 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - جروح البنااات
(http://www.gsaidlil.com/vb/showthread.php?t=47991)
تابع
فى لندن يوسف استخف يوم شاف ربا طايحه فى الشارع والدم فى كل اتجاه من قو الصدمه جلس على الارض يبكى مثل الطفل فجأه جت وحده له ومسكت يده ___: وش فيك يوسف يوسف بصدمه: ربا ربا : ايه انا ربا يوسف : وهذي اللي طاحت مو انتى ؟ ربا تناظر البنت المصدومه: لا مو انا كانت البنت المصدومه تقريبا نفس طول ربا ونفس لبسها يوسف من الفرحه قام وشال ربا بالشارع وقام يدور فيها وهو يضحك ربا منحرجه: يوسف نزلنى ... عيب الناس يناظرونا يوسف وهو فرحان : بطقاق فى المستشفى هند وهى تبكي: الحمدلله على سلامتك سموري سمر : الله يسلمك هند: اشتقت لك حييييييل سمر: انا اكثر ام سمر : راح اخليكم مع بعض ابروح انام مانمت زين سمر: ماما روحي ارتاحي فجأه دق جوال هند وكان خالد... هند استأذنت من سمر وطلعت برا الغرفه هند بصوت واطي : الوووو خالد: احلى الووو هند: خالد وش بغيت تراى تونى واصله خالد: طيب تعالي انتظرك هند بعصبيه: خالداقولك تونى داخله خالد بنفعال : هند انا بروحى فى البيت هند : حبيبي اول ماخلص اجيك خالد: كم يعنى هند : شلون كم خالد: كم الوقت يكفيك؟ هند: ساعتين خالد معصب حيييل: لااااااا معك بس ربع ساعه وقفل الجوال فى وجهه هند ... هند دخلت على سمر وهى معصبه سمر تبتسم: وش فيك هند: ذبحنى خالد بس ناشب فينى سمر : حبيتيه هند هند: كثير انا مو بس احبه انا اعشقه ماتصدقين يا سمر اذا عصب يعجبنى هههههههه سمر : ههههههههه حركات هند: سموري ماتدريتى سمر: وش هند: انتى حاااامل سمر شهقت: ها هند : والله حامل سمر مديت يدها جهه بطنها وتحسسته هند: ترى عادل على باله انك بعيد الشر مت ومادرى انك حامل سمر : عارفه هند : اموت واعرف هو وين سمر خانقتها العبره : هو خارج السعوديه وعندى احساس انه مو بخير هند: ياربي شلون نعلمه سمر : انا الحين مو زوجته .... وكل اللي اتمناه انه يكون بخير فجأه رن جوال هند سمر تضحك: هههههه روحى له هند منحرجه : طيب اشوفك بعدين مع السلامه سمر: مع السلامه فى بريطانيا عادل كان يتمشي بالحديقه ويتذكر ايامه مع سمر ويبتسم البنت اللي تلاحق عادل : لو سمحت ممكن شوي عادل يناظرها: انتى ... نعم البنت: ارجوك ممكن اجلس معك شوي عادل : وش تبين البنت: انا اسمى سمر وجايه هنا ادرس اول ماشفتك حسيت انى مرتاحه لك >>>فرى حييييل عادل انصدم نفس الاسم قعد يتردد فى باله اسمى سمر ... سمر البنت: انا اكلمك وين رحت عادل مبتسم: اذا انتى محتاجه لاحد تسولفين معه او شي ثانى صدقينى انا ابعد انسان يقدر يساعدك راح عادل وهو مبتسم من الصدفه اللي جمعته مع انسانه نفس اسم حبيبته اما البنت ماتحركت من مكانها كانت تناظره بحزن |
فى لندن
يوسف كان حاط يدينه حول خصر ربا ويتمشون فى لندن مر من جنبهم عادل يوسف عقد حواجبه وراح له : لحظه ربا يوسف: عادل عادل مستغرب: مين يوسف يوسف: وش عندك هنااااا عادل : خلها على الله زوجتى توفت وجيت هناااا ابعد عن الاحزان ويليتنى بعدت يوسف: عظم الله اجرك عادل: اجرنا واجرك يوسف : طيب وين انت ساكن عادل يأشر على بنايه: هنا يوسف : طيب بروح هالحين واشوفك بعدين عادل : طيب يوسف راح لربا : مين هذا؟ يوسف: كنا جيران مسكين زوجته توفت الله يعينه ربا: الله يعينه يوسف : ربا وش رأيك نروح للملاهي ربا وهى مبتسمه: يالله بس بشرط يوسف : اشرطي ياقلبي ربا: الملاهى المرتفعه نووووووو يوسف وهو يفكر: مممم اوكيه>>>كشف نقطه ضعفها فى بيت خالد كانت هند تتزين لخالد ... خالد كان طالع يجيب لهم عشاء شافت هند لاب توب خالد واستغربت شلون ماعرفت ان خالد راعي نت راحت وشغلت لاب توب واشتغل وطلع لها مستند فتحته لقت صور بنات عقدت هند حواجبها ثم راحت تفتش لقت كلام محفوظ كان مكتوب قصيده عنوانها اغليك وفى اخر القصيده مكتوب ( ريم انا احبك للازم تقرين القصيده لانك راح تعرفين وش كثر انا احبك) هند نزلت دموعها على خدها بدون ماتكلم وسمعت خالد جاي لها خالد شاف هند فاتحه لاب توبه : هند وش تسوين هند ودموعها على خدها جاء لها خالد: هند وش فيك هند تأشر على لاب توب ناظر خالد لاب توب وشاف المكتوب وارتفعت حراره جسمه خالد: هند ... انا.... هذا من زمان حيييل هند قامت بدون كلام ولبست عباتها خالد مسك يدها : وين تروحين هند وهى تبكى : كنت عارفه ان حبك هلاك خالد بعصبيه : شوفي انا ماحب دموعك امسحيهم هند وهى تبكي: ارجوك لا تسوي نفسك تحبنى خالد مسك كتف هند وسحبها له وضمها وهند كانت تضرب صدره وتحاول تتطلع منه بس خالد كان شاد عليها هند: وخر عنى اكرهك خالد : انا اموت فيك هند وهى تبكى : رجاء لو عندك كرامه فكنى خالد اشتد عرق فى رقبته من القهر وفك هند هند كملت لبس عباتها وطلعت من بيت خالد فى الملاهى ربا : يوسف ماراح اركب هاذي كانت لعبه خطيره من النوع اللي اذا ركبتها تحس بدوخه يوسف : ربا انت معي لا تخافين ربا بعد تفكير: طيب مسك يوسف يد ربا وركبوا اللعبه واول ماتحركت راح ربا وضمت يوسف يوسف وكان جازت له الحركه: ربا وش فيك ربا : خلهم يوقفون يوسف يمسح على ظهر ربا : اصبري كلها دقايق ونخلص ربا وهى فى حضن يوسف: يوسف تكفى اذا تحبنى نزلنى يوسف ماقدر يستحمل ونادى : واقفوا Stop فى بيت ام سمر هند: رجاء سمر لا تقنعينى سمر: هند انتى مالك حق تحاسبينه على ماضيه قبل يشوفك هند: اولا يمكن ماهو ماضي ثانيا ليش محتفظ فيه سمر: الكلام معك ضايع هند : سمر احس انى مخنوقه استحملينى سمر : هند انا وانتى نعانى نفس المشكله الفرق اللي بينا ان خالد قدام عيونك وبخير وانا عادل بعيد عنى ولا اعرف عنه شي هند تبي تغير الموضوع :وش صار بمدرسه سمر: انا السنه الجايه راح أرجع للدراسه وانتى هند : نفس الشي مثلك ....ممممممم وش رأيك نروح لسوق سمر : يالله فى السوق هند كانت تتسوق هى وسمر يدخلون محل ويطلعون سمر : هند شوفى اللي هناك هند شهقت وهى تشوف خالد يناظرها: خييييييروش يبي سمر: فكينا من المشاكل وخلينا نرجع لبيتنا هند بعناد : يحلم بس قام خالد وراح لهند خالد: هند لحظه هند: خييييير وش تبي خالد: هند تعوذي من ابليس وخلينا نتفاهم هند مشت مع سمر مطنشه كلامه خالد انفعل حيييييل وطلع من السوق سمر: هند حرام عليك هند: خليه يولي فى بيت رحاب رجعت هند من السوق ودخلت البيت هند: ماما انا جيت رحاب: هلاااا تعالي ترى زوجك هنا هند منقهره : وش يبي رحاب : مال دخل انا طالعه لغرفتى تفاهمى معه هند راحت للمجلس : نعم وش تبي خالد قام : لا مابي شي بس احب ابلغك اذا مارجعتى بعد يومين لبيتنا راح اتزوج عليك وطلاق مانى مطلق هند مصدومه منه: نعم خالد : انا ماخذت منك الا الهم وصدقينى كلامى صحيح انا خلاص لقيت البنت اللي بتزوجها وعندك يومين تقررين فيهم هند جلست على الكنب منهاره وخالد طلع وتركها هالله هالله بالردود باقي البارت الأخير |
تسلموا حبايبي على المرور وتسلم
للتذكير الرواية للكاتبة تكفيني الآهات البارت الاخييييييييير فى بيت سمر كانت سمر واقفه قدام المرايا تناظر جسمها وتتحسس بطنها : ياخوفى بكرا تتطلع ولا تشوف ابوك دخلت عليها امها : سمر سمر لفت نتاظرها: نعم ماما ام سمر جلست على طرف السرير : شوفى الحال هذا ماينسكت عنه سمر مستغربه : أي حال ام سمر: حالك انتى وزوجك للازم تسألين عنه سمر: ماما نسيتى ان عادل مو زوجي ام سمر : الا زوجك سمر طارت عيونها قدام: كيف ام سمر: عادل جانى يوم انك بالمستشفى وعلمنى بطلبك منه وقال انه الموت عنده اهون من انه يطلقك قلت له قل لها انك طلقتها ولا تطلقها سمر حست بحزن العالم اجتمع فيها : آاااااااااه ياعادل فى بيت خالد ابو خالد توه راجع من السفر: خالد خالد كان جالس يفكر: هلااا ابو خالد مستغرب حاله ولده: وش فيك خالد بعد تفكير : ابوى انا ابقولك شي ابو خالد: قول خالد: انا قررت اتزوج ابو خالد مصدوم: نعم اجل انت هالحين وش خالد: هند عمرها ماتصلح زوجه دلوعه حييييل وتبينى على كيفها وانا خطبت بنت جيران امل ابوخالد: هند تتدري خالد: علمتها وعطيتها يومين تفكر وهالحين انتهت المده ولا ارجعت ابو خالد: بطلق هند خالد والدم تجمع بعروقه: طبعا لا ابو خالد: اسمعنى دامك قررت تتزوج هى اذا تبي الطلاق طلقها وخلها تشوف نصيبها مع غيرك خالد هنا ماستحمل وقام: غيري تحلم تأخذ غيري وطلع من البيت معصب فى بيت هند هند منسدحه على السرير ولها كم يوم ماتأكل وحالتها حاله رحاب: هند ارجعي لزوجك هند بحزن : خالد باعنى رحاب : انا دريت انه خطب بنت جيرانهم هند قامت : يعنى خلاص خالد بح >>>وقعدت تبكي رحاب : روحي له هند ودموعها على خدها: لااااااااااا رحاب: الله يهديك |
فى بريطانيا
ربا وهى ماسكه رأسها : يوسف يوسف سمعها وجاء مسرع : ربا وش فيك ربا : رأسي يوجعنى حييييل يوسف : سلامتك من كل شر يالله حبيبتى نروح لمستشفى ربا قامت وهى ماسكه يد يوسف وراحو لمسشتفى وهناك بلغهم الدكوتور ان ربا حامل فرح يوسف حيييييييل بالخبر هذا وفى يوم كان يوسف طالع من الشقه ورايح لعادل عادل بفرح: هلا يوسف اخبارك يوسف : هلاا فيك انا تمام وانت عادل : ماشي الحال يوسف بعد تفكير: عادل ممكن اطلب منك طلب عادل بسرعه: آمر يوسف: مشكور... عادل زوجتى ربا حامل وكنت ناوي انا وهى نروح زياره لسعوديه بس عقب حملها ماقدر عادل: الف مبروك يوسف: الله يبارك فيك.... بس انا عندى شغل بالسعوديه وللاسف ماقدر انزل معى كم ورقه للازم توصل ابو خالد ضروري عادل تغير وجهه: تبينى انا اروح يوسف: عادل الله يخليك مالي غيرك عادل ماحب يفشل يوسف خصوصا اول مره يطلب منه طلب : ابشر ...متى يوسف بفرح : بكرا عادل : خلاص ولا يهمك يوسف : مشكور فى بيت سمر هند: سمر خالد باعنى عارفه شلون باعنى سمر: هند تخيلي لو خالد تزوج وخلاك وش راح تسوين هند تبكى : مادري سمر: هند روحي له خالد يحبك هند ساكته فى بيت ابو خالد كان خالد كاشخ حيييييل كان لابس ثوب وشماغ احمر خطيييييير كان طالع فى منتهى الرجوله سمع احد وراه ناظر لقى هند خالد مصدوم : هند هند: ليش بعتنى ياخالد خالد: انتى اللي اخترتى هند : طيب دام الدعوه اختيار طلقنى خالد قرب من هند وصار وجهه بوجهها : اسمعى طلاق مانى مطلق عندك البحر روحى بلطيه هند وهى تناظر عيونه: انا ماتحمل انك تأخذ وحده علي خالد وهو يناظرها : اللي اخذها بعد ساعه بتصير زوجتى هند على طول نزلت دموعها وحضنت خالد وحطت رأسها على صدر خالد انصدم ماقدر يتكلم هند وهى تغوص بأحضان خالد وكانها تبي منه الامان : انا احبك تكفى اذا مت تزوج علي خالد ابتسم وحط يدينه على ظهر هند وقربها له حيييل : واخييييير قلتيها... ياغبيه انا احبك بس سويت كذا علشان ترجعين لي انا اصلا ماخطبت احد هند رفعت رأسها من حضن خالد : نعم انت تلعب علي خالد شال هند وقرب وجهه من وجهها : رجاء لاتكلمين خلينا نبدأ صفحه جديده هند ابتسمت : من عيونى خالد نزل هند وراح لمسجل وشغله ومسك يد هند وقربه منه وهند حطت رأسها على صدره وهو حط يدينه على خصرها وقعدوا يرقصون >>الله لايغير عليهم هههه فى بيت سمر كان بروز صغير فى بطن سمر ام سمر: سمر بطنك بدأ يبان سمر وهى تمسح عليه: الله لايحرمنى منه ام سمر : امييين سمر : ماما هند عازمتنى عندها ام سمر : روحى لها اهم شي تغيرن جو |
فى بيت ابو خالد
هند : خالد خالد كان فى الحمام : هلااا ياعيون خالد هند استحت: مو قتك الجرس يرن انزل شوف من خالد طلع من الحمام ولبس لبسه ومر من جنب هند وعطاها بوسه على خدها هند مسكت خدها : الله لايحرمنى منك خالد فتح الباب خالد: مييييييييييييين عادل >>>لا تنسون خالد شاف عادل فى المستشفى لما كانت سمر بعمليات عادل مصدوم: خالد خالد: تفضل عادل : لا مانى مطول بس جبت لك اورق عطها ابوك من يوسف وتره يسلم عليكم خالد: الله يسلمه بس والله ماتروح الا بعد ماتشرب القهوه عادل : طيب دخل عادل فى المجلس وراح خالد لهند خالد: هند من تتوقعين عندنا هند: من خالد: عادل زوج سمر هند انصدمت حيييييييييييل : عادل خالد: ايه هند: تكفى خالد لاتخليه يروح سمر راح تجيى لي وابيها تشوفه تكفى خالد : ماطلبتى شي حياتى هند : يابعد قلبي انت راحت هند واتصلت على سمر : سمر لا تأخرين سمر : وش فيك هند مرتبكه : ولا شي وصلت سمر بيت هند وحست ان دقات قلبها تتسارع ماتدري ليش ان قبض قلبها سمر فى خاطرها : ياربي وش فينى اول ماوصلت سمر لباب اتصلت على جوال هند هند: هلااا سمر: انا عند الباب افتحى هند" طيب راحت هند وفتحت لسمر ودخلتها للمجلس وطلعت عنها ثم اتصلت هند بخالد: خالد اسمعنى انا وانت بطلع من البيت ونخليهم لحالهم شوي خالد : طيب وش اقول لرجال هند: لا تقول شي انت اطلع وبس خالد: طيب يالله استناك فى السياره هند: طيب دخلت هند على سمر : سمر امك عند المجلس تبيك سمر: امي !!! هند: مافيها شي بس جت وتبيك بمجلس الرجال سمر عقدت حواجبها : طيب بروح اشوفها هند فرحت وطلعت لخالد وراحوا فى المجلس فى المجلس فى المجلس دخلت سمر : ماما رفع عادل عيونه بتجاه سمر ( صدقونى ماقدر اوصف حالته وحالتها تخيلوا ياجماعه انسان يعتقد انه مات يلقاه قدامه) عادل خلاص تلاشي ضاع انصدم فتح فمه: ســ.......مر سمر خانتها رجوالها وقعدت عند الباب ودموعها على خدها وبصرخه قويه : عـــــــــــــــــــادل عادل قام مفزوع : يارب انا احلم سمر مدت يدينها له : تعال ياحبيبي والله ماتحلم عادل قام لها وراح لها لين وصل وقد مثلها وجهها بوجه : شلون انتى متى سمر بدموعها: لا مامت انا حياء قدامك انت رحت وماكنت تدري ان الله شفانى عادل سحب سمر وحظنها بقووووووه : انا محتاج لك سمر ودموعها : وانا اكثر عادل دموعه على خده : تدرين انا مانمت زين عقبك انا تعبان سمر : خلاص راح التعب تعالي لي وانومك انا عادل ودموعه: انا احبببببك لا تتركينى سمر وهى تهمس بأذن عادل: عادل عادل ومسكر عيونه وحاظنها: عيونه سمر: انا حامل عادل بعد سمر عنه وقعد يدقق فى ملامحها : انت حامل يعنى انا ابو يعنى بصير ابو سمر وتضحك: واحلى ابو عادل مسك يدها وقال : يالله سمر نرجع لبيتنا قبل لااموت من الفرحه سمر: بسم الله عليك يالله حبيبي نروح لبيتنا فى سياره خالد خالد: شوفى الدكتور يقول لا تحركين كثير هند: ياسلام على كيفه هو خالد:ههههههه ماتخلين طبعك انتى بتصرين ام وطبعك كذا هند بعصبيه : وش فيه طبعى وصل خالد البيت وفتح الباب اللي بجهه هند وشالها هند : نزلنى فشيله خالد: ساكت هند: خالد نزلنى وصل خالد غرفته ونزلها : حبيبى انا مشتاااااااااااااق لك هند: ياكثر ماتشتاق خالد : هههههههههههههههههههه اموت على الرومانسيه حقتك ههههههه هند وهى على السرير : ابي انام خالد : وانا ابي انام هند: واللي يطالعونا خالد: من عسى بس تقصدين نذله بس اخلاق هند: هى واللي يطالعونا هههههههههههههههه خالد : خلاص بسكر اللمبه علشان مايشفونا ههههههه هند: ههههههههههههههههههههههههه تمت وسلامتكم |
|
|
|
|
| الساعة الآن 09:16 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية