صفحة 2 من 3 < 1 2 3 > عرض 40 مشاركات من هذا الموضوع لكل صفحة

نظرة الحب 08-03-2011 12:58 AM %%البارت الحادي عشر%% خلني ساكت دامني ما حكيت والسوالف الطويلة خلها كم بكيت بداخلي لو ما بكيت والعدالة في الزمن يا قلها دخل علي فارس وقال:شوفي المرة هذي بعديها لكن أذا تكررت وربي ما راح أعديها.. طالعته باحتقار بعيوني المليانة دموع ثم صديت عنه.. مسك ذقني بقبضة يده ولفني عليه:لا تطالعني بالنظرات هذي فاهمة.. نزلت عيوني وأنا أحاول دموعي تنزل..تركني وطلع.. من الآن سوف أعلمك يا قلب كيف تنساه..وكيف تنسى حباً لم تحصد منه غير الجروح.. سمعت ضرب ع الباب..فتحته وشفت نورة.. نورة:ممكن أدخل قلت بصوت متقطع من البكا:تفـ..ضلـ..ـي أدخلت نورة وجلست.. سكرت الباب وجلست جنبها.. نورة قربت مني ومسحت دموعي:ميشو ليش الدموع هذي.. قلت ودموعي تزيد:نورة ليش فارس يعصب علي والله ما كان قصدي أطلع بدون شال..وألا ليش أنه ما يحبني.. نورة:طيب لا تبكين البكاء ما راح يجيب فايدة.. :شسوي يا نورة..يمكن هالدموع تخفف عني.. ضمتني نورة ومسحت شعري:والله حاسة باللي فيك يا مشاعل..بس صدقيني راح يجي اليوم اللي بيتغير فيه فارس ويحبك أن شاء الله..بعدين هذا الموقف اللي صار قبل شوي دليل على أنه بدأ يتغير.. ابتعدت عنه وطالعتها مستغربة نورة:عارفة انك مستغربة..بس غيرته وعصبيته لما شافك سعود دليل على أنه بدأ يميلك وألا في واحد يعصب كل هالعصبية على زوجته عشان أخوه شافها وهم مو قاصدين أصلاً.. :نورة فارس يبي ينكد علي وبس ومو قصده غيرة نورة وهي توقف:وش ينكد عليك يا الغبية..أقول قومي أحسن لك وغسلي وجهك..ابتسمت وقرصت خدي..وخذي شالك قبل ما تنزلين تراني أغار على سعودتي.. بعدت يدها اللي على خدي وابتسمت:من زين سعودتك حبيبي أحلى منه نورة وهي تغمز بعينها:تحبينه تنهدت وهزيت رأسي بأيه.. نورة:الله يسخر لك قلبه :آآآمـــــــــــــين نزلت بعد ما غسلت وجهي ولبست شالي.. وشفت في الصالة خالتي وسعود ونورة ونهاد.. بصراحة استحيت لما شفت سعود.. جلست جنب نهاد.. وقف سعود وأستأذن كأنه فاهمني.. ================================== الساعة 12 غسلت وجهي.. وبدلت ملابسي لبست قميص قطني ناعم..بعدها لبست شالي.. وطلعت من غرفة التبديل..شفت فارس داخل ويفكك أزارير ثوبه العلوية.. فارس:وين رايحة.. قلت بدون نفس:بسهر عند نهاد.. فارس وكأنه مشمئز:طيب وش فيك تتكلمين من طرف خشمك طنشته وطلعت من الغرفة لكن مسكني مع ذراعي قبل ما أطلع ولفني عليه.. فارس وحواجبه معقدة من التعصيب:أنا لما أكلمك لا تعطيني ظهرك فاهمة سحبت يدي بقوة..ونظراتي كلها برود وقلت:إن شاء الله أوامر ثانية.. تمين نطالع في بعض..نظراتي ما زالت باردة أما ناظراته ما فهمتها.. ابتعد عني ودخل غرفة التبديل.. مسكت ذراعي اللي توجعني من ضغطه عليها وأنا كارهة نفسي ليش أني كنت أحبه..تصدقون أحس حبي له بدأ يضعف.. ================================= ضربت الباب وفتحت لي نهاد نهاد:وأخيرا"جيتي ما بغيتي تجين :آسفة ع التأخير دخلت غرفتها ورفعت شالي عن وجهي.. نورة اللي كانت متربعة عالسرير: فارس عارف أنك بتسهرين معانا.. :أيه قلت له.. نهاد وهي تحط يدها ع كتفي:لما قلتي له وافق على طول وألا بعد محاولات مثل الأخت نورة ولا بعد عطاها بس ساعة.... نورة وهي ترمش بعيونها وتقول بدلع:بعد عمري ما يقدر يصبر على بعدي.. نهاد:تراك ذبحتني من جيتي عندي وأنتي بس سعود وسعود..من زينه عاد..شوفي أذا كنتي تبينه روحي له.. قامت نورة:الشرهة مو عليك الشرهة على اللي جالس عندك أروح لسعودتي أحسن لي.. مسكتها نهاد قبل ما تطلع وهي تضحك:أمشي بس اجلسي في مكانك أمزح..ولفت علي بعد ما جلست نورة..وأنتي ما قلت لي وشلون وافق فارس.. مسكت خصلة من شعري وأخذت ألويها بأصبعي:عادي قلت له أبي أسهر عند نهاد وقال لي روحي.. رن جوال نورة.. نورة:سعودتي نهاد وهي تناظر الساعة:شكل الساعة انتهت.. نورة:هلا حبيبي..بس أختي توها جاية..أرجوك بس ربع ساعة..أوكي مع السلامة نورة وهي توقف بعد ما سكرت:يله أنا بروح لسعود..سهرة سعيدة لكم.. :نورة اجلسي أنا توني جاية نورة :ودي والله اجلس..بس سعود رفض.. طلعت نورة وجلست مع نهاد وسهرنا لحد الساعة الفجر.. =================================== اليوم الثاني..اتصلت على بندر عشان موضوعه زواجه.. :هلا بندر.. بندر::هلا فيك..كيفك.. :بخير الحمد لله..بس تعال قولي وش صار على موضوعك مع أبوي.. بندر:يقول بكرة أذا ما جيت معي نخطب بنت عمك لا أنت ولدي ولا أنا أبوك.. :يعني بتروح.. بندر وهو يتنهد:أكيد.. :أنا اليوم بكلم أبوي وبحاول فيه أن شاء الله.. بعدما سكرت من بندر لبست عبايتي..وأنا معزمة أكلم أبوي..ما أبي أخوي يعاني مثل ما عانيت.. أول ما وصلت سلمت على أمي وجلست معها..وبعدها أستأذنت بعدما عرفت أبوي وين..رحت لمكتبه وضربت الباب المفتوح..ورفع أبوي رأسه من الأوراق اللي بيده ونزل نظارته.. دخلت:السلام عليكم.. أبوي:وعليكم السلام.. بست رأسه وجلست ع الكرسي:كيفك يباه.. أبوي:الحمد لله بخير.. :يباه أنا جاية اليوم بخصوص موضوع بندر.. أبوي:ليه وش فيه بندر.. :يباه بندر ما يبي جمانة أرجوك لا تجبره..بندر رجال ويعرف مصلحته ويـــــ.. قاطعني أبوي:أخوك ما له غير بنت عمه وغير هالكلام ما فيه.. وقفت وقلت بانفعال ونسيت أني اللي أتكلم معاه ابوي:يباه حرام عليك اللي تسويه..مو كافي أنك جبرتني على إنسان ما يحبني..وهذا هو كل يوم يسمعني كلام يجرحني يذبحني..وكملت ودموعي تنزل..وفوق هذا يضربني وكأني خدامته..يباه حرام حرام اللي تسويه..فكر فينا يباه..فكر في مصلحتنا.. كان أبوي يطالعني بنظرات مصدومة.. صديت عنه..وطلعت بسرعة وأنا أتغطى.. ركبت السيارة وفرغت كل دموعي فيها..ما أدري كيف جتني الجراءة أني أرفع صوتي على أبوي.. وأول ما وصلت طلعت لجناحي..شفت فارس:ممكن أعرف وين كنتي طالعة.. :كنت عند أهلي.. فارس:وليه ما أستاذنتي مني قبل..مو أنا قايل ما تطلعين من البيت من دون أذني.. مشيت عنه مو رايق له..مسكني واصطدمت بصدره:أنتي ليه تحبين تعاندين.. سحبت نفسي منه وبعصبية قلت:أسأل نفسك ليه أعاندك..فارس ليه ليه تعاملين كذا..فارس أنا وش ذنبي أذا خسرت حبك..ليه كل مرة تذبحني بكلامك..وضربت صدره وأنا أبكي..فارس والله تعبت ما فيني أصبر..فارس ارحمني..فارس من كثر ما هنتني وذلتني صار ما عندي كرامة..فارس واللي يعافيك حس فيني.. مسك يدي يوقفني عن ضربه.. سحبت يدي ودخلت الغرفة ورميت نفسي ع السرير أبكي.. دخل فارس وجلس جنبي:مشاعل أنا سكرت أذني بأيدي بقوة:فارس أرجوك مابي أسمع منك شي ما فيني أتحمل كلامك الجارح أكثر من كذا طلع وأنا رجعت ادس وجهي بالسرير أبكي..حسيت بغثيان ووقفت بسرعة للحمام..وبعدما انتهيت رجعت للسرير لكن حسيت بدوخة وبعدها دخلت بعالم لونه أسود وطحت من طولي ====================================== حسيت بحد يضرب ع خدي:مشاعل مشاعل ردي علي فتحت عيوني وقلت بصوت تعبان:فارس فارس:مشاعل أنتي تعبانة.. صديت عنه من دون ما أتكلم فارس:قومي أخذك المستشفى :ما أبي أروح وأرجوك أتركني لحالي قام من السرير وقال:بلا دلع يله قومي التفت عليه:قلت ما أبي غصب يعني فارس وبابتسامة مكر:شوفي أذا ماقمتي بأنزلك بنفسي عقدت أيدي ع صدري:قلت لك ما أبي ما تفهم فارس:أوكي أنا بنزلك أجل.. وشالني وقعدت أصرخ واضربه:فارس نزلي قلت ما أبي نزلي طنشني وأخذ عبايتي ونزلني لتحت ولحد ما وصل السيارة ونزلني قدام ومد علي العباية فارس:يله ألبسي عبايتك خذيت عبايتي بعصبية..وركب السيارة وحركها وطلعنا من القصر.. ============================= عند الدكتورة في انتظار التحاليل.. قالت وبكل ابتسامة لي ولفارس:مبروك المدام حامل فتحت عيوني بصدمة.وش هالمصيبه اللي أنزلت على رأسي كانت الدكتورة تتكلم بس ما كنت معاها..رفعت عيوني لفارس وكان باين أنو فرحان..ومدت الدكتورة لفارس ورقة الدواء ووقف وبصوت فرحان:يله مشاعل مشينا.. وقفت وطلعت معاه وأنا مو في عالمي..كنت أطالع الطريق ودموعي تنزل بانسياب.. التفت على فارس..كانت ملامحة تبين فرحه..ما توقعته أبدا بيفرح.. وصلنا ونزلت على طول طلعت لجناحي..ورميت عبايتي ودخلت في اللحاف.. مسكت بطني..اجتاحتني أحاسيس غريبة معقولة في بطني طفل..آآآآآآه ياعمري كيف بتعيش والحياة بيني أنا وأبوك صعبة وقريب راح ننفصل.. سمعت باب الغرفة ينفتح وغطيت وجهي..سمعت خطواته تقترب رفع فارس اللحاف عني ونزل ع ركبته.. فارس وبهمس:مشاعل ليه تبكين مو فرحانة.. هزيت رأسي بلا.. فارس:ليه.. :تسأل ليه..فارس هالجنين كيف بيعش وحياة أمه وأبوه مع بعض صعبة وما راح تستمر لأنو راح ينفصلون.. فارس:مشاعل أنا لو مهما حصل ما راح أطلقك.. طالعته مستغربة:بس أنت مو قلت سنة وراح تتطلقني.. فارس وهو يبتسم:صحيح قلت هالكلام لكن هذا قبل ما أعرف غلاك عندي.. :وما دام أني غالية عندك ليه هالمعاملة القاسية اللي تعاملين فيها.. فارس:صدقيني يامشاعل أنا نفسي ما أدري ليه أعاملك كذا مشاعل أنا صحيح عصبي كثير لكن عمري ما جرحت أومديت يدي على حد بس لما أكون معك ما أدري وش يصير فيني يمـ.. قطعت كلامه:فارس أنا ما يهمني هالكلام اللي يهمني قلبك مسكت يده فارس أنا زوجتك أنا اللي استاهل حبك وغادة خلاص تزوجت ليه ماتنساها.. فارس نزل عيونه:صعب أنساها يامشاعل صعب بس هذا ما يمنع أن ننسى اللي راح ونفتح صفحة جديدة مشاعل سامحيني وخلينا نعيش مثل أي متزوجين مرتاحين وسعيدين والاحترام متبادل بينهم.. أنسى الجروح اللي سببتها لي أنسى حبك لغيري صعب صعب.. فارس:وش فيك ساكته طالعته بنظرات تشتكي من ألمي وآهاتي وسحبت يدي وصديت عنه ما أدري ليه صديت عنه بس بعد هالمعاناة ولا يقول لي صعب أنساها يبيني أسامحه وأنسى.. سمعت فارس يتنهد..وتمدد عالطرف الثاني.. ========================================= الصباح نزلت تحت.. وكان الكل موجود.. :السلام عليكم.. الكل:وعليكم السلام.. أم فارس:مبروك يا بنتي ع اللي جاي بالطريق ابتسمت بحيا:الله يبارك فيك.. عمي فواز:مبروك يا أم فواز.. :الله يبارك فيك.. الكل كان يبارك وأنا أرد وابتسم ومن داخلي أتمنى هالحمل ما يتم.. المغرب..اتصلت على بندر وقال أنو خطب جمانة رسمي..وكنت مقهورة ليش أن كلامي مأثر في أبوي..بعدما سكرت من بندر نزلت.. شفت خالتي وعمي وفارس وسعود ونورة.. :السلام عليكم ا لكل:وعليكم السلام جلست جنب نورة.. عمي فواز:ها وش قلت يا فارس بتسافر معانا.. فارس:لا أنا بجلس خلاص صيفت في ماليزيا.. عمي فواز:براحتك.. همست في أذن نورة اللي جنبي:وش سفرته اللي يتكلم عمي عنه.. نورة بنفس همسي:العائلة أن شاء الله كلها بتسافر لأيطاليا ما عاد زوجك وسالم ونهاد اللي مشوا لجدة قبل شوي.. :متى صار هالكلام.. نورة:أبوي وعمي فواز صار لهم أسبوع وهم يخططون على هالرحلة.. جلسنا لحد ما أذن العشاء ================================ بعد ما تعشيت طلعت لجناحي..جلست ع السرير وأنا أفكر..ما أدري اللي جالسة أسوي صح أو لا..صحيح أحب فارس وأتمنى أعيش معه سعيدة..بس ليش رافضة طلبه يمكن لأنو لسى يحب غادة.. بس صعب أسامحه بكل سهولة.. رن جوالي بمسج.. فتحته وكان من الرقم المجهول.. قالوا ارفع راسك وشف القمر مادروا ان القمر موطي راسه يقرأ الرسالة.... ابتسمت لما قريب الرسالة..انفتح الباب والتفت وشفت فارس حطيت الجوال ع الدرج وتلحفت ونمت.. ============================= مشيتت مع خالتي ونورة لحد ما وصلت لباب الرئيسي وودعتهم لأنهم بيسافرون.. وكنت راح أرجع للصالة بس ما أبي أجلس مع فارس وقررت أطلع لجناحي..مريت الصالة.. فارس:مشاعل.. وقفت..وقف وقرب مني:أبيك الليلة تتجهزي لأني عازمك ع العشاء برى.. قلت برود:أن شاء الله.. وطلعت لجناحي..وأول ما دخلت بكيت..آآآه يافارس أنا ما بي غير حبك.. ========================================== </b></i>

نظرة الحب 08-03-2011 12:58 AM %%البارت الثاني عشر%% الساعة تسع.. كنت جالسة بجناحي قدام التفي..وأفكر بحياتي مع فارس..مو قادرة اتخذ قراري في حياتي معاه..قلبي يقول سامحيه وانسي الماضي وأفتحي معه صفحة جديدة مثل ما طلب..وعقلي يرفض أني أسامحه لأن الجرح اللي سببه عميق ولا اعتقد راح يبرئ.. بعد فترة من هالتفكير المتعب قررت أتجهز قبل ما يوصل فارس.. ============================= بإحدى مطاعم الرياض.. كنت منزلة عيوني على أيدي اللي تقلب طرف طرحتي بتوتر.. فارس:مشاعل وش فيك.. رفعت رأسي.:ها..لا ما فيني.. فارس:طيب ليه أحس أنك متوترة.. قلت وأنا أحاول أضبط رجفتي:لا مو متوترة ولا شيء.. وقف فارس وجلس جنبي..ولف وجهي عليه برقة.. فارس:مشاعل.. قلت بهمس وأنا أغمض عيوني من رقته.:همم.. فارس:مشاعل للمرة الثانية اطلب منك نفتح صفحة جديدة وننسى اللي مضى.. صديت عنه وعقلي وقلبي في دوامة متناقضة.. فارس:مشاعل أنا عارف أني غلطت بحقك كثير..بس صدقيني أنا نادم ع اللي صار..مشاعل عاجبك الحياة اللي نعيشها.. التفت عليه بعدما مشيت ع كلام عقلي ودست ع قلبي ودموعي مكتنزة بعيوني:فارس تعتقد اللي سويته فيني شيء سهل..سمعتني كلام يسم البدن ويقتله..وضربتني لأسباب تافهة..وذلتني لما جبرتني على قربك..وبكل بساطة تقول لي ننسى اللي مضى ونفتح صفحة جديدة..تنهدت وكملت..فارس أنا آسفة طلبك مرفوض.. ونزلت رأسي أحبس دموعي..أما فارس شفته يكور يده ويقبض عليها بقوة وتنهد تنهيدة طويلة.. وقطع هالجو المختنق وصول الأكل.. ================================= كان الهدوء يعم السيارة..وكنت ساندة رأسي على جنب وأطالع بالطريق ودموعي تعبر عن الحزن والهم اللي ساكن قلبي..ولما وصلنا نزلت بسرعة وطلعت لفوق وغسلت وجهي بالماء البارد كذا مرة وعشان تهدأ نفستي توضيت وطلعت للغرفة وحصلت فارس متمدد ويطالع لفوق..نزل عيونه عليه ولفيت عنه برود..ولفيت علي شرشف الصلاة وفرشت سجادتي اتجهت للقبلة وصليت ودعيت ربي يزيل همي وحزني..وبعدما انتهيت بدلت لبسي بيجامة نوم وتمددت ع السرير.. بعد ما طفيت الأنوار.. وطول الوقت وأنا أحس بتقلبات فارس الكثيرة.. وبعد نص ساعة تقريبا قام فارس من السرير وفتح الأنوار وشفته يأخذ ثوبه وبدل ولما التفت علي غمضت عيوني..وطلع واستغربت شي يطلعه ألحين.. =============================== صحيت ع المنبه ع وقت الفجر والتفت على الجهة الثانية ولا حصلت فارس..خفت ليكون من طلعته الساعة١١وما رجع..الله يستر ويحفظه يا رب..توضيت وصليت الفجر..وبعدها جلست أقرأ قرأن..وبعد ما انتهيت رفعت رأسي للساعة وكانت ست والشمس بدت تطلع وفارس مارد..وزاد خوفي..ومسكت الجوال ابتصل عليه..ولكن انفتح الباب ودخل فارس..وتنهدت بارتياح..ونزلت شرشف صلاتي..ورحت أنام.. ============================== اليوم الثاني.. العصر.. كنت جالسة بالصالة أطالع التفي..دخل فارس اللي ما شفته طول اليوم بسبب انشغال بأعماله.. فارس وهو ينزل نظارته الشمسية:السلام عليكم.. :وعليكم السلام.. رمى فارس جسمه بتعب ع الكنبة..والتفت علي وعلى طول صديت للتلفزيون.. رن جوالي..وطالعت الشاشة..وكانت المتصلة مرام.. :هلا مرام.. مرام:هلا فيك كيفك.. :بخير ولله الحمد..أنتي كيفك.. مرام:زهقانة وطفشانة.. :وينه عنك راجح.. مرام:ما أدري عنه هالشايب..أقول ميشو وش رأيك نطلع لسوق من زمان ما طلعنا مع بعض.. :أوكي بس بشوف رأي فارس وأقولك أن شاء الله.. مرام:طيب انتظر اتصالك..مع السلامة.. :مع السلامة.. سكرت الجوال والتفت على فارس.. :فارس.. التفت علي فارس بعيونه الوساع اللي باين عليها التعب.. وترتني عيونه وحاولت أحفظ على توازن صوتي:أبي أطلع مع صديقتي مرام للسوق وش رأيك.. فارس وبرود وهو يوقف:كيفك.. وطلع لفوق..واتصلت على مرام وقلت لها تجهز لأني بمرها علشان نطلع.. ============================== بعد ما وصلت العمارة اللي ساكنة فيها مرام..اتصلت عليها عشان تنزل بس أصرت أول شيء تضيفني عندها.. نزلت وطلعت للدور اللي فيها شقتها..ووصلت لرقم شقتها وضربت الجرس..وفتحت لي مرام الباب.. مرام:هلا والله بالغلا.. :هلا فيك.. مرام:تفضلي حياك.. دخلت لحد الصالة وكانت شقتها مرتبة وحلاتها في بساطتها.. مرام:تفضلي جلسي وأنا بروح أجيب لك شيء تشربينه.. مسكت يدها:ما له داعي.. مرام:لا ما يصير أول مرة تجيني في بيتي وما أضيفك.. ابتسمت وتركتها..وهي بالمقابل ابتسمت لي وتوجهت للمطبخ.. وبعد مدة قصيرة جت وقدمت لي العصير.. وجلست وقالت بسخرية:شفتي يا مشاعل أنا مرام بنت تركي آل.. أسكن بشقة..وبقرف كملت..لا وشقة زي كذا.. :وش فيها الشقة مرتبه وحلوة.. مرام:واضح..تصدقين كم مرة أحاول في راجح أننا نسكن بقصرنا القديم بس رافض..مسوي فيها الشايب عنده كرامة ما يبي يأخذ شيء من طرف زوجته..وهو أكبر طماع هو وبنته العقربة.. مسكت يدها:مرام لا تظلمين الرجال..اللي أعرفه أنه ما تزوج ألا لأنه يبي ولد يشيل اسمه.. مرام وبكراهية واضحة لراجح:طيب يأخذ وحدة من مستواه..هو أصلن ما أخذني ألا عشان الفلوس مو لأنه يبي ولد هالمنتف..أنا ما أدري وش اللي ترك جاسم من البداية يأخذ من هالناس.. :مرام حبيبتي خلاص أرضي باللي كتبه ربي لك.. ليمتى بتجلسين تندبين حالك.. مرام:أنا ما راح أرتاح ألا لمن يطلقني راجح.. هزيت رأسي بأسف لحالها.. فجأة نطت علي وحطت يدها على بطني وهي تبتسم:صحيح ميشو شخبار حبيب خالتوه.. ابتسمت لما تذكرت اللي في بطني:تصدقين يا مرام لحد الآن مو مصدقة أنا في بطني طفل.. مرام ولازالت الابتسامة بوجهه: بكرة لما يبدأ بطنك يكبر بتصدقين..وضحكت.. عقد حواجبي:بسم الله عليك وش فيك تضحكين.. مرام وهي مستمرة بالضحك:تخيلت شكلك وبطنك منفوخ على جسمك النحيل مرة..بصراحة تحفة..وضحكت بقوة وهي تمسك بطنها.. وضربتها على كتفها:اطمني يا الدبة أنتي أصلن مقهورة من رشاقتي.. مرام وهي توقف:وش رشاقته تقول مسطرة مو جسم.. رميت عليها شنطتي وهربت وهي تضحك وتقول:أنا بروح أجيب عبايتي.. ابتسمت من زمان ما تهاوشنا.. ================================== طلعنا من الشقة وشفت رجل كبير بالسن وظهره منحني شوي وكان طالع من الأصنصير.. مرام:راجح.. غمضت عيوني بحزن لما عرفت أنه زوج مرام.. كان وجهه متجعد بالحيل..وشكل مرام وهي بجنبه كأنها حفيدته مو زوجته..تنهدت وسبقت مرام ع السيارة.. =============================== الساعة تسع.. بمجمع حياة مول.. التفت على مرام..وأنا أحس بألم خفيف بطني:مروم خلاص خلينا نرجع رجولي تعبت.. مرام وعينها على وحدة من المحلات:لحظة بس هذا أخر محل ونطلع.. وانتظرتها ودخل المحل رجال ملامحمه سعودية ومعه وحدة أجنبية متحجبة وبعض من شعرها طالع وكان يتكلمون..وفي نفس اللحظة..طلعت مرام وهي مشغولة بالكيس اللي معها..ودعمت بالرجال وطاحت طرحتها من على وجهها..حطيت يدي من اللي شفته..وتجمدت مرام في مكانه والرجل ما زال بنفس وقفته ويطالع مرام.. قلت بصوت هامس:مرام.. انتبهت مرام وتغطت وطلعت من المحل ورمت الكيس ع الخدامة..وطلعنا من المجمع.. لما ركبنا السيارة لاحظت أنا مرام ترتجف..مسكت يدها.. :مرام وش فيك.. مرام:شفتي الرجل اللي دعمته.. :وش فيه.. مرام:هذا ماجد.. :ماجد ولد خالتك هناء اللي فك خطبتكم عشان يأخذ حبيبته انجلينا اللي كان يدرس معها بكندا.. هزت مرام رأسها وعيونها تلمع بسبب الدموع اللي تجمعت بعيونها.. ضميتها:مرام قلبي ليه هالدموع..خلاص يا مرام الحكاية هذي صار لها أكثر من ثلاث سنوات.. مرام:بس أنا أحبه يا مشاعل..سبحان الله ما كانت مطمنة لما قرر يكمل دراسته بكندا..ودخلت في نوبة بكاء..وأخذت أمسح على شعرها وأهدي فيها.. ما ني الوحيد اللي من الحب مجروح.. كم واحد بهدنيا من الحب قد صاح.. بعض الألم يأخذ أيام ويروح.. وبعض الألم تمضي له شهور وسنين ما راح.. إذا الهوي عندك سواليف وضحك ومزوح.. أنا بقلبي آهات وحزن والآم وتناهيد وجراح.. ============================================ مر أسبوع وأنا بعيدة كل البعد عن فارس..مع أنه كذا مرة يحاول يبقرب مني بالكلام والسوالف..بس كنت أصده في كل مرة.. سمعت ضرب ع باب جناحي..فتحته وحصلت المشرفة.. :نعم نوريهان.. نوريهارن:الأستاز بندر تحت ينتظرك.. عقدت حواجبي لأن بندر مسافر مع أهلي وش جابه.. نزلت للصالة..وأول ما شافني بندر ضمني وهو يدور فيني.. قلت بخوف:بندر نزلني يا الدب..وش فيك.. توقف عن الدوران ونزلني.. بندر وبابتسامة واسعة:فرحان يا مشاعل فرحان وحاس أني أسعد إنسان.. ابتسمت:وش اللي مفرحك كذا فرحني معك.. بندر:عمي سالم رد ع أبوي وقال جمانة جمانة مو موافقة.. ضحكت:من جدك أنت.. بندر:أيه.. تذكرت حاجة وقلت:طيب ليه رجعت السعودية مو أنتم بتأخذون شهر بإيطاليا.. بندر:أمس رجعنا أنا وهلي لأن أبوي زعل بعد رفض عمي وقرر أننا نرجع.. :وأبوي ليه يزعل.. بندر:أنتي تعرفين الوالد ما يحب حد يرفض لها شيء.. :يا ليت أبوي وعمي فواز ومنصور مثل عمي سالم المتفهم.. بندر:تصدقين مرات أحسد عبد العزيز أن أبوه سالم..لأنه ما يدخل في حياته مو مثل أبوي حتى في دراستي تدخل وحرمني من أني أدخل الطب وأجبرني على قسم ما لي رغبة فيه..ولا يبي يزوجني بكيفه بس الحمد لله أن جمانة أرفضتني.. بدون مقدمات ضميت أخوي..وفرت من عيني دمعة..مسحتها على طول.. ================================ اليوم الثاني أرجعوا أعمامي من السفر عشان يصلحون الوضع بين أبوي وعمي سالم..صحيح بالبداية أبوي كان عنيد بس بالأخير هذا أخوه..والحمد لله تصالحوا..وفتح بندر موضوع زواجه من عبير لأبوي..وأبوي وافق..وقررت أفتح هالموضوع مع عبير بالأول وأشوف رأيها.. عبير:بس أنا ما أفكر ألحين بالزواج يا مشاعل.. :عبير أنت رافضة أصلا عشان سامي..عبير سامي خلاص تزوج وعاش حياته..أنسيه وتزوجي وعيشي حياتك..عبير ترى بندر ما في أحن منه..أخوي وأعرفه زين.. نزلت عبير رأسها بصمت.. :أنا ما راح أضغط عليك..بس فكري زين واستخيري ربك..وقفت وأنا أخذ شنطتي..يله مع السلامة أنا لازم أمشي.. عبير:وين لسى جاية.. :بطلع لأهلي من زمان ما جيتهم.. عبير:أوكي مع السلامة.. ==================================== الليلة زواج غادة..وكنت متحمسة أني أحضر الزواج..ما أدري بس يمكن لأني أبي أشوف اللي حبها زوجي وهي عروس..في هاليوم كان فارس أغلب وقته ساكت ويسرح..ما ألومه اليوم زواج حبيبته.. الساعة تسع جلست أتجهز..كنت لابسة فستان لحمي ملفوف على جسمي بطريقة حلوة.. ومرولة شعري الناعم وعاملة مكياج سموك.. بعد ما انتهيت نزلت وطلعت مع خالتي ونهاد.. الساعة1:30بدأت الزفة وانزفت غادة اللي كانت طالعة من جد قمر..لكن كان في ملامحها حزن..هذي حبيبتك يا فارس تنزف قدامي لغيرك خلاص أنساها..جلست غادة على كرسي كوشتها ووقفنا أنا وخواتي وبنات عمي وعمتي عشان نسلم عليها بصراحة لما شافتني تغيرت نظراتها..نظرات غربية..نزلت بسرعة بعد ما سلمت وأنا مستغربة طول الوقت من نظراتها ونظرات ندى اللي أحس أنها أقرب وحدة لقلب فارس.. ========================================= أول ما وصلنا القصر طلعت لجناحي..ولما دخلت غرفة النوم حصلت فارس متمدد ع السرير بالعرض وسرحان..حسيت أني قلبي يعصرني بقوة..كان ودي أصرخ في وجهه وأقول أني شفت حبيتك اليوم تنزف لغيرك أنساها..أنساها وعطني حبك أنا..تنهدت بعمق وأنا أصد عنه للمراية عشان أنزل اكسسوراتي وأزيل الميك آب..وهو ولا عبرني بنظرة طول الوقت سرحان.. ======================================== انتهت العطلة الصيفية وبدأت الدراسة.. وبدت دراستي الجامعية.. نزلت عند بوابة رقم٢.. ونزلت عباتي بسرعة وأخذت الشنطة من الخادمة وتعطرت وبعدها طلعت من البوابة لمبناي٢٤بسرعة وأنا ألبس نظارتي.. طالعت الساعة شفتها تسع ونص..بصراحة طفشت من المحاضرة..خاصةً أن لمى ما داومت اليوم.. طلعت جوالي اللي على سايلنت وحصلت مكالمتين من عبير ورسالة.. فتحت الرسالة وكانت من الرقم الغريب..اللي مازال طول الأيام اللي فاتت يرسل لي.. <صباح الخير على أجمل وأرق طالبة> مسحت الرسالة من دون ما أعطيها اهتمام.. وفرحت لما انتهت الدكتورة من المحاضرة.. طلعت من الكلاس واتصلت على عبير.. :هلا عبير.. عبير:وينك فيه مشاعل.. :أنا في الجامعة..أنتي جيتي.. عبير:أيه..وأنا ألحين عند بوابة4..تكفين مشاعل تعالي أنا ما أعرف شيء هنا.. :أوكي أنا ألحين جاية.. اليوم أول يوم لعبير بالجامعة..واهي داخلة قسم اللغة الفرنسية كلية اللغات والترجمة..وصلت عندها وبستها.. :هلا والله بمرة أخوي.. عبير وبخجل:مشاعــــل.. ضحكت وطلعنا لمبنى19..وحصلت قاعتها وطلعت للكافتريا عند صديقاتي.. =============================== :أهلين سوسو كيفك.. سجى:بخير الحمد لله..أنتي شخبارك :أنا بخير ما دامك بخير..ألا وين مرام ورغد.. سجى:لسى طالعين لمحاضراتهم..سجى وهي تناظر بطني..ميشو شو أخبار اللي في بطنك. :بصراحة متعب المامي..دوخة وغثيان و وحام..شيء مو طبيعي.. سجى:واااااي ذكرتني بحالتي لما كنت حامل بريان وإياد..وألا الولادة كنت أحس أني بموت.. :تكفين يا سجى لا تجبين طاري الولادة خايفة كثير.. سجى:أنتي بأي شهر.. :بالشهر الثالث.. :الله يعينك يــا رب.. :آمــــين.. ============================= مرت الأيام وانقضى الشهر ودخلنا في شهر رمضان كان كل ثلاث أيام تجتمع العايلة كلها مر بقصرنا عند أهلي ومر عند واحد من أعمامي. وكانت الحياة بيني وبين فارس هادية في هالشهر.. وكان جدولي الرمضاني.. هو أني بعد ما رجع من الجامعة أنام وأصحى ع صلاة العصر وأتوضى وأصلي بعدها أجلس أقرأ قرآن ثم أنزل تحت عند عمي وخالتي وفارس وقبل الأذان نجهز الفطور.. وأذا أذن العشاء أروح مع خالتي للمسجد عشان صلاة التراويح.. ونومي الساعة١٢وأصحى الساعة ثنتين وأجلس أقرأ قرآن لما يجي السحور..وكانت بين فترة وفترة أطلع لسوق عشان ملكة بندر وعبير اللي بتكون أن شاء الله بعد العيد بأسبوع...بس ما كنت أطول بالسوق.. وبصراحة ما كنت أتابع بالتلفزيون عدا البرامج الدينية وهذا شهر عبادة..وكثير من الناس الله يهديهم يقضون أغلب وقتها برمضان بالمسلسلات..واللي يقهر بجد أنهم ما يعرضون المسلسلات الجديدة اللي بهالشهر اللي تشغل الناس عن استغلالهم لشهر رمضان بالطاعات..وأكبر خسارة أذا انتهى الشهر ولا استغليناه لأنا ما ندري بيبلغنا الله رمضان اللي بعده أولا.. وفي بداية العشر الأواخر سافرنا أنا وفارس وعمي فواز وخالتي لمكة وجلسنا يومين ورجعنا للرياض.. ======================================= الساعة وحدة بالليل كنت سهرانة وأكبر لأن بكرة العيد وأنا عادتي من أيام طفولتي أني ما أنام ليلة العيد حتى يوم العيد.. ..كنت أتمنى أن شجون وخلدون معي لأننا كنا نفلها بالرقص والهبال بس ألحين بقضي ليله العيد لحالي مع أن نورة موجودة بس نورة ما تحب السهر.. دخل فارس وأنا جالسة ع طرف السرير.. فارس:ليه ما نمتي.. رديت ببراءة طفولة:ما أحب أنام ليلة العيد.. فارس بابتسامة:طيب تصبحين على خير.. :وأنت من أهله.. طلعت للصالة وشغلت التلفزيون.. على أذان الفجر.. دخلت الغرفة وشفت فارس طالع من الحمام بالروب ودخل غرفة التبديل.. خذيت شاور ولبست فستان حمل..ألحين أنا في نهاية الشهر الرابع.. وعملت ميك آب ناعم.. وصليت وبعد ما خلصت طلعت من غرفة النوم وشالي بيدي.. دخل فارس الجناح وكان كاشخ أخر كشخة.. فارس وهو يبتسم:كل عام وأنتي بخير.. ابتسامته وترتني وقلت وأنا أنزل عيوني عن عيونه:وأنت بخير.. فارس:مشاعل.. :هلا.. فارس:وربي أنك أجمل وحدة شفتها بحياتي.. رفعت عيوني وطاحت بعيونه وما قدرت أرفعها بصراحة عيونه جناااان.. تقدم مني ولا شعوريا رديت لورى.. فارس وكأنه تضايق من حركتي:لبسي يله شالك خليني نزل تحت ثم عطاني ظهره عشان يطلع لبست شالي بسرعة ونزلت معه.. وعيدت الكل وجلست بجانب فارس.. جلسنا نسولف..بعدها بفترة ناظر عمي الساعة عمي فواز:الساعة ثمان..وقف..يله الرياجيل بيجون ألحين.. وطلع عمي وفارس وسعود.. ونزلت شالي عن وجهي أنا ونورة.. أم فارس:يا ما شاء الله عليكن طالعات مثل القمر..الله يحفظن ويحميكن من العين والحسد يا رب.. ..يا ناس أموت في خالتي كله تدعي لي بالخير.. نورة:وأنتي يا خالتي ما شاء الله تجنين اليوم..ما تشوفين عمي طول وهو جالس معانا بالعادة يعيدنا ويجلس دقايق ويطلع.. استحت خالتي.. وقلت:الله يهديك يا نورة أحرجتي خالتي.. ==================================== تجمعوا العايلة بالقصر عندنا لان عمي فواز هو أكبر واحد بالعايلة.. كنت جالسة مع البنات.. خواتي وبنات عماني نهاد والهنوف وجمانة..وبنات عماتي أميرة بنت عمتي سهام..وياسمين بنت عمتي سمر اللي بعمر نورة وهي متزوجة وشهد أختها وعمرها ١٨.. ياسمين وهي تبتسم:ما شاء الله عليك يا ميشو يعني ما صار لك ألا شهرين من تزوجتي ألا على طول حملتي طيب كان صبرتي سنة مثلي أنا ونورة وألا مستعجلة على غثاء الصغار.. قلت بارتباك حاولت أخفيه:فارس هو اللي يبي عيال..قولي بس كيف جوري ورامي.. ياسمين:والله متعبيني مرة خاصةً جوري اللي صايرة غيور مرة من أخوها رامي.. :الله يعنيك عليهم.. ياسمين:اللهم آمين.. نورة:أقول ياسمين وش صار على أشواق من زمان ما كلمتها.. ياسمين: هذي هي بتسوي عملية طفل الأنابيب.. نورة:يعني الأول ما نجحت.. ياسمين:ما تم الحمل وسقطت.. نورة:الله يرزقها بالذرية الصالحة يــا رب.. سرحت بتفكيري..سبحان الله في زوجات يتمنون لو طفل واحد ويتحملون الآلام والأوجاع من هالعمليات اللي يسونها عشانه وأنا ربي رازقني بحمل بالساهل وأنا أدعي رب أنه ما يتم.. مسكت بطني بألم لأني حسيت بنغزة.. انتبهت شجون وخافت:ميشو وش فيك :لا تخافين ما فيني شيء بس الجنين تحرك أشوي.. ============================================

نظرة الحب 08-03-2011 12:59 AM %%البارت الثالث عشر%% حسيت بشيء يتحرك ع خشمي..فتحت نص عيوني وشفت فارس ماسك خصلات من شعري ويحركها على وجهي.. فارس مبتسم:يله قومي صلي وتجهزي بعد شوي بنمشي المزرعة أن شاء الله.. كنت مستغربة بس قلت لأن النوم ذابحني:حبيبي أتركني أنام شوي.. فارس وهو يتشقق من الابتسامة..وهذا الشيء خلني أنتبه للي قلته وبصراحة انحرجت..:ما عاد في وقت للنوم.. :طيب كم الساعة.. فارس:الساعة ثلاث ونص.. رفعت نفسي عشان أقوم لكن حط فارس أيده على بطني وسندت ظهري ع ورى.. فارس:مشاعل شخبار حبيب أبوه.. ابتسمت:ما تركني أنام زين كله يتحرك.. فارس بمزح:شكله مستعجل ع الطلعة .. تنهدت تنهيدة جرح وصديت عنه:وليه يستعجل ع طلعته عشان يشوف أبوه وأمه اللي الحياة بينهما صعبة..يشوف أبوه اللي مو طايق أمه..واللي هي مجروحة بأسبابه.. ونزلت دمعة هيضت جروحي الخامدة.. لف فارس وجهي عليه:مشاعل من يقول أني ما أطيقك لو تعرفين غلاك بقلبي ما قلتي لي هالكلام.. بعدت وجهي عن يده..وصديت عنه وأنا أقوم من السرير وبقسوة نطقت:احتفظ هالغلا لنفسك.. ودخلت الحمام وأنا أحاول أني أمسك دموعي كافي الدموع اللي ذرفتها في الأيام والأشهر اللي عدت..غسلت وجهي وتوضيت وطلعت للغرفة ولا حصلت فارس.. ======================================= بعد صلاة العصر دخل فارس علي وأنا جالسة أتجهز.. فارس وبملامح باردة:ما بعد انتهيتي.. :لا لسى.. فارس:طيب استعجلي ترى أهلي اسبقونا للمزرعة.. :أن شاء الله.. طلع فارس..وبسرعة حطيت اللمسات الأخيرة لمكياجي وصففت شعري..وأخذت عبايتي ونزلت..وقف فارس بيطلع لما شافني.. :فــــــارس.. التفت علي وما زال بروده:نعـم.. :ممكن نمر بيت خالي عبد الله عشان أعيدهم.. فارس:أوكي يله مشينا.. ابتسمت وقلت:مشكور.. صد وهو عابس وجهه..انقهرت منه لما صد وطلعت وراه.. ===================================== عبير أول ماشافتني ركضت لي وضمتني:هلا والله بالغلا..كل عام وأنت بخير... :وأنتي بخير.. عبير:تفضلي حياك.. دخلت وحصلت أهلي اللي لسى ما طلعوا للمزرعة..وزوجة خالي حمد وسلمت على الكل وجلست.. وبعدها تقريباً بنص ساعة اتصل فارس عشان أطلع أم عبير:جلسي يا بنيتي توك جاية.. عبير:أيه ميشو تكفين.. :والله ودي..بس أحنا ورانا طريق وش طوله أم عبير:توصلون بالسلامة ================================ بالسيارة..كنا طول الطريق ساكتين..ومن الملل والهدوء اللي بالسيارة نمت..صايرة أحب أنام كثير بعد ما حملت..وما صحيت ألا على صوت فارس.. فارس:مشاعل قومي وصلنا زينت طرحتي ونزلت.. ودخلت فلة عمي فواز وشفت وحدة من الخدامات وقلت لها تروح تجيب الشنط من السيارة.. وطلعت لغرفة فارس اللي كانت جنب غرفة نهاد.. ابتسمت أول ما دخلت غرفته..لأني يا ما حلمت لما أمر من جنبها وأنا رايحة لغرفة نهاد أني أشارك فارس فيها.. كانت فخمة مرة من ناحية الأثاث و الألوان كانت باللون البني العودي والزيتي والأفخم هي الإكسسوارات اللي منها اللوحات والرسومات الجدارية وفيه فازه كبيرة من الكريستال وفيها باقة زهور بألوان مختلفة وفي وسط الغرفة سجادة صغيرة لونها بني بصراحة الغرفة ذوووق.. رميت العباية ع السرير وجلست وأنا ماسكة ظهري لأنه يألمني من الجلسة ساعة ونص في السيارة.. بعدها بدقايق ضربت الخادمة الباب قلت لها تدخل..ودخلت الشنط وسكرت الباب وراها.. دخلت الحمام وغسلت وتوضيت.. وصليت المغرب.. بعدها أخذت أرتب ملابس فارس بالدولاب لكن ملابسي تركتها على جنب أرتبها بعدين لأن ظهري متعبني و يالله رتبت ملابس فارس.. رن جوالي بنغمة رسالة فتحتها..أنت بعيد وقلبك بعيد وبالك بعيد بس أحبك أكيد وأتمنى لك عيد.. يا ربي هذا لحد الآن ما مل صار لها تقريبا خمس شهور يرسل..حاسة أنه يعرفني خاصة بعد رسالة أول يوم داومته في الجامعة..هو شو عرفه أني طالبة أكيد يعرفني..قررت أتصل وحط حد لهالشيء..توقعته بيمل ولا راح يرسل..لكن شكل هذا ما يمل..اتصلت.. وبعد ثاني رنة فتح الخط من دون ما يتكلم.. :ألو..ألو..ممكن ترد.. سمعت تنهيدة من الطرف الثاني وهو ينطق بهمس:أحبك.. سكرت الجوال..وأنا قلبي ينبض بقوة..أول مرة حد يقول أحبك..بس يا ترى مين هذا..أوف وش هالحيرة..حطيت يدي ع قلبي أبي دقاته تخف..غمضت عيوني لما بدت دموعي تنزل..يا حلات هالكلمة اللي تمنيتها من فارس..يا ربي متى راح يجي اليوم اللي يقولها فارس لي.. انتبهت لرنة جوالي وعلى طول طالعت بالجوال وكان المتصلة نورة..ولراحت أتجهز عشان أنزلهم.. ============================= نزلت تحت للمجلس وحصلت الكل مجتمع وجلست معاهم وكان الجو مربوش ورقص وضحك وفلة..وبعد سهرة ممتعة طلعت لغرفتي وغسلت وبدلت ولما طلعت لغرفة النوم وقفت قدام المراية..وأخذت أتأمل بطني لما تذكرت كلام البنات قبل شوي عن صغره..وضيقت بلوزة البجامة..أووف ليش صغير أنا ألحين على نهاية الرابع..لا يكون النونو نحيف..أحب الصغير لما يكون مليان بس شكل طفلي بيطلع نفس بنيتي نحيفة..تحسسته وأنا داخلي مشاعر مو قادرة أوصفها شوق حب فرحة..سبحان الله صحيح ما كنت فرحانة بالبداية لكن ألحين أعد الأيام والشهور على الولادة..عشان أشوف الطفل اللي بيكون جزء مني ومن فارس.. ما حسيت بفارس اللي دخل وجاء وراي ألا لما مسك بطني.. فارس:وش نسميها لما تكون بنت.. قلت وأنا لسى اطالع نفسي بالمراية:اممم وش رأيك بمجدولين.. فارس:مرة حلو.. :طيب وأذا كان ولد.. فارس:فواز أن شاء الله.. :وأذا سعود جاء له ولد وسماه فواز أحنا بعد فواز.. فارس:طبعا لا.. :طيب وش راح نمسيه.. فارس:هتان.. :الله حلو اسم كثير.. لفني فارس عليه:مشاعل ليمتى هالحال.. عقدت حواجبي:أي حال.. فارس:حالنا..مشاعل أنتي مو تبيني انسى غادة..قولي لي كيف أنساها وأنتي تصديني..ساعدني على أني أنساها.. ترددت كلمة أحبك اللي سمعتها من الغريب في بالي..وهزيت رأسي بالقبول متناسية كل اللي سواه و كلي أمل في يوم يقول لي هالكلمة..وهالمرة قلبي هو اللي قرر.. ابتسم فارس ولمس خدي بنعومة..ورديت الابتسامة بأحلى منها.. =============================== اليوم الثاني..صحيت الساعة١١ ..وخذيت شاور وبعد ما انتهيت طلعت أصحي فارس.. هزيته بخفة:فارس فارس.. فتح فارس عيونه بكسل وجلس.. قلت بابتسامة:صباح الخير.. فارس:صباح النور..شهالحلا يا أحلى وجه صبوحي.. قلت بحياء:قوم ألحين الساعة 11ونص.. قرص خدي:فديت اللي يستحون.. وقام ودخل الحمام..وبعد ما انتهى نزلنا نفطر تحت..وبعدها طلعت لفلة عمي منصور لأن اليوم اجتماعنا عند خالتي أم سالم.. ولما طلعت رن جوالي برقم شجون..دلوعة أهلها.. :هلا شجو.. شجون:هلا مشاعل..وينك فيه.. :شجون وش فيك تتكلمين بسرعة..صاير شيء.. شجون:ما في شيء..بس أبيك تجين لفلتنا ما أبي أروح لفلة عمي منصور.. :ليه.. شجون:أنتي ألحين قولي لي وينك.. :طالعة لفلة عمي.. شجون:رجعي لي أبيك ألحين ضروري.. :أوكي ألحين جاية.. ================================ :قولي لي ألحين ليه ما تبين تروحين لبيت عمي منصور شجون:عشان نواف.. باستغراب:وش فيه نواف.. شجون:تصدقين أن نواف شافني وأنا كاشفة لا ولاصقة فيه.. شهقت:وشلون.. شجون:أمي سبقتني لبيت عمي وبعدها بدقايق لحقتها ولما قربت من باب الفلة فتحته وأنا أنزل طرحتي على كتفي كنت متوقعة عيال عمي في بيت الشعر بما أن الغداء عند خالتي أم سالم..المهم وأنا بفتح الباب طلع في وجهي نواف بسرعة وطحت على ورى بس على طول مسك ذراعي ورفعني ولصقت بصدره وأنا من الصدمة دفيته على ورى ولفيت بسرعة عشان أرجع لبيتنا..وأنا نازلة من الدرج اللي عند الباب من الربكة طحت.. وسمعت صوته وهو يقول:بسم الله عليك..ومن دون ما ألتفت وقفت وركضت لفلتنا.. ضحكت:هههههههههههههههه..فشيلة صح.. شجون:فشيلة بقووووة.. :طيب عسى ما تعورتي.. شجون:لا الحمد لله..بس شوفي شكلي حلو.. ..كانت لابسة فستان بنوتي وناعم بالحيل أبيض وفيه ورود فوشية ومناسب للون بشرتها الموردة..وكانت حاطة بس قلوس فوشي وكحل داخلي لعيونها الوساع.. :أمممممممم بصراحة مو مرة حلوة.. كشرت شجون:جد.. ابتسمت:أمزح..شكل نواف أنجن.. شجون وبحماس:تتوقعين يعجب فيني ويحبني مثل ما أنا أحبه.. قلت وأنا أضربها:يا بنت أستحي.. شجون بكآبة وهي تنتهدت:وليه الحب عيب.. وقفت وأنا أقول:أقولي قومي نمشي لبيت عمي منصور.. شجون:أنا ما أبي أروح..أحس أني متضايقة ومالي خلق. :أقول قومي بلا استهبال.. شجون:ما أبي.. :يووووه يا شجو قومي عشاني.. ما كنت أبيها تجلس لحاله عشان ما تمادت بأفكارها في نواف.. تنهدت شجون وقامت معاي.. ==================================== الساعة تسع بالليل.. وصلني رسالة..فجأة وبدون احساس..بين صمت واندهاش نطق قلبي وقال وحشتنا يالغالي..وانصدمت أنو فارس يرسل لي..وبعدها بدقايق رن جوالي..ورديت وأنا ابتسم:هلا فارس.. فارس:وينك :عند البنات في فلة عمي منصور.. فارس:تعالي أنا أنتظرك عند فلتنا.. :ليه وش تبي.. فارس:أبي أمشي معك في المزرعة ألا أذا كان عندك مانع.. ..أكون غبية أذا رفضت..:لا ما عندي مانع.. فارس:أوكي أنتظرك.. ===================================== طلعت لفارس وصرنا نمشي مسك فارس أيدي ولا شعوريا"ضغطت على أيده..وكأني خايفة أني أفقده.. فارس:اليوم الجو مرة روعة..ثم وقف قدامي..واللي أروع أن القمر معي.. ابتسمت ونزلت عيوني من الحيا.. رفع فارس رأسي.. فارس:ميشو طالعني..خليني أتأمل أحلى عيون شفتها.. يـا ناس أحس أني بحلـــم من اللي قاعد يحصل لي مع فارس.. فارس: وين رحتي.. رفعت عيوني:معك ابتسم ومسك يدي مرة ثانية ومشينا ولما بعدنا.. جلسنا على الثيل في مكان فيه شوية ظلام.. فارس وهو يحط رأسه على رجلي:مشاعل.. جلست ألعب بشعره:هلا فارس بنبرة هادئة:سمعت أنك تحبين الشعر وحافظة قصايد.. :أيه أحبه..بس وشلون عرفت.. فارس:عرفت من أختي نهاد..بس بسألك أنتي تكبين شعر.. :أكتب بس حدي بيتين أو ثلاث أبيات.. فارس:طيب ممكن يا حلوة أسمع من اللي كاتبتها.. قلت متفشلة:بصراحة ما بي أقول..أخاف تضحك علي..لأن شعري مو مرة حلو.. فارس:طيب سمعيني من القصايد اللي حافظتها : للي على الروح يامر لا تردونه خلوه يقضي حياته بس متهـنـــــــــــــي غلاه يكـــبر وتكـــبر فيني طعونه ما ودي أدري جروحه وين ودّنـــــــــي واللي سألني يقول القلب وش لونه أقول طيب ولا أحدٍ داري ٍ عنّــــــــــــي إي والله بخير يوم ظنوني ظنونه مادام سوده يراعنّي ويرعنــــــــــــــّي حلفت بعيونه الثنتين ما خونـــــه ما أحتاج غيره إلى من صار هو ظنّــــي لامن شكالي سواد الليل وشجونه ما كنه إلا يقول إرحم صغر سنّـــــــــــي في صوته شوي بحه بس مجنونه من رد فعلي عرف وش لون يفتنّــــــــــي أقول مخطي ولا ناظرت بعيونه رحت أعتذر له وأقول إن الخطى منّــــــي ..كلمات الشاعر:فلاح السبيعي.. :وسلامتك فارس:تصدقين إلقاءك بالقصيدة روعة ما شاء الله تبارك الله..ولا صوتك بعد رومانسي.. :شكرا"هذا من ذوق.. فارس قام من رجلي وجلس وقال بتوتر:مشاعل سامحني.. على كلامي اللي كان جارح وتصرفاتي الـ.... حطيت أصبعي على فمه:فارس خلاص أنا قررت معك نبدأ حياة ثانية وهذا معناه أني مسامحتك..وأرجوك لا تذكر شيء من الماضي.. ..لأن الماضي يألمني..وجروحي محفورة بقلبي وما راح تطيب وتندوي ألا لمن تبادلين الحب اللي لك بقلبي.. رفعت رأسي و تفأجات من فارس اللي ضمني بقوة.. فارس:عمري شفت إنسانة مثلك جمال وطيبة..صدقيني يا مشاعل راح أخليك أسعد أنثى بهالكون.. ..كيف تسعدني وقلبي مهموم بسبب جروحك.. ولاشعورياً طاحت دمعتي.. فارس وهو يبعد وجهه عن كتفي ويناظر فيني:ليش هالدموع يا ميشو..ترى دموعك تعذبني.. مسحت دموعي.. ورن جوال فارس وبعد عني ورد على جواله:هلا سعود..أيه..خلاص أنا جايكم أن شاء الله..مع السلامة سكر فارس جواله.. فارس وهو يوقف ويمد يده علي:يله مشاعل رجعنا قدموا العشى مسكت يده ووقفت معاه.. ======================================= الساعة١٢بعد ما راح الكل في غرفتي اللي في فلة أبوي جالسة على سريري وحاطة رأسي على رجولي اللي مقربتها لصدري .. وجالسة أفكر بفارس.. ..آآآآآه فارس..أبيه يحبني يعشقني..حاسة أنه هالشيء ما راح يحصل لأن الحب الحقيقي هو الحب الأول.. سمعت ضرب ع الباب.. :مين.. :نورة.. :تفضلي.. دخلت نورة وجلست جنبي على السرير نورة:وش فيك يا مشاعل من جيتي من فارس وأنتي متضايقة..متهاوشين.. حطيت رأسي على كتفها وقلت:نورة فارس تغير تغير نورة:وأن شاء الله تغير للأحسن وألا..وتنهدت..الأسو.. :لا تغير للأحسن.. نورة:طيب ليه متضايقة هذا شيء يفرح.. نزلت دموعي:أكيد شفقان علي أو يمكن لأني بصير أم ولده اللي جاي بالطريق..نورة أن أبيه يحبني مثل حبي له..ما أبي يعامل كزوجة وبس.. نورة وهي تمسح دموعي برقة قالت:وش شفقان وعشانك أم ولده يا الغبية..مشاعل فارس بدأ يميل لك..أنتي ما تشوفينه لجلسنا مع بعض الرجل بس يطلع فيك..مشاعل ألحين الكورة في ملعبك حاولي تخلينه يحبك خليه يحس بحبك له.. :يعني تبين أذل نفسي رغم كلامك وأفعالك اللي جرحتني فيها مازالت أحبك مو كافي أني سامحته.. نورة وهي توقف:أنا ما قلت قوليله بصريح العبارة أحبك أنا أبيك تحسسينه بحبك..وصدقيني أذا صدتي عنه وما استغليت فرصة تغيره راح تكوني أنتي الخسرانة.. تنهدت وطالعتها بحيرة.. نورة:فكري بكلامي زين..ويله ألحين ترجعين معي لبيت عمي فواز.. :أنا بنام هينا الليلة نورة وبوجه مستغرب:وزوجك فارس.. :بصراحة أبي أجلس لحالي وبعيدة عنه..أبي أفكر باللي قاعد يحصل لي.. نورة:على راحتك طلعت نورة ورجعت رأسي مرة ثانية على رجولي =================================== على الساعة وحدة رن جوالي.. طالعت المتصل كان فارس حطيته على السايلنت..ورميت الجوال وأنا أبكي.. ..ليمتى هالحال..يا فارس متى تحس فيني وتحس بمعاناتي..لمتى يا فارس..أنا ما أبي منك شفقة أو غيره أنا أبي بس تبادليني نفس مشاعري.. رن مرة ثانية وثالثة في الأخير.. أرسلت.. ..فارس الليلة بنام في بيت أبوي.. وعلى طول قفلت الجوال وتمددت وأنا أفكر في كلام نورة.. ================================== الساعة ست الصبح مازالت صاحية.. طلعت للأصطبلات وكان الجو حلو وفيه شوية هواء.. وقفت أطالع فرس فارس..نفسي أركبه بس صعبة وأنا حامل.. نزلت الشباصة عن شعري بعدما نزلت شالي على كتوفي وتطاير شعري من الهواء.. حسيت بيد على ظهري ولفيت وأنا أصرخ.. ولما شفته صديت عنه.. حط يده على كتفي ولفني علي فارس:مشاعل وش فيك انقلبتي فجأة أمس أتصل عليك ولا رديتي علي ونمتي بعيد عني وألحين تصد عني..أنا مضايقك.. ..بعد ما فكرت في كلام نورة ساعات قررت أعطي لنفسي الأمل أنه يحبني وراح أحاول أن شاء الله..لحد ما تمر السنة على زواجنا وأذا ظل على حبه لغيري..راح إعلان تمردي على البقاء معاه..وأرافق بعاده..وأحاول أن أنتشل حبه من قلبي المجروح.. رفعت عيوني:فارس أمس طلبت مني شجون أني أجلس عندهم لأننا من زمان ما جلسنا لحالنا..و أنت لما اتصلت ما رديت عليك لأني خفت ترفض.. فارس:طيب صدك قبل شوي شو تبريره مديت البوز وصديت مرة ثانية:زعلانة لأنك خرعتني.. لمني فارس من ورى برقة:وأنا أسف ما كان قصدي.. لفيت عليه وقلت بدلع:فارس.. فارس وبنظرات تذوب:هلا.. :أمس ما عرفت أنام من دونك..تصدق أني لحد الآن ما نمت فارس:وأنا بعد ما عرفت أنام وأنتي بعيدة عني.. ابتسمت ورد فارس لي الابتسامة.. فارس وهو يبعد عني ويمسك أيدي:وش رأيك ألحين نرجع ابتسمت وقلت:يله.. كنت أمشي معاه وأنا خجلانة لما استوعبت وش قلت له.. ====

نظرة الحب 08-03-2011 01:00 AM %%البارت الرابع عشر%% في فلة عمي وبالتحديد بغرفتنا.. فارس:مشاعل ممكن تغمضين عيونك.. عقدت حواجبي:ليه.. فارس:أنتي غمضي بالأول.. :أوكي.. غمضت عيوني..وحسيت بالسلسال اللي على رقبتي..فتحت عيوني وطالعت فيه.. :وش المناسبة.. فارس:هدية العيد..ولو أنها جت متأخرة.. ابتسمت:مشكورة.. فارس لمس بطرف أصابعه عيني..وغمضتها.. فارس:تصدقين وش اللي بهرني فيك أكثر أول ما شفتك..عيونك الجذابة.. فتحت عيوني وقلت:كثير ناس قالوا لي أن عيونك حلوة وجذابة يمكن عشان لونها العسلي الفاتح.. كان فارس ساكت بس يطالع بعيوني بصمت..انحرجت ووقفت.. :أنا بروح أنام.. فارس وهو يتثاوب:وأنا بعد..لا تصحيني ألا الظهر.. :أن شاء الله.. ============================ سمعت صوت الجوال يرن..طالعت الوقت وكان الساعة ثلاث العصر..وسحبت الجوال وحصلت ثلاث مكالمات من نورة.. اتصلت فيها.. وقلت بصوت كله نوم:هلا نورة متصلة فيني بغيت شيء.. نورة:وينك من الصبح.. قلت وأنا أتثاوب:نايمة..ما نمت ألا الساعة ست.. نورة:أوكي تعالي لعند فلة أبوي الكل هينا.. :أن شاء الله.. نورة:يله مع السلامة.. :مع السلامة.. نورة وكأنها نست شيء ما قالته:مشاعل مشاعل.. :هلا.. نورة:وش صار على كلامي أمس..أشوفك نايمة عنده.. قلت بابتسامة:أنا أمس فكرت بكلامك وعرفت أنو صحيح.. هذي فرصتي..والحمد لله ألحين أنا وفارس سمن على عسل.. نورة:الله يوفقكم يا رب..أنزين ألحين ما أطول عليك مع السلامة.. سكرت الخط من نورة وطلعت أتوضى وأصلي.. ============================== أخذت شالي عشان أطلع لفلة أبوي دخل فارس وكان بنطلونه وتي شيرته مغبر وعليه شوية طين..قربت من عنده.. :فارس وش فيك مبهدل كذا..ليه لبسك متسخ.. فارس:توني لاعب أنا والشباب كرة قدم..كمل وهو يتجه للحمام..مشاعل حبيبتي ولا عليك أمر جهزي لي ملابس.. وقفت مصدومة من كلمة حبيبتي..لا أكيد أتخيل..معقولة فارس يقول لي حبيبتي..لا أكيد ما كان قصدها..نفسها نفس أي كلمة عادية يقولها.. يوووه أنا وش جالسة أخربط أطلع أجهز له ملابس بدل الخربطة هذي.. جهزت ملابسه وطلعت لعند البنات.. ============================= اليوم رابع يوم بالعيد والكل جالسة يتجهز لأن بنرجع الرياض..دخل علي فارس اللي تغير كثير..كان حنون علي ورمانسي..عيشني بعالم ثاني عالم ما فيه ألا أنا وهو..ساعات أحس أنه بدأ يحبني لكن الإحساس يتلاشي لما أتذكر حبه.. فارس:الحلو وش فيه سرحان.. انتبهت لها:ها..لا معك.. فارس:خلصتي.. قلت وأنا أسكر الشنطة:أيه خلاص.. فارس:أجل يله لبسي عبايتك وألحقيني ع السيارة.. كنت طول الطريق أتكلم مع فارس..وكنت مستمعة بالسوالف معاه..كان يتكلم عن نفسه وعن أيامه في الولايات الأمريكية لما كان يدرس فيها..أما أنا كنت أسولف له عن دراستي وطموحاتي وأمنياتي.. بهاللحظة جتني رغبة قوية أنا أصرح بحبي..اعتبرها ألحين لحظة جنون.. :فارس.. :هلا.. بدون مقدمات نطقتها:أحبك.. التفت علي بسرعة..وباين عليه الصدمة والاستغراب.. انحرجت من اعترافي ونزلت رأسي:فارس انتبه للطريق لا ندعم.. مسك فارس يدي وقال:معقولة بعد كل اللي سويته فيك تحبيني.. رفعت رأسي:فارس أنا أحبك من قبل لا نتزوج..حاولت أكرهك بعد ما عرفت أنك تحب غيري..لكني ما قدرت.. فارس وهو يشد ع يدي:الله يقدرني على أني أسعدك وأعوضك.. =========================== يوم الخميس.. اليوم حفلة ملكة بندر وعبير.. كنت لابسة فستان ليلكي من الموسلين والدانتيل تصميم زهير مراد وعاملة تسريحة البوف مع الويفي والميك آب فرنسي ناعم.. عند عبير وبندر.. :عبير حبيبتي وش فيك ترى أخوي ما يأكل.. عبير وبصوت هامس وهي لا زالت ماسكة طرف فستاني بقوة:لا أجلسي.. وبنفس همسها قلت:تبين بندر يذبحني.. بندر:أقول يا الأخت أنتي مطولة..ما ودك تتطلعين.. حبيت أغايضه وجلست:زوجتك مصرة علي أجلس وش أسوي.. بندر رفع حاجبه وطالعني بتهديد..طنشته والتفت على عبير:لا تخافين حبيبتي أنا ما راح أتركك أعرف أخوي متوحش.. نزلت عبير رأسها وفيها ضحكة كاتمتها.. بندر:مشاعلوه بتطلعين وألا أطلعك بنفسي.. وقفت:لا أخلص بطلع بكرامتي أحسن.. وطلعت وأنا أضحك المسكين صدق أني بجلس.. =============================== دخلت الجناح ونزلت عبايتي وفارس يدخل وراي.. فارس:ما شاء الله وش هالحلا..أكيد أنتي اليوم نجمة الحفلة.. رمشت بعيوني:أكيد..أنا مشاعل بنت سلطان أل.... فارس وهو يلمني:يا عيني ع الثقة.. ابتعدت وابتسمت:الحمد لله أنا واثقة من نفسي.. ودخلت غرفة التبديل أخذ لي بيجامة.. وبعد ما أخذت شاور ولبست بيجامة تمددت ع السرير..وصلت رسالة ع جوالي فتحت الرسالة .. يا اجمل الناس في قلبي وعيني يا احلى طيف يمر العين ويشقيها انا اشهد أن لك غلا مبطي وهو فيني قصة غريبة ما دري وش اسميها لو قلت أحبك قليلة ما تكفيني شعوري أكبر من الدنيا وما فيها..أحبك وربي الكون احبك يا مشاعل.. انصدمت أنه يعرف اسمي ومن جرائته..وبصوت مقهور:يا ربي من هذا بيجنني.. قال فارس اللي طالع من غرفة التبديل على أخر كلمة قلتها:ومن هذا اللي مجننك.. شهقت ولا شعورياً ضميت جوالي بين أيدي وكأني خايفة يقرأ الرسالة وبصوت مرتبك:ها..لا ما في أحد مجنني..وتغطيت وأنا أكمل..تصبح على خير.. ================================= بالجامعة.. :أقول لمو وش فيك أحس أنك اليوم مو على بعضك.. لمى:ما ادري وش أقولك يا مشاعل..بس فيصل.. :وش فيه.. لمى:دايما يأخر زواجنا..والمشكلة كلما أسأله عن السبب..يتهرب أحس أني خالتي أهي اللي تبي تأخر الزواج.. :وليه تحسين بكذا.. لمى:لأنها من البداية مو راضي أن ولدها يأخذني.. :حبيبتي لا تشلين هم أهم شيء أن فيصـل يحبك مو صح.. هزت رأسه موافقة على كلامي.. طالعت الساعة:الساعة عشر ألا عشر قومي نمشي ما عاد باقي شيء ع وقت المحاضرة.. ============================= بعد ما انتهيت من صلاة العصر التفت ع فارس اللي دخل وأنا أصلي حصلته جالس ع السرير ومتسند على ظهره وماسك جوالي استغربت أول مرة يأخذ جوالي وتذكرت الرسالة اللي ما مسحته أمس من الربكة لفيت جلال الصلاة بتوتر.. فارس وبنبرة غريبة:ممكن أعرف هالرسالة مين صاحبها.. قلت والارتباك واضح بصوتي وأنا اجلس ع الطرف الثاني:اي رسالة.. فارس حط الجوال قدام وجهي:هذه الرسالة.. حاولت أخفي ارتباكي:أيه هذي صديقتي سلمى.. فارس:أول مرة اعرف أن لك صاحبة اسمها سلمى.. :أيه..هذي لسى متعرفة عليها بالسمستر هذا.. فارس:وفي وحدة ترسل لصديقتها رسالة حب وغرام.. أخذت الجوال منه وبعصبية:عادي ما فيها شيء..لا يكون شاك فيني بس.. فارس وهو يوقف وبصوت هادي:لا مو شاك..أشك في بنت عمي وزوجتي.. وطلع..وتنهدت بارتياح..كان ودي أقول لفارس الحقيقة..بس ما أدري ليه ما قلت له..يمكن لأنه يعرفني..وأخاف أذا قلت لفارس ما يصدقني وهو يعرف اسمي.. ============================= المغرب طلعت لأهلي.. :ها شجون كيفك مع العلمي.. شجون:ما عليه حليو..بس الكيمياء بجيب لي العقدة..مركبات وعناصر والله يدوخ الرأس.. :ههههههه.. أمي:وما دامه يدوخ الرأس ليه دخلتيه.. شجون:شسوي..أبي أدخل كلية الطب.. :مامي نورة من جيت ما جت وينها.. أمي:في....ما كملت أمي كلامها لأننا سمعنا صرااااااااخ نورة طلعنا بسرعة لغرفتها.. وشفناها طايحة جنب السرير وماسكة بطنها نورة:آآآآآآآآآآآآآآآآآآه بطني بمووووت بمووووت.. أمي وهي تحاول تساعد نورة أنها تقوم:مشاعل جيبي عباية أختك وأنتي شجون قولي للسواق يجهز السيارة.. رحت بسرعة اخذ العباية من للشماعة.. شجون وهي تبكي:ماما السواق سمير مو هنا راح يوصل خلدون لدار التحفيظ وهيثم طالع لسوبر ماركت واتصل ع جواله ما يرد.. أمي بصوت باين فيه الخوف:طيب اتصلي على أخوك بندر بسرعة.. نورة وأنا ألبسها عبايتها:بسرعة أنا موقادرة أصبر بموووووووت من الألم.. شجون دخلت عندنا:ماما جوال بندر مشغول.. تكلمت بسرعة لان ما في حد غيره وأبوي وخالد مسافرين لندن عشان الشغل:خلاص أنا بتصل على فارس.. اتصلت على فارس بأيد ترتجف.. فارس:هلا.. :فارس ألحق علينا بسرعة نورة شكلها بتولد..فارس بسرعة الله يعافيك.. فارس:خلاص هدي أنا جاي.. ============================= وصل فارس وركبنا السيارة وكانت نورة كل شوي تصرخ وترجع تكتمها خجل من فارس.. ودخلنا المستشفى ونورة دخلوها على طول لغرفة الولادة.. وكان طول الوقت أمي متوترة وتدعي أن نورة تقوم بالسلامة..وأما جلست أبكي من حال نورة..جلس فارس جنبي يهدي فيني.. طلعت الدكتورة وقالت:مبروك بنت.. على طول قلت وأنا صوتي رايح من البكى:ونورة كيفها.. الدكتورة:هي ألحين بخير الحمد لله..بصراحة ولادتها كانت سهلة ما شاء الله أمي:الحمد لله لك يا رب.. مسكت بطني وجلست..هذي وش جالسة تقول ولادتها سهلة..بس اللي يشوف شكل نورة وهي تتألم وكأنها بتموت يقول مو بسهلة..أجل لو كانت صعبة؟آآآها أحس أني راح أموت من الخوف..يا رب يا رب سهل ولادتي.. فارس:مشاعل وش فيك.. رفعت رأسي ورجعت لواقعي:ها ما فيني شيء.. رجعنا من عند نورة بعد ما جلسنا معها وتتطمنا عليها وبعد ما كلمها سعود على جوالي وبارك لها وتطمن على صحتها وعلى صحة بنتها.. ================================== وبعدها بأيام طلعت نورة من المستشفى وجلست عند هلي وجلست أنا عندهم يومين.. شجون وهي شايلة لمار:ما شاء الله على بنتك يا نورة تجنن.. :شجو عطيني أشيلها..من جيت وأنتي كله شايلتها.. شجون:أمسكي أخذيها.. رفعتها وهي تتمغط وحطيتها في حضني:تصدقين يا نورة فيها شبه منك كثير.. نورة:حتى سعود يقوله.. :ألا على طاري سعود وش سوى أول ما شاف بنته.. نورة وهي تعدل جلستها ع السرير:سكتي بس كان بطير من فرحته..ضمها وجلس ساعة وهو يبوس فيها يا عمري خدودها تقطعت وحمرت..ألا تعالي دريت أن غادة تطلقت.. فتحت عيوني بصدمة:وأنت وش اللي عرفك.. نورة:سعود لما جاء اليوم..يقول أن خالتي أم فارس متضايقة عشان طلاق غادة اللي ما صار لها ألا ثلاث شهور تقريباً من تزوجت.. تضايقت كثير من فبر طلاقها..أكيد ألحين فارس فرحان.. =============================== انتظروني بالبارت الخامس عشر لكي تروا الجرح الذي حطم مشاعل وتركها مجــــــــــــــــــرد بقايا أنثى مجروحة.. مقتطفـــــــــــــات.... مسكت يدها:أنتي وش تسوين خافي ربك من اللي جالس تسوينه.. ================= ....:عـمري ما شافت حقيرة مثلك يالوا.. ================= :نــــورة جيبوه أنا أحبه وأنا متأكدة أنه يحبني أنا.. ================= :أي عملية.. أمي وبتردد:اسـ.. ================ وبصـراخ:اطلع برى أكرهك أكرهك أنت وفارس السبب حسبي الله عليكم حسبي الله عليكم.. ================ ....:تستاهلين اللي صار لك لأنك....

نظرة الحب 08-03-2011 01:01 AM %%البارت الخامس عشر%% لا صرت بايعني أشوفك على خير ...مع السلامه دام ما به سلامه قلت انتهينه قلتلك خير يا طير .... ما ني أول شخص يخسر غرامه أمحذرك من قبلها ألف تحذير ....لعفتني بيعف قلبي هيامه ما ني بميت لا ولا احتاج تبرير....صح الله لسانك ووفر كلامه بسمعك حبكه وفكره وتصوري...وافهم عدل يا مدعي بالفهامه وجه الشعر ابيض ويحتاج تبرير ...ودي تزينها القصيده علامه ماضيك الأسود بذكره دون تقصير...كذا يكون بخده الشعر شامه يصدق معي تعبير ويخون تعبير...يا ضيعت الشاعر بوقت انسجامه يمكن خطى دونك بالشعر مير....لو ما حترمتك للغرام احترامه ما كان حبك غير بس طعنتك غير...علمتني معنى الندم و الندامه ماجاك مني اي زله وتقصير ....كل ما خطيت أعاتبك ببتسامه حسبي على الذكره اذا هبت عصير ....ما عاد تنفع شرهتي والملامه في جناحي.. فارس وبابتسامة:الحلو وش فيه اليوم زعلان.. :ومين يقول أني زعلانة.. فارس:تصرفاتك تقول..من جيتي من عند أهلك وأنتي مبوزة..قول لي في حد مزعلك.. :ما في حد مزعلني..بس متضايقة.. فارس:وش منه.. قلت بعد تردد:فارس أنت عرفت أن غادة تتطلقت صح.. فارس هز رأسه بأيه.. قلت بنبرة بكي:وأكيد أول ما تنتهي من عدتها بتتزوجها.. فارس نزل عيونه بهدوء وبصمت.. :شوف فارس أذا عزمت تتزوجها ياليت قبلها تتطلقـ.. قاطعني فارس لما قال:احلمي اطلقك..وقام من السرير وطلع..رميت المخدة بقهر ع الأرض..لهدرجة يا فارس هاوي تعذيبي.. ================================ الساعة تسع الصباح طلعنا أنا ومرام ورغد نفطر بسبازيو بالمملكة قبل ما نطلع للجامعة.. وبعد ما انتهينا من فطورنا نزلنا..وركبت رغد مع سواقها..وأنا ومرام طلعنا بسيارتي.. انتبهت لمرام وهي ترجع رأسها لورى وهي تضغط بأيديهن عليه بقوة.. قلت بخوف:مرام حبيبتي وش فيك.. مرام:أحس بدوخة غير طبيعة.. :بسم الله عليك..نمر المستشفى.. مرام:لا ما يحتاج بعد شوي بتروح الدوخة أن شاء الله.. :عبد الكريم أطلع للمستشفى.. مرام:صدقيني يا مشاعل ما يحتاج..وبعدين راح نتأخر على محاضراتنا.. :لاحقين على المحاضرات..أهم شيء صحتك..لازم أطمن عليك.. ================================= مرام وهي تبكي:كيف وأنا مهتمة بمواعيد أخذ الحبوب..كيف.. مسحت ع شعرها:خلاص مرام لا تبكين عشاني..أرضي باللي كتبه ربي لك.. مرام:مشاعل رجعوني للشقة مالي مزاج للجامعة.. :أوكي.. ألتفت ع السواق وقلت له يرجع..ولما وصلنا نزلت معها..صعبة أخليها وهي بهالحالة.. دخلنا وجلستني بالصالة وراحت تغسل.. بعد مدة سمعت صوت بكاءها وشهاقها..وراحت لها بغرفتها..وحصلتها تضرب بطنها بقوة.. مسكت يدها: أنتي وش تسوين خافي ربك من اللي جالس تسوينه.. مرام وهي تبكي منهارة:ما أبي أحمل من هالشايب ما أبي.. ضميتها وأنا أهدي فيها.. وبعد ما هديتها وحلفته بربي ما تسوي شيء يضرها ويضر الجنين طلعت منها.. ==================================== الساعة ثمان المساء.. رجعت من أهلي ولما وصلت لقصر عمي طلعت فوق..وحصلت الخدامة جويا استغربت من وجودها في الدور الثاني لأن شغلها بس يتضمن الدور الأول.. :جويا.. جويا وحسيت بصوتها ارتباك:yes,madam‏ :there is my aunt جويا:I do not know.. ok go دخلت جناحي ونزلت عبايتي وبعدها رتبت عمري قدام المراية ونزلت تحت.. :نوريهان نوريهان.. نوريهان:نعم يا مدام مشاعل.. :خالتي وينها.. نوريهان:طلعت عم بتزوز أختها أم عساف.. حسيت بخوف لأن غادة صار لها تقريبا طالعة من العدة أسبوعين وفارس ما جاب أبدا سيرة لزواجه منها..وكلما طلعت خالتي تزور أم عساف أحس أنها بتخطب غادة لولدها..فقت من أفكاري لما قالت نوريهان:مدام بتريدي شي أبل ماروح.. :لا..روحي دخل فارس:السلام عليكم :وعليكم السلام.. فارس وهو يجلس جنبي:متى جيتي من أهلك.. :قبل شوي.. مسك فارس يدي يلعب بأصابعي وقال:اشتقت لك.. قلت بابتسامة:وأنا أكثر يا حبيبي.. فارس:لو جد مشتاقة لي ما كان نمتي أمس عند أهلك.. حطيت رأسي ع كتفه وبدلع:فارس كلها ليلة اللي نمت فيها عند أهلي.. رن جوال فارس ورد:ألو..هلا ندوش..أنا بخير الحمد لله أنتي كيفك..ندى ترى تكلمنا بهالموضوع كثير..سحب فارس يده اللي كانت ع أكتافي..وطلع لفوق وهو يكلم.. يا ربي نفسي أعرف وش بينه وبين ندى مكالماتها زايده هذي الأيام.. ============================== اليوم الثاني طلعنا لمزرعة أهل خالتي أم فارس.. بالمجلس كنت جالسة أتكلم مع نهاد والجوهرة والعنود.. دخلتنا علينا غادة اللي متغيرة كثير ومعه ندى..سلموا علينا وجلسوا..وكانت غادة تطالعني بنفس النظرات كانت تطالعني فيها بزواجها..المهم ماهتميت لنظراتها.. الجوهرة:غادة وش أخر رسمة رسمتيها.. غادة:والله من زمان ما رسمت.. :ما شاء الله يا غادة أنتي رسامة.. غادة وبابتسامة واضح أنها من دون نفس:أيه.. نهاد:وش رأيك يا غادة تراوينها لوحاتك..راح تعجبها انا متأكدة.. غادة:أوكي يله.. طلعت أنا والبنات للمرسم..وأخذت غادة تفرجنا لوحاتها وتتكلم عنها.. :بصراحة ياغادة رسماتك تجنن ما شاء الله.. نهاد:أيه والله من جد.. جذبتني لوحة مركونة بزاوية أستأذنت من غادة أروح أشوفها..وكانت اللوحة عبارة عن بحر أمواجه متلاطمة ع بعضها والسحب متراكمة بشكل جذاب ومغطيها اللون الأسود..وكانت ألوان اللوحة ممزوجة باللون الرمادي والأسود وشوية من اللون الأزرق والأبيض..وعلى كثر ما اللوحة جذابة ألا انها تحسس الشخص اللي يطالعها بالخوف..وبصراحة ما أدري وش اللي تركني أصير ملقوفة وأتفرج باللوحات اللي وراها,,وانتبهت لوحدة من اللوحات وكانت عبارة عن صورة فارس.. وحسيت أني باختناق لان هالشيء ما يدل ألا انا فارس لها مكانة بقلبها.. أستأذنت أنزل ولما طلعت وقفت في نص طريقي أخذت أمسح دموعي اللي نزلت بسرعة..ولما وصلت تحت خذيت نفس طووويل ومسحت دموعي ودخلت المجلس.. وبعد الغداء اتصلت على فارس يأخذني لأني من شفت اللوحة وأنا متوترة وحالتي حالة وقلت له أني تعبانة ودايخة لأني مانمت البارحة زين ================================== دخلت الفلة قبل فارس.. طلعت لغرفتي ومن كثر توتري بكيت.. جلست ع طرف السرير بعدما نزلت عباتي.. انفتح الباب وعلى طول مسحت دموعي.. دخل فارس وجلس جنبي.. فارس:مشاعل تبكين نزلت عيوني.. فارس وهو يرفع رأسي:مشاعل وش فيك.. رميت نفسي بحضنه وجلست أبكي وأنا متمسكة بياقة ثوبه بقوة ولاشعوريا"قلت:فارس أنت لي لوحدي..مسح فارس شعري برقة..ثم كملت وأنا أشهق من كثر البكي..ما راح أخليك لغيري ما راح أترك غيري ياخذك مني.. فارس بنبرة عذبة تجنن:مشاعل أنا ما افكر أخذ غيرك..انتي الوحيدة اللي مالية علي دنيتي.. رفعت رأسي وطالعته..وأنا أقول في نفسي لا تلعب علي فارس أنا أدري أنك بتأخذ غادة..يارب وشلون بتحمل أذا تطلقت منه وأخذ غادة..بموت من القهر.. نزلت عيوني ورجعت رأسي على صدره ونزلت دموعي بصمت.. ===================================== فتحت عيوني وحصلت الدنيا ظلام..طالعت في الساعة وكانت ست ونص..تذكرت اللي صار الظهر تنهدت وقمت من السرير..ودخلت الحمام أتوضئ..وبعد ما انتهيت من صلاتي..نزلت تحت وكان البيت تقريبا"هادئ.. وأنا نازلة شفت فارس داخل.. فارس وهو يبتسم:مساء الخير على قمراي.. ابتسمت:مساء النور.. فارس وهو يحط يده ع خدي:قولي لي كيفك ألحين :الحمد لله أحس أني أحسن من أول.. فارس:طيب ممكن اعرف ليه كنتي تبكين..أحد مزعلك.. :لا كنت متضايقة شوي.. فارس:ومين اللي مضايقي.. :محد مضايقتي..بس تعرف المرأة في شهورها الأخيرة تكون دايما متضايقة وحالتها النفسية تعبانة فارس وهو يقرص خدي بخفيف:طيب مرة ثانية لا تبكين ترى ما تحمل دموعك اللي تعذبني.. طالعته بحب ..طالت النظرات وحسيت أني راح أتعذب أذا تركت هالعيون اللي عشقتها بجنون.. ثم انتبهت لنفسي واستحيت ونزلت عيوني.. فارس:أنا أستأذن بروح أتسبح.. طلع فارس لفوق وطلعت أنا للبنات.. =============================== بعد أسبوع قضيناها بمزرعة أهل خالتي رجعنا الرياض.. كانت الساعة عشر بعد ما طلعت من خالتي حبيت أسوي سهرة حلوة مع فارس..حطيت الشموع في كل مكان حتى ع الأرض بطريقة روعة ورميت الورود ع السرير بعد ما بدلت المفارش..وجهزت طاولة صغيرة فيها كيكة في وسطها قلب باسمه وكأسين عصير برتقال فريش.. ولبست فستان أسود..وسيحت شعري وعملت مكياج ناعم..وسكرت الأنوار بعد ما ولعت الشموع..وأرسلت لفارس هالرسالة.. ‏ أبغاك تتأكد من هالحقيقة : خيالك مايفارقني ؟! يلاحقني مدا الأوقات ..! يحط راسه على كتفي ويتغطى معي ويبات ... معي يسافر اذا سافرت .. ويتعطر اذا تعطرت .. وفجأة دون ماأشعر !! يزود داخلي الآهات ..! ينور غرفتي وداري .. ويتمرجح على أفكاري ! وكل مااكتب قصيدة عشق ..! أخصه بأجمل أشعاري .. هنا بعيني بانيله دار .. وهنا بقلبي مكانه صار .. وهنا خلف الظلوع العوج ..!! أسولف له عن أخباري ؟! حبيبي أطيب أحبابي .. عطر داري قمر بابي !! أنا ماأقدر على غيابه .. ولايقدر على غيابي .. < أحبه > ويشهد الليل وعيوني ..!! < أحبه > ويشهد سهيل وجفوني ..!! أحبه كثر هالدنيا .. وكثر ما عانق أهدابي .. أنا في انتظارك حبيبي.. وجلست انتظره طالعت بالساعة وحصلتها11.30..استغربت لحد الآن ما جاء.. بعد فترة مو قصيرة دخل فارس وبعصبية سكر الباب بقوة..وغمضت عيوني بسبب الصوت اللي طلع من الباب وهو يتسكر بقوة.. فتحت عيوني وقلت بخوف:فارس حبيبي وشفيك.. دفني عالكنبة ثم رمى علي الظرف اللي بيده وقال:شوفي فضايحك يالوقــ.. طالعته مستغربة:وش جالس تقول فارس.. أشر فارس ع الظرف:شوفي وشفي بالظرف يا محترمة.. ..أخذت الظرف وفتحته وأيدي ترتعش من الشيء الموجود.. طالعته:هذي صوري.. فارس وبحدة:تسوين نفسك بريئة..أنا مو مغفل تلعبين عليه..وش قصة هالصور ومين حبيبك أحمد هذا..وصرخ..كيف تعرفتي عليه ومن متى.. قلت بخوف:فارس أي أحمد وأي حبيب.. فارس مسك شعري وبصراخ:لا تلعبين علي يا الحقير..عمري ما شافت حقيرة مثلك يالو..ة..أصلاً أنا كنت شاكة أنك تخونيني من الرسايل اللي تدعين أنها من صاحبتك سلمى..لكن كنت أكذب نفسي وأقول لا بنت عمي وزوحتي مو من هالنوع..ليه تسوين كذا ليه لما حــ....ولا كمل.. ورفع وجهي وعطاني صفعة طرحتني على الأرض وثم رفعني بشعري..وأنا أبكي وأحاول أبعد يده عن شعري وباليد الثانية حاولت أبعده عني:فارس والله والله ما أدري عن وش تتكلم..فارس حرااااااام عليك..فارس أرجوك أبعد عني بتموتني.. فارس وهو يرفع أيده عن شعري ويرميني عالأرض:أحسن جعلك الموت.. وكنت بنجن لما سحب عقله وعلى طول تكورت ع بطني عشان احمي اللي فيه..وبدأ يضرب وما ترك قطعة فيني ماتركها تتألم..كنت احاول وأترجاه يسمعني يفهمني يتركني..لكن ولا كأني اتكلم.. ثم سحبني فارس وللمرة الثانية من شعري وقال:عمــــــري ما شفتك حقيرة مثلك يالوا..أنتي طاااااااااالق طااااااالق.. ============================== آآآآآآآه يافارس..ظلم وضرب وطلاق..ليه أنا أيش سويت..آآآآآه خذيتني من بيت أهلي وردة مفعمة بالحياة وتركتني وردة ذبلانة تركتني بقايـــــــــــا.. لما وصلنا للقصر سحبني فارس من السيارة لحد ما دخلنا من البوابة..وكنت أترجاه أنه ما يقول لأهلي..أكيد بيصدقون مثل ما صدق.. ولما دخلنا كان خالد طالع وانصدم لما شاف شكلي وفارس يسحبني لداخل.. وعلى طول مسك يد فارس وأبعده عني وطحت بالأرض:يا الحقير وش تسوي بأختي.. فارس وبصوت ساخرة:أنا جاي أرجع لكم هالصايعة عشان تربونها من جديد.. مسكها خالد من ياقة ثوبه:احترام نفسك..ولا تتكلم عن أختي كذا.. ابعد فارس يد خالد بقوة ورمى صوري في وجهه:أختك اللي تعتقد أنها متربية وعاقلة تخون زوجها وهالصور أرسل لي حبيبها وأذا مو مصدقني شوف جوالها.. طالع خالد بالصورة ثم طالعني والشر مالي عيونه.. قلت ودموعي مثل النهر ع خدي:خالد والله والله أنا مو كذا.. مسكني خالد من شعري ورفعني له..وشهقت من الوجع.. خالد وبصراخ:الله لا يوفقك يالحقيرة فضحتينا فضحتينا.. فارس:أنا حبيت أعلمكم عشان تنتبهون من أنها تسويها مرة ثانية وتفضحنا وتخرب سمعة عايلتنا.. وطلع لكن وقفه خالد لما قال:فارس أرجوك لحد يدري غيري أنا وياك وأهم شيء أبوي تعرف أنه معه السكر.. تنهد فارس وقال:حاضر وطلع.. وأما خالد سحبني لغرفتي وأنا جلست أترجاه يتركني وأحلف بربي أني ما سويت شيء وصلني للغرفة ورماني ع السرير..وكسر الجوال قدامي وقال:والله لأربيك من جديد يا مشاعل.. وقرب مني وهو يسحب العقال.. صرخت بصرخات أنثى متألمة وأنا أضم بطني:لا خالد أرجوك أبوس أيدك أتركني ..أنا والله ما سويت شيء والله العظيم يا خالد.. لكن خالد ما رحمني وضربني وجلدني بالعقال مثل ما سوى فارس..لكن خالد كان أرحم من فارس لأنه ما كان يضرب بطني مثل فارس.. =============================== الفجر..كنت طايحة ع السرير وأنا متكورة ع بطني وأئن من الألم..ودموعي تنزل من الألم ومن القهر ومن الخوف على اللي في بطني..في اللحظة حسيت أني أكره فارس وأنااللي عمري ما كرهت حد..واللي تركني أكره أكثر هو أنها فضحني عن خالد وأنا بريئة..وبهاللحظة حسيت بالندم لأني حبيت فارس وأعطيته قلبي وهو ما يستاهله..ومن كثر التعب والبكي لا شعوريا نمت من دون ما أحس بعمري.. ============================ صباح اليوم الثاني صحيت ع الساعة تسع وخذيت شاور وكان جسمي كله ضربات وكدمات بعد ما انتهيت لبست بلوفر سماوي بأكمام طويلة عشان ماتبان الكدمات وتنورة جينز.. ونزلت شعري عشان ما توضح الكدمة اللي ع خدي اليمين..ونزلت تحت وحصلت أمي اللي انصدمت من وجودي.. أمي:يماه مشاعل انتي متى جيتي.. بست رأسها:أمس.. انتبهت أمي لعيوني:بسم الله عليك ليه عيونك متورمة كذا.. جلست وقلت وعيوني بالأرض:فارس يماه طلقني.. شهقت امي: وليه.. :أنا وفارس من البداية مو مرتاحين مع بعض..عشان كذا كان الطلاق أحسن أحل.. أمي:كنت حاسة هالشيء من بداية زواجكم وكلما سألتك قلت لا الحمد لله مبسوطة ومرتاحة.. :يمـاه انا خايفة من ردة فعل أبوي لو يدري.. أمي:حتى أنا..ما راح يعديها لك أبوك على خير لكن ولا يهمك أنا معك أن شاء الله.. =============================== الساعة وحدة الظهر..وأنا بغرفتي ومتسندة بظهري بالسرير.. دخل أبوي وهو معصب ويصارخ:مشااااعل.. وقفت وبخوف:هلا يباه وش فيك.. تقدم مني أبوي وبسرعة..سحبني من شعري:أنا مو قايل لك لا تطلبين الطلاق وأنا طلبيته ماتلومين ألا نفسك.. مسكت يده:يباه والله ما طلبته فارس أهو اللي طلقني من نفسه.. أبوي وهو يشد على شعري:فارس ما طلاقك ألا أكيد مقصرة عليه..ألحين الناس وش تقول.. بنت سلطان ما طلاقها ولد عمها اللي من لحمه ودمه وهو ما كملوا سنة ألا شايف عليها شيء.. دخلت أمي وشافت أبوي ماسكني مع شعري ويصرخ..ومسكت يده وقالت:تكفى يابو خالد أنك تتركها طلبتك.. رماني عالسرير بعدما شال يده عن شعري:حسبي الله عليك فضحتينا.. طلع أبوي وأمي ضمتني..وبكيت على صدرها..وأنا أدخلي أتقطع من الحزن والألم.. ================================= صحيت بالليل من الألم بسبب الانقباضات اللي بطني..كنت راح أصرخ لكن كتمتها من الخوف..أخاف يسمعون أهلي ويأخذوني للمستشفى..وهناك أخاف يولدوني وأنا لسى بالثامن..لكن الانقباضات أخذت تزيد..وما قدرت أصبر وجلست أبكي وأصرخ من الألم:يماه عبير لحقوا علي بموت..وينكم بموت..آآآآه.. دخلوا أمي وعبير وبندر وشجون علي والخوف باين عليهم.. أمي وهي ترفعني:مشاعل بسم الله عليك وشفيك.. بندر:مشاعل قلبي ردي.. قلت وأنا أتنفس بصعوبة:شكلي بولد بولد.. بندر:بس أنتي توك مادخلتي التاسع.. أمي:بندر جهز سيارتك شكلها بتولد.. لبستني عبير عباتي ونزلوني تحت.. وأنا كلما لي أحس أني جالسة أفقد وعيي.. =========================== فتحت عيوني وشفت نورة وأمي ..وعيونهم مليانة دموع.. نزلت عيوني لبطني ومسكته:وينه.. قربت نورة ومسحت ع شعري:مشاعل أنتي مؤمنة بقضاء الله وقدره.. قلت بسرعة:نورة ليكون مات.. نورة:للأسف النزيف اللي حصلك كان شديد مما سبب وفاة للولد.. قلت ودموعي تنزل:لا ولدي ما مات أنتوا أكيد تمزحون..جيبوه نورة أنا أحبه وأنا متأكده أنه يحبني مثل ما أنا أحبه أنا أمها أكيد يحبني وما راح يتركني..أرجوكم قولوا لي ما مات.. أمي وأهي تهديني:استهدي بالله يا بنتي.. جلست وأنا منفعلة:ولدي مات يماه أنـ.. أمي وهي تقاطعني وتمسكني وبخوف:يا بنتي شوي شوي على عمرك عشان العملية.. :أي عمليه.. أمي وبتردد:استـ..ونزلت عيونها ولا قدرت تكمل.. طالعت نورة بنظرات متسائلة.. نورة بعد ما خذت لها نفس:الطبيبات ما قدروا يوقف النزيف اللي صار لك عشان كذا أضطروا يستئصلون رحمك.. حطيت يدي ع فمي مصدوم..هالخبر نزل علي مثل الصاعقة.. قلت بهدوء اللي يسبق العاصفة:يعني أنا مو أنثى كاملة.. نزلت نورة رأسها.. وبهاللحظة دخل خالد اللي لون وجهه مخطوف:حمد لله على سلامتك مشاعل.. أول ما شفته صرخت:أطلع برى أكرهك أكرهك أنت وفارس السبب حسبي الله عليكم حسبي الله.. ضمتني نورة:مشاعل بسم الله وش فيك على خالد.. :طلعوه ما أبي أشوفه أهو السبب..هو السبب.. طلع خالد بسرعة ودخلوا علي الممرضات وأنا أصرخ:هو وفارس السبب الله لا يوفقهم الله لا يوفقهم.. مسكوني الممرضات وأعطوني أبرة مهدئة.. ============================== طلعت من المستشفى وأول ما وصلنا القصر قلت لهم يطلعوني لغرفتي.. بعدما حطيت رأسي ع المخدة نزلت دموعي صعب أنك تعيش أنسان ناقص حسيت بهاللحظة أني مجرد بقايا أنثى ومو مجرد أنثى وبس أنثى مجروحة بجرح عمره ما راح يبرئ..تذكرت طفلي آآها يااما تخيلت شكل اللي بطني يااما تخيلته يقول ماما أحبك ويااما تخيلته وهو يركض لي ويضمني ويااما ويااما..وآآآها يافرحتي لما أطلع من عند الدكتورة وتطمني عليه..آآآها كم كنت أعد الأيام والأسابيع والشهور عشانه..آآآها كم تحملت الآلآم وأقول بكرة بيجي وبنسى الألآم اللي عانيتها..نفضت هالأفكار من رأسي وتعوذت من أبليس..قدر الله وما شاء فعل ..غمرتني راحة بعد ماقلت هالجملة.. دخلت الحمام بسرعة لم حسيت بغثيان..بعد ما غسلت طلعت للغرفة..وحصلت أمي ومعه الخدامة اللي معها طاولة الأكل.. أمي:خلاص سيتي خلي الأكل هنا وأطلعي.. :يماه ما له داعي مالي نفس.. أمي:ما تشوفين شكلك وشلون ضعفانة بتأكلين غصب عنك.. ابتسمت وجلست..وكانت أول مرة ابتسم من بعد طلاقي.. وما قدرت أكمل أكلي لأني حسيت بغثيان ورحت للحمام..ولحقتني أمي.. التفت عليها وأنا متسندة ع المغسلة ودموعي مجتمعة بعيني:ذبحني الغثيان يا يماه ذبحني.. أمي وهي تمسح ع شعري بحنان:هذا من آثار العملية..لا تخافين هي فترة وبترجعين مثل أول وأحسن أن شاء الله.. ============================ كنت جالسة قدام المراية أمشط شعري ودخلت علي شجون طايرة.. :خير أن شاء الله داخلة علي طايرة ما تعرفين تضربين الباب قبل.. شجون:عندي لك خبر.. :وش الخبر.. شجون:الخايس خطب وملكته في الأجازة.. عقدت حواجبي:مين الخايس.. شجون:ومين غيره..فارس ولد عمنا المحترم.. صديت عنه أكمل تمشيط شعري وبرود قلت:الله يوفقه.. شجون:يعني عادي عندك.. طالعتها باستغراب:أيه عادي..تراه طليقي يعني ليه أغار.. أكيد توقعت بانصدام أو أبكي قهر..الأيام هذيك أيام الدموع والحب ولت وراحت..فارس ألحين ما عاد يعني لي شيء..وصدقوني هالخبر أبدا ما أثر علي..الشيء اللي أتمناه ألحين هو أني أنتقم من اللي تبلى علي ومن فارس اللي بسببه خسرت طفلي ورحمي.. ================================== كنت جالسة ع سريري وفاتحة دفتر خواطري الجديد اللي مسجلة فيه بداية أحزاني وكنت أسطر بعض الكلمات وأفرغ اللي في قلبي بقلمي وفيه..بقايا أنثى مجروحة..كنت أتمنى وكنت أطمح كنت كأية أنثى يملأها الابتهاج والسعادة ويختزن في عقلها الكثير والكثير من الآمال والأماني وفي قلبها الحب والحنان وتغدقه لمن يستحقها......قطع علي كتبتي صوت الباب..سكرت دفتري:تفضل دخل أبوي..ونزلت من سريري:هلا يباه..حياك اجلس.. أبوي وبجفاف ومازال واقف:أنا جيت أبلغك أن زياد صديق أخوك أخطبك..وأنا وافقت..والنظرة الشرعية بعد بكرة أن شاء الله..وأبيك عاد تتجهزين.. طلع أبوي..وتركني مصدومة..وبعد ما ستوعبت..طلعت بسرعة من الغرفة وناديت أبوي قبل لايدخل أبوي جناحه ودموعي متجمعة بعيوني:يباه يباه.. لف أبوي علي..وقلت بسرعة:يباه أنا مو موافقة..أنا مأفكر أتزوج مرة ثانية.. أبوي وهو يصد عني ويدخل غرفته:احمدي ربك أن شاب ما تزوج فكر يخطبك بعد ماعافك ولد عمك لا وناقصة.. انغررت كلمات أبوي فقلبي مثل السكين..آآآآآآآآه ياقلبي شكل الجروح بتزيد طعونها فيك.. رجعت لغرفتي وأنا أسحب وراي جروح وهموم كلما لها تزيد ثقل على قلبي..شكل كلمة~جرح~بتظل في قاموس حياتي.. شافتني أمي اللي كانت طالعة من الإصنصير.. قربت مني وهي تمسك وجهي:بسم الله عليك ليه هالدموع زادت دموعي وانطلقت مثل النهر:ليه أبوي يجبرني..هذا أهو جبرني على فارس ورجعلته مطلقة..ليه ليه.. وانهرت عالأرض..رفعتني أمي:خلاص حبيبتي أرضي بنصبيك..أنتي تعرفين أبوك أذا قال كلمة مايثنيها وهو قال للرجل أنه موافق وأنك موافقة..يعني خلاص مافي فايدة لهالدموع أرضي باللي مكتوب.. ================================ الساعة ثمان المساء.. دخل خالد:شوفي مشاعل ما نبي فضايح عند زياد..والله وربي لو خنتي زياد مثل ما خنتي فارس..والله ليكون ذبحك على يدي.. :خالد أنا والله ما ســ.. خالد:بلا كثرة حكي ترى حذرتك..تصدقين عاد تستاهلين اللي صار لك لأنك خاينة.. قلت بصوت باكي:خالد بس تجريح.. ابتسم خالد بسخرية وطلع بعد ماسمعني كلمتين كالعادة جامدة وطلع.. ===========================

نظرة الحب 08-03-2011 01:01 AM منورين القصه حباايبي بنزل البارتات كلها اليوم http://forums.graaam.com/images/smil...am%20(272).gif %%البارت السادس عشر%% الليلة النظرة الشرعية كان لبسي شوي رسمي..تنورة سوداء وقميص أبيض.. وشعري رافعته ع شكل ذيل حصان..ودخلت ورى خالد المجلس اللي فيه زياد.. وكنت منزلة نظري للأرض..وكلماته ترن بأذني ليه..دام أنه ما يحبك ليه ما تطلقين منه.. بهاللحظة بس تأكدت من حب زياد لي..وألا في شاب لسى ما تزوج يفكر يخطب وحدة مثلي.. جلست جنب خالد.. زياد:كيفك مشاعل.. قلت بصوت منخفض:الحمد لله بخير.. زياد:وكيف الدراسة معك.. :الحمد لله ماشية فيها.. زياد:ما شاء الله عليك شكلك أصغر من عمرك بكثير.. رفعت عيوني له..وطاحت بعيونه..وعلى طول نزلتها..واستحيت كثيرررر..وبنفس الوقت اجتحتني مشاعر أربكتني من نظراته.. خالد:هههههه يا الحبيب مو كأنك تتغزل في أختي ولا كأني موجود.. زياد:وحد يقدر يشوف هالجمال ويسكت.. وااااااااااو هذا مو صاحي جرئي.. ووقفت بسرعة وبصوت ميت حياء:أنا أستأذن.. وطلعت لغرفتي على طول..جلست ع السرير ونظرات زياد للحين في بالي..نظرات تحكي الكثير والكثير..بس مادري وش هو بالضبط..سمعت ضرب عالباب..فتحت الباب.. شجون وبابتسامة:ممكن ادخل.. :تفضلي شجون وهي تجلس:ها وش صار لما شافك زياد قولي لي بالتفصيل الممل.. :سألني عن أحوالي ودراستي بس بصراحة أحرجني قدام خالد لما بدأ يتغزل الأخ.. وشجون وبحماس:ليه وش قال وقلت لشجون اللي صار.. شجون:بصراحة قمة الإحراج.. :بس تصدقين حسيت براحة عجبية لما شفت نظراته.. شجون:الحمد لله..ويا رب يكون يستاهلك مو مثل الحقير فارس.. آآآآه منك يا فارس نفسي انتقم منك..ياليت لما سألتني الدكتورة عن الكدمات اللي بجسمي قلت لها الحقيقة وفضحتك أنت وخالد ولا قلت اني طايحة من الدرج كان أحسن..بس خوفي من الفضايح ردني.. شجون:مشاعل..ميشو.. انتبهت لها:هلا شجون وبابتسامة:شكل زياد بدأ يأخذ تفكيرك.. ابتسمت ع براءة كلامها.. =======================================اليوم الثاني.. بالصالة كنت جالسة أطالع برنامج مع سماحة المفتي بقناة المجد الفضائية..ودخلت عبير اللي كانت جاية من أهلها.. عبير:السلام عليكم.. :وعليكم السلام.. جلست عبير وهي تنزل طرحتها:ميشو الأهل يسلمون عليكم.. :الله يسلمهم..كيفهم.. عبير وبملامح أبدا مو طبيعية:بخير ولله الحمد.. وقفت من مكاني وجلست جنبها:عبير وش فيك.. عبير وبابتسامة تصنع:ها لا ما فيني شيء..وش بيكون فيني يعني.. :عبير أنا أعرفك أذا كنتي متضايقة..قولي لي وش فيك لا تخبين علي.. عبير نزلت رأسها وبصوت حزين:أختي في يا مشاعل.. :وش فيها.. رفعت عبير رأسها وكانت عيونها مليانة بالدموع:من أول ما خطبني بندر وهي متغيرة..وتغيرت علي أكثر بعد ما تزوجت..كنت طول هالأشهر أحاول أعرف السبب..ويا ليتني ما عرفت ياليتني ماعرفت.. قلت بخوف:وش اللي ياليتك ماعرفته.. عبير ودموعها تسقطت:أختي في تحب زوجي وحبيبي بندر..تخيلي مشاعل أختي تحب زوجي.. طالعتها بصدمة:وأنتي كيف عرفتي.. عبير:أمس تضربنا ع شيء وكنت أمزح معاها..لكن في صايرة حساسة كثير وعصبت علي وقالت أني دايم أخذ كل شيء حلو منها من لما كنا صغار وقالت بعد حتى حبيبي بندر أخذتيه مني.. ومن أمس و أنا وياها ما نكلم بعض.. وانهارت عبير بنوبة بكي..أخذتها ع طول بحضني.. عبير وبصوت متقطع:يا ليتني كنت عارفة قبل ما أتزوجه كان والله ما وافقت..كسرت قلب أختي يا مشاعل..جرحتها من دون ما أحس.. :عبير حبيبتي هدي..أن شاء الله كل شيء راح يتصلح بينك وبين أختك بس أنتي هدي.. سمعنا صوت باب القصر وعلى طول عبير بعدت عن حضني وهي تمسح دموعها.. قرب بندر:الس..وانتبه لعبير..عبير قلبي وش فيك ..وجلس جنبها ومسكها.. لكن عبير بعدت يده بقسوة وطلعت لفوق.. وكان بندر راح يطلع وراها..لكن مسكت يده:بندر أتركها ع راحتها.. بندر وبعيوني قلقانة:هي ليه كانت تبكي خالي وأهله فيهم شيء.. :بندر أنت تعرف عبير ما تستحمل شيء بعد حملها..صارت خناقة بسيطة مع أختها وهم ألحين متزعلانين ع بعض.. أخذ بندر نفس طويل:والله توقعت في شيء كايد.. وبعد ما طلع بندر من عندي اتصلت ع في عشان أصلح بينها وبين عبير..وطبعا من دون ما أقول أني عارفة السبب الحقيقي.. ================================ مرت الأيام وأنا بس من مجمع لمجمع عشان أتجهز لملكتي اللي ما كانت فرحانة لها أبدا.. لأن ببساطة فارس عقدني من الزواج والحب.. بالملكة.. كنت لابسة فستان باللون الأحمر..وكان واااو شيء علي..مع شعري الأسود الفحمي وبياضي الصافي وعيوني العسلية..وكان الميك آب ناعم وشعري مسوية فيه تسريحة رومانية..كان شكلي مررررة حلو..نزلت تحت بعد ما وقعت..ومرت دقايق وجت عندي رغد وأمها.. رغد وبابتسامة:مبروك حبيبتي.. رديت وأنا أبتسم:الله يبارك فيك.. أم زياد وبرود:مبروك مشاعل.. حسيت من برودها أنها مو راضية ع زواج ولدها مني:الله يبارك فيك خالتي.. وبعد دقايق قالت رغد أن أخوها يبي يشوفني.. دخلت المجلس..وما مرت ثواني ألا ويدخل زياد وأبوي وأعمامي وخوالي وأخواني.. سلم علي زياد ووقف جنبي..وسلموا علي الباقي بعدها طلعوا.. زياد:مشاعل كيف حالك.. قلت وأنا منزلة رأسي:بخير الحمد لله.. زياد:مشاعل أنا.. وقطع كلامه دخول أمي وأم زياد وأخته وخالاته وعمته.. وباركوا لنا..وكانت ملامح خالتي أم زياد ما زال يغطيه البرود..الله يستر من هالزواج بس..لبسني زياد الشبكة.. ولما انتهينا طلعوا..مسك زياد أيدي:مشاعل.. :هلا.. زياد:طالعيني.. رفعت رأسي وأنا بموت من الحياء وطالعته وشفت نفس النظرات اللي تحكي الكثير والكثير.. زياد:تدرين مشاعل أني من شفتك في بيت الشعر وصورتك ما فارقت بالي..كنت لي بالنسبة مثل الحلم لما عرفت أنك متزوجة..حاولت كثير أنساك بس ما قدرت..ولما عرفت أنك تتطلقين كنت أسعد إنسان..أدري بتقولين حقود حسود..بس هذا ما يهمني أهم شيء أنك تكونين زوجتي..والحمد لله هذا أنتي ملكي زوجتي.. نزلت عيوني حياء من كلامه.. رفع وجهي..وكانت عيونه هي اللي تحكي..وبعد مدة زياد:مشاعل متى تبين يكون زواجنا أن شاء الله.. نزلت عيوني:اللي تشوفه أنت.. زياد:اللي أشوفه أني أخذك معاي ألحين بلاش زواج رفعت عيوني..وضحك زياد..وابتسمت لضكحته الجذابة.. زياد:طيب وش رأيك بعد شهر أن شاء الله..يمديك تتجهزين.. :خلاص بعد شهر.. زياد:أوكي حبيبتي أنا أستأذن ما بي أطول ع الضيوف..وبينا اتصالات أن شاء الله.. :كيف بين اتصالات ورقمي مو عندك ولارقمك عندي.. زيادوبصوت حسيته مرتبك:أيه صح..كم الرقم وقبل ما يطلع زياد قبل جبيني وطلع.. آآه ما توقعت جلستي مع زياد بتكون بهالراحة..حسيت براحة مع زياد لا توصف..بس ما أتوقع راح أبادله الحب اللي يكنه لي لأني صرت أخاف من الحب.. ========================== اليوم قرر عمي سالم نطلع المزرعة لأن صاحبه اللي بتبوك جاي الرياض..وعزمه عمي بالمزرعة بما أن الجو حلو..وقرورا يجلسون بس يومين.. العصر مشينا المزرعة وكان أول الواصلين أحنا..دخلت غرفتي ورميت نفسي عالسرير لأني مرة تعبانة من الطريق.. تذكرت الجوال لازم أحطه ع الطاولة برى أذا جيت أنام وألا بيذبحني..تركت الجوال فوق الطاولة اللي بالصالة ورجعت لغرفتي.. حست بأيدي تهزني بخفيف:ميشو حبيبتي أصحي عشان تصلي المغرب.. فتحت عيوني:طيب ألحين بقوم.. طلعت عبير ونزلت من سريري وخذيت شور ولبست وصليت.. لما نزلت حصلت عبير تنتظرني بالصالة..طلعنا لفلة عمي فواز..وحصلت الكل موجود سلمت عليهم..ولما سلمت على خالتي أم فارس سلمت علي بحرارة..جلست مع البنات وأنا مو مرتاحة..أحس أني مخنوق..نفسي أطلع من هالمكان اللي ذكرياتي مع فارس فيه تهاجمني..وأول ماانتهيت من العشى طلعت لفلتنا..ولما دخلت غرفتي دخلت اللحاف..وأنا أحاول قد ماأقدر أنام عشان أرتاح من التفكير.. ============================= الصباح وعلى صوت العصافير والجو الربيعي..قررت أمشي بالمزرعة..أخذت شالي وطلعت..صرت أمشي وأنا أحاول أرمي كل هموهي وراي وأفكر بس بالمستقبل..وصلت عند مكان الاصبطلات..أحب مكان عندي بالمزرعة..اتجهت لفرس بندر وأنا أحاول أني أتحاشي النظر لفرس فارس ما أبي شيء يذكرني فيها..لأن ذكراه تتعبني وتذكرني بالمعاناة اللي أنا عايشته وأحاول أنساها.. لما ركبت الفرس ضربته برجلي بخفة وصار يمشي وأنا مستمتعة بهالجو..انتبهت لشخص من بعيد من بين النخل ومتسند ع وحدة منهم ويطالعني..خفت ليكون واحد من العمال..ونزلت من الفرس ورجعت لفلتنا.. الساعة ثمان بالليل.. لبست بنجابي أسود ومطرز بالفضي ناااااعم..وميك آب هادىء.. وطلعت لفلة عمي منصور..وحصلت الكل مجتمع وكانوا أهل خالتي أم فارس بس ما كانت غادة حاضرة..وهذا الشيء ريحني..ما أدري ليه حسيت أني مرتاحة لما ما شفتها.. ومر الوقت بسرعة وحسيت بالنعاس لأني صاحية بدري..وأنا راجعة قابلت فارس اللي متجه لفلتهم..نزلت عيوني وأنا أتغطى بالشال..ومشيت عنه لكن وقفني صوته لما قال:مبروك على الملكة ولو أنها جت متأخر.. قلت من دون ما التفت وبرود:الله يبارك فيك.. فارس وبنبرة سخرية:توقعت بيأخذك حبيب القلب أحمد لكن مين الغبي اللي بيأخذ خاينة وصايعة..بس أتمنى أن اللي صار لك درس عشان ما تسوينها مرة ثانية وتخونين زياد اللي ما يدري أي بنت أخذ.. رديت وأنا أحاول أقهره مثل ما قهرني:لا زياد غير..مالي عيني لأنه باين عليه رجل بمعنى الكلمة ومحترم..مو مثلك لأنك ..وألا ما له داعي..ومشيت عنه شهقت لما سحبني من ذراعي بقوة ولفني عليه وطاحت الطرحة من وجهي وأكتافي.. فارس:كملي لأني أيش يا متربية.. وكانت عيونه مليانة غضب وشرار.. نزلت عيوني ع يده وأنا أحاول أبعدها وأ قول:فكني يالحقير..لا تلمسني..ورفعت عيوني وأنا أكمل..أنا ألحين.. لكن جمدت وتوقفت عن الكلام لما شفت نظراته اللي تحولت إلى نظرات ولا عاشق حقيقي..كانت عيونه تدور حول وجهي وع ملامحي..رفع يده ومرر أصابعه ع خدي ورموشي..انتبهت لعمري ودزيته وركضت للفلة وأنا أبكي وأسرع في خطواتي..دخلت الفلة وعلى طول لغرفتي..وقفلت الباب..وقبل ماأوصل لسرير انهرت ع الأرض.. ========================= رن جوالي..فتحت المسج..وكان من زياد.. صعب جدا تلاقيني أنا جوهر بحر مكنون أنا لو تقلب الدنيا صعب جدا تلاقيني جمالي من حلا روحي وكل الزين من زيني تصدق عاد يا خلي أنا كلي بكل وصفي بكل زيني عجزت أوصل ربع زينك ابتسمت من بين دموعي وأرسلت له.. غالي بقلبي مثل ذاك القمر فوق واسقيك من عذب المشاعر وازيدك هذا قليل من الغلا جاك منطوق والا بقلبي يعلم الله رصيدك إن جيت وان ما جيت باقي لك الشوق والقلب مثل ماهو على حطة يدينك عشت أسبوعين حلوة مع زياد..كان كلامه يعيشني بعالم ثاني وفي لحظتها وفي دقايق أنسى كل همومي.. وبعدها بمدة اتصل زياد.. :هلا زياد.. زياد:روح زياد كيفك.. :الحمد لله بخير..أنت كيفك.. زياد:أنا بخير لما سمعت همسك وصوتك.. انحرجت كثير.. زياد:صوتك أحس أنه متغير فيك شيء.. مسحت دموعي:لا تخاف زياد بس دخلني برد وملوزة..تعرف الأيام هذي برد بزيادة.. زياد:سلامتك حبيبتي.. :الله يسلمك.. زياد:أقول مشاعل ترى ما أتفقنا للحين وين نقضي شهر العسل :أنا نفسي نسافر لماربيا وش رأيك.. زياد:أهم شيء عندي تكونين أنتي معاي وبس.. ================================= نورة:مشاعل ألحين الحمد لله تقريبا"بدينا نخلصنا من تجهيزاتك لزواجك والفستان وصل اليوم من أيطاليا..ألحين نبي نحجز لنا مصورة.. قلت بسرعة:لا ماراح أخذلي مصورة.. نورة:وليش أن شاء الله :أنتي عارفة أن حكم الصور حرام ألا للضرورة..والحمد لله أنا ألحين مرتاحة بعد ما احرقت كل صوري وما راح أسويها مرة ثانية أذا هالشيء يغضب ربي بإذن الله..وكملت بقلبي عصيت ربي بهالصور وسبحان الله خسرت كل شيء وفارس ألحين يعتقد أني صايعة وراعية شباب بسببها.. نورة:والله كلامك صحيح وما فيه أبداً شك..وألحين يله تجهزي عشان نطلع لسوق.. =============================== بأسبانيا,,ماربيا وبالتحديد باليخت.. صحيت من النوم ولفيت على الجهة الثانية وحصلت زياد لسى نايم.. خذيت شور وتجهزت وحبيت أشم لي شوية هواء وطلعت فوق..وقفت اطالع بالبحر..مر وقت طويل وأنا أتأمل البحر وأمواجه الهادية..وما حسيت ألا لما حط زياد أيده حول كتفي.. زياد:ها حبيبتي وش تفكرين فيه.. ابتسمت:فيك.. زياد وهو يطالع عيوني بتركيز:مشاعل وش فيك.. باستغراب:ليه وش فيني.. زياد:أنتي مجبورة علي.. :زياد وش هالكلام.. زياد وهو يطالع لقدام وكأنه غارق بمكان ثاني بعد ما سحب يده من كتفي وتكتف:مشاعل أنا من لما شفتك في النظرة الشرعية وأنا أشوف بعيونك الحزن والضيق..ولحد ألحين أشوفها مهم حاولتي تخفينها..ثم التفت علي..جاوبيني بصراحة أنتي مجبورة علي.. مسكت يده وحطيت رأسي ع كتفه:زياد أنتي لما خطبتني كنت لسى طالعة من تجربة مريرة وكنت رافضة التفكير في الزواج مرة ثانية..لكني انجبرت عليك..بس ألحين الوضع اختلف أنا احمد ربي مليون مرة أني أخذتك واحد فيه حنان وطيبة الدنيا كلها.. لف زياد ومسكني مع كتوفي:طيب مشاعل تحبني.. آآآه يازياد أنا ماأبي تجرب اللي جربته مع فارس في بداية زوجي ماأبي أجرحك بردي مثل ماجرحني فارس.. هزيت رأسي بإيه.. زياد وبهدوءءء جميل:انطقيها لا شعوريا"بسبب نبرته قلت:أحبك.. زيادوبفرحة:وأنا أحبك وأعشقك وأهواك وأموت فيك.. ابتسمت وأنا كلي عزيمة وأصرار في إخلاصي بهالكلمة لزياد.. ====================================

نظرة الحب 08-03-2011 01:02 AM %%البارت السابع عشر%% عطني وعد انك معي طول الايام واعطيك عهد انك حياتي وذاتي اخاف تتعبني معك وارسم احلام والقاك بكرة صرت من ذكرياتي ياحلم عمري خايف تصبح اوهام وانت الحياةوكيف بعدك حياتي. رجعنا السعودية بعد ما زرنا أماكن كثيرة بأسبانيا منها ملاهي تيفولي واللي تبعد عن ماربيا تقريبا ربع ساعة أو أقل وقرية ميخاس كانت طبيعتها الجبيلة رووعة ..ومدن وقرى غيرها كثيرة منها ملقا وترمولينوس وغرناطة وزرنا فيها قصر الحمراء وإشبيليه وغيرها وطلعنا لشاطى البورت لكن ما ارتاحت فيه أبدا عشان كذا ما جلسنا كثير وأخر شيء مدينة مدريد وأخذنا جولة فيها وزرنا القلعة الملكية ومتحف برادو وغيرها..بصراحة كنت مستمتعة كثيررر مع زياد وكان أغلب وقتنا بأسبانيا أنا وزياد باليخت الخاص بأبوه واللي كان يطل على البورت بانوس..كانت هالرحلة ممتعة كثير الوحيد اللي كان مكدرني هو خوفي من اللي كان يرسلني..ترددت كثير اني أصرح زياد عنه بس صار له مدة ما يرسل..وقررت اخر شيء أنه اذا ارسل اقول لزياد.. استقرت طيرتنا ع أرض الوطن..وكان سواق زياد الخاص علي في انتطارنا.. كان ودي أبكي لأن المسافة بين المطار لشمال الرياض طويلة وأنا حدي تعبانة وأبي أنام.. ولما وصلنا سلمت على عمي عبد العزيز وخالتي جواهر أم زياد ومربية زياد واللي كانت كبيرة بالسن مرة واسمها جوليا.. وجلست معهم وما صدقت أنا زياد قال لي أمشي نطلع فوق ألا على طول نقزت.. وأول ما أخذت شور رميت نفسي ع السرير من دون ما حتى أنشف شعري ودخلت في سبات نومي.. ....:أصحي يا الحلو كل هذا نوم الساعة ألحين الساعة ثمان المساء وأنتي لحد ألحين نايمة.. جلست وأنا أبتسم وأفرك عيوني:لا تلوميني ما نمت زين بالطايرة..ما أعرف أنام وأنا جالسة.. رغد:أوكي حبيبتي قومي ألحين صلي وتجهزي وأنزلي تحت مشتاقة لسوالفك يا قلبي.. :أوكي.. طلعت رغد ودخلت الحمام أتوضى وبعدها صليت الصلوات اللي فاتتني واستغفرت ربي لأني أخرتها.. =========================== نزلت تحت وحصلت رغد وعمي.. بست رأسي عمي ومسيته وبعدها جلست وأنا مستغربة من لبس رغد عند عمي..بصراحة في أشياء كثيرة في رغد ما تعجبني..مثل ..مرات تكشف وجهها وأحيانا تتلثم وأذا سافرت خارج السعودية تشيل العباية ومرات تلبس فساتين نوعا ما عارية..وكان نفسي أنصحها بس المشكلة ما أملك الجرئة والأسلوب عشان أنصحها.. انتبهت أن خالتي مو موجودة:رغد خالتي وينها.. رغد:معزومة في حفلة زواج بنت صديقتها.. دخل زياد:السلام عليكم ..وعليكم السلام.. وجلس جنبي.. وبصوت هامس:كيفك حبيبتي بعد التعب.. ابتسمت:بخير الحمد لله.. زياد:الحمد لله.. والتفت على أبوه وجلسوا يتكلمون في الشركات والمشاريع وأنا أخذت أتكلم مع رغد.. جت مشرفة القصر:العشاء جاهز.. ووقفنا كلنا لصالة الطعام =================================== مساء اليوم الثاني وبعد ما انتهت حفلتي أنا وزياد وما باقي ألا العمة وبنتها سوسن وزوجة عم زياد وبناتها رهف وحنان واللي كانوا جاين من جدة وبيجلسوا بالرياض يومين عندنا..طلعت لجناحي عشان أبدل وأسهر مع البنات.. بعد ما بدلت وأزلت الميك آب طلعت من جناحي.. وأنا متجة لجناح الضيوف عند البنات ناداني زياد اللي طالع من الإصنصير:ميشو.. قربت من عنده..وأنا راح انجن من شكله بالثوب والشماغ كان الزي السعودي وااو خطير عليه:هلا عيوني.. زياد:وين رايحة.. :بسهر عندنا البنات.. زياد وهو مبوز:وتخليني لحالي.. :حبيبي البنات كلها يومين وبيرجعون لجدة أتركني أسهر معاهم..وأذا عليك أنا معك العمر كله أن شاء الله.. زياد:أوكي حبيبي بس لا تطولين..وباس خدي.. ضربته ع كتفه:أستحى مو هنا.. زياد:أيزي حبيبي أنتي زوجتي.. خالتي واللي كانت طالعة من الإصنصير وهي تمشي لجناحها..قالت:زياد تعال أبيك بموضوع ضروري.. زياد:أن شاء الله يالغالية.. ===================================== طول السهرة وأنا مو مرتاحة أبدا لحنان ورهف ولكلامهم الماصخ.. سوسن:بصراحة يا مشاعل أنتي وزياد مرة لايقين على بعض.. رغد وهي تدفها بكتفها:قول لي ما شاء الله لا تحسدينهم.. سوسن وهي تلوي فمها:لا تخافي عيني باردة بس عشان يتطمن قلبك..ما شاء الله تبارك الله.. رغد:أيه يا بنت خليكي كذا.. حنان وبغرور:صحيح مشاعل أنت رحمك مستأصلينه.. قلت وأنا ودي أصفعها ع سؤالها السخيف:أيه.. حنان:شو هو السبب.. :لأن النزيف اللي حصل لي لما ولدت كان شديد ولا قدروا يوقفونه عشان كذا أضطروا يستأصلون الرحم.. حنان:يا عمري عليك يا ولد عمي أخذت وحدة ما تقدر تجيب لك الولد.. رغد:حنان أيش هالكلام.. حنان وهي تحط يدها ع خدها:أيش فيه كلامي..ما قولت ألا الحقيقة.. تضايقت من كلام حنان ووقفت.. رغد:وين طالعة مشاعل.. :أحس بنعاس..بروح أنام.. رغد:بس لسى الساعة وحدة.. :مرة ثانية أن شاء الله يله بنات تصبحوا على خير.. وطلعت ولحقتني رغد.. رغد:مشاعل مشاعل.. التفت عليها:هلا.. رغد:ليكون زعلتي من كلام حنان.. :لا عادي ما قلت ألا الحقيقة.. رغد:مشاعل لا تأخذين ع كلامها أهي لسى صغيرة ١٧سنة.. :صدقيني رغد أنا ما زعلت من كلامها..ونزلت رأسي بحزن..أنا بس متضايقة عشان زياد ليش أني ما أقدر أجيب له أطفال.. رغد:حبيبتي زياد ما هم الأولاد دام أنك أنتي جنبه..أنتي ما تعرفين شكثر زياد يحبك..حتى أنه لما قرر يتزوجك أمي كانت رافضة بس هو ماهتم لكلامها.. :كنت حاسة أن خا لتي مو راضية ع زواجنا.. رغد:بالأول بس لما شافت فرحت زياد في الملكة..فرحت لفرحته وأعرفت أنا زياد ما راح يلقى سعادته ألا معاك.. ارتاحت لكلامها وبعدها أستأذنت منها أروح لجناحي.. ============================================== العصر طلعت لأهلي وكانوا مأجلين زوارتي لليوم اللي بعده..لأن الليلة حفلة ملكة وزواج غادة وفارس..وكانت عائلية..وحضرها أبوي وخالد وهالشيء قهرني..أما نورة فضطرت تحضر عشان سعود..وتركت ريناد عندي..وكنت فرحانة لهالشيء لأني بكل بساطة أموت ع الصغار.. نزلت تحت بعد ما أعطيت المربية ريناد عشان تنومها بعد ما لاعبتها شوي..حصلت عبير وبندر وشجون وجلست معاهم أسولف.. رن جوالي وكانت مرام.. :هلا مرام.. مرام وهي تبكي:لحقي علي يا مشاعل لحقي.. وقفت مفزوعة:وش فيك.. مرام:أبو مضاوي من العصر وأهو طالع معزوم لعند واحد من أصحابه في قرية رماح وألحين الساعة١٢ وهو عمره ما تأخر زي كذا وأذا اتصلت على جواله ما يرد..مشاعل أنا ما عندي حد غيرك بعد الله..جاسم مسافر هو وزوجته وأمي..وخالتي جوالها مغلق..أرجوك مشاعل قولي لأخوانك وزوجك يدورنه..أنا حاسة أنه فيه شيء.. :أوكي حبيبتي ولا يهمك أنا وبندر راح نجيك بعد شوي أن شاء الله..بس أنتي هدي.. سكرت منها والتفت ع بندر وقلت له على اللي صار.. ============================================= كنت ما بين فترة وفترة أنا ومرام نتصل ع بندر وزياد اللي راحوا يدورنه بالمستشفيات والمستوصفات..ونسألهم عنه لكن لحد الآن البحث جاري من دون فايدة..مرام:بجرب أتصل على جواله.. :مرام كم مرة وأنتي تتصلين ع جواله من دون جدوه.. مرام ودموعها تنزل:يمكن يرد.. مرام وبفرحة:رد رد يامشاعل..فرحت كثير:كلميه.. مرام:ألو..أنتي مين..هذا من جواله..وقفت بسرعة..وش تقول.. وطاحت من طولها..مسكت وجهها وأنا خايفة:مرام ردي وش صار لك وش فيك.. مرام وبشبه وعي:راجح راجح.. قلت وأنا أبكي وأضرب وجهها:مرام أرجوك قولي لي وش فيك وش فيه راجح.. لكن ما ردت وتمت تنادي باسمه..مسكت جوال مرام واتصلت ع رقم راجح.. كان صوت شاب:ألو.. :أخوي ممكن أعرف وش فيه صاحب الجوال هذا.. الشاب:أختي أنا من شرطة رماح صاحب هالجوال صار له حادث على طريق رماح وهو ألحين بالمستوصف والحمد لله حالته مستقرة ألحين.. :أنت متأكد.. الشاب:أختي لا تخافين..مثل ما قلت لك هو حالته مستقرة.. سكرت الجوال وأحاولت أهدي مرام اللي تنادي باسم راجح جبت لها كأس ماء وشربته وأنا أقرأ عليها.. مرام بعد ما شربت كمية قليلة:أخذوني لعنده أبي أشوفه..أخذوني لرماح.. :ألحين بتصل ع بندر وزياد وأقولهم.. ==================================== على طريق رماح_الرياض كانت المسافة١١٢كيلو..وكنت جالسة في المقعد الخلفي وكنت حاضنة مرام وأهدي فيها وقلت لبندر يشغل ع القرآن.. وشغله بندر وكان بصوت أحمد العجمي.. شفنا على طريق رماح حادث سيارتين مروع..وكانت وحدة من هالسيارتين معدومة بالحيل وضميت مرام أكثر عشان ما تنتبه.. وصلنا تقريبا الساعة وحدة وسألنا أول واحد شفناه من أهل القرية عن المستوصف ووصفه لنا ولما وصلنا سأل عن راجح لكن للأسف عرفنا أن روحه انتزعت قبل ما يسعفونه وانهارت علينا مرام وهي تصرخ.. مرام:لا راجح ما راح يتركني مثل ما تركني أبوي..لا راجح أرجع والله والله لأحطك بعيوني بس أرجع..راجح ليه لما بديت ارتاح معك تتركني..ليه راجح ليه..راجح أرجع عشان ولدك اللي جاي بالطريق..راجح أرجع أرجوك يا راجح.. مسكتها ودموعي مبللة نقابي:مرام حرام اللي جالسة تسوينه أنتي مؤمنة بقضاء الله وقدره..استغفري ربك.. ======================================== مرت أيام العزاء حزينة ع الكل وكانت حزينة كثير على مرام ومضاوي.. واليوم أخر يوم للعزاء.. بعد ما جهزت الخدامة فطور خفيف لمرام أخذت منها وطلعت لغرفته وحصلته جالسة ع السرير وحاضنة رجولها لصدرها.. مديت لها لقمة:يله مرام أكلي.. مرام صدت بوجهها عني.. :مرام ما يصير صار لك مدة ما دخل بطنك شيء غير الماء.. مرام:ما لي نفس.. :طيب عشان اللي بطنك.. مرام وبصوت باكي:يا قلبي عليه تيتم وهو ما بعد شاف النور.. مسكت دموعي:مرام ليمتى بتمين كذا راجح محتاج لدعواتك.. لفت علي مرام وقلت:ليه لما حسيت بالأمان والحنان معاه يتركني ليه ليه..وغطت وجهها تبكي.. حضنتها وأنا أذكرها بأجر الصابرين.. =============================== نزلت تحت وأنا لابسة عبايتي لأني بطلع لمرام..صار على وفاة راجح الله يرحمه تقريبا أسبوعين وأنا كل يومين أروح لعندها عشان أغير من نفسيتها التعبانة.. ولما طلعت من الإصنصير وقفت لما سمعت صوت خالتي طالع من الصالة الجانبية:أحنا نبي نشوف أعيالك يا زياد.. زياد:أنا كذا مرة قلت لكم ما راح أتزوج على مشاعل..أرجوكم قفلوا على هالموضوع.. أبو زياد:زياد لا تنسى أنك أنت ولدي الوحيد..ليه تحرميني من أني أشوف أحفادي ويشيلون اسمك واسمي.. زياد:يباه أرجوك لا تضغط علي أنا ماراح أتزوج.. أبو زياد وبعصبية:شوف يا زياد أذا ما تزوجت أنا لي تصرف ثاني معك.. وطلع عمي وأنا تراجعت على ورى عشان ما ينتبه لي.. دخلت الإصنصير وطلعت لجناحي..ولما دخلت غرفتي رميت نفسي ع السرير أبكي..ليه لما حبيت زياد يصير كذا.. يا ربي شكل السعادة ما راح تكون أبدا من نصيبي.. =================================== بعد مرور شهرين عشتها بسعادة مع زياد .. ..نزلت تحت عند عمي بالمكتب لأنه طلب يشوفني.. :هلا عمي ناديتني.. أبو زياد:أيه أجلسي.. جلست وأنا خايفة بسبب ملامح عمي اللي تبين أنه متضايق.. أبو زياد:يا بنيتي أنا خطبت لزياد من دون ما يدري رهف بنت عمه عشان أحطه بالأمر الواقع..والبنت وافقت.. فتحت عيوني على وسعهن بصدمة.. أبو زياد:أنا عارفة أن هالشيء راح يزعلك..بس يا بنيتي أن ما عندي أولاد غير زياد..وقف عمي وأعطاني ظهره وهي يطالع مع الشباك اللي مأخذ مساحة وكمل..أنا من بعد ما جابت أم زياد رغد صار لي حادث والحادث أثر بظهري عشان كذا ماعندي غير هالاثنين..والتفت علي..أنا ما أبي أخرب سعادتي ولدي معاك..بس أنا ما عندي غيره يشيل اسمي..مشاعل حاولي بزياد..أنا أعرفه عنيد وأنا متأكد أنه ما يهمه يفشلني عند اخوي.. وقفت وقربت من عمي والغصة بتخنقني:ولا يهمك يا عمي راح أحاول أن شاء الله.. وفعلا أول ما عرف زياد أن عمي خطب له من وراه..عصب وعند وطرده عمي من القصر والشركة وسحب منه كل شيء..وكان بيأخذني معاه..بس أنا رفضت عشان عمي..وفالأخير رضخ للأمر الواقع..وهذي هي ملكته اليوم ============================ كنت حاضنة رجولي وحاطة رأسي عليه واحاول انا دموعي ما تنزل عشان زياد اللي يلبس بغرفة الملابس ما ينتبه لي.. تمنيت بهاللحظة أموت وارتاح من هالمعاناة.. زواجي الأول ما استمر أكثر من عشر شهور.. وزواجي الحالي ما صار لي غير ثلاث شهور وهذا هو ملكته ع الثانية اليوم.. دخل زياد والبشت ع أيده.. تمردت دمعة من عيني ومسحتها على طول.. جلس زياد قريب مني ومسك يدي:سامحني يا مشاعل أنتي عارفة أنا أبوي هــــ.. قطعت كلامه:زياد اللي سواه أبوك هو الصح..لا تنسى أنه ما عنده غيرك تشيل اسمه.. مرت لحظة صمت.. بعده وقف زياد وباس رأسي وطلع.. أول ما طلع تمردت دموعي.. وحضنت مخدتي وأنا أبكي أكثر.. ==================================== بالليل سمعت باب الجناح يفتح وعلى طول دخلت تحت اللحاف..هاجمتني ريحة زياد لما رفع الغطاء عني.. حاولت أهدي من تنفسي وتوتري عشان ما يحس زياد أني صاحية..ما أبي يشوف عيوني ويعرف أني بكيت..باس رأسي وغطاني مرة ثانية.. =================================== عصر اليوم الثاني.. كنا مجتمعين بالصالة ورن جوال زياد وكنت جنبه..طالعة بالاسم وهو يرفع الجوال وكانت رهف..عطاها مشغول..وارتاحت أنه ما رد.. رغد:مشاعل.. التفت عليها:هلا.. رغد:وش رأيك اليوم نزور مرام من زمان عنها.. :خلاص ابتصل عليها وأقولها.. العشاء.. طلعنا عند مرام..كانت متغيرة بالحيل بشرتها شاحبة وجفونها فيها سواد ونحفانة كثيــــر.. حاولنا أنا ورغد نطلعها من الكآبة اللي عايشتها بس للأسف حتى الابتسامة مغتصبة.. شوفة مرام كدرتني وسودت دنيتي أكثر ما هي مسودة بعيني.. ====================================== الليلة ملكة شجون ونواف اللي انتهى من دراسته الجامعية السنة هذي.. كنت فرحانة لشجون كثيـر.. دخلت عندها..وكانت المصففة لسى مخلصة من تسريحتها.. وقفت شجون:وش رأيك ميشو.. :بسم الله عليك قمر ١٤.. دخلت نورة..ومعها الكتاب..ولما جات شجون توقع خذت نفس..ووقعت.. ضمتها نورة وباركت لها..وبعدها ضميتها أنا.. :مبروك حبيبتي.. شجون:الله يبارك فيك.. وبعدها جاء وقت الزفة..وانزفت شجون.. ومامرت نص ساعة ألا وقامت شجون..لأن نواف يبي يشوفها.. ================================ طلعت شجون وحسيت أنها ماخذت وقت طويل عند نواف..ولما انتهت الحفلة..طلعت لها بغرفتها وحصلتها تمسح مكياجها.. :ها وش صار لما دخل عندك نواف.. شجون وهي تلف علي وعلى وجهها ابتسامة ساخرة:شكله ميت فيني والدليل طلع من دون مايطلب رقمي.. طالعتها مصدومة:ما طلب.. شجون بملامح معصبة:بعد ماطلعت أمي وخالتي أم سالم وبناتها أستأذن وطلع على طول.. :شجون حبيبتي يمكن منحرج ومستحي.. وتجمعت الدموع بعينها.. مسحت دموعها:خلاص شجو ليه هالدموع..أكيد منحرج اللي أعرفه عن نواف أنه خجول شوي..خلاص هدي.. وبعد ما هدت شجون نزلت عشان اطلع مع زياد.. واليوم الثاني.. اتصل نواف على شجون وقال انه أخذ رقمها من أخته الهنوف وطبعا اعتذر بالنسيان أنه ماطلب رقمها..وعلى حسب كلام شجون لي عن مكالماته أنه كان قليل كلامه وفيه برود.. =================================== كنت جالسة مع عمي أتفرج ع التلفزيون..وخالتي كالعادةمشغولة بالحفلات والزيارات..وزياد طالع مع خالد للنادي..ورغد نايمة.. فجأة جابت القناة خبر عاجل عن فيضانات تسونامي.. وعرضوا لقطات منها وكانت مرعبة من جد.. أنتظروني في البارت الثامن عشر عشان تشوف وش علاقة مشاعل بالفيضانات اللي حصلت..

نظرة الحب 08-03-2011 01:02 AM %%البارت الثامن عشر%% أبكي قصيدة وأشبك البيت بالبيت وأشكي قوافي الليل من كل ضيقه وأدخل بحور الشعر لا من تجليت وأغوص في وسط البحور العميقة في حبكم لاني بحي ولا ميت كني كسير الطير ماله طريقه الساعة ست ونص.. طلعت فوق عشان أصلي المغرب..مريت قبل غرفة رغد عشان أصحيها للصلاة.. لكن هنا كانت صدمتي.. : : : : وهو لما سمعت رغد تتكلم بغنج ودلع:لا حبيبي أكثر من كذا ما أقدر..يا مشعل يا قلبي أنا واثقة فيك بس.. تراجعت وراي وأنا رجولي مو قادرة تشيلني..وصلت لجناحي ودموعي من صدمتي نزلت..معقولة رغد تسوي كذا ..لا لا رغد مو من هالنوع..رغد عاقلة وعارفة وش نهاية هالطريق وحكمه..بس وش تفسير اللي سمعته ومن هذا مشعل..يا ربي وش أسوي ألحين أنا..أيه ما في ألا أني أروح لعندها وأواجهها وأنصحها..لا لا خايفة..بس ليمتى أظل خايفة حتى تضيع..لا أحسن شيء أقول لخالتي..بس كذا راح أشوه صورة رغد عند أمها..بس صراع مع أفكاري قررت أنا أروح لها بنفسي.. ================================ بعد ما انتهيت من صلاتي طلعت لغرفة رغد..وضربت الباب.. رغد:مين.. :مشاعل.. رغد:لحظة لحظة.. بعد ثواني أفتحت الباب.. رغد:هلا مشاعل.. حاولت أضبط أعصابي عشان ما أبين توتري:أنا جاية أبيك بموضوع ضروري..ممكن أدخل.. رغد وبابتسامة:أيه حياك.. بعد ما جلست حسيت بجفاف بحلقي من التوتر:رغد أنا ما أدري كيف أبدأ معك بس.. رغد:بس أيش..وش فيك مشاعل.. :رغد أنا قبل شوي كنت جاية لعندك عشان أصحيك للصلاة لكن سمعتك وأنتي تكلمين..وسكت.. رغد وهي تحرك أيدها بتوتر وبابتسامة خوف:أيه كنت جالسة أحاكي سوسن بنت عمتي.. ما التفت لكذبتها:رغد ليه تسوين كذا.. رغد وبنرفزة:أنتي وش جالسة تتكلمين عنه.. :رغد أنا عارفة من كنتي تحاكين لا تكذبين عليا.. نزلت رغد رأسها وكأنها خجلانة تطالعني.. وقفت وجلست جنبها ورفعت رأسها:رغد ليه تسوين كذا.. رغد ودموعها بدت تتجمع بعيونه وتنزل على أصابعي:مشاعل أنا من طلعت على الدنيا وأهلي كله مشغولين عني..وراميني ع المربية..أبوي كله مشغول بأعماله واجتماعاته وسفرياته..وأمي كل يوم يا في حفلة وألا في جمعة مع صحباتها..وزياد هو الوحيد اللي كان يعطني من وقته ويجلس معي ويسمع لي..كنت لما أتضايق من شيء أجي لعنده..وهو يسمع لي ويفتح لي قلبه..ولما سافر يكمل دراسته خارج السعودية حسيت بفراغ فضيع بحياتي ووقتها تعرفت على مشعل اللي عوضني عن الحب والحنان اللي فقدهم عند أهلي..مشعل يا مشاعل عيشني أحلى ثلاث سنين من عمري.. فتحت عيوني بصدمة:ثلاث سنين.. رغد:أيه..علاقتي مع مشعل صار لها تقريبا ثلاث سنين.. :طيب أنتي كيف تعرفتي عليه..وعلاقتكم مقتصرة ع المكالمات وألا لا.. رغد:تعرفت عليها لما كنت بسويسرا..كنا دايما نطلع ونتمشى مع بعض..ولما رجعنا للرياض صرنا نتواصل بالمسن والجوال..وبين فترة وفترة نلتقي بإحدى مطاعم الرياض.. كانت صدمتي هالمرة أكبر..وقفت وأنا مو قادرة أمسك دموعي:معقولة يا رغد كل هذا يطلع منك..أنتي عارفة أنا اللي جالسة تسوينه حرام..نسيت ربك يا رغد..رغد ما تخيلتي مرة وأنت جالسة تسوين هالشيء أن ملك الموت يجيك ويقبض روحك على هالمعصية..نزلت دموعي..طحت من عيني يا رغد.. وكنت راح أطلع بس رغد أمسكت يدي:مشاعل أرجوك أسمعني.. التفت عليها وبصراخ:وش أسمع أكثر مين اللي سمعته..وش أسمع.. رغد ودموعها تنزل أكثر:مشاعل أنا حاولت أقطع هالعلاقة بس ما قدرت لأني أحبه أحبه.. أخذت أطالعها بصمت ودموعنا تنزل بهدوء..كنت أطالع ملامحها البريئة اللي أبدأ ما تبين أنه تسوي كذا.. رغد وهي تنزل رأسها وبصوت مبحوح من البكى:مشاعل أرجوك ما بي حد يعرف.. قلت بتهديد:بس بشرط.. رغد وهي ترفع عيونها:وش هو الشرط.. :تقطعين علاقتك بهالمشعل.. رغد وبسرعة:بس أنا أحبه يا مشاعل وهو يحبني.. :أذا من جد يحبك يخطبك..ها توعدين تقطعين هالعلاقة ولا أقول لحد.. هزت رغد رأسها بالموافقة.. :وعد.. رغد:وعد.. وبكذا أكون ارتحت نوعا ما..بس الله يستر لا تخلف الوعد وترجع تكلمه..طلعت لجناحي وأخذت لي أشرطة دينية مثل أشرطة عبد المحسن الأحمد وشريط كيف الحال يا شباب اللي كان مؤثر كثير لدرجة البكي وأعطيتهم لرغد..لعل وعسى تفيقها من غفلتها.. ============================= عند أهلي.. عبير:صحيح مشاعل سمعتي عن تسونامي.. قلت بحماس:أيه بصراحة الأمواج كانت عن جد تخوف..بس سبحان الله كل شيء انهد قدام الأمواج ألا المسجد اللي ظل شامخ.. الكل:سبحان الله.. شجون:طيب أنتي عارفة أن جويا خدامة أهل عمي فواز أهلها وولدها وزوجها توفوا من هاليفضانات.. حطيت يدي ع فمي:لا حول ولا قوة إلا بالله.. أمي:أم فارس تقول المسكينية لحد ألحين طايحة بفراشها.. :الله يصبر قلبها يا رب.. أمي:آمين.. شجون:بكرة طيارتها كيف بتتحمل أذا رجعت.. :الله يعينها صار لها ثلاث سنين ما شافتهم.. انتبهت لساعة ١٢وأستأذنت وطلعت فوق أنام.. ================================ الصباح.. بعد ما أخذت شاور جلست قدام المراية أمشط شعري.. انضرب الباب.. :أدخل.. روزي بعد ما دخلت:مدام الخادمة جويا بتريدك ضروري.. استغربت:جويا.. هزت روزي رأسها.. :أوكي ألحين نازلة.. لميت شعري بسرعة ونزلت وأول ما شافتني حسيت جتها رجفة.. ================================ : : : : وقفت من صدمتي فيها ومن صدمتي من الشخص اللي ارتاحت له وحسيت أنه طيب وهالطيبة كانت مجرد قناع.. جويا:I am asking you to allow أنا أطلب منك السماح.. التفت وكل حقد الدنيا بقلبي وأشرت ع الباب وبصراخ:طلعي.. جويا وهي تبكي:Please forgive me أرجوك سامحيني.. طرى في بالي خالد..وقلت لها تنتظرني..اتصلت ع خالد وقلت له يستعجل..لأن طيارة جويا ما باقي عليها شيء وأنا أبي خالد يعرف حقيقة برئتي.. =============================== خالد وقف وهو يصرخ ويضرب جويا:يا الحقيرة كل هذا عشان بس كم فلس..بس تستاهلين اللي صار لك انحرمتي من ولدك وأهلك لأنك السبب في حرمان أختي نعمة العيال.. كنت أطالع خالد وهو يضرب جويا..تستاهل الحقيرة حسيت أنا ولأول مرة أني شريرة وأنا أطالع كيف جويا تنضرب.. مسكت يدي خالد وبعدها بقوة:بس يا خالد أتركها بتذبحها..وبعدين لا تنسى أنك أنت وفارس كنتوا السبب بعد في حرماني من هالنعمة..أنا ما راح أسامحكم يا خالد لا أنت ولا فارس ولا حتى أنتي يا جويا..وندى أنا أعرف شلون أنتقم منها الحقيرة.. وطلعت لفوق..وأنا طالعة سمعت خالد وهو يسحب جويا:هالكلام أبيك تعترفينه لفارس فاهم يالكـــــ.... ================================= كنت حاضنة مخدتي وأبكي..يا ناس أنا مصدومة من ندى اللي حبيتها أول ما شفته ما توقعت تكون كذا<وفعلا صدمت لما تنطعن من ناس تظن أنهم أقرب الناس لك.. رن جوالي اللي عند رأسي..مسحت دموعي وأخذت الجوال وطالعت بالمتصل..وجلست بسرعة لما شفت الرقم رقم فارس..جلست أطالع بالرقم أكيد عرف الحقيقة قفلت الجوال..ما أبي أرد..أكيد بيطلب مني أني أسامحه.. سمعت ضرب الباب.. :مين.. فتح الباب ودخل.. قلت بجرأة وبقسوة:أنت مين سمح لك تدخل.. خالد جلس قربي ومسك يدي:سامحني يا مشاعل.. سحبت يدي وصديت بوجهي عنه:خالد لا تحاول.. خالد:أنا أخوك يا مشاعل.. التفت عليها وشفت دمعته معلقة ع طرف عينه..دمعة أخوي هزتني..أول مرة أشوف دمعة رجال..صعب هالموقف صعب كثير..انهار كل الكلام اللي كنت بقوله لأخوي قدام دمعته..وبلا شعور ضميتها وبكيت:مسموح يا أخوي مسموح.. شدني خالد بقوة وأخذ يبكي:آآآآه ظلمتك يا مشاعل ظلم عمري ما راح أسامح نفسي عليه..آآه يا مشاعل ذبحتك ضناك يا مشاعل.. كنا نطول الوقت على هالحال..ابتعدت عن خالد ومسحت دموعه:خلاص يا خوي لا تبكي أنا والله مسامحتك من كل قلبي.. خالد:وفارس.. رفعت حاجبي:وش فيه فارس.. خالد:فارس عرف الحقيقة وهو متندم ألحين..ما راح تسامحينه.. نزلت رأسي بالذات فارس هو الوحيد اللي من البشر اللي ما اعتقد راح أسامحه من قلب..غمضت عيوني وأنا أتذكر كيف كان يركز على بطني بالضرب وكأنه يبي يقتل هالطفل.. وتذكرت كيف أنه سحبني من السيارة لحد بوابة قصرنا ولا ستر علي وفضحني عند أخوي وأنا بريئة.. ================================= كنت جالسة ع طرف السرير بحيث أن ظهري للباب وأتكلم بالجوال.. عبير:سمعت من خالتي أنه طلقها قبل يومين..بس بسألك يا مشاعل ويا ليت تجاوبين بصراحة.. :اسألي.. عبير:أنتي لحد تحبين فارس.. :عبير وش هالسؤال..طبعا لا.. عبير:ما أدري بس يمكن لأني ما عاد أشوف لمعة الفرح بعيونك بعد طلاقك من فارس.. وقفت وأنا أكمل كلامي لعبير ولا انتبهت لشخص اللي دخل ألا لما ألتفت بنص جملتي:صحيح أني حب فارس وصل يمكن لحد الجنون بس ألـــ.. : : : : ووقفت كل الحروف عند شفاتي وما أقدرت أكملها لما شفت نظرات زياد والشرار يتطاير من عيونه.. عبير:ألو مشاعل..وينك.. نزلت الجوال وسكرت الخط.. قلت بابتسامة مرتبكة وأنا أدعي ربي ما يكون سمعت اللي قلته:زياد حبيبي متى جيت.. طالعني زياد باحتقار..وطلع لحقته:زياد زياد.. لكن نزل من الدرج بسرعة وسكر الباب الرئيسي بقوة.. يا ربي ألحين أنا شسوي..يا ربي ساعدني ما لي غيرك.. رن الجوال اللي بإيدي وكان فارس اللي ما يأس من أتصالاته من دون رد..وصلت رسالة من فارس..لكن مسحته من دون ما أقرأ..خليه يتعذب مثل ما سوى بقلبي المجروح.. ============================= طالعت الوقت وكانت الساعة ثنتين يا ربي زياد تأخر وكلما اتصل على جواله ما يرد..حضنت نفسي وأنا أبكي خايفة يحصله مثل ما حصل لراجح الله يرحمه..يا ربي احفظه لي يارب.. ما أدري كم من الوقت مر وأنا طايحة ع السرير وحاضنة نفسي وأبكي.. سمعت الباب ينفتح وعلى طول جلست..وأول ما طاحت عيني ع اللي دخلت..ركضت بسرعة له وارتميت على صدره..لكن بعدني عنه بقسوة واتجاه لغرفة الملابس..أجرحتني هالحركة ونزلت رأسي .. ============================ طلع فارس وهو لابس بيجامته وتمدد ع الطرف الثاني وقفت من مكاني وجلست قريبه منه وسحبت المفرش منه:زياد.. زياد وبعصبية:أنتي وش تبين..أتركيني أنام وتغطى.. لكن أنا سحبت المفرش مرة ثانية:زياد أنتي لازم تفهم اللي صار اليوم.. جلس زياد وبغضب:وش أفهم أني كنت مخدوع بحبك وأنا قلبك لحد الآن يتمنى الحبيب الأولي.. قلت وبنفس لهجته:زياد فارس ماضي وانتهى.. زياد وبالبنرة القبلية:ماضي وانتهى طيب واللي سمعته اليوم.. زياد أول شخص أفتح له قلبي وأقوله عن جرحي وعذابي ومعاناتي من بداية حبي من كان عمري ١٤لحد مكالمتي لعبير.. :وبعد هالمعاناة اللي عشتها مع فارس وظلمه لي تبيني أحبه.. زياد أخذني لحضنه وضمني:أنا آسفة يا قلبي..وأن شاء الله راح أعوضك عن الأيام اللي فاتت.. دخلت وجهي ويدي في حضنه وكأني أبحث عن الأمان:زياد أنا خايفة من الأيام اللي جاية..حاسة بيصير شيء.. زياد:حبيبتي دام أنا جنبك لا تخافي من شيء.. :الله لا يحرمني منك حبيبي.. زياد رفع رأسي فجأة:مشاعل فارس لحد مستمر باتصالاته.. هزيت رأسي بأيه:وأخر مرة اليوم العصر..أنا متأكدة أنه بيعتذر..عشان كذا ما راح أرد.. زياد:نفسي أمسكه هو واللي ما تستحي ندى وأخوك معهم وأذبحهم ع اللي سواه فيك.. قلت ببرأة:لا ألا خالد.. ضمني زياد وهو يضحك:أوكي ألا خالد.. ============================ اليوم زواج زياد وكان بالرياض..لأن أغلب أقارب زياد ورهف بالرياض عشان كذا كان الملكة والزواج بالرياض..طلعت لعند أهلي ما أبي أشوف زياد وهو كاشخ لعروسه.. يا ناس كلما أتذكر أنه بينام عند وحدة غيري أحس أني راح أموت من الغيرة..الغيرة بتذبحني بتقتلني يا ناس.. دخلت نورة:السلام عليكم.. :وعليكم السلام.. نورة وهي تجلس عند ع السرير:وش فيك ترتجفين كذا.. قلت وأنا أهز رجولي وأفرك أيدي:الغيرة بتأكلني يا نورة كلما تخيلته وهو مع رهف.. نورة:مشاعل لا تنسين أن زياد كان رافض يتزوج عليك لكن أنتي بغباءك وقفتي مع ضد عشان يتزوج..وألحين تحملي نتايج فعلتك.. :أنا ما وقفت ضده ألا عشان عمي لأنه..وسكت لما تذكرت أني واعد عمي ما كشف سره.. نورة:لأنه أيش كملي.. قلت بتصريفة:عمي يبي يشوف أحفاده ليه أحرم ولده من العيال وأحرمه من أشوفة أحفاده.. ============================= ما كل عين تذرف الدمع بأحزان وما كل من يضحك يعيش بسعاده كم واحد دمعة على الخد هتان من زود همه يذرف الدمع عاده يحاول انه يبتسم قدر الامكان ويضحك ونار الحزن تحرق فؤاده الساعة وحدة أكيد ألحين أهم بجناحهم راح أموت يا ناس من القهر والغيرة..أكيد هو ألحين جالس بجنبها ومسك يدها ويتغزل فيها..من قهري وغيرتي جلست أبكي بحرقة..رن جوالي وكان زياد.. رديت بسرعة وبلهفة:ألو.. ========================

نظرة الحب 08-03-2011 01:03 AM %%البارت التاسع عشر%% رديت بسرعة وبلهفة:ألو.. زياد وبصوت مشتاق:هلا بالغلا.. :هلا فيك.. زياد:كيفك.. سكت وش أقول..أني أحترق غيرة وقهر..هو أكيد عارف حالي وشعوري.. زياد وبتعب:مشتاق لك بالحيل.. :وأنا أكثر..زياد.. زياد:عيونه.. :أنت ألحين مع رهف.. زياد:لا أنا في اللوبي بالفندق.. ورهف تركتها بالسويت..مو قادر أتحمل الجلسة معاها..مو متقبل حد غيرك يا مشاعل في حياتي.. ضغطت ع نفسي وقلت بغصة:زياد روح لعندها لا تتركها هي توها عروس.. زياد وبتنهيدة:صدقيني يا مشاعل أبدا مو متقبلها.. :زياد روح لها ومع الأيام بتتقبلها أن شاء الله.. زياد:أوكي يالغلا ما أطول عليك انتبهي على نفسك.. :أن شاء الله.. زياد:مع السلامة.. :مع السلامة.. رميت الجوال بعيد عني وأنا مقهورة والغيرة تأكلني أكل..ضربت المخدة اللي بحضني بقوة وبقهر.. ================================= اليوم الثاني وقت المغرب..طلعت لقصر العم عبد العزيز عشان أودع زياد قبل يسافر مع رهف.. دخلت وحصلت عمي وخالتي ورغد والمعاريس لسى ما وصلوا.. سلمت ع الموجودين وجلست.. كان باين على خالتي الفرح عكس البرود في صباحيتي..وأما عمي ورغد فكانت ملامحهم عادية.. بعدها بمدة دخلوا زياد ورهف.. ووقفت أول ما شفت زياد وكان لابس جينز وقميص أسود وكانت وسامته تجنن..يا ناس وحشني..ابتسم أول ما طالعني..وبعد ما سلم على أهله جاء لعندي وضمني وهو يقول:كيفك يالغلا وحشتيني.. انحرجت قدام الكل وقلت بهمس:بخير يا قلب غلاك أنت.. وبعدها ابتعد عني زياد عشان رهف تسلم.. زياد:رهف تعالي سلمي على مشاعل.. رهف سلمت علي بخدها من دون نفس..ميتة أنا على سلامك ألحين..وكانت تطالعني بقهر.. جلس زياد وجلسني جنبه..وبهمس قال:ألحين بس ردت الروح بشوفتك.. وأما أنا فما قدرت أرد وكانت العيون هي اللي تتكلم وقطع علينا صوت عمي:زياد.. زياد:هلا يباه.. أبو زياد:كم ناوي تجلسون بدبي أن شاء الله.. زياد:أسبوع.. وااااو يا فرحتي الحمد لله مو شهر..لأني ما راح أتحمل فرقاه شهر.. رهف وبتلقائية:أسبوع بس.. زياد:أيه أسبوع أن شاء الله.. أم زياد: الله يهديك يا زياد أسبوع أنا أعرف أن العرسان يجلسون شهر مو أسبوع.. زياد وهو يوقف وبصراحة تجنن:يا الغالية أنا ما أقدر استغنى عن مشاعل شهر.. ومسك يدي يوقفني وكمل..يله أنا أستأذن بطلع ارتاح قبل ما نطلع للمطار.. وطلعنا لفوق ونظرات رهف وخالتي تأكلنا..وبصراحة ما أعجبني أن زياد يطنش رهف هي لسى عروس.. ================================== الساعة عشر سافر زياد ورهف..وأنا طلعت أنام.. تمددت والجوال قريب من رأسي لأني قلت لزياد أول ما يوصل يتصل يطمني.. تنهدت وأنا أفكر بزياد يا ترى راح يميل لرهف ويحبها وألا لا..لا ما اعتقد زياد يحبني كثير وما راح يحب حد غير حتى لو تزوج الثالثة والرابعة..أيه أكيد زياد ما راح يحب رهف..وليش ما يحبها رهف صغيرة عمرها١٨وحلوة..وما حسيت ألا ودمعتي تنزل..مسحتها على طول..لأني أعرف نفسي أذا بكيت ما راح أوقف بكي حتى أنام.. جلست وفتحت الدرج وأنا أدور لي حبوب..لأن الصداع بدأ يتعبني..أووف ما حصلته شكله انتهى..وقفت وجيت لعند جهة زياد وفتحت أدراجه وأخذت أدور بندول..استغربت لما حصلت بين الأغراض جوال واستغربت أكثر لما فتحته كان فيها شريحة من دون رقم سري.. بدأ الشك يدخل فيني..<شيء بديهي أن الزوجة أذا اكتشفت أن زوجها عنده جوال ورقم ثاني تفكر أنه يخونها.. دخلت ع الأسماء وحصلت اسم صعبة المنال..حسيت بالغيرة تذبحني..على طول اتصلت ع الرقم وقربته من أذني وأنا أنتظر الرد ومحضرة كلام عشان أهزأ قليلة الحياء اللي تكلم زوجي.. لكن التفت بسرعة لجوالي لما رن..أخذته وفتحت عيوني بصدمة معقولة اللي كان يرسل لي لما كنت متزوجة فارس زياد.. قفلت جواله ورجعته من مكان ما أخذته.. جلست ع السرير وأنا من صدمتي مو قادرة أفكر.. رن جوالي وكان زياد لكن ما رديت..ما أبي أسمع صوته بعد ما كتشفت فعلته.. عمري ما توقعت زياد كذا..صحيح كنت اعتقد قبل ما أتزوجه أنه مغرور ومتكبر لكن ما توقعت يكون كذا..أولا خان الصداقة اللي بينه وبين خالد..ثانيا كان يرسلني ونسى أني بوقتها كنت أنسانة متزوجة.. آآه كنت متوقعة أن الرسايل كانت من عند ندى بعدما اكتشفت أنها أهي اللي أخذت صوري..بس للأسف طلع زياد..يا للخسارة اهتزت صورتك يا زياد بعيني..وصلني مسج من زياد يخبرني بوصله..قفلت جوالي وأنا لسى بصدمتي..شكل حياتي بتكون كلها صدمات.. أصبر ياقلبي وأنتظر خل الحزن مكتوم كل المعاني تغيرت وأتضحت الصوره صار الصدق في هالزمن مثل الوفا معدوم ونفوسنا تجرحت والفرحة مكسورة كل المبادئ تنشري واللي معاه يسوم حتي المشاعر ارخصت والكلمة مهدوره ومرت الليلة هذي وأنا مو قادرة أنام من اللي صار وماسكة عمري لا أبكي.. ================================== العصر.. بالصالة عند أهلي..كنت جالسة أتكلم مع عبير.. :طيب كيفك علاقتكم ألحين.. عبير وبتنهيدة:أحسن من أول..بس لحد الآن أحس بينا حاجز..مشاعل أختي في باين عليها أنها لحد الآن تحب بندر.. حطيت يدي على يدها:بكرة أن شاء الله أذا تزوجت بتنساه.. عبير وبرجاء:يا رب.. شجون وهي جاية ومعها عبايتها:سلام ياحلوات.. ..وعليكم السلام.. شجون:أشوفكم ما جهزتوا ما راح تتطلعون معاي السوق.. عبير:لا..أنا مو رايحة الحمل متعبيني بالحيل.. وقفت:أنا بطلع معك بس انتظريني..بطلع أبدل.. =================================== بالفيصيلة وبالتحديد بهارفي نيكلرز.. :شوفي شجون ريحة هذا العطر مرة حلو.. رن جوالي طالعت المتصل.. :غريبه خالد متصل.. شجون:ردي وشوفي ليه متصل.. فتحت الخط ورديت:هلا خالد.. خالد وبصوت فرحان:باركيلي يا مشاعل صرت أبو..الهنوف جابت ولد.. قلت والسعادة غامرتني:مبروك مبروك يابو سلطان.. خالد:الله يبارك فيك.. :طيب ألحين الهنوف في أي مستشفى..عشان أزورها.. بعد ما عرفت اسم المستشفى..سكرت من خالد..والتفت على شجون:شجون يله مشينا.. شجون:لسى ما صار لنا ساعة.. قلت وبفرحة:بنطلع للمستشفى عشان نشوف سلطون الصغير.. عقدت شجون حواجبها:سلطون الصغير.. :أيه خالد أخوي جاء له ولد.. شجون نطت فرحانة:وناسة صرت عمة.. التفتوا البنات الموجودات بالمحل..وافتشلت شجون وضحكت عليها.. ================================= دخلنا عند الهنوف بعد ما سلمنا على خالتي أم سالم وهي طالعة من عند الهنوف.. ولما دخلنا كان خالد جالس جنب الهنوف ع السرير وبحضنه ولده ويطالع فيه بفرحة.. :السلام عليكم.. خالد والهنوف:وعليكم السلام.. سلمت على الهنوف وقلت:مبروك ما جاءكم.. الهنوف:الله يبارك فيك.. بعدت عنها عشان شجون تسلم عليها.. وتركت باقة الورود على الطاولة.. وقربت من خالد وبفرحة قلت:خلود عطني ولدك أشوفه.. رفع خالد ولده لي وقال:شوفي مشاعل من يشبه له..مو طالع علي صح.. أخذت الولد وتأملته:بسم الله عليه قمر..بصراحة ما أخذ من ملامح أمه شيء طالع لك.. شجون بعد ما نزلت سلة شوكولا باتشي قالت:أشوفه ميشو.. وقربت شجون منه:ياااي صغير مرة..مو مثل لمور بنت نورة أول ما جت.. رفعت رأسي لخالد..وشفته يتأملني بنظرات حزينة..فهمت نظراته ونزلت رأسي.. شجون:خالد وش اتفقتوا تسمونه أن شاء الله.. خالد:هذي ما فيها كلام..أكيد سلطان.. :أجل من اليوم ورايح ما راح أناديك أن شاء الله ألا أبو سلطان.. فجأة انضرب الباب.. وكانوا أمي ونورة وعبير.. ================================== الساعة١١المساء لما جيت أنام..رفعت جوالي عشان أحطها ع السايلنت..حصلت عشر مكالمات من زياد ومسج.. وكان المسج من فارس..وترددت أفتحها أو أمسحها مثل الأولى..أممم خليني أفتحها.. وكانت مضمونها(مشاعل صار لي مدة انتظر ردك ع المسج..شكلك مو مصدقة بالكلام اللي كتبتها..مشاعل وربي أن كل كلمة كتبتها طالعة من قلبي..وأتمنى من كل قلبك تسامحني) عقدت حواجبي من اللي كاتبه وكتبت(فارس يا ليت ما تتصل أو ترسل مرة ثانية..وعلى فكرة المسج اللي أرسلتها مسحته قبل ما أقرأه..وأذا على طلبك للسماح أعذرني يا فارس قلبي مو قادر يسامحك)وترددت في أرسالها لكن بالأخير أرسلتها.. وبعدها اتصلت على زياد.. زياد:غلاي وينك..ليه ماتردين علي.. قلت وبرود:آسفة يا زياد بس كان الجوال بغرفتي وكنت نازلة تحت.. زياد:طيب كيفك.. :بخير ولله الحمد..أنت كيفك..ومن دون نفس كملت..وكيف رهف.. زياد:أنا بخير دام الغلا بخير..ورهف ما عليها بخير.. قلت والبرود لازال مغطي صوتي:اممم طيب وكيف الجو عندكم.. زياد وبنبرة استغراب وخوف:الغلا وش فيه صوتك..أنتي تعبانة.. :حبيبي ما فيني شيء الحمد لله..بس أنت لا تقلق وتخاف.. زياد وبصوت هادي:كيف ما تبيني أخاف وأقلق وغلاي صوته مو طبيعي.. حسيت أن عيني دمعت..والله أني أحبك يا زياد..بس غصب عني أتكلم معك كذا لأنو اللي سويته أبدا مو سهل..مسجاتك كانت دليل ثاني لفارس لما ظن أني أخونه.. زياد:الغلا وين رحتي.. بلعت غصتي وقلت:معاك.. مرت المكالمة وأنا لازال البرود يغطي صوتي.. =============================== مرت أيام الأسبوع بسرعة..وزياد ما انقطعت اتصالاته..وأنا البرود كان يغطي صوتي لما كنت أكلمه..وأما أهلي فكانوا يستعدون للسفر لتركيا مع أعمامي اللي بتكون بعد أسبوعين أن شاء الله..وكنت أتمنى أسافر معاهم ما ودي أجلس عند زياد اللي بيرد اليوم السعودية.. عبير:ميشو..يا الحلوة وين رحتي..أنتي معانا.. التفت عليها:أيه معاكم.. شجون:ألا صحيح مشاعل وش فيك اليوم كله سرحانة.. عبير وبابتسامة:حبيب القلب اليوم على وصول..وغمزة بعينها.. شجون وبابتسامة مكر:مشتاقة له.. حسيت بخجل:استحي يابنت.. وقفت عشان اطلع لغرفتي.. وتبون الصراحة أنا مشتاقة له كثير..بس بعد لحد الأن مقهورة منه.. أخذت أتجهز عشان أطلع لقصر عمي بو زياد.. =================================== المغرب.. في قصر العم عبد العزيز وبالتحديد بجناحي..كنت متسندة ع السرير ولامة رجولي ومتسندة بذقني عليه..وسرحانة بأفكاري لبعيد.. ألحين كيف راح أتعامل مع زياد..يا ربي ساعدني.. بعد مدة مع أفكاري نزلت تحت بعد ما شيكت ع شكلي..ولما نزلت حصلت زياد ورهف..لما شفت زياد كان ودي أركض لعنده وأقول أني مشتاقة لك..وبنفس الوقت ودي أصرخ وأعاتبه على الرسايل..يا ربي مشاعري المتناقضة متعبتني بالحيل..شوق حب وقهر وحقد..ما أدري كيف أوصلكم مشاعري بس من جد شيء يتعب.. سلم علي زياد بحرارة وأنا بالمقابل كان سلامي باااارد بالحيل..بس نظراتي باين الشوق فيها مهما حاولت أخفيها.. ولما جلس زياد جلس بجنبي.. وبعد مدة مش طويلة أستأذن زياد يطلع يرتاح من السفر وطلعت وراه رهف.. ================================ الساعة ١١بعد ما تعشيت طلعت لجناحي..بدلت ملابسي وجلست بالصالة ع التلفزيون.. دخل زياد:السلام عليكم.. رديت برود:وعليكم السلام.. جلس زياد جنبي وبعدها لفيت عليه وقلت:بتنام هينا الليلة.. زياد:أيه..وكمل وباستفسار..مشاعل أنتي وشفيك متغيرة.. طالعته:متغيرة.. زياد:أيه متغيرة..لما كنت أكلمك أحس أن صوتك فيه برود..واستقبلك لي كان أبرد..أنتي زعلانة علي.. نزلت عيوني ع أيدي لما دمعت.. مسكني زياد مع أيدي وبهدوء قال:ليه ما تجاوبيني وليش هالدموع.. :زياد أنا..وسكت.. زياد:أنت وش فيك..ليه سكتي.. :أنا ودي أسألك وأتمنى تكون صريح.. زياد:سألي.. قويت نفسي وقلت:زياد أنت اللي كنت ترسلي مسجات لما كنت متزوجة فارس.. زياد وبتوتر واضح:ها..أي مسجات.. قلت بصوت مبحوح والدموع نزلت:أنت عارف زياد وش أتكلم عنه..عن مسجاتك لي لما كنت متزوجة فارس..ليه يا زياد سويت فيني كذا ليه..ليه تخون صداقتك مع خالد..زياد نسيتــ..وما قدرت أكمل بسبب الغصة والعبرة اللي خنقتني.. وصديت عنه ودخلت الغرفة وقفلت الباب ودموعي نزلت.. زياد وهو يضرب الباب:مشاعل طلع لي خلينا نتفاهم.. قلت وأنا أبكي:نتفاهم على وش..قل لي وش نتفاهم عليه.. زياد:يا قلبي افتحي الباب..بس اسمعني شوي.. أستمريت بالبكاء وأنا جالسة عند الباب.. زياد:مشاعل غلاي فتحي.. ما رديت عليه ولميت رجولي وغطيت وجهي وبكيت أكثر.. ================================= فتحت عيوني..آآآآه يا جسمي يألمني من النومة ع الأرض..طالعت الساعة خمس الفجر..رفعت نفسي آآآآه ياظهري أووووه وش هالألم..دخلت الحمام وخذيت شاور..وبعدها طلعت الغرفة ولبست وصليت..وبعد ما انتهيت جلست أقرأ القرآن سمعت ضرب ع الباب..سكرت المصحف ورجعت بمكانه..واتجهت للباب وأنا متأكدة أنو زياد.. فتحته..ورجعت للسرير..لكن زياد وقفني لما مسك أيدي.. زياد:مشاعل ممكن نتفاهم.. :أنا ألحين أبي أنام.. زياد لفني عليه ومسك وجهي:مشاعل أنا عارفة أن اللي سويته أكبر غلط..وكذا مرة كنت أحاول أمنع نفسي بس والله حبي لك هو اللي دفعني لهالشيء..مشاعل المسجات اللي كنت أرسلها كانت تطفي نار الغيرة اللي كانت بقلبي كلما تذكرت أنك متزوجة..مشاعل أرجوك أعذريني.. أخذت أكلم نفسي..مشاعل حتى لو لمتيه اللوم ما عاد ينفع وفارس وخلاص انتهى من حياتك..أنسي الماضي وأرميه وراك..وحافظي على زياد..الرجال يحبك ويموت فيك.. حطيت رأسي ع صدره وبهمس:لأني أحبك راح أعذرك يا زياد.. لمني زياد وقال:كنت متأكدة أنك بتعذريني لأن قلبك طيب وكبير.. ================================= الساعة ست المغرب.. كنت أتجهز لحفلة زياد ورهف..كان لبسي ناعم والميك آب كان بعد ناعم كثير وشعري عامله لها بوف وحاطة قدام اكسسوار على شكل فيونكة.. وبعد ما انتهيت نزلت تحت وحصلت خالتي أم زياد ورغد ورهف اللي كشختها متكلفة أكثر من اللازم بالصالة الرئيسية.. :السلام عليكم.. ..وعليكم السلام.. رغد بابتسامة:ما شاء الله وش هالأناقة وهالكشخة يا ميشو.. ابتسامة باستحياء.. رهف وهي تلوي شفايفها:بالعكس ما أشوف أي أناقة بصراحة ذوقك وستايلك يا مشاعل ما يعجبني أبدا.. قلت وبرود:مو لازم يعجبك أهم شيء يعجبني أنا.. رغد طلعت صوت ضحكة خفيفة وطالعتها رهف وهي حمقانة ومقهورة..وبعدها وقفت بعصبية وطلعت فوق.. أم زياد وبعصبية لأول مرة قدامي:مشاعل عاجبك كذا زعلتي البنت..من بدايتها بتمشكلين معاه :خالتي هي اللي بدأت تغلط علي.. أم زياد وهي توقف وتمشي للإصنصير:بطلع أشوفها..الله يعينك يا رهف ضرتك مو هينا.. انصدمت من كلام خالتي..وحسيت بدمعتي ع طرف عيني.. رغد:مشاعل ترى ماما ما تقصد شيء..بس تعرفين رهف بنت أختها وماما ما ترضى عليها شيء أبدا.. ..على فكرة رهف بنت خالة وعم زياد ورهف.. يا ربي شكلي بخوض بمشاكل ما لها أول ولا تالي مع رهف دام خالتي معاها..الله يستر بس من الأيام الجاية. ==================================== الساعة تسع ونص..كل قرايب زياد ورهف جاوا ما عاد أهل رهف و العمة أم سوسن لأن زياد ورهف بيطلعون بكرة لعندهم بجدة.. كنت جالسة مع بنت خالة زياد فلوة ورهف.. فلوة:ألا صحيح يا مشاعل أنتي وش قسمك.. :علم نفس.. فلوة:حلو ماشاءالله بس سمعت أنه صعب.. :بصراحة أنا عندي مو صعبة ولا سهلة يعني حليو.. فلوة:أنا وحدة من صديقاتي في المستوى السابع في هالقسم تقول صعب.. وقفت رهف فجأة فلوة:وين رايحة رهف.. غادة:بصراحة سوالفكم مملة..أنا بجلس عند هند وريما..بنات خالاتها.. طلعت رهف وقبل ماتطلع عطتيني نظرتها المليانة احتقار.. طنشتها ورجعت أتكلم مع فلوة.. ================================== بعد ما طلع الكل..قررت بما أن زياد الليلة بينام عند رهف لأن الليلة ليلتها.. اسهر مع رغد..كنت أبي أتقرب منها كثير..أحسسها أن في حد معاها تقدر تفضض له..لأني خايفة ترجع لعلاقتها مع مشعل.. ضربت الباب وفتحت رغد.. رغد وبابتسامة:هلا ميشو.. رديت عليها بابتسامة أحلى:بتنامين ألحين.. رغد:لا يا قلبي..تعرفين عطلة والناس ما تنام ألا الفجر.. :طيب وش رأيك نسهر مع بعض.. رغد وبترحيب وهي تمسك يدي:أوكي تعالي أنا جالسة أتابع فيلم هندي..لا يفوتك رووعة.. وقفت وسحبت يدي باحترام:لا حبيبتي أنا ما أحب أتابع أفلام..وش رأيك نسهر تحت بالحديقة الخلفية الجو هادي وحلو.. رغد:اممم ليش لا..دام الجو حلو..يله ننزل.. ==================================== كنا جالسين ع الكراسي عند أحدى الطاولات اللي تحيط المسبح الخلفي بالحديقة ونسولف.. وقاطعنا صوت زياد.. زياد:أنتوا هينا.. التفتنا على زياد وقلت:أنت صاحي.. زياد وهو يسحب له كرسي ويجلس عليه:ما جاءني نوم قلت أطلع عندك لكن ما حصلتك وطلعت لغرفة رغد ولا حصلتكم قلت أكيد سهرانات تحت.. رغد:طيب رهف أذا كانت صاحية خليها تجي تسهر معانا.. زياد:لا رهف نامت من زمان.. اندماج زياد معانا بالسوالف..وفجأة قال:ألا غريبة ما أشوفكم استعديتوا للسفر..عاد أنا أعرف البنات من يسمعون طاري السفر على طول طيران للسوق.. أنا ورغد وبصوت واحد:أي سفر.. زياد:أمس الوالد ما قال لكم لوين بنسافر هالعطلة أن شاء الله.. رغد وبفرحة:يا سلام يعني بنسافر هالعطلة.. زياد وهو يحك شعره:أخخخ شكل الوالد يبي يسويها مفأجاة لكم وأنا خربتها عليه..عالعموم أيه بنسافر بالعطلة هذي أن شاء الله لتركيا الوالد حاجز لنا بعد أسبوعين.. صرخت بفرحة:يااااي وناسة بعد أهلي وأعمامي بيسافرو لها بعد أسبوعين أن شاء الله يعني راح نسافر مع بعض.. رغد:من جد..أجل بتكون فلة.. لاحظت زياد تضايق بس ما أدري ليه.. ================================= صحيت على آذان العصر..جلست وتمغطت لأخر حد..وبعدها سحبت الشباصة عشان أرفع شعري اللي طايل ووصل لأخر ظهري..وطوله مرة متعبني..أفكر أني أقصه..وأنا قليل ما أترك شعري يطول دايماً أقصه أذا طال..بس زياد يحب الشعر الطويل ومانعني أقصه.. انفتح الباب ودخل زياد.. زياد وهو يقرب ويجلس ع السرير:ما شاء الله توك تصحين.. :لا تلومني ما نمت أنا ورغد ألا الفجر.. زياد:يعني كملتوا السهرة بعد ما طلعت أنام.. هزيت رأسي بكسل.. زياد وهو يوقف:طيب قومي تجهزي ونزلي قبل ما نزلنا أنا ورهف جدة.. عبست ملامحي بضيق وقلت من دون نفس:أن شاء الله.. زياد حس فيني وقال:قلبي كلها يومين بجلسها بجدة وراجع أن شاء الله.. قلت بتغلي:الله يصبرني هاليومين.. بعد ما توضيت صليت العصر أما الظهر فصليتها بوقتها الحمد لله.. وبعد ما انتهيت نزلت تحت.. ================================= ما أدري كيف أوصف لكم فرحتي لما شفت أهلي بالمطار وأنا راح نسافر مع بعض..بس الشيء اللي عكرني هو لما طاحت عيني على فارس..تلاقت عيوننا..وكانت عيونه مليانة معاني..بس ما فهمتها ولا أبي أفهمها..صديت عنه وشفت زياد اللي كان يسلم على أبوي وأعمامي يطالعني ويطالع فارس..بلعت ريقي بتوتر لما شفته نظراته تلمع شرار..بعدها لف عني لفارس عشان يسلم عليه وكان يطالع فارس بقوة وفارس بادله نفس النظرات..وسلموا على بعض وكأنهم مجبورين على السلام..صديت عنهم لما انتبهت لنهاد اللي تكلمني.. وأول ما وصلنااسنطبول..طلعناللفندق اللي حاجزين فيه ودخلت الجناح..وجلست ع السرير بعد ما نزلت عبايتي.. زياد وهو واقف عند رأسي:وش فيك متكدرة.. رفعت رأسي له:لا متكدرة ولا شيء.. زياد وهو مطنش كلامي:أنتي من شفتي فارس وأنتي مو على بعضك..ليكون اشتقتي للحب الأولي.. وقفت بعصبية:زياد وش هالكلام..أنت أكثر واحد تعرف شكثر أكره فارس كيف تقولي هالكلام.. زياد وبعصبية:طيب وش تفسير النظرات الطويلة اللي بينكم بالمطار..ومسك كتوفي وهزني..أكيد مشتاقة له مو صح.. دمعت عيني وبصوت ثقيل باكي:زياد وربي أني ما عاد أحمل فارس أي مشاعر غير الكره..وبالعكس أول ما شفته زاد كرهي له لما تذكرت اللي سواه فيني.. وجلست ع السرير وغطيت وجهي أبكي.. زياد وهو يسحب يدي من على وجهي:مشاعل أنا آسف بس غيرتي عليك ذبحتني.. ومسح زياد دموعي:خلاص يا قلبي قلنا آسفين لا تبكين.. وبكيت أكثر.. زياد:مشاعل والله أنا آسف..خلاص ياعمري.. ومسحت دموعي وأنا تطلع مني شهقات.. ================================ كانت أيامي بتركيا مرة حلوة..كانت أغلب طلعاتي مع زياد..أما خواتي وبنات أعمامي فطلعت معاهم بس متاحف علم الآثار في فناء قصر توبكابي ومتحف الفنون التركية والإسلامية ومتحف الكشك الصيني..والحديقة النباتية ..الميني تورك..ورحلة لجزيرة الأميرات..وما كان زياد يتركني كثير أطلع وأروح مع البنات.. بالسوق.. كنت أتسوق مع زياد ورهف معانا وهذا اللي ضايقني.. وأنا أمشي وأتكلم مع زياد ضربت بوحدة وطاحت أكياسها ونزلت تأخذها.. حطيت أيدي ع فمي:سوري.. ونزلت أرفع الأكياس معاها..ولما رفعت رأسي وشفت البنت المتحجبة..صرخت:سجو.. سجى وهي مفتحة عينها عالأخير وبعد ما عرفتني من صوتي:ميشو.. وضمينا بعض.. وبعد ما ابتعدنا:كيفك سوسو.. سجى:الحمد لله بخير..أنت اللي كيفك.. :عايشين الحمد لله.. تضايقت لما لاحظت ملامح الحزن في وجهها.. :ألا سجى أمشي نجلس فوق مشتاقة لك.. سجى:أوكي مشينا.. :لحظة بس أعطي خبر لزياد.. =============================== :سوسو ليش هالحزن المرسوم علي وجهك.. سجى وهي تبتسم بالقوة:أي حزن الله يهديك..شكل علم النفس أثر فيك.. :سجى أحنا صديقات من أربع سنوات وأنا أعرفك أذا تضايقتي..وش فيك.. سكتت سجى ونزلت رأسها.. مسكت يدها:سجى أنا ما راح أضغط عليك أنك تقولي وش فيك..بس متى بغيت تتكلمين عن اللي فيك تذكري أن في وحدة اسمها مشاعل مستعدة تسمع لك.. سجى وعيونها فيه لمعة دمعة:مشاعل أنا جيت لهينا عند أمي لأني طالبة الطلاق.. فتحت عيوني بصدمة:طلاق.. هزت سجى رأسها وبعدها قالت:بس عادل رافض وقال أنه راح يأخذ أولادي مني أذا طلقني.. :وأنتي ليه تبين تطلقين..مو أنتوا متزوجين عن حب من الطفولة.. سجى وهنا أنزلت دموعها:تخيلي يا مشاعل شفته يخوني مع وحدة بغرفتي تخيلي بعد زواج خمس سنوات قضيناها بالحب يخوني.. فتحت فمي مصدومة..وما أدري وش أقول..الخيانة طعنة كبيرة..وما أعتقد بكلمات بسيطة أخفف عن سجى هالطعنة.. سجى وهي تمسح دموعها وتكمل:عادل تغير علي هالشهر كثير..كنت أعتقد أني أنا السبب..واهتميت بنفسي أكثر..وحاولت أني ما أنشغل بعيالي عنه كثير..وقبل أسبوعين طلعت عند أخته لأن صديقاتها مجتمعات وعزمتني..وقلت لعادل أني راح أتاخر وما راح أرجع ألا الساعة وحدة..ولما جت الساعة عشر ريان جاءه مغص شديد بطنه واتصلت على عادل لكن ما رد..وطلعت مع السواق للمستشفى وبعدما انتهيت رجعت لبيتي..وطلعت فوق وتركت ريان وأياد بغرفتهم..وبعدها طلعت لجناحي وسمعت أصوات ضحك بغرفتي..مشيت للباب وأنا قلبي ينبض بقوة من خوفي أنه يكون اللي في بالي..وغمضت سجى عيونه بأسى وكملت..وفعلا طلع اللي كنت خايفة منه شفت عادل وفي أحضانه وحدة..ونزلت دموعها وصوتها بدأ يختفي..لحظتها تمنيت الأرض تنشق وتبلعني ولا شفت هالمنظر..مشاعل خيانة عادل أطعتني بالصميم..كرهتني بنفسي وبحياتي.. وقفت من مكاني وجلست جنبها وحطيت يدي ع أيدها..وكانت راح أتكلم..بس مثل ما قالت ما أعتقد أن بكلمات بسيطة راح أواسيها.. سجى وهي تفتح عيونها وتمسح على بطنها المتكور بأيدها الثانية:مشاعل عادل راح يأخذ عيالي وبيأخذ اللي بطني أول ما أولده أذا أصريت على الطلاق..أنا مو قادرة أرجع له بعد خيانته لي.. مسحت سجى دموعها بسرعة وهي تناظر لبعيد:مشاعل أتمنى ما حد يدري عن شيء من اللي قلت لك أوكيه.. :أن شاء الله.. جاءنا شاب شعره أسود وعيونه لونها رمادية وقال بالتركي:سجى أنت هنا.. سجى وبابتسامة:أهلا بخالي كنت مع صديقتي..أعرفك عليها..مشاعل..ولفت علي..مشاعل هذا خالي باتوراي أخو أمي من الرضاعة.. مد باتوراي أيده واستحيت ونزلت رأسي تفشل باتوراي وسحب يده.. ودعت سجى بعد ما وعدتها أجي لعندها بكرة.. ============================== تمددت ع السرير..ودموعي تنزل لمعاناة صديقتي سجى..سجى اللي من لما كانت صغيرة ومن بعد وفاة أبوها وهي تعيش بشتات..أعمامها أخذوها من أمها وطرود أمها..لأنهم ما كانوا راضين من قبل أن أخوهم يأخذ وحدة أمها غير سعودية..وبعد ما نطردت أم سجى عاشت عند أمها اللي رجعت لتركيا بعد ما مات زوجها..وسجى ما كانت تشوف أمها ألا مرة بالسنة..كان الكل بعايلتها نابذها ويكرها ما عاد عادل ولد عمتها وأهو أكبر منها بسبع سنوات وأخته سلمى..حبت سجى عطف عادل وحنيته عليها..ولما كبروا تقدم عادل لها مع أنه أمه وأبوه كانوا رافضين بس بالأخير رضوا بالأمر الواقع..آآه ليه يا عادل تخون زوجتك وحبيبة طفولتك..ليه تجرحها..أحنا يالنساء قلوب مرهفة..وأي شيء يخدشها..ليه جرحتها بأكبر جرح وهو الخيانة.. يا عمري يا سجى يا كيف بيستحمل قلبك.. قطع علي أفكاري صوت الجوال..طالعت المتصل وكان زياد اللي اليوم عند رهف..وأخذنا نسولف طول الليل.. =============================== اليوم الثاني.. طلعت لعند سجى ومعاي رغد وكانت الجلسة مع جدتها وأمها مرة حلوة ولما جت الساعة ثمان أستأذنت رغد وتعذرت أنها متفقة تطلع مع رهف اليوم..استغربت منها أصلًا رهف ما تصدق تحصل فرصة تطلع فيها مع زياد من دوني..وكانت راح تموت من الفرحة لما عرفت أني معزومة عند صاحبتي..المهم حاولت أطلع سجى من اللي هي فيه..وكانت جدتها وأمها يدرون أنها طالبة الطلاق بس ما يعرفون أيش السبب.. وبعد ما جات الساعة تسع ونص أستأذنت وكنت راح اتصل على زياد..بس بما أن الفندق قريب قررت أرجع مشي.. ولما قربت شفت فارس اللي انتبه لي..لكني طنشته.. فارس:مشاعل.. التفت لها وقلت وببرود:نعم.. فارس:ممكن نتكلم شوي.. صديت ومشيت عنه:على أيش نتكلم..ما بين كلام يا فارس..كل شيء انتهى بينا من لحظة طلاقنا.. وانصدمت لما فارس مسك يدي وقال:مشاعل لحظة.. نزلت رأسي ع أيده..وسحب فارس أيده وكأنه خجلان من تصرفه.. وبعدها قال:مشاعل والله من بعد ما عرفت أنك بريئة وأني ظلمتك وقلبي مو مرتاح وضميري دائما يأنبني.. :فارس أذا جاي تطلب مني أني أسامحك..هذا أنا أقولك بأحلامك أني أسامحك..أنت حطمتني يا فارس حرمتني من العيال حرمتني من أني اسمع كلمة ماما.. فارس:مشاعل أرجوك أسمعني أول شيء وبعدها قولي اللي عندك.. تأففت وقلت:طيب يله قول اللي عندك.. فارس وحسيت من قبضة أيده يصبر نفسه لا ينفجر من طريقتي بالكلام معاه:ما ينفع نتكلم هينا..خلينا نجلس بأي مكان.. حطيت أيدي ع خصري بتلقائية:أيش أيش..بصفتك أيش أجلس معك..قول اللي عندك هنا بسرعة.. فارس ويزيد من قبضة أيده بقوة:مشاعل اللي عندي كلام طويل..ما ينفع وأحنا واقفين.. ================================= أنتظروني بالبارت القادم المليء بالاحداث من محاولة اعتداء واغتصـ..واعترافات جديدة .. أي محبه وأي عشره وأي حنان؟؟ وأي شوق اللي انت تتكلم عليه؟؟ يعني واثق ان باقي ك مكان؟؟ وإن قلبي يرد لو ترتجيه؟؟ قلبي اللي غلطته حبك وصان لو يصافح قلبك كنت اقطع له ايديه اي محبه بعد مافات الأوان؟؟ اي حنان اللي تبي تعوضني فيه؟؟ وين كنت يوم انا احتجتلك زمان؟؟ وين حبك يوم انا ميت عليك؟؟ روح للي لأجله بعت الحب زمان بس لاتنسى تسلملي عليه‍‍!!!

نظرة الحب 08-03-2011 01:05 AM %%البارت العشرون%% أي محبه وأي عشره وأي حنان؟؟ وأي شوق اللي انت تتكلم عليه؟؟ يعني واثق ان باقي ك مكان؟؟ وإن قلبي يرد لو ترتجيه؟؟ قلبي اللي غلطته حبك وصان لو يصافح قلبك كنت اقطع له ايديه اي محبه بعد مافات الأوان؟؟ اي حنان اللي تبي تعوضني فيه؟؟ وين كنت يوم انا احتجتلك زمان؟؟ وين حبك يوم انا ميت عليك؟؟ روح للي لأجله بعت الحب زمان بس لاتنسى تسلملي عليه‍!!! فارس ويزيد من قبضة أيده بقوة:مشاعل اللي عندي كلام طويل..ما ينفع وأحنا واقفين.. ترددت بالبداية وبعدين وافقت..ودخلنا بكافيه قريب من عندنا ومن عند الفندق. . =============================== ....:كنت دايما أشوفها قدام عيني..وكان يعجبني شكلها وبراءتها طيبتها ضحكتها..حبيتها وحبيت كل شيء فيها..أيه حبيت غادة ورسمت أحلامي معاها..كان نفسي أصارحها بحبي لها بس كنت مستحي..وما لقيت ألا ندى اللي قريبة منها أنها تقولها عن حبي..وكنت راح أطير من الفرح لما عرفت أنها تحبني مثل ما أنا أحبها..وبعد ما كبرت وتغطت..حسيت باشتياق كبير لها..وقلت لأمي تقول لخالتي أن ما راح حد يأخذها غيري أن شاء الله..وصار حبي لها مفضوح عند أمي وخالتي..وأول ما تخرجت من الجامعة قررت أفتح موضوع خطبتي منها لأبوي..لكن أبوي رفض وقال أنه يبيك لي..هنا بس حسيت أن أحلامي اللي رسمتها مع غادة تحطمت..كيف أتزوج وحدة غيرها..لا وصغيرة بالحيل عمرها ما تعدى١٤.. كنت أعتبرك مثل أختي نهاد ولا عمري فكرت أتزوجك..وحاولت أنا وأمي أن نغير رأي أبوي لكن أصر وقال بنت عمك أولى أنك تتزوجها من بنت خالتك.. وأبوي لما شاف أصراري على غادة قرر يحيرك لي من عمي..عشان يحطني قدام الأمر الواقع..ولما انتشر هالخبر..اتصلت فيني ندى عشان تتأكد من صحة الخبر..وقالت أن غادة منهارة بعد ما سمعت هالخبر..ووعدتها أني راح أحاول أن هذا هالزواج ما يتم..وسافرت أكمل دراستي بعد ما باءت محاولاتي بالفشل..ولما رجعت بعد سبع سنين عشت فيها بالغربة..كان كلي أمل أن أبوي غض النظر عن موضوع زواجي منك..لكن للأسف كان ما زال مصر..وأنا زدت بعنادي وقررت أخطب غادة بنفسي لكن أكيد أبوها راح يرفض أذا جيت له من دون أبوي..وللأسف أبوي حلف أني أذا ما مشيت معاه عشان نخطبك يطلق الوالدة..تخيلي بعد عشرة ثلاثين سنة يتطلقون وش يقول عنهم الناس..أكيد بيحطون العيب بأمي..أبوي مسكني مع أيدي اللي توجعني يا مشاعل..كلمت سعود اللي ما يدري عن رفضي عن الزواج منك يمكن يقدر يغير رأيه..لكن حتى سعود ما قدر يغير رأي أبوي..وخطبتك ولما دخلت عليك في الملكة جذبني لون شعرك الأسود مع بياضك الصافي..لكن ما هتميت ولما كلمتك ورفعتي عيونك شفت أجمل عيون شفتها بحياتي..بصراحة أنصدمت معقولة تكوني أنتي الطفلة اللي اخر مرة شفتها لما كان عمرها12وطرت في بالي بهاللحظةغادة أكيد بتكون منهارة ألحين..حسيت بكره لك..لأني حسيت أنك السبب..لو ما وافقتي ما كان انحرمت من غادة..بس قررت أعاملك باحترام ووعدتك أعيشك معززة عندي..ولما عرفت أنك مجبورة علي حسيت بطعنة ما أدري ليه..وفي شهر العسل كنت دايما أشتاق لعيونك لكن كنتي تنزلين عيونك كلما جت عيني في عينك..تولدت داخلي مشاعري لك بس كنت أظنها أعجاب بشكلك لا غير..وللأسف أخلفت بوعدي لك وعاملتك بقسوة..ولما تزوجت غادة اللي كانت مجبورة لأنها تعدت 27 وأهلها خافوا أن ما يجيها حد بعد طلال..كرهتك أكثر بس المشاعر الوليدة بقلبي ماخلت هالكره يكبر..وبعد ما عرفت أنك حامل حسيت أن الدنيا مو سايعتني من فرحتي..قررت أني أفتح صفحة جديدة معك..لكنك رفضتي..ورفضك جرحني كثير..وبعد ما مرت شهرين على صدك لي كانت مشاعري لك تكبر وتكبر..وما كنت عارف سر هالمشاعر غير أنها مجرد إعجاب..وبعد هالشهرين وبعد ما فتحنا صفحة جديدة عشت أحلى أيامي..والله أني لحد الآن أعتبرها أحلى أيام عشتها..ولما عرفت عن طلاق غادة..حسيت أن الأمر عادي..وكنت مستغرب من نفسي أنا كنت أتمنى هالشيء من زمان ولما حصل ما حسيت بأي فرحة..ولما سألتني عنها ما قدرت أجاوبك..لأني أنا نفسي مو لاقي الجواب..مشاعل أنا عشت صراع داخلي مع مشاعري اتجاهك..ولكن مع الأيام عرفت أني أحبك..ولكني ما كنت أبي أصارحك حتى أتأكد من مشاعري..وكانت في هالفترة تتصل علي ندى عشان أتسرع أخطب غادة قبل ما تروح من أيدي مرة ثانية..لكن أنا قلته أن غادة ما اعتبرها ألا ماضي ونسيته وأنك أنت الحاضر والمستقبل..ولما اتصل علي واحد وقال أنه اسمه احمد وأنه أعطى ظرف مهم للبواب لي وكأن يكلمني بلهجة فيها شوية سخرية..طلعت من الشباب اللي كنت جالس معهم لبيتنا.. ولما وصلت للقصر وسألت البواب عن الظرف..عطاني الظرف ومعها رسالة قريت الرسالة وحسيت أن الشياطين تراقص قدامي..كان مضمون الرسالة أنك كنتي تخونيني معاه والدليل هالصور وأنه قرر يفضحك عندي لأنك رفضتي تطلعين معاه..صدقيني يا مشاعل هالشيء آلمني كثير..وخاصةً لما تذكرت المسج اللي جاك من الرقم اللي مو مسجل عندك عليه اسم..مشاعل لو كنتي مكاني أكيد بتسوين اللي سويته وأكثر بعد..ولما سمعت أن ولدنا مات وأنك فقدتك رحمك..والله تعبت كثير..وتقدمت لغادة يمكن أقدر أحبها مرة ثانية وأنساك وأنسى خيانتك..والشيء اللي تعبني أكثر لما أنخطبتي..ما تخيلت تأخذين واحد غيري..وكنت راح أخرب هالخطبه لكن تراجعت لما تذكرت خيانتك لي..ولما اتصل خالد وقال أنه يبيني ضروري..جيت لعندكم وشفت خالد ومعه الخدامة اللي تعتقد أن اللي صار لها عقوبة من ربي ع اللي سوتها فيك..اعترفت أنها أهي اللي أخذت الصور عشان تعطيها ندى بعد ما أعطتها المقابل ألفين..وكانت موصيتها توصل لها كل صغيرة وكبيرة بحياتنا..بعد اعتراف الخدامة طلعت لندى اللي اعترفت بكل شيء بعدما ضربتها عشان تعترف..وكانت متفقة مع واحد من الصايعين يكلمني بعد ما يوصل الظرف للبواب..وقالت أنه هالخطة هي خطة غادة..اللي ما كنت أعتقد أن الطيبة اللي أشوفها بملامحها يكون قلبها ماليه الشر والحقد..طلقتها وعرفت بعدين أنها حامل بس وربي ما فرحت مثل مافرحت بحملك..مشاعل أنا أحبك ومستعد أعوضك عن الأيام اللي شفتيها معاي بس أتركي زياد وأرجعي لي.. ^ ^^ ^^^ ^^^^ ^^^^^ أحبك..أحبك..أحبك.. معقولة اللي أسمعه..أنا بحلم وألا بعلم..آآآآه كم كنت وكنت أتمنى وأنتظر هالكلمة من زمان من شفاتك يا فارس..بس ياللخسارة جات بعد ما حطمتني..بعد ما علمت قلبي كيف يكرهك..بعد ما تركتني بقايا..ولحد الآن ما قدرت أجمع هالبقايا.. وبهاللحظة تذكرت..والله يا فارس لأهنيك ولأذلك والله لأبهذلك مثل ما أنت مسوي فيني.. ترددت كلماتي بأذني..وقررت أنفذ حلفي.. قلت وبكل برود الصقيع وأنا أضحكب سخرية:يا ليت تحتفظ بهالحب لك..لأنك أنت بالنسبة لي مجرد ماضي أكره نفسي أذا تذكرته..وعلى فكرة حبي لك مجرد حب مراهقة..كنت أسمع عن الحب من صديقاتي بالمدرسة وأقرأه بالقصص والروايات..وحبيت أجرب هالحب ووقتها كنت أنا لك..عشان كذا أتوهمك بحبك..واعتقدت أني حبيتك بالفعل..بس تأكدت أن حبي لك مجرد وهم..لما تزوجت زياد..ووقفت وكملت وأنا أخذ شنطتي..زياد يا فارس هو اللي علمني الحب الحقيقي..وما اعتقد أني راح أحبه غيره.. ومشيت عنه..وأنا أشوف بعينه انكسار..حطيت أيدي بخوف على قلبي لما شفت زياد واقف مع رهف اللي تبتسم بمكر برى المحل..وكان الشرار يتطاير من عيون زياد.. قالت رهف لما قربت منهم وبكل مكر:مشاعل أنتوا عادي عندكم تجلسون مع عيال أعمامكم.. بعد زياد أيده عن رهف المتشبث فيه..وسحبني من أيدي..ومشى بسرعة وأنا وراه وقلبي يدق بقوة وبسرعة.. ================================= زياد وهو يرميني ع الصوفا:أنتي وش جالسة تسوين مع هذا اللي ما يتسمى.. وقفت من مكاني ونزلت عبايتي وقلت بصوت ثابت وأحاول أني ما أبين خوفي من عصبيته:زياد أنت ألحين معصب..متى ما هديت نتفاهم..واتجهت لغرفة النوم.. ولكن زياد سحبني بقوة ورجعني عالصوفا مرة ثانية وبغضب:بسرعة قولي لي ألحين ليه جالسة معاه..وش بينكم.. قهرتني عصبيته اللي زادت وقلت له كل اللي صار لي مع فارس وأنا أتكلم بعصبية.. زياد وهو يقرب مني ويسحب أيدي بحنان:مشاعل أنا آسفــ.. سحبت أيدي..وقلت:وش ينفع أسفك..بعدما سحبتني بحقارة قدام رهف وفارس والناس اللي يطالعونا فينا وبعدما شكيت فيني تقولي آسف..زياد والله أنك كرهتني بهالسفرة..وجلست ع الأرض أبكي..يالتني جلست بالسعودية ولا سافرت ياليت..وكملت بقلبي..ولا عرفت عن حكاية سجى وحب فارس لي اللي كانت أمنتيي لما حبيته.. نزل زياد لعندي ع الأرض وضمني يهديني ولكن بعدت عن حضنه بقسوة:بعد عني لا تقرب.. ووقفت ومشيت لغرفة النوم..وأما زياد فتم في مكانه..ولا لحقني..على ما أعتقد عارف أنه ماراح يقدر يتفاهم معاي وأنا بهالحالة المنهارة.. ========================== فتحت عيوني وكانت الدنيا ظلام..شغلت الأبجوارة وطالعت بالوقت وكان١١بالليل..حسيت بحركة ع الطرف الثاني من السرير..التفت وشفت زياد نايم.. رجعت رأسي ع المخدة..وأخذت أطالع بملامحمه الجميلة..سبحانك ربي..ملامحه في غاية الروعة.. تنهدت بداخلي بسبب الأحاسيس والمشاعر اللي أحس من لحظة ما اعترف فارس بحبه..حسيت بزلزال بمشاعر خامدة بوقتها..بس ما التفت لهالمشاعر كنت وقتها بس أبي أجرح فارس..معقولة أن حب فارس ما زال وأتوهم بحب زياد بس عشان أقنع نفسي أني نسيت فارس.. لا لا أنتي وش جالسة تقولين يا مشاعل..أنتي أكيد مجنونة أذا كنت فعلا تحبين فارس مهما أدعيت لنفسك بأنك تكرهينه..يا ربي أنا وش قاعدة أخربط.. وألتفت مرة ثانية لزياد..أنا أحب زياد وما أعتقد راح أحصل أنسان مثله..صحيح اللي سواه اليوم يقهر..بس هو ما سوى كذا ألا من حبه لي وغيرته علي..وحتى لو ما كنت أحبه لمتى وأنا أفكر بقلبي وبمشاعري الجياشة..بالعقل فارس ما يستاهلني ولا يستاهل قلبي..زياد هو اللي يستاهل.. هذا عيبنا يا البنات نفكر بمشاعرنا وبس..نتمنا نتزوج واحد رومنسي وشاعري ويبادلنا الحب..نعتقد أن الزواج كذا حب بحب..نسينا أن الزواج مسؤلية كبيرة يحتاج أن كل واحد يحترم الثاني يصبر عليه يحاول يتقرب من قلبه..يشتركون مع بعض ع الحلوة والمرة..والحب يجي مع السنين..لكن أحنا يا البنات فكرتنا عن الزواج غلط عشان كذا كثرة المشاكل بين المتزوجين.. ================================= مرت أيامنا بتركيا حلوة وخاصة أن فارس رجع للسعودية بعد الليلة اللي اعترف فيها عن حبه لي..كنت أسمع من نهاد واللي حولي عن تغير فارس وخاصة بعد طلاق غادة..وكانوا مستغربين أنه رجع للسعودية..لكن الحمد لله ارتحت كثير وخاصة زياد اللي صار أهدأ من قبل.. وكان الوحيد اللي محزني هو سجى اللي أضطرت ترجع لزوجها عشان عيالها.. وأما الشيء اللي مستغربته هو كثرة طلعت رغد لحالها..قلبي قارصني وحاسس أنا مشعل له دخل..الله يحفظها ويستر عليها.. ============================ بالرياض.. العصر نزلت تحت وحصلت الكل بالصالة.. :السلام عليكم.. الكل:وعليكم السلام.. أشر زياد بأيده..أجي أجلس جنبه.. قربت من عنده وجلست.. زياد:مساء الخير غلاي.. :مساء النور.. زياد وبابتسامة:وش هالنوم اللي عندك.. بوزت:بتحسدني.. ضحك زياد بصوت واطي:ما شاء الله.. أم زياد:بنات الليلة في حفلة تخرج ولد وحدة من صحباتي..وش رأيكم تحضروا معايا.. رغد:أسمح لي يا ماما أنا ما راح أحضر.. عمي أبو زياد:وليه يا قلب أبوك أنتي.. رغد:متفقة أطلع مع وحدة من البنات.. أم زياد:وطيب وأنتي يا رهف.. رهف:ما عندي مانع.. انقهرت أن خالتي طنشت فيني لكن زياد قال:وأنتي يا مشاعل ما راح تروحين.. :لا الليلة أنا بطلع لعند صديقتي مرام عشان أطمن عليها.. ============================ بست رأس خالتي أم جاسم وقلت:كيفك ياخالتي وكيف مرام والله اشتقت لكم.. أم جاسم:تشتاق لك العافية يا بنتي..أنا الحمد لله بخير ومرام ما أدري وش أقولك بس كلها حابسة نفسها بغرفتها وما تطلع منها من وفاة راجح الله يرحمه.. :طيب ممكن أطلع لعندها.. أم جاسم:روحي يابنتي وحاولي فيها تطلع من غرفتها وتنزل..والله فقدت ضحكتها وبسمتها.. :أن شاء الله خالتي.. طلعت لفوق..وبطريقي شفت مضاوي وانقهرت منها لما صدت عني ولا سلمت..أوووف لحد الآن ما تغيرت هالعقربة.. ضربت الباب على مرام.. مرام:تفضل.. فتحت الباب بشويش..وشفتها وهي متمددة ع السرير ومتسندة على ظهرها.. دمعت عيوني لما شفتها..كانت متغيرة وضعفانة بالحيل..وبطنها كان كابر عن أول.. ولما شافتني ابتسمت ومدت أيدها..وركضت لها وضميتها:مرام اشتقت لك ورب الكون اشتقت لك.. ومرام وهي تبكي:وأنا أكثر والله.. ابتعدت عنها ومسحت دموعها:كيفك..وطالعت بجسمها..وليه كذا نحفانة.. مرام:فقد راجح مو سهل يا مشاعل..وأخذت تبكي من جديد..مشاعل راجح شفت فيه حنان الأبو اللي فقدها من أربع سنوات لما توفى أبوي الله يرحمه..راجح على الكلام الجارح اللي كنت أقوله له كان صابر ومستحملني..آآه يا مشاعل ما أعتقد راح ألقي واحد مثل راجح في صبره.. مسحت دموعها:خلاص يا قلبي كافي دموع المفروض تدعين له مو تبكين.. مرام:تدرين أن راجح قبل ما يموت الله يرحمه بليلة اعترف أنه ما كان ناوية يتزوجني يقول أنه بعد مازوج بنته مضاوي قرر يتزوج عشان يجي له ولد بس ما كان عنده فلوس عشان المهر..وبعد ما قدر يجمع له مبلغ زين..قال لبنته مضاوي تدور له وحدة مطلقة أو أرملة عمرها بالثلاثينات..بس مضاوي قررت تخطبني لأبوها من دون علمه عشان تفتك مني..ولما فتحت الموضوع مع جاسم..وافق على طول لأنه ما يقدر يرد لها طلب..وبعدما أخذت موافقة أخوي اتصلت بأبوها وقالت له أن أخوي موافق وحتى أنا موافقة..وبعد ماتزوجنا قلت له أني مجبورة..وكان ناوي يطلقني عشان يريحني بس لما عرف أني حامل شال هالفكرة من رأسه..آآه يا راجح أرجع والله لأعوضك عن اللي سويته فيك.. :مرام لا تقطعين قلبي..حزنك ودموعك ما راح يرجع لك راجح..وبعدين ليه حابسة نفسك بغرفتك..أنزلي عند خالتي اللي تعبانة عشانك..أنزلي وفرحي قلبها.. مرام هزت رأسها ونزلنا أنا وهي عند خالتي.. ============================= رجعت للبيت..ولما دخلت القصر نزلت عبايتي..وجلست بالصالة وطلعت جوالي أتصل على أهلي اللي لسى بتركيا.. وبعد ما ردت أمي ودردشت معه شوي سكرت منها..ولما جيت أوقف انفتح الباب الرئيسي للقصر..وانفجعت وأنا أشوف رغد وعيونها منفوخة وشعرها محتاسة والدم يسيل من طرف فمها.. ^ ^^ ^^^ ^^^^ ^^^^^ ^^^^^^ رغد والخوف اكتسى ملامحها لما شافتني:مشاعل.. قربت من عندها وقلت بخوف من شكلها:رغد وش فيك..ليه شكلك كذا.. رغد طاحت ع الأرض منهارة بكي.. جلست قدامها وأنا أمسك يدها وبترجي قلت:رغد أرجوك قولي لي وش فيك..مين اللي سوى فيك كذا.. رغد رميت نفسها بحضني:كنت راح أضيع يا مشاعل كنت راح أضيع شرفي.. شهقت وأنا أحط يدي على فمي:كيف.. رغد:مشعل يا مشاعل لما كنت أطلع معاه بتركيا وعدني أننا أول مانرجع للسعودية بيتقدم لي لأن انتهى من دراسته الجامعية وأنا صدقته..واليوم قال أنه يبي يفرجني على قصرنا اللي راح نعيش فيها أذا تزوجنا..وأنا رفضت بس حلف لي أنه ما راح يسوي شيء لي وبعد حلف أنو بكرة راح يجي مع أبوه يخطبني..ووافقت وطلعت معاه القصر وأخذ يفرجني ع القصر وكان محترم معاي ولا لمسني بس من دخلنا غرفة النوم..وشهقت رغد وهي تبكي..حاول يغتصـ..لكن الحمد لله قدرت أخذ الأبجوارة اللي بجنب السرير وأضربها على رأسه..وطاح ع الأرض..وأخذت رغد تبكي أكثر..بس أنا خايفة يكون مات والله خايفة.. ضميتها:لا أن شاء الله يكون بس دايخ من الضربة..لا تخافين.. رغد وهي ترتعش خوف:يا رب..يارب والله توبة أسوي هالشيء مرة ثانية..والله توبة.. ============================= غطيت رغد اللي هدت ونامت..بستها على رأسها وطلعت من غرفتها..وبعد ما سكرت بابها ومشيت.. شفت زياد طالع من الإصنصير..وابتسمت وأنا أمشي له.. زياد وهو مستغرب:مشاعل ليه عيونك كذا..أنتي كنتي تبكين.. توترت:ها..لا..أيه كنت توني جاية من مرام قطعت قلبي بعد عمري.. زياد:هي لحد الآن متأثرة بوفاة زوجها.. هزيت رأسي بأيه.. زياد:الله يصبرها.. :آمين.. زياد:أمي ورهف ما جوا من الحفلة.. :لا..وطالعت بساعتي..الساعة عشر..ما اعتقد بيجونا ألحين.. زياد:أوكي غلاي أنا بروح أنام..تصبحين على خير.. :وأنت من أهله.. بعد ما دخل زياد جناحه هو ورهف طلعت أنام.. ====================================== مرت الأيام وعلاقتي مع زياد روعة بس اللي مضايقني أن زياد كثير ما يطنش رهف..رهف بنت لها أحاسيس ومشاعر وأكيد هالشيء يجرحها..وأما رغد فحالتها تغيرت كثيرا بعد اللي صار له..صارت ما تطلع كثيرا..وأهلها استغربوا من هالشيء بس ما اهتموا..بس زياد اللي كذا مرة يسألها وش فيها ورغد في كل مرة تعطيه عذر..وأما خالتي فهي مشغولة بطلعاتها وحفلاتها اللي ما تنتهي..وعمي كذلك مشغوله باجتماعاته وسفرياته.. كنت أحط اللمسات الأخيرة لمكياجي ودخل علي زياد:أهلين بالحلو.. التفت عليه:هلا فيك.. زياد:كل عام وأنت يا غلاي بخير.. :وأنت بخير..أقول حبيبي وش رأيك بشكلي.. زياد:وربي أنك روعة ما شاء الله..قلتي أذكارك.. هزيت رأسي بأيه:الحمد لله.. زياد فتح واحد من الأدراج وطلع علبة..مدها لي:ممكن تتقبلي هالهدية.. أخذتها ولما فتحتها حصلت ساعة شوبارد..ابتسمت:مشكورة حبيبي.. زياد:العفو.. =========================== بعد ما مريت أهلي أنا وزياد وعيدناهم طلعنا للمطار عشان ننزل جدة.. وبعد ما وصلنا لجدة طلعنا لقصر أهل زياد..عشان نرتاح وبالمساء بيكون اجتماع عايلتهم عند العم أبو رهف.. جلست ع طرف السرير وقربت الورد اللي بيدي على وجهه زياد..حرك زياد رأسه بانزعاج..وحركت الورد أكثر على وجهه.. وتأفف زياد وفتح عيونه:غلاي كافي أزعاج..أتركني أنام.. :حبيبي قوم صار لي ساعة أصحيك..الساعة تسع متى بنطلع لعند عمك عبد الرحمن.. زياد وهو يدخل رأسه تحت المخدة:طيب أنت تجهزي وأذا خلصتي صحيني.. سحبت المخدة منه:زياد أنا متجهزة ومخلصة من زمان..بس أنت قوم أصحى.. نزل زياد من السرير وهو معصب ويتحلطم.. ضحكت وقمت من السرير وأخذت عبايتي ونزلت.. =================================== دخلت القصر وسلمت ع الموجودات..وجلست وأنا عن جد خجلانة أحس نفسي غريبه..وتضايقت من طريقة نظرات أم رهف لي وكانت نظرات احتقار..وشفت سوسن اللي جت تسلم وبعدها خذتني لعند البنات..وهناك حصلت رغد اللي عايشة بحالة صمت وما تتكلم كثير..لاحظت رهف تتكلم مع وحدة من البنات واللي عرفت بعدين أن اسمها رانيا بصوت واطي ويطالعون فيني..بعد ما انتبهوا أني اطلعهم بعدوا عيونهم عني..حسيت من نظراتهم أنهم يتكلمون عني..بس طنشتهم والتفت على البنات اللي عندي.. ============================= اليوم الثاني رجعنا للرياض.. وكنت طول ما أحنا على الطيارة وأنا مستغربة من نظرات وابتسامات رهف لي..حاسة أنها ورى هالشيء..شيء كايد الله يستر.. ولما دخلنا البيت مسكت رهف رأسها ومدت أيدها لزياد وبعدها طاحت ع الأرض وعلى طول أخذوها زياد وخالتي للمستشفى.. دخل زياد الجناح وعلامات الفرح على وجهه..جلس عندي ع الصوفا وقال:أبشرك يا مشاعل رهف حامل..راح أصير أبو يا مشاعل.. ابتسمت:مبروك حبيبي.. زياد:الله يبارك فيك يا الغلا.. سرحت بأفكاري..يا ترى لما تجيب رهف الولد براح يتغير زياد علي..وعقدت حواجبي بضيق.. زياد:غلاي وين رحتي.. :ها معاك.. زياد:وش فيك شكلك متضايقة.. :بالعكس أنا فرحانة كثير.. زياد:حلفتك بالله تقولي لي وش فيك تضايقتي.. نزلت رأسي:خايفة أذا جابت رهف الولد تتغير علي وتتركني.. زياد وهو يلمس خدي بنعومة:والله لو تجيب عشرين ولد ماراح أتركك..كيف أترك روحي وقلبي.. :زياد والله أنا خايفة تتركني..دايما يجيني أحساس أنا راح نفترق عن بعض ما أدري ليه.. زياد:بسم الله علينا من الفراق..يا رب نظل طول العمر مع بعض.. =============================== أنتظروني في%%البارت الواحد والعشرون%% %%والأخير%% لوكثرت جروحي فلاني بمكسور,,, انا اكسر اللي قالـ انه كسرني,,, ماهوحكي زايف ولاكبر وغرور,,, انا في عزتي اقهر اللي قهرني,,, ترى الوقت ياصاحبي دايمـ يدور ولابد مايندمـ((غشيمن خسرني)) ============================ فوق الجروح اللي بقلبي من سنين يكفي دخيل الله لا تجرحوني ما دامكم ما أنتم لجرحي مداوين أنسوا وجودي بينكم وتركوني وش من عذابي والعناء مستفيدين وش مصلحتكم يوم تذرف عيوني..!! ============================ هديك قلب جريح افعل به ما يبيح وان ما بغيته لا ترده ادفنه خله يستريح...

الساعة الآن 11:21 PM

صفحة 2 من 3 < 1 2 3 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية