 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - ألف قصيدة وقصيدة
(http://www.gsaidlil.com/vb/showthread.php?t=178775)
وبعضُ الصّمتِ إرهاصٌ
لبركانٍ سينفجرُ ! وبعضُ الصّمتِ توطئةٌ لصبرٍ باتَ يحتضرُ ! وبعضُ الصّمتِ تعبيرٌ عن الإيجابِ مختصرُ ! وبعضُ الصّمتِ مبتدأ سيأتي بعده خبرُ ! وبعضُ الصّمتِ خاتمةٌ لقولٍ ما له أثرُ !! راقتني |
|
البارحـه النفـس باتـت وحـيـده اشتقت والاحساس سهـران مابـات حطيت راسي فوق صـدر القصيـده وأخذتهـا مابيـن حضـن الملـذات قبلتهـا بشويـش قبـلـه فـريـده وسحبتها مابيـن ذرعانـي وجـات مطيعـة تنصـاع لـلـي اريــده وعشنا بجو عناق نشوه مـع اهـات على فـراش الليـل فرصـه سعيـده بين الشموع وبيـن كثـر المخـدات وفواحتين بعطر وإيـدي فـي إيـده وضحكة خجل واحراج مني بنظـرات فيهـا حيـاة لقـلـب ناشـف وريـده قضى العمر مابين ضيقه وحسـرات هـذا غـزل لكـن نكهـه جـديـده عـزاب ويحـق لـه يغـازل ابيـات محـروم والحرمـان نفسـه عنيـده قلت اعسف الاوهام وأطغى على الذات جريء ادري بس شعري اجيـده قبل اتكلم معك متقـن للانصـات . قصيدتي عـن فهـم عقلـك بعيـده يللي تفسرها علـى عشـر حـالات |
راح الزمان وحلو الايام روح يا قل من وقف ويا كثر من طاح يا صاحبي لا عاد تجمع وتطرح ما عاد باقي في العمر كثر ما راح سمعت نايحه الحمايم تنوح عليك يا وقت المسره والافراح متاعب الايام توجع وتجرح وتزاحمت في قلبي اوجاع وجراح كثر البكا ما فاد قيس الملوح وكثر الحكي ما سر يا صاح من صاح بعض الحذر ما زاد رزقن ومربح وبعض الخساير ما تعوض بالارباح الحض مايل والليالي تمرجح والدايم الله والمخاليق سواح الناس بالدنيا كراسي ومسرح ومحدن على دنياه راضي ومرتاح وين القلوب اللي تداوي وتجرح وين العيون اللي بها ضل ابرتاح مسك الكلام المختصر والموضح وين انت يا درب السعاده والافراح |
الأوله لا إله إلا الله الهادي برحمته نسأله فضله ومرضاته سرى لليل الشعر برق ورعادي ليل عليل تداعبني نسماته وهجوس قافي على دله وبرادي كنه يصفي مع الشاعر حسباته من تركيا إلى قطر الإعلام متمادي يكذب على المملكة ويشن حملاته واللي توجّد ما ينفعه التوجّادي مستقبله غايب وماضيه قد فاته وإن هِمت بالشعر في فج وفِي وادي أهديت لاهل الوفاء والطيب باقاته سلام يا ملوكنا آل سعود الاجوادي تاريخ يشرف الراوي مقاماته لمحمد الشعر والأمداح تنقادي والشعر في سيدي تطربني أبياته هذا معزي وعهد العز ينعادي وريث جده شبيهه في خطواته هذا محمد ابن سلمان يا بلادي ولي عهد وثقنا في سياساته هذا القيادي اذا قالوا لك اقيادي طغى على سادة العالم وقاداته حضوره بقمة العشرين يزدادي شرف يليق بسموه وبمكاناته يصافح قلوب قبل ايصافح أيادي من الذكاء والدهاء يابعد نظراته راس على العز والناموس معتادي بيرق وطن رفرفت بالنصر راياته حُر شهر في سماء الإبداع وريادي يشهد له اسمه وصولاته وجولاته متربع فوق قمة عرش الامجادي محنك والسياسه من بطولاته اللي خزم بالسياسه خشم الأعادي الحزم والعزم والطلات عاداته والحكم ورثه من الآباء والأجدادي والشعب في سيدي يا كبر هقواته والصف واحد ويخسى كل حسادي الشعب بقيادته وثق علاقاته ومحمد الشعب كله بسمه ينادي سمع وطاعه وحنا رهن إشاراته |
. |
يحليله .. دن حجيله … / … دن حجيله .. يحليله = يحليله .. دن حجيله … / … مدري وشلون التالي
: : : قبل البدو تقصدها … / … وطرت علي الليله = ماعرف وش تاليها … / … لكنها ..... في بالي : : : ( عارف ) هو اللي عارف ... / ... والا مطر ( بعديله ) =( يبو قظاظه بيضا ) ..../ ....ماعيبت شمالي : : هالحزن ماهو دايم .../ ... لو جاب لي كل حيله = ربك يبي يفرجها …/... لكن ....!! .. بونس حالي : : : وازعج لهم بالحنده … / .. صكولها يجهيله =مال الزمن ( ياحصه ) .. / .. مامال غير عقالي : : : كيد لهم .. بغني ... / ... ياناقض الجديله = والله لعمر سلم ../ ..وارقى ع الضلع العالي : : : وارجع على موالي ... دن دن .. دن حجيله = باكر تشيب عيوني.. / . وأقولها .. لعيالي |
أول عشقتك انسه ... واليوم ، اسف .. يامدام = نخلة غرامك أضمرت .... صعبه تعود مثمره
: : : صعب أتجاهل واقعي ،، وامشي معك درب ظلام = ماكل غيمه بالسما .... تبرق وترعد ممطره : : : صعبه بعد ( حكم الزمن تستأنفي ذاك الغرام = من وين أبصنعلك ( غلا )واشواق قلبي مدبره : : : مافي سجود الا ( السهو ) ياغافله بعد السلام = ومافي شبيه لرجعتك الا (( اعتكاف المقبره )) : : : لاتزعجيني وازعجك .. جرحي على وجه التئام = وكسري جبر ،، لوهو خطا .. ماودي ارجع واكسره : : : انسي معي ( يانسه ) عفوا انا قصدي مدام =شخص عيونه انعمت ... ماله ومال المنظره |
ماهي بشاره .. لو زعل .. عارف سرور
. شوفة عزيز ٍ .. ذل .. بيدين .. كافر : : معذور ابو طارق .. ولا هو .. بمعذور حنا العرب ... مبطي نعيش .. بتنافر : : مهما بلغ صدام .. من مبلغ الجوووور ياناس .. لاتنسون .. للذنب .. غافر : : صدام مسلم .. إيه مسلم .. ومكسور !!! وجه الفضيحه .. ياهل العرف سافِر : : والله .. مايدرى على منهو .. الدوور اللي وقع .. في حفرته .. كان حافر : : أكبر مصيبه .. للعرب طيحة الثوور على الأقل ..ينطح .. ويقدر .. يعافر : : وماهي بشاره .. لو زعل .. عارف سرور شوفة عزيز ٍ .. ذل .. بيدين .. كافر |
ضايقه بالحيل محتاجه اشتكي
لولا طبع فيّ .. يمديني شكيت بس أدور عذر منشان البـــكي لو يدوسون بطرف ثوبي بكيت كل ماجيــــت اتريـــــح وارتكي يزدحم في خاطري الفين بيت ويش بيدي افعله غير الحكي؟ قاصره خطوات رجلي لو مشيت أسرعي يانفس موتي واهلكي صرتي همي يوم بالدنيا شكيت |
| الساعة الآن 01:34 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية