![]() |
ثلاث أيام مرّنْ في حياتي غير
ثلاث أيام عشت الحب و أغليتك ثلاث أيام و أتهجي كلام الطير كلام أعذب من أعذب من تفديتك |
نظرتك لو هي عتب في القلب عذبه
ويا حلاتك لو تجي ياروحي لايم الحياة من غير قربك حيل صعبه خلني في بحر حبك دوم عايم |
إسمك اللي لو نطقته فيه رهبة
يكفي يا حبي تحمّلت الظلايم صرت أنا والهم والآلام صحبه لأنّي صاحي ياحبيبي ولأني نايم |
يا حبيب الرّوح من غيرك أحبه
من هو يستاهل في قلبي يعيش دايم إنت وحدك حاكم إحساسي محبّه إنت وحدك لي وأنا اللّي فيك هايم |
ليه مبعد عنك و الأحباب مجتمعة
إذبحوني بالسؤال هزوا ثبوتي صوتها هدّ الجبال صرخة سكوتي ابتسم مادر كان أهون على موتي |
دنيتي قربك هواك كان عنواني
خذتني مني معاك وقلت إنساني كيف أنسى وأنت ساكنٍ وسط وجداني |
أبي تتعب مثل ما أتعب
عشان تعرف معنى الحب لأنّ بجد حالي صار على نفسي ترى يصعب |
قول آمين .. عساك تحبّني وتموت فيني
قول آمين عسى يدينك ما تفارق يديني ومثل ما أشتاق أنا لعينك أبي تشتاق أنا لعيني |
عاتبوني فيك زادوني ملامه
كلّ واحد يسأل الثاني علامه كِن حبّك طير وإحساسي حمامه سلّمتلك يا عنيد |
كنت وحدي منعِزل في وسط وادي
جيتني بالحب من قلبك ينادي هزّني صوتك كأنّه طير شادي جنّ عقلي بالنشيد يا ذا الحب الجديد |
الساعة الآن 11:23 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية