صفحة 2 من 4 < 1 2 3 4 > عرض 40 مشاركات من هذا الموضوع لكل صفحة

نظرة الحب 09-13-2010 04:02 AM (( فمان الله )) !! روحــــي فــمــان الله ورعــايـــه الله مــع السـلامـه رافـقـتـك الـسـلامـه وانـــا لـيــا غـنــا المـغـنـي لـلـيــلاه جريـت صوتـي فـي طويـل العـدامـه وغنيـت لـك ياتـل قلبـي مـن اقصـاه ولاحيت مـع وجـه العصيـر الحمامـه وضحكـت مـن (دوّر حبيبـك وتلـقـاه) الـقـاه عـنـد الـعـرض يــوم القـيـامـه روحـي وخلـي مــن نثـرنـي بقـايـاه يمضـي عليـه العـمـر عـامـه بعـامـه يـــومٍ بـقـايـا دمـعـتـه فـــي مـصــلاه يـبـقـى لـهــا لادور يــومــه عــلامــه ويــومٍ بهـامـه بـيـن راحــة شـفـايـاه مــن لـوعـة الـفـرقـا يـعـضـه نـدامــه ويــوم يفـضـفـض للـمـكـان وزوايـــاه عــن كــل شــي ولايكـمـل كـلامــه يصـيـح صيـحـة مــن غـوالـي دنـايـاه مامنـهـم الـلـي جـبــر الله عـظـامـه حزنه من اقصى طعنـةٍ فـي حنايـاه ماجـابـتـه سـبـابـتـه مــــن بـهـامــه تـمــره اغـلــى الـذكـريـات وتــعــداه ويـمــوت بـيــن الـكـبـر والانـهـزامــه ما فـي الضلـوع الا متاهـه ومضمـاه ومـافـي العـيـون الا زراقــة غمـامـه رعــاه هـمــك لـيــن بـيــح خـفـايـاه واصخوخـفـت روحــه وزاد احـتـدامـه ادنـا مايـزعـل مـنـه وادنــات مـرضـاه مثل الغريـر اللـي علـى اول فطامـه وان هـب نسنـاس الهبـوب وتمثنـاه في ليـلٍ اغـوى العاشقيـن بظلامـه يسري ولا يدري على ويـن مسـراه ويسـرح ورقـاد الضحـى فـي منامـه كـم لـي وانـا الـوم الزمـان بسوايـاه ولاحـر مـن جمـر العـتـب والمـلامـه الا ضــروفٍ تـرخـي امـتـون و اجـبـاه تـخـتـار مـعـهـا الـــذل والا الـكـرامـه لــو انـهـا بالـمـال والـوجــه والـجــاه كـم مـن سنـافـيٍ مقـامـي مقـامـه لـكـنـهـا رحــلــة ضــيــاع ومـعـانــاه يقـضـي بـهـا المـغـرم بقـيـة غـرامـه الـلـي عـلـى ربــه ممـاتـه ومـحـيـاه وعـلـى رقـبـة غالـيـه ذنـبـه واثـامـه من كثر مايبدي على الناس شكواه مـاعــاد يـاجــد هـيـبـتـه وحـتـرامــه بحـاول انـسـى ماحـصـل وآتنـاسـاه واظهـر مـن الدنـيـا بـرجـل العمـامـه احتـاج وجــهٍ بسمـتـه فــي محـيـاه حـاجـة فـقـيـر راس مـالــه حـزامــه يـقـول ياويـلـي عـلـى الـمـال ويــلاه واقــول ياويـلـي عـلــى الابتـسـامـه

نظرة الحب 09-13-2010 04:03 AM (( الصدور الجنوبيه )) !! يـــاوجـــود الـــلـــي عــيــونــه شــقــاويّـــه مـــرّهــــا حـــلــــو الــمــنـــام وتــعــداهـــا كـــــن بــيـــن جـفـونـهــا جــمـــرةٍ حــيّـــه مـايـطـفـيــهــا ســـهـــرهـــا ولا مــــاهـــــا بـيّــتــه لــيـــل الـشــتــا فــابـــو حـــدريّـــه واحـتـداه و حـــد نـفـسـه عـلــى أقـصـاهـا مـشـكـلــة بــعـــض الــصـــدور الـجـنـوبـيّـه لــــو تـجـيـهــا دمــعـــة الـطــيــر تـمــلاهــا الــعـــوامـــل والــــضــــروف الـطـبـيــعــيّــه غـــيّـــرت مـــجـــرا زمــنــهـــا ومــجــراهـــا يــاوجـــود الــلـــي عــشـــق لــــــه (....!!) فـــي صــــلات الــرحــم مــاهــوب ويــاهــا مـــن تـحـبّــه لــــو تـحـبّــه عــلــى الـنـيّــه بــرّكـــت بـأقــصــى ضـلــوعــه مـطـايــاهــا ذوقـتــنــي هــجــرهــا ثـــانـــي ضــحــيّــه و اصـطـلـت روحـــي عـلــى حـــر فـرقـاهـا طـيّــرت مـــن غـصــن الاشــــواق قـمـريّــه ورهـنـتـنــي فـــــي هـــواهـــا ولامـــاهـــا حــايــلٍ مـــــن دونــهـــا حـــــول وشــويّـــه مــــيــــر مالله حــــايــــلٍ دون ذكــــراهـــــا كــــل حــاجـــه بـاقــيــه مــثـــل مـاهــيّــه مــاســرا مـعـهــا عــلـــى درب مـســراهــا كـــود عـضــوٍ (فـــي جـهـتـيّ الشمـالـيّـه) فــــاع مــــن عـــــوج الـحـنـايــا وخــاواهـــا ودمـــعـــةٍ نـطّـحـتــهــا راحـــــــة ايـــديّــــه ( افففف ) ياماحرّها و ( احححح ) مقساها حـوّلــتــهــا يـــــــوم قـــالــــت وداعــــيّــــه و استـبـاحـت سـتـرهــا فــــوق مـاطـاهــا حـيـلــتــي لاهـــبـــت الـــنـــود عــصــريّــه قــمــت مــــع كــــل الـجــهــات آتـحــراهــا وأمــســت الـفـرحــه يـتـيـمــه ومـنـسـيّــه فــــي عــيــون حــرقــة الــوجــد تـصـلاهــا عـــن خـديـنـات الـتــرف نـفـسـي امـعـيّــه لــــو تـجـيـنـي مـثـلـهــا كـنــهــا ايــاهـــا !! مـــن غـــدت مـنــه ( الـذلــول العـمـانـيّـه ) مـاتـعــوضــه ( نـــاقـــة الله وسـقــيــاهــا ) دكّـــــت ضـــيـــوف الـمـعــازيــب رجــلــيّــه مـابــقــى الاّ ضـيــفــةٍ فــــــوق مــركــاهــا سـيــرةٍ مــــن وحــــي عـامـيــن هـجـريّــه ودّي أنـــســـاهــــا ولا ودّي أنـــســــاهــــا الــمــعــالــم والــــرســـــوم الــطــلالــيّـــه مــايــحــفــظ أمــجـــادهـــا الا بــقــايــاهـــا ذكـــريــــاتٍ تــعــبـــر الــعــمـــر طــرقــيّـــه وذكـــريـــاتٍ فــــــي وطــنــهــا ومــربــاهــا وصـــورةٍ فــــي مـتـحــف الــبــال مـطـويّــه كــــــــل يــــــــوم آفــلّـــهـــا وآتــهــجــاهــا مـــــن لــهـــا قـــــدر أوّلــويّـــه وأهــمــيّــه مــاشــعــرت بــغــربــة الــــــروح لـــولاهـــا والــــذي نـفــســي بــيـــده إنّــهـــا لــيّـــه أقــــرب مــــن كـفـوفـهــا عــنـــد حـنــاهــا لـــــو جـفـتـنــي والــعــيــون الـشـقــاويّــه مـــرّهــــا حـــلــــو الــمــنـــام وتــعــداهـــا

نظرة الحب 09-13-2010 04:03 AM (( انسان )) !! على ماشفت في الدنيا ماشفت أعجب من الإنسان مـايـدري ان العـمـر يـومـيـن والـدنـيـا مـهــي يـومـيـن خلقـهـا الله عـلـى بـطــئ وتـأنــي وخـلـقـه عـجــلان يحـسـب انــه يـبـي يبـقـى عليـهـا لـيـن يــوم الـديـن وهـي خيطين:خيـط مـن سـراب وخيـط مـن دخــان . ولايلـحـق مـداهــا لـــو مـعــه غـيــر الـعـمـر عـمـريـن تــمــوج بـغـيـهـا والـظـفــر مـنـجــا والـكـريــم مــعــان والاحـمــق لاعـطــي رزقـــه كـلــه بيـديـنـه الثنـتـيـن صديقـي كـن بمـا حاشـت يـدك مــن خيـرهـا قنـعـان ولاتنسـيـك حـفـظ الـقـرش الابـيـض للنـهـار الشـيـن طليـق فـي فضـاهـا وانــت مــن بـيـن اربـعـة جــدران لـيـا صـكـت علـيـك الـبــاب مـــن بـــرا تـــروح مـنـيـن تبـي تاكـل مـن عظـامـك ويـاكـل سـورهـا الشيـطـان وتقـلـع جمجـمـة راســـك وتـزرعـهـا عـلــى رمـحـيـن اخـذ مـن صبـرك لنفسـك عـن اهواهـا رسـن وعـنـان واقــف فــي وجهـهـا كـنـك تخـيـرهـا مـابـيـن امـريــن تـجــدد واحــــذف الـمـاضــي وراك ورزنــــم الازمــــان وفـكـر كـيــف تـبــدأ مـرحـلـة بـعـديـن مـــن ذالـحـيـن تـجـد فــي داخـلـك زود تغـطـي بــه عـلـى النقـصـان تـــرا لـــو زان وجـــه الادمـــي مـاهــوب كــلــه زيــــن يـزيـنـه الـحـيـا لان الـحـيــا شـعـبــه مــــن الايــمــان وتـطـفـيـه الـمـعـاصـي والــذنــوب ورفــقــة الـغـاويــن فقيـريـنـقـل الـكـبــر ومــلــك كــــاذب واشـيـمــط زان ثــلاثــه مـايـعـايـن يـمــهــم ربـــــي بـطــرفــة عــيـــن عـيـال ادم خلـيـط مــن الشـيـم والقـبـح مهـمـا كــان تحاسنـهـا وتـبـدو لــك بـوجـه وهـــي لـهــا وجـهـيـن لــو بوسـعـك تـقـوم برحـلـة استكـشـاف واستـبـيـان وتحصـي مـن عـلـى الدنـيـا مــن الحيـيـن والفانيـيـن لقيـت نفـوس مـن فيـهـا حـصـاة فــي حــدا الـغـدران ولاتـلـقـى حـصــاة فـوقـهـا الـمــا الاتحـتـهـا الـطـيــن لـيـا مــن خلـقـت انـســان مايـمـنـع تـمــوت انـســان علـى اقــل اعتـبـار يـكـون لــك مـيـزه عــن الباقيـيـن اشـــر الـخـلـق خـلــق مـوتـهـم ووجـودهــم سـيــان واخـيـر الخـلـق خـلـق فــي مقابـرهـم وهــم حيـيـن

نظرة الحب 09-13-2010 04:03 AM { هيبة جلاله } العمـر مقفـي والمنـايـا iiمقابـيـل كـلٍ وماجـابـه نصيـبـه iiوفـالـه والشاعر اللي مايوقـف علـى iiحيـل يدفـع علـى قصيدتـه مـن iiحلالـه سـلام تسليـمٍ مـن البحـر للنـيـل يهـب لـه ريـح الشمـال بشمـالـه يسوق ريح المسك والبـن iiوالهيـل والعـود الازرق والعلـوم iiالجـلالـه على الاصيله فالجة صبـح iiالاصيـل صدر الشمال وعيـن نجـد iiودلالـه عسى السحاب اللي تمثنـى iiالاقاذيـل يصـب فـي راحـة يديهـا خيـالـه من غيرها يستاهل العشـب iiوالسيـل الا نـواة الارض مـهـد iiالرسـالـه اللي غزاها من غزاها علـى iiالفيـل واظلّهـا ربـي عنْـه فـي iiظـلالـه شعرٍ ماقيـل بصيهـد رمـاح iiماقيـل تنسـد أذانـي سامعـه عـن مجالـه دارٍ لهـا قيمـه وحشمـه iiوتبجيـل يحدهـا فـي الصـدر جالـه iiوجالـه تنهل من امجاد ( السبيـه ) iiمناهيـل هـاك القـراح اللـي شربنـا زلالـه وتنبت فخر ماهيب تنبـت iiمحاصيـل وتبرز من خيـار السلايـل iiسلالـه ينـرد عنهـم فـي الزمـان الاقاويـل فرسان ابو تركـي وصفـوة iiرجالـه كلـه لعيـن ام الرمـوش المظالـيـل يامـا نطحنـا دونهـا كــل قـالـه ياللـي تحذفـون الجبـل iiبالفناجيـل مـدري تغرفـون البحـر iiبالبيـالـه غنوا علـى مـوال مطولـك iiياليـل واخذوا على عـض النواجـد iiوكالـه المجد فـي حـد السيـوف المصاقيـل والا الجمـوع اللـي تقاتـل iiبسالـه تنقص من دونـه شـوارب iiرياجيـل وتسقط جلالـه لجـل هيبـة iiجلالـه علـمٍ يحفظـه جيـل ويعلمـه iiجيـل واطرف جواب لمن عطانـا iiسؤالـه وقفاتنـا تشـف الكبـود iiالمغالـيـل ورجالنـا ينطـح قبيـلـه iiلحـالـه نميـل للبـارود فـي عجّـة iiالخيـل مثـل الشمالـي يـوم ميّـل iiعقالـه نارد على حوض المنايـا iiمصاطيـل مـن غيّـنـا معطينـهـا iiللثمـالـه لنـا مـن الهيبـه فيالـق واساطيـل ولنامـن المجـد الاصيـل iiالاصالـه ولنا من السطوه وش طيـور iiابابيـل الا مـع ابابـيـل عـمـه iiوخـالـه اللي تسوي فـي العروبـه iiاسرائيـل حربٍ على الملـه وبطـش iiوضلالـه واللي نسوي عدلـة الميـل iiبالميـل جهـالـةٍ تــرد كـيـد iiالجهـالـه حنا هـل الغلبـا الدهـاه iiالحلاحيـل عدونـا يقعـد علـى الارض عـالـه اليـا رضينـا للعـدالـه iiمداهـيـل واليـا زعلنـا مانعـرف iiالعـدالـه يا من كيانك مـش حالـك iiوتظليـل اسرع من ارماشـة عيونـك iiزوالـه اقرب مثل ماعاش ( توقيع ابا الخيل ii) عاش المليك وصورته في ( رياله ) !!

نظرة الحب 09-13-2010 04:04 AM { أخر العنقود } بكيتك من الفرقـا وأنـا دمـع عينـي iiحـار سلامٍ على الشرهه .. والاخر على iiالمنقـود يقولون مـن طينـة محنّـه !! وقلبـك بـار لا والله من طينة عذاب.. وجفـا .. وصـدود يـادوب أتحمّـل جمـرةٍ مـن جحيـم النـار تلحّق عليّـه بأختهـا اللـي بـراس iiالعـود خذيت الهوى طيش .. وعبث حب .. وأستهتار على قولة العربان ( عيب وعليه شهود ) ii!! تبريـت منّـي والوفـا فيـك طيـر iiوطـار عساك آخر العنقود .. منت أوّل العنقـود ii!! مخليني أعجوبة زمـن فـي طريـق iiالمـار مضحك بي العاقل .. مشمـت بـي iiالمقـرود لاني داخـل الصـوره ولا خـارج iiالايطـار عدوّك وأنا غايب .. حبيبـك وأنـا iiموجـود ورغم ماتسوّي بي مسامـح علـى iiماصـار وخيـرك كثيـر وموقفـك ماعنـه iiمنشـود معك مابعد عديـت عمـري مـن iiالاعمـار مخليه ريشـه بيـن أصابـع هبـوب iiالنـود تذكر ولـك بالذكـر ( مالـك مـن الاسفـار ) تذكـر وخـل الذاكـره بالـزمـان iiتـعـود تذكر يـوم أن حـدود وصلـك ثـلاث أمتـار تخطيتهـا ماكـنّ .. ذيـك الحـدود iiحـدود وصلتك وقمـت بواجبـك قبـل سابـع جـار أخفّي عليك سدود .. وأبـدي عليـك سـدود سدودٍ تبي تبنـا .. والاخـرى تبـي iiتنهـار من أبّـدع تصاويـر الله الخالـق iiالمعبـود أحس أنّـي أبحـر فالسفينـه مـع iiالبحـار وأنا أقول .. يااااااالبّا هذيك الوساع iiالسـود أغازل حورهـا ..وأنصـب لرمشهـا تذكـار وأثمـن عطاياهـا وهـي ماوراهـا iiفــود تذكّـر وأنـا ويّـاك فــي لـمّـة السـمـار تقول البرا مردود .. أقـول البـرا iiمـردود تحديت فيـك الشاعـر اللّـي مـن iiالشعـار بعد ماتقول أسمه تذكر علامـة ( قـووود ii) تـوارت نجومـه يـوم لـدّت لـي iiالانظـار طلع في عيون النـاس مهـوب ذاك iiالـزود تذكـر يـوم أنّـك جيتنـي ياغريـب iiالـدار أبشـر بشوفـك كنّـي أبـشـر iiبمـولـود فتحت الك صـدري ياحبيبـي زرار .. iiزرار هذا بيتك .. وبيت أمّك .. وبيت أبوك iiالعـود

نظرة الحب 09-13-2010 04:04 AM { تضايقت وبكت } لايغرّك حجب دمعي عـن ظهـورة لاتقول أنّي سليتـك .. iiماسليت دايم أستر دمع عيني ستر iiعـورة والاّ أنا يامـا تضايقـت iiوبكيتـك أوّله يـوم الغـلا فأربـع شهـورة وآخره في يـوم جيـت ولا لقيتـك أعتبر مسياري لجارك.. ضـرورة لجل أوقّف موتـري قـدام iiبيتـك وأنتظر لي ربع ساعة.. عند سورة ماخبرت أن دخلته.. ما iiأحتريتـك وأنت تأخذني على عميا iiمشـورة مسرفٍ بي لارحم حيّـك iiوميتـك تحسب أنّي ناسـيٍ حبـك iiودورة لو نسيت أبوي وأمّـي iiمانسيتـك الله اللي حطّ لك في العين iiصورة والله أن يمحا نظرهـا iiمامحيتـك تلمحـك روضٍ يقلدنـي iiزهـورة ناعـمٍ لـو أنّـك بتوكـل iiكليتـك موج حبك في الحشا صفقه وفـورة والظنون تسد نفسـي iiلأشتهيتـك وش تعللها عليـه مـن الخطـورة يامـعللها علـى ليـتـك وليـتـك واحدٍ من طاري أسمك طق iiزورة وش يقول أن سمع لبيك iiوفديتـك عذره بمخباة لـو يفقـد iiشعـورة وأنت عذرك لارمـاك الله رميتـك لاتهز الغصـن وتطيّـر iiطيـورة أتق الله وأحترم مجـدك iiوصيتـك وأن حداك مساير النفس iiالغيـور مرحبـا مـن واحـدك iiلكمبليتـك أرمني فالنار من عميـا iiمشـورة وأسرف أسرف لارحم حيّك iiوميتك

نظرة الحب 09-13-2010 04:04 AM { حرمان الصبر } اللّـي سـرى ليلـة الجمعـه وعلـى iiولاه عـز الله إن ليلـة فراقـه دروس iiوعِبـر الله يسهـل خِطـا رجلـه و يغفـر iiخطـاه من يوم شفته .. وأنا دار ٍ إن عنده خبر ii!! لو ما أستباح العيون اللي بكت فـي iiرجـاه ماضاق صدر الرياض وضاق صدر iiالخُبـر خذ كل شيء وعطاني خنجر ٍ مـن iiجفـاه توغلت في ضلوعـي .. قفلتيـن iiوشبـر هواية ٍ يستلـذ إبهـا وهـو فـي iiصِبـاه والظاهـر إنهـا تبـي تكبـر معـه لا كبـر لـو إيتمثنـى حريـره ضفتيـن iiالقـنـاه قامت تغني له الامواج يا ( أسمـر عبـر ii) وستـارة القلـب يـادوب إلتفاتـت iiمهـاه وتقدها من قِدم !! وتقدها مـن دُبـر.. ii!! أنا دخيل ٍ علـى ربّـي وأنـا فـي iiحجـاه من كسرة الخاطر اللي لا إنكسـر iiماجبـر لو ماقرى إسمي بعلبة ( زعفرانه ) iiنسـاه قسّتـه الأيـام وأخلفـه الـزمـان الغـبـر لا تامن الوقـت لاشفـت الحفـاه iiالرعـاه يشيّـدون القصـور .. ويلبسـون الـوبـر وإن حاصرك زول من تغلي وضامـك غـلاه إن ماذكـرت النعـش وإلاذكـرت القـبـر تدري متى تنفض يديك وتعـاف iiالحيـاه؟ لأعطاك ربّي ( مُعاناه ) وحرمك ( الصبـر )

نظرة الحب 09-13-2010 04:05 AM {دم رجال أهدرته مره} غابت نجـوم السمـا كلهـا والله درا عن وليفٍ دار عامه ويومـه وشهـره ياوجودي كل ماطرّف الليـل وسـرا ماحدٍ بشّر بشوفه و لاجـاب خبـره اليدين أمست من مصافح أيديه فقـرا والعيون اللي فضح دمعهـا مايستـره أن تذكرتـه تذكـرت دمـعٍ ماجـرا قبل مايجمع زهابه على وجه سفـره راكب اللي صمموه لمشايـخ وومـرا مابعد حرّك سويكـه ولا دار كفـره لو دفع متوسط الدخل دخلـه ماشـرا لـه مديليّـة مفاتيـح والا منـظـره رنّة بلوفه اليا فاع من فـوق الثـرى كنّها صفق الهبايب على فنـد شجـره رنج روفر ماقرا لونه اللـي ماقـرا افتح من المستكا .. واغمق من السكره ان نطحته من قدم وأن قفيته مـن ورا كن (سحمان بن ملحم) ملقيك ظهـره الحزام اللي يحزم الظهـور الياطـرا طاري الفزعات والكذب مافيه ثمـره في المنافذ والمسارات مايمسك سرى البلاط يحشمـه .. والرمـال تقـدره جرته يمشي على راحته ياهل تـرى شفتها في دقة البشـت والا البنجـره؟ ياصله ويعلمه وأن درا و ان مـادرا أن قلبي فـي غيابـه معلّـق بشعـره لايحسب أنّي نسيـت ورب أم القـرا ماتنسـا طلـع تينـه ونفحـة عنبـره ايتداركنـي قبـل ضيعتـي والا تـرا ضعت ضيعة دم رجالٍ اهدرته مـره لايفكر في بـرا الجـرح والا مابـرا واضح اللي في النعش رايحٍ للمقبـره ويحفظ قدر المحبه ويبقا فـي حـرا جيّةٍ منّي وغصـن الغـلا لايكسـره ويخبر اللي في التمادي تطاول و افترا يكسب المعروف بالعفو عن المقـدره لايجاور وردةٍ في ظـلال وفـي ذرا ماسقاهـا دمـع عينـه ولا دم نحـره ويش عذره كل ماطرف الليل وسـرا وألتفت أدوّر عيـال وأدوّر مـره !!

نظرة الحب 09-13-2010 04:05 AM (التفاحه المنصوفه) راكب اللـي لـو يطوفـك ماقـدرت تطوفـه سـيّـد الالــوان لا فـضـي ولا فيـرانـي يـوم سواقـه علـى سمعـي يعـدّ وصوفـه والله ان كـنـك تـدورنــي ولا تلـقـانـي اذكر انه قال فـي عـرض الكـلام اطروفـه راح منهـا شـي وآخرهـا بـقـى فلسـانـي اتحفوآبـه واعـذره لجـل بعـض ضـروفـه واتركـه عنـد العمـل لا تنظلـه جيـرانـي قلـت ويـن القـاه لا منـي بغيـت اشـوفـه قال في قصر ( السلام ) وفي قصر ( دسماني ) الفخامـة تفـرق اسمـه قبـل تفـرق نـوفـه ( والفياقرا ) تجمع اسمه واسم ( شي ٍ ثانـي ) فيـه مـن هتلـر دهـآ عقلـه وزيـن وقوفـه تقـدر تسمّيـه نصرانـي ولــد نصـرانـي لا انفرش في الارض وارخى لَلتـراب كتوفـه قطعـة السجـاد قـدم المتـحـف الايـرانـي لوحتـه بالطـول وارقامـه سـوات حروفـه تـازن اعقالـك علـى صدامـه الورّانـي !! وشوشـة مراوحـه يـوم اشتغـل وبلـوفـه ( وشوشة عجمي يسولف له علـى قحطانـي ) صـوت حساسـه تقـول يسمعـك معـزوفـه مـن كلِماتـي وادائـي وفكرتـي والحـانـي وقفتـة وقفـة زعـولٍ فـي يدينـه طـوفـه يحـذف الـبـي ام والفكـسـار والنيسـانـي وان مشى كنه على المسرح يعـرض بروفـه ودك تخـاويـه وتعـلـق علـيـه الـعـانـي لادلهـم الليـل قـدمـه والهـبـوب تلـوفـه اسرع من السيف الاملح فـي رقبـة الجانـي ليـن ياصـل بيـت مـن تلويحتـه بكفـوفـه كنـه يلـوح بهـا فـي منتصـف شريـانـي مـن عرفتـه والـغـلا تفـاحـةٍ منصـوفـه نصف خذه ونصفه الآخـر خـذوه خوانـي ! ليتنـي بالشعـر يـوم ابـرد حشاشـة جوفـه يستـحـى مـنـي ويذكـرنـي ولاينسـانـي مايخليـنـي لمـنّـة غـيــره ومـعـروفـه لو اجيـه اطلـب ذنوبـه كلهـا مـا اعطانـي

نظرة الحب 09-13-2010 04:05 AM (خزاين الأرض) من ديرةٍ شرقي الطايـف شمـال (الغريـف) يمطـر سماهـا فخـر وترابهـا يـرتـوي دارٍ قطعنابهـا دابـر (حسيـن الشـريـف) يـوم العمايـم تحـذّف والـذيـاب تـعـوي نسيت ربعي وسجّات النفس فـي المصيـف وخلّيـت وجـه الشبـح يـم الخبـر ينتـوي الاسود اللي مثـل لـون الظـلام المخيـف من سرعته كنّـك تشـوف النجـوم تهـوي مترامـيٍ هيكلـه .. كنـه سحابـة خريـف اللي ورى مستوي .. واللـي قـدم مستـوي لا انساب فوق المسار اللي يميـن الرصيـف لـو المسافـات زوليّـه .. طواهـا طـوي لا هو شمالي ثقيـل .. ولا جنوبـي خفيـف الشكل شكل حضري .. والطبع طبع بـدوي! كشنه من العاج واسياتـه كراسـي مضيـف من غالي الوصف .. تاصف فيه لين تغـوي شقّيت به صدر نجـد وبطـن وادي حنيـف وعقّبت جوده .. ولا مال الظـلال ضحـوي الا وانا في كنـف دمـث الجنـاب المريـف فـي واحـةٍ تهتـوي مـن جالهـا مهتـوي شرايح المجتمع ترتاداها ضيـف .. ضيـف لمحطميـن العـزوم .. الدافـع المعـنـوي ما جيت ابا ابسط يدي .. واحتال حيلة ضعيف جيت اتشـرف بمعرفـة (الاميـر جلـوي) واصب مـن سيرتـه واقنّـد الـراس كيـف وابجّلـه وامدحـه واصنّفـه ... مـن ذوي الراحـه الحاتميـه .. والـفـواد النظـيـف والعدل لا اقفى على حق الضعيـف القـوي ابـوه مـا حطّـه معـزّي خلافـه رديـف الا ان فعلـه لـوى عنـق الثـريـا لــوي يـرد المنايـا ليـا لاقـا الحفيـف الحفيـف (خمسين ينبوع) صبّن في فمـه .. مـا روي كم من كبودٍ علـى نـار الحسـام الرهيـف امـا قلاهـا قلـي .. والا شواهـا شــوي اثنا .. وقبل .. وبعد .. ذاك النهـار الكليـف مـلاحـمٍ دار حوليـهـا الحـديـث وروي لو سمع عنها الاصم ولـو نظرهـا الكفيـف لا كان هـذا سـوي .. وكـان هـذا سـوي قادت خيالي مثـل قـود الرسـن للعسيـف وانحيت معهـا وانـا سيلـي عليـه نحـوي يوم الهوا هب .. وانساق البحـر للرصيـف والمـوج يلعـب بمسباحـه ويــدوي دوي صدّيت عن غيره من النـاس صـدّة معيـف اقولهـا والحـجـاج الملـتـوي ملـتـوي ما جيت ابا ابسط يدي واحتال حيلة ضعيـف جيت اتظلّل تحت بشـت (الاميـر جلـوي) خزاين الارض وارصدة الذهب فـي جنيـف ارخص من عمامة اللي مـعْ سمـوّه خـوي

الساعة الآن 03:12 PM

صفحة 2 من 4 < 1 2 3 4 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية