 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي / من المستحيل ان تهدم صرحٌ انته بانيهـ ...
(http://www.gsaidlil.com/vb/showthread.php?t=182762)
روووعه الأحداث وحلو سردك
بيرجع فيصل وبينصدم لـ اختفاء اريام سيف اكيد بيفووز ب وضحى لأنه تحبه اما هادي بيتعب من اريام لأنه خطفها وبتصر عليه انها تحب زوجها فيصل دجى سلمت كفوفكِ لطيب الجهد المميز تكمله مشوقه وتشويق اخر ننتظره |
تقيييييمي .. تنبيهاااات
|
والله الشغله فيها خطف واختفااااء
أكشن مع دجى الله عليك عمووووو شي يوووتر ويشد |
سرد انيق وكتابه متقنه وجميله واحداث قويه
..... فيصل اكيد بيجن جنونه واريام م راح تعطي فرصة لهادي لانها تحب فيصل وراح ترجع له ووضحى بتكون مع سيف اعجابي وتقييمي |
شكررررا ع المرور الطيييب
|
صباخ الخير
على انغام الفكر والادب الله علبك يابنتي كذا وصلتينا حد التشوق المره هذي الملامح بدت تتضح لنا كلمة السر فيصل |
البارت الثالث عشر ..
: : : اغضب كما تشاءُ.. واجرحْ أحاسيسي كما تشاءُ حطّم أواني الزّهرِ والمرايا هدّدْ بحبِّ امرأةٍ سوايا.. فكلُّ ما تفعلهُ سواءُ.. كلُّ ما تقولهُ سواءُ.. فأنتَ كالأطفالِ يا حبيبي نحبّهمْ.. مهما لنا أساؤوا.. اغضب! فأنتَ رائعٌ حقاً متى تثورُ اغضب! فلولا الموجُ ما تكوَّنت بحورُ.. : : : قامت من نوم وهي مفزوعه تتمنى انه اللي صار لها حلم ما هو بعلم لفت يمين ويسار كل شي حولها متغير غرفه باثاث إيطالي وفيها مدفأه حجرية وفيها حطب صناعي وشعله من نار عند تشغيل المدفأه راحت للحمام وشافته فخم فيه العطور والكريمات اشكال والوان وشموع وفرش ومعجون وليفه تنهدت بضيق معناته فعلاً اللي شفته صدق مب حلم افااا يا هادي ويا ولد عمي عرفت ان مالي مفر منك الله يستر ،، دخلت الحمام وانا متغصصه عارفه انى مابقدر اتقبل هالحقيقه المره بس يارب فيصل يعرف وين مكاني ويخلصني من هالموضوع غسلت ويهي وفرشت اسناني دخلت اخذ شورر عالسريع تحت الجاكوزي اللي اييب العافيه ورغوت الماي وفقعاتتته تنفسسست صعداء وكاني ارتحت شوي من اللي انا فيه وبعدها نشفت جسمي وخذيت روب ولبسته بعد ماحطيت الكريمات وطلعت من الحمام وشفت أغراض كثيره محطوطه فوق سرير وفي وحده قاعده ترتبهم في الكبت شديت عالروب وانا اقولها: لوسمحتى ممكن تعطيني شي البسه !! لفت عليه وهي تقول: يخزي العين ما احلاكي ايييه من حقه يخطفك الاستاد هادي ويجيبك لهووون ... رديت عليها بنفس خايسه: مالت عليه بس ويه المصايب ..وعليت صوتى وانا أقول أبا لبس... لفت عليه وعطتني لبس شتوي حلو وجميل عباره عن بنطلون غليظ لونه ابيض قطني دبل وبلوزه ذو اكمام طويله مع رقبه قطنيه على صوف لونها اسود مقلمه بابيض وكاب (طاقيه)للراس حتى يحميني من البرد بعد مالبست وتجملت حطيت شوي فاونديشن وطبطبت ببودره خفيفة على ويهي وحطيت مسكرا وجحال ولبست سيلبز ووقفت ع البلكونه وشهقت من الفرحه احب الطيور وحولي محميات من طيور ومحميات لبعض أنواع المها والريم والحيوانات النادرة الحسنه الوحيدة اللي سويتها يا هادي ... : : : رجع البيت بسررعهه وهو يدور عليها انتبه على الخادمه السوريه: هيام انتي رجعتي من الاجازه.. ضحكت وهي تقول: اييييه رجعت وهلأ بطبخ لك محشي مين عامله... ضحك وهو يقول: زوجتي ،، لسى ما صحت من نومها...؟!!! هيام بصدمه: لك تجوزت مبرووك ،،، ايه والله لسى ما شفت حدا ... ضحك وراح لفوق وبطل الباب مالقاها توقع انها في الحمام بس يوم شافه مبطل باب الحمام انصدم وين سارت تافف من فكرة راشد وسالم لا يكون تكررت اتصل براشد وحلف له انه ما يدري بشي خاف من فكرة انه شردت وخلته مثل ما شردت عن هادي شردت عنه.... : : : طالعت المحميّه والمها والريم ولفيت على محمية طيور وشفت النورس والطيور النادرة الثمينه ابتسمت بحب وشفت سرب من طيور تطير في سما بلادي وحبيت المكان صراحه بس ناقصنه فيصل قلبي وغلاه مب هادي انتفضت يوم سمعت صوت الباب ينفتح ما حبيت اشووف ويهه عارفتنه ان هو محد غيره... سمعت تنحنيحته ماعطيته ويه لففني صوب وهو يقول : انتي اللي حديتيني على شي هذا وانتي اللي اجبرتيني عليه بعدت ايديه عني وانا أقول: هادي تكفى لا اشوف ويهك ولا اسمع صوتك محد مينن فيني وعيشني في رعب الا انتوا قولي شو تبا واخلص عليه أبا ارد لريلي... تضايق من طاري فيصل وهزني من كتوفي بقوه وهو يقول: والله النجوم السما اقرب له من انه يطولج !! طالعته بغيض وشحت بويهي عني ومن دون إحساس رفعت ايدي وضربته ع صدره وبقهر واضح في صوتي: ما تقولي شو تبا منى !! قتلكم اني بتنازل شو تبون اكثر!! ضحك بقهر وهو ينزل ايديه من ع صدره وقال: منو فالج اباج تنازلين !! انا عناد فيهم كلهم ماباج تتنازلين !! دفررته ع ورى بس ما ياثر فيه بنية جسمه قويه ما اثر حتى فيه بقهر حاوبتع: قولي شو تبا اخلص مني ماعندي وقت اضيعه معاك!! بعصبيه تقدم لي ورفع ايدي من كتفها وهو يقول : ايييييه حشمي نفسج ترا مب انا اللي تهزين يدج عليه وبعدين يوم ترمسين معايه حاسبي ع كلامج!!! بقهر وضيق وانا اطالععه جاوبته: أبا ارد لبيتي ولريلي !! سمعت صوت ضحكته سخيفه والعاليه شحت بنظريه عنه وانا اشوووف اليهت اللي وصل واشوووف حد نازل منه ضحكت وانا أقول: يتحسب عمره شيخ عايش بجزيره وحوله محميات طيور ويخت ع حسابه اففف يا القهر نفسيته خايسه وهو اخيس عنها !! سمعت صوت الباب تسكر عرفت انه ذلف برى لفيت حول الغرفه اتفقدها ادور تلفون ارضي او شي يوصلني لفيصل ... : : : عند هادي حضن وضحى اخته وهو يقول: مرحبا بلي شرفتنا!!! ابتسمت وسط ضيقتها وهيي تحضنه: فديت عينك يا خوي وين بنت العم ... اشر لها بمعنى فوق وطلعت فوق اما هو قعد عند عبدالله ويلسوا يسولفون في الحديقة.. عبدالله يصب له من الكوفي قال: شو بتسوي !! تنهد هادي وهو يقول؛ عنيده الواحد لو مايبا يوصل وياها لضرابه هي غصباً عنك تخليك تضاربها ... عبدالله ازفر بضيق وقال: يعني الحين انته وين تبا توصل !!! هادي بحالميه: قلبها!!!! عبدالله انصدم وبعدين ضحك: هههههه يا بعد المنا عنك ما دام هاي معاملتك.. هادي: شو اسوي مابا اضرها ولا أبا امد ايدي عليها اباها اتحس من نفسها بس هي تجبرني على القسوووه!! عبدالله تنفس بعمق: ماعلينا مصيرها ترضخ بس قول لي الحين شو بتسوي !! هادي: اول شي بعطي فيصل خبر انها عندي ،، وثاني شي بحاول افهم منها ليش شردت مني وشو سبب !! وكيف خذت فيصل !! هز راسه عبدالله والتزم صمت ،،، اما فوق دخلت وضحى وهي تقول: اريااااام وربعت تحضنها انصدمت اريام من وجودها وانصدما من تعلق بنت عمها فيها بس ما كلن قدامها الا انها تحضنها لعلها تخفف اللي فيها من توتر وخوف وشرود .. : : 'رن تلفون فيصل اللي كان ضايق من عدم وجودها ومن شاف رقم رد ببرود: هلا راشد .. راشد: اهلين فيصل اقولك متى بنتلاقى عشان اريام ... فيصل: خلني اعرف وينها اول !!! راشد انهى المكالمه بسرعه وفيصل اتصل ع بومحمد ورد عليه : هلا بلي مايرد .. ضحك فيصل بلا نفس وقال لبو محمد السالفه ضحك بو محمد وقال: وتتوقعها شردة عنك!!! فيصل بضيقه: ماتوقع هي تحبني مثل ما انا احبها وزود بس أتوقع في شي ثاني ... بو محمد زفر بضيق: طيب يمكن هادي له يد بالموضوع بعد ماعرفوا خوانه بمكانها .... تضايق فيصل وطالع الملفات اللي بيده وهو يقول: شوف طريقه الوحيده اللي نقدر نطلع فيها اريام ان نحن نشتكي عليهم بموجب الملفات اللي عندنا وبجذيه بنقدر نعرف وينها... : : : وضحى واريام بعد سلام وسوال الحال اريام وايد حبت وضحى وحست براحه وقعدت تفضفض لها: والله يا وضحى نطقت عند راشد قتله هذوا اللي تبونه انا مابا شي تخيلي عقب يوم نشيت الصبخ حسيت لساني مربوط ماقدر أتكلم معني تكلمت ويا اخوج راشد قلت في خاطريه لا يكون انخرست بس من شفت هادي ماعرف كيف نطقت وبخزن قالت تحسبته فيصل ريلي ... حضنتها وضحى وهي تقول: اريام قسم بالله خواني مب خواني من يوم عرفوج ماتدرين كيف متنافسين عليج كل واحد يبا يفوز فيج بس لا تفهمين هادي غلط ترا والله من يوم رحتى عنه وهو مب في حاله شفتي شكله .. ضحكت اريام وهي تقول: ويععع فقت ويهه اخوج كلب يبا يفوز فيني باي طريقه وانا حرمة ربيعه كيف جي وضحى ... وضحى بتنهيده: يا حبيبتي يا اريام انتي تقولين جيه لان قلبج ينض باسم فيصل بس عندي إحساس انه احساسج بيتغير وبتميلين لهادي لانه يحبج ويباج ويموت عليج ومصيرج تذكرين كلامي ... سكتت اريام وتنهدت بضيق سمعت صوت الباب يتبطل دخل هادي وهو يقولها قدام وضحى :عاتبيــني كـان يرضـيك العــتاب،،،واجرحيني كان جرحي لك دوا،،عذبيني يا حلو منك العذاب،،،ياحلو تجريح قلبي والنوى،،،لوعيني في الهوى وصل وغياب،،،مال لقلبي لو سطى غيرك هوى،،،تاب قلبي من خطايا الحب تاب،،،لا رضيتي كل عمري لك ضوى،،،فيك ظني لا حشا مايوم خاب،،،والليالي ما قضيناها سوى،،،شاب قلبي والعمر توه شباب،،،يا غدير منه ريقي ما رتوى... انصدمت اريام منه وضحكت وضحى عليه وهي تقول: شعليك يا العاشق الولهان قعد عدالها ولفها عليه وقال: سمعي لج خيارين الأول تعيشين بسلام وحب ووئام معايه ،، والخيار الثاني عاندي وشوفي شو بيصير لج من ورايه فاختاري راحة بالج ولا عذاب قلبج.. شاحت بنظرها عنه وهي تجنب نظرات عيونه شو من قلب عليه اقدر احبك ولا اتقبلك عنبوه هو بشوري يعني حست بيده وانتفضت وهي تقول: انسى الخيار الأول ... دزها ع شبريه بضيقه وطلع وهو يقول لعبدالله: مالت عليك وعلى اللي يسمع شورك خلني بويه انا اعرف كيف اتفاهم مع هالاشكال واتصل بفيصل وقاله: تبا حرمك المصون .. فيصل بقهر : يعني انته ورى كل هذا !!! هادي بقهر: هيه انا يا فيصل اباها تكرهك ... فيصل بضحك: جرررب ما راح تقدر اريام تحبني... ضحك هادي وهو يقول: بعد السيدي اللي بتشوفه يوم كنا انا وانته في سوريا صدقني بتغير رايها وبتكرهنا نحن الاثنين وهذا وايد احسن افضل .. فيصل بقهر: لا تتهور يا غبي اعتقد كنا طايشين ... هادي ضحك: والله مايهمني طايشين ولا عاقلين المهم اراويها ماضي ريلها وماضي حبيبها اللي هو انا ... سمع عادي صوت تكسير وراه ولف وعو يشوفها واقفه مع وضحى تطالعه بصدمه تقدمت صوبه وهي تقول: ماضي شو اللي يربط بينكم وماتبوني اعرفه ... ضحك هادي وهو يقول: ماضـ.... وقطع عليه صوت فيصل بقهر وحرقه يقول: لا تنطق يا كلب اسككككت ... ضحك هادي وهو يقول : بالشرط ... لف ويهه صوب ثانس مقهور من هالسلطه اللي حلت عليه وقال: اخلص شو تبا!!! هادي: ورقة طلاقها!!!! انصدم فيصل وقال: حلم ابليس في الجنه... هادي سكر تلفون في ويهه وقال : تعالي بروايج ماضينا الأسود عشان بروحج تطلبين الطلاق سحبها من ايدها بقوو ودخلها الغرفة وسكر الباب وياب لابتوبه وهي مصدومه قالت برجاء: هادي تكفى مابا اشوف شي من ماضيكم الاقشر ... قالها بحده وصوت عالي : مب انتي اللي يتي سالتي خلاص جببببب عيل ولمي ثمج مابا اسمع ولا نفس ... رتب الوايرات شبك لاب توب في شاشه العرض وحط سيدي وهو يقول: مابا اسمع ولا صوت شوفي وانتي ساكته وبدا يشغل هادي السيدي وكان يعرض السيدي خياتهم اللي قضوها في سوريا وكانت حياتهم عباره عن مراقص وملاهي ليليه وبنات وشرب وهي تطالع مصدومه فيصل جيه وهادي وفيصل واقفين ع الاستيج ويدبكون ويا البنات ويشربون من السم المحطوط قدامهم وبعد ما انتهى من عرض الفقره الأولى ،، بدا عرض الفقرة الثانيه اللي كانت عبارة عن بتات يطلعون من شقة فيصل وهادي ومان فيصل يقول لهادي : صراحه الواحد كم بيعيش الا مره وحده يعيش حياته صح .. ردعليه هادي بضحك: ها عيبك الموضوع اشوف .. هز فيصل راسه وقال: انا بعيش حياتي هنيه وبفلها ويوم برد البلاد بصطلب .. سكت عنه هادي وهو يقول: بس انتبه ع عمرك يا فيصل وخلك حذر.. بعدها بفتره عرض تسجيل ثالث لفيصل اللي كان ياي عند هادي وقاله: عادي البنت حامل .. هادي بعصبيه: انا ما قلت لك تحذر منهم ليششش تسويها يا فيصل ليششش وهادي ضربه ع صدره وهو يقول روح تخلص منه كيف تخلي وحده حثاله تيب لك ولد او بنت يشلون اسممك وامهم ماتشرف يا فيصل .. فيصل بضيق حاط ايديه ع راسه:تكفى يا عادي خلصني من اللي انا فيه ... هادي بعصبيه: انا قتلك سوي سوااتك ؟؟! انته غبي ما تركز!! فيصل: طيب اتزوجها واصحح غلطي!! هادي يضربه : يالمينون كيف تنزل مستواك للاشكال هذي شو تاخذها.. طلع فيصل من عند هادي وبعدها فتره ياه وقاله انا تزوجتها !! لين هنيه وقالت برجاء: تكفى يا هادي بند خلاص والله مابا اشوف شي هذا يكفي وزووود ... رحم حالها بعد ما شاف ويهها من الصايح والاحمرار كيف صار بند لاب توب وطالعها وقال: روحي ارتاحي برايج.. تكلمت بقهر ودموعها ع خدها: أي راحه واي زفت عقب اللي شفته قالت بغبنه بس بسالك سوال ياب منها حد .. هز راسه بهيه وقال: ولد وعايش عند امه ويطرش لهم مصروف كل شهر ... انقهرت زود وهي تقول: بعدها ع ذمته... هز راسه بهيه وقال: ما يقدر يطلقها عشان ما تسوي له بلبله ... هزت راسها بيأس وطلعت من الغرفه ودخلت غرفتها ويلست تبكي وتصيح مقهوره معقوله فيصل طلع بنذاله هذي كلها دخلت عليها وضحى وهي تشوف حالتها قفلت الباب وهي تقولها : عارفه انج مكسوووره ومخنوقه وتحسين بالغدر والخيانه والضيم والقهر بس بقولج شي عارفه بتقولين مب وقته بس بقولج سالفتيه وبتهون عليج صدقيني.... : انتهى البارت الثالث عشر |
سرد و تفاصيل أكثر من رائعة
قلم جميل لروحك الجوري |
ياسلام عليك يادجى
استمري |
بدينا في العدر والخيانه
هيام هذي ماحبيتها استفزتني |
كنت شاااك ان فيصل هذاا رااعي
بلاااوي وورااه مشاااكل الاطفاال وش ذنبهم يووم يفترقووون الااب والاام بسبب الاب اللعااب |
كل هذا يطلع من فيصل
يآآربي رحمت اريام احداث قويه وممتعه وان شاءالله ننتظرك بشوق في الأحداث القادمه |
: البارت الرابع عشر .. : : : صَوت المطر وريحتهُ تعطيٌ طاقه وشعُور بقلبي جداً لطيِف،ياربٌ الدنيا دايماً مطر���� . . : : : ومن في حُبِ الغيوم يُلام؟☁��. : : : بعد ما ارتاحت من كلام وضحى وحبها العميق لسيف اللي كان اصله حب من طرفين ولكنه في ظاهر الامر يخيل لها انه حب من طرف واحد ختمت وضحى كلامها: مضارب ويا اخوه اليوم عالغدا شرايج بس علاقاته كانت وايده نفس فيصل ريلج واخس اانتي ليش تصيحينه الحرمه ما تصيح حبها وخسارتها هو الخسران هو اللي بيظهر ايد ورى وايد جدام اما انتي بتكونين في غالب الامر متضايقه بس عرفي كرامتج وقدرج وبتنالين واحد غير عنه يعني انا بصراحه ما افكر اتم مع سيف لانه خلاص اللي بيني وبينه انتهى من يوم خاني ويا اختي تخيلي اختى مب وحده غريبه ،، ولا افكر بعلي لانه حبه حب تملك ولا اريد مشاكل وياه ولا ويا اخوانه شفتي قصتي قريبه من قصتج وايد بس الفرق ان انتي مب عازه نفسج رابطه سعادتج بسعادته شو تبينه تبكين عليه وعلى حبه تعالي شوفي الهموم اللي في صدري ورغم هذا كله اضحك واسولف ما أحاول اخلي الحزن يحتلني عشاني مب عشانه باجر ماريد شي يضرني انتي تفكرين ان اخر الناس هم سيف وعلي وايدين غيرهم في الدنيا ونصيبج وين ما الله يكتبه وانتي ما تعرفين شو الحكمه ان الله اليوم خلاج تعرفين ماضي فيصل بعد فتره بتعرفين ليش عرفتي اليوم عن شي هذا حبيبتي ريومه بقولج شي ما قلته لحد سيف يوم خاني ويا اختي تتوقعين ماخدش قلبي هم الاثنين طاحوا من عيني ما ارضى ع نفسي مع انه يعرف ان قلبي لين اليوم بنبض باسمه بس انا عاطتنه شو الاذن صمخا ومقسيه قلبي عليه .... تنهدت اريام بصمت وهي تقول بصوت مخنوق: احبه يا وضحى.. وضحى: وانا والله اموت ع سيف وع قربه بس لازم تتعلمين ان قدرج وكرامتج فوق كل شي حتى فوق الحب لا تخلين شي ياثر فيج وباجر يدوسونج بريولهم بحجة انج بتنسين وتحبينهم لكن حب ايي من وراه مذله يعله ما يدوم اخذ واحد ما احبه ويحبني ويموت عليه ومع الأيام بتقبله وبصير احترمه انا ما اقولج حبي هادي ولا تقبليه بس صدقيني العناد ويا هادي ما ينفع خليج طيوبه ومسالمه وشوفيه كيف بيكون ويااج... هزت براسها وسمعوا صووووت برى وقفوا عند البلكووونه وشافوا المطر لفتها وضحى بفرح وهي تقول: شفتي هذي مواساة رب العالمين لنا يدخلج الفرحة عن طريق مطر وغيم كانه يقولج غسلي حزنج بالمطر اريام هذي ثاني مررره ربي يواسيني فيها بالمطر المره الأولى يوم كنت بيت خالتيه وقاعده بين نارين واليوم بعد يواسيني ويواسيج كانه يقول انا قريب منكم واسمعكم شكولي وبكولي ولا تبكون للخلق ولا تبكون على حد خذلكم احسسه يواسيني بكل معنى الكلمه يحبنا ويبانا نفرح مايبا للحزن مطرح فينا غسلي همومج واحزانج تحت هالمطر وشوفي المنظر حولج محميات وبحر وقريب بتغرب شمس تفاجات وضحى باريام اللي سحبتها من يدها وطلعوا برى بسرررعه ووقفوا تحت الحديقه وهن مستانسات اريام تضحك وهي تقول: احس اني مينونه ههههههههههه وضحى تلعب وتدور وتنط : والله يا اريام عيشي لنفسج ولذاتج وصبري وصابري وشوفي ربج شو بيكتب لج ... هزت راسها اريام وهي تحس بشوي راحة ... : كان يشوفها من فوق ما توقع ان وضحى بتقدر تغيرها بها السرعه النسيان صعب وجحد الحب اصعب بس ليته كان صريح في اول المشوار كان كل شي بيهون تنهد وهو يخفف ع نفسه رغبتي انى املكج وبملكج قريب رن تلفون وكان محامي شركة يبلغه ان فيصل سلم كل شي لشرطه ابتسم بينه وبين نفسه وهو يقول: زين تمام تابع الموضوع واذا طلبوا حضورها انا موجود ...وسكر تلفون وكمل يطالعها كيف ضحكتي وبكيتي في نفس الفترة الزمنيه والوقت سبحانه الذي يبكي ويضحك في آن واحد ... : الغيوم قادرة تواسي قلبي بشكل لطيف����. : : : أيعقل عدم تخيل أن هنالك عالم ثاني تخبيه الغيوم ☁��. : رفعت نظرها لسما وبدت خطوط الغروب تخط على وجنتي السماء لتكتسي خجلاً منها وكانه يغزل خيوط الحب بين المغيب والسماء تاملت سرب الطيوور اللي تطير في سما وطاحت عينها في عينه وهو واقف متكيء على سور البلكونه يشوفها نزلت راسها وهي تقول لوضحى: ما اخفيج والله اني ارتحت بس مازلت شاله في قلبي ع اخوج .. وضحى تضربها ع كتفها: بلا هم الحين وويع راس خلاص خلينا نعيش يومنا بيومه .. ابتسمت بغصب وهي تمسكها ويروحون داخل لاقفوا هادي عند دري تخطته بسرعه وراحت فوق طبطبت عليه وضحى وهي تقول: ماعليه يا قلب اختك يبالها وقت... ازفر بضيق: سمعي انا راد اليوم بوظبي بشوف المحكمة والقضيه اللي انرفعت وبشوووف هالزفت وبخليه يكلم اريام وهي وكرامتها عاد يا ترد له او تتطلق ! غمزت له وضحى بان الأمور بتكون طيبه راحت فوق وراح هو دخلت الغرفه وسمعت صوت الماي في الحمام عرفت انها تتسبح وطلعت وخذت لها منشفه ولبس ثقيل ودفت جسمها وقعدت عند المدفأه في نفس الوقت دخلت وضحى تسبح ويلبسون ثقيل ويلسون عند المدفاه . : : : في مكان ثاني طالبين ااستدعاء بو هادي وبحكم انه محد ،، حضر بداله المحامي وراشد وااحين هادي ياي ... فيصل اول ما وصل وعنده الأوراق اللي ضد بو هادي كان يتريا يشششوف خصيمه شوي ويا هادي ومعاه حسام شي اللي اربك بو محمد وفيصل ... سلم هادي وفصخ نظارته وتوجهه له وقال باستنكار: قبل ما نبدا المعركة والجدال شو رايك تكلم حبيبتك !! وضحك وهو يلف على الجماعه غمض عيونه واتصل على فوزيه تودي تلفون للاريام.. وشوي ياه صوت اريام وقال بالحرف الواحد: سمعي ي بنت العم هذي حياتج وانتي ع كيفج وياه تبين فيصل او لا !! حط سبيكر وهو يقول : هذوه يبا يكلمج.. شل فيصل سماعه وهو يقول : الووو ريم قلبي ما سمع غير كلمه وحده : اللي بينا اعتبره انتهى وسكرت الخط وهي تحاول تمسك نفسها قدام بنت عمها ،، ووضحى وقالت يلا نيب القران ونقرى نهدي نفوسنا ونغسل احزانا ابتسمت على وضحى كأن الله عقها في دربها نعمه وغنيمه وساروا ايبون مصحف ويقرن ... اما عند فيصل انكسرر قلبه صدق وحس بخنقه وهو يقول لهادي: سويتها ودمرتني صح!! هز كتوفه هادي وقال: كلنا في الهوى سوى محد احسن عن حد يلا الحين نتفضل عند القاضي دورنا وصل !!! دخلوا عند القاضي وبدا يسمع الأطراف ... القاضي : هل انته شاهد على ذلك !! حسام: نعم اشهد اني كنت اسرب معلومات لهم عن كل ما يتعلق بالعايله وابنة عمهم وهذا ما كان الا بسبب تهديد منهم بترحيلي عن البلاد وانهم سيتهموني اتهامات عديده ... القاضي: حسناً ،، هل هناك اعتراض ع ما قاله حسام!! هزوا روسهم بنفي وبو محمد قال: لا ولكن يعتبر خيانة امانه بانه قد خان الامانه وخان الشخص الذي يعتمد عليه ... القاضي: نعم اعلم ساحكم عليه بخيانة الامانه ولكن هل لديكم ما تقولونه !!! فيصل بضيق هز راسه وهو مو معاهم أفكاره تروح وترد عليها شو سوولها غسلوا مخها مستحيل هادي يسويها ويراويها سيدي لان نحن ثنينه كنا نتردد على المرقص استغفر ربه وخلى بو محمد يكمل عنه وهو مب طايق شي وده يطلع ... هادي قال للقاضيي: سعادة القاضي انا لا ابريء ما ارتكبه والدي من أفعال شنيعه تخطيط لقتل أخيه وانتخال شخصية عمي وتنازل عن املاكه لوالدي ورمي ابنة عمي في دار الايتام ولكن انا لا اريد التنازل عن والدي بل اريد ان يأخذ جزاه وتستعيد ابنة عمي حلالها .. القاضي: اذا توجل الجلسه لحبن حضور والدك الذي سيصدر في حقه منع من سفر وتعميم وإيقاف جميع ممتلكاته التي باسمه وجميع البطايق التي تحمل اسمه ... ابتسم هادي وهو يقول: اذاً ننتظر خبر عودته من فرنسا واخذ جزاءه شكرا حضرة القاضي ... انتهت الجلسة وردوا البيت ... : : : اما عند وضحى واريام بعد ما خلصوا من قراية لقران نزلت اريام وهي تقول: شرايح نسوي عشا... وضحى بهدوء: اول قولي لي شوحسيتي يوم سمعتي صوته... اريام وقفت وطالعت لين اليدار وقالت : شوفي وضحى اذا طالعت لين اخر ايدار في الفله باكون نظرتيه محدوده بس لو اخلي نظرتيه لاخر الجزيره واخر البحر بعرف اني انا صح لان ما بحكر نفسي بشي ابدا ومابا أكون محدودية النظر أبا يكون عندي بعد نظر عارفه شو اسوي بس ما اخفيج ان قلبي دق له لكن شو الفايدة يوم حكرت حبي في دائرته صرت ماشوف مساؤوه ويوم حاولت اتجنبه وابعد عنه عرفت ان العيوب تظهر بس نخفيها تحت مسمى الحب ونشوفه كامل ومافيه عيوب لكن شوفي من عرفت بولده ومرته سوريه اللي كانت رقاصه انخدش قلبي تبين صدق وبدا يطيح من عيني صحيح ما بقدر اكره بس ع الأقل اتناساه وبجذيه بيخف الم قلبي يلا تعالي خلينا نسوي عشا دخلن المطبخ وبدن يسون العشا ... : : : اما عند هادي طلع من المحكمه وتوجه لسيارته واتجه صوب مكانه المخصص ونزل وقال ليعقوب: شل سياره عن عيون الناس مابا حد يعرف وين انا وقولي وين مسعد ايي يشلني ويوديني لين الجزيره ... يعقوب : حاضر طال عمرك يا مسعد وركب وياه هادي ويعقوب شل سيارة هادي وداها بيتهم عشان محد يفكر يلحق هادي واللي بيلحق هادي بيلحقه لين بيت ابوه ومن بعدها ما بيعرفون شي عن هادي لانه قد ركب عند مسعد .... : : : لا تشرق الشمس في منتصف الليل، ولكن في قمة اليأس ينبت الأمل. : : : بعد ما سون العشا رتبنه في غرفة طعام وحطت اريام الشموع والورد على طاوله وراحت ورى وضحى تتسبح دخلت لقت وضحى لابسه بجاما ثقيله ومستشوره شعرها وقالت: يا دبه سبقتيني يلا انا بروح اتسبح بعد ريحة المطبخ .. وضحى تضحك: اترياج تحت ولا فوق!! اريام: لا تحت شوي وبي .. دخلت تسبحت بسرعه عالسريع ونشفت شعرها باستشوار الحمام طلعت لبست بجاما ثقيله مصنوعه من الفرو تدفي جسمها ولبست جوارب وانتوا بكرامه وسليبز ونزلت من دري دخلت على وضحى وشافتها قاعده نطت اريام وهي تقول : بحط موسيقى كلاسيك شرايج هذي سماعه العودة السبيكر مالت منو.. وضحى تضحك: ما يبالها سوال مالت راعيها اللي يابج وتحرك حوايبها فوق.. اريام هزت راسها بلا وهي تقول: مافيج فايده يلا بشبك عليها شبكت عليها وحطت موسيقى كلاسيك وقالت لوضحى: يلا تخيلي نفسج في مطعم كلاسيك مطل عالبحر وفتحت الستاره وهي تقول: بس ماقدر افتح الدريشه بيدخل علينا البرد ونحن تونا متسبحين .. هزت راسها وضحى،، وشوي ولمحت حد خاطف بلغت ريقها بخوف وقالت لاريام: اريام ... صدت صوبها وهي تقول: هاه شبلاج !! وضحى بعد ما سمعت صوت الباب: يابوج حد يأ ... اريام تنهدت : اكيد هادي وشوي ودخل عليهم سلم وهو شكله تعبان ومنهد حيله طالعهم بصمت ورفع عيونه يطالعها وده يلمها ويحضنها ويقولها تعالي طبطبي عليه ولعبي في شعري وحطيني في حضنج بلع ريقه من شكلها ببجامة الفرو اللي لابستنها وقبعة شعر غمض عيونه بتعب بعد ما حس انه بييب العيد اذا قعد يتأملها وقال : ما شاء الله تسلم ايديكن .. ردت وضحى عليه : تعال كل فديتك.. يلست اريام وهي تحط لها من المكرونه شوي وحطت فوقها شطه ويلست تاكل وسرقت نظر حول هادي اللي كان ياكل وشكله سرحاننن وعيونه تعبانننه سمعت همس وضحى: بسسسسج من المطالع ترا تفكيره مب قربنا نهائيا .. نزلت عيونها على صحنها وهي تاكل بصمت سمعت صوت هادي يقولها: اريام لفت عليه ورفعت عيونها بسرعه كمل هادي وهو يقول: اذا زعلانه من طريقه اللي يبتج فيها شوفي شو يرضيج وانا حاضر حتى لو كان رضاج ردتج على فيصل .. طالعته وهي تقول بقهر : يخسسسى ارد له مابا اسمع طاريه مره ثانيه يفضل انه يطلقني وايد احسن ولا أعيش وهم الحب وياه وهو ماضيه اقشر تنهد بحده وهو يقول: ع راحتج وقام من ع طاولة الطعام وهو يقول االحمدلله .. وضحى: صحه وعافيه... ابتسم هادي ومسح ع راسها : ع قلبج فديتج...وطلع من عندهم وراح غرفته تسبح وتلبس ويلس عند المدفأه وحط راسه ع المخده ولعب بتلفونه لين داعبه نوم ونام .... : في غرفة وضحى دخلت اريام وهي تقول: وضحى صدت عليها وضحى بعد ما شافت عيونه اللي فيها كلام عطته النظره المطمئنه بمعنى كملي كلامج بعد تردد قالت: عادي تروحين معايه عند هادي أقوله يقول لفيصل يطلقني وانى مابا شي منه ابداً ... ضحكت وضحى وهي تقول: تراج قلتي له تحت ،، قولي ان ودج تقعدين معاه وتتكلمين... اريام بضيق: بصراحه يا بنت العم مابا اسمع طاريه وابا اعرف من هادي شو سالفة الورث والحلال اللي يتكلمون عنه بس ... هزت راسها وضحى وهي تقول: اوك يلا نسير .. دقن الباب ثلاث مرات بس من شافنه مايرد عليهن افتحت وضحى الباب بشوي شوي وشافته راقد وتلفون طايح ع صدره بندت وضحى المدفأه ولحفته وطلعوا عنه وكل وحده دخلت غرفتها وصلت العشا ونامت .... : : مرن ثلاث شهور وتطلقت اريام من فيصل وارتاحت شوي من الحقيقه اللي كانت متحملتنها ع ظهرها وقعدت مع وضحى اكثر وتعمقت معاها وحبتها وايد واشترالها هادي تلفون يديد وخط يديد بناءً ع طلبها .. طلعت من غرفتها واتجهت لغرفة هادي دقت الباب وسمعت صوته تفضل دخلت وهي مرتبكة اما هو تفاجأ بانها يت غرفته واستبشر خير حلو بداية الغيث قطره يا هادي ابتسم بحب وده يحضنها قربت منه وهي تقول: ممكن اكلمك شوي.. تبسم وهو يقول: امررري فديتج .. ارتبكت من نظراته وهي تقول: هادي انته الوحيد اللي أتمنى انك ما تخذلني مثل ماخذلني الجميع انا وشبكت ايديها ببعض ودي اعرف سالفه ابوي وابوك والحلال وشو الوضع عطني لمحه عن الموضوع قام من مكتبه واتجهه لباب الغرفه وسكره وقرب منها وقعد عدالها وقال: هذي سالفه يبالها كوفي بسوي لنا كوفي وبقولج كل شي اوك هزت راسها بطاعه وقام سوى كوفى ورجع عندهم مسك الكوفي وهو يقول سمعي سالفه كامله ولا تقاطعين ... هزت راسها بهيه كانها ياهل ... بدا يسرد هادي القصه : شوفي كان ابوج اللي هو عمي مميز وايد عند يدنا يحبه لانه غير عنهم يسير في شور ابوه ابوي كان يحب امج اللي هي بنت عمته بس ابوي ما صرح بحبه لحد فيدي خطب امج لبوج وابوج ما مانع ووافق ابوي انجلط واحتشر وتضارب مع اهله وحلف انه يبهدل ابوج ويذوقه مر حياته فابوي خطب امي بدافع الفضول والانتقام مب حب فابوي لما سمع ان ابوج مخطط يروح سفر بر اعترض طريقه وخطط على حادثهم وانتي نجيتي من الموت شلج ابوي كعقاب وحطج في دار اليتم وازفر بضيق كنا صغار ما نعرف شي بس انا من مسكت الشركة عرفت بلاوي ابوي اللي سواها في عمى وسواها فيج ولعلمج انا من سبع سنين او ثمان كنت ما انام الا ع صورتج بنيت لج صرح عالي مستحيل اخلي حد يوصله ويهدم كل شي حلو انا بنيته وسويته لج المهم يوم شافها تبلع ريقها بخوف والدموع بدت تجمع في عيونها كمل كلامه مسكت كل الخيوط اللي ممكن تودي ابوي في داهيه وبعد انه ياب اشخاص ينتحلون شخصية عمي عشان تنازل ونقل الأملاك والفلوس اللي كان يدفعها لدار ولفيصل عشان يعيشج الحب والغررام فيصل كان مرسول من ابويه هو اللي طرشه لج يوهمج بالحب والغرام ويوم قالج انا في الدوره وبطلع ماكان في دوره كان عند زوجته سوريه وولده وبعدها لما يا وقالج اجلت دوره عشانج كان جذاب بس يبا يتسلى وياج مادري كيف ما لاحظتي انه حاطنج في مكان بعيد ومادري كيف طاوعج قلبج تصدقينه وهو ما يعرف شي عن الحب ولا يعرف دربه المهم عشان جي ما كنت اباج تتنازلين عن حلالج لبويه انتي ضعتي كل هالسنين بس لازمء تعيشين وتشوفين حياتج واملاكج بين ايديج... سكت يوم سمع شهقاتها وغطت ويهها بيده ضعف قلبه مايبي يشوف هالمنظر حضنها بقووو وهو يلمها يتريا سبب أصلا عشان يحضنها مسح على ظهرها وهو يسمعها تشاهق باسم ابوها وكيف انه انجتل عن طريق اخوه عسبت حرمه رفعت عينها لهادي وهي تقول بصوت متقطع من البكي: حرررمه وحده وهي تاشر بصبعها السبابه تسوي في اخوان جيه.. هز راسه بالإيجاب وهو يقول : برايهم المهم انتي الحين لا زيدين همومج هموم بعدت عنه بضيق وهي تقول بغصه وقهر: يعنى ابوك السبب في حرماني لاخواني .. نطق بضعف: وابويه سبب في انقاذ فيصل لج وييب اخبارج طول هالفترة ويقول يحبج لكن شو فايدة الحب بعد ما كان عميل لبويه اييب له اخبارج ويصادر علومج ومن بعدها لما صار بينهم نقاش حاد بسسب شركة انفصل عن ابويه وكوّن نفسه على حسابج ووقف ضد ابويه بعد ما رسم خطته ويا بو محمد بزواج منج وتستعيدين حلالج لكن في نهايه قتلج الامر والشور لج ... قاطعته وهي تقول: انا خلصت عدت طلاقي ولا لي خاطر في فيصل ولا بعد علومه وسوالفه وحبه الوهمي لي او ان كان حب صادق بس الحقيقة مره وانا اختك .. تضايق من نبرتها يوم قالت اختك ابعد عنها وهو خلاص تعبان مافيه طاقة بعد لنقاش تحرك وسار صوب مكتبه وقال لها بحده: شي في خاطرج ولا ؟ ناظرته بعتاب وقهر ولفت عطته ظهرها وسكرت الباب بقو ضحك على تصرفها المينون لو يوضح لها مليون مره بس هي هبله وتتغيبى ... انتهى ✅ |
قصه مؤلمه كيف الاب يقتل اخوه
عشان ورثه وزواجه من كان يحبها ننتظر اريام ماذا ستفعل بعد هالاحداث وماذا سيحدث لـ هادي تسلم الانامل على هـ القصة المميزة ورائعة الاسلوب والسرد الجميل والممتع بالاحداث متشوقين للقادم |
ي ظلم ابو هادي
حبيت الاحداث حممماس ومتحمسة كثيرر للبارتات الجايه حلووتي اعجابي وتقييمي |
البارت الخامس عشر ....
: : : ⠀ أيّ امرأةٍ غيرك أنتِ عاشت قسوة أيامك، وصارت رغم القسوةِ أنعم؟ : : : وجهكَ يشبهُ لطفَ الكون ، وأنا أحب ألطافَ اللّه الخفية ..�� : : : وضحى وهادي كانوا يسولفون في الحديقه ،ضحكت وضحى وهي تقول: اريام تطالعك من فوق بس لا تصد صوبها عشان ما تحرجها ازفر بهم وضيق: سكتي انا من اشوووفها اتلخبط فوق وتحت احس انى أبا احضنها وانام على صدرها تشل همومي شوي .. وضحى بضيق: والله يا خوي العون اييك انا اختك واشل همومك يا العضيد ،، اما بالنسبة لها ما تنلام يتيمه ومتعرضه لخيانة ريلها وعرفت حقيقته المره اكيد نفسيتها بتكون تعبانه .. لف ع وضحى وهو يقول: ماعليج مني ومنها بترضى قولي لي مليتوا من الجزيره ولا كيف!!! وضحى: صراحه المكان ما ينمل منه بس نبا نغير جونا شويه ... ابتسم وقال: وين تبين تسيرين.... ردت ببتسامه: مادري خاطري نسافر بس في الوقت الحالي ما ينفع ودنا مزرعتك اللي في غنتوت بنيلس كم يوم هناك ... ابتسم بحب واشر ع عيونه : فالكن طيب روحن جهزن اغراضكن ... ابتسمت وضحى وراحت فوق .. اما هادي رن تلفونه وكان ابوه: هادي بطايقيه توقفنً.. هادي ببرود: هيه دريت لانهم اشتكوا علينا فيصل وربعه تم يدعي عليهم من القهر اللي يحس به وهادي قال: ارجع بسرعه عشان نخلص الموضوع... ابوه بعناد: اتفقت مع بنت عمك تتنازل لي عن حلالها .. يساير ابوه وقال: ايوه بس تعال نخلص الموضوع بسرعه عشان تروح عقب وين ما تبا ... رد بثقل عليه : زين بفكر !! هادي انهى المكالمه : زين ابويه عندي خط ..سكر من ابوه ورد ع الخط ...وهو يقول: الو .. راشد: هادي الحق علي ولد خالتك ين وقعد.. زفر بضيق وقال: ليششش بعد شو استوى فيه !!! راشد: يقول يبا يكلمك بيتصل بك عقب شوي !! هادي: فاضي له انا !!! انا بروحي شال هم يبال ع ظهري أبا اللي يقاسمني همومي!!! عرف قصد اخوه وقال: بتلين انا متاكد انها بتميل لك وبتقاسم وياك الهموم ... بضيقه سكر منه ونش واقف مروح داخل سمعها تتكلم مع وضحى وهي تقول: هادي شفيه هالايام صاير ضعفان وما ياكل وشكله شال هموم الدنيا ع راسه ... ضحكت وضحى وهي تقول: هههههههههه والله انج لوتيه ليش مهتمه فيه وانتي ما تحبينه .. اريام بلا مبالاه: خليييج مني انا وحكت راسها بغباء يلا قومي نجهز باقي الأغراض وبتردد قالت: بي ويانا هادي ولا بيقعد هنيه... ضحكت وضحى وهي تدزها: مالج خص في اخويه يلا خططططفي قدامي يوم بتعترفين بحبه ذيج ساعه خير ... طنشتها اريام وهي تدخل داخل وتعدل اغراضها وبعدها طلعت ولقت نفسها قدام باب غرفة هادي تدقه وفتحته قبل ما تتريا منه كلمة تفضل ... كان يرتب أوراق القضايا لف ع فتحت الباب وانصدم يوم شافها لف بضيق عنها الكلام معاها ماعاد ينفع احساسي ومشاعري كل ما تشوفها تحيا وهي تموتني ببعدها حس بها وراها لف بتعب وهو يجمع الأوراق ويحطهن في شنطته نطقت بعد صمت: هادي ليش تتجنب شوفتيه لهدرجة انته كارهني !! طالعها بصدمه واوراقه ما زالت عالقه بين شنطه وايديه دخل الأوراق بقهر وهو يقولها من دون ما يطالعها: كارهههنج... انا كارهنج من متى وكيف وشو دليلج عليه!!! انصدمت من رده فعله وهمست بهدوء: نظراتك!! ما تسال عني من اخر مره قعدت معاك!! حتى ع العشا والغداء ما تسال عني ولا تسال وين انا كل ايامي في الغرفة وما طلعت !! حسيت اني هم ع قلبك ودك تتخلص مني ... لف عليها بقو وهو يطالعها: انتييي مينونه !!! كيف انتي هم ع قلبي بالله عليج اسالي نفسج سوال واحد بس هادي يوم يشوفج شو يحس فيه !! وبعد فتره بتعرفين الجواب!!! اريام بعدت شوي وقالت بغصه: بس انته مجبور تتحملني عشان القضيه وعشان موضوع ابوك بس بعدها وين بروح انا وكيف بتكون حياتي ابوك حرمني من العايله والشعور بالسعاده معاهم !! انته بعدها بتتخلى عني عشان اهلك واخوانك ... تنهد بتعب والم في صدره: يا ليت تحسين بلي فيني جان ما قلتي هالكلام ليت اقدر اخليج تشوفين قلبي وش فيه من الهموم بس الكلام وياج ضايع لانج ما تحسييين ... بربكه وقهر قالت: هييييه الحين تعطيني الويييه البريء والحنون وبعد ما تخلص القضية بشوووف نفسي مفروره عنكم في مكان بعيد وبيطلع ويهك صدقي ... تضايق منها ومن سوء ظنها وقال بالحرف الواحد: مب كل الناس فيصل ومب كل الناس بلا ضمير واصبوع ايديج مب سوى ... طالعته بقهر ودموعها ع اطراف رمشها: اخو جتل اخوه لاجل حرمه ظنك ما بتغدر في بنت عمك لجل ابوك ... صد عنها وهو مقهور من سيء ظنها وقال: شكراً على حسن ظنج فيني وقام وقف ورتب شنطه وخذاها معاه وكمل كلامه الللي يريح قلبج يا بنت العم سويه ... طاحت دمعتها بقهر وهي تقول: قول لي شي يريحني خلني اعرف نفسي واثبت وجودي بينكم وانكم تحبوني أخاف انصدم مثل ما انصدمت بفيصل عطني الأمان تكفى لا تكون مثلهم ... ما قدر يقسي قلبه اكثر من جي فر شنطه ع الطاوله وقرب منها وحضنها بقو وهو يقول: وعد ما تذوقين الا السعاده ولا تعرفين للهم درب وخذيه وعد ريّال وقد كلمته ... بكت وهي في حضنه وخارت قواها وهي تقول: طلبتك الأمان يا هادي لا تخذلني مثلهم ... شد ع حضنها بقو وهو يمسح ع ظهرها :يوم تشوفين الصد مني اتكلمي انا في حياتي ما صديت غير ام عبدالله ومن عرفتج ماعرفت لصد درب انتي اللي تصديني... بعدت عن حضنه وهي تقول : أتمنى ما تصدمني منك مثل قبل احسكم كلكم جيه تعطوني الأمان وبعدين تروحون وين ما تبون .... مسح على راسها وهو يقول : الزمن والوقت كفيل انه يثبت لج منو هادي عن اذنج ... مسكته بيده لاارادي وهو لف عليها : تعطيني وعد الأمان وتروح عني قبل ما تقول لي شو في خاطرج.. قرب منها واحتواها بكل معنى الكلمه وضمها ع صدره وهو يقول: امري وانا انفذ لج اللي تبينه ... حست بحضنه الدافي واللي فيه كميه من الحنان همست بصوت واطي: أبا ارتاح.. ما سمعها عدل وقرب اذنه من شفاتها وهو ما زال حاضننها: شو قلتي ... حاولت تبعد بس ما قدرت رفعت راسها تبا تتكلم والتقت عيونها بعيونه اللي فيها صدق والتعب والحيره همس باذنها: امريني شو في خاطرج دفن راسه بين كتوفها وهو يشد عليها وقال: ودي ادخلج بين ضلوعي عشان بس تعرفين منو هو هادي ... بضيقه تحاول تبعد عنهً وقالت: خلاص هادي انا بعتمد على كلامك و... وقاطعها وهو يقول: الكلمه اللي قلتيها وانتي في حضني عيديها ... ردت بخحل يصاحبه غباء ع فعلتها متهوره الله يغربلني لالا استغفر الله شو يغربلني اكثر من ما انا متغربله حست انها شاده ع يد هادي اللي لازال يطالعها وهو مبتسم وقال: بتكسرين ايدي من كثر ما تشدين عليها .. تركت ايده واستحت من سواتها وراحت وصلت عن الباب ولفت عليه : قلت لك أبا ارتاح وطلعت بسرعه من الغرفه ولقت وضحى ع الدري تنزل الأغراض وشنط وضحكت عليها: من عيونج هايمه ومغرمه وميته فيه بس كابري ... اريام ابتسمت بفرح: لا بس لقيت اللي اباه ... ضحكت عليها وضحى وهي تقول: شو الللي تبينه!!! في خاطرها تقول حضنه ولكنها قالت : جواب سوالي!! هزت راسها وضحى وهي عارفه ان اريام طايحه في هادي بس ما تبا تبين خايفه من اللي حواليها شوي وسمعوا صوت هادي اللي يستعيلهم عشان مجهزين السيايير عند الميناء بينزلون من اليخت وبيروحون لسياره ومن عقبها بيروحون لغتتوت... : : : ًڪانت مبتهجة ڪفراشة وسّــط حقول الزهور ... : : : بعد ما وصلوا المزرعه نطوا على البستان اللي فيه ورودد من كل نوع الأصفر والاحمر والأبيض والروز ومستانسااات بالجو والاشياء اللي تردالروح لفوا يمين وشافو الخيام والجلسات العربيه اللي مسونها هادي حق السهر والسوالف والكوار( حق ضو يحطون فيه اليمر -الجمر) ...استانست وهي تشوف من بعيد اسطبل الخيول لفت ع وضحى وهي تقول: تكفيييييين وضحوه نروح للخيول... وضحى تمسكها من ايدها وراحوا للاسطبل وكان عدال الاسطبل بحيرة فيها شلال في وقت الليل تعطي اضاءه مختلفه بالوانها الجميله صارخت بحماس: واااااااووو مسببببح ... دخلوا الاسطبل واريام راحت عند الخيل الصغير حبته وايد واستانست عليه وقعدت تمسح عليه وشافت حصان لونه ابيض مع اسود وكله يصهل ويبين انه معصب قربت تبا تلمسه بس خافت من ردت فعله وهو يصهل ويتقدم لها بعنف من الشباك الخاص به كانه يبا يهجم عليها ومن الخوف طلعت بسرررعه ويرت وضحى بيدها وهي تقول: شكله عنيف ما يتفاهم ... ضحكت وضحى وهي تشوف هادي اللي ياي لابس لبس الفروسيه وقالت: هذا العنيف مال منو ... هادي يضحك: هذا توني شارنه يديد وصعب بعدني ما روضته ... رفعت عيونها للمبسمه وشمس ضاربه فيه ولا بس نظارته والشوز والقفاز وقالت بهمس محد سمعه الا نفسها: يازينك وانته كاشخ ... طالعتها وضحى وقالت لاريام: بلاج ساكته !! قالت بربكه: شو بتسميه... ضحك هادي وهو يقول: انتي سميه !! تجاوزهن بيروح بس سمعها تقول: سميته العنيف ضحك هادي وقال: قد سميتيني العنيف وأتمنى انج تغيرين النظر فيني وتجاوزها وراح عند الخيول .. اما هي لحقت وضحى وهي تقول لوضحى: يا الجلبه ما تفقنا تروحين وتخليني ... ردت عليها وضحى وهي تعطيها ورده: اراهنج واتحداج ان انتي اللي تحرشين في هادي وهو ساكت عنج بس والله اتحداج تعطينه هالورده وضحكت وضحى ضربتها اريام ع كتفها وهي تقول: سخيييفه والله شلت وضحى الورده وقعدت ع النافوره وهي تقول لاريام: وضعج حاليا ربعت ريولها ومسكت الورده تنتفها وكملت وعينها ع اريام بيحبني ما بيحبنيش وطالع اريام بضحك وتحرك حواجبها لين وصلت اخر حبه وهيي تقول : بيحبننننننييييييييي الللله واوووووو سعادة .. نطت عليها اريام تبا تضربها بس وضحى خانتها ريلهها وطاحت في نافوره واريام تضحك عليها قربت من وضحى وهي تقول: وضووووح عمري قرررربي امسك ايديج... مسكت ايديها وطلعتها واريام ع طول دزتها ع الفله يلا بدلي ثيابجً عن تمرضين ... وراحن فوق وقعدت عند وضحى بعد ما نشفت جسمها من سبوح ولبست ثقيل ويلست عند المدفاه وياها اريام ... : : عند بيت ام سلطان .. سيف ينبش في أغراض علي لعله يحصل شي ضده بس مالقى اما علي فكان هاليومين قاعد في العزبه مبيت واكل وقعده ومصر على انه يأخذ وضحى اتصل لهادي اول مره ومارد اتصل ثاني مره ورد : هلا علي !! علي : هلا هادي شحالك! هادي يختصر: بخير بس ليت تستعيل بالموضوع لاني تعبان والله... علي تنرفز من هادي وقال: يعني كيف أتكلم معاك اذا وقتك مب مناسب .. هادي بطولة بال: دريت ان اتصالك يخص وضحى بس أبا منك تقول اللي في خاطرك وتوضح لي.. علي: مافي وضوح اكثر من اني باخذها واباها .. هادي: زين بكلمها وبرد عليك ... علي انهى المكالمه: تسلم ما تقصر مع سلامه ... هادي: الله يحفظك وسكروا الخط ... سمع صوت ضحك رفع عيونه وشاف وضحى تطالعه وقالت: تعال بسك بتمرض من الهوى البارد ... هز واسه بالإيجاب وهو يشل القفاز من ايده ويدخل داخل اتجهه لغرفته اتسبح ولبس بجاما ثقيله ونزل عندهم في صاله وشغل المدفأه : وَجَنَّةُ الحُسنِ في خَدَّيكَ موثَقَةَ وَنارُ حُبِّكَ لا تُبقي وَلا تَذَرُ - صفي الدين الحلي. : نزلت اريام وهي تعوطس ووضحى تضحك عليها وهي تقول لوضحى: ضحكي لكن الدنيا دواره... ضحك هادي عليها ولف على اريام بخوف يوم عطست وصقعت طاوله بقو وهي تقول اييييي يبهتي .. لفت عليها وضحى تفزع لها وتمسكها قالت بصدمه: انتي من وين يايه طالعه من فرن ... ضحكت وهي تهمس لها: جب مافيني شي .. لا تقعدين تبالغين قدام هادي ... احرجتها وضحى وهي تقعد عدال هادي ودقت هادي بركبتها عشان ينتبه وهي تقول: اويلي عليج يا ينت العم بتروحين منا غربلاتج وانتي محمومه خلينا نوديج الدختر... طالعتها اريام بقهر وعصبيه وهي تكابر وتمش خشمها المحمر : ما فيني شي لا تبالغين حبي ... ماحست بعمرها الا طايره في الهوى بين ايدين هادي لانه ما يبا يجادلها النقاش وياها عقيم وعلقم ومر ولا له فايده وداها فوق وهو يقول لوضحى : اتصلي على الدكتور اللي كل مره ايينا يوم نكون فالمزرعه .. وضحى فرحانه ودها تصفق وترقص ربعت ع تلفون هادي وهي تدور رقم الدكتور وتتصل به تخبره ايي سكرت التلفون وهي تشوف الأرقام لمحت اسم علي صرطت ريجها وهي تدعي ربها ما تكلم ويا هادي بخصوص موضوعهم لانها عاسله ايدها بماي وصابون بعد .... : : : فوق عند الكناري كانت من المستحى محمره زود فوق حمرة الحمى وهو قاعد يحط كمادات عليها ومطنشنها ومطنش كلامها وحده الجدال معاها علقم اييب راسها بأسلوب ثاني بدون ما تكلم نفذ ع طول ... : شوي ويا دكتور ودخل عليها ووضحى وراها توثق اللحظات المجيده عقولتها بعد هادي شوي عنها عشان دكتور ايي يفحصها قاس حرارتها واصله ٣٩ فاصله ٨ ،، انصدم هادي بالحراره ودكتور عطاها ابرة فولترين وعطاها مضاد في الوريد وكتب لها شويه ادويه وقال وعيونهرع هاد سووا لها شي دافي اشربه بعد نص ساعه بعد ما يبدا مفعول دواء ... : :انتهى |
بيض الله وجهك
البارت اللي قبل طلع نجم كلاامه في محله فيصل داهيه وكان الاسم الابرز البارت اللي بعده كان فيه كآبه وتعب |
حلوووه الأحداث
وسلامة اريام استطعتِ حبكها وتجميلها وتفاصيلها وسردها ماشاءالله عليك ولاحرمنا قلمك وشخصك الراقى باقة الجوري والأعجاب والتقييم والتحية |
قصة جميلة غاااليتي الله يعطيك العافية سلمت يمينك وماتجود به دمت ودام عطاءك ولقلبك ماتتمنى تحيااااتي وتقديري وبانتظااار بقية البارتات دمتي وكوني بخير |
مشكووورين عالمرور الطيب وان شاء الله البارت قيد الكتابه بينزل خلال هاليومين ان شاء الله
|
رد على الرواية
: البارت السادس عشر .. : : مرن يومين على مرض اريام واليوم هي احسن بوايد نشت تسبحت وتلبست وحطت فاونديشن على ويهها وشوي وحطت ححال ومسكرا وروج نودي وخذت الماسكرا المكثفه ولفت الشيله ع راسها وتعطرت واتجهت صوب الباب اول ما بطلته شهقت وهي تشوف هادي واقف عند الباب كان يبا يدقه ابتسم باحراج وحك راسه وقال: ممكن أتكلم معاج شوي !! تاملت لبسه لثواني معدوده بنطلون ليقنز ازرق وتيشيرت احمر عليه كتابه بالاسود وكاب ابيض نطقت بعد مده : امر ... قالها باحراج: انزين بتم واقف وايد عالباب .. بعدت عن الباب وخلت له مجال يدخل قعد ع الكرسي ولف عليها قربت وقعدت ع الشبريه وقال هادي بتنهيده: شوفي اريام انا ادري ان الموضوع بيضايقج لكن مجبور أقوله رفعت عيونها له هو نطق بهدوء: امايه وخواتي وخالتيه بيوون هنيه في هالحظه طالعته بصدمه واسترسل كلامه بادري انج تضايقتي لكن حاولت امنعهم واتهرب من الموضوع لكني لقيته في صالح وضحى عشان موضوع زواجهم وعلي يبا يحل المشكله انا ما اقولج تقبليهم وادري انج بتسمعين كلام يعور القلب بس اللي تبينه انا حاضر فيه .... سكتت وبعد مده قالت وهي تشبك ايديها في بعض : أنا بتم فوق ما بطلع من الغرفه ماريدهم يعرفون بوجودي .. هادي بضيقه: اريام بيلسون فتره هنيه مب يوم ولا يومين ... فجت عيونها ونطقت بصعوبه : تكفى ردني الجزيره اجابل المحميات والطيور ولا اجابل اهلك ... ضاق صدره وهو يقول: لا اسف مستحيل اخليج تروحين هناك بروحج ... لفت عليه بصدمه: بتخليني هنيه عندهم ... هز واسه بالإيجاب وقال: وشو ماياج امسحيها في ويهي ... بعصبيه وقهر قالت: لا والله انته مب طوفه عبيطه ولا شماعه يعلق علية أخطاء الغير ،،، انا اتحمل ملامهم لكن اللي ما يعيبني كلامه برد عليه وانته اللي سمحلي ... هز واسه بصمت وطلع شاف وضحى وقال لها: شوفي قولي للعنود تمسك لسانها هاي ام لسان طويل وامج اذا ضايقتها في شي بيصير كلام ثاني... هزت راسها بصمت وهي تقول بتردد: وموضوعي انا !!! لف عليها بحنيه وقال: بحاول انهيه لكن ما ضمن علي يا وضحى!! طالعها بضيق وهو يقرب منها بعد ما شاف ملامح ويهها وحضنها وهو يقول: شوفي يا وضحى والله بحاول اسوي كل اللي اقدر عليه لكن شو ما يصير عقب انا ما بقدر اتحمله بروحي لازم تشاركيني الحمل.. هزت راسها بضيقه وطلعت لعند اريام عسى تخفف اللي في صدرها ... : : : بعد ما مرت ساعات طويله وصلوا هله سلم عليهم هادي ووضحى سلمت ع خواتها وبنات خالتها سحبتها اشواق وهي تقول: يا ويلج ي وضحى اليوم علي ناوي لج على نيه ... انصدمت وضحى وفجت عيونها بصدمه وهي تقول: قلبي كان حاس انه فيه شي!!! ييتكم مب على برً!!! طالعتها اشواق بقهر: يا الكلبه قتلج وافقي من دون مشاكل ،، تعرفين علي شو سوى عشان يلوي ايديج.. طالعتها بغصه وهي مخنوقه ودموعها تهدد بنزول ... نطقت شوق بقهر وهي تقول: سيف كان ينبش في غرفة علي يدور شي يستخدمه ضد علي يعني صور بنات رسايل أي شي عشان يلوي يد علي تعرفين سيف شو حصل !! رفعت عيونها بقهر وهي طالعها بصدمه وهزت راسها بلا تنهدت اشواق وقالت حصل صورج وحصل رسايل بينج وبين علي والادهى من هذا كله شاف......وقطع عليهم صوت العنود اللي تقول لوضحى: بنت عمج هالخايسه لين الحين تربعون وراها ام رياييل ... طنشتها وضحى وراحت فوق وهي تفكر شو اللي شافه سيف ومستحيل يكون بينها وبين علي رسايل هي متاكده ما حبت علي ولا مره ولا تبادلت وياه رسايل انا متاكده من نفسي ولا عطيته صوري عاد مالقوا غير علي بيني وبينه شي علي هذا منو يتحمله باسلوبه الغجري والمتسلط ... تنهدت ع دخول اريام وحضنتها وهي تبكي: اريام ماتعرفين شو صار !!! اريام بضيقه: اياً كان اللي صار لازم نواجهه بقوتتا لا تضعفين تكفين خلاص امسحي دموعج واللي فيها فيها!!! هدت وضحى شوي وقالت اريام: سمعي وضحى واثق الخطى يمشي ملكاً ماعليج من حد واجهي كل شي يصير لج وبتعرفين الحقيقه وصدق وين !! شوي ونزلن اريام قالت السلام وسلمت عليهم اللي سلم بلا نفس واللي ما سلم والعنود باديه بتنغيزاتها هي وامها واريام مطنشتنهم .. شوي ويووا شباب علي وعبدالله وراشد وسيف وسهيل وهادي ... قعدواًعالكراسي وسهيل نطق: انتي بنت عمهم !! طالعته اريام ولا ردت عليه نعم مطيّح الميانه سيف كان يطالع علي ووضحى بقهر اما وضحى كانت تفكر بكلام اشواق وقررت تكسر الشك باليقين وتنطق وهي عيونها في عيون علي : علي علي لف عليها وهو رافع حايب ومنزل حايب وقال بقهر وصدمه: خيررر!! وضحى بردة فعل هجوميه: وين بيي الخير من ويهك النحس !! شو هالكلام اللي وصلني أي رسايل بيني وبينك كانت واي حب وخرابيط ترمسون عنه واي صور عندك محتفظ فيها منو اللي سولت له نفسه اييب لك رسايل باسمي ومنو اللي... قاطعها علي بعصبيه وهو يوقف ويقول: لا تنكرين رسايل اللي بينج وبيني انتي اللي صرحتي بحبج قبل مب انا .. وضحى بقهر: اخسسسسسي احبك والله اخسسسسي اذا انا احبك كيف حبيت سيف جيه الحب لعبه عندكم ولا القلوب فنادقً.. علي اللي هجم عليها وسط ذهول الكل ونظرات سلطان اللي تعاتب اشواق اللي ما تقدر تمسك لسانها هز راسه بضعف وقل حيله !! وعلي مسك وضحى من كندورتها وقال بقهر : انتي منو تفتكرين نفسج ناسيه صورح ورسايلج اللي طرشتيهم عند شما!!!! لفت عيونها بصدمه لشما وهي تقول : معقوله يا شما تسوينها فيني !! متى عطيتج رسايل انا ومتى قلت لج احب علي نطقي ... شما اللي كانت مصدومه من تهور علي وتصرط ريجها الحين شو تقولين ميف تبرر سكتت وبعدها قالت: جيه نسيتي كنتي تعطيني في صف الرساله تقولين لي وديها عند علي ... وضحى بقهر ودم حار تقول: اننننا انتي متاكده اني انا اعطيج رسايل لعلي .. وقفت شما بقهر هي خاربه خاربه: هيه متاكده وحتى عطيتيني لبس ما يحتاي اقولج تفاصيله وكتبتي في الورقه لعلي ليلة حلوه جمعتني وياك ... انصدمت وضحى بقهر وتقدمت لشما وعطتها كف قوي على ويهها وهي تقول : الليله حلوه كانت ويا اخوج صح عشان اني قليلة ادب وقليلة تربيه اروح اختلي ويا اخوج .. بقهر لفت عليها شما وهي تقول: نسيتي القنيص الأحمر ولا اذكرج به... وضحى بدم يغلي: اباج تذكريني بليله الحمرا والقميص الأحمر واباج تذكريني بكل شي يمكن صابني زهايمر على صغر ونسيت هذا كله .. شوي وصره هادي وهو يقول: اووووص فضحتنا علكن الفضحه شو ليله ماليله لف على عليوهو يقول: شو هالرمسه .. علي بضحك وخبث: والله اسال اختك اللي باعت نفسها لي برخص .. انقهرت وضحى وهي تقول لعلي: عطني دليلك عليه ... علي بضحك : تبين دليل ع كلامي انا افضل الدليل ما ينشاف الا لهادي ... وضحى اللي كانت بتموت قهر تقول بصراخ: انتوا جذابين انا واثقه من عمري وعارفه نفسي ... ضحكت شما وضحك علي وهو يقول لهادي : تعال اراويك الفيديو . فجت عيونها وضحى بصدمه وقالت بقهر: فيديو !!! هز راسه وضحك بخبث ومسك هادي وراح معاه لين السياره اما وضحى طالعت شما وهي تقول: حسبي الله عليج ونعم الوكيل فيج وفي اخوج وفي كل من سعى وياكم على خراب سمعتيه وراحت فوق ولحقتها اريام ... واشواق طالعت سلطان اللي عصب عليها وقام يهدي الوضع ..ااماً عبدالله بقهر قال: والله يا شما حسابج عندي انا عسيرر وبتشوفين وقام ولحق وضحى ... اما في سيارة علي كان محبگ الموضوع صح وأوهم هادي بان اللي في الفيديو وياه وضحى المصيبه مب جي المصيبه مسجات تلفون اللي بينهم ورسايل الحب والغرام انصدم هادي وهو يقول: بس وضحى مب جي انا اعرفها .. علي : هادي الرسايل منها الفيديو سمعت صوتها كيف تتكلم معايه وتهيج مشاعريه وشفت الباقي بعيونك القميص الاحمر هذا يخصها والعطر عطرها ونفس القميص اللي لبسته عندي وهي في الفيديو وهذا رقمها وهذي مسجاتها .. تم هادي في حيره وش هالسلطه وكيف تم كل هذا ... تخالطت الظنون عند هادي لا عرف يرسي ع بر ولا قادر يبهدلهم بهدلة جامده نزل من سياره وهو يفكر بالفيديو واللي شافه ... : : : عند وضحى واريام وضحى كانت منهاره دخل عبدالله وهو يقول لوضحى: عطيني دليل ضدهم والله ما ياخذج ... وضحى: انا من صغري ماحب علي ولا احب خرابيط الحب ولا اعترف به نعم يوم حبيت حبيت سيف صح ما انكر بس من كثر ما كانوا يقولون لي خطيبج وخاطبنج لكن الحين مابغيهم كلهم لا علي ولا سيف محد في خاطريه منهم الله ياخذهم وياخذني وياهم وشهققققققة شهقه من خاطرها وهي تصيح مقهوره من شممما ميف تسوي بها جيه ... حضنتها اريام وهي تخفف عليها وقالت بقهر لعبدالله: اسمع يا عبدالله اللي مربنك مربنها لا تحاول تشك فيها وزواج بالغصب ما راح يصير حتى لو عنده ادله لازم نعرف مصدر السبب .. هز عبدالله راسه وطلع عنهم واريام شوي وسمعت صوت نفسها المنتظم سدحتها عالشبريه بعد ما شافتها نامت ىطلعت عنهم لقت العنود اللي قالت: ويهه العنز من يييتي بيتنا عفستيه عفاس .. اريام بقهر وبتهديد: قسمًا بالله تغلطين زووود ما راح يصير طيب فهمتي ولالا ودزتها وخطفت عنها بس تفاجات بالعنود اللي مسكت شعرها ردت ع ورى وهي تصارخ من فعله العنود وقالت بقهر: حقيييييره الله يأخذ هالويه لج يا الخامه وقرصتها في ايدها والعنوذ صارخت وفجت ايدها لفترعليها اريام وهي تطالعها بقهر: ترا والله اخربش معالم ويهج هاي اللي فرحانه فيها عنبو ذا الويه لج ونزلت تحت بسرعه.... تفاجات بوجود خالتهم وحرمة عمها تقول في خاطرها كملت بعد الله يصبرني ويعيني غيرت اتجاهها وراحت صوب المسبح وقعدت وحطت ريولها وهي تحس بدفء الماي في هالشتاء والليل اللي بدا يظلم والانوار اللي اشتغلت وحست بالجو غرام شلت تلفونها واتصلت على اريام وقعدت تسولف معاها .. : : : عند هادي لف على عبدالله ولده اللي يالس في حضنه وهو يبوسه ويشم ريحته وقال: اشتقت لك يا قلب ابوك فديت روحك ... وقعد يبوسه تنهد بضيق يوم رفع راسه على كلام العنود وامه وغلا وخالته: بنت الحرررررام تسوي فيني جيه واسكت والله اندمها وتشوف من العنود ...... تكلم بحده وحزم: بسسسس العنود احشششمي الفاظج ولف ع امه وهو يقول: هاه الوالده شبلاج مشتططه ... طالعته امه بقهر وهي تقول: حارمنا من جزيرتك وفاتح الباب لها صدق انك ما تستحي ولد عاق... لف ع صوت تلفونه ومن شاف رقم الشرطه ابعد عنهم شوي رد وهو يقول: الو الشرطه : السلام عليكم هادي: عليكم السلام تفضلوا السرطه: الوالد وصل من شوي وتم توقيفه لانه عليه تعميم .. هز راسه بقل حيله من وين يلقاها ولا من وين قال: ان شاء الله باذن الله باجر بييكم على الجلسه ... : : عند طيف اللي كانت تكلم فيصل ويكلمها بكل شي صار لول ما اتصلت فيها طيف ردت اريام : طيووف طيف بقهر: اريامووو ويهد انتى وين كنتي طول هالفتره وليش ماتردين حضرت جنابج ... ضحكت اريام وهي تقول: بل بل كل هذا في قلبج عنبو خذي اخباري اول.. طيوف بقهر : والله مابا اخبارج يا الكلبه عقب اللي سويتيه فيني يا حماره .. اريام بقهر مماثل: ياختى ان ما عدلتي اسلوبج بسكر في ويهج كنت ابا اختلى في نفسي شوي واستعيد نفسيتي... طيوف بضيق: جب يا حيوانه شو سويتي بفيصل انجلب حااله من تقب طلاقج تخيلي مااهتم في حلالج وجلياته كل سي طلعه من ايديه ونفسيته خايسه الذبابه ما تخطف عند خشمه ..:.. : انتهى : |
تكرار
|
يعطيك الف عافية استمري ونحن من المتابعين لك ربي يسعدك كوني بخير موفقة يااارب |
كم انتِ مبدعه تتقنين السرد
طآب لي المكوث والأستمتاع بمآ وجدته من احداث أنتظر دجى تميزك دومــــاً وبشغف أكليل من الورد لـ روحك متشوقين للتكمله |
حبيبتي ملوكة يزاج الله خير فديتج
|
البارت السابع عشر ... : مر شهر كامل وبوهادي خذ جزاه وانسجن ،،، ام هادي تطلقت وقعدت عند اختها ،،، العنود كبرت علاقاتها مع شباب وتحفر لاريام تعقها فيها ،،، اشواق وسلطان صارت بينهم ضرابه بعد موضوع علي اللي تطور بشكل غير متوقع وصار ما لايحمد عقباه ،،،، فيصل حاول يعرف مكان اريام وين ... : : : كانت قاعده على البلكونة وتسترجع الاحداث اللي صارت قبل شهرين .. دخل هادي عليها وهو يقول : وضحى اعترفي قولي شي لا تمين ساكته أبا اعرف أي شي ممكن يخليني ارفض هالزواج امي مصره تاخذين علي .. طالعته وعيونها مليانه دموع وخدودها شاهدين على ذلك وردت صدت على الزراعه وهي لازالت صامته ... هادي حط ايديه على راسه وقال: تكفين قولي لي الصدق !!! عشان اقدر اساعدج ... جاوبته بشهقه وهي تقول: ماعندي جواب غير الصمت ودموعي !! وشهقت وهي تحط ايديها على ويهها ... هادي تقرب منها وحضنها وهو يمسح ع راسها وبعد ما فرغت اللي في خاطرها نطقت بقهر: اذا كان الفيديو يدعم صوتي والعطر عطري والمسجات من تلفوني اذاً كيف ابريء نفسي وكل شي ضدي ... احتار وياها بالكلام وماعرف شو يقول ومن طلع سمع امه تقول لعلي: باجر تيب المطوع ونملج بكم علها الفضحه فضحتنا !!!! ومب ريال اللي بيوقف في ويهي وبينهي كل شي محد بيّمشي كلمته عليه... كان طاير من الفرحه ومستانس وغمز لشما اللي شاركته الفرحه وراحت ام هادي فوق ودخلت ع وضحى وسمعتها كلام وضربتها ضرب لدرجة وضحى كانت ما تتحرك كانها جثه هامده من ضرب ... صحت من غفلتها وذاكرتها الاليمه ع صوت اريام : وبعدين يا وضحى لين متى .. وضحى ودموعها اللي مافارقتها من شهرين طالعت اريام وهي تقول: حكموا عليه بالموت من يوم ما ارتبط اسمي باسمه ولا هذا كفوا ياخذني اشرت ع دبلتها : من وين لهم الفيديو واي رسايل يتكلمون عنها واي حب بينبني أساسه علي ... اريام بعد صمت: وضحى اقدر اساعدج بس ترا فيه خطر علينا كلنا ... وضحى طالعتها بامل : كيييف ... اريام تنهدت: هو يقول ان صار بينج وبينه شي صح هزت راسها بضعف اريام وبتردد قالت: نروح طبيبه نسائيه ونقولها عن الموضوع ونطلب مساعدتها وتعطينا ورقه باثبات حالتج هذا واحد اثنين بعد التقرير نروح شرطه نبلغ ونقدم اثبات حالتج ونقولهم انه كان يبتزج بصورج وانتي ماتعرفين من وين أساسا صور وصلنه .... وضحى بضيق خاطر: وصلنه من الشيخه شما ام الدواهي ... اريام: نروح ولالا؟؟ توها بتنطق وضحى دخل هادي وراه عبدالله: وضحى قومي بنرد المدينه وبنسير نشوف موضوعج .. اكثر من ماهي ذابله ذبلوها على كثر الخطا عاتبوها قالت لعبدالله: لا تشوفني بنظرة الاتهام ماحبها لاني عارفه نفسي زين ... تنهد عبدالله: تبيني اخذها واطلع عيونها وانتقم لج منها .. هزت براسها بقهر وهي تقول: ربي أولى بهم كلهم منو قالك اني انا اباه يستمر ها شيء ما راح يستمر لا الملجة ولا قربي وياه وبتذكرون كلامي ... عبدالله زفر بضيق: خلصي يلا تعالي بنروح... تحركت كانها رجل آلي وراه من دون نقاش ،،، اما هادي بعد ما طلعوا صد لاريام وقال وهو يقرب منها: لين متى هالصد ... اريام وهي لافه ويهها عنه: اللي يصير في وضحى بذمتكم كلكم انته اكثر واحد تعرف وضحى وجي تسوي فيها يا هادي لفت عليه بقهر وهي توقف قدامه وضربت صدره بقهر وكملت قلبك يوم ما بغى ام عبدالله عتقته ورى ما تعتق قلب اختك اللي ما ذاق الهنا وسعاده ... مسگ ايدها اللي لازالت على قلبه وهو يقول: وهالقلب لو انتي بعد تعتقينه بكون شاكر لج... سحبت يدها من يده وهي تناظرعيونه وصدت عنه وهو قال: ليش سكتي توه لسانج شطوله بسبب حنيتج ع وضحى .. قرب زود منها وهو يحط ايده ع صدرها وقال: هالقلب من وين مصنوع ما ينبض ابداً ولا ما يحس نطقي !! طالعت عيونه اللي تلمع وقالت بربكه: هادي خلك مني انا ! الحين نحن بموضوع وضحى تكفى لا تدمرها وتكون انته والزمن عليها .... مسك كفوف ايدها وقربها منها زود لين ما تلاصقت اجسامهم وحضنها وهو يقول: وعد اذا ريحتي قلبي ونطقتي صدقيني اوعدج اني أوقف ويا وضحى بعد شو تبين... اريام حاولت تبعد بس ماقدرت من كثر ماهو شاد عليها حست ان صدرها بيدخل في ضلوعه نطق بقهر وبكبت وهو يرص عليها زوووود : بتنطقين ولا اكسر ضلوعج ... اريام وهي مستمتعه بحضنه قالت بهمس: ما قدر اوعدك وانا ملدوغه منكم ومن فيصل لذلك اوعدك افكر ويوم برسى على بر بجاوبك صدقني .. ابتسم بحب وباس خدها وهو يحس بحرارتها قالت بهمس: قليل الادب ... ضحك وقال: زين بعدين براويج قلة الادب ع أصولها .. بتردد سالت: هادي ... لف عليها: لبيه ... ابتسمت: لبية في منى ،، شو صار ع موضوع الحلال... زفر بضيق: والله شوفي ابويه له عدت اتهامات فلذلك قولي لي انتي شو تبين الحين بالضبط املاكج ولا اسهمج عشان اعرف اشتغل ع شو اول .. نطقت بغصه وهي تقول: طلبتك يا هادي كل ما املكه وكل ما بيكون لي ورفجة عرب ان كنت غاليه ع قلبك ما ينكتب شي باسمي ... طالعها بصدمه وقال: باسم منو عيل !!! قالت وهي تحط عينها في عينه: باسمك او باسم وضحى بس انا مابا شي ... قرب منها وهو يقول: انتي محمومه ولا المرض اثر فيج كيف باسمي او اسم وضحى !! اريام بتنهيده: الحين مو وقت الكلام في هالسوالف الحين موضوعنا وضحى تكفى خل نساعدها.. قرب منها وقال وهو يمدد ايديه : تعالي في حضني والله احس اني أبا حضنج مادري شبلاني اليوم!! طالعته بقهر وهي تقول: هادددي ... سحبها من يدها وارتطم راسها بصدره وحضنها وهو يهمس : بس شوي دقايق احس اني أبا اشبع منج مب قادر اشبع منج يا روحي ... ساد صمت الا من انفاسهم وكل واحد مغمض عيونه وسرحان ما اتنكر انها مستانسه ع حضنه وحبه الدافي همست من دون شعور: قربك عافيه ... انتبه على جملتها وشد على حضنها زووود وهو يحاوطها من خصرها وهمس: اعتبره بداية صلح بيني وبينج ولا اعتبره بدايه حياه يديده .. ابتسمت بين حضنه وقالت بصدمه: مب وقتك يوم بي الوقت المناسب بقولك عما يجول في خاطري ... ابتسم وطبطب عليها وهو لا زال حاضننها وقال لاريام: تصدقين احس بشعور غريب وجميل في نفس الوقت .. اريام ابتسمت وهي تقول: بسك من الاحضان عطيتك حنان وايد اليوم ... ابتسم وهو يقول: يا حظي يوم القى منج الحنان بس بعدني ما اكتفيت اتريا منج جواب سوالي وبعدها يصير خير وشوفي الحنان على اصوله ... ابتسمت وهي تقول: بيني وبين كسر ضلوعي شعره ارخي ايدك يا رجل ... ضحك وهو يبعد عنها وقال بصرامه: بعدين مافي رحمه يكون في علمج ... ابتسمت وهي تقول: وعدتني توقف ويا وضحى ووعدتك افكر لا تخذلني ارجوك ... اشر ع عيونه وقال:من عيوني بروح بيت خالتيه باجر وبشوف الموضوع شو بيصير فيه ... : اكسر عظمي بس لا تكسر بخاطري عندي 206 عَظمه بسْ ما عندي غير خَاطر واحد . : بعد مارجعت بيت خالتها دخلت ملحق أمها اللي عطته إياها خالتها واتصلت ع اريام وهي تقول: اريام وينج ثلاث مرات دقيت لج... اريام ببتسامه وهي تشوف هادي اللي طلع عنها وقالت: كنت في بحر لجي ضحكت وضحى رغم الألم اللي تحس به وقالت: حبيبتي الله يوفق قلوبكم بخير ... استحت اريام انها فهمت قصدها وقالت: عمري انتي ان شاء الله ما بنخليج نحن ناوين ع شي .. وضحى بضيق: اريام طول الدرب افكر بخطتج وانا ناويه انفذها .. اريام باستغراب: كيف بتنفذينها وانتي عند خالتج!! وضحى بضيق وهي تنسدح ع الشبريه : بخلي عبدالله يوصلني للدكتوره وانتفتح الباب بقو وسمعته ينقفل قفلتين لفت برجفة وهي تشوفه طاح تلفون منها وهي تحاول تتعدل في يلستها بس من كثر الذبول وتعب اللي شافته والنوم اللي ما تذوقه والاكل اللي عزلت نفسها عنه حست برجفة يديها قعد عالشبريه وهو يلوي ايدها: هاه بنت الخالة بنت عمج قاعده تترسج عليه.. حاولت تبعد يدها وقالت بتعب: انا تعبانه بروح طبيب يصرفون لي دوا انته تشوفني وضحى الاوليه ولا غيرها... قرب منها وهو يحضن ويهها بكفوف ايده: والله يا وضحى احبج واموت عليج وابا قربج تكفين انسي اللي صار ونبدا صفحه يديده ... وضحى بدموعها اللي ابدا ما عرفت غيرهم ونيس : انا أبا اعرف شي واحد كيف قدرتوا تخططون لي بالجريمه البشعه .... علي حس انه بيخسرها وقال: تكفين انسي...!! بعدت ايديه عنها وهي تقول: ابعد عني ماحبك اكرهك اكرهك عمري ماحبيتك ولا بحبك يا قو قلبك يوم تبليت عليه انته واختك حسبي الله عليكم ... شهق بخوف من دعوتها وقال: لا تدعين ارجوج انا ما سويت اللي سويته الا عشان اكسب قربج واخذج عارف اني لو ما سويت جي ما كنتي بتوافقين ولا بشم ريحتج وحضنها لكنها بعدته بقرف ووحشيه وهي تقول: اببببعد عني مب من حقك تقرب مني فهمت ولالا ... ذبول عيونها والدمعه اللي متعلقه باطراف هدب رمشها وضعفها وسواد عيونها اللي خلاها تنطق : ابعد ارجوك ماعدت اقوى عليك ولا على غيرك ... شفعت عيونها لها عنده بعد عنها وهو يتاملها كيف انهزمت كيف ذبلت وخارت قواها الجسديه والنفسيه تتبعت عيونه جسمها كامل من شرق للغرب وهو يتامل تفاصيل الضعف والهلاك اللي باين عليها عرف انه اجرم في حق نفسها قام عنها وطلع ... اما هي تنفست الصعداء ... داخل البيت كانت شما تتريا علي وأول ما دخل قالت له: شفتها علي هز راسه بهيه شما بقهر:روح خذ حقك منها باجر بتروح الطبيب طلع ورقه انها بنت وبعدين بيستوي لك بلاوي بصدمه طالعها وهو يقول: شووووو !!! شدراج شما اتنرفزت وبقهر قالت: ترا العنود سمعتها تتكلم مع بنت عمها واتفقوا روح علي لازم تأخذ حقك منها انته الحين ريلها شرع وقانون وبالحلال تقدر تيها بدال ماتروح باجر عند الدكتوره وتكتشف الموضوع ونحن اللي ناكلها ... علي بعصبيه : انتي مينونه !!! العنود اللي يتهم قالت: علي ترا انا اللي بتورط وياكم لانى انا اللي كنت في الفيديو ولابسه لبسها ومسجلين صوتها هذا واحد ،،، ثاني شي الرسايل من عندي مب من عندها وخط يدي مب ايدها ... : : : ماني آقل وماني أزود من الناس ولحدٍ يشابهني ولا أشبه لـ غيري من طاب لي شلته على العين و الراس ومن صد ما حثيت خلفه مسيري" : : : سيف كنت ياي من عند الشباب والدنيا برد وهدوء غريب في البيت وصلت عند مدخل الصالة ولا اسمع كلام علي والعنود وشما ماحسيت الا بريولي تاخذني على ملحق قوم خالتي دقيت الباب مره ومرتين وثالث فتحت دخلت وقفلت الباب وانا مغمض عيوني الحقيقة مره طالعتها بتفاصيلها وانصدمت من اللي شفته هذي وضحى اللي كانت جميله هذي وضحى اللي كانت ورده مفتحه والحين ذبلت بلي صار بسببهم تنهدت بخوف وهي تقول: تكفى سيف اطلع برى مالي على حمل المصايب والمشاكل بال تشبعت والله ...هزيت براسي لا أبا انطق مب قادر من سمعت دقت الباب على الباب لفيت عليها وطالعتها واشرت لها بلا بمعنى لا تصارخين تكفين ... الخوف كان في عيونها واضح وضوح الشمس في منتصف السما بعد ما تاكدت قربت منها وسحبتها لحضني همست: سكتي علي والعنود وشما مخططين عليج ييت أبا انقذج تكفين لا تصارخين ولا طلعين صوت انا سيف اللي حبج بكل مافيج وبكل شي تكفين اهدي انصدمت بانها شدت ع حضني وهي تصيح من الخاطر ودافنه راسها في كتوفي وتقولي: تكفى لا تخليني ساعدني اتطلق ... شديت ع حضنها زود اطمنها وقلت لها : ان شاء الله فديتج بحاول خليتها في حضني ولعبت في شعرها لين نامت سدحتها عالشبريه وقعدت عالكرسي وطرشت لعبدالله مسج ايي غرفة وضحى ... : : : في صباح اليوم التالي سيف قام متكسر من نومه الكرسي ولف عليها وهو يشوفها نايمه طالع عبدالله اللي طلع من الحمام وقال : يلا قوموا بسكم رقاد هبابنا نسير الدختر ... تمغط سيف وهو يقول: والله يا عبدالله اني متكسر بس شل اختك ودها وشوف موضوعها ولا تنسون التقرير الطبي اللي يثبت حالتها .. هز راسه بضعف وقال لعبدالله: والله يا سيف محد عرف قدركً... ابتسم بضيق وتنهد وطلع من الغرفة طول الليل يحرسونها عبدالله وسيف خوفاً عليها من الافاعي اللي على هيئة بشر !!! طلع سيف راح غرفته يكمل نومته على الشبرية يحاول ينسى وضحى او يتناساها .... : اما عبدالله وعى وضحى اللي قامت بتعب وخوف حضنها عبدالله وقال: خلاص وضحى اهدي قومي بوديج الدختر نشي تسبحي وانا بروح اتريق وبترياج تحت ... هزت راسها بصمت ودخلت تسبح ونشفت جسمها ولبست روب وطلعت تأخذ لها ملابس صدت ع صوت الباب اللي انفتح وانقفل في ثواني لفت عليه بصدمه وهي تشوف في عيونه الشر ارتبكت خافت رجعت لورى وهي تشوف مدى خطواته اتجاهها رجعت على ورى بسرعه وهي تدخل الحمام تبا تقفله خانتها ريلها وتزحلقت واتبعتها صرخه عاليه منها من قوة الطيحة لفت عليه وهي تشوفه حاط ريله عند الباب قرب منها وحاوطها من خصرها ورص عليها: ما كنت ادري ان زوجتي من ورايه رايحه تسوي علوم باس خدها بشغف ولف عليها وهو يتفحص جمالها: حرام تذبلين وانتي لي ... بعدت يده عنها وهي تقول: اذا لي غلا في قلبك لا تقرب ... علي بقهر ونذاله: افا عليج والحب ببلاش يعني تعرفين انى احبج واموت عليج لا تحكمين عليه بلي في راسج قرب منها زود وهو يشد ع خصرها ويرجعها ع ورى ويبوس رقبتها وهو يهمس بانواع الغزل لها وقال بغيره: اموت واعرف ليش ما تحبيني ! بعدت وهي كارهه نفسها وكارهتننه: انت السبب !!! انصدم من ردة فعلها وقرب منها وهو يمسك ربطت الروب وقال: اذا بتروحين تفحصين أبا نتيجة ترضيني .. خافت من شافت ايديه على ربطه الروب وقالت بخوف وهلع: علي ماحيدك اناني. .... علي من العصبيه ما يشوف قال بقهر : عيل تروحين من ورايه الدختر تفحصين ليش مسك الروب وبطله بقووو وهو يقربها زود ويوزع قبلاته وبوساته في كل مكان وهي تترجاه وتصيح وتصارخ في نفس الوقت لان الطيحة اثرت ع ريلها وتعورها وايد وهو ابدا مب راحمنها ولا رحم توسلاتها وهي تحاول تدفعه وتبعده ع قوته وعنفه بائت بالفشل كسر خاطرها وكسر قلبها وعلى لحظة دق الباب اللي يا في وقت متأخر رفعت عيونها وهي تشوفه بذل وانكسار قرب منها وباس خدها: حقي وخذيته بالحلال والحين اباج تفحصين ... انهارت قواها وبكت من الخاطر وهي تقوم تلملم باقي كرامتها وتبكي وهي تشوفه فاتح الباب ويضارب مع عبدالله لكن فات الفوت على كل شي محد لحق عليها مصيرها انحتم بعلي بعد ما تسبحت لبست شي ثقيل يدفيها وردت انسدحت عالشبريه وهي تبكي من الذل والاهانه واتصلت باريام وهي تسمع أصواتهم برى عاليه وقالت لاريام كل شي وهي تبكي بانهيار ... : : : هادي اللي كان مشتتط من العصبيه انه اكتشف الحقيقه اليوم تمنى انه ما سمح لنفسه انها تطلع مع عبدالله لبيت خالته تمنى يرد الزمن ويوقف وياها ويظهّر برائتها قبل ما يصير اللي صار ولكن تذهب الرياح بما لا تشتهي السفن و بعد ما صار اللي صار علي ما تكلم ولا كلمه وعيون وضحى اللي تتوسل له وتترجاه مب قادر ينساها كيف سمع لهم كيف هدم حبه الوحيد كييييف !!! ضغط ع راسه بقو وهو يسمع صراخها ... : بعد الساعتين اللي مرت عليهم كانهم دهر وان علي سوى اللي سواه اليوم وبرضاه وغصباً عنها الكل اتجهه باتجاه ان وضحى راضيه بلي صار أمها وخالتها قالوا لعلي ان من اليوم وضحى لك لا عرس ولا بطيخ يكفي انك ملجت بها ... شما والعنود يضحكون وفرحانين بانجازهم اللي سووه ... سيف اللي كان توه ناش من رقاد وسمع اللي سمعه انصدم وزاد كرهه لعلي شاف العنود يايتنه هي وشما لف على العنود اللي قالت: مثل ما قتلتني يوم كنت بين ايديك قتلتها لك بين ايدين اخوك عشان تشوف وتنحرق في كل مره تشوفها لانك خليتيني رخيصه للكل مب بس لك وبسببك انا ماعدت بنت انته اللي خليتيني اسلك هالدرب واليوم ذوقتكً من نفس الكاس اللي ذوقتني منه... انصدم من كلامها وهو أصلا لين الحين مصدوم من كلامهم وافعالهم ... انتهى |
تصدقين انك فنااانه وتفكيررك حلوووو
وترسمين لنااا الاحداااث رسم ولاا احلااااا الحين دخلتينااا في نقطه مهمه مع هذي المجنوونه العنووود |
: البارت الثامن عشر ... : : : الخَيْبَةُ بَعْدَ الثِّقَةِ.. دَمْعٌ فَيَّاضٌ، وَحَنْجَرَةٌ مَخْنُوقَةٌ، وَزَلْزَلةٌ تَجْعَلُ مِنَ القَلْبِ فُتَاتٌ! . : وضحى بعد اللي صار لها انتبهت ع ريلها اللي ما قدرت تحركها ووارمه شويه ومزرقه خافت لا تكون انها انكسرت بسبب الطيحه شافت الباب تبطل عليها ودخلت منها اشواق وعبدالله اللي انصدم من زرقة ريلها وقال بغيض وقهر : هو سوى فيج جي ... هزت راسها بنفي وهي تقول: زلقت في الحمام... اشواق : اسسسف وضحوه خربت حياتج بيدي ليتني ما نطقت ولا تكلمت .... وضحى كانت ما تشوف من كثر الدموع اللي تجمعت في عيونها وحاولت انها تمسحهن لكن تسربت على خدها العاصي اللي رافض ينسى الدموع ويعيش الفرح لو يوم جاوبتها بصوت مبحوح : ما صار شي عادي كله مكتوب ومقدر اهم شي ما تاثر علاقتج بسلطان ... اشواق بتحلطم: الا تاثرت وخلصنا بعد والحين احاول ارجع المياه لمجاريها لكنه عاصي ولا يبا يسمع مني شي ... ازفرت وضحى بضيق مالها خلق تششل ضيقه حد قالت لعبدالله: أبا اروح عند هادي شوي بغير جوو... عبدالله انصدم من طلبها هو كان ياي يقولها الخبر اللي سمعه اليوم ... وضحى بضيق : خلاص اذا ضايقتك انسى الموضوع ولا تزعل مني مابا اروح ... عبدالله مسح على راسها وقال بقهر: انا ياي اقولج ان اليوم بتبدا حياتج مع علي بشكل علني وقدام الكل .. انصدمت من الموضوع ومن الكلام اللي سمعته وهي تقول بغصه وقهر والدموع اللي صارت رفيقتها: قول امين ... ابتسم بحب لها وهو يحضنها: امين .. وضحى بغصه وقهر وضيم: يعله ما يبقى من عمري شي وتحين ساعتي بقرب فرصه ... بعد عنها وضربها ع راسها وقال بقهر: اهب هباج الله بسم الله عليج شو هالرمسسسه المخبقة مينونه انتي تدعين ع عمرج .. خارت قواها وهي تبكي بانهيار وشده حضنها وهوغمض عينه بالم لو قلت لج ان سفركم عقب ساعتين وش بيصير فيج يا روح اخوج ... شهقت وهي تبكي وهو يمسح ع راسها بطيب خاطر وقال: قومي بوديج المستشفى خليني اشوف ريلج شو بلاها .. ابتسمت وسط دموعها وهي تقول: ماعليها شر كم يوم وبستوي بخير .. شلها عبدالله بين ايديه وقال لأشواق : لحقيني بعباتها وشيلتها ... وطلع وهو متجاهل وجود الكل ولف عليهم نص لفه وقال: انا بملج ع شما اليوم.... الفرحه اللي دخلت في قلب شما كانت فرحة ياهل مبشر بشوف امه ولفت على العنود وهي تقول: أخيرا يا العنود تحركت مشاعره صوبي... ابتسمت العنود وماردت عليها .. اما الحرمات قامن يزهبن الأغراض ويشوفون النواقص فرحانين بانه عبدالله نطق أخيرا ً... وبدت الاستعدادات على قدم وساق .... : في المستشفى بعد ما تم تصوير الاشعه اتضح انه في شرخ في العظم اللي بساق ونتيجة للي صار لها ادى الى كسر في العظم مما اضطروا الى تجبيس ريلها وعطوها مضاد حيوي ومسكن للآلم ورجعوا للبيت وشافهم علي قرب منهم وهو وده يشوف وضحى اللي متلوم فيها ماله وجه حتى يرفع عينه عليها بس سمع عبدالله يقول له: ابعد شوي بنزل اختى .. انتبه علي ورد على ورى بضيقه وهو يشوف عبدالله اللي محتفي بوضحى ونزلها وهو يدربها ع العكاز كيف تمسكه وتمشي به ،، قرب من علي وقال وهو يشوف وضحى اللي تحاول تتقن المشي ع العكاز لا يميل بها وتطيح : تحمل عليها يا علي اللي سويته لها مب شوي ووضحى ارق من الورده وانعم من لمسة المنديل على الخد تراك بتكون في غربه وياها لكن والله يا علي ان اذيتها ليصير كلام ثاني بيني وبينك وبنسى كل شي وما بهتم لحد سمعت وطالعه بحده ... هز راسه علي بضيق وقال : ادري خطاي ما ينعفر له .. وركض وهو يشوف وضحى تحاول تتوازن بالعكاز ولكنها ماقدرت مسكها من خصرها وهي غمضت عيونها من شمت ريحة عطره أبعدت عنه بضيق وهي تدخل داخل وشافتهم كيف مب مهتمين فيها الا اشواق بس اللي يتها تركض وراحت داخل وقعدت ع الشبريه وهي تقول: اشواق حبيبتي رتبي اغراضي في شنط عشان اطلع ويا اللي ينقال عنه ريلي ... اشواق بضيق وهي طلع شنط: ليتني تحكمت بعصابي قبل لا انطق ليتني فكرت شو بيصير ... سكتتها وضحى وهي تمد يدها توقف كلامها وقالت: تكفين اشواق بسج لوم وبسج من العذاب النفسي اللي عشتيه خلاص اللي صار لي قضاء وقدر... سكتت اشواق وبدت ترتب اغراضها وقالت بتردد: ترا عقب شوي بتسافرون... وضحى بلا مبالاه : والله العظيم لو يوديني جزر مالديف ما فرقت معايه انا ميته ومشاعريه ماتت ويايه اللي بتروح ويا علي بس جسد لذلك لا تفكرين وايد ... صرطت ريجها اشواق بخوف من هالسفريه المفاجأه اللي طلع فيها علي ... : اما وضحى تنهدت وهي تشرب ماي وتاكل ادويتها قرت مسج لاريام كانت مطرشتنه لها وكان محتواه( مؤمنه جدا ان القدر لا يلهو ولا يمازحنا.. وكل صدفة من حياتنا هي من تكتيك القدر! ... أتوكأ على أرشيف تجاربي مع الخير المتنكر في لباس نقمة...لأتجاوز كل مضارع مؤلم .. وأتفاءل...هذا المضيق الذي اعبره لن يدوم ..! ثمة محيط ينتظرني ...! )...فديت اللي حاس فيني وفي كل ويع فيني بس وين الخير في الموضوع يا اريام ما دام ان علي في حياتي تنهدت تنهيده مسموعه وهي أقول لاشواق : عطيني شنطة الميك أب... عطتها الشنطه بهدوء وهي مسكت شنطه وبدت تحط ميك اب وشغلت عيضه يربشها وتتناسى شوي الويع ... : : : عند سلطان دخل البييا بضيقه ويلس عند مدخل الباب ما يبا يشوف اشواق على اللي سوته في وضحى شاف علي طالع من البيت وينزل شناط لف عليه باستغراب وقال: شوووو تسوي ؟؟! علي بضيقه: بسافر ويا وضحى ... سلطان بصدمه : شوو كيف تسافر وياها انته ينيت علي ... سكته علي وهو يحط ايديه ع اذنه وقال: خلااااص مابا اسمع شي ،، ولف على اخوه بقهر وعيون مغتاضه ادري اجرمت فيها وادري اني عذبتها وسويت اللي سويته واني كلب وواطي وكل سبات الدنيا فييني لكن احبههها وامووووت عليها وعاشق عيووونها السوووود واهداب رموشها الذبوحيه بحاول اتودد لها واتقرب منها مع ان نظرة عيونها ما بتغفرلي وضحى وادريبها .. ازفر بضيق سلطان وهو يسب اشواق بعد عن علي وقعد في الحديقه ... : : عند وضحى اللي جهزت ولبست لها فستان خفيف وهادي وسمبل مافيه شي ساده ومن تحت شيفون وعليه بطانه لونه سكري وميكبها اللي خلصته وشعرها اللي استشورته وفيرته من تحت بس وطلعت وهي تسحب عكازتها يوم سمعت صوت البنات يقولن علي يترياج برى طلعت وهي تتجه صوب الباب وتتكي على عكازتها وصلت عند باب الصالة وحضنة هادي وهي تقول: دير بالك ع اريام لا تضيعها من ايدك وتراها تحبك بس تكابر ... شد على حضنها وهو يهمس: اريام في عيوني يا عيوني انتي ،،، اباج تديرين بالج على عمرج واوعديني ان ما يازت لج الحياه وياه تقولين لي وانا بطلقج منه ... طبطبت على كتف اخوها وهى تقول: ترا دموعي سالت ع خدي من زمان مستويه صحبه انا وهي هالفتره ،، ضحك هادي وهو يبعدها عن حضنه ويمسح عيونها بخفه عسان ما يخرب ميكبها ... عبدالله قرب وحضنهاااا وقال وهو يحس بالغصه في حنجرته:ما بتمر مرور الكرام صدقيني وعدتج ولج عين تنظر ... ابتسمت بحب وهي تقول: مبروك عليك ياخوي ما دبرت... عبدالله: الله لا يبارك في ضلوعها وانا عند وعدي والله لاذوقها الويل مب حباً فيها الخامه ... غمضت عيونها لان عبدالله حاوطها من خصرها وهالمكان يألمها حيييل بعدت عنه ولازال محاوط خصرها قربوا منها سالم وراشد ومايد وباركوا لها ووصوا علي عليها اما سيف كان واقف عند بلكونته ويشوف المنظر ودموعه متكفله بكل شي ومنقهر على وضحى حيل اتصل بسهيل اللي كان راقد ومن سمع صوته رقاد سكر في ويهه وهو يتىوعد في العنود واخته شما المعِون ( المساعد يعني) لها حالف انه يجلب مخوخهن وحياتهن ... : بعد ما ركبوا سياره وهادي وداهم المطار كان طول طريج يوصي علي عليها مره يشد عليه بالكلام ومره يرخي ومع نظرات هادي الحاده والجاده كان ملتزم الصمت وده يختلي بها في اسرع وقت ويطيح بين ريولها وحضنها ويطلب الصفح منها وصلوا المطار ونزلوا اغراضهم وشنطهم ووضحى نزلت وهي تمسك عكازها وتتوكأ عليه رفعت عيونها وهي تأخذ شهيييق طويل وزفرته شافت علي يقرب منها تقدمت صوبه بهمس وضيق بادرها بسوال بحنيه: شي يعورج !!! تجاهلت سواله وماردت عليه اكتفت انها تحافظ ع هدوئها وكيانها قدام الكل علي بالنسبه لها فرعون وطاغيه طغى على الأرض وخذ اللي يباه ونسى ربه قعدت في كراسي الانتطار بعد ما دخلت المطار في محاوله منها انها تزرع شعور الراحه والسعاده فيها بس مب قادره تجامل اكثر ولا قادره تجاملهم وتجامل نفسهادعلى حساب سعادتها تنهدت بعد ما خذت شهيق وزفير وفتحت غشوتها وهي تحس بخنقه ما ودها تتغطى ورن تلفونها وكانت اريام وردت بالهفه: هلا بروحي... اريام تبكي: وضضضحى ليش سويتي جيه ليش اثرتيهم على نفسج.. وضحى تداعبها: افا يعني تخلين هالعيون تدمع قبل ما اروح بدال ما اسمع منج كلمة تطيب خاطري القاج تذرفين الدمع ... اريام تمسح خشمها المحمر: لا تسوين نفسج القويه واللي ما يهمها حد وانتى على طريف وتخرين كل اللي في قلبج ... ضحكت ضحكتها اللي اخترقت قلب الشخص اللي واقف قدامها وهي ما تشوفه ولا تحس به كملت كلامها وعيونه عالقه فيها: يا بنت الحلال محد يأخذ غير كتبته ونصيبه ما بيدي اغير القدر يا عيون وضحى ... انتهى |
فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..! طًرّحٌ مٌخملَي .., كُلْ شَئَ مختلفْ هُنــا يعطَيكـ العآفية ..ولـآحرَمنآ منَكـًم بإنتظَآرَ جَديِدك بشغفَ |
الله يعطيك العافية
|
يعلفيكم جميعا شكرا اخوي غريب الديار اتمنى ينال اعجابكم القادم
|
:
حرفِك ماتع حدّ اللّا حد أشَكرِك عَلى المجهُود الكبيـرَ و المُتميّز ممُتنه لك مِن ضُفاف القُلب لك التُحايا كما تليقَ.. |
والله انتي قلمك نحبه
والروااايه البن الحين تشد وكل مرره يطلع لي حددث جديد |
شكرررا على تفاعلكم الجميل والحلو
|
البارت التاسع عشر ...
: : انتبههت على وضحى اللي قاعده وتتكلم واسمع توصيات هادي وانتبهت على واحد كان قرب وضحى واقف وما نزل عيونه عن وضحى وباين انها مندمجة في سوالف قربت منها وانا كلي غيض اشتعلت حريقه من داخل قلبي يفور وقفت قدامها وانا اقولها بعصبيه وقهر: تغششششي !!! بقهر رفعت عيونها عليه ورفعت حايبها باستنكار ونطقت بضيق: اوك غناتي بكلمج خلاف ...وسكرررت الخط وقالت بضيق بان في صوتها: احس اني مخنوقه مب قادره اتقبل هالزحمه ونسمي ضايق .. قربت منها وقلت لها بحده: غطي عيوووونج .. غطت عيونها بطلب مني وهي غير مباليه بالعيون اللي تراقبها كان ودي ارتكب جريمه فيه بس انقذني نداء طياره قربت منها وعاونتها على الوقفه شدت على ايدها وهي مقهوره من قربي ادري كارهتني وما تحبني ولا تدانيني تقدمت وهي تمشي بعكازها لين سلم الطايره وعند سلم توهق البطل ماقدرت ترفع عكازتها بحركة سريعه شليتها وانا متجاهل شهقتها وصدمتها وذهول الجميع اغلب المسافرين كانوا يشوفونا تخطيت الدري بسرعه ووصلت الطياره وعطيت المضيفه ارقامنا وودتنا مقاعدنا حطيتها عدال دريشه وقعدت عدالها لفيت عليها وشفتها طالعني بنظرات كره وقالت بقهر ممزوج بكره: اللي فيني من اسبابك ... وصدت عني صوب الدريشه ...ااااه يا نظرة عيونج يا الوضيحي ليتني اقدر امحي الصوره اللي عالقه في بالج اسند راسه ع الكرسي وغمض عيونه وداهمته صورتها وهي تترجاه وتتوسل له وعيونها ولمحة الانكسار اللي في عينها وذل والاهانه كرهت نفسسسي وايد اغلاطك وايد يا علي شو بتصحح وشو بتخلي حط ايديه على عيونه يحاول ينفض راسه ويطلع هالصوره اللي عالقه في ذهنه وشد على ايديه من القهر.... : : في البلاد .. في ابوظبي يزيرة ياس ... : كانت تبكي على اللي صار لوضحى ومقهوره ويالسه تفكر كيف طلّع وضحى من اللي هي فيه مسكت تلفونها ادور ع ارقام حد بس تفاجات بوجود هادي قباله من كثر البكا ما ميزته تنهد بضيق وحوط ايديه على البلكونه: الله يسر امرها ... رفعت عينها له وهي تمسح دموعها حطت يدها ع كتفه وقالت: هادي فديتك عندي حل بس صعب بس لازم نسووويه ... هادي اللي لف بشعور غريب من كلمة فديتك اللي طلعت منها بالغلط وبدون تركيز قرب منها وحاوط خصرها وهو يقول : لبيه يا قلب هادي امري ... ارتبكت من قربه بس قالت : تكفى ساعدني نحل موضوعها .... طالعها هادي وهو تايهه بنظرة عيونها وقال: امري شوً... بعدت عنه وهي تقول: ناخذ الفيديو وناخذ كل الادله اللي ضد وضحى ونوديه عند خبير صوتي وعند خبير يميز لنا من اللي كان عند علي ويميز لنا بعد خط رسايل اذا بيدها ولالا ... تنهد وقال: بس جي بننفضح اريام : لا ما بننفضح ما دام انه محامي شركتكم وبيطلعنا من اللي نحن فيه ... تنهد بضيق ومسك ايديها وشبكهن بيده : خلينا نتصرف تصرف عقلاني مانبا ندخل في معمعة المحاميين والشرطه ... هزت راسها بضيق ووقفت عداله يطالعون البحر وموجه والبرد اللي بدا يشتد ... : في مكان اخر ... العنود بمياعه: الحين تفيقت لك يا قلب العنود ... المجهول: ايوووا شو كان شاغلنج !!! العنود: شويه ظروف عائليه وانتهت ع خير الحين اباك في مهمه تقدر... ضحك المجهول وهو يقول: كيف ماقدر !! الا اقدر ونص !!! شو تبين!!! العنود تطالع اظافرها وقالت ببهمس: أبا انتقم من وحده جلبت حياتنا فوق تحت .. ابتسم بخفوت: افا عليج حاضرين الرقم والعنوان والباقي علينا .... ابتسمت بغصه: للاسف ما عندي رقمها وبخبث ما عندي أي شي يخصها ،،هالاشكال ما اعترف فيهم بس تقدر تي يوم الخميس ملجة عبدالله اخوي هي بتكون موجوده في الحفلة وبوصف لك إياها واصلا بخليك تاخذها من قدام الباب شرايك .... استانس ع هالصيده وهو يقول لها: حاضرين تم اتريا اتصالج... : : بعد مرور يومين وقبل الملجة بيوم ترتيبات قايمه ع قدم وساق وكل شي موجود البوفيه الورد الترتيب والكوشه والمصورات والديجي وغيرها .....ويا اليوم الموعود يوم الملجة يت اريام الملجة عشان خاطر عبدالله وما سلمت ع حد قعدت ع وحده من طاولات والعنود تراقبها من بعيد حطت ريل ع ريل وصورت اريام سناب وطرشتها للمجهول اللي اتصل بسرعه وبلهفه بانت في صوته: وينها موجوده ولا طلعت... استغربت لهفته بس قالت يمكن من جمالها فقالت: لا بعدها .. حط ايده على قلبه اللي يدق بسرعه وهو يزفر براحه: العنود طلبتج تبيضين الويه عاد اليوم واشوف المووورزه اللي انتى يايبتنها ... ضحكت بغنج وهي تتدلع عليه: عشان تعرف ذوقي بسسس... سكر منها وهو مصدوم بالقدر كيف يابها بطريقه مره ثانيه ازفر بعدم راحة ووقف عند نهاية شارع بيتهم بما انه كل يوم ويا العنود يتريا اتصال العنود ... بعد العشا تغطت اريام وطلعت من دروازه وهي تشوف هادي اللي يدوخ قربت منه وهي تقول له : تعشيت... لف على صوتها ووببتسامه: هيه فديتج يلا نروح ... هزت راسها بهيه ركبت سياره وكانت تعدل شيلتها وهي تطالع المرايه حست انها لمحت سياره تعرفها بس غضت البصر اكيد في سيايير يتشابهن ونفس لون بعد انصدمت من ان سياره تلحقها طالعت هادي وقالت: فيصل!! لف عليها بصدمه وقهر: شوووو بهدوء غير معتاد : فيصل يلحقنا !!! لف هادي بصدمه ع المرايات الجانبيه والمرايه اللي في نص واتصل بمسعد يضيعه وقال ليعقوب ايي لهادي عند اول مدخل في ابوظبي ... شوي ومسعد يلحق سيارة هادي وما مخلي مجال لفيصل يلحقهم لين اول مدخل بوظبي يعقوب هذ هادي واريام وحسن خذ ييارة هادي بيرجعها البيت ... : : : عند فيصل اللي انقهر وضرب السكان وكلله من العنود الهبله اللي ماعرفت كيف تختار الوقت المناسب اتصل بها فيصل وهو يقول: يا حيوووانه ركزززي ثاني مره اللي في الحفل كلهم طلعوا وينها سعيدة الحظ ... العنود اللي ضربت يبهتها بنسيان: نسيت والله فديتك كنت عند شما شوي ارتب امورها نسيت والله ... فيصل: تيبينها يعني تيبينها فهمتي ولالا وسكر في ويهها ... : : : عند علي وضحى ،،، كانت مستغربه انه يايبني إيطاليا وقاعدين في الشقه مب في الفندق شو الغرض من هالسفره ياخوفي ما يردني البلاد انتبهت على قربه لفيت عليه ومن شفت ويهه صديت عنه وانا مقهوره اول مره احس بالغل ودي انتقم اول مره اييني شعور الحقد تعوذت من ابليس وسمعته يقول: وضحى ادري كلمة اسف ما بتيب نتيجه ولا بتصلح شي اللي سويته بس ترا بقولج شي رده البلاد نسيها شهقت من دون شعور ولفيت عليه أبا أتكلم أبا اسب بس أحاول اني ما اتجرد من أخلاقي اللي تعودت عليها وربيت عليها صديت عنه بصمت وكمل كلامه محد يباج تكونين بينهم ضحكت باستهزاء ماردي ليش بس اول مره اسويها لفيت عليه وعلى ويهي شبه ابتسامه ونطقت بعد صمت : من طبيعي جداً يكرهون شوفتي بعد اللي شافوه منك ومني مش انا اللي كنت في حضنك مش انا اللي اتباى على شما وعلى الرسايل وان رسايل مني انا شي طبيعي بيكرهون تواجدي بينهم بس سوال مب هنيه سوال قلبك ما يأنبك ع اللي سويته فيني على ظلمك لي ما تخاف من ربك تنهدت وصديت عنه مابا أتكلم عشان ما اصيح ... سمعته يقول: ما خليتي لي مجال كل شي سكرتيه في ويهي كيف تبيني ارضه لرفضج وانتي تعرفين علي يوم يبا شي اييبه بالطيب ولا بالغصب ... طلعت مني ضحكه مستفزه اول مره استخدم هالاسلوب وسكت مسكني من كتوفي ورص عليهن بقوو وهو يقول: لا تختبرين صبري وياج انا اعرف كيف اروضج... تجاهلت مسكته وتجاهلت كلامه وقلت له: بس الحق بيظهر باذن الله ايماني بالله قوي واعرفه ما بيخذلني .. مسك راسي بقو وهو يقول: وغلاااتج لاكسر راسج واعلمج علي منو وفر راسي وراح .. سكر الباب بقووو وانا أقوله كسررر يكسررر ان شاء الله ضلوعك ...مسكت تلفوني واتصلت على اريام اسولف وياها ... : في جهة ثانيه من المكان نفسه في شقه يالس حشره ويا عيال اخوه وضرابه ولف على حرمه اخوه وهو يقول: بلاه ريلج من وصل امس وهو سرحان .. هزت براسها بمعنى مادري شلت عيالها توأم وراحت غرفتها .. انتهى |
حرفك جميل جدا
اسعدني المكوث هنا لروحك الجوري |
شاكره مرورج عقبال الجميع
|
ابداع لاعدمناك
واصلي ونحن بانتظار الجديد تحيات غريب |
البارت العشرون ..
: تحنحنت وانا اترياه يعطيني ويه ينطق يرمس الريال ولا يحس بالدنيا قعدت عداله وقلت : ظافر شبلاك .. هز راسه بمعنى ماشي وقام واقف وقف ع البلكونه وقفت وياه واشوف عيونه طالع مكان معين بس نظرته ضايعه خليته في حاله وانا اشوف العالم اللي سايره راده وصوت سيايير ابتسمت ع المنظر الحلو بعدها دخلت داخل وشفتها واقفه تطالع ريلها رحت عنهم وخليتهم بروحهم وطلعت من شقه بكبرها متجهه صوب خواتي وامي بقعد معاهم ... : مريم قربت مني وحطت ايدها على كتفي حسيت لمستها نار تسري في جسمي بعدت ايدها بسرعه عني وبعدت عنها لفت عليه باستغراب وهي تقول: غناتي شو فيك ... نطقت بقهر: قتلج لا تلمسيني للمره الميلون لمسج يضايقني فهمتي ولالا!! قالت بصوت مليان عبره ومخنوق: ظافر لين متى هالصد ولين متى هالجفا .. بعدتها عني وانا أقول: مادري بس يلا روحي عند قوم امايه وشلي عيالج انا شوي مشغول رحت لطاوله خذت جاكيتي ونظارتي وسويج سياره ونزلت تحت وسط صدمتها ... رفعت سماعة تلفون واتصلت بعليا : عليا .. عليا بصوت فيه نوم: همممم ظافر بقهر وهو يدق سكان: شفتتتتتها !!! حاولت تصحصح عليا وتفهم. شو يقول: منو اللي شفتها !!! ظافر بصوت عالي: قوممممي فزي من رقادج وركزي ويايه شوي !! عليا تستند عالشبريه وقالت : ها تكلم اسمعك والله منو اللي شفتها.. ظافر : وضحى ربيعتج اللي كانت وياج أيام ثانويه.. عليا صرطت ريجها وهي تقول: انته ما نسيتها ظافر .. ضحك بتستهزاء: هيه نسيتها لدرجة اني ازقر مريم مرات وضحى نسيتي ولا اذكرج.. عليا اللي صرطت ريجها بخوف وهي تقول: يعلني افداك يا ظافر جانك لين الحين تعاني .. ظافر يضحك باستهزاء: حليلج انتي تراها عرست امس شفت زول ريلها وياها في المطار وانا راد ... تنهدت يارتياح وهي تقول: اشوى !! ولا ادريبك انته اذا لقيتها بتسوي لنا فضايح وبتلعنها لعان ... ضحك باستهزاء وهو يقول: العنها لعان ليش مينون ولا فاقد الذاكره ان شاء الله اقولج تراج بعدج ما عرفتيني زين ...... عليا تتنهد: تكفى لا تسوي فيها شي خلها في حالها .... ظافر سكررر في ويههها هو صار له سنين وهو يعانى من هالحب اللي من طرف واحد ومحد حاسسس فيه واليوم تقوله انساها هيه انساها هو نسيان في مخبايه جان نسيته من خمس سنين اللي عشتهن على ذكراها وحبها دخلت كوفي وطلب لي قهوه وانتبهت ع ريال اللي كان يكلم وضحى اكيد هذا ريلها بس هي وين ازفرت بضيق معناتهم ساكنين في نفس الحي اللي نحن ساكنين فيه غمضت عيوني بالم والله يا وضحى ودي انساج بس ماقدر شرب من القهوه وافكاره بعيد .. : : وضحى اتصلت برسبشن طلبت دكتور ايي يشوف وضع ريلها شوي تعورها ودخل عندها الدكتور والنيرس وشافوا ريلها وقالها لازم انقلج عالمستشفى الحين عشان نشوف وضع ريلج بالاشعه هزت راسها بالإيجاب وطلبوا اسعاف وراحت معاهم بالاسعاف .. : علي كنت ياي الشقه اول ما وصلت شفت سيارة الإسعاف متحركة ما اهتميت ما دام ان العماره اللي نحن فيها ،، فيها مرضى يراجععون المستشفيات دخلت شقتيه وانا ادور وضحى وازقر عليها شفت مكانها خالي خفت هاي ما تروم تنزل حتى انتبهت ع الكرسي اللي كان فيه بعض اغراض الإسعاف وبعض ضمادات خفت لا يكون الإسعاف قاصده وضحى اتصلت بالرسبشنً اتاكد وقالوا فعلا ان الإسعاف كانت في شقتي عطوني اسم المستشفى وحركت ع طول وانا العن وضحى واسبها عارف انها ما تبا تدق لي ولا تبا تقول لي انها تتالم من ويع ريلها ... : في المستشفى بعد ما صوروا ريلها كان شرخ والكسر قد التئمم وانجبر شوي نظفوا لها ريلها وحطوا لها كريم ولفوا ريلها بشاش وشوي دخل علي وهي طالعته بقهر وردت عينها على الجبس وقالت لدكتور: متى استطيع ان استعيد حركتي الطبيعيه وابدا المشيء . جاوبها دكتور وهو يقول: الى ان يلتئم الكسر كاملاً وحينها نستطيع ان ننزع الشاش والجبس من رجلك.. ابتسمت وهي تقول: شكرا دكتور... ابتسم: على الرحب وسعه ... دخلت وانا أقول لها : عاد مب جي لاغيه وجودي من حياتج لا تختبرين صبري وياج ارجوج .. طنشت كلامي وانا صابر وساكت الظاهر العيشه وياج صعبه ادري ما بتغفرين لي خطاي بس مجبور اغض البصر عن نظرتج عشان اقدر أعيش حياتي وياج .. قامت وهي تحاول تمشي ع ريلها وشوي قالت : يلا نسير ... اذبحها ولا اذبحها ولا شو اسوي فيها الجرم فيها حلال مسرع ما تعصب ومسرع ما تهدأ... مسكتها من يدها وشديت عليها عشان نمشي قرب بعض وانا اشوفها تحاول تمشي ع ريلها بعد ما سمحوا لها بالمشي وعدم استخدام العكاز عشان تتعود ريلها ... وصلنا شقه ودخلت الغرفه تسبحت وتلبست وطلعت كل هذا وانا واقف اتامل الوضيحي الجميله لو تذبلين تبقين في عيني اجمل البنات تنهدت ودخلت اتسبح عارف نفسي مالي مكان بقلبها... بعد ما تسبحت قعدت عدالها وبست خدها تفاجأت من فعلتيه بس نطقت وقلت: مب اول مره ابوسج.. شاحت بنظرها عني وهي تقول: فعلاً صحيح كلامك.. عضيت ع شفايفيه من القهر ولفيت عليها من القهر وحضنتها بقوو: تعانديني بعاندج تصديني ماقدر اصد نفسي عنج بتم في قربج وعايش حبج لو ما بتغفرين زلاتي ... استغربت انها ما صدتني ولا تحركت كانها صنم بيني وبين نفسي استانست بست رقبتها ولعبت بشعرها واشم ريحته تثيرين رغباتي في كل شي احبج رغم صدج ورغم فتورج غمضت عيوني بقو وانا أحاول اتجاهل عيونها وتوسلاتها لي في ذاك اليوم سمعت صرختها وانتبهت اني عاض رقبتها بقو دزتني وهي مقهوره وهي تقول: عنبو جلب انته ولا انسان وحطت ايدها ع مكان العضه وانا ضحكت بغباء ناسي جوي قالت : حقير وعديم إحساس ... مسكت خدودها وقلت: ضعت بين حبج وقربج ما تبيني اضيع علومي وانا من اشوفج يختل كل شي فيني ... طالعتني بقهر وصد شليتها بين ايدي وانا أقول: يلا عاد تدلعتي وايد يا الوقت اللي ادلع نفسي فيه وانتي حلالي .. ضربتني على صدري وشمخت ويهي وانا مقاوم كل حركاتها دخلت وسكرت الباب بريلي ... : : : في مكان اخر سار شقة هله وقعد عند امه وابوه وباس عياله وسار دق حجرة عليا بطلت الباب وانصدمت من شافته دخلها داخل ودخل وسكر الباب وراه ولف عليها وقال: احقر منج مالقيت عشان سعادتج ويا اخوها وماتبين ينتهي اللي بينكم تبيني انهي الحب اللي عشته بروحي واصارع افكاري مع نفسي... لفت عليه وهي تترجاه: تكفى انا مالي غيره تعرف انه هو ريلي واخوها ما بيرضى عليها .. رص على ايدها وهو يقول: بس الكل يعرف بمعاملتيه لها ولكل يعرف انها الانسانه الوحيده اللي ما قدرت تنسيني وضحى صح !! ليش مستكثره هاشيء عليه ... عليا بضيقه: عندك عيال منها يا قلبي .. ظافر بضيقه: ادري والله انا ما بظلمها ويايه بروحج تعرفين زواجي منها عشان العيال امج وابوج يبون يشوفون عيالي بس انتى انانيه قطعتى علاقتج بوضحى عشان ما ادورها بس ربج حطها في دربي وشفتها امس وساكنه قربنا طلع من عندها وهو يرقع الباب بقوووو .. قعد في صاله ومن ثم مسك تلفونه وكتب في نوت( تبقى أغلى من عرفته ومن طرى وتبقى واحد بعيوني عيّا يشين ♥️).... ارخى نفسه على الكرسي وانسدح ومدد ريوله يحاول ينام ... في العين بعد ما طلع من السوق ووياه العنود ركبوا سياره وهي تقول: فيصل لا تحن قتلك بيبها لفت على شما اللي يالسه ورى بخوف وقالت: انتى شفيج ساكته شما بخوف: والله مادري عبدالله وايد متغير حاقرني ولا يسوي لي سالفه وضاربني كم مره.. فيصل يطالعها من المرايه: تستاهلين عيل تسوون جي في وضحى وتتحسبون انكم ما بتتحاسبون ... شما بخوف: اسكت الله يخليك انا ما نسيت اللي سواه ربيعك فيني وين لو عبدالله درى .. فيصل يضحك باستهزاء وما انتبهه على الاشاره: سوي ربط وما انتهى من جملته الا باصطدام قوي ضرب راس العنود في زجاج سياره الاماميه والسكان والزجاج اللي قدام فيصل ضرب فيه وشما ضربت بالمقعد اللي قدام وتم فيصل معلق على هرن سياررره لانه راسه ارتطم بسكان بعد زجاج وشما تبكي بخوف من شافت سياره كيف مندعمه وتجمهر الناس ساعات ونقلوهم للمستشفى عبدالله وراشد تفشلوا من وجود العنود وشما مع شخص غريب راشد عرف انه فيصل من اسمه ... في المستشفى عبدالله بعصبيه: فضحنا حسبي الله عليهن ... طلع الدكتور وهو يقول: فقدنا السايق الله يرحمه ... والمريضه تعرضت لنزيف في المخ وتحت رحمة ربنا ولازم نعملها عمليه ضروري عشان نوقفه ...والثالثه شوية رضوض ... عبدالله يتحلطم عليهن حوبة وضحى عليكن يا الخامات لف سيف ع ططاريها وبعد شوي عنهم وسوالها تلفون وده يسمع صوتها .... طبعاً يت ام فيصل وحرمته عشان جثمان فيصل ويخلصون أوراقه ويدفنونه .. اما العنود فدخلوها في عمليه بسرعه عشان النزيف وعشان ما تدخل في غيبوبه انتهى ✅ |
ماشاء الله عليك
روايه جميله استمري يا عسل بدايه جميله |
| الساعة الآن 03:24 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية