صفحة 3 من 4 < 1 2 3 4 > عرض 40 مشاركات من هذا الموضوع لكل صفحة

نظرة الحب 09-13-2010 04:05 AM (الباب المسكّر) يا بديع الحسن والعقـل المفكّـر الوصال يحب والهجـران يُكـره أنت تدري وش ورا الباب المسكّر لا تواعدني على الليلـه وبكـره عل وجداني من الوسـم المبكّـر اللي والله ما حصلي غير ذكـره من تذوق له عسل صافي وسكّـر صار عنده صحوةٍ من عقب سكره مـا يجـازى بالتجنـي والتنكّـر من خذيت بنظرتك عقله وفكـره كن لطيف ولطف الجـو المعكّـر تستحق إجلال عرفانـه وشكـره أنت ما يخفاك بس أحـب أذكّـر وادرج الهرجه على موجه ومكره لابسٍ ثوب الجميـل ولا تشكّـر مير قلبي حرٍ أشقر وأنت وكـره ماتبـي تفكيـر يالعقـل المفكّـر الوصال يحب والهجـران يكـره

نظرة الحب 09-13-2010 04:06 AM (فارعات الطول) يـاصـاحــبــي لاتـبـاطـيـتــك وقــلــبـــي حـــزيــــن رحــت أنـشـد الدالهـيـن الـلـي ( عليـهـم تـمــر ) !! يامـعـشـر الـلــي عـلــى ضـــو الـقـمــر سـاهـريــن مـامـرّكــم عــــود مــــوزٍ فــــي عــلــوّه ثــمـــر ؟! الحـب مثـل ( العـبـاده ) .. و ( أنـفـس المؤمنـيـن ) أشــرّهــا مـانــفــر .. وآخـيــرهــا مـــــا أسـتــمــر يـالـيـت روحـــي عـلــى روحـــك تـــذوب وتـلـيــن وأنـــا اتـكــوّن سـحـابـه وأنـهـمــر .. وأنـهـمــر !! نــظــراتــك يـعـلـمــنّــي ضــحــكـــة الـعـاشـقــيــن والا يـكــتّــنّ فـــــي راحــــــة كــفــوفــي جـــمـــر بـقـى مـــن الـلــي خـذيـتـه قـلــب بـيــن أصبـعـيـن وأن قلـت : هاتـه .. ( مـن عيـونـي وتـامـر امــر ) وأن قلـت لـي : موقعـي مـن عالـم الحـسـن ويــن ؟ بــعــد الـثـلاثـيـن كــــان الله عـطــانــي عــمـــر ؟! اقـــول : مـزيــون وأشـبـاهــك مـاهـيــب أربـعـيــن أشباهـك أثنيـن يـا أمّـا ( شمـس ) والا ( قـمـر ) !! يكـفـي أنّــك أوّل ظـبْـي يـاخـذ مــن الصـقـر عـيــن ومـــــن الــذلـــول الـعـمـانـيّـه هـــيـــام وضـــمـــر ( مـعـنّـقـك ) شــبــر فــــوق مـتـونــك وقـفـلـتـيـن و ( يديك ) منجم ذهب .. و ( شفاك ) حانة خمر .!! مــدري وش الـلـي خــذا الله مـنْـك وأعـطـاك زيــن مــا لا عـطـا فـارعـات الـطــول بـيــض وسـمــر !! ماشـفـت ( هالوردتـيـن ) وشـفـت ( هالجمرتـيـن ) لــهــن ثـلاثـيــن عـــــام ولايــزالـــنّ حــمـــر ..!!

نظرة الحب 09-13-2010 04:06 AM (الضمير المستريح) وادعينـي وأتركينـي عسـى دربــك سـمـاح القنـاعـه كـنـز عـنـد الضمـيـر المسـتـريـح أتركيـنـي ضـايـق الـبـال مكـسـور الـجـنـاح آتـثــاقــل قـومــتــي وآتــحـــالا لـلـمـطـيـح ياهـنـوفٍ علّـقـت قـلـب شـاعـرهـا وطـــاح وأحفـرت لـه فـي مسابـل مدامعهـا ضـريـح تنقله مـن بـورة اجـراح إلـى بـورة اجـراح مثـل ماينقـل علـى متـن الإسعـاف الجـريـح يــوم قـفّـت تـرّفـع اللـيـل وتـحـط الـصـبـاح كنّهـا شـيـخٍ مــن الطـيـب مطغـيـه المـديـح تــــدري أن الله وأكــبــر وحــيّــا لـلـفــلاح لا علـى الديـن اليهـودي ولا ديـن المسـيـح مـيـر ذمّــة شيـخـة الغـيـد سـيّــدة الـمــلاح ذمة ( أحمد نور عبدالصمد عبدالسميح ) !! لــه عـلـى كــل المـحـاور منـافـذ وإنـفـتـاح مـــرّةٍ يـكــذب ومـــرّه يـعـلــم بالـصـحـيـح مـادريـت أن إجتـيـاح المـجـاريـح إجـتـيـاح ياطـريـح ألــزم فـراشـك وخـلــك يـاطـريـح الـحـيـاة أحـلامـهـا تـذهــب أدراج الـريــاح توهمـك بأشيـا تكـوّن عـلـى الـبـال وتبـيـح أعذريـنـي يــوم أقـابـل طـعـونـك بـإرتـيـاح كيـف لا والجـرح مملـوح والـجـارح ملـيـح أعذب مـن النسمـه اللـي يمـر بهـا الصبـاح لا أستقـرت فـي فـوادٍ مـن الفـرقـى جـريـح

نظرة الحب 09-13-2010 04:06 AM (وادي سوات) البارحـه مـن ضيـقـة الـصـدر محـسـوس غـابـت عـلـي الشـمـس بـأطـراف قـمـه رجلي على جمـره وكبـدي علـى مـوس عـامـيـن والـثـالـث عـلــى آخـــر مـتـمـه صديـت عـن وادي بـه الحبـل ممسـوس وعـن وجـه ابـن عــمٍ يهـيـن ابــن عـمـه ماقـلـت جـعــل الـــروس تفـدالـهـا روس اقـــــول وجـــــهٍ تــمــدحــه لاتـــذمـــه أدري أن مسيري عكس والدرب معكوس وأدري أن ســلاح الــداب نـابــه وسـمــه مـاكـل جـاسـوسٍ نسـمـيـه جـاســوس لـــو نـعــرف الــلــي كـلـفــه بالـمـهـمـه جــد الـولـد منـحـوس وأبـــوه مـنـحـوس جـاء مـن ظـهـره وقــال لأبلـيـس سـمـه وقّف علـى أطـلال المشاعيـب والفـوس رمــه ويـبـكـي لـــه عـلــى قـبــر رمـــه لـكـن بـيــت الـنـمـل والـــذر والـســوس مـاهــوب بـيــت الـلــي كـبـيــر مـعـمــه الـنـاس نـبـت بروسـهـا ريــش طــاووس تـفـاخـروا لــيــن أنــكــر الـعـبــد عــمــه تنومسـوا فـي شــي مـاهـوب نـامـوس وأصـطـفـوا وصـلــوا عـلــى غـيــر يـمــه الـلـي مـعـه ثــروة سـنــادات وفـلــوس يــرهـــن مـقـابـلـهـا كــرامـــه وذمـــــه يعطيـك فـي الحسـنـى نــدوات ودروس ويصـرف لــك الاخــلاق مــن راس كـمـه أن عـاف مـاكـن الطـمـع فـيـه مـغـروس وأن طمـع فـي حاجـه نسـى أبـوه وأمـه مـانــوس يـالــوادي ولانــتــه بـمـانــوس مــهـــم ولا فــيـــك حــاجـــه مــهــمــه اللـي عـلـى جـالـك يصـيـدون جـامـوس والــلـــي وراهـــــم يـاكـلـونــه بــدمـــه اذيـابـتـك نـجـسـه وفـيـرانــك انــجــوس ومــن طـحـت بـيـن يـديـه يكـلّـك فـمــه أصــنــام تبـنـيـهـا نــصــارى وهــنــدوس عــلـــى قـــبـــور الأنــبــيــا والأئـــمـــه يامملكـه صـدري مـن الـقـوس للـقـوس مـــــن لايـهــمــك لاتـشـيـلــن هــمـــه أهـون علـي العيـش منـفـي ومحـبـوس ولايـنـبـعـث ريــــح الـخـيـانـه واشــمـــه مانـيـب دايــم رايــق أخــلاق وهـجــوس أن مـاضـويـت بـكـارثـه جــبــت بــمــه !!

نظرة الحب 09-13-2010 04:06 AM (لغة لاتفهم) تـبـيـنــوا يـــانـــاس والا تــغــبــو اوإذا لمحـتـوا دمـعـة العـيـن غـبـو لاينفـضـح ســر العـيـون الحزيـنـه اللي على هالاسم شابوا وشبـوا ان القلوب اجهل من الجهل نفسه مـن كثـر لوعـات الـهـوى ماتـربـوا استاسدوا فـي غيهـم واستماتـوا وبعـد ماماتـت روعـة الحـب حـبـوا وإذا فهمتوا حرف مـن هالقصيـده تـنـبـهـوا بـالـلــي وراه وتـنـبــوا..! فهمتوا شي...!

نظرة الحب 09-13-2010 04:07 AM (مشكلة البداوة) جـعــل زولٍ مـايـمـر الـكـبــود الا غـسـلـهـا بـعـد زولٍ شبـهـا حــزن وأشعلـهـا حـريـقـه من رفـع لـه رايـةٍ مـن لـواء الحـب وحملهـا لا يقول الشوق قاسي وأحاسيسي رقيقه والله أن يـبـيّـن الـصـبـح عـيـنـي مادخـلـهـا مـن كـراهـا لا النـعـاس القلـيـل ولا رفيـقـه لــد عيـنـك يـاغـزال القـصـور الـلـي نخلـهـا من قرب من حروته شـرب مـاه وبـل ريقـه تتعب الأحـلام فـي شوفتـك ويطـول أملهـا والوجيـه اللـي لــو تـمـوت مـاهـا ماتريـقـه بــــدويٍ ولــــع الــنــار والـنـاقــه عـقـلـهــا حـل مشكلـة الـبـداوه مـعـه بـأيّـة طريـقـه وهقـوه بقـول ( مـال الحـمـول الا جملـهـا ) ليـن شـال مـن الخطـا منكبـه مـالا يطيقـه نسّـه بحلـم المدينـه شـقـا الـبـدو وجهلـهـا مايبـي عـن باقـي العمـر مـنـك الا دقيـقـه يتعـلـم فــي بــلاط الجـلالـه كـيـف يـلـهـى مـع ذوات الـدم الأزرق والأنـسـاب العريـقـه النفـوس أخـوان فـي خلقهـا لا فـي عملهـا أتـخـذهــا قــاعــده ثـابــتــه والا حـقـيـقــه لـو بكيفـه مـن بغـى يدخـل الجـنـه دخلـهـا والطبايـع والمـزايـا تـسـاوت فــي الخليـقـه كـان مالعـاده جـرت كـل بنـت وبيـت أهلـهـا وأنت في محميّة الصيـد والا فـي الحديقـه

نظرة الحب 09-13-2010 04:07 AM (الساعه) ****** مـن خمسـة ايـام والسـاعـه عـلـى مـاهـي نــامــت عــلــى حــــزة الـفـرقــا عـقـاربـهـا ياهـي علـى حــق يـاهـي مخلـصـه يـاهـي تـوقـفــت مــــع تــوقــف قــلــب صـاحـبـهـا لـو حطهـا الحلـم فـي وسـع الفضـا الراهـي يـاسـع بـهــا يـــوم يـومـيـن ويـضـيـق ابـهــا فــي غيبـتـك مـاذخـر وجـهــي ولا جـاهــي دمــــع يــمــر الـــــدروب الــلـــي تـمـربـهــا تـفـوق رغـبــة عـيـونـي رغـبــة اشـفـاهـي عــلــى مـعـانــق ثـــــلاثٍ عــنـــد غـايـبـهــا تـنـاول الخـمـر مــن فـاهــك الـــى فـاهــي وصـــى علـيـهـا الطـبـيـب الـلــي مـجـربـهـا وساحه نهـدك الغضيـض ورمشـك الساهـي كــــن الــحــروب الصلـيـبـيـه تــــدور ابــهـــا دخــلــت فـيـهــا وكــنــت الآمــــر الـنـاهــي وخـرجـت مـنـهـا وكـنــي لـــم اكـــون ابـهــا وامسيت وامسى قصيدي وامست اشباهي فـركــت يـديـهــا عـوضـهــا فــــي حبـايـبـهـا لاخـــاب ظـــن الـيـتـيـم بـحـلـمـه الــزاهــي مـافـيـه حـاجــه بـيـبـكـي مــــن سبـايـبـهـا فــــدوة مـواطـيــك روحٍ مـابـقــى الاهـــــي فــي ســوق ويـلـي عـلـى لامــاك جالـبـهـا تبقـى علـى منـت والساعـه عـلـى مـاهـي تـبـكــي عــلــى حــــزة الـفـرقــا عـقـاربـهـا

نظرة الحب 09-13-2010 04:07 AM (ياتل قلبي) يـاتــل قـلـبـي تــلــة الـمـيــلاف اللي حداها السيـل دون البـوش يحدهـا الــوادي عـلـى الإنـكـاف وتعطيه مافي راسهـا وتشـوش علـى وليـف ٍ مـن زمــان ٍ طــاف ماعاد جاني مـن جهتـه طـروش ودي بشوفـه والسنيـن إعجـاف وأطـلال وصلـه خاويـات عــروش الـحـب قـصـر ٍ عـامـر ومضـيـاف ونـارٍ تشـب ومجـلـسٍ مـفـروش والقلـب لقفـا عـن محـب وعـاف مــاردّه السـاحـر والا الـدنـبـوش من دمعه الفرقا على المشراف ينبت على رمش العيون رمـوش جعل العوض فـي نابـي الأرداف زاهي الخضاب منقض العكروش أمّـــا هـنــوفٍ جـدهــا عـســاف والا هـنـوفٍ جـدهـا فـدغـوش !!

نظرة الحب 09-13-2010 04:08 AM (الليل هود) الليـل هــوّد وجـمـر الـشـوق مـاهـوّد في كل عرقين جمرة شوق مزروعـه والله وعـودتـنــي مـانــيــب مـتــعــوّد أواجــه الـصـبـر والـحـرمـان والـلـوعـه ياللـي بـمـا يقتضـيـه الصـبـر متـجـوّد أي إحتمـالات غيـر البـعـد ممنـوعـه !! خـلّـك بكلـمـة ( فـمـان الله ) متـجـوّد يالطرقي اللي حزم بطنه على جوعه لا جـمّــل الله ولا بــيّــض ولا ســــوّد أنو الجفـا وأخـذ عامـك بـأوّل أسبوعـه الـعـز سـيـفٍ يـسـل .. وخـيـلٍ تـقــوّد والـذل عـزيـز قــومٍ تـرخـص دمـوعـه تـدري متـى ودّي أنّـك يمّـي تعـوّد ؟؟ لاشفت لك واحد يسلّم على كوعـه !!

نظرة الحب 09-13-2010 04:08 AM (رجل الديك) يامجهـول ابـن جاهـل عسـى الله يبـارك فـيـك عـلـشـان بــعــض الــنــاس والا عـلـشـانـي !! قبل لأعرفك مـن وجهـك .. أعرفـك مـن طاريـك وجانـي مـن أنـواع الحكـي عـنـك مــا أكفـانـي وزعــــلان مــــن ثـنـتـيـن والـثـالـثـه بـتـجـيــك عسـى الله يعـدي سمعـتـك سلـطـة لسـانـي الأولــــى بـعـديـهـا عـلـشــان ذيــــك وذيـــــك وشـرهــة فـــلان وخــاطــر فــــلان وفــلانــي والأخــرى ماتـرضـي وجــه ربــي ولا تـرضـيـك تـهــز الـقـلــوب وتـقـشـعـر مـنـهــا الأبــدانــي بـأبـيـعـهــا وأبـــيـــع مـاقـبـلــهــا وأشـــريــــك وبأعطـيـك فــي الـلـي بعـدهـا درس مـجـانـي تعفـفـك فــي نـظــرة عـــدوك قـبــل مغـلـيـك بـطـاقـة عـبــور لهـيـئـة حــقــوق الإنـسـانــي لامـنـه سـقـط وجــه الكـرامـه تـحـت رجـلـيـك مايـمـديـك تقلـبـهـا عــلــى وجـهـهــا الـثـانــي ولــو أنــك لـيـا غسـلـت ثـوبـك تغـسـل يـديــك بسـجـدة شـكـر تخـتـم بـهـا عـمــرك الـفـانـي فــالارقـــاب والله مـانـسـوقــك ولا نـصـخـيــك نـزعـل بـــك الأقـصــى ونـفــرح بـــك الـدانــي لكـنـك عـلـى سـقـط المـتـاعـات وش رامـيــك الا يسـتـحـي دمـــك عـلــى عـرقــه الـحـانـي مـع انـك مـن الله فـي سـعـه .. مالله بحـاديـك لـكــن نـزغــة الشـيـطـان خـلـتـك شـيـطـانـي لامــن كـثـرة الـشـكـات لابـــد فـيـهـا الـشـيـك يـجـيّـر بـأســم مـسـلـم ويـصــرف لـنـصـرانـي تقول : أنت وش يدريك ؟؟ .. وأقول : وش يدريك لــو أن الـخـلا لـــه قـلــب وعـيــون وأذانـــي !! يقـولـون : رجــل الـديـك دايــم تـجـيـب الـديــك وأنــا جـبـت رجــل الـديــك الـديــك مـاجـانـي !!

الساعة الآن 06:48 AM

صفحة 3 من 4 < 1 2 3 4 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية