منتديات قصايد ليل

منتديات قصايد ليل (http://www.gsaidlil.com/vb/index.php)
-   [ابكتب من قصيدي الوزن وغيرهـ من شعر منثور] (http://www.gsaidlil.com/vb/forumdisplay.php?f=10)
-   -   غيم القوآفي يسقي ورود الأحلآم (http://www.gsaidlil.com/vb/showthread.php?t=86073)

غزلان 04-30-2016 02:46 AM

الحياه تمرني وتصد عني
صدةٍ ما اظن تاليها مواجه

آه من حظي ومن نفسي ومني
وآه من فقد الامل في كل حاجه

آلخـود 04-30-2016 11:45 AM

‏-


مدام راسك حي سقها وقدها
وان سقتها سقها وقدها علي الزين


النفس متعها ودور سعدها
بحدود مايسمح به العقل والدين ..

عذب 05-01-2016 12:10 AM

واتنفسك رغم اختناق المحاني
والقاك بسمة ترسم لضيقتي بر
يالي نسيمك لاشهقته ملاني
ارتاح له وازفرعذاب مزبر
منك الهوى ينعش خفوق الأماني
والقى الأمل في ضم الأنفاس يكبر


عذب

آلخـود 05-01-2016 12:39 AM

‏.


.
لو يعاند من،،،، يعاند ما أطيعه
لو تعذر ب أي حاجه ما عذرتك


ياخي من ربي أنا فيني طبيعه
لو تفكر بس تخسرني خسرتك
.
.

أسوم 05-03-2016 04:09 AM

الكل منا يخاف فراق
والكل منا على جوهـ

إن كنت تقوى على الأشواق
عساك منت بـ على القوهـ..

عذب 05-03-2016 10:02 PM

يامساء الحب ياسيد الخشوفي
يامساء الورد ياذوقي وحسي
ياحلا معمول من قشطة وتوفي
ياعسل سلسال ياطعم الجلكسي
كنك البدر المنور بالوصوفي
ياعبيرالورد يالعطر الرومنسي
اعشقك واهواك من دون الحلوفي
ياغلا باكرويايومي وامسي


عذب

♔ι7ѝ..♡ 05-06-2016 06:07 AM

الفرج ضيفٍ يدق البآب يالروح الشقيّه
رحبي به وآنحري للضيف ضيقة هالصدر !

لآمتى بآعيش وآنآ آعآلج الكيّه بـ / كيّه .؟
لآمتى وآنآ آعرب الفرحة ( ضميرٍ مستتر ) ؟!

عذب 05-10-2016 11:44 PM

الليل طال وضاق صدر المواعيد
يالي مواعدني بليل التعاليل
خليتني محتار يابن الأجاويد
بين الرجا واليأس ومساهر الليل
والحين وجه الليل كله تجاعيد
شاب وتغير مابقى لآخره حيل
لملم ظلامه والبقايا تناهيد
واقفى وخلاني مع الهم والويل

عذب

أسوم 05-15-2016 06:39 PM

اذا اللي قبلنا مـا علمـوك؟ ..
.. مثل من جا وصـدّر مـا روا

ونكرانك جميل اللـي هـدوك ..
.. مثل من جوّد الصقر وشـوا

وسجّ وهج عن من هم نسوك ..
.. ترى من يتبع المقفـي غـوا

عذب 05-16-2016 11:11 AM

ياعيون ترسل الحيرة نظر
والنظر من حيرة العينين طال
يا خوي السين بأطراف السطر
اسمع لجيمي على هذا السؤال
هل انا هذا الخيال المستتر ؟؟
او حقيقة جت على صورة خيال؟؟
بين رحال المنى والمستقر
غربة تلهث على موطن آمال
اركض وحلمي لغاياتي جسر
بين رغبات المحقق والمحال
مقصدي وضاح والرغبة ستر
للوصول الي دفن درب الوصال
عذب



الساعة الآن 12:36 AM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية