شموخ
02-22-2015, 01:44 AM
قصة:
تزوجت رجل طيب وخلوق وكريم ،،، وعشنا مع بعض احلى أيامنا بحكم اني انا هادية جداً ما احب اكسر كلمته او اعارضه وجبنا عيال والحمدلله ومع الأيام زانت حالته الماديه وللمعلومية ما نسافر برا وما اطلب منه غير الشي الضروري جداً،،، زي ملابس للأطفال او الأعياد ،،،وهذا الطبع تربيت عليه من يوم كنت في بيت ابوي وماتغيرت مع الزواج ،،،، ومع مرور السنين بنينا بيتنا الملك ،،، كبير وشرح وحوش كبير وحطينا في الحوش خيمة ونص الحوش ثيل للجلسه ونصه بلاط لعيالي يلعبون سياكل ،، وهو يحب يكون عنده عيال كثار فما يرضى اخذ مانع وجبت عيالي ورا بعض اعمارهم متقاربة وماعندي خادمه فدايم تلاقيني مشغوله يمر اسبوعين ورا بعض ما اروح لأهلي امي تجي تزورني وفي بعض المرات تاخذ معها اثنين من عيالي ابو خمس سنين وابو ثلاث اللي ما عندهم مدارس تخليهم معها اسبوع اسبوعين تساعدني الله يخليها لي ،،،، وسكنا البيت الملك والدور اللي فوق كنا مخلينه للأيجار وسكنت فيه مدرسه وزوجها ،، ما عندها أطفال ما كتب الله لها ذرية ،، وتعرفنا على بعض وحبيتها جدا،،، لقيت احد دايم حولي واسولف عليه وهي بعد حبوبه وتحب عيالي وتساعدني عليهم ،،، واذا أذن المغرب نزلت عندي نتقهوا بالثيل وسواليف بحكم ان زوجي كل مغرب في بيت ابوه وتجلس عندي لين الساعه عشره او عشره ونص ،،، وصارت تنزل احيان العصر وزوجي يكون نايم ،،، وتطور الموضوع وصرت اطبخ لها هي وزوجها الغدا ،،، وهي تطبخ لنا العشاء ،، كانت أيام زي الحلم يعني لقيت اخت وصديقه لا وساكنه فوقي ،، وامي ماكانت تحبها تقول دخلتها بيتك بها الصوره موب زين ،،، بس ما كان يهمني كلام امي ،، وحملت وولدت ونفستني مع امي ،، وحملت بعد ولادتي بشهرين بحكم اني ما اخذ مانع وهي صار بينها وبين زوجها مشاكل وطلع من البيت وهي جلست بحكم انها هي اللي تدفع الأيجار ،،، وتطور الموضوع وطلقها وهي شخصيتها قوية مايمكن احد يأخذ شي لها اوحتى انها تتنازل عن حقها وولدت وزارتني أول أسبوع واختفت ،،،، ادق عليها مقفل جوالها وارسل عيالي لها يطقون باب بيتها ما احد يفتح استغربت وقلقت عليها مو من عوايدها وكملت اسبوعين لا حس ولا خبر ،، ورجعت بعد اسبوعين ،،، اسمع صوت المكيفات اشتغلت لاكن هي مانزلت وادق مقفل جوالها وارسل عيالي لها قالت سلملي على امك اللحين ما اقدر انزل : : : وانا صراحه خفت عليها قلت شكلها تشيل عفشها بترجع لأهلها شكل زوجها مايبغى يرجعها ،،، وأول مره اكلم زوجي عنها قلت له انه جارتنا فلانه مسكينه وشكلها خلاص بتروح بيت أهلها ،،، ابتسم وقال لا لا تخافين ماراح تروح ابداً،،، وكلمته ما طمنتني ،،،لما رجع بالليل قلت له وش تقصد بكلامك العصر ،، قال ما اقصد شي ولا أول مره من تزوجته ارفع صوتي عليه الا تقصد ولازم افهم قال مو وقته قلت ماراح اسكت لما افهم وكلمه منه وكلمه مني قال تزوجتها ،، انا تزوجتها ضعيفة ومسكينه وبتجلس في بيتها زي ما هي وانتي الغاليه والحبيبه وام عيالي ،،، اقسم بالله اني ما بكيت ولا رديت على كلامه انصدمت ،،،، جلست عشر أيام ما اتكلم معه ،،، وهو كان قايلي انه في البر وهذاك الوقت كان وقت صيد طيور ،،، وصدقته لأنه دايم كذا وطلع متزوجها ومسافرين مكة والمدينه ،،، وامي تجيني كل عصر وش فيك ؟ مافيني شي ما استوعبت الموضوع صدمة كبيرة وبعد عشر أيام قلت لأمي ،، فلان تزوج فلانه ،، على طول قالت امي احسن من قهرها علي،،، قالت قلتلك لا دخلينها بيت كذا ،، وبعدها جاب لي طقم ذهب ولا قبلته ولا حتى شفته ،،، وهو ولا همه متغير مره يجي يكلمني ما ارد ،،، يروح ينام يصحى يتغدا،،، يحاول يخلص يومنا سريع سريع ويطلع عندها ،، ما هميته رضيت ولا زعلت وفي النهاية رضيت بالواقع ،، وبعد شهر وشوي نزلت عندي وجلست تقولي انه أهم سبب خلها توافق عليه عشاني !!!!! ،، تقول الرجل لا نوى يتزوج بيتزوج ويأخذني انا افضل من غيري انا صديقتك واحبك واحب عيالك وماراح أضرك بشي ،،،، وكأني اقتنعت قلت في نفسي هي اهون من لو اخذ وحدة صغيرة او حلوه كنت بنقهر ،،، لأنها هي عاديه وفي نفس عمري لكن مع الأيام كرهتها وكرهته معها ،، تعلق فيها بحكم انها فاضية وماعندها أطفال يحب يجلس عندها ،، يطلع يشوف الأخبار عندها والكورة ،، والظهر يومياً ينام عندها يقول ازعاج العيال عندك ،، : : يابنات ياحريم لا تثقووووون بأحد ابدا حتى لو كانت متزوجه وعندها دستة عيال ولا تصدقين الرجل اذا قال اهم شي عندي العيال ،،، ما نفعني من ناحيته الله يخليهم لي ويعوضني فيهم ،،، : :تكفون لا تدعون عليها او عليه اخاف ترجع الدعاوي علي وعلى عيالي ادعوا ان الله يسخره لي و لعياله .... : :
قصه أخرى:
واحد تزوج قبل اكثر من عشرين سنة ... يقول ما شفتها قبل الزواج ولا كلمتها ولا اي شي من هالكلام ،، وكل اللي حولي كذا تزوجوا ومافيه مشاكل ،،، : وانا أثث عش الزوجيه اتخيلها بكل زاوية وراسم شكلها بعقلي ،، وأهلي يقولون حلوه تهبل فاتخيلتها بصورة معينة ،،، يوم الزواج انصدمت بشكلها ما عجبتني مو زي ماتوقعتها وزود كانت حاطه مكياج غريب زيادة عن اللزوووم مادري بس كنها تمثل مشهد كوميدي ،،، ماعجبتني ابدا ،، ومادري كيف اتصرف سبحان الله ما حسيت اتجاهها باي شعور غير النفور ،،،، وكنت مرتب اروح انا وياها الشرقية اسبوع عسل ، وقايل لأخوها اني بمشي ثاني يوم من الزواج مابي عزايم ولا ارتباطات على هالأساس كانت هي مرتبه شنطه لهالسفرة ،، وانا ما ارتحت لها ولا ابغى اسافر معها ما اشتهي حتى اناظرها ،،، وطلعت من البيت صباحية الزواج ودقيت على صديقي من كبينه خارجيه ما كان فيه جوال ذاك الوقت وقلت له يدق علي بالبيت بعد ساعة ويقول لي انه صديقنا فلان سوا حادث ومات عشان انا احزن وابطل السفره واطلع من البيت بسهوله ولو تسألني انت وش فيك ؟ اقول لها حزين على صديقي ،،، المهم اني اشتريت فطور ورحت البيت وسويت شاهي وجلسنا نفطر وانتظر صديقي يدق عى احر من الجمر واخيراً دق ،،وارد بحماس الو ((وكان معي كاسة الشاهي توني صابها حاره)) ،،،هلا ابو عابد ،،،عاد هو طبق الدور صح انه صديقنا كذا وكذا وانا عشان اطبق الدور صح سويت نفسي تفاجأت واهتزيت بس ماحسبت حساب أن الشاهي بيدي وانكب الشاهي على ساقي واصرخ ذيك الصرخه وأصك السماعة وهي كانت جالسة قدامي وتجي بسرعه وتشوف الحرق وتقول بسم الله عليك وتروح تجيب مويه بارده وتكبها على رجلي بحنيه ،،،وتقول وش فيك ؟من كلمك ؟ قلت صديقي مات !! جلست تواسيني ومعليش والدنيا كذا ،، صوتها وأسلوبها دخل قلبي ،،، ومدري وش جاني تغيرت 180درجة حبيتها بكل مافيني ربي قذف حبها في قلبي ،،من أول ما بدت تسمي علي وتواسيني ،، روحها عانقت روحي : قالت خلاص بروح ألبس عبايتي نروح الصيدلية تجيب كريم لرجلك وتوديني أهلي ورح شف أهل صديقك ووقف معهم انا مقدره وضعك ،، قلت ،، أنتي عروس وكذا وسفرتنا قالت عادي أنا مقدره حزنك على صديقك ،، ؛ قلت يابنت الحلال مات خلاص لو رحت معهم ماراح يرجع ،، : واخذنا شناطنا ومرينا الصيدلية ورحنا الشرقية واحلى أسبوع عسل ،،، واللحين هي أم عيالي وشريكة عمري وحبيبتي انتهت .
ومضه:
مو دايم الحب من أول نظره ،، وحب الشكل موحب حقيقي ،،حب الروح هو الحب الحقيقي
الله يعين كبت ذاالشاهي صارت خيره ههههههه
تزوجت رجل طيب وخلوق وكريم ،،، وعشنا مع بعض احلى أيامنا بحكم اني انا هادية جداً ما احب اكسر كلمته او اعارضه وجبنا عيال والحمدلله ومع الأيام زانت حالته الماديه وللمعلومية ما نسافر برا وما اطلب منه غير الشي الضروري جداً،،، زي ملابس للأطفال او الأعياد ،،،وهذا الطبع تربيت عليه من يوم كنت في بيت ابوي وماتغيرت مع الزواج ،،،، ومع مرور السنين بنينا بيتنا الملك ،،، كبير وشرح وحوش كبير وحطينا في الحوش خيمة ونص الحوش ثيل للجلسه ونصه بلاط لعيالي يلعبون سياكل ،، وهو يحب يكون عنده عيال كثار فما يرضى اخذ مانع وجبت عيالي ورا بعض اعمارهم متقاربة وماعندي خادمه فدايم تلاقيني مشغوله يمر اسبوعين ورا بعض ما اروح لأهلي امي تجي تزورني وفي بعض المرات تاخذ معها اثنين من عيالي ابو خمس سنين وابو ثلاث اللي ما عندهم مدارس تخليهم معها اسبوع اسبوعين تساعدني الله يخليها لي ،،،، وسكنا البيت الملك والدور اللي فوق كنا مخلينه للأيجار وسكنت فيه مدرسه وزوجها ،، ما عندها أطفال ما كتب الله لها ذرية ،، وتعرفنا على بعض وحبيتها جدا،،، لقيت احد دايم حولي واسولف عليه وهي بعد حبوبه وتحب عيالي وتساعدني عليهم ،،، واذا أذن المغرب نزلت عندي نتقهوا بالثيل وسواليف بحكم ان زوجي كل مغرب في بيت ابوه وتجلس عندي لين الساعه عشره او عشره ونص ،،، وصارت تنزل احيان العصر وزوجي يكون نايم ،،، وتطور الموضوع وصرت اطبخ لها هي وزوجها الغدا ،،، وهي تطبخ لنا العشاء ،، كانت أيام زي الحلم يعني لقيت اخت وصديقه لا وساكنه فوقي ،، وامي ماكانت تحبها تقول دخلتها بيتك بها الصوره موب زين ،،، بس ما كان يهمني كلام امي ،، وحملت وولدت ونفستني مع امي ،، وحملت بعد ولادتي بشهرين بحكم اني ما اخذ مانع وهي صار بينها وبين زوجها مشاكل وطلع من البيت وهي جلست بحكم انها هي اللي تدفع الأيجار ،،، وتطور الموضوع وطلقها وهي شخصيتها قوية مايمكن احد يأخذ شي لها اوحتى انها تتنازل عن حقها وولدت وزارتني أول أسبوع واختفت ،،،، ادق عليها مقفل جوالها وارسل عيالي لها يطقون باب بيتها ما احد يفتح استغربت وقلقت عليها مو من عوايدها وكملت اسبوعين لا حس ولا خبر ،، ورجعت بعد اسبوعين ،،، اسمع صوت المكيفات اشتغلت لاكن هي مانزلت وادق مقفل جوالها وارسل عيالي لها قالت سلملي على امك اللحين ما اقدر انزل : : : وانا صراحه خفت عليها قلت شكلها تشيل عفشها بترجع لأهلها شكل زوجها مايبغى يرجعها ،،، وأول مره اكلم زوجي عنها قلت له انه جارتنا فلانه مسكينه وشكلها خلاص بتروح بيت أهلها ،،، ابتسم وقال لا لا تخافين ماراح تروح ابداً،،، وكلمته ما طمنتني ،،،لما رجع بالليل قلت له وش تقصد بكلامك العصر ،، قال ما اقصد شي ولا أول مره من تزوجته ارفع صوتي عليه الا تقصد ولازم افهم قال مو وقته قلت ماراح اسكت لما افهم وكلمه منه وكلمه مني قال تزوجتها ،، انا تزوجتها ضعيفة ومسكينه وبتجلس في بيتها زي ما هي وانتي الغاليه والحبيبه وام عيالي ،،، اقسم بالله اني ما بكيت ولا رديت على كلامه انصدمت ،،،، جلست عشر أيام ما اتكلم معه ،،، وهو كان قايلي انه في البر وهذاك الوقت كان وقت صيد طيور ،،، وصدقته لأنه دايم كذا وطلع متزوجها ومسافرين مكة والمدينه ،،، وامي تجيني كل عصر وش فيك ؟ مافيني شي ما استوعبت الموضوع صدمة كبيرة وبعد عشر أيام قلت لأمي ،، فلان تزوج فلانه ،، على طول قالت امي احسن من قهرها علي،،، قالت قلتلك لا دخلينها بيت كذا ،، وبعدها جاب لي طقم ذهب ولا قبلته ولا حتى شفته ،،، وهو ولا همه متغير مره يجي يكلمني ما ارد ،،، يروح ينام يصحى يتغدا،،، يحاول يخلص يومنا سريع سريع ويطلع عندها ،، ما هميته رضيت ولا زعلت وفي النهاية رضيت بالواقع ،، وبعد شهر وشوي نزلت عندي وجلست تقولي انه أهم سبب خلها توافق عليه عشاني !!!!! ،، تقول الرجل لا نوى يتزوج بيتزوج ويأخذني انا افضل من غيري انا صديقتك واحبك واحب عيالك وماراح أضرك بشي ،،،، وكأني اقتنعت قلت في نفسي هي اهون من لو اخذ وحدة صغيرة او حلوه كنت بنقهر ،،، لأنها هي عاديه وفي نفس عمري لكن مع الأيام كرهتها وكرهته معها ،، تعلق فيها بحكم انها فاضية وماعندها أطفال يحب يجلس عندها ،، يطلع يشوف الأخبار عندها والكورة ،، والظهر يومياً ينام عندها يقول ازعاج العيال عندك ،، : : يابنات ياحريم لا تثقووووون بأحد ابدا حتى لو كانت متزوجه وعندها دستة عيال ولا تصدقين الرجل اذا قال اهم شي عندي العيال ،،، ما نفعني من ناحيته الله يخليهم لي ويعوضني فيهم ،،، : :تكفون لا تدعون عليها او عليه اخاف ترجع الدعاوي علي وعلى عيالي ادعوا ان الله يسخره لي و لعياله .... : :
قصه أخرى:
واحد تزوج قبل اكثر من عشرين سنة ... يقول ما شفتها قبل الزواج ولا كلمتها ولا اي شي من هالكلام ،، وكل اللي حولي كذا تزوجوا ومافيه مشاكل ،،، : وانا أثث عش الزوجيه اتخيلها بكل زاوية وراسم شكلها بعقلي ،، وأهلي يقولون حلوه تهبل فاتخيلتها بصورة معينة ،،، يوم الزواج انصدمت بشكلها ما عجبتني مو زي ماتوقعتها وزود كانت حاطه مكياج غريب زيادة عن اللزوووم مادري بس كنها تمثل مشهد كوميدي ،،، ماعجبتني ابدا ،، ومادري كيف اتصرف سبحان الله ما حسيت اتجاهها باي شعور غير النفور ،،،، وكنت مرتب اروح انا وياها الشرقية اسبوع عسل ، وقايل لأخوها اني بمشي ثاني يوم من الزواج مابي عزايم ولا ارتباطات على هالأساس كانت هي مرتبه شنطه لهالسفرة ،، وانا ما ارتحت لها ولا ابغى اسافر معها ما اشتهي حتى اناظرها ،،، وطلعت من البيت صباحية الزواج ودقيت على صديقي من كبينه خارجيه ما كان فيه جوال ذاك الوقت وقلت له يدق علي بالبيت بعد ساعة ويقول لي انه صديقنا فلان سوا حادث ومات عشان انا احزن وابطل السفره واطلع من البيت بسهوله ولو تسألني انت وش فيك ؟ اقول لها حزين على صديقي ،،، المهم اني اشتريت فطور ورحت البيت وسويت شاهي وجلسنا نفطر وانتظر صديقي يدق عى احر من الجمر واخيراً دق ،،وارد بحماس الو ((وكان معي كاسة الشاهي توني صابها حاره)) ،،،هلا ابو عابد ،،،عاد هو طبق الدور صح انه صديقنا كذا وكذا وانا عشان اطبق الدور صح سويت نفسي تفاجأت واهتزيت بس ماحسبت حساب أن الشاهي بيدي وانكب الشاهي على ساقي واصرخ ذيك الصرخه وأصك السماعة وهي كانت جالسة قدامي وتجي بسرعه وتشوف الحرق وتقول بسم الله عليك وتروح تجيب مويه بارده وتكبها على رجلي بحنيه ،،،وتقول وش فيك ؟من كلمك ؟ قلت صديقي مات !! جلست تواسيني ومعليش والدنيا كذا ،، صوتها وأسلوبها دخل قلبي ،،، ومدري وش جاني تغيرت 180درجة حبيتها بكل مافيني ربي قذف حبها في قلبي ،،من أول ما بدت تسمي علي وتواسيني ،، روحها عانقت روحي : قالت خلاص بروح ألبس عبايتي نروح الصيدلية تجيب كريم لرجلك وتوديني أهلي ورح شف أهل صديقك ووقف معهم انا مقدره وضعك ،، قلت ،، أنتي عروس وكذا وسفرتنا قالت عادي أنا مقدره حزنك على صديقك ،، ؛ قلت يابنت الحلال مات خلاص لو رحت معهم ماراح يرجع ،، : واخذنا شناطنا ومرينا الصيدلية ورحنا الشرقية واحلى أسبوع عسل ،،، واللحين هي أم عيالي وشريكة عمري وحبيبتي انتهت .
ومضه:
مو دايم الحب من أول نظره ،، وحب الشكل موحب حقيقي ،،حب الروح هو الحب الحقيقي
الله يعين كبت ذاالشاهي صارت خيره ههههههه