بدرالليل
03-26-2016, 12:00 PM
أحطب ضلوعي واشب الناربيديّه
واقلّب آهات صدري جمر واضمه
تركت ناسي وجلاسي وامانيّه
اشيل همّي وهمّي شايلٍ همه
اتعبت نفسي لنفسي من شكاويّه
اقنب كما الذيب من قهره ومن غمه
اسابق الوقت فالروحه وفي الجيّه
ولا..ادري أني بوسط اثعال ملتمه
ياكبر جرحي وجرحي ساكن فيّه
ياكثر ناسٍ بلا مبدأ ولا ذمه
مبلي بخلقٍ من الشيطان مبليّه
ياخو شقاوي ترى الحساد مغتمه
من هو يلومك بفعلك لا اسود النيّه
لا تامن الداب شر الداب من سمه
جنّب عن اللي عليها نفوس مدعيّه
وأزبن رجالٍ تعلوا في سما القمه
انصحك تبعد عن أهل الْخِزْي والسيّه
تاخذك معها بطوشه مالها يمّه
ناس تقلب على الوجهين في اشويّه
احذر من اللي ضحك لك من طرف فمه
قال المثل : والمثل به حكمةٍ حيّه
الضرب في الميت..ما حرّك بدمه
وقت تبدل وشفنا الخبل والعيّه
لو صحت بالصوت له.. يقول : يا يمه
تلقاه دايم بوسط البيت فالفيّه
ولاجاء اللوازم رقد يشكي من الحمه
مثل النعيمي مربرب مشيه ابليّه
واذا تكلم يجيب الهرجه امطمه
ياقلّ من فالبشر من فيهم احميّه
الناس في بعضهم بالحيل منخمه
بدرالليل
واقلّب آهات صدري جمر واضمه
تركت ناسي وجلاسي وامانيّه
اشيل همّي وهمّي شايلٍ همه
اتعبت نفسي لنفسي من شكاويّه
اقنب كما الذيب من قهره ومن غمه
اسابق الوقت فالروحه وفي الجيّه
ولا..ادري أني بوسط اثعال ملتمه
ياكبر جرحي وجرحي ساكن فيّه
ياكثر ناسٍ بلا مبدأ ولا ذمه
مبلي بخلقٍ من الشيطان مبليّه
ياخو شقاوي ترى الحساد مغتمه
من هو يلومك بفعلك لا اسود النيّه
لا تامن الداب شر الداب من سمه
جنّب عن اللي عليها نفوس مدعيّه
وأزبن رجالٍ تعلوا في سما القمه
انصحك تبعد عن أهل الْخِزْي والسيّه
تاخذك معها بطوشه مالها يمّه
ناس تقلب على الوجهين في اشويّه
احذر من اللي ضحك لك من طرف فمه
قال المثل : والمثل به حكمةٍ حيّه
الضرب في الميت..ما حرّك بدمه
وقت تبدل وشفنا الخبل والعيّه
لو صحت بالصوت له.. يقول : يا يمه
تلقاه دايم بوسط البيت فالفيّه
ولاجاء اللوازم رقد يشكي من الحمه
مثل النعيمي مربرب مشيه ابليّه
واذا تكلم يجيب الهرجه امطمه
ياقلّ من فالبشر من فيهم احميّه
الناس في بعضهم بالحيل منخمه
بدرالليل