يبه وينك ؟
ولهت لنظره من عينك ....

يبه وينك ؟؟

اشوفه طوّل غيابك !!

و من ودّاك .... ما جابك !!

قالوا ما يدوم الزين !!

و انا عندي امل للحين ..

و لا كني اعرفك وين !!


يبه وينك ؟؟

عسى الداعي يبه بس خير ؟!!

عساك بخير ....!!

مداين تكرم لعينك ...

بس ارجوك علمني ...

علمني .. يبه وينك ؟؟


سألت امي عن رجوعك ...

ولا كني اعرفك وين !!

و قالت ..

ما يدوم الزين !!

و انا .. عندي امل للحين ..

في رجوعك !!

يبه بس تكفى علمني ....

متى رجوعك ؟؟

يبه بس تكفى علمني .

وش احلى من طلوع اثنين ؟؟

طلوع الشمس .... و طلوعك

يبه وينك ؟؟

سألت امي ...... غيابك طال ؟؟


ولا كنّي اعرفك وين !!

و قالت مثل ما قالت ..

حسافه ...

ما يدوم الزين ...


مع كل هذا صدقني ..

انا عندي امل للحين !!

سؤالي عنك يالوالد ..

صار كما الموال

و اشوفه طال ...

والله طال ..

حزين .. بلحنه و حروفه ...

يخاف .. يموت من خوفه ...

و قلب ٍ كان اقوى قلب ...

ضعف .. من قسوة ظروفه ..

يبه ..

ارجوك علمني ...

تشوف اللي انا اشوفه ؟؟

انا اشوفك نهار و ليل ...

في وسط المجلس تصلي ..

و تدعي الرب ييسر لي ..

يبه ..

ما عاد بي من حيل ..

وين الحيل ؟؟

و انا اشوفك نهار و ليل ..

مع اني ادري ما ترجع !!

غريبه .. بعدها تدمع ..

عيوني من هموم البين !!

و ادريبه مكانك وين !!

مع َ هذا .. ارد و اسأل !!

يبه ....

وينك ؟؟

و لا كني اعرفك وين !!

شبكت العشر في غيابك ...

على راس ٍ كساه الشيب ..

و من وداك ... ما جابك ..

و لا ادري وش يخبي الغيب !!

و جرح ٍ عذ ّب احبابك ....

يبه ..عيّا يخف و يطيب !!

يبه.. كل جرح في الدنيا ..

مصيره بالدوا يلتم ...

و لكن البلا من جرح ..

نزف فرقاك ... بليّا دم !!

و هذا الفرق في جرحي ...

عجز يلقا الدوا دكتور ..

انا جرحي غريب الطور !!!

ينزف ... بس بليّا دم ..

و زاد الهم فوق الهم ...

و دام انك يبه غايب ...

جروح الغيبه ما تـلتم ..

بس عندي امل للحين !!

و لا كنّي اعرفك وين !!

يبه .. ذكراك تفرحني ....

في نفس الوقت تجرحني !!

لا من جبت في طاريك ...

دموعي غصب تفضحني ....

يبه .. تذكر ليالي الصيف ؟؟

عرس الحي .. و رقص السيف ؟؟

و كرم قلبك معَ هـالناس ..

كل ٍ كان في بيتك ضيف ..

الا يا حيف .... الا يا حيف ..

زمن قاسي ..

زمن قاسي ...

اخذ مني بلا رحمه

اخذ مني اعز ناسي !!

و خلاّ لي سهر هالليل ..

في عيني ضيف ..

الا يا حيف !!

يبه وينك ؟؟

تعال و شوف ...

كبرنا مثل ما تمنيت .

درسنا كل ما حبيت ..

نصلي مثل ما وصيت ..

و ندعيلك في كل ظروف ..

يبه وينك ؟؟

تعال و شوف ..

صحيح الدنيا ما ترحم ..

تجرعنا التعب انواع ...

و لكن الأمل ما ضاع ..

و انا عندي امل للحين !!

و لا كني اعرفك وين !!

يبه تذكر شطانـتـنا ؟؟

انا و اخواني و اخواتي ...

معانا عيال حارتنا ..

نلعب في زوايا البيت ..

يبه ... والله انا حنيت ..

لذاك الوقت في وجودك ...

الا يا ريت ... الا يا ريت ...


ترجع .. يا يبه حنيت ..

حسافه الدنيا ما ترحم ...

خذت منا سعادتنا ...

خذتك بعيد .. و خلتنا !!!

يبه امي تذّكرنا ...

بأيامك قبل ما تروح ...

تناديها.. يا روح الروح ..

تغازلها و تنظر لك ..

مثل طفله ...

ملامحها عشق مفضوح ...

في ذاك الوقت .. كنا صغار ...

معَ هذا ... كنا نغار ..

عليها .. او بعد منها ... كنا نغار

نحبك يا يبه ... ارجع

مثل شمس الفجر .. اطلع

حزينه الشمس في غيابك ..

و نفس الحزن في احبابك ..
واخاف الشمس من حزني ..

تغيب و ما بعد تطلع !!

يبه ارجع !!

اذا لي خاطر فـ قلبك ..

تعال و زورنا بس يوم ...

مع انه ما يكفينا .. نشوفك يوم ..

نبي حضنك يدفينا .. و نشوفك دوم ..
لكن قلّت الحيله ... و يمكن مـ البطا ضاعت ..



و قلنا يوم !!


يبه سامحني بترخّص ...

قبل ينشف حبر الأقلام ..

كلامي بعده ما خلّص ..

و لكن موعد الأحلام ..

حان ..

ولازم اوفي له..

بعد ما ضاعت الحيله ..

اشوفك والوعد باكر !!

اذا فكّر يجي باكر ..!!


و برجع اسألك وينك !!

بس لازم تجاوبني ..

ترى عندي امل للحين !!

و لا كني اعرفك وين ..!!

الله يرحمك يايبه ويرحم جميع امووووووت المسلمين

صح لسانك ولسان من باح بها
حركت القلب هذي الابيات

إختيار جميل ياوطن سلمتي

ااااه ي حبيبتي
عورتي قلبي

ربي يرحم ابوي وامواتكم والمسلمين اجمعين

ابيات َرآئعه وَحرْف جميل
فيٍ سطٌورْك نطًق كٌل تمٍيز وإبِداًع
لَكِ ذآئقَه منفَرْده علًى َعرْش الجَمآل الحَرْفيِ
جُورْيِه حمَراَء لِ رٌوًحْك ~|

http://www.design-warez.ru/uploads/posts/2009-09/1252935855_765718n62xldrmj1.gif

الله يعطيك العـــــآآفية
طرح الاكثر من رائع ’،
ربي يحفظك و يرعاك
ودي مع تحيااااتي لك

الله يغفر له ويرحمه وموتى المسلمين

وطن
يسعدلي قلبك وكلك يابعد هالدنيا

شكرا لك

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي
http://www.lakii.com/vb/smile/9-77.gif

لِـ رُوحك غِناءْ الَـ زهُورْ على هذا الجَمالْ
إِنحَناءةْ حَرفْ
::

عندما يأتي الطرح بهذا الجمال
فمن المؤكد انه سينال الاعجاب

بل
يدل على ذائقة تستطيع ان تجذب
كل قارئ
لهذا الموضوع المتكامل والانيق

من اعماق القلب اشكرك

اخوك
محمد الحريري

http://img.el-wlid.com/imgcache/282050.gifhttp://img.el-wlid.com/imgcache/282050.gif

الله يرحمه
جلب جمميل ومؤثر يسلم روحك غاليتي

طرح اكثر من رائع
سلمت اناملك
ويعطيك الله العافيه على مجهودك
في أنتظار المزيد
والمزيد من عطائك ومواضيعك الرائعه والجميله

http://cfs12.blog.daum.net/image/32/blog/2008/08/13/13/35/48a2647a597d4&filename=%EA%BD%83%ED%95%98%ED%8A%B8.gifhttp://cfs12.blog.daum.net/image/32/blog/2008/08/13/13/35/48a2647a597d4&filename=%EA%BD%83%ED%95%98%ED%8A%B8.gif

هيام
فزولها
سلمتن ياغاليات

جمالٌ تجلى
فأفترش الصفحات نهراٌ من الورود
فكر وبلاغة حرف
سطور مخلدةٌ في فاه الجمال

دفء الحَرف واشتعالهِ كَان مُرهقاً
فكان الِإنسكَاب شهياً وممتعاً
روعة ضادك ستُبقي
ترددات سمعي يقظه
لكي تقرأك بصمتٍ خالد
بوركت يمينك الساكبه
ولروحك الجوري وشذاهhttp://www.h-dfa.com/vb/images/smilies/smiail/fa0899.gif


http://www.gsaidlil.com/vb/images/like_share/share.gif (http://www.gsaidlil.com/vb/showthread.php?t=77367#)

فيِض من العُذوبه أغرقتنا بها
نبض يلامس الوجد
وأنسكاب مِدجج بالجمال واللغة وألاحساس

بعيد كل البُعد عن التكلف
سلمت يمناك ياقدير/ ة
وكُونـــ/ ــي بخير وسعادة

مودتي

روح عازفه سلمتن ياغاليات