السلام عليكم ورحمة الله وبركاته
هذي ابيات تعبر عن اسباب غيابي
عن منتداكم الشامخ ويعلم الله انها قصه واقعيه
وليس من نهج الخيال وتحياتي للجميع


اسرعت بالفورد قصدي وصل خلاني=
قصدي اجي لين حده واخذ احواله=
اثاري الخل ناوي الوصل يلقاني=
ركب على موترن واقبل بترحاله=
وافي على ماخبرته مير ماجاني=
الحظ والا ظروف الوقت تعناله=
سلكت دربه ووسط الخط اعماني=
دمعن نثرته من الاشواق لو صاله=
في خط ينبع زحام الناس فاجاني=
والناس تصرخ وكلن جنت اهواله=
نزلت اناظر وش اللي صار يااخواني=
وشفت لي موترن مقلوب في جاله=
اشتبت النار في جوفه والاركاني=
واعز خلق الله اللي قايد امياله=
من هول ماشفت جنت كامل اجناني =
يوم قالو الناس ميت وشهد اقواله=
من بين كل البشر دمعي بهلاني=
اصرخ واناديه لكن هذي الحاله=
شالوه قدام عيني وسط الاكفاني =
ياليتني مت قبل اشوف من شاله=
وصلت لاهله ودمعي وسط الاعياني=
والكل يصرخ وجته اخبار ختاله=
صلو وجينا نشيله جمع واعواني=
احمل مع الناس والدمعات شلاله=
حطوه في حفرتن ضمته بحضاني=
وقامو يرشون فوقه دمع برماله=
قالو اهله نوى وصلي ولا جاني=
جايته الاقدار من فوق السما داله=
ياليتني مت قبل اعرفه يافلاني=
ولا تعنيت من ذا العمر واهواله=
ياجعل فاله من الفردوس رياني=
ياجعل الانهار من تحته على فاله=
ياجعل ربي يعين اهله والاخواني=
ويغفر ذنوبه ويمسح شرة اعماله=


كلمات
ابو هاجر

انا لله وانا اليه راجعون

احسن الله عزاك اخي في فقيدك
وجعل الله الجنه مثواه

نسأل الله له المغفرة والرحمة ، وان يجازيه بالحسنات إحساناً
وبالسيئات عفواً وغفراناً ..
فإن لله ما أخذ , وله ما أعطى وكل شيء , عنده بأجل مسمى ..
احسن الله عزاكم وغفر لميتكم

بارك الله بك وأحسن عزاءك ورحم الله الفقيد وجعل مثواه الجنة



قصيدتك رائعة وقد أبدعت في الوصف


دمت بخير

عظم الله أجركـ ورحم ميتكم وموتا المسلمين

قصيده استجرفت دمعي اخي
صح لسانكـ لاتوفيك حقكـ

وخلك اقوى من كذا وربي يرحمه

رحمة الله عليه


وصح لسانك اخوي

رحم الله ميتكم
والهمكم الصبر


اخي ابو هاجر
بهذه الاطلاله الجميله التي ابهجت القلب قبل القلم
احزنتنا بها ايضا على فراق من عنيت في ابياتك
لا تحرمينا من عناق حرفك عمدما تزول الغمه!!

ياجعل فاله مـن الفـردوس ريانـي
ياجعل الانهار من تحته علـى فالـه
ياجعل ربي يعين اهلـه والاخوانـي
ويغفر ذنوبه ويمسح شـرة اعمالـه

,,,,,,,,,,,,,,,,,,,,,,,,,,,,,,,,,,,,,,,,,,
إنا لله وإنا إليه راجعون
أحسن الله عزائكم أخوي أبوهاجر
والله يغفرله ويرحمه ويصبركم على فراقه
وصح لسانك أخوي.

كلي سعاده بهذا الطرح

ومرور فقط للاعجاب بمالدديكـ

الف شكر