ماتكفر غلطتك مهما بكيت..
غلطتك أكبر من دموع الندم..
لاولابأسمعك لو جيت وشكيت..
قصرك العالي بقلبي إنهدم..
رافعك فوق الملا حتى عليت..
وغيرك من الناس ماوصل.. القدم..
خنتني وأنت اللي لحبي رجيت..
إلتقى حبي بغدرك وإنصدم..
لاتفكر إني بدمعك شقيت..
لوبكت عينك على الدمعات دم..
إنسني وإنسى رجوعي لو عنيت..
لوتروح الروح بأسبابك عدم..

صدفة غريبة وإتصال ورسالة..
تجبرني أجرح خاطري وأنزف البيت..
ماني مصدق من وصلني إتصاله..
غالي علي شوفته ياماتمنيت..
يعني درى عن حزن قلبي وجاله..
وإلاسمعني يوم بالجرح غنيت..
وإلا درى عن ضيق خله وحاله..
عايش حياته بين يمكن وياليت..
أهديت له قلبي وروحي حلاله..
وأقول فيه مقصر حيل ماأوفيت..
هو كان لي نور العيون وخلاله..
أشوف نظرة حب صادق وحبيت..
مرت ثلاث سنين ماأبغى بداله..
إصلآ ثلاث سنين ماغيره أغليت..
كنت أحسبه راجع ومرتاح باله..
وأثره رجع يضحك على طعنة الميت..
لاعاد يومك ياعشيق النذالة..
على طعوني والمواجع تسليت..
ماعاد في قلبك غرام وزمالة..
محيتها وأقفيت عني وسجيت..
حبيب قلبي عاف حبي وشاله..
وأكبر خطاي إني على الرقم دقيت..
لاصار يرخص عزتي في وصاله..
مات الرجا مابين يمكن وياليت..@

حيرتني بالصمت ياصوت غالي"
مدري متى تعزف على أوتار سمعي"
مدري متى يهدا عليك إنشغالي"
ترتاح نفس حاربت كل ربعي"
لاتحسب إني ياهنا الروح سالي"
ليتك تشوف بعينك إشلون وضعي"
في بعدك الأيام مثل الليالي"
والحزن من عقب الفرح صار طبعي"
وإن جاء النهار أسرح بدنيا خيالي"
وأسقي بسراب الوهم ضميان زرعي"

عليك الله وأكبر يازماني
‎تعذبني ولالي فيك حيلة
يكفي يازمن مامنك جاني
‎أخذت الروح وش باقي بديله
حبيبي راح ولأحزاني رماني
‎مودع مبعد عني رحيله
رحل ماقاللي وين المكاني
‎ولاأدري يازمن وشلون أجيله
وصية كان ودعتك زماني
‎‏تخبر نور عيني قتيلة

ياصاحبي خذ راحتك ماتكاثرت..
لوتطلب عيوني تراها حلالك..
حقك على مغليك كان إنك أشرت..
بأصبعك فزيت .. تامر وأنا لك..
دامك سكنت بمهجة اللي تخيرت..
مازلت في قلبه لوحدك لحالك..
شفني تخيلني كثر ماتكبرت..
كثر وفاك أحب كثرة دلالك..
هذا أنت ماأذكر مره إنك تغيرت..
كبير متواضع خيالي جمالك..
وشلون ماتامر وأنا لاتذكرت..
نظرات عينك وأرتجافة شمالك..
كنك تنثر وأجمعك لاتنثرت..
وأحب فنجال الغلا من دلالك..
وتغيب عني وإن تغيبت ماأعذرت..
وأنا معك جنبك وشفني قبالك..
وإن همت مع سرب الحمام وتطايرت..
صحيت من حلمك لروعة خيالك..
وأخذت لأنفاسك حياة وتصبرت..
كثر دفا شمسك وفرقا وصالك..
وإن هب نسناس الهوى ماتوخرت..
خل الهموم لخاطر ما شكى لك..

فتحت للدمعة وليل الحزن باب..
وعلمتني وشلون أراعي غيابك..
قلبك غدر بالحب مجرم ولاتاب..
قاسي وفي درب الخطية سرابك..
حطمت معشوقك وبعثرت الأحباب..
وضيعت معروفه وهو اللي رضابك..
مات الغلا ماعاد به ذرة عتاب..
ياكيف عقب الغلا تفقد صوابك..