 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية ياعيونه بس يكفيني عذاب كامله
(http://www.gsaidlil.com/vb/showthread.php?t=33242)
الجز الخامس..... وبالشرقية كانت بشاير طالعه مع متعب وسارا يتمشون على البحر بالسيارة... بشاير بملل:متعب وش فيك؟؟؟خلنا ننزل من السيارة زهقنا وإحنا قاعدين... سارا:بشاير لا تكونين بس زهقتي مننا؟؟؟.... بشاير بضجر:إيه زهقت...من طلعنا وإحنا ماغير نحوس بالسيارة... مازهقتوا بصراحه خلاص زهقت... أبي أنزل من السيارة.... متعب:من جدك تبين تنزلين من السيارة بهالرطوبه؟؟؟.... سارا وهي تساند متعب:إي صح من جدك ننزل والله فطيس خلينا كذا أحسن... بشاير:ياخي قرف نقعد نطالع البحر كذا من ورا القزاز...ماتشووف أمة محمد كلها على البحر قاعده وش معنى هم عادي وإحنا لأ؟؟؟؟.... متعب يتطنز:أهل الشرقيه متعودين على هالرطوبه... سارا وهي تتطنز:صايرين كائنات برمائيه.... متعب وسارا:هههههههههههههههههههههههههههههههههههههههههههه ههههههههههههههه ومعهم بنتهم انجود قعدت تضحك لمن شافت أمها وأبوها يضحكون... بشاير واللي كانت محتره منهم ومن برودة أعصابهم وودها تكفخهم لأنهم قعدوا يفرون فيها بالسيارة 3ساعات وما زهقوا رايحين راجعين على الكورنيش ومايبون يتحركون من عنده ولا يبون ينزلون يمشون على البحر.... بشاير بقهر:يا مصالة دمكم...من جد ماتضحكون...على بالكم هم مثلكم ضبان يتحسسون من المويه.... متعب:مين الضبان؟؟؟؟؟..... بشاير وهي تضحك:أنت بعد مين...انت ومرتك وبنتك..... سارا:ضبان بعينك...اسم الله علينا... بشاير:أجل يله خلونا ننزل نتمشى على البحر... متعب يبي يقهرها:لا يا هانم..بنقعد كذا نتمشى على البحر وإحنا بالسيارة...لا رح ننزل ولا شي.... بشاير:زين خلونا نروح نتعشى في أي مطعم...تراني ميته من الجوع... متعب :خلينا أول نشوف الشيخه انجود تبي تتعشا ولا لأ؟؟؟....(متعب يسأل بنته انجود اللي كانت تنطط ورى بالسيارة)انجود بابا...تبين تتعشين ألحين؟؟؟.... انجود وهي تلعب:بعد سوي(شوي) بابا.... متعب وهو يضحك يحر بشاير:ههههههههه أمرك يا الشيخه..... بشاير وهو منقهره منهم:والله مو انتوا الغلطانين الغلطانه أنا اللي أجي معكم...يا أسرة الهبال أنتوا....الحمدلله والشكر على بالهم أسرة مثاليه سعيده..... سارا وهي تضحك:أسره مثاليه سعيده...غصبن عنك....هههههههههههههههههههه بشاير:جب زين........ *** وفي بيت عبير كان الكل مجتمع على العشا باستثناء متعب وزوجته وبشاير طالعين يتمشون بس الباقي كلن مجتمع عندها... أم بندر:عاد تصدقون...تركي من جد اشتقت له...ماني مصدقه أن امس كان زواج تركي.. حصه متفاعله مع السالفه:إي والله صدقتي يام بندر...الله يحفظه ويسعده إنشالله... فاطمه بضيق:من وين بتجيه السعاده...وهو متزوج حيالله(قالت كلمتها الاخيرة باستحقار) حصه وهي فاتحه عيونها على الآخر:فاطمه!...عيب هالكلام...وشو حيالله؟؟؟... فاطمه:والله يا عمه...تركي يستاهل وحده أحسن من كذا؟؟؟؟...مو هاذي اللي مدري من وين جايبينها..... حصه عصبت:فاطمه والله لو يسمعك تركي اخوك...ليزعل عليك...عيب هذي مرته... وأم عياله مستقبلا...وبعدين تعالي خلاص هذي صايره منا وفينا...والبنت والله مانقصها شي أبد علم...جمال....وأخلاق...وتربيه زينه...وبنت أصول... أم بندر:فاطمه هذا كلام تقولينه؟؟؟....شذى خلاص اللي يمسها يمس تركي فاهمه.... فاطمه سكتت وهي معصبه وقعدت تطالع في عايشه اللي أبتسمت لها ابتسامه بمعنى الله يعينك... كانت نوف قاعده بطرف المجلس معهم وهي تطالع حركات أمها وكلامها وباقي شوي وتصيح...من القهر إنه تكون امها كذا...نوف بخاطرها(ليه يايمه كذا؟؟؟والله عيب حركاتك هذي.المفروض تكونين سعيده بزواج خالي تركي.وبعدين خالتي شذى شكلها طيبه.وش اللي ناقصها عشان ماتبينها....بس الله يعينك على نفسك ويعينا عليك).... كانت نوف بعد مقهورة إن أمها ماخلتها تروح تتمشى مع بشاير...وقعدت محبوسه مع العجايز على قولة بشاير..... وبهاللحظه تدخل عبير ووراها الشغاله معها صينيه فيها كاسات عصير...راحت عبير وقعدت بين أم بندر أختها وحصه...والشغاله قعدت تدور عليهم بالعصير... عبير بابتسامه:حيالله أختي أم بندر أنورت الشرقيه بوجودك..... أم بندر:منورة بأهلها..... عبير وهي تحط رجل على رجل:عاد تصدقون إنه رجلي تعورني من العرس... حصه:هذا من الكعب اللي تلبسونه...الوحده لابست لي كعب طول الفيصليه وماتبي رجولها تعورها.... عايشه:لزوم الكشخه يا عمه...وش فيك... أم بندر وهي تضحك:ماعليكم منها...حصه هذي ماكانت تلبس إلا كعوب بأيام شبابها... بس ألحين...السن ومايسوي.... حصه:مو بس أنا هذا كل الناس أول ماكشخوا...وعرفوا يلبسون....ذاك الزمان... عبير وهي تضحك:عجيب والله...أجل أنتوا مهوب هينات...وألحين ليش ماتلبسون كعب هاه؟؟؟؟..... حصه:ألحين نطلب الله حسن الخاتمه...وبهالعمر زين إذا قدرنا نمشي...عادك تبين تلبسينا كعب؟؟؟؟.... أم بندر:والله يا حصه كل وحده تتكلم عن نفسها...إنتي اللي عجزتي...ولا أنا باقي شباب... حصه:شباب في عينك...إلا عجوز منتهيه... أم بندر:أنا اللي عجوز منتهيه يا عجوز قريح؟؟؟؟... حصه:أقول يا شينك اسكتي...تبي تعيش عمرها وعمر غيرها... ام بندر:بلاك غيرانه إنك عجزتي...وأنا باقي شباب... حصه:أي شباب...أنتي شفتي وجهك بالمنظره... ام بندر:انتي اللي شوفي وجهك بالمنظره...قد انخفس من كثر التجاعيد الله لا يبلانا.... حصه:وانتي اللي عمرك واصل الواحد وسبعين...وباقي عايشه...اللي مثلك قد فنقشوا... ام بندر:هذي أنتي...ولا انا اللي يشوفني يقول انا وبنتي فاطمه خوات...ما كأني امها... عبير ماتت من الضحك بينهم...تبيهم يسكتون بس خلاص عجايز ويتهاوشون وش تسوي بهم...ونوف بعد تضحك وحست إن الزهق اللي فيها راح...وحتى فاطمه وعايشه قعدوا يضحكون... وما قطع هالهوشه إلا اتصال جا لجوال أم بندر... أم بندر: ألو....(وما قدرت تمسك نشيجها)تركي يابعد عمري كيفك؟؟؟...وش مسوي؟؟؟.. إنشالله وصلتوا بالسلامه.... وبالجهة لثانيه بالعالم كان تركي يكلم أمه...كان توه طالع من المطعم هو و شذى اللي مسكها تركي مع يدها من أول ما طلعوا...كانت حاسه بالخجل بس في نفس الوقت كانت حاسه بالارتياح والطمأنينه...كانت تناظر الناس والبنيان من حواليها...كان كل شي غير ....غير اللي تعودت عليه من أشكال الناس للعمارات تدل على سرعة التطور هناك...كانت مرة سعيده خاصه إن المطعم اللي دخلوها كان مره روعه...بس تركي اللي اول ماخلصوا اكل على طول طلع معها وقال لها ا التمشيه هنا ما تصلح للعوائل بالليل...واقترح تركي إنهم يرجعون مشي الفندق.... وقطع عليها تفكيرها صوت تركي وهو يمد لها الجوال ويقول:أمي تبي تكلمك... ابتسمت له شذى وأخذت الجوال منه... شذى:هلا......... ام بندر:هلا والله بهالصوت... شذى:هلا فيك يا خاله.... ام بندر:عسى ماتعبتوا من السفر؟؟؟... شذى:لا والله ماتعبنا.... أم بندر:هالله هالله في تركي...وبعمرك... شذى بابتسامه تطالعها تركي اللي بادلها بابتسامه أحلى:لا توصين حريص خالتي... ام بندر:يله أجل في أمان الله...وسلمي لي على تركي...وروحوا ارتاحوا يقول تركي إنكم ما ارتحتوا....من وصلتوا.... شذى:أجل يله خالتي ما اطول عليك مع السلامه.... وأشر لها تركي إنها ما تسكر وتعطيه الجوال....أعطته شذى الجوال.... تركي وهو يكلم أمه وفك يده من يد شذى...وطوق خصرها بيده... تركي:هلا يمه.....تآمرين على شي....تسلمين يا الغاليه...(ويناظر شذى)والله مالنا غناة عنك...فديت هالصوت والله وراعيته...بشتاق لك مووووووووووت....وسلمي لي بالله على اللي حولك....مع السلامه... شذى هنا ماتت من الغيره بس ما حبت تبين وكأنها تتفرج على العالم...وهي تقول بخاطرها (ألحين أنا العروس ولا هي...قاعد يتغزل في أمه...ما كأنها عنده من زمان...كأنه أول مره يسافر بعدي عنها...وأنا المسيكينه عروس توني أمس متزوجه...ولا سمعت هالمدح كله... صدق حظي ردي تزوجت واحد طايح تغزل بأمه...)... شذى حبيبتي وين وصلت؟؟؟.... شذى لا شعوريا بعصبيه:المريخ....(استوعبت)..أووه لا أبد أتأمل اللي حولي... تركي:مو كأن تأملاتك زايده شوي..... شذى(تغير السالفه):تركي أحس إني مرهقه من السفر وش رايك نرجع الفندق...أحس إني مرهقه.... تركي عرف إنها تبي تغير السالفه وجارها:تصدقين حتى أنا دايخ...وهذا إحنا أصلا راجعين الفندق... |
الجز الخامس..... ورجعوا الفندق....أول مادخلوا دخل تركي ياخذ له شاور...واستغلت شذى الفرصه وراحت تنسدح على السرير بالسويت ترتاح تنتظره لمن يطلع وتاخذ لها هي شاور بعد...بس النوم سلطان....وماحست بعمرها إلا وهي بسابع نومه... أول ماطلع تركي من الحمام وشاف شذى نايمه انقهر وقال بخاطره(هذا واجد معطينها وجه ..سكتنا أول مره ومصختها)... بس لمن قرب منها وشافها عرف إنها نامت من التعب وناظرعلى الكرسي وشافها مجهزة ملابسها عشان تاخذ لها هي بعد شاور....بس لمن أبطي عليها تركي...أو بالأصح إنها ماعاد فيها صبر تنتظر نامت بهدومها...تركي دخل قبلها الحمام عشان ماتنام قبله...بس الواضح إنها بتنام قبله....سواء دخل بعدها....أو قبلها... تركي بينه وبين نفسه(يا بعدهم ياشذى...والله شكلك تعبانه ياقلبي)<<<وينها تسمع كلامه؟ وأخذ تركي الفراش وغطاها ودخل جنبها بهدوء ونام...لأنه هو بعد تعبان موت... وما صدق يحط راسه على المخده.... وناموا الإثنين ووراهم يوم حافل بباريس ينتظرهم..... *** سعود يكلم جوال:خالد أقول أمي عندك؟؟؟...... خالد:إيه تعشت عندنا...صباح الليل تسأل عنها.... سعود:كنت طالع...واول مارجعت للبيت مالقيتها.... خالد:هي جات عندنا من المغرب...زهقانه وتبي توسع صدرها... سعود:إيه أكيد...مو من بعد وحيدتها اكيد زعلانه وزهقانه....تلقاها بكره...تقول خلونا ننقل الرياض...ونسكن عند المدام شذى.... خالد وهو يضحك:تسويها ام محمد...بس اسكت لا تسمعك.... سعود:هههههههه...أجل يله اقلب وجهك أبي أنام ودايخ وقول لأمي إني سألت عليها... عشان ماتقول إني قاطعها وما أسال عنها وأنا في نفس البيت...الله العالم لو تزوجت ماعاد تشوفني إلا بالاعياد....طبعا كله هذا كلام الوالده الله يطول عمرها...حشى ماني بولدها كذا خالد:يله أنت اعطيناك وجه ومصختها....خلاص باقولها إنك سألت عنها...يله مع السلامه...طووووط....طوووط.... سعود وهو يناظر الجوال:من حسن حظك يا خالد إني دايخ ولا كان رحت لك البيت... وعلمتك كيف تفكر مرة ثانيه تصكر التلفون بوجهي...بس يله الجايات أكثر من الرايحات.... الجزء السادس.... كانت حوالي الساعه تسع الصباح... أول ماقامت شذى من النوم قبل تركي...تلفتت حولها وتبي تستوعب وين هي.وبعدين تذكرت إنها بباريس وقعدت تطالع بعمرها.وشافت نفسها باقي بملابسها ماغيرت حست إنه يبيلها شاور،ناظرت بتركي اللي باقي مستغرق بالنوم وابتسمت لأن شكله كان دايخ مره انسحبت بهدوء من الفراش واخذت ملابسها اللي مجهزتها من اليوم اللي قبله ودخلت الحمام وهي حاسه بالفرح ماتدري إيش سبب هالشعور... وبعد ما طلعت من الحمام وهي حاسه بانتعاش... ناظرت تركي باقي نايم... جففت شعرها بالمنشفه...ومشطته كله على ورى.وماشغلت الإستشوار عشان لاتقوم تركي...وبعد ماخلصت حست بفضول وراحت تطل على الشارع من النافذة و شافت الناس والحركه بالشارع قايمه ناس رايحه وناس جايه كان ودها تنزل...بس مايصلح تنزل وحدها...و تستحي تكلم تركي وتقومه عشان ينزلون...أخذت جوالها اللي حولته دولي وطلعت من الغرفه للصاله عشان تكلم اهلها اللي ماكلمتهم من تزوجت...فتحت الجوال اللي كان مغلق من المطار ومافتحته...وبحركه سريعه دقت على بيتهم بالسعوديه... ابو محمد:نعم... شذى لمن شافت ابوها هو اللي رد عليها ارتبكت ماتدري إيش ترد عليه:هلا يبه...شخبارك؟... ابو محمد متهلل:بخير الله يسلمك...وش علومك إنتي...إنشالله زينه؟؟... شذى:الحمدلله زينه يبه...أنتوا وش مسوين إنشالله كلكم بخير... ابو محمد:الحمدلله كلنا بخير...ونسلم عليك... شذى:أقول يباه وش اخبار أمي واخواني إنشالله بخير؟؟؟... ابو محمد:كلهم بخير ماعليهم خلاف... شذى:زين يباه امي قريبه...أقدر اكلمها؟؟... ابو محمد:هي قامت الصبح...ورجعت ألحين تنام لها شوي...تعرفين امك نومة الضحى ماتفوتها.... ضحكت شذى:هههههههه إي والله يباه وأنت صادق... ابو محمد:تبين اقومها لك؟؟؟.... شذى:لا يباه مالها داعي...إنشالله مره ثانيه... ابو محمد:هاه إنشالله وصلتوا بالسلامه...إلا شخبار تركي؟؟؟.. شذى:بخير... ابو محمد:هو قريب منك اعطيني إياه اكلمه.... شذى:لا والله يباه هو نايم.... ابو محمد:اقول شذى اسمعي باقولك...اللي يوصيك عليه رجلك سويه...ولا تطلعين من شوره...إنتي الحين في بلاد غربه...وماله داعي اكثر عليك الكلام...وصيري مطيعه وخلي أخلاقك حسنه...أبيهم يقولون فيصل عرف يربي... شذى بخاطرها(لو ماقلت هالكلام ماكان صرت أبوي) قالت له:إنشالله يباه... ابو محمد:اجل يله ما اطول عليك...بلغيه سلامي... شذى:يوصل يباه....وسلم لي على اللي حولك...وخاصه امي قولها إني دقيت وسألت عنها ...واخواني كلهم... ابو محمد:يوصل...يله مع السلامه... شذى:مع السلامه... واول ماصكر الجوال...ناظرت قدامها إلا تشوف تركي واقف قدامها وعاقد يدينه على صدره... شذى:صباح الخير.... تركي:صباح الخيرات...إنتي بعدين معك؟؟؟.... شذى اخترعت:إيش؟؟؟.... تركي:لا أبد سلامتك...(يعقد حواجبه)إنتي ماتعرفين إني معك؟؟؟...ليش ماتقوميني؟؟؟.. دايم الآنسه على بالها إنها قاعده لحالها .... شذى:خفت اقومك ازعجك...هذي كل السالفه...مو مسألة إني قاعده لحالي... تركي:ما أدري عنك...تنامين قبلي(انحرجت شذى لمن قال كذا)تقعدين قبلي...ترى ما احب اكون كذا...مالي داعي... شذى وهي فاتحه عيونها:من قال إنه مالك داعي؟؟؟؟... تركي:إنتي بتصرفاتك...المهم مره ثانيه إذا قمتي قبلي..قوميني معك زين؟؟؟.... شذى وهي لاويه بوزها:إنشالله... تركي وهو يناظرها:كأن كلامي مو عاجبك؟؟؟؟.... شذى:المسألة مو كذا....المسأله ما احب احد يتأمر علي... تركي:انا ما تأمرت...انا قاعد اقولك إن إحنا بشهر عسل وتونا متزوجين يعني ماله داعي إنك تصيرين لوحدك...عمرك شفتي شهر عسل واحد لحاله؟؟؟... شذى:لأ..... تركي:أوكيه خلاص....بس لايكون أفطرتي بعد؟؟؟ شذى:لا باقي ما افطرت.... تركي وهو يناظر الساعه اللي كانت تسعه ونص...:اقول شذى يله امشي خلينا نطلع نفطر برى... شذى:طيب...بس توني مكلمه ابوي ويسلم عليك... تركي:الله يسلمه.... دخل تركي عشان يغير ملابسه...وقعدت شذى تفكر من جد يقهر...يتأمر علي على باله ابوي على غفله...مايصير كذا...انا لازم اكلمه إنه لا يتكلم معي مره ثانيه بهالطريقه... وقعدت تحاسب نفسها وتلوم عمرها(يا ربي أنا ليش مارديت عليه...كذا انا طالعه سلبيه... هو لمن يشوفني سلبيه كذا رح يزيد فيها...انا غبيه كان زعلت وسويت فيها قضيه عشان يتأدب ولا عاد يعيدها....خلاص انا هالمره بعديها...بس إذا سواها مره ثانيه...والله لأسوي من الحبه قبه...عشان يعرف إني ماني سهله)... ولمن شافت تركي طالع وهو لابس دخلت وأخذت تدور لها لبس تلبسه يكون حلو ومحتشم بنفس الوقت... بالأخير قررت تلبس تنورة طويله لونها بحري مع قميص أبيض...وإيشارب ملون بدرجات البحري مربوط حول عنقها بطريقه شوي مهمله وحجاب أبيض مطرز من على الأطراف ببحري...كان شكلها مره حلو...ولمن دخل عليها تركي وشافها قعد يناظرها من فوق إلى تحت... ولمن شافته يناظرها كذا قالت:وش رايك ؟؟؟؟.... تركي يستعبط بس مسوي فيها جديه:رايي شكلك عادي... شذى ناظرته بنظره حاولت تبان فيها طبيعيه...بس كانت من داخل تغلي وتفور...وبان هالشي عليها...بعدها لفت على التسريحه وكان بيدها كحل تبي تحط لها.... وماحست إلا بتركي واقف وراها وحاط يده على كتفها ويقولها:أمزح...والله إنك قمر... (وسحب الكحل من يدها) والكحل مو ضروري تحطينه...كذا إنتي حلوة...وبعدين ما أبي الناس يشوفون حرمتي متكشخه،اموت من الغيره انا لو اشوف احد بس يناظرك...الجمال والكحل والخرابيط...خليها لمن اكون انا وإنتي لوحدنا بس.... هنا شذى ماقدرت تحبس ظحكتها...ضحكت لمن عرفت إن تركي لهالدرجه غيور... تركي:يالله مشينا خلينا نلحق الوقت... شذى:يالله هذا انا خلصت... وأخذت شنطتها وطلعت هي وإياه.... |
تابع الجز الخامس..... من اول ماهم نازلين...ويد تركي ماتفارق يد شذى...ونزلوا ودخلوا مطعم...وقعدوا يفطرون فيه...شذى من أول ماقعدت وتحس عيون تركي رافضه تفارقها في البدايه حاولت تنطش وما كأنها لاحظت هالشي...بس ماقدرت تستحمل خاصه إنها ماتحب احد يناظر فيها ...أما هو تركي اول مره يتأملها كذا...كان هو سرحان فيها يحس إنها بريئه...ومره مملوحه...قعد يتأمل هالإنسانه اللي رح تكون شريكة حياته وأم عياله... شذى وقفت عن الأكل وناظرت تركي وقالت بحيا:تركي شيل عيونك عني...انا ما احب احد يناظرني كذا... تركي وهو يحط يده على خده:ليه ماتبيني اناظرك حرام؟؟؟...أنا قعد أتامل الجمال اللي خلقه الله... شذى ماتت من الحيا(بسرعه تستحي):بس إنت تربكني كذا؟؟؟...انا استحي ما احب احد يطالعني ويتأمل فيني كذا؟؟؟.... تركي(يستعبط):مشكلتي إني ما اقدر اشيل عيوني... شذى:ليه قالوا لك مغناطيس انا؟؟؟... قعد تركي يضحك عليها:هههههههه حلوة مغناطيس... شذى تبتسم:أنا ادري عنك... وتجي النادله حقت المطعم معها الفاتورة...وتعطيها تركي...كان تركي يبي يحر شذى... قعد يطالع بالنادله الشقراء واللي كانت لابسه قصيير لحد نص الفخذ...وأعطها الفلوس وتم يسولف معها شوي ضحك لها...وعاد هذي النادلة ماصدقت تركي يعطيها وجه...وتمت تتظحك في وجهه ساعه...وأعطاها تركي بخشيش...وقبل ماتروح سلمت عليه مصافحه وراحت.....وشذى مثل الاطرش بالزفه...ماعرفت ولا كلمه...طبعا كانت منقهره ومبققه عيونها على الآخر...من جد مايستحي هالرجال...عروسته جنبه ويطالع بالشقرا الماصخه.. وبعدها لف تركي على شذى وقام وقال لها:يالله حبيبتي...قومي نطلع من المطعم نتمشى... شذى:نتمشى هاه؟؟؟...إنت ماتستحي تطالع بهالحرمه كذا قدامي...وأنا قاعده قبالك..على الأقل احترم وجودي.... تركي ببراءه :أنا وش سويت ليه معصبه كذا؟؟؟؟.... شذى معصبه:تركي لا تصير كذا ما كأنك داري باللي صار...ترى عيب اللي سويته قبل شوي... تركي:ليش تزعلين؟؟؟...عادي قاعد اناظرها المره حلوه... شذى بقهر:حلوه؟؟...إلا وع خايسه تحوم الكبد...شهباء استغفر الله كأنها مريضه... تركي مات من الضحك لمن قالت له شذى كذا...عرف إن الغيره اشتغلت...قالها تركي ببرود:والله مرتي ماتبيني اطالعها...بعد مايصير تحرمني من إني اناظر بعد غيرها... شذى بخجل:من يقول إن مرتك ما تبيك تناظرها؟؟؟... تركي مسوي بريء:هي.... شذى:يعني؟؟؟.... تركي:يعني من جدك شذى وش اسوي لها إن ناظرتها قالت ما احب احد يناظرني...وإن ناظرت غيرها...قالت لا تناظر...يعني بالله إيش أسوي مايصير امتع نفسي بالجمال؟؟؟... شذى بخجل:لأ...مرتك تقول ناظرها ولا تناظر غيرها...لأنها بتموت مكانها... تركي بابتسامه:الله كل هذي غيره فيها؟؟؟.... شذى:تقول مثل زوجها بعد هو غيور.... تركي:قولي لها أجل إن زوجها مايحب البنات اللي يستحون...يحب وحده جريئة معه... شذى بتحدي:بس حلاة البنت حياها... تركي وهو يسحبها مع يدها يقومها ويمشي هو وإياها:حياها مع زوجها الزايد يخرب عليها قولي لها تركي يقولك خففي حياك عاد تراه بيطفش زوجك عنك... شذى بابتسامه: أحاول... تركي وهو يحط عيونه بعيونها:يسلم والله لي هالعيون... ماقدرت ترد شذى عليه غير إنها تلف تناظر قدام...والضحكه شاقتها شق.... بالظهر كانت مها مرة خالد ببيت ابو محمد...تبي تقعد مع ام محمد اللي عرفت منها الليله الماضيه كيف إنها ماتطيق البيت بعد شذى...مها كانت تدري إن مريم ماهي قريبه من ام محمد عشان تواسيها وتخفف عليها..... مها و ام محمد واقفين بالمطبخ يحظرون الغداء لهم... مها:اقول خالتي وين مريم من جيت ماشفتها؟؟؟... ام محمد:والله ما أدري عنها يا مها من قمت الصبح ماشفتها... مها:ليه...طيب وين بناتها؟؟؟... ام محمد:من أمس عند اهلها...والله إني مشتاقه لهم...من بعدهم هم وشذى البيت ماعاد ينطاق يا بنتي... مها بخاطرها(من جد ياسخفك يا مريم،هذي حركه تسوينها بخالتي...قلنا عليك حركات... بس هذا مب وقته...لحركاتك)... مها تبتسم:الله يا خالتي...الصراحه لو تجين تقعدين عندنا كم يوم...صدقينا بنفرح ونتشرف بوجودك...على الأقل تغيرين الجو شوي عليك دامك مكتئبه من جو البيت... ام محمد بابتسامه:الله يخليك يا مها إنشالله ويرزقك من عنده...بس تدرين البيت هذا كله قايم على راسي وما اقدر اخليه لحظه... مها:طيب مريم بدالك تمسكه هاليومين...وكل عصريه روحي شوفي البيت وارجعي مره ثانيه ترا الجدار بالجدار يا خاله... ام محمد:أدري...بس ابو محمد وسعود مارح يخلوني...وانا نفسي بعد ماتطاوعني اترك بيتي... مها:حتى بيتنا يا خالتي بيتك...ولا قولي إنك ماتبين تجينا؟؟؟.... ام محمد:بالعكس الله العالم إني احب ازوركم...وأرتاح في بيتكم...ومثل ما قلتي الجدار بالجدار ومارح يردني شي بإذن الله إذا بغيت ازوركم.... مها وهي تناظر ام محمد:على راحتك يا خاله مارح اظغط عليك...بس كنت أبي أغير الجو عليك شوي دامك مضايقه... ام محمد:الله يكتبه في ميزان حسناتك...,ادري عن نيتك وعن طيبة قلبك...بس يا مها خلينا نعجل شوي بالغداء...حتى لا يعصب علينا ابو محمد.... مها:إنشالله...بس بسألك يا خالتي دقت شذى عليكم من تزوجت؟؟؟... ام محمد بحسره:إيه دقت اليوم الصباح بس القهر إني كنت نايمه؟....لو دريت إنها بتدق ماكان نمت... مها:زين كان دقيتي عليها لمن قمتي؟؟؟... ام محمد:قلت لأبو محمد يدق...بس رفض وقال لي لاتزعجينها البنت توها متزوجه خليها تفضى لرجلها شوي...هي مهوب ناقصه دموعك... مها بابتسامه:وهو صادق يا خالتي...شذى توها عروس خليها تستانس شوي... ام محمد بحب:بس اشتقت لها موت يا مها أحس إن لي سنه ماشفتها.... مها:ماعليك...هي بتدق عليك اكيد هي مشتاقتلك بعد...ولا تنسين يا خالتي هذي هي سنة الحياة ....أكيد امهاتنا اشتاقوا لنا لمن تزوجنا....وماودهم إننا نترك البيت...بس إيش يسوون الفطره كذا.... أم محمد:وأنتي صادقه...هذي هي الحياة... مها:يا ام حمد خلينا نعجل بالغداء على قولتك لعمي...عاد لو يعصب ما ادري إيش يسوي فينا.... ام محمد بابتسامه:إي والله وإنتي الصادقه...عاد الشيبان ما يتحملون احد يتأخر عليهم بالغداء... |
تابع الجزء الخامس..... كان يخطف النظر... يناظر فيها من لحظه للحظه...بدون ماتنتبه...أو تنتبه...ماكانت تسوي شي غير إنها تضحك...بعد ماطلعوا من المطعم...راحوا يتمشون في شارع فرانسوا...وبعدها طلعوا على شارع افينو مونتين...كانت هذي الشوارع مليانه بأرقى دور الأزياء والماركات العالميه... كانت بجد روعه...خاصه المشي فيها على الأقدام...دخل تركي وشذى محل روبرتو كفالي... اللي كان مره عاجب شذى...أكثر من غيره...وشافت فيه فستان قصير سواريه لونه أورانج مطبوعه فيه زهور بيضا...لاحظ تركي إنه عاجبها... تركي:عاجبك؟؟؟... شذى وهي رايحه من عند الفستان:حلو...كل اللي هنا معروض حلو... شذى لمن شافت الفستان عجبها بغت تشتريه...بس كان شوي حامض من ناحية السعر...والفلوس اللي معها ماتكفي... سحبها تركي من يدها وقال لها:أتوقع إنه راح يطلع عليك روعه خاصه.... وما إنتظر ردها...ونادى العامل اللي بالمحل...وأخذ يطلع من نفس الفستان على مقاس شذى... شذى استحت منه...إنه يشتري لها من أول يوم بالسفر وماتبي تثقل عليه... شذى بهمس لتركي :تركي ماله داعي تشتريه...خلاص خلنا نطلع... تركي وهو يناظرها:ليه ماله داعي؟؟؟....الفستان شكله بيطلع عليك مره حلو... شذى انحرجت من كلامه....قالت له:خلاص بعدين نرجع ناخذه خلنا نطلع... طنشها تركي...وراح للكاشير وحاسب على الفستان...طلعت شذى من المحل ووقفت برا غند المحل تنتظره يطلع...كانت مره متفشله...شذى بخاطرها(ألحين إيش رح يقول عني... أكيد بيقول استغلاليه...ياربي والله فشله...عاد المصيبه الفستان غالي...وانا من البدايه ماتحملت على طول رحت أبي اشتري...مالت علي زين؟..)... ولمن طلع تركي من المحل وشاف شذى قدامه ناظرها بابتسامه...وقال لها:لبس العافيه إنشالله... شذى بخجل:مشكور...بس لايكون كلفت عليك... تركي:تعبك راحه حبيبتي.. شذى هنا لفت على الجهه ثانيه...فخاطرها(من جد احراج)... تركي:وين تبينا نروح ألحين؟؟؟... شذى:ما أدري....انا ما أعرف شي هنا... تركي:وش رايك نروح الشانزاليزيه؟؟؟.. شذى:براحتك... تركي:نروح نتغدى هناك...ونتمشى العالم هناك شي ثاني... شذى: كيفك.... تركي:الناس هناك من كل مكان بالعالم...وتلقين هناك مشاهير...أذكر مره من زمان شفنا الفنانه الإيطاليه صوفيل لورين انا واخوياي... شذى وهي تناظره: رحتوا زين تسلمون عليها؟؟؟... تركي هنا قعد يضحك...عرف إنها غيوره...طبعا مثله...قال لها:ارتاحي ماسلمنا عليها...بس لمحناها من بعيد... شذى براحة بال:أشوى.... تركي وهو يناظرها: هي عجوز...من إيش تغارين؟؟؟... شذى باستغراب تحاول تتصنعه:و مين قال لك إني بغار؟؟؟؟؟.... تركي:على العموم......إمشي خلينا ناخذ تاكسي عشان نروح.... * * * وبعد ما تغدوا...وطلعوا يمشون بالشانزاليزيه...كانت شذى مبهوره بالعالم حولها الناس من كل مكان...عرب غرب...من شرق آسيا...من أفريقيا...من كل مكان...كان شي غير عن المناظر اللي متعوده عليها...المكان عجبها حيل...كان روعه والحياه فيه ماشيه والحركه مزدحمه...تركي أخذ شذى....ودخلو محل سيفورا الشهير هناك بالعطور...شذى ما كانت تبي تكلف عليه...ماشرت شي حول فيها رفضت...أما هو فراح شرى لها كذا مجموعة عطور(أطقم) حلوه مدحها له الخبير هناك... وهم طالعين...شذى بعتب:تركي ليه؟؟؟....أنا قلت لك مهوب لازم... تركي: هو صح مهوب لازم...بس نفسي أشتري لك...... شذى بابتسامه:بس أنا قلت لك ماله داعي تكلف على عمرك.... تركي:لا تخافين مافيها كلفه...وإذا فيها كلفه لك فأنتي تستاهلين...إحنا كم شذى عندنا... شذى بحيا:لا عاد تقول كذا... تركي باستغراب:ليه؟؟؟... شذى : ما أحب المدح... تركي:أول مره اشوف مره ماتحب المدح؟؟؟....بس زين قلتي لي... شذى بنظرة استفسار:ليه؟؟؟... تركي بابتسامه كلها غرور: عشان أطيح فيك مدح...عاد أنا أستانس لمن اشوف وحده منحرجه... شذى:يعني هذي متعه عندك؟؟؟؟.... تركي بتفكير:هو تقريبا كذا.....بس هي هوايه أكثر... شذى ناظرته بضحكه ممزوجه بعتب...وعقدت حواجبها...بعد كذا دفته ومشت...أما هو ضحك وبعد كذا لحقها... وبعد ما أخذوا وقتهم بالشانزاليزيه...راحوا لساحة شارل ديغول الموجود فيها قوس النصر اللي يضم منحوتات جنااااااان...تمشوا هناك...وبعدها دخلوا لقوس النصر وتفرجوا بالمتحف الموجود داخله...وبعدها طلعوا للسطح فوقه مثل المطل....كان مره حلو تشوف من هناك الشانزاليزيه كلها...والكونكورد....تشوف بعد حدائق التويلري اللي وراها....أما لمن طلوا من الجهه الثانيه فشافوا لاديفانص.... شذى بانبهار وهي تطالع:واااااااااو يا تركي المنظر مره يجنن... تركي:إيه صح....لمن تشوفين المناظر من فوق بتعجبك... شذى:ناظر.........الشانزاليزيه تشوفها كلها من هنا... تركي هنا قرب من شذى...وخطرت بباله فكره شيطانيه...وقالها: ناظري هناك...المنظر مره حلو... وشذى هي تناظر المحل اللي يأشره لها تركي...وما حست إلا بتركي يبوسها على خدها... هي هنا ما استوعبت السالفه...وبعدها لفت وهي منحرجه...أما تركي فضحك لمن شاف إحراجها... شذى باحرااااج:ليه؟؟؟... تركي يستعبط عليها:وشو ليه؟؟؟... شذى وهي منحرجه:عاد مو قدام الناس والعالم؟؟؟... تركي يقرب منها ويقول لها بهس:ترى هنا عادي...بالعكس يحبون هالحركات... شذى:بس انا ما أحب كذا قدام العالم....والله فشله... قالها وهم نازلين:لا مو فشيله يا بنت الناس عادي..... ونزلو....وراحوا بعدها على منطقة الأوبرا... دخلوا هناك أوبرا غارنييه اللي كانت مره فخمه وكبيره...اعجبهم فيها الطراز الأوروبي المبني عليه هناك....تركي قد راح باريس كذا مره...بس هذي اول مره يجي للأوبرا اللي كانت حيل حلوه....ولمن جا وقت المغرب... راحوا لمطعم لو قراند....اللي كان عجيب من ناحية طعم الأكل(انصحكم فيه)... ولمن خلصوا العشا... طلعوا على اللوفر.......المتحف العالمي اللي يضم الموناليزا...ومنحوتات و لوح...وتحف تاريخيه...وممتلكات الملوك...وفيه بعد الجناح الإسلامي....اللي موجود بقسم(ريشليو) لأن اللوفر مقسم للثلاث أقسام هي(ريشيلو,دونو،سوللي).... طلعوا منه وشذى عاجبها المتحف اللي ما تفرجوا فيه كله لأنه مره كبييييير...بس راحوا بعض الأجنحه والأقسام المهمه....وراحوا يشوفون الأشياء اللي يبون يشوفونها...وطلعوا منه على الساعه السابعه مساءً..... وطلعوا بعدها على طول على الفندق....لأنهم حاسين بالتعب... شذى:تركي...مابقى مكان مارحنا له... تركي:لا حبيبتي...باقي أشياء كثيره مارحنا لها...مثل إيفل...الكونكورد...حدائق التويلري..نوتردام...لاديفانص...غابات بولونيا و فانسن....وفرساي.....ملاهي ديزني... وسوق قاليري لافاييت...عجيب هالسوق...إنشالله أوديك له...(وناظر شذى وقعد يستهبل عليها)وباقي بعد مارحنا اهم مكان.... شذى باستغراب:وشو؟؟؟.... تركي:باقي مارحنا الليدو؟؟؟.... شذى وهي تناظره بتساؤل:وشو الليدو؟؟؟.....(مسكينه ماتعرف)... تركي متحمس:هذا الله يسلمك...ملهى مرقص...رهيب يجونك البنات فيه ما أدري من وين جايين ... شذى تناظره بقهر....يزيد فيها:ياهم حلوات...مزايين...اللواحد هناك يروح...ويخق عندهم... شذى ناظرته بقهر بقهر وقالت له:الحمدلله والشكر...من جد مشفوح...منت شايف بنات من قبل... تركي مسوي بريء:إلا....بس هم غير.... شذى مقهوره:غير بعينك...إذا إنت لهالدرجه معجب بهالمشافيط الماصخات روح لهم... تركي:وأخليك؟؟؟.... شذى من دون ما طالع:قلعتك.... تركي مات ضحك عليها عجيبه....من جد تغار...ومن جد تصدق... مشت عنه وخلته... تركي وهو يلحقها...ولمن وصل عندها مسكها من على خصرها...فكت يده...رجع مسكها مره ثانيه.....لاحظ زعلها قال لها:من جد شوشو زعلتي؟؟؟...والله امزح انا قدر على زعلك... شذى وقفت:لحظه؟....مين شوشو؟؟؟... تركي:إنتي.... شذى:وع لا تقول لي شوشو...خير مو حلو....أحس كذا كأني رقاصه مصريه... تركي وهو يضحك على كلامها:هههههههه يعني لا أناديك بشوشو؟؟... شذى:لأ...الله يخليك.... من جد مو حلو.... ومشى هو وياها فتره بسيطه...وبعدها استقلوا تاكسي لفندق جورج الخامس.... |
تابع الجزء الخامس..... كانت ام بندر وأبو بندر قاعدين يسولفون بالصاله حقت السويت اللي هم ماخذينه بالفندق بالشرقيه كعادة ابو بندر ما يحب يقعد في بيت احد... أبو بندر:أقول يا بندر...مالك نيه نرجع الرياض؟؟؟.... أم بندر:تو الناس...مالنا أربعة أيام هنا... أبو بندر:أدري...بس ورانا شغل وأعمال.... أم بندر بضيق:بس يابو بندر إحنا صيف مايصير...لنا نقعد شوي... أبو بندر:يامره وش فيك؟...أقولك عندي شغل تقولين صيف تدرين شغلنا طول السنه مايوقف...ماله دخل صيف شتا... أم بندر:بس أنا وعدت بشاير إن إحنا بناخذ لنا شاليه هنا مدة اسبوع... ابو بندر:مشالله على كيفك توعدين البنت؟؟؟...أقول بلا كلام زايد ترى بكره رحلتنا للرياض فاهمه..وقولي لبشاير خليها تستعد بلا شاليه بلا كلام فاضي... أم بندر:حرام عليك...البنت نفسها ناخذ شاليه على البحر...ودها بالبحر... أبو بندر:حرام علي؟؟؟...أقول خليها تمشي أنا قاعد هنا على أعصابي ...الشغل موقف بالرياض...وانا والعيال كلنا هنا.... ام بندر:زين أرسل بندر يروح يكمل الشغل عنكم...وإنت وإحنا معك نقعد هنا أسبوع... أبو بندر:لا قلبي مارح يرتاح...لازم اكون هناك أنا بعد.... ام بندر:بس بندر رجال كبير إيش طوله...ليه ماينفع... أبو بندر:ينفع بندر ما قلنا شي...بس هو عضو في مجلس الإدارة...وأنا الرئيس...يعني خلينا نروح كلنا أحسن... أم بندر وماعاد عندها شي تقوله:إنشالله... ابو بندر:وبشاير مشالله عليها ما كأن عندها اهل البنت على راحتها... أم بندر:عادي عند خالتها...ومافيها شي إذا قعدت عندها... ابو بندر:زين قولي لها خل تستعد...ولا تجيني توجع راسي بالحنه تراني مهوب ناقصها... أم بندر:إنشالله..... **** أول ما وصلوا أخذت لها شذى ملابس ودخلت تاخذ لها شاور من التعب ومشاوير اليوم... وقعد تركي ينتظرها لمن تطلع.... وبعد ماطلعت لقاها تركي وقالها:حمام الهنا إنشالله.... استحت وقالت له:الهنا لك إنشالله... ولمن دخل تذكر...لا تنام هذي وتخليه(ينتظرها من زمان)... طلع لها وقالها:لا تنامين قبلي طيب....... شذى بخجل هزت راسها بالإيجاب من دون ماتجاوب... ولمن دخل....قعدت تفكر((ياربي والله إحراج......ما أقدر اقعد صاحيه مستحيه موووت...لأنها لو قعدت صاحيه تنتظره تدري إيش رح يصير.......زوتدري إيش يبي تركي..... وهي لو قعدت صاحيه بتصيح من الحيا......فقررت بعد تفكير ومد وجزر....إنها تنام قبل لا يطلع... تدري إنه بيعصب...بس والله مارح تقدر على الموقف إحرااااااج))... وبسرعه دخلت الفراش تنام قبل لا يطلع... ولمن طلع وشافها وهو واثق 100% إنها صاحيه....بس إنصدم لمن شافها نايمه... قال تركي:ياربي مع هالبنت....وش أسوي؟؟....بس مردك لي شذى... ***** وقت العشا... كان محمد بغرفته يلبس يبي يطلع..معزوم عند واحد من أخوياه... محمد:يالله مريم..تآمرين على شي؟؟؟... مريم:لا أبد سلامتك...بس لا تتأخر... محمد:خير إنشالله.. وكان محمد على وشك الخروج من الغرفه إلا تذكر ورجع لمريم... مريم:وش فيك رجعت؟؟؟... محمد:تذكرت بغيت أقولك ليش ماتنزلين تقعدين مع إمي شوي من بعد العرس ماعاد شفتك تقعدين معها؟؟؟.... مريم تتعذر:مافيه وقت...وبعدين ماجات فرصه كله مطيحه هي ببيت خالد... محمد:اليوم شفتها قاعده لوحدها...مايصير يا مريم تخلين أمي كذا لوحدها...عيب عليك... مريم:طيب محمد لا تزعل...خلاص بروح اقعد معها... محمد وهو يخز النظر فيها:ولا تقولين لها شي يضايقها أو يزعلها... مريم:ليه تقولي كذا؟؟؟....أنا ما عمري سويت شي يضايقها... محمد:لااااا مبين ماسويتي شي يضايقها...وبعدين ليش الإعتزال هنا لوحدك بالغرفه؟؟؟... مريم:زي ما إنت حضرتك معتزل على قولتك... سكت محمد وماعرف إيش يرد عليها...بس قالها:أنا مالك دخل فيني.... وبعدها طلع من الغرفه...قعدت مريم تفكر(حلوه ذي يبيني أنزل اقعد مع امه...وهو يهزأ عشان كذا...وهو بحضرة جنابه مالنا دخل فيه...لأ يا محمد أنت غلطان ولي دخل فيك)... وبعدها نزل محمد وهو طالع إلتقى مع أخوه سعود عند الباب الخارجي للبيت...سعود كان داخل...ومحمد طالع... سعود بابتسامه وهو يدخل مفاتيح السيارة بجيبه:هلا والله بأبو ريم؟؟؟... محمد:هلا فيك... سعود:وش ذي الدنيا...ببيت واحد ومانلتقي إلا بصدفه...مايصير يامحمد...ماصرت تقعد معنا هاليومين وش الطاري؟؟؟... محمد:الدنيا يا سعود...وبعدين حتى إنت لا عاد تنشاف ولا تنسمع... سعود وهو يرفع حاجب وينزل حاجب:هذا من كثر ما تسأل عني... محمد:حصل خير... سعود عرف إن محمد مستعجل يبي يطلع:أبوك يا التصريف...ياللا أجل مع السلامه... محمد يضحك:هههههههه لا والله مو قصدي تصريفه...بس مستعجل... سعود:خلاص لا تحاول ترقعها... محمد يضحك:وش ارقع؟؟؟....انت مهبول قالوا لك خياط؟؟؟.... سعود:ما اقدر أرد عليك... اخوي الكبير.... محمد:أجل يالله في امان الله.... سعود:باااااااااااااااااي.... ويطلع محمد...أما سعود فكان دااايخ ويدور الفراش مانام زين اليوم اللي قبله... |
تابع الجزء الخامس..... طبعا بشاير كانت مطيحه في بيت عبير خالتها...وبهذي السهره كانت فاطمه وبنتها نوف سهرانين عند عبير بعد... كانت السهره مره حلوه...خاصه إن فاطمه لمن تبعد عن عايشه تخف حركاتها شوي بس ابو طبيع ما يجوز عن طبعه... بشاير وهي متربعه فوق الكنب:الله لا يوريكم الطلعه اللي طلعتها مع متعب تضيق الصدر.. فاطمه بابتسامه:ليه هو إيش سوى؟؟؟... بشاير وهي تأشر بيدها:قولي من هو الخبل اللي يطلع معه هو وبنته ومرته...حشى ضبان ما يبون ينزلون من السيارة ومصكرين نوافذ السيارة عليهم...وماسكينها خط على الكورنيش رايحين جايين...رايحيين جايين...طفشوني الله يطفشهم...والمشكله إنهم مستانسين كذا...أبد والله لو إنهم على شواطئ البرازيل... عبير وهي تضحك:ههههههه طيب ليش؟؟؟.... بشاير تقلد سارا:يقولون رطوبه ما يتحملون... عبير:يااااااااااااااي ياللي مايتحملون...عادي هذا إحنا متحملينها كل سنه ماقلنا شي... بشاير وهي تضحك:يقولون إنكم كائنات برمائيه...يعني متعودين.... الكل ضحك إلا عبير... عبير وهي متخصره:لا ياعيوني مب إحنا الكائنات البرمائيه...هذا لأنكم ضبان ماتحملون الماي... بشاير وهي تضحك:هههههههه ليش عصبتي وبعدين هذا كلامهم مهوب كلامي...أدري إنهم ضبان...بس مره ثانيه لا تجمعيني معهم.... فاطمه:طيب ليش ما رحتوا مجمعات تجاريه...مطاعم...ملاهي مغلقه شي كذا مادام ماتبون الرطوبه... بشاير بقلة حيله:قلت لهم....بس يقولون زهقوا منها بالرياض...وهنا يبون شي جديد...يعني يبون البحر... نوف وهي رافعه حواجبها تبي تقهر بشاير:أحسن هذي حوبتي... بشاير:اها عشان كذا خربت الطلعه...عينك فيها... فاطمه:اسم الله على بنتي...بنتي عينها بارده... عبير وهي تضحك:فاتك امس يا بشاير نص عمرك... بشاير بحماس:ليه؟؟؟.... عبير وهي تضحك:أمك وعمتك حصه قعدوا يتهاوشون عندي أمس ولا قدرنا نسكتهم... نوف تضحك:ههههههههههه هوشة عجايز على مستوى....خطيره... بشاير معصبه:هيه إنتي ترا ما أسمحلك تقولين عن أمي عجوز...أمك هي اللي عجوز.. فاطمه ماعلقت بشي غير بابتسامه لأن امها هي وبشاير وحده...ماتقدر ترد.... عبير:خليني اكملك السالفه هم يتهاوشون وإحنا فاقعين ضحك عليهم...بس ما قعدنا ربع ساعه إلا رجعوا عادي مثل أول.... بشاير وهي تضحك:أصلا هم دايم كذا....لا تهتمين... فاطمه:أقول عبير....ماودك تعشينا؟؟؟..... بشاير تكذب:لا حبيبتي...هنا في هالبيت لازم تتعودين على الجوع...بخل والعياذ بالله... عبير وهي فاتحه عيونها على الآخر:بخل في عينك يا الكذابه...بس يا فاطمه العشى طلبته من المطعم وللحين ماجاء... بشاير:وش رح تجيبين لنا يا حسره...أكيد فول وتميس... الكل ضحك لمن قالت بشاير كذا....استحقرتها عبير وقالت لفاطمه:مأكولات بحريه طلبت ...والفول خليه بلعض الناس...شكلهم ما يأكلون ضيوفهم إلا هو... بشاير بجديه تتكلم:بس انا ما أحب المأكولات البحريه... عبير:من جد فقر....لا تخافين طلبت لك دجاج...بس يكون في علمك المأكولات البحريه أغلى شي.... نوف بفرح:الصرااااحه انا اموت على المأكولات البحريه.... ***** بالصباح الباريسي...والشمس الفرنسيه المشرقه هناك على مدينة الجمال والعطور والحب... قامت شذى على الساعه ثمان الصباح...طبعا تركي باقي ماقام.... قامت وصلت الفجر...مع إنها متاخره بالصلاه بس ماقمت على وقتها.... قعدت تفكر....تقوم تركي ولا لأ؟؟؟.... أكيد لو ما قومته بيحذفها من الدريشه من كثر ماهو معصب عليها... بالأخير قومته....وعرفت مابيصير شي الصبح؟... شذى تقومه بهدوء:تركي....تركي قوم...خلاص الشمس طلعت(حست إنها سخيفه.وشو الشمس طلعت؟؟وراه مدرسه هو؟؟)... قام تركي بسرعه(نومه خفيف)....ولمن شاف شذى استغرب تقومه(ترقع سالفة أمس)... شذى بابتسامه:صباح الورد... تركي:صباح السكر....غريبه إيش عندك مقومتني الصباح؟؟؟.... شذى:أبد ما فيه شي....بس إنت قوم صل الفجر... تركي وهو يحط يده هلى راسه:أوووه راحت علي نومه.... شذى وهي رايحه للصاله:قوم صل.....وتعال إفطر...أنا طالبه لنا فطور... تركي وهو يقوم من على السرير:ماتبين نطلع نفطر؟؟؟؟.... شذى:لأ مهوب لازم........نفطر هنا بعدين نطلع..... تركي: براحتك..... |
تابع الجزء الخامس..... عايشه كانت قاعده تجهز أغراضهم عشان بيرجعون للرياض هي وبندر وعيالها الأولاد الإثنين واللي ماعندها غيرهم فارس 18 سنه وفواز14 سنه... فارس كان طالع مع عمه متعب...أما فواز قاعد مع أمه... فواز:يمه خلينا نقعد شوي بعد هنا بالشرقيه... عايشه:لأ خلاص ما نقدر جدك يقول لازم نرجع للرياض...عشان عندهم شغل... فواز بتأفف:اوفففففففف دايم شغل مايصير يعني مارح نسافر هالسنه؟؟؟... عايشه بابتسامه:لأ... رح نسافر... بس مهوب ألحين...بنروح بعد شهر تقريبا أسبانيا... فواز:أسبانيا....بس قد رحنا لها من زمان...خلينا نغير... عايشه:كيفكم وين تبون تروحون انا معكم... فواز:طيب بنسافر كلنا قروب....ولا لوحدنا... عايشه:ما أدري والله أبوك قال هالسنه يمكن لوحدنا... ...:لأ هالسنه كلنا بنروح قروب واحد... عايشه اخترعت لمن سمعت الصوت ولفت وراها على طول... عايشه:بسم الله...بندر متى دخلت؟؟؟.... بندر:توني هاللحين.... فواز:صدق يباه بنسافر قروب مع اعمامي؟؟؟.... بندر:إيه....وبنروح يمكن أسبانيا وبعدها مصر... فواز مستانس:الله وناسه.... بندر:جهزي الأغراض بسرعه يا عايشه رحلتنا بعد صلاة العشا... عايشه:إنشالله....بس كلنا رحله وحده...ولا إحنا لوحدنا... بندر:لأ إحنا وامي وابوي وبشاير وعمتي حصه برحله وحده...أما متعب ومرته بيلحقونا بكره... طلعوا تركي وشذى...على الساعه عشره الصباح.... كان لابس تركي بنطلون زيتي مع قميص بيج ...كان شكله جرح مره حلو... أما شذى فكانت لابسه تنوره لونها عنابي مع بلوزه سوداء مره ضيقه...فوقها جاكيت طقم مع التنورة لونه عنابي يربط بشريطه من على الخصر...ولبست شيله سوداء...شكلها كان حلو وطبعا مثل اليوم اللي قبله ماحطت مكياج.... كانت مستانسه مره...وتركي بعد مستانس لمن يشوف شذى كذا سعيده... أول شي طلعوا على سوق(القاليري لافاييت) اللي كان متكون من سبع طوابق كان سوق روعه مررره حلو....تمشوا فيه وقعدوا للساعه وحده الظهر...كان تركي يرفع ظغط شذى كل شوي يقط كلام عليها وهي مره مستحيه...مره ترد....و مره تنطش...مره تزعل.... ومره تضحك (هبل فيها)... بعدها راحوا مثل المسجد الصغير كان شوي بعيد عن المركز...صلوا فيه الظهر...وبعدها طلعوا يتغدون...أختار تركي مطعم (مكسيم) يتغدون فيه...هو صدق غالي...بس أكلهم لذيذ... ولمن راحوا يتغدون...كان شذى مالها نفس تاكل...ودها تدق على أمها تكلمها... وهم على الأكل...لاحظ تركي إن شذى ماتاكل... تركي:شذى...وش فيك ماتاكلين؟؟؟....لا يكون زعلانه عشان يوم إحنا بالسوق... شذى:لا بس ودي أكلم أمي...(وبعدين تذكرت) بليز تركي مره ثانيه لا تحرجني كذا والله أستحي أتفشل...أنحرج...ما أحب...شوف لمن كنا نمشي الناس كانت كل شوي تناظر فينا... تركي بثقه: مهوب مصدقين إن تركي بينهم...وعندهم هنا...مساكين خليهم يفرحون.. شذى وهي تضحك:ترى مشكلة الثقه الزايده.... تركي:أنا ماتعني لي مشكله...... يمكن إنتي تعانين لأنك فاقده الثقه... شذى بغرور:أنا فاقده الثقه؟؟؟...... لا ارتاح يا قلبي أنا واثقه...وبزياده بعد.... تركي وهو يناظرها بفرح: عيدي اللي قلتيه... شذى من غير ماتهتم: أقولك أنا واثقه....وبزياده... تركي وهو كأنه مهوب مصدق: مو كأنك قلتي لي يا قلبي؟؟؟....ولا أنا غلطان...أو اتوهم... شذى انحرجت من تركي:إنت لا تصدق...ترى خطأ مطبعي... تركي:إنت ليه كذا مهوب رومانسيه؟؟؟.... شوفي أنا يا حليلي اللي ما كنت أعرف شي بالرومانسيه...ألحين صاير شي... شذى تناظره بنص عين: إنت ألحين رومانسي؟؟؟..... تركي: إيه.... أنا أشوف نفسي قمة الرومانسيه بعد.... شذى وهي تضحك:ههههههههههه القمه بعد...والله إنك خطير أجل..... تركي وهو يناظر يمين ويسار وبعدين يطالع لها: تبين أثبت لك رومانسيتي؟؟؟.... شذى تعرف تركي متهور بيسوي أي شي: لاااااا مصدقتك...ماله داعي الإثباتات.... تركي:لا خليني أثبت لك.... شذى وهي تقوم:لا واللي يرحم لي والديك.... تركي:زين تعالي كلي..... شذى:الحمدلله مالي نفس...بروح أكلم أمي... وراحت شذى تكلم أمها.... شذى:الو...... أم محمد:ألو.... شذى بفرح:هلا يمه شخبارك؟؟...... وكلمت شذى أمها حوالي نص ساعه...تطمنها على نفسها وتسأل عن الباقي... أستغل تركي الوقت وكلم هو بعد أمه وأبوه....اللي قالوا له عن رحلتهم للرياض... * * * * * .....حلوه باريس من فوق يا تركي... تركي:وإنتي الأحلى.... شذى وهي فوق برج إيفل مع تركي اللي طلعوا من المطعم وراحوا له...كان شذى نفسها فيه...وتحلم دايم إنها تروح له.....وتحقق حلمها بالأخير...وبعد ماقعدوا فوق نص ساعه نزلوا وراحوا يركبون جوله في نهر السين بالقارب...كانت قصيره نوعا ما بس حلوه...ما كلوا شي فيها لأنهم شبعانين...بس أخذوا لهم عصير وأشياء خفيفه... |
تابع الجزء الخامس..... بعدها راحوا لغابة بولونيا... وتمشوا فيها كانت مره روعه...فيها بحيرات وفيها جولات بالقوارب...بس ما ركبوها لأنهم كانو توهم راكبين بالنهر...وكانت حولها مثل المقاهي قعدوا فيها وأخذو لهم قهوه وبعدها لمن قربت الشمس تغرب طلعوا منها......واستقلوا تاكسي ينزلهم في بداية شارع رو فوبور سان اونوريه.... كانوا الإثنين مستانسين وسعيدين...كان الشارع فخم وحلو وما عليه كلام...وكان قريب من الفندق اللي هم ماخذينه... يتمشون فيه على الأقدام لأنه هناك المشي حلو مره.... تركي:شوشو...تبين تشترين شي من هنا؟؟... شذى بعصبيه:تركي.....لا تقولي شوشو...تدري ما احب هالإسم... تركي:أدلعك انا الحين أنتي ووجهك؟؟؟... شذى بضيق:لا تدلعني ....قولي شذى... ***** أم محمد:لا يا محمد مايصير هذا أبوك...مايصلح تقطع فيه كذا؟؟؟... محمد:يمه إنتي تعرفين ابوي هو اللي بعدني مهوب أنا؟؟؟؟....وهو اللي قاطعني... أم محمد:حتى ولو هذا أبوك...اكثر الناس اللي لهم فضل عليك...ومهما يسوي المفروض ماتقطع فيه كذا...وبعدين هو مثل ماتعرف يعزك بالحيل...ودايم يطلب رايك...وأنت ذراعه اليمنى اللي مايستغنى عنها...إنت تقدر يا محمد تستغني عن ذراعك؟؟... محمد عرف قصد امه:لأ يا يمه بس ابوي... قاطعته ام محمد:بلا بس...تعرف أبوك وطبعه شديد على نفسه قبل لا يصير شديد علينا...و صدقيني هو يفتقدك مره...وإذا على سالفة زواج شذى بتركي وقطاعتك لأبوك عشان هذا السبب...السبب انتهى...وقضينا اختك تزوجت من تركي ولا عاد باليد حيله... محمد مقتنع بكلام امه:وأنتي صادقه يا يمه...حتى انا والله إني مشتاق لأبوي أكثر مما هو مشتاق لي...وإذا هو محتاجني مره...فأنا محتاجه الف مره... ام محمد:مشالله عليك يا محمد...خلاص انتظر الفرصه المناسبه عشان تستسمح من ابوك... محمد:اللي قلتيه يصير يا ام محمد...إحنا كم أم محمد عندنا... ام محمد وهي تدعي:الله يخليك يا محمد لي...ولبناتك....ولكل اللي يحبونك... كانت ام محمد شايفه إن علاقة محمد بأبوه لازم ترجع مهما كان خاصه إن محمد ذراع ابوه اليمنى واللي مايسوي شي إلا باستشارته...وابو محمد سند لمحمد في هذي الدنيا...وانتظرت الوقت المناسب عشان تكلم فيه محمد إنه يروح يعتذر لأبوه...توقعت إن محمد سهل على طول بيوفقها على رايها...وصحيح هذا هو اللي حصل... اتوقع اليوم كفايه بس ابغا منك تقولي ايش تتوقعي شذى بيصير لها وسلمى وبشائر للكل بئختصار بس بجد حاسه بموقفك تكفخيني حلال هههههههه استنى ردك |
تابع الجزء الخامس..... طول ماهم يتمشون كان تركي يغني لشذى...وهي كانت مستحيه منها بالحيل... تركي يغني:شاغلتنا...لاحقتنا....أحرجتنا(ت ناظر فيه شذى) تركي يكمل:وإحنا تونا ما حكينا....شاغلتنا..لاحقتنا...وأحرجتنا...و إحنا تونا ماحكينا... شذى من الحيا ماتت من الضحك... تركي يغني ويكمل الأغنيه:حبيت أقول وأبعد الخوف بكلامي...جيت أطمنها وأحسسها بغرامي...قاطعتني...وهمست همس النسيم..أرجوك...ابعد ابعد ترى في الجو غيم(يدقها بأصابعه على خصرها)... هي صرخت وبعدت عنه... تركي:تونا نقول همس النسيم....هذا همس النسيم؟؟...وبعدين عيب عليك تصرخين وإحنا بالشارع شوفي الناس يطالعون فينا.... وتلفتت شذى وصدق شافت مجموعه يناظرون فيها باستغراب... شذى مفتشله:والله آسفه....بس لاتقعد تنغز فيني كذا... تركي:أوكيه...تعالي زين... شذى:إيش تبي؟؟؟... تركي بضيق:طيب قربي... شذى:بس لا تسوي لي شي... تركي:لا مارح أسوي فيك شي...أخلصي علي... قربت شذى منه...ومسكها مع يدها وصايرين يمشون....كان بينهم هدوء ماحد يتكلم... بدت شذى تغني بصوت هادي: عيشالك أحلى سنين...في العمر ياضي العين...وبقلبي ياغالي حنين وغرام....من أول يوم بهواك.... كان حلمي أكون وياك...لو يوم من عمري معاك وكتير وأنا بتمناك يا حبيب القلب واستناك....(فكت يدها من تركي وتأبطت ذراعه وسندت راسها على كتفه)....(ظلت تكمل الأغنيه وتركي ميت عليها)قربني حبيبي كمان...أنا شوقي إليك ولهان...نلاقي الدنيا حنان..نسيني معاك كل الأحزان...عشقاك وأنا مهما أقول...أنا روحي معك على طول.......أنا قلبي كتير مشغول يا حبيبي العمر بقالي زمان....عيشالك.... تركي وبيموت عليها:إيش هذي شوشو...خلاص ذوبتيني بهالصوت.. شذى ماتت من الحيا:مشكور...بس كم مره اقولك تركي لا تقولي شوشو... تركي يقهرها:بس عاجبني... شذى:عاجبك هاه؟؟؟.....إنت تقول كذا تبي.... قطع عليها كلامها بنت عمرها تقريبا17سنه واقفه قدامهم...وعيونها مليانه دموع شكلها كانت ميته من الصياح...كانت البنت بيضا وشعرها ناعم مفتوح إلى كتفها...ولابسه ميني جوب جينز...مع بلوزه كت وردي... شذى ناظرت تركي اللي كان مستغرب.... البنت: السلام عليكم ورحمة الله... استغرب تركي طلعت البنت عربيه... تركي:وعليكم السلام هلا والله... البنت:إنتوا خلجيين... تركي اهتم زيادة بالبنت:إي نعم...سعوديين...بغيتي شي... (شذى هنا ساكته ماخذه موقف المتفرج) هنا البنت ماتت صياح...شذى وتركي استغربوا...وش فيها البنت كذا تبكي... شذى تتدخل:وش فيك حبيبتي كذا تصيحين؟؟؟... تركي يناظر شذى مستغرب...وشذى بعد تناظره باستغراب... انتظروا البنت تهدى شوي وبعدين يسألون وش فيها... وبعد فترة مرت عليهم قصيره حسوا إنها دهر هدت البنت...وناظرت تركي وقالت:تكفى لا تخليني وتروح...أنا هنا ضايعه...وما أدري وين هلي...أنا سعوديه مثلكم... تركي:طيب اهدي ألحين...إنتي من متى ضايعه من أهلك؟؟؟.. البنت:من بعد الغداء....ضعت منهم... تركي:طيب أبوك كم رقم جواله؟؟؟.... البنت:أبوي مو موجود هنا بفرنسا؟؟؟... تركي:طيب إنتي جايه مع مين؟؟... البنت:مع ماما وأخواتي الكبار.... شذى:بحالكم؟؟؟.... البنت وهي تناظر شذى:إيه..لنا هنا أسبوع... استغرب تركي منها...وسألها:إنتي إيش اسمك؟؟؟... البنت:لينا... تركي:زين امشي معنا.... ومشت هي مع شذى وتركي...لأنه ماقدروا يخلونها لأن في مجموعة من الشباب الأجنبي هناك حاولوا يتحرشون فيها وهي خايفه... شذى كانت مقهورة منها...كيف تطلع بهاللبس...وكيف يسافرون لوحدهم...ما كانت مصدقه إنه فيه عائله سعوديه كذا... راحوا للفندق والبنت معهم...وطول ماهم في الطريق حاول تركي يتصل بجوالات أمها...وأخواتها...بس محد يرد عليه... |
تابع الجزء الخامس..... اقلعت من مطار الملك فهد بالشرقيه رحلة ابو بندر وأهله...راجعين لديارهم الرياض(ياحبي للرياض)...طبعا بشاير حاولت بأهلها إنهم بس لو يقعدون يومين زيادة رفضوا...وعلى طول وبدون نقاش خذوها من بيت خالتها عبير....وسافروا...انقهرت...ما امداها تمشى بالشرقيه زين...أما رحلة فاطمه وزوجها ناصر مع عيالهم فكانت الساعه وحده الليل... يعني هي معهم بنفس اليوم بس الفرق ساعات بسيطه... ***** بعد ما ردت أم البنت يمكن بساعتين...كلمها تركي وسألها عن بنتها...وأعطى لينا الجوال عشان تكلم أمها...وبعد تقريبا بنص ساعه...جات الأم اللي تعريبا عمرها في أواخر الأربعينات ومعها وحده من بناتها الكبار اللي شكلها في منتصف العشرينات...وأخذوا بنتهم مع اعتذارهم وشكرهم الشديد لتركي وشذى... عرف تركي لمن جات الأم تاخذ البنت...إن الام من أصل لبناني متزوجه سعودي...وعشان كذا كان فيه حريه للعائله...لأن الأم لبنانيه بعد ماطلعوا كانت شذى مقهورة من تركي...ومعصبه منه...ما كأنها موجوده... دخل تركي الحمام ياخذ له شاور...أما شذى فقعدت برا تنتظره هو عشان تتفاهم معاه كيف يصير كذا وهي موجوده...المفروض لمن عرف إنهم حريم خلاها هي اللي تتفاهم معاهم...مش هو... تركي بعد ما طلع من الحمام شاف شذى صاحيه فرح واستغرب بنفس اللحظه....لأنه توقع إنها تدخل تنام قبله كالعاده... تركي وهو رايح يجلس جنبها ويبتسم: شذى صاحيه تنتظرني؟؟؟...لا غريبه أكيد اليوم فيه شي.. تذكرت أو استوعبت شذى السالفه...حقدت على عمرها إنها قعدت صاحيه... شذى مرتبكه:لاااا...بس كنت...بأقولك عن هذي لينا...وين أبوها.... تركي وهو يبتسم لها: أقول خلينا من لينا ألحين واهلها...يا هلا والله بشذى... شذى خلاص متفشله ومنحرجه موووووووت... * * * * * * * * قام تركي هالمره قبل شذى.... تركي يقوم شذى عشان تصلي:شذى قومي..شذى قومي...يالله حبيبتي.. لمن قامت شذى...كانت موت مستحيه من تركي...راح تسبحت وصلت... وتركي بعد... لمن خلصت لقت تركي طالب فطور من الفندق... أفطروا ولبسوا وطلعوا يتمشون.... ***** كان مهوب عارف من وين يبتدي....كان يحس نفسه صغير قدام أبوه...وهو ما قوى شخصيته...وعلمه الأصول إلا أبوه...كان جالس قباله ولا هو داري من وين يبتدي...بس في النهايه أطلق العنان...لقلبه قبل لسانه يتكلم يقول اللي بخاطره من دون ترتيب...يعبر عن مكنون قلبه... محمد وهو يناظر الأرض:من جد يا يباه...ما أدري من وين أبتدي؟؟؟...أدري إني صغير قدامك...أحس إني ما استاهل إنه ينادونك بأبو محمد....سامحني يا يباه إذا أخطيت في حقك...أنا مارح أتكلم عن الأسباب التافهه اللي خلتني أبعد عنك...بتستغرب أقول تافهه... بس من جد يا يباه....مافي سبب في العالم يخليني اطلع عن رايك...وشورك...صدقني يباه عمري...ماحسيت بالالم كثر لمن اشوفك تصد عني...يباه إنت مثلي بالحياه...صدق إني ابو الحين...بس انا رح اظل طول عمري اتعلم منك....يباه سامحني(وبدت عيونه تغرورق بالدموع)تكفى والله إني أحس إني ولا شي...من دونك...أنقهر لمن اشوفك تقعد تسولف وتضحك مع اخواني وانا لأ.... أبو محمد بصرامه:محمد...إرفع راسك... محمد وهو يرفع راسه:سم يبه... أبو محمد...ماقدر غير إنه يرجع يسامح ولده اللي ماله غنى عنه...بغى يأدبه بس حس إنه من جد خلاص عرف وفهم كبر غلطته...فرد عليه وقال:لا تبكي يا محمد...أنت رجال... وما دامك عرفت غلطتك...خلاص أنا مسامحك... محمد بفرح وهلت دموعه:الله لا يحرمني منك يابو محمد...صدق إن قلبك كبير... أبو محمد:الواحد ماله غنى عن بيته وأهل بيته...بس أنا ما دامني قربتك لي... مهوب معناته إنك تجادلني في كل صغيره وكبيره.... محمد: خلاص يابو محمد....مالي دخل إلا في الشي اللي ترضى لي أتدخل فيه... بس أهم شي رضاك علي بهالعالم كله... وقام محمد...وراح حب فوق راس أبوه...ونزل حب يدينه الثنتين ويطلب منه إنه يسامحه لأنه من جد....حس بالفراغ والتهميش لمن بعد عن أبوه... |
تابع الجزء الخامس..... بالعصر بالرياض... راحت ام بندر وحصه مع ابو بندر لزيارة اخوه ابو عبد الكريم(ابو عايشه وسلمى) ابو عبد الكريم ماحضر زواج تركي لأنه مشلول وقاعد على كرسي متحرك...وهو أخو ابو بندر الكبير...طيب و مسالم...ماعنده من العيال إلا ثلاثه هم... عايشه...زوجة بندر... وبعدين عبدالكريم...يشتغل بالسفارة السعوديه اللي بالأردن وعايش مع زوجته هناك... وبعده سلمى...تدرس بالأردن...عند أخوها... وهذا ابو عبدالكريم هو اللي ربى سارا مرة متعب عنده لمن ماتوا امها وأبوها وهي باقي طفله ما تدرك شي من هالدنيا...غير إن خالها ابوعبدالكريم...هو أبوها...وزوجته امها... وام عبدالكريم إنسانه طيبه متفانيه في إسعاد اولادها...وتحب الجمعات...والأهل وكان ودها تحضر زواج تركي...بس ما كان قلبها يطاوعها تترك ابو عبد الكريم شريك حياتها... ما تنكر إنها كان ودها تركي يتزوج بنتها سلمى...بس هذا المكتوب وماحد يمشي على غير إرادة الله...وعسى ان تكرهوا شيئا وهو خير لكم... راح ابو بندر اللي يزور اخوه تقريبا...شبه يومي...وأخذ يحكي له عن العرس ويحسسه بأهميته...ويسأل عنه... ***** حصه:ياليتك كنتي موجودة يا ام عبدالكريم...والله إنه عرس ياخذ العقل... ام بندر:والله إن إحنا تمنينا وجودك... ام عبد الكريم بابتسامه:والله حتى انا تمنيت إني رحت...بس تدرون ابو عبدالكريم روحته صعبه...وصعبه إني اروح من دونه... ام بندر:إي صح صعبه والله تتركين رجلك وراك...بس إنشالله نعوضك بالحفله... ام عبدالكريم:ليه بتسوون حفله لتركي هنا بالرياض؟؟؟.. ام بندر:إي اكيد...تعرفين كثير من أهلنا ماحضروا....وبعدين نبي نحتفل بولدنا على طريقتنا... ام عبدالكريم بابتسامه:إنشالله اجل اكون اول الحضور... ام بندر:أكيد هذا مافيه كلام... حصه تسأل ام عبدالكريم:في احد في المجلس غير ابو بندر وابو عبدالكريم... ام عبدالكريم:لأ....ليه تبين تروحين عندهم؟؟؟.... حصه وهي قايمه:إي ابي اسلم على اخوي ابو عبد الكريم... ام عبدالكريم:هاه ما قلتي لي يا ام بندر وش ريك بحرمة ولدك؟؟؟... ام بندر:والله شكلها راعية خير.... وقعدت تسولف لها عن اللي صار بالعرس وتوصف لها...وتعرفون عاد هالسوالف عند الحريم... ***** كانت مريم ومها وام محمد قاعدين بالصاله في بيت ابو محمد يسولفون... مها:وينك يا مريم...لا عاد بينتي....وين اختفيتي؟؟؟... مريم ببرود:هذا من كثر ما تسألين عني.... مها:والله إني دايم أسأل عنك....بس إنتي اللي ما تسألين.... مريم:واااااااااااضح إنك تسألين عني...ماله داعي تقولين.... ام محمد تتدخل:مريم...والله دايم مها تسأل عنك...ودايم توصيني اسلم عليك بس انسى ما أقولك.... مريم بعصبيه:إنتي ليه يا خالتي دايم تدافعين عن مها...ووواقفه بصفها ولا ترضين بالغلط عليها...ليه؟؟؟...كل هذا لأنها من أقاربكم...وانا من برى...وهي مرة ولدك المفضله.... ام محمد مستغربه:إيش هالكلام يا مريم؟؟؟....كلكم سوا عندي.... مريم وهي معقده حواجبها:واااااااااااااضح ماله داعي تقولين...انا اشوف واسمع...دايم محد عندك مثل مها...مع إنه انا اللي ساكنه عندك بنفس البيت...ولا تحبيني كثر ما تحبينها... مها: مريم.......إيش هالكلام؟؟؟....خالتي دايم تمدح فينا كلنا وما أشوفها مره جابت سيرتك بالشين... ام محمد:لحظه يا مها؟؟...مريم حرام عليك...أنا عمري ما فاضلت بينكم عشان إن مها من قرايبنا...وإنتي لأ....بالعكس أحس كأنك مثل بنتي شذى...والله إني اعزك من معزة محمد ولدي...وكل وحده فيكم لها وصايفها اللي تحليها... مريم بعصبيه:المشكله يا خالتي...إن كلامك غير تصرفاتك...اصلا امبين إنك تحبينها أكثر.... مها انقهرت إن مريم يعلى صوتها على ام محمد فردت على مريم وقالت: مريم تراك مصختيها...بس كفايه...إذا انتي تبينها من جد تحبك....احترميها...قدريها...اقعدي معها شوي...مو كل كل شوي صاكه على نفسك حجرتك...ولا تقعدين معها ولا حتى تسولفين... مريم بصوت عالي:إنتي السوسه...إنتي اللي تحرضينها علي...اعرفك شغلك من تحت لتحت.... مها:زودتيها يا مريم...شكلك من قعدتي معنا براسك هوشه....من جد ما ألوم شذى لمن كل يوم وأنتي بهوشه معها...إذا بتقعدين معنا كذا هواش رجاءً لا تقعدين... بققت مريم عيونها:تطرديني يا مها؟؟؟....وإنتي ببيتي... مها ببرود تبي تقهرها:والله أنا ببيت عمي ابو محمد...مهوب في بيتك...اصلا لو ذا بيتك ما طبيته... قامت مريم وقالت بصوت عالي وعصبيه زايده:مالت عليك....باقوم اصلا انا قاعده مجامله لخالتي...بس ما دامكم تبون تصرفوني وتبون الفكه مني...انا بعد أبي الفكه منكم... وطلعت بسرعه وما سمعت ام محمد وهي تطلبها تقعد وتقصر الشر.... مها:خليها تذلف يا خالتي...من قعدت وهي تتحركش وتبي هوشه...واللي ما يحترمك وإنتي موجوده...مايستاهل يشاركك مجلسك.... |
تابع الجزء الخامس..... رجعوا بالليل حوالي الساعه ثمان شذى مره مبسوطه وفرحانه...وتركي مستانس بعد... ما بقى مكان ماراحوا له... راحوا لاديفانص... وراحوا مونمارت أحلى منطقه باريسيه... وراحو متحف نوتردام... وراحوا بعد ملاهي اكوا بولفار...ملاهي مائيه مررررررره رووعه... كانت طلعتهم اليوم مرررره ممتعه... وأول ما وصلوا حطوا راسهم على المخده وراحوا بسابع نومه.... ***** قامت شذى الصباح...إلا ماتلقى تركي موجود اخترعت...دورت عليه مالقته...انتظرت ساعه إلا يجي وهي حاسه إنها سنه...أول مادخل كان وجه تركي متغير... شذى مخترعه:تركي وين كنت؟؟...خرعتني عليك... وتركي يناظرها بنظره عرفت منها إنه معصب ولا هو طايق كلمه من أحد... أول ما جا قعد على الكنب وهو حاس إنه مخنوق...وقعدت شذى على الكنبه اللي قريبه منه...وهي تناظر فيه مخترعه ماتدري وش صاير فيه...أمس كان حلو وش حليله...وش اللي غير وقلب حاله كذا.... شذى بصوت هادي:تركي وش فيك؟؟...تراني من جد مرعوبه صاير لك شي؟؟؟... تركي من غير ما يناظرها:ياليت أنا اللي فيني يا شذى... انقبض قلبها لمن قال كذا...وقالت وهي تحاول تجمع كلام:ليه أحد صاير له شي... تركي يتكلم وهو متضايق يحس ماحوله هوى يتنفسه:أبوي ياشذى أمس طاح عليهم تعبان لمن رجعوا من بيت عمي...ولمن راح المستشفى قالوا إنه جاته جلطه.... اخترعت شذى...وماتدري وش تقوله أو تواسيه.... تركي يكمل:تو متعب كلمني وقال لي...هو طبعا ما كان يبي يقول...بس أمي اللي أصرت عليه إنه يقولي... لو ما قالي كان بتصير علوم...عشان كذا لازم نرجع من هنا...ونروح الرياض... أنا ماني قادر أقعد لو لحظه...حاس إني قاعد على نار... ما قدرت تعلق شذى بشي....غير إنها تقول الله يشفيه إنشالله..ويقومه لكم بالسلامه... ***** بعد ما سمعوا الخبر ألغوا باقي شهر العسل...واتصل تركي على الحجز للسعوديه لقاها فل مليانه وبعد البحث تركي من باريس ومتعب من الرياض...لقوا حجز باريس للكويت للرياض...يعني مافيه رحله الرياض باريس...قطع تركي التذاكر وهو حاس إنه بعالم ثاني...ونفسه يغمض عينه ويلقى نفسه بالرياض... ***** وتركوا باريس...وشهر العسل وراهم...ورجعوا للرياض...عشان أبوبندر تعبان وطايح بالمستشفى....تركي متوتر عشان أبوه....وشذى متأثره عشان تركي... |
الجزء السابع..... كانت الساعه الواحده ليلا...لم يكن الهدوء يعم المكان...فالناس صيف...والصيف معناته انقلاب الآيه الليل نهار والنهار ليل...ومع ذلك من المعروف أن المطارات لا تعرف الواحده صباحا...أو مساءً فالحركه مستمره ...سواء صيف أو غير ذلك.... كانوا بمطار الكويت...ينتظرون رحلتهم على مطار الملك خالد بالرياض...تركي واللي حاس إنه مهوب قادر يناظر بأحد...يحس إنه جالس على شوك...ومهوب قادر يجلس على مقاعد الإنتظار بالصاله...كان يقطع الوقت بالمشي بالصاله...ذهابا وإيابا...أما شذى فاتخذت لها مقعد بالإنتظار وجلست...ولسان حالها يقول(ياويل قلبي عليك ياتركي...والله يشفي إنشالله عمي أبوبندر)...كانت تناظره وهو يقطع الوقت بالروحه وبالجيه...وهي على حالتها تلك...استأذنتها امرأه وقعدت جنبها واللي يبدو عليها إنها في أواسط العشرينات... شذى ترد السلام:وعليكم السلام ورحمة الله وبركاته... ولاء:لا يكون ضايقتج بس؟؟؟... ابتسمت شذى لها ومن ذرابتها:لا أختي بالعكس حياك... ردت لها ولاء الإبتسامه...وقالت لها:إنتي على رحلة الرياض؟؟؟.... ضحكت شذى وقالت:إيه...ليش وش يدريك إني عليها؟؟؟... ولاء ضحكت:ههههههه لأني أنا على نفس الرحلة.... شذى:ليه رايحه الرياض؟؟؟....(تحسفت شذى على سؤالها ياربي سؤال ذكاء هذا؟؟؟؟) ولاء:أنا ماني رايحه للرياض الرياض....لأ باجي وراي رحله ثانيه على جده بعدين مكه.. لأني رايحه أعتمر ويا ريلي... شذى:مشالله رايحه عمره...الله يتممها لك إنشالله... ولاء بابتسامه:آمين...انزين وإنتي شنو لج بالرياض؟؟؟.. شذى:قصدك أنا راجعه للرياض. ولاء:ليش...إنتي سعوديه؟؟؟.... شذى تهز راسها:إيه سعوديه.... ولاء:توقعت..امبين من كلامج إنج سعوديه...انزين وش كان لج هني بالكويت؟؟؟... شذى:مالي شي...أصلا أنا نازله للكويت محطه وبعدين بنكمل... ناظرتها ولاء بنظره استفسأر...ضحكت شذى شذى بضحك:ههههههههه أكيد مافهمتي إيش أقصد...(وضحكت معها ولاء)... شذى:أنا اساسا كنت بباريس مع زوجي.... قاطعتها ولاء:إنتي متزوجه؟؟؟.... شذى بحياء:إيه كنت بشهر عسل... ولاء:يعني إنتي باجي عروس؟؟؟.. شذى وهي تناظرها:تقريبا... ولاء باعتذار:سوري إذا قاطعتج بكلامج...كملي كلامج... شذى تكمل:كنت بباريس...انا وزوجي...ووصلنا خبر هناك إنه ابو زوجي طاح مريض بالرياض...جاته جلطه الله يبعدها عنك...وقطعنا السفر وجينا ومالقينا حجز من باريس للرياض على طول...لقينا باريس الكويت الرياض.... ولاء واللي بين إنها متاثره:يوه حبيبتي آسفه إذا ضايقتج...وتدخلت في شي مايخصني... شذى:لا بالعكس عادي...زين لقيت أحد أكلمه هنا وأسولف معه شوي... ولاء:سبحان الله...تدرين بعد مكه إني بسافر باريس...ناس راده مناك...وناس باجي بتروح لها.... شذى بضحك:إنشالله ما يجيكم خبر يكدركم...إن واحد من أهلكم يطيح تعبان... ولاء بابتسامه:إنشالله بس... شذى:بس إيش؟؟؟.....(وبعدين قعدت تلعن نفسها داخلها ياربي على اللقافه ماتوقف) ولاء:ماشي الله يسلمج ويبعد الشر عنج...بس إنه أنه رايحه هناك عشان أكمل الفحوصات لأنه أنا عندي سرطان إنشالله يبعده عنج...بالرحم...وموبس أكمل الفحوصات عشان ابتدي بالعلاج هناك بعد... ولاء قالت كذا...وشذى انصدمت...حست إنه مثل اللي أحد كب عليها مويه بارده...معقوله هذي المرأه اللي باقي في عمر الزهور...يحرق عليها زهورها وعطرها...نار تشيل الأخضر واليابس...وتمحو كل شي حلو...نار مثل مرض السرطان... ولاء وهي تلوح لها بيدها قدام عيون شذى:وين وصلتي يا....ماتعرفنا على الإسم...شنو اسمج؟؟... شذى وهي تنتبه لها:هاه؟؟...انا اسمي شذى...وإنتي؟؟؟.. ولاء بضحك:ولاء... شذى تحاول تجاريها وتبتسم لها:وش فيك تضحكين؟؟؟... ولاء:ههههههه لا أبد بس أنه وإنتي داشين سوالف حتى قبل مانتعرف على اسماء بعض...كني اعرفج من زمان... شذى:هههههههه حتى أنا والله... ولاء واللي حست إن شذى انصدمت من مرضها:شذى...أكيد انصدمتي لمن عرفتي إني مريضه بالسرطان... شذى ماعلقت بس اكتفت بنظره اهتمام.... ولاء تكمل بهدوء:صج لمن دريت إني مريضه بالسرطان انصدمت...وبجيت لين حسيت عن روحي بتطلع مني...بس عقب حاولت إني أتقبل المرض...مو أتقبله إلا أحاربه وأقضي عليه (تقول بإصرار)لأني لازم أعيش بإذن الله...لأن وراي يهال لازم أربيهم...وبعدين فكرت إن المرض هذا يمكن يكون إبتلاء من الله ويجوفني إني صابره أو لا؟؟؟....الحمدلله على كل حال... شذى وهي باقي متأثره ومو مصدقه باللي تسمعه:إنتي عندك عيال؟؟؟... ولاء بابتسامه:اثنين توأم مشعل ومشاعل...عمرهم ثلاث سنين.... شذى:الله يخليهم لك....ويخليك لهم...وتشوفين إنشالله عيال عيالهم... ولاء وهي بين إنها فرحت من دعوة شذى:آمين.... شذى باقي متأثره مو مصدقه باللي تسمعه...مريضه بالسرطان...يعني بين الناس خلاص على أبواب الموت...بس بين على ولاء رغبتها للعيش...مو عشان نفسها...عشان عيالها...اكبرت شذى موقف ولاء بنفسها... شذى تكلمت بعد فترة صمت صارت بينهم... شذى:ولاء...إعذريني إذا ضايقتك بسؤالي...بس متى عرفتي إن فيك السرطان؟؟؟... ولاء تجاوب:لا عادي مافيها شي...لي تقريبا سنه...وشهرين...بس لا تاخذين بخاطرج وتهتمين عشاني...أنا عايشه حياتي طبيعيه اميه بالاميه...متوكله على الله... وراضيه بقضاءه...الحمدلله حالتي في تحسن...يقول لي الدكتور إن عندي رغبه في العيش ومقاومه المرض...ونفسيتي عاليه....كل هذي أشيا ساعدت على تقدمي بالعلاج... صج(وحست شذى إنها بدت تتأثر) إني أنا ماعاد أقدر أنجب بعد استئصال الرحم...بس الحمدالله عيالي عندي بالدنيا كلها...غير عقيم يتمنى ياهل واحد بس...وانا عندي اثنين... وماحست ولاء إلا وشذى تربت على كتفها بحنان وتقولها بصوت هادي: ولاء الحمدلله على كل حال...وإنتي قلتيها بنفسك غيرك ماعنده عيال...ويتمنون لو طفل واحد... وبعدين احمدي ربك إن عندك زوج يحبك وتهمينه... وما يقدر يشيل عيونه عنك.... ناظرتها ولاء باستغراب.......قالت لها ولاء وهي رافعه حاجبها:اشدراج؟؟؟.... شذى وهي تبتسم بخبث وترفع أحد حواجبها:ولاء مو هذاك اللي قاعد هناك زوجك؟؟؟... ولاء وهي تناظر المكان اللي تناظره شذى...إلا يطلع جد زوجها.... ولاء وهي تضحك:هههههههههههه انزين شدراج إنه هذا ريلي........ شذى وهي تضحك:ههههه من قعدنا وهو يناظر فيك...يبتسم إذا ابتسمتي...ومهوب قادر يشيل عينه من عليك....فبديهيا عرفت إنه زوجك.... ... |
الجزء السابع..... وبعدها أعلنت موعد اقلاع طائرة الرياض...قامت شذى وراحت لتركي...اللي كان مستعجل على ركوب الطائره..... * * * * * أول ماوصلوا مطار الرياض...كان الوقت فجر حيث تشابك الليل مع النهار...كان في استقبالهم بالمطار متعب أخو تركي...أول ماشاف تركي متعب راح وسلم عليه بحراره وخلى شذى وراه... متعب:هلا والله تو مانورت الرياض....... تركي:بأهلها.....إلا شخبار ابوي ألحين يامتعب؟؟؟... متعب:الحمدلله زين.... تركي:طيب أقدر اروح ازوره الحين؟؟؟..... متعب:إنت اول روح ارتاح.... تركي وبان الضيق عليه:متعب... انا الحين مارجعت إلا عشان ابوي وتقولي روح ارتاح ما اقدر.... متعب:ماقلت لك انت ووجهك....لا تروح لا تشوفه...روح له بالعصر تركي:متعب خلنا نروح الحين.... متعب:تركي...خل العناد عنك... تركي بتصميم:توديني ألحين...ولا ترى انا بروح... متعب:خلاص بوديك انت مع هالخشه... تركي:توكلنا على الله... *** ركب تركي مع متعب بالسيارة قدام...أما شذى طبعا ورى... كان تركي طول الوقت يسأل ويستفسر متعب عن أبوه وطيحته... متعب وهو يسوق ويناظر السيارات:لا تخاف إنشالله أبوي بخير.... تركي وهو يناظر متعب:زين وش أمي مسويه هاللحين؟؟؟... متعب:صابره...بس تدري خايفه على أبوي...عاد إنت تعرف أبوي كبير بالسن ومايتحمل... سكت تركي...وبعد فترة صمت قال:يمديني أمر عيها بعد أبوي؟؟؟.. متعب حب يغير الموضوع اللي شكله مضيق عليه طول اليومين الماضيه:ما أدري..بس إنتو وش مسوين هناك؟؟؟...هاه إنشالله استانستو... تركي وهو ضايق:إيه... كانت شذى تناظر تركي...وتتأمل حاله مع أخوه...كانت تلاحظ بينهم ترابط أسري كبير... واهتمام واضح بأمه وأبوه...كان من جد قبلها مألمها على أبو بندر...بس في نفس الوقت كانت حالة ولاء اللي شافتها آخر شي بمطار الملك خالد بالرياض متسربه داخل نفسها...مهيب راضيه تفارقها...وقطع عليها أفكارها صوت تركي... تركي وهو يناظر الطريق اللي سالكه متعب: متعب...وين رايح؟؟؟... متعب:بعد وين؟؟؟...المستشفى... تركي واللي بان إنه معترض:لا...أول شي البيت... متعب:توك تقول تبي المستشفى... تركي بضيق:يابن الحلال..أول شي بروح البيت ننزل شذى...وبعدها نروح أنا وإنت المستشفى... متعب واللي حاس إنه نسى شذى: طيب..(وسأل شذى)إلا شخبارك يابنت فيصل؟؟؟... شذى انحرجت من متعب وتركي...أول مره تشوف متعب و قاعد يسأل عنها... تركي وهو يكلم شذى:شذى...متعب يقول شخبارك.. شذى بصوت واطي:الحمدلله زينه... متعب يسألها:عاد إنشالله انبسطتوا؟؟؟.. شذى ماتدري إيش تقول انبسطت ولا لأ...تحس ماله داعي تقول إنها انبسطت وهم حالتهم النفسيه تعبانه عشان ابوبندر... شذى بتردد:الحمدلله... وماحست شذى إلا بالسيارة موقفه قدام بيت فخم مره وكبير في أحد أرقى وأفخم أحياء الرياض... |
الجزء السابع..... نزل تركي وفتح الباب لشذى... تركي: ياللا شذى قومي انزلي وصلنا البيت... نزلت شذى وشافت السايق جا ينزل الشنط من السيارة... تركي وهو يكلم متعب:لا تروح...خمس دقايق وراجع لك... متعب وهو يسند راسه:أوكيه...بس لو تتأخر دقيقه بامشى وأخليك... أول مادخلوا تركي وشذى البوابه الداخليه للفيلا ودخل السواق الشنط إالى عند البوابه..وخلاه تركي يطلع... تركي يكلم شذى:شوفي أنا بروح أزور ابوي...وهذا البيت قدامك... شذى تكلم تركي وهو طالع:بتتأخر... تركي وما عرف إيش يقول: ما أدري...بس لا تنتظريني... وبعدها طلع تركي...وقعدت تناظر البيت من حواليها كان قصر من جد من السقف للجدران إلى الأرضيات...كانت مرتبكه ماتعرف شي بالبيت...ولا تعرف تخطيطه ولا تصميمه... تذكرت يوم عقد القرآن(الملكه) إنها اشترطت على تركي بيت مستقل لوحدها...ونفذ لها تركي الشرط...وتتذكر كلام عبير إن البيت هديه من أبو تركي لتركي بمناسبة زواجه... نزلت الشيله من على شعرها...ومشت بالبيت أول مادخلت كان قدامها صاله كبيره مره... تتوسطها ثريا كبيره نازله من الدور الثاني...والدرج اللي نازل بشكل حلزوني...كان مره حلو. ...وطالعت كان بالصاله نفسها كذا طقم كنب بين عليه إنه من نوع غالي وذوق روعه.. وناظرت وشافت عند أحد هالكنبات تلفزيون كبير مسرح منزلي...استانست من الخاطر... تذكرت إنه كان نفسها فيه... وهي بحالتها تلك إلا تسمع صوت وراها اخترعت ولمن لفت شافت شغاله واقفه وراها لابسه تنورة سوداء إلى تحت الركبه مع بلوزة بيضا بان عليها إن هذا لبسها..لأن الشغالات بالعوائل الكبيره يكون لبسهم محدد... الشغاله بابتسامه:هالو مس... شذى واللي عرفت من شكل الشغاله إنها فلبينيه: هلا... الشغاله:ولكم تو يو هاوس؟؟؟.... شذى بخاطرها وش تبي ذي: إنتي إيش أسمك؟؟؟... الشغاله:سونيا... شذى:شوفي سونيا خذي الأغراض(وأشرت عند الباب)من عند الباب وطلعيها غرفتي... سونيا وهي رايحه:أوكيه مدام... ابتلشت شذى...وقعدت تقول بخاطرها(ألحين وين غرفتي....من جد بلشه؟).... *** راح تركي مع متعب المستشفى... أول مادخلو على ابو بندر اللي كان مستلقي على السرير الأبيض وحوله الأجهزه اللي على جسمه في كل مكان للقلب...للتنفس...للدم...انصدم تركي لمن شاف أبوه على الحاله.. توقع إنه طايح وتعبان....بس مو كذا...كان وجهه تعبان وشاحب أصفر ماكأن فيه دم...وجسمه مبين فيه الذبول...ناظره تركي بأسى...ماتوقع الجلطه كانت على أبوه قويه كذا...قاله متعب إنها خفيفه...بس اللي يشوفه إنها كانت قويه...قعد تركي يتأمل أبوه... كان مثل الجبل بنظره ماتهزه ريح لو هي قويه...كان أبوه السبع في نظره...كان أبوه القوه...الشده...واللين بنفس الوقت...كان أبوه الرجل اللي تتكسر على شواطئه الأمواج الشديده...ماقدر يناظره بنظرات شفقه...لأن أبوه مهوب الإنسان اللي ينتظر شفقه من أحد...أبوه العزه والشموخ... كانت نظراته مثل اللي مهوب مصدق...وقطع عليه سرحانه صوت متعب... متعب بصوت منخفض:تركي...ماودك تسلم على أبوي؟؟؟... انتبه تركي على كلام أخوه...وهز راسه بالإيجاب...راح تركي وسلم على راس أبوه بهدوء و باس له جبهته...ونزل وباس له يدينه الثنتين...لمن لمس يد أبوه كانت بارده...قعد تركي قابض عليها بهدوء...ماقدر يمسك نفسه أكثر من كذا وحس إنه كأنه فاق من صدمه...حس إن قلبه بينفطر على أبوه... حس باللا حيله....اتجاه أبوه... لف تركي على أخوه متعب:متعب ورى مانسافر بأبوي نعالجه برا؟؟؟... متعب وهو جالس على الكنب اللي قبال السرير:الدكتور يقول ماله داعي يسافر... تركي بخنق زايد وعلى صوته:والله إنه مهوب أبوه عشان يقول كذا..وبعدين هو ما قال كذا إلا لأنهم يبون يلهفون بهالفلوس من ترقد أبوي عندهم.... متعب: تركي...قصر حسك...ابوي مريض...وبعدين أبوي بإذن الله تعدى مرحلة الخطر... والعلاج اللي يتلقاه هنا...نفس اللي بياخذه هناك... تركي وهو معقد حواجبه: طيب أبوي هاللحين تجاوز مرحلة الخطر بإذن الله؟؟؟... متعب:ادع ربك الله كريم.... وبعدها لف تركي يناظر بأبوه اللي كان مهوب حاس باللي حواليه... ثم بعد ذلك ذهب تركي وتوضأ وراح يصلي بالصاله اللي ملحقه بغرفة أبو بندر...ويدعي الله إنه يقوم أبوه بالسلامه... ((وإذا سألك عبادي عني فإني قريب أجيب دعوة الداع ِ إذا دعان ِ فليستجيبوا لي وليؤمنوا بي لعلهم يرشدون))سورة البقرة186 |
تابع الجزء السابع..... أول مادخلت شذى غرفتها انبهرت منها...كانت كبيره بالحيل وفخمه ملحقه معها مخلع اللي كان كبير مره ومساحته تقريبا مثل الغرفه...مع الغرفه فيه دورة مياه... انتظرت الشغاله تطلع...وبعدها أخذت لها ملابس ودخلت تاخذ لها شاور...أول ما طلعت حست بانتعاش شوي...بس كان كل تفكيرها وقلبها مع تركي وأبوه... من جد كان ضايق صدرها علشان ابو بندر...مع إنه عمرها ما شافته...في ذيك اللحظات خطرت على بالها صديقة العمر ريم...هي أصلا ما فارقتها ولا لحظه...بس مارح تقدر تكلمها على راحتها مع تركي وأللحين حست إنه فرصتها...ناظرت الساعه اللي كانت السادسة والنصف...طبعا هالوقت عادي بالصيف يكونون فيه ناس كثير يسهرون هالوقت...طلعت جوالها من شنطتها اليد...لقت الشاحن مخلص والبطاريه فاضيه...راحت تدور بالغرفه وبالدولايب بس مالقت شي أغلبها فاضيه...بالبدايه حست بأحراج تقعد تفتح بدولايب مهيب لها...هي تدري إن هذي غرفتها بس ههذا اعتقاد يسري فيها ماتدري ليش...يمكن لأن البيت جديد... طلعت شذى من حجرتها تنادي الشغاله:سونيا....سونيا....سونيا... بهاللحظه جاتها شغاله ثانيه اخترعت شذى لمن شافتها...بس كانت لابسه نفس لبس سونيا... الشغاله:يس مدام... شذى باستغراب وهي رافعه أحد حواجبها:نعم...مين إنتي؟؟؟... الشغاله:أنا كاتي... شذى:تشتغلين هنا؟؟؟....(حست إنه سؤال غبي خاصه قدام الشغاله) كاتي بابتسامه كبيره طالعه منها ظروس العقل:يس مدام... شذى:أنتوا كم وحده هنا؟.(حست بالغباء زياده بس هي ماتبي تتفاجأ كل شوي طالعه لها وحده) كاتي وهي تأشر الرقم ثلاثه بأصابعها:ثري مدام... شذى:زين روحي جيبي لي شاحن الجوال...(وشذى تأشر لها على الجوال).. كاتي وهي رايحه:أوكيه مدام... وبعد كم دقيقه جاتها الشغاله الثالثه بشاحن الجوال... أول ماشافتها شذى تفاجأت....وأخذت منها الشاحن... شذى تسأل:إيش اسمك إنتي بعد؟؟؟... الشغاله:سليمه... شذى باستغراب:سليمه؟؟؟...غريبه سليمه بابتسامه:مدام...أجيب بريك فاست حق إنتي... تذكرت شذى إنها باقي على لحم بطنها ما كلت شي...من طيارة باريس للكويت...وبطيارة الرياض ماشربت غير مويه... شذى:أوكيه...بس جيبي لي كوفي...مع بريد جبن... سليمه:أوكيه... أول ماراحت سليمه...دخلت شذى غرفتها وقعدت تفكر بالشغالات كل شوي جايتها وحده... ماتدري يمكن فضول الخادمه...في معرفة سيدة هذا القصر؟؟؟... اغبطت نفسها من الداخل...وحمدت الله على كل خير أعطاه إياها... شبكت الجوال بالشاحن...وهو يشحن دقت على جوال ريم.... دقت أول مره ولم يتم الرد...ومره ثانيه وعلى الأخير بالكاد ردت... ريم مستغربه:شذى؟؟؟ شذى تقلدها:شذى؟؟؟....إيه شذى يا البطه... ريم بفرح:ماني مصدقه عمري...هلا والله أخبارك يا القاطعه...وش مسويه؟؟؟... شذى وهي تضحك:تمام...وإنتي؟؟؟... ريم معصبه:كلي تبن... لا تدقين ولا تسألين عني...ماكأني خويتك... شذى ميته ضحك على ريم:ههههههههههه لا من جد ودي أدق بس... قاطعتها ريم:ودك تدقين...أدري بقلبك تقولين وش يفكني منها(تمزح)... شذى:هههههههه طيب خليني أكمل كلامي...بس ماجات فرصه... ريم:فرصه بعينك...ليه إحنا بملعب... لو أنا من جد أهمك كان دقيت... شذى:ملعب إيش يا هبله...بس من جد ماجا وقت فراغ مناسب... ريم تبي تقهرها: فراغ مناسب....ليه قالولك إحنا بامتحان.. شذى:بعينك امتحان...ريم محد قالك إن المصاله في الدم مرتفعه عندك... ريم مسويه مستغربه:لأ..بس شكل ماجاني داء المصاله إلا وإنتي نايمه مع حبيبك في العسل... شذى تتطنز:عسل...ولا زبده؟؟؟ههههههههه.. ريم:إلا خلينا من خفة دمك...وقولي لي كم الساعه عندك بباريس؟؟؟... شذى بجديه:أنا أللحين بالرياض ياريم توني راجعه قبل ساعتين تقريبا... ريم وهي على بالها إن شذى تتطنز:شذونه...بلا هبال يللاه...وقولي جبتي اللي وصيتك عليه؟. شذى:ريم...والله أنا من جد بالرياض...توني راجعه ألحين... ريم لمن سمعت شذى حلفت سكتت... شذى:الريم وينك؟؟؟...... ريم بهدوء:أنا هنا...طيب ليه رجعتوا...مو المفروض إنكم ماترجعون قبل شهر؟؟؟... شذى:إيه...بس ماقلتك إيش صار؟؟؟..... ريم:إيش صار شذى؟؟؟.... شذى:عمي أبو بندر...أبو تركي طاح وجاته جلطه...وأول ماعرفنا رجعنا على طول.... ريم بقهر:هذا وقته يطيح بجلطه؟؟؟... شذى:حرااااااااام عليك يا ريم قولي أستغفر الله...والله يشفيه... ريم متحسفه:أستغفر الله.......الله يشفيه إنشالله... شذى:ما تدرين يا ريم كيف تركي متأثر....تحسين إنه وده هو اللي جاته جلطه بدل أبوه... ريم:إي طبعا...تعرفين الأبو....مايتعوض... سكتت شذى تذكرت أبوها....لو ترى بيطيح مثل ابو بندر ببتأثر مثل تركي؟؟؟... شذى:إي صح صادقه.... ريم:وين تركي ألحين؟؟.. شذى:أول مانزلني البيت راح على طول مع اخوه متعب المستشفى حتى مادخل يرتاح.... ريم:هاه حلو البيت اللي خذاه لك تركي؟؟؟... شذى متفاعله:يجنن يا ريم...بس فاتك... ريم:وشو اللي فاتني؟؟؟... شذى تضحك:ههههههههه فاتك...تخيلي أول ما دخلت البيت...ما أعرف وين غرفتي تدرين كيف دليت مكانها... ريم تضحك:صاير بيتك متاهه هههههههه كيف دلتيها؟؟؟... شذى:تخيلي قلت للشغاله تشيل الشناط وتوديها الغرفه...وبعدين لحقتها بدون ماتحس فيني إلين وصلت الغرفه...ودخلتها....ههههههههه قعدت ريم تضحك:هههههههههه خطيره يا شذى... شذى:تدرين إن الدور الثاني ما أعرف فيه شي... ريم:والله؟؟؟... شذى:والله....أقولك توني واصله... ريم:الله وناسه...باقي رحلة استكشافيه بالبيت عندك... شذى:شكلي باخذ معي كشاف وخريطه ههههههههه... ريم:ههههههههه طيب قولي لي وش سويتي بهاليومين بباريس؟؟؟... شذى تذكرت الأيام الماضيه اللي كانت مره حلوه:وش أقولك يا ريم... من أحلى أيام حياتي... ريم:يا عيني....طيب قولي لي أحلى أيام حياتك.... |
تابع الجزء السابع..... كانت الساعه تسع الصباح لمن طلعوا من عند أبو بندر...كان تركي مره مرهق وحتى متعب اللي كان مرافق مع أبوه بس طلع عشان ياخذ تركي من المطار... تركي:متعب ودني البيت.... متعب وهويناظره:ما تبي تسلم على الوالده؟؟؟... تركي نسى:إلا...أبي اسلم عليها بس نسيت... متعب:ألحين ارتحت لمن شفت أبوي؟؟؟... تذكر تركي شكل أبوه...تركي:ارتحت...بس ليش تقولي إنها خفيفه... متعب: تركي أنا ما كذبت..الجلطه خفيفه..قول الحمدلله إنها جات كذا..بعض الناس تموت منها بس أبوي الحمدلله...عدى مرحلة الخطر... تركي: طيب أنا برافق مع أبوي بدالك... متعب:لا إنت ارتاح أنا اللي برافقه...بعدين إنت توك معرس مايصير... تركي يناظره بعتب:ليه مايصير؟؟؟....وش دخل إني معرس فيذا؟؟؟... متعب:كيف؟؟؟...تخلي عروسك لوحدها؟؟؟... تركي وهو يناظر القزازة: أنا ماني مسافر عشان تقول إني أخليها لوحدها.... متعب:تركي أنا مرتاح خلني معه...وإنت تعال كل يوم زوره... تركي تذكر أخوانه:إلا قولي شخبار...أبو فارس وش مسوي؟؟؟... متعب يبتسم:توك تسأل...الحمدلله بخير...بس من طاح أبوي والشغل هو اللي ماسكه كله... تركي:الله يعين...وفاطمه شخبارها وزوجها ناصر وعيالها كلهم؟؟؟... متعب:الحمدلله بخير...وحتى أنا بخير... تركي ضحك:هههه وش تبي أنا سألت عنك الحين؟؟؟.. متعب:هههههههه لا بس شفتك تمشي بالدور تسأل... تركي:طيب شخبار انجود؟؟؟....والله إني اشتقت لها.. متعب يبتسم:الحمدلله بخير.... تركي:طيب وبشاير؟؟؟.......والوالده؟؟؟... متعب:بخير بس متأثرين بالحيل بتعب الوالد... * * * أول ماوصلوا عند بيت أبو بندر....نزل تركي ومتعب...أول مادخلوا البيت كانت تنتشر فيه رائحة العود الثمين التي تذكر بعبق الأصاله وروح المودة ودفء العائله...تركي وقف وقعد يناظر بالبيت مع متعب اللي فتحت لهم الشغاله... تركي:تهقى صاحيه؟؟؟... متعب وهو داخل:أكيد الوالده تقوم بدري وما تسهر... مالقوها تحت طلعوا فوق...إلا شافوها قاعده بصاله لوحدها تتأمل...كان شكلها يثير الشفقه مبين إن وراها هموم ومشاكل... يتحمحم متعب...ولمن سمعت أم بندر الصوت لفت إلا تشوف عيالها الإثنين واقفين من الفرحه بتركي ما قدرت توقف...لأنها ما كانت تدري بوقت جية تركي كانت تتوقع اليوم الي بعده... بس متعب سواها لها مفاجأة يغير شوي من أجواء الحزن اللي تعم العائلة... أم بندر:هلا وغلا بتركي.. ويجيها تركي يسلم عليها:هلا فيك يا يمه....هلا بالنور كله... وسلم تركي على جبهتها وعلى راسها...وحب يدها الثنتين... أم بندر بعبره:شفت اللي صار بأبوك ياتركي...أبوك بغى يموت علينا... يتدخل متعب:الله يهداك يمه وش ذا الكلام؟؟... أم بندر:إنت يا متعب تضحك علي...تقولي أبوك بخير...ولمن شفته وينه ووين الخير... راح تركي جلس جنبها ومتعب قبالهم... تركي:يمه أنا توني راجع من عند أبوي...وسلمت عيه وشفته...شكله يطمن يايمه... أم بندر قعدت تبكي... تركي وهو ماسك يدها الثنتين...ويقولها بضيق:يمه...وش فيك الله يهداك تبكين؟؟؟... متعب بقلة حيله:هذا حالها من تعب أبوي...كل ماقلنا لها بخير تقعد تبكي...وتقول تضحكون علي... تركي يكلم أمه بحنان:يمه الله يهداك تبكين... ام بندر وهي تمسح دموعها:لا تضحكون علي...قولولي إذا هو تعبان وبيموت ولا لأ... تركي يبتسم لأمه:يمه الله يهداك...هذا كلام تقولينه...وبعدين والله العظيم إني توني راد من عنده...والدكتور يقول لي إنه بخير وجات سليمه...وبإذن الله بيعدي مرحلة الخطر... أم بندر:تركي إنت تقول هالكلام عشان تطمني...ولا صدق كلامك... تركي بحنان:والله العظيم ما أكذب عليك...تعرفيني يمه...ما أعرف أكذب في امور زي كذا.. ولو حالته خطيره مره...ماكان سمحوا بالزياره له... أم بندر:الله يطمنك يا تركي... متعب:الله يهداك يايمه...وأنا طول الزمان أقولك بخير وأوديك له...وماتصدقيني...وتركي بكلمتين على طول تصدقينه... تركي يبتسم:والله كل واحد واسلوبه...وبعدين يا أخي ماعندك أسلوب... متعب:تكفى يابو الأساليب أنت... تركي:ههههههههههه متعب قول غيران وارتاح... متعب:أغار منك؟؟؟....هزلت... تركي:هههههههه حلوة هزلت من وين سامعها؟؟؟... متعب بطنازة :بسبيس تون.... تركي يكلم امه يبي يرفع ضغط متعب:شفتي ولدك يايمه...رجال إيش كبره يسد عين الشمس ويطالع سبيس تون...(تركي يكلم متعب)ياخي استح على وجهك...هذا القناة لبنتك مو لك... متعب قعد يضحك...متعب بالأساس أعصابه هاديه مو بسرعه يعصب:اللي لبنتي لي عادي... قعدت ام بندر تضحك رغم الحزن اللي فيها... ام بندر بابتسامه:الله يخليكم لي...إنشالله... تركي:ويخليك يارب... ام بندر:إلا شخبار حرمتك يا تركي... تركي:الحمدلله تسلم عليك... ام بندر:ورى ماجبتها معك؟؟؟... تركي:لأني اول ماجيت المطار نزلتها...وبعدين رحت المستشفى لأبوي...وبعدها عندك طال عمرك... أم بندر:هاه وش سويتي هناك...عاد انبسطتوا... تركي:الحمدلله على كل حال...إلا وينها بشاير؟؟؟... أم بندر:نايمه...ما نامت إلا بعد صلاة الفجر...تبيني أصحيها لك... تركي:لا يمه...أنا إنشالله برجع أمر عليك العصر... أم بندر:زين افطرتوا؟؟؟... متعب:الصراحه لأ.... أم بندر قايمه:أجل افطروا هنا عندي اليوم.... وراحت تقول للشغالات يحظرون الفطور لها هي وعيالها...كانت سعيده مره...لأن لها كم يم من طاح ابو بندر وهي تفطر لوحدها...بشاير ماتبي...ولا أحد يشاركها الفطور... |
تابع الجزء السابع..... ما بعد ما صكرت من ريم....وأفطرت...راحت تمشت بالبيت وتفرجت عليه كله..أعجبها بالحيل البيت وتصميمه والأثاث الديكور...كل شي أعجبها فيه...بعدها قعدت تنتظر تركي اللي تأخر عليها بالحيل...كانت تبي تدق على جواله بس ماتعرف رقمه...وبعدها قعدت تنتظره.. وراحت تفكر(لا يكون في أبو بندر شي أكبر من الجلطه...بس مايبون يخوفون تركي وهو برى..يمكن حتى إن متعب شكله يخبي وراه شي...وبعدين ليه تأخر كل هالوقت لا يكون جد صار شي...)وقعدت الأفكار تبحر فيها يمين ويسار...ماتدري ليه تذكرت ولاء تحس إنها كأنها تعرفها من زمان..إنقهرت إنها ما أخذت منها رقم جوالها ولا أي وسيلة اتصال بينهم... بس وينك ياتركي...كانت مخاوفها كل شوي تزداد مع مرور الوقت اللي كانت تحس إنه يقتلها ببطئه...كانت تمر عليها لحظات وهي تحس إن الساعه موقفه ماتمشي...كانت دايخه وودها تنام بس وين النوم يجيها وهي بهالحاله... كانت الساعه11ونص لمن جا تركي بعد مانزله متعب...دخل البيت اللي توقع إن شذى كانت رايحه بسابع نومه(كعادتها بباريس تسبقه النوم)....كان دايخ ومهوب قادر يتحمل أكثر له فوق ال24 ساعه مواصل...وسفر ومطارات بكذا دوله وزحمه...وبعدها مستشفى وزيارات...كان حاس بإرهاق شديد...أول مادخل كان طالع فوق يبي يرتاح...إلا يسمع صوت شذى تناديه... شذى وهي مهيب مصدقه إنها شافت تركي:تركي ليش تأخرت لهالوقت... استغرب تركي من سؤالها ووقف:شذى إنتي للحين مانمتي؟؟؟... شذى:كيف انام وإنت باقي برى؟؟؟... تركي وهو يتسند على سور الدرج:مشالله متى طلع هالإهتمام...العاده تسبقيني بالنوم... سكتت شذى ماعرفت إيش ترد... لمن شافها تركي سكتت قال:يالله تصبحين على خير أنا دايخ ألحين وأبي أنام... شذى تسأله وهي باقي منحرجه من كلامه اللي قبل:طيب شخبار عمي أبو بندر؟؟؟... تركي وهو طالع:بخير الحمدلله... شذى:طيب بتنام؟؟؟... تركي من غير مايطالعها:إيه....وإنتي ماتبي تنامين؟؟؟... شذى طالعه وراه:إلا بنام بس كنت أنتظرك... *** بعد ماقام تركي من النوم وكان الوقت عصر بالرياض...راح أخذ له شاور وتوضا وقعد يصلي الظهر....وبعدها أخذ له قلاص كوفي يبي يصحصح معاه...وراح يلحق على صلاة العصر مع الجماعه...قبل مايطلع قوم شذى عشان تصلي...اللي كان امبين عليها حتى هي دايخه وتعبانه... شذى وهي مفتحه نص عيونها:كم الساعه ألحين؟؟؟... تركي وهو يعدل شماغه قبال المرآيه:قومي ألحين صلي الظهر مع العصر راحت علينا نومه... شذى وهي تنتبه على لبس تركي:تركي...إنت طالع؟؟؟.... تركي يلف عليها:إيه توصين شي؟؟؟.... شذى وهي توها تحس إنها مصحصحه زين:ليه...وين رايح؟؟؟... تركي حس إنها تنرفز...ما يحب كثرة الأسئله ومو متعود أحد يسأله كذا... تركي وهو يحاول يمسك أعصابه:وين رايح بعد؟؟؟....رايح للمستشفى... شذى:طيب ماتبي تتغدى قبل لا تروح؟؟؟.... تركي:أي غدا الله يهداك...ألحين عصر...يله فآمان الله... طلع تركي........وشذى في نفسها(عجيب هالتركي).... * * * أول ماوصل المستشفى لقى قباله متعب وبندر...تركي راح يسلم على أخوه الكبير أبو فارس اللي كان حنون مررررره والكل يحبه ويعزه...وكان إنسان هادي ومتواضع ومايحب يأذي النمله فما بالك بإنسان....كان تركي يحب هالصفه فيه...خاصه إنه بعيد عن الجلافه والغلظه...اللي يتميزون فيها أخوانه....كان أبو فارس متواجد ولمن شاف تركي فرح به بالحيل... تركي وهو يسلم على خشم بندر:هلا والله بابو فارس... ابو فارس وهو يسلم على تركي:هلا...يالله إنك تحييه...وش علومك ياتركي؟؟... تركي وهو يناظره:الحمدلله...إنت وش مسوي مع هالشغل اللي كسر ظهرك... ابوفارس يضحك:هههههههه كسر ظهر إلا هلهله وإنت الصادق....بس الله يعين... ابوفارس يكمل:إلا اقول سلامة الأسفار...وماتشوفون باس... تركي:الله يسلمك ويحييك...والشر مايجيك... أبو فارس:هاه عسى استانستوا بهالسفره؟؟؟.... تركي لاعت كبده من هالسؤال.... تركي:إيه الحمدلله...لولا طيحة الوالد كان إحنا بالف خير... أبو فارس:الحمدلله على كل حال... تركي يكلم متعب:وإنت وش مسوي من تركتني؟؟؟.... متعب:أبد...حطيتك ورجعت المستشفى... أبوفارس:متعب إذا تعبت خلني بدالك.... تركي:لا إنت ولا هو....يا رجال خلوني لها.. متعب واللي كأنه مايسمع:أقول بس لا يكثر...أنا لها ياتركي...وبعدين ابوفارس إذا ترك الشغل من راح يمسكه؟؟؟....وتركي توه معرس...وانا هنا... تركي:متعب.....خلني بدالك... متعب بإصرار:انا الرجل المناسب في المكان المناسب... تركي:أحلى يا المناسب أنت...إلا وش فيكم واقفين هنا؟؟؟.... كانوا واقفين بالصاله الملحقه بغرفة أبو بندر...وغرفة أبو بندر مغلقه.... أبو فارس:أبد ماهناك شي....بس الدكتور داخل وقاعد يفحص الوالد... تركي:ليه أبوي قام؟؟؟.... متعب:إيه...عاد إستعد يا تركي الرجال بيجون من كل مكان يسلمون على أبوي.... تركي يستفسر:يجون هنا؟؟؟.... متعب:إيه هنا....عاد مره وحده بيسلمون على أبوي و ويباركوا لك بالعرس.. تركي:خير إنشالله...(ويسأل ابوفارس) اقول يابوفاس إلا وين عيالك فارس وفواز؟؟؟؟.... ابو فارس:ما ادري وين يا في البيت يا في النادي.... تركي:طيب الرجال كل يوم يجون من طاح أبوي؟؟؟... متعب:كل يوم يجون يسلمون على أبوي وما يخفون الناس إلا على الساعه تسع الليل...عاد إنت تعرف أبوي شبكه واسعه من العلاقات.... تركي:طيب عيالك يابو فارس يجون هنا يقابلون الناس؟؟؟...... أبو فارس:لأ.... تركي بامتعاض:ليه يابو فارس...مايصلح عيالك كبرو...ولازم يعرفون كيف يقابلون الرجال ويرحبون فيهم... ابوفارس باعتراض:وين يرحبون فيهم؟؟؟....هذول باقي صغار... متعب يساند تركي في رأيه: وين صغار يابو فارس مشالله فارس رجال إيش طوله...صاير أطول مني...و انخطت شواربه وإنت تقول باقي صغير...وهو داخل العشرين... ابوفارس:أي عشرين؟؟؟....توه مخلص ثالث ثانوي... تركي:مايصير وحتى ذاك فواز المفروض تجيبه.... ابوفارس:هم باقي صغار خل يستانسون...وبعدين لاحقين على هذي الحركات... متعب:أي حركات؟؟؟.... تركي انقهر:حركات؟؟؟...تسمي إن الولد يتعلم كيف يقابل الرجال ويرحب فيهم حركات... أنا هذا ولدك بيذبحني..لمن أسلم عليه يقولي هايات عمي؟؟؟...وبعدين وش قصة الشعر هذي اللي كان قاصها قبل لا أسافر....والله إني كنت مشغول بالعرس والزواج وقلت له يقصه شعره ويعدله مثل الأوادم...مو شعره نصه طويل ونصه قصير...ولا بعد صابغ لي أطرافه بنفسجي...والله إن ماعدل ولدك عمره مايصير طيب... أبوفارس عصب:ليه انا ابوه وين رحت؟؟؟...وبعدين ياخي الولد عايش على راحته....مادامه ماغلط على أحد ولا تعدى على حقوق أحد....لا تتدخلون فيه... متعب:لا يابو فارس....لا تفهمنا غلط...وإحنا تهمنا مصلحة عيالك...بس إنت أبد تارك لهم الحبل على الغارب مايصير كذا ياخوي....لازم تشد عليهم شوي...خاصه إنهم في سن مراهقه يبيلهم أهتمام ومراقبه ورعايه أكبر.... ابوفارس: وش فيكم على عيالي....وبعدين عيالي واثق فيهم...ولا تبوني أحط وراهم دوريات مراقبه على روحاتهم وجياتهم.... تركي بخاطره هذا اللي بيجنني: إحنا ما قلنا ركب وراهم دوريات؟؟؟...إحنا قلنا اسالهم وين رايحين وين جايين...من يخاوون ترى الصاحب ساحب يابندر.... اكتفي بندر إنه يناظر أخوانه وقعد يفكر بكلامهم صدق كلامهم...بس هو يشوف إن عياله باقي اطفال...يعني بريئيين...وش يسأل البريء عنه؟؟؟... في هذا الوقت راح متعب يتطمن ويسأل عن القهوجي إذا جهز القهوة والتمر للضيوف وجهز العود والأشيا اللي كذا...لأنه لازم هالبروتوكولات في عائلة أبو بندر اللتي تنتمي إلى المجتمع المخملي بالرياض... |
تابع الجزء السابع..... وفي هالوقت دخل عليهم ناصر(زوج فاطمه وولد خالهم) وتفاجأ بشوفة تركي اللي يظن إنه باقي مسافر.... ناصر بصوت عالي:السلام عليكم ورحم الله وبركاته.... تركي فرح بشوفة ناصر الرجل المسالم والهادي....والمحب لزوجته فاطمه.... تركي والكل:وعليكم السلام ورحمة الله وبركاته.... ناصر يسلم على ابو فارس ومتعب:وش علومكم يارجال؟؟؟ متعب:الحمدلله.....إنت وش علومك؟؟؟ ناصر:طيب...(وراح لتركي)هلا وغلا بأهل فرنسا....هلا بالمعرس.... تركي بابتسامه عريضه:هههههههه وش بقيت...هلا بزوج أختي....وش اخبارك؟؟؟.. ناصر:الحمدلله....هاه سلامة الأسفار..والله ماكنت أدري إنك وصلت...ماحد علمني بوصولك... تركي:اله يسلمك...وأنا توني واصل اليوم الفجر...(ويلف على متعب)بس شكل أبو الشباب ماقال لأحد عن جيتي..... ضحك متعب من كلام تركي وفهم بعدين ناصر إن تركي يقصد بكلامه متعب... ناصر:الحمدلله على كل حال....إلا شخبار عمي...وش فيكم قاعدين هنا؟؟؟... متعب وهو قاعد على الكنب ومسند أكواعه على ركبه:الحمدلله...بس تعرف الدكتور داخل يفحصه ومايبي أحد معاه...... تركي يسأل ناصر:إلا قولي وش أخبار فاطمه والله من زمان عنها؟؟؟... ناصر واللي بدى يتأثر:زينه...بس مره متأثره بطيحة الوالد...وماغير تبكي عليه....(ناصر كأنه يتذكر شي)إيه صح ياويلك ياتركي منها؟؟؟.... تركي باستغراب:أنا ليه؟؟؟؟.... ناصر:تقول إنك من سافرت ما دقيت عليها إلا مره وحده.... ضحك تركي وقاله يصير خير...وفاطمه باعرف لها.... وبهالوقت طلع الطبيب من الغرفه وراح تركي ومتعب وراه يسألونه عن حالة أبو بندر أما بندر أبو فارس وناصر دخلوا عند أبو بندر...... سأل تركي عن حالة أبوه فطمنه الدكتور إنه بخير والحمدلله.....وإنها شده وبطريقها إلى الزوال بإذن الله....ووصاه الدكتور إنه يبعدونه عن الإنفعالات ويحرصون على الهدوء... بعدها دخل تركي ومتعب على أبو بندر اللي كان صاحي...أبو بندر لمن شاف تركي استغرب من وجوده لأنه يعرف إنه باقي بباريس برا....وتركي اللي راح على طول يسلم على أبوه ويتحمدلله على السلامه....فرح حيل تركي لمن شاف أبوه حسه إنه تحسن مره عن الصباح اليوم...الحمدلله يارب على كل خير ومكروه واللي مايحمد على مكروه سواك.... أبوبندر فرح لمن شاف تركي:مرحبا بتركي...هلا بولدي وش أخبارك؟؟؟... تركي وهو واقف عند أبوه:الحمدلله يباه...والحمدلله على السلامه مشالله عليك يابو بندر وجهك منور.... أبوبندر:الحمدلله على كل حال....إلا إنت متى رجعت من السفر؟؟؟.... تركي:اليوم الفجر طال عمرك... أبوبندر يسأل:ليه وش اللي رجعك؟؟؟.... انصدم تركي من السؤال....هذا سؤال؟؟؟...يعني ليه رجعت...عشانك يباه... تركي يجاوب بابتسامه:عشانك يا الشيخ.... ابوبندر بتثاقل:وش فيني؟؟؟....مافيني إلا العافيه.... تركي عرف إن ابوه ماوده إنه يقطع السفر عشانه فقاله:هو عشانك يباه وعشاني بعد.. ابوبندر :ليه وش فيك؟؟؟؟.... تركي:مابيرتاح قلبي أنا هناك مستانس....وأنت يباه تعبان بالمستشفى.... ابوبندر:لا يا تركي ماله داعي....وبعدين حرمتك مالها ذنب.... تركي:أي ذنب؟؟؟.... ابو بندر وصوته بدى يوهن:إنك تقطع عليها سفرها وترجعها...وهي باقي بشهر العسل... تركي قعد يناظر أبوه بحنان ياكبر قلبك يابو بندر... تركي:خلاص إنت ارتاح يباه ألحين..حتى هي إنشالله بجيبها تزورك....بس إنت الله يحفظك لا تشغل عمرك بأمور تافهه زي كذا.... سكت ابو بندر وغمض عينه عشان يرتاح...بغوا الشباب يطلعون من عنده..بس قاله لا يطلعون.....لأنه معروف عن أبو بندر مايحب العزله لوحده ويحب جمعة الناس... |
الجزء الثامن..... أول ما وصل تركي عند البوابة الداخليه لبيت أهله دق جوال على شذى اللي طلعت وسط تساؤلات أم بندر وحصه...واستغراب بشاير وسارا... وانتصار فاطمه...وحبور عايشة... وتركي اللي كان مره ميت قهر من شذى....هذا وقته تدق؟؟...وبعدين وراها تصر كذا إلا أجي؟؟؟...من جد هالمره بتجنني... دواها عندي بس خل تجي وتشوف... أول ما ركبت شذى السياره كانت ساكته...كان سكوت توتر...وهادئه هذاك الهدوء اللي يسبق العاصفه...كانت من داخل تغلي وتفور...كانت تحس إنها غبيه...غبيه وماعندها كرامه...قعدت تفكر....أنا ليش مارديت؟؟؟...أنا ليه سكت...مو من عوايدي أسكت إذا احد تعدى علي...ومن تكون فاطمه هذي أم الشر حتى أسكت لها؟؟؟....لا تكون بنت الملك وأنا ما أدري... كانت تحس ذيك اللحظه بالإنكسار بالإنهزام.... ناظرها تركي باستهجان...وماكان عارف بحالها...لأن كان بينهم فاصل اللي هو غطى شذى...وعدم معرفته بباقي جوانب شخصية شذى... وعدم معرفة شذى لباقي شخصية تركي... تركي وهو يحاول يمسك أعصابه:ممكن أعرف وش عندك تبين تردين البيت؟؟؟... شذى ساكته وما ترد.......بخاطرها مهيب ناقصه مشاكل ودوخة راس... تركي بعصبيه:انا ماني أكلم جدار....وش فيك ماتردين؟؟؟... شذى واللي كانت دموعها في حالة استعداد تبي أي كلمه وتنزل...كانت شذى ماسكه نفسها...لأن العبره خانقتها على الأخير....لأنها لو تتكلم راح تنفجر...وكانت تحس مثل الغصه بحلقها... تركي واللي كان مسرع شوي من كثر العصبيه:شوفي شذى والله إن ماتكلمتي ترى مارح يصير طيب؟...تراني مهوب طرطنقي امشي وراك... شذى هنا ماعاد قدرت تتحمل...الخلاص آلام العبره خنقتها...خلاص اطلقت العنان للي بقلبها إنه يطلع...تكلمت وما كانت تدري وش تقول...كانت مثل السيل إذا نزل ماعاد يقدر يوقفه أي كان... شذى بصوت باكي:حرام عليك...من قال إنك طرطنقي؟؟؟...خلاص خلوني بحالي...وش فيك معصب...أنا ماسويت شي...بس من يرجعني البيت؟؟ ..ياليت إني مارحت...ياليت إني مارحت..يكفي يا تركي...لأنكم اغنى مننا انا وأهلي...تتكبرون علينا...الله مغنيني من سابع سما...وبعدين ماحد غصبك علي عشان تتزوجني؟؟؟(قعدت تناظر بتركي اللي كان فاتح عينه على الأخر مستغرب من كلام شذى)...انا أصلا لا كنت اعرفكم ولا شي...وبعدين أنا ماني لعبة وقت...بعدها تقطني بيت أهلي... أساسا انا أعرف ليش أخذتني(وتهدج صوتها بالبكاء والنشيج) إنت اخذتني عشان تبي تحر الزفت سلمى بنت عمك....عشانها رفضتك... أخذت وحده أقل منك مستوى مادي...عشان تحرق قلبها...اللي هي انا من قرادة حظي (وقعدت تناظر تركي وتشوف استغرابه وهو يسوق)لا تسوي نفسك متفاجأ ....أدري إنها بس ترجع من دراستها تحذفني...وتاخذها....تاخذها وتقطني بعدها قعدت تبكي...تبكي بكاء حار طالع من قلبها...قلب محروق من القهر اما تركي اللي كان معصب...ومذهول من اللي يسمعه...هذي البنت وش تخربط؟؟؟....من قالها هذا الكلام....من قالها على سلمى؟؟؟...ومن وين جايبه أرميها هذي وآخذ سلمى؟؟؟... تركي اللي تنرفز جد من كلام شذى:ألحين ممكن أعرف من وين جايبه هالخرابيط؟؟؟.... شذى انصدمت من بين بكائها...يقول عن كلامي خرابيط؟؟؟..ألحين هو مستهتر فيني لهالدرجه...طبعا مايبي مشاكل تعور راسه...كفايه بُعد سلمى عنه وعن قلبه ياجعلها القرداه... شذى وهي تبكي:لا تنكر...ولا تقول خرابيط...إنت أساسا مكشوف لي يا تركي...فلا تسوي لي فيها مستغرب.... تركي واللي كان وصل البيت...وركن السياره بالقراج... تركي وهو يشيح بوجهه عنها كبرا وسخريه:اقول انزلي..وصلنا يا النبيهه.. نزل تركي قبلها...أما شذى قعدت تصيح مقهورة...ياربي ارحمني... نزلت شذى ودخلت البيت ناظرت مالقت تركي....قعدت تناظر بوجهها بالمرآيه الكبيره الموجوده عند المدخل...انصدمت كان وجهها أحمر كان أحد مصفقها...وعيونها وانفها حمر...طلعت فوق قبل مايشوفونها الشغالات ما كانت ودها تطلع ضعيفه قدامهم... أول ما طلعت...ودخلت غرفة النوم شافت تركي يغير شماغه ويلبس واحد جديد...انقهرت منه...كان سافهها...شذى مارضت إلا تطلع باقي الكلام اللي بقلبها وكانت متأكده إنه مارح يعجب تركي... شذى:إنت ليه ماتتكلم وتقول تراني خلاص عرفت كل شي يا تركي... وبعدين مهوب انا اللي أخربط... تركي واللي كان بيرجع يطلع...بس هالمره بيطلع مع نايف ولد خاله اللي مثل عمره تقريبا(أخو ناصر زوج فاطمه)... تركي من النوع العصبي لو يقعد ياخذ ويعطي معها...مارح يخلص إلا وهو قاضي عليها...لأنه بيقط عليها كلام بيعورها بقلبها ويجرحها ومو حلوة بحقها وهي عروس........ شذى وهي تقرب منه:ليش ماترد؟؟؟؟؟... تركي:حريه شخصيه... شذى:طبعا ماعندك جواب لي.... تركي تنرفز من كلامها(يارب تصبرني):شذى...ابعدي عني حد النفس عليك طيبه... شذى تبكي:إنت ليش تعاملني كذا؟؟؟... تركي انقهر:ألحين إنتي ليش تبكين؟؟؟....وش صاير لك ببيت أهلي هناك.. وبعدين تعالي وش هالسخافات اللي تقولينها إنتوا أغنياء...وإحنا ما أدري إيش...وش دخل سلمى بنت عمي ألحين...يا تتكلمين مثل الأوادم معي وتفهميني...يا تنثبرين مكانك فاهمه؟؟؟... تفاجأت شذى من أسلوب تركي معها....بس طبعا خير وسيله للدفاع هي الهجوم(كذا طرى ببال شذى)... شذى وهي تمسح آثار دموعها وتحاول تتقوى شوي:يعني ألحين يا تركي تبي تقول إنك ما خطبت سلمى الزفت بنت عمك؟؟؟... تركي يناظرها بعصبيه وده يصفقها هالعبيطه من وين جايبه هالكلام... من حشى راسها... تركي بعصبيه:لأ... شذى وهي صوتها بدى يروح بالبكي:لا تقول لأ وتكذب...إلا خطبتها بس هي ردتك بحجة دراستها وقالت لك الزواج بعد الدراسه...إنت انقهرت منها عاد تبي ترد لها الصاع صاعين...رحت خطبت وتزوجت المنحوسه اللي هي أنا...نكايه فيها ولأنك مشالله(بسخريه تقولها)الدنجوان اللي ماتنرفض واللي تأشر بس...ويتنفذ...فكيف ترفضك وإنت الكل يتمناك... تركي عصب زياده:شذى ترى والله مالي خلقك...وبعدين هذي الخرابيط اللي تقولينها مهيب صح...كل كلامك غلط... شذى بقهر:يعني تبي تقولي إنك ما كنت تحب سلمى...ولا قد خطبتها؟؟... انقهر منها تركي...وش قاعده تقول؟؟؟...أنا لو أدري إنه بيصير كذا ما كان وديتها بيت أهلي... تركي وهو يحاول يضبط أعصابه:أولا يا شذى مالك دخل في حياتي قبل لا أتزوجك فاهمه؟؟؟...ثانيا حبيت سلمى او ما حبيتها فهذا شي راجع لي... شي من خصوصياتي... شذى من سمعت كلامه خلاص تأكدت إنه ميت فيها يحبها بجنون...يعشقها ويعشق الأرض اللي تمشي عليها...وإنها هي مسألة وقت ومجرد أداة للوصول إلى غايه...وأكيد إني انا الدرس اللي يعلم فيه سلمى وش معنى إنها ترفض تركي... شذى وهي مصدومه:آسفه إذا تدخلت بخصوصياتك...تركي إنت مشالله كل يوم يظهر لي جزء من الجانب الأسود من شخصيتك... تركي ما عاد قدر يتحمل سخافاتها...وبنفس الوقت ما كان وده تعرف عن حبه لسلمى شي...مو لأنه ماضي يخجل منه...بس لأنه أكيد بيأثر على علاقته فيها ولو بجزء بسيط...لأن المرأه بشكل عام ماتحب تسمع عن حب زوجها غيرها أبداً.... تركي بعصبيه:شوفي يابنت الناس...موضوع سلمى هذا لا عاد أشوفك تفتحينه قدامي أبد...مابي أسمع لها طاري بهالبيت فاهمه؟؟؟... وبعدها طلع تركي بعصبيه...وصكر الباب بقوة وهو طالع...يدل على عصبيته.... شذى هنا حست إنها بدت تنفصل إلى عالم ثاني...عالم كئيب...أسود تحس بالحسره و القهر...تحس إنها بدت تصحى من الحلم الوردي اللي كانت عايشته...اللي كانت تحس إنها ملكه فيه...مر قدام عيونها بسرعه شريط ذكرياتها بباريس...تذكرت كيف إنها ودها تطير من السعاده...حست إن هذا كله بدى يتلاشى مثل ذرات الضباب...عرفت إنها الحين بالنسبه لتركي مجرد وسيل انتقام...وإنها مسالة وقت...أما سلمى فهي الاساس...هي الحب...وهي اللي بتكمل باقي العمر معه...لأن شذى مجرد دخيله على هذي العائله اللي ماتعترف بالدخلاء بينهم أبد.... بعدها قعدت تصيح بقهر...تصيح بحسره...تصيح بألم...حست إنها ولا شي بالنسبه لتركي...مالها أي اعتبار او وجود....على الأقل بالقلب؟؟؟.... أما تركي اللي كان نفسه يعرف من وين جايبه شذى هالكلام؟؟؟...من اللي قالها عن سلمى...معقوله بشاير؟؟؟...لالالا بشاير صح خبله ومتهوره وبايعتها...بس ما توصل إنها تقول شي زي كذا...أمه قالت؟؟؟...بعد لأ مايتوقع إن امه بتزيد كلام إنه خطب سلمى...قعد يفكر سار مرة متعب.. سارا طيبه وما رح تفكر بطريقه سوداويه كذا...في باله أكيد إنها فاطمه آه من فاطمه لو كانت هي وش راح أسوي بها؟؟؟... |
احم احم نحن هووون
متااابعه لك يااحلى فراااشه بالكون كله |
نورتي قلبي ولكن
انتظروني في الاجزاء الباقيه لانها مره طويله |
|
تسلمي قلبي
|
تابع الجزء الثامن..... بعد مرور يومين على هذي الحادثه كانت صحة أبو بندر تتحسن كثير إلى الأمام...تركي فرح من الخاطر بتحسن صحة أبوه اللي الكل كان فرحان فيها...وصايره حركته أحسن من أول بعد ماكانوا خايفين إن الجلطه بتأثر عليه..وعلى حركته... كانت فاطمه مررره فرحانه بهالشي...كانت تحس بمثل الورود الذبلانه واللي رجعت تتفتح من جديد...وحرصت في الفتره ألاخيره تكثف زياراتها لأبوها اللي كان يحب فاطمه مايدري يحس إنها بكره وأول فرحه له مع إنها الثانيه بعد بندر...بس البنت سبحان الله قريبه لقلب أبوها... شذى اللي فرحت بتحسن صحة أبو بندر كثير كانت باقي ماتكلم تركي اللي مو معطيها وجه أبد...يدخل البيت ويطلع حتى مايناظر فيها...وحتى لمن يجي وقت النوم يعطيها ظهره ولا يهتم إن كانت نايمه ولا صاحيه... و أوقات الأكل بعد ما ياكل معها يا يروح لمتعب وأبوه بالمستشفى أو لأمه اللي تفرح بجيته...أو عند عمته حصه...ومره راح العشا لبيت أخته فاطمه اللي حاول إنه ياخذ منها تلميح على اللي صار بس وجود ناصر ما خلاه ياخذ راحته...لأن تركي كان بيعرف يسحب الكلام من أخته فاطمه..كانت شذى تحس بالتهميش اللي يحس الواحد نفسه ولا شي...التهميش اللي يحطم الواحد ويقلل من قدره...الحياه كذا كئيبه جدا بالنسبه لشذى...واللي كانت مفتقده تركي حيل كان يهمها أمره...وكانت تحبه موت...بس قاهرها من ناحية سلمى...اللي حتى ما أنكر حبه لها...تذكرت مكالمته مع ريم واللي حست من جد إن فاطمه ناويه تدمر حياتها...حاولت تلقى لها فرصه تكلم تركي فيها...لأن على قولة ريم إنها ما أعطته فرصه حتى يفهم إيش السالفه على طول هجمت وسوتها سالفه...وهو أكيد مقهور منها ومن حركتها... في هذي الليله قررت شذى إنها تكلم تركي وتفهمه إيش السالفه وتستسمح منه وتفهم وش سالفة سلمى بنت عمه... تذكرت هذيك الليله الكئيبه لمن راحت لبيت أبو بندر...كانت القعده هناك وناسه...بس من دخلوا فاطمه و عايشه انقلب الحال على عقبه...تذكرت نظرات عايشه الحارقه لها والكبر واضح عليها من طريقة جلستها... أما فاطمه فأول ما دخلت راحت وسلمت عليها ببرود وجلست جنب عايشه وكانت تحمل لها نفس النظرات...شذى فخاطرها ما كانت تدري ليش يناظرونها كذا...شذى سمعت صوت عايشه وهي تسولف مع سارا...قعدت تحوس في بالها هالصوت مو غريب عليها...فجأة حست بمثل الطعنه لمن تذكرت إن هذا هو صوت الحرمه اللي كانت مع فاطمه بيوم الخطوبه لمن سمعتهم...سمعتهم وهم يذمونها ويمدحون سلمى...اللي على طول ربطتها شذى بإن سلمى أخت عايشه مرة بندر...لحظتها حست بالضعف والعبره خانقتها... بشاير قامت لأن جوالها دق وطلعت وحده من خوياتها اللي دقت وراحت برا المجلس تكلمها بعيد عن الضجه... أما سارا فراحت تشوف بنتها انجود...وأم بندر وحصه كانوا قد قاموا وراحوا جلسوا بطرف الصاله الكبيره اللي تتوسط قصر ابو بندر وبعدها فضى المجلس منهم كلهم وما بقت إلا شذى وفاطمه وعايشه ونوف اللي قامت تشوف خالتها بشاير... فاطمه لحظتها غمزت لعايشه...بأنه حانت الفرصه المناسبه عشان تبين لشذى إنها مهوب قد المقام... فاطمه:أقول شذى شخبارك ما بينتي من رجعتي؟؟؟... شذى واللي كانت حاسه بالضعف ما تدري ليه خايفه تقط عليها كلام:الحمد لله...بس تعرفين كان تركي مشغول مع الوالد...وما جات فرصه حلوه إني أجي... عايشه وهي تناظر فاطمه:عسى إنشالله استانستي بفرنسا؟؟؟... شذى كانت آخر صوت تتمنى تسمعه عايشه...بس ردت عليها وحاولت إن صوتها ما يتغير لأن نظرتهم لها مبين إنهم يضمرون لها شي:الحمدلله... عايشه بلمز:ليه إنتي أول مره تروحين لها؟؟؟... شذى حست باحراااج لأنها أول مره بس حبت تبين إن عادي:إيه أول مره أروح لها...فيا شي؟؟؟... فاطمه تتدخل وتسوي نفسها متعجبه:يالله اول مره تروحين لها؟؟؟...ليه إنتي وين قد رحتي من قبل؟؟؟... شذى منقهره حست إنهم بيجرونها في متاهات:ما قد طلعت برا السعوديه.. هذي أول مره اطلع...غير البحرين ودبي... فاطمه وهي ترفع حاجب:أكيد ما صدقتي إن اخوي تركي بياخذك لبرا وتشوفين العالم... شذى انقهرت زياده بس حاولت إنها تمسك أعصابها:لا وش دعوه مره وحده ما صدقت... فاطمه:لا بس وين يحصلك إنك تسافرين...إذا حتى مع أهلك ما سافرتي ولا ودوك ولا جابوك... شذى:أحد شكا لك الحال؟؟...وبعدين إذا اهلي لا ودوني ولا جابوني على قولتك...ليه مقهوره؟.... فاطمه:لا ماني مقهورة...بس مشكلة بنت الفقر اللي تطيح على ولد نعمة... عايشه اللي ماتوقعت إن فاطمه بتقط كلام كبير كذا...بس فرحت مررره.. قعدت شذى تناظرها من فوق لتحت:بنت فقر؟؟؟....أنا بنت فقر يا فاطمه أولا انا الحمد لله شايفه خير ببيت أهلي...بس إذا كان قصدك إنكم أغني مننا أنا واهلي قولي الحمدلله يارب...وخذيها قاعده عندك ترى الفقر مو عيب ولا حرام...والرسول كان فقير والفقراء أول ناس دخول للجنه... انقهرت فاطمه من ردها وما قدرت ترد عليها بشي حست إنها أفحمتها... عايشه حست بفاطمه على طول تداركت الموقف لصديقتها وقالت: بس يا شذى فقر وطمع لمن يتجمعون...تتوقعين إيش بيصير؟؟؟... فاطمه:أساسا الوحده ما يجبرها تاخذ واحد ماتعرف عنه قبل الزواج شي إلا الطمع والعياذ بالله... شذى:أنا طماعه؟؟؟...انا لاني طماعه ولا شي...(تبي تقهرها زي ماقهرتها) وبعدين يا فاطمه أنا ما أعرفكم قبل ما أخذ تركي أبد...بس إنتوا اللي جيتو للشرقيه عشاني...وتركتوا بنات الرياض وبنات أقاربكم واخترتوني أنا من بينهم...وبعدين وشلون أطمع في ناس ما أعرفهم من قبل يعني ياليت تقيسينها بالعقل طيب...وبعدي تعالي قولي إذا اا طماعه أو لأ؟؟؟... عايشه انقهرت كانت تبي ترد بس ماعرفت وش تقول... اما فاطمه انقهرت وقالت والله لأرفع ظغطها وأطلعها من هالبيت وهي مهوب شايفه دربها:اسمعي يا شذى لا تكونين إنتي حاطه ببالك إنه اخوي تركي ميت عليك...أبد شيلي هالفكره من راسك....ولا تفكرين في إنه إنتي أول مره بحياته هو أساسا كان ميت على سلمى بنت عمي...ويحبها حب الموت... شذى حست إن الدم ماعاد يجري بعروقها من هالكلام؟؟؟...ألحين بدت تتكشف لها أوراق سلمى...اللي كانت مثل اللغز وبدت طلاسمه تتفكك فاطمه تكمل وسط حبور عايشه:هو راح خطبها...بس هي ردته عشان تبي تكمل دراستها لأنها ألحين بالأردن...هي ما ردته يعني ماتبيه...هي ردته مؤقتا كم سنه إلى ما تخلص دراستها لأنها بتصير مشالله دكتورة... عاد تعرفين تركي يحب يتملك كل شي يطيح بيده وهو مشالله عليه ماينر وماتوقع واحد بالميه ترده...عاد يبي يقهرها...راح قال لنا يبي يتزوج وحده أقل من سلمى بكل شي من مستواها المادي...إلى شكلها... عايشه تتدخل:طبعا سلمى أختي...بترجع بعد 4 شهور تقريبا...يعني استعدي يا حلوه...لأنك مارح تطولين بينا... فاطمه:ترى تركي يبي يقهر سلمى لمن تزوجك...وخذى وحده أقل منها... عايشه:عاد مشالله سلمى كامله والكامل وجهه سبحانه.... فاطمه بالفم المليان:إنتي اصبري وشوفي حذفة تركي لك...وبتقولين فاطمه قالت... * * * انتظرت قدوم تركي اللي تأخر بالحيل عليها...جا تركي يمكن الساعه 12 بالليل توقع إن شذى خلاص نامت..هو بخاطره أحسن خل تتأدب أصغر عيالها أنا تقعد تهزأ فيني...تركي عارف إن أصعب شعور بالعالم لمن يحس الواحد إنه مهمل ومحد يسأل عنه...وهو حب هذا العقاب النفسي لشذى عشان تتأدب...أول مادخل البيت لقاه هادي كالعاده طلع فوق شاف شذى تنتظره بالصاله اللي بالدور الثاني... شذى اللي ملت من الإنتظار فرحت أول ماشافت تركي... شذى بابتسامه:هلا تركي... ناظرها تركي باحتقار ودخل غرفته مع إنه مستغرب بينه وبين حاله... عرفت شذى إن الطريق قدامها صعب بس لازم تمشي فيه...لحقته لداخل غرفته...وسمعت صوت مويه بالحمام...عرفت إنه يسبح...انتظرته إلى ما طلع... شذى بفشله:تركي...باقي زعلان؟؟؟... تركي ناظرها بنظره:بغيتي شي؟؟؟.... شذى بابتسامه:رضاك.... تركي تركها خل تتأدب...وراح دخل فراشه وهو مطنشها... شذى راحت وجلست عنده على طرف السرير.... شذى:تركي والله خلاص كفايه عاد....إذا انا غلطانه سامحني تدري ما أحب إنك تكون كذا زعلان علي... تركي بتعب:شذى أجلي هالنقاشات لبكره...ترى مالي خلقك ولسوالفك... شذى بحزن:طيب سامحني...والله طول الليل وأنا انتظرك... سامحني ..و بعدين انا ماغلطت وقلت كلام يزعل عشان تزعل... تركي يعدل جلسته:ما دامك تبين الكلام الحين...نعم آمري آنسه شذى وش عندك؟؟؟.. شذى وهي تحس الدموع بتهل عليها:تركي رجاء سامحني بليز والله آسفه... تركي:يعني من الغلطان ألحين...أنا ولا إنتي؟؟؟... شذى:أنا بس سامحني... تركي:طيب والكلام اللي قلتيه من وين جبتيه؟؟؟... قعدت شذى تقوله عن الحوار اللي دار بينها وبين عايشه وفاطمه..توقعاته طلعت بمحلها وفاطمه لها دخل كبير بالسالفه... شذى:عشان لا تلومني إذا زعلت وانطقيت...ولا شرايك هذا كلام مايزعل؟؟ سكت تركي...وبعدها بفتره قال:خلاص مسامحك...مع إن طريقتك غلط لمن جيتي زعلانه المفروض ماتجين تهاجميني كذا... شذى:بالعكس...هذا يدل كثر حبي لك...وكيف إني ثرت لمن عرفت بأمر غيري إنه يحبك...وإنك تحب غيري...تراك يا تركي ماتعرف وشلون حبي يعذب...لمن أحب أحب بجنون واغير بجنون...وما ابي احد يقرب من حبيبي فاهم... تركي يبتسم بتعب:يعني أنا حبيبك؟؟؟... خجلت شذى وقالت بحب: إذا ما عندك مانع إيه... تركي:عندي مانع...أنا من خذيتك ما بوستيني بوسه وحده..رضوتي هالمره بوسه... شذى وخدودها حمروا من الخجل:....... تركي:ترى مارح أرضى على ماتبوسيني... قربت منه شذى وباسته...ولمن باسته ضمها تركي بحب إلى صدره وحنان... وقالها:يا عمري يا شذى والله إني أحبك...لا عاد تصدقين الناس لمن يقولوك كلام عني طيب...ولو ما بغيتك ما كان خذيتك...وإنتي عندي بحريم الدنيا كلهم... شذى هنا حست إن هذا كثير كثير بالحيل...قعدت تصيح وتمسكت بتركي أكثر... قعد تركي يمسح على شعرها ويقول يهديها:شوشو لا تصيحين خلاص... شذى اللي بعدت عنه قالت بزعل وهي تمسح دموعها:تركي بليز شوشو لأ أحس عقد العالم فيني لمن تقول شوشو... تركي:خلاص مارح أقول شوشو....تيبن أقول حبيبتي؟؟؟... شذى:حبيتي هذا احلى شي يمكن تناديني فيه.... |
تابع الجزء الثامن..... كان أبو محمد و أم محمد قاعدين بالصاله حزة المغرب مع ولدهم سعود يتقهوون... أم محمد:وينك يا سعود؟؟...صار لك كم يوم ما قعدت معي؟؟؟... سعود:حقك علينا يا ست الحبايب...بس تدرين طالع مع أخوياي... ابو محمد:أبي أعرف..وش تستفيد أنت من هالطلعات والفرفره بالشوارع... أم محمد:إيه والله...وأبوك صادق...هذا بدل ما تقعد معنا أنا وأبوك تعرف الدار خاليه من بعد أهلها... سعود: طبعا ست الحسن والدلال...شذى وأنا الله لي... أم محمد:بالعكس والله إنكم عينين براس وحده...بس تعرف إنت سافرت ورحت وطول الوقت طالع وبالدوام..اما هي الله يحفظها أول مره تبعد عني كانت دوم حولي ومعي ومره وحده سافرت وبعدت عني للرياض... سعود:الله عليك يام محمد...هي الله يحفظها وأنا بقريح هاه؟؟؟... ابو محمد:سعود...لا تقولي إنك تغار من الحريم؟؟؟... سعود بتعجب مصطنع:من أنا؟؟..إني ولد أبوي أنا اغار من الحريم؟؟.. هذا اللي ناقصني بعد... أبو محمد: إيه خلك كذا سبع وانا ابوك... سعود بفخر:ما عليك يا أبو محمد...إني فحل ولد فحل... ام محمد بابتسامه:الله يخليك ويحفظك...ويعطيني طولة العمر إني أشوف عيالك.... سعود:إنشالله يارب...بس يالله يا أم محمد شدي الهمه واخطبي لي..مشالله هذي شذى أصغر مني بخمس سنين زوجتوها...يالله زوجوني تراني زهقت من العزوبيه ودي أطلقها طلاق بائن لا رجعة فيه... ابو محمد:أجل بزوجك بنت عمك منال أخت مها...مشالله حبيبه وطيبه.. سعود اللي انتفض من سمع أبوه يطري منال هذي اللي ناقص اتزوج هذيك البويه والله لو تكون آخر بنات المسلمين ما آخذتها... سعود بضحكه كذابه:هههههه لا يباه واللي يعافيك إنت ماتبي ولدك؟؟؟..منال ما باخذها لو شيصير... ابو محمد عصب وما رضى على بنت أخوه:أقول وش فيها منال هاه؟؟.. والله إنها تسواك وتسوى عشر من الرجاجيل... سعود بخاطره(فيذا صدقت يباه والله إنها تسوى قبيله مع هالرجوله اللي فيها)... سعود:ما فيها شي يباه...بس ما تصلح لي منال... ابو محمد:وليه ماتصلح لك...أنا كنت احتريك متى تطري لي منال عشان تاخذها...في النهايه تقول ماتصلح لي... ام محمد واللي كانت تحب منال حيل...بس ما كانت تشوف إنها تليق بسعود وما كان ودها إن أب محمد يجبر ولده إنه ياخذها...عشانها بنت اخوه... ام محمد:خلاص يابو محمد...لا تجبر الولد على شي ما يبيه... ابو محمد:أي ولد إلا قد هو رجال مشالله طول بعرض...وش ناقصه عشان لا يتزوج منال... سعود:خلاص يابو محمد لا تعصب...بس ترى أنا ما ابي منال... ابو محمد ناظر لده بخنق...وبعدها قعد يتقهوى... سعود يقول لأمه اللي كانت جالسه جنبه بصوت هامس:شكل الوالد ناوي على القشرا....بس الله يستر... أم محمد ضحكت لمن قال ولدها كذا... أما أبو محمد اللي انتبه قعد يناظر بقوه بعيونه الجاحظه في سعود...يعني وش تقصد... سعود بمزح ويبي يغير السالفه:اقول يباه متى آخر مره تغزلت بأمي؟؟؟... أم محمد واللي حطت يدها على فمها:يا ولد عيب..... أبو محمد باستهجان:انت وش قاعد تقول؟؟؟... سعود وهو يناظر أمه:أقول متى آخر مره تغزلت بهالعيون عيون المها يا جعلني ما ابكيها ابد... ابو محمد:عيب عليك يا سعود تقول كذا... سعود:وش العيب؟؟؟...واحد الله عطاه مرتن مزيونه ويتغزل فيها...عادي.. ام محمد:سعود.. سعود:يا قلب سعود آمري.... ابو محمد:خلاص اسكت... سعود يناظر ابوه بنص نظره:لا يكون بس تغار مني؟؟؟.. ابو محمد:أغار..ام محمد سكتي ولدك من قعد وهو ماغير يخربط وما عنده شي يقوله... سعود:لا أنا أساسا طالع...وخذ راحتك يباه لو تبي تخمها بعد(سكت لمن شاف نظرة أبوه اللي يخاف منها من صغره)أجل يالله أستئذن أنا..مع السلامه... ام محمد:الله يحفظك إنشالله.... *** كانت ببيت أخوها بندر...اللي كانوا الثنتين ازواجهم رايحين يحظرون عرس لواحد من اقاربهم... فاطمه:هاه وش رايك باللي سويته لها؟؟؟... عايشه تضحك:ههههههه تستاهل...أنا الصراحه ودي بس اشوف شكل تركي وهو يهاوشها على الكلام اللي أكيد تقوله من القهر... فاطمه:تستاهل باقي ما شافت مني شي... عايشه:والله تستاهل...ولا هذي كفو تاخذ تركي... فاطمه:المشكله يا عايشه ما أسرع ما سحرته وصار يحبها...ولا يرضى بالغلط عليها... عايشه:أكيد هذول البنات المشافيح...يعرفون يسحرون أزواجهم... فاطمه:حتى أمي...وبشاير وسارا..كلهم يحبونها حبتها القراده... تخيلي حتى عمتى حصه صايره تحبها حيل... عايشه:شوفي عمتي اللي أمك تحبها عشان تركي يحبها... وبشاير باقي صغيره وقريبه من سنها ومافي احد بالعايله كبرها فأكيد تحبها... اما سارا تعرفين على نياتها وشافتها تمثل قدامهم إنها طيبه حبتها...اما عمتي حصه تعرفين كل شي به ريحة تركي تعشقه..فما بالك لو تكون زوجته... فاطمه بتفكير:بس يا عايشه...مالها من تزوجت شهر وشوفي كيف لعبت بهم حسبي الله عليها... عايشه:تخيلي يا فاطمه تحمل؟؟... انتفضت فاطمه وقالت بعصبيه:تحمل بعيالنا...معصي تحمل والله لأطفشها بعيشتها...وإذا ما أخلي تركي يطلقها وأخليها تتحسف إنها خذت من ذي العايله ما أكون فاطمه... عايشه بغرور وأنفة:تتحسف؟؟؟...اصلا هو يحصلها القعده مع مثل عايلتنا بنت الفقر... فاطمه تناظرها بزهو وإعجاب:إيه صح وإنتي الصادقه هو يحصلها... بس تشوفين كيف اخلي تركي يرجع ياخذ أختك سلمى ياحبي لها... عايشه سكتت واكتفت بالإبتسامه...مو هذا اللي تبيه... فاطمه:ما قلتي لي...شخبارها؟؟؟... عايشه:تمام تسلم عليك...بس حلوة لمن كذبتي على مرة أخوك وقلتي إنه خطبها ورفضته.... فاطمه:عجبتك السالفه هاه؟؟؟... عايشه:بس قللت من قيمة تركي ترى قدام مرته.... فاطمه بضجر:هو قلت قيمته من يوم خذاها...بس إصبري علي وشوفي وش بيصير... |
تابع الجزء الثامن..... اليوم الثاني بالعصر... شذى:ماني مصدقه عمري بشاير عندي بالبيت... بشاير:لأ صدقي...إنها هي بشحمها ولحمها عندك... شذى بضحكه:هههههههه أقول خلي عنك الغرور بس.... بشاير:لا الغرور خليته لغيري لا تخافين.... ضحكت شذى وعرفت إنها قصدها فاطمه أختها:ههههه المهم ماعلينا وين خالتي ماجات معك؟؟؟... بشاير:أنا قلت لها تعالي...بس تعرفين الثنائي المدهش جو عندنا بالبيت وماقدرت تجي... قعدت تضحك شذى وقالت:هههههههه من الثنائي المدهش؟؟؟... بشاير:ما تعرفينهم؟؟؟... شذى:وأنا وش يعرفني فيهم..... بشاير وهي تقعد:إيه صح إنتي باقي جديده على العايله الثنائي المدهش الله يسلمك هم فاطمه أختي وعايشه بنت عمي ومرة بندر.... شذى تستهبل:طيب عللي ليه مسميتهم كذا؟؟؟... بشاير:والله إن العربي أثر على الفيوزات اللي براسك..وصايره تقولين عللي أخاف عقب شوي تقولين لي أكملي الفراغ.... شذى تضحك يا ناس تحب بشاير موت دخلت هالبنت قلبها بسرعه: لا بشاير ترى استهبل عليك... بشاير:واضح...أصلا حتى تركي خربتيه صاير يقول وداعا يا أختي الصغيره... تركي واللي كان نازل من فوق رايح لأبوه بالمستشفى:من اللي صاير يقول وداعاً هاه؟؟؟... بشاير مخترعه:بسم الله...إنت مركب ردار؟؟؟...أقول إنت مرتك خربتك وصايره تتكلم فصحى... تركي يضحك:هههههههه طيب يالله أنا ماشي بروح لأبوي... شذى:مع السلامه الله يحفظك... تركي:ليه ماجات الوالده معك يا بشاير؟؟؟... ناظرت بشاير بشذى وابتسمت وقالت:لا أبد بس عايشه وفاطمه عندها... *** هذا اليوم هو فرحه عند الكل...اليوم طلعة أبو بندر من المستشفى.. كان هذا بالنسبه لأم بندر أقصى أمانيها...كانت تدعوا الله إنه يحفظه لها ويرده معافى...كان هو عندها مثل الشمس اللي تضوي لهم...كان هو مصنع الحب بالنسبه لها...كفايه إنه يوم خذاها كانت باقي طفله غريره ماتعرف من أمور الدنيا شي...وبدت تتعلم حبه حبه على يده...يارب السماء احفظ أبو بندر لأم بندر وقر عينها به... أول ما دخل أبو بندر البيت كان الكل موجود...محد قعد وراحوا يجيبونه من المستشفى متعب وتركي...أما الباقين فكانوا بالبيت باستثناء بندر هو الوحيد اللي بيتأخر عليهم لأن عنده شغل و بعدها بيجيهم بالمغرب... لأن وقت طلعة ابو بندر العصر... الحريم كانوا مجتمعين بالصاله الداخليه...شذى اللي ما راحت لبيت ابو بندر من ذاك اليوم راحت هذا اليوم...كانت حاسه بتوتر خايفه من طولة لسان فاطمه...وكانت خايفه زياده إنه تسمع شي ما يسرها عن تركي...راحت وكان كل تفكيرها يوجهها إنها لا تحتك لا بفاطمه...ولا تقرب من عايشه أما فاطمه فكانت جد سعيده بأبوها كانت تحس بالإنتعاش برجعة صحة أبوها ولمن الكل اجتمع طنشت شذى فاطمه وعايشه...وقعدت مع سارا وبشاير.. وبعد ما راحوا الرجال من عند أبو بندر راحوا الحريم شذى وسارا وبشاير يسلمون على أبو بندر ومعهم فاطمه وعايشه لأن الرجال كانوا كلهم مجتمعين عيال ابو بندر كلهم وناصر وزوج حصه...وحتى أبو عبدالكريم جا رغم صعوبة حركته... بعد ما سلمت عليه شذى لمست الطيبه منه... شذى:شخبارك عمي؟؟؟...إنشالله بخير... ابو بندر:الحمدلله...إنتي هاه شمسويه مع تركي؟؟...أعرفه ما ينطاق.. شذى:لا بالعكس...طيبه وتركي يا حليله طيب معي... أبو بندر بطيبه:عاد اعذريني يا بنتي قطعت عليك بطيحتي سفرتك... ناظرت شذى فاطمه بكبرياء تبي تقهرها:لا عادي عمي...عشانك نسوي كل شي...بس اهم شي تقوم لنا بالسلامه... ابو بندر بابتسامه عذبه:الله يسلم حالك...والله إنك بنت ناس طيبه وعرفت تربي... |
تابع الجزء الثامن..... مرت أيام الصيف بسرعه...تحسنت معها صحة أبو بندر تدريجيا بس ما قدرت عايلة أبو بندر إنهم يسافرون عشانه...بس متعب هو الوحيد اللي سافر مع مرته أسبوعين ورجعوا بعد ما طلبه أبوه إنه يسافر...لأنه من جد أكثر واحد تعب بطيحة ابو بندر فهو متعب اللي أهمل بيته ومرته وبنته وقابل أبوه بطيب خاطر...وحب وحنان...متعب رفض السفر بس أبو بندر طلبه إنه يسافر...وبالفعل راح هو وسارا وبنته انجود لبنان أسبوعين ورجعوا...أما تركي فعلاقته مع شذى تحسنت....وشذى اللي علاقتها مع بشاير قوة بالحيل...كانت أيام الصيف حلوه بالنسبه لشذى مره باستثناء حركات فاطمه اللي ترفع ظغطها مع عايشه اللي تحس إنها تحرك فاطمه مثل قطعة الشطرنج...بس هي تعبي وفاطمه تجي منطلقه تنفذ.. وطبعا فاطمه من الأساس مهيب ناقصه زيادة أحد يحركها...اللي فيها كافيها وبزياده.... *** قعدت شذى تفكر بمستقبلها مع تركي اللي تحس من جد محد شاغل باله غيرها هي وبس...أما سلمى يمكن تكون ماضي وانتهت من زمان... أو يمكن تكون غلطه...حست إنها لازم تعيش يومها هذا مع تركي وتأجل موضوع الحمل والأولاد بعدين...لأنها باقي صغيره وتوها متزوجه...يعني تستانس شوي قبل لا تلحق على الهم على قولة المتزوجات...هي حقيقه تحب الأطفال موووت وتعشق حركاتهم بس مهيب فاضيه لهم ألحين... لاحظت إن تركي وده بالعيال بس هي ما تبي...لمحت له على الموضوع بس شكله يبي يصير أب بأسرع ممكن...هو جد ما قد قالها إنه يبي عيال كاش كذا...بس حست من حركاته وكلامه إنه يبي...وقعدت تتذكر إنها بليله كانت سهرانه معه... شذى: أقول حبيبي مو كأنك هالأيام مطنشني شوي... تركي يبتسم:ههههه عاد إنتوا يا الحريم يا حبكم للدلع والكلام الحلو...لواقعد أتغزل فيك من الصبح إلين الليل...بعد مايرضيك.. شذى:شوف لو تقعد تتغزل فيني إلى يوم الدين ما توفيني حقي..ولو تتدلعني بعد ما توفيني حقي... تركي يمزح:أقول انتي ووجهك لا يكثر بس...ترى أنا ماعندي حريم يدلعون...يا تمشين مثل المسطره ولا ترى العقال يستناك... شذى وهي مخترعه:أقول قال العقال...لا تحسبني أنا عندك بالعسكريه تقعد تعاقب و تتوعد... تركي:أصلا إنتي لو تدخلين التدريبات اللي بالعسكريه أسبوع...والله إن يخلونك تعرفين نعمة الله فيك...عاد إنتي هالنعومه تطلع من بين عيونك ليشوونك بالشمس ويفقلون راسك من التدريبات والنظام... شذى:أصلا عادي لو أدخل العسكريه(وبعدين قعدت تفكر) تخيل حبيبي شكل كذا وأنا لابسه بدله عسكريه وكتوفي عليها ثلاثه نجوم؟؟؟...يا حليلي أهبل... تركي يقلدها:يا حليلي أهبل...أقول انثبري بس من جد ما تنعطين وجه.. العسكريه لها رجالها...إنتي حدك تحطين هالمكياج وتلبسين الموضه وبس.. شذى مسويه نفسها زعلانه:هذا حدي؟؟؟..مكياج وموضه؟؟؟... تركي وهو يرفع حاجب:لا ووظيفة كل حرمه بالعالم بعد...أبيك كذا تملين لي هالبيت بزارين... شذى استحت شوي منه...وقعدت تضحك...تركي لاحظ هالشي وقعد يضحك عليها... تركي:هههههههه يا حلوك إذا استحيتي تقعدين تضحكين...أنا الصراحه اول مره أشوف هالحاله بحياتي... شذى وهي باقيه مستحيه ومتفشله بعد:هههههههه لا والله تتطنز علي؟؟... تركي:بس ما ادري بروح اقرا بكتب طب النفس يمكن تكون أعراض للدلاخه.... شذى:دلاخه بعينك...أنا دلخه؟؟؟... تركي مسوي عمره زعلان: افا بعيني؟؟؟... شذى:لا تسوي عمرك زعلان انا اعرف حركاتك هذي... تركي باقي زعلان:أ جل خلاص لا تكلميني... شذى تناظره:زعلان والله؟؟؟...إذا حبيبي زعلان وش أراضيه به؟؟... تركي: راضيه ببوسه حلوه... شذى بنظره:غيرها... تركي وهو يعطيها ظهره: ما يرضى بغيرها...ولا لا تكلمينه... شذى:حبيبي لا تزعل تدري إني ما أقوى على زعلك.... تركي وهو يلف:طيب إذا ما تقوين على زعلي راضيني... شذى:ياربي تركي خلاص... تركي بعناد:لأ....يعني لأ..... قربت شذى منه وباسته بوسه خفيفه... شذى بدلع:خلاص رضيت ألحين يا حضرة الضابط؟؟؟... تركي بابتسامه وهو لاف عليها:من كثر ماني راضي زعلت مره ثانيه... شذى:تركي... تركي:عيون تركي وقلبه وروحه... شذى:خلاص رضيت وما في زعل؟؟؟... تركي:إيه راضي...مادام معاي القمر مالي ومال النجوم... شذى:ياااااااي من قدي... تركي يقلدها:يااااااي...هيه شوفي لمن تجيبين لي كومة بزارين ما أبي عيالي يقولون ياااااااي...فاهمه؟؟؟..أبي عيالي كذا سباع ذيابه...رجال صح.. شذى:ذيابه....ليه وش قالوا لك انا ذيبه شرسه أجيب ذيابه.... تركي يفكر:قالولي إنك احلى ام يمكن تصير بهالعالم...وأحن ام...وأطيب ام... شذى:تركي لا تلعب علي بهالكلام الحلو......تراني أروح فيها... تركي:هههههههههه لا من جد أتكلم...وبعدين أنا أقصد ذيابه يعني ما يسكتون عن حقهم.... شذى:تركي..شكلك مره مستعجل على العيال؟؟؟..... تركي وهو يناظرها برومانسيه:أبي أشوف هالزين كله وش يجيب.... شذى بدلع:تركي...ترى أنا ادوخ من الكلام الحلو... عاد هي قررت إنها تاخذ حبوب منع الحمل عشان ما تبي تحمل...بس طبعا من دون ما يدري تركي...أو أي إنسان كان...هي كانت مره نازله السوق وهي راجعه مرت على الصيدليه وشرت لها...وقررت تستخدمها على سته شهور قدام كفتره مبدئيه حددتها كان ودها تعلم تركي بس هي متاكده إلا متيقنه إنه بيرفض هذا الشي بتاتا |
تابع الجزء الثامن..... كان هذا أول صباح يداوم فيه تركي ويرجع للدوام...قام صلى الفجر ورجع ينام له ساعه لمن قام كانت الساعه سته ونص حس بكسل ماوده يداوم تذكر إنه مدد إجازته أسبوعين وبسرعه مرت....ناظر شذى جنبه لقاها قد قامت لمس مكانها دل إنه بارد...شكل الآنسه قايمه من زمان...راح الحمام يبي يغسل وجهه ناظر المرآيه قباله شاف مكتوب بالروج الأحمر (كل دوام وإنت بخير حبيبي) وراسمه جنبها قلبين متداخلين على بعض.... ماقدر تركي غير يبتسم ويقول بخاطره(أموووووووت عليها ويلوموني)وقعد يناظر عمره بالمرآيه وشعره منكوش..وعيونه الساحره مليانه نوم...تذكر مانام إلا متأخر...على طول غسل وجهه وآخذ له دوش...وطلع لقى شذى تنتظره... شذى:صباح الخير... تركي وهو لاف الفوطه على نص جسمه السفلي:صباح الخيرات...مشالله متى قمتي؟؟؟... شذى وهي تجلس على طرف السرير:من قبل شوي... تركي وهو رايح الدولاب بالغرفه الثانيه:كان قعدتيني معك... شذى وهي طالعه:هذا أنا جيت أقعدك...بس لقيتك قمت إذا خلصت إنزل حضرت لك فطور... تركي:أوكيه...ألبس وألحقك.. نزلت شذى وناظرت الصباح من النوافذ الكبيره...كان الجو مره روعه وناظرت الطاوله اللي محضرتها...كان الفطور اللي حضرته شكله مره رايق... بعد دقايق نزل تركي...طالعته بنظرة إعجاب كان شكله مره روعه يذبح بالبدله العسكريه...ماقدرت غير تحط يدها على قلبها وتطلع زفره طويله من صدرها...تذكرت حلمها اللي ملت منه ريم إنها تتزوج ضابط والله عطاها ماتتمنى...الحمدلله لك يارب... تركي يناظر الفطور:مشالله قايمه من الصبح تحظرين الفطور... شذى بابتسامه:تستاهل حبيبي...يالله تعال افطر ترى كله أنا محظرته لحالي تركي وهو يقعد:أخاف بس سونيا ساعدتك... شذى تقعد جنبه:لا وش دعوه...والله محد ساعدني.. تركي يغمز لها:الله يعينك تحملي فراقي...عارف إنك راح تذرفين الدموع علي بس تحملي الفراق تعرفين لازم أرجع الدوام... شذى تجاريه:شفت كييييييييييف...ما أدري كيف رح أدخل الغرفه بعدك... الله يصبرني بس للظهر... تركي يناظرها بنص نظره:تتطنزين إنتي وخشتك...أدري بس اطلع من الباب بتقولين فكه مابغى يرجع الدوام..حوم كبدي 48ساعه باليوم مقابلني... شذى ضحكت:هههههه انا أقول كذا؟؟؟...بالعكس والله حرام عليك أنا مره حزينه إنك بترجع للشغل... تركي ابتسم لها وهو ياكل:تدرين ياشذى ماتزوجتك خربت... شذى تناظره باستغراب:أنا خربتك؟؟؟... تركي وهو ياكل ويتكلم بثقه:إيه خربتيني...صاير أقول كلام حلو..ألحين أخاف أشوف أحد الجنود اللي عندي بدل ما اعاقبه إذا خالف...أصير أقوله لا تعيده حبيبي طيب؟؟... قعدت تضحك شذى:ههههههه تركي عاد لاتصير شديد بزياده... تركي هو يحط عينه بعينها:والله يوم كنت بالكليه وأول ما اشتغلت...لمن كنت اخالف محد يقول ارحموه حرام...كانوا يطلعون روحي بالتدريبات والعقوبات... وبعد فترة صمت بسيطه... شذى وهي تناظر النجوم اللي على كتف تركي:أقول تركي النجوم هذي كيف ركبتها<<<دلخه السهر مأثر عليها... تركي يناظرها:شذى روحي نامي...قمت تخورينها... ضحكت شذى:ههههههه والله أمس عقب مانمت شفت فيلم أثرفيني... تركي:أشوف فيه خيانه..سهر من وراي عقب ما أنوم... شذى:ههههههههه أي خيانه بس ما جاني نوم... تركي وهوقايم:الحمدلله...يللا أنا استأذن لو قعدت معك مابروح إلا العصر.. وقام وشذى وراه...إلين وصل الباب... تركي بمرح:أشوفك وراي...لا يكون مضيعه شي؟؟؟.. شذى تقلده:مضيعه شي...ألحين مسويه فيها رومانسيه هذا جزاتي؟؟.. قاعده أقلد البطله أمس وهي توصل حبيبها للباب تودعه... تركي:ها..ألحين عرفت وش السبب في كل هذي المراسيم الصباحيه اللي مسويتها...أثرك قاعده تقلدين فيلم أمس وتمثلين علي؟؟؟.. شذى:لا أمزح معك والله ماقلدت فيلم أمس...الفيلم لجيم كاري لو أقلده وش رح أسوي بك؟؟؟...بس حبيت أودعك حبيبي يا بعد هالدنيا كلها... تركي وهو واقف عند الباب بيطلع:آآآه يابعد هالدنيا وحدها بس بتسفرني القطب لشمالي وماعاد ترجعني...(يهمس لها)خفي يامره ترى مو زين كثر الكلام الحلو... شذى:أوكيه...متى تروح يا سيد تركي وتقضب الباب؟؟؟...كذا حلو؟؟؟... تركي يبي يقهرها لبس القبعه العسكريه اللي كانت بيده وطق لها تحيه عسكريه ولبس نظارته الشمسيه وودعها بهمس:يالله في آمان الله...وترى كل شي منك حلو.. وطبع قبله خفيفه على خدها الناعم...وطلع.. قعدت شذى تناظر من عند الباب وهو رايح يركب سيارته إلين ماتحرك وراح...واختفى عن عيونها.... كانت تحس بالفرح...كانت تنتشي بالسعاده...كانت تحس إنها أميره من أميرات العصور الوسطى الأوروبيه..اميرات النهضه...وزمن الحب.. والعشق...والنرجسيه...والأحلام الملتهبه...وتركي القائد العسكري اللي طاح في غرامها...وأسرها هي بحبه...كانت شذى تحس حبهم غير... غير وبس من غير محد يسأل ليه...كفايه تركي طرف فيه...اللي ماتقدر تقول غير إنها....تموووووووووت عليه وتعشقه بجنووووووووون... |
تابع الجزء الثامن..... محمد يلاعب بنته رنا:مين حبيبة بابا؟؟؟.... رنا وهي تأشر على عمرها: أنا بابا... محمد يبوسها ويقعدها بحظنه:ياناس هذي شيخة البنات كلهم... مريم وهي تناظر محمد:أقول محمد وش أخبار أختك؟؟؟.. محمد وهو ملتهي مع بنته رنا يلاعبها:بخير..(يرفع راسه يناظرها)وش عندك تسألين؟؟؟... مريم:لا...بس من تزوجت لها أربع شهور...ولا زارتنا للشرقيه... محمد:والله ماأدري...بس هي توها متزوجه...وتعرفين زوجها ضابط عسكري يعني دوام حكومه...مهوب على كيفه يقدر يجي... مريم:طيب أهله عندهم خير؟؟؟... محمد حس إنه سؤال غبي لأنها للمره الميه بعد المليون تسأله نفس السؤال كل مافتحوا طاري شذى وزوجها... محمد بضيق:إيه...وإنتي ما عندك إلا هالسيره... مريم تجاهلت ضيقه في الإجابه عليها:طيب وش حده على العسكريه كلها تعب وشقا مادام عندهم خير...والله ناس بطرانه ماتدري وش تسوي... محمد اللي مايحب تركي أبد:كيفه والله... مريم:طيب وش كنت بأقولك...سمعت أمك تدور عروس لسعود؟؟... محمد بعصبيه:أمي هذي المفروض تقولين لها خالتي تخلخلت ضلوعك زين... مريم عصبت:أنا ماقلت شي غلط عشان تدعي علي؟؟؟... محمد وهو ينزل بنته من حظنه:روحي بابا إلعبي مع أختك(يكلم مريم)شوفي يا مريم والله إن ماتعدلت مع أمي لتشوفين شي ما يعجبك فاهمه؟؟؟... وطلع معصب من عنده...اللي حتى بيوم إجازته ما خلته يتهنى مع بناته... وهي مستغربه منه.وش فيه صاير عصبي...مايطيق كلمه؟؟؟.. *** بعد مرور يومين... كانت شذى رايحه مع السواق بالمغرب لبيت أبو بندر...اللي خلاص تعودت على الروحه والجيه معه...لازم تتعود على كثر مشاغل تركي اللي كان وقتها طالع مع أخوياه... ام بندر:هلا والله بشذى... علاقة أم بندر تحسنت كثير مع شذى...صايره معها أحسن من أول حستها حبوبه ومتواضعه مو مثل ما قالت فاطمه وعايشه... شذى:هلا خالتي شلونك؟؟؟... ام بندر:تمام...وين تركي مانزل؟؟؟... شذى:لا خالتي أنا جايه مع السواق....تركي طالع مع أصدقاه... ام بندر:عاده على طلعاته ذي ماتركها... شذى بابتسامه:أوه شكلها طبع في ابو الشباب... ام بندر:من أيام الثانوي وهو كذا...كان طيب غصب يطلع يعني يطلع... عنيد واجتماعي... شذى:هو من ناحية عنيد عنيد...بس وين بشاير ما أشوفها؟؟؟... أم بندر بقلة حيله:فوق نايمه... شذى باستغراب:للحين؟؟؟... ام بندر:ماتنام إلا الظهر مواصله من الليل وتخمدها نومه للعشا... شذى:طيب ماتقوم؟؟؟... أم بندر:تطلع روحي عشان تقوم...نومها ثقيل مره... شذى وهي قايمه طالعه لبشاير:أجل بأروح أطلع لها... شذى كانت خلاص من الشهرين الأخيره تعودت وتجرأت على عائلة تركي وصايره لمن تجيهم تطلع للدور الثاني عادي بدون أي إحراجات مثل أول ماتزوجت... طقت شذى باب...محد رد..طقت الباب إلين مافتحت بشاير الباب وكانت معصبه...بس تفاجأت لمن شافت شذى على بالها الشغاله أرسلتها أم بندر... بشاير اللي تحول عبوسها إلى ابتسامه:هلالا...متى جيتي؟؟.. شذى وهي تدخل:توني ألحين... بشاير وهي تدخل وراها:ومشالله...على طول درعمتي على فوق... تفشلت شذى...وبعدها ردت:لا كنت تحت عند خالتي...وبعدها طلعت لك إنتي يا الدوبه... بشاير قعدت تضحك على تبرير شذى... شذى عرفت إنها تستهبل:وجع يا الخايسه...أحرجتيني من جد... بشاير تتثاوب:والله حرام مانمت إلا ثلاث ساعات... شذى:أي ثلاث ساعات واللي يرحم والديك..خالتي تقول من الظهر نايمه والحين إحنا مغرب....يعني لك ست ساعات تقريباً... بشاير:لا إحسبي تقطيعات أمي وهي داخله(تقلد أمها)يله الغدا...قومي صلي العصر...يله تعالي انزلي تقهوي معنا...مع إني عمري ماتقهويت معهم العصر...وبعدين...يله صلي المغرب...قومي خلاص كفايه نوم.. شذى قعدت تضحك على بشاير وهي تقولها تحس باقي فيها نوم... شذى تحاول تتكلم بجديه:لا من جد بشاير وقت نومك غلط...يا تتعدلين وتنومين مثل الناس...يا تقعدين بهالنوم اللي من كثر مايتقطع يعور القلب... بشاير وهي تحك راسها:لا انا احول الحين أعدل نومي... شذى:إيه لازم تعدلينه..الاسبوع الجاي جامعه خلاص مافيه دلع... بشاير باهتمام:إلا صح على طاري الجامعه...وش ناويه تسوين تكملين ولا تعيدين؟؟؟... شذى بضجر وهي تحط رجل على رجل:لا وع وش أعيد أو أكمل؟؟؟...أنا خلاص باقعد بالبيت...... بشاير واللي انتبهت زياده:تقعدين يعني مارح تكملين؟؟؟؟؟؟؟...... شذى:إيه مارح أكمل زهقت من الدراسه أبي أرتاح على الأقل هالسنتين وبعدها يصير خير... بشاير:زين تركي يدري بهالقرار؟؟؟؟؟... شذى:إيه يدري ومساندني بعد... بشاير بقهر:تركي هذا أناني...لمن قلت لأهلي إني أبي أقعد هالسنه بالبيت رفضوا...ولمن عرف تركي...قعد يعطي محاظره عن العلم وعن أهميته في حياة الإنسان... شذى بنص عين:ليه أناني؟؟؟... بشاير:لأن الباشا مايبي يتعب زوجته...يبيها ترتاح من الدراسه...وتتفرغ له أما أنا يا قرادة حظي ونحسي...بأدرس...آه يا القهر ناس مرتاحه وناس بتكرف.. شذى:ههههههههه على الأقل انا متزوجه...أما إنتي بنت باقي ما أعرست... بشاير بحسره:وين الي بيعرس علي؟؟؟...يا حسرة قليبي علي... شذى:يعني تبين تعرسين إنتي ووجهك ألحين؟؟؟.. بشاير:ودي أتزوج...خاصه لمن تزوجت صديقتي اللي كانت تدرس معي هالصيفيه....فتحت شهيتي على الزواج...قعدت تمدح في العرس...إلا وش رايك بالعرس يا شذى؟؟؟... شذى بتفكير:امممممم من جد ما ادري وش أقولك...غير إن أحلى مافي الزواج تركي...تركي وبس...ولا الزواج زي أي مشروع ثاني يتحمل النجاح أو الفشل... بشاير:اقول شذى...شكل تركي لعب بعقلك... شذى:حلاله... بشاير تتحمدالله:الحمدلله والشكر...مرة اخوي مهيب صاحيه... *** ماقدرت تمسك ضحكتها لمن سمعت أخوها يشكي لها من أبوهم... سعود بعصبيه:تضحكين أنتي مع هالخشه... شذى تضحك:ههههههه ياخي الله حاط لك منال في طريقك خلاص مالك مفر منها... سعود مقهور:أنا آخذ منال؟؟؟...والله ما آخذها لو وش يصير.. شذى:طيب أمي وش تقول؟؟؟... سعود يتنهد:آه يا يمه...تعرفين امك جنب الحيطه ويفتح الله..مالها راي.. شذى بحنان:يا عمري يا يمه...وش مسويه عقبي؟؟.. سعود:آقول خلينا من أمي ألحين..أنا وش أسوي بالمصبيه ذي كيف أقنع أبوي بإني ما أبي منال... تذكرت شذى لمن رفضت تركي..وبعدين أبوها غصبه عليها... سعود:ألو...وينك يا شيخه؟؟.. شذى تضحك:اسمي شذى مهوب شيخه.. سعود مهوب طايق لفلسفتها:اوووهووووو يا شين ما طريتي...تدرين؟؟.. شذى:هلا... سعود:ياللا اذلفي أنا الغلطان ادق اشكي لك...على قولة أبوي وش له تشكي للحريم.. شذى:أشوف نسخه جديده صايره تتشكل من أبوي قدامي... سعود بفخر:والله لي الفخر إني اصير اشبهه...أبوي لي دخل مجلس اهتز المجلس كله له...وهو الإسم لي طريته تسمعين المدح يهل عليه... شذى:إيه والله والنعم بأبوي...إلا ستين نعم به... سعود:أوكيه يله طسي...انا دقيت عليك لأنك يا الدوبه لا تدقين علي ولا تسألين...أشوفك نايمه بالعسل مع حبيب القلب... شذى تضحك:ههههههه وش فيكم علي إنت وريم خويتي تقولون لي إني نايمه بالعسل دايم؟؟؟... سعود بمكر:أقول شذى وش اخبارها ريم؟؟.. شذى حست بسؤاله:سعود وش تبي؟؟؟.. سعود:أقول وش اخبارها؟؟؟.. شذى ببرود:تمام... سعود بخبث:والله إن أمي قالت لي إنها بنت طيبه..وبعرسك عيون الناس عليها مشالله جمال واخلاق...يعني كامله والكامل الله... شذى حست إن سعود وده بريم...حتى شذى نفسها وده إن ريم تاخذ سعود بس هي تحب عبدالعزيز... شذى:حبيبي سعود إبعد عنها...البنت خلاص محجوزة لواحد... سعود حس بالقهر إن البنت طارت منه...حب يقهر شذى:ليه هي أرض محجوزة؟؟؟... شذى تبي تقهره:والله هذا اللي حصل يا الحبيب...دور غيرها.. سعود بعصبيه:اوكيه...سي يو... تبي ترد عليه...شافته صك الخط بوجهها ضحكت عرفت منه إنه معصب.. قعدت تفكر والله حرام سعود ياخذ منال...لقت فكره إنها لازم تلقى بديله لمنال يخطبونها لسعود...ويحاولون يقنعون أبومحمد فيها...بس مين اللي تصلح لسعود؟؟؟.... قعدت تتذكر بنات اقاربهم وبنات جيرانهم وحده وحده مالقت وحده تناسبه وحتى البنات اللي كانوا معها بالكليه يدرسون...بس من تصلح له مين؟؟؟... |
الجزء التاسع..... بالعزيمه ببيت أبو عبدالكريم... تمت تناظر شذى في سلمى..بدون ماتحس سلمى فيها..كان قلب شذى يعورها..يالله من جد ما ألوم تركي لو حبها...كانت سلمى آيه من آيات الجمال...تمت تناظر بعيونها اللي تشبه رسمة عيون تركي بالضبط..بس تركي على رجوليه...أي ظروف سيخبأها لي القدر...خاصه نظرات فاطمه لها تدل على كل مكروه.... وين وصلتي يا حلوة؟؟؟... إنتبهت شذى على صوت نوف وهي تأشر لها... شذى تحاول الإبتسامه:أبد مارحت مكاني أنا... نوف:وين مكانك؟؟لو شفتي عمرك قبل شوي...لا يكون تفكرين بخالي تركي؟؟.. شذى تضحك ببرود:هههههه يا حلوك يا نوف..بس حبيت أقولك خطأ توقعك.. في هاللحظه جات بشاير وقعدت معهم... بشاير:هاه وش عندكم؟؟؟... نوف:أبد ما عندنا شي...بس بغيت أسألك وين زوجة عبدالكريم ماجات معهم؟؟؟.. بشاير باستغراب:تصدقون إنها ماجات بنت اللذين...وقاعده هناك مع ولدها لأن عنده دراسه...ورجع عبدالكريم مع أخته بالمره يسلم على أهله و أخوياه اللي هنا..وبيرجع بعد ثلاث أيام... شذى:بس توهم واصلين أمس...ما بيمديه يريح مع أهله... نوف:لا شذى عادي..هو من عرفت عمري ما يقعد بالرياض أسبوع..حتى بالأعياد بالكثير أسبوع ويرجع... بشاير:هاه..أشوف تطورات يا نويف..ما قمتي تقولين لشذى خالتي...لا يكون القرار شمل الجميع قمتي تحذفين الألقاب؟؟؟... شذى ضحكت:هههههههه لا أنا قلت لها لا تناديني خالتي أحسن شذى حاف كذا...عشان بالمره نطيح الميانه مع بعض ونصير صديقات.. نوف تناظر بشاير بحنق... بشاير:أقول نوف شكل العدوى انتقلت لك من أمك اشوف نفس النظرات؟؟.. شذى بدون تفكير:لا حرام عليك نوف تهون عند فاطمه... سكتت شذى وحست بكبر كلامها لمن قطته بخاطرها(ياربي انا وش قلت؟) أما نوف سكتت وماعلقت حست بالغصه إنه امها تكون صورتها سلبيه كذا أما بشاير ما قالت شي بس حست بكبر كلام شذى.. شذى تحاول تبرر وقفها لنوف:سوري نوف حبيبتي والله ماقصدي شي.. نوف بالموت طلع صوتها:لا عادي... شذى:لا نوف شكلك زعلتي من كلامي..ترى والله طلع من دون شعور.. نوف بغصه تحاول تنهي الموقف:لا شذى والله عادي.. سكتت شذى وقعدت تتأمل ملامح نوف..باين إنها زعلانه..يالله وشلون أنا قلت لهالأنسانه البريئه هذا الكلام؟؟...وهي عكس امها بكل شي.. بشاير وهي تكلم شذى:وينك ادق امس عليك وماتردين؟؟؟.. شذى تناظر بشاير:أمس كنت مشغوله و... قطع كلامها لمن شافت نوف قامت.... شذى:نوف....نوف.... ما ردت عليها نوف.... شذى تكلم بشاير:أقول بشاير..شكل نوف زعلت مني صح؟؟؟... بشاير تناظر نوف وهي طالعه:إيه صح زعلانه...بس لا تخافين بترضى من نفسها... شذى:بس أنا غلطت وسبيت أمها... بشاير:لا تخافين...نوف تعرف امها وحركاتها...فلا تاخذين بال لها.. شذى برجاء:من جد ما أبي نوف تزعل علي... بشاير: المهم شذى..لا يفوتك الثنائي المدهش وهم يحاولون يسوون أكشن بحركاتهم... . . بالطرف الثاني بالمجلس كانت قاعده عايشه مع فاطمه.. عايشه:فاطمه...وش في بنتك قامت شكلها زعلانه؟؟؟... فاطمه بغير اهتمام:وش يدريني عنها...بس مشالله سلمى وش فيها احسها سمنت عن أول... عايشه:هذا لأنك ماشفتيها من ثلاث سنين... فاطمه:تعرفين..لمن تجي نكون مسافرين...وبعدين هي ماجات إلا مره... عايشه مفتخره باختها:مشالله هي كانت تاخذ دراسه صيفي والدكتوراة ماخذه أول كل وقتها..شوفي ألحين مشالله نادر تاخذ وحده بعمرها الدكتوراة..وهي باقي صغيره... فاطمه بإعجاب:مشالله تبارك الرحمن...تعلميني ببنت عمي؟؟... عايشه:وأخيرا يا فاطمه بتستقر أختي هنا....يالله متى يفتحها الله على عبدالكريم ويجي هنا ويترك شغله هناك... فاطمه من غير ماتهتم في عبدالكريم:تدرين يا عايشه..والله خساره إن تركي تروح عليه سلمى... عايشه:خلاص يا فاطمه...انسي هالسالفه..لأن سلمى بس يجي طاري تركي...تصك الموضوع على طول وتقول ماتبيه... فاطمه:أنا مو قاهرني إلا شذى ما أدري وش تبي...يا ناس أنا حاس إنها كابوس وبصحى منه... عايشه:أقول يا فاطمه يا قواة وجه مرة أخوك..بعد اللي عرفته عن سلمى جات توقعتها مارح تجي... فاطمه وهي تناظر شذى وبعدها لفت على عايشه:لاااا...بالعكس انا توقعت تجي مليون بالميه...أكيد تبي تشوف سلمى... عايشه بغرور:مشالله سلمى كامله والكامل وجهه...وأكيد هي غيرانه ...خل تدق على الخشب... |
تابع الجزء التاسع..... سارا اللي كانت قاعده مع سلمى خويتها بالدراسه إلى المرحله الجامعيه.. سارا:هاه وش أخبارك يا حلوة؟؟؟.. سلمى:الحمدلله....وش أخبارك أنتي؟؟؟... سارا:طيبه...وبالمره مبرووووووووووك يا دكتورة...بالدكتوراة.. سلمى بابتسامه فاتنه:الله يبارك فيك.. سارا:بس تبين الجد ماتوقعت مشالله تجيبينها بهالسرعه؟؟؟.. سلمى تتصنع الخوف:يمه منك...قولي مشالله... سارا تضحك:هههههههه قلنا مشالله... سلمى:هههههههههه لا بس تعرفين..انا كنت بتحدي لأني حطيت ببالي فترة محدده إني آخذ الشهاده فيها...وصرت في سباق مع الزمن..أدرس الليل مع النهار...وأوصل الصيف بالسنه الدراسيه ...و الحمدلله قدرت أنجح وكسبت التحدي..... سارا:أموت على التحدي أنا...والله يوفقك إنشالله.. سلمى تناظر انجود اللي جات من عند أبوها بالمجلس وقعدت جنب أمها.. سلمى:مشالله هذي بنتك يا سارا؟؟.. سارا:إيه هذي انجود..أحلى بنات العالم... سلمى تمزح:أحلى بنات العالم...القرد بعين أمه غزال... سارا وهي تضم بنتها:قرد بعينك..بنتي قمر..وأحلى من القمر بعد.. سلمى:ههههههه إذا بنتك أحلى من القمر...عز الله إن القمر شين... سارا:الله عليك يا سلمى قولي إنك غيرانه من بنتي؟؟؟... ضحكت سلمى...وأخذت انجود وسلمت عليه وكانت انجود تناظر في سلمى باستغراب... سلمى تكلم سارا:وش فيها بنتك..تناظرني باستغراب؟؟... سارا:يمكن مو متعوده عليك... سلمى:تعرفين غيبة خمس سنين مو بسيطه أبد... سارا:إيه أتذكر أول ماسافرتي..كنت توني جايبه انجود... سلمى وهي تناظر بشذى:هذيك زوجة تركي؟؟؟... سارا بابتسامه:إيه هذي هي... سلمى وهي تناظر شذى وهي تسولف مع بشاير:باقي صغيره؟؟.. بعمر بشاير شكلها صح؟؟؟.. سارا تناظر شذى:لا هي أكبر من بشاير بسنه أو سنتين تقريباً.. تلاقت عيون شذى بعيون سارا...ابتسمت سارا لها وبادلتها شذى الإبتسامه... . . بشاير:إذا إنتي خايفه تعالي نامي عندنا... شذى تفكر:صعبه يا بشاير... بشاير:ليه صعبه؟؟؟...يعني بتنامين لحالك؟؟؟... شذى:تركي يقول لي..بلا دلع معي بالبيت الشغالات بس من جد والله أخاف بحالي...الأخ يبي يرابط بالشغل وينام برى البيت وانا انام بحالي...ويقول عادي ليه تخافين الرياض مليانه... بشاير:والله شرير هالتركي...ماعليك منه بس يروح الدوام تعالي بالسواق عندنا وقبل لايرجع البيت اليوم الثاني ردي البيت قبله... شذى تتطنز:تصدقين والله فكره؟؟؟... بشاير:تتطنزين طال عمرك؟؟؟... شذى:انا ادري عنك...مسويه فيها عبقور أم الحلول.. بشاير:أجل كيفك...نامي بحالك وموتي خوف... شذى:اموت خوف هاه؟؟...اقول الشرهه على اللي يشكي لك مع هالخشه... بشاير:على العموم..انا مارح أضرر..الضرر كله بيلحقك... شذى تكلم بشاير:خلينا من هالسالفه...مشالله حلوة بنت عمك سلمى.. بشاير بغرور:بس انا احلى... |
تابع الجزء التاسع..... شذى:الحين من سأل عنك؟؟؟... بشاير:محد...بس حبيت أذكرك إني أحلى... شذى:المهم...سلمى هذي وش تدرس؟؟؟... بشاير:كيمياء...صايره سلمى دكتورة... شذى بخاطرها(مشالله جمال وعلم بعد دكتوراة):طيب هي مخطوبه من قبل؟؟؟... بشاير تخزها:انا أعرف ليش تسألين مس شذى؟؟؟..عن سلمى... شذى ارتبكت:ليه؟؟؟...انا أسأل عادي... بشاير:على هامان يا فرعون... شذى:فرعون بعينك...أنا اسأل عادي عن بنت عم رجلي... بشاير:عادي ولا ملون هههههههههه.... شذى:كع كع كع...بايخه... بشاير:انا البايخه..ولا إنتي...المهم تراني عرفت عن السالفه اللي صارت ببيتنا يوم أبوي بالمستشفى مع فاطمه وعايشه... شذى انصدمت:أي سالفه؟؟.. بشاير:لا تمثلين علي...المهم إني عرفت السالفه... شذى اللي اعترفت:من وين عرفتي؟؟؟... بشاير:من مصادري الخاصه.. شذى:بشورة يله قولي لي من وين عرفتي وخل عنك حركات المسلسلات... بشاير:بشورة هاه...طيب باقولك يا شيخه لأني إذا ما قلت لك راح تلصقين فيني لصقه مهوب طيبيعيه... شذى بضيق:ياربيييه بشاير... بشاير تبي تقهرها:صح ما قلتي وشلون إنتي عايشه وإنتي إنسان لصقوي...يعني بالعربي عندك تلصقين يعني إذا نشبت بالواحد ما عاد تفكينه إلين يقول الموت يارب أرحم... شذى:ياليل ما أطولك... بشاير:طيب وش شعورك لحظة ماعرفتي إنك إنسانه لصقه...أكيد إنتي وجه لشركة باتيكس... شذى:تدرين لا تقولين لي... بشاير تضحك:هههههههههه خلاص بأقولك...نوف قالت لي... شذى اللي انصدمت شكل السالفه منتشره عند العايله كلها:نوف وش يدري نوف؟؟.. بشاير:سمعت أمها تقولها لناصر عقب ما رجعوا ذيك الليله من عندنا بصراحه هذاك اليوم استغربت لمن طلعت فجأة بس بعدين عرفت وعذرتك... شذى وهي حاطه يدها على خدها:هلا هلا...ناصر زوج فاطمه بعد عرف..من باقي ما عرف... بشاير:وأنا انتظرك يا الخايسه متى تقولين لي.... شذى بحزن:وش تبيني أقولك... بشاير وهي تواسيها:ما عليك منهم والله كذابين... شذى وهي تناظر سلمى:بعد ماشفت سلمى ما أتوقع إنهم كذابين... بشاير:ماعليك منهم هالثنائي المدهش...والله كذابين وتركي خطبك إنتي أول وحده...وبعدين بأقولك معلومه يمكن تركي ماقالها لك ترى اهلي حاولوا إنه يخطب جواهر بنت خالي بس رفض مايبيها وحاولوا إنه ياخذ سلمى بس قال إنه غض البصر عنها... شذى:يعني كان حاط عينه عليها... بشاير بتهور:هو كان ميت عليها(بعدها استوعبت)هو ماكان ميت يعني ميت لااا..يعني كان يشوفها حبيبه.. شذى:لا عادي إنه كان يحبها...انا حاسه بكذا... بشاير باعتها:تبين الصدق...هو كان يحبها موت بالثانوي وبكى عليها بعد تخيلي توه مخلص الثانوي يقول اخطبوها لي ألحين انا صرت رجال وعمري 18ههههههههههه والله عبيط تركي.. بس لمن كبر وقال إنه يبي يتزوج على طول قالوا له سلمى...قال ما أبي سلمى...حاولوا معه يمين يسار فوق تحت أبد مافيه فايده..ودورا له من جميع بنات العوائل اللي نعرفهم...بس مالقوا له أحد..وعاد بعدها بفتره جاتنا عبير بالبشرى إنه لقت البنت اللي تصلح لتركي..وقعدت تمدح فيها وإنها طالبه عندها بالقسم محد مثلها متميزه وعليها هاله إعلاميه من بنات الكليه اللي بالشرقيه والبنت هذي ذوق وتيك أوي يوم قالت كذا قال تركي أبد هذي هي حصلناها...ولك ياعبورة الحلاوة...وفي الأخير كانت البنت إنتي بحضرة جنابك اللي كلنا متشوقين نعرفك... سكتت شذى وابتسمت... |
تابع الجزء التاسع..... بشاير:أقول لا تكبرين راسك علينا... شذى:وش تبيني أسوي مثلا..أرقص؟؟؟... بشاير:يعني إنتي ماعندك حل وسط إذا أحد مدحك يا تبتسمين بس ولا تقومين مره وحده ترقصين؟؟؟... شذى تتتطنز:شفتي شلون ماعندي حل وسط.... . . بعد العشاء عند الرجال... تركي:وين ياعبدالكريم ..ما أمداك ترد نفسك... عبدالكريم:تعرف وراي دوام... متعب يمزح:السفاره من عقبك ياولد عمي صكرت... الكل ضحك... عبدالكريم يجاريه:شفت كيف..لازم أرجع وافتحها تعرف المصالح المشتركه والعلاقات بين البلدين أساسها السفارات... فارس:أقول يا خالي يمدي أروح أدرس عندك هناك... عبدالكريم:وأنتوا شفتات إنشالله واحد يسلم والثاني يستلم عندي تدرسون... ابوفارس:لا تكون الجامعات هناك إنشالله لك ياولد عمي؟؟... عبدالكريم يضحك:ههههههههههه كان زين إنها لي... فارس يضحك:لا تخاف مارح أدرس عندك..بأدرس هنا بالرياض.. عبدالكريم:أحسن لك يا فارس عند أهلك... أبوعبدالكريم:كان زين إنك أنت تفهم بنفسك وتقعد... ناصر:ما عليكم منه عبدالكريم..هذا الرجال المستقبل قدامه في السياسه واعد.. نايف: أنا اؤيد كلام أخوي ناصر..مستقبله واعد في السياسه مشالله عبدالكريم:سمعت يابو عبدالكريم...ولدك سياسي كبير بإذن الله وراح يكون سفير لبلاده إنشالله..بس اصبروا علي كم سنه... متعب: قصدك كم عقد هاه؟؟؟... عبدالكريم:مارح أرد عليك...ردي راح يكون لمن أصير سفير بإذن الله... ابوفارس:احلم يا عبدالكريم ترى الأحلام ببلاش... ابو بندر:أقول يا عيالي لا تكسرون مجاديف ولد عمكم..خلوه يسعى في طموحه والله يوفقه إنشالله.. تركي:ههههههه ماعليك منهم ياعبدالكريم..هم كذا حتى علي انا... عبدالكريم:ليش؟؟؟... تركي:لأننا طلعنا خارج نطاق تغطيتهم... عبدالكريم:إيه والله صدقت ياتركي..(يكلم اهله بالمجلس)ياجماعه أنا وتركي مانبي تجارتكم صح ياتركي؟؟... هز راسه تركي بالإيجاب وهو يبتسم.. عبدالكريم يكمل:والله عاد أنا أحب السياسه وتركي يحب العسكريه.. وكلنا في خدمة الوطن... فواز:أموووووووووووت انا على الوطنييين... . . حصه:والله إنك يا سلمى احلويتي مشالله عليك... سلمى:عيونك الحلوة ياعمه... ام بندر:والله أخيرا رجعتي ياسلمى ماني مصدقه... فاطمه:إلا صدقي يمه...والله لك يا سلمى يا خايسه وحشه... سلمى بغرور:انا خايسه حرااااااااام عليك يابنت عمي... عايشه تناظر شذى:إذا سلمى خايسه أجل ثلاث أرباع البنات شيون.. فاطمه:إيش ثلاث أرباعهم..إلا كلهم شيون...امزح ياسلمى... سلمى تبتسم:أوكيه بس لا تعيدنها... سلمى تناظر شذى:إنتي مرة تركي؟؟؟... شذى تناظرها:إيه....(بعد تردد)هلا فيك سلمى... سلمى تقزها وترفع حاجب:شخبارك شذى؟؟... شذى:تمام...ومبروك على الدكتوراة... سلمى:الله يبارك فيك...فرصه سعيده إني شفتك... نوف اللي رجعت على طبيعتها بعد العشا:عاد لو قعدتي مع شذى راح تحبينها موت.. ناظرت فاطمه ببنتها نظرة تهديد يعني اسكتي... سلمى تكلم شذى:إنشالله...اتوقع بينها صداقه حلوة... شذى اللي حبت نوف زياده وناظرت سلمى:إنشالله.. بشاير تناظر فاطمه...وعايشه تناظر سلمى أختها....ولا أحد يعرف الغيب اللي يحمل كثير من المفاجآت...والمفاجعات؟!.. |
تابع الجزء التاسع..... أبو محمد قاعد مع ولده محمد بالصباح الساعه ثمان... محمد:يباه لا تجبره على شي ما يبيه... أبومحمد:أخوك مرجوج..وما يعرف وين مصلحته.. محمد:بس يباه الزواج عشرة عمر...هذي بيكمل باقي مشوار حياته معها... أبومحمد:خل عنك الكلام الفاضي ذا..وقم قول لأخوك يا يمشي معنا هذا الخميس نخطبها..ولا أنا وإنت نروح نخطبها له... محمد:يعني هو غصب الزواج يباه؟؟.. أبومحمد بعصبيه:إيه غصب..ولا وين بيلقى مثل منال أدب وأخلاق وقرابه... محمد:مهوب لازم القرابه..النفس وماتهوى يباه.. أبومحمد:اسمعني زين...الواحد مارح يلقى مثل بنت جماعته وأهله.. محمد بسخريه:مادام هذى حكيك يباه..ليه زوجت شذى ناس ماعرفناهم إلا يوم جو يخطبون... أبو محمد بغضب:اهل زوج اختك ناس لهم مكانتهم بارياض وما عليهم كلام...ولمن جونا بصراحه ماقدرت أردهم... توتر الجو عقبها وساد الصمت بينهم...اللي أنقذ الموقف هو دخول سعود عليهم... سعود:هاي... أبومحمد بضجر:وعليكم السلام... سعود وهو يقعد جنب أخوه محمد يقول بإحراج:السلام عليكم ورحمة الله... أبو محمد ومحمد:وعليكم السلام ورحمة الله وبركاته... سعود بابتسامه:وش عندكم على هالإجتماع المغلق؟؟؟.. محمد يناظره:أي مغلق... قاعد أسولف مع الوالد... سعود:طيب ليه سكتوا لمن دخلت؟؟؟.. محمد:ما سكتنا... سعود:طيب إيش كنتو تسولفون فيه؟؟.. محمد بضيق:اللهم طولك يا روح...إيش عندك اليوم أسألتك كثيره؟؟.. سعود بابتسامه:لا أبد...بس الفضول زايد اليوم عندي حبتين... أبو محمد اللي دخل في الموضوع :اقول يا سعود جهز عمرك بنخطبلك منال هالخميس... سعود منصدم ويناظر بمحمد أخوه يعني أنقذني... محمد يتدخل:يابو محمد الله يهداك وش كنا تو نقول؟؟؟.. أبو محمد:خل عنك كثر الهرج اللي مامنه فايده.... سعود بضيق:أي هرج يباه...بالعربي الفصيح منال ما أبيها... أبو محمد:بالعربي ولا غيره...ياتخذها يا سعود ولا بتندم.... محمد:أي يندم يباه؟؟..سعود رجال فاهم..خله على راحته... أبومحمد بغضب:وإنت إنشالله في كل زواج من زواجات أخوانك تقعد ناشب لي..وترفض وتوافق على كيفك.. محمد سكت يحاول يمسك أعصابه..خاصه في زواج شذى قاطعه أبوه شهور..ومايبي الموقف نفسه يتكرر... سعود لمن شاف الجو صاير متوتر كذا حب يلطف الجو شوي... سعود:أقول يابو محمد..مادريت إنهم ألحين بالصحه يحذرون من زواج الأقارب... أبو محمد ساكت يبي يعرف آخر كلام سعود... سعود بابتسامه لمن شاف أبوه ساكت:عاد إنت ما سألتني ليه؟؟.. محمد بابتسامه:ليش؟؟... سعود:لأن زواج الأقارب يجيب الأمراض...عشان كذا أنا خايف على عيالي مستقبلا فمارح أتزوج منال.. أبومحمد:بتاخذها ورجولك فوق رقبتك.... وقام أبو محمد وطلع... لف سعود على محمد وقاله بإستغاثه:الفزعه يا محمد... محمد وهو يطق الصدر:خلها علي إنت وما عليك.... سعود بابتسامه:أنا أشهد إنك قدها...خشمك.. |
تابع الجزء التاسع..... سلمى:وين فارس ماشفته؟؟؟.. عايشه:ما جا سلم عليك يوم العزيمه؟؟... سلمى:لأ...الخايس شكله ما اشتاق لخالته...يا حبي لفواز جاني بالمطار وسلم علي...مو أخوه فارس... عايشه:ما عليك منه بأخليه يجي يسلم عليك.. سلمى هي تعقد حواجبها:لأ لا تخلينه يجي..خليه هو يجي بحاله.. عايشه تفشلت من ولدها:تعرفين يمكن مشغول بدراسته.. سلمى باقي معقده حواجبها:ليه هو إيش دخل؟؟.. عايشه:دخل هنا جامعة الملك سعود... سلمى:أقصد أي تخصص؟؟... عايشه:دخل هندسه... سلمى:أشك في إن ولدك بيفلح بدراسته...ولا كان قلت لك خليه يروح جامعة جورج تاون بأميركا.. عايشه:هو كان يبي الجامعه الأميركيه... سلمى:اللي بالإمارات؟؟؟.. عايشه:لأ...اللي ببيروت.. سلمى:ولدك إذا بيروح بيروت بيصيع...عاده خفيف.. عايشه تغير السالفه:حدك على بكري فارس...المهم وش رايك بمرة تركي؟؟... سلمى تتذكر شكل شذى وتتكلم بغرور:حليوه...مشي حالها..بس باقي صغيره..غريبه تركي ياخذ له بزر...توقعت تركي أكبر من كذا... عايشه:ماهيب بزر شذى...إلا عقربه...بس مدري وش محبب ولد عمك فيها... سلمى اللي حب تركي قد تلاشى من قلبها..حست بالغيره من شذى إن اللي كان يموت فيها تركها وحب له ثانيه غيرها.... سلمى تناظر عايشه:تركي عجيب...(ابتسمت)حتى في زواجه بس تبين الصدق زوجته حلوة والله ماهيب حليوه خاصه غمازتها.. قهر ماعندي أنا غمازة... عايشه:أنا قد قلت لك..هذي كانت تدرس عند خالته عبير..بالشرقيه. سلمى:ذوق عبير هاه...والله عبير هذي داهيه..بس شذى هاذي ناعمه الحيل ومشالله جسمها مررررره حلو... عايشه انقهرت من شذى ماتبي حد يمدحها:والله إنك أحلى منها بواجد.. سلمى:ههههههههه أصلا مافيه أحد أحلى مني... عايشه:بغيت أقولك..فاطمه والله أكثر وحده فرحت برجعتك... سلمى تبتسم بغرور:آه يافاطمه بس لوتعرفين وش كبر معزتها بقلبي *** فتحت شذى جوالها وقعدت تقرى المسجات اللي بجوالها من الزهق وقرت كم مسج لريم..خطر على بالها إنها تدق عليها..خاصه إن لها أسبوع ماكلمتها.. شذى:هلا ريما؟؟... ريم بفرح:هلا والله بشذى أخبارك؟؟.. شذى:تمام..وإنت وش مسويه؟؟.. ريم:الحمدلله... وقعدوا يسولفون شوي إلين وصلوا لسلمى... شذى بقهر:شفت سلمى يا ريم شفتها... ريم بشغف:هاه وش شفتي؟؟؟..قولي لي بسرعه... شذى:تهبل يا ريم...تجنن...وش أقولك عن العود الريان...ولا عيونها عيون المها...أو شعرها البني بلون الشوكلت...ولا الملامح اللي تقولين لوحه لأفضل الفنانين.... ريم:واااااااو وش ذا؟؟...ملاك ماهيب إنسان.... شذى:اسكتي بس...تخيلي مو معور قلبي إلا عيونها نفس عيون تركي بالضبط...ياجعلها المرض... ريم تواسي خويتها:ما عليك منها خليك واثقه من نفسك... شذى:أنا واثقه من عمري..بس من جد أول ماشفتها ماقدرت أشيل عيني من عليها...جذابه يا جعلها القراده... ريم تخفف عليها:ما عليك إسفهيها...مشالله عليك وش ناقصك إنتي ...حلوة وتهبلين... شذى:ماعلينا...تدرين إن أخوي سعود بيخطب... ريم:لاااااااا...مبروك... شذى:بس ما سألتي من سعيدة الحظ.... ريم بفضول:مين...والله هنيالها في سعود..لولا عزوز ولا كان أنا خطبته لعمري... شذى:هههههه يا الخايسه جد ماتستحين...أبوي بيخطبها بنت عمي منال... ريم بصراخ:مناااااال...هذيك الخايسه..والله ماتستاهل... شذى:شفتي شلون...حتى هو ياقلبي مايبيها بس أبوي بيجبره عليها.. ريم:والحل؟؟؟.. شذى:ما ادري بس كلمني...وقال لي يبيني ادور له حل...كلمت أمي بعدها وقالت لي ماباليد حيله...خلاص مادام أبومحمد حط براسه شي لازم يسويه... ريم:يعني خلاص ما قدامه إلا ياخذها؟؟؟... شذى:لا أنا عاد قلت ندور لها بديله..يعني ندور وحده لسعود ونحاول نقنع أبوي فيها... ريم تضحك:ههههههه إن كيدهن عظيم... شذى:إيه والله كاسر خاطري أخوي... ريم:طيب مين هي البديله؟؟؟... شذى بتفكير:ما أدري...من جد ما أدري.... |
تابع الجزء التاسع..... في بيت فاطمه... فاطمه بفرح:ياربي شصاير في الدنيا اليوم...تركي جاي يزورني بدون دعوه ولا عزيمه... تركي وهو يقعد:لا وش دعوه...إنتي العزيزه والغاليه... فاطمه وهي تقعد قباله:من زمااان عنك...اخبارك؟؟... تركي يبتسم لها:طيب...إيش اخبارك إنتي؟؟.. فاطمه:الحمدالله بخير... تركي:وين عفاريتك...اقصد عيالك... فاطمه تضحك:ههههههه حسبي الله على إبليسك..فوق ألحين بينزلون.. تركي:تبين الصدق يا فاطمه عيالك عفاريت مجانين...مايدخلون مكان إلا يقضون عليه.. فاطمه:تركي عاد لا تغلط عليهم هذول عيوني الثنتين... إلا يدخلون عيالها الثنين ريان وزياد... تركي:هلا والله بعيال أختي... ولمن شافوا ريان(5 سنين) وزياد(7سنين) عيال فاطمه خالهم تركي إلا راحوا يركضون له ونطوا عليه... فاطمه:شوي شوي على خالكم...عز الله كسرتوا ظهره... تركي بعد ما سلم عليهم ونزلهم يجلسون جنبه:فاطمه وش تأكليني عيالك..حشى الواحد فيهم عن عشره... فاطمه:قول مشالله... تركي يضحك:مشالله لا تخافين على عيالك عفاريت مايصيبهم شي.. ريان يكلم تركي:حالي تذكي بلوح معك... زياد يبتسم:حتى انا بروح معكم... تركي:خلاص لمن بروح باخذكم معي...(يكلم فاطمه)ترى باخذ معي هالبراميل المتحركه اوكيه؟؟... فاطمه ضحكت وهزت راسه بالإيجاب... وقعدوا يسولفون شوي...إلا تدخل عليهم نوف... نوف فرحانه:خالي تركي هنا؟؟؟... تركي يسلم عليها:هلا والله بنوف شيخة البنات كلهم... نوف:شخبارك خالي؟؟... تركي:الحمدلله...إنت وش مسويه مع المدارس... نوف بضجر:زينه... تركي:يالله عاد جيبي ممتاز هالسنه.. نوف:خير إنشالله....ليه وين شذى ليش ماجات معك؟؟؟.. فاطمه حقرت نوف على سؤالها...انتبه تركي لها انحرجت فاطمه... تركي يناظر فاطمه:ليه فاطمه ماتبينها تجي؟؟؟.... فاطمه ماردت.... تركي يكلم نوف:لا أنا مريت من عند بيتكم وقلت خلي أنزل اشوفكم ... تركي يناظر فاطمه :بس إذا فاطمه بتعزمني انا وشذى بتجي مارح تقول لأ.... فاطمه:انشالله....يستاهل أخوي عزيمه... تركي يفتح الحوار على مصراعيه:فاطمه...وش بينك وبين شذى عشان تكرهينها... فاطمه تنكر وتعقد حواجبها:أنا أكرهها؟؟..ليه وش بيني وبينها.. تركي:هذا أنا أسألك... |
تابع الجزء التاسع..... فاطمه:ليه هي وش قالت لك... تركي وهويعقد حواجبه:أشياء كثيره..واللي صار ببيت أبوي لمن كان بالمستشفى مع عايشه مرت بندر... فاطمه باحتقار:مشالله شكلها ما سكتت كل شي قالته... تركي:انا زوجها...وإذا ما شكت لي من تشكي له... سعود:هلا بهالصوت... سلطان:هلا فيك... سعود:أخبارك إيه؟؟؟... سلطان:هههههههههه وش عندك صاير تحكي مصري؟؟؟.. سعود بضيق:اللي فيني يخليني أحكي سوداني مو مصري... سلطان:قول ياسعود..طلع اللي بخاطرك... وحكى سعود لسلطان خويه كل اللي فيه...إن أبوه يبي يجبره يتزوج بنت عمه..وإنه مايبيها... سلطان:اسمع يا سعود طع شور أبوك... سعود بعصبيه:سلطان لا تنرفزني إنت الثاني...ما أبيها الإنتحار عندي أهون من إني اقعد معها يوم واحد... سلطان:ماتدري سبحان الله...ماتجي المحبه إلا بعد عداوة... سعود:هاذي عندي هي والشيطان واحد...العداوة والبغضاء أبدا... سلطان ضحك:ههههههههه يا حليلك ياسعود... سعود يقلده:ياحليلك يا سعود...أصغر عيالك أنا... قعدوا يسولفون شوي...وبعدها صكر سعود من سلطان كان إخوتهم قويه ببعض..وكل مالها ماتقوى... فكر سلطان بسعود لمن جاهم الشرقيه مره من زمان..وشكى له عن همومه اللي فيه...كيف إنه ترك دراسته وهي ماباقي إلا سنه..ورجع للسعوديه لأهله...لأنهم كانوا بحاجه له...ماعندهم أحد يصرف عليهم..أبوهم ميت وأمه مع اخته أميره وأخوه الصغير سطام...لمن تركهم ضحك عليهم خاله الظالم الجشع الطماع..وأخذ كل اللي وراهم ودونهم...وبقوا من دون أي عائل..فاضطر إنه يرجع لأن اخوه سطام عمره 8سنين...ومارح يقدر يصرف عليهم..ولمن رجع أضطر إنه يشتغل بشهادته الثانويه...لأنه باقي ماكمل دراسته الجامعيه...في أحد الشركات الخاصه براتب ضئيل بالكاد يكفيهم... وهو أول ماعرف إنه خالهم ظحك عليهم..وغرر فيهم على طول رجع حتى من دون مايقول للطلبه السعوديين أخوياه اللي معه بالبعثه.... *** راح محمد يكلم خالد عشان موضوع سعود...التقى معه ببيت خالد نفسه...خالد حس إن أبوه مارح يقتنع... محمد:يا خالد اقنعه معنا... خالد:ياخوي تعرف أبوك راسه يابس مايقتنع... محمد:بس لمن كلنا عياله الثلاثه نقنعه...صدقني بيقتنع... خالد:طيب خلو أمي تقنعه... محمد عصب:من متى أبوي ياخذ راي الوالده..اللي يسمعك يقول توه عايش معنا...مايعرف شي... خالد:صدقني يا محمد...إن منال مهيب شينه...ليه إنتوا واقفين ضدها المسكينه... محمد:تقول كذا...لأنها اخت مرتك وما ترضى عليهم... خالد:أنا أقول كذا لأنها بنت عمي قبل لاتصير أخت مرتي.... محمد:عطني من الآخر؟؟؟... خالد بعد فترة صمت:خلاص بكلمه...مع إني عارف إن كلامي بيروح سدى... محمد وهو طالع:إنت بس كلمه يابو السدى...ولا تتشائم... *** فاطمه:تخيلي يا عايشه مايرضى عليها... عايشه:ساحرته...يا جعلها اللي ماني بقايله... فاطمه:تصدقين قالي يا فاطمه إذا إنتي تحبيني عامليها زين..وإذا لي معزه بقلبك إحترميها... عايشه:وإيش قال بعد؟؟؟.. فاطمه:وقعد يقولي إنه طول الفتره الماضيه داري بس ساكت..ولمن شاف إن الوضع مستمر...كلمني... عايشه:ما أصدق هذا تركي أخوك اللي يحبك...من جد العقربه غيرته عليكم... |
تابع الجزء التاسع..... قعدت تتأمل عيونه...ياربيه نفس عيونها والله بالضبط... ....:الأخت معجبه؟؟... استوعبت شذى... شذى تناظر تركي:لأ...مغرمه... تركي:هههههههه لك ساعه تناظريني..وش عندك.. شذى هي تحط يدها على خدها:قلت لك مغرمه..عاشقه..هيمانه.. متيمه.. تركي بغرور:طبعا فيني... شذى:أكيد..إنت حبيبي...يابعد هالدنيا كلها... تركي:الله عليك تلعبين علي بهالكلام...وأصدق أنا المسيكين... شذى:والله ما العب إلا أتكلم وأقول الجد... تركي:طيب بعد ثلاثه أيام ترى عندي مرابط زامات بالشغل... شذى:وانا أنام بحالي هاه؟؟؟... تركي بضيق:ألحين يا شذى لي أسبوعين كل ما يجيني أخلي اخوياي بالعمل يغطون علي ترى مايصير كذا... شذى:يعني وش تبيني أسوي انا...يابن الناس اخاف انام بحالي... تركي:على قولتك وش اسوي انا..آخذك معي الشغل؟؟.. شذى:ما قلت خذني الشغل معك...بس اخاف انام بالليل بحالي... تركي:أقول شذى خلي عنك الدلع...عيب صرتي مره كبيره.. شذى:طيب بشاير قالت لي حل... تركي وهو يتكتف:بشاير بعد عزالله الحل الزين...وشو الحل؟؟؟.. شذى بتردد:تقولي تعالي نامي عندنا... تركي:حلوة ذي...طيب ليه ماتجي بشاير تنام عندك... شذى فرحت بالفكره:والله فكره... تركي:خلاص قولي لها وشوفي بتوافق... شذى بفرح:أكيد إلا غصب توافق..... *** عايشه:سلمى وبعدين معك؟؟؟... سلمى بضيق وهي تقعد على كرسي المكتب اللي بحجرتها:إنتي وش تبين توصلين له؟؟؟... عايشه:وش سالفة عادل هذا اللي بايعه الدنيا عشانه؟؟؟.. سلمى وهي تناظر عايشه بنظرات حاده:عادل هذا اللي خلصت دراستي مبكر عشانه...عادل هذا اللي بيسوي أي شي عشاني أنا... عايشه بضجر:سلمى إصحي...شوفي إنتي بنت مين وهو ولد مين.. سلمى:كلنا عيال آدم وحواء... عايشه:بعينك...سلمى هذا مايصلح لك... سلمى:ليه ما يصلح لي؟؟؟... عايشه:سلمى ما إنت مراهقه..عشان أقولك هذا يصلح وهذا مايصلح... سلمى تحقر إختها:عايشه..مالك دخل فيني.. عايشه:لأ لي دخل...لأن هذا بيلحقنا كلنا.. سلمى:ياشيخه روحي...إنتوا بس يهمكم سمعتكم...الله في السمعه عاد... عايشه:سلمى مجنونه إنتي تبين تتزوجين واحد مدري وش أصله.. سلمى:جدواي...هو أصله من جده... عايشه:تبين تقولين لي إنه حجازي؟؟؟ |
تابع الجزء التاسع..... سلمى تبي تصرفها:إيه...عليك نور حجازي... عايشه:تضحكين علي إنتي...هو أصله عروقه أجداده مو من جده... سلمى بسخريه:أجل من وين يا الفهيمه؟؟؟... عايشه تجاهلت نبرة السخريه بصوت أختها:أصولهم أتراك.. سلمى:المهم إن جنسيته ألحين سعودي وجوازه سعودي...ومشالله كلامه سعودي...وبعدين هم من كبريات عوائل جده... عايشه معصبه:انثبري... سلمى عصبت وقامت :بعينك أنثبر...أجل تبيني أتزوج لي واحد من هالصحراء؟؟؟...ولا تبيني آخذ من أهل الرياض البدو؟؟؟... وقربت سلمى من أختها عايشه وقالت:أبغى لي واحد..متحضر فاهمني ويحبني... عايشه:سلمى لا تذبحيني...إحنا قبايل لنا عاداتنا وتقاليدنا... سلمى سكتت وقعدت تناظر بأختها.... *** ام محمد:هاه وش حصلتي ياشذى؟؟... شذى:مالقيت... ام محمد:الله يهداه أبوك إلا ياخذ منال لسعود... شذى:لأنها بنت أخوه...وعلى باله إنها مثل مها...يازين مها عندها.. ام محمد:المشكله إنها تجي تسلم عليه ويشوف حركاتها...ويعرف حركات مها..والفرق واضح مثل الشمس... شذى تضحك:ههههه شكل سعود يمه عبى راسك على منال... ام محمد:لا أبد...وتراني والله أحب منال البنت هذي حبيبه... شذى:أي حبيبه إلا تتميلح عندك إنتي وأبوي من اول عشان تخطبون لها سعود... ام محمد:الخير في مايكتبه الله... وقعدت أم محمد تسولف مع شذى وبعدها صكرت...وبعدين بفتره بسيطه دخل سعود من برى... سعود:هلا باللي احبه كثر تعذيبه..وكثر مايغيب وكثر ترحابي... أم محمد:ههههه هلا سعود... سعود:في إيش سرحان ياجميل؟؟؟... أم محمد:فيك بخطوبتك بمنال اللي أبوك مصرعليهاوش بتسوي؟؟... سعود يناظر الجهه الثانيه:ما أقول إلا إن الله يبعد منال عني... *** ببيت ابو عبدالكريم... عايشه:بتسافر يا عبدالكريم خلاص؟؟؟... عبدالكريم:والله ياخويتي وراي شغل...ولا تكلميني إني أتركه لأن هذا الموضوع يجيني غثيان منه من كثر ما تكلمنا فيه... عايشه بحزن:انا بصراحه جيت أكلمك فيه..شوف امي وأبوي كيف صار حالهم...حرام عليك يا عبدالكريم هم ألحين بحاجه لك..بحاجه لعطفك مثل ما إنت كنت بحاجه لعطفهم يوم كنت طفل..هم ألحين بأرذل العمر..((وبالوالدين إحسانا))... عبدالكريم سكت... عايشه وهي تشد يدها على يد أخوها:عبدالكريم..فكر وصدقيني مارح تخسر... عبدالكريم:عايشه أختي...حبيبتي...إفهميني شغلي من جد ما أقدر اخليه...وأبوي وأمي إنتي وسلمى معهم..وعمي وعياله مارح يقصرون... عايشه:يعني خلاص بتسافر؟؟؟... عبدالكريم:بإذن الله...رحلتي اليوم بعد صلاة العشا.. *** مين عادل؟؟؟....وإيش قصته مع سلمى؟؟؟... هل راح تتم خطوبة سعود بمنال؟؟؟...ولا لقوا لها بديله؟؟؟.. سلمى وشذى؟؟؟....هل راح تكون بينم صداقه أو عداوة؟؟؟ |
| الساعة الآن 05:47 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية