آخر موعد

له موعد لاروح الليل وياي
أول واخر موعد مع فتاته

اليوم ما تنفع دموعي ورجواي
اليوم تفصل عن حياتي حياته

اليوم يعطيني بقايا بقاياي
واعطيه انا ماشلت من ذكرياته

اليوم بابدل مشاعر حناياي
يصبح من اخواني وانا من خواته

اليوم يتركني لحالي بدنياي
مجبور يقفي لو يزيد التفاته

اليوم يخلف عن مماشيه ممشاي
والله ما أضمن من عذابه نجاته

لو اتعلق فيه ما ينفع ابكاي
خلاص فات الوقت واعلن فواته

اليوم بعطيه العزا عقب فرقاي
عندي خبر وش قيمتي في حياته

وانا العزا مابيه من كبر بلواي
ماينفع اللي عاش واعلن وفاته

يارحمة الله ساعديهم بسلواي
يعوضه الله بانكسار امنياته

اليوم ياهمي وياطول مسراي
يافرحة العذال وأهل الشماته

قبول النداء

لي صاحب اه .. لاجاني ولا جيته
من الغيظ شطب وجودي مع عناويني

قطيت أنا جملة أوراقه و . خليته
وأقول لوك تحب تراب رجليني

يومين هونت ما أصبر عنه باغيته
والصوم عن حلفي اللي فات يكفيني

ناديت له في ظلام الياس .. ناديته
و" تم قبول النداء " ودمعت عيني

غسل عذاب محطمني و . كاميته
ونثر بذور البشاير في . بساتيني

يا صاحبي بس تكفى لاتجنني
ما عفت من ضرني .. وشلون خلاني ؟؟

حتى الذي ضرني لا ضاق يحزني
ماعندي أعداء ، كل الناس صدقاني

قلبي معاكم نظيف وصافي ظني
لا مايتغير غلاك إن صرت غلطاني

والله لا سامح الغلطة وأنا أغني
من لاعذر صاحبه يعيش وحداني

وإن كان قلبي حقود الله يلعني
وإن كان مالي شرف عساي للفاني

http://forum.hwaml.com/imgcache2/hwa...243986_285.gif

طـيري

طيري غدا بين هالغربان

يامن يدور على طيري

في ساعة خاطري زعلان
بيدي سلمته لغيري

ماهوب غض ولا حقران
يا للأسف ضاع تفكيري

ما جابه الخاطر الندمان
ولا انفعني معاذيري

لو إنه مخلي العنوان
والله لاوريه تقديري

كـيفي مزاجي

كيفي مزاجي كل شي بكيفي
حره وحره والف مليون حره

باخذ ربيعك منك واعطيك صيفي
وباخذ حلا الايام واعطيك مره

ذوق العنا خله يزاورك طيفي
ذوقي اللي ذقناه ولو كان مره

عقب الهجر يا تعتذر يا وليفي
بأرد لك نص العنا والمضره

يا عـنتر

لي صاحب منه تبي تطلع الروح
خبل ومن هي مولعه فيه خبله

عامين المح له مع الجد ومزوح
وأقول ياعنتر تناديك عبلة

طال المدى ثم قلت أنا أغليك يالوح
مجروحة جرح جرح مخاطره عجله

دنق وقال أنا من العام مجروح
وأشر لجرح مبطي وسط رجله

آخـذ الدفـتر

كل ماقالو لفا الديره غريب
قمت أومي في يديني وابتهل

هيه يالمقبل هلابك يالحبيب
مرحبا وأهلين ياحي الرجل

وإن تبين لا صحيب ولا قريب
أبكي ضيقة أبكي حره وأنفشل

وأعتذر في صوت قطعه النحيب
العذر والله رحل عني طفل

وأكتب التاريخ وأوقع صليب
واخذ الدفتر معايه وانعزل

خيالات وفنون

هو يعرف أن القصايد خيالات وفنون
واقعي مافيه غيره شريك بدنيتي

مالعبوا اهل المغازل عليه ويخسون
ماشيه في حشمةاللي مشى في حشمتي

من تربي مثلي فبيت عز مايخون
غاليه بالحيل بالحيل عندي سمعتي

ماسهرنا بالليالي ندقدق تليفون
امحشوم اللي نواه الجليل بقسمتي

غالي لو هو يبي قصة العاتق يمون
حجته تبقى وتسقط لعينه حجتي

هو نون وحطه المعتلي في وسط نون
في يدينه دمعتي وفي يدينه بسمتي

لعـيونه

جاني يقول : اسمعي لابد نتباعد
ياخوك ماعاد به حل يريدونه

حسيت باحساس ماحسه معي واحد
حسيت باحساس مدري كيف مضمونه

غربة سليمان وتلقائية مساعد
وصرخة سلامه .. ونايف صقر بجنونه

ياهمي اللي معايه قايم وقاعد
من وين مادرت وجهي قيل مديونه

لولاك ياحشمتي للوجه والساعد
يمديني من قو غيضي صرت ملعونه

أقدر أغني وأدق طبول وأواعد
لكني أرغب أقضي العمر مصيونه

أبسطها اخذ جوازي وأجحد الجاحد
واخذ شليلي بفمي وأقول : لعيونه

الناس ....!!

الناس سدادة سلف يوم الرخا باكر يضيع
ما بي اسوي حاجة أصبح عليها نادمه

أبحث بقلب التجربه واخذ من أحداث الجميع
عبره تساعدني على صدمات وقت قادمه

بعطي واسامح للبشر وأحسن مع الكل الصنيع
حتى إذا جار الزمن القى صديق انادمه

ودي على طول الزمن أكون منديل الفجيع
أحب أعمر ما أرتضي أكون لحظة نادمه

وما دمت أنا متعافيه وما زلت في سن الربيع
مهما يكن حجم العمل أرفض وجود الخادمه

ترى الذبايح

ترى الذبايح وأهلها ما تسليني
أنا أدري إن المرض لا يمكن علاجه

أدري تبي راحتي لا يا بعد عيني
حرام ما قصرت يديك في حاجه

أخذ وصاتي وأمانه لا تبكيني
لو كان لك خاطر ما ودي أزعاجه

أبيك في يديك تشهدني وتسقيني
أمانتك لا يجي جسمي بثلاجه

لف الكفن في يديك وضف رجليني
ما غيرك أحد كشف حسناه واحراجه

أبيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك وبيني
أيام نمشي عدل وأيام منعاجه

همي عيالي وأنا اللي في كافيني
علمهم الدين تفسيره ومنهاجه

بريال عارضته على السوق بريال
من باعني برخيص والله لا بيعه

من يشتري رجال قصر بالأفعال
باع العهود الماضيه للخديعه

رجال يسوى له ثمانين رجال
كل الصفات اللي ملكها فضيعه

له ضحكة تشبه لضحكات الأطفال
ذيب..ونظراته حنونه وديعه

وله فزعة منها المجانين عقال
وفجوج لا ضاقت علي الوسيعه

ياما عدل عوجي ثقيلات وطوال
وأنا معاقبته غيور صريعه

والله يسوى له ثمانين رجال
الخبل مثلي لا زعل يب يبيعه

http://forum.hwaml.com/imgcache2/hwa...243986_285.gif

زهرة شبابي

كل ما اتصل فيك صبح وليل تشكي لي
من عوج الاوجاع والدنيا ومتاعبها

مليت ياصاحبي مابيك.تحكي لي
ها الاسطوانه..انا مليت مطربها

حتى خيالك بتالي الليل ياتي لي
جروح..وعيون معقودة حواجبها

عيشتي بعالم ماهو على جيلي
زهرة شبابي حرام انك تخربها

حبيبتك ما تحمل ها لبهاذيلي
اضحك معاها..ولاطفها..ولاعبها

هيا تغزل غن وزيد تذليلي
البنت يا حبها للي.......

قلي اشرايك بفستاني ومنديلي
شفت قذلتي يوم قصينا ذوايبها

قلي اشرايك باطباعي واقاويلي
لاحظ عليها..وغيرها..وشطبها

يامدمن الهم كافي دمع بالليلي
بكره بتشبع من الدنيا ومصايبها

دنياك والله ماتسوى التزاعيلي
حتى ولاهي بكفو اللي يعاتبها

انت ابوه....وقده !

للمشاعر زمام, والزمام بيده!
إمسك زمام قلب بالغلا طيروه

عقلي البارحه طفل..ابوه طرده!
منتهي..مالقى والي,وهم جننوه!

والمشاعر مثل جيش..يهول عدده
فيه ضيقة..يبي الفزعه,وهم وقفوه!

وقايد الجيش صنديد عرف مقصده
لو نهمهم تطيح غترهم,بايعوه

صاح عمه قبل خاله..وصاح ولده!
المراداتهم اللي يبونه..خذوه!

جرها سلم قلبي,يوم جاب جهده
كل ما صاحوا بصيحة وقف وحشروه!

قايد الجيش قلبي,وأنت ابوه وقده
لايحدون قايدهم على اللي بغوه

يوم قلبي بلاه الله فيك.."قرده"!
لا جفا فيه مخلاص,ولا واصلوه!

المهزلة

أنا اللي ذبحني واحد مرني عجلان
عقد حاجبه كنه وطا باللظى والشوك

أسلم عليه وكني أخاطب الجدران
سقى يوم يتبعني وأصد واقول:ارجوك

زعل واثره الحر الذي لا زعل ملان
بغيت الحقه واشوف صرح الرجا مدكوك

وقلت اتدلل وادخل بحيلة النسوان
نعم جارحه والمشكلة غيرتي وشكوك

سألته عن الواني سألته عن الفستان
سألته عن الشيله إذا طرفها مشكوك

سألته عن سوار عليه الفصوص الوان
يقول:استشير اللي على ذوقهم مشوك

وطوفتها في ضحكة الخاطر الندمان
وقلت:اخطبوني وللأسف قالها: مبروك!

ضرب بالكرامة عرض وعرضني الحقران
واعزاه ياقلب على المهزلة حدوك

وبعثت الرسايل ول ماكن لي عنوان
شكيت الظما يا قلب واهل النهر ماسقوك!!

أدخل على الله

مدري رجا مدري وفا مدري احساس
أنطرك وادري قلت لي ما انت راجع

يامن سوت عينه مخاليق وأجناس
ادخل على الله لا تزيد المواجع

جفني خذاه بتالي الليل هوجاس
وادري بجفنك تالي الليل هاجع

أبا اتحرى جيتك واقطع الياس
واقول نور الحب لا بد ساطع

ماهمني مكسب ولاهزني افلاس
بأمشي على عمياي وأقول راجع