 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - ديوان الشاعر سعد علوش
(http://www.gsaidlil.com/vb/showthread.php?t=3534)
سابع المستحيلات
لـو ماعنالي صاحبي بـاعنيله بقطع علاشانه طـوال المسـافـــــات مانيب أدوّر فالبدايل بديلــــــه ومـاهوب يسمع فيّ .حاسد وشمّـات لاطاح من جور الزمـان أرتكيلــــه أرسم على مبـدا مطيــحه نهــــايـــات صاحبه أنا وشلون محتال أشيـــله؟ وأنا وحيد .. وقاهرللّي .. عصــابـــات عبّادة الشهره .. هواة الكحيــــله اللي ضمـــايرهم بشلقة ريــــــــــــالات أكتب على أيدين الزمان البخيـله أن البخل؟؟ مــاهو بشح الكــرامـات البخل؟ حــــرمان اليدين الطـويلـه من كسبة الافعال .في عصر الاصوات يئست من هاذا الزمان وحصيلـــه لانّي .. تعبت أثــــور وأستبشر . الاآلات المـاضيات من اللّيال الهزيــــــله لايمكن أنها تصنـــع ... المستـجدّاااااات تموية الاحيا .. فالعيون الذلــيله صدّقني أنّه مثل تـــــموية .. الامـــوات لو يرفعك وقت الرخـا والرّذيــله سبع الاراضي .. تحت .. سبع السـموات حنّا خلقنا للرذّيله . ؟ . فضيلـــه نصلّح أغـــــــــلاط الزمن بـبـتسـامات اليا تجملّنا .. خذينا ... الاصيلـــه واليا أبتلينا بالخطا ؟ نصبـــــح .آفــات رجّالنا يسوى لحاله قبيلـــــــه أستغفر الله لو بقول أننّا .أأأيــــــــات أن كانت اغلاطي بعمري قليله مجرّد أن أكلّمك ....عشـر غلطــــــــات حرام بك صرف الحروف الجــزيله وحلال في من خصّنيلـــــه ..وبالذّااات اللي مــلايكـة الرضا .. تنحنيلــه عليه من مــــــلـــح الطفوله عـلامـات في نظـرتي كل الوجيه الجميـله مخــلوقه أتسوّي .. لوجهــه .دعـايـات ملامحــه من غير حكي أتحكيلـه تفرض علي اللي تقــوله ....وبسـكــات لو قالت أن الدايره ..مستطيــلــه قلت الدواير؟ كلّها ....مسـتطيــلالات يخّاذ .. لبّات العــقــــول الثقيـــله أخذتني كللّي ولا قلتلك هــــــــــات ليه أرتجي عطفك وليه أشتكيله والهات في قاموس عشرتك هـيهـات حببتني قربك وذاب أتعــبيلــه في جمر عقبـه بعد عقبــه وعقــابـات ختمت قلبي عن عشاشيق جيلـه ختم المصللّي بالدعـــــا . والتـحيـاااات ألين جت ليله عن ألفيــــــــن ليله وصــارت حكـــايه غير كل الحكــايات ذوّبتني بين الدّمــاث النّــحـــــيله وعلّمتني ..... فن الرســم والقيــاسـات وفجأه كذا بار الخليل بخـــــليله كلّه لعين .. موطّديـــن العـــــلاقـــات شحّيتبي دمع الرمـــــوش الضليله ووقّفتني بين الامـــل والمـحـاتـــات وجدي على قلبي ويــا عزّتيلــه دقّات تيّسبه ... وتمّلـه . دقــّااااااات ينشدلك حيله .... وينهد حيــــله الحزن خطــــوه والغرابيل خــطـوات أذا الأمـل رمـز القلوب النبيلــه أنـا . مئيّس .. منك في كـل الاوقـات أن كان شوفة غرّتك مستحيلـه أكيــد لمسك .ســابع المستحيــلات |
رسوب الاغبيا
أن كنـت أنا أخطي شي طبيعي لان أنا ماني نبـي محـدن عصمه الله من الاخطــاء .. كون الانبيـــــــا فعلا أنا أخطي بس ضوّي ماتشب الاّ أحطبــي أطمح ولولا الليل .. محدن شاف فايدة الضيــــا أمشي ولو أموت وأنا أمشي .. ولاكن مـاحبي ولا أعشق الصوره . ولا الكربون ولا أعشق غيا كل ماتعثّر ؟ قلت في نفسي وأنا أمس شنبي يـاكم على الدنيا فقير .. ويحسـدونه أثـريــــــا أبغا أتوحّد وأنت أخذ مزهبـك وأترك مزهبــي كنّا أخويا ومن بعد مازلّليت ؟ ماحن بخـــويـــا أبعصم رجيـلي عن دروب السخــافه ياصبي لانّي حياوي والدروب السود مافيـــها . حيــا تعال وادعني وداع الارض للحر الابي أنا بعللّي . وأن دعيتك فالعفو للأنقيـا ماني منادي بسمك . اللّي .. ماتسموااه أجنبي فن قلتلك يـــا ؟ أعرف أنّي حاشمك لاقلت ..يا يـا؟؟.. والله وبالله وبعد الله وبي وبسببي صارت شياطين الحروف المستهيمه . أتقيـا فن شفتني متعب هجوسي في رسم راس الضـبي ماهو علاشان أكسب أعجابات .. ريمان .. وهيــا لالا . أنا مخلوق مبـدع . مايحب ومايبي ألاّ يقول أن الاذكيـا سبّة رسوب الاغبيـا من الذكاء؟ أنّك تسويّ نفسك أحيانن غبي بس الغباء؟ أنّك تذيــكالك على ناس أذكــيا |
الخطيه
صدق... انه لاحداني لك خيال الوااقعيــــــه وانت جـــــــــالس فالريـاض...؟ اشوفك اتسولف.. قبـالي كـنك.. أتشره علي... وأتقوللي.. لـــيه.؟ الخطيــه وكـني.؟ اقــول.؟؟ انت وش خـــلاك.؟ تسألني..؟ سـؤالي بس انا ابغى.. أعرف وش خــلاك. تستكـثر عــــليه حــــسنتن. عند العـزيز. او . حـــــسنتن عند الـــــرجـــــالي لــــيه.؟ تشره وانت ماسقت.. الـــرفاقه والـحمـيه يوم... ضرب الجـنب.. الاقصى...؟ صـيح الجنب الـــمـوالـــي ولاتحـسب اني.. تنيت أمفـازع القرم. الــ خويـــه أحمد الله .. راس قــوم او غتـــــرتي.؟ تزهـــا عقـــــــالـي مبــدع.. او طــــــيب.. واقول الحق.؟ واعيـوني؟ قويـه مــــــــاتغير.....؟ لو أقابل .. ذالبشر.... وانا لحــــالــــــــي أمــس.. والبارح... وذالـــساعه... وذالليل.. أو.؟. قفــيه عـــالي... او عـالي.. ومهما صارلي..؟ عـــالي وعـــــالـي وانت..؟ في عيني كبر مد القــــــصور الــــبابليـه يوم غــــيرك.. من فـــعوله....؟ كنــــه. ياخذ.. من حـــلالــي واعرف.. أن قدرك...؟ على مد العروق الـــــعاطفيه.. يــاك.؟ واحد من عمامـــي..؟ يـــاك.... واحد من خــوالـــي لاتجــــاوبني... بلالالالاء... ولاتجاوبني.... بئـــــــيه قــول..... تم...؟ او خــلها تقفي على فــــصخ الجـــلالـــي والله انه.. مـاحداني..؟ الا....؟ حميــا. جــــاهليــــه يــومك....أسنافي... وابن عمــي.. وغــالي... وأبن غـــالي أخذتك عزة الاثــــم وأنا....؟ خذتني..؟ الـــعنجهيــه وراحــت.؟ أبطـــيش الجنــوبي..؟ وأنفعــالات... الــشمـالــي هي كذا.... دايم..متــاهات الخـــيال.. الواقــعــــــيه لاكن اسمع........؟؟ يلعن الله واقــــعي... وايـــا. خــــيالــي |
هيئة مراهق
تصـغــر.؟. أقمــم... الكتــــابه.... وانت ..؟ شـاهق يــاعــضــيمن.... تنحني تحـتـك...؟.. عــــــــوالــــــــــــي يـــاغنــاج.. الــــشعر...؟ يوم الــــصبح.. بــاهـق شــــخت.. فيــــــكن بدة... العـــالم...؟ لـــحــــــــالــــــي أنتقيكن..؟ شي قدم.... او..... شي...؟ فـــاهـــق شيــــن..؟ أبدااابـــه..؟ وشي....؟ أأأأتيه.. تــــــالــــي لاوهـــــق.. غيري ؟.؟ بكـــن.؟ مانيب .؟ واهـــق مبـــــدع... وراهــــــي... وحــــــريف..... وخــــــيالــــــــي قلــب..؟ شـايب.. بس...؟ في هــــيئة.. مـــــراهق من كـــــثر ماشفـت.. من جـــــــــور اللـــــــيـــــــــالــــــي بعد.؟ من حكــــــيه.. على الفرقا..؟ مـــــــشاهق مـــــكسبي... لاجا الصـــــحيح او راس مــــــــــــــالـــــــي أخذته..؟ دنــــــياه... وأرهـقني....؟ ورااااهــــــق راح...؟ والغــــــــالي..؟ بكــــــى فرقاااه...؟ غــــالــــي أشهد اني.؟ من عنــــــا الاوضـــــــاع.. زاهــــــــــق واشهد ان الصــــــــبر....؟ هو.....؟ مـــــــــلح الرجــالــــي |
الشي الغريب
أنت بتسافر حبيبي .. نعم سافر وغيب بس تكفا سم بالله على عقلي .. لا ماع لأن ماني قادر آوادعك وأنته قريب كيف وأنت بعيد تبغاني آقول الوداع بس لحظه قبل لا أنسى لاتنسى يا اللبيب قل لما تملكه من مغريات ومن متاع أنّي آحبّك وأحبّك وأحبّك .. لين أشيب يعني لين آموت وآنا أحبّك للنّخاع أحشمك وأغليك بالحيل .. والشي الغريب أنّي أكره كل فكره تقودك .. لنصياع كان مال لمشكلة وصلنا الاّ حل .. عيب كب حبّيلك وسمّه متاهات وخداع لانّي أطهر من بيخسر على الدنيا حبيب ولأّنك أنقا من وطت بطن رجله ظهر قاع كثر مايدعوني أهل الهوى ولا أستجيب كثر ما صفّط على بعدك ذراع .. وذراع آه لا وقّفت من بين بتصيب وتخيب بين يدّين المواليف وأفواه السباع وآه لامنّي ذكرت أن كلّن له نصيب وآه لامنّي ذكرت أن على وجهك قناع أشعر أنّه منخلق من عسل ورد وحليب وأشعر أنّي كل ما أذكره .. مجموعة جياع ليت مالك في حياتك خويّ .. ولا طليب كان بااخشّك وسط خافقي وآآقول .. ضاع أمحق الله سعو ولف الهيام . وقطع صيب من يبكّي مقلتين الشجاع ابن الشجاع لو على البحرين شرهه . ودمعات . ونحيب كان ما خلّتك تقفي عن حدود الرفاع ولو جنيف أتحس في جرحي المر العطيب كان ما تاخذك منّي وتعطيني ضياع |
برحل
برحـل وبآآتـي أذانـي بقـدر آآتـي بس أخاف أرحل ولا عاد أقدر.. آآتـي لان هـذا حظّـي وهـذي صـدوفـه يكـره أستقـراري ويغلـي شتـاتـي وعاد عقلي .. كـل ماجيـت آآتشتّـت يحسب أشتاتـي علـى قـدر أمنياتـي والبـلا.. أن كـل ماعقلـي .. تمنّـى ماحصل لا في شتاتـي .. ولا ثباتـي يمكن أن وضعي وضع سيّىء .. ويمكن ماتحمّل جسمـي .. كبـار أشهواتـي والدليل أن ودّي مـا أرحـل وشفنـي أربط أشلائـي بمحـزم .. ذكرياتـي ياحبيبـي .. ليتنـي ماكنـت أحـبّـك لجل أحبّك .دبـل. وأأسـوّي سواتـي يعني كل شي حطّه فعقلـك .. وحاتـه الاّ بخصوص أنّي أحبّـك .. لاتحاتـي لمّني .. وامسح دموعك .. وأبتسملـي وحبّنـي منّـا ... ورتّـب حاجياتـي وأعرف أن مـاودّي أتكلّـم ولا أبكـي بـس دايـم دمعـي يحـرّك سكاتـي شـي واحـد قبـل لا أرحـل بقولـه أنت .. أجمل حظ سيّىء في .. حياتي |
خزنة ملك
النفس خزنة ملك.. والحزن قاطـع طريـق والجرح؟ .. يوجر عليه المسلم اليا أحزنـه وأنا من العام .. وآنا أشعر بيبسان ريـق يفرج سجينـي مـع عينـي وأرد أسجنـه من بين طيّات صـدرٍ شـل مـالا يطيـق لاجاع حزنه؟ .. تعشّا جروحـه المزمنـه مجسّم أنسان مـن داخـل رمـادة حريـق وقودها المغريـات .. ونفسـي المؤمنـه أحياناُ.. أبكي من الخشيـه لحـد الشهيـق وأحيانـاُ أقبـل علـى الآذان .. ولا أذّنـه ماعاد.. أنا.. أيّاي.. يلله لاتخلّـي عويـق عاقتبه عيون روس مدلبحـه .. وألسنـه كتـل هوامـش بشريّـه .. تنـام وتفيـق رديان وحتّى الردى .. بالظبـط .. ماتتقنـه لاكن على كل حال الطلـق يبقـى طليـق لو عاينتـه العيـون .. وضدّتـه الأزمنـه عذر السنافي معه والعـذر حبلـه وثيـق لو حـس رعبوبتـه .. والاّ جفـا موطنـه رعبوبتي,,, ياوجـودي ياغـلاك العتيـق عنه مكـانٍ لقيتـك فيـه عامـا .. عنـه يوم الشجر صاير ..لوجهك مشجّع فريـق من وين ما أفترّ.. تتغيّـر معـه الأمكنـه للحين باقي بدربـه مـن رحيقـك رحيـق وللحين أيتمتم حكينـا العـذب .. ويدندنـه يوم أنّي أشّر على صدري وعينـك تويـق وآقول أنتي هنا .. وأتقولي .. أنتـا هنـه الهاء .. فاآخـر كلماتـك بصـوتٍ رقيـق تشطب على برمجة سمعي .. وتستوطنـه منتي بشر جعل من جابك .. ضحيّة زريـق شارعك يحسبلـك بـالأمتـار .. يامفتنـه اليا أنتصفتيه؟ يضيق .. وكل ماله يضيـق كنّك ..كوكايين .. وأرصفته خشم .. مدمنه رعبوبتي؟ .. ماخبرت أنّه تحـرّك طويـق شاعرك مجنـون خلقـه والشعـر جنّنـه قوليلهـم ينتهـون ولا يطـول الزعـيـق الميسـره ميسـره .. والميمنـه ميمنـه وقوليلهم للعراقه .. راس صبـيٍ عريـق ياكـم سـرٍ يعرفـه .. بـس مايعلـنـه أتنوخذ البحر .. ولا أرسي ..بجال المضيق والشي بالشي؟ .. لاعيبـه ولا أستحسنـه الاّ الرفيق اللّـي يستغـل طيـب الرفيـق هذي اللّي ماهيب مقبولـه ولا .. ممكنـه ياصاحبي؟ كان لك مال الشقيق الـشقيـق والحيـن جمّـع بقايـا مامضـى وأدفنـه وياقلبي اللّـي وساويسـك تنجّـي غريـق الله لايصـغـر أبليـسـك .. ولا يلعـنـه ماهو فخر في سنه .. تعرفلك ..أمية صديق الفخر ؟ تتعرّف بصديـق .. لميـة سنـه |
ديوان سعد علوش
(تــــــضيق نــــفسي)
تضيق نفسي لين يشره علـى قلبـي فمـي و أنا أترجّى في أمنيات الحلـول المزمعـه لا يبن أبوي شلون محتر و أطغي و أحتمي و الوقت لا منّه زما راس حضّـي يقمعـه أن جيتها في الاصدقا أوف يا وفـرة دمـي كم و احدٍ خلاّ جميلي علـى راس أشمعـه مانيب متحسّف جعل مـال جافينـي سمـي لان أدري المحراب ما هوب مثل الصومعه تتغثبـر الدنيـا و لحظـة صفـوّ الأدمـي اليا سجـد الله و سقّـت دموعـه مدمعـه وأنا أدمعت عيني وما اكميه عـاده منكمـي بين أنتظام عروق قلبـي مسـوّي معممعـه ياوجد حالي و أنكساري و غيبي و عدمـي وجود من جمّع حلاله و ضاع اللي أجمعه المشكله مـا هيـب نفسـي وزلاّت قدمـي و ما هيب بحّة صوت أحبّه و لا عاد أسمعه المشكله لا جات من بيـن دمّـي و لحمـي مدري من أخلّي و لا أدري من اوقّف معه |
مرتبة الشرف تضيق بي الدنيا بكبرها من معابيـس الوجيـه و هذاك لا منه تبسم.. شفـت للدنيـا طـرف مني وليه احببته وهـو حبنـي منـه و ليـه من غير لانا اعترف و من غير لاهو يعترف ليه اتحاكى وكل ابوي يعرف غاية كـل بيـه ال يا فرح أفرح و دمعه لاذرف دمعي ذرف اغليه يعني اعشقه , اعشقه يعني اموت فيـه يعني انا ميت مع عشقـه و مرتبـة الشـرف ميت و يعشق و السبب مافي داعي اني احكيه الغيد في الدنيا هواه وهـو لحالـه محتـرف الشامخ اللي لقبل و حضن يديني فـي يديـه تراعدت فرايصـه بالغنـج و تساقـط تـرف أمشي معه من غير لا اين ولا كيـف وليـه من حيث ما يجرفني اغمض عيوني و انجرف ان قال لا اقول لا ان قـال ايـه اقـول ايـه ماعرف مسمع ما ارى ما ارى مسمع ماعرف الـي اعرفـه انـي ابيـه يتجملبـي و ابيـه وكان العدل في صدته سجلني اكبر منحـرف يغفرلـي الله و الله يديمـه و يرحـم والديـه علمني ان البعد نكست حال و الصـده قـرف |
(كــــــرت زيـــــاره)
قال : أبا اشوفك ؟ سكت شوي , قلت : اشزينه موعـدٍ معـك أنـت لايمكـن علـيّ إنكـاره بـس لاحـظ إن قلبـي لـو جفـو غاليـنـه مـا جعلهـم عرضـة النقـاده الثـرثـاره!! قال : أنا أدري .. و الله يوقْف معـه و يعينـه قلبـك إلـى حـط أعـداءه علـى أنصـاره! قال:باكـر.. قلـت بكره(غـد).. يـا تانيـنـه كلهـا ساعـات ويبـوح النـهـار أســراره المهم.. أصبحت صبـحٍ مـا عـرف تكوينـه صبح من نـدرة عصافيـره تصيـد احـراره وآتقهـوى.. قهـوة اللـي مضحكتْـه سنينـه وآخذ اغراضـي معـي.. واشغّـل السيـارة واسرح فـي بالـي انـه فـي حـدا دربينـه يـا قبـل بيتـه ابيّتـيـن.. أو عـلـى دوّاره وليـه ذا.. واقـف معنّـز جسمـه بيدّنـيـه وقفـة اللـي ربعـه تحـبّـه ولا تخـتـاره قلت: ليه انت اتّشاءم انت اتّشاءم والبنادم طينه ينتصـر.. لاحـط ذكـر الله علـى إصـراره قال: أنـا.. مانيـب متشائـم.. لكـن يشينـه لابتـدا عمـرك بصدماتـه ومـوت أزهـاره كنت احسـب ان الحيـاة لسـاره أو ل(لينـه) لين ماتت (لينه).. وفي يـوم ماتـت (سـاره) ظل يبكي.. وانتهز صدري .. وجا مـن بينـه ليـن حسيـت ان كثـر الدمـع فـك ازراره اعملـت فـي عينـي انفاسـه ودمعـة عينـه مثل ما يعمـل بخـار الشـاي فـي النظـاره قمت اضمه وآحضن راسـه ولا ادري وينـه لانـي اعشقـه بمفاجأتـه وفــي تـكـراره كـان يـوم.. يعلّـم الواحـد يوفّـي ديـنـه الفـرح بـه قاطـعٍ للحـزن كـرت زيـاره يالله انـك تقطـع الوقـت الـردي وتهيـنـه كانـه يبكّـي كبـاره مـن غيـاب صـغـاره |
| الساعة الآن 07:07 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية