 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - قصائد الشاعر / حمد السعيد
(http://www.gsaidlil.com/vb/showthread.php?t=22325)
|
|
|
|
|
|
ديوان الشاعر حمد السعيد/قصائد صوتيه - كتابية
الشاعر حمد السعيد
هو حمد بن عبد الكريم المزعل السعيد من مواليد 1964، ينتمي إلى أسرة السعيد أمراء الجهراء شمال الكويت والذي يرجع نسبهم إلى آل مشرف من المعاضيد من الوهبه من بني تميم. والدته هي صيته بنت حمد الجاسم الدبوس متزوج من ابنة متعب بن عثمان السعيد أولاده : نايف (توفي بعد ولادته بايام) خالد صيته نايف الثاني متعب (توفي بعد صراع مع المرض)رحمة الله يعتبر من أعمدة الساحة الخليجية والعربية شاعر قدير بدأ النشر في منتصف الثمانينيات عرفه الناس بأسلوبه الشيق وابتسامته المعتاده وتواضعه وحسن خلقه شارك في العديد من الأمسيات داخل الكويت وخارجهاوأصدر ثلاثة دواوين صوتية -عضو جمعية الصحفيين الكويتية -عضو لجنة الصقاره الكويتية -عضو لجنة التحكيم في برنامج شاعر المليون - رئيس تحرير مجلة وضوح الكويتية -مستشار بالهيئة العامة للثقافة والتراث (أبوظبي الامارات) - رئيس لجنة مسابقة معرض الصيد والفروسية لشاعر الصيد والمقناص - رئيس لجنة مهرجان وضوح الرأي الشعري في الكويت - مشرف الملف الشعر في مجلة (الصقار) - مشرف الامسيات في في معرض الصيد والفروسية في أبوظبي - عضو في نادي صقاريالإمارات |
ما هو بكيفك
للتحميل كليك يمين(حفظ اسم الهدف) ماهو بكيفك تواصلني تقطعني اما غلا بين او فضها سيره ياشين لاجيت تقطع لاتوادعني ليتك تحس الوداع شلون تأثيره ياماخذ الحب قل فيني وسمعني حب على كبر صعب ابدل بغيره أبحتفظ فيك وادري مانت نافعني يمكن مع الوقت اقول محبتك خيره والله تدري وش اللي معك دافعني اني معاك انت امارس آخر الغيره واحب فيك البرود اللي يقاطعني لو ماتكلمت صمتك صعب تفسيره ياللي عليك البشر شفها تقاطعني منين ماوجه الهقوات لك سيره ياشينها من الخوي قول اتركه طعني ماغير شره ولا انت بشايفن خيره ياشينها منك لاجيتك توزعني في عذرك اللي على هالظرف تجييره شف كبر صبر البشر ماعاد ياسعني واكبر هموم العباد اشوفها صغيره وش جاك مني خطا يومك تبيعني في سوق ذقها عليك اسوقها جيره انا اذكر انك الا من قلت دلعني القلب هانت علشانك مشاويره يامشغل القلب بين تحبني و يعني شفني عليك احترق ياسيدي حيره مرات اقول اتركك لاشك يمنعني شي يقول أعذره واقبل معاذيره قلت احتفظ فيك وادري مانت نافعني يمكن مع الوقت اقول محبتك خيره |
تزعل واراضيك واتلذذ بتزعيلك تبي الصراحه انا مجنون زعلاتك لاقمت تبعد وانا اقرب وادنيلك وامسك طرف غترتي وامش دمعاتك وتبدي تعاتب وانا كل انتبااهي لك ما اسمعك شتقول انا عيني على شفاتك وتعيد حجيك وتفرك حيل منديلك وتخالطت صادق حروفك بوناتك واحاول ارضيك ومدري منين ابديلك واحتار واذكرك في بعض زلاتك واسمعك ماكتبته بك واغنيلك طاروقك اللي تحبه واكسر سكاتك واستسمحك واعذرك واسمعك واشكيلك واتلهف لبسمتك ورد ضحكاتك يسرقني الوقت ولا يمديني احجيلك كلام اللي تحفظته لشوفاتك وقت الوعد فات وعيوني تراعيلك وقفيت واشغلت القلب بلتفاتك عيني على خطوتك والقلب يدعيلك الله يحفظك من الحاسد وشماتك تزعل واراضيك واتلذذ بتزعيلك تبي الصراحه انا اعشق كل حالاتك |
| الساعة الآن 10:35 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية