برّاق
04-14-2015, 05:49 AM
انا والمزهريه والتحف وغبار مكتبتي
ملل في غرفتي لين اصبحت سجني وسجاني
هنا وهناك واحد دفتري واوراق صاحبتي
مثل بعضه ما دام ان الفضا سقفي وجدراني
سواليفي خرافة مرتبك تتبعثر اجوبتي
غبا لاملت حروف الهجا من لثغة لساني
تفاهه والقلم عاف الورق من عقم موهبتي
كتاباتي سخافة بالعيون اللي تحداني
انا والا انتي المذنب .. انا .. لا انتي اذنبتي
تعبت احكي وانا اقول الغلا لا يطب وجداني
على فكره حنانك ما يوكل عيش واعشبتي
وانا ليه افرش عيوني طريق لكل من جاني
ياليتك ما تعطرتي بعطر ولا تخضبتي
ياليت اقدر لو بورد الحدايق ادفن احزاني
رحلتي لاخر حدود الربيع هناك وش جبتي
فتات الخبز والغيم البكر مر وتعداني
بغيت اغير اطباعي واشيلك ذنب برقبتي
حضنتك والقصيد اثمر قبل لا تورق اغصاني
سلامات تطولك معشبه للغيم وان غبتي
تظلين اخضري قبل الحياة تبدل الواني
هداياي المطر والغيم يضحك من ملاعبتي
خوي الغيم واسافر معه كنه من اخواني
قصيدي يطرب التفاح يثمر تحت طبطبتي
زرعته حب للعصفور قبل اهديه جنحاني
اغرد كني العصفور بين اشجاري ونبتي
اريد النجم يكتبني قصيدة حب واقراني
مع اني ما ملكت الا القلم يلهث بمكتبتي
رسمت السجن لعيوني فضا واغتلت سجاني
ملل في غرفتي لين اصبحت سجني وسجاني
هنا وهناك واحد دفتري واوراق صاحبتي
مثل بعضه ما دام ان الفضا سقفي وجدراني
سواليفي خرافة مرتبك تتبعثر اجوبتي
غبا لاملت حروف الهجا من لثغة لساني
تفاهه والقلم عاف الورق من عقم موهبتي
كتاباتي سخافة بالعيون اللي تحداني
انا والا انتي المذنب .. انا .. لا انتي اذنبتي
تعبت احكي وانا اقول الغلا لا يطب وجداني
على فكره حنانك ما يوكل عيش واعشبتي
وانا ليه افرش عيوني طريق لكل من جاني
ياليتك ما تعطرتي بعطر ولا تخضبتي
ياليت اقدر لو بورد الحدايق ادفن احزاني
رحلتي لاخر حدود الربيع هناك وش جبتي
فتات الخبز والغيم البكر مر وتعداني
بغيت اغير اطباعي واشيلك ذنب برقبتي
حضنتك والقصيد اثمر قبل لا تورق اغصاني
سلامات تطولك معشبه للغيم وان غبتي
تظلين اخضري قبل الحياة تبدل الواني
هداياي المطر والغيم يضحك من ملاعبتي
خوي الغيم واسافر معه كنه من اخواني
قصيدي يطرب التفاح يثمر تحت طبطبتي
زرعته حب للعصفور قبل اهديه جنحاني
اغرد كني العصفور بين اشجاري ونبتي
اريد النجم يكتبني قصيدة حب واقراني
مع اني ما ملكت الا القلم يلهث بمكتبتي
رسمت السجن لعيوني فضا واغتلت سجاني