 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي السادسة: العمر لحظة
(http://www.gsaidlil.com/vb/showthread.php?t=178021)
الرائعة دجى الليل
نحن ما زلنا في الانتظار.. |
وينك يا دجي نبي باقي الرواية:_7cc_56:
|
جميلة جدا يعطيك الف عافية اسلمي وسلمت الايااادي طرح وجلب رااائع اشكرك وبانتظااار جديدك المميز تقديري وكوني بخير |
حبايبي والله انا اعتذر اشد الاعتذار الحين بنزل البارت وهو شويه بس سامحوني عليه والله صارت لي اشغال ولكن الحمدلله ع كل حال تقبلوا اعتذاري يا احلى ناس متواجدين
|
البارت الثانى عشر..
: : أرغب بأن أخبئُك بي ، أحتفظ بك بمُفردي ..! أرغب بأن نتقاسم الحياة معاً ✨�� : : مَابعْد حُبكِ حُب وخالِق عيونكَ ♥️ : : في الصباح الباكر وبعد ما فطر الجميع راحوا سعود ووابوه للمحكمه يطلعون فهد مثل ما وعدوا عليا وتفاوض أبو فهد مع القاضي بدفع مبلغ الغرامه لفهد بسبب وضع ابنه سهيل في دار الايتام ،، وسعود تنازل عن فهد لخاطر ابوه وحرمته اماغانم ومارك فهم بين قضبان الحديد ... : في مكتب الضابط بعد ما قدموا التنازل عن فهد وفوق هذا تم توقيعه تعهد بعدم الاقتراب من سعود وان يتم تحويل المبلغ لسعود في خلال شهرين ،، تكلم فهد بضيقه: يبه انا اسف قاطعه وهو يقول: لم ثمك ولا أبا اسمع منك صوووت انته فاهم ولالا!!! حرك عيونه على سعود وهو يقول: انا ما قلت لك ان سجن لرياييل واباه يتم في سجن ليششش تحدني على السيره وياك وانى اكفله واطلعه .. حرك عيونه بينهم وزفر بضيق وهو يقول: لجل طاريك ي بوي ولجل ام بطي ... رفع نظره عليهم فهد وتوه بيتكلم سمع ابوه يقول: اصصصصص صوتك مابا اسمعه ممكن تنقطنا بسكاتك .. زفر بضيقه وقام بعد ما وقع التعهد وهو حاط غترته ع كتفه ويمشي بتثاقل شو يقولهم الحين سفرته كانت حب وغراميات ولعب مشى وراهم وهو منزل عيونه تحت ويتبع خطواتهم لين وصلوا سياره وركب بسكات... : : كانت قاعدة ترتب الييت مع شموخ ولكن عيونها ومخها شاردين ببعيد لدرجة انه واضح انه واقفه بس جي وجهها باين عليه التعب وشحوب وش تقول عقب هالعمر لعيالها اللي ما خلو عليها قاصر اللي حبوا يغيرون جوها امس فليل ويلطفون عليها الجو ويهدونها هديه من عندهم.. : تأملت حرمة اخوها وتنهدت بضيق معاج حق يا العليا اللي فيج مب هين عشرة عمر ومستغفلنج بو شباب ولا يبتي خبره حاولت انها تخفف عنها وهي تقول: يا العليا ريلج الحين بيي ولا تعدلتي ولا كشختي وبو بطي ياي لج .. طالعتها بعيون تايهها وضائعة شاحت بوييها صوب ثاني وهي تقول: صحيح بتعدل وبرتز قدامه لكنه ما يلزمني بعد هذا كله .. قربت من مرت اخوها ومسكت كتوفها وهي تقول: قبل ما تنفرين منه افهمي أسبابه... ردت تكسة ع الكرسي وراحت فوق تجهز وتتعدل وتحر فهد ... : : اتبعت بنظرها مرت اخوها وهي طالعه فوق ورجعت ترتب صاله وتزينها ... وماحست الا بدخولهم عليها سلمت عليهم وقربت بهم على طاولة الريوق وقعدت بينهم وهي تشوف ابوها كيف سافه فهد .. اما فوق في الغرفة بعد ماتزينت عليا بااحلى لبس عندها تنوره وقميص وفردت شعرها القصير البني على كتوفها وحطت ميكب خفيف وكثفت الماسكارا على الرموش ولبست عدسات عسليه مايله على الأخضر وابتسمت التسامة رضى ولفت على فتحة الباب وهي تشوف بطي ياينها وخضنها وهو بقول: امي ابوي طلع .. ابتسمت بالم وهي تقول: مرحبا به ،، بطي وبتردد قالت : ييب اخوك سهيل عندكم من دار سعود .. انصدم من طلبها ما توقعها بها سرعه وطالعها بتمعن وقال: انتي اجمل من بنات الغيد كلهن فقتط بالحسن عنهن يا ام بطي .. ابتسمت بحب وسمعت من وراها صوته وهو يقول: صادق يا بطي فاقت على كل بنات الغيد .. كشرت وهي تعدل وقفتها ولفت عليه ومن دون ما تطالعه وقالت : حندلله ع سلاماك ي بو بطي.. انصدم من ردها وهو يطالعها تمشي قدامه وماسكه بطي من يده قال بعد استيعاب: الله يسلمج بس وين رايحه ؟؟ قربت من الباب وهي تقول: لازم ترتاح وتغنض عينك شوي بعد التعب بندت الباب وراها من دون ما تعطيه مجال يتكلم او يقول شي .. اما هو فتم في حالة صدمه وعارف ان راسها يابس مابتي بساهل ام بطي هاي والاجر على الله يعنط بتطلع عيونه لين ما ترضى انسدح ع شبريه وسرعان ما غرق في نوم لانه منهلك وتعبان .. تابع بعد قليل ان شاء الله |
: اما تحت فكانت شموخ قاعده ترتب القعده بعد ما طلعوا الجميع سمعت صوت سعود وابوها زقرت سعود بعد تردد منها ولكن لازم تناديه لف عليها وطالعها بصمت قربت منه ووهي تشوف ابوها اللي طلع من الصاله وقالت بهمس : ماودك تروح تشوف نفسك.. ابتسم ابتسامه صفرا وهو يقول: اشوف نفسي كيف وانا هذا حالي ما بعد شوفتج شوف يا شموخ .. تنهدت بضيق وهي تقول: يابن الحلال تفائل بخير وانا مقدره وضعك انك تروم وتقدر بس انته يائس وما ينفع تيئس يا غناتي وطالعته بانحراج بعد مازل لسانها... ابتسم وهو يقول: ماعاد فيه وقت بروح ويا ابوي لا اتحير عليه ولا انتي ما بتفجين مني بسهوله عارفنج بتعطيني محاضرات ما تخلص .. زفرت بعد ما سحبت نفس طويل وقالت: وعدني تبدا تشوف نفسك وانساهم كلهم والتفت لنفسك من اول ويديد وارجع سعودي انا ،، سعود اللي اعرفه ما بهزه حد ولا يفتكر بنظره. او ارمسه او غيره .. ابتسم وهو يقول: داري ان شوقج ما بيخليني اروح لبوي بس لا تخافين بعد العده لي قعده طويله وياج ورفع ايده لها سلام وابتسم ... : : رِسالة اليوم: لا تجعل في قلبك شيئًا أعلى من الله، ليكن هو الأول في حياتك، في حُبك، في شكواك، وتقاسيم فرحك، وأنت الأسعد دائمًا♥️. : : : بعد ما نزلت ويا ولدها والفرحه في عيونه وهو يشوف عمته قالت : تنزل عروسك ي ولد الغالي .. ابتسم على عمته وهي تكمل حديثها : بس انا اختارها ... وضحكترن فونها وكانت شما المتصله ودت عليها وهي تقول: ارحبي يا بنت سيف كيف الحال .. حمد بضيق : يعني بنت سيف ينرد عليها وانا لا .. انصدمت بصوته وقالت بهمس : ليش نبرة صوتك فيها ضيق عسى ما شر ،، عمي فيه شي .. رد. بتعب وهو ينسدح عالشبريه: عمج مافيه شي انا اللي فيني .. زفرت بغيض وقالت: ماعندك سالفه تضايق والحب بين ايديك .. غمض عيونه وقال: لا تتطنزين لوسمحتي تبقى بنت عمي تراها انا نفسي ما قدرت اسووي شي فيها غير الضرب.. بهدوء ونبره مساويه لهدوئها قالت: حمد لا تخسر مفسك وتخسرها هي بنت عمك ولا لك حد غيرها بس افهمني شوي الضرب ما يحل شي لكن تاكد الدنيا دين وترد ع راعيها كل شي سواه وانا قتلك الا اعراض خلق الله مب لعبه وانته شفت بعينك وسمعت باذنك حبك لي ما كان من قلبك كان نزوه يا حمد ليتك تفهم بس ... عدل يلسته بعد ما شاف اخوانه داخلين عليه وقال: مب نزوه انا عارف نفسي زين اذا كان نزوه ولالا،، بعدج علمني كل شي،، علمني انا شو اريد وشو ماريد علمني وايد اشياء بالمختصر فقدتج واحسس اني مابا حد غيرج.. شموخ بجديه: اسفة حمد اليد اللي ما تنمد لي من اول شي بالعون اقطعها ولا ارجع لها لو باقي من عمري ليله وسمح لي انتهت المكالمه .. وسكرت عنه وهي تتجاوزه مرت اخوها وولدها .. |
يا سلام احداث مشوقة
كل جزاء احلا من الثاني استمتعت بقراءتها بانتظار البقية ان شاء الله الله يعطيك العافية |
يعافي قلبج يا الشيخه بنت الشيخ
|
أحداث جدا جدا جميله قلبي
اعجابي وتقييمي وتنبيهات |
شكرا عيوني من ذوقج يا الفاتنه
|
:
: : ياربّ، إني أعوذ بك أن أذكرك مُتألماً وأنساك مُتنعماً. : : : قعد على شبريه وهو يشوف نظرات خوانه له نطق سالم بعد صمت وقال: ابويه معصب عليك .. فر تلفون شما ع الشبريه وقام واقف وهو يقول: انا رايح انام اذا هدى الشيخ وعوني ... سالم ومبارك بنظره طالعوه وبعدين مبارك نطق: هيه خير ان شاء الله يهدا وانته مطلق شموخ عالعموم ابويه تراه بيسير بيت سهيل وبيرمس شموخ.. تثاوب حمد وهو يحرك ايده بحركه اوك وقال: زين يسوي خله يردها لي وتخطاهم وهم يقولون : ماعليه تولم ابوك يردها لك.. طلع حمد بتعب ودخل قسمه وشافها تابع تلفزيون عطاها نظره وقال بحده: ان سمعت صوت تلفزيون عالي بكسره عليج..وسكر الباب وراه بقو نقزت من قوة التسكيرة وقالت : كسر ان شاء الله .. : : : - أيقظ في روحك رغبة دائمة إلىٰ الله تعالىٰ ، ترقبًا مستمرََّا لفضله ، تأملًّا في ألطافه ، وأشواقًا لا تتوقف لِعطائه.. كُن دائمًا في انتظارِ شيءٍ جديد .. : : في المسا وبعد ما قام فهد واسبح وتلبس طلع في صالة وشافها ماسكه سهيل تلاعبه بحب انصدم منها ومن وجوده وقال: انتي كل شي في عيوتي يا ام بطي وما بعد حبج حب .. تجاهلته بعد ماحست ان سهيل يباله تغيير ورفعته لها وهي تقوم انصدمت بوقفته قدامه وهي تقول : فهد ابعد عني .. حاوطها من خصرها وميل راسه ع كتفها وقال: انسسسسي بعدني اباج وابا قربج .. حست بنار من قربه وقالت: ابعد فهد ترا احسسس جسمي تشتعل به حريقه ابدا مب طايقه قربك.. بعد عنها وقال: وغلااات عيونج سود اني بحبج هايم ،، وتعالي بقولج سالفتي مع ام سهيل .. طالعته بنظره بعد ماحست بانه سهيل ضاق من حفاضته وبدا يصيح قالت: ابعد عني مب وقتك ولا وقت تبريراتك الله يستر ما تطلع عنده اخت ولا اخو من مكان ثاني بعد .. ضحك بصوت عالي وهو يشوفها متجهه على غرفتها وقال باعلى صوته: هيييييه عنده خوان وخوات لكن منج مب من غيرج لا تخافين مالج بقلبي منافس ولا شريك ولى زمان الطيششش ... : : سمعت صوت ضحكته وهي محروقه حراق منه ومن سواته شينه بدلت لسهيل وسوت له حليب وبندت ليتات وشغلت المكيف وارضعته بالرضاعه وهي تهزه تسربت دمعه من عينها معقوله بعد هالعمر يا فهد تيب لي طفل من ام ثانيه وجنسية ثانيه سفراتك ومهماتك كانت لغرض معين ماهيب لجل شغل وحل مشاكلك صرت تنساني وتبعد عني فترات بعيده لجل ام سهيل اكيد ولدها يشبها اشقر وعيونه الزرق محلى عيونه اكيد يشبه امه ولجل جي حبها فهد النسونجي أبو عيون زايغه مافيه ذرة احترام للي قاعده في بيته وحافظتنه بعرضه وماله وشرفه وولده وبيته حست بحد يقعد قربهازويمسح دموعها بيده غمضت عيونها: كان المفروض تصدر صوت يوم تدخل.. باس خدها وهو يمسح دموعها: يخسي الزعل يا ام بطي يحيل بيني وبينج قولي يا بعد من تعنى واغلى من عرفت قولي يا بعدهم انج مازلتي تحبيني . مسحت باقي دموعها بطرف ايدها وهي تقول: هيه كلمة احبك هي سهله تنقال لكل حد مثلكم انتوا يا شباب تقولونها للكل ليش هي اكله تحطونها في حلج كل من تشًوفونه ولا علككة في حلوجكم توزوعونها على الاي تبونه .. قرب منها زود وحضن ويهها بيده وهو يقول : فديت عمرج والله انا احبج وانتي تدرين يا ام بطي وهذا كان طيش وولى.. ردت عليه بطنازه وهي تقول: هـه طيششش ماظني يا بو بطي كلنت في عروق قلبك وروحك ما كنت حتى تفتكر فيني مالومك كثرت فلوسك وما عرفت شو تسوي رحت تيب لي ام سهيل ع راسي توضك عن شبابك اللي فنيته قربي .. رفع ويهه بيده وهو يقول: ام بطي ،، ام سهيل ما تي شي عندج شو ياب اللي ياب يام الغوالي ولدي صح واحبه وشال اسمي بس قدرج غير عن قدرها .. ردت بعد تنهيدة طويله وهي تقول: اكيد قدرها غير عن قدري مب اخت حبيب قلبك مايك يلا اشبع منهم واكيد التيس غانم يدري بزواجك منها .. ابتسم وهو يقرب وييهه من ويهها لكنها صدته وهي تبعد عنه وقالت: ابعد الله يخليك ،، لك ويهه بعد تقابلني وتقربني بعد كل هذا،، لي قعدة طويلة معاك بعرف كل شي بس الحين مابا اشوفك ولا ابا اسمع صوتك ... وبجذيه انتهى البارت الثاني عشر ع امل اللقاء بكم في البارت الثالث عشر بتفاصيل فهد وزواجه من مارلين وانجابه لسهيل استميحكم عذرا عن تاخير |
ثلاثة أشياء إذا انكسرت لا تُجبر : - كسر القلب - كسر الخاطر - كسر الثقه
قمه في الابداع في انتظار البارت القادم |
حاضرين الغاليه ابشري بسعدج
|
روايه واقعيه فكر رائع كلمات في الصميم ما ننحرم من فنك
ب انتظار جديدك تحياتي و دمتي ب ألف خير |
سلمت ي خوي ع المرور الطيب يا امير الاحساس كلك ذووق ان شاء الله
|
رووووعه يعطيك الف عافية استمري وتسلم الايااادي اشكرك وسلمت الاياااادي موفقة وتقديري لك كوني بخير |
كالعاده مبدعه قلبي
اعجابي وتقييمي |
مشكورات حبايب قلبي الابداع منكن وفيكن فديتكن
|
البارت الثالث عشر ..
: : : الاهتمام عظيم قد يغلب الحُب أحيانًا♥️" : : : فهد يشوفها رايحه راده في الغرفه بعد ما نيمت سهيل وهو يطالعها بعيونه فقط شرق شرق غرب غرب وعيونه تتبعها كانها شي يخاف ضياعه كيف ارضيج يا بنت حامد تنحنح وهو يقول: أبا ماي .. طالعته وهي تاشر ع الكمدينو بيدها وعيونه تتبع ايدها وشافها تأشر ع الماي اللي عداله مسك الكوب بقووو ويرص عليه كانه يبا يحط حرته في الكوب تقاجا منها تمسك الكوب بيدها وقالت: اعصابك الكوب ماله ذنب يا فهد شفت على قوتك مازال الكوب صلب ما انكسر اما انا عطته في ايده اسفنجه وقالت امسكها بقو رفع ناظر عيونه لها ومسك الاسفنجة بقو وقالت: انا نفس هالاسفنجة كل ما تكسرها تقوم عشان خاطر عيالك وكل ما تدوس عليها اكثر كل ما قلت صلابتها وثقل الحمل عليها يابت له اسفنجة قديمه وقالت شوف داخلها كيف متقطعه من مكان،، ومن جهات أخرى مب متقطعه،، انته جي سويت فيني ثقبت قلبي بعده أشياء مب شي واحد يا فهد صلابتك وجبروتك وعصبيتك ما كانت سوى دافع لرغباتك وتحججك انك تظهر من عندنا لين مكانها وتعيش اجمل قصص الحب وياها للأسف انك ترد مراهق متأخر مع غيري ،، ما تلزمني يا بو بطي ولا عاد اقدر اتحمل قربك لان غدرك بالنسبة لي ما ينغفر ،، قامت تبا تروح عنه بس مسكها من يدها طالعت يده وطالعته وهي تقول برفعة حاحب: شعندك؟؟ فيه شي !! قعدها بقو ع السرير وهو يقول: انا بقولج السالفه كلها وانتي حكمي .. عصبت عليه وهي تقول: اشششش الصبي راقد لا توعيه بطول حسك ،، شو افهم ولا احكم على شوه بالضبط.. زفر بغيض وقال: افهمي كلامي وعقب سوي اللي تبغينه.. حست بانه رص ع ايدها بقووو وقالت بالم: بتكسر لي ايدي بعد ما كفاك فوادي وكسره .. رص بقوته زوود على اطراف صبوعه وهو يشوفها تغمض عيونها بالم وقال: لا تستخدمين أسلوب التنفير معايه فهمتي ولالا ،، وفر ايدها بقووو وقال بعصبيه : تعالي الصاله ... زفرت بضيقه وقهر وهي تقول: اعصابك الشيخ انته الغلطان هب انا والله فوق شينه قواة عينه ،، انتفضت يوم سمعت رنة الباب القوية قالت بقهر وصوت عالي : وكسرررر ان شاء الله ،، محد بيعدل الباب اذا انكسر الا انته ومحد بيدفع فلوسه الا انته فشوي شوي ع الباب يا صاحب العضلات ... ضحك عليها وهو يسمع تحرطيمها قعد عالكرسي ومسح على ويهه بهدوء وشاف بطي ياي صوبه وقال: ارخب يا ولدي قعد بطي صوبه بعد ماحبه ع راسه وقال: شلحال يا بويه .. تنهد بعد صمت وقال: حالن ما يسرك يا الغالي ... ابتسم بطي وهو يقول: عشان الوالدة ماعليه يا الغالي بتهدا ماعليك منها يبالها وقت.. طلع مداوخه ويره قدام ولده وقال: بنت حامد زعلها صعب ورضاها اصعب ... ضحك على ابوه وهو يشوف امه طالعه من الغرفه وهي تقول لبطي: يعلني افدا ضحكتك يا الغالي وقعدت عدال ولدها وهي تردف كلامها: كلت شي الغالي ولا يوعان؟! ابتسم وهو يبوس راسها وقال: ما تقصرين غناتي خيرج سابق تعشيت ولله الحمد ومب قاصرني شي .. مسحت على ويهه وهي تتامله وقالت: عني ما خلى منك .. طالعها بغيره وحرقة يوف وكيف تمسح ع ويهه ولده وقال لبطي : يحضك محصل دلع ام بطي راضيه عليك اليوم .. طالعته بقهر وهي تقول: عوذ بالله من عيونك حتى الولد ما سلم منك ،، فهد لا تحط عيونك على عيالك بسم الله عليه دوم راضيه عليه ان شاء الله عني فداه ما قد زعلني الغالي يعله يبطي حي .. ابتسم بحب وهو يطالع هله وقال: هاه ام بطي وغلاتي عندج انج ترضين عن بو بطي ... قالت بزعل: لا دخل نفسك بينا يا الغالي بعده نحن ما صفى حسابنا بنصفيه قريب وكلن يروح بدربه ... انصدم من كلامها ونطر عيونه بقو وهو يطالعها وقال: شوووووو اسمع نغمه يديده يا بنت حامد.. تجاهلته وهي تقول: اقصد كلن يروح دربه بشي ثاني مب بطلاق ارتاح انته بس وير دوختك يا الغ...... وسحبت كلمتها وهي تقول لبطي : قوم عيوني نسير تحت... جان يقولها فهد : قوليها يا الغالي ... نشت وهي تحط الشيله على راسها وقالت: فيك حيل انك ترمس بموضوع سهيل وامه وزواجك السعيد .. تجاهل نبرة صوتها وهو يقول: هيه عندي فاقه وفيني حيل ارمس لين باجر الصبح... قعدت وقعدت بطي معاها وهي تقول : يلا انزين نتكلم في الموضوع لانهم كبار ومن حقهم يعرفون لانهم مب صغار ،، وعشان اذا ما لقيت مبرر يفيدني محد يلومني عقب ،،عشان اذا اتخذت قرار لا رجعتن فيه... طالعها بغيض وقهر وقال: لاتتحديني يا عليا.. غمضت عيونها من ذكر اسمها على لسانه وقالت بجدية: قولي السالفة اسمعك ورصت ع ايد بطي ولدها اللي حس بتوترها وزفر بضيقه وهو يشوف الوضع بينهم حامي وشكله بيولع بعد استمع لكلام ابوه وهو يقول: اول شي انا كم سنه لي برى اكثر عن عشر سنوات صح ولالا هزوا روسهم بالايماء وهم ساكتين ،، اردف كلامه بسفري كان فيه شغل وفيه ترفيه عشر سنوات هذي ما كانت عاديه ،، كنت اروح ويا مارك للمجمع اللي اشتريناه ولمدرسة تعليم الفنون والرقص اللي اشتريتها مع مارك ،، المهم فكانت مارلين تتودد لي وتتحاول تبين انها معجبه فيني فكانت تلقى الصد مني لين مره ضعفت قدامها من كثر ما تلزق فيني وتتقرب مني وضيعتني بكلامها وهي تقول اعتبرها صداقه عابره وسلام انته تعرف نحن غير عنكم نترك بعض باتفاق الطرفين وما يكون زعل بينا المهم خذت على الوعد وعشت وياها الحب والغرام لكن اخر ثلاث سنين خرناها مع بعض انا وهي بحكم توطيد علاقتنا ببعض اكثر ،، فلما صارت اخر هالثلاث سنين سفريات عشانها وعشان اكون وياها بكل وقتي تفاجأنا بخبر حملها حاولت ارفضه ولكنها تمسكت فيه ولا رضت تتخلى عنه الى ذاك اليوم اللي طلع فيه تحاليل انه مطابق لي بفحص دي ان أي اضطريت اني اتزوجها على الأقل انه لما يظهر ع الدنيا أكون ابوه بالحلال وتزوجنا من سنتين وهي كانت حامل بسهيل لها تقريبا ست شهور اى سبع حامل فيه لين ما ربت به ولين ما رتبنا اموره وحطيناه في دار سعود يرعونه .. رفع عيونه وشاف عيونها تلمع بالدموع وتهدد بنزول كره نفسه مليون مره ردت ع واقعها بصوت صياح سهيل اللي فزت له وهي تدخل وتشله وتسمي عليه وتعطيه مرضعته وبكت الم وقهر وغدر وخيانه وطعون مالها اول ولا لها تالي ،، شذنب هالطفل البريء يربى بعيد عن امه وابوه شو من قلب عليكم مالت عليكم .. يتبع بامر الله لاحقاً |
الكبار يغلطون والاطفال يطيحون فيها
صج اش ذنب الطفل الله الله دجى في انتظار البارت القادم |
فالج طيب غناتي ... سررت بمرورج ومنابعتج الدايمه بامر الله بينزل هاليومين البارت اليديد
|
بارت اتعب وانا اقول جميل حبيبتي
ماشاء الله عليك اعجابي وتقييمي |
فديتج اول اطيافي الله يجمل حياتج بقربه ورضاه ويرزقج محبته ،، فديت قلبج ان شاء الله كل البارتات تكون عند حسن ظنج
|
روايه جميله جدا متناسقة الافكار سرد اكثر من احترافي
ب انتظار جديدك تحياتي و دمتي ب ألف خير |
الرائع تواجدك اخوي الكريم سلمت ع الاطراء واتمنى انها تنال اعجابك
|
: : سَيأتي اللهُ بأيَّامٍ تسرُّنا، لن يدومَ العسرُ للأبد! : : : تلمّس لطف الله في تدبيره في دقائق يومك، في تسخيره للأشياء والأحداث والأشخاص لأجلك، ستجد أن رعايته تُحيطك في كل حين، وفضله عليك مُغدق�� : : : بعد ما نزل من عند هله شاف امه وابوه وعمته قاعدين يرمسونه سلم ويلس وهو يقول: عمتي شفيج!! طالعته بنظره غامضه وقالت بهمس: عمي سيف برى وابويه يقولي اسير وياه الميلس ... ابتسم وهو يقعد عدالها: قومي انزين وسيري وياه وسلمي ع عمج.. تضايقت وهي طالعه وتشتت نظرها صوبه وهي تقول: يابن الحلال عمي سيف ماقدر ارد له طلب مب مثل حمد اعطيه من الكلام اللي في خاطري عمي سيف غير شالني شل بين عياله كلهم .. ووقف ووقفها وياه وقال: قومي انا بسير معاج ،، ومالج الا اللي يرضيج وقفت ويا ولد اخوها وسارت الميلس وياه دقت الباب ودخلت سلم بطي على سيف وسلمت هي على أبو ريلها وحبته ع راسه وقالها بعتاب: هذي سواة يا بنت سهيل تسوينها فيني .. انحرجت من كلام عمها ومن نظرات ابوها وقالت بهمس: الغالي العفو منك والسموحه فديتك ،، لكن العصمه بيد من ،، مب بيد ولدك ... نزل عيونه بالأرض ورفعن وهو يقول: فشلني الله يصلحه ... باسته ع راسه وهي تقول: يحفظك الله يا الغالي برايه كله من الله خير عمي لا تفكر يالموضوع ولا تفكر بشيء عطونا وقت نفكر بكل شي ونحط النقاط ع الحروف مب كل شي جبر وغصب ،، ما ينجبر قلبن على قلب يا الغالي .. تنهد وهو يهز راسه وقف استاذن وطلع بسرعه وبطي ابتسم لعمته وطلع وطلعت شموخ فوق اما ابوها قعد يفكر بكل صغيره وكبيره ... : : : ولقيتُها قلبًا يضمُّ سعادتي ولقيتها ديمًا لأيامي سقَت، شطرًا يُتمِّم شطرَ روحي قُربهَا لا فرَّق الله القلوبَ إذا التقت!❤️" : : : بعد مرور أيام قليلة ،، وتغير أمور كثيره صارت ،، منها ان عليا بعدت عن فهد تنام بغرفة بروحها مع سهيل ،، وفهد مب قادر يراضيها لانها ما تعطيه ويهه ،،، وحامد تغير كثير بعد اللي شافه وعرفه عن الريم فصار هاديء جداً ... : انتهى البارت الثالث عشر |
الله الله يا دجي كل بارت احلي واشوق من الثاني
الله يعطيك العافية في انتظار البارت القادم |
سلمتي ع المرور الطيب ي الغالية
|
البارت الرابع عشر ..
: : : إنِّي استحيتُ ببابِ ودكَ واقفًا رفقًا بقلبِ العاشقِ المتعففِ : : : بعد ما درست نزلت وهي تشوفهم قاعدين ع الاكل نطت ع ابوها وهي تقول: اليوم أبا شاليه ... ابتسم بحب ولمها: فالج طيب يا حمده اليوم مروحين وقال بحزم رتبوا اغراضكم جميعاً واتصل بفاطمه اخته وعزمها ويا ريلها وأهله ... : : : - "أيامك القادمة ستكون مثل حصاد يوسف بعد تعبه، وراحة أيوب بعد صبره، فقط ثق بالله."����. : : : نزل راشد بعد تعب ويوم طويل من الفروسية سلم على امه وابوه وقعد في صالة وسمع تلفون صاله يصيح لف ع امه وهو يقول: ياويل قلبي يا امي من الحين يدقدق ع تلفونات البيت الحين دنيا طورت كلن بتلفوناته .. ضحكت امه وهي تمد لريلها السندويج وقالت برفعة حايب: محد يتصل على البيت الا حمده اكيد تبا المحروسه اختك وشكلها ساحبه عليها.. ضحك راشد وقام يرد ع تلفون وقال: حيهم الحشره حمده من سمعت صوته فرت سماعه ع عمتها شموخ وهي تقول: طلبي لي المزن اكلمها .. ضحكت شموخ وهي تأخذ سماعه وتقول: داقه لمطعم ثرج يا بنت فهد وانا مادري ،، ردت ع سماعه وسمعت تنهيدت راشد وهو يقول: زعلانه ؟! ضحكت شموخ وههي تقول: هممم المهم المزن وين ... تنهد بضيقه وقال: في غرفتها ليش في شي شموخ تنهي الموضوع: اجهزوا الليله مروحين صوب شاليهات بوظبي .. قال بصدق: في ذمتج عرفت نبرة صوته وقالت: هيه والله فهد مطلع حمده عقب جو دراسه .. زفر بقل حيله وقال: تمام الغلا ... وسكروا عن بعض .. : : : اخاف اوصفك و تنعجب فيك الخلايق انا والله غيور حتى على وصفك..�� : : : سار فوق وقال لمزون اخته تزهب بيروحون الشاليهات وما عطاها ويهه زود وراح غرفته يزهب اغراضه دخل عليه ابوه وهو يضحك وقال: بلاه روميو جلب موده من عقب المكالمه الهاتفية .. ضاق صدره من تطنيز ابوه بس ما بين وابتسم غصبن عنه وهو يقول: والله العظيم يا ابويه ما فيني شي بالعكس مستانس انـي بروح شاليه .. ضحك ابوه وقال: هيه عشان الاسكوترات صح .. ضحك وهو يقول: لعبتتتي والله يا بوي الاسكوترات تدري بي ماطوفهن... طلع عنه ابوه وقال لفاطمه اللي يايه صوبهم: خليه برايه مع نفسه شوي لا تزيدون عليه .. عصبت فاطمه وهي تقول : اكيد في شي بينهم ولا يبون يبينون هم الاثنين عارف حركات حمده طفسه.. ضحك عليها وهو يتجاوزها وقال: خلي عنج انتي ترا ولدج بعد مب هين .. تراجعت ع ورى وهي ترجع من مكان ما يت وتمت ساكته.. : : : اما عند حمده اللي اتصلت بها مزون وهي تقول: انتي شبلاج اليوم ناطه نطه مخالفة تبين الشاليهات.. بضيق وهي تلم الملابس: تولهت ع البحر ابغي افري نفسي شوي ضقت من القعده في الييت ... عدلت قومتها من شبريه وقالت: حمده وبنبرة جديه بينج وببنه شي صح .. ضاقت فيها الدنيا وغمضت عيونها وهي تقول: انسسسي اني أتكلم باي شي يخص اخوج قدامج.. فزت من شبريه وهي تقول: انسسسي اني اخته وقولي بلاكم فيكم شي ... انهت المكالمه بمع سلامه نتلاقى في شاليه باذن الله ،، سامحيني صار لازم اسكر لان وراية ترتيب ... انهوا المكالمه ومزون دخلت الحمام تستعد ،، اما شموخ وامها واختها وضحى ابدوا استعداداتهم لرحلة وانهوا كل شي على سريع .. : : : تفاجأ بخبر سيرة الشاليه واجل سيره لانه شغل عنده ،، اما سرور خذ مرته وراحوا شهر عسل .. : : : حامد ابدا استعدادته ع اكمل وجه ورتب اغراضه واتفق مع راشد على حجز الاسكوترات .. : : : بطي حاول يقنع امه بسيره وان تغيير الجو يأ في وقته ،، وانها فعلاً محتاجة لتغيير هذا وخصوصا مع سهيل اخوهم اقتنعت بعد صراع طويل باسها على راسها وطلع وشل عنها سهيل وتم يلاعبه ... : : : ام فهد وأبو فهد مسوين مفاجاه لعليا وفهد في شاليه بمساعدة شموخ ... : : : راشد بعد ترتيباته تفاجا بدخول مزون عليه وهي تقول: ممكن أتكلم معاك شوي .. طالعها بنظره اربكتها وقال: ما تعرفين دقين الباب قبل لا دخلين .. بجديه تكلمت: فيكم شي .. تجاهل سوالها وقال: من اداب دخول غرف الناس ان نستأذن اول شي يوم يؤذن لج بدخول دخلي غير جي بقص ريولج قص .. انقهرت منه وطلعت وهي ترقع الباب بقووو وتحلطم عليه ،، اما هو دخل الحمام وبدل لبسه ،، ولبس شورت قصير لين فوق الركب وتيشيرت نص كم وطلع خذ أغراضه وسويج سيارته ونظارته ونزل تحت سمع امه تتكلم مع اخته مزون وهي تقول: امي اقولج ما كلمتني غير كلمتين وقتلها انتي ضايقه قالت هي بغير جو قتلها صار بينكم شي قالت انسي أتكلم عنه وسكرت في ويهي بنت اخوج مصيبه ما ترمس. .. طنشت فاطمه كلام بنتها وطلعت لقت راشد يطالعهم بغضب وقهر وقال بقهر: اللي بيدخل بيني وبينها ياويله مني ويلاه نحن متافهمين ما بينا ما نبا اطراف ثالثه فهمتوا ولالا وراح عنهم ورقع الباب بقوو وراه .. عطت بنتها نظره بمعني شفتي شو سوى وراحت عنها عند عيالها صغار ترتب اغراضهم ،، اما مزون تاففت وراحت فوق.. : : يتبع بامر الله باقي البارت بعد لحظات ان شاء الله |
رائعة جميلتي دجى
اعجابي وتقييمي وتنبيهات |
- أعدني منك إليّ فإنّني
لطالما هربت من الهوىٰ وبلاؤه لكنني هويت وجار عليّ الهوىٰ وخذلني " سأبقى علىٰ العهد دائماً " أليس ذلك ما به عاهدتني أين اليمين وأين ما عاهدتني؟ رائعه كل الشكر والتقدير لطرحك الجميل الراقي |
شكرا عةغريب الديار على المرور الطيب نورت صفحتي المتواضعه ومشكوررره اطيافي حبيبة قلبي ع المرور والتقيم سلمتي لا عدمت مرووركم الطيب اللي شرواكم
|
تابع البارت الرابع عشر
: : : أحب لذة زعله وقت غيرته أنا لك ولغيرك ما أكـون ..💕 : : : بعد ما ركب سيارته اتصل بحمدة ماردت عليه اتصل بحامد اللي كان مخلص ترتيبات اغراضه وقاله عطني حمده اكلمها ،، دخل غرفة حمده ولقاها مخلصه كل شي وقالت لحامد: بروح معاك يلا انا خلصت.. حامد : هيه انتي بروح مع راشد انا وين تبين تروحين معانا.. ضاقت زود وهي تقول: لا خلاص بروح عند ابويه تحسبتك بتروح بروحك مادري ان عرب وياك.. تازم من لهجتها وقال بحده: انته ثور قتلك عطني إياها وانته منقعنى عالخط.. ارتبك حامد اول مره ،، من صرخة راشد وصوته العصبي والعالي وفر تلفون ع حمده اللي انصدمت من رده فعل حامد ويهه لللي تغير وشافت رقمه عالشاشه تنهدت بضيق وماحبت تحط اخوها فموقف محرج ردت برسميه: مرحبا راشد .. غمض عيونه ع ذكر اسمه وتنهد وقال: اسسسف والله انى غلطان وادري ان العذر ما يفيد لكن فهميني قبل لا تحكمين عليه باي شي تسمعينه وتشوفينه .. ردت عليه بهدوء غير عن المعتاد وهي تقول: ان شاء الله ،، حامد وياك وعطت حامد تلفونه ونزلت اغراضها وهي تشوف الأغراض كلهم جاهزه وقالت لبوها : بروح معاك في الكروزر مادام ان الوالده وسهولي بيروحون مع بطي .. ضحك وهو يقول: حاضرين الغالية ويرها لحضنه وقال بهمس: رشود مزعلنج .. ضحكت غصباً عنها وهي تقول: انتوا شفيكم عليه اليوم غصب تبونه يزعلني .. ضحك ابوها وهو يقول : لا بس يبين انه مزعلنج وفيه شي بينكم انتوا الاثنين مفضوحين .. زفرت بضيق وهي تقول: بابا يا عيون بنتك لا تحاتي زعل عادي وبنتراضى بس اتغلى عليه وضحكت تودي الأغراض في سياره في نفس الوقت دخل راشد بسيارته في الحوش ووقف سيارته وهو يتريا حامد شافها تحط الأغراض في سياره خاله وشاف خاله طالع مع حامد نزل وسلم عليهم وقال: خالي طلبتك ابتسم فهد وهو يقول: عطيتك امرني .. ضحك وهو يقول: خل الشوق تسير ويايه لين الشاليهات بنسبقكم نحن وانته خلك مع العمه تراضيها.. جازت له الفكره وقال: والله زين يلا وبصرخه قالها يا حمددده روحي مع ولد عمتج واخوج .. تيبست في مكانها وهي تحط الأغراض في سياره تسارعت نبضات قلبها ما تبا اليوم بذات تشوفه وتختلي معاه هي فاهمه أسلوبه انتبهت انهم مقربين منها وقالت وهي تشوف بطي: لا عادي بابا بروح ويا بطي .. فهد بحزم: بتروحين مع راشد يعني راشد ،، وبس من تغلي عليه... انصدمت من ردت فعل ابوها وهي تشوف حامد يحط اغراضهم في سيارة شاحت بجسمها عنهم وهي تتجه صوب سيارة راشد بتركب ركبت ورى كرسي حامد وهي تقول لحامد: اسفه فديتك حطيتك في موقف محرج والله مب قصدي ... بزعل رد عليها وهو يقول: خلاص حمده انسي سالفه واذا بينج وبين خطيبج شي لا تطلعونه في في غيركم ترا مالنا ذنب نحن يتسفل فينا ً.. تضايقت من حامد واسلوبه هي ناقصه بعد تلّوّييم سكتت وقعدت وهي مساندة راسها على دريشه انتبهت لراشد يركب ووهو يقول: حيهم الشيوخ نورت السيارة في ذمتي .. تجاهلته وهي فيها ضحكه يوم صد وطلعها قال: مالت عليج مب ويه حد يمدحج احسن زعلي لين يسدج وبترضين بروحج.. لف راسه لقدام وهو يقول لحامد: سمع سمع الغالي اهداء لگ وشغل اغنية عيضه المنهالي شوق الهجر عطاه حامد بنظرة بمعنى هالاهداء يدل دربه وضحك اما راشد كمل سواقته وهو يدندن ورى عيضه : تعال ولملم شتاتي قربك ينور فرحة ليالينا ،، نسهر ونضحك ونخفي الهم والعله ،، ولا الويع والله ان يبطي وهو فينا ،، ما عاش منهو يهين القلب ويذله،، انا وحبك من الهجران ملينا وطول على الاغنيه على هالمقطع ..وبعد ما خلصت الاغنية شغل اغنية ثانيه لعيضه وطول ع الاخر وقعد يرتبش ويبسسس وهو يغني ويا عيضه وياشر بيده وحتى حامد يضحك عليه عارف ان راشد بيقهر اللي يالسه ورى ،، شوي وحط اغنية عيضه ازعل عليك وخاطري فيك ،، دورت تلفونها في شنطه مالقته تذكرت انها حاطتنه في سيارة ابوها وناستنه ع طبلون وراشد يطالعها من المرايه ضحك عارف ان عدادها فووول شاح بسياره عمداً وطاحت حمده ع طرف وهي تقول بخوف: راشد شفيك انتبه لا تموتنا .. ضحك من خاطره عليها وقال ويا عيضه على اجمل مقطع يحبه : سمع حامد هالمقطع وايد احبه ،، لا شفت زولك قلت لبيك يا مرحبا يا اعز مخلوق ،، ليتك تقلل من تغليك وتاخذني بمعروف ورفوق ،، ما دامني مغرم وهاويك ،، وغلاي يجريلك في العروق وشوق مضنيني ومضنيك وشله نزيد قلوبنا حروق... وقام يطالع حمده اللي عقدت حوايبها دلاله على انها ما عيبتها الاغنيه او الكلمات علرف انه تفكيرها راح لبعيد وضحك وهو يقول بهمس لحامد: تغار الأخت .. ضحك حامد وقال: فكونا بالله منكم ماعندكم سالفه مالت عليكم ... ضحك راشد ووقف عند الشيشه وقال: شو تيون تطلبون .. حامد: ماي وباسكن واي شي من الموالح مكسرات واجباس ،، لف عليها وقال: وانتي يا بعدهم شو تبين.. رفعت نظرها له وهي رافعه حاجبها وقالت : بتنزل بها لبس لين الشيشه ( واحة ادنوك) ... ضحك وهو فاهم النغزه وقال: نعم الريال ما يعيبه شي ... ردت عليه : اها زين ولفت ويهها صوب الدريشه اما راشد نزل وهو يضحك وقال لريال: عبي فول سبيشل و اح صوب الواحة ودخل يتشرى وهو في عقله شي واحد انها لين الحين مصدقه المقلب اللي صار ضحك وما انتبه على اللي في سياره تطالعه ومنطبخه طباخ تتحسبه يضحك للي قدامه وهو مب مفتكر في حد خذ الأغراض وحاسب وطلع وركب سياره ودفع البتترول وراح... : : : نبضي يدق بداخل الصدر لبيـــك مدري احتويت القلب ولااحتويتك اسمع معي دقات قلبي تناديــك حتى عروق القلب تصرخ فديتك❤ : : : بعد ما وصلوا الشاليهات نزلت شاليهم بس تفاجات بوجوده وهو يقول: مافي روحه لشاليهكم لين مايي خالي فهمتي وراح عنها لداخل يعاون حامد بالاغراض وهي كانت تطالعه ومكتفه ايديها ومقهوره وتحارب دموعها مب وقت دموعج يا عيني ابدا مب وقتها حاولت تصرط عبرتها وهي تقول: الله يغربل الغيره وحرتها تحرق اليووف حراق ،، بعدت عن شاليهم وقعدت في شاليه قوم عمتها لين مايوون .. اما راشد راح صوب الاسكوترات وخذ له سكوتر وقعد يفر في البحر وشوي انه حامد ياينه وقعد يلعب معاه بالاسكوترات ويسوون سباق اما هي فكانت تشوفهم من بعيد وقعدت تصيح ع راحتها الحين الدنيا هدوء ومحد عندهم خلوني اطلع اللي فيني شوي وقعدت تبكي لين شبعت وبعدها ملت من الانتظار دخلت شاليه ريل عمتها وشغلت مكيف صاله وانسدحت وغفت عينها من دون ما تحس ... انتهى البارت الرابع عشر |
دجى الليل
تمضين في تسلسل مشوق وقافية رائعة في لسان القارئ ننتظر التتمة تقديري.. |
دجي حبيت هل بارت حلو
الله يعطيج العافية |
يعطيك الف عافية احسنتي روووعه ننتظر البقية سلمت الايااادي تقديري دمتي وكوني بخير |
عطاااء جميييل وراائع
يعطيك العااافيه |
الله يعطيكم العافيه جميعاً ،، ومشكورين ع مروركم الطيب حبيباتي لا هنتوا ..
|
البارت الخامس عشر
: : : اتلفت وكَني بينهم .. محُتريك مثل طفل تنكَر هالوجّيه وبكى..�� : : : الجميع وصل على الظهر وياييبين غداهم معاهم وقعدوا في شاليه بو فهد يتغدون ويرتبون الأغراض وبعد الساعه وحده ونص ساروا الجميع بيتغدون وناسين حمده يتحسبونها عند راشد وحامد اللي خلصوا من الاسكوترات ويووا يتغدون عند شاليه يدهم وخلصوا غدا وساروا صاله ودورها بعيونه ومالقاها انصدم وين راحت هاي ليش مايت راح شاليهم بسرعه وأول ما دخل شافها نايمة ع الكرسي تنهد براحه وقرب منها تاملها شوي عن خاطره وقال وهو يقرب منها ويوعيها: حمده .. حمده فزت حمده ع صوته وهي تتلفت وتشوف المكان توها تستوعب قالت: السموحة غفيت من دون شعور .. ابتسم في ويههها وقال: فديتج مسموحه بالحل ،، بس اذا تبيني اسامحج زود ردي لي قلبي اللي خذتيه وبسامحج كشرت في ويهه وهي تقول: بس دخيلك راشد الا اليوم مابا اشوفك ولا أبا حتى اسمع صوتك ارجوك.. بقهر مسك ايدها وقال: انتى مينونه تبين تنهين كل اللي بينا بالحظة طيش بعدت ايدها عن يده وقالت: طيششش !! والله ما ظني طيش يا راشد .. فر ايدها بقو وقال: انا عاطنج ويه بزياده ولا انتي ماتستاهلين .. وقام عنها وروح ،، اما هي قامت وراحت بيت ابوها العود ... : : : وأخفي عنك شيئًا ليس يُحكى فأصمت ثمّ تفضحني عيوني. : : : ردت الشاليه ودخلت غرفتها تسبحت وبدلت ثيابها وحطت ميكب خفيف وكثفت المسكرا وطلعت لقت عمتها شموخ حضنتها وهي تقول: ودي انام ع صدرج .. حضنتها شموخ وهي تبتسم: صدر راشد احن عن صدري بعدت عنها وهي متاسفه ع حالها الكل فرحان بها وبراشد عبالهم انهم اثنين يكملون بعض وابتسمت وهي تخفي الألم والحزن ورى عيونها وقالت لها شموخ : في شي بينكم .. هزت راسها بلا هي اساساً طالعه تغير جو ليش تنكد عليهم وعليها ابتسمت ونزلت تحت .. : : : قعدت تجلب في القنوات بملل وتافف ياها حامد وقالها: قومي بوديج السكوتر لفت عليه بفرحه بس خاب ظنها يوم شافته يكلم شموخ عمتها عرفت انه لين الحين زعلان منها قامت بضيق وراحت صوب البحر وراها مزنه تمشي تبا تعرف شو وراها وصلت البحر وطمست ريولها فالبحر وقعدت تشوفهم يوم يلعبون بالسكوترات حامد ويا عمتها ووراشد ويا مزون... رن تلفونها وهي تشوف اسم المتصل تضايقت بس ردت بهدوء: سلام عليكم .. ردت بعصبيه وقهر وهي تقول: حسبي الله عليج جانج بتاخذين ريلي مني وبتحرمينه من ضناه .. غمضت عيونها بالم وهي تقول: هدي يا حرمه ماني ماخذه راشد عنج وعن ولده تطمني بس لا عاد تدعين عليه ارجوج اللي فيني مكفيني .. ردت بفرحه وهى تمسح دموعها وتقول:صدق ماراح تاخذينه مني.. زفرت وهي من الغصه تبا اللي يواسيها وقالت: اكيد ولج عين تنظر ان شاء الله ... وسكرت تلفون وهي تشوفه كيف يلاعب اخته بسكوتر وفرحان مب جنه عنده حرمه بالسر والحين بتربي ،، الله عليك يا راشد وعلى قلبك اللي تقدر تسيّره مثل ما تبا ،، حست بحركه تحت ريولها انتفضت بخوف يوم شرفت قباقيب صغيره وطلعت من البحر بسرعه وحست بالم في مكانهن وراحت صوب شاليه حطت ملح. ع ريولها وطلعت ولقت الحرمات فارشات مقابل البحر ويشوفون الجميع يلعب يلست عدالهم وهي تشوفهم ،، الكل كان يعرف انه فيها شي بس ما يعرفونه يبين ع ويهها كانت طالعهم وتبتسم انتبهت ع صوت عمها اللي قال: الغالية لفت عليه بتعب وهي تقول: لبيه الغالي.. اشر بيدة ع مكان فاضي قربه وقالها: تعالي هنيه ... ابتسمت بحب وهي تيلس عدال عمها وهمس في اذنها: اذا فيكم شي لا تبينين لاي حد غيري ... رفعت ناظر عيونها وطالعته يشبه راشد وايد قصدي راشد يشبهك ي عمي وايد وقالت بهمس: ماقدر عمي أقول سامحني فديتك .. حضنها بطرف ايده وهو يقول: عطيني تلفونج بدق لربيعي ناسي تلفوني في سياره ... عطته تلفونها بعد ما فتحته ،، وقام عنهم وسار بعيد وشاف الأرقام كامله وشاف المسج انتبه على المسج:( ردي انا حرمة راشد) خذ رقم وهو تحت تاثير صدمه كيف حرمته وما يبا يقول ولا يعترف بشيء .. تضايق اويلي عليج يا حمده عشان جي زعلانه.. رد لهم بعد ماخزن الرقم في تلفونه وقال: مارد الريال اذا ياج رقم غريب لا تردين ،، يمكن يطلع هو ،، هزت راسها بطاعه وهي عقلها عند اللي ع سكوتر يلعب وفال أمها،، انتبه عليها كيف تشوف راشد ،، وسار صوب البحر وهو يزعج ع راشد : راشششششد راشد كان يلعب بسكوتر وما انتبه على ابوه يوم يزقره ويضحك ويا مزووون ويطششررر بالماي ع شموخ وحامد ،، وقف على شاطيء يتريا ولده يخلص من سكوترات ويقبضه ع طرف ،، بعد ربع ساعه خلصوا سكوترات ونزلوا وراشد يقول لمزون: سيري بدلي ثيابج لصقت ع جسمج من الماي ومسح ويهه بفوطته كان حاطنها ع الكرسي مال شاطيء وشرب ماي انتبه ع ابوه ياينه وهو يقول: حيه بو راشد .. ابوه بعصبيه قال: انته ما تسمعني يوم ازقرك... انتبه لعصبية ابوه وقال بجديه : افا بو راشد معصب باسه ع راسه وقال: والله ماسمعتك ي الغالي لاهي في الاسكوترات امرني عني فداك ... سحبه ع طرف وهو يحاول يبعد به عن الجماعه وقال: انته شو سالفتك ويا حمده تباها ولالا،، انطق بسرعه... طالعه راشد بحده وقال: ابويه شفيكم انتوا اليوم عليه حد مازر روسكم ترا مافينا شي انا وحمده احلى من العسل صدقني.. طالعه بطرف عينه وهو يكلمه بعصبيه: أي عسل أي بطيخ بالله عليگ ،، راشد اذا فيك شي عندك شي ،، معرس سبحان الله من ورانا قولي .. طالع ابوه بعصبيه وهو يقول: اخسسسي اعرس من وراكم مب راشد اللي يسويها .. ابوه بعصبيه مسكه وهو يقول: راشد لا تقعد تينني انته ما تعرف ليش حمده زعلانه... راشد تافف بضيق وهو يحط ايديه ع خصره ويهز راسه بلا وهو يقول: لا حول ولا قوة الا بالله العلي العظيم،، حمده سمعتني ارمس في تلفون ويا وحده وتتحسبها حبيبتي وزعلت وبس عاد انا كملت المقلب عليها بس لا اكثر ولا اقل ... طالع ولده بغضب وهو يقول: لا مب جي سالفه ،، حمده اكبر من جيه يا راشد.. ضجر من الكلام ودق بريله على تراب بعصبيه وقهو ومسح ع ويهه وهو يتشهد قبل لا ينفعل ع ابوه وقال ابوه: زين اعصابك لا تنفجر علينا الحين بثبت لك شي طلع تلفونه وارسل على الرقم وحطه سبيكر وترياه يرد ،، ردت بعد رنه طويله وقالت: الووو رد ابوه وراشد يطالعه بعلامه تساؤول: الو مرحبا تلفون فيصل .. ردت بدلع : لا ي الغالي غلطان .. طالع راشد وقال: السموحه منج. ردت: بالحل وسكروا الخط ... طالع ولده وقال: هالبنت منو،، والرقم ،، رقم منوه ؟؟؟ طالع الرقم وقال بعصبيه: رقم حرمه ابوه بضيقه: هالحرمه من وين يابت رقم حمده مطرشه لها مسج وقالت لها انا حرمة راشد وحمده ما تتكلم ولا تقول شي انا خذيت تلفونها بدق لواحد من شباب بس في حقيقة الامر كنت أبا ادور ع ضالتي ،، أبا شي يدينك عندي ،، لان حمده زعلها عوف وما تزعل من الهين الحين عرفت بلاها ... انصدم راشد وهو يقول: تخسسسي تكون مرتتتي والله مب مرتي .. زفر بقهر وغيظ وقال: من وين يابت رقم حمده وكيف تعرفك ،، وليش تتواصل وياها .. ضرب الأرض بريله وقال: ماقدر أتكلم باي شي هاي امانه عندي .. لين ايي صاحبها ويشلها... تنهد ابوه ومسكه من كتفه وهو يقول: راششششد ما دام النفس طيبه تكلم عشان أوقف وياك لا صار شي لا سمح الله ... مسح ع راسه بيده وهو يخلل أصابعه على شعره وقال بغبن وغم : ما قدر يا بويه هاي امانه وراعيها ممب موجود الحرمه من كثر ما اتواصل وياها عشان العيال حبتني وعرضت عليه الزواج بس تخسي اني اتزوجها قتلها مابا اتزوج ولا غيره انا براعيج لين ايي ريلج وبسلمج إياه لانه موصني عليج وعلى عيالج عاد الحرمه عاشت دور الحبيبه بس كيف يابت رقم حمده ماعرف يمكن يوم سرت هذاك اليوم اشوف العيال واطمن عليهم يمكن خذت رقم حمده من تلفوني بس دام هاي علومها بغير رقمي ولا تيييب لي عوار راس وتدخل بيني وبين حمده ويخترب كل اللي بينا .. طالعه ابوه وشاف الصدق في عيونه قال لولده: منو هاي ،، وحرمة منو؟؟ وليش هالريال امنك ع بيته وعياله وشو سالفته هالريال... باسه ع راسه وقال: سامحني يا بويه ماقدر انطق امانه والامانه ثقيله يابويه اني احطها على رقبتيه وارمس بها... مسكه من كتفه وقال: قول لحمده صدق ،، ترا البنت شارتنك... هز راسه وراح شاليه دخل الحمام تسبح وتلبس وتعطر وظهر خاري .. شافهم قاعدين على اليلسة وما شاف غناته بينهم ... دور بعيونه وين بتكون قاعده شافها على شاطيء البحر بتركب اليخت وتغيظ انها بروحها سرع خطواته تجاهه لكن للأسف حرك اليخت قبل لا يوصل ... راح عند تاجير اليخت وكلمهم يتصلون بشخص اللي يسوق اليخت يرحع لكن للأسف السايق قالهم ماقدر ارجع لان اليخت محجوز للأشخاص عندهم حفله عصب راشد اكثر كيف تركب يخت مني ودرب ،، من دون ما تعرف منو صاحبه وانه محجوز ولالا... قعد على اعصابه وده يطلع وراها خذ يخت وطلع وراهم على سبيل انه يوقفهم ويطلع حمده منهم ... : : : ياربّ افتح على وجهي دروب الخير، وَحقق لي رِضاك، وكلّ أحلامي. : : : اما في اليخت فكان الترتيب جاهز على اكمل وجه ،، وتنسيق وهي الحبيبه قاعده ولا تدري بالدنيا عبالها المكان فاضي ما شافت حد موجود وقاعده على طرف اليخت وتشوف البحر وتشوف العماير والجزيرة والمنتجعات ابتسمت ،، كمية الراحة النفسية اللي انتابتها كبيره وشعور الراحة والبعد عن التفكير ،، وعن المحيط والأفكار السلبيه والاشياء العكسية ،، وعن الزعل وعن الناس المحبطين كم تسوى انك تشتري نفسك وراحتگ وتبعد عن الناس اجمعين وتتمعن في مخلوقات الله وحكمته وصنيعته في الكون ،، حتى الطيور اشكالها وهي تطير من مكان لمكان كانها تغني لك فرح ،، النورس عالبحر وكيف متجمع حول البحر اشكالهم تفتح النفس صوت اليهت في البحر كانه موسيقى في اذنك ،، شكل البحر المموج وخطوطه الزرقاء ورغوة البحر وتموجاته وشكل امواجه ترتفع تقرب وتبعد من شاطي فاقت على لمسة يد على كتفها انتفضت ولفة بخوف وهي تشوف اشخاص يطلعون من داخل اليخت انصدمت وفتحت عيونها على كبرهن وهي تقول: كيف ييتتوا ومنو انتم.. ابتسم وهو يضحك: انتي منو نحن حاجزين اليخت لنا .. نزلت راسها بحيا وهي تقول: اسفة شكلي ركبت بالغلط والله ما شفتكم .. ابتسم وقال: بس كيف بترجعين نحن حاجزينه اربع ساعات يعني بيي الليل وانتي معانا. لمت نفسها وهي تقول بخوف: تكفى طلبتك ،، كونوا بعاد عني وانا ما بحشركم بس خلوني في حالي .. هز راسه وقال: لا تطلعين منيه وانا ما بخلي حد من شباب ايي من ورى اليخت خليج يالسه ولا تبانين فهمتي ولالا ،، لاني ما ضمن اللي عندي اقدر اضمن نفسي بس ماقدر اضمن اللي وياي عشان جي أتمنى ما تطلعين وانتبه لحد يزقره: شهاااب .. راح بسرعه وقال: وعديني لا تظهرين تكفين ترا شله نصهم فاسدين وقال بصوت عاليي: ياي ياي ،، ياحميد ... ودخل وسكر الباب صغير وراه وهو يتنهد لمعة الحزن اللي بعيونج خلج تركبين بلا عقل الله يستر وما يشوفونج المطافيق ... راح عندهم وهو يقول: يلا يلا دق عود يا نواف وسمعنا صوتك ... بدى يدق نواف العود بصوته وغنى اغنية ميحد حمد لقيت الدار ... وكانوا قاعدين وقدامهم أنواع شراب المهيتو ،، وشراب آخر.... ويرتشفون منه ويصفقون ويغنون وبين فترة وفتره يروح بدس عندها ويعطيها بوب كورن ومهيتو بس ما طاعت تشرب خافت منه قالها بسرعه: مسكي والله مافيه شي اشربي يا بنت الناس مابا حد يشوفج ويحس بغيابي وطلع بسررعه وسكر الباب تنهد بخوف وهو يشوف نايف وحميد واقفين عند الباب دفرهم وسكر الباب وتم حميد يوايق من ورى الزجاج يبا يشوف شو ورى الباب قاله بقهر: شفيك توايق مافي شي ترا حسستني انه مغبي عليكم شي يلا يلا نرجع لشله .. حرك القلاص اللي في يده يذوب ثلج وقال بغصه: انا اموت واعرف شو سرك ورى هالباب وليش تقفله .. هز راسه بلا وهو يقول تعال تعال .. غمز نايف لحميد اللي فهم عليه ورجعوا في القعده عنده الطرب والوناسه والدق والدي جي ... همس لحميد: يوم تحس انه بدى يختفي ع طول بنروح وراه بنشوف شو وراه ... هز راسه بالإيجاب وقال: خل عينك عليه مب مطمن له حاس فيه شي ... هز راسه بالإيجاب وقعدوا يسمعون الطرب وديجي ومطولين ع الأغاني اخر شي ،، حل الليل وحل الظلام في اليخت وبعد ماصلى المغرب والعشا جمع طلع وهو يشوف الجو كيف محلو وشاف القمر انتبه لربعه اللي متفرقين في كل مكان وقال: نواف وين البقيه... ضحك نواف وقال: هههههههه لقوا لهم صيدة وراحوا لها .. انصدم وفج عيونه نقل نظره للباب وشافه مفتوح ربع بسرعه ونقل نظراته في المكان ،، المكان فاضي مافيه حد سمع صوت صريخ واستنجاد طلع ومسك نواف من قميصه وقال : ي كلب اعراض خلق الله مب لعبه ... نزل في اليخت تحت ودخل الغرفة وشاف الجميع حولها ،، اللي يحاول يثبتها ،، واللي يحاول يتقرب منها،، دخل بهجوم عنيف وياهم وسحبها بقو بينهم وهو يشوف ويهها كيف بدى يغمى عليهاا وهو يحسبن عليهم ويضارب وياهم نزل نواف وصرخ فيهم: شباب شباب هدوا ودخل يفجج بينهم وهو يكمل كلامه شباب ،، شباب هدوا ،، الله يهديكم ويصلحكم خلاص فجوا عن بعض ومسكهم وطلعهم برى وقف شهاب يرتب تبشيرته وهو يلهث من تعب وقرب منها وهو يحاول يصحيها ويرش ع ويهها ماي لكنها فقدت الوعي لانها من يومين ما كلت وهو يحسبن عليهم حاول وياها لكن ماقدر انها تفيق ،، خاف انها تروح في غيبوبه او يصير لها شي حط عطر في كلينكس وشممها إياه،، على امل انها تصحى بس الظاهر ان الحرمه صار لها هبوط يا اما في ضغط او الدم او هبوط حاد في سكر او انيميا يا ترى هالبنت كيف اعالجها الحين،، خاف عليها وخاف اكثر كيف ينزلها من اليخت يوم يردون سمع أصوات الصريخ واصواتهم العاليه وهم يضاربون بين بعضهم ،، طنشهم وهو يروح فوق وقال لنواف: نواف تعال شوف البنت شو فيها ما دام عندك خبرة مسعفيين لا يكون البنت صار فيها شي ونحن ما نعرف... نزل نواف وياه لين الغرفة وشاف البنت وقاس نبضها وهو يشوف النبض الضعيف قال بصدمه لشهاب: البنت باديه تفقد النبض ،، عندها نبض خفيف لايكون البنت فيها شي من الامراض وتموت علينا ... حرك ايديه بتوتر وهو يقول : وانا شدراني البنت لقيت فيها كمية من الحزن وريولها قادتها ع يختنا ،، الحين مب هذا موضوعنا،، موضوعنا كيف نصحي البنت ونرد لها وعيييها ... زفر بضيق وقال: بحاول اسوي لها نعسششة الصدر،، نعشهها بيده مرتين وحط ايده مكان نبض وقال: البنت نبضها خفيف وماقدر انعش صدر ممكن البنت فيها شي من الامراض ونحن مانعرف .. شهاب اللي تكلم بعد صمت: روح فوق واذا شفت أي يخت ثاني اطلب المساعده.. هز راسه بالإيجاب وطلع... اما راشد في. يخته كان معصب وشوي وبيصيح خايف ع حمده يسمع صوت الأغاني ودي جي عالي ومب قادر يوقفهم من الأصوات محد منتبه له قام يكلم راعي اليخت يسررع ويساوي بالمسافة بين اليختين عشان يقدرون يشوفونه... : : اما عندهم طلع نواف وقال بتخويف: في منكم حد سوى شي للبنت لان البنت تعبانه واحتمال قلبها يوقف في أي لحظه ،، الجميع انصدم ووجهوا نظرتهم لحميد اللى ارتبك نواف مسكه من تيشيرته وقال : شو سووويت اعترف ... نزل عيونه في الأرض وقال: كتمتتتت أنفاسها عشان ما تصرخ وتستنجد بشهاب .. مسكها بقوو وهو يهزه وقال: كم دقيقه كتمت أنفاسها ... هز براسه بعلامه انه ما يعرف كم دقيقه بس يعرف انها فترة طويله لو ماعظته في راحة يده كان المفروض هم خالصين منها الحين ،، ضربه ع صدره وهو يقول: عديم مروءه وقليل اصل ونخوه كانت بتموت بين ايديك وانته همك نفسك ورغباتك ،، حسبي الله ونعم الوكيل فيك من ريال البنت بتموووت وانته همك نفسك ورغباتك واشباع ذاتك .. انا لله وانا اليه راحعون ولا حول ولا قوة الا بالله العلي العظيم .. ودفره وهو يقول: ذنبها في رقبتك لين يوم الدين ان صار لها شي ... : : : اما تحت فالغرفة كان شهاب يهوي عليها ويفتح شوي من عباتها من قدام عشان يهوي عليها وحاول مره اخيره انه يعطر في ايده ويشممها إياه وفرح وهو يشوفها بدت تنتبه وتتلفت يمين ويسار وتستعيد وعيييها .. انتهى البارت ... بحط لكم توقعات وابا ردود عليها.. منو تتوقعون الريال اللي مأمن مرته وعياله عند راشد ؟؟ ومنو الاشخاص اللي في اليخت ؟؟ وحمده هل بتسمع لراشد؟؟ راشد بعد ما يشوف حمده بالمنظر هذا شو ردة فعله ؟؟ اتريا حوابكم وحماسكم ما يزيدني الا حب وشغف الاستمرار .. |
كاتبه انيقه ماشاء الله حبيبتي
ب انتظار القادم اعجابي وتقييمي وتنبيهات |
| الساعة الآن 03:04 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية