 |
|
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - سجل حضورك في بيت من الشعر
(http://www.gsaidlil.com/vb/showthread.php?t=21002)
هذا هو الليل صوت لي وناداني ياليل الأحزان وش عندك تناديني اشوف كنك لجو الهم تحداني وانا زماني على الصكات حاديني ياسايق الهم اتركني على شاني خلاص ياليل مافيني يكفيني عذب |
أنا صبحك والشبابيك العتيقة وهمس وردك والحديقه
والأماني وإرتشافات الأغاني وسكر القهوه وكوبك |
http://www10.0zz0.com/2011/09/21/18/336423419.jpg ياكتاب الأماني وين كل الورق كم قريتك ليالي مالقيته مناي مالقيت بسطورك غيرليل وأرق والحروف الكئيبة خاب منها رجاي منك عنوان حظي يالكتاب انسرق مابقى غيرصفحة حبرها من شقاي كل حرف من الآمال فيك احترق والمعاني الحزينة زودت في عناي عذب |
آحــتاج غــربـه بـراجــع كــلّ آطــبــاعـــي بــشوف ويــن الـخلل هــــو في آوفـــــــــيهــم..؟؟ رجـيت وصــلٍ يــهـدّي ثــوره آوجــــــــاعـــي مـديت يـــدّي..ولــكن( ذآبت يــديـــهم )..!! |
طال انتظاري والأمل كسره يأس ياداعي الأحباب طال انتظاري قل للحبايب خاطرالشوق محتاس والقلب من قل المواصيل عاري تخنقني الضيقة ولا اقول للناس اكتم ولاحد عن غثا الروح داري واصبرواقول لضيقة البال لابأس ضيقة وتفرج واقبليه اعتذاري عذب |
كلّ ما غنّى " المهم ترجع بخييير "
كلّ ما راح : أنتظر .. لو ما رجع !! أدري إنّه .. ما بـ يرجع بـ الأخير ! وأدري إنّي راح أموت .. من الوجع عبادي الزهراني |
جرب يذوب البوح في شفتينك ودك تبوح وصوت الاحساس مقهور كن السكوت المر يخنق حنينك ييبقى كلامك داخل الروح مأسور مايحكي الا دمعتين بعينك تعكس ملامح خاطرفيك مكسور عذب |
يشتاق لي والشوق كله تعاجيب وأنا أدري أني طبه إلا علاجه وأشتاق له والشوق فيني لواهيب وأنا أشهد أنه كيف قلبي وتاجه والله أحـبه دون زيف وأكاذيـب أشتاق له وأحيا بفلت احجاجه ياشوق ياشوق الشعر والمكاتيب ود الخبر للزين ياشــوق ناجـه واسلم وسلم وأختم الخبر بالطيب قله تمام الـهرج حـين انتواجـه |
انت وينك ؟ هذي اشيائك معاي صوتك وسكوتك ووفاي،
اتفقنا ما تبيني ، طيب انت ماتبيك !". |
انت وينك ؟ هذي اشيائك معاي صوتك وسكوتك ووفاي،
اتفقنا ما تبيني ، طيب انت ماتبيك !". |
لابد شمس تشرق الصبح زايله ولا فيه ظل الا مقتفيه زوال ولا كل حاجة بالتمني ننولها قلب التمني ماينال نوال ولا كل حاجة لو نبي مستطاعه ولا كل مانبغاه صعب منال لوتبذل المجهود مع صادق الدعاء وتلح في دعواك مع كل سؤال لابد مارب الملا يستجيب لك لاصرت طالب من عطاه حلال عذب |
طبيعتك ياقُربها ، مثل القطوف الدانية
من طيبها تدْني ، وانا من لذّة الطيّب جَنيَت |
http://sh-3nzih.com/up/uploads/141580976871.jpg ليت الزمان ابيض واسود ولازال اضداد لكن صافية ود واخوان مابثته من حب موجود في البال ماغيره طول الليالي والازمان واليوم كثراللون وتغير الحال زادت تلاوين الشقى دون عنوان على العيون الصافية ترسم اشكال الين عميت من كثرشوف الالوان عذب |
أشتاق له كثر أشتياق (الجد) لعناق (الحفيد)
وأتحمله كثر أحتمال ( السد ) موج ٍ يدفعه |
أصغر تفاصيل السهر يبونك
ما قلت لك ؟؟ في الجمال لا إختلاف وما قلت لك الفتن في الدنيا ثلاث عبادي وقهوة وعيونك |
متى يزين الوقت والجو يصفي
حوادث الايام وش صار فيها ؟ حاولت اجاريها ولا جت بصفي تنده على الحظ الضعيف ويجيها صارت عجارفها على القلب تلفي تعتاد خفاقي واصافح يديها قولوا لجايرها على الروح يكفي لوزاد حمل الروح يقضي عليها عذب |
سولفو تكفون لا عاد تسكتون
قبل لا اهوجس وياتيني بلاي |
احساسي لك كواكب تعد مجراه
فيه الفضا شيد لنفسه مجرات |
طالبك لاجاء بيقفي بك زمانك
كفنيني قبلهم ثم ادفنيني |
كنت واحد .. ومغنيني عن : العالمين
كنت صدفه .. ولكن " كلّفتني عمر " عبادي الزهراني |
يقول بالحزن صرتي جميله يا جميله
كيف لا منك رضيتي وابتسمتي ؟؟ |
مهما كتبنا عن مشاعرهوانا يبقى بعضها داخل القلب مدفون ماكل من يتبع هوانا لقانا في الحب مانتبع هوى الي يقفون الا الذي في الحب يشري غلانا نشري غلاه ومسكنه داخل النون نعطي وفا واخلاص للي عطانا ونترك هوى الي بالمحبة يمنون وحده بوحده بالجفا من بدانا والي تعنوا في هواهم يعذرون عذب |
ياصغر نسبة فرق شكل الرجاجيل
وياكبرها لا صار موقف ورجال هنا يصير الفرق اوضح من سهيل تطلع ارجال وعكسها تنزل ارجال |
طفله تسولف لي عن الحب [ بشويش ]
------------ وأنا كذا بشويش / .. مجنون... طفله ..!! |
هذا الزمن ماهو مثل كـل الازمـان يدور فينا عكـس منطـق فصولـه الشي وضده راحو بصـورة اقـران والمذهل انـا مـا نحـس بذهولـه |
لا تعتذر ما عاد للعذر داعي ما كل زلة ينفع العذر فيها عذرك عرفته مير صعب اقتناعي بعض المعاذير الردي يعتريها |
معك تويّ عرفت أن الهوى هو حيلة المحروم
معك تويّ دريت أن البشر للصدق كـذابه !؟ |
تبي تعرف وش أقسى من ألــم بات بصدر مقهور
جفاف الضحكهـ بشـفَّهـ جريحٍ في وسط فرحه يجي و الضحكهـ بعـينهـ تغازل بالـحـنين شعور ويرحل شايل بـعـيـنـه دمـوع و في يــَدَهْـ .. جرحه |
تعالل كممل ليّ صباححيء وَقول يَ بعد عينيَ آحبكك
|
لبى العيون اللي ترمش تبي النوم
ولبى الدوام اللي مخليك صاحي ., |
تدري وش الي بالهوى يقتل الود جو الغموض الي يلف الأماكن لاجيت تحمل في يدك باقة الورد ضاعت حروفك بين يمكن ولكن عذب |
أنا حالي كذا يوم عرفتك
وإبتديت أهـــــواك عشقت الحرف و العزله وصمت الليل يغـــريني أحبك.. كيف ما أحبك ؟ أحبك .. ماقدرت أنساك |
أنـآ ) مآ أبي من الدنيـآ لآ مكسب ، ولآ أربآح
أبي لآ مر ذكرآي تقول النآس " يآ طيبه " ، |
أنا عايش مع العالم } وكل الهم في صدري
وأحاول أخفي دموعي عن اللي يحبوني أشيل الهم عن غيري حتى لوقسى دهري وأسعدمن يحبوني لو الحساد لاموني أناماهمني الا حبايب نزلوا قدري عطوني الحب في الأول وتالي الأمر0بكوني |
اتذكرك - واعود للماضي الجميل حتى لقيت إن اشتياقي ملني ياسيدي
لو كان لوصالك سبيل كيف السبيل إلى وصالك دلني . |
نبوح بشي و المقصودفي بعض الحكي مفقود وتبقى غاية المقصود في هالبوح مفقوده واشوف انه قليل الي بيفهم غاية المقصود لأن القلب مايعطي لأية شخص مقصوده عذب |
حبً ثبت بالقلب قبل اعرف النت
رغم الهجر والبعد قدره يزودي قلمي |
اقلط تغضل دلة الشوق فاحت بهرتها من صادق الحب لهفه فيها احاسيس المحبين ساحت فنجالها ينعشك لاخذت رشفه في مجلس عنه الملاقيف راحت ناخذ على مركب هل العشق لفه اسمع عروق القلب بالحب باحت سوالف العشاق شفه بشفه عذب |
في عيونك كل خيرات الصباح
وفي عيوني ضحكتك صبح الفرح |
ما غفت عيني وصوتي بحة اوتاره .. معلن الشوق وطيفك قــد تهيمني ان شكيت البعد قالو بيح اسراره .. وان كتمت الهم هلت عبرتي مني |
| الساعة الآن 09:28 PM |
|
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية