صفحة 3 من 3 < 1 2 3 عرض 40 مشاركات من هذا الموضوع لكل صفحة

جنــــون 08-07-2011 09:13 PM جرح الزمان . زد يا زمانــــــي ما تبي من عـــــذابى ……………………………… واجعـل حيـــــاتي لعـبـــــــةٍ تلتهـــي به لك يا زمــــــــــاني كـــــل شــيٍّ ولابي ……………………………… غـــيرالفــــؤاد بلـــــــوعـتــــك لاتصيبه قلــبٍ تناسـى بالأمـــــل كـل مــــــا بي ……………………………… رغم المــــآسي والجــــــــروح العطيبه يكفيه مــا به يازمـــــن من صــــوابي ……………………………… وتكـفـيـــه نيـــــــــرانٍ تــوقّــــــد لهـيبـه أطـعـمتنـي هــــمٍّ وعـلـقــــــم شــرابي ……………………………… وكن الحشى جمــرالغـضــى يصطلي به ويـــلاه من جــرحٍ عميـــقٍ سطـى بي ……………………………… القلــب يشكـــي والمـــدامـــــــع تجيبــه فــي وحشـةٍ واســمــع عَـوِي الذيـابي ……………………………… واجـاوب عْــــوى الـــذيب واقنـــب قنيبه مظلـوم واشــكـــي كل هــــمٍّ لجــــابــي ……………………………… يالله عـســـى مـــا صـــابني مـــا يصيبـه وحــــالــــي نحــيـل ويستــــرنه ثيـابي ……………………………… والســـــد بــــــاح وكـــــل حـــيٍّ دري بـه مـــاهـمـنـــــي لـوكـــل حــيٍّ حكــى بي ……………………………… أكــــبــــر هـمــومــي من فجعـنــي مغيبه جيـت المــكـان ومسكــنٍ عـنْـه غــابـي ……………………………… غــــــــادي خـرابٍ عـقــــب عــــزٍّ وهيبه البيـــــت مـوحــش دون بـابـه تــــرابي ……………………………… مـظْــلِـــــم.. ولا يضْـــوِي مكــانٍ مهي به وحيــــنٍ لقــيـت آثــارنا والـــمــخــابـي ……………………………… وشفـــــت المكـان اللي نْهَمس ونْحَكِي به قلــت أه واويـلاه مـــــن حـــر مـا بـــي ……………………………… تاهـــت خطـاي وسلــوتي ويــــن هي به أنشـــــــد وانادي ولا لقـيـــت الجــــوابــــي ……………………………… ولاحْْـــدٍ سمـــع صــوتٍ جريـح ٍيجـيـبــه لاعَتنـــــي الفرقـــــى ولا حْــدٍ درى بي ……………………………… ولاحْـــــدٍ سمـع شكـــــواي ولا دلّنـــي به وين انت يا راع الثمــــــــــان العْــذابي ……………………………… ويــن انت يا راع الوصـــــــوف العجيبـه عين المهـا اللي خــــــــايفٍ واستـرابي ……………………………… حــــــــذرٍ وهـــــــــو متـــولـــمٍ للهــريبـه عينٍ سبتني مهجتـــي سحـــــرهـا بــي ……………………………… ترســـل سهـــــوم من حــــــلاها صـويبه وان هـــــو نظــر لي نظــــرةٍ به عْتابي ……………………………… يمحــــى الغـــــلا كــــل العتــــاب ويذيبه خــــلٍّ نســى كـــل المــــلا والتهــى بي ……………………………… يــــوم ان كلٍّ ملتهــــــــي عـــــــن حبيبه حسـبــــي علــى وقـــــتٍ غـــلـــق كـــل بابي ……………………………… عـقــــب الهـــنــــا لــي كــــل هـــمٍّ يجيبه فقــــدت مــــن عـقـــب السعــــاده صـــوابي ……………………………… فـــــــي غـــربةٍ والقلــــب ظــِّلـي يــريبـه يــــالله يـــا منشــــي المـزن والســـحــــابي ……………………………… ياعــــالـــمٍ فـــي ســـــــر كـــونك وغـيبـه تجــــمـــــع قلـــــوبٍ دامــيــــات الصــوابـي ………………………..……. يـــوم ان مــالـي غــيـــرك انت التجــي به

جنــــون 08-07-2011 09:13 PM أبوي مات إخواني .. السلام عليكم ورحمة الله وبركاته : كل منا لا بد وأن يعترضه من المشاهد اليومية الكثير فتجد منها المضحك ومنها المؤلم والمبكي ومنها ما يمر مرور الكرام .. وهذه قصيدة تحكي واقعها بعد أن شاهدت أحد الأطفال بجانب باب منزلٍ يبكي .. وحالته وحالة المنزل تكفيك عن السؤال عن أحواله .. فلما إقتربت منه تألمت لما شاهدته فيه من براءة الأطفال مع ضعف الحال. .أصبحت الدنيا حينها لا تساوي شيئاً .. فمــــا كان منــي إلا أن أُخـــرج ما بداخلي في هذه القصيدةٍ التي نظمتها بتلقائية بعد أن شعرت بأن الكلمات تتدافع في صدري وقلت : يالله ياللي ما سجـــدنا ســـوى له ..................... يا من ليا ضـــاقت بنا نلتجي له تقبل رجا اللي جاك من ضيق باله ..................... حـــاله عليـل وكــل هـــمّ يشيله وحيـــد فـــي برّ خـــلاوي لحـاله ..................... بين الخشــوم النايفـات الطويله يسمع صفير الريح في راس جاله ..................... ومن الهفا يسحب هــلايل شليله المـوت لااااااح لنااااظره واستوى له ..................... شــال الحمـــــول الهيّنه والثقيله تدري وغيرك ما درى وش جرى له ..................... بين الـرجا والياس وااااعزتي له من شوف طفلٍ حالته يرّثى له ..................... له عند بابٍ حســـــرةٍ شــوفتي له طفـــلٍ يتيم ويدمــي القلــب حاله ...................... الثوب جـــرْد ولا تحــتْــه الفنيلــه ما حـــوله إلا شنيطـــةٍ شلتهـــــا له ...................... وحيـــنٍ حضنتـه ضمنـــي كل حيله يبكي على امه حين طــاحـــت قباله ....................... ولا حوله اللي لاجلهـــا يشتكـي له يقـــول يا عمــي تجـــــيب الدوا له ؟؟ ....................... أبوي مــات ومــا مِعِــي اشتري له ثم اخنقتنـي عـــبـــرةٍ مـــن سؤاله ........................ من نظرته ودمـــوع عينه هميـله ارخصت أنا الدنيا الوسيعة فدا له ........................ ولو هي على اللي مثل حاله قليله رجاي باللي ما نسي مــن لجا له ......................... يرحــم ضعيــف دون حيلٍ وحيله .

جنــــون 08-07-2011 09:13 PM مع أطيب تحية .. أقدم لكم هذه القصيدة التي إلتقطتها من بين أوراقي لتنال شرف إطلاعكم عليها ولو أنها تحكي أو تبوح بما في نفسي في لحظةٍ من اللحظات المؤلمة .. لحظة قد يمر بها كل إنسان .. مع تمنياتي أن لا تكدر خاطر أحد منكم .. الله مـــــن عــــينٍ جفـــــت لــــذة النــــوم ،......................................... والقلـــــب يِِطعن في ســــــــــلاحٍ شطــــــــيري حــالـي كمـــــا طفـــلٍ يتيـــــــمٍ ومحـــروم ،......................................... يبغـــــــى الحنــــــان ولا لقــــــاله مجــــــيــري يلعــــــب مع الأطفـــال والهـــــم مكتــــوم ،......................................... شاف العــــذاب وتـــــــو سنّــــــــــه صغــــيري مجـــروح شــــــاف من الغـــرابيل بالكوم ،........................................ ولا شــــــــاف عز ولا بعــــــــد شـــــاف خـيري مـــــا له عــــوين ولا وليــــــفٍ ومذمــوم ،........................................ وعلـــى اطـــــرف الـــــزلالت ذنبـــــــه كبـــيري لا يا زمــــاني يكفــــــــي القلـب مـــزحوم ،........................................ فيـــــه الهمــــوم وكــل جــــــــرحٍ خطـــــــــيري لولا الــــــرجـــــا ما تحمـل الصبر لو يوم ،........................................ ولا لـــي بغــــــــير الصــــــــبر خــــلٍّ يجـــــيري يا صـــــــاحبي إنت الرجـــا والأمــــل دوم ،........................................ والخــــــوف مــــــن وقـــــــتٍ بدى يستـــــديري حـــل الفـراق وبيننا الوصـــــل معــــــدوم ،....................................... غصـــــــبٍ علينا صــــــــــــــار حبلـــــه قصـيري مقسـوم بُعــــدك يا هوى النفس مقســــوم ،........................................ ويلاه مــــــــن نارٍ بخـــــــافــــــــــــي ضمـــيري عــــــــزي لقلــبٍ من عــنا الوقت مظيـوم ،........................................ حــــــدّه عـــــن اللي يهتـــــــوي لا يســـــــــيري وعـــــزي لمن مثلـي جـرع كاس مسمـوم ،........................................ وعـــــزي لمــــــــن شـــــــابه مسيره مســــيري وقتــــــي هو الظـــــالم وأنا منْه مظلــــوم ،........................................ ولا حْـــــــــدٍ شَـعَــر في لـوعــــة القلــب غــيري الهم يلعــــب في خفــــــى النفـس ويحـوم ،........................................ مـــــــــــا بين ضيقـــــة خاطـــــري والهجـــيري محــــــروم مجـــروحٍ غـــريبٍ ومهمـــوم ،........................................ محــــــــــــــزون فــــي دنيا التعــــــاسة كسيري ما كنت أظــــن ان الهــوى عِرف وسلـوم ،........................................ احسـبنـــي بـــرفّــــــة جنــــاحـــــــين اطـــــيري واهيــــم في دنيا السعــادة مــع الـحــــوم ،........................................ هـــــــــــــذا يســـلّـيـنـي وهـــــــــــذا عشـــــيري أثري الهـــــــوى راعيه مبلي ومحكــــوم ،........................................ نارٍ تلظّـــــــــــى وكـــــــل جـــــــــــرحٍ تثـــيري ولا هــــــو على مــــا به خليٍّ من اللـــوم ،........................................ كـنــــه مـــــــن اقصـــــى الناس مــــا فيه خيري يمضي زمـــــان العمـــــر يومٍ ورى يــوم ،........................................ يرجــــــي ســــنا ضـــــــــوٍّ لـــــدربه ينـــــــيري هــــذي حيـاة أهل الهوى بالهـــــوى دوم ،........................................ يمشــــــون دربٍ مــــــن عنــــــاهم عســــــيري يرجـــــون يـــومٍ ياقف الحـــــظ ويقــــوم ،........................................ ولــــــو هــــــم يعرفـــــــونه رديٍّ ضــــــــريري يا من قريت الحــــرف شعـــرٍ ومنظـــــوم ،........................................ مــــن طيـــــر شلـــــوى جــــــاك قافٍ غـــزيري باسم الـــوفا يوصــل للأجــــواد مختــوم ،........................................ ومعــطــــــــرٍ مـــــــا بين مســـــــك وعبـــــيري مرسول مــــن قلبٍ على الطـيب مفطـــوم ،........................................ يحمــــل لكــم أسمـــــى خفــــــــــايا ضمــــــيري

الساعة الآن 02:31 AM

صفحة 3 من 3 < 1 2 3 عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية