صفحة 2 من 18 < 1 2 3 4 5 6 7 8 9 10 11 12 > الأخيرة » عرض 40 مشاركات من هذا الموضوع لكل صفحة

[/table1]

البرق النجدي 12-05-2010 12:44 AM [table1="width:95%;background-color:black;border:4px groove white;"]

(( أحبابك سروا )) مابه احد غيري يابنت.. احبابك سروا.. لاتسأليني تغيروا.. يمكن نسوا او مادروا.. ياحلوتي ضاع الوعد.. وباكر بعد.. مري على دروب الجراح.. وتلقين احد غيري.. بالله لاتبكين عندي.. والى رحتي سوى اللي تبين مالك عزى.. فـ قلبي الحزين محتار انا اسكت.. ومدري ايش اقول..!!؟؟ لاني سبب جرحك.. ولاعندي الحلول...~ لكن ابوصيك بصبر.. لابد للغايب عذر...~ وياحلوتي ضاع الوعد.. وباكر بعد... مري على دروب الجراح.. وتلقين احد غيري غطي سنا خدك بشال الليل.. وغيبي ياشمس اللي ضيها لغيري.. اه .. لو تعرفي وش كثر انا احبك.. لو كنتي تدري بي ياعيونها السود.. مابه احد موجود.. غيري انا الموعود جرحي.. وتعذيبي.. ياحلوتي ضاع الوعد.. وباكر بعد... مري على دروب الجراح.. وتلقين احد غيري...

[/table1]

البرق النجدي 12-05-2010 12:45 AM [table1="width:95%;background-color:black;border:4px groove white;"]

(( الجدران )) المنزل ثلاث جدران .. ورابع .. ما بينهم ضايع .. متشقق وعاري .. ويميزه شباك .. ضيق .. مصبوغ.. بالأحمر الناري .. ومحاصرٍ باسلاك .. علقت بها وردة .. أوراقها المنزل .. والبرعم الأفلاك .. *** وعلى الجدار الثاني .. وأمثال .. وأغاني مكتوبة بكسرة فحم .. وصندوق خشب .. مزخرف بغير الذهب .. غير الجواهر .. تحت الكتابه نافر .. فوقه ظلالٍ عريق .. مثل العنيد .. من الجروح .. مثل السيوف اللي مقابضها حديد .. أسرار من ماتوا بعيد .. وما خلفوا حتى الورق .. *** أما الثالث من الجدران .. معلقٍ عليه صورة .. لإنسان .. من دفتر نفوس .. مكبره .. مدري جفونه مبخره .. ولال تجاعيد خيوط .. دخان وفي الركن كرسي خيزران .. يجلس عليها الوقت .. وجريدة ٍ عنوانها باهت .. تغفى على الإسمنت .. وفوقها كوب فارغ .. وفتات خبز .. وأصابع ٍ للجوع صفرا مكسره .. *** ويبقى الجدار الأول .. وهو أعرض الجدران .. وأكثرها وقار .. وهو الوحيد اللي انبنا فـ نور النهار .. بوابته على الطريق الرملي .. صَفت أحجار درجها .. بصبر .. وش كنها .. ؟؟ سنونٍ صفر .. في فمٍ مذهول .. وظلما تشدك للدخول .. تشدك .. وكل ما مسكت اكرة الباب النحاس بيدك .. تلطخت بدم ٍ طري .. الجرح نزفٍ يحتري .. أما الطعون .. وين الطعون .. راحت .. *** البيت ثلاث جدران .. ورابع .. مالهم طابع .. يجمعهم .. يشبهون أهلهم .. وما صادفوا غير الحياة ..

[/table1]

البرق النجدي 12-05-2010 12:46 AM [table1="width:95%;background-color:black;border:4px groove white;"]

((أجمل الحزن )) يا اجمل الحزن .. لدموعك سلام من حبيبٍ ... بقى منه الكلام وين انا منك .. غربني الزمان وخانني النور ... وابعدني الظلام لو بعزيك ... سالت دمعتي تدري الدمع في حبك ... حرام لو بواسيك ... مايكفي الهوى ولو أبي ... عذر مايكفي الغرام أعطنى من عذابك يا البعيد صرخةٍ ... تجعل ظلوعي حطام آه ...لو في يدي أبكي معاك قطرةٍ مادرى عنها الغمام ماابخل الوقت ... يحرمني البكا وانت لجلك حرمني الإبتسام يا اطهر الحزن ... لو كان القصيد يكشف الغم عن بدر التمام لكتب الشمس شعرٍ في سناك وامحي إمن السما...عج وكتام ياعسي البدر نوره مايغيب {عن حبيبٍ بقي منه الكلام..},,~

[/TABLE1]

البرق النجدي 12-05-2010 12:48 AM [TABLE1="width:95%;background-color:black;border:4px groove white;"]

عذرآ ع الآآآطآله ..~ لكنه البدر ..~ فمآآجممملك آيها ...~ــــآلبدر..~{..~ http://kash-ksa.com/up//uploads/imag...47dbed7b0c.gif

نظرة الحب 12-05-2010 12:51 AM يسلموياقلبي عالطرح الرائع وتنقل للدواوين المقرؤه

جنــــون 12-06-2010 03:02 AM يعطيك الف عافيه احترامي ،،،

جنــــون 06-23-2011 08:42 AM ديوان بدر بن عبدالمحسن   (المحـــبه أرض) المحبـة أرض والفرقـا أراضــي والزمن كله تـرى لاغبـت ماضـي والله إنـي مـا أشـوف إلا عيونـك إن رحلت اليوم أو طـوّل مراضـي قالـوا العـذّال والعـذّال مـرضـى وش بلا حالك من الاشـواق قاضـي قلت يهجرني حبيبـي ليـن يرضـى علّموا الظالم ترى المظلـوم راضـي جرّحوني في هواك وقلـت أبشكـي ماهو من جرحي ولكن لإعتراضـي وش علي لو قطّعوا لاجلك عروقـي من رضى بالحب .. يرضيه التغاضي

جنــــون 06-23-2011 08:43 AM (ألا الهـــــــــوى) ابعتذر ... عن كل شيء ... إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... كان اعتذر لك عن هواي ... ما أقول أنا ... كوني معاي ... ان ضايقك اني على بابك أمرّ ... ليلة ألم ... واني على دربك مشيت عمري وأنا ... قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... الله كريم .. حبك ... يكون ... همي القديم ... وجرحي القديم ... والله عليم ... يا أحلى العيون ... ان الفراق ... جزا الفراق ... ابوعدك ... كان الطريق بيبعدك ... بامشي الطريق ... وكان الجحود بيسعدك ... مالي رفيق ... ابجمع أوراق السنين ... وأودعك ... كان الفراق اللي تبين ... الله معك ...

جنــــون 06-23-2011 08:43 AM (قــــصة حــــب) فـ كل قصة حب أحلام ومدينة .. ليل ونخيل وهبوب .. لكل قصة حب لو كانت حزينه .. أجمل ألوان الغروب .. ناظري ضيّ الحوانيت القديمه .. ونقش أبواب البيوت .. كلها شعر ومواعيدٍ قديمه .. وصوت قلبـي اللي يموت .. وما يموت .. لكل قصة حب .. عذال وحسود .. ليه تخدعنا الأماني .. والليالي السود .. سود إشعلي جمر العناد .. قربـي معاد أشوفك .. لا يفرقنا السواد .. ارسمي وجهي بكفوفك .. ولا تجرّحنا عيون الليل .. وحروف النميمه ولا يعذبنا السكوت .. إن عطشنا أو شربنا الدمع ديمه .. للهوى بنحيا ونموت .. لكل قصة حب أشواك وورود .. وليه نصرخ من ألمها .. وكلها تنبت في عود .. ناظري هذا قمرنا لو تغطيه الغيوم .. وناظري هذا شجرنا مهما تحرقه السموم .. ولو تجرّحنا عيون الليل وحروف النميمه .. ولو يعذّبنا السكوت .. إن عطشنا أو شربنا الدمع ديمه .. للهوى بنحيا ونموت ..

جنــــون 06-23-2011 08:43 AM (الــــعمر أحـــبك) لليل احبك مابقى فـي السمـا نـور والى ضواني الليل .. للصبح أحبـك واللحظة اللي كلهـا عنـد وغـرور أشوف قبري بين عينـك .. وقلبـك في صدري سراجٍٍ حزينٍٍ .. ومكسور رغم المطر والريح .. شلته في دربك والله مابـه غيـر لوعاتـي قصـور وخوفـي عليـك الله ربـي وربـك ما بي جهد ابني على صمتك جسور لا حيرتني أسباب سلمـك وحربـك العمر أحبك .. مابقى فينـي شعـور والى جفاني العمر .. وشلون أحبـك

الساعة الآن 09:07 AM

صفحة 2 من 18 < 1 2 3 4 5 6 7 8 9 10 11 12 > الأخيرة » عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية