قلت وهمومي تغافل زفرة الحزن وتفوت
هذا أنا جيتك ياليت الموت جاني قبل أجيك
بعدها يا دوب عدت عبرته حد السكوت
قال وعيونه تغارق دمع بسم الله عليك..
قلت يا ابن الناس عادي ما ورى هالموت موت
وش وراها لا فقدت عيونك ولمسة يدينك..

ان غبت تلقاني مع البعد مغليك
وان جيت تبقى مثل ماغبت غاالي

العمْر محدود ,, والدنيا متاهات
ياطول الآمال .. ياقصر المسافه
نعيش في مُغريات ,, وْ في ملذّات
والحَقّ كلْ شيّ من غير الله .. تافِه

ما اتحمل ضيقتك واللي خلقني 
ابتسم وافرح ولا تزعل عشاني
سوَ مثلي كل ما همّي خنقني 
قلت يمكن حبني الله و بلاني

ظن العذول بأن العذل يوقفني
نام العذول وشوقي زائد نامي ..

اثر الزمان دوار ،وايامنا طيـش
ومصادم الأيام ،،يحتاج صمله

الطير ياكل نملة الأرض ويعيش
وان مات ترجع تأكل الطير نمله

بكره تجـيبه حـاجته والنـدم لي
واصد كني ما عرفته مع الوقت

مـن لا يـرانـي شـي شفـته ولا شي
ومن حطني بعينه حفظته ولا بقت

بعض المواقف .. تعطي الواحد دروس
وبعض الظروف تبيّن وجيه الأشخاص !
.
احد ٍ ضميره ينشرى ... بحكي و فلوس
واحد ٍ يخاف الله .... ومنبعه الاخلاص !

ياغزال الريم انا اخذت وعطيت
درس في دنياي لساع ماكمل

هذا انا غامرت لعيونك وجيت
جيت كلي شوق واحساس وأمل

العمر محدود ،، والدنيا قصيرة
مايفيد الآدمي ،، كثر المخادع

والخلافات ،، الصغيرة و الكبيره
دوّرو عن حلّها قبل الموادع

انت وينك؟ اسألك بالله احساسك رقد ؟
نمت في ليلة فراق ؟ ما يعذبك الرحيل؟

ما يشدك شي ماضي؟ صوت او نبرة احد
تاه في عتمة غيابك يوم شافك مستحيل

الضمايـــر طبّـــهـا الصراحـــة والنقا
والمنـــافَق والكذِب للضمايـــر كارثة
والصدوق فـ قول ربّي في الجنه رقا
والحيـــاة تروح والعمـر ربّـــي وارثه

يا خالق الدنيا عليك التياسير
استلهمك و استرشدك و استعينك
.
و ابدا بذكرك يا ولي التدابير
واسجد رضاً لك و العطا في يدينك

بعض الاوادم مايعرْف الكرم لو هو يطرّيه
يهرج بليّا فايدة / .. مير هرجهْ مايسعَّر !!!

عينه على درب الكرم و الكرامة ماتقدّيه
فالبخْل حرصه زود واشكل عن[ الطير المذعّر ]

للقلب في بعض المواقف متاهات
وللصبر في بعض الميادين غصه

وللوجه ضحكه وللصدر صوت آهآت
عثرة زمن يكتبني احداث قصه

ايه هويتك يامجنن مهتويك
ويومي ترا مايبتدي لين اسمعك

ايولله اني اعشقك واموت فيك
واذا مكذبني ؟ خلاص الله معك

نجود .. فالايام .. والراس ..طايل
ومانطرب الا من صهيل الكحيله

ومايملك الاحرار .. غير الجمايل
ورد الجميل .. الي غمرنا جميله

دوّر قبل تنطق على المنطق الزين
وإن ما لقيته معك دوّر على الصمت
يمكن تنّدم من بعد هرجك الشين
وبالصمت لو تصمت دهر ما تنّدمت

بعض البشر مثل النجوم المراهيش
انوارهم تزهى بالافراح بشه
افكارهم زي العقول المعاطيش
في الدين والدنيا للاخيار هشه
وبعض البشر عقله من التبن والخيش
لو زان شكله داخل الراس عشه

ياكريم المشاعر مالنا في سواك..
كل فكري صفالك مانبيلك شريك..

ماتموت المحبه دام قلبي هواك..
ولاتزين الليالي دون لمسة يديك..

ابشرك مبسوط واعلومي بخير..
ومن الذي جاني من البعد ( راضي )
.
شفني تعودت اتركك للمقادير
ومكانك اللي جنبي اليوم فاضي ...!

الله يفرج هم من كــان مهمـــوم
ويكتب له التيسير من بعد ماضاق

والله يصبر كل من كان مكلوم
ويزيل هم المبتلى جل ودقــاق

الي جتني الضيقة أقول أنها خيره
وأطلب من الله مالك. الشأن يفرجها
•
ياكم مرة "ضاقت وجتني مسافيره
تضيق الدروب وربي اللي يخرجها

مانوطي روسنا الا للصلاه وللمباخر
ومانمد ايمانّا الا للمقهوي والمسلّم

بعض القصيد يجيك من قطع النضير
البيت منْه يعادل لعشرة بيوت

وبعض القصايد لاتحير ولاتدير
البيت منها مثل بيت العنكبوت

إحذر تغش الناس لو كان غشوك
غادر بصمت وخل خاطرك صافي

والدرب خله سمح لاتزرعه شوك
يمكن يجي لك يوم .. وتمر حافي

انطفت كل الشموع .. وخيّم الليل بظلامه
ولابقى غير الوداع .. ولا بقى باليد حيله !
.
اتفقنا بكل حاجه .. غير نقطه في كلامه
وين اروح بعتمة الليل الشقي وانت الدليله ؟

،
يا مرحبا باللي يدور حضوري
يا مرحبا مليار من داخل الروح
،

نامو وخبو أسراركم بالوسايد
وإذا صحيتوا صبحوها بأماني

‏ما كنت لحظة عابرة في حياتي
كنت ( الحياه ) اللي مَلكني غلاها .

صحيح احب الناس والساني فصيح
والناس اقدرها بحسب اخلاقها
لاتنزعج مني ..! وانا جداً صريح
انا الصداقه ماخلطت اوراقها

‏كَأَنَّ مِشيَتَها مِن بَيتِ جارَتِها
مَرُّ السَحابَةِ لا رَيثٌ وَلا عَجَلُ

عاشر بمعروفٍ فإنك راحلُ
واترك قلوب الناس نحوك صافيةْ
واذكر من الإحسان كل صغيرةٍ
فاللهُ لا تخفى عليه الخافيةْ
لا منصبٍ يبقى ولا رتبٍ هنا
أحسِن فذكرك بالمحاسنِ كافيةْ
واكتب بخطك إن أردت عبارةً
لا شيء في الدنيا يساوي العافيةْ

‏من حلاها تقترب منها الغيوم
تبتسم للغيم و يتساقط مطر
من حسنها تختفي كل النجوم
مدري النجوم نجوم ولا هي قمر.

لا شان وجه الوقت ولحقني شقاه
ماشان وجـهـي في وجيه الطيبين