صفحة 3 من 3 < 1 2 3 عرض 40 مشاركات من هذا الموضوع لكل صفحة

جنــــون 08-08-2011 03:08 PM http://sqourelaqeeda.com/vb/uploaded...1280948817.gif الضيقة تحميل الضيقة اللـي دايـمٍ تالـي عصيـر وش حيلتـي وأردهــا لا تجيـنـي لا طال ظل العود حزة عشـى الطيـر كنها على سجـن الحديـد تحدينـي يضيق صدري كل ما جـات وأسيـر ولايخفـف سـوج رجلـي حنينـي لا حولنا مشـراف ولا اقـدر اطيـر يالله قسـمـة خـيـر لا تبتليـنـي وعقارب الساعة توقف عن السيـر ولاكن في الدوحة سواتـي حزينـي والعبره اللي تاصل الحلـق وتحيـر يا قربها لو قيـل لـي يـا عوينـي أمل شـوف النـاس ورد ومصاديـر واللي يقول اشفيـك كنـه يهجينـي يعني على ما قيل من بـاب تصويـر (لاحدٍ أبي قربـه ولا أحـدٍ يبينـي) أروح أدور خـط مـابـه دواويــر وأدور الـلـي هـادهـا تهتديـنـي وآخذ مع الهاجوس سجـة وتفكيـر وأراجع اللـي فـات بينـي وبينـي وأحسـب ذنوبـي وأدور التكفـيـر عساي مـا قصـرت فـي والدينـي وعساي ما قارنت من ينفـخ الكيـر واللي يحمل المسـك جعلـه قرينـي ويطري علي يوم الحشر وأطلب مجير ما أعطى كتابي في شقيقـة يمينـي ويطري علي صدقان كثـر الدنانيـر اللـي اتعادينـي إلا كـثـر ديـنـي وراعي الهروج اللي سوات المناشير أصـد عنـه وأدري انـه يعنيـنـي الله حسيبه يـوم عـرض القواويـر والله حسبـي مـن صـواب مكينـي وإلا طرالـي واحـد كانـه اصغيـر أم أصغـر بيومـيـن ولا سنيـنـي دريت وش قومـي وعينـت تفسيـر للضيقة اللـي مـن زمـن تعتلينـي حبه بصدري سالفة سـر فـي بيـر وكـن الفـواد يقـول هـذا زبينـي أشفق على علمٍ يجي منه مـن غيـر لا يسمع اللي سولفـوا بـه ونينـي يا كثرهم غيرهم ولكـن خبـر خيـر ما غير شوفه في الوجـود يهنينـي رايي كـذا يـا عاشقيـن الغناديـر ماله على وجـه البسيطـه وزينـي العام أجيهم مـن حسـاب المساييـر واليوم حـال عـداي وينـه ووينـي خطاي تعليق الأمـل فـي المدابيـر اليـن راح وشفـت حقـري بعينـي صبرٍ جميـل وخابـر إنـه مقاديـر والله على تخفيـف حزنـي عوينـي ذي حالتي لين اتغبا الشمس واصيـر معطى سراحي عقب مانـا سجينـي واذا امتلى جوف الشجر بالعصافيـر طلبـت مـن رب العبـاد يهديـنـي يعتقني المذن عقب ضيقـة عصيـر اللي على سجـن الفـراق اتحدينـي http://sqourelaqeeda.com/vb/uploaded...1280948858.gif

جنــــون 08-08-2011 03:08 PM http://sqourelaqeeda.com/vb/uploaded...1280948817.gif قصيدة إبن فطيس في شاعر المليون 2 العام خذت البيرق (للتحميل) العام أخذت البيرق وصدت العقـاب يوم الرجال حلوقها مـن دون ريـق أسرجت شعري والجماهير الزهـاب وسنادي بلاد وولـد عـم وصديـق وحولت في الوادي وهو دونه ضباب مدري ورى الوادي مطر ولا حريق كم فارسٍ وده يحـول غيـر هـاب يستوحش الماخوذ لا شاف المضيق اقدمت والفرسـان ترتـاب وتهـاب أجـري الهيـاب وأقـز الطـريـق ومثلـت داري بالقصيـد وبالجنـاب من الشمال الى العديد الـى العريـق ترابهـا بالحـس ماحسـه تــراب وحزومها تسوى الزمـرد والعقيـق ومثلت راية من تليـن لـه الرقـاب صليب راي وكفو وحجاجـه طليـق ممشـاه للعليـا ذهـاب بـلا إيـاب الشيخ ابو مشعل حمد علـمٍ دقيـق ومثلت كل الشعب من شايب وشـاب بدو وحضر تاريخنـا عـزٍ عريـق ومثلت ربعٍ في الوغا مخلب ونـاب مريـةٍ تاريخنـا مـاهـو لفـيـق حن مزبن اللي لا يجـار ولا يثـاب وحن فزعة اللي ذودهم راحت وثيق أقدامنـا جبـال وعمايمنـا سحـاب وأمجادنا تشبه سهيـلٍ لهـا بريـق ومثلـت يـام بكبرهـا والانتسـاب الـى همـدان نجـمٍ لـه شعـيـق الله خلقنـا سيـلٍ متونـه هضـاب كل السـدود نحطهـا حـبٍ دقيـق شاركت متوكل على منشي الحقـاب وحزامي من الشعر والعـده يضيـق وطرقت بيبان القوافـي بـاب بـاب وقدمت ماشفتوا جميـع انـه يليـق وحشمت اذانيكم عن سقاط الخطـاب ورقيت بإيديكم علـى قمـة طويـق ووعدت داري بالفخر قبـل الكتـاب ووفيت بأمـر الله بالعهـد الوثيـق وسترت بأفعالـي مزينـة الخضـاب وقهرت عدواني ونومسـت الرفيـق ولطم بعيري شـوط واحـد للركـاب يقوم راس وينتهـي ماهـو زريـق ومن كف ابو خالد تسلمت النصـاب من كف من عينه على القمه تويـق شيخٍ يروم المجد ويـروم الصعـاب خلا الشعر من نومة الغفلـه يفيـق واليوم لا والله شفت القـاف شـاب صار الشعر كوره وكـلٍ لـه فريـق وضاع الهدد بين الحديـه والغـراب وضاع الصهيل مكرمين من النهيـق إلا الرجال اللـي قصايدهـم عـذاب اللي لها معنـى بهـا حـسٍ رقيـق لاتشعل الفتنـه ولا تطـرد سـراب ولا يرقـع مـا نقصهـا بالزعيـق بس العرب ما عاد تدري بالصـواب ما ميزوا ويش الزفير من الشهيـق من جاب ضيعه قل شوفوا ويش جاب انا اشهد انه جاب له معنـى عميـق الذيب كانـه ذيـب يـدرع فالذيـاب يخلـي الخرفـان للضبـع العويـق ماجيت انافس جيت دعـمٍ للشبـاب وفوزي دمه عاده على القمه يريـق http://sqourelaqeeda.com/vb/uploaded...1280948858.gif

جنــــون 08-08-2011 03:09 PM http://sqourelaqeeda.com/vb/uploaded...1280948817.gif الله يجازي للتحميل الله يجازي من يسوّي سواتك ..::.. وبذنوب من سوّى سواتك يجازيك مشيت درب الثقل وتحب ذاتك ..::.. ماتدري إنه للمهالك يوّديك غرّك جمالك ياخسارة حلاتك ..::.. ماتدري ماغير طبعك يحليك أتقول زينك يشفع لـ سيئاتك ؟!! ..::.. الحسن ماهو عن وفا الحب يعفيك لو التواضع والوفا من سماتك ! ..::.. بعت الحبايب كلهم دين وأشريك لكن عجزت أغيّرك ياجراتك ..::.. على الغياب اللي بلا عذر ينجيك خطأي في توضيح وشـ هي غلاتك ..::.. وخطاك في توضيح وشـ هو تغلّيك وشلون توصيني وتنسى وصاتك ..::.. وتصد عن صوت(ن) تقطع يناديك مافادك التجريح والعذر فاتك ..::.. تبغي رضاي الحين ماعاد يمديك صحيح أحبك بس هذي جزاتك ..::.. بعلمك درس(ن) يفيدك ويحييك تدري وش أبيض من خفوقك؟؟ عباتك ..::.. وتدري وش اللي غرني؟ نظرتي فيك أدري بتستغرب تصبر وجاتك ..::.. قصيدةٍ من واحدٍ كان يبغيك وتبغي تناظر وأنت عايش مماتك ..::.. شوف وحدتك والناس تجلس حواليك وتبغي تشوف أشجع رجل في حياتك ؟! ..::.. شفني وأنا مقّفي على كثر ما أغليك http://sqourelaqeeda.com/vb/uploaded...1280948858.gif

جنــــون 08-08-2011 03:09 PM http://sqourelaqeeda.com/vb/uploaded...1280948817.gif الموت تالي العمر للتحميل الموت تالـي العمـر والدنيـا مقيـل والآخرة هـي منتهانـا لا مـحـال وأعمال كل إنسان لـه منهـا حصيـل توضع على الميزان وإن ما مال .. مال وديني وحب النـاس والخلـق النبيـل ثلاث هي دربي إلـى حسـن المئـال ما هي بلحية شـوق للطـرف الكحيـل لا ذكّـر العقـل الجـوارح بـالـزوال الله يقـدرنـي عـلـى رد الجمـيـل والله يجمّلنـي إلـى جالـي مـجـال والله يحـط الستـر لـي ظـلٍ ظليـل والله يقوّينـي علـى وصـل الحبـال والله ينوّرنـي لا صـار الصبـح ليـل والله يقدّينـي إلـى غـاب الـهـلال والله يروّيني السميـن مـن الهزيـل لا ضيّعوا ويش السمان مـن الهـزال والله يكثّـر كـل ما هـو لـي قلـيـل إلا العيوب .. وكـل ما نقصـه كمـال والله لا يحوجنـي لمـدّات البخـيـل ويعيضنـي فـي كـل ما حـرّم حـلال والله لا يذللنـي لسـطـان الذلـيـل والله لا يسقيني المذّلـة فـي الـزلال والله يوفّقنـي إلـى اختـرت الخلـيـل والله يجنبنـي مجالـس قيـل .. قـال والله يساعدني علـى القـول الدليـل وستر من المنقـود وألسنـة الرجـال والله يقوّمنـي إلـى شلـت الثقـيـل ولا ينوخنـي لديـن عـبـاد مــال والله يرحمنـي عقـب عمـرٍ طويـل وأدخل مع السبعة تحـت ذاك الظـلال http://sqourelaqeeda.com/vb/uploaded...1280948858.gif

جنــــون 08-08-2011 03:10 PM http://sqourelaqeeda.com/vb/uploaded...1280948817.gif الوصل أحلام للتحميل الحب مثل النوم .. والوصل .. الاحلام والشيين من الاحلام..صـد المحبييـن نوم ٍ طويل ٍ عمره اشهـور واعـوام وان قمت.. فَفْهمها فرااق وسهر عيـن وانا رقدت وعمري اربع عشـر عـام وصحيت في شهر اربعه عام الالفيـن نـوم ٍ ثقيـل ٍ كلـه احـلام واوهـاام ونصيبي من احلامـه الجانـب الشيـن صحّى الفرااق اقلوب في عكسه.نيـام وغاب الفرح وانا بعكسه الـى اللحيـن ياحزن كبدي حزن من ضاق ثـم حـام اخذت فروخه مـادرى ليـه ولويـن بعد ما شاف العـش عيـدان وعظـام خاالي..تفكر فووق ويسـاار.. ويميـن خلا عشاها فيه ومـن الوطـى شـاام .. زبن علـى روحـه وفـل الجناحيـن وياوجد حالي وجد مـن نـام ثـم قـام على صياح امـه وهـو دون رجليـن عويـق وامـه تنعتـه والنعـت سـام وهو خابر انه يقسـم الصـف صفيـن حبا وصاح بصيحـة ٍ تاصـل الشـام منهـا تقطّـع فـي خفوقـه شراييـن على وليـف ٍ قسـم اظنونـي اقسـام واقفى وانا ما اعـرف طـرد المقفيـن راح وترك في صدري ووسووم واعلام وصّـى علـي طيفـه وقفـى بقلبيـن ليتـه تعـذّر كـان مـاهـو بـمّـلام .. بعد ماشـااف الـدرب بيسيـر دربيـن اشوى عليه شوي..مـن عـظ الابهـام واشوى علي شوي..من دمعـة البيـن تمشـي بنـا الاقـدام والمـوت قـدام وميعادنـا يمفـرق اثنـيـن بعـديـن ياعيـن لا تبكـيـن وعيـونـه تـنـام عادش الى ما خـاب ظنـي بترضيـن لـو الدمـوع اتفيـد فـادن الايـتـام ولـو الكـلام يفيـد عـادت فلسطيـن ولـو النبـاات يطّلعـه دمعـة هيـام شفتوا علـى وجهـي ورود وبساتيـن الحب سجن..وبُعد الاحبـاب الاعـدام وقلوبنـا السجّـان مـدري مساجـيـن الحب نوم ٍ عمـره اشهـوور واعـوام وان قمت فَفْهمها فرااق وسهـر عيـن http://sqourelaqeeda.com/vb/uploaded...1280948858.gif

جنــــون 08-08-2011 03:10 PM http://sqourelaqeeda.com/vb/uploaded...1280948817.gif أنا جيت كلي للتحميل ماهو بكيفك عقب شي حصلي من ذوق المحتاج يصبر الى احرجه خليتني من حلو حاليك احلي واصبحت مدمن حب والقلب روجه بين العروق وصار مافيه ملي الا وله جره تمره وتسهجه وذود الغلا في عشب قلبي تفلي وتراب صدري للمطر منك ما احوجه يمحل الى صديت ويموت يا اللي صديت عنه والله احياه واخرجه ولي خاطر يسألك من لي ياخلي غيبتك تلعب به وشوفتك تبهجه ولي عين حالي دمعها لك يهلي وان رحت راحت مالح الدمع تزعجه غالي ولا يحتاج بسك تغلي غلاك اخذ قلبي وروضه واسرجه ولو قلت ياعيني بصدره تملي شافت خفوق حبك الذرب توجه وماهو على كيفك عقب ما حصلي من ذوق المحتاج يصبر الى ازعجه عطيتني وجهك وانا جيت كلي محروم والمحروم ما ينعطا وجه http://sqourelaqeeda.com/vb/uploaded...1280948858.gif

جنــــون 08-08-2011 03:10 PM http://sqourelaqeeda.com/vb/uploaded...1280948817.gif بعض العرب للتحميل بعض العرب حبة يوردك الجنون ولا يوصف لة غلاة احكاك لة ما يقنعة وصف الغلا وش يكون لو كل حرف بالحرير يحاك لة الموت جاك وهو تقبلة الظنون ولا لك الا الصبر ....وش وداك لة ان قلت ضاق ..قال..هونها تهون مايدري ان ضيقتك لة ..وبكاك لة تقعد تحبة وانت ساكت ومغبون يمكن بيوم يقال لة ما اوفاك لة وكانك مشكك هو يمون ..او ما يمون تخيل ان عفت الصبر فرقاك لة غلاة من فوق الغلا ماهوبدون وحكاة سمعك يجبرك بارخاك لة ودك تحطة فالعيون من العيون وتبسط على رمضى الثرا يمناك لة وتظلة من الشمس في ظل الجفون ولا يمر اذنة سوا لباك لة وتسج من غيرة لونهم يذكرون ومنين ما سجت القدم ممشاك لة فلو يميلة الترف ميل الغصون غصن ليان ومكرمة بسقاك لة جديلة الى اقفي ستر منة المتون كني بريحة لا لتفت لدعاك لة يزها الملابس ..اي لبس..واي لون وفالليل وجهة لا ظهر قداك لة كيك وعسل لكن ما هو في صحون ودعاك من عين الحسود اغطاك لة اللة لا يعطية ناس س ينضلون ويستر علية من النحل لا ياكلة والوصف والتعبير في وصفة يخون غير اطلب الله يستجيب ادعاك لة وهذال قلبك في محبتة يجسون سكينهم عن قطع حبلة حاكلة اللي من لحوم الاوادم ياكلون وحلوقهم دافعالبلا متواكلة ناس عن اعراض العرب ما يعرضون ودايم على نفس الشكل والشاكلة في سلمهم او لا بالاكل الاقربون واطيبهم اللي صيدتة شكواك لة يدعيهم الشيطان للذيب ويجون هذا يقطع لة وذاك يواكلة من جاك منهم لا تبين لة سنون واضرب يمينة لا بغى يسراك لة يا جعلهم فدوة ثر الغض الفتون اللي على درب الطويل اخطاك لة طيفة الى نام البشر زادك بهون وطيفك الى نام البشر سراك لة حبة دفان ومقبرة خضر الطعون بين العظام العوج كنك ناكلة فلو غلاة يوردك حوض الجنون ولا يوصف لة غلاة احكاك لة http://sqourelaqeeda.com/vb/uploaded...1280948858.gif

جنــــون 08-08-2011 03:11 PM http://sqourelaqeeda.com/vb/uploaded...1280948817.gif حسبو ضعفي مرض للتحميل من لقاني قال حالك وشبلاه انت كنك طالع لك من مرض مادرى ان حالي تدانى من احكاه قالها واقفى وهو ماله غرض قلت خله ينبري للي براه وان بغى يفنيه ماني معترض شاف شي في حياته ماهقاه والحزن من ثوب عافيته قرض وراح من رجوى مواصيله وتاه بين كل اللي حصل والمفترض حفيت اقدامي في كبدي حفاه وكني اللي صام امس ولا فرض مشفي للوصل واسقتني الشفاه سمها ...لين حسبوا ضعفي مرض http://sqourelaqeeda.com/vb/uploaded...1280948858.gif

جنــــون 08-08-2011 03:11 PM http://sqourelaqeeda.com/vb/uploaded...1280948817.gif دمعة الرجال للتحميل قد عطيتك وانـت ماضنـك لئيـم .. .. والنصيـحـه لليـالـي تـذكـره لاتحرك جرحـي الماضـي الاليـم .. .. ولاتحسب ان طول بعـدك طهـره كل جرح يهـون يالجـرح القديـم .. .. وكل شي قد مضـا معـك اذكـره جرحي وذكـراك والليـل البهيـم .. .. حـزت فـوادي بمثـل المنشـره العذول غراب وانا اكبـر غشيـم .. .. والجروح الماء وطاريـك حجـره والزمان اكرم من الحـظ الكريـم .. .. لانفتح لي بـاب صوبـك سكـره وحبك اللي لاطرى لي رحت اهيـم .. .. قمت احسب اصغر كلامك واكبـره ليتنـي عـاد الهـوا تـوه فطيـم .. .. انعذلـت لعاذلـي بـس خـيـره مالقيت من الوفـاء يـااول نديـم .. .. كون صدق الحزن وجهه وظهـره عقب رمح الشوق في وجه الصميم .. .. سيف هجرك في قفاه وشف ثـره وانت شكلك تحسبنـي فـي نعيـم .. .. لنـي اخبـي صوابـي واستـره لايغـرك حلـم رجــال حلـيـم .. .. مهون اللي مـن سكوتـه فجـره ولاتحسب الجفن من دمعه عقيـم .. .. يستحي منك والى اقفيـت انثـره ولايغرك وان بدا جسمـي سليـم .. .. والله ان جسمي سـوار المقبـره والله ان امر من ضحـك الغريـم .. .. شوف حقي بين اياديـه اشكـره والله ان احر مـن دمـع اليتيـم .. .. دمعة الرجـال مـن فرقـا مـره http://sqourelaqeeda.com/vb/uploaded...1280948858.gif

جنــــون 08-08-2011 03:11 PM تمـــت ..., مع احترامي للجميييع جنوووو http://dc13.arabsh.com/i/03224/075on40uf666.png

الساعة الآن 10:46 PM

صفحة 3 من 3 < 1 2 3 عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية