع والعشرون ...
: : اللهُم تيسيراً لا تعسيراً لكُل الأُمنيات المتروكة في عِلم غيبك. : : : يارب اجعل في وجهي دائماً بهجة الروح��. : : : اللهُم أجعل ما أرِيده في حياتي قريباً لناظري ويتحقّق. : : : ما كان شاليه بعيد عنه تقريباً مال ساعه او نص ساعه ع حسب سرعة اللي يسوق وصل وما شاف حد القى نظره على الشاليه ولفت انتباهه بنت كانت واقفه على البلكونه وشعرها القصير اللي يتميز بلونه الأشقر العسلي ومنسدل على كتوفها وهي متاكية على باب البلكونه ياه فضول يتحرش بها تم يصفر وماحست عليه انتبه انها سرحانه ومب قربه حس فيها شي مسك حصاه وفره عليها ماحست بالاولى لانها ما وصلت عدل فر ثانيه بشوي اقوى منها ويوم شاف نفضتها ضحك ويوم انتبه انها طالعته عطاها ظهره عشان ما تميزه شافته وابتسمت وطرشت له مسج( يعني تفر حصى عليه وتعطيني ظهرك ما هقيتها منك تحرمني شوفك).. اما فيصل ضحك ولف يطالعها لقاها داخله ،، ابتسم بينه وبين نفسه ما يدري ليش حب يحارشها واتصل لأمه وقالها انا برى طلعوا من شاليه فهد اللي كانوا متجمعين فيه وكان بعيد شوي عن شاليهاتهم عشان ياخذون راحتهم وحرك صوبهم ونزل عندهم وسلم وباس ام فهد ع راسها وهي ابتسمت له ما قدرت ترده حسته حشم منها ،، وشوي يووا بطي وابوه ويده وسلموا عليه وقربوا به في القعده الخارجيه طالع غدير اخته واشر لها بمعنى تعالي يت صوبه وقالها : منو البنت اللي شعرها بني اشقر او عسلي شي جيه ع شمس طالع اشقر عسلي .. ضحكت غدير وهي تقول: هههه فصفصت البنت .. همس لها: تعل القلب والله ... ابتسمت وهي تروح عنه : اذا عرفتها بقولك من هي... راح عنها صوب القعده وهي رجعت عند الحريم ،، اما مشعل واحمد كانوا توهم يايين قام سلم وقعد ،، اما مشعل اول ما وصل انتبه على مسج بسوم ولف لفيصل وقال وهو رافع واحد من حياته: انته شعرفك ان قوم امي في شاليه هذا مب ذاك واشر ع شاليه بو فهد .. ضحك فيصل وهو يحرك عيونه ع شاليه وشاف البنت مقبله عليهم وتم يطالعها وعقب غير نظرته وقال لمشعل: لا والله يا حبيب العين سرت هناك بس ما لقيت حد واتصلت بالوالده وقالت لي انهم هنيه .. ثارت براكين مشعل يوم شاف فيصل يشوف حبيبة قلبه عطاه رفسه ونظرة بعينه بمعنى حشم نفسك.. عدل قعدته ونواف قال لهم: تعالوا تغدوا الغدا زاهب .. : : ربّ السِعة والإتساع ضعني حيث أنتمي وأُحب��. : : : إني أَثِق بما سيأتي مِن الله. : : : بعد م سلمت ع الحريم لفت الجاكيت عليها اليوم برودة جسمها غير طبيعيه برودة جسمها تنذر بخطر ياي لها وكانه كان هالخطر بالمرصاد ووضع امام عينها صدفة لتتحمل مالم يكن بالحسبان صحت ع صوت ام مشعل: يمه بسمه شنو فيج تعبانه ،، عسى ما شر يا يمه... ابتسمت بحيا وهي تلف الجاميت بزود: الشر ما ييج يا خاله ابد والله ماخذه برد شوي .. تاملتها بحب وحنان وهي تردف كلامها بسلامتج يمه .. ابتسمت ونزلت واسها وهي تقول: الله يسلمج ... تكلمت ام مشعل وهي تقود: الا يا ام فهد بنتج شموخ وين هي ... ام فهد تناولها فنجان القهوة العربية وهي تقول: والله ما نامت الا الفجر ولين الحين وهي نايمه اكيد شوي وتصحى ... هزت راسها ام مشعل وهي تقول: الا بنت ولدج بسمه مخطوبه !! . انصدمت بسمه من سوال وحست جسمها رجف وقلبها زادت دقاته وقالت ام فهد: لا بسمه بعده ماجاها نصيبها .. ابتسمت ام مشعل وهي تقول: نصيبها قريب ان شاء الله... حست بها تلمح لشيء بس مستحيل مشعل ما اعتقد بانها تموت في مرته ومخلتنها اليد اليمين لها اييي اجل من ،، من عيالها اذا ما كلن مشعل هذا انذارك يا قلبي وتنغزيك اللي من امس تنغزني ،، قامت يهدوء وراحت تاكل أي شي قدامها عشان تسد فيه يوعها ،،، انتيهت لغدير داخله عليها: اسفه ارعجتج بس ودي اعرفج اكثر.. ابتسمت بسمه وهي تقول: حياج تفضلي واشرت ع الكرسي اللي قدامها ،، قعدت غدير وهي تقول: امي وايد معجبه فيج وحبتج شكلها ناويه تخطبخ لخوي فيصل .. شرقت بالاكل وهي تكح وتكح وانكتم نفسها وهي تحاول انها تسيطر ع عمرها شربت ماي وقامت غدير تدخها ع ظهرها وهي تقول: بسم الله عليج الرحمن الرحيم... مسحت دموعها اللي نزلت نتيجة شرقتها وهي تقول : احم احم مشكوره حبيبتي .. وهذت كوب الماي وشربته وهي تحنحن سمعت صوت غدير وهي تكمل كلامها: توا فيصل اخوي ينحب بسرعه وبتحبينه وبيعيشج ملكه في بيته .... انصدمت من كلام فدير هاي شو تقول ومشعل طوفه عبيطه يعني اخليه مستحيل أتنازل عنه انا احبه وهو يحبني ليش ما يكون مشعل بدال فيصل ليش ،، شو ذنب قلبي وقلبه نبعد عن بعض ونحن حبنا طاهر وشريف ليش يا قلبي تنذرني بها الخطر ما كانك تقوى على ضعفي وتبيني دايم تايهه ليه يا قلبي تغربني بغربة مشاعر العمر لخظه وابي اعيشه قرب الانسان اللي ابيه ونته اخترته يا قلبي انته تعلقت فيه وحبيته وتمتديت في حبه وهمسه ولمسه وضحكت عيونه ( غمضت عيونها وهي تذكرضحكته اللي كانت بتيب العيد يوم قام يشوف بطي ويتنح فيه ) ليش يا قلبي انته تنناقض نفسك بالاشخاص شدخلك في فيصل ليش تنذرني بقرب خطر ما كان بالحسبان انته تتعمد تغثني انا مابي فيصل أبا مشعل ومشاعره الصادقه صوبي وحبنا لبعض ،، هي يوم حبتني ما حبتني الا لانها تبيني لولدها فيصل شو كان يضرها لو حطت مشعل مكان فيصل ،، راح يضرها وايد لو غيرت الأشخاص يا بسمه اصحي ع نفسج مثل شو يا نفسي فهميني مثل انها راح تخسر اختها وبنتها لانها هي اختارتها بذاتها لمشعل عشان توصل لها علوم البيت كامله شغل تجسسس يعني ايه وش فرقت يعني لو كنت ثانيه راح تزعل وما تحبني وتم دافع عن بنت اختها وتصير تكرهني ايه عادي طيب وبعدين مالي بهم لزوم الزم ماعليه بيتي وشعلة حياتي وبس ... انتهى البارت الرابع والعشرون ... ترقعاتكم لوسمحتوا �������� |
العمر لحظة
توقعاتكم الحلوه اللي نفسكم البارت الخامس والعشرون راح يكون حوار بين روح الندى وشخصيه مهمه في القصه من تبين تحاورين :dohaup_905590474::sm240::3 z o t e (5)::n2::v9v9net_102:
|
تسيدت المكان بسردك للروايه
حارت الحروف ماتكتب لهذا الجمال العجيب ! سكبت ورصعت النص باالذهب الناصع ببريق آخاذ ليس له مثيل .., سحر اخذنا للأحداث والعشق والنظرات لك الود والتقدير ولا يفي ! |
ي حظك ندى
بتشاركين في الروايه ياترى مع مين يمكن بسوم او حمده في لهفه لنرى ماذا سيحدث دجى رااااائعه |
والله انك حيرتينا وشديتيني شخصيا
وماافدر اتوقع بالضبط وش بيصير المصير وهذي حلاوة وجمال الكاتب مثيره يابنتي |
هياا وش بيصيرر تحمسسست
صاار مووقفه صعب انتظاااار وحماااااس |
كاتبه راقيه
والروايه الى الان لم تتضح مواريها عيني عليك بارده في انتظار القادم من المفاجأت |
تسلمون جميعاً ولا هنتوا حمستوني والله ارد اكتب بارت طووويل انتظروني بأذن الله
|
| الساعة الآن 04:56 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية