 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - ديوان الشاعر ردة السفياني
(http://www.gsaidlil.com/vb/showthread.php?t=9096)
الحميدي الثقفي
ــــــــــــــــــــــــــــــــــ وحدك ووحدك كلها ذنوبـك أعـذار مالك شبيه إلا أنت وحـدك لحالـك وجهك حجازي الوجع شرقي الثـأر تكفيك عن رغبيتك نزعـة نضالـك أرضك بياضك وفاتحة طينك أقمـار وحرفك على نزفك تسامي سمالـك أعرفك في كينونتـك نـاس وديـار مـا يرتـون إلا بنكهـة جمـالـك وبدفترك للصبـح وطيـوره أزهـار وبداخلـك طفـل رسمـك ودعالـك كلك وضوح وكله وضوحك أسـرار بينـك وبينـك يستهـل اعتـدالـك ماكنت لوم ونومك إنصات واحتـار كيف الضياء يقرى الضياء من خلالك ماكنت لهو وسهوك إداراك واختـار طهر المدى يسكـن مداهيـل بالـك عن وجهتك ما تفزعك حفنة إغبـار تـدري جفاهـا مايعانـق جبـالـك عن حبهم يستوعبـك دفتـر أشعـار وعن غيهم خيـل النشيـد إستمالـك ما يكفي إنك والوطن عندك اسفـار ارخيت لفصول الوطـن بارتحالـك ياصاح كوني اللي تبي دربك أنصار ماضـل درب إلا سمـح وهتدالـك |
ابتسامة في وداع جنازة
ــــــــــــــــــــــــــــــــــ سال الطريق مرود الصبح مخضوب باوجاع من لم السهـر واتجـه لـه بات المسافر ممتلي حـزن وذنـوب ليت المسافـر مانسـى وانبـه لـه كم له يحن وخاطر الأمن مرعـوب أضحى جهـده وزاد بالعلـم جهلـه ياصاح هذا مذهـب الليـل مثقـوب ما قلت لك دار الكرم ضاق باهلـه باكر وباكر مكتسـي ذل وشحـوب والسهو يذكر كـل طيـر ولـه لـه طاح الجسد واستيقظت عورة الثوب وعيون ناهل خانـت عيـون نهلـه "........" واستغفـر الله واتــوب وادعي لمن خيل التمـرد نـده لـه ويا صاح واعد من تبي مانت مغلوب لا تنتظـر دام المواعـيـد سهـلـه |
رماد الما
ــــــــــــــــــــــــــــــــــ متعب ووجهي سراة اوجاع واحلامي هزيله لا انا اللي نمت بأوجاعي ولا الصبح انتظرته منطفي حد الظـلام ومشتعـل حـد الفتيلـه ادري ان الليـل بـي يحتـد لكنـي بهرتـه اسرجتني للسهر دمعه سرت من جفن ليلـه واعتنقني لاخري زهو القنوط اللي خبرتـه رمد الما في اليدين وخانت الأرض الفسيلـه والنهار اللي تيمم بـي علـى ظلـي نثرتـه مجدبه ياغيمة تسرق مـن الـوادي نخيلـه موحشه ياليلة فيها صحـا جرحـي غفرتـه في مهبة خاطري مسكـون بالهـم وسبيلـه يعتقلني غيم لو يـروي كفوفـي ماشكرتـه كيف بي وأنا شبيه اللا وعصيانـي فضيلـه كم نهار عاد بي واهمل قنوطـي واحتقرتـه |
مستمطره
ــــــــــــــــــــــــــــــــــ مستمطره .. قالوا وبرق الحيـا لاح صلواوخيل عيونهـم فـي مزونـه تعبت وهي تترقب البـرق بإلحـاح و(ف) ناسها كل المواجـع حنونـه كن المطر بأرواحهم يخلق أرواح !! إنِِ مرهم لافـي عنـه ينشدونـه ! تلقـى لوبلـه وسـم بيديـن فـلاح يسقي عصافيـر السنابـل شجونـه مايحملون لبردهـم غيـر مصبـاح مطفي ولعلـوم السهـر يشعلونـه يخفت سهرهم وأشعل البال من راح يضوي بيان وحـول الليـل دونـه يدهشك شيخ إن مده أقصاه وانـزاح ينام ما نام السهـر فـي عيونـه !! |
مهد المنتهى
ــــــــــــــــــــــــــــــــــ وحيد حتى من الوحده وهـذا دفتـري جـف والصمت ينفث تعاويذه علـى جثـة سكونـي والليل شيخ توسد جمرة التفكيـر لـه شـف يبوح باللي على باله ويثمـر مـن غصونـي حتى القلم لو تشوقه كيف عن مرثيتـي عـف والسهو يقرا تفلصيل التوجس فـي ضنونـي وأمي تقل لي مساء البارح جفوني رمشها رف وماقلت لك ياوليدي وش سبب رفـة جفونـي يا أبني وهذي عصاتي وحدها في رعشة الكف تقول وينك وانا أقول أنت وينك عنك شجوني كم لي وانا أنشد غيابك عن غيابـك أه ولتـف صوتك بصدري وصورتك الطفوليـة بكونـي فتشت عنك فدفا سجادتي والبـرد بـي حـف وشفاة زفرات صدري ما تشوف إلا طعونـي اسندت جرحي على همي ونزف الصبر ماكف لا الصبر غلق ولا وفيت يـا وليـدي ديونـي زرعت هالليل حزن وفي عيوني للسهر صف كن السهر ما يعرف من العيـون إلا عيونـي يمه وليدك تماثـل للتعـب فيـه التعـب زف جهد التلاشي ومهد المنتهى واجمـل جنونـي |
سادن الكهف ..2
ــــــــــــــــــــــــــــــــــ سامحيني يا دروب العشق حالي رث حالـه والمكان اللي نما في ذاكرة صوتـي ندبنـي خاوي الموعد وانا ذابل وصفح البـاب دالـه انشد آخر ريح مرت به .. تود الريح غبنـي عشت واصحاب انهزام الليل نادوني ( تعاله) وامي (بحق اللبن) نادت : دخيلك عود يا ابني آه لو تدرين دربي قبل ما امشي ضاق بالـه كم سندته بـأبتهال الجرح .. لكنّـه غلبنـي قولي اللي لو قدر وجهي على النسيان قالـه علميني كيف تتعلـم يـدي .. تهـدم وتبنـي وش بي الليلة فقير إلا مـن الهـم الضلالـه والتفاتة حزن فـي قبلـت مواقيتـه كتبنـي مابقـي يمّـه ولا موعـد يقاسمنـي ظلالـه قلت لك واحتد بي ظلّي ومن ظلّـي سلبنـي |
صباح ابيض
ــــــــــــــــــــــــــــــــــ قديم .. وموعدي قـادم خطـا مـن نطفـة التكويـن جديد .. ومولـدي كـان وبنانـي للعـذاب طقـوس اعرف اني : صباح ابيض خرج : من ريشة التلويـن واعرف اني : زمن يعكس / زمن..فيه : القيام جلوس واعرف اني بـصل وحدي..وأقف بعد الوقوف سنيـن واعيد ابني وجوه وناس.. وافتح لي : سما وشمـوس اظل احمل يديني( عارية )..: تمطر..وابيـع الديـن ! واظل اعطي ثماري .. والمطر في تربتـه مغـروس ابعصاآآكم .. وابعصى : فطرة التاريـخ .. والتدويـن وابعصى : السجن والسجان لا صار السجن محبوس ! وابستثني : شمالي مـن شمالـي .. والنخـل والتيـن و وجةٍ .. ينتعل ظـل الوجـوه .. بدمّهـا محـروس واذا صار الحكي( طفلٍ عمى ) يشرب رعاف الطيـن خذوني : رغبةٍ عميا ... واباخذكم : ثمار هجـوس |
خيرة الغيم
ــــــــــــــــــــــــــــــــــ البارحة مالت غصون البوح واخضر المسـا وتيسرت لاجمل مواعيدي دروبـي واكتملـت مارحت وانا في رجا ياليت وغوايـة عسـى طويلـة دربـي ولكنـي بـلا منّـه وصلـت مارحت واكبر هـم يدفعنـي مغازلـة النسـا مارحت زيفي يدهن ايامي وعمـري ماذبلـت عني تعال اكتب ولاتنسى تعيـد اللـي نسـى للباب .. وتقله حرقت البرد وحدي واشتعلـت كانت غصون الضوح قدامي عطاشـا يبسـى حتى سرت غيمة مواقيتي وحنيـت وهطلـت هذي فصولي مورقة بالصحو تجتاح الأسـى وتمد للفجر القصي زهوي وعن سهوي جهلت واقول من جهدي نما وعدي وفي بعدي رسى اشغلت غيري بي وانا والله بغيري ما انشغلت يوم ان غيري باع جرحه لاجل فرحه واحتسى تلويحة التصفيق .. انا ولغير ربـي مابتهلـت في ظلها ماهم جرحـي لان والا بـي قسـى من بعدها ماقلت للنجوى وبالصمـت احتفلـت صوتي تيمم بالجهات ورتب اسمـي واكتسـى طهر المكان ونفحة ابوابه من اجملها دخلـت |
موعد وشباك
ــــــــــــــــــــــــــــــــــ فيما بقي والليـل موعـد وشبـاك كـان ونبذنـي للتطـرف ذهولـي فيما بقي وانا اذكرك جرح وانساك جرح تعلم كيـف ينسـى هطولـي الناس مروا من هنا راحـوا هنـاك ياليتهم وانـا هنـاك اهتـدوا لـي في عيونهم فيما بقي ورد واشـواك هم سولفوك وبالسهر سولفـوا لـي قل بيض الله وجه صاحبك لو جاك يحمل سهر طهر المكان الطفولـي قللي متى عصفور الاوجاع غنـاك واعلمك كيف اشترانـي فضولـي في دفتري قال القلم سهـوي ادراك وفي دفترك قال القلم مثـل قولـي عني دخيلك رتب اخطاي واخطـاك وارسم فصولي من ملامح فصولي تكفى تراني باب مشـرع ولـولاك مااعطيت للعصيان شهوة دخولـي تقدر .. وهذا حزني العذب نـاداك الجرح خيلـي والمواجـع ذلولـي ماكنت وحدي كن انا وانت .. واياك ترحل وحولي مثلما كـان حولـي |
حديث الغيم
ــــــــــــــــــــــــــــــــــ عن موعـدي ياحديـث الغيـم للسنبلـه البرد سولف عن رموش الصباح وحملك كـل العصافيـر كانـت بالضيـا مقبلـه ليه استفزيت جدبـك والضيـا ماوصلـك للبال مفتاح .. عـراف السهـر يجهلـه والا انت عراف صدري لو سهى ماجهلك افتح شبابيك صبـح مـن زمـن مقفلـه خل الندى من خيوط الريح يرسم جدلـك يوم انت غايب خذيت من الحضور اجمله ويوم انت حاضر تعلمت الحضور وشغلك حتى مكانك نسي وشلـون يبكـي هلـه ماقلت لك قبل تنشدنـي مكانـك خذلـك من غيرك اثنى على هذا المسـا واسدلـه ومن غيري اغتاب ريشة دفتري ماسألـك ان كان تقدر تـرد الجـرح حـد الولـه واغسل مقادير ياسي من مراويـح املـك هذي العصافيـر جاتـك بالضيـا مقبلـه هيا تهيا .. تعال ازرع بصـدري نخلـك |
| الساعة الآن 07:32 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية