 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - ياسر التويجري
(http://www.gsaidlil.com/vb/showthread.php?t=89204)
على كثــر ما دقوا الناس الأقراب :::.
عندما يتغزل فأنة يبدع ويبدع ويتفنن ويصل الى القلوب بأحساسة الرائع وعذوبة كلماته الرقيقة أنـــه ياسر التويجـري الشاعر أليكم القصيدة على كثر مادقـوا النـاس الأقـراب طنّشتهـم لاجـل أتحفـى بجنـابـك أنا اعرف الباب وأدخل مـع البـاب والشكـوى لله يـوم صكيـت بابـك لا يابعد يانـوف عكفـان الأشنـاب لا جات حـزة شوفتـك واحتسابـك قولي لقلبك لا يكثّـر علـى الشـاب قولـي لـه الله لا يحرمـك شبابـك ان كان قصدك شـي فينـي ولا ذاب ما شوف شـي يستحـق التشابـك اللي هرب من زين وجهك للأسبـاب هرب ولكـن ماسكـت لـه عذابـك يا نوف انا عقب الصناديد الأعـراب يوم انهـا علـى الأصايـل مدابـك اخذت من وايل مزايـا مـن عقـاب ومن الخوال مطير يكفـي ارعابـك والظاهر انك منت خايـف ومرتـاب وما ينحكى عنـدك ولا ينحكـى بـك يا اقسى من هروش المحاني والألباب طالبـك تكفـى لا تثـور ركـابـك اليا زعلت شوي خذ حقـك عتـاب وأنا لك اسمع لين يقضـي عتابـك يابـو عيـون كنّهـا عنـة أهـداب عليك من حبـك التواصيـف حابـك قدّك عليه من الشمطري والأطيـاب واللـي يحلـي وجنتينـك حجـابـك جملة تواصيفك تجي مالهـا اعـراب بمـوت فيـك الله يجبـر مصـابـك لا المبسم الوردي ولا ثلجـه النـاب ولا الجديل اللـي يخـون المشابـك ولا ارتباكي منّك ولا شدّ الأعصـاب ولا خضوعي لك وأنـا مـا أهابـك ان طبت فالملقى معك أورق وطـاب وان غبت جعلـه مايطـوّل غيابـك وأنا اللي ألجأ للتـدواي بالأعشـاب حتى يجيبك دربك اللـي غـدا بـك الصدق يمكن عيب والضـن كـذّاب بس الأكيد أن الفقير اللى أغتنا بـك |
: جنايز الزار :::.كما قلت سابقاً هذه القصيدة لا زالت وستزال تدّرس للأجيال القادمة وحتى
الحاضـرة ليعرفوا من هو الشاعر التويجري زواني مـازوا زيـدً وزلبنـي زمـان العـز وزند زريد زندنـي ونغزنـي لـز منغـازي تـرزز والـزا يلـزي منـه قمـز يهـتـز سرا أرسومي على الملزوم وفاز بزتقتي فازي زلالً ماترزينـة علـى الزينـات مايعـجـز يوازية علـى زيـن يزلـزل زف وانجـازي رزان أوزان في كنزين أليا منه غمز به خـز زوايا قلب مزويـاً علـى الـزلات منحـازي زباديً لـزا فوقـه زمـرد وانتهـز وارتـز يكز كزلي مزاريفاً علـى مغـزاي بعجـازي كنز كنز من التعجيز وكنز العجز لـي ينكـز وأنا عاجز عن المزيون أليا منه عزم غـازي تزايد زل زفراتي حزامـي فـوق زوري لـز وزعجت الصوت من نفز تقل ناغوز مخرازي تعزويت بعزايا الزير ولأفـاد العـزا واملـز وتعزويت بزيازم عـز وكلـن فـز مافـازي زمان زل مازجيت زنادي فـي زمـام ألـوز ولا زايدت فـي رجـم وزبنـة كلهـا بـازي الوز من الـوزا خـزيً وزام العـز مايبتـز اوزي مـفــرزً وزاري زن بـطـنــازي زواج الجوز لو يجزا تزوج وانتهـز واعتـز وخز وقز وزين زل زفاف زفـوف تلفـازي زبون العوز لو ينقز فـلا يجـزى ولايطـرز ولو يجزم على بنـزاً تنـوز البنـز مانـازي ولو حزر ولو فزر ولـو طـرز ولـو خـرز ولو زمله يفوز بزين وزود الزيـن ممتـازي ولو يلزي على لزام ويزرع لـه زوالـي رز فلا يرزق زلال ألا بأمـر الـرازق الجـازي عقب برزان من عزك عزومً لك من عزايم دز تزر أزرار منعازنً على العـوزات والعـازي توزلف له حزم من زات تجزئها على موجـز جنايز زار تجهز بـه علـى أز وعلـى آزي |
حنا هل الفزعات والطيب والكـار :::.أعتقد سبب كتابته لهذه القصيدة مشهور ولا يحتاج الى التذكيـر به
حنا هل الفزعات والطيـب والكـار تواجـر يشهـد لنـا كـل رجــال يشهد لنا فـي طيبنـا طرقيـاً مـار نكرم ضيوف الله وهو ضيف رحـال ويشهد بعد من يسكن بجنبنـا جـار تقديرنا دلـه علـى طيـب الأفعـال ما هي غصيبة تاخذ النـاس مقـدار بفعالهـا تاخـذ ولا هيـب مقيـال أولاد وايـل نعـرف بدمنـا الحـار نقفي عن القايـل ولا نتبـع القـال حنا خمـاد النـار لا شبـت النـار أما دواهـا أخمـاد وإلا بالإشعـال حمولتي ما حد رتبي على أضـرار أبداً ولا جانـي تشاكيـل واشكـال واليوم شوف العين مشقوق الأستار بنتٍ ذراهـا ثـور ماهـوب رجـال زمر لها المزمار ورزح لها الطـار عرض الملابس شغلها ثوب وأبدال خبيثتـاً مدحـورةٍ بنـت طــرار ملعونـةٍ منبـوذةٍ كومـة زبــال يفرح بها من هو تباشـر بالأخبـار حقدٍ على رجال التواجـر الأبطـال مير إيخسى ما هي من مهار الاحرار نسل النور تعرف من الوجه الانذال واللي يقول الحق مـا ظنتـي بـار وراع الخطى تاطى على راسه نعال ياللي تشوف العيب والعيب بالـدار كبر الخطى شايل من العيب مثقـال مجلةً يـوم اوشكـت حـول تنهـار حطو خبر عنها على شـان تنشـال وأن كانها تمحي تواريـخ الأخيـار يا لعنبو من هو خذا صيـت بريـال تاريخنا اصفى مـن ميـاه الأنهـار واصفى من الماء لا تحدر على جال تاريخنا مشـرق مسـرات وانـوار ما نمدحه لا شـك يذكـر للأجيـال ردينـا لا جيـت مـن بـعـد زوار ذبحلـك الحايـل وقهـواك بـدلال جزيـرة كـلـه قبـائـل وأمــار وحنـا لنـا عـزٍ وبيـتٍ ومنـزال منزالنـا فـوق الشواهيـق شهـار ما ينزل بسلـمٍ ولا ضـاق بقتـال واللي ترك بيته على شان الأشـرار يرجـع وبيتـه للرياجيـل مدهـال واللي فرح في هند سـرٍ أو إجهـار عساه يذرف له من الدمـع همـال عسـاه بالدنيـا يغربـل ويحـتـار ماله صديـق وجالـسٍ دوم بالحـال أمراض في جسمه عطيبات وكثـار الصبح في حالٍ وبالليـل فـي حـال اليا هرج دمعه على الخـد مـدرار واليا سكت هوجس ودمعه بعد سـال هذا جزاء من هو تحرش بالأبـرار من حر ما يوجس يكـذب ويحتـال الشر ما ياقف إلى شاع ثـم سـار لكـن يجيلـه يـوم ينحـد لجبـال إن كان أنا شاطر به ألفيـن شطـار وإن كان أنا أخطيت فالحـق ينقـال ردة فعل تنظم حروفـي والأشعـار حقي ولا خفتـا مشاكيـل وانـزال |
| الساعة الآن 12:03 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية