 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي السادسة: العمر لحظة
(http://www.gsaidlil.com/vb/showthread.php?t=178021)
ابا توقعاتكمممممم لو سمحتوا حبايب قلبي
|
لشدة التشويق
لا استطيع تخمين ماذا يمكن أن يكون التالي لكن سأنتظر بحماس رائعة يادجي الليل.. |
اقتباس:
ويلي على حمده كسرت خاطري توقعي راشد بعصب على الاشخاص الى في اليخت ممكن ينفجر عليهم ضرب وبعصب على حمدة بعد عشان ركبت اليخت وكل هذا خوف على حمدة هل بارت قمة فى التشويق دجي الليل ابدعتي في انتظار القادم تسلمين الله |
شوقتيني ابي اعرف شنو يصير:sm5::sm124:
|
رائعه في سردك
سلمت يدينك ربي يسعدك ماننحرم منك ومن ابداعك في شوق للتكمله |
فديتكم والله وفديت حواسكم وشوقكم وتوقعاتكم ...
ان شاء الله قريب بينزل البارت،، بس يوني ضيوف والله وانشغلت عن الكتابه الحين بكمل باذن الله اذا هلصته لين الساعه ١٢ بنزله بامر الله |
:
البارت السادس عشر : : : يتعبنا ما نعرفه، لا ما نخافه : : : لا تدع السّماء تفقد صَوتك، إبق على إتصال دائم مع اللّه فاللّه هُو الحُبْ، ومنهُ الحُبْ، ولهُ الحُبْ.♥️ : : : بعد ما فاقت حمده واستعادة وعييها انتبهت على عباتها مفتوحه لمت نفسها بخوف وهي تصيح تفكيرها راح بعيد وتبكي بغصه انا شيابني هنيه انا يييت بريولي ياويلي عسىىى بس ما يصير فيني شي انتبهت لشهاب وهو واقف بعيد عنها وقال: والله انج نفس اختيه ومحد لمسج ولحد سوووى فيج شي عباتج انا فتحتها لج عشان تتهوين وتتنفسين لان بصراحه مادري شو ياج واغمى عليج تحسبتج دخلتي في غيبوبه .. ماسمعت أي شي منه كل اللي تسمعه انين قلبها وبسسسس وصوووت شهقاتها تشوف شفايفه يتحركن بس ما تعرف شو يقول زاد صايحها لما تذكرررت ان اكيد وراشد بيخليها وبيروح لحرمته وان هذي حجته الوحيدة وعذره المقبول ،، هي تصيح راشد وحبها له ،، وهو يكلمها وهي مب حاسه بشي ... طلع فوق وشاف يخت مقرب حولهم وأول ما قرب اليخت عندهم ،، وشاف ان ولد قاله بصوت عالي: في وحده عندكم راكبه اليخت بالغلط مسك راسه بصدمه وهو يقول بصوت واطي يا ويلنا ويلاه شو أقول له هز راسه بلا وهو يقول: ما شفنا حد ،، نزل ع صرختها اللي وصلت لين قلب راشد قبل اذنيه اللي جنن جنونه وحاول انه يقرب من اليخت بس من دون سابق انذار عق عمره في البحر وسبح لين وصل يختهم وتعلق بطرف وونقز بسرعه وهو يتبع أصوات الحشره ويشوف طاولات وشراب جن جنونه من فكرة اعتداهم ع حمده وهم طافيين وصل الغرفه وشاف الضرابه بين شهاب ونواف وشباب وهي لامه عمرها وتبكي صرخ باعلى صوته: بسسسسسسسسسسسسسس ... لفوا الجميع ع صوته الا هي اللي بكتتت من سمعت صوته وعرفت انها خسررررته بدا يضارب وياهم يوم شاف حميد يتقرب منها قام يضارب وياهم بكل قوته والباقين ابتعدوا لان عرفوا انه تخصه لانها زادت بصياح يوم سمعت صوته وشافته كيف هاجم ع حميد ويضربه بكل قوته ما كانت تبا تدافع عن حميد لان خافت راشد يشك فيها وهي عندها كله ولا راشد يفهمها غلط ،، اتجهه صوبها وشافها كيف بهدله ومسكها من ايدها وهو يرها بقووووو طالع فوق انتبهه ع انهم واصلين عند المرسى وخلاص قدهم بيبركنون عند حد شاطيء ونزل هو وياها ومسكها وداها في رمله اللي ورى شاليهات وقعد يضربها بقهرررر وهو يهزها ويسببها: انتيييييي بلااااج تركبين منيه ودرررب ما تشوفين ما تعرفين تخترين اليخت صح .. كانت مدامع عينها كفيلها انها تعبر له عن خوفها ومشاعرها المهزوزه ،، رفعت عينها وتلافت ويا عيونه صدمها دموعه حركت ايدها ع خده وهي تقول بصبوع مرتجفة: راششششد انته تبكي بحرقة قلبه صرخ عليها: لا تنطقين اسميييي يا حمده لا تنطقين اسمي انتي طعنتيني وطعنتي قلبي ليشششش تسوين فيني جي.. ابتسمت بين دموعها وهي تقول: عساني ما اصبح اذا طعنتك في قلبك او جرحتك ،، ما صار من اللي في بالك شي.. انتبهه ع رجفتها ورجفة شفايفها كلن يدور شي يغطيها مالقى غير تيشيرته اللي فصخه في اليخت الثاني يوم نزل البحر شله ولف فيها جسمها نحيل وكتوفها وتم بصدره العريان والهوى يلفح صدره ،، مسح دموعه بفهر وقال: ١١ واحد يا حمده في اليخت وانتي بينهم حتى لو ما سووا فيج شي نظرتهم لج تقتلني ،، طمعهم فيج يمرضني وييب لي الهم والغصة ،، تعرفين غصة القلب كيييف يا حمده بموووت لو غيري شافج وين وانتي بين ١١ من الوحوش وكنتي وياهم اربع ساعات يعلم الله اني من شفتج راكبه حركت وراهم اباج أبا اييبج لكني ما قدرت أوصل لج قرب منها وثنى ركبه على الرمل وحط ايديه ع ركبها وقال: امممموت ولا اشوفج في حضن غيري او عند غيري او بين غيري ،،، ودي اجلع عيونهم والله كل اللي شافوج عشان ما يسمحون لنفسهم يتخيلونج او يتذكروننج ... شاف الطراق كيف معلم ع ويههها وشاف رقبتها كيف باينه صبوعه عليها قرب منها ورفع شيلتها وشاف خطوط ايدية ع جسمها قال بغصه: سامحيني مب قصدي اضرج وامد ايدي عليج وابين في جسمج ضرب ،، بس انتي ملكي ولي ومابا غيري يناظرج ابداً مهما كان او صار ... شهقت وهي تصيح وتشاهق وقالت من بين شهقتها ورجفتها : راشد لف عليها وهو لازال ع وضعيته: لبيييه ي عيون راشد ... ابتسمت بين دموعها وهي تمسح دمعة قهر تسوبت من عين راشد : لا تبكي جعلني افداك ،، والله انك تعرف اني ما اساوي بك حد بس ماقدر افرق بينك وبينها وانتوا قريب بيصير عندكم طفل .. انصدم من لهجتها وعدل قعدته وقال: طفل ؟؟؟ منو تقصدين بكلامج...؟ رفعت ناظر عيونها للسما وخذت شهييييق طويل وهي تقول: مرتك .. رص على ايديها وقال: والله انى مب معرس ولا عندي حرمه غيرج ،، اسمعي تحلظين السر وتكتمينه ولا؟؟؟ عزت راسها بالإيجاب وكمل كلامه بهاي الحرمه اللي دقلي ودق لج عساس انها حرمتنى هاي حرمة شخص عزيز ع قلبي وصانى ع بيته ومرته وعياله واهتميت فيهم ،،، لكن الحرمه من زود اهتمامي حبتني وتبا ترتبط فيني انا رفضت لان قلبي ملك لانسانه ثانيه مب لحد غيرها وهي شكلها بسرعه تتعلق في اللاشخاص اتريا صاحبها اييي ويشل الامانه عني لكن ما دامها وصلت فيها المواصيل تدخل في حياتي وتراسلج لا هنيه عاد استتتتوب انتى خط احمر مب كل من يأ حط ايده فيج ،، لين هنيه وبس انا بغير رقمي من باجر وبطلع من حياتهم وبخليه يتصرف معاهم وايييب لهم حد غيري وصي عليه وعلى عياله ومرته اما انا اسف اللي يوصل عندج احط حد سيف في رقبته ولا ابالي ... ضحكت ع كلامه وهي مرتاحه من صدقه ولازالت تتتنافض من الحوف وضرب اللي علم في جسمها وشكلها اللي ما يساعد ورجفتها وخوفها وكل شي يبين ان فيها شي ،،، قاموا يوم شاف ان الوقت بدا يبرد وصلوا لشاليهات ومن حسن حظهم ان شاليهات فاضيه قالها : يبا روحي تسبحي وتدفي وانا بتسبح وبيييج ... قالت بخوف: أخاف أكون بروحي عقب اللي صار ... ابتسم وقال: ما ببطي بس بببدل وبي عالسريع.. هزت راسها بالإيجاب وهي تدخل داخل الشاليه وراحت غرفتها تسبحت وابست شي ثقيل عشان ما تبرد ويلست عدال المدفاة ،، اما هو دخل البيت عالسريع تسبح تلبس وطلع ع شاليه يده دخل لقاها عند المدفأه ... : يتببببببع لاحقا لم ينتهي البارت |
باجر بحط التكمله باذن الله
|
طلع توقعي صح ههههه وراشد يحب حمده ويخاف عليها
دجى نبي التكمله فديتج |
ان شاء الله فديتج ابشششرب بعزج اليوم باذن الله احلى بارت لعيووونج يا روحوالندى
|
مبدعه قلبي
بارت جميل اعجابي وتقييمي وتنبيهات |
:تابع البارت السادس عشر : كيف أستاء من يومي و أنا أملك شخص ذو فؤاد رقيق يساوي الدنيا .. كل الدنيا..♥ : : : أبوُس عيّونه قد ماهِي ماخِذهه قلّبي .*' : : : لقاها قاعده عند المدفاه ودخل وقعد معاها وبدا يعاطس عارف عمره خذ برد من لما فصخ التيشيرت وعطاه إياها ،،، انسدح على الكرسي وقال: حمده فركت خشمها المحمر من صايح ويرت البطانية عليها زود وهي قاعده قدام المدفاه قالت: لبيك ابتسم ع ردها وقال: بحدد الملجة،، ماقدر اصبر اكثر عن جي... هزت راسها بالإيجاب وهي مستحية ،، شوي ودخلوا الجميع يايبين العشا من المطعم ضحكوا بحب وهم يشوفون بعض ،، وشموخ حطت الآكل قدامهم وهي تقول: كناري الحب وين كنتوا مالقيناكم قلنا اكيد سويتوها من ورانا وطلعتوا طلعه خاصه... ضحك راشد وهو يقعد قدام الاكل ويفتح الاكل بطريقه تشهي الواحد وقال: وااااااااو لذيذ بيتزا ومشاووووي واااو ومشررررروم حمااااتي بتحبني وطالع حمده وضحك وقعد ياكل ومدت يدها حمده وسمت بسم الله وكلت ... : : : بطي وحامد يلاعبون سهيل ويضحكون من ضحكه نش حامد وشل سهيل وداه عند امه وهو يقول: بس اندوج خلاص شبعنا منه.. ضحكت عليا وهي تقول: هيه لعبه ثره هو شبعت منه اوين ،، وطالعته بنظره وشلة سهيل عنه وباسته وقالت لعمتها: تصدقين عموه غالي عندي هالولد سبحان من نزل غلاته في قلبي ... : ابتسمت عمتها وهي تقول: فديتج يا عليا امبونج تحبين كل الناس يا طيبّه ... ابتسمت لعمتها وهي تبوس سهيل وتقول : نعم انه غالي ويشهد الله ع غلاته جنه ياي مني انا مب من غيري ضحك فهد وهو يقعد عدالها وقال: تراج امه بعد شو ما يبالها كلام .. حاولت تتجنبه بس عشان عمتها يالسه قالت: نعم انى امه فديته وفديت قلبه وباسته ع خده ... تعمد يأخذ راحته زود في تلزيق فيها ويتقرب منها وقال وهو يشل سهيل ويعطيه شموخ ويسحب عليا: نبا جووووو خاص فينا ... ضحكت شموخ عليهم وهي تقول: بالمبارك مقدماً ... سمعت ضحكته وهي تتفداهم وتدعي لهم بتيسير .. : : : لا تُرهقه ثُم بعد أن يتخلىٰ طالبًا راحته تنعته ب المخادع، مُدعٍ للوُد، ناكرٌ للجميل، خائنُ العِشرة؛ ففي النّهاية أنتَ من جعلَه يفرّ مِنك . . : : : في شاليهم الخاص اللي تعمد فهد ياخذه بعيد عن عياله وعن اهله ،، قعد يتكلم معاها وهي قاعده تسمع بانصات كلامه: خلاص يا بنت الناس نحن لازم نبدا صفحه يديدة مهما كان الغلط اللي غلطته ،، الحين انتي الكل في الكل وانتي شيختهم كلهم ولا لج بديل لا في السما ولا في الأرض .. ضحكت بطنازه وهي تقول: هـه الحين مالي بديل قبل كان لي بديل في كل مكان صح . تنهد بضيق وقل حيله وقال: يا بنت الناس كانت غلطه لكن الانسان يرجع لصوابه ويدرك اغلاطه ولو بعد حين ... طالعته بغموض وقالت: انته في غرفة وانا في غرفة فهد طلبتك لا تطلبني ارد لك وانته جرحتني جرح عمره ما يبرى ... ضاق صدره وهو يوقف عنها وسار بعيد وهو يقول: عمرج ما بتفهمين ان اللي في قلبي لج ولا راح تفهمين وطلع عنها وسار صوب البحر : انتهى البارت السادس عشر |
الله عليك حبيبتي
رووعة اعجابي وتقييمي |
فديتج اول اطيافي مشكوره ع الرد السريع والمرور الطيب والقراءه والمتتابعه والمستمره
|
فرحت ل حمده وراشد
والله يهدى فهد رائعة دجى الليل مليون باقة ورد:0_c7f01_1194c319_S::sm5: |
البارت اللي بينزل بعد وي بامر الله لجل عينج يا ررروح
|
العمر لحظه
البارت السابع عشر
: : : إن الذي خلق التعثُر، خلقَ النهُوض : : : أما عني فاني أحبكِ فوق حب المحبين حبا. : : : حس بيروده في جسمه ماقدر يتحرك من كرسيه تدفى زين وغطه عمره وهو يعاطس وخشمه احمر من المعاطس يالله يالله رقد ،، وكل شوي يقوم يسحب كلينكس يمش خشمه زفر بضيق مب وقت الجيوب لاعبه فيني لعبه انسدح عالكرسي وحاول انه ينام .. : اما حمده فكانت تعبانه اكثر عنه حمى وضيق ونفضه في جسمها وتحاول ترقد وتتلحف .. اما شموخ فشافت الوضع بين المحبين تعبان وشافت حالتهم كيف ،، شافت حالتهم كسيفة وتكسر الخاطر سوت لهم شوربه دافيه وعصصرت عليها ليمون وحطت فيها الفلفل اسود بكثره وبشرة ثوم وبصل عشان يفيد عندهم العلاج ،، وراحت لصاله وشافته يالس ع حيله وماسك راسه قربت منه وهي تقول : افدى المريض يا ناس .. طالعها بعيونه الناعسه الحمر وهو يمسح خشمه بكلينكس وقال: يفداج المريض ... قعدت عداله وهي تعطيه شوربه وقالت بحنان وهي تمسح راسه: الغالي شو اللي صار بينكم ايش اثنينكم مزكمين وين رحتوا ... شرب من شوربه وهو يسعل وقال ببحه: والله يا الغالية صارت سالفة الا الحمدلله انّ ظهرنا منها بسلام وامان من الله ولله الحمد والمنه .... طالعة شكله التعبان وطالعت رجفة يده ومسكت المعلقه عنه وبدت تاكله استحى راشد وقال: خالوه مب صغير انا تشربيني .. قاطعته باصصصصصص اصصصص اسكت بشربك وبدلعك ع كيفي بس ممكن افهم نظرة الحزن اللي في عيون حمده.. هز راسه بهيه وهو يقول: تكتمين سر حمده عطيتها. الزبدة وماقًلت لها تفاصيل ،، انتي بتكتمين السر ... هزت راسها بالإيجاب وهي تقول: جنك ما تعرفني يا راشد من سنين .. بدى يتكلم وهو ير البرنوص عليه اكثر وقال: سلمج الله عمي غانم معرس من خمس سنين بوحده مادري من وين ضواها ياب منها ولدين وبنتين والحين حرمته بتربي ،، وانا الوحيد اللي ادري بزواجه المهم عمي غانم لابسنها ويوم انسجن وصاتي على عياله المهم حرمته من كثر ما اهتم في عياله حبتني وتبانى انزوجها وبس .. انصدمت شموخ وهي تسمع هالطاري وتقول: الله يهديه معقولة اانم يسوي جي... عدل يلسته بعد ما عطس وقال: ما توقعتي خالوه ؟؟ صح !!! ابتسمت: لا مب جي المقصد،، المقصد انه غانم كله برى وين لقى له يوم يسوي عرسه يدس والخش الله يهديه .. مسح خشمه المحمر وهو يقول : شتبين فيه الله عوضج بالاحسن والله ... ابتسمت: هيه والله فديت شوفته كم تسوى ... ضحك راشد وقال: بي باجر بيخلص شغله وبي شاليهات... ابتسمت بحب وهي تقول : الله ييبه بسلامه فديته ... ضحك عليها بتعب وقال: خالوه فديتج دوري لي بندول احمر راسي يعورني ... سمع خطوات قريبه منه رفع راسه وشافها يايبه به ماي وبندول ،، ابتسم وقال بحنيه: عمري فديت اللي متعني والله انتي بروحج تبين اللي يداريج. يا المريضه ويايه تشوفين شيبتج المريض . ابتسمت بحيا وهي تقول: سمعت صوت معاطسك واصل الغرفة قلت ارفق بحالك ما دام اللي ياك من سبايبي ،، خفت استوثم فيك .. ابتسم وهو يأخذ البندول والماي وقال: يعلني ما خلى يارب ،، سلمتي بنت فهد ... ابتسمت شموخ وهي تقول: تليقون لبعض والله ،، هالله هالله فيه يا حمده ... استحت حمده وهي مدوخه من راسها وويعه وراحت بترجع غرفتها ووقفها صوت شموخ وهي تقول: حمده شربتي شوربه .. طالعت عمتها وهي تهز راسها بالإيجاب وراحت عنهم وهي متماسكه اول ما وصلت الغرفة حطت راسها ونامت وهي تحاول تتنفس ... : : : في صباح اليوم الثاني ،، الكل تزهب واستعد بروحة اليخت الا راشد وحمده لانه المرض لاعب فيهم لعب ،، والبقية راحوا صوب اليخت واستاجروه وراحوا يفرون في البحر .. : : : أصبَحتُ فيكَ كما أمسيَتُ مكْتَئِباً ولم أقُلْ جَزَعاً يا أزمَةُ انفَرجي أهْفُو إلى كلّ قَلْبٍ بالغرام لهُ شُغْلٌ وكُلِّ لسانٍ بالهوى لَهِجِ وكُلِّ سَمعٍ عن اللاحي به صَمَمٌ وكلِّ جَفنٍ إلى الإِغفاء لم يَعُجِ لا كانَ وَجْدٌ بِه الآماقُ جامدةٌ ولا غرامٌ به الأشواقُ لم تَهِجِ عذّب بما شئتَ غيرَ البُعدِ عنكَ تجدْ أوفى محِبّ بما يُرضيكَ مُبْتَهجِ وخُذْ بقيّةَ ما أبقَيتَ من رمَقٍ لا خيرَ في الحبّ إن أبقى على المُهجِ "ابن الفارض" : : : يالس في صاله والكل حوله قرب منه ولده وهو يقول: يلا يا بوي نروح المستشفى نشوف نتايج فحصك .. طالعه بتعب وقال: مب ساير ولا شي ،، بقعد فالبيت ابرك لي ،، حق شو اعثر نفسي .. تنهد بضيقه وقال: رد عاينا عوض يقول يبا شما تفحصً... طالعهم وقال: أي فحص الريال ياي يخطب شموخ مب شما ،، لما عرف انه شموخ متزوجه حول على شما لانه استحى من فعلة اخوكم اللي مكسر نفسه الولد الله يسهل عليه وبعدين بنتنا مب صاحية جان تبون الصدق كيف نوهقه .. نطق بعد صمت وهو يقول: انزين برايه ياخذها هو يباها... شاح بنظره عن حمد وقال: هيه من يدري ان شموخ مطلقه بيقلعها اختكم ... انصدم حمد من منطوق ابوه وحس تنفسه متسارع شافت الريم الصدمه في ويههه والعنود اللي ماتت قهر من نطق سالم يوم قال: والله يا بويه ان جان لها نصيب وياه بتاخذه يا الغالي بنت سهيل ما تفرط.. رد طالع سالم وهو يقول: هيه صدقك ما تفرط ،، تراك فرط فيها انته اول واحد خلني ساكت بس اسميكم تزيدون الواحد عله فوق علته ... : : : اما في شاليه كان حاط راسه على الكرسي ودخلت عليه دجى الليل وهي تقوله: راشد ... رد عليها : ها يا المغثه... دجى الليل تضحك: ههههه تسلم عليك روح الندى وايد فرحانه لك انته وحمده ... يضحك عليها وقال: هههههه حليلها الله يسلمها ويسلم غاليها من الشر ،، والله يفرح بها كل غالي وغاليه على قلبها .. دجى تضحك: ههههههههههههه شفت متابعيني يحبونك انته وحمده وفرحانين لك ومتشوقين على البارتات.. حط ايده على يبهته وقال: اسميج داخله جووو مع نفسج يا دجى وانا مريض ومحموم روفي بحالي وخليني اوطي راسي شوي ،، ولا هانوا متابعينج عالعين والراس لهم كل التقدير والاحترام وردي السلام عليهم كلهم ... دجى تكتب رساله لكتف ونجم ومجنون وأول اطيافي والغند وروح الندى وغريب الديار وملكة الجوري وجسد وامير الإحساس وعود الليل واسفه اذا نسيت حد من متابعين قصتي : جميعكم دون استثناء أعضاء قصايد الليل يسلم عليكم راشد حبيب القلب والشعب .... ير لحافه عليه وقال: يلا دجىى فديتج روحي شوفي لي حمده وطمني عليها وخليني انام يسد انج ماخليتينا نروح وياهم اليخت وحابستنا في الشاليه ومرضتنا بعد .. ضحكت وانا أقوله: ماعليه فديتك معافى يا الغالي اجر وعافيه ،، لا تهتم الغيوره في عيوني بطمنك عليها ،، لازم شوي احنن قلوبكم على بعض يوم تمرضون بتعرفون قدر بعض ولا شرايك يا الغالي... هز راسه بالإيجاب ورحت عنه اشوف حمده ،،دخلت عليها لقيتها متنشطه ًمتسبحه ومتلبسه وقلت لها: ما شاء الله اليوم ظبي يا بنت فهد ضحكت وهي تقول: قولي ما شاء الله حبيبتي قلت ببتسامه: واحلى ما شاء الله ،، لاحلى حمده ابتسمت وهي تتفداني وشوي رجعوا الجميع وحطوا الغدا وتنالوا غداهم وهم مرتاحين ومستانسين ... : :انتهى البارت السابع عشر ....:13888276254::0_c7f01_1194c319_S: : |
ششرايككككن بالباررت عجبكم
|
حبيت شموخ والمعرس بياخد شما ولا لا
....... هههههههه اي صرنا نحاتيهم ههههه فديتج دجى صرنا نبي نعرف شنو يصير راشد وحمده ابطال القصة قولي لهم ممكن توقيع هههه الله يعطيك العافية قمة في الابداع نبي نعرف شنو يصير:sm5::sm240: |
جميل جداً يا دجى الليل
رائعة الانتقالة بين أجواء القصة و واقعية الأعضاء حقاً مدهشة راقت لي بانتظار التتمة.. |
جميل جدا
|
اما في شاليه كان حاط راسه على الكرسي ودخلت عليه دجى الليل وهي تقوله: راشد ...
رد عليها : ها يا المغثه... وااااو احلى سرد ودجى داخله بالقصه عجبتني المغثه ياريت كل الناس مثلك حبوبه ورائعه دجى الليل تضحك: ههههه تسلم عليك روح الندى وايد فرحانه لك انته وحمده ... وندى فيها حب للتكله وفرحانه ل راشد وحمده كلنا متشوقين للنهايه يضحك عليها وقال: هههههه حليلها الله يسلمها ويسلم غاليها من الشر ،، والله يفرح بها كل غالي وغاليه على قلبها .. دجى تضحك: ههههههههههههه شفت متابعيني يحبونك انته وحمده وفرحانين لك ومتشوقين على البارتات.. من جد مشوقه وسردك للاحداث جميله عيشتينا معهم حسيت اني انا حمده حط ايده على يبهته وقال: اسميج داخله جووو مع نفسج يا دجى وانا مريض ومحموم روفي بحالي وخليني اوطي راسي شوي ،، ولا هانوا متابعينج عالعين والراس لهم كل التقدير والاحترام وردي السلام عليهم كلهم ... ربي يسلمك راشدوتقوم بسلامه ويخلي لك حبيبتك حمده كلنا حبينا القصه دجى تكتب رساله لكتف ونجم ومجنون وأول اطيافي والغند وروح الندى وغريب الديار وملكة الجوري وجسد وامير الإحساس وعود الليل واسفه اذا نسيت حد من متابعين قصتي : جميعكم دون استثناء أعضاء قصايد الليل يسلم عليكم راشد حبيب القلب والشعب .... عاش الشعب .. عاشت السعوديه..بمناسبة اليوم الوطني ير لحافه عليه وقال: يلا دجىى فديتج روحي شوفي لي حمده وطمني عليها وخليني انام يسد انج ماخليتينا نروح وياهم اليخت وحابستنا في الشاليه هههههههه ليش دجى حابستهم كان خليتيهم يروحون معهم في اليخت ربي يسعدك دجى وربي قصه حلوه يسلمووووو لك اشهى الود وأجزل الشكر دمتِ بحفظ الله ورعايته ننتظر التكمله |
روايه رائعه بمعنى الكلمه
واصلي ابداعك اختي دجى الليل |
فديتكم والله حبيباتي ومشكورين اخواني ع الردود الطيبه الله لا هانكم البارت الجاي بامرالله من يخلص بسدحه لكم
تحياتي وودي لكم جميعا |
اكيد عجبنا حلوتي
جمممممميل اعجابي وتقييمي وتنبيهات |
فديت حماسكم والله والله ان شاء الله قريب البارت بينزل بامر من الله
|
البارت الثامن عشر
: : : يقول ؛امرأةٌ مثلكِ تستحق القمر والنجوم والكواكب ، وأنا لا أملك بين يديّ سِوى هذه الوردة ����". : : : "وإن رتّب الله قلبك، ما ضرتك عشوائية العالم". : : : عند فهد كان رسمي جدا مع عليا لانه بنظره زودتها سلامات يعني اول واحد الحين يطلع معرس تراني داسنه عشان ماتعرفينه وما يوصلج علم يعني لو كنت داسنه وما بان لين اليوم كان طبعج ما تغير ولين اليوم تحت ريولي لكن شفع لج وجود سهيل في الحياة وقمتي تتغلين وتزعلين وسويتي لنفسج راس ،، هـه حتى ما قمتي تسوين لي اعتبار انا لازم اعلمج ان حياتي تمشي بج وبدونج،، تمشي حياتك بدونها يا فهد ،، لا تعاتبيني يا نفسي يكفي ان فهد اول مره يخسر في شي هو يباه ،، ما خسرت يا فهد بعده فيه فرصه قدامك وفيه وايد أشياء تقدر تسويها وتعوضها عن اللي سويته فيها من قبل ،، شو اعوض يا نفسي فهميني اعوض لي لوح ولا يدار هذي صارت ما تحس ،، لا تلومها يا فهد انته طعنتها وصدمتها عايش لك في الحب كم سنه ويبت منها بذره وتباها تسامحك ببساطها ترا من حقها تزعل يكفي انها تربي ولد ما شله بطنها ولا حست بغلاته ورغم هذا مدارتنه وتعاملك احسن معامله قدام اهلك ما بينت لهم شي ترا كسر القلوب وتحطيمها مب بساهل يا فهد جبرها،، جبرها ايي مع الوقت وحلاوة الايام تنسي الواحد مرارة الماضي ومرارة شي اللي فاقدنه ،، بس انته عطها وقت ترتب افكارها وعط نفسك وقت انك تحاسب نفسك على غلطك ،، فهد انته لازم تحسسها انك غلطان لازم تحسسها انك مذنب واخطيت في حقها عشان يكسر كل جبروت في قلبها ممكن تتمسك فيه او تتقوى ينهار ما تلقى شي تستند عليه غير انها ترحم ضعفك وتبدا تتودد لك وتتقرب منك وتاخذون بخاطر بعض انتوا الاثنين ،، اما انك تي وتقولها انك اخطيت وتفهمها كيف صار زواجكم كانها لوحه فنيه قدامك ماتراعي مشاعرها اكيد بتجمد واكيد خاطرها بينكسر وبتقسى عليك اذا انته ما بينت لها انك فعلاً ندمان وحاس بتانيب الضمير ،، بس مب من عادتي اني انزل نفسي وابين اللي في قلبي وانى مكسور وجريح تنهد مع وصول راشد له وهو يقول: افا يا الغالي جنك شال هم الدنيا ع راسك .. ير مدواخه وهو يشوف البحر والليل وبراده وامواج البحر تلطم في صخور قال : بعد شو نسوي ربك كريم يا الغالي ... وقف عدال فهد وهو يقول: خالي ترا الحياة حلوه لو نشوفها بمنظور ثاني ونبعد عن كل شي يأذينا ،، واللي صار معاك انته وعمتيه يصير مع أي اثنين لكن والله نصيحة محب انك تحارب لين توصل قلبها لان انته الحين في ساحة معركة بين شعور متناقض وعزة نفس وكرامه وبين شعور اخر مؤيد ورافض لذلك لازم تحارب صح عشان تفوز في المعركة ... ابتسم وهو يقول: شعليك كل هذا تعلمته من بنتي .. ضحك وهو يتحنحن يعدل صوته اللي تغير من الزكام وقال: بنتك مدرسة يا خالي تعلم الواحد بسكات وبنظراتها تخليك تراجع حسابتك بظرف دقيقه يمكن انا غير عنك شوي انا اعتذر لاغلط في حقها وابين وجه الاختلاف بينا واوصلها بر الأمان بهدوء وطمأنينة .. طالعه وهو يقول: عشان جي اانته احسن عني بتفاهم وبالحب .. دخل ايديه في جيوب بنطلونه وقال: محد احسن عن حد يا الغالي بس الفكرة في القلب والعقل وشوية تكته وتضبط الأمور باذن الله ... ضحك فهد وهو يقول : اقولك ع سر ضحك وهو يقول: انتوا كلكم باسراركم محد يتم كتاب مغلق لنفسه ... ضحك فهد وهو ير الدوخه وقال: لا والله مب سر بمعنى السر ،، لا يعني كلمة تحفظها عندك كسر يعني ... هز براسه وهو يقول: ايووووووا جيه سالفه يلا عطنا الكلمه .. خذ شهيققققق بمعمق وزفره وقال: تصدق قبل ما تعرف لني معرس كلنت شالتني شل وتحت ريولي واليوم اللي عرفت فيه عني وعن زواجي ووجود سهيل تغيرت. صارت انسانه قانيه كاني ماعرفها صرت انا اللي ادورها واودور وجودها في حياتي لين متى بتم حي معاها ،، لو هي بعدها ما تعرف عن زواجي من مارلين كلنت بتكون لين الحين تحت ريولس تخدمي ودور رضايه ... انصدم من صراحة خاله وسكت بعدين تكلم وقال: بس غلط يا خالي تعاملها كانها قطعة اثاث ولا تبالي فيها ،، تراك ما تحس بنعمة الا يوم تفقدها وانته ما حسيت بوجودها الا يوم فقدت اهتمامها من صوبك كزوج وشفت البرود في تعاملها وياك ... شاح بنظره تجاه ولد اخته وقال: وانته طلعت معلم في الحب وانا مادري .. ضحك راشد وهو يقول: تراني أبا املج ... هز راسه برضى وقال: زين هب مشكله بس تريي بسوم بتوصل بعد كم يوم ونحتفل فيهن مع بعض... هز راسه برضى وشوي ياهم حامد وبطي وقعدوا معاهم والليلة بارده وقمارية ... : : : ﮼لو،يجي،هالكون،كله،في،سماي،م،بغيت،الا،حضنك،لي،وطن ♥️✨ : : : يالس على مكتبه ويدق بالقلم عليه وسرحان صحى على صوت الممرضه: دكتور المريضه شما موجوده يايه موعدها .. رفع جسمه بتعب وكسل وقالها: خليها تدخل .. عدل يلسته ودخلت شما سلمت بحيا وقعدت رد عليها وهو يشبك ايديه في بعض: كيف الحال يا شما وشحال الوالد.. ردت بحيا: بخير ونعمه ولله الحمد انته شحالك عساك طيب ابتسم ابتسامه صفرا وهو يقول: بخير ونعمه .. وبتردد قال: تواضبين ع علاجج يا شما .. هزت راسها بالإيجاب وهي تقول: ما قصرت معايا يا دكتور انا الحين وايد احسن عن قبل احس اني بديت أكون طبيعيه ... هز راسها بالإيجاب وهو يقول: الحمدلله ،، وبتردد قال: شحال شموخ حست كانه حد صفعها على ويهها ونزلت راسها اخت وهي تقول : تطلقت من حمد من شهر تقريبا .. بفرحه ومن دون إحساس قال : صدددق قولي والله .. طالعته وشافت اللمعه اللي في عيونه تعبر عن فرحته بالخبر نزلت راسها بخيبه وهي تقول: ماشي نصيب بينهم .. ما انتبه ع نفسه وهو يقول: الحمدلله يارب اني ما استعيلت .. انصدمت شما بكلامه وقامت واقفه وهي تقول: والحمدلله انا بعد ما قلت اني موافقه عشان ما يطيح ماي ويهي قدام العرب شكرا دكتور وعن اذنك ... وطلعت برى المكتب .. ما اعتبر للموضوع هو اول مره يفرح من عقب ما خطب شما اول مره تدخل الفرحه في قلبه حس انه تايهه ورجع لمه ،، حس انه طفل ضيع امنه وامانه ولقى ضالته وقربه وقام واقف بفرحه وهو يخلع البالطوا ويطلع برى من الفرحه سار لبيتهم وهو يقول لمه سالفه اللي فرحت من خاطرها وهي تقول: حمدلله ان الله استجاب دعائي وما بتاخذ شما .. طلع فوق وعلى غرفته بيسوي تحرياته كيف يوصل شموخ وأهلها ... : : تابع التكمله باذن الله ... |
خاطري اعلق فهد في نخله وسط البر هههههه خله يتعلم من راشد
على شينه قوات عينه وشما كسرت خاطري دجى كل بارت عن بارت التشويق الاحداث اجمل الله يعطيك العافية:sm5::sm5: |
تشويق سرد جميل صدق أحيك على موضوعك الجميل
ب انتظار جديدك تحياتي و دمتي ب ألف خير |
فديتج والله ندووي الا شووي وبتقولين بخليه ينتحررر هههه
سلمت اخوي امير الاحساس ع المرور الطيب والحمدلله انها عجبتكم الرواية |
انتظررروا البااارت الياي ان شاء الله يعيبكم
|
العمر لحظة
تابع البارت 18 سأظل أحِبك فإن لم تكُن قدري ، فَيكفي أنك كنتّ اختياري 💍♥. بس في نفس الوقت وفي شاليهات متجمعين برى قدام البحر حمده وراشد وبطي وحامد وشموخ يالسين يسولفون جان يرن تلفون راشد وسكر في ويهها وطلع بطاقته وفرها شهقت شموخ وهي تقول: ليشششش ؟؟؟ حط صبعه على عقله وقال: كيفييييي تلفوني ورقمي انا حر .. تضايقت من فعله وهي تقول: تفر رقمك عشان رقم مزعجنك يا الغالي كان المفروض تسوي لها حظر وتنسى سالفتها.. مدد ريوله ع الزولية وهو يقول : خليها تولي ،، السفيه سفهه.. شوي وشافوا انوار سياره متجهه عليهم ووقف عدال شاليه بو فهد ونزل منها واحد متجهه صوبهم ،، قرب منهم ووضحت لهم صوره سعود شلم عليهم وهو يقول: بسمه يايه في درب سيارة المطار يايبتنها.. نقدت شموخ بفرح وهي تقول: في ذمتك ابتسم لها وهو يقول: هيه والله ،،، توتي مسكر عنها ... ابتسمت وهي تقول: الله يوصلها بسلامه ،، الا انته شو سويت في الموضوع اللي كلمتك عنه ي سعود .. طالعها بضيق وهو يقول: قدمت تقاريري لمستشفى في المانيا واترياهن يردون عليه بخصوص الحاله ونشوف شو الوضع.. شموخ بتعب : انا ما قلت لك سافر خلهم يفحصونك هناك مب بتقارير شو بيسون هم بتقارير هم يبونك قدامهم .. بضيقه وهو يطالعها ورافع حاجبه: وكيف اروح لهم وانا كل جسمي حروقه بليغه من وين بياخذون وبيسون لي تجميل .. طالعته بقهر وعصبيه وهي تقول: هذا مب عذر يا سعود لازم تروح وتغصب نفسك على الروحه عشان انته ترتاح نفسياً وجسدياً وتشوف كم نسبة نجاح العمليه .. قام عنهم بضيق وعصبيه وهو يقول: انتي تبين تغثيني دوم تيبين لي ها طاري وراح عنهم ،، قالت بعصبيه: انته خايف من كلامهم وخايف من النسبه لا تكون ضعيفه وما يكون في امل بعلاجك بس الطب تطور يا سعود ... رجع بسررررعه لها وهو معصب ومسكها من كتوفها وقال وهو يلوي ايدها بغضب: أخاف من الحقيقه اللي انا اعرفها من السنييين أخاف من الماضي اللي اثاره لين الحين بويهي انا ما أخاف انا أخاف انج ما تقبلين بي وانا بها الشكل عشان جي انتي تبيني اعالج وانا عارف ان النسبه ضعيفه ... غرغرن عيونها وهي تقول: انا مستعده اخذك لو ما بقى فيك من العافيه شي انا احبك انته وقلبك مب شكلك وجمالك فهمت ولالا.. ترك يدها بغضب ودفرها ع ورى وهو يروح باتجاه الشاليه ويدخل اما هي تمت واقفه وتتبعه بنظر عيونها لين اختفى عنها أجهشت في البكاء قدامهم وهي تقول: وربي العالي في سماه اني احبه لكن العمر يمضي وهو اذا ما تعالج الحين متى يتعالج ،، اذا ما شاف نفسه هالوقت متى يشوف نفسه زفرت بضيق وهي تحس بحضن حامد وهو يقول: ماعليه عموه هو يحبج ويخاف عليج لا تلومينه بعد مثل ما انتي ودج تعالجينه هو بعد وده يعالج نفسه بس خايف انه ما يسمع بشاير طيبه عن صحته عشان جي يماطل وياج .. بعدت عنه شموخ وهي تقول: هذا وهو يدري اني بوقف وياه ومب مخلتنه انا ما اترياه يتعالج عشان اخذه ،، انا باخذه وبعدين بعالجة ،، مادري كيف تفكيره .. وكلن سار يرقد في شاليه الخاص به ... :butterfly::3z: |
وانتهى البارت الثانن عشر ع خير توقبوني في البارت التاسع عشر
|
زين سوا راشد
يا رب يسمع سعود الكلام ويروح يتعالج عشان شموخ تستانس رائعة دجى:sm5: |
حبيبتي ندووو
|
أي ابداع هذا
بأي ريشة ترسمين وبأي قلم تكتبين كلما أنتهي أعاود القراءة من جديد أستاذة الحرف انتي منك نتعلم فن الكتابة و أصول الأبجدية منك نتعلم كيفية تركيب الكلمات وتزيينها بحلة مميزة لتصبح لوحة كاملة لا ينقصها سوى من يقرأها دمت قلما ذهبيا |
اخجلتني اخي غريب الديار ،، شكراً على دعمك وثناءك على كتاباتي فهذا من رقي اخلاقكم وسمو مقامكم ..
دمة بخير وكل احترامي وتقديري لك اخي الفاضل... |
:البارت التاسع عسر : أعقد يّدگ بيدي ولاتتركِني��♥️. : : : ﭑحب قربڪ مني واڪتفأڪ بي��♀✨ : : : عِش عالمك، فالإكتفـاء بالنفـس راحة لا ينقصك قُرب أحد ولا يؤلمك ابتعادهم ���� : : : بعد مرور ثلاث أيام حجزوا يخت وطلعوا بمناسبة ردة بسوم لهم اللي استقبلوها وقرحوا بوجودها بينهم ،، وكانت المواقف بينهم رسميه ،، شموخ وسعود كانت محادثاتهم بالعيون فقط وكل واحد شال في خاطره ع ثاني فحاسين بالزعل بينهم ،، اما البقيه فكانت محادثاتهم رسميه جدا لانهم حاسين بالكهربا اللي بين شموخ وسعود ،، بسوم بيسون لها عزيمه على وصولها فاحتمال تكون في شاليهم هالايام ... : : في اليخت كانوا مسوين حفله لبسوووم ومشغلين لها أغاني وطرب وديجي وحجزوا البخت اربع ساعات بيردون في ليل وكل واحد ماخذ له زاوية على انفراد في اليخت ومجابلين البحر واجواءه.. حمده قربت من شموخ وهي تقول: عموه ادري بج تهادين بسعود وتفكرين به وهو مب مجرأ يخطب وهو بها الحالة يخاف يدي ما يوافق عليه بس انتي كل ما تشوفينه كلمتيه عن علاجه تراه بيحس انج مشمأزه منه ومن شوفته بها الحالة ما تشوفينه اليوم كيف يتجنب شوفج ويتجنب حتى يتكلم وياج لا تضايقين منه هو بروحه اللي فيه مكفيه ،، هوني عليه يا عموه وكوني معاه بكل شي ولا تفتحين له مواضيع اللي تضايقه مثل علاجه لا تحسسينه انه همج الوحيد شكله ارمسي عن سوالفكم قبل ارمسي عن حبج له ودفاعه عنج يوم انتوا صغار ما يحتاي اعلمج في الحب انتي سيدة الحب يا بنت الحسن والدين.. طالعتها وهي تتامل تفاصيل بنت اخوها كيف ترمسها عن الحب وتفهم الاخرين واحترام شعور الغير كانها بنتن في الابتدائية يعلمونها الاحترام ما جنها في اخر ثلاثين وبدش الأربعين بدال لا هي تفهمهم عن الحب واهواله قاموا اليهال اللي في عمر حمده وراشد يفهمونهم الحب واهواله ،، فعلاً لان الحب ما يعرف صغير ولا كبير الحب مشاعر صادقه بين اثنين ،، الحب كلمة وطيبه واهتمام ونظره تنسرق بين فتره والأخرى عن يشوفنا عاذل او واشي ويحسدنا ،، الحب صراحه وتفاهم بين اثنين ومافي احلى من اثنين يبدون حياتهم بصراحه وحب طاهر ونظيف لافيه غش ولا خيانه وخدع ويا حلو هالحب لو كبر من صغر قدام الكل واصبح علن كانها انجاز وبنحصل عليه مكافأة ان حفظنا هالحب من صغر لين الكبر ،، محد يبيع حبه برخيص ولا حد يبيع ربيعه برخيص انت اخترت تكون شريكي مدى الحياة وانا اخترت اكمل هالدرب وياك انته بالذات مب ويا غيرك ،، كل هالكلام وصراع كان في عقل شموخ اللي كانت تايهه وهي تشوف حمده كيف تتكلم عن شعور سعود واحساسه انتابتها غيره من بنت اخوها على سعود ما تبا حد يفهم سعود الا هي وبس ما تبا حد يفهم احساسه ،، شعوره ،، هي الفنان اللي يرسم لوحة سعود فهي لازم اللي تفهمه وتتقنه رسمه ومعرفة ذاته ما تسمح لاي فنان اخر يمسك عنها ريشه ويوضع لها لمساته على لوحتها الخاصة فيها لسعود تراجعت بنظراتها وراحت صوب أمها وابوها وبسوم وهي تزفر بضيق قعدت معاهم وهي تقول: نورررتي بنت فهد .. بسوم بضحك: النور نورج غلايه .. ضحكت ع أمها وهي يايبه سهيل وتقول : انتي بس تفكرين في بطنج جان فكرتي بها المسكين اللي يصيح من ساعه.. ضحكت بسوم وهي تنغزها وطالع ابوها: والله ما يبته ونسيته ولدج مب ولدي انتي اكليه.. ضحكت عليا وهي تقول: عسىىى بس تاخذين لج واحد يادبج ادب ويطلع عينج يا بسوم يا قلبلة النخوه .. شرقت بالاكل وهي تقول: كح كح ليش يمه حرام عليج اتقي الله فيني ... عليا تاكل سهيل طالعته بحرقة عين وهي تقول: متقية الله ولله الحمد الدور والباقي. عليج انتي تتقين الله فيني وفي هالمسكين اللي مايعرف ربه ما ذنبه شي .. قامت بسوم وشلته وهي تقول: حاضرين امي العزيزه عشانج نستوي له بيبي سستر بس اسحبي الدعوه اللي من قبل شوي ... ضحكت عليا وهي تقول:بوطي راسي لو ربع ساعه ضحكت شموخ وبسوم تقول: زين زين الوالد قدامج في الحجره خذي راحج وضحكتت...... : : : أيقنت أن خوفك على الذين تحبهم قد يفوق أحيانًا خوفك على نفسك، وأن لاشيء يُعادِل لحظة الطمأنينة التي تغمرك عندما تدرك أنهم بخير .... إلى كل الذين نحبهم :كونوا بخير لأجلكم أولاً، ثم لأجلنا فإن مايمسّكم يمسّنا ...نعيذكم بالله من نوائب الدهر، وكوارث الزمن، و من الشرور ، و المساوئ، و الأخطار �� : : : وعَسَى اللِّيَالي بالوصال رواجعٌ فَيَعُود دهري مصلحًا مَا أفسدا : : : فهد كان يتكلم بالتلفون في الغرفة داخل يريح وهو يسمع صوت الباب ينفتح وما لتفت عارف انها هي قال: هيه صح صدقك بس ساعات الواحد تجبره ظروف يسوي أشياء غصباً عنه ،، انزين يا غانم انته كلمة حرمتك وعيالك ،، كيف وصية راشد عليهم انزين هيه راشد بيملج قريب بحمده نعم انه عادي عندي راشد ولد اختيه واعقل عني وافهم عني في الحب ليش اظلمهم وهم يحبون بعض ،، لا الله بخليهم يملجون ويستانسون كمل كلامك شو تقصد به ،، انا اشرف ع عيالك لا اسسف غانم تبا عيالك قول لامك انك معرس وييبها البيت عندكم ،، هذوه سهيل ولدي اكبر مثال عند امه وخواته واخوانه غالي كانه ياي من امهم مب من ام ثانيه محد مقصر فيه ،، اهم شي يا غانم انته اذا تباها يوم تظهر من السجن بسلامه ييييها عند امك وابوك بس شوي شوي ع قلب ابوك يا غانم. دور راحته واشتري رضاه ورضى امك ،،هاه انتهى الوقت المحدد للمكالمة زين الغالي برايك الله يحفظك واي شي تباه وقاصرنك بلغني تسلم ي غانم ربي يحفظك فداعة الله ... : : : سكر تلفون ولف عليها شافها واقفه بحيره وطالعه بعيون متشتته وفيها تساؤل تجاوزها بضحكه وهو يدخل الحمام لكن قبل لا يدخل قال: خلي كرامتج تجاوبج على فضولج وتسالج عن سؤال اللي في عيونج ودخل الحمام وسكر الباب .. |
حمدلله على سلامة بسوم
كلام حمده ل شموخ صحيح بارت رائع ومميز في انتظار الباقي الله يعطيك العافية انتظر انا:3 z o t e (101)::3 z o t e (61): |
كل بارت انزله عشان حماسج لانى احب توقعاتج
|
| الساعة الآن 04:07 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية