 |
منتديات قصايد ليل
(http://www.gsaidlil.com/vb/index.php)
- …»●[الرويات والقصص المنقوله]●«…
(http://www.gsaidlil.com/vb/forumdisplay.php?f=12)
- - رواية شامخة وبنت رجال وجاء من يغلبني
(http://www.gsaidlil.com/vb/showthread.php?t=36138)
قاعده في غرفتها ما طلعت منها من يوم جات من الشغل جاتها أختها وهي حاسه ان فيها شي بس هي قالت لها ان كل شي تمام سحبت درج الكومنديه وطلعت الفلوس وتذكرت الحفلات وتذكرت ذاك اليوم وأبو شملان ويوم حاول يصدمها ورجعت الفلوس في الدرج سحر:انا تبت والله قاعده أحاول أبدا من جديد بس كل مره يطلع لي شي يذكرني بالماضي ياربي وش هالحظ من أول يوم شغل لي أشوف ابو شملان والحمد لله انه ما شافني ولا كان رحت فيها وبعدها شفت ووقفت تفكير وهي تتذكر راحوا وشروا من الكافتيريا وهم راجعين سحر طلعت عيونها :لا لا مستحيل هاليوم مو معقول ابد هاللي تشوفه قدامها مو معقول وقفت متسمره في مكانها و ساره ونوره واقفين جنبها ويطالعون وش هي تناظر.وسحر تردد في عقلها:لا لا مستحيل يكون هو شافته واقف مع رجال يتكلم معاه عند باب المكتب المقابل لمكتبهم سحر:تركي إلا هو نوره:وش بلاس وش تناظرين لمحها وأول ما شافها بينت المفاجاه على وجهه وبعدها ابتسم سحر على طول نزلت رأسها ومشت تدخل المكتب بسرعه سحر في نفسها:ان شاء الله ما انتبه لي ماني ناقصه بلاوي لا لا ما اعتقد عرفني وش تقولين يا سحر ما تشوفين وجهه كيف تفاجأ أكيد عرفك ياربي ساره:وش فيها هذي سرحانه نوره:وآنا وش يعرفني ساره:وش فيس عسى ما شر سحر:لا ولا شي ساره:انا عرفت ما يحتاج نوره :وش عرفتي يا عريفة زمانس سحر في نفسها:معقوله تعرف شي ساره بهبل:أكيد انه عجبس سحر باستغراب:من تقصدين ساره:المزيون تركي سحر بابتسامه باهته:وش هالتخريف ولا شي من اللي قلتيه جاء في بالي أصلا نوره:أقول يا شينس لا قمتي تتفلسفين وأنتي ما عندس ما عند جدتي سحر في نفسها :اسأل ولا لا ياربي ابغى اعرف إلا بسال ساره هذي هبلا ولا بتمسك علي الكلام اللي بقوله لها بعد ساعه تقريبا نوره قامت تودي أوراق وبقى سحر و ساره في المكتب سحر:أقول ساره ساره:سمي سحر:بغيت اسأل ساره باهتمام :عن وشو سحر قامت وجلست على مكتب ساره وبصوت واطي:قبل ما اسأل ابغى اللي بسال عنه يظل سر ساره باهتمام اكبر:افا يا ذا العم سرس في بير سحر:ولا ابغاك تسأليني عن شي اوكي اتفقنا ساره:اوكيشن اتفقنا بس اسألي وش بغيتي سحر بتردد:بغيت اسأل عن الرجال اللي شفناه ساره على طول: تركي سحر خذت نفس وقالت:ايه هو موظف هنا ساره:انا قايله انه معجبس بس أنتي أنكرتي سحر:جاوبيني ساره:لا مو موظف سحر في نفسها:الحمد لله ساره تكمل:هو مدير قسمنا سحر:ايش مديرنا يعني ساره بابتسامه:ايه وأزيدك من الشعر بيت شفت رئيس هالمؤسسه هذي هو عمه سحر شهقت :ايش عمه طيب ليه هو مخليه مدير ما عطاه منصب اكبر ساره:انا أقول لس هذا الله يسلم تركي ماله أهل غير عمه وعنده اخو واحد المهم وتركي يبغى يدخل مع أخوه شريك واشترط أخوه عليه علشان يدخل معاه شريك في شركه بينهم انه يشتغل هنا ويكسب خبره ولما يتحسن ذيك الساعه يدخل معاه شريك وبعدها تصير له شركته الخاصه سحر:اها كذا السالفه ساره :ايه وتركي لأنه يبغى يشتغل مع أخوه وبعدها يسوي شركه خاصه فيه وافق على شرطه وجاء هنا وصار مديرنا سحر:الله يعين إذا كان هذا مديرنا ساره بنبرة دفاع واضحه:لا حرام الصراحه هو طيب مع الكل ويحترم الكل ويقدر ظروفنا يعني أحسن من ناس كثير شفناهم سحر:طيب ليش ما حط له مكتب خاص بعيد عن مكاتب الموظفين لبش حاط مكتبه بينهم ساره:قلت لك يختلف عن ناس كثير شفتهم هو متواضع ويحب يختلط معانا ويكون بينا يحسسنا بروح الجماعه على قولته نوره جات وسحر رجعت مكانها وهي تفكر إذا هو مديرها عز الله راحت فيها أكيد بتواجهه في وقت من الأوقات سمعت طق باب ودخلت أمها عليها أم خالد وهي تجلس:وش أخبار الشغل معاك سحر:ماشي الحال اليوم أول يوم والحمد لله أم خالد:شفتي شي هناك سحر فهمت أمها بس حبت تتأكد:وش شفت مافهمت عليك أم خالد:ناس مريشين سحر بتأفف:وإذا شفت آنا وش دخلني فيهم أم خالد:وشلون وش دخلك ابغاكي ترسمين عليهم يمكن واحد منهم يضبط معاك وتأخذينه وتتنعمين بخيره سحر بملل:انا ماراح ارسم على شي ولا ابغى اخطط على شي وانسي هالموضوع وآنا الحمد لله عايشه بخير كثير ونعمه ولا عاد تجيبين لي هالطاري ابد أم خالد:غبيه طول عمرك غبيه من يوم شفتك تقعدين مع المتخلفه أختك وآنا غاسله يدي منك قامت وطلعت وسحر حست بضيقه ما راح تروح إلا إذا قعدت مع أختها اللي تحس فيها وكلامها يفتح النفس ويرد الروح طلعت من غرفتها وهي بتطق الباب سمعت صوت أختها وتفاجات من اللي سمعته &&&&&&&&&&&&&&&&&&&&&&&&&&& في مكان وبيت ثاني أم عبدالمجيد:هذي الساعه المباركه والله عبدالمجيد:يمه لا نستعجل يمكن البنت ترفض أم عبدالمجيد:هوووو ليش ترفض ماجد:يعني يمه كأنك ما تعرفين الجوهره دخلت على طاري اسمها الجوهره:وش فيها الجوهره سكتوا كلهم الجوهره:وش فيكم سكتوا وش صاير أم عبدالمجيد و ماجد يطالعون بعض وعبدالمجيد تكلم :احنا كنا نتكلم في موضوع يخصك الجوهر:يخصني وش السالفه أم عبدالمجيد:يا بنيتي كل بنت إذا كبرت مالها إلا مصير واحد الجوهره واللي فهمت على طول :إذا كان اللي أفكر فيه هو موضوعكم انسوا ماجد:وش ننسي اننا المفروض نفرح فيك الجوهره:ماجد سكر الموضوع انت عارف إني ما راح أوافق عبدالمجيد جلس جنبها :ليه يالغاليه علشان ريان ونوف ونايف الرجال الي متقدم لك قال إذا صار نصيب بتاخذونهم معاكم يعني ما في مشكله الجوهره بصوت هادي:انا قلت لا وخلاص ما عندي كلام ثاني أم عبدالمجيد:يا بنيتي عبدالمجيد يقاطع أمه:يمه خليها على راحتها بس ترى انا ماراح أرد على الرجال راح أعطيك 3 أيام تفكرين وبعدها ردي علي رد أخير الجوهره:ما له داعي لاني ماراح أغير رأيي ماجد:بس هذا طلب المتقدم لك أم عبدالمجيد:وش هالطلب الغريب ماجد:والله يمه حتى احنا لما طلب منا طلال هالطلب استغربنا الجوهره:من قلت ماجد :قلت طلال هو اللي متقدم لك الجوهره:قولوا له لا وماله داعي تنتظرون 3 أيام على الفاضي عبدالمجيد:لا هو طلب وآنا بنتظر 3 أيام بعدين ابلغه الجوهره قامت وراحت غرفتها وهي تفكر :هذا وبعدين معاه وش يقصد ياربي بها الحركات أول شي في المطعم والملاهي وبعدها في السوق والحين الخطبه شكل هذا واحد مختل وبعد لحظات قطع تفكيرها رنة الجوال اللي كانت دلول واللي قالت انها بتجي لها بكره بعد ما سكرت منها وصلها مسج فتحته وعرفت من صاحب المسج(انتظر ردك على نار وأتمنى ما ارجع مكسور الخاطر) الجوهره:هذا مو صاحي والله مصدق نفسه بس انا اعلمه .مسكت جوالها وأرسلت له(لو انت أخر رجال في الدنيا ما وافقت عليك) ثواني ورد عليها بمسج (هذا جوابك النهائي) ردت عليه (ولا تحلم بغيره وارجوا انك ما عاد تزعجني) وبعد لحظات رد عليها بمسج خوفها (أنتي قررتي تحملي مفاجأه بكره) الجوهره:ياربي وش يقصد بها الكلام شكله ما عنده سالفه بس هو مجنون وما فيه عقل لا لا أنتي الجوهره وما في احد يقدر عليك ولا يغصبك على شي وتركت أفكارها وخوفها وقامت تشوف أخوانها أحسن لها &&&&&&&&&&&&&&&&&&&&&&&&&&&&&&&&&&&& قاعد في الاستراحه مع ربعه وسرحان فيها معقوله الدنيا صغيره هالكثر أشوفها من بدت هالناس ولا هي موظفه وآنا مديرها ..صار يبتسم وهو ناوي عليها نيه :انا اوريك ان ما خليتك تتعذبين ما اكون تركي غسان وهو يصارخ في أذن تركي: ترككككيييييييييي تركي:عمى ان شاء الله وش فيك ترى إذني أبيها غسان:اسأل نفسك صار لي ساعه أناديك وأنت مطنش تركي:أسف ما كنت معاك غسان :اللي مأخذ عقلك يتهنى به تركي:تعرف يا غسان شكلي بحب شغلي غسان:مافهمت تركي :شكل الشغل بيحلو غسان:أي شغل أقول يالله لك الحمد والشكر تركي:ولا شي المهم وش رايك نطلع تراني اختنقت غسان :يله وطلعوا يتمشون وطبعا تركي رجع للسرحان مره ثانيه وغسان رجع يكلم نفسه &&&&&&&&&&&&&&&&&&&&&&&&&& حست بضيقه ما راح تروح إلا إذا قعدت مع أختها اللي تحس فيها وكلامها يفتح النفس ويرد الروح طلعت من غرفتها وهي بتطق الباب سمعت صوت أختها وتفاجات من اللي سمعته طقت الباب وبعد ما سمعت رد أختها دخلت وجلست على السرير وهي تطالع أختها سحر:من هذا عبير:من تقصدين سحر:اللي تكلمينه عبير خافت و ما ردت ونزلت راسها سحر مسكت يدها:عبير رفعي وجهك وكلميني انا ما جيت أسالك لاني ابغى أحاسبك انا جيت أسالك لاني خايفه عليك انا احبك وأنتي أختي وصدقيني لو في خير لك راح أوقف أول وحده معاك عبير حضنت أختها وهي تبكي سحر:خلاص حبيبتي هدي وقولي لي كل شي عبير هزت راسها وهدت نفسها وصارت تتكلم وعيونها في الأرض:اللي اكلمه عبدالمجيد سحر ما استوعبت:من عبدالمجيد عبير :ولد عمي سالم لله يرحمه سحر:سكتت وما ردت عبير:والله العظيم ما في بينا إلا كل خير وآنا ....... وسكتت سحر:أنتي ايش تحبينه وهو يحبك عبير أشرت برأسها بمعنى :ايه سحر:طيب ليش ما يتقدم لك عبير:سحر اللي يسمعك ما يقول أنتي عايشه معانا وعارفه أبوي وش كثر يكره عمي سالم من يوم هم صغار ويغار منه وإذا جاء عبدالمجيد أكيد بيطرده لأنه ولد عمي سالم الله يرحمه سحر:لا حول الله بس أنتي عارفه لو احد سمعك كان ذبحوك عبير:عارفه بس والله إني أحبه وما اقدر أتخيل حياتي بدونه سحر ابتسمت لأختها وصارت تمسح دموعها :خلاص حبيبتي انا واثقه انك لا يمكن تغلطين بس انتبهي لا احد يسمعك وان شاء الله راح يجي يوم وتتزوجينه عبير حضنت أختها :يا بعد عمري الله لا يحرمني منك ابد خفت ما تفهميني سحر وهي تضمها:ولا منك وبعدت عنها سحر:يله انا بروح أنام تصبحين على خير عبير بابتسامه:وأنتي من أهل الخير عبير وقبل ما تطلع سحر نادتها :سحر مشكوره لأنك واثقه فيني وقدرتي موقفي سحر:لو احد غيرك كان أكيد بنتفها بس أنتي أم العقل كله وآنا واثقه منك وبعدين عبدالمجيد معروف عنه بالعقل والطيبه وما ينخاف منه ولا هو من الشباب اللي راعين خرابيط وابغى منك إذا احتجتي شي أو بغيتي شي تجيني اوكي عبير:اوكي مشكوره حبيبتي سحر:العفو ....وطلعت وراحت تحاول تنام علشان الشغل &&&&&&&&&&&&&&&&&&&&&&&&&&&&&&&& صحت الصبح على المنبه اللي ضبطته علشان تصحي إخوانها قامت وخذت شور سريع وراحت تصحيهم وزي العاده تتعذب معاهم لحد ما تجي ميري وتتصرف معاهم نزلت ولقت خالتها أم عبدالمجيد وإخوانها قاعدين يفطرون الجوهره:صباح الخير وهي تبوس رأس خالتها أم عبدالمجيد وعبدالمجيد وماجد:صباح الخير – صباح النور جلست تفطر وكان الكل ساكت لحد ما تكلمت خالتها أم عبدالمجيد:ها بنيتي عندك اليوم محاضرات الجوهره:ايه خالتي عندي على الساعه 10 ان شاء الله أم عبدالمجيد:زين جاء ريان ونايف ونوف وميري وصبحوا على الكل وجلسوا والوضع كذالك هدوء حست انها منزعجه مو متعوده على هدوء إخوانها تعودت كل صبح على سوالفهم وإزعاجهم قام عبدالمجيد وماجد بيروحون أشغالهم وباسوا رأس امهم وعبدالمجيد قبل ما يطلع:الجوهره قلت محاضرتك الساعه10 الجوهره :ايه عبدالمجيد:خلاص الساعه10 القاكي جاهزه انا اللي بمرك اوديكي الجامعه الجوهره:بس انا متفقه انا ودلول نروح جميع عبدالمجيد:لا اتصلي فيها وقولي لها انك بتروحين معاي الجوهره :طيب وراح وبعدها راحوا إخوانها وبقت هي وأم عبدالمجيد اللي ظلت تناظرها الجوهره:خالتي في بقلبك كلام انا عارفه قوليه أم عبدالمجيد:ماله داعي اخاف تزعلين الجوهره بابتسامه:لو ازعل من الناس كلهم ما ازعل منك أم عبدالمجيد:ماراح أقول لك شي غير فكري مره ثانيه الجوهره:في ايش قصدك موضوع الخطبه أم عبدالمجيد وهي تقوم:ايه يا بنيتي ترى محد يدوم لأحد ابغاكي تفكرين في شي أنتي الحين تربينهم وتفنين عمرك لهم بس إذا كبروا وتزوجوا تظنين بيدرون عنك الجوهره:وش قصدك يا خالتي ان إخواني ما يذكروني أم عبدالمجيد:لا قصدي انهم بيشوفون حياتهم وأنتي بتظلين وحيده حتى لو هم زاروك راح تظل الوحده في قلبك ابغاكي تفكرين مره ثانيه الجوهره:ان شاء الله.......طلعت أم عبدالمجيد والجوهره تفكر معقوله إخوانها إذا كبروا من كثر انشغالهم في حياتهم ماعاد يذكرونها معقوله &&&&&&&&&&&&&&&&&&&&&&&&&&&&&&&&&&& صحت الصبح ونزلت تفطر مع أختها اللي الكل بيغثها نزلت وحصلت أمها زي ما توقعت تقط كلام مثل السم على أختها وأختها ساكته زي عادتها ما ترد أم خالد:أنتي ما وراك خير ابد سحر وهي نازله من الدرج و تبغى تنقذ عبير:يالله صباح خير عبير بابتسامه لسحر:صباح النور يا حلو سحرت ترد لها الابتسامه:صباح العسل أم خالد:وش عندك ما تصبحين علينا ولا احنا مو قد المقام يا بنت الباشا سحر:وش فيك من الصبح مولعه نار الناس تقول يالله خير وأنتي شابه مثل كبريت أم خالد بعصبيه: يا للي ما تستحين على وجهك في احد يقول عن أمه كبريت هذا بدل ما تبوسين راسي عبير برجاء:سحر ما يصلح سحر طالعة أختها المسكينه وما ردت عليها ورجعت تكلم أمها:والله يمه أنتي تعرفيني اللي في قلبي على لساني وما علي من احد وما تعودت أجامل احد حتى أنتي أم خالد:صدق انك قليله أدب سحر وهي تفطر :انا قليله أدب مو أنتي كله تقولين أنتي تربيتي وطالعه علي ولا الحين صرنا ما نعجبك أم خالد وهي تقوم:سميتي بدني الله يسم بدنك ان شاء الله وراحت تصعد الدرج عبير:سحر وش سويتي الله يهديك ما يصلح تكلمين أمنا كذا سحر بعدم مبالاة:أقول واللي يرحم والديك خليك بعيد محد يعرف ويفهم لها إلا انا عبير سكتت وهي عارفه ان فعلا مافي احد يعرف ويفهم لامها كثر سحر وكملوا فطور وسحر تسولف لعبير وتضحكها علشان ما تأخذ بخاطرها من كلام أمها اللي يهز البدن بعد ما خلصت فطورها قامت وودعت أختها وراحت للشغل وأول ما وصلت تفاجات بشوفته واقف عند الباب سحر:هذا واقف وش يسوي يووه وش فيك يا سحر لا لا ما اعتقد ينتظرك لا لا يمكن ينتظر احد من الموظفين وظلت في السياره وهي تفكر لحد ما كلمها السواق:ماما ما في انزل سحر:ها إلا بنزل ونزلت وهي تقوي نفسها علشان ما تبين له انها مرتبكه وراح تتجاهله وكأنها ما تعرفه ابد &&&&&&&&&&& تركي:صحيت من الصبح متنشط وتجهزت ورحت للشغل حتى بدون ما افطر ولما وصلت ورحت مكتبها عرفت انها ما بعد تجي فقررت انتظرها عند الباب ادري يمكن يسبب هالشي مشاكل لها بس ابغى شي واحد أشوف ردة فعلها لما تشوفني وبعد دقائق وصلت وشفتها من نافذة السياره لما شافتني وتفاجات وظلت بالسياره وما نزلت وبعد فتره نزلت ومرت من قدامي وكأنها ما تعرفني بس انا أعلمك راحت مكتبها وآنا رحت مكتبي اللي هو مصادف لمكتبها وبديت اجمع الأوراق وبعض المعاملات اللي تحتاج انها تدخل بياناتها في الكمبيوتر وتوجهت لمكتبهم سحر لما دخلت على ساره ونوره بابتسامه:صباح الخير نوره :صباح النور ساره:صباح النور والبنور واللولو المنثور سحر:الله الله وش هالصباح والترحيب كله ساره:ابد حبيت امدح احد وما لقيت غيرس امدحه وأتغزل فيه سحر:ههههه ههههههههه نوره:يالله لك الحمد والشكر صدق خبله وقعدوا وبعد فتره سمعوا طق على الباب والتفتوا وشافوا تركي على الباب سحر حست ان وراء جيته بلوه أو مصيبه لها فنزلت راسها تشتغل على طول بس فتحت أذانيها على الأخر تركي بابتسامه:صباح الخير ساره ونوره:هلا والله صباح النور ساره:وش عندك مسير علينا من الصبح تركي:ابد في شوية معاملات لازم تدخل بياناتها الكمبيوتر وبعدين سمعت ان في شخص جديد عندنا من عمي فقلت أجي أعطيكم المعاملات ومناك أشوف الموظف الجديد ساره:اها حياك تركي وهو يطالع سحر:حياك بينا سحر رفعت راسها وصارت تناظر في أي مكان إلا تركي وبهمس:الله يحيك مشكور تركي :اليوم مسوين اجتماع لكل الموظفين ولازم الكل يحضر وأنتي بعد علشان تتعرفين هنا على كل الموظفين وهم بعد يعرفونك يعني هذي عاده عندنا علشان تتعودين على كل الموجودين وتأخذين راحتك سحر وهي تهز راسها:ان شاء الله تركي:ساره اسمعي ترى بعد شوي عبدللطيف راح يجيب لك أوراق ومعاملات وابغاه على طول في الكمبيوتر ساره وهي ترفع يدها مثل العساكر:حاضر وهذي اللي معاي لنوره وهو يمد نصها لنوره :ابغاك تخلصينها ويمد النص الثاني لسحر:وهذا لك ابغى أشوف شغلك ....قالها هالكلام وهو يرفع حاجبه وكأنه اللي يقلل من قدرها وإنها ما تعرف تشتغل خذت الأوراق وظلت تطالعهم علشان ما تطالعه وهي في نفسها :اوريك من اللي تشك في قدراتها ابتسم تركي:والحين أخليكم تكملون أشغالكم وطلع وهي رفعت عيونها تتابعه ولما وصل عند باب مكتبه التفت لها وهي على طول نزلت عيونها في الأوراق اللي قدامها بس لمحت ابتسامته لها وما فهمتها بس خافت منها &&&&&&&&&&&&&&&&&&&&&& تجهزت ولبست وخلصت وتنتظر عبدالمجيد يجيها علشان يوصلها الجامعه مثل ما اتفقوا وفعلا ما مر ثواني إلا عبدالمجيد يدق عليها جوال ويقول لها تطلع لبست عبايتها وطلعت وركبت وهي تجهز نفسها علشان إذا فتح معاها موضوع طلال مثل خالتها أم عبدالمجيد وهي مجهزه ردها عليه وهي مقرره انها تحاول تقنعه علشان يوقف معاها في رفضها وطول الطريق كان هدوء لحد ما وصلوا الجامعه ونزلت وما تكلم معاها في شي الجوهره:غريبه توقعته راح يقول شي عن الموضوع بس الحمد لله ان عبدالمجيد من النوع اللي يقدر ولا يبغى يضغط علي ولا كان ما أفتكيت من عوار الرأس ابد .....وانتبهت انها سرحانه وهي لحد الحين واقفه بعبايتها وبسرعه فسختها وراحت تلحق على المحاضره الأولى علشان ما تطرد منها &&&&&&&&&&&&&&& خلصت إدخال البيانات بأسرع وقت وعطتهم ساره وطلبت منها توديهم مع معاملاتها وبعدها بساعه جاء وقت الاجتماع وجلس الكل كان الاجتماع لقسم موظفينه بس تركي:اجتمعت معاكم اليوم لاننا زي العاده إذا جانا موظف جديد نتعرف عليه وعلشان هو يتعرف علينا ويصير في تعاون ورح رياضيه بينا في الشغل واليوم عندنا موظفه جديده وهو يطالع سحر والكل يطالعها: ممكن تعرفينا عن نفسك وتكلمينا عن شهاداتك إذا ما عندك مانع سحر في نفسها:والله رحت فيها بس لا ما لازم أبين أني مرتبكه وقالت بصوت واضح:اسمي سحر عبدالمحسن ذياب............ولمحت ابتسامه تركي وكملت :شهاداتي بكالوريوس سكرتاريه وعندي شهادات دبلوم لغة انجليزيه وحاسب الي وبدت تعدد الشهادات.... وبعدها سكتت وبين الإعجاب في عيون البعض تركي:طيب ليه ما اشتغلتي في سكرتاريه كان أحسن لك سحر:أفضل الاحتفاظ بالاجابه لنفسي هز رأسه بمعني فهمت وبعدها تعرفت على الموظفين وبعدها خلص الاجتماع وقبل ما تطلع ناداها تركي:انسه سحر سحر التفتت وبكل رسميه:نعم أستاذ تركي :خلصتي التدقيق والشغل اللي عطيتك إياه سحر:ايه تركي:ابغى أشوفه على مكتبي بعد شوي سحر ما قالت له انها قالت لساره توديه مع ملفاتها علشان ما يثبت عليها انها خايفه وراحت وخذت ملفاتها من ساره وطقت عليه المكتب تركي:تفضل دخلت وحطت الملفات ولما لفت تطلع سمعت صوته تركي بسخريه :سحر أحلى من نوراه بكثير لفت عليه سحر وبكل ثقة:نواره ماتت ما لها وجود بعد اليوم تركي وهو يقوم لها :صدق ما صدقتك سحر:مو مضطره اثبت لأحد صدق كلامي ما دامني واثقه من نفسي تركي:تدري ان ابو شملان صديق عمي وشريكه في المؤسسه و دائما يجي المؤسسه حست بخوف وما فات تركي رجفتها سحر:ادري شفته تركي باهتمام:وهو شافك سحر:لا ما شافني تركي هز رأسه ورجع مكتبه سحر كملت مشي ناحية مكتبها ووصلها صوت تركي:هو يجي المؤسسه كل سبت وثلاثاء علشان يوقع أي أوراق تحتاج توقيع لا تخلينه يشوفك في هاليومين وانتبهي سحر لفت له وشافت عيونه على الأوراق وقالت: شكرا .........ومشت لمكتبها بسرعه وتركي ظل يطالع الباقي من طيفها:العفو..........ورجع لشغله وأوراقه |
تابع في مثل هالوقت الكل يريح من دوامه أو اللي في بيته يتغدى وهو واقف من ساعه ونص ينتظرها لما تقوم من عند المحل يبغى يعرف عنها كل شي وهو اتخذ قراره أمس وراح ينفذه وما راح يتراجع عنه ابد وبعد ربع ساعه شافها قامت ووقفت سياره في الشارع المقابل وهي راحت لها وركبت ولما دقق في السواق لقاه هو نفسه الرجال المقزز المقرف فيصل:ايه أكيد هذا زوج امهم الله لا يبارك فيه مشت السياره وهو وراها بس من بعيد علشان ما ينتبه له اللي يسوق له وبعد فتره دخلوا حاره متواضعه وأهلها ناس بسيطين ونزلت البنت وكانت هالمره لحالها والبنت الثانيه والصغيره مو معاها وبعدها حركت السياره والبنت دخلت البيت فيصل:هذا بيتهم يله بسم الله وعلى الله توكلنا نزل من سيارته ووقف عن الباب وخذا نفس وطق الباب ما سمع احد يرد عليه ورجع يطق الباب وبشكل أقوى وسمع صوت بنت حنان:مين عند الباب فيصل عرفها من صوتها:أنتي الأخت حنان صح ولا انا غلطان حنان بخوف وهي تفتح طرف الباب وهي لابسه حجابها على راسها :من انت ولما شافته شقهت حنان في نفسها:هو المحامي ايه هذا هو بس ايش يبغى حنان:مو انت المحامي فيصل:ايه انا المحامي وآنا جاي ابغى اكلم الوالده إذا ممكن حنان:والله ما ادري إذا اقدر أدخلك وسكتت وكأنها حايره......وشاف البنت الصغيره رؤى جات ووقفت جنب أختها وسمعوا صوتها من بعيد حنين:حنان من عند الباب حنان وهي تطالع فيصل :المحامي حنين وهي تلبس عبايتها وتحط الشيله على راسها وتجي لهم:أي محامي .......وسكتت وهي تشوفه حنين:انت خير نعم وش تبغى جاي عندنا في بيتنا فيصل :انا جاي اكلم الوالده حنين باستغراب:أمي و ليش ان شاء الله فيصل:هذا شي خاص بيني وبين أمك ممكن تعطينها خبر حنان تطالع أختها وتنتظر ردها وظلت لحظه تفكر حنين في نفسها:وش عنده جاي وش يبغى من أمي ادخله وبعدها اعرف وش عنده حنين:انتظر بس اعطي أمي خبر فيصل بكل جديه مثل ما تعود:طيب ........ولف وجهه عنهم وظل يطالع الحاره لحد ما وصله صوتها:ادخل حنان :تفضل فيصل :مشكوره .....ومشت قبله حنان علشان تدله على غرفة أمها وخلوا باب الشارع مفتوح دخل عليهم الغرفه كانت غرفه بسيطة وماشي حالها وكان في الكرسي المتحرك مره كبيره في السن مو كثير بس تعتبر كبيره ومبين ان الشقى كبرها زيادها على كبرها فيصل:السلام عليكم يا خاله أم حنين:وعليكم السلام يا وليدي فيصل:أنتي تعرفين من انا يا خاله أم حنين أشرت برأسها :حنين قالت لي بس وش بغيت أمر فيصل وهو يطالع حنين وحنان ورؤى :انا بتكلم بس اتمنى محد يقاطعني أم حنين:تفضل يا وليدي محد بيقاطعك فيصل: أكيد قالوا لك بناتك انهم قبل فتره كانوا عندي وطلبوا مساعدتي حنين :تقاطعه وبكره:ايه ورفضت تساعدنا لاننا فقراء أم حنين:حنين خلي الرجال يكمل ولا تقاطعينه حنين وهي تطالع فيصل بكره:ان شاء الله يمه....... فيصل يكمل :صحيح اللي قالته بنتك انا رفضت من قبل بس الحين انا جاي وآنا عازم إني أساعدكم وأشيل عنكم الهم وأنصركم ان شاء الله مثل ما نصرت غيركم وابغى منك تساعديني علشان ترتاحون من زوجك ومن بهذلته لك ولبناتك أم حنين:والله يا وليدي وش اقدر أسوي قولي فيصل:مبدئيا ابغاك تعطيني كل الأوراق اللي ممكن تثبت ان زوجك خذا منك شي أو ان زوجك المتوفى ابو حنين ترك لك حلال أو أي شي يثبت لك حق أم حنين:ان شاء الله ..........وتلتفت لحنين:حنين يمه روحي جيبي كل الأوراق الموجوده حنين:ان شاء الله يمه...........وراحت وبعد فتره رجعت بها ومدتها له وهو انتهز هالفرصه علشان يشوف عيونها اللي حبهم حتى قبل ما يعرف من هي وحب لونهم العسلي وتخيل لو في هالعيون نظرة حب كيف بتكون عيونها راح تكون تشع أو أكيد فيها نور خافت .....و صحى على صوت أم حنين أم حنين:يا وليدي ترى هالأوراق من عند درج زوجي عساف إذا درى اننا خذيناها بيذبحنا فيصل:لا تخافين يا خاله راح أصورها بسرعه وارجع ........... والخالة هزت راسها وهو قام بسرعه وطلع من البيت وراح لأقرب محل تصوير وعمل نسخ من كل الأوراق ورجع لهم مره ثانيه وطق الباب وفتحت حنين فيصل:أنتي وشلون تفتحين بدون ما تقولين من عند الباب حنين:لان بكل اختصار محد يطق بابنا ابد فيصل:حتى ولو حنين تأففت وما ردت عليه وفيصل مد لها الأوراق :خلاص كل الأوراق عندي الحين بس أنتوا لازم تسوون لي توكيل حنين :بس أمي ما تقدر تطلع من البيت فيصل:ممكن هي تسوي لك التوكيل وأنتي تخلصي الإجراءات بدالها حنين:خلاص انت سو اللي يلزم وجب التوكيل وأمي راح توقعها فيصل:الموضوع مو بمثل هالسهوله بس راح أسوي اللي اقدر عليه علشان اخلص موضوعكم بأسرع وقت حنين:مشكور فيصل:العفو ..........ومشى بس وقفه صوت حنين:أستاذ فيصل فيصل وهو يلتفت:نعم حنين:انت ليش الحين غيرت رايك و تبغى تساعدنا فيصل اشر على قلبه بيده ولف عنها وكمل مشي وركب سيارته واختفى من قدام بيتهم حنين:ايش يقصد بها الحركه أكيد يقصد انه مشفق علينا وإننا كاسرين خاطره الله يعين يارب وان شاء الله صدق يقدر يساعدنا وصكت الباب ورجعت لامها وخواتها &&&&&&&&&&&&&&&&&& جات على وقتها اللي اتفقت فيه مع الجوهره عند الباب صادفهم ماجد ماجد وهو يرحب:هلا والله وغلا بخالتي بست الكل أم دلول:ههههه هلا فيك يا ولد الغاليه ماجد:افا هي الغاليه وآنا اللي أرحب فيك صار لي ساعه مافي كلمه حلوه لي منك يا قميل أم دلول:ههههه الله يقطع إبليسك ما تجوز ما حركاتك وكأني ما أعرفك ماجد:ظالميني والله ظالميني أم دلول:انت تظلم بلد كامله وما احد يقدر عليك ماجد:ههههههههه حياك يا خاله ودخلت وشاف دلول عند السواق وزي العاده طايحه فيه تهزئ دلول: يا غبي لو اتصل عليك وما اشوفك عند الباب شفت شعرك ذا اللي 24 ساعه طايح فيه تمشيط بحلقه لك صلعه السواق المسكين:لا ماما كلو إلا شعر انا خلاص ماما إنتي اتصل على انا انا في أجي على طول دلول:ايه ناس ما يجون إلا بالمكينه صكت الباب ومشى السواق وسمعت ضحكه:ههههههههههه ماجد:وأنتي ما تتركين احد في حاله معذبه الكل دلول:ليه لا يكون معذبتك وآنا ما ادري ماجد بنبره هاديه:من زمان دلول وهي تتخطاها :والله ما ادري من اللي معذب من ماجد وقف قدام الباب :وش قصدك دلول لفت وجهها وبنبرة ضيق :ما اقصد شي ماجد بهدوء بعد ما لاحظ ضيق دلول:دلال وش فيك دلول طالعته وابتسمت بمراره :ما فيني شي وخر يا ماجد خلني ادخل ماجد:في احد مضايقك أو مزعلك دلول:يعني تهتم أقول وخر الله يخليك ترى والله ما لي خلق بروحي اللي فيني مكفيني..........وخر عن الباب وهو مستغرب وهي مشت ووقفت شوي بنص الصاله تسحب هواء وتطلعه وتبتسم وتدخل على أمها وخالتها علشان تسلم وماجد لسى واقف يطلع خيالها اللي راح وعلى طول وبدون تفكير طلع جواله واتصل على المنقذه الجوهره في غرقتها شافت رقم ماجد واستغربت:هلا ماجد ماجد:هلا أختي الجوهره:أنتي وينك برى البيت ماجد:لا في البيت ما طلعت بس داق اقولك اليوم تعرفين إذا تحبني ولا لا ابنجن لو ما عرفت الجوهره:شوي شوي هدي وش السالفه ماجد وهو يلمح دلول تصعد الدرج:شوفي أختي دلال جايه لك الغرفه الحين ابغاكي تعرفين منها إذا تحبني ولا لا الجوهره طيب بحاول .......ويقاطعها طق دلول للباب الجوهره لماجد:اسمع خلك على الخط ولا تصكه ابد وافتح أذانيك عدل ماجد:طيب الجوهره وهي عارفه انها دلول:تفضلي ميري دلول وهي تدخل:حرام عليك تشبهيني بميري الجوهره:ههههههه ما توقعته أنتي لاني متعوده عليك تدخلين بدون ما تطقين الباب دلول:التغيير حلو .. وجلست وتنهدت الجوهره وهي تمسك يد دلول:عسى ماشر حبيبتي وش فيك شكلك متضايقه دلول ومبين عليها الضيق:لا عادي ما فيني شي الجوهره :دلول أنتي عارفه ان احنا خوات وما تعودنا نخبي على بعض شي دلول ناظرتها وبعد فتره :أسالك سؤال الجوهره :اسألي حبيبتي دلول:وش تسوين إذا حبيتي شخص ما يدري عنك كيف المفروض تتصرفين الجوهره وهي فاهمه بس تبغى ماجد يسمع لأنها حاطه الجوال على السرير بينها وبين دلول الجوهره:أنتي تحبين يعني دلول طالعت الجوهره وما ردت الجوهره:فضفضي حبيبتي قولي كل اللي بخاطرك دلول:أحبه بس ما يدري عني الجوهره:من...من اللي تحبينه دلول و العبره خانقتها:مجود المعفن الجوهره وهي تمثل انها متفاجاه:من مجود تقصدين اخوي دلول:ايه بس وش الفايده راح يتزوج الجوهره:طيب أنتي من متى و ليش ما قلتي لي من قبل علشان ما أخليه يخطب احد غيرك حبيتيه دلول: مو مهم من متى بس ما حسيت بقيمته إلا لما حسيت إني بفقده الجوهره وهي تبتسم وماسكه ضحكتها:طيب يمكن هو يحبك دلول:هههه لا تضحكيني هو خطب وخلص الجوهره مو قادره تمسك ضحكتها:ههههههههههههههههه دلول:مالت عليك وش يضحكك انا الغلطانه الي اقولك عن مشاعري الجوهره توقف وتمسك دلول اللي بتطلع زعلانه:لح كح كح لحظه هو ما خطب ولا شي دلول متفاجاه:ايش الجوهره:ايه والله ما خطب دلول:بس أنتي قلتي انه خطب الجوهره:بس انا كنت شاكه انك تحبينه وحبيت اتاكد بس دلول وهي تخنق الجوهره:يالخايسه و مخليتني أتعذب الجوهره وهي تبعد يد دلول:ههههههه ما لقيت طريقه غير كذا دلول حطت يدها على قلبها:أشوى الجوهره :وش رايك اعرف إذا يحبك أو لا دلول:تقدرين الجوهره:ايه دلول:لا لا ما ابغى الجوهره:يعني ما نفسك تعرفين دلول :والله ما ادري بس أنتي تتوقعين يعني يحبني وآنا كل ما أشوفه اتهاوش وياه الجوهره :الحين نعرف الجواب ورفعت الجوال وحطته سبكر ودلول مستغربه من الجوهره وتنتظر تشوف ايش تسوي الجوهره تكلم ماجد:ها انت تحبها ولا لا دلول فهمت وشهقت ماجد بصوت عالي :إلا أموت فيها دول صار وجها احمر وبصراخ :يا لحماره يعني كل اللي قلته سمعه انا اوريك وتهجم على الجوهره اللي ميته ضحك أما عند ماجد تحت قام يناقز وينادي أمه:أم عبدالمجيد يالغاليه يمه جات أم عبدالمجيد وهي تركض ومعاها أم دلال:عسى ماشر يا وليدي ماجد:يمه ابغاك تخطبين لي وبسرعه أم عبدالمجيد:ها ..... بعد ما استوعبت :والله الساعه المباركه من هي اعرفها ولا تبغاني أدور لك ماجد وهو يناظر أم دلال:خالتي تزوجيني بنتك أم دلال طلعت عيونها :دلول ماجد :ايه ها وش قلتي يا خاله أم عبدالمجيد:وش فيك ما تردين وين تلقين مثل وليدي بسم الله عليه أم دلال:ايه والله وهذي الساعه المباركه يوم تأخذ بنيتي و انا ما عندي مانع ولا راح ألقى أحسن منك يا وليدي ماجد: ياسلام ...... ويقوم يرقص عرضه ويتنكس أم عبدالمجيد تضحك على ولدها أما أم دلال:عاشوا يالله وراء ......ودخلت جو مع ماجد وهي تصفق وتضربها أم عبدالمجيد على كتفها:الحمد لله والشكر الولد وقلنا استخف وفرحان لانه خطب بس أنتي وش عندك تنكسين معاه أم دلال:يا بنت الحلال خلينا ننطرب ونشاركه الفرحه عاد احنا وش ورانا ماجد وهو يغني:وما يطيق الصبر وام دلال :هذي فرحت بنتي وتتنكس معاه وميري جات:ايش في أم عبدالمجيد:هالمخبل ماجد خطب دلال والبنت ما بعد وافقت وهذولا يرقصون لا واللي ألعن أم دلال ترقص كأن بنتها وافقت الحين أم دلال :بتوافق هي ودها تعيش عند الجوهره ميري:الله في ارس ياسلام....... وتصفق: اشوووو اشووو سوي وراء سوي قدام سوي كل اتجاه وقعدوا ضحك واللي فوق ما يدرون عن شي وبعد ما هدو ماجد:معليه يا خاله لو تسألينها الحين أم عبدالمجيد:يا ولد ما يصلح أثقل أم دلال وهي تلتفت لماجد:ما عليك منها الحين روح اسألها ماجد يبوس رأس خالته :لا خلا ولا عدم وصعدت أم دلال لغرفة الجوهره وطقت الباب الجوهره وهي تعدل شعرها بعد الضرب اللي جاها :تفضل أم دلال:السلام عليكم الجوهره وهي تسلم:هلا وغلا وعليكم السلام أم دلال: وش أخبارك الجوهره:الحمد لله أم دلال تلتفت لدلال وبدون مقدمات :اسمعي يا بنيتي ماجد خطبك قبل شوي ها وش قلتي دلول طلعت عيونها:ايش ....ورجعت تناظر الجوهره الجوهره على طول:والله ما لي دخل هذي ما ادري عنها ودلول حست بإحراج ونزلت راسها وما ردت أم دلول وهي تجلس جنب بنتها :ها يمه ماجد ما في مثله والله ينشرى بذهب وش قلتي الجوهره:دلول يا دبه وافقي علشان تجين عندي في البيت دلول وهي تحس ان صوتها اختنق وما في صوت وين اللسان الطويل والإزعاج كل هذا اختفى وما سمعوا منها إلا كلمه وحده: الرأي رايك يا يمه أم دلول حضنت بنتها:مبروك أروح أبشرهم تحت الجوهره بنذاله:تبشرين من أم دلال وهي تناظر بنتها:اللي يستنون على نار الجوهره:ههههههههه......... و حضنت صديقة عمرها وأختها وحبيبتها واللي بتصير زوجة أخوها وام دلول نزلت تفرح الكل &&&&&&&&&&&&&&& ماجد دخل على أخوه وعلي وريان في المجلس و معاهم حمد ماجد وهو شاق الحلق:أبشركم خطبت عبدالمجيد:نعم وش قلت ماجد:أقول لكم خطبت حمد:على البركه والله وقام سلم عليه عبدالمجيد:آه يالخيانه تخطب قبلي ولا تعطيني خبر ماجد:هههه هذا اللي صار عبدالمجيد:على العموم مبروك يا اخوي ماجد:الله يبارك فيك علي:ومن هذي اللي خطبتها من بنته ماجد:أختك علي تفاجأ:اخت من ماجد:أختك انت توني خطبتها وهي وافقت علي:هي وافقت عليك ماجد:ايه وليه ما توافق علي:انت وياها ملاسن 24 ساعه وشلون هي وافقت عليك وأنت خطبتها والله دنيا غريبه ريان:ما بعد عداوة إلا محبه حمد:هههه وهو صادق علي :بس انا مو موافق ابد ماجد:وليه ان شاء الله علي:انت ما تناسبنا .........وهو يرفع خشمه عبدالمجيد:ترى أختك بتطيح في كبدك إذا ما خذاها ماجد وإذا هي درت انك خربت عليها بتعيش في جحيم علي:ها.... لا لا فال الله ولا فالك لا ماجد بياخذها خلها تطيح في كبده هو وتجننه اهو ماجد:خلها تطيح في المكان اللي تبغاه حلالها وخلها تخبل بي انا راضي والكل ضحك على شكل ماجد اللي رايح فيها واللي الكل اعتقد لو كل الناس يتزوجون مستحيل دلول وماجد يكونون لبعض &&&&&&&&&&&& بعد محاولات إقناع عديده أخيرا رضت تنزل تحت ورحبت فيها أم عبدالمجيد بكلمات أخجلتها الجوهره:ههههههه والله توقعت كل الناس يستحون إلا دلول دلول رفعت راسها وبعصبيه والخجل كله اختفى:ليه احد قالك إني قليله أدب أو فاسخه الحياء الكل :ههههههههههه سمعوا صوت إزعاج والكل التفت لجهة الصاله والجوهره حست انها راحت فيها وهي تشوف اللي دخلت عليهم في صالة بيتهم وصارت تطالع ميري وميري تطالعها &&&&&&&&&&&&&& |
&&&&&&&&&&&&&&&&&&&&
البارت الثاني عشر اتمنى ينال إعجابكم(قراءه ممتعه) &&&&&&&&&&&&&&&&&&&&&& قاعدين في المجلس يسولفون ومبسوطين على الأخر سكتوا بعد الصوت اللي وصلهم قاموا يشوفون وش السالفه دخل عبدالمجيد وماجد وريان داخل الفله وظل حمد وعلي عند الباب ما دخلوا &&&&&&&&&& خلونا نرجع للوراء قبل دقايق &&&&&&&&&&&&& سمعوا صوت إزعاج والكل التفت لجهة الصاله والجوهره حست انها راحت فيها وهي تشوف اللي دخلت عليهم في صالة بيتهم وصارت تطالع ميري وميري تطالعها طلعت أم عبدالمجيد وام دلول ودلول للصاله لجهة الصوت وظلت الجوهره مكانها بدون حركه يمكن من هول المفاجاه ريما بصوت عالي:وينها وينها هي اللي بتزن أن كل الناس متلها ماعندهن دمير أم عبدالمجيد شافتها وتفاجات:ريما وام دلول ودلول دهشتهم ما كانت اقل من دهشت عبدالمجيد وماجد اللي دخلوا على اثر الصوت ريما:ايه ريما شو مفكرين لكان خلاص نسيت ولادي لا بتكون كتير غلطانين ماجد بعصبيه:أنتي هيه أي أولاد اللي جايه لهم بعد كل هالسنين مالك شي عندنا واطلعي برا عبدالمجيد:ماجد هدي أعصابك مو كذا التفاهم ريما:هدول أولادي انا ان شاء الله لو اهجرهن 20 سنه بيدلوا أولادي وآنا بدي إياهن هلا وما راح اطلع إلا لما أخدهن معي أم عبدالمجيد:أنتي ترمين عيالك وإحنا نربي وأنتي تسرحين وتمرحين وبعدها تجين تأخذينهم بالساهل بارده مبرده ريما:انا ما طلبت من حدا يربي لي ولادي بعدين كل هالحكي ما بيهمني عم تفهموا بدي ولادي وإلا قسما بالله راح جيب لكن الشرطه تتفاهم معكن أم دلول وهي تقرب تبغى تمسك ريما وام عبدالمجيد تمسكها:خلوني عليها انتفها هاللي ما تستحي خلوني عليها اعلمها قدرها الكل كان يتكلم وهو خايف ما بينهم (ريان)كان مجرد متفرج وحاس بخوف بكل بساطه مهما حاول يقلد الرجال ويتصرف مثلهم يظل طفل عمره 10 سنوات ويشوف كل هذا أكيد بيحس بالخوف وزاد خوفه لما شاف ريما لمحته واقف وراء ماجد ريما:انت أكيد ريان تأبر ألب أمك تعال لما قربت منه سمعت صوت من وراء الجوهره:اياني وإياك تلمسينه التفتوا للصوت وريان ركض باتجاه الحظن و الدفء اللي عمره ما عرف غيره ..باتجاه الانسانه اللي علمته أمور كثيره ....باتجاه الانسانه اللي بوجودها عمره ما حس انه محروم أو ناقصه شي..... باتجاه الحظن اللي يا ما ضمه ....باتجاه أخته وحبيبته الجوهره شافت ريان يركض و يتخبى وراها ولمحت إخوانها من الدرج قاعدين يتفرجون و مبين عليهم الخوف وهي لا يمكن تسمح لأي شي يخوف أغلى الناس على قلبها الجوهره:ميري اخذي ريان ونوف ونايف وصعديهم غرفتهم وخليك معاهم ولا تنزلون ميري:طيب....وخذت ريان ونوف ونايف وراحوا غرفتهم ريما تطالع الجوهره بكل وقاحه الجوهره وهي مكتفه يديها على صدرها:خير نعم ريما:الخير بوشك بدي ولادي بدي أخدهن خلاص انا ما بئدر استغني عنهن بنوب ومصاريكي خليها إليك لان فلوس الدنيا كلها ما بتغنيني عنهن ماجد واللي مو فاهم شي:أي فلوس اللي تتكلمين عنهن ريما:اسأل حضرة الست أختك والتفتت للجوهره:شو مائلتي إلهن عن سالفة المصاري الجوهره:طالعتها وما ردت أم عبدالمجيد:أنتي وش قاعده تخرفين ريما وبعصبيه:انا ما بخرف اسألي المحترمه اللي بتعطيني مصاري مشان أنسى ولادي ماجد:أنتي هيه إذا عندك بلاوي وافتراءات خليها بعيده عنا أحسن لك ولا والله لا اوريك شي عمرك ما شفتيه وإذا كنتي تظنين اننا بنصدق هالكلمتين تكونين غلطانه ريما:مو انا اللي بكزب أختك المصون اجت لعندي من سنين وألت لي انها بتدفع لي مصاري كل سنه مشان أنسى ولادي وظلت تدفع لي طول هالسنين وآنا لاني كنت محتاجه وافئت وهي استغلت هالشي وآنا أطريت أتنازل لطلباتها اللي ما بترحم أم دلول:شب مو احنا اللي نأكل حق ولا نظلم احد أم عبدالمجيد:أنتي اللي اهملتي عيالك وإحنا اللي رعيناهم ولا تقلبين السالفه وتالفين قصص على كيفك وتطلعين نفسك المظلومه الجوهره ظهرت من صمتها بسؤال واحد:أنتي ليش جايه مو أخر مره قلت لك لا عاد أشوف رقعة وجهك هنا بعد ما أعطيك فلوسك صح ولا لا ؟ الكل التفت لها والكل تفاجأ إلا عبدالمجيد يعني كلا ريما صحيح ريما بابتسامة نصر:شو هلا صدئتوني ماجد:وش اللي اسمعه يا الجوهره الجوهره ما التفت له وكملت بعصبيه:مو اتفقنا على كل شي ليه جايه الحين تغيرين الاتفاق ماجد:ردي على يالجوهره كلامها صحيح عبدالمجيد:ايه صحيح ماجد:يعني حتى انت كنت عارف الجوهره هالمره اللي تفاجات وطالعت عبدالمجيد عبدالمجيد:أكيد عارف لاني انا اللي كنت أحول الفلوس كل سنه على حسابها بناء على طلبها وكنت اعرف بالحساب اللي الجوهره تحوله الفلوس ماجد:يعني انا أخر من يعلم ريما:اسمعوني منيح انا ما بيهمني هالحكي كلو بعطيكن ساعه ونص تجهزوا فيها أغراض الولاد وبعدها راح أجي واخدهن وإذا ما رضيتوا راح جيب لكن الشرطه عم تفهموا وطلعت وخلت الكل في تساؤلات وعقول عاجزه عن التفكير أم عبدالمجيد وهي تجلس على الكرسي:وش السواه أم دلول:والله يا أختي ما في غير إنكم تعطونها عيالها الجوهره بعصبيه وصراخ لأول مره من سنين:لا هذول مو عيالها هذول عيالي انا ...انا اللي ربيت وآنا اللي كبرت وانا اللي سهرت مو من حقها تأخذهم تفهمون مو من حقها عبدالمجيد:هدي وآنا اخوك الجوهره:ايش اهدي تأخذ مني روحي وتقول لي هدي لا والله ما تأخذهم إلا على جثتي سامعين .........وصعدت الدرج وهي معصبه ومشوشة ومشتته وحاسه عمرها ضايعه دلول:انا بصعد أشوفها .......وصعدت وراء الجوهره ماجد:كنت تدري وساكت ما قلت لنا عبدالمجيد:ايش اقولك هي حتى ما قالت لي انا عرفت من خلال البنك عن طريق صديق لي وآنا ما قلت لأحد علشان ما أحسسها إني ما أثق فيها وبعدين انا ما حبيت اعرف إلا علشان اتطمن انها مو في مشكله كبيره ولما عرفت انها لريما استنتجت وبعدين ما حبيت أتدخل ولا احد يتدخل لان الجوهره طول عمرها شايله إخوانا وشايله نفسها وما حبيت احد يحسسها بالعجز بتدخلنا وبعدين الحين انت المهم عندك ليش ما عرفت ولا وشلون ما نخلي ريما تأخذ العيال ماجد تنهد بضيق وسكت ومارد على أخوه &&&&&&&&&&&&&&&& طلعت من البيت وركبت التاكسي اللي قالت له يستناها ونزلت في الشارع المتفق عليه وشافت سيارته راحت لها وجت من جهة نافذة السايق ريما:عملت اللي ألتلي عليه طلال وهو ينفخ هواء السيجاره:تمام مد يده وفتح درج السياره وطلع منه ظرف مليان فلوس وعطاه ريما وهي تضحك ريما:شو هلا طلال:أنتي روحي وآنا بتصل عليك إذا بغيتك ريما:ماشي وراحت وقعد طلال ينتظر وهو متوقع ان كل شي بيمشي مثل ما خطط &&&&&&&&&&&&&&&& طقت الباب ما جاها رد فتحت الباب ودخلت شافت صديقتها شافت الجوهره قاعده على السرير وحاطه راسها بين أيديها ..جلست جنبها وحطت يدها على كتفها دلول:لا تخافين ان شاء الله كل ش بيكون تمام رفعت الجوهره راسها وطالعتها تفاجات دلول بدموع مليانه بعيون صديقتها أختها... بدموع ما شافتها من سنين... بدموع ما شافتها إلا يوم عزا أبوها الجوهره بعيون مليانه دموع منع من نزولها الكبرياء:حاسه بموت يا دلول لو خذوهم عني بموت دلول وعيونها تدمع:بسم الله عليك يا أختي من الموت الجوهره:هم نوري يا دلول هم حياتي هم فرحتي انا عمري ما حسيت إني أختهم انا أحس إني امهم انا حظرت أول خطوه لهم وأول كلمه نطقوا بها وأول حرف كتبوه انا لو ما أصبح بهم وأمسي ببوسه على رؤوسهم ما أحس بطعم لحياتي وشلون لو خذوهم مني..... ورجعت راسها بين يديها والعبره خنقتها:اااااااااااااه يا دلول أول مره أحس بالعجز هالكثر دلول:ان شاء الله بنلاقي حل وما راح تأخذهم الجوهره :بس هي لو راحت للقانون بينصفونها هي لأنها هي امهم مو انا يا دلول وبصوت مرتجف:ياربي وش أسوي يالله دلول ما قدرت تستحمل وحضنتها:بس حبيبتي بس الله بيحلها من عنده ان شاء الله سمعوا طق على الباب ودخل ماجد ودلول لما شافته قامت علشان تتركهم لحالهم وقبل ما تطلع عطت ماجد نظره معناها خلك معاها مو ضدها نزل ماجد نظره ورجع رفعها للجوهره اللي لحد الحين على وضعيتها مشى لحد ما وقف قدامها ونزل لحد رجولها وهي رفعت راسها ماجد وهو يمسك يدها:أسف يا أختي المفروض بدل ما اسأل وأعاتب أوقف معاك........وباس راسها الجوهره:ولا يهمك ماجد:بنلاقي حل لا تخافين كلنا معاك ومو بس أنتي الي تعتبرينهم قطعه منك ومن روحك حتى انا ما أتخيل حياتي بدون ريون بدون ظلي الصغير بدون النسخه المصغره مني وشوي ودخل عبدالمجيد ماجد وهو يحاول يلطف الجو:يعني ما تعرفون تخلون الواحد يسوي روحه عاطفي ويعبر عن شعوره عبدالمجيد:أصلا الدور ما يلوق لك شايف خشتك ما توحي بالعاطفه إلا بالألم وعسر الهضم الجوهره ابتسمت عبدالمجيد:فديت هالضحكه.......وجلس جنبها ومسك يدها الثانيه :لا تخافين بحاول معاها بكل الطرق علشان ما تأخذهم بس أنتي لا تخافين واذكري الله الجوهره:لا اله إلا الله محمد رسول الله ماجد:أموت على دنجوان العائله الجوهره ابتسمت وهي عارفه انهم يبغون يخففون عليها ويلطفون الجو:الله لا يحرمني منكم ماجد:يالله ترى ما حب الأفلام الهنديه الجوهره:انا أسفه لاني ما قلت لكم عن سالفة الفلوس وريما بس انا تعودت أشيل مسؤوليتهم لحالي وما أحب أوقف مكتوفه اليدين وآنا اقدر احميهم من أم مثلها وقلت ما له داعي اعور روسكم ما دام إني اقدر احل المشكله بنفسي بس انا كنت غبيه لاني ما خذيت عليها أي إثبات انها كانت تأخذ مني فلوس عبدالمجيد:ولا يهمك حبيتي وإحنا أصلا مو زعلانين لاننا نعرفك ونعرف انك قدها وقدود وهذي مشكله بسيطة وبنحلها ان شاء الله ماجد:أنتي الجوهره بنت سالم تشيلين نفسك وتشلينا معاك لو بغيتي ما ينخاف عليك وإحنا واثقين من هالشي الجوهره:تسلمون لي يا نظر عيوني ماجد:اوهووووووو رجعنا للأفلام الهنديه مره ثانيه الجوهره:ايش راح نسوي الحين عبدالمجيد:راح اعرض عليها فلوس 500 ألف أو حتى مليون ما يهم أهم شي تكتب لنا تنازل عنهم ماجد:ايه والله جبتها عبدالمجيد:والله هذي فكرة خالتي أم دلول مو فكرتي ماجد:فديت قلبها دائما راعية فزعه هي ..ويحط يده على قلبه :وروحي اللي معاها عبدالمجيد:صدق انك فاضي الجوهره معاك رقم ريما الجوهره:ايه عبدالمجيد:عطيني إياه طلعت جوالها وأعطته الرقم اتصل عليها وردت ريما:الو عبدالمجيد:معاك عبدالمجيد ريما:شو خلصتوا تجهيز الولاد عبدالمجيد:كم تأخذين وتنسينهم ريما:شو ما عم تفهموا ألت ما بيع ولادي ولا بكنوز الدنيا كلها عبدالمجيد:حتى لو كان ب 500الف ريما بلعت ريقها بس تذكرت طلال وخافت:ولا بمصاري العالم كلها وكلوا ساعه وبجي أخدهن.. وصكت الخط الجوهره:ها وش صار عبدالمجيد:مارضت ماجد:هذي لو جات ذبحتها عبدالمجيد:ماجد وش هالحكي بلا كلام فاضي بس أقول ماجد:اووووف انا بنزل يمكن اللي تحت يلقون لنا حل........اشر له عبدالمجيد برأسه بمعني ايه وطلع ماجد عبدالمجيد:حسبي الله عليها كنا مبسوطين وجات وفاجأتنا وخربت علينا كل شي الجوهر ما انتبهت إلا على كلمه وحده :فاجأتنا وتكررت الكلمه في راسها ولحقتها كلمات ثانيه فاجأتنا فاجأتنا مفاجأه أنتي قررتي تحملي مفاجأه بكره أنتي قررتي تحملي مفاجأه بكره معقوله ليش لا هذا يسويها التفتت على عبدالمجيد :ممكن يا اخوي تتركني لحالي شوي وما تخلي احد يدخل علي عبدالمجيد:طيب راح أخليك ترتاحين وراح أقول لهم محد يدخل عليك الجوهره:مشكور طلع عبدالمجيد وهو خذت الجوال واتصلت بسرعه &&&&&&&&&&&&&& في غرفة جنب غرفة الجوهره نايف:ميري الحين بياخذونا من الجوهره وبيبعدونا عنها انا ما ابغى أروح ميري:ما في كوف ان شاء الله ما في روه نوف وهي تبكي: انا ابغى اقعد عند ماما ما ابغى أروح أي مكان ميري:كلاس مافي كوف هزا حرمه هماره مافي أخد أنتا ريان:انا متأكد ان الجوهر ما راح تخليها تاخذنا .....وهو يطالع ميري برجاء:صح ميري ميري هزت راسها وهي تتمنى فعلا انها تقدر ما تخليها تأخذهم لان هي بعد تحبهم وما تقدر تستغني عنهم نايف:انا خايف نوف:انا بعد ذيك الحرمه تخوف كأنها وحش وصوتها عالي ريان وهو يجلس بينهم ويمثل دور الرجال القوي الكبير اللي يحميهم:لا تخافون مادام انا معكم وبعدين أنتوا تعرفون ان الجوهره تحبنا صح نوف ونايف هزوا روسهم ريان:يعني ماراح تخليها تاخذنا و بتوريها شغلها نايف:يعني بتطردها برا نوف:ايه تطردها برا ريان:بس احنا لازم بعد نبين للكل ان احنا قويين مثل اللي ربتنا صح نايف بابتسامه بريئه:صح نوف وهي تمسح دموعها:انا مثل ماما ما ابكي ميري تبتسم لهم وتتمنى ان كل شي يكون تمام ويظلون مع بعض وما في ش يفرق بينهم &&&&&&&&&&&&& قاعد في سيارته واتصلت عليه وشاف رقمها ورد عليها بقرف طلال:انا ما قلت لا تتصلين ريما:انا متصله مشان إلك أنهن اتصلوا فيني طلال بملل:وبعدين ريما:وعرضوا علي مصاري مشان أتنازل عن ولادي بس انا رفدت طلال:زين سويتي أكيد أنتي ما ودك تتركين البلاد ولا انا غلطان ريما بقهر:لا منك غلطان طلال:يله.....وصكر السماعه وهو يرجع الجوال رن مره ثانيه شاف الاسم ورد وهو مشتاق يسمع صوتها طلال:عجبتك المفاجاه الجوهره بصوت مقهور :يعني مثل ما توقعت هالحركه منك بس الصراحه أهنيك على عقليتك المبدعه طلال:غيرتي رايك ولا لحد الحين على رايك القديم الجوهره بصوت مهزوز وتحاول تمسك نفسها:توقعت أي شي إلا انك تهددني بأغلى ما على قلبي ان كنت من قبل أكرهك فانا الحين أكرهك واحتقرك فاهمني طلال:مو مهم موافقه ولا لا الجوهره تسحب نفس علشان تستعيد السيطره على نفسها:اطلب من ريما انها تتنازل عن عيالها ولما تتنازل موافقتي راح يبلغك إياها عبدالمجيد وصكت الخط ووقفت وراح جهة البلكونه تشم شوية هواء لأنها تحس نفسها مخنوقه &&&&&&&&&&&&&& صكت الخط بعد ما قالت له انها موافقه ورجع هو اتصل على ريما ريما:الو طلال:تروحين بيت عبدالمجيد وتتنازلين لهم عن عيالك ريما: شو أتنازل عن ولادي إلهن طلال:إللي سمعتيه ولا قسما بالله لا أخليك ترجعين على أول طياره لبلادك وترجعين لحياة الطراره في الشوارع ريما خافت يسويها:لا خلاص بتنازل صك في وجهها رجع يتذكر صوتها قبل ثواني اللي حس برجفة فيه مو هذا اللي يبغاه.... هو يا ما تمنى يكون سبب سعاد ودفئ لها ..يا ما تمنى يكون السند والعزوة لها..يا ما تمنى يكون لها الشي الكثير مو يكون السبب في جرحها بس هو مضطر لو ما سوا كذا مستحيل توافق عليه تنهد بضيقه ورجع رأسه على الكرسي وغمض عيونه وهو يقنع نفسه انه بعد الملكه راح يحاول يغير كل شي.. كل شي &&&&&&&&&&&&&&&& قاعده في غرفتها وملت وقررت تنزل تحت بعد ما عرفت ان أختها موجوده ومادام أختها موجوده أمها ماراح تقدر عليها نزلت ولقت أمها وأختها في قاعدين يشربون شاهي عبير:السلام عليكم سحر:هلا وغلا وعليكم السلام أم خالد بدون نفس:هلا رن تلفون البيت وردت أم خالد عليه:هلا والله – كيف الحال- بخير الحمد لله - هذي الساعه المباركه ولله وين نلقى أحسن منكم – ان شاء الله – على خير – مع السلامه سحر وعبير طول المكالمه يطالعون بعض أم خالد وهي تلتفت على سحر:على البركه يا يمه سحر:على وشو أم خالد:هذي أم نهار متصله تخطبك لولدها نهار عاد هو ما يتفوت عبير:و سحوره حبيبتي ما شاء الله ما عليها كلام والمنه عليه إذا وافقت أم خالد:الحمد لله والشكر والله مصدقين نفسكم سحر:حسافه ان هاللقطه بيطير من يدي أم خالد:وش قصدك سحر:يدور غيري أم خالد وقفت وبعصبيه:نعم وش يدور غيرك ليه هو وش ناقصه خير وعنده وفلوس وغرقانين بها وش تبغين أكثر من كذا سحر ببرود:يمه لا تعورين راسي مالهم نصيب عندنا أم خالد:مو على كيفك عبير:يمه هدي لا يرتفع عليك الضغط أم خالد:شب أنتي وأنتي الثانيه بتتزوجينه ورجلك فوق رقبتك سحر وعصبت وما هماه احد:سمعيني يا يمه زواج مو متزوجه ولا تحدوني اتصل عليهم وأهزئهم وأفشلكم تراني أسويها ولا همني احد وأنتي تعرفيني زين أنتي يمكن تقدرين على الكل بس مو علي مو انا اللي أنغصب على شي ما أبيه تذكري هالشي زي يايمه انا غير أم خالد:حسبي الله عليكم من بنات ما تسمعون الكلام ....وصوتها يعلى وهي تصعد الدرج:عاصيات حسبي الله عليكم عبير:وش فيك أنتي انجنيتي احد يكل أمه بها الطريقه المفروض مهما صار ما تعلين صوتك عليها سحر بلا مبالاة وهي تصب شاهي تشربه:الله يخليك تركي عنك الفضائل والحكم وأمك ما عليك منها ..المهم في فلم رهييييب اليوم وش ريك نتابعه عبير:الله يهديك سحر وهي تبتسم:أمين بس ان ابغى أظل كذا قويه وما ينقدر على أحسن وبعدين في احد يتزوج واحد اسمه نهار والله أحسه من العصور الوسطى ......وتغير صوتها وتقلد أمها: نهار ما يتفوت وهو وسيم عبير:ههههههه والله انك مجنونه سحر وهي تغمز:أعجبك يله قومي اتصلي على السواق وقولي له يجيب لنا شيبسات وبيبسي وحركات علشان الفلم عبير وهي تقوم:من عيوني قامت وهي مبسوطه على أختها اللي يا ما تمنت تكون علاقتها معاها كذا من زمان &&&&&&&&&&&&& طقت الباب وما سمعت رد دخل شافتها تطالع من البلكونه وسرحانه راحت لها وحطت يدها على كتفها الجوهر :خوفتيني ميري:انا طق باب أنتي ما في رد الجوهره وهي تجلس:كنت سرحانه ميري:شلون أنتي كويس الجوهر :لا تخافين انا بخير ميري:شوف انا أجي قول تنين كلام الجوهره:قولي ميري أسمعك ميري وهي تمسك يد الجوهره:أنتي في شوف كتير وفي اتعب كتير وطول عمر انا ما في شوف أنتا زعيف أنتي قوي ولا زم أبقى قوي ولازم اعرف شي أنتي ما في قرار غلط الجوهره:أنتي سمعتيني ميري:انا مر عند باب انا اسمع الجوهره:وش رايك طيب في اللي سمعتيه ميري:انا يمكن ما في معلوم كل كلام بس انا معلوم شغله وحده أنتا ما في كسران أنتا ما في ندم علشان أنتي اربح إخوان واربح رجال نفر قوي.......وتأشر على رأس الجوهره:ولو أنتي شغل مخ شويه اعرف اكسب هوا بعدين صير سند وقوه حق أنتي الجوهره سكتت وهي تفكر في كلام ميري ميري:أنتي كل فكر في كل نفر جاء وقت فكر في نفس أنتي في مفهوم ايش انا قول الجوهره ابتسمت لميري ولنصايحها اللي وعتها وفتحتها على أشياء :أي فهمت ميري:أهين قوم غسل وجه واخذ نفس وارجع قوي زي ما انا اعرف أنتي وانزل تحت ووري كل نفر مين جوهره سالم الجوهره حطت يدها على يد ميري:ما ادري من غيرك ايش أسوي ميري قومتها وهي تدفها للحمام:يله يله غسل وجه الجوهره:طيب دخلت الحمام وطالعت المرايه الجوهره:ميري معاها حق انا ما لازم اضعف مو الجوهره اللي تضعف قدام احد ما بعد جاء من يهزم الجوهره غسلت وجهها وخذت نفس تستعيد به رباطة جأشها وطلعت وما لقت ميري في الغرفه سمت بالله وطلعت لغرفته إخوانها قبل ما تنزل تحت &&&&&&&&&&&& قاعد على العشاء والكل لاحظ سرحانه خلص عشاء وراح لغرفة مكتبه وكان قدامه على الطاوله الأوراق اللي صورها وتذكر أم حنين والاهم من هذا كله حنين فيصل:وش فيك يا فيصل ما تقدر تفكر في شي ثاني غيرها نزل نظراته وسند عمره على الكرسي وهو يرفع الأوراق قدامه مره ثانيه فيصل:لازم بكره أروح المحكمه علشان سالفة الوكاله أخلصها بسرعة واسوي الإجراءات وأفكهم من زوج امهم ومشاكله بسرعه ويرتاحون منه فتح الدرج وطلع ملف قضيه وصار يراجع الأوراق يمكن بها الطريقه يشغل تفكيره اللي ابتلى بالتفكير فيها وكأنها مرض غزا عقله وصعب يتشافى منه &&&&&&&&&&&& دخلت على إخوانها وشافتهم قاعدين مع بعض وأول ما شافوها ركضوا لها نايف ونوف وريان ظل واقف نزلت لمستواهم وخذتهم في حظنها نايف:ها ماما طردتيها الجوهره:من نوف:هذيك الحرمه الوحش الجوهره وهي تجلس وتجلسهم:ههههه لا تخافون ما راح تروحون مكان راح تظلون معاي نايف ونوف صاروا يناقزون من الوناسه ريان:وشلون الجوهره:شقصدك ريان:شلون غيرت رأيها وخلتنا نقعد وما تاخذنا معاها الجوهره :انا تصرفت وبعدين ما يهم شلون المهم اننا بنظل مع بعض صح ولا لا وفتحت يديها له وراح لها وحضنها ريان:انا ما ابغى أم ولا ابغى أي شي غيرك أنتي أمي وأختي هذيك ما ابغاها الجوهره :لا تخاف حبيبي ما في احد يقدر يأخذكم مني دخلت ميري وأشرت لها انها تبغاها الجوهره:حبايبي بروح وارجع ألاقيكم لابسين بجاماتكم علشان جاء وقت النوم اوكي الكل :ان شاء الله طلعت الجوهره :خير ميري ميري:هزا ريما في تحت وماجد سوي مشكله كبير الجوهره :يله ننزل ونزلوا وشافتهم هي وماجد صوتهم واصل ماجد:يا انك تطلعين برا ولا ترى والله لا اكسر رجولك وما أخليك تمشين مره ثانيه سامعه الجوهره:لا يا ماجد هي ما راح تطلع ماجد والكل التفتوا لها الجوهره:ريما مو جايه تأخذ إخواني ريما جايه علشان تتنازل لنا عنهم الكل صاروا يطالعون بعض ومو فاهمين ماجد:كيف يعني ما فهمت ريما:يعني ما بدي إياهن غيري رأيي أم دلول:صدق انك مو كفو تصيرين أم لها لعيال ريما :بلا تدييع وئت وخلصوني وراي أشغال عبدالمجيد عطاها ورقه وصارت تكتب انها بتتنازل عنهم وعن مسؤوليتهم وأنها خاليه المسؤولية منهم ووقعت وعطتهم إياها وقامت ريما:تتهني فيهن هههه وطلعت أم عبدالمجيد:يالله هم وانزاح افتكينا منها هالشيفه أم دلول:مالت عليها مو كفو تكون أم ولا حتى كفو الحشيمه الجوهره شعورها لا يوصف كابوس ان إخوانها يروحون عنها أخيرا اختفى و ارتاحت منه خذت الورقه وظلت تناظرها وهي مو مصدقه وتذكرت ولفت على عبدالمجيد:عبدالمجيد بلغ طلال موافقتي عبدالمجيد:نعم الجوهره:اللي سمعته وصعدت لإخوانها والكل يسال وش صاير وش هاليوم اللي كله مفاجآت أم دلول:يالله يا أختي انا استأذن نروح نرتاح ونخليكم ترتاحون أم عبدالمجيد:مشكوره يا خويتي والله آذيناكم بمشاكلنا وتعبناكم أم دلول وهي تضرب أم عبدالمجيد:يا ويلك مني لو أسمعك تقولين هالكلام مره ثانيه حنا خوات أم عبدالمجيد:تعيشين يا حبيبتي وقاموا وماجد طبعا تطوع يوصلهم للبيت بحجة ان علي أكيد في البيت نايم وما في احد يجي مع السواق علشان يأخذهم وما يصلح يروحون مع السواق في الوقت ولحالهم ركبوا ووصلوا بيتهم نزلت أم دلول:معليه تعبناك يا وليدي ماجد:وش دعوه يا خاله تعبك راحه........وهو يناظر دلول اللي ما نطقت بولا كلمه دخلت أم دلول ولما جات بتدخل دلول ناداها ماجد:دلال التفتت له :نعم ماجد:فيك شي دلال بابتسامة سخريه:لا ابد بس مقهوره من تصرف بعض الناس اللي ما توقعت مهم هالتصرف ابد ماجد:اعذريني تفاجات وانقهرت ان أختي تطيح في مشكله وما تلجا لي وتحلها بدون ما تطلب مساعده منا هالشي حسسني وكأني مو كفو ولا مو محل ثقة دلول:انت تعرف الجوهره عدل ماجد:عارف وعارفك أنتي بعد ما يهون قلبك تقسين على مجود دلول لفت وجهها وعطته ظهرها وهي ماسكه ضحكتها ماجد:ترى ما راح تلقين احد تتهاوشين معاه دلول:ما ردت ماجد:ترى لو ما رديتي علي راح أشوف وحده غيرك أخطبها انا ما أحب البنات الطرمات اللي ما يتكلمون دلول لفت له وبعصبيه:لا يا شيخ بموت انا ..انت بس سوها وآنا أعلقك في مروحة غرفة راجو وأذبحك (راجو سواقهم) ماجد:ههههههه يالله هالكثر أنتي واقعه في حبي وآنا ما ادري دلول انحرجت ولفت :مالت عليك ودخلت وماجد لحد لحين يضحك عليها &&&&&&&&&&&&&& |
&&&&&&&&&&&&& البارت الثالث عشر اتمنى ينال إعجابكم(قراءه ممتعه) &&&&&&&&&&& تمر بنا أيام نجبر على الكثير مما نكره لكن الشاطر من يستطيع ان يقلب الموازين لصالحه وييسر الأمور في سبيل خدمته ليعيش حياة أفضل &&&&&&&&&&&&&& في غرفتها وقاعده تقنع فيها أم عبدالمجيد وهي تتنهد من رأس الجوهره العنيد:انا ابغى اعرف ليش ما تبغين نسوي حفله للملكه حالك حال كل البنات الجوهره:يا خالتي انا ما أحب الحفلات ولا عوار الرأس وبعدين وش له الخساير وهو ما عنده أهل وانا أهلي ينعدون على الأصابع أم عبدالمجيد:وهاللي ينعدون على الأصابع ما يستحقون انهم يفرحون الجوهره:خالتي خلاص الله يخليك لا عاد تضغطين علي عبدالمجيد:يمه خليها على راحتها واللي تبغاه بيصير أم عبدالمجيد:بس يا وليدي...... عبدالمجيد يقاطعها:واللي يرحم والديك يالغاليه أنتي ما تبغين وناستها أم عبدالمجيد:أكيد عبدالمجيد:خلاص خليها تسوي اللي تبغاه الجوهره:والله انت الوحيد اللي فاهمني أم عبدالمجيد وهي تقوم:كيفكم والله اللي تبغونه سووه وطلعت عبدالمجيد:خلاص قررتي وخلاص الجوهره:ايه عبدالمجيد:انا بقوم ابلغ طلال وأعطيه خبر الجوهره:طيب .....وقام وطلع وظلت هي لحالها الجوهره وهي تفكر:قالوا حفله لو يدرون بس كان مسكوا هالطلال ونتفوه يا ربي هذي الحفله وخلصنا منها باقي الفستان والله يعين سمعت طقت الباب ودخلت ميري وجلست جنبها على السرير ميري:هزا كلام مزبوط الجوهره :أي كلام ميري:ما ابغى موسيقى ولا رقص الجوهره وهي تبتسم:لا ما ابغى ميري:ايش هزا كلام مافي كويس الجوهره:ليه ميري:انا ابغى ارقص ووناسه وأنت قول ما في موسيقى الجوهره :ههههههه خلاص علشان خاطر عيونك بخليهم يحطون دي جي ها زين كذا ميري وهي تبتسم:واجد هلو سمعوا خبطة الباب على الجدار خبطه قويه من طريقه فتحه خلى ميري والجوهره ينقزون من مكانهم وميري من الخوف انسدحت على ظهرها على السرير دلول:انا جيت الجوهره وهي تضحك على شكل ميري:ههههههههه هههه ميري وهي تحط يدها على قلبها:عمى ان شاء الله والله انا كوف واجد دلول:يعميك لا تدعين علي ميري:أنتا مو بنت ركيكه مستهيل أنتا باص سوا هادث الجوهره:ههههههههههه دلول:قولي ما شاء الله يا أم عيون ميري وقفت :من زين وجه أنتي انا انزل حمد لله والشكر وطلعت (من زين وجهك انا أنضلك) والجوهره لحد الحين تضحك دلول:وش فيها ذي شابه مآكله فلفل الجوهره:ما ألومها والله حتى انا بغى قلبي يوقف فتحتي الباب بقوه لدرجه حسيت الباب المسكين بيطير دلول:المهم أخبارك الجوهره:تمام دلول:أخبار تجهيزاتك الجوهره:والله ما سويت شي لحد الحين دلول :أنتي شرطتي المملكه بعد أسبوع وقدامك وقت قصير وما بعد سويتي شي الجوهره:وش دعوه دلول توني أمس موافقه وبكره ان شاء الله ببدأ أتسوق دلول:وآنا بساعدك الجوهره وخطرة ببالها حركه نذاله:لا لا ما له داعي أتعبك دلول:وش هالخرابيط لا تعب ولا هم يحزنون الجوهره:ايه بس ماجد معاي دلول ارتبكت:ها ..لا مادام كذا خلاص روحي بروحك الجوهره:ليه ما تبغين تساعديني دلول:ها ..لا تذكرت إني عندي كم شغله لازم أسويها أساعدك يوم عرسك ان شاء الله الجوهره وهي ماسكه ضحكتها:اهااا ..في ذي الحاله الله يعيني على ماجد ما ادري شكله بيخرب علي دلول:ليش الجوهره: انا ناويه أروح مجمع(.........) وتعرفين المجمع هذا كله مزاييين يعني اللي بالعبايه المطرزه واللي بالكحل الأسود وعاد ماجد يموت بأهل الكحل والعيون المرسومه وشكله بيتعبني لما نروح هناك انتبه له ولا للفساتين والأغراض اللي بشتريها دلول وهي توقف وتحاول تمسك عصبيتها:يعني حبكت معاك تروحين هالمجمع بالذات الجوهره:تعرفين إني أحب التسوق هناك دلول :انا بروح الجوهره وهي تحاول ما تضحك:توك تقولين مشغوله دلول:من قال لا لا مو مشغوله بروح الجوهره:بس قاطعتها دلول بعصبيه :يووووه منك قلت بروح وخلصنا الجوهره:ههههههههههه دلول:وش عندك تضحكين يالخبله الجوهره:هههه لا ولا شي دلول واللي حست انها تضحك عليها:سخيفه &&&&&&&&&&&&&&&&&& وصلت بيتهم ودخلت ولقت في الصاله وحده معطتها ظهرها وقاعده تطالع صور أخوها سحر باستغراب:من أنتي التفتت البنت وسحر شبهت انها شايفه هالبنت من قبل وين ما تدري البنت :آهلين سحر من زمان ما شفتك قالو لي انك تبتي سحر طلعت عيونها وهي لحد الحين تحاول تتذكر ورجعت وسألتها وبصوت أعلى:قلت لك من أنتي ووش تسوين هنا جاها صوت أبوها من وراء :هذه ميساء زوجتي وطالعت أبوها ووجها لا يخلو من هول المفاجاه ورجعت التفتت لميساء وتذكرتها سحر في نفسها:يا ويلي هذي اللي كنت أشوفها بحفلات سماهر قربت منها ميساء وبهمس:ابو شملان يسلم عليك كثيييييييير يا حلوه ويقول اشتاق لنوراته طالعتها وعيونها جامده وكأن الزمن صار ضدها وما عاد مشى ووقفت ثوانيه ودقايقه مشت ميساء بدلال لجهة عبدالمحسن وسحر لفت عليهم ببط وكأنها دميه احد يحركها عبدالمحسن(ابو خالد):ها سحر مالك نيه تسلمين سحر ظل تطالعهم وتذكرت أختها لفت وصعدت الدرج وعلى طول لغرفة أختها فتحتها ما لقت احد وسمعت صوت جاي من جهة غرفتها وصلت ولما جات تفتح الباب لقته مقفل طقت الباب سحر:عبير ...عبير افتحي هذا انا سحر وثواني إلا الباب ينفتح وتدخل وتنرمي عبير بسرعه في حضن أختها عبير:اهئ ..اهئ سحر . سحر:اششششششش حبيبتي خلاص وتمشيها لحد ما جلسوا على الكنب عبير وهي تمسح دموعها :شفتي أبوي ايش سوا سحر:شفتهم تحت عبير:أمي يا سحر تركت البيت سحر ما ظهر على وجهها أي تعبير لأنها متوقعه هالحركه منها هي تعرف أمها أكثر من أي احد ثاني عبير:ما اشوفك قلتي شي سحر وهي تفك الشيله:وش تبغيني اقولك يعني عبير:يعني عادي بيتنا ينهدم قدام عيونك سحر وهي تمسح دموع عبير:لا مو عادي بس الدموع الحين ما تفيد ابغى منك تهدين وتقولين لي اللي صار بالضبط عبير تمسح دموعها :طيب كنا قاعدين وخالد معصب ... أم خالد:عن الجوهره خالد باستغراب:وش فيها أم خالد:انخطبت يا حظي لواحد غني وخلتك انت تولي والله ما لوها احد يشوف الخير ويطالع الفتافيت إلا الغبي خالد بصراخ:ايش متى صار هالكلام أم خالد :أمس وافقت عليه خالد:والله لا أخرب الدنيا على روسهم والله أم خالد:والله ما عندك ما عند جدتي ولو فيك خير كان عرفت تجيب راسها خالد:انا اوريهم الكلاب الجوهره لي ولو احد غيري يأخذها بذبحه وسمعوا احد دخل ووقف الكل وحل الصمت وام خالد وقفت وهي مصدومه دخل عبدالمحسن ومعاها وحده مغطيه وجهها أم خالد :ابو خالد من هذي ميساء توخر الغطاء عن وجهها وعيونها على خالد علشان تشوف ردة فعله عبدالمحسن:زوجتي خالد عيونه طلعت من اللي شافه وقال بهمس:ميساء أم خالد بعصبيه:زوجتك وآنا تزوجت علي تزوجت علي يا عبدالمحسن بعد هالعمر والعشره وتتزوج وحده كبر بناتك خالد بعصبيه وبصوت عالي :يبه انت شلون تتزوج وحده مثل هذي وحده .....وسكت وهو يعض على شفايفه من القهر عبدالمحسن:ألزم حدودك يا ولد ولا تجي سيرة حرمتي على لسانك خالد:لا انت شكلك خرفت عبدالمحسن وهو يعطي خالد كف:شب ولا كلمه وإذا موعاجبك بيتي يتعذرك خالد:تطردني علشان هذي عبدالمحسن :واكسر راسك بعد أم خالد:وتطرد عيالك بعد يا شماتة العدوين فينا يا فضيحتك يا عايشه بين الحريم يا فضيحتك الكل بيتكلم عنك عبدالمحسن:هذا اللي همك طول عمرك ما يهمك غير الناس وكلام الناس أما أهل بيتك ما تدرين عنهم أم خالد بعصبيه:انت أخر واحد تتكلم عن الاهتمام يعني انت اللي تدري عنا ...لا انا ما عاد لي قعده في هالبيت ولا دقيقه عبير وهي تبكي وتمسك يد أمها:يمه اللي يخليك استهدي بالله أم خالد :وخري عن طريقي زين انقلعي لأبوك ...وبعدتها وصعدت الدرج وعبير التفتت لأبوها:ليه ليه خربت كل شي عبدالمحسن:ما بقى إلا أنتي إذا مو عاجبك الحقي أمك عبير صعدت الدرج لغرفة أمها ودخلت شافت أم خالد تأمر الخدامه تحط ملابسها في شنطتها عبير وهي تمسك يد أمها وتبوسها:يمه الله يخليك يمه لا تروحين وتخلينا أم خالد وهي تسحب يدها من بنتها:أنتوا وش كبركم وما ينخاف عليكم وأنتي أختك سحر بتقوم فيك وسحر تربيتي واعرفها عدل ما ينخاف عليها عبير:بس يمه احنا بعد محتاجينك أم خالد بصراخ للخادمه:اخلصي ونزلي الشنطه قولي للسواق يشغل السياره خلصت الخادمة ونزلت الشنطه ولبست أم خالد عبايتها وعبير لحد الحين تترجاها أم خالد التفتت لبنتها :انتبهوا على نفسكم ...وطلعت وعبير راحت لغرفتها واتصلت على سحر وراحت غرفة سحر وقفلت الباب تنتظرها عبير ودموعها تنزل :وهذا كل الي صار سحر:وخالد عبير:بعد أبوي ما طرده طلع وما ادري ايش صار له ولا وين راح....... سحر طلعت جوالها وتتصل عليه وجواله يرن وما يرد عبير:وش بنسوي يا سحر سحر:أول شي يرد علينا خالد و نتطمن عليه وبعدها انا بتصرف عبير:طيب سحر:تعالي حبيبتي ...وخذت عبير وحضنتها وهي تفكر في المصيبه اللي طاحت على راسها وكيف المفروض تتصرف &&&&&&&&&&&&&&&&& وبعد ما بدت الأخبار تنتشر قاعدين على سفرة الغداء أم فيصل:لا حول ولا قوة إلا بالله والله تكسر الخاطر شوق :يمه خليها عنك والله تستاهل اللهم لا شماته شهد:ايه والله ماي سستر معاها حق فيصل:أنتي وياها استحوا على وجيهكم لا تقولون كذا عن مرة عمكم شهد:واللي يخليك يا فصفص اللي يسمعك يقول كلش عاد هي طيبه وحنونة معانا شوق:ايه والله إلا تموت علينا أصلا هي كل ما تشوفنا تقط علينا نغزات مثل السم أم فيصل:حتى ولو ما يصلح تتشمتون بالمره هذا وانتوا اهلها تقولون كذا وشلون الغرب شهد وشوق:اللهم لا شماته أم فيصل:انا بشوف لي يوم أزورها ان شاء الله شهد وشوق سكتوا وهم ما عجبهم الكلام الكل كان يعلق إلا ابو فيصل اللي كان سرحان بزواج أخوه وقعد يفكر ويتذكر كانوا قاعدين في المكتب ابو فيصل لاحظ شرود أخوه:وش فيك يا خوي ابو خالد:انا تزوجت ابو فيصل فتح فمه من المفاجاه:ها ابو خالد:اللي سمعته انا تزوجت ابو فيصل:قصدك على أم خالد ابو خالد:ايه ابو فيصل:ليه يا خوي وام خالد ابو خالد:وش فيها في بيتها معززه ومكرمه ابو فيصل:وهذي منهي اللي خذيتها ابو خالد:وحده متزوجه من قبل ومطلقه وتبي الصراحه ابو شملان هو اللي رشحها لي ابو فيصل وهو اللي ما يحب سيرة ابو شملان:ابو شملان ما غيره ابو خالد:ايه وشفت البنت وعجبتني وتزوجتها ابو فيصل:الله يهديك يا خوي انت كذا بتدمر بيتك ابو خالد:وليه ان شاء الله انا تزوجت وخلاص واللي مو عاجبه يطق رأسه في الجدار واليوم بعد بأخذها وبعلم الكل انها زوجتي لاني بصراحه تعودت على دلالها مو أم خالد اللي ما تدري لاعن زوج ولا بيت ابو فيصل هز رأسه علامه على رفضه وسكت مو عارف وش يقول صحى على صوت أم فيصل:ابو فيصل وش بلاك يالغالي ابو فيصل:سلامة عمرك ما فيني شي...وقام:الحمد لله بعدها قام فيصل:الحمد لله وبقت شهد وشوق وام فيصل دخل غرفته وانسدح على سريره فيصل وهو يطالع الساعه:انا لازم أنام علشان أقوم الساعه 4 وأقول لحنين تقابلني في المحكمه وعلى طاري المحكمه تذكر ومسك جواله واتصل وهو كله لهفه وحنين وظل يرن وما في احد يرد فيصل:وش فيها ما ترد ما في غير أجرب مره ثانيه وإذا ما ردت برسل لها مسج..واتصل وقبل ما يقطع الخط ردت وبصوت خفيف:الو فيصل:انا أسف إني اتصل في هالوقت حنين:لا ابد بغيت شي فيصل:أولا وش أخبار خالتي حنين:بخير الحمد لله فيصل:وأخباركم احنين بضيق:الحمد لله بغيت شي فيصل عرف انها ما تبغى تكلمه وتطول معاه وما يدري ليه ابتسم يمكن كبرت في عينه :ايه بغيت أقول لك الساعه 4ابغاك تكونين موجوده في المحكمه حنين:ليه فيصل:في إجراءات وأوراق تحتاج توقيعك حنين سكتت وكأنها تفكر وتحسب أمورها وبعدها قالت:طيب فيصل:زين مع السلا........ صكت الخط حتى ما عطته فرصه يكمل جملته حط الجوال على الكومنديه وهو يتنهد وصار يبتسم مع انه لو احد صاك الخط في وجهه غيرها كان ذبحه بس صكت الخط هذي بينت انها بنت مو لعابه وأنها لو مو مجبوره تكلمه كان ما فكرت حتى تأخذ الجوال طفى الابجوره بعد ما ضبط المنبه وغمض عيونه علشان ينام &&&&&&&&&&&&&&&&&&&&&&&& بعد ما طلع من بيتهم معصب راح لشقة صديقه سعد خالد وهو يدخل الشقه شافه سعد:غريبه وش عندك طاب علي خالد بنفس خايسه:ليه فيها شي ذي بعد سعد:هدي يا خوي وش فيك خالد:مقهور يا خوي بموت من القهر سعد وهو مركز مع خالد:وش اللي يقهرك هدي وقول لي خالد:تخيل الكلبه اللي ما تتسمى ميساء سعد وهو يتذكرها:أي عرفتها وش فيها خالد:الشيبه أبوي المخرف ضربت فيوزاته وراح تزوجها سعد تفاجأ:ها..وشلون يتزوجها يعني هو ما يدري انها.... خالد:ما ادري عنه انا لما دريت تهاوشت وياه وطلعت من البيت سعد:والله طلعت مو هينه هالميساء خالد:انا أوريها والله لأعلمها قدرها واعرفها مقامها سعد:هد بالك خالد:انا لازم أروح سعد:وين تروح بحالتك ذي خالد:مشوار مهم...وقام طلع سعد يهز رأسه علامة أسف عليه وعلى ميساء اللي ما عرفت وش حطت نفسها فيه لأنها مو قد خالد ابد &&&&&&&&&&&&&& نرجع لبيت الخير الجوهره وهي تقوم:أقول اتركي عنك هالسوالف وخلينا ننزل لخالتي وأمك دلول:طيب طلعت الجوهره ودلال وراها وشافوا ماجد توه بينزل وكاشخ بالثوب والكاب ويطالع جواله والجوهره نادته:ماجد دلول أول ما لمحته وهي توها بتطلع رجعت على وراء بسرعه وطلت في المرايه تتأكد من شكلها وطلعت على طول وراء الجوهره ماجد وهو مشغول بالجوال :همممممممممم ورفع رأسه وشاف دلول وراء الجوهره وبابتسامه شاقه الحلق:هلا وغلا والله الجوهره تعرف انه يقصد دلول بس تستغبي:هلا فيك وش عندنا كاشخين ومروقين ماجد:في احد يشوف القمر ولا يروق الجوهره التفتت محل ما يطالع ماجد وطلعت عيونها لما شافت منظر دلول وهي مستحيه وتلعب بطرف عبايتها بأصابعها بتوتر ومسكت ضحكتها لا تنفجر في وجههم ماجد :دلول شخبارك دلول:الحمد لله وصار يطالع دلول والجوهره مو معبرينها وصارت بينهم ولما احد يتكلم تطالعه وعيونها طالعه من مكانها وودها تضحك على أشكالهم ماجد:أقول البيت منور ليه اثاريه نور القمر طال علينا دلول بهمس:منور بأهله الجوهره تلتفت على ماجد اللي تنهد:اااااااه فديتهم والله الجوهره:منهم ماجد يطالعها وتوه ينتبه لها:وأنتي لحد الحين هنا الجوهره:نعم وين بكون يعني رن جوال ماجد ورد:الو -إي – انا توني مأخذ شور- يا أخي نص ساعه وجايك على بال ما البس بس- - يالله- انا حمار هجل انقلع....وصك الخط ماجد:تخيلي يقول عني حمار دلول:يخسي والله هو الحمار ماجد:وش كنا نقول دلول:ما ادري ماجد:مو مهم ان شاء الله عمرنا ما تكلمنا أهم شي شفناكم دلول سكتت وما ردت ماجد:والله لكم وحشه دلول:تسلم ماجد:وإحنا مالنا لكم وحشه دلول:ما ادري ....يعني الجوهره وهي تدخل عرض:وشو اللي يعني دلول:وأنتي لحد الحين هنا الجوهره طلعت عيونها:ياللي ما تستحون انا أعلمكم ...وبصوت عالي:خالتي خاااااالللتي الحقي ماجد:النحشه نص المرجله باي يا قمر ونزل الدرج بسرعه دلول وهي تحط يدها على فم الجوهره:اسكتي مالت عليك صدق انك فضيحه الجوهره وهي توخر يد دلول:وخري عني طلعتي كلش ما فيك حياء والله ما اصدق دلول اللي كله هواش مع ماجد صار هذا حالها دلول :ما بعد العداوة إلا محبه ويا زينها من محبه الجوهره وهي تبوس يديها :الحمد لله والشكر صدق مخفه يا أختي أثقلي شوي خلف الله عليك...ونزلت وخلتها دلول تكلم نفسها بصوت عالي:والله البنت معاها حق انا وش فيني صرت خفيفه مثل الريشه بس والله ما أنلام فديته عليه كلام ابن اللذين جات ميري ومعاها نوف ونايف ميري:شوف هزا انا أقول واحد ما في عقل نوف:ميري وش فيها تكلم نفسها نايف:ههههههههه أكيد خبله ميري:أي والله هزا ما في عقل في رأس هزا في كفر بنشر نوف ونايف:ههههههههههه دلول :انا كفر مبنشر أنتي ويا ذا الوجه الطويل يقول علاقة ملابس ميري:يالله كان هزا بيت ناقص مجنون دلول:من المجنون يا أم عيون نوف:أنتي ميري:لا وهزا مجنون يأخذ مجنون ساني والله شعر انا في قرع دلول:من تقصدين نايف:أكيد تقصد ماجد ميري:امشي امشي خلينا روه أحسن مقابل وجه عنزه نوف ونايف:ههههههههههههههههه دلول انقهرت وميري قبل ما تروح:شوف وجه عنزه القى هليب وراحت دلول:مالت عليك وعلى الأمثال الخايسه اللي تعرفينها ونزلت الصاله عند أمها وخالتها والجوهره وجلست وهي معصبه الجوهره:وش فيك دلول:ميريو الجوهره بضحكه:وش فيها دلول:تقول عني عنز انا أشبه العنز والله إني أحلى منه الجوهره:ههههههه أم دلول:ما دريتوا أم عبدالمجيد:بايش أم دلول:ابو خالد تزوج وحده اصغر من بناته أم عبدالمجيد:هوووو من جدك أم دلول:ايه والله الجوهره:عمي تزوج طيب ليه أم دلول:والله ما ادري ليه بس ما ألومه أم عبدالمجيد:لا حول ولا قوة إلا بالله وام خالد وش سوت أم دلول:وش سوت كلت تراب وسكتت هالعجوز دلول:يمه كأنك شمتانه ترى ما يصلح أم دلول:واللي يخليك لا تعرضين فضايلك قدام خالتك أم عبدالمجيد ترى كلنا عارفينك وخابرينك وماله داعي تعدلين في نفسك الجوهره وام عبدالمجيد:ههههههههههه دلول:وأنتي يمه الله يهديك كله مفشلتني أم عبدالمجيد:عارفتها ويا زينها وعاجبتني وراضيه فيها عسل على قلبي دلول:فديتك يا خالتي والله ما في مثلك أم دلول:دليل ويهد ترى انا أمك مو أم عبدالمجيد الجوهره:أقول خالتي كأني شامه ريحة غيره ا دلول:طبعا أغير أشوف المدح كله لها وآنا معطيني طاف امدحوني شوي أم عبدالمجيد:يا شين الحسد يعني حاسدين الفقير على موتت الجمعه أم دلول:وآنا اقدر أحسدك يا قميل دحنا متربيين سوا أم عبدالمجيد:ايه والله أنتي اعز ما على قلبي ولو عندي اخت ما حبيتها كثرك أم دلول:لا تقولين كذا ترى قلبي رهيف ودمعتي بسرعه تنزل والله لو أتأثر ما يسكتني مسكت أم عبدالمجيد:ويه فديت قليبك يالغاليه دلول:يا سلام والله كأننا نشوف أفلام هنديه لكبار السن الجوهره:ههههههههههه أم دلول:دلو من تقصدين بالكبير انا أصلا توني حلوه ورشيقه والخطاطيب بيكسرون الباب أم عبدالمجيد:وليه يا وخيتي ما اعرستي للحين أم دلول بدلال:ما بعد يجيني فارس الأحلام على البغل الأبيض الكل:ههههههههههه &&&&&&&&&&&&&&&& راح لهم الشركه وهو معصب ودخل عليهم والسكرتير يحاول يوقفه السكرتير:لو سمحت ما يصير كذا التفتوا طلال وحمد على اللي دخل عليهم حمد:خالد خالد جاء لعند طلال:إذا كنت تظن إني بخليك تأخذها فأنت غلطان فاهم حمد:خالد وش هالكلام خالد:حمد انت لا تتدخل أما طلال ما تحرك من مكانه وبهدوء:إذا خلصت اطلع برا ورانا أشغال مو فاضين خالد وهو يوقف قدامه :والله أذبحك ولا أخليك تأخذها طلال:اللي تبغى تسويه سوه وآنا بأخذها والملكه بعد أسبوع وأنت مو معزوم خالد:الجوهره لي لحالي انا أحق فيها هي حبي...وقبل ما يكمل قام طلال من مكانه وبسرعه مسك خالد وطرحه على المكتب وبعصبيه:لو تجيب اسمها بس على لسانك اليوم راح يكون أخر يوم بعمرك فاهم خالد وهو يحاول يوخر يد طلال عن رقبته:هي بنت عمي وآنا أحق فيها من الغريب طلال:وهي دقات قلبي وروحي وجزء مني ومو انا اللي يتنازل عن قلبه فاهم وما في غير شيئين بيصيرون يا أتزوجها ولا أموت وإذا ما مت ماراح تكون إلا لي وفكه بعد ما حمد تدخل وابعده عن خالد خالد قام:هجل موتك قريب حمد :خالد اطلع بشرك لا أطلعك بنفسي خالد:انا طالع بس ما خلصنا حمد بصراخ:يله برا طلع خالد وطلال استعاد هدوئه وجلس و جلس جنبه حمد وسأله:انت كنت تقصد اللي قلته طلال طالعه وما رد عليه ورجع لأوراقه وحمد عرف انه ما يبغى يتكلم لان طلال مو من النوع اللي يعبر عن مشاعره &&&&&&&&&&&&&&&& |
تـــــــــــــــــابع قام من النوم ولبس وطلع ووصل للمحكمه وظل يستنى وشافها جايه مع أختها روئ مع تاكسي جاته وحس انه مشتاق لها العيون ويحس انه من سنين مو شايفها حنين:تأخرت فيصل:لا ابد يله حنين:يله ودخلوا وخلصوا الإجراءات والتواقيع وبدوا في رفع القضيه وهم طالعين حنين:الحين ايش راح يصير فيصل:راح توصل لعساف ورقه من المحكمه بعد يومين تقريبا حنين:زين .. يله عن إذنك فيصل:إذنك معاك مشت ووقفت تبغى تاكسي وما شافت ولا تاكسي وظلت تستنى وهو بعد ظل ينتظرها تلقى تاكسي علشان يشوفها تركب و يتطمن عليها وبعد ربع ساعه وهي لحد الحين ما حصلت تاكسي فيصل من وراها:ها لحد الحين ما رحتوا حنين بخوف:لا ما لقيت ولا تاكسي ولازم ارجع البيت بسرعه قبل لا يدري عساف إني طلعت فيصل:طيب ممكن أوصلك حنين بعصبيه وهجوم:ليه وش شايفني صايعه قدامك ولا بايعه عمرها فيصل بعصبيه:وش هالكلام لا طبعا بس أحسن من الوقفه وفي هالوقت ما راح تلاقين تكاسي وعلشان ما يروح عليك الوقت ويرجع عساف وما يلاقيك وبعدين مو انا اللي ما عنده ضمير ولا نخوه علشان أسوي في احد شي ولا أخون ثقة خالتي أم حنان حنين سكتت وما تدري تصدق ولا لا ورجعت تطالع الساعه وشافت الوقت وخافت تتأخر روئ:هنين تعبت خلاث حلينا نلوح حنين:زين..... والتفتت على فيصل:طيب موافقه فيصل:الحقوني ...ومشوا لحد السياره وركبت وراء هي و روئ وشغل فيصل السياره وتحركوا وهم في الطريق حنين كل شوي تطالع الساعه روئ:هنين ابعى ثوكلاته حنين بهمس:بعدين حبيبتي مو وقته روئ بصوت عالي:لا ابعى أحين حنين:اششششششش روئ بصوت صياح:ابعى سوبل مالكت أحين اهئ ...اهئئئئئئ حنين:يارب فيصل:في شي حنين:لا روئ:ابعى سوبل مالكت ..ابعى ثوكلاته فيصل:خلاص حبيبتي الحين نروح سوبر ماركت وغير اتجاه السياره حنين بخوف:وين رايحين فيصل اللي تضايق من نبرة الخوف في صوتها:للسوبر ماركت حنين:وصلنا بيتنا لو سمحت وهالبزر ما عليك منها ما عندها سالفه روئ:لا ابعى ألوح سوبل مالكت حنين :أف عيب حبيبتي انا بعدين اوديك روئ:لا ابعى أحين حنين سكتت لما لاحظت انهم وقفوا قدام السوبر ماركت فيصل وهو ينزل :يله وصلنا تعالي يا حلوه روئ جات قدام وفيصل نزلها ولف على حنين:بتنزلين ولا بتقعدين لحالك حنين وهي مجبوره:لا بنزل بس بسرعه روئ وهي تمسح دموعها:هيه..هيه...سوبل مالكت دخل فيصل وهو شايل روئ وحنين وراهم فيصل وهم داخلين قسم الحلويات:يله قولي لي وش تبغين أمري وتدللي حنين:لا تعطيها وجه ترى هذي خبله فيصل بابتسامه:لا عادي خليها على راحتها روئ :انا مو حبله أنتي حبله حنين:اسكتي يا أم لسان روئ وهي قاطه الميانه:ثوفها تدول عني أم لسان انا حلوه أثلا صح فيصل:أنتي أحلى بنت في هالدنيا ويله اختاري اللي تبغينه وما عليك من احد....وهو يطالع حنين حنين تأففت وما ردت صاروا يمشون و روئ ما قصرت ما خلت شي ما خذته ولما جاو عن المحاسب وفيصل طلع بوكه حنين:وش تسوي فيصل:أحاسب حنين :لا انا بحاسب فيصل عصب :نعم أقول خلي فلوسك معك وما في احد بيحاسب غيري حنين:بس الأغراض لأختي فيصل:انا شريتها لها من طيب خاطر وما ابغى اسمع هالكلام البايخ مره ثانيه حنين بعناد:طيب حاسب بس الأغراض خذها معاك بيتكم فيصل وهو يلتفت علشان يتأكد ان محد سامعهم:وش هالكلام تركي عنك الحركات اللي مالها داعي وبعدين تقدرين تدفعين 150 ريال حنيني نزلت راسها وعرفت انه ما تقدر :لا...ورفعت راسها بسرعه:بس بيكونون دين برقبتي ولا والله ماراح نأخذ أي من هالأغراض فيصل باستسلام:طيب خلاص مثل ما تبغين حنين:زين ورجع حاسب وخذا الأغراض ورجعوا السياره و روئ ركبت قدام وصارت تاكل من الحلويات اللي شرتهم روئ وهي تمد يدها بجالكسي:هنين احدي (حنين اخذي) حنين:لا ما ابغى حبيبتي روئ بفرحه:احدي من يديني....وهي فرحانه بكل هالحلويات والجالكسيات والبسكويت خذت حنين الجالكسي:شكرا حبيبتي وفيصل انرسمت على وجهه ابتسامه خفيفه لأنه يدري انها ما تبغى تأخذ لأنها من فلوسه وهو اللي دفع الحساب وصلو ونزلوا وهم قريبين من الباب انفتح الباب بقوه وهم وقفوا مذهولين &&&&&&&&&&&&&& في الحديقه عبدالمجيد:حبيبتي هدي وان شاء الله كل شي بيتحسن عبير:أمي تركت البيت وأبوي طرد خالد وما ظنتي بنرجع مثل أول عبدالمجيد: حبيبتي أنتي اذكري الله عبير:لا اله إلا الله محمد رسول الله عبدالمجيد: أنتي قاعده لحالك عبير: لامعاي سحر عبدالمجيد:زين لا تقعدين لحالك ماشي ياروحي عبير:طيب عبدالمجيد:ياليتني جنبك الحين عبير:من قال انك مو معاي الله لا يحرمني منك عبدالمجيد ابتسم:ولا منك يله سمعيني صوت ضحكتك اللي أحبها عبير:كيف اضحك والدنيا خربت وبيتنا أنهدم عبدالمجيد:ان شاء الله ما أنهدم ولا شي وعمي بيعرف انه غلط بها الزواج ويرجع كل شي مثل ما كان عبير:تظن عبدالمجيد: ان شاء الله عبير:ان شاء الله عبدالمجيد انا لازم أروح سحر تناديني عبدالمجيد:طيب حياتي بس أنتي ارتاحي وإذا حبيتي تقولين أي شي ان شاء الله لو الساعه3 الفجر اتصلي اوكي عبير:اوكي مشكور عبدالمجيد:العفو هو انا لي غيرك أو عندي أغلى منك عبير:احبك مع السلامه ..وصكت الخط بسرعه عبدالمجيد وهو يضحك على خجلها:يا لبى قلبك ...وتنهد على حالها جاه صوت من وراه :وش فيك وش هالتنهيده عبدالمجيد:ابد بس كاسره خاطري عبير الجوهره وهي تجلس:وش أخبارها عبدالمجيد:متاثره كثير وزعلانه ومتضايقه الجوهره:عاد عبير حساسه الله يعين عبدالمجيد:ياليت الظروف غير كان انا الحين متزوجها الجوهره:الله يهدي عمي ويجي يوم وهالحقد اللي في قلبه يزول عبدالمجيد وهو مبين عليه الضيقه:أمين الجوهره وهي تمسك يده:الله يجمعكم عبدالمجيد:ان شاء الله إلا وين خالتي أم دلال الجوهره:راحت من نص ساعه على بيتهم وتذكرت :ايه صح ترى خلينا ملكت دلول وماجد بعد أسبوع معاي عبدالمجيد بفرحه:هههه يعني ماجد ملكته الأسبوع الجاي الجوهره:ايه عبدالمجيد:الله يوفقه هالمرجوج الجوهره :ههههه سمعت صوت جوالها يعلن عن مسج فتحته((كل طلباتك أوامر وراح تتنفذ مهما كانت )) الجوهره ابتسمت بسخريه وسألت عبدالمجيد:انت بلغت طلال إني ابغى الملكه مختصره وعائليه مره عبدالمجيد:ايه قلت له الجوهره:زين وسكتوا وكل واحد فكره شارد &&&&&&&&&&&&& الساعه 7 مساء للحين تتصل وما يرد عليها سحر:يا ربي هذا ليه ما يرد وأخيرا رد عليها سحر بسرعه:خالد وش فيك ما ترد عليه من الصبح وآنا اتصل عليك خالد بعصبيه وصوت الموسيقى عالي من عنده:خير وش تبين سحر :وش أبغى يعني ابغاك تجي نشوف حل خالد :بعدين بعدين مو فاضي لك سحر:وشو اللي بعدين يا خالد انا لازم اشوفك خالد: ماله داعي تشوفيني قولي وش تبين سحر:أفكر اننا نطلع انت وآنا وعبير في شقه بروحنا ها وش قلت خالد:وتبغيني أتحمل مسؤوليتكم ان شاء الله سحر:ليه مو أخونا خالد:وإذا أخوكم شوفي عاد تراني مو ناقص قلق سحر:شلون الحين يعني خالد:يعني خليكم في مكانكم وآنا عندي أشغال إذا خلصتها ذيك الساعه نشوف وش نسوي سحر:وش أشغاله يا حسره لا تقول لي موضوع الجوهره خالد:أقول سحر باااي سحر :استنى ...... وصك الخط وما خلاها تكمل كلامها جاتها عبير:ها رد عليك سحر بعصبيه:ايه رد ويا ليته ما رد عبير:وش قال سحر:اغسلي ايدك منه ما وراه منفعه امحق اخو عبير:وش راح نسوي الحين سحر:البسي عبايتك عبير:ليه سحر:انا ميته جوع خلينا نروح مطعم نتعشى وبعدها نفكر لاني إذا جعت يتعطل التفكير عندي عبير ابتسمت:طيب...وراحت رن جوالها شافت الرقم ما عرفته وما ردت عليه وظل يرن ويرن لحد ما عصبت من اللي مصر على الاتصال وردت:خير وش هالازعاج يعني ما ردينا خلاص لا تتصلون تركي:أسف ما قصدت أزعجك سحر سكتت لأنها عرفت الصوت وهي ما توقعت ابد تسمع صوته تركي:أنتي معاي ولا انقطع الخط سحر:من تركي تركي بابتسامه:ايه وأتمنى إني ما أزعجتك سحر بهدوء:لا لا ابد أسفه على طريقه ردي تركي:لا عادي بس حبيت اتطمن عليك يعني أنتي طلعتي بسرعه واسمحي لي خذيت رقمك من شوون الموظفين وقلت اتصل اسأل عسى ماشر سحر تذكرت مصيبتها وتنهدت:خلها على الله تركي تنهيدتها خوفته:سحر فيك شي الأهل فيهم شي سحر :لا الحمد لله ما فينا إلا العافيه جات عبير:انا جاهزه يله سحر وهي ترد على عبير:استني شوي عبير: طيب بس سحر احنا لازم نمر على أمي أكيد هي الحين زعلانه بعد اللي سواه أبوي فيها سحر:أكيد حبيبتي عبير:يله خلصي انا بستناك سحر:طيب ...ورجعت للجوال :أسفه خليتك على الخط تركي:لا ابد بس بغيت اتطمن وتطمنت واكرر اعتذاري على إزعاجك سحر:لا تقول كذا بالعكس....وسكتت تركي ابتسم:طيب مع السلامه سحر:مع السلامه ومشكور على الاتصال تركي:العفو صكرت الخط وهي تفكر سحر:معقوله القى الحل عنده والله اتصاله جاء في وقته هو يعرف السالفه كلها ويمكن يقدر يساعدني بس لا لا يا سحر أنتي بروحك طايحه من عينه لا تنكرين انك دائما تشوفين نظرات الاحتقار بعيونه بس هو اتصل فيني يعني مهتم قطعت أفكارها صوت عبير:وين سرحتي سحر:لا ولا شي يله نروح وراحت تلبس عبايتها وهم نازلين لقوا ميساء في الصاله قامت من مكانها ووقفت قدامهم:على وين ان شاء الله ها بدت الهياته سحر التفتت علي عبير وقالت بسخريه:تدرين أختي في ناس يصدقون نفسهم أكثر من اللازم ويظنون ان الشي إذا توسخ ممكن ينظف بس ما يدرون ان الوسخ يظل وسخ ميساء :وش قصدك سحر رفعت يدها ودفة ميساء من كتفها بقوه لحد ما طاحت على الكرسي اللي وراها سحر بغرور وكبرياء وكان شخصية سحر القديمه الخبيثه رجعت:حبيبتي عبوره خلينا نروح الطريق صارت نظيفه وأنتي رحتي فوق ولا رحتي تحت تظلين أنتي والجزمه شي واحد ومشوا وطلعوا وركبوا السياره وتحركت عبير وهي تطالع سحر سحر باستغراب:وش فيك تطالعيني كذا عبير على طول حضنتها:ههههه ههههههههه يالله والله بردتي شوي من حرتي والله ان أختي طلعت قويه سحر:افا عليك انا سحر مو حيا الله أي حدا عبير:الحين فهمت لما قالت أمي سحر قدها وقدود سحر ابتسمت صحيح هي وأمها على خلاف دائما بس مع كذا تحس ان كل وحده فاهمه الثانيه أكثر من نفسها سرحت بأفكارها وعبير ما حبت تخرب عليها ترتيب أفكارها فالتزمت السكوت &&&&&&&&&&&&&&& رجع البيت وهو يفكر قابلته شهد على الدرج:هلا والله بفصفص كمل صعوده الدرج ولا رد عليها شهد:وش فيه هذا دخل غرفته ورمى نفسه على السرير وهو يحط يديه على عيونه ويضغط عليهم بقوه اليوم كان بالنسبه له يوم لا يمكن ينساه قام وجلس ونزل غترته عن كتفه وصار يقول لنفسه معقوله اللي صار قام يأخذ له شور وهو تحت الدش والماء الدافي رجع بذاكرته وصلو ونزلوا وهم قريبين من الباب انفتح الباب بقوه وهم وقفوا مذهولين &&&&&&&&&&&&&&&&& وانتهى البارت لحد هنا ادري هذي حركت نذاله بس ابغاكم تتحمسون وتقولون لي توقعاتكم يا ترى سحر راح تطلب من تركي يساعدها ولا لا ؟ خالد راح ينفذ تهديده؟وهل طلال راح يقدر على خالد ويملك على الجوهره؟ ميساء وش ناويه عليه؟ فيصل وحنين تتوقعون من فتح الباب وايش صار؟ انتظر تعليقاتكم حبايبي &&&&&&&&&&&&&&&&&& |
&&&&&&&&&&&&& البارت الرابع عشر (اتمنى من كل قلبي ينال اعجابكم) وهو طويل مثل ما طلبتوا &&&&&&&&&&&&&&&&&&& رجع البيت وهو يفكر قابلته شهد على الدرج:هلا والله بفصفص كمل صعوده الدرج ولا رد عليها شهد:وش فيه هذا دخل غرفته ورمى نفسه على السرير وهو يحط يديه على عيونه ويضغط عليهم بقوه اليوم كان بالنسبه له يوم لا يمكن ينساه قام وجلس ونزل غترته عن كتفه وصار يقول لنفسه معقوله اللي صار قام يأخذ له شور وهو تحت الدش والماء الدافي رجع بذاكرته وصلو ونزلوا وهم قريبين من الباب انفتح الباب بقوه وهم وقفوا مذهولين عساف وهو واقف عند الباب وبصراخ:يا حيوانه حنين من الخوف ولا إراديا خبت أختها وراها وتخبت وراء فيصل ومسكت ثوبه بيد ترتجف عساف وهو يتقدم والغضب في عيونه و في يده العقال:تطلعين وتدشرين من وراي يا كلبه ياللي ما تربيتي حنين بصوت خايف:مو انا اللي أدشر انا متربيه أحسن تربيه وتقدم أكثر ومد يده بيمسكها واليد الثانيه بيضربها فيصل مسك يده ودفه على وراء :حدك ويا ويلك لو تفكر تمد يدك عليها فاهم ولا لا عساف وهو توه ينتبه على اللي معاها و بوقاحه:أكيد تدافع عنها مو انت البوي فرند حنين بصراخ:قص يقص لسانك وش مفكرني صايعه مثلك ومثل أفكارك الوسخه فيصل وبصوت غضب مكتوم علشان هم في الشارع:احترم نفسك لا تخليني أدفنك بمكانك الحين عساف وهو معصب:ومسويه فيها شريفه وما تبغين تشتغلين عندي آثاري لك شغلك الخاص ...وهو يلتفت على فيصل:لا وبعد تعرفين تختارين النوعيه الزينه أم حنين اللي قدرت توصل للباب بكرسيها المتحرك:شب ولا كلمه كله ولا بناتي انا اللي ربيتهم ..وتكمل وعيونها مليانه دموع:وتربيتي عمرها ما تنزل للأرض ابد عساف بضحكه سخريه:ههههههههه روحي أنتي وتربيتك البنت تسرح مع الحبيب بس عساه دفع لك سعر زين ما حس إلا بالبقس على وجهه و طايح على الأرض فيصل وعيونه كلها شرر وبعصبيه وبصوت عالي:والله اللي ما ينحلف بغير اسمه ان ما مشيت لأكون قابرك بمحلك ومخليك عبره يالواطي عساف وهو يقوم وماسك فكه ويمشي:انا اوريكم انا أعلمكم ...وركب سيارته ومشى بسرعه مخلف وراه غبرة الشارع أم حنين بصوت ضعيف يعبر عن العجز:ادخلي يا بنتي ادخلي حنين وهي بتدخل وتنزل لمستوى أمها وصارت تمسح دموعها:لا تبكين يالغاليه انا رفعت الدعوى وقريب بنتخلص منه أم حنين وهي تمسح على رأس بنتها :حسبي الله عليه فضحنا عن كل الجيران وش بيقولون عنا الحين حسبي الله عليه حنان :يمه احنا ما سوينا شي غلط أم حنين :ادري بس الناس مالهم إلا الظاهر وأكيد سمعوا كل الكلام اللي قاله عساف عسى ربي لا يوفقه حنين:يمه وش هالكلام أم حنين تنهدت :محنا بناقصين عجن الناس فينا حنان:وش علينا من كلام الناس يمه كلام الناس لا يودي ولا يجيب أم حنين دمعت عيونها:يا بناتي ما ابغى احد يجيب سيرتكم بالعاطل والهوشه والكلام اللي صار أكيد بيطلع من وراه قصص وبلاوي كثيره فيصل كان طول الوقت مجرد متفرج وسامع وساكت ولما تكلم قال أول ما خطر على باله وهو يتقدم من الباب اللي جالسه عنده الخاله أم حنين فيصل :خالتي معاها حق الواحد ما له إلا الظاهر والبني ادم ماله إلا سمعته الخاله أم حنين نزلت عيونها وهي تهز راسها والبنات سكتوا فيصل قطع الصمت: خالتي يشرفني اطلب القرب منكم وش قلتي الكل تفاجأ ورفع رأسه الخاله أم حنين المفاجاه سكتتها وما عرفت وش ترد البنات صاروا يطالعون بعض فيصل :خالتي لي الشرف إني اطلب يد بنتك حنين واوعدك إني أحطها وأحطكم في عيوني حنين طلعت عيونها وأختها حنان تناظرها بذهول التفتوا على امهم اللي ردت عليه:يا وليدي والله مدري بس إذا كان علشان سالفة كلام الناس..... ويقاطعها فيصل :لا يا خاله مو السالفه كلام الناس انا اللي ابغى أناسبكم إلا إذا كنت فيني عيب أو الخاله تقاطعه:لا والله يا وليدي انت كامل والكامل الله ورجال والنعم فيك بس....وسكتت وهي تطالع بنتها حنين حنين طالعت أمها وبين على وجهها الضيقه فيصل:من حقكم يا خاله تفكرون وتسالون وإذا وصلني الرد ووافقتوا انا راح أجيب الأهل ورقمي تلقينه مع الانسه حنين طلع وتركهم على حالهم يطالعون بعض بدون أي ردت فعل &&&&&&&&&&&&&& دخلوا البيت بعد ما تعشوا وتكلموا كثير عبير:بكره لازم نروح لامي سحر:من عيوني ان شاء الله وقفهم صوت أبوهم ابو خالد:بدري كان تاخرتوا أكثر التفتوا لأبوهم اللي كانت ميساء واقفه وراه وتبتسم بانتصار عبيروهي تطالع ساعة يدها:يبه تو الساعه 8 ابو خالد:لا والله ان شاء الله كنتي تبغين تقعدين أكثر من كذا المفروض بعد المغرب رجولكم ما تعتب برا البيت عبير:بس ...وسكتت وهي تلتفت على سحر اللي مسكت يدها وضغطت عليها سحر:آسفين يبه وان شاء الله ما تتكرر عبير استغربت بس سكتت وهي ناويه تعرف ليش سحر اعتذرت وبسهوله ولا حتى ناقشت مو من عوايدها ابو خالد:بنشوف سحر:عن إذنك..ومسكت يد عبير وصعدوا لفوق ميساء بقهر:هذا اللي طلع معاك هوشه بسيطة ابو خالد:وش تبغين أسوي لهم اذبحهم يعني وبعدين معاهم حق تو الناس ميساء:الواحد لازم ينتبه على بناته زين ويضغط عليهم علشان ما يغلطون بكره ابو خالد بعصبيه:ما هو بنات عبدالمحسن اللي يغلطون هو صدق انا ما ادري عنهم وما اقعد معاهم كثير بس متأكد ان بناتي يعرفون الصح من الغلط ميساء حست انها غلطت وخلته يعصب قربت ومسكت يده:حبيبي انت فهمت غلط بس انا خايفه عليهم ابو خالد:ماله داعي خوفك ميساء:طيب حبيبي انت الحين مو زعلان صح ما راح تزعل من ميسو ابو خالد بابتسامه:فديت ميسو أكيد لا ميساء بدلع:حبيب قلبي انت ابو خالد :ما أنحرم من هالوجه القمر ابد &&&&&&&&&&&& أول ما دخلوا الغرفه عبير:أول مره أبوي يسال وين رحنا وليه تأخرنا سحر وهي تفسخ عبايتها :هي اللي قالت له وعبته من جهتنا عبير شهقت:هالمعفنه صدق تقهر ..والتفتت على سحر باستغراب:بس أنتي غريبه اعتذرتي سحر:انا فاهمه حركاتها هي تبغى تصير مشاكل بينا وبين أبونا وآنا مستحيل أحقق لها اللي في بالها عبير:اها الحين فهمت والله انك مو هينه يا أختي سحر وهي تبتسم بمكر:ما بعد شفتي شي عبير بإحراج:أقول سحوره ...يعني يصير..أنام عندك سحر:أكيد وبعدين أنتي ليه تظنين إني ممكن أخليك تنامين لحالك عبيروهي تضم أختها:يخليك لي يارب سحر وهي بدورها تضمها:ويخليك لي أنتي بعد &&&&&&&&&&&& لبست بجامتها وراحت لغرفة إخوانها تتطمن عليهم قبل لا تنام دخلت غرفتهم ولقتهم نايمين باستهم على روسهم الجوهره:ياربي مو قادره اطلع هالطلال من تفكيري يالله هو مو هين صحيح انا تعودت أواجه وما اخاف بس مو هالنوع من المواجهات بعد أسبوع راح يكون زوجي يالله يا كبر هالكلمه إذا كانت الكلمه بروحها تخنقني كيف هجل الواقع يعني أعيش معاه في مكان واحد في بيت واحد وأنام معاه في مكان واحد زفرت بقوه وحست بيد على كتفها:ميري ميري:ايش في ليه ما في نوم الجوهره بابتسامه:ولا شي ميري:انت فكر في هزا يوم ملكه انت في كوف الجوهره:لا ميري:ما في كوف ان شاء الله كل شي امشي تمام الجوهره تنهدت: الله يسهل ... يله تصبحين على خير ميري:انت شوف خير ان شاء الله وطلعت وراحت غرفتها وهي راح تحاول تنام وتطلع كل الأفكار من راسها &&&&&&&&&&& شمس الصباح في كل صباح تشرق الشمس لتنهي كل ما صار في الليل من همس وتعلم انتهاء الأمس وبداية يوم جديد كله انس سحر بصراخ:عبير اصحي ..اصحي يا دبه عبير:هممهم وش فيك سحر :صباح الخير يله اصحي عبير: ليه اصحى وآنا ما عندي محاضرات خليني أنام سحر :علشان كذا اصحي لأنك بتروحين معاي عبير وهي تجلس وباستغراب:وين سحر وهي تعدل بلوزتها:الشغل عبير طلعت عيونها:ايش &&&&&&&&&& قاعدين على الطاوله ويفطرون والسوالف شغاله بينهم أم عبدالمجيد:ها يا بنيتي اليوم بتروحين السوق الجوهره:ايه ياخالتي يالله يمديني اخلص أغراضي واشتري لنوف فستان ودلول معانا بعد ماجد بحالميه:هو دلول بتروح عبدالمجيد بكوعه في خصر ماجد :أثقل ماجد:ما قلنا شي الجوهره وهي ماسكه ضحكتها:ايه بتروح ماجد:قولي لها تشتري فستان احمر يعبر عن الحب و....يمسك خصره:أي عبدالمجيد:أقول قم نروح الشغل الجوهره وام عبدالمجيد:ههههههههه ماجد وعبدالمجيد يحبون رأس امهم:مع السلامه شوي ويرجع ماجد ويطل من الباب:الجوهره لا أوصيك احمر الجوهره:ههههههه طيب أم عبدالمجيد تهز راسها :الله يهديك يا وليدي ويثبت عقلك ويرن جوال الجوهره الجوهره:هلا والله دلول:صباح الخير يا عسل الجوهره:ههههه صباح النور والسرور دلول:ها أخبارك جاهزه للشوبنق ترى العصر بمر عليك الجوهره:لا لا انا اللي بمر عليك دلول:اوكي الجوهره:يله بروح اخذ لي قيلوله دلول:طيب بروح أعذب علوي شوي قبل ما يروح المدرسه الجوهره:ههههههه اوكي دلول:باااي الجوهره:باااي &&&&&&&&&&&& صحى شاف اللي جنبه زي العاده يضيق ويسكر ويقضي الليل ما يدري عن نفسه و يصحى الصبح جنبه وحده ما يعرفها قام وخذ له شور وطلع لسعد سعد:ها أخبار المزاج خالد:زفت سعد:حتى بعد وناسة أمس خالد:اففففف أحس راسي ثقيل سعد:ههههه ثقلتها أمس بقوه خالد :أقول سعد ابغى سيارتك سعد:تحت أمرك بس وين سيارتك انت خالد:بتعطيني إياها ولا لا سعد:خلاص يا أخي ما قلنا شي أخذها خالد :مشكور سعد:يله قوم خلنا نفطر ترى بموت من الجوع خالد:يله &&&&&&&&&&&&& وقفوا عند باب المؤسسه عبير:يالله منك يا سحر والله مو عدله سحر وهي تنزل:أقول انزلي تراكي ذبحتيني انزلي بس عبير وهي تفتح الباب وتنزل وتلحق بسحر وتوقفها عند باب المؤسسه:والله مو عدله إني أجي معاك وش كبري وأجي معاك لمكان شغلك والله فشيله سحر تمسك عبير وتسحبها معاها :أقول يله وبعدين انا قلت لك انا بكلم المدير وما راح يصير أي مشاكل عبير وهي توقفها عند الاصنصير: يالله منك ليش جبتيني معك والله فشيله سحر :يعني شنو تبغيني أتركك لحالك مع هالميساء و أنتي موقدها عبير سكتت لأنها عرفه ان أختها معاها حق وهي موقد ميساء دخلوا الاصنصير ووصلوا للمكتب دخلت سحر:صباح الخير ساره:هلا والله وغلا بالطش والرش وماء الورد المرشرش ونوره:صباح النور سحر وهي تلتفت على وراء وتدور عبير اللي وقفت عند الباب طلعت ودخلت المكتب مره ثانيه وهي ماسكه عبير سحر:بنات أعرفكم أختي عبير راح تقعد معاي اليوم ....وتكمل بكذب:لان الوالده مره تفكيرها قديم وتقول بتطمن علي خلت عبير تجي معاي مكان شغلي عاد تعرفون تفكير كبار السن ساره وهي تقوم وتسلم على عبير:المهلي ما يولي هلا والله نوره :مرحبا فيس بينا سحر:أعرفك هذي ساره وهذي نوره عبير:آهلين ساره بهبل:نوره شوفيها يا لبيه تهبل والله نوره:الحمد لله والشكر بس .....وهي تبوس يدها عبير ابتسمت عليهم وحست انها ارتاحت لهم وكلام سحر عنهم صحيح جلست وجلست عبير جنبها وطلعت الملفات تشيك عليهم سحر وهي تقوم:انا بودي هالملفات وارجع اوكي عبير بهمس:طيب سحر وهي تلتفت لساره ونوره:بنات ترى عبير من النوع اللي يستحي حتى من ظله لا أوصيكم ساره وهي تضرب صدرها:افا عليك ازهليها يا مال العافيه سحر ابتسمت وطلعت ساره وهي تقوم وتجلس على مكتب سحر:أقول عبربر أنتي تدرسين عبير:ايه دراسات إسلاميه ساره :اكشخ يعني مطوعه نوره:يالخبله تقول لس دراسات إسلاميه مو مطوعه يالمفهيه ساره:ايه يعني مطوعه أقول عبربر وش رايس تجين عندنا في الديره هناك عندي صخله مرضانه ما ادري وش فيها تعالي اقري عليها عبير تحاول تكتم ضحكتها:ههههههههههه نوره:صخله في عينس والله انس رايحه فيها ساره:تعالي عندنا الديره واقري عليها وعطيها كم ضربه بالعصا كود الجن اللي فيها يطلعون عبير:ههههههههههه نوره:والله ان كان في واحد يبغاله ضربه فهو أنتي يضربونس على راسس الغبي كود تصيرين ذكيه بدل هالغباء ساره بهبل:ترى انا كنت ذكيه بس وآنا مره ماشيه في الشارع جاتني ضربه على راسي بالكوره من عيال الحاره واستغبيت بعد كذا نوره:رحم الله امرئ عرف قدر نفسه الحمد لله اعترفتي بلسانس انس جبل من الغباء ساره:يا لبى قلبي حتى وآنا غبيه أهبل عبير:ههههههه عبير في نفسها:والله سحر معاها حق هالثنتين تحفه &&&&&&&&&&&&&&& وصلت مكتبه طقت الباب تركي:تفضل سحر وهي تدخل:صباح الخير تركي رفع عينه وبابتسامه:صباح النور سحر تمد له الملفات :تفضل تركي خذاها وهو مستغرب:أنتي خلصتيها سحر :ايه تركي:أنتي عندك ظروف كان خليتي أي احد ثاني يسوي الشغل عنك سحر:ماله داعي ولفت بتطلع بس وقفت تركي:في شي سحر وهي تطالع الأرض ومتوتره:انا اضطريت أجيب أختي معاي الشغل تركي:وليه ما حطيتيها في حضانه ممنوع احد يجيب أطفال على الدوام وأنتي عارفه النظام سحر بسرعه:لا هي مو صغيره هي ...هي..عمرها كبير هي في الكليه تركي رفع حواجبه ومتفاجا:ايش قلتي في الكليه و جايبتها هنا سحر بنبرة ضيق ما فاتت تركي:كنت مضطره تركي :شلون يعني مضطره سحر طالعته وما ردت تركي حس السالفه كبيره:انسه سحر في شي تبغين تقولينه سحر طالعته ومبين عليها التردد تركي قام من مكانه ووقف قدامه وبصوت حنيه:سحر فيك شي سحر طالعته:مصيبه تركي عقد حواجبه:وش صاير سحر وهي تتلفت :ما ادري وش أقول لك بس ما ينفع اقولك اللي ابغاه هنا ما يصلح اقعد اسولف لا احد يلاحظ تركي:طيب تبغيني اتصل فيك سحر :لاما ينفع على التلفون ممكن...وبتردد تكمل:إذا ما فيها إزعاج ...يعني اشوفك بعد الدوام تركي:وين سحر:بالمطعم (...) تركي:خلاص ماشي سحر:مشكور تركي وطلعت وتركته يفكر وش ممكن يكون اللي صاير &&&&&&&&&&& جاء وقت الظهر والكل طالع للغداء طلال وحمد وهم يسولفون حمد:أقول لا تلعب علي شايفني غبي عندك الغداء عليك يعني عليك طلال:هههه لحول يا أخي قدر انا كم يوم وأتملك وأنت مستبخل علي حتى تغديني حمد :طير يا شيخ من يوم وافقوا عليك وآنا كله أملئ كرشك بهالعزايم طلال وهو يقطع الشارع :لا تمنن علي بهالعزايم البسيطه حمد:انا أتمنن ..ويوقف كلامه وهو يصرخ :طلال انتبه .... التفت طلال وشاف سياره جايه اتجاهه وبسرعه كبيره وما حس إلا باللي يسحبه بعيد عنها ويطيح هو وياه على الرصيف و السياره تكمل مشي على سرعتها حمد :انت بخير صار لك شي طلال وعيونه على السياره اللي اختفت:لا ما صار لي شي وأنت حمد:لا... وقاموا طلال:كان يبغى يموتني حمد: من تقصد طلال: انت تعرف انا اقصد من ولد عمك خالد في احد غيره حمد سكت وما رد عليه طلال:والله لأعلمه شغله بس خلني املك وحسابه معاي بعدين حمد:المهم انك بخير يله طلال:يله حمد يرفع الجوال ويتصل:الو مكتب الحراسات لو سمحت ابغى 4 رجال حماية – ايه - بودي غارد طلال التفت له:ماله داعي حمد:لحظه....ويكلم طلال:إلا له داعي وما ابغى اسمع ولا كلمه ولا ترى والله لأخرب عليك يوم ملكتك وما أخليك تعرس ابد طلال ابتسم بخفه وسكت حمد وهو يرجع يكلم بالجوال:ايه معاك حمد مبارك ذياب – بأسرع وقت – ماشي صكر جواله :اليوم بيكونون عندك وما ابغاك تطلع إلا هم وياك إذا كان لي غلاه عندك تسوي اللي أقوله لك طلال طالعه وما رد عليه &&&&&&&&&&&&& |
تــــــــــــــــــــابـــــــــــعـــــــ وهم في السياره ومتوجهين للمطعم سحر :عبير انا لازم أقول لك شغله عبير باهتمام :وشو سحر :ابغاك تسمعيني وما تقاطعيني ابد عبير:ان شاء الله بس قولي تراك خوفتيني سحر:انا راح اقولك كل شي أنتي ما تعرفينه عني عبير سكتت وهي تنتظرها تكمل سحر:انا لما كنت اطلع كنت أروح لوحده اسمها سماهر و....................... عبير بعد ما سمعت كل اللي قالته أختها :أنتي يا سحر يطالع منك هذا كله سحر:كنت أحس بفراغ كبير لا اهتمام ابو ولا أم كنت أحس إني في دوامه ضياع عبير:بس حتى ولو يا سحر مو كل من حس بعدم اهتمام سوا مثلك كان الدنيا اختربت سحر تنهدت وسكتت عبير:الحمد لله انك عرفتي ان الطريق اللي تمشين فيه غلط وهذا أهم شي الحين سحر:بس وش نسوي في الورطه اللي انا فيها عبير:والله ما ادري وش أقول لك سحر: مالنا إلا تركي عبير :اللي هو مديرك اللي أنقذك من قبل سحر:ايه عبير:أنتي تثقين فيه سحر:ايه ما ادري كيف بس أحس انه ثقه عبير:ما ادري ايش اقولك يا أختي........وتنهدت وصارت تطالع أختها سحر:لا تطالعيني كذا وكأني شي مستحقرته عبير:لا والله بالعكس انا مبسوطه انك وثقتي فيني وقلت لي كل شي وبعدين أنتي تغيرتي وهذا صار ماضي وكل إنسان يحتاج فرصه ثانيه بالحياه فلا تضيعينها يا أختي سحر:لا تخافين ما راح أضيعها وصلوا ونزلوا ودخلوا المطعم شافته جالس عبير:انا بجلس على هذيك الطاوله انتظرك لحد ما تخلصين سحر بامتنان:طيب مشكوره عبير ابتسمت لها وراحت تجلس على طاوله قريبه منها سحر وهي تتقدم لطاولة تركي وهي متوتره ومو عارفه الشي اللي تسويه صح أو غلط سحر:السلام عليكم تركي:وعليكم السلام.. تفضلي سحر جلست تركي وهو يطالع عبير :أختك سحر التفتت محل ما يطالع :ايه تركي:وش تشربين سحر:انا مو جايه اشرب جايه أقول اللي عندي وطالعه تركي باهتمام:قولي أسمعك سحر وهي ماسكه يديها:ابو شملان عرف من انا تركي ما ظهرت على وجهه أي تعابير سحر :اشوفك ما استغربت تركي:كنت متوقع سحر ابتسمت بسخريه:ومن توقعاتك ان ابو شملان زوج أبوي وحده كانت ...وتكمل وهي منزله عيونها متفشله من ماضيها:كانت تجي الشقه عند سماهر تركي هالمره تفاجأ:ايش سحر رجعت طالعته:هي متفقه مع ابو شملان على ايش ما ادري بس حاسه انها مصيبه تركي :طيب ايش عرفك سحر:هي قالت لي ابو شملان يسلم عليك تركي شد على فكه بقوه ويطالعها وكأنه يقول هذي غلطتك تحملي سحر نزلت عيونها: ما ادري وش أسوي انا ما ابغى بعد ما فرحت وفتحت صفحه جديده يجي شي ويخرب علي.... ورجعت تطالعه وتكمل :انا والله تبت يا تركي والله وما لي رجعه على هالطريق مره ثانيه تركي يطالع عيونها وما شاف إلا انا بدت تغرق بالدموع سحر:ما ابغى ارجع ضايعه من جديد والتفتت على أختها :ولا ابغى ابعد عن الناس اللي ما صدقت إني حبيتهم وحسيت إني اعني لهم شي ما ابغى أخيب أمل احد وثق فيني من جديد وعطاني فرصه ورجعت التفتت على تركي وهي تأخذ نفس وتنزل عيونها على الطاوله و كملت:انا...انا..ما ابغى أورطك واقلق لك راسك بس انا ما اعرف وش أسوي وما طرأ على بالي احد غيرك تركي وهو يمسك يدها وهي رفعت وجهها بسرعه وحاولت تسحب يدها وهو ضاغط عليها:لا تخافين وآنا راح معاك وان شاء الله ابو شملان ما يقدر يشوي لك شي سحر:صدق تركي:ايه ما دامك تركتي الطريق وتبتي خلاص انا معاك وما في شي يخليك تخافين عيشي حياتك بس تذكري الواحد ماله إلا فرصه وحده بالحياه سحر:عارفه وآنا راح استغلها وانتبهت على يدها وصارت تسحبها وهي منحرجه وتركي ترك يدها سحر وهي تقوم وبدون ما تطالعه:انا لازم امشي تركي:اتركي موضوعك علي أفكر وأشوف لك حل وبعدها راح أقول لك سحر :طيب تركي :راح يكون بينا اتصال إذا ما فيه إزعاج سحر:لا ابد ..... وقبل لا تمشي طالعته :مشكور تركي دينك برقبتي لأخر يوم في عمري تركي وهو يطالع عيونها وابتسم:العفو ما بينا هالكلام ابتسمت ابتسامه صادقه هو يحبها غير عن كل الضحكات والابتسامات اللي شافها ابتسامه تشبه ابتسامتها اللي في المكتب مع نوره و ساره وهو يا ما تخيل انها تبتسم له مثلها مشت وقامت عبير معاها ومسكت يدها ومشوا مع بعض تركي:الحين تأكدت انها تغيرت وآنا ماراح أتخلى عنها ابد ..وحط يده على قلبه وهو يبتسم وقام وطلع من المطعم &&&&&&&&&&&&&&& في الشارع القديم وفي البيت المتواضع حنان وحنين في المطبخ حنان وهي تطالع أختها حنين:وش فيك تطالعيني كذا حنان تركت الصحن من يدها:ما سمعت صوتك من يوم اللي صار أمس حنين رجعت التفتت على الصحون اللي ترتبها وما ردت حنان وهي تحط يدها على كتف أختها:وش رايك حنين تنهدت والتفتت على حنان:لا حنان تفاجات :ايش قلتي حنين:قلت لا حنان:وليه ان شاء الله حنين:مو انا اللي أتزوج علشان كلام الناس ولا أتزوج واحد يشفق علي حنان:وش هالكلام الرجال ما فيه أي عيب إلا سيد الرجاجيل كلهم والكل يتمناه حنين:الكل عداي انا حنان انا ما ارضى على نفسي أخذه وبكره يعايرني بفقري ولا علشان الناس ما تتكلم علينا أنتي ترضينها لي حنان سكتت وهي فعلا ما ترضى حنين:بس حنان:بس ايش حنين:بس انا لازم أتغاضى عن هالشي وادهس على كرامتي حنان:ما فهمت حنين:هو فرصتنا اننا نطلع من هنا هو ولد عز وراح يطلعنا وراح تقدر رؤى تدخل روضه في المستقبل وأمي راح أجيب لها كرسي جديد وأنتي ما تضطرين تبيعين بسطات بها الشموس وراح تتوفر لنا فرص عيش أفضل حنان :يعني قصدك بتتزوجين الرجال علشانك طمعانه فيه حنين:لا علشاني محتاجه وآنا مليت من سالف الحاجه اللي ذابحتنا حنان:بس يا حنين حنان:أنتي لو جاك واحد ممكن يغنيك ويطلعك من الفقر راح ترفضينه حنان :بس أنتي ما تحبينه حنين:مو مهم مع الوقت بتعود أهم شي نعيش عيشه أفضل حنان:حنين طالعيني حنين تطالعها حنان:أنتي تكرهينه لان اللي يكره صعب يحب حنين:لا حنان:والله ماعاد فهمت عليك يعني أنتي بتوافقين ولا لا حنين هزت راسها بمعنى ايه حنان وهي تبتسم:انا متأكده انك راح تحبينه ألف مبروك حبيبتي حنين بابتسامه باهته:مو مهم حنان سكتت وهي متأكده من اللي في بالها وكملوا شغلهم &&&&&&&&&&&&& مر أسبوع سريع مثل البرق وما في أحداث تذكر طلال صار ما يطالع إلا و البودي قارد وراه خالد منقهر لأنه مو قادر يقرب على طلال وكل ليله مقضيها سهر وسكر الجوهره ودلول ما تركوا محل ما دخلوه وتكسر رجولهم من كثر اللف ماجد وعبدالمجيد وريان وعلي وحتى نايف ما ضيعوا وقتهم تجهزوا بأنهم ما خلو شي ما شروه أم عبدالمجيد مع أم دلول ما خلوا شي ما شروه وكل وحده تجهز نفسها للكشخه علشان الرزه عند الحريم ميري رافقت أم دلول علشان تكشخ لأنها ناويه انها ترقص في الملكه على الدي جي عبير وسحر قرروا يروحون الملكه وما يقطعون أواصر القرابه مع بنات عمهم وشوق وشهد نص أوقاتهم في السوق للتجهيز &&&&&&&&&&&&&&& يوم الملكه أم دلول:كلللللللللللللللللوشششششش كانت لابسه جلابيه ذهبيه وازرق وصايره خطيره أم عبدالمجيد ومعاها المبخر كانت لابسه نفس أم دلول ذهبي وازرق بس عكس أماكن الألوان وطالعه مع أم دلول كانهم خوات وتستقبل أم فيصل:هلا والله ومرحبا أم فيصل تسلم عليها هي والبنات:على البركه يا بعد عمري أم فيصل كانت لابسه جابيه عنابيه مطرزه بالأسود أم عبدالمجيد:الله يبارك فيك يا حبيتي تجي أم دلول:هلا والله أم فيصل والبنات يسلموا :ألف مبروك أم دلول تسلم :الله يبارك في عمركم ان شاء الله أم فيصل:وش فيكم حاطينه مختصر أم عبدالمجيد:هذا طلب البنات ما يبغون إلا اللي يعزون عليهم يفرحون معاهم وبس أم فيصل:الله يوفقهم ويبارك فيهم ونشوف عيال عيالهم أم دلول وهي تمسح دموعها:أميين ياربي أم عبدالمجيد:هوووو وش فيك يا أم دلول أم دلول :ابد بس خنقتني العبره عسى بس المكياج ما خرب ترى دافعه فيه 350 ريال أم عبدالمجيد وام فيصل:ههههههههه صعدوا البنات للجوهره ودلول طقوا الباب ودخلو :كللللووووووش و يسلمون عليهم :على البركه الجوهره بهدوء:الله يبارك فيكم دلول:الله يبارك فيكم شهد:وش هالحركات دليل منتي هينه شهد لابسه فستان اورنج مره حلو دلول:هههه صدق أصلا انا حلوه من يوم ربي خلقني دلول كان فستانها الملكه احمر طبعا الجوهره أصرت على دلول تأخذ هاللون وما قالت لها ليش شوق:اشتغلنا بالصواريخ شوق كانت لابسه فستان بيج يأخذ العقل ومكياج هادي وشوي ويسمعون طق الباب ويدخلون عبير وسحر ويسلمون البنات كانوا مستغربين من سحر اللي جات عندهم عبير لابسه فستان ابيض ناعم مثلها سحر اختارته لها أما سحر ففستانها كان فضي يعكس جمالها عليه سحر:انا أسفه على كل اللي سويته لكم من قبل وأتمنى تسامحوني ونبدأ صفحه جديده البنات يطالعون بعض وبعدها راحوا سلموا عليها الجوهره:حبيبتي مهما صار احنا أهل وأكيد راح نكون مبسوطين بوجودك معانا سحر ابتسمت بحرج:مشكورين سحر في نفسها:والله معاها حق عبير يوم تحبهم يالله انا كيف ضيعت كل هالوقت بكرهي لهم وسماع كلام أمي الله يهديها &&&&&&&&& خلونا نروح عند الرجال شوي كان اللي يستقبل المعازيم اللي كانوا ينعدون على الأصابع علي اللي نافخ صدره لأنه أخو العروس وعبدالمجيد وريان اللي كاشخ بحركة الكوبرا أم في نص المجلس كان قاعد طلال بكشخته وماجد إلا ما يقل عنه في الكشخه طلال كان هادئ وما يسولف كثير بس ماجد شاق الحلق بالضحك وكأنه يسوي دعاية معجون كرست دخل رجال كبير في السن وسلم على علي وعبدالمجيد وريان الرجال:آلف مبروك الكل :الله يبارك فيك طبعا محد عرفه قام له طلال:أعرفكم عمي صالح الكل تفاجأ لأنهم عافين طلال ما عنده أهل ماجد:عمك بس احنا ظنينا ان ما عندك أهل حمد:ههه هو لما يقول انا وحيد يقصد ما عنده أم وأبو مو معناتها ان ما عنده احد ابد ماجد :اها وصاروا يسلمون عليه ويرحبون فيه وشوي ودخل رجال ثاني وسلم على الكل ولما وصل لطلال حضنه تركي:بالبركه يا خوي طلالوهو يضمه :يبارك فيك يالغالي تركي :مو تزوجت معناها تنسى سالفه الشراكه طلال:انا عند وعدي لك طلال بصوت عالي :أعرفكم كلكم اخوي تركي عبدالمجيد:اخوك طلال:ايه هو ولد عمي صالح واخوي من الرضاعه عبدالمجيد:هلا والله تركي :هلا فيك ماجد بهبل:طلال إذا عندك أخوان أو أهل ثانيين علمنا من الحين الكل :ههههههه طلال :لا ما عندي عبدالمجيد:طيب احنا كل ما سألناك قلت ما عندي أهل طلال:انا عمري ما اعتبرت عمي صالح إلا صديق وتركي بعد علشان كذا ما شملتهم بهالكلمه ولما كنت أقول وحيد قصدي ما عندي أم وأبو الكل سكت وشوي دخل فيصل وقاموا له ويرحبون فيه بس تفاجاو من اللي دخل وراه عبد الرحمن(ابو فيصل)السلام عليكم الكل:وعليكم السلام ماجد بين على وجهه الضيق عبدالمجيد على طول راح وحبه على رأسه وطالع ماجد معناتها تعال سلم ماجد تقدم له وسلم عليه ابو فيصل:على البركه ماجد :الله يبارك فيك وعرفوه على عم طلال وتركي وقعدوا سوالف وضحك بين السوالف سمع جواله يعلن عم مسج (انت يمكن ربحت الجوله بس مو المعركه) ابتسم بسخريه وطنش الموضوع &&&&&&&&&&&&& البنات وهم قاعدين دخلت عليهم أم عبدالمجيد بدفتر:يله حبيباتي وقعوا دلول مسكت الدفتر وهي شاقه الحلق وتوريهم بياض أسنانها من الفرحه وتوقع وتوقيعتها كله شخابيط وعطوا الدفتر الجوهره مسكته وخذت القلم وبعد ثواني وقعت أم عبدالمجيد تبوس البنات وتجي أم دلول وتبوسهم وتبارك لهم البنات :كللللوووششششش أم عبدالمجيد:يله انزلوا يا بنات نزلوا وسلموا على أم فيصل و الكل استغرب لوجود سحر بس ما علق &&&&&&&&&&& عند الرجال ماجد لعبدالمجيد:يا لله كل هذا توقيع لو انها اتفاقية سلام كان من زمان خالصين عبدالمجيد وهو يضرب خصر ماجد:اسكت لا تفشلنا يالخبل ماجد:أي جابوا الدفتر والكل قام يبارك وعبدالمجيد دخل عند أمه ودخل ماجد وراه على طول اللي قاموا الموجودين يضحكون عليه لأنه مبين عليه مستعجل أم دلول وهي تمسك يد بنتها: يله حبيبتي دلول :وين أم دلول:نروح نزهه وين بعد تروحين تشوفين رجلك دلول بتوتر:طيب قامت ولما وصلت عن باب المجلس :أقول يمه كان السالفه صارت صدق أم دلول:هجل وش تحسبينها مزح دلول وهي ترجع:لا يمه خلاص هونت أم دلول: وش هونتي أقول امشي لا اوريك شغلك وتفتح الباب وتدخلها وتصك الباب وراها ودلول ظلت تطالع الباب و متجمده وتوعد في أمها على هالحركه &&&& ماجد:انتظر على أعصابي يالله أخيرا بشوف دلولتي أم كشه وش فيك يا ماجد تخورها إلا قمر يا ويل قلبي عليها انفتح الباب وشافها دخلت وصكر الباب بعدها وهي واقف حس روحه بيضحك عليها قام من مكانه وجاء قريب لها:دلول دلول تجمدت ماجد مسكها من يدها وهو يجرها علشان تقعد:اجلسي ....وجلست وجلس جنبها وهي وقفت وهو وقف ماجد:يرحم والديك اجلسي علشان نعرف نسولف رجعت تجلس ماجد:أخبارك دلول تهز راسها ماجد وهو يمسك يدها بين يديه:الأحمر يهبل عليك ..وهو يقرب ويهمس في أذنها : طالعه قمر دلول توخر وبابتسامه :مشكور ماجد:شوفي عاد إذا بتظلين كذا تستحين انا ما اضمن النتايج دلول طالعته وعيونها طالعه من محلها:وش قصدك ماجد:ههههههه فديت قلبك والله انك هبلتي فيني يا عسل دلول نزلت راسها وهي في نفسها:ياربي الله يعيني عليه هذا شكله بيجنني من أولها &&&&&&&&&&&&&& عند طلال ناداني عبدالمجيد وقمت معاه وحمد يغمز لي وان اكتفيت أرد عليه بابتسامه وشفت تركي يبتسم لي وآنا ابتسمت له دخلت مجلس جانبي وقعدت انتظر &&&&&&&&&&&&& الجوهره:جاتني خالتي أم عبدالمجيد وتقول لي يله انا حسيت بخوف لان هذا المواجه كنت خايفه منها من أسبوع مشيت معاها وشفت عبدالمجيد اللي كان يبتسم لي ابتسمت له وآنا منزله راسي ومسكت ايه وهي ضغط عليها وهمس لي :طالعه قمر أختي ضحكت لها :مشكور ودخلت المجلس وفك يدي وآنا رفعت عيوني وشفته كان لابس الثوب وهذي أول مره أشوفه به نزلت عيونه على طول وجلست في ابعد كنبه عنه &&&&&&&&&&& طلال دخلت ولما دخلت ما قدرت أشيل عيوني عنها ابد أخيرا صارت لي وما احد له كلام معاي أو له شي عندي كانت لابسه فستان اسود وما فاتني انها لابسه الأسود تعبير عن الحزن ومكياجها الهادئ لاحظت انها جلست في أخر كنبه بعد ما طالعتني بنظرة ضيق خذيت نفس وقمت لها وجلست جنبها ظليت أناظر وجهها وعيونها اللي كانت تناظر قدام طلال:أخبارك جوهرتي الجوهره ما ردت عليه طلال:ما تبغين تردين الجوهره :ما عندي شي أقوله طلال ابتسم وطلع من جيبه علبه وفتحها مسك أيدها حاولت تسحبها وهي تطالعه بضيق بس هو مسكها بقوه وصار يطالع عيونها فتح العلبه وطلع منها خاتم ابيض ناعم دخله في أصبعها طلا:ابغى هالخاتم يضل في يدك ما تشيلينه ابد ابتسمت الجوهره بسخريه ولفت وجهها عنه طلال وهو يمسح على يدها بحنيه حست من لمسته ان جسمها كله ارتعش طلال:توعديني الجوهر وهي تلف عليه:لا ما رح أوعدك إني أخليه في يدي لاني أول ما اطلع من هنا راح ارميه بأقرب زباله طلال وهو يبتسم ويبوس يدها :لا انا متأكد انك ماراح ترمينه وبيقعد في يدك وكل ما تشوفينه بتتذكريني الجوهره وهي تلف عنه:وكأني اقدر أنسى أصلا طلال : أنتي ليه تظنين إني أصريت عليك الجوهره بدون ما تطالعه:ما يهمني طلال وهو يمسك دقنها ويلف وجهها عليه:لاني ما اقدر أتخيل حياتي بدونك الجوهره وهي تطالع عيونه ومستغربه وبعدها ضحكة بسخريه:و تبغاني اصدق طلال خذا يدها وحطه على جهة قلبه :الكلام ممكن تكذبينه بس دقات القلب عمرك ما تقدرين تكذبينها الجوهره وهي تحس بقلبه يدق بقوه وتشوف في عيونه الصدق ما حسوا إلا على دخلت إخوانها وميري تطاردهم نوف ونايف ميري:ايب اطلع انا والله قول ما في كويس ادخل بس هو ما في اسمع كلام طلا بابتسامه:لا عادي خليهم نوف ونايف وهم عند الجوهره نايف:انت اللي بتأخذ أمنا طلال:ايه نوف:انا ما احبك طلال بحنيه :ليه يا حلوه نوف:علشانك بتأخذ ماما وتخلينا بروحنا الجوهره وهي تمسح على شعرها:لا حبيبتي ما في احد يقدر يأخذني منكم ابد نايف:بس أنتي بتروحين معاه طلال:وانتوا بتجون معانا انا هناك في بيتي مسوي لك واحد منكم غرفه وفيها الألعاب كثيييييره نايف:ياسلام سمعتي نوفه نوف:ايه نايف بلقافه:طيب أنتي تحب ماما طلال طالع الجوهره اللي بان على وجها الإحراج وابتسم ميري تقاطعهم :كلاص يله روه ما في كويس انت اقعد هنا يله امشي طلال:لا خليهم انا خلاص طالع باس نوف ونايف وباس رأس الجوهره والجوهره تفشلت خصوصا ان ميري وإخوانها موجودين وحط علبه ثانيه على الطاوله وابتسم لها وطلع ميري هزت راسها وهي تحرك حواجبها الجوهره:وش فيك ميري وهي تبتسم:ما في شي وطلعت والجوهره خذت العلبه وظلت تناظرها وتناظر الخاتم في إصبعها وبعدها طلعت أما دلول فما رضى ماجد يخليها تطلع من المجلس لحد ما جات أم دلول وسحبتها سحب والكل ميت ضحك على خبالهم بعدها شغلوا الدي جي وقاموا البنات يرقصون وام دلول تكهرب بكتوفها وتلعب لعب خطير وتسحب أم عبدالمجيد اللي مستحيه ترقص أما ميري تقلدهم في الرقص والكل ميت ضحك عليها وام فيصل وعبير يصفقون بعد ما خلصت الملكه استاذنت أم فيصل وبناتها وما بقى إلا أم دلول وام عبدالمجيد وسحر وعبير ودلول أما عند الرجال استأذن العم صالح وطلع وفيصل وأبو فيصل وبقى طلال وتركي وماجد وعبدالمجيد وعلي وريان في المجلس سحر وهي ترد جوالها وتلتفت لعبير:يله السواق برا ينتظرنا عبير:يله وسلموا على الكل وطلعوا تركي:انا استأذن يله بروح ماجد:تو الناس يا أخي خلنا قاعدين نسهر مع بعض تركي:لا والله وراي دوام بكره فمان الله ...وسلم على طلال الكل :مع السلامه عبير وهي توقف سحر:لحظه وهي تدور:معاك جوالي سحر:لا عبير:يووه شكلي نسيته داخل سحر:يله روحي جيبيه بسرعه عبير:طيب راحت تجيبيه وهي طالعه قابلت عبدالمجيد اللي ابتسم لها:أخبارك يالغاليه عبير بحياء زايد:بخير عبدالمجيد:الحمد لله لحقت عليك وشفتك عبير ابتسمت وما ردت عبدالمجيد:أخبار الأوضاع عندكم في البيت عبير: الحمد لله على كل حال ..يله لازم أروح سحر تنتظرني برا عبدالمجيد:انتبهي على نفسك عبير :ان شاء الله ...وراحت &&&&& عند سحر:اووووف هذي وش فيها تأخرت صوت من وراها:ما توقعت إني اشوفك هنا سحر شهقت وهي تلتفت:تركي تركي بابتسامه:بشحمه ولحمه سحر باستغراب:وش تسوي هنا تركي:احنا اللي مناسبينكم سحر:ايش تركي:اللي سمعتيه المعرس اخوي من الرضاعه سحر:اها تركي:والعروس بنت عمك صح ولا غلطان سحر:ايه حل الصمت وتركي يناظرها بنظرات هي ما فهمتها ونزلت عيونها بسرعه التفتت على باب الفله اللي كان واقفه عنده عبير وهي تحط جوالها في شنطتها ورجعت التفتت لجهة تركي ما شافته سحر:وين راح عبير :تأخرت عليك سحر:لا ابد يله نروح عبير :يله لهنا أوقف والبارت الجاي ملئ بأحداث مشوقه أكثر وأكثر بس في مفاجئه في بنت بتنخطب من هي ياترى؟ ولكل اللي ما يحب سحر انا متأكده إنكم راح تحبونها لأنها بتطلع بوجه ثاني واترك لكم حرية التعليق &&&&&&&&&&&&&&& شامخه وبنت رجال وجاء من يغلبني &&&&&&&&&&&&&&&&& |
&&&&&&&&&&&&&&& شامخة وبنت رجال وجاء من يغلبني &&&&&&&&&&&&&&&&&& البارت الخامس عشر &&&&&&&&&&&&&&&&&&&& في إحدى البيوت العامره أم دلول بصراخ:دلال...دلول قومي الناس صارت حزت غداء وأنتي لحد الحين نايمه استغفر الله حتى الصلاة ما صليتيها.. دلول علي اللي توه جاي من المدرسه:لا تعبين نفسك أم دلول:ها يا وليدي انت جيت علي:ايه وآنا ميت من الجوع أم دلول:يخسي الجوع بس أقوم دلول و نتغدى جميع علي:اغسلي يدك منها هذي لو بنستناها عز الله ما تغدينا أم دلول:ليه علي:أمس سهرانه تكلم روميو وما نامت إلا متأخر أم دلول وهي تطالعه:وأنت وش دراك ها..ليكون كنت تنصت على أختك يا عليوي علي تورط:لا يمه وش الله يهديك أتنصت إلا كنت قايم أروح ااا... وهو يفكر بكذبه:ايه قايم أروح اشرب ماء أم دلول:ماء الساعه 4 ونص الفجر علي اللي طالع أمه وكأنه ما صدق تغلط بالكلام قدامه :يمه وش دراك ان الساعه كانت 4 ونص أم دلول تورطت فضحت نفسها بنفسها:ها لاني...شفت الساعه علي وهو يطلعها بنظرة شك:وأنتي يمه وش اللي صحاك في ذا الوقت أم دلول:وش قصدك انا كنت..ايه كنت أصلي أخر الليل علي وهو يحك دقنه:اها أخر الليل أم دلول:أقول ياللي ما تستحي جالس تحاسبني ولا شاك فيني علي وهو يرفع كتوفه:بس انا ما قلت شي أم دلول تصرف:يله روح بدل ملابسك وانزل نتغدى علي وهو يضحك:ان شاء الله أم دلول:ضحكت من سرك صدق جيل ما يستحى ابد ونزلت وصوت ضحك علي مالي المكان &&&&&&&&&&&&&& قاعده في غرفتها من أمس والنوم مجافيها تنام ساعه و تصحى ثلاث ساعات الجوهره وهي تحس راسها مصدع :اووووف وش هالحاله ليش النوم مو راضي يجي اووووف قامت ومشت لحد التسريحه وشافت الخاتم اللي كان في إصبعها وشافت العلبه الثانيه اللي أخذتها من أمس ولا فتحتها وشافت في زاوية غرفتها الهدايا اللي تفاجات بوجودها في غرفتها ولا فتحها ولا تفكر تفتحها هي ما تبغى شي منه هي بروحها كارهته شالت الخاتم من على التسريحه:والله واثق إني ما راح أشيل الخاتم من إصبعي ما دري انه غلطان رمته على التسريحه وطلعت علشان تنزل لخالتها تحت &&&&&&&&&&&&&&& في المؤسسه سحر اللي كانت في مكتبها وماسكه جوالها تنتظر عبير ترد عليها وعطتها مشغول سحر:وش فيها هذي عطتني مشغول يمكن عندها محاضره ....وبعد 10 دقايق رجعت تتصل عليها سحر :الو وينك عبير:أسفه حبيبتي بس كنت في المحاضرة وأول ما طلعت اتصلت فيك على طول سحر :طيب متى تخلصين عبير:يعني بعد ساعه ليه سحر:وآنا بعد نص ساعه بطلع من الدوام و بمرك و بنتظرك لحد ما تخلصين ونروح مطعم نتغدى ها موافقه عبير بفرح:أكيد موافقه سحر:خلاص صار عبير:والله فكرت ان اليوم ما في غداء سحر: وليه ما فيه عبير:نسيتي الشحروره اللي في البيت بتسد نفسنا عن الأكل سحر:والله أذا في احد بتنسد نفسه فأكيد هي مو احنا عبير:ههههههه لحظه سحوره عبير تطالع شاشتها باستغراب وترد على سحر:سحر أبوي يتصل فيني سحر:أبوي غريبه عبير: يله سحر برد عليه أشوف وش يبغى سحر:اوكي بس ارجعي اتصلي فيني وعلميني ايش يبغى عبير: ان شاء الله صكرت وسحر تفكر: أبوي متصل على عبير غريبه ما سواها من قبل يا خبر اليوم بفلوس بكره ببلاش نوره وهي تجي ناحية سحر:وش فيس تهوجسين يا حبيبتي سحر:ها لا ولا شي ساره:يمكن تفكر بحبيب القلب سحر واللي طرا عليها تركي ما تدري ليه وجها صار احمر:أي حبيب القلب أنتي الثانيه صدق انك خبله نوره :أقول أنتي خلس مع حبيب قلبس الفرس الهمام مشعاب سحر:من مشعاب نوره:صح احنا ما قلنا لس مشعاب هذا الله يسلمس خطيب ساره سحر التفتت لساره:أنتي انخطبتي متى ساره:هههه من 22 سنه سحر تفاجات:ايش كيف يعني مافهمت نوره :مشعاب هذا مسمى لها سحر:اها فهمت الحين ساره:على الأقل مشعاب أحسن من ذياب سحر:من ذياب بعد ساره:خطيب الهانم الي قدامس سحر:وأنتي بعد ساره :ايه سحر:والله طلعتوا مخطوبات وعندكم أخبار انا ما اعرفها نوره:فديت ذيوبي والله سحر:ههههههههه ساره:مالت ما يلوق نوره:عليس انت و مشعابس اللي اسمه كأنه ممسحة بلاط سحر:ههههههههه ساره:ممسحه في عينس ان شاء الله والله شعوبتي أحسن من ذيابس ذا اللي من اسمه كأني رايحه حديقة حيوانات سحر:ههههههههه نوره شهقت:انا ذيوبي حديقة حيوانات ياللي ما تستحين سحر:بنات من جد خلاص عاد ساره ونوره سكتوا سحر ابغى افهم انتم شفتوهم من قبل ساره:من تقصدين سحر:ذياب ومشعاب نوره و ساره يطالعون بعض:لا سحر:الحين انتم تتهاوشون على ناس ما قد شفتوهم من قبل والله إنكم منتو صاحيات ورن جوال سحر واسم عبير على الشاشه ردت بسرعه:هلا عبير عبير:هلا فيك سحر:ها وش يبغى أبوي فيك عبير:والله شي غريب سحر:وشو عبير:طلب مني إني الحين ارجع البيت يقول في موضوع بيكلمني فيه سحر:وشو موضوعه عبير:والله ما قال بس طلب إني أروح البيت الحين والله ان طلبه خوفني سحر وهي تفكر وحاسه بخوف عبير:سحر أنتي معاي سحر انتبهت لأختها:ايه معاك حبيبتي ما في شي يخوف أنتي روحي وبعدها كلميني عبير:طيب يله مع السلامه سحر:مع السلامه &&&&&&&&&&&&&&&& قاعد على طاولة الغداء وهو سرحان والكل منتبه لسرحانه أم فيصل:فيصل يمه فيك شي فيصل توه ينتبه:هلا يمه ابد سلامتك شهد تطالعه بنص عين:فصفص وش فيك سرحان فيصل بملل:أقول ترى مالي خلقك شوق:يمه أبوي وينه ما نزل يتغدى معانا أم فيصل:يقول ماله نفس ويبغى يريح فيصل:يمه بعد الغداء ابغاك في موضوع أم فيصل:وشو موضوعه يا وليدي فيصل:بعد الغداء ان شاء الله تعرفين أم فيصل:طيب شوق بهمس:وش السالفه شهد ترد عليها بنفس الهمس:ما ادري بس انا حاسه ان السالفه فيها خطبه شوق:والله ما عندك سالفه أصلا شهد:في مقوله تقول يا أختي العزيزة الإنسان لا يسرح إلا لأمران إما لمصيبة لم يجد لها حل أو لقلب غزاه العشق شوق ميلت فمها :والله ما عندك ما عند جدتي أنتي وهالدلخ اللي قال هالمقوله شهد طالعتها وما ردت عليها &&&&&&&&&&&& طلعت من الدوام وهي تحاتي هي اتفقت مع أختها انها تتصل فيها بس هي لحد الحين ما اتصلت ركبت مع السواق ووصلت البيت دخلت ما لقت احد بالصاله صعدت الدرج وهي تقرب من غرفتها سمعت صوت صياح احد صارت تمشي بخطوات سريعه دخلت غرفتها سحر تفاجات من منظر أختها:عبير عبير وهي منسدحه على السرير وتبكي رفعت راسها لما سمعت صوت أختها وشافت سحر سحر راحت لها وبخوف:وش فيك حبيبتي وش صاير عبير وهي ترمي نفسها لأختها وتصيح بصوت عالي:اهئ اهئ اهئ سحر ترفع رأس عبير و تتفاجأ بالاحمرار اللي على خدها:وش هذا عبير وهي تبكي:اهئ ...أب...أبوي سحر وهي لحد الحين مو مصدقه:هو ضربك عبير تاشر برأسها بمعنى ايه وترجع تبكي و تشاهق سحر رفعت رأس عبير ومسحت دموعها:قولي لي وش صار بالضبط عبير:أبوي يبغى يزوجني سحر بعصبيه:شلون يعني كيف يبغى يزوجك عبير وهي تأخذ نفس علشان تقدر تتكلم:انا اقولك لما رجعت من الكليه أبوي طلبني في مكتبه ورحت ورجعت بذاكرتها طقت الباب ابو خالد:ادخلي يا عبير عبير دخلت وشافت ميساء موجوده حست بالخوف:السلام عليكم ابو خالد:وعليكم السلام ..اجلسي عبير جلست:أمر يبه وش الموضوع اللي بغيتني فيه ابو خالد وهو يطالع ميساء:انا راح ادخل في الموضوع على طول عبير:يبه خوفتني وش صاير ابو خالد:أنتي جاء لك معرس عبير تفاجات:وش قلت ابو خالد:قلت جاء لك معرس وآنا شفته و لقيته مناسب لك عبير توقف:بس يبه انا ما ابغى أتزوج ميساء:وليه ان شاء الله عبير:توني صغيره و بكمل دراستي ميساء:ما في مشكله يا ما بنات تزوجوا وكملوا دراستهم عبير:انا ما ابغى أتزوج الحين ابو خالد:لا أنتي راح تتزوجينه انا عطيت الرجال كلمه عبير:بس يبه.. ابو خالد قام وهو يقاطعها:عبير أنتي تبغين تكسرين كلامي وتفشليني قدام الرجال عبير:لا يبه محشوم بس هذي حياتي انا ابو خالد وهو يوقف قدامها:انا قلت له رأيي ومو عبد المحسن اللي يرجع في كلمته عبير:بس انا ما راح أتزوجه ابو خالد بصراخ:تكسرين كلمتي يا عبور عبير:أسفه يبه بس ما اقدر أتزوجه ابو خالد عطاه كف قوي خلاها تطيح على الكرسي اللي وراها عبير وهي حاطه يدها على خدها وعيونها تنزل منها الدموع و ميساء كانت واقفه وراء ابو خالد مستمتعه بالمسرحيه اللي تشوفها ابو خالد:اكسر راسك يا عبور قبل ما تفكرين تطلعيني بزر قدام الرجاجيل وملكتك بعد يومين وجامعه ما في روحه وجوالك تحطينه الحين على مكتبي أنتي مو كفو ابد احد يعاملك بطيب عبير وهي تقوم وبصوت مخنوق:يبه والله حرام ابو خالد بصراخ:جوالك عبير تطلع جوالها بيد مرتجفه من الشنطه وتحطه على المكتب ابو خالد:الحين يله انقلعي غرفتك عبير طلعت من الكتب وصعدت الدرج وهي تبكي ابو خالد يجلس عل الكرسي أول مره يضرب احد من بناته ميساء جات جنبه:وش فيك ابو خالد:المفروض ما أمد يدي عليها ميساء:ما عليه علشان مصلحتها العريس ما يتفوت هي راح تزعل عليك الحين بس بعدين راح تشكرك ابو خالد هز رأسه وبعدها قام وطلع لغرفته ميساء تضحك:ههههههههههه والله لأربيكم يا بنات عبدالمحسن انتم وأخوكم عبير ترجع للحاضر وهي تشاهق سحر وهي مو مصدقه كل هذا يطلع من أبوهم وخرت عن عبير وهي حدها معصبه سحر:دقيقه وراجع لك عبير :وين رايحه سحر طالعتها وما ردت عليها وطلعت ونزلت تحت وشافت ميساء في الصاله تضحك ضحكة شماته طنشتها وراح لأبوها في مكتبه ودخلت بدون ما تطق الباب ابو خالد :اعتقد من الأدب انك تطقين الباب سحر:يبه صحيح اللي سمعته ابو خالد وهو ينزل النظارات :وش سمعتي سحر:صدق بتزوج عبير ابو خالد:ايه ليه عندك مانع سحر:أكيد عندي مانع دام المعرس من طرف زوجتك ابو خالد بنبرة تحذير:سحر سحر: يبه هالزواج ما لازم يتم ابو خالد وقف بعصبيه :نعم لا الظاهر ميساء كانت صادقه لما قالت بناتك يبغالهم تربيه من أول وجديد سحر:ما توقعت منك يجي يوم وترفع يدك علينا ابو خالد: وأذبحكم بعد قبل ما تفكرون تكسرون كلمتي وتصغروني بين الناس سحر:انا إذا كنت بسوي شي الحين هو إني راح أطبق الشي الوحيد اللي تعلمته منك انت وأمي وهو كل واحد يشوف مصلحته ابو خالد:وش قصدك سحر:ولا شي انت يبه تصرفت من راسك جاء دورنا ابو خالد بعصبيه:وش معناة كلامك ها سحر طالعته وما ردت عليه وطلعت من المكتب وهي معصبه وشافت ميساء لحد الحين جالسه في الصاله وتطالعها بابتسامة سخريه و شماته سحر جات ووقفت قدامها وبغرور سحر القديمه:والله ثم والله انك ما هزيتي شعره من راسي ميساء:ههههههههه واضح انك ما انزعجتي سحر تسندت على طرف الكرسي ونزلت لمستوى ميساء وتهمس لها بهمس كأنه جاي من بير عميق مظلم:والله واللي خلقني إني لأقلب حياتك جحيم وأخليك تندمين على الساعه اللي انولدتي فيها ميساء حاسه بخوف بس تبين انها قويه:سوي اللي تقدرين عليه ولا تقصرين سحر بحقد وعيونها كلها سواد:انا أتغاضى عن كل شي إلا أختي إلا روحي اللي يقرب منها أدمره وأنتي اللي جنيتي على نفسك يا واطيه ميساء :ما راح تسوين لي شي لاني بكل بساطه راح أفضحك ولا نسيتي ابو شملان سحر وهي تصر على أسنانها:سوي اللي يطلع معك وافضحيني بس تذكري أنتي بعد رح تنفضحين وآنا راح احرص على ان الفضيحه توصل لأهلك اللي راح يذبحونك ذبحة الخروف بعيد الأضحى ميساء تطالعها و ساكته وخرت عنها سحر وهي تضحك بخبث ومشت عنها و ميساء تفكر بخوف صعدت الدرج ودخلت الغرفه وشافت عبير اللي على وجهها اسأله كثيره قربت من أختها وضمتها وهي تمسح على شعرها سحر:بسالك سؤال واحد عبير:شنو سحر:أنتي تحبين عبدالمجيد عبير:أكثر من أي شي بهالدنيا سحر:تبغين تتزوجينه عبير: سكتت وما ردت سحر وهي ترفع رأس أختها:جاوبيني عبير هزت راسها بمعنى ايه سحر:خلاص ما راح يصير إلا اللي تبغينه عبير باستغراب:شلون يعني سحر:اتركي هالموضوع علي ورجعت حضنت أختها وملامح سحر القديمه ومكرها وشرها ودهائها بدا يرجع بس هالمره مو للشر بالعكس لأغلى الناس على قلبها &&&&&&&&&&&&&& |
&&&&&&&&&&&&&& جالس في غرفته مع أمه ومو عارف كيف بيدا أم فيصل بخوف:وش الموضوع اللي تبغاني فيه فيصل:الصراحه يمه...وسكت مو عارف كيف يبدأ أم فيصل :وش فيك خوفتني فيصل:ما في شي يخوف بس انا...ابغى أتزوج أم فيصل بفرحه:ويه هذي الساعه المباركه فيصل ابتسم في خاطره:هذي البدايه تشجع أم فيصل : وتبغاني أدور لك فيصل:لا يمه البنت موجوده أم فيصل :انا اعرفها فيصل:لا يمه ما تعرفينها أم فيصل :ما في مشكله نتعرف عليها هي بنت من فيصل:اسمها حنين عبد الله أل(.....) أم فيصل : أول مره اسمع عن عائلتها أنتي من وين عرفتها فيصل:هي رافعه قضيه عندنا أم فيصل : وشو فيصل:يمه انا بقولك القصه كلها وبعدها ابغى اسمع رايك أم فيصل :قول يا وليدي فيصل:حنين .................................................. ... بعد ما خلص أم فيصل توقف : أنسى الموضوع فيصل باستغراب:ليش يمه أم فيصل : يا وليدي وش لك فيها هذي وحده كلها مشاكل فيصل: يمه الله يهديك اللي يسمعك يقوم هي سبب مشاكلهم أم فيصل :يا وليدي انا مستعده أدور لك غيرها وما منها وجع رأس فيصل: بس يمه انا ما ابغى غيرها أم فيصل قبل ما تطلع:قلت لك أنساها وخلصنا فيصل عصب وطلع من البيت وركب سيارته وهو يفكر وما لقى نفسه إلا قدام البحر وأفكاره تروح وتجي:يا ربي أمي مو راضيه وش أسوي هذا وآنا ما قلت لها كل شي ما قلت لها إلا انها رفعت قضيه على زوج أمها علشان تأخذ حقهم هجل لو قايل لها انها كانت تشحذ وش بتسوي كان قومت الدنيا وصار يمشى ويديه ي جيبه ويفكر في حل &&&&&&&&&&&&& قاعده في غرفته والكل يحن فوق راسها الجوهره:قلت لكم لا ماجد:انا ابغى اعرف ليه لا الجوهره:سكت وما ردت عبدالمجيد:يا أختي يا حبيبتي ليه ما تبغين تروحين الكل يبغى يروح وأنت لو رفضتي راح تخربين عليهم الروحه وعلينا الجوهره:اللي يبغى يروح يروح انا ما مسكت احد ماجد:وأنتي بترضين ان البزران يروحون وأنتي قاعده هنا الجوهره:أكيد لا ريان:الله يخليك نبغى نشوف الشاليه ونلعب بالماء نوف ونايف:ايه ماما الله يخليك عبدالمجيد :الجوهره الرجال عازمنا وآنا للحين ما رديت عليه ها موافقه ماجد:وهذا شلون يعزمنا على شاليهه احنا قربنا على الاختبارات ماجد:يا شيخه باقي على الاختبارات أسبوعين وبعدين نوف ونايف صكرت روضتهم من زمان وريان تقويم مستمر وخلص يعني ما في احد الجوهره:انا ما يمديني ادرس إذا رحنا الشاليه ميري هزت راسها والجوهره طالعتها ولفت وجهها عنها عبدالمجيد وقف:خلاص بقوله لا ريان وعيونه كلها رجاء: لا نبغى نروح الله يخليك نوف:ابغى العب انا نايف يجيها ويبوسها:ماما يله وافقي الجوهره طالعتهم وكسروا خاطرها فعلا هم من زمان ما طلعوا مكان ولا استأنسوا:طيب كم بتقعدون ماجد:يعني حول 3 أيام الجوهره:وخالتي أم دلول ماجد:أمي بتكلمهم الجوهره:خلاص وش أقول بعد عبدالمجيد:يعني الجوهره وهي تبتسم:نروح ما دام احنا ماراح نتأخر ليش لا البزران صاروا يناقزون نوف تبوس الجوهره:مشكوره ماما الجوهره وهي تبتسم :بس بشرط تقعدون عاقلين ريان:ان شاء الله بس احنا نبغى نشتري ملابس سباح علشان نسبح الجوهره:من عيوني اليوم أروح واشتري لكم وتلتفت لعبدالمجيد:متى بنروح عبدالمجيد وهو يتصل على طلال:بكره ان شاء الله علشان يمدي نرجع وتذاكرين حق الاختبارات الجوهره:زين عبدالمجيد يكلم طلال: هلا فيك - ايه قبلناها وإحنا نقدر نردك - خلاص صار- ههههههههه طيب ما راح ننسى - سلامتك - الله يسلمك يوصل فمان الله صكر والجوهره سرحت في بكره والله يستر منه &&&&&&&&&&&&&&&& شافت أختها نامت بعد الصياح قامت وطلعت للبلكونه ورفعت جوالها واتصلت على أخوها وظلت تتصل لحد ما رد خالد:خير وش تبين سحر:وينك ابغى اشوفك خالد:اووووف ماني فاضي لك سحر بصوت عصبي:خالد لازم اشوفك ضروري خالد حس ان السالفه مهمه:اوكي بعطيك عنوان شقتي الجديده وتعالي سحر:اوكي عطني العنوان خذت العنوان ولبست عبايتها وقبل ما تطلع تأملت أختها وطلعت ركبت مع السواق وعطته العنوان وصلت الشقه ورنت الجرس وهي معزمه على اللي في راسها &&&&&&&&&&&&&&&& قاعد في البيت وراء مكتبه يراجع شوية أوراق رن جواله طالع الشاشه وابتسم طلال:هلا والله عبدالمجيد :هلا فيك طلال: ها ان شاء الله قبلتوا عزيمتي عبدالمجيد:ايه قبلناها وإحنا نقدر نردك طلال:هههه تسلم والله خلاص مادام كذا بكره ان شاء الله بنمشى جهزوا نفسكم عبدالمجيد:خلاص صار طلال:وانسباكم لا تنسون تبلغونهم ولا ماجد يموت علينا عبدالمجيد:ههههههههه طيب ما راح ننسى طلال:على خير توصي بشي عبدالمجيد:سلامتك طلال:سلم لي على الأهل عبدالمجيد:الله يسلمك يوصل فمان الله طلال:فمان الكريم صكر وهو يضحك توقع منها انها ترفض بس تفاجأ بموافقتها على الروحه بس هي أكيد ما وافقت إلا علشان إخوانها لان أي شي فيه إخوانها هي ما تقول فيه لا رجع نفسه على وراء وتسند على الكرسي وغمض عيونه وهو يتخيل رحلت بكره اللي متأكد انها راح تكون أحلى رحله بحياته &&&&&&&&&&&&&&& طلعت من عند أخوها بعد ما ضبطت كل شي ورفعت جوالها واتصلت على عبدالمجيد اللي خذت رقمه من عبير اللي حافظته عن ظهر قلب عبدالمجيد وهو بين أمه وإخوانه رن جواله وشاف الرقم غريب ورد عبدالمجيد:الو سحر:عبدالمجيد عبدالمجيد:نعم من معاي سحر:انا سحر بنت عمك عبدالمجيد قام وطلع الحديقه وباستغراب: سحر سحر:ايه عبدالمجيد انا متصله أسالك سؤال واحد عبدالمجيد:وشو سحر:انت تبغى تتزوج عبير ولا لا عبدالمجيد:وش صاير سحر:جاوبني ايه ولا لا عبدالمجيد:أكيد ايه سحر:مستعد تحافظ عليها وتحطها بعيونك عبدالمجيد:مستعد أحطها بقلبي واسكر عليها سحر:خلاص تجهز ملكتكم بكره عبدالمجيد:ايش وش تقولين أنتي سحر:أبوي بيزوجها واحد ثاني يا تملك عليها بكره ولا أنساها عبدالمجيد متفاجا :بيزوجها واحد ثاني سحر:ايه ها تملك عليها بكره عبدالمجيد: انا مستحيل اخلي احد ثاني يأخذها سحر:خلاص بكره انا وعبير نكون عندك وأنت جب الشيخ عبدالمجيد:بس شلون بتملك.......... سحر:خل كل شي على انت ما عليك غير تقنع الأهل والباقي علي عبدالمجيد:طيب سحر:مع السلامه عبدالمجيد:مع السلامه صكت الجوال وهي تحس انها راضيه عن اللي سوته والحين دور أمها لازم تقنعها &&&&&&&&&&&&& صكر الجوال وهو متضايق وما استوعب من الموضوع كله ولا همه إلا عبير انها ما تتزوج دخل على أهله وقال بصوت عالي وهو يجلس :ممكن تسمعوني ابغى أقول لكم شي الكل يطالعونه وساكتين عبدالمجيد :سحر اتصلت علي.............وقال لهم كل الي دار بينهم على التلفون أم عبدالمجيد:شلون يعني عبدالمجيد: يمه بكره انا بملك علي عبير الجوهره:عبدالمجيد انت وش تقول عبدالمجيد:اللي سمعتيه أم عبدالمجيد وهي توقف:أنتوا مو صاحين وش مفكرين الدنيا لعبه الجوهره:هدي يا خالتي أم عبدالمجيد:وش اهدي يبغون يزوجون البنت من وراء أبوها انا مو موافقه عبدالمجيد يطالع أمه بعيون الرجاء ماجد ما هان عليه أخوه:يمه ليش ما توافقين أم عبدالمجيد:لا انتو انهبلتوا عبدالمجيد:يمه أبوها بيزوجها واحد ثاني لو هي راحت انا وش أسوي أنتي أكثر وحده عارفه انا وش كثر تقدمت لها وهم رفضوا وأنتي عارفه وش كثر أحبها وأنتي بعد يمه تحبينها (طبعا الكل يدري ان عبدالمجيد يحب عبير بس ما في احد يدري انها تكلمه غير الجوهره) أم عبدالمجيد:يا وليدي انا صدق أحبها ولأني أحبها ما ابغى لا لك ولا لها الاذيه عبدالمجيد:الاذيه يمه صدق لما تتزوج واحد غيري ويعيشها بجحيم وآنا من غيرها حياتي ما راح يكون لها لا لون ولا طعم ماجد:يمه مو سحر قالت بتدبر كل شي أنتي خلينا نشوف بكره ايش راح تسوي بعدين حكمي أم عبدالمجيد هزت راسها:والله ما ادري وش أقول الجوهره:قولي لا اله إلا الله أم عبدالمجيد:لا اله إلا الله محمد رسول الله الجوهره:يمكن يا يمه أبوها مو راضي بس أمها راضيه أم عبدالمجيد: بس شوفوا لو تبين لي ان أمها وأبوها مو راضين انا ماراح أوقف معاكم ماجد:والله حرام البنت تتعذب لا مرتاحه لا مع أمها وأبوها وهي صغيره ولا بعد وهي كبيره أم عبدالمجيد تذكرت عبير وانكسر خاطرها وشافت عبدالمجيد اللي يطالعها بعيون رجاء عبدالمجيد اللي عمره ما زعلها بكلمه اللي وقف معاها بعد وفاة أبوهم وشالهم كلهم ولا عمره اشتكي أم عبدالمجيد:إذا كانت أمها راضيه الله يوفقكم عبدالمجيد يحب رأس أمه:الله يديمك فوق راسي يالغاليه أم عبدالمجيد:اتمنى تكون تعرف وش تسوي يا وليدي عبدالمجيد:عارف يالغاليه عارف بس أنتي ادعي لي أم عبدالمجيد:الله يوفقك ويحميك &&&&&&&&&&&&&&&&&& |
&&&&&&&&&&&&& شامخة وبنت رجال وجاء من يغلبني &&&&&&&&&&&&& البارت السادس عشر &&&&&&&&&&&&&&& وهي في الطريق لامها ترفع جوالها وتتصل سحر:الو ساره:هلا ومرحبتين وآنا أقول سماعة جوالي وش فيها تنور كأنها أنوار مجمع توهم فاتحينه سحر:ههههه تسلمين اسمعي ساره ابغى فزعتكم أنتي ونوره ساره:وآنا بنت أبوي وآنا بنت مهاوش اطلبي على رقبتي والله سحر بابتسامه:تسلمين حبيبتي بس ملكته أختي بكره وآنا قلت لها ان أغراضها وفستان الملكه علي والصراحه ما أمداني اشترى لها شي انشغلت فإذا ما عليكم أمر تروحون وتشترون لها وآنا ادفع لكم بعدين سار:وش هالكلام والله أغراض أختس كلها علينا انا ونوير سحر:لا .. وتقاطعها ساره:اعتبريها هديتنا لعبوره وهي تستاهل سحر:والله ما ادري وش أقول لكم مشكورين كثير ساره:أقول اسكتي لاجيس اوريس شغلس ما بينا هالكلام احنا خوات سحر:تسلمون والله ساره :شوفي احنا الحين بنروح السوق وإذا وصلنا بتصل عليس تعلميني مقاس أختس سحر:ساره لا أوصيك ابغى كل شي لها كامل ساره:افا عليس والله بتقضى لها كأني أتقضى لعمري سحر:تسلمين حبيبتي يله مع السلامه ساره:فمان الله صكرت وهي تغمض عيونها اللي تحسهم جمر من الصباح ما نامت ولا أكلت شي وما تقدر تنام ولا تاكل لحد ما تتأكد من ان كل شي تمام رن جوالها رفعته شافت الرقم واستغربت سحر:الو الطرف الثاني:الو سحر:هلا والله بخالي بو حسن ابو حسن:هلا فيك يا بنيتي سحر:أخبارك وأخبار الأهل ابو حسن:الحمد لله أخبارك أنتي وإخوانك سحر: الحمد لله ابو حسن:ادري مستغربه ليه متصل بس حبيت أبلغك سحر:بايش ابو حسن:بأمك واللي قررت تسويه سحر:وش صاير يا خالي ابو حسن:أمك مقرره ترفع دعوى طلاق على أبوك سحر تنهدت لأنها توقعت هالشي من أمها:طيب يا خالي انا بتصرف ابو حسن:قولي لها ما يصير هالشي سحر ابتسمت بسخريه:ان شاء الله انا شوي وأكون عندها وراح أتفاهم معاها ابو حسن:زين يله مع السلامه سحر:مع السلامه صكرت وهي تضحك على خالها اللي هي فاهمته عدل وعارفه انه ما يبغى يتورط بأمها إذا هي تطلقت من أبوها (ابو حسن خال سحر واحد ما يحب إلا نفسه وزوجته وحده آذيه مثله مالهم دور بالروايه) وصلت عند أمها ونزلت وهي تبتسم لأنها عارفه كيف تقلب رأس أمها عدل &&&&&&&&&&&&&&&& قاعد على البحر يمشى ويفكر كيف يقدر يقنع أمه رن جواله ورفعه رد:الو شهد:فصفص وينك فيه فيصل بملل وضيق:وش تبين شهد:تعال عندي لك خبر فيصل:شهد ترى مالي خلق شهد:مالك خلق حتى تتزوج فيصل عقد حواجبه:كيف يعني شهد بحماس:تعال أمي اقتنعت فيصل:ايش شلون لحظه من أقنعها إلا... شهد تقاطعه: تعال أنتي وبعدين اسأل يله باااي رجع مسرع لسيارته وركبها ومشى بسرعه جهة البيت &&&&&&&&&&&&&&&&&&& قاعده في غرفتة إخوانها ترتب مع ميري أغراضهم للرحله الجوهره :ميري لا تنسين تأخذين الثياب اللي توني شاريتهم حقت السباحه ميري:ما في كوف انا ما في انسي الجوهره تأخذ جوالها و تتصل على دلول:الو دلول:آهلين والله الجوهره:ها مستعده دلول:قصدك للرحله الجوهره:ايه دلول:افا عليك أكيد مستعده أصلا أول ما خالتي بلغت أمي علطول رتبت أغراضي الجوهره:ههههه دلول:ايه صح وش اللي سمعته الجوهره باستغراب:وش سمعتي دلول:ان ملكة عبدالمجيد بكره الجوهره:ايه دلول:شلون يعني عمكم رضى عليكم ولا وش السالفه الجوهره:هههه لو كل الناس ترضى عمي مستحيل يرضى دلول:هجل كيف بتتزوج عبير اخوك الجوهره:تصدقيني لو قلت لك ما ادري دلول بتفاجأ:يعني شلون ما تدرين الجوهره:انا اقولك السالفه كلها وإحنا قاعدين مع بعض جاء عبدالمجيد اتصال.............. وقالت السالفه كلها دلول:معقوله وتتوقعين سحر صدق بتزوج أختها عبدالمجيد الجوهره:والله ما ادري أحس كل شي متلخبط دلول:بكره نعرف كل شي بس اللي ابغى اعرفه إذا عمك ما كان راضي ان عبير تأخذ عبدالمجيد مين هجل اللي بيملك لها الجوهره :والله ما ادري سحر تقول هي بتدبر كل شي دلول:اليوم بفلوس بكره ببلاش الجوهره:على قولتك يله انا لازم أروح أكمل ترتيب دلول:اوكي باااي الجوهره:باااي صكرت وهي تفكر وراحت لآخوها عبدالمجيد اللي قاعد في غرفته &&&&&&&&&&&&&&&& قاعد مع صديق السوء بين الموسيقى والإزعاج والبنات سعد:وش فيك خالد:ولاشي سعد:شكلك مهموم وحالتك حاله خالد:قلنا ما فينا شي ...وخذا كاس ومده لسعد:صب لي كاس بس واترك عنك اللقافه سعد:من عيوني ..وصب له واشر لوحده من البنات تجي علشان تسلي خالد وهو يهز رأسه على خالد اللي مو عاجبه حاله هاليومين &&&&&&&&&&&&& وصل البيت دخل لقى أمه مع خواته فيصل:السلام عليكم الكل :وعليكم السلام فيصل:على البركه يا اخوي فيصل:على وشو أم فيصل:ليه ما قلت لي يا وليدي كان وافقت من البداية فيصل اللي مو فاهم شي صار يطالع خواته اللي يبتسمون له أم فيصل:على العموم يا وليدي بعد ما تنتهي قضية البنيه راح نروح ونخطبها لك فيصل لحد الحين يطالعهم وهو مو فاهم شي شوق:طيب يمه لو أبوي ما رضى أم فيصل:وليه ما يرضى شهد:يمه بيقول مو من مستوانا ومن هالكلام أم فيصل:الغنى غنى النفس مو الفلوس وإذا أبوكم ما وافق انا بقنعه بطريقتي أم فيصل وهي توقف :يله بروح ارتاح تصبحون على خير الكل:وأنتي من أهل الخير فيصل وهو يلتفت إلى خواته:وش صاير شهد:اجلس وإحنا نقول لك جلس وجلست شهد من يمينه وشوق على يساره وهو صار يطالعهم لما يتكلمون شهد:احنا كلمنا أمي علشانك شوق:ايه صح شهد :وكذبنا كذبه صغيرووووره شوق:ايه صح فيصل باستغراب:كذبه شهد وشوق يطالعون بعض فيصل:تكلمون وش قلتوا لها شهد:انا اقولك احنا قلنا ان حنين صديقة شوق شوق:أي صح شهد :وقلنا ان شوق تعرفها وإنها بنت مافي مثلها شوق:أي صح شهد:وقلنا ان شوق تدرس عندها دائما لأنها كانت صديقتها بالجامعه وفصلت لظروفها شوق:أي صح شهد:وان شوق لما مره راحت عندها شافت زوج أمها يضربها وبعدها شوق نصحتها تروح لك لأنك محامي شوق:أي صح شهد:وبس فيصل طول ما هم يقولون السالفه وعيونه طالعه وظل ساكت ويفكر شهد تهمس لشوق:هذا وش فيه شوق:ما ادري ليكون ما عجبه اللي سويناه ولا غلطنا بشي شهد:لا ما اعتقد ماحسوا ثنتينهم إلا على فيصل يمسك شعورهم سهد وشوق:ااااايييي اااي أي أي فيصل:ابغى افهم شي واحد أنتوا كيف عرفتوا بسالفتي شهد وشوق صاروا يطالعون بعض وهم ساكتين فيصل:قولوا لي كيف شوق بسرعه وهي رافعه أصبعها تاشر على شهد:هي هي اللي كانت تتسمع عليك أنتي وأمي شهد شهقت:يالكذابه انا مو أنتي كنتي معي شوق:ومن قال على الغداء انه حاس ان السالفه فيها خطبه شهد:يالنصابه والله لاوريك يالفتانه فيصل:ههههه ههههههه شهد وشوق سكتوا يطالعونه فيصل فك شعورهم:والله تستاهلون أحلى بوسه وغداء بكره في المطعم شهد وشوق ابتسموا فيصل:والله انتم النساء كيدكم عظيم بكذبه صغيره حليتوا لي المشكله شهد:افا عليك فصفص نعجبك شوق:إذا كانا ما نكذب علشان أخونا نكذب علشان مين شهد:بس فصفوصي قل لحنين هذي انها تقول نفس كذبتنا لا تكشفنا أمي فيصل:زين شوق:أقول فيصل متى نشوف هذي اللي اسمها حنين فيصل وهو يقوم:قريب ان شاء يله انا بروح أنام وراي بكره جلسات في المحكمه تصبحون على خير شهد وشوق:وأنت من أهله شوق خذت الريموت التلفزيون وشهد مدت يدها وخذته منها وصاروا يتهاوشون على ريموت التلفزيون &&&&&&&&&&&&&&&&&& طقت الباب ودخلت على أخوها الجوهره:نمت عبدالمجيد:لا وين يجيني النوم حياك الجوهره وهي تجلس على السرير:تفكر في بكره عبدالمجيد:ايه تظنين سحر وش ناويه عليه الجوهره:والله ما ادري بس ما أظن انها قالت اللي قالته لك إلا انها واثقه من نفسها عبدالمجيد:وعمي الجوهره فهمت على أخوها:مو هي قالت بتدبر كل شي عبدالمجيد:ايه الجوهره:خلاص نصبر ونشوف عبدالمجيد هز رأسه وسكت الجوهره وهي تبتسم :نام ترى وراك بكره ملكه تصبح على خير عبدالمجيد:وأنتي من أهل الخير الجوهره قبل ما تطلع:الله يوفقك يا خوي عبدالمجيد ابتسم لها:تسلمين يالغاليه طلعت وتركته غارق في أفكاره ومحتار في أمر سحر وهل يا ترى سحر صادقه في اللي قالته &&&&&&&&&&&&&&& طلعت من عند أمها بعد ما سوت اللازم ومثل ما وقعت قدرت تقنعها وبسهوله اتصلت على ساره وعرفت عنوانها ومرت عليها وخذت الأغراض بعد ما شكرتهم وراحت على البيت ودخلت الصاله ونادت الخدامه تشيل صعدت على غرفتها و وراها الخدامه دخلت الغرفه ولقت عبير لحد الحين نايمه فسخت عبايتها ودخلت الشغاله الأغراض وطلعت راحت جنب أختها و انسدحت وهي تفكر وتتمنى ان كل شي يمشي مثل ما تبغى &&&&&&&&&&&&&&&&& في اليوم التالي الساعه 10 الضحى قامت وخذت شور ونزلت لقت خالتها الجوهره:صباح الخير أم عبدالمجيد:أي صبح الناس ضحى الجوهره:راحت علي نومه وين الكل أم عبدالمجيد:ابد يا بنيتي ماجد راح يجهز أموره علشان الرحله ويقدم على أجازه وعبدالمجيد راح يشوف شيخ يرضى يجي الظهر الجوهره:هههههه تلاقين الشيخ بيستغرب احد يملك الظهر هذي جديده أم عبدالمجيد:أي والله مو العصر لازم نمشي للشاليه قبل لا الدنيا تظلم علينا الجوهره هزت راسها وسكتت شوي دخل عليهم عبدالمجيد اللي كان حالق و مضبط نفسه الجوهره بابتسامه:لا ما اقدر انا كذا أروح ملح عبدالمجيد:ههههههه ادري إني وسيم ما جبتي شي جديد أم عبدالمجيد:الله يحفظك يا وليدي الجوهره:ها لقيت شيخ يرضى يجي عبدالمجيد:ايه لقيت أول ما قلت له فكرني مجنون بس لما قلت له إني ملزوم علشان وراي سفر رضى أم عبدالمجيد:زين الله يوفقكم الكل:امييين عبدالمجيد يقوم:بروح اخذ لي دوش ينعشني الجوهره وام عبدالمجيد ابتسموا له وهو صعد الدرج &&&&&&&&&&&&&&&&&&& لحد الحين مو مستوعبه صحت ولما قالت لها أختها السالفه ما صدقت عبير:ايش قلتي عيدي اللي قلتيه سحر وهي ترتب الأغراض:قلت اليوم بتملكين أنتي وعبدالمجيد وبعدها علطول بتروحين معاهم الشاليه عبير بعدم استيعاب:كيف يعني ...وشلون..متى سحر:اوهوووو أنتي شكلك مطوله أقول قومي يله ترى حجزت لك في مشغل وبالموت رضوا يله عبير:لحظه كيف وأبوي سحر:انا دبرت كل شي أنتي ما عليك غير تروحين المشغل وتلبسين فستانك وبس عبير عقدت حواجبها:أي فستان سحر وهي تطلعه من الكيس:هذا كان فستان ذهبي بسيط وناعم طلبته سحر من ساره ونوره لان عبير ما يصلح لها إلا النوع الهادي من الفساتين عبير تطالعه وبعدها طالعت سحر وبهمس:أنتي شريتيه لي ودبرتي كل شي سحر:ايه وعلشانك مستعده أسوي أكثر عبير دمعت عيونها وبدت تبكي وتشهق سحر وهي تقرب:وش فيك حبيبتي عبير حضنت سحر:احبك يا أحلى اخت الله يخليك لي فديت قلبك سحر:ههههههه والله خوفتيني وآنا بعد احبك وعلشانك أوصل القمر وأتعداه عبير وهي توخر وتمسح دموعها:حبيبتي والله خفت أتزوج هذا اللي ميساء جايبته لي سحر:تخسي إلا هي والله ما خليتها تسوي اللي في راسها وراسي يشم الهواء عبير:بس أبوي إذا عرف سحر:خليه علي أهم شي أنتي ما تضيعين حياتك وتعيشينها مع الإنسان اللي يستأهلك عبير:والله مو مصدقه أحسه حلم سحر وهي تبتسم:يله روحي بسرعه اخذي شور علشان نروح المشغل وانا بكمل ترتيب أغراضك عبير:طيب وراحت بسرعه وهي لحد الحين مو مستوعبه اللي قالته لها أختها &&&&&&&&&&& في الشركه وبين الأوراق حمد:يعني ما في احد بياكلها غيري طلال:ههههههههه حمد:ايه انا المسكين اللي بيكرف وأنت بتروح للبحر والجو اللي يرد الروح طلال:يا شيخ وش هالحسد حمد:ههههههه روح واستانس واترك العبد الفقير للعذاب طلال:وش دعوه سويتها فلم هندي ...وتذكر:ايه صح دريت ان عبدالمجيد بيملك اليوم حمد:ايه ماجد تصل فيني وقال لي...وباستغراب:انت وش عرفك طلال:انا بعد ماجد اتصل فيني وقال لي احضر واشهد على الملكه بس ما تلاحظ شي غريب حمد اللي فهم على طلال:قصدك من بيملك لهم طلال:ايه تظن انه عمك حمد:لا عمي يموت ولا يسويها طلال:إذا ما كان عمك هجل من حمد:والله علمي علمك بس أكيد مدبرين عمرهم طلال:معاك حق رجعوا للأوراق وللملفات اللي بين يديهم &&&&&&&&&&&&&& جاء وقت الظهر في بيت أم عبدالمجيد الكل حايس ومعتفسين واللي يشل ويحط الكل كان لابس و متجهز بس ملابسهم بسيطة لأنهم ما عملوا حسابهم ولان العصر بيمشون للشاليه أم عبدالمجيد اللي كانت لابسه جلابيه بسيطة هي وام دلول:يله يالجوهره خلصتي من إخوانك الجوهره:ايه يا خاله لبستهم وخلصت أم دلول:والله حرام اللي يصير الحين عبوره اللي زي الورده وعبدالمجيد سيد الرجال ملكتهم سكتي حتى زغروطه ما فيه أم عبدالمجيد:أهم شي يأخذها وبعدها انا ناذره نذر أسوي لها أحلى حفل واعزم الكل لما تتحسن الظروف أم دلول :والله ما أخليها في خاطري الجوهره:وش هي يا خاله أم دلول:هذي كلللللللللللللللللووووووووووش الكل:ههههههههه هههه &&&&&&&&&&&&&&& |
| الساعة الآن 05:43 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية