صفحة 3 من 5 < 1 2 3 4 5 > عرض 40 مشاركات من هذا الموضوع لكل صفحة

جروح العمر 06-22-2011 02:22 PM من دلّعك من دلّعك .. خلاّك تختال عزّ الله إنه بدلاله متّعك من صوّرك .. سبحانه اختار بالزين أحلاها صورة شرّعك منك اغتذى الشوف .. وأنا اغتذت روحي دونك بحر خوف .. وسلاحي جروحي وقتي معك .. نظرة وترحال صدفة تبيّن لي مشارف مطلعك ما أروعك .. يا ملفت أنظار خليت كلالخلق خلفك تتبعك منك اغتذى الشوف .. وأنا اغتذت روحي دونك بحر خوف .. وسلاحي جروحي ليته معك .. وقت اللقا طال شفّيتها نفسي قبل ما أودّعك من يمنعك .. تمشي وتختال ولا ترى بالخلق منهو يمنعك

جروح العمر 06-22-2011 02:23 PM تذكار تذكار عيشي على التذكار وإن كان يحصل لك تناسيها بفراق تالي انتهت الأخبار عشرة حياتي اليوم ماضيها لا تحسبي سرّك من الأسرار اللي على الجنسين تفشيها منك الخطايا انتهت بأعذار وعيونك النكران معميها قلبك من أحداث الفشل محتار تستخسري خطوة مشيتيها ما يهتني منه غريب الدار مثلك غريبة وسط أهاليها وأنا اللي فيني من الجروح كثار لا أنتي ولا غيرك يداويها الله حسيبك كيف قلبك صار باع المحبة وأشترى فيها صرنا على هاذي السوايا كبار قبلك عذارى ما مشوا فيها هل هي عطش هل هي تسالي صغار هاذي السوايا من يسوّيها

جروح العمر 06-22-2011 02:24 PM يا عذابي .. كيف أنا بأقوى عذابك .. لا صار في بعدك عذابي .. وفي قربك عذابي يا شبابي .. زينة أيامي شبابك .. يكفي حياتي حسابك ..ونسيانك حسابي ما تصدق لو أقول أنك حياتي في كل شئ .. سمعي وشوفي أنت .. دمي وإحساسي باسم الهوى لازلت .. فكري وهوجاسي ..وتدري علي بعدك عذابي .وفي قربك عذابي يا حب .. مالي فيك غير الشقا .. يا حب ..أخذ من حياتي ما بقى عشته بإحساسي ولا به شيء .. يبدّل شعوري .. حبك جرى بدمي وذاب </b></i>

جروح العمر 06-22-2011 02:25 PM العطا العطا .. ما تبادلنا العطا .. والخطا .. لا حشى ما أخطي عليك إيه سطا .. جرحك بإحساسي سطا .. يا عطا .. أول عطا منك الخطا أحبك لو تجافيني .. على كل الخطا مسامح .. أحبك يا نظر عيني ورضاك ألزم ولكني فقير الحظ أنا لك أكثري تجريح ترى حبك .. بيشفع لك .. أحبك ذوّب خفوقي الشوق .. وأنتي معي يا شوق .. يا أحلى الحياء والذوق طعم السعادة غير لك خفوقي اشتقى ثم اهتنا بك .. وفي عروقي دمي الجاري اغتذى بك ولاح شوقي في سما كل البشر .. غير زولك ما ملأ أحد النظر جدّدي فيني حياتي باللقا

جروح العمر 06-22-2011 02:26 PM يا مهاجرة يا مهاجرة باحساس .. أغلى من الروح .. ودعتها ذكراك .. على أمل لقياك.. وعشقتها ديرة .. ديرة .. يومٍ وطتها خطاك وجدي على نظرة .. يا مهاجرة باحساس .. أشري بها عمري .. وأنسى حديث الناس يوم إنّك أقفيتي .. من في الهوى لايم .. أقدر أطيع أمره مني رسالة حرف .. شوقي لها معنى .. دنياي أنا صورة .. وجهك ملامحها ولازلت أبحكي لك .. يا مبعدة عني .. ومناي أنا أحكي لك .. يا مبعدة عني بشوقي أسولف لك .. بشوقي أسولف لك .. أدري حياتي هم .. تعبت أبا أوصل لك .. وهمي تراه انتي .. يا مهاجرة باحساس يا مهاجرة غبتي وأخذتيني رقيق احساس والروح في وصفك لا ما تعرف اليأس عشتك معاي أيام .. يا كل تفكيري ليلة قمرها انتي .. ليلة قمرها انتي

جروح العمر 06-22-2011 02:29 PM مكسبي يامسندي مكسبي يـا مسنـدي حفـظ العبـادة والـدروب الكايـدة حـدرا وطاتـي خوتي للذيـب مـا تطلـب شهـادة وانت ياذيب الفيافـي صـرت ذاتـي انت يا بن عبيـد شيـخ سيـد سـادة قرم وابن قـروم يـا عـز النجاتـي انتم اهل الشـور يـا نعـم الافـادة مكرميـن الضيـف حيـل مبركاتـي وش على العقبان من دبـي الجـرادة ما يروع الذيب من ترعـي النباتـي والبهم عـرض الغنـم تعتـاش زاده والعصا فـي يـد راعيهـا سواتـي بعض نبت الارض ما يدفـي رمـاده هـش لونـه جمـوع محزمـاتـي وبعض نبت الارض يستوجب حصاده يحرص الفلاح فـي حشـه بساتـي كل فارس لـي تعثـر بـه جـواده ما يخونـه فارسـه ضـد العداتـي والردي قرب لـه فـراش ووسـاده ما يشـب الضـو فـي ليلـه يباتـي صبينا صبي عزومـي فـي جهـاده صبينـا فكـاك تـرفـات البنـاتـي صبينـا وقـت اللقـا يقـدح زنـاده الدواسـر مطعمـيـن الجايعـاتـي طيرنـا قرنـاس لا تخشـى زهـاده طيرنا وقـت الهـدد طلعـه ثباتـي

جروح العمر 06-22-2011 02:36 PM " أرض الحسد " أرض الحسد ياصاحبي شح على الناس وخير المنابت دقـها ما دمـرها أغصانها طاحت على الـقـاع يبـاس واللي بقالك ذاوي من ثـمـرها لو كان خضر غصونها تنحر الفـاس ان كان عمر بالخلا كل شجـرها دور على ما تاجده في رجـا اليـاس دج ربوع البدو قصى مع حضرها نعم الرجال اللي جلسوا عز مجـلاس مجالس علوم يسـرك خبـرهـا العلم غانم والفعـل يـرفـع الـراس والخير في اللي تعلى في وقرهـا

جروح العمر 06-22-2011 02:37 PM سـارت وانا عـينـي تراقـب خــطاها خطـوة تسوق الخطوة ذهول وركـود يـوم حـضرت غاب القمر من سماها واللـي بقى من نجـومـها قـل معـدود زين الوصـايـف والـحـسن اكـتسـاها شـقراء وفيها من الحـلى ما له حدود لاعـتنـي بـنظـرة وبـعد ما كـــفـاها حطت بجوفي من الجمر شوق موقود شـامـة تـعـلى ثـغـرها من حــلاها تضفي على نور الحسن نور مـردود صابـتنـي بــداها ونـفـسـي دواهـا من العيـون السـود دواي مـنشـود اهـاوده قـلبـي انشغـف في هـواهـا متحملـه صـار الصبـر مني مفقـود عــزاه نـفـســي صـابها ما طـواهـا طي الورق رطـب مقـطوف من عود حـق اللـه أعـلم في الحشا وش غلاها تضحـك لها عيني ولو كنت مزهـود الناس ما تـجـري بـروحي وخـفاها يكـفي اجنب نفسي عن كل منقـود

جروح العمر 06-22-2011 02:38 PM خذ ما تبي خذ ما تبي بس أترك القلب يرتاح.... لا بالمودة عطيته لا بالصراحة خذيته.... في غايتك تغتار منك الأرواح.... صدقي خيانة جزيته يا كم بغيري نويته.... كافي علي أصبحت بالسهد فضّاح.... غصبٍ عليّ حكيته بكاني حظي وبكيته.... قل لي متى ترسم على قلبي جراح.... منك الصبر ما قويته أفقدتني ما أحتويته.... أملكت كلّ قلب الوفي ومعك مفتاح.... عقب الندم وش رأيته عن حب غيرك عميته.... من علّمك ترمي بقيعان الأرماح.... باب القتل نويته عمري بكفن حي طويته.... جذعٍ ذوى عطشان لو ترفعه طاح.... تتعب معه لو ركيته ما هو بحي لو سقيته.... لا تنتظر رجعه ولا تطري أصفاح.... ما أقول حبك وطيته ما أقول حبك نسيته.... أبعد عسى في دربك اليوم ترتاح.... أنت الذي أحتويته لا .. بالغصيبه مشيته....

جروح العمر 06-22-2011 02:38 PM ((العيــون اللي بكت لي)) العيــون اللي بكت لي هلت الدمعه أسألـــك بالله ياعين لاتبكين قطــره بين لها فوق الوجن لمعه دمعــه ياشينها دمعة المقفين أحرقه عمري ولجلك أشعله شمعه أهرجي لي لاعدمتك ولاتخفين ءان سألتي قلوبنا قلت مجتمعه وان شكيتي حضنا قلت لا تشكين رغبتي بك رغبت الحــــب لطعمه والشواهد موت شفته على الوجهين روحي مطيعه ولافيك مستمعه ما أصدق فيك من عاذلي الجنسيـــــن

الساعة الآن 10:14 PM

صفحة 3 من 5 < 1 2 3 4 5 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية