من جرب الحب في وجه النقى يتعب
لو كان وجه النقى ما عاد له قيمة
َ
من خاطري لو بغيت ألعب قدرت ألعب
لكن عصاني الفواد و عيّت الشيمة !

الصمت نصه ثقه والهرج نصفه غرور
ياشين هرج الغرور وزين صمت الثقه

لاتحسب انك بكثر الهرج تثبت حضور
لا صـار ماكـل قـول بفعلك اتوثقه

على النقا نبقى ولو عاقنا عوق
ويبقى الوفا منا و فينا و إلينا
ووجيهنا بيضا و هاماتنا فوق
وإن ضاقت الدنيا ما ضاقت علينا

غابو وهم في جفون العين برواز
يوجعني الشوق كل ماغمضت عيني

راحت مراويح القطا ولا مراويح السحاب
اللي تجفّل من عصر واللي تزبّر من ضحى '

حاولت اعاتبها كذا مره ومليت العتاب
واجي وانا عيني لشارعها وفي وجهي سحى

رغم ابتعادي عن مراسيء تلاقيك
تبقى على ضفة فؤادي سفينه
أحيان اشوفك في خيالي واناجيك
وأحيان فصل الشوق يمطرحنينه

.
.

‏لو يجيك اللي يجيني ، ما نويت الصدّه
بس طيشك فـ الهوى سبب زوالك منّي

ياقلب خفف من كثير التنهات
صدري غدا كله لهايب سعيره
اوذيتني تبكي على كل مافات
مافات مات وجعل مافات خيره
كثر البكى ياعين مارد من مات
والنوح مارد العشير لعشيره
طرد المقفي ياعيوني خسارات
ترجع عقب طرده حياتك حسيره

لشاعرها

.
.

‏الناس عادات وقناعات وطبوع
وأنا ما أحب أزيد معهم ،، كلامي
.
لاصرت أجاريهم في كل موضوع
لا شك بفقد ،،، هيبتي وأحترامي.

.
.













‏يا النسيـم اللي تمـرّ دياره وتـرتـاده
بلغه شرهة خفوقي والسلام الواجد .

بين المحال وبين تحقيق الآمال
اكيد فيه اشياء ماتت بيدينا
ولو بيننا باب الطموحات لازال
خايف سلاح الصمت يقضي علينا

لـ شاعرها

تدري متى تفرك يدينك وتعاف الحياة!
اذا عطاك ربي معاناه وحرمك الصبر..

ان كان تبغي فراقي.. مالك الا الفراق
وقصيدةٍ كل خلق الله يغنونها

مادام مافيه عقد.. ولا مؤخر صداق!
منتى ب ليلى وانا ماني ب مجنونها..

.
.




‏اروح بـ احزاني لـ وين
لي قلب .. ماخذْه الوله
ٓ
يا الله يااا كثر الحنين
و الليل " توّه " بـ أوّله !

وعلى دمع الزعل واللي زعل تدرين
ماتدرين بأني للـ زعل ملهوف

وصلت لاخر دموعي إلين الحين
ولابي شي ردي للـ أنا معروف

وأنا وش قهوتي ؟ مُره إذا تحبين !
مثل طعم الحياة اللي ملتني خوف

قولي لكل العذارى وش تبون
دام عندي كاملة و مكمله
لو جميلات البني عندي يجون
اي شخص غير شخصك ماقبله
انتي بس اللي على قلبي تمون
وانتي بس اللي تبينه افعله

بوحي

:0_c7f01_1194c319_S:

يقول بالحزن صرتي جميله يا جميله
كيف لا منك رضيتي وابتسمتي ؟؟

.
.







‏يدور الشك بين الناس والاعمال بالنيات
و يـمر الـواثق بـنفسه عليهم و يـتعداهم.

ماهو أنا من يقبل انصاف الحلول
عذرك هزيل وغلطتك ياكبرها
ماعاد يشفعلك غلا ولالك قبول
النفس طابت عقب طوّل صبرها
ورد اشتياقي جف واجتاحه ذبول
ودفنت أحلامي الجميله بقبرها
حتى الحكي والله مدري ويش اقول
كسر الخواطر حيل يبطي جبرها
والقصة اللي بسبتك عيت تطول
باكر مع الايام تعرف قدرها

كن الشتا من شرفة الوقت بيّن
وانآ ضلوعيء من شتا العاام نيّه
يا برد لا تقسسى و قلبيء حنيّن
و آلشوق غاابر .. و الحنايا نديّه

يا راسي لاتخضع للمخاليق مهما عشت
عسى الله عن الشامت و الأنذال يغنينا
الى صارت اطماع المساكين مال وبشت
عن اطماعهم فعل الجمايل تكفينا👌🏻

.
.








‏لو مالت ظروف المقادير ما ملْت
أثبت مادام الصبر فيني طبيعه
ـ
واذا تحدّتني هموم الزمن قـلْت
بكره تزين ، ورحمة الله وسيعه.