صفحة 2 من 2 < 1 2 عرض 40 مشاركات من هذا الموضوع لكل صفحة

جنــــون 07-23-2011 06:12 PM مرثية حسن بن مانع الرحيان لأيامنا نظام متغير وللدنيا طقوس وافكارنا قد تختلف فيما نحس وتحتوي بعض النفوس من الحزن تشره على بعض النفوس غير النفوس نفوس لا تشبع ولاهي ترتوي ياليت هالعالم سوى في الحزن حتى ما ندوس على مشاعر غيرنا وقلوبنا ما تنكوي قولو لساره بنت ستر القوم والحد محروس ابيش ماهو من ضعاف القوم طافين الضوي تفاخري يالعيطموس وسولفي يالعيطموس وأرقي على متن السحاب وخلي الذيب يعوي الحزن وسط القلب مثل النبت في القاع مغروس وعزومنا مثل النجوم تغيب لكن ما تهوي وانا من الشعار شاعر ما تتعبه الهجوس إليا نويت اسري وأنا شفقان والليل اسروي يامل قلبن كل ما مال الغصن والريح كوس قامت عروقه تشتبك ورى الضلوع وتلتوي وبدت على الوجه الرضي علامه الوجه العبوس حتى استوي مقامها لو انها ما تستوي الي ذوي ركابه الخيل ورى صلف التروس البارحه ماكن لي فركون ذا الديره ذوي ياسل حالي سل كبدن في طرفها شق موس والحزن ياكل في طرفها الآخر وهي تنزوي ورحمة الله وبركاته ياحفيد اللي تروس اللي تروس وكثرهم لكنهم بعدك شوي لو ان مالك عيد يحسب لك مثل عيد الجلوس انت اكرم من الفاطمي وانت اشرف من الأموي تكفى يا بو ماجد اثر الحزن منطقه معكوس أقولها وانا سوي واقولها مانيب سوي أول ماودعتك وأنا خاابرك ضرس من الضروس دنقت راسي حاذفن روحي وقدني محتوي ولاذكرت من التجارب والعبر ولا الدروس إلا انت يا ابن العم والمحزم و مقباس الخوي ارتاح للعبد القوي إلا فذا اليوم العبوس أرتحت للعبد الضعيف أكثر من العبد القوي يوم اجتمعنا عند قبرك لو ما تسترنا اللبوس يمكن أقول ان حن مع اللي طوقو لابن جلوي

جنــــون 07-23-2011 06:12 PM الصبر يا كبدي الصبر الغنيمة وأنا اخيش اقوله لكبدي وكبدي معيه لا هب ذعذاع الهواطير يا ريش طعنة رفيق الجنب ماهيب ليه يكبر مقامي في عيون المداغيش ويطيح في عين الردي والبنيه والزمزيه ما تقهوى المشاويش يقطعك يا رزق ورى الزمزميه ببيت لأابى محسن بن فطيس كنه ايش كنه ترفاعي ولي مقدريه بيت لعود ما اتعبته المطاريش لو إنها بين الحفر والحويه عود على ربعه صدى صوته شويش وعلى قبيلة يام عنده حميه ليتك يا أبى محسن على الواقع تعيش وتشوف صنع أهل العقول الرديه لو إنها بالطيش يمديني أطيش لكن حي وشيمة الناس حيه وانا حفيد الطيب وام العكاريش ما هيب ولدة لاش ولا صلبيه أردها بوجهي ولا اردها بأيش يكرم نباي وتكرم الجابريه وأنا بني عمي اهل الهوش وتهيش وخوالي أهل الوقفة الأوليه ما هم ببيز في يدين الدراويش وقصيرهم ما هو يعرف الأذيه وأصواتنا يا اهل القلوب المعاطيش تعرف بدون أسماء والنار حيه ماهوب من كثر الحكي والأشاويش من كثرة الترحيب والقابليه ودام الجمل عقب السنين المرابيش يبرك لها ويحن مثل المطيه تكفون خلوها يا ركابة الجيش ترى المعقب شيخ وأنا سميه ورى الحكومة ما ندور بخاشيش ارزاقنا بكفوفنا الصيرميه على الملوك نزوم ونزوم ونعيش تسمعوا يا اهل العقول الرديه

جنــــون 07-23-2011 06:12 PM الشاعر البناتي ماهوب كالأتي ولا كالاتي اجيبها مثنيتن مربوعه والمومن اللي ماهو بمرأتي ماني بضامن سيفه وفاروعه اكسر عيون الشاعر البناتي واللي يفتل شاربه فربوعه واوقف الحالي وريحي عاتي والعب بحسبتهم وهم مجموعه وش كان حال الشعر قدام اتي سؤال ومحير كذا مطبوعه مجلة ماهي تلامس ذاتي لاهي بمقروءه ولا مسموعه الذ منشيتات منشيتاتي والبحر والابداع والموسوعه لكن صباح الخير يامولاتي فريد من تركيبه ومن نوعه يالفارقه دايم على البناتي والفاتنه جداولكثر روعه لايسمع السلطان تصريحاتي يهل وضاح اليمان ادموعه ياسيدة حسناتي وسيئاتي والشوق والفرقاء وكثر اللوعه قرأني وانجيلي وتوراتي والوصل من جدوله لي ينبوعه تجبرني ارفع لسماء نظراتي مشاعري لمواصلك مدفوعه الله يعطيني على نياتي ومن الرذيله والرداء مرفوعه مبدع وبيت واحد من ابياتي تفخر بنشراته كذا مطبوعه

جنــــون 07-23-2011 06:12 PM مسلسل غليس تكفين ياالساحه ابي مسلسل غليس حتى تعلم منه مشاهدينه اذا الوطن لمواطنينه كوابيس بيحس بالغربه من مواطنينه تعبت وانا اعيش خلف الكواليس ويسند بدوري لاتفه ممثلينه امتر الشاعر واكيل الدواعيس واسال زماني كم بقى من سنينه ياتل قلبي تله الهجن فالريس والا البعير اللي حنينه حنينه اوتل قرناس مابين القرانيس مانزلوا من قيمته شابكينه تشبه نسانيس الصحاري نسانيس مكيفات بيوت اهل المدينه الاوله حسب ظروف التضاريس والثانيه حسب ظروف المكينه ترى الحياه العامره بالنواميس هوى الفقير اللي عيونه حزينه الياامتلك حاجه بعينه لاباليس صاحوا ورى مايملك براحتينه لوقصرت كفه عن الكسب اوليس من حقه انه يمتلكها بعينه ثوره تمني فعلتها الهواجيس ثارت على قله كفاءة يدينه وانا قريت ان الغنى فالقواميس مثل الفقر رغم اختلاف الثنينه ان الفقير اللي ماعنده احاسيس وان الغني اللي رضوا والدينه كلام من واقع لكن فيه تلبيس يحتاج فكر نقحته السكينه زكاتكم واجب ياصراره الكيس وشعوركم زنديق يا مالهينه يقول سيدنا الخضر تقدر تقيس لانتاج مما تحتويه الخزينه ولوقال اعضاء التجاره مفاليس قلنا حلال الناس من مالكينه هدهد سبا اسلم على يده بلقيس وفرعون الحد شعب كامل بدينه ياكوكب الارض الخلايق متاعيس بحورك غزار وجبالك متينه هاجر الى حد النجوم المناكيس لايدمرونك باالحسد والضغينه المجتمع اما قضاه او جواسيس وش هي حدود الشرع يامطبقينه على سفينه نوح من كل جليس سلام تجري به رياح السفينه

جنــــون 07-23-2011 06:12 PM قنوات العرب يا أهل القصيد والنثر والروايه بعض قنوات العرب بثها حي أفضل ركوب الخيل ولا الرمايه يجوز فيصل ما يعرف منها شي متكبر من يوم سوى دعايه معها حليمه بنت بولند فدبي لو الدراهم هي اساس الحكايه أرسلت له مليون دولار وأشوي لكن له مقصد ونيه وغايه لعين بنت فاتنه من اهل الحي عساك فصحه وأفضل رعايه لكن يا فيصل ترى ماهي بهي خليتني في ديره الغرب تايه القلب نضجه الغلا واللحم ني فيصل انا زعلان ومن البدايه حذرتك من الكر والعب والغي واليوم لو ترسل علي بالولايه الي أنا فيها ذهب حاتم الطي لو عاد ترسل جي على المرايه مكتوب سامحني على الهجر يا خي ونواف يبكي دم يالله معايه ومحمد عويضه على تندت الجي خلاص يا فيصل كفايه كفايه آخر علاج الكي ما فادك الكي سكنت فافخم قسم فأرقى بنايه ومن قسم ذي وذي ثم ذي ثم ذي مافيه قسمن مثل قسم العنايه تكبر بعين المحتضر قيمه الحي عمومن انا ماهقيت النهايه تجي هجر لكن بقولك شي لو منك اجيب الدبل فالدعايه بدل حليمه بنت بولند فدبي

جنــــون 07-23-2011 06:13 PM مرثية صدى الحرمان وسر يا ليل وانته ليل وحسابك على السهران أعلمك الحياه ومرحلتها الإنسيابية على وجه البسيطة أفرق الماضي من المليان وأغني لي ببيت وتنتحر عشرين حورية وبعد هبت على خشمي هبايب موسم الأحزان تنحرت القصيد اللي تبكيني معانيه أنا عز الله إني ما نسيتك يا صدى الحرمان لو إن مابه علاقة غير حب الخي للخية تجمعنا مساحات الأدب والحزن والقيفان وتربطنا تقاليد العرب والشيمه الحية كثر ما الهم في قلبك ديون مالها ديان أحس الكون في عينك حكومة دكتاتورية أشوف إن في قصيدك سلطة الحاكم على الرعيان ولو تزعل حركات التذمر الانفصالية أنا لي بنت فكر من وصلها علمك مسيان وطاها ما وطى قلب اليتيم فأمه وبيه لو أن ما يرهب الشجعان لا من فروا الشجعان سوى صهلة خيول القوم ودموع السنافية أي والله ببكي وبنثر دموع المعرفة من شان تعابير الغلا والقلب الأبيض والمحنية وأنا لولا الأحاسيس النظاف وصادق الوجدان نحرت خيول دمعي قبل تاطىء جفن عينية لو إن ما أنتي بعجمية تعازيها على العجمان لكنك في عيوني أقرب من الفين عجمية لو إن ما أنتي صحابية لها بين الصحابة شان لكن عندك من أخلاق أم عمار الصحابية لكن يا قلب ياللي فيك غصن يابس وذبلان لا تبلش في السنين المقبلة والأولانية اهي مثل الأديب اللي توفى ظامي وجيعان توفى واكتفت كل القبور الإرتوازية وأنا مثل العزيز اللي يعرف إن الفقير إنسان ولكن عذره من الله الأول ثم مخابية وهي تدري ما فيه أقسى من مفارق ربى الأوطان سوى اللي ينكر أن الجمر يحرق رجل واطية وأنا اللي ما عرف نعمة تساوي نعمة النسيان ولولاها غدت كبد البنادم جمرة حية عليها من تباريح الحزن آية من القرآن ويلهم أهلها صبر النبي عيسى و حوارية

جنــــون 07-23-2011 06:13 PM مرثية صدى الحرمان وسر يا ليل وانته ليل وحسابك على السهران أعلمك الحياه ومرحلتها الإنسيابية على وجه البسيطة أفرق الماضي من المليان وأغني لي ببيت وتنتحر عشرين حورية وبعد هبت على خشمي هبايب موسم الأحزان تنحرت القصيد اللي تبكيني معانيه أنا عز الله إني ما نسيتك يا صدى الحرمان لو إن مابه علاقة غير حب الخي للخية تجمعنا مساحات الأدب والحزن والقيفان وتربطنا تقاليد العرب والشيمه الحية كثر ما الهم في قلبك ديون مالها ديان أحس الكون في عينك حكومة دكتاتورية أشوف إن في قصيدك سلطة الحاكم على الرعيان ولو تزعل حركات التذمر الانفصالية أنا لي بنت فكر من وصلها علمك مسيان وطاها ما وطى قلب اليتيم فأمه وبيه لو أن ما يرهب الشجعان لا من فروا الشجعان سوى صهلة خيول القوم ودموع السنافية أي والله ببكي وبنثر دموع المعرفة من شان تعابير الغلا والقلب الأبيض والمحنية وأنا لولا الأحاسيس النظاف وصادق الوجدان نحرت خيول دمعي قبل تاطىء جفن عينية لو إن ما أنتي بعجمية تعازيها على العجمان لكنك في عيوني أقرب من الفين عجمية لو إن ما أنتي صحابية لها بين الصحابة شان لكن عندك من أخلاق أم عمار الصحابية لكن يا قلب ياللي فيك غصن يابس وذبلان لا تبلش في السنين المقبلة والأولانية اهي مثل الأديب اللي توفى ظامي وجيعان توفى واكتفت كل القبور الإرتوازية وأنا مثل العزيز اللي يعرف إن الفقير إنسان ولكن عذره من الله الأول ثم مخابية وهي تدري ما فيه أقسى من مفارق ربى الأوطان سوى اللي ينكر أن الجمر يحرق رجل واطية وأنا اللي ما عرف نعمة تساوي نعمة النسيان ولولاها غدت كبد البنادم جمرة حية عليها من تباريح الحزن آية من القرآن ويلهم أهلها صبر النبي عيسى و حوارية

جنــــون 07-23-2011 06:13 PM الصدر ضايق الصدر ضايق وصبري يا حسن طول ودي أغادر ولو في وسط غواصه انا اشهدني مااحب العالم الأول ماغير كاس يابو ماجد ورقاصه حضاره زايفه واعلام مهول حتى البزر يرضع الوسكي بمصاصه صحيح فيها الجمال وجوها يهول وقف لاهلها وحنا بس بصاصه شفي مع لابتي شيبان ومعول ربع نهار الوغى للروس قناصه نصبر على الحرب ونصاليه لاطول وقت مضى محتمين هجر وخلاصه حنا هل الطايله ذلحين ومنول من طاح في نحورنا يا صعب مخلاصه صغيرنا يحتمي الميقاف لاحول لو الفخر وسط جوف البحر لاغاصه للكايده نتعب الرجلين ونهرول يوم ان ولد الردي رجليه لواصه نتعب على الطيب لجل المركز الاول ندعس طريق الخطر ماقيل حواصه عن لابتي نايب للشعر ومخول قصيدي الجزل جلسني على ماصه

جنــــون 07-23-2011 06:13 PM قلق وإحباط انا ينتابني احساس وشعور بقلق واحباط وانا يالله دخيلك من قلق يدعو للاحباطي وليفي سلم راسك والبقاطه شغلة البقاط وانا ماني بقوط ولاعلي من كل بقاطي ليامني بغيت اضحك معاك شوي لاتشتاط سوالفك الجميله تشبه الجلسه على الشاطي عليك الله واكبر من تموز الاولي لشباط تمغط والغلا في خاطر ابن الذيب مغاطي يابو رمشن خبطني من قريب خبطة المخباط ونبط ضربته في اقصاء الضمير الحي نباطي على شان الهواوي والفراق القاز والمشخاط لو ان قلب الهواوي يشتعل من دون مشخاطي ليامن قلت احبك من حدود الحرص للافراط تلفت لي تلفات الكبر وتقول خراطي وانا ياجعل ربي مايوفقني ماني بخراط غرامك في ضميري كنه الاجمرة ارهاطي يااروع من كتابة شكسبير وفلسفة سقراط غلطت او ماغلطت اللي سواتك يدمح اغلاطي ولو تقبض علي شرطة دبي بنادي الظباط ترى القلب ادمنك وانت السبب لاصار متعاطي

جنــــون 07-23-2011 06:14 PM في العجمان ياضيوفنا بيض الوجيه النبله السمحه الكرام الليله العين الحزينه ماحن مبكينها يامرحبا ترحيب ن فيها غلا ولا انسجام تكاثروها القوم والعجمان متشاوينها الله خلقنا درجات وكل انسان ن مقام لكن قربه من عباده في تفاوت دينها والعين مدهال السهر والقلب مدهال الهيام والانفعال اللي يسببه التفاؤل بينها واشرف علامات السماحه في الوجيه الابتسام واعزها ضحك الحجاج في ساعة ن يا شينها يا معز ن صبيان يام بقدرتك برجال يام لازمت من فوق الرجال استر علي من عينها قد تعظم في عين الصغير اصغارها بس العظام في عيونها تصغر متاهات الزمن وسنينها وان طاحت الدنيا على راسي ما خلتني حطام واصيح باقصى يام وعيوني على شبرينها يا وجد حالي يابني عم السعد في كل عام يوم المواتر خيل والموت الحمر تأمينها واليا وقفنا مع طويلين الشبور نشق خام يمال عين ابن مرضف او لبن حثلينها والطنخه اللي صدق والفعل المحكحك والكلام افعول ربعي يوم ردينا القضى في عيينها يوم اعتزينا والحراب مركزه والدرب شام واصدورنا مدهال للطعنات ومضرينها في جسم الانسان الطبيعي حسب ما جا من علام نظام ن اسمه كريات الدم واللي فجينها هذي اذا ضقنا يجي فيها سوات الانقسام تذوب لين من الغضب يغضب على تكوينها يضخها عرق الطنا مثل العرق عبر المسام اكبر اشعه نافذه ما عاد تدري وينها قد صيح التاريخ يا العجمان ما منها سلام النصر ولا الموت قلنا هاتها ثنتينها لو الصحابه عاصروا راكان وحروب الامام تجاوزت عما حصل في بدرها وحنينها نملى عقول الناس فكر ونكسب اكثر الاحترام ونجي ديار جهينه ونحشم كثير اجهينها وارجيلنا فوق الثرى وارقابنا فوق الغمام وان نحت ابراج السما حن اللي منحينها ولا التهامي يلوي شدوقه ويصفقله تهام واسيوفها ماهي تهوم الا على سكينها ياقاني الجربا ترى ماهي تباع ولا تسام لو تنطلي من خشمها لا فرس ن كراعينها واللي في راسه حب ما يطحن وفي خشمه عرام ياتي مع وجه العرب لا يمر مع جمبينها في شارب ن في راشد اللي قومته لامنه قام تهز راسي من طنخ وتشوش بي في حينها ولا كبرت الحمله على كتف الجمل جبر العظام ولا كتفه قد صلفات الزمن ولينها والا نكحناها مع رجلينها وثمها حرام وشلون ننكحها مع ثمها ورجلينها

جنــــون 07-23-2011 06:14 PM راح الليل يا ايوب راح الليل تشكي علي الحال وانا اشكي عليك الحال والحال مداني لو انك من البنغال وابوك فالبنغال انا وانت فابوظبي والرابط انساني ماكن لي من الاحباب غير انت والجوال وهو يحتمي لي كل يامي وقحطاني واقدر من شيوخ الفراريج رؤوس جبال وانا الطيب فمدحه لاحاسيس تعداني واغرب مع شيوخ العوامر هل الافعال واشرق مع شيوخ المناصير متفاني ولو اصيح في المره تجي والسنين هزال واعنز على العجمان واموت متغاني لكني مع كل القبايل مجمل فال من مطير لشمر الى ساحل عماني ياويلي على المسا وياويلي على المقيال لكن الظهر مهموم والليل سهراني قبل ماابتدي شكرا على حسن الاستقبال وقبل ماانتهي ودي اسولف وبلعاني يقولون مشيها وتمشي على اية حال على جثتي والاعلى قبر جداني مايمشي علي امر المقرد ولاتحتال قوانينها تقطع صدى صدح الاذاني لان مطمعي فالقرش ياصبة الفنجال حضوري لبو خالد عن المال كفاني لكن سمعة الطيب يروق فعرض خيال مطرها حول سقا كل ظمياني والابداع حاله والشعر فكر واسترسال مع خلق متعة تغري انصات الاذاني ياكم ورع من ورعان شبه الجزيره قال بانه مثل عوج السنين ايتحداني وانا كنت في الشعار والشعر لازال انا وين ماوجهت يقوي بي الارسال ولااعاني من الوزن واوزن من يعاني اباوصل المرسول لي طبعة المرسال لكن خدمة التوصيل ماهي بمجاني انا الثورة اللي بعدها صار الاستقلال وانا الانقلاب اللي ضحاياه الاشجاني الى فزت فاز الشعر والهاجس الهمال لكن لاخسرت اخسر وانا مااني بداني ولااغير اسلوبي ولااستصنع الاقوال انا صنع ربي ماني بصنع ياباني وصلنا لابو ظبي الثقيلة وحن ثقال ترى جده المليون ليرة وبوه ريال لكن الاختلاف الكلي اشكال والواني وترى قلة الادراك رجل بدون عيال ولاله من الاخوان من يشبه اخواني يااصحابي اللي كل ليله لكم موال انا اللي انا اللي والزمان يتحداني ياكم واحد بيني وبينه من الاميال مايحجبه عن عيني وهو وسط شرياني وياكم واحد صاير له من الشموس ظلال والى غبت عن عينه دقيقه تناساني صداقات راس المال لازاد راس المال تزيد وتناقص لانقص حسب ماجاني وايلا الحين عدواني تكثر على الامثال وانظف لها قلبي ولااوسخ لساني افج النحور بعد نظرة وسعة بال علشانهم جهال وانا علشاني اخاصم وانا رجال وارضى وانا رجال وهذا اللي يميزني عن كل عدواني امارس مع نفسي غروري بدون اهمال بان التواضع شي غال ورباني عشقت الشموخ الاشموخ العقل والشال وكرهت النظام الانظام ( ) اذا صار ماني عضوفالمجتمع فعال اشعل فتيل الحرب فكل ميداني اغني مع البدو ويحاربني الجمال ويداعب احاسيس الحضر حزن وجداني لوان تجربة عمري مثل تجربة الاطفال ماخليت من تغريبتي اجمل احزاني وانا بين حلم اني اخلد وانا رحال واخلي من اطوال المسافات اوطاني وابيع عمري واتحررمن الاذلال ايلا قبر فيه ذنوب عمري تحراني عرفت اني افكر خطا والحياة جمال شوفومنطق التفكير لوين وداني لو البقا للافضليه ماكان اطال لنا الله عمر ابليس وابليس شيطاني ولو الموت فالتاريخ محكوم للأبطال تمنيته ايجيني قبل ايتمناني واناخايف اعيش واموت دون امال ماني خايف اعيش واموت وحداني اعاني من الاجحاف واشكومن الاهمال مريض من الواقع مرض شبه نفساني لكن ياوجودي والتوجد على اية حال برستيج نستخدمه في بعض الاحياني مثل وضع شعار العروبه على الاطلال على كثر مااضحكني على كثر ماابكاني

جنــــون 07-23-2011 06:14 PM المارد الشعري المارد الشعري ليا غاب والاحضر يزت روحه على كفيه ويزتها الله يقطع هل الدمام ياهل الخبر وعدت ابو ريوف بزياره ولا زرتها ياريوف ليل المواجه قدر والاسهر لو انها بختياري ماتخيرتها وانا فراسي قصيده تشتغل من ظهر واخاف عيني تغمض مابعد قلتها لكن قولي لبنات السد ولا النصر وش رايهم في هنوف يوم عينتها جديلها يدهر رموشها تدهر وثيابها كل ماهب الهواء بختها ماهيب شي من الفتنه ولاهي بكر لكنها من غلاها لي تباكرتها وردوفها رفرف الجمس الجديد الحمر مستعمله بس لي ذلحين ماسقتها قالو لي اخذ اختها قلت الليالي دهر ماهي ببلغا ولكني تبالغتها كن نيل مصر الذيذ الي يصب بمصر نيل امها وكن دلتا سوريا دلتها ان سولفت سولفت لكن بالمختصر كنها تضامن مع البكمان في صمتها اليااضحكت قلت ياربي عليك الصبر واليا بكت قلت ياربي ماصبرتها الخيل والليل والبيدا ووجه الفقر تطيح من عيني اليسرى لاناظرتها حتى هو الطائف اللي كل ليله مطر كني مصيف بجوه لاتحضنتها امحق سنه عاد قلبي فيش وامحق شهر مافيه مره بعد فرقاش ماذقتها وانا على شانش ازعل حكومة قطر عجمي وقلبي خبل لابعتها بعتها امتن من الضعف واطول من ضلال العصر يضيع فيها النضر لامنك ناضرتها ياقلها يوم الد العين يم الخصر وليا تعديت قلتها تكاثرتها من المخافه مايوقظك لصلاة الفجر ومن الطهارة مايكفي لاتيممتها اليا اقبلت كنها الارهاق بعد السفر متثيقله من سحاء ولا تثيقلتها يدفها الشوق دف العاصفه لشجر وتميل لكن تستعدل لاعدلتها ساعة ماتزعل كنه زعلان منك بزر ياجعلك تموت يامحمد مازعلتها ياجعل مالش ياعيني غير فتنه نظر والله يلعنك ياقلبي لاهملتها الله خلقها بشر لكن غير البشر الناس من تحتها والارض من تحتها قالت وانا الحمدلله والثناء والشكر قلت انتي اللقمه الي مابعد كلتها قالت انا الموت قلت انتي عذاب القبر قالت لابالله يابن الذيب مصختها الله عطاها شرف مريم وتقوى عمر وانا ليا ذعذع الغربي توسدتها بس اعذروني لي غنيت ياهل قطر الله يغفر ذنوبي يوم حللتها ماهوب جنون الغنم ولا جنون البقر شاعر وعندي قصيده زينه وقلتها قولو لها لاترويني نجوم الظهر اما ترد الخبر والا عشقت اختها

جنــــون 07-23-2011 06:14 PM ايه انا لبيش انا لبيش لازم المحيط وطبش وجعل ابوش النار وش داعي كثر تطنيشي ان غدى عقلي من الخفرات والا طبش دورو لي عند بيشه واذبحولي بيشي يالهنوف اللي غرامش ظلم خافي ربش لاتعزويت بغلاش ولانهض بي ريشي والاجتياح الغاشم التي نفذه في حبش ماقدرت اصمد بوجهه وانهزم بي جيشي وانتي اربش على العهد القديم اربش يابعد تمر الخلاص اللي ماهو بحشيشي نبني من ونة الحزن الشقي مانبش ابتسم للعرب واضحك ولكن فيه شي والاانا يلعب بي الشوق اللذي يلعب بش ياتراحيب القريشي لالقاه قريشي المشاعر من غلاش مزركلات وربش بس قوديني على درواب الهوى بشويشي

جنــــون 07-23-2011 06:14 PM وش تبي آمر ؟! الو لبيه فاضي وش تبي امر ياجارح القلب جرح لو رحلت ادما تعبان كني عيون المغرم الساهر لكن انا غير اشرف واغلى واسما في راس ابوي العزيز وعزوة الدامر ورجال يام وعزاويها فكل احما مخزن اسمك بجوالي بسم عامر يلين شيخت اسم عامر على لسما وقصيدة محمد المكتوم والسامر وابداع قيس الملوح وابن ابي سلما لقيتها في محيا وجهك الغامر مثل السراج المنير بعتمة الظلما ونهودك الراهي المتناسق الثامر مزموم والا غلاي اشتد به وازما الشوته اللي خسرها حظي الدامر جمهورها دمعتن في محجر المرمى تتوقع الهجر طعمه حلو والا مر الحل واضح لكن قلب الفراق اعما

جنــــون 07-23-2011 06:15 PM سكر زيادة رب أخ لم تلده أمك في هيئة خوي ما تنتهي مدته ولا صلاحيته وأنا ويش ابغي من الشخص القويم السوي الا احترامه لشخصي في علانيته والنفس قد تنطوي على ما قد تنطوي ماني بربه أعرف اللي في نفسيته حديث خير البشر في شرحه النبوي أعمال كل امرئ على حسب نيته وأنا مثل من طموحه للعلا منتوي ولا تعدى طموحه حد سطحيته لكن لو أن راس مالي فالبنوك ضغوي حمدت ربي على نعمة عبوديته مثل الشبح الأحمر اللي عند مصطفوي اللي فريد فتركيبه ونوعيته عشقت لي بنت وأثر الليل ليل سروي وان راح الليل دربي ويش تاليته واثر الغرام الذكوري كنه الأنثوي متفشي وكل منهم فيه خاصيته قالت من أنته من أنته قلت رجال بدوي ثقافته ما هي تعارض على حبيته سحاب له ضجيج ودوي يا ما اشر بغترته وطاقيته جباننا لترفع سهم المنايا يا وي يظهر له بموقف تفخر به بنيته قالت من رجال يام مزبنين الخوي قلت ولد عم بن حثلين وحميته قالت يا جن الغلا لو شفت ذيب يعوي قلت أتعشاه لعيونش يا جنيته لكن ظلم السنين وقلبي المكتوي تثر علي خوة الطيب وعقليته وقريحة الشاعر المبدع ما هي ترتوي ويثبت احساسها حسب مزاجيته يا فاتنه سكر زياده وسكر شوي ابشرب زيادته وابشرب شويته تعبت أسدد فوائد حبك الربوي والحب أناني ولا يدري بأنانيته أحلى بنات المدارس ثالثه ثانوي ذراي قلبي وقلبي له نظريته عن خلقها لو درا وزيرنا التربوي خلا من أخلاقها منهاج تربيته في وجهها الأمتحان الصعب الشفوي سماحة أب القتيل اللي رفض ديته وفي جيدها لذة المدن فعيون قروي وفقلبها طهره وطيبه وعفويته على شفاها مخارج اسمي اللغوي وسويكي حروف اسمها في ميداليته هي همي الشهري وتحصيلي السنوي المثقل بنزوات يوميته احتلت احساس خفاق ما حوله ذوي وأعضائي الباقيه تطمح لشرعيته يا جعلها تعيش حتى عقدها المئوي وتشارك القلب في فرحة مئويته وصالها دموي وافراقها دموي كن هتلر مورث الها من دمويته الشين ف أتفه زوايا حسنها منزوي بالعكس تشكي ظروف القهر أقليته والا على الزين حيل الله يا قلبي قوي الزين هي موطنه الأصلي وجنسيته في جيدها فوضوية شاعر فوضوي وفعينها قسوة الفارس وحنيته خذيتها من يديني وجات تهوي وصارت في يدي ما هي حيه ولا ميته لو اني الشجره اللي للغصون تحوي ما فيه غصن ماهي دابه ولا حيته لو انها الألتهاب القاتل الرئوي قلت الوعد جنة المسلم يا حوريته ايعزها الشوق لين تخضر وتستوي وتعيش من حسنة المسلم ومن سيته واثارها بنت حوا فاتنه وتغوي جت تأخذ الثار من آدم وذريته

الساعة الآن 04:36 PM

صفحة 2 من 2 < 1 2 عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية