 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - ديوان الشاعرة / ينابيع السبيعي
(http://www.gsaidlil.com/vb/showthread.php?t=42845)
"صفحة حياتي" زهمت من جن الشعر كل مجنون ولامن زهمت الحرف اقبل وجاني يوم حضروا غنيتها عدة الحون بحروف شعر شكلت لون ثاني قطفت من روض المعاني كذا لون روض عبيره ريحته زعفراني هيجنت بحروفي من احساس مطعون ونظمتها من خاطر مرحباني كتبت حرفي والمعاني على نون من هاجس يصهل صهيل الحصاني وناديت باعلى الصوت ياشمعة الكون ياللي بصدق الذات مثلي تعاني ياللي سكنت بداخل القلب وعيون يفداك مع نبض القوافي حناني انت الذي بالكون تأمر وممنون لا يابعد من غبت عنه ونساني هذا أنا كلي مضامين وفنون والشعر باسمك لازهمته لفاني ماهمني لو كلبوهم يقولون ماهمني بالناس قاصي وداني أشوم بحروفي عن الذل والهون من فضل ربي مارضيت الهواني يحلها اللي عالم كل مكنون اللي بفضله عشت مرفوع شأني أهيم بحروف الشعر لو يعذلون اصدق حروف صغتها في زماني هاجس خيالي يرسم الشكل واللون وبصمة أبهامي حلمي الارجواني الصدق طبعي والوفا درب مسنون والعز ساسي والمهآبه مكاني صفحة حياتي مابها شك وظنون مثل الوضوح محمل بالتهاني والشاعر اللي لاحت بعينه مزون جته المعاني صادقه من معاني ماكل حرف ينكتب فيه مضمون ولاكل هاجس يستثير الاماني ماكل مظلوم به الناس يدرون ولاكل صرخه تحتجب بالمحاني يوم القصايد بين عاقل ومجنون أسمى المبادي راسخه في كياني انا عزايه بين الاضلاع مرهون عهد قطعته مانطق به لساني واصدق حروفي ترجمت كل مضمون لو تصدق اللحظات لحظة ثواني |
"شريك العمر"
مناقضة لقصيدة الشاعر القدير ناصر القحطاني "رفيقة دربي" لكل فتاة مواصفات تتمنى أن تكون فيمن سترتبط معه في حياتها كزوج يشاركها حياتها فتقول... أبي أوصف شريك العمر أعبر بالقصيد الوان وابين للملا شلي أحبه بسيد خلاني أبيه من الملا واحد عزيز وخيرة العربان أبيه بوقفته قوة جبل بالعود روياني أبيه بكلمته صلب قوي وللأسد سجان أبيه بطيبته فذ أبد ما يشبهه ثاني أبيه الحب والنخوه أبيه بصافي التحنان أبيه يحبني كلي وانا له غالي اثماني أبي عملاق با فعاله أريده بالطبع إ نسان يقدر قلبي الطيب ويمسح كل أحزاني أبيه من الشعر أبيات وحبي داخله ألحان يريح خافقي بحبه إ ذا أقبلت حياني يقول اهلا وأهلي به حبيب ومسكن وأوطان ألاقي راحتي يمه إذا بالصوت ناداني أبيه يعالج جروحي أبيه بعالمي الشطآن ألاقي دنيتي قربه ظلال وفي هتاني أبيه الحب وا لمعنى عظيم و فارس الميدان أبي الرجل الشجاع اللي يعرفه قاصي وداني أبيه مصلي فرضه أمين لطاعة الرحمان أبيه بخلقة واخلاق مكمل دين وايماني بكامل هالوصوف اللي سمعتوها عطوا العنوان أبربط اسمي بأسمه واحبه بكل وجدان |
"أرض الرسالة"
الوطن معناه يكبر بالوجود ويستمد البوح باحساس ندي له حروفي والمعاني والورود والمشاعر كنها طفل يعدي كل يوم وحبه بقلبي يزود من نهاياتي لساعة مولدي انتمائي للوطن ما هو حدود ولاقصيد ولا بساط أحمدي انتمائي يحتوي صدق العهود لانتهى بي كل معنى يبتدي حبنا للدارمن عصرالجدود ورث من جدي وابعطيه ولدي ما يزعزع حبنا هرج الحقود ومن يخون الدار لا بد يغدي الوطن شامخ رغم كيد الحسود بحكمة اللي رد كيد المعتدي الوطن يفداه ضباط وجنود وكلنا من دون أرضه نفتدي الحميا ما تبي قلب شرود والمواقف ما تبي شخص ردي للوطن نهج ومضامين وقيود وكل مسلم فوق أرضه يسعدي وبالتسامح والمبادي والصمود كل غادي للشريعه يهتدي دارنا أرض الرساله بالوجود ما وطاها كل فاسق عربدي دارعز.ودار خير.ودارجود في غلاها نقرب اكثر ونغدي والسفيه اللي جزاها بالجحود ليل يجتاحه ظلام سرمدي ومن نواها بالخديعه ما يعود يكشفه رب العباد ويقتدي دارنا من دونها نسل الفهود المليك اللي بنظراته مدي كم مسح دمعة يتيم بالخدود وفي يمينه مدة الكف بردي ربنا يحفظ لنا آل السعود وصيتهم بالعزمن فوق الجدي |
"شهر الصوم" شهر(بقدومه ) اسعدنا وزا د بنوره الإيمان لقانا ضيفنا المحبوب جانا باحسن عطوره يعطرنا بطاعاته يصفد فيه كل شيطان يجي ونزيد بالطاعه يشرفنا سنا نوره شهر في أوله رحمه هدية خالق منان وفي وسطه غفر لذنوب من طاع وسمع شوره نزيد في آخره طاعه فهو عتق من النيران عسى الله يبلغ المؤمن صيام يزيد بسروره يجينا في السنه مره ولا من ضيع العنوان يسجل بالذكر اسمه وله في الذاكره صوره بهذا الشهر لا تنسى فقير بائس عدمان تمد ايد العطا لاجله وتجبر نفس مكسوره ومن زاده بطاعاته ربح ماهو أبد خسران لأنه كلما يعطي يزيد بجنة قصوره إلهي من عرف سري إله حاكم ديان دعيتك تغفر ذنوبي بشهر الصوم ومروره انا من هالبشر لكن يكثر مني العصيان وتغرق نفسي بلحظه مع الشيطان وحضوره انا انسان ولي اخطاء واطلب منك الغفران وتهديني وتعطيني ضوا من نور بسطوره انا ما غبت عن أمرك ولا بي هاجس غفلان بهذا الشهر واتمنى رضاك بباقي شهوره مشاعر صاغها حرفي حديث الروح والوجدان بذكر الله يزينها حروف وقاف مسطوره |
"صفحات الالماس" سطرت من قافي حروف تمارا دام الوطن حبه بلا حد وقياس صارت حروفي بالمعاني تبارا يصوغها التاريخ صفحات الالماس حروف شعري بالقوافي عذارا اتسابق الخطوات للي لهم ساس ما ينوصف بالطيب غيرالخيارا اللي لهم في قمة المجد مقياس حكام نجد وطيبهم ما توارا وافعالهم من دونها قوة الباس اهل الوفا والجود سر وجهارا اخوان نوره صيتهم يرفع الراس عبدالله اللي بالوفا ما تدارا مليكنا اللي يعتلي كل نوماس رعايته للشعب رمز وفخارا واحساسه اكبر من حروف بقرطاس ويمناه سلطان الكرم والوقارا له موقف مثل الفرج حزة الياس ونايف على صرح الأمن باقتدارا نظرات عينه كنها عين قرناس وسلمان عن كل المواقف يجارا ابواليتامى يحتوي صدق الاحساس يارب يا عالم خفايا النصارا يا غافر الزلات من دون مقياس ياخالق نجوم الفلك في مدارا تسترعلينا من ثعابين وانجاس تجعل ديار المملكه بالعمارا وتحفظ بلاد الخير للأمن نبراس |
"ما تنهدم دار أساس الدين بانيها"
رسمتك يا وطن صوره ما بين الروح والأنفاس نقشتك لوحه بصدري قصيده وبي معانيها رجيت الله سبحانه يحفظك من شرور الناس فديتك يا وطن روحي اكررها واثنيها كتبتك بالوفا معنى ولا له بالوزن مقياس قصايد صاغها شعري الحنها واغنيها نعم يا موطني الغالي بيومك نحتفل اعراس احبك يا وطن كلمه المعاني ما توفيها حروفي لك تطاوعني غلا وتزين القرطاس لاجل تعبير يرسم لك ولوحاتك تحليها وابو متعب هو الفارس تمكن واعتلى النبراس نبايعه الوفا منا نهني المملكه فيها وابو خالد ولي العهد ابو الخيرات والإحساس باياديه الوفا مركب وخير في مراسيها عسى الله لا يفرقهم يحيط ديارهم حراس وبااسمه يحفظ بلادي من اشباح تعاديها بلادي ومن يعاديها يهان وبالقدم ينداس ولا له في بلاد الخير مرسى في موانيها وما دامت عقيدتنا ومنهجنا على اقوى ساس ابد ما تنهدم دار اساس الدين بانيها |
"صبح تنفس" غيم الهوي قدام عيني شروقه لكن بقلبي يحترق هم واهات يقوله اللي كل بارق يسوقه يجتاح باحساسه جميع المسافات صبح تنفس في بهاه وسبوقه كنه يحاكي مهجة الروح والذات لافج في صدر الليالي فتوقه يشعل شموعه بالغلا ضوح نجمات يسهر على ذكرى حبيب يشوقه ويقول تو الوقت بدري و لا فات ذكراك بلسم خافقي وانت ذوقه يامرحبا فيها الى منها جات طيفك كما مزن ترزم بروقه عطاه دائم والليالي مديات وحبك سرى بالقلب داخل عروقه حب يفوق الوصف في كل الاوقات غيرك بداخل ناظري طاح سوقه بينك وبينه في عيوني مسافات عزاه من روح عليك محروقه تبكي حنين وتمسح الدمع بسكات والدمع غطى كل شي يفوقه إلا الحنين اللي له سنين ما مات نزف الألم يجتاح داخل عروقه قلب تعلم في هواك المعاناة ياقلب لا يزعلك غيبة بروقه من حب قلبه يسهر الليل مابات أنصحك ساير صاحبك لا تبوقه يمكن ظروفه ماتساعد للانصات حاول وجرب واستمر في لحوقه لابد مايسقيك مره حلاوات وخلك مع اللي شفت فنه وذوقه حتى يتحقق حلم ذاتك مع الذات |
"معاناتي" معاناتي معك ماظن به ( معنى ) يترجمها معاناتي يترجمها جفاف الوقت وسنينك أنا في هالقصيد اللي تشوفه جيت أحاورها وأنا أدري من هدفها بس تاقف بيني وبينك تدورني وأنا ياحبي الاول .. ما أدورها أنا بوجهك حبيبي عن عذاب مفارقك وينك ؟ تعب كل الطريق اللي عجز حظي ينورها كأن الحظ يدري بالطريق أن الوطن عينك تعبت ولا بعد مل الكلام اللي يشاورها معاناتي تدين الوقت . ولكني أنا ادينك معك ولا معي ؟ نفس الحكايه وش يطورها مدام أن الفرح عاف الفرح وش فيه بيدينك تبيني أبني الفرحه وهم وارجع اسورها عسى يمكن تعدل بالنهايه لي موازينك نهايتها معك .. هاذي معاناتي وبلورها تراها كنز آخذته والثمن فيه أجمل سنينك |
"لا غبت عني" ودي اعانق هاجس الشوق وياك واترجم احساس الغلا يوم الاقيك اسرح على شوفك وطيفك ورجواك واعيش حبك واصدق البوح ينبيك ارسم وصالك شوق واكتبك واقراك واهديك من بوح القصايد معانيك لاغبت عني يسكن البال ذكراك من اولك بالحب لاخر أمانيك يا كل مالي : صرت انا كل دنياك والشوق يستوطن ضلوعي بطاريك خلك على عهد الوفا لا عدمناك وانا على عهد المحبه اناجيك وحلفت انا ما انساك.ما انساك.ماانساك. ولا تخيب في كل الليالي هقاويك ياللي بعيوني وين ما رحت ابلقاك وشلون ابنسى ما مضى من لياليك كل ما كتبتك زاد شوقي بذكراك يالحاضر اللي ما تناسيت ماضيك ياحلمي اللي كل ما جيت اباسلاك أصدق حروفي بالوفا تفتحر فيك |
"أعترف لك"
أعترف لك قبل اعرفك عايشه ليلي ظلام واعترف لك عن قناعه انك انته دنيتي واعترف لك بالصراحه واصله حد الهيام تسبق حروف القوافي لا ذكرتك ونتي واعترف اني أحبك من هنا لمليون عام واعترف أني ما اخونك والله يعلم نيتي واعترف لامر صوتك مسمعي حالي عدام واعترف لاغبت عني كيف تكسر همتي اعترف لك .. ياحبيبي.. بالمحبه والغرام دامها هذي الحقيقه ليه أحط بذمتي ؟ اعترف لك قبل اعرفك كنت اشوفك في المنام آصل اعماق المعاني حتى تاصل كلمتي اعترف لك قبل اشوفك شفتك بوجه الأنام في وجيه الناس شفتك يا رجاي ومنيتي انت كل شي بحياتي .. انت شفي والمرام انت ناري في غيابك وانت قربك جنتي |
خذها قصيده سرحت مع نظرة عيونك ثواني وهمس الشفايف عشت معها دقيقه وقررت ما غيرك يواسي زماني انت الوحيد اللي فهمت الحقيقه انت الخفوق اللي بحبه حواني يرسم على درب الأماني طريقه لعبت دورك في تعاسة كياني انت البحر كنه يروف بغريقه أعبر خلالك فوق شط الأماني واعيش عمري في سعاده وثيقه وان كان بحر الحب ماله مواني وصارت حياتي بين ضيقه وضيقه خذها قصيده من هجوس لفاني احساس صادق والمشاعر رقيقه لو هاجس الحرمان باقصى المحاني انخى عزومي والأيادي طليقه على ضفاف الحب ذكرى و اغاني غنيتها باحساس ما عاد اطيقه تدري من الحرمان جا ما كفاني بين المواجع والجروح العميقه وكل المشاعر والغلا والمعاني ذكرى محبه من شقيق لشقيقه |
قل احبك قلها ثاني قل احبك من جديد قل وصرح واجهر بحبي معاك لا يهمك من عذول لك يبيد ودي اسمع كلمتك واسكن هواك لا تخاف اهواك لي حبل الوريد حبك بدمي وهجرانك هلاك ما يهم اشرح وفضفض بالقصيد وافهم اني ما أنقص من غلاك كل خوفي تبتعد ادري عنيد وادري انك بالحنان الله كساك لا تقول انساك في حبك ازيد واستشف الحرف من همسة نداك وما عطيت القلب الا لك اكيد ولا افكر يوم اتعمد اذاك يا عسى ربي يحقق ما نريد وما يمر الوقت في لحظة جفاك حبي الوارف وتصوير النشيد يتبع احلامه على لمعة سناك طيعني لا تكون عن قلبي بعيد انت لي حاكم وانا بحبك ملاك لا تهد اللي بنيته ولا تعيد كسر خاطر من تعنى في رضاك تدري ان العاطفه فيني تقيد واشهد اني ضعت في عالم فضاك بس احبك قولها لي من جديد وانسى هم الكون او خله وراك |
غلطتي من عزتي للنفس ماارضى المذله ولا عاش قلب يقبل الذل منهان اللي جفاني ماتذرا بظله لو الليالي غربلتني والازمان واللي نساك اليوم ياقلب خله واللي غلط لابد في يوم ندمان ولكن!!!! غلطتي ذكرت أني نسيت وضاق بك صدري نسيت أني ذكرت وصرت أهذري بك تهادا في متاهة غلطتي عذري بأني صرت لجلك من مطاليبك كأن البوح جرح ينزفه حبري وعلى وجه الورق طاري مكاتيبك أعرف ان القصايد ماتجي جبري جفاك اللي كسرني ويش أسوي بك صغرت بعين حبك .. طحت من كبري دخيل الله هانت بك عذاريبك أحطك في عروق دمها يجري وأحس بنزف شعري يوم أهلي بك دموعك زيف وانت أدرى بها وتدري بأن دموع عينك سر الآعيبك أصدق كيف ؟ وفيك مجاهده صبري كثر ماتبعد الاقدار .. وتجيبك غلاك اللي حدود نهايته قبري يوصلني حدود الموت وأمشي بك |
راح الزمان اللي عليه المضامين راح الزمان اللي عليه المضامين ولى وقفى وما بقى غير ضيقه ضاعت حقايقنا على شوفة العين راح الرعد والبرق ولع بريقه الكل يمشي والحكايا ملايين كل يقول امشي بفعل السليقه والمرجله ماهي كلام وتدوين وماهي سوالف عن شقيق وشقيقه المرجله وقفات ما شفتها الحين الكل يلهث في خطاوي رشيقه كل على ليلاه غنى المواويل يجمع له الأموال وهذي حقيقه وين المجالس نفتقدها الى الحين ناس تجمعهم سوالف عتيقه ماهو مثل يومك حديثها شين وياما تفرق عن صديق وصديقه والناس الوان وتلقى بها الزين هو مختلط عالم وتبقى الحقيقه |
كلمة مني
يا حبيب الروح خذني في هواك ما أبي غيرك احبه واتبعه لا تظن انساك في بعدك هلاك كثر هب الريح سبب زوبعه خذني مع كل المشاعر منتآك القصد حبك عذاب وما اشبعه يا هوى بالي أعزك يا ملاك لك خفوقي واسع في مربعه كلمة أكتب معانبها غلاك كلمة تجمع حروف أربعه كلمة مني (احبك) يا ملاك وكيف ما يطلب خفوقك با اتبعه كل معنى يشهد لحبي معاك كل معنى انت فيضه ومنبعه كل حرف ينتشي لحظة لقاك (قلت احبك) إسم ديوان اطبعه |
مثل القصيده جيت حزن وكآبه مثل الورق مثل القلم والكتابه مثل الاماني والامل مثل الاحلام مثل الشجر والعشب مثل السحابه مثل العطش والراويه مثل الايام مثل الزمن والوقت مثل الرتابه مثل الحساب اللي جمع كل الارقام مثل اللحن والقوس مثل الربابه مثل الكفوف وطارها مثل الانغام مثل الغلا والشوق مثل المهآبه مثل المحبه والوفا نزف الالهام مثل القصيده جيت حزن وكآبه مثل الدفاتر والشفايف والابهام شد الخيال .. ولا تنوخ سرابه أطو المسافه بالحقايق والاوهام بين الوجوه اللي بعضها تشآبه ماجيت أسافر للبطوله بالافلام جيتك أنا والاسئله والاجابه مامثلنا مثل .. ومعاناه .. واحلام |
"شمس الوضوح" حرف الشعر في غيبتك ما عذرته وهاجس حروفي باقة من هداياك كل الظلام اللي بعيني امسحته شمس الوضوح اللي رسمها محياك نبع الحنان اللي من الشوق صغته فيه البيان اللي يترجم نواياك لي فاض شوقي لك عبيره نزفته قبل اتنقل بالغلا في حناياك والشوق واحساس الغلا ما خسرته من اول حروف الود لحدود رجواك انت المطر لا من تخيلت نبته على صحاري خافقي يوم لقياك نفحة وفا تنعش خفوق غمرته بالحب واحساس الغلا لا عدمناك يا كم حلم في غيابك كسرته ولا تمنيت بغيابك سوى رضاك انا على عهد الوفا لا ذكرته طيفن ينام بناظري ويتحراك هذا شعورن صادقن بك شعرته نبض الخفوق اللي على نيه اغلاك انا عزاي ان الغلا لك ذخرته ولوغابت عيون البشر ما تناساك |
"هاجس الخوف" أنزل قوافي وأرتحل رحلة حروف وأرحل سراب ونزلتي عاصفة ليل أرحل هجير وسكتي شمس وكسوف وأنزل جليد وخطوتي تدهش الحيل لي حرف ماياقف من الوجد مكتوف واحساس صادق والاماني مقابيل ماجيت أبقرا قصة الليل والخوف ولاجيت أبطرد هاجس الخوف بالليل جيت أستشف البوح والقلب ملهوف وأشعل بحرفي مابقى من قناديل يوم المعاني داخلي كنها سيوف والبوح نزف ونكهته كنها الهيل أحيان أحس !! وأتأكد !! ولا أشوف واسمع صدى حزني يعود مواويل وأحيان أطوف بنفسي وغيري يطوف بين الظنون اللي لها ألف تأويل وأرحل قوافي كل ماتطري حروف وألقاك فجر يكتسح غربة الليل |
حياتي صعبه من دونك
حبيبي الشوق ذابحني على بعدك غديت احزان يداري صوتك اوجاعي واطيب بنبرة لحونك حبيبي يا ضوى ايامي تجيني في المنام احيان افز من الفرح ظني عيوني اللي يشوفونك احب النوم واتمنى اشوفك حلمي الولهان حروف اسمك على اشفاتي وقلب يقول يا عونك متى تضحك لي الدنيا واريح قلبي التعبان تجي ايامنا الحلوه واغيض اللي يحسدونك احبك قلتها مليون احبك طلعها اغصان بقربك تورق اغصاني ولاالقى من يساوونك شريت ارضاك بالدنيا حفظتك ذاكره بوجدان ابد ماازعلك يالغالي حياتي صعبه من دونك ابعتبرك ربح عمري وبعدك احسبه خسران عسى الله لا يفرقنا حشا بالله ما اخونك اموت بنظرتك واحيا واحقق بك امل ولهان فديتك يا بعد عمري تراني اعشق جنونك تعال وتورق ايامي تعال وتنتهي الاحزان عطيتك كل ما عندي عساني فدوة عيونك ولك مني الوفا والحب وقلب صادق ما خان فديتك قلبي وعيوني حياتي وروحي يفدونك |
جرح الغياب جيتك اسابق هاجس الشوق من شرق حطيت وجه الغرب قدام عيني طرقت باب البعد لمواجهك طرق جيتك على مركب غلاك وحنيني لو ماسرقت الوقت لمشاهدك سرق كان اللقا ما تم بينك وبيني بامواج حبك خافقي غارق غرق تلعب بي امواجه شمال ويميني صرت اتبع اطيافك كما لمعة البرق من وين ما وجهت طيفك يجيني واللي خلق بينك وبين الملا فرق حبك غدى مثل النفس محتويني احساس حبك جاري باوسط العرق لا تشيد بصدك متاهة سنيني جرح الغياب اللي حرق خافقي حرق ازريت اضمد به مآسي كنيني |
| الساعة الآن 05:00 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية