 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - خاطري مكسور من قسوة زماني كاملة
(http://www.gsaidlil.com/vb/showthread.php?t=41451)
تابع"
ياسر:يارب الساعه تشير للعاشره صباحا >< ياسر فتح عيونه وشاف شذى نايمه ع صدره وباسها ع خدها وصحت من بوسته وباابتسامه قالت وبحب:صباحك سكر يااجمل صباحتي ياسر:صباحك عسل ياعسل فديتك شذى قامت وغسلت وجهها ونفس الشي ياسر ياسر:متى تبين تروحين لأهلك شذى بشوق :الحين اشتقت لأمي :بدلع طفولي: ابي امي ياسر:يله حبي جهزي عمرك تجهزت وركبو السياره وانطلقو لبيت ابو راشد وصلو البيت و نزلو وطقو الباب وطلع لهم راشد وكان يناظره بنظرات تحرق تخوف موت ياسر خاف من نظراته شذى قربت لاخوها وقالت:راشد وش اتفقنا عليه و ين الوعد راشد يناظر بياسر بعصبيه وقال:انا عند وعدي يله ياسر وش تنتظر ماودك تورينا عرض كتافك شذى راحت عند ياسر وقالت بهمس:ياسر حبي رح انت الحين فديتك وبعدين اذا اقنعتهم بدق عليك وبقولك تجي اوك حبي ياسر يناظرها بنظرات حزينه وقال:اوك طيب اذا ممكن لاتحرميني صوتك شذى:اكيد ياقلبي بدق عليك كل يوم يله حبي رح انت الحين ياسر:اوك مع السلامه انتبهي لعمرك شذى:اوك وانتبه لعمرك ياسر راح وماكان وده يروح وقلبه وروحه مو معه بس غصب عنه راح شذى ركضت لحظن اخوها وقالت:يوه ماني مصدقه اني رجعت لبيتنا مره ثانيه راشد دخلها البيت وحط يده ع كتوفها وقال:الحمدالله ع السلامه يالغاليه شذى:الله يسلمك يالغلا راشد:الوجه مورد والصحه تمام قولي لي وش سوى لك ياسر وانا المتوقعين انك بتجين وحالتك حاله شذى تصرف:بقولك بعدين الحين خلني اروح لامي اشتقت لها دخلت للبيت وامها شافتها و بفرح :شذو بنتي شذى ركضت لحظن امها وصارو يصيحون وبعدها لحظن اختها وبعدها لداليا وخالتها والبقيه وجلسو مستانسين برجعتها وقالت لهم كل شي صار مع ياسر <<مب كل شي الاشياء الي تنقال فقط>> وهم مب مصدقين وتحاول تقنع فيهم والي اقتنع والي مااقتنع والي جاه النوم ومو مركز معها شذى حست بلي فيهم النوم وقالت:شكلكم تعبانين يله روحو ارتاحو انا جيت خلاص شوفوني رحو ارتاحو داليا ضحكت وقالت:الحمدالله يارب يله انا بخمد عيوني تتسكر غصب عني والكل قالو نفس الكلام وراحو ينامون وبقت شذى وقالت تروح لراشد شذى كانت ماشيه للمجلس و ناسيه ان عمها وعياله فيه وفتحت المجلس و ناظرت الي فيه وتمنت الارض تنشق وتبلعها وقفت من الصدمه معد قوة ع المشيه تحس رجليها انشلت راشد قام بسرعه لعندها وسحبها وطلعها برى >< نايف منهبل من جمالها:ياويلي وش هالملاك الي تو دخل علينا تركي:هذي شكلها شذى نايف:وانت وش دراك لايكون تقزقزهم تركي:لا انا مره التقيت شهد وقاله السالفه نايف:وتشبه لاختها تركي:واحلى منها بعد نايف:يابختك ياخوي لو انها ماتحب هالياسر كان خطبتها واي تأخذ العقل تركي:اعقل لو سمحت نايف ضحك:زين ياتروك بنعقل ياحظك يا ياسر والله وعرفت تختار تركي:يارب يسكت يارب يسكت تخيل ابوي سمعك نايف:خلاص بسكت اوووه (وترى كل هالكلام كان بصوت واطي مرررا) >< |
راشد:وش فيك وش جابك عندنا
شذى وجها صار الوان من الحياء وقالت بحرج:اسفه والله كنت ناسيه راشد:احمدي ربك ان عمي نايم ولا كان صارت علوم المهم وش كنتي تبين شذى:استقت لك وابي اسولف معك راشد:اجلي سواليفك فيني النوم وتعبان موت شذى:نوم العوافي الا و ين مجود وفوازو راشد:نايمين شذى:ياحبني لهم زين انا رايحه سلام راشد:سلام ولا عاد تنسين مره ثانيه شذى بحياء:اوك وراحت لغرفتها شذى:يازينك ياغرفتي اشتقت لك اه يأحلى غرفه بالكون ورمت نفسها ع السرير بفرح ودقايق الا جوالها داق بنغمة رساله فتحتهاhttp://forum.xcoollx.com/images/smilies/frown.gifفديتك ياهوى نفسي مع الشدات خاويني فديتك لاقسى وقتي علي وناحت أشجاني أبيك في لحظة الفزعه تحط يديك بيديني وأبيك لياشكيت الياس تكون بساحة أوطاني أبيك البلسم لجرحي وأبيك النوم في عيني وأبيك اللي ليامني صحيت ألقاه بأحضاني طلبتك يابعد ذاتي أماااااااااانه لاتخليني تراني لو رحلت أبقى ضحية كيد عدواني سألتك بالله الواااالي سألتك لاتجافيني لأني أمووووت بغيابك ياروحي وجثماني معي واصل مشاويرك أواسيك وتواسيني معي إبقى مثل ظلي حذااااري لاتعداني أبي منك الوعد إنك على غيري تبديني وأنا هذا وعد مني ماأبيعك وأشري الثاني وإذا بلسانك الصادق نطقت وقلت تغليني أنا بأعلن خبر عاااااجل تعالوا إقروا إعلاني أبكتب داخل الإعلان إلى من صار يغليني إلى قلبي إلى عمري إلى من صار يهواني إليك أهدي نغم شعري وكل عرق نبض فيني وإليك أهدي شذى عطري وياسميني وريحاني وأبكتب داخل الإعلان وصيه كان شاريني معي بالطيب عاملني ولاتجرح بهجراني ومهما تقسي الدنيا علينا لاتعاديني ولاتسعى أبد في يوم في عندي وعصياني أبيك دكتور لآلامي من أحزاني تداويني وأبي لاكفت أبصاري تكون النور لأعياني وأبي لافاضت أنفاسي تكون أول معزيني وأبيك بيدينك الثنتين تلف الجسم بأكفاني وبعد ماأكون في قبري تذكرني وتبكيني وأكون حزن على بالك ماتغفل وتنساني أبي لاقالوا العذال وش اللي بينك وبيني؟ تبسم وتدمع عيونك من الحسره وفقداني وتجاوبهم إني حي وبالأضلاع تخفيني وإني سلوة الخاطر معك لاصرت وحداني أبيك تقول هو مامات أحاكيه ويحاكيني أبيك تقول هو موجود وخبيته بوجداني أبيك تقول هو دمي اللي في شراييني لأنك دمي اللي كان يضخه عرق شرياني وأبي لازادت جراحك تخيلني وتناديني وتفتش داخل شعورك وتهمسلي وتلقاني وإذا طال السفر إقرا كتاباتي ودواويني وقل ياكثر ماخلي كتب لي شعر وأهداني ترى لو للقصيد عيووون والله ماتقديني لأني للقصيد عيون وإسمك رمز ديواني وترى لو للحروف أهداب تعجز لاتغطيني لأني للحروف إيحا ووحيك سر لإذعاني تداركت الزمن يمك الا ياليت يمديني أخاف أجيك متأخر وسيف الوقت ياطاني نسيت من أجلك الصادق اللي الروح يعطيني وجاري المسح للباقي وأنت اللي تكفيني حرام أحط معك غيرك وأحبك وأظلم الثاني كفايه أنت في دنياي أمل باقي يسليني أمل صوته إذا ضاع الأمل ألقاه بأركاني كفايه همسك الحاني إذا جاني يدفيني ويبدد وحشة ظروفي وتشرق فرحة أكواني تراك بعالمي شمعه تبدد ظلمة سنيني وتراك بدنيتي دنيا لها لون وشكل ثاني أنا سميتك الدنيا وأنته وش تسميني؟ ودنيا" مابها حسك ماأبيها وعمرنا فاني!! ) شذى تقراها ودموعها سيول ودقت عليه وهي تصيح ياسر والعبره خانقته:هلا روحي شذى:هلا حبي وش هالرساله حرام عليك قطعت قلبي ياسر:آآآآه <وكانت هالآه تحمل معاني كثيره تعني الالم الحزن القهر شذى:سلامتك من الآه يابعد قلبي ياسر:حبي معليش تخليني شوي شذى:لا ياسر:ربي يخليك شذى:طيب ياروحي بس ربي يحفظك طمني عليك ياسر:اوك ياقلبي حافظك الرحمن >< شذى تصيح ياربي وش اسوي يارب تساعدني ع اقناعهم يارب لازم اخلي راشد يقرأ رسالة ياسر اكيد بيصدق انه يحبني ولا طمعان بفلوسنا مثل ماقال عمي طيب الحين ليه عمي قال هالحكي معقول يكذب علينا مستحيل حتى لو يكذب ليه يكذب وش مصلحته معقوله احد لاعب براسه وقايل هالكلام عن ياسر بس حتى ليه قال هالكلام لعمي بالذات ومعقوله ابوي كان رافضه لهالسبب طيب لو مثلا فيه احد لعب براس ابوي وعمي لا وش هالكلام وش هالخرابيط حتى لو فيه وش عرفه بحبنا طيب ليه مايصير قريب منا وحاقد علينا بس انا ماحولي حاقدين اللهم لك الحمد يمكن احد من الي حاقدين و يكرهون ياسر لازم اسأله واشوف وارسلت لهhttp://forum.xcoollx.com/images/smilies/frown.gifهلا حبي كيفك الحين قلبو عمري بسألك سؤال لاترد عليه الا لما تتأكد من الجواب اوك س:انت فيه احد يكرهك او حاقد عليك؟) قراها ياسر وارسلhttp://forum.xcoollx.com/images/smilies/frown.gifهلا عمري انا الحين احسن فديتك وش هالسؤال الغريب بصراحه ياكثرهم ليه دنيتي؟)) شذى قرتها وارسلتhttp://forum.xcoollx.com/images/smilies/frown.gifبعدين اقولك دنيتي) ياسر دق عليها شذى ردت وقالت :هلا وغلا هلا بالطش والرش والبيض المفقش هلا بالغالي هلا بكل دنياي ياسر بنبرة حزن:الله الله كل هذا لياسر شذى:روحي وقلبي وعمري و يستاهل اكثر من كذا ياسر نفس النبره:يابعد عمري شذى:يؤ يؤ وش فيك وش هالنبره بصوتك تراها ذابحتني ياسر ع حاله:وش فيه صوتي طبيعي ياروحي شذى:لا يادنيتي مو طبيعي ربي يخليك مابي هالحزن تكفى ياسر:تأمرين امر الا وش هالسؤال الغريب شذى قالت له كل الي جاء بالها ياسر:يمكن ليش لا بس من هو الي حاقد علينا لهدرجه شذى:مدري حاول تتذكر منا منا ياسر جلس يتذكر و يحاول يتذكر وماجاء احد باله وقال :محد جاء بالي الحين شذى:مو تقول انهم كثير ياسر:الا بس ادور الحقير الي بتوصله حقارته لهدرجه شذى:انا حاولت أتذكر منا منا مالقيت لي اعداء ياسر تذكر واحد وقال:بس بس اكيد هو مافيه غيره شذى:منو عمري ياسر:هذا سافل كان حاقد علي ليش اني محبوب من كل الي حولي و هو محد يحب جلسته ولايطيق شوفته وكان دايم يشوش الي حولي علي وماقدر واكيد قدر يفر راس ابوك وعمك شذى:طيب هو وش دراه ياسر:انا اقولك اول مابديت اشتغل الكل كان ملاحظ علي نشاطي واجتهادي ومستغرب وكل مايسألوني أقولهم عشان عيونها اسوي كل شي وجاء يوم من الايام ومسكوني وجلسو يحاولون فيني اقولهم قصة هالوحده الي ماخذه قلبي وروحي و دنيتي وصار يحاولون و يسحبون مني الكلام لين عرفو قصتنا وانا ملاحظ ابتساماته الخبيثه من بعد ماقلت لهم ان ابوك رفضني وماكنت فاهم وش يقصد فيها الحين فهمت الحقير الحقود النذل وش يقصد عمري شذو شذى:هلا نبضي ياسر:دقايق واجي لبيتكم خلي اخوانك وعمك يكونو موجودين شذى:ليه ياسر:كلها كم دقيقه وتعرفين يله حبي سلام شذى مب فاهمه وش يقصد وقالت:اوك سلام دقت ع اخوها راشد وقالت لاخوها انو بعد كم دقيقه وبيجيهم ضيف وحاول معها يعرف الضيف وماقالت له بعد ساعه الا كم دقيقه طق الباب وفتحو الشباب وتفاجؤ بياسر و احد ثاني معه واضح انه متبهذل وحالة امه حاله راشد بعصبيه:نعم وش بغيت ياسر:جايب الحقيقه ومسك الرجال الي معه وقال: قولهم حقيقة ياسر ابونايف بعصبيه:حقيقتك عارفينها ما يحتاج اثباتات ماجد:عمي خلنا نشوف وش بلاويه الثانيه الي مانعرفها الرجال(إيمن):اذا ممكن تسمعوني للأخير وبعدين احكموا ع هالرجال الطيب طبعا يأشر على ياسر الكل شوي وبتطلع عيونهم من مكانها ابو نايف:ادخلو داخل مب زينه وقفتنا بالشارع راشد يأشر ع ياسر و يقول:هذا مايدخل بيت ابو راشد إيمن:والي يخليك خله يدخل انتم ظالمينه وانا اكثر واحد ظلمته وقالهم انه كان يكرهه وراح لابو راشد وفر راسه عليه راشد من العصبيه عطى ايمن كف جامد ابو نايف:لا ياراشد مب كذا ايمن:خله انا استاهل استاهل حقدي و نذالتي هي وصلتني لهالمستوى الدني استاهل ياسر يناظر لراشد وراشد ناظر له وابتسم وقرب له وحظنه وخر منه وحط ايده ع كتفه وقال:انا اسف ياخوي اعذرني ياسر:عاذرك ياخوي لو بمكانك سوت مثلك واكثر ابو نايف:انا اسف ياوليدي اعذرني واعذر عمك بو راشد ياسر:معذورين كلكم ايمن ارتاح وريح ظميره وراح عنهم ماجد:حياك يالنسيب تفضل ياسر:يوم ثاني ان شاء الله تركي:والله ماتحرك الا لما تتغدى معنا وتتعشى ياسر رفض لكن حاولو فيه لين وافق دخلو المجلس وطلع راشد ودق ع شذى وقالها تنزل تحت شذى نزلت وقالت:هلا رشود راشد باابتسامه:هلا سوي القهوه والشاهي لزوجك شذى بتعجب:زوجي راشد:ايه ياسر عندنا بالمجلس شذى بصدمه:ياسر راشد:ايه ياحبني له شذى بااستغراب:ياحبني له وش صاير وش قلب حالك راشد:لحظه خيتو ثواني دق ع ياسر وقاله يجي برى وطلع ياسر وشاف شذى وبفرح قرب لها وقال:الحمدالله بانت حقيقة ياسر حبيبك شذى بعصبيه:رويشد ياسروه وش صاير راشد:قول لها وش صار ياسر:قال لها السالفه من _الى شذى:وغريبه جاء معك بهالسهوله ياسر:اللهم لك الحمد اصلا هو كان ناوي يعترف من اول بس ماشافني الا اليوم و يوم شافني ماصدق وحكى لي وش سوى وطلب مني السماح شذى:الحمدالله دام انه اعترف واعترف بغلطه يله عن اذنكم عندي شغل ياسر بلهفه:وين تو نا ماشبعنا راشد دفه بيده وقال:بس ذبحت اختي شوي شوي عليها ياسر:راشد وش رايك نستعجل بالعرس قبل ماتطلع مشكله جديده وانجن عاد شذى استحت وراحت راشد:الي تشوفه وتعال خلنا نتفق مع عمي ياسر:مشينا |
****
ماحدث بعد ذلك ام ياسر اخيرا اقتنعت ورضت ع شذى واهلها بعد مااقنعوها وحاولو فيها يسرى و ياسر وثامر واخيرا تركي خطب شهد وصارت ملكتهم مع ملكة داليا ابو داليا بدت تطور علاقته مع بنته وياسر وشذى واخيرا بيجتمعون بلى خوف من البعد واتفقو يصير زواجهم وزواج داليا بعد شهر وطبعا تركي وشهد توهم ع الزواج مر شهر كامل ع كل هالاحداث وجاء يوم زواج شذى و ياسر و داليا وسالم **** ريما:تدرون مو مصدقه ان شذى و ياسر زواجهم اليوم دلع بفرح:ياحليلهم الله يوفقهم يارب دانه:انا وشهد بنروح لهم بتروحون معنا ريما:اكيد يله **** ام راشد:هاه ياام ياسر طاح الحطب ام ياسر:اكيد ياوخيتي هاه عسى عروستنا مبسوطه ام نايف:الا بتتشقق من الفرح ام دلع:وبنتك يام نايف وش اخبارها ام سالم:تعرفين حركات العرايس دلع وخجل ياحليلهم الكل ضحك يسرى جت لهم وقالت:جعله دوم بس وش السالفه ام ياسر:خلي اللقافه عنس وانا امس يسرى بدلع:يمه انا مب ملقوفه بس احب اعرف كل شي الكل ضحك على خبالها ام ياسر:يله يام راشد كنك ماتبيني اشوف مرت ولدي ام راشد ضحكت وقالت:الا يله حياكم الله <وراحو لهم> **** داليا بخوف وتوتر:انا خايفه شذو شذى مثلها:يعني انا مب خايفه رغم اني قد عشت معه يوم كامل الا اني خايفه ومتوتره وحاسه بيغمى علي داليا:يااختي ماننلام شهد ودانه والبنات كلهم جو عندهم دلع باانبهار تناظر بالعرايس وقالت:اوء اوء وش هذا كله وش هالزين وتسلم عليهم وتبارك ريما:لا بجد ياسر وسالم بيصير لهم شي اليوم وتسلم عليهم وتبارك يسرى داخله وهي تزغرط بااستهبال:كلولولولويش وتسلم عليهم وتقول: بالمبارك بالمبارك والله ويوفقكم و يسعدكم داليا وشذى بحياء وبصوت واحد:الله يبارك فيكم ام ياسر دخلت وشافت شذى وانبهرت من جمالها وصارت تناظر فيها باانبهار شذى تناظر فيها وتبتسم ام سالم بفرح:هاه وش اخبار عرايسنا وتسلم عليهم وتبارك داليا مبتسمه بحياء:الي يبارك فيك خالتي وشذى مثلها ام راشد:هاه ام ياسر كن بنتنا ماعجبتك ام ياسر:هاااو وش هالكلام الا تاخذ العقل بسم الله عليها وتسلم وتبارك شهد:يله كل وحده لغرفتها المزعجين سويلم و ياسروه ازعجونا بيدخلون شذى:انا بقعد بهالغرفه يسرى:لايكثر تبين تقعدين بهالغرفه الخايسه وغرفتك الي تهبل من تقعد له<لانهم كانو قاعدين بالغرفه حقت الكوافيرا شذى ابتسمت ومسكت داليا وكل وحده راحت غرفتها ودخلو المعاريس وجو الناس يباركون وزحمه وبعد ماقعدو ساعه كل واحد انطلق بزوجته لبيته عند شذى وياسر شذى مستحيه موت و عيونها بالارض ياسر بجرأه:شذو ياقلبو مبروك الحمدالله يارب وقرب لها لصق فيها وباسها مع فمها شذى خلاص ماعاد صار لوجهها لون كل شوي لون وراحت للغرفه وقفلت الباب<هههه سنعه خخخخ ياسر ابتسم وطق الباب عليها شذى مستحيه موت ولا فتحت له الباب ياسر:شذو حبي اوعدك مابسوي شي بس افتحي الباب حرام الي تسوينه فيني بأول يوم لي معك شذى انحرجت من حركتها و فتحت له الباب ياسر:لمتى بتستحين مني انا زوجك خلاص مابينا حياء شذى بحياء:ياسر هذا طبعنا البنات مانقدر نغيره ياسر:اوك حبي يله نروح لفندق نقضي فيه احلى ليله بالكون شذى:ثواني بس بغير فستاني علشان اخذ راحتي بالمشي ياسر:اوك يله شذى:ماودك تتطلع ياسر ضحك وقال:اوك بنطلع بس حطي بالك انها اول واخر مره اطلع فيها حبي شذى بتنجن منه وبتأفف:اوف طيب فهمت ياسر ضحك وطلع شذى قفلت الباب وقالت:اوف وشذا اعوذبالله ياجرآته الله يعيني عليه وبدلت وطلعت له وقالت:يله ياسر:وش رايك اوخر البشت ولا اخليه شذى بخوف:اكيد توخره تبيهم ينظلونك بسم الله عليك و ياليت تخفف من كشختك بسم الله عليك طالع تأخذ العقل ياسر بحب:تخافين علي شذى بدلع:اكيد مو زوجي و جنوني وعشقي وحبي ياسر:فديتك انا وخر البشت وحاول يخفف من الكشخه وراحو للفندق **** سالم:مبروك ياعروسه داليا بحياء وعيونها بالارض:الله يبارك فيك سالم:ياقمر عطنا وجه داليا رفعت عيونها وابتسمت ابتسامه ساحره انهبل الولد فيها سالم:يابختي فيك ياحلو داليا تناظر فيه وباابتسامه وصرفت عيونها عنه اول ماالتقت عيونه في عيونها سالم:يله ياقمر ماودك تتعشى بالفندق داليا:الي تشوفه سالم:طيب يله مشينا داليا:يله سالم:طيب حبيبتي غيري هالفستان احس انه مقيد حركتك داليا:اوك حبي سالم:يازينها من كلمه يله انتظرك برى<شوفو الذوق والادب مو مثل ياسر اعوذبالله **** وبكذا انتهت واتمنى انها تنال على اعجابكم ولاتحرموني تعليقاتكم ونقدكم ودي وحبي لكم ((دقة قلب مجروح)) |
يعطيك الف عافيه عالطرح الرائع
وربي مايحرمنا من تواجدك وجديدك وننتظر ابدااااعك الرااااقي |
400
ولا اجمل من هذا الطرح كل من يمر من هنا اجبره طرحك الراقي على الرد والاحترام الف شكر http://www.my-thank-you-site.com/ima...er_resized.jpg |
الله يعطيك آلعآفيه على جهودك
لقلبك آلسعآده :004: |
|
|
|
| الساعة الآن 05:10 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية