(( الفصل الاول ))

http://smiles.al-wed.com/smiles/13/anyaflower310.gif


انامل رقيقه تداعب ورقة توت مصفره وتتأمل الى الخطوط الصغيره ...نظرت الى الاشجار التى تحولت اورقها الى اللون الاصفر معلنه عن قدوم الخريف ...كانت اشجار التوت والليمون تزين الحديقه الخلفيه ..وتتحاولها شجيرات المشموم والحبق ...ذات الرائحه العطره ...فختطلت هذه الروائح مع رائحة الجو الدافئه لتعطي مزيج ساحر من عطر الطبيعه ..فستنشقت هاذه الرائحه لتتركز في عقلها ...نظرت الى الورقه ونفختها لتطير مع نسمه هواء دافئ ...وابتسمت ...كانت هاذه نور الجالسه على الدرج الخلفى للمنزل المؤدي للحديقه والمطبخ الخارجي
...(نور ..22 سنه فتاه جامعيه تخصص رياض اطفال
((للعلم انا حاطه هالتخصص لانه تخصص وحده غاليه عندى وتعرف نفسها ..))

مب طويله طولها حلو ...بيضا شعرها بني فاتح حريري مدرج لين اخر ظهرها ...عيونها بنيه وكبار ..حلووووه كشكل وحلوه كروح ...لسانها طووووويل ...وحنونه ..محد يقدر يغلط عليها ...اهي دينمو البيت ..والمسؤوله عنه بعد ابوها واخوها محمد ...وتحملت هالمسؤليه من بعد وفاة امها من ست سنوات بمرض القلب ...على قد شطانتها على قد ماهي مسؤوله ...)


أنامل صغيره قطعت احلامها ومسكت كتفها ....وطالعت صاحبتها ببتسامه ...ومسكتها وسحبتها لحظنها وباست خدها بقووووه ...:فديييت البطه شهوود..
شهد بصوت صغير : اموه انتي بده انا حلوه ...(عموه انتي بطه انا حلوه ..)
نور وهي ..تقرص خدودها ..: اذا انابطه ابوج شنو دب ...خخخخ
شهد ..:بابا ..بعد حلووووو ..
نور : وع امحق حلاه تعرفينها ...بس تعرفيين اذا فيه حلاه جايتكم اكيد مني ..وحبت خشمها ...شهد طالعتها برائه من غير لاتفهم

...(شهد 3سنوات بنت محمد اخو نور امها توفت يوم ربت فيها ..بيضا شعرها حريري اسودمقصوص شكل دائري يداعب رقبتها عيونها كبار دبدوبه ..دلوعة البيت ... خصوصا عماتها ..مالها خوال لان امها كانت وحيدة اهلها ...).


: انتي هني ..شهوود ..هاذا وانا مطرشج تنادينها داقه سالفه ..
نور وهي اطالع على فوق ..لشخص الي واقف على راسها ..: يس مستر طماطه ..شتبي ..؟
محمد : طماطه خشمج ...مطرش لج هالبطه تناديج وراحت ولا ردت ..
نور وهي تضحك ...: ههههه لهت في المغايظ ..
شهد : بابا انا مب بده ...امووه ..
نور وهي تجر شعراها بخفيف ..: انتي البطه انتي وابوج ..ونزلتها من حظنها ...يله فارجي قاعده في حظني وتسب ..
محمد : تعالي حبيبي ..انتي حلوووه وقمر ..مب مثل هالبقره الي قاعده تتامل البرسيم الي جدامها ...
نور : انا بقره ..يا حمارة القايله ...مب منك من هالشينه الي شالها ..ودها داخل لاحد يجوفها يحلف مايطب بيتنا يقول ..ام السعف والليف عندهم مربينها ...
محمد كفخها على راسها ....: تمنين تصيرين مثلها او شبيهتها ..
نور وقفت وهي تحك راسها مكان الظربه ...: وجع مب يد عليك ..طيرت نص مخي ..
محمد : عيل مابقى شي بروحه نص ...
نوروهي ترفع خشمها علامة تكبر : على العموم اخلاقي ماتسمحلى ارد على واحد مثلك انت وهالسيبال الي معاك ..
محمد : والي يرحم والدي الاخلاق بس خفي علينا ...انزين بلا هذره ورغي زياده ..يله جيبي الجاي والكرك ..المباره بتبدي بعد شوي ..
نور بصدمه : وصار لك ساعه واقف اطق لي حنك ..ولا تكلمت المباره بتبتدي ..قم وخر ...خلى اجوف انتصار الماان اليوم على الارسنال ..وراحت ركض لصاله وقعدت على مكانها المعروف على الكنبه وكلمت الخدامه في الانتر فون تيب الجاي والكرك(للعلم نور مشجعه مانشستراويه ...حتى النخاع ..).
محمد طالعها وهو يضحك ...
((محمد 29 سنه ..شاب طموح خلوق محب لخوانها لدرجه كبيره يحاول يعوض وجودالام ..شاب وسيم جدا ابيض ..طوييل عريض المنكبين .. جسم رياضي ..شعر حريري اسود عيون كبار ..يملك احلى ابتسامه بين اخوانه خصوصا مع وجود احلى غمزتين على اطراف ثمه ..محمد يملك شركه خاصه .. اسسها اهو وابوه شركه مقاولات ..كانوا مبتدين فيها من الصفر مبلغ بسيط بس مع الاصرار وصلوا للي اهم فيه ...وبعد ناجاحهم ...تغيرت حياتهم البسيطه ..الى افضل ..واهدموا بيتهم الحالي وبنوه من يديد ..بس انه فله كبيره ..وكان مشترك مع حوش فلة يدهم المسكره الى الوقت الحالى .. بس وضعهم المالي مايوصل لدرجه الثراء ...بس كان مناسبهم ...)

نزلت بخطوات ثابته وهاديه ..وهي تتنهد من الاصوات الي تسمعها من الصاله الي تحت اصوات صريخ وتصفير وتصفيق ...الحين كل يوم تكون فيه مباره ويكون طرفها مانشستر لازم البيت ينقلب فوق تحت ..الله يعين بس من الحرب العاليمه اليوم ...وصلت الصاله وضحكت على شكل نور الي مبسطه تحت على الارض ومتحمسه مع المباره ومحمد الي قعاد جنبها على الكنبه وبنته قاعده في حظنه وتلعب في ازرة ثوبه ....بنبره كلها دلع وحنان : بشروا شنو النتيجه ..؟
نور من غير لاتلفت : ابشرج غلووي فوز سااحق للمان ..
محمد وهو يحذف الفاين الي منظف فيه ويه بنته ..: اي فوز الا هدف واحد خليتيه فووز ساحق ..
نور وهي تشل الفاين بقرف من شعرها ...وتقول له بسخريه ..: الهدف الثاني في طريق ..ولاتنسى تزهب الخرده والسياره عشان توديني الجمعيه بعد الفوز ..
محمد : بتبطيين مارحتي على حسابي ...الا انتي الي بتويين بنتي وتشتري على حسابج ..
شهود : بلوح الدمعيه ..(بروح الجمعيه )
محمد وهو يبوس خدها ..: ان شاء الله حبيبي عموه نوير بتوديج ..
شهد : اموه يله نلوح ..ونزلت لنور تجرها ..(عموه يله نروح )
نور وهي طالعها وهي معصبه ..: فال الله ولا فالج بنت طماطه .. ان شاءالله ابوج يودينا ..وسحبتها لحظنها وكملت المباره ...
غلا : الحين الي فوز بيودي الثاني الجمعيه على حسابه ...؟
محمد +نور : ايه ..
غلا بفرح : وناسه يعني طالعه جذي ولا جذي ..
نور وهي تلتفت عليها ..: لاحبيبتي ..لازم تختاريين تشجعيين مع واحد منا ..ولا انتي برى اللعبه ..
غلا ..:انزين ماعرف ..
محمد : وانتي وين الله حاطج في الكووره ...لاتصيرن مثل هالدفشه ..خليج على حالج بنيه ..
نور بقهر : وانت حاصل لك وحده مثلي ..بتموت اصلا عشان تصير اختك ولا بنتك مثلي ..بس للاسف مافي الا انا اخر حبه نوير بنت ابوي ..
محمد : لوبتصير مثلج نحرتها ..مافيني اربي بقر..
نور : اذا انا بقره لاني طالعه من نفس الزريبه الي انت طالع منها ...خخخخخخ
محمد : نوير اجوفج قمتي تخورينها ...احترميني شوي ..
نور : حسن ملافضك معاي اول ..
محمد : وووووووووووووووووووووووووووهاهاهاها ...هدف التعادل ..هع هع هع ..
نور وهي تشل شهد من حضنها ..: قومي مني كله منج ..يالغراب قعدتي عندي لين يابوا التعادل ..فارجي عند ابوج ..
محمد : ويييووووووووووو ...لاتحطين الحره في بنتي .... هههههه ..الحين جوفي هدف الخساره ..
نور : خسارة ناديك ..اميين ...
غلا : الحين مافيه طلعه ..
نور : ان شاء الله بنطلع على حساب طماطه ...
غلا : فففففف المهم حد يفوز عشان نعر شوي في الجمعيه ...(غلا 19 سنه ...سنه اولى جامعه ...بنت كلها دلع ورقه ونعومه عكس اختها نور ..طويله شعرها طويل يوصل لتحت اردافها واسود ..عيونها سود وكبار نفس خوانها ..بيضا ..ابتسامتها ناعمه ... دلوعة ابوها ومتعلقه فيه بشكل جنوني ..على قد ماهي هاديه وناعمه بس ياويله الي بيدعس لها على طرف ...تنهشه ..)

انتهت المباره بتعادل ...نور ومحمد طالعوا بعض بأسف ...نور طالعت غلا ..: تصدقيين ويه فقر ..مافيه طلعه ..
غلا بقهر : الفقر الي ينطر طلعه من وراج انتي واخوج ..مالت ..
نور بضحكه ..: هههه خلاص انطري المباره اليايه ..
محمد : شهوده روحي مع عموه خلى اروح المسيد الحق الصلاه ..
نور وهي تشل شهد ..: شهوده تروحين معاي الحديقه عند يدوه عوده ..
شهود بصوت طفولي ...: ابي ادووه ..
محمد طلع المسيد لصلاة المغرب ونور وغلا وشهد طلعوا ليدتهم برى ...(( اليده من صوب امهم (حمده) من توفت امهم وهي صايره لهم الام الثانيه ...قمة الحنان ..تموت في عيال بنتها ...خصوصا خالد ...ونور وهي عايشه معاهم من توفى زوجها من عشر سنوات ))..
حصلوها قاعده على الحصير ومتسنده على المركى ..ودلال القهوه والجاي والحليب جدامها .. وراديو يشتغل على محطة الاخبار بصوت خفيف .. كانت قاعده وظمور الايام رسم عليها خطوطه بس الحنان مازال يشيع من عينيها المرهقتان من تقدم العمر ...
اليده ..: هلا وغلا بنات عبدالله ...كان امسيتوا بعد داخل ..
نور وهي تضحك ..: الله يبقيج بنت محمد ..شنسوي ..محمد ملزم علينا نقعد عشان بنته..
غلا : ماعليج منها يدوه قاعده اطالع المباره ..
نور وهي تكفخها على راسها ..: هاذي حرة الطلعه ياالعنز ..
اليده ..: هيه ..مباره ...الله يرزقج بلي يلهيج منها ..
غلا : امييين .
نور : شعندكم بنت محمد وعبدالله ..لاكون عانس قاعده على روسكم ..يهبي بس يعتب باب البيت اكسرها له ..الحمد الله عبدالله مب عاجز مني ..
اليده : نوير عبدالله صبي عندج والا ابوي ..
نور : عادي يدوه ابوي وايد ستايل ..يحب اناديه عبدالله ..هههه
اليده : اي ستيل الله يخسج ..اقطعه من عرج هالكلام الي قاعده تقرقرين فيه على راسي ..
غلا : خخخخخخخ نوير سكتي لاتحط هالدله على راسج ..
نور : تسويها ..قويه هالعيوز ..
اليده وهي ترفع عصاتها عليها : عيز حيلج ..بنت عبدالله قعدي لاحش ريولج ...
نور قعدت جنبها وغلا ..شهد نزلت من ايدين نور وراحت تلاحق قطو في الحديقه ...نور باست يدتها ..:عيوز اهبي ..الا شيخة البنات ...والدليل من شوي اجوفج مبطله البلوتوث ادورين ..ههههه
غلا ..: نوير وجع ..
اليده : وشو ...بلاه بعد هاذا ...نوير قضبي لسانج ..لاقصه لج بمقص الغنم ..
نور : افا افا ..لالالالا خلاص كله ولازعل ..ام راشد ..اسفين وحبت راسها ..
اليده : خالد ماتصل فيكم ..
غلا : بلا ..باجر بيي ..
اليده : ليش بيتاخر هالمره ..
نور وهي تصب لها حليب : يمه عشان عنده دوره ...
اليده : الله يوفقه ..وييسردربه ..
نور وهي تلتفت ادور شهد : هاذي وين راحت ...؟
غلا وهي تنسدح على مركى يدتها ..: راحت ورى القطو صوب البيت العود ...
نور : بقوم الحقها ..وانتي مالت ليش مارديتيها ..
غلا : تعبانه ..بعدين من بعده البيت ..واللمبات كلها مبطله ..والبيت مقفل مب داخله ولا هي بضايعه ..
نور : لايمي ثمج بس بروح الحقها ..
لبست شبشبها (اونتو بكرامه ) وعدلت شيلتها البيضا المزينه بالورود البنفسجيه ...ومشت تنادي شهد لين وصلت لحاجز الشجر اللي فاصل بين الفلتين وفتحه صغيره مثل المدخل بينها .... شافت شهد تلحق القطوه وضحكاتها ماليه الجو ..ضحكت عليها وراحت لها ..: حبي شهوده ...تعالي ...
شهد : اموووه قدوه هلوه ..(عموه القطوه حلوه )..
نور طالعت القطوه كانت صغيره وبيضا شكلها بريء ..ودخلت مع المدخل الموصل بين الفلتين وقفت جنب شهد الي تحاول تمسك القطوه ...: اموه امتكيها ( عموه امسكيها )..
نور انضمت لشهد وقعدوا يلاحقون القطوه ...ويضحكون لان القطوه كل ما قربوا منها نفشت شعرها وبخت عليهم ..خايفه منهم ..وشهد تلزق في عمتها الي تطفس من الضحك ..

--------------------------------------------------------------

بعد ماراحت منهم نور ورى شهد شلوا عفشهم ودخلوا البيت يتوضون ويصلون ....غلا قبل لا تدخل الفله .. راحت للمطبخ الخارجي الي دريشته اطل على الحديقه وكلمت الخدامه تشل الاغراض ...وطلعت من الباب الموصل من المطبخ للبيت ...في دخلتها البيت ...حصلت ابوها توه داخل..
غلا ..: هلا ومرحبا بالشيوخ ...هلا بالشيخ عبدالله بن محمد ال .....
ابومحمد : هلا بغلا عبدالله ..
حبته على خشمه ولوت عليه بقوه ..: فديت قلبك يالغالي ..
حب راسها ومسح على ظهرها بحنان : هاه يبه صليتي ..
غلا بدلع : احين بروح ..
ابومحمد : خالد كلمكم ..؟
غلا : ايه باجر بيرد ..
ابومحمد : ان شاء الله ..يدتج وين ..؟
غلا : راحت لغرفتها تصلي ..
ابو محمد : انزين صلي ..وبعدين يبي لي القهوه والحليب في الصاله بروح اجوف الاخبار ..
غلا : من عيوني ..وراحت لغرفتة يدتها اللي تقع في الدور السفلي ..تصلي معاها ...
((ابومحمد رجل خمسيني ..متعلم تعليم بسيط يعني يعرف يقراء ويكتب..كان يشتغل في وزارة البلديه بس بعد التقاعد تفرغ لشركته مع ولده محمد ...اب حنون ..يحب ابناءه بشده ويحرص انه يقربهم من بعض ولا يخلي المشاكل تبعدهم مثل ماصار مع اخوانه ...او اخوانه من طرف ابوه ..الي كانوا يكرهونه بشكل غير طبيعي ...لانه ولد الظره الثانيه ...كان ساكن في بيت جنب بيت ابوه اهو وامه ومرته بعد ماعرس بس امه من كثر الظيم والقهر من اهل مرته الاوليه ماتت بجلطه دماغيه ..))

------------------------------------------------------------

فتح الباب الكبير الموصد من فتره زمنيه طوله حيث حجب الكثير من الالم والمشاكل ...والهجر العائلي ..دخل بخطوات هادئه وفتح الليت وطالع الصاله الكبيره الفارغه من الاثاث ..وقف في نصها وطالع الذكريات القديمه الفرحه والحزينه ..وقف عند المدخل الي ويصل صوب صاله داخليه ...هني ابوي انظرب كف ...قبل لانطلع من هالبيت نهائي كانت هالظربه القشه الي قسمت ظهر البعير .. والسبب اخوه .. الله يسامحك يدي ...حرمتنا منك ومن يدتي ..وحرمت ابوي الراحه لين مات هو متعذب ..الله كريم بس .. قطع تأمله صوت ضحكات طفوليه وضحكه ناعمه ..وصرخات بريئه ...وقف عند دريشة الصاله ..يطالع وحده تركض مثل المينونه وبنيه صغيره واقفه تضحك بشكل يقطع القلب ..وحاطه ايدينها على حلجها ..فهد ابتسم من ضحكها ... بي شيسون هني ....لايكون بس طرارين وماخذين البيت ملجاء لهم ..يمكن عشان محد دخل البيت من زمان حلت لهم اللعبه ..لازم حد يوقفهم عند حدهم بعطيهم جم ريال خلي يفارقون ...مب ناقص ...مشى بخطواته الثقيله للباب الي يوصل للحديقه وهو يتهادي على رجله الي تعري بشكل خفيف من أصابه قديمه ..
((فهد 32 سنه شاب وسيم بشكل صارخ ... طويل البنيه خصره ضعيف صدره عريض اسمر بسمره خفيفه تزيد من ملوحته .. شعره اسود حريري ناعم يداعب اطراف رقبته ..عارضه خفيف ..عيونه سود وكبار وحاده مثل الحر ..فهد انسان قمة البرود العاطفي ...بس بركان اذا حد طلع من شوره واما سمع كلامه انسان مسيطر ...شرس في اطباعه .... بس قمة الحنان مع امه ...يكره تحرر بنات هالايام وكان معقد اخته ريم اكثر وحده .. الي ماتقدر تسوي شي الا وماحسبها فيه مليون حسبه .... فهد كان يشتغل في السلك العسكري بس بعد اصابته من سنتين في حادث سياره وسبب له عاهه مستديمه .. منعته من هالوظيفه فضطر انه يمسك شركات ابوه ...)) فهد كان لابس بنطلون جينز وتي شيرت اسود وكاب ...وقف على الدري الخارجي ..ومسك الدرابزين ...
فهد : احم احم ..
نور كانت معطيته ظهرها ...تجمدت في مكانها ولاتحركت من الخوف طالعت شهد تنطر ردة فعلها من هالصوت الغريب ..شهد قربت من عمتها بعد ماجافت الريال ..: اموووه ادال (عموه ريال ) ..
نور غطت ويها بشيله والتفت ... كان واقف على الدري والاضاءه مب اوكي كانت ملامحه مب واضحه ففكرت انه هندي ...وهي معصبه هاذا شيسوي داخل البيت ولا من سواد ويهه مبطل ليتات الصاله...:مالت شهوده على بالي ريال الاهندي... خير رفيق ...شنو تسوي هني ... شنو يبي..؟
فهد انصدم منها وانقهرا انا هندي هالطراره وبنتها داخله بيتي وتقول خير ...: الا انتي خير يالشيخه ...باغيه صدقه ولا شي ...
نور بصدمه ابيه طلع قطري بس خير ياطير شي سوي هني ..وبعصبيه ...: صدقه في عينك ...ياجليل الحيا ..انت شتسوي هني هاى املاك ناس ماتستحي تدخل عليهم ...
فهد بسخريه : ماخبر عندنا حد من العيله عنده بنت واهبل مثلج ...
نور سكتت شوي وقالت في نفسها شيقصد : انت من ...؟
فهد : الي ما عليج منه ..وممكن تفارقيين برى من هالبيت ...ولا عاد اجوف زيلتج هني ...مب ناقص بلاوي تنحذف علي ..يله برى ... قال هالكلام بصوت قوي ..
نور الى حست كان حد كاب عليها ماي بارد ...انلجم لسانها من الاهانه ... مسكت شهد من يدها وطلعت من المدخل العشبي صوب فلتهم ..ودموعها مثل الشلال على خدودها ....عمر محد اتطاول عليها بهالكلام وسكتت بس كلامه كان قوي جرحها ....ليش ...؟ شسويت له هالحقير ..ال.....كانت الاهانه ماكلتها ..ودخلت فلتهم ..
بس فهد ماجاف وين راحت لانه بعد ما قال الي قاله دخل البيت لانه متاكد اي ان انسان عنده كرامه بيقعد بعد الكلام الي قاله لها قوية العين عمر محد وقف جدامي ...صج بنات جيلهم ماصخ ..فهد تذكر البلاوي الي لازم يخلصها قبل لايجيب هله هني لهالبيت ...وطالع الفله الي جنبهم ...من معقوله ساكن في هالبيت معقوله عمي ..مستحيل ...الي اعرفه انهم ناس على قد حالهم ...اكيد باع الارض على حد ..الله يسامح ..الي كان السبب والا الحين انا عندي عم ولا اعرف عنه شي ...وسكر الباب وطلع بهدوء ..

http://i61.photobucket.com/albums/h76/bchica_me/650236ln5cc0rqd3-1.gif
يتبــــــــــــــــــع

(( الفصل الثاني ))
http://smiles.al-wed.com/smiles/13/anyaflower310.gif

مسحت عيونها في اكمام الجلابيه ومسكت يد شهد ودخلوا الفله ..وكان الطير حل على رؤوسهم ...دخلت

حصلت غلا في ويهها ..
غلا وهي تضحك ..:نوري ...شفي شكلج جذي ...كانج طالعه من درام زباله ..
نور طالعت ملابسها كلها طين وورق شجر ...الحين بس عذرته ليش قال انها طراره ..شكلها صج كان

يفشل ..: بنت اخوج ...والي يعطيها ويه ...غلوي بدلي لها وانا بروح ابدل وصلي بعدني ماصليت ...نور

طلعت لغرفتها ...وراحت تتسبح ..وتصلي ...وفي بالها هالغريب ...ماتدري ليش حست بالحزن ان فيه حد

خاطبها بهالطريق ..بعدين تذكرت ابيه ...انا شلون وقفت قدامه وتكلمت معاه لو يدرون خواني قصبوني ..

انا شلون سمحت لنفسي ...على الله بس شهوده لاتفضحني جدامهم ..
غلا سبحت شهد وبدلت ملابسها ..ونزلت معها تحت لصاله ..لجدتها وابوها ومحمد ...شهد اول ماجافت

ابوها نقزت لحظنه ودفنت ويهها في صدره محمد ضحك عليها وباس رقبتها ..وحضنها بقوه ...غلا قعدت

تقهوي ابوها ويدتها ...
رن تلفون صاله ...وقامت غلا وشالته ...: الوو..
: الوو ميين الحجه غلا ..
غلاوهي تضحك : ايوا ميين الست شيخه ..
شيخه وهي تضحك ..: قصدج الشيخه ...غلوي شلونج.؟
غلا : بخير ..شخباركم علومكم ..شمسوين ..طيبين ..؟
شيخه : حشى بالعه مسجل ..شوي شوي على حلجج لايطيح من النشده ...
غلا : طاحت براطمج يالعنز ..
شيخه : غلطانه العنز قاعده جنبي ...
غلا : لايكون مهاوي ..فديتها ...تسواج يالدب ..
شيخه : اقول بلا هذره جنج خدامه تكلم اهلها ..ويين ماي سول فرند ..الشيخه نور ..
غلا : عشتوا العن ابو الانجليزي اللي شويخ تعرفه ...البقره اللي مثلج تتسبح ..
شيخه : البقره انتي ..على العموم اذا طلعت عمتج الشيخه نور ...قولي لها اني اتصلت ...وأيه ...نسيت

اقولج ترى بكره بنجيكم ..
غلا : خير شتبين انتي... مهاوي حصوص بنقول معليه ...لاكن انتي ليه ...ماعندنا الا زريبه وحده للبقره

الي فوق ...ماتكفي بقره ثانيه ..
شيخه : اللحين انا بقره معليه ياغلوي شغلج بكره ...يله اقلبي ويهج ..ولاعاد ترديين ثاني مره على

الشيوخ وسكرت التلفون ..
غلا وهي تنزل السماعه وهي تضحك على خبال بنت خالتها وضحى ...: مالت عليها تسكر في ويهي معليه

..طالعت ابوها ويدتها : يمه...يبه ....شويخ تسلم عليكم وتقول امي وضحى بتجي بكره بيتعشون عندنا ..
ابومحمد : حياهم الله ..
غلا قعدت جنب جدتها ..وقعدت تسولف معاها ...لين نزلت نور ...كانت لابسه جلابيه بيضا مزينه بوردات

برتقاليه (( جلابيات الراشدي )) وجلال ابيض ..((شيله بيضا ))..حبت ابوها على خشمه وقعدت جنبه ..:

حيالله ابومحمد ..
ابومحمد : الله يبقيج بنت عبدالله ..
نور : وينك من الصبح طالع ...لاتكون معرس ..
ابومحمد : اخ ... بنت عبدالله من يومج فطينه ..
نور وهي ماسكه فنجال القهوه ورافعه الحاجب واطالع ابوها : جعلها الماحي ...الي بتاخذك ..
ابومحمد بضحكه : افا ...افا ..ترى بزعل كله ولا الحرمه لاتدعيين عليها ..
نور بقهر: جعل تموت قبل لاتفكر انها تاخذك ..
ابومحمد انفجر من الضحك على غضب نور : هههههه...لاتدعيين مهب زين ..اضحك معج يالخبله ..
نور وهي معصبه : لالا ...منت تضحك ..الا عندك نيه قول منهي ...عشان تنسي منهي بنته ..
ابومحمد : اهبي يالنوري منتي بهينه ...
نور : عشان ماتفكر انك تعرس ..
ابومحمد : ومن اللي قالج مني مب معرس ...اصلا اول ماتعرسين انتي واختج جبت المزيونه في ذا البيت

..
نور وهي تنزل فنجالها ..: ومن اللي قال لك اني بعرس ...ابد ...قاعده هنا ..لين يدفنوني ..ولاتاخذ ذا

العوبا ..
ابومحمد : لازم يابنتي كل وحده يجيها نصيبها ..وتروح مع رجلها ..
نور : يهبي ملعون الصير ...خله بس يفكر يخطبني ...عشان يحسب شعر راسه عدل ..ماني بمعرسه ..

بقعد عانس ...وانت بعد مافيه عرس ..
ابومحمد : هههههه منتي بسيطه ياذي ...يبليج ريال انعر منج ...
محمد : والله انه خسران الي بياخذها ...
نور : ومن اللي قالي اني ابغي اللحين ...لاتقعدون تسوون سوالف ...عرس مابه ...
محمد : اللي يشوفج المعاريس واقفين على الباب ...
نور : عسى جعلهم مايدلون بيتنا ..
ابومحمد : هههههه نوري خلاص ولاتزعليين بخليج وقف ...
ام جابر (الجده ) : خلاص اقطعوا ذا الهرج اجعتوا راسي ...نوري منامخليته يعرس بس اسكتي ...
غلا حست ان جدتها مفوره فقالت تغير الموضوع : النوري ...شيوخ بنت خالتى وضحى اتصلت وتقول

اتصلي عليها ..
نور : وليش ماتصلت على جوالي ..
غلا : مادري يمكن ماعندها رصيد ..
نور : شيوخ ماعندها ..رصيد يكبرها عند ربي ...شيوخ اذا ماعندها اطير من اقرب جوال عندها ..
غلا : مادري ..بس ترى امي وضحى بتعشى عندنا بكره ...
نور :بروح اتصل ...بس انتي قولي للخدامه تسوي العشا لازانيا ولأمي خبز مسح ودفي لها حليب الغنم

الي جايبينه اليوم ..
غلا : اوكي ..شهوده بتروحيين معي المطبخ ...شهد ماصدقت خبر ..نقزت من حضن ابوها لخصر

عمتها..ونور راحت للتفلون ..على الكنبه القريبه من جدتها ..
نور :الووو ...مييين ..مين الحلوه ...
الخاله وضحى : خسج الله نوير ..هاذي نتي ..
نور : هلا وغلا بشمعة بيت حمد ..
وضحى : هلا فيج ..دلاله بيت عبدالله ..
نور : افا...افا الوضيحي ..هاذا وانا اتغزل في طلتج البهيه ...الله يسامحج ..
وضحى وهى تضحك : النوري ترى ماقلت الاالصدق ...لاتسمعيني موشحاتج الحين ..
نور : اقول الوضيحي ..اظاهر حمد اليوم حاط عليج وانتي تفضين فيني ...
وضحى : يعلني ماخلا منه ابوشيخه ..ودج في ريل مثله ..حمامة سلام ..
نور : الا راضيه عليه قولي والاخبري ..هوايل ...تاريخه الاسود كله يطلع ..
وضحى : النوري ..هاه شعندج اليوم ..ترى ابوشيخه طول عمره رايته بيضا ..
نور بشك : اقول خاله المعزب جنبج صح ..؟
وضحى بضحك : ايه ..
نور : وانا قول ليه صايره لي من صبح فيروز ...خالوه وين شيوخ ..؟
وضحى : لحظه ادعيها ...
بعد لحظات ردت عليها شيوخ بأنفاس متلاحقه ..:هلا النوري ....
نور : هلا شيخاني ...شبلا صوتج ...
شيخه : كنت اركض في الحوش ..
نور وهي تضحك ..: وش الطاري ...؟
شيخه ..:رياضه ..
نور : اها ...يعني بعدج على الرجييم ماشيه ...توقعت بتقطعينه مثل غيره ..
شيخه : لا ...انا خلاص حطيت شي قدامي ...وناويه اسويه ...
نور : الي هو ..؟
شيخه : اني اضعف ...
نور : اها ..انزين ليش ماكلمتي من جوالج ....رصيد مخلص ...
شيخه : افا اهانه في حقي ...انا شيوخ على سن ورمح يخلص رصيدي ..لالالالا بنت الخاله ماسمح ..
نور : عيل وينه ...؟
شيخه : امس وانا اركض كان في مخباي ..وطاح الله لايرويج ...صار سبعه وسبعين قطعه ..واعلن وفاته

..هههههه..
نور وهي تضحك ..: ههههه مسكين هاذا اول ضحايا هالرجييم ..
شيخه وهي اطالع ابوها ..: لا...ولايهمج الخير والبركه في حمد ..بيججيب واحد ثاني ان شاءالله ..
حمد : بتبطيين ...
شيخه : نور الشيبه يبيله تقردن عدل بعد ماسكر ....المهم بكره ...لاتسويين لي مغريات ..ابيج تسويين كل

شي دايت ولاترى بقعد في البيت ..
نور : والله عاد كيفج اذا ماجيتي ..منتي بعارفه السالفه اللي صارت ..
شيخه : وش ..؟
نور : بكره ...يله حياتي اجوفج بكره ..وتعالوا مبكر يعني من عصرمب تجون المغرب وبعد الصلاه شالين

شلايلكم ..
شيخه : عاد والله بنجوف الوضيحي وريلها ...
نور : اوكي.. باي
شيخه : بايات ..وسكرت وطالعت امها وابوها اللي قاعدين على نفس الكنبه ويطالعون التلفزيون ...
شيخه : احم احم ...الشيخ حمد بن ال..
حمد التفت عليها : سمي بنت حمد ..
شيخه : بخصوص الجوال ..
حمد : شفيه ..؟
شيخه : بتجيب لي غيره طال عمرك ...
حمد : قدمي طلبج عند السكرتيره وضحى وبشوف..
شيخه بصوت واطي : دام السالفه فيها وضحى عز الله ماجا الجوال ..
وضحى : خيربنت حمد وش عندج ..
شيخه : الخير بوجهج ..سعاده السكرتيره ...ابغي جوال جديد ..
وضحى ..: مالج لوا ...جوالج اللي فلطتيه جديد صلحيه ..
شيخه بقهر : يمه شاشته مكسوره ..
وضحى : يشتغل ؟ تطلع الارقام ..؟
شيخه : ايه ..
وضحى : خلاص ...اهم شي جوال تكلميين منه ...
شيخه : يمه حرااام وبنات الجامعه يشوفون جوالي جذي ..يرضيج يضحكون علي ..
وضحى : عادي لاطلعينه من الشنطه وحطي هدفون ...
شيخه بقهر : يعني مافيه جوال ...
وضحى ..: لا
شيخه : مره وحده لا ...يكبرها ..انزين عطيني جوالج ..
وضحى : لا ...
شيخه : شعندج بنت سالم توج متعلمه كلمة لا ..كل شوي لا..
وضحى : كيفي ...بعدين يله طسي كملي رياضه ..وبعدين قولي للخدامه تقول لدرويل يجيب خبز للعشا ..
شيخه : امري لله ...وقامت تكمل اللي تسويه وكلمت الخدامه قبل لاتروح ...
(( شيخه 22سنه جامعيه تخصص لغه عربيه ....بنت حبوبه من شلة نور نفس الطبع فرفوشه لسانها طويل

..شعرها بني طوييل يوصل لين ركبها ماتحب تقصه ..بيضا ..عيونها حلوه عسليه ملامح ويهها فيها

برائه..خصوصا مع الغمزات ..اهي كانت متينه بس حاليا تسوي رجييم عشان تضعف ..وهي حاليا نص

هالرجيم يعني نزلت واييد بس بعد فيها شوي ..نقدر نقول مليانه ..وعندها خوات ثلاث اصغر منها مها 19

رفيجه غلا نفسها نعومه ودلع ..حصه 15سنه ...نوره 4سنوات ...رفيجه شهد ايسون حزب يشغل البيت

كامل اذا اجتمعوا ....طبعا ماننسى الام وضحى ..مب كبيره وايد متعلمه تعليم بسيط ...وقريبه وايد من

بناتها وبنات اختها ..ريلها حمد وايد مدلعها ..ويموت فيها مع ان ذريتهم كلهم بنات بس اهو مايهمه كلام

الناس لانه راضي في قسمة ربه ...))


---------------------------------------------------------------

دخل الشقه الي مستأجرينها مؤقتا ًبخطوات متعبه من ريله اللي كانت تعوره من كثر الوقفه اليوم ...يتمنى

بس يحصل ماي دافي يحطها فيه ...كانت الشقه وسيعه وايد لدرجة الهدوء فماكان يسمع صوت اي حد ..

فسخ الغتره ونزلها على الكنب ...وقعد يرتاح ...مسح ويهه بتعب ...
دخلت بخطوات متهالكه من كبر السن ..وطالعت ولدها قاعد ومسند راسه على ظهر الكنب حست بعاطفه

تشوبها الحزن والعطف ...فهد تحملت اللي غيرك ماتحمله ...الله يعينك ياولدي ..قربت من الكنبه جنبه

وقعدت ..حطت يدها على يبهته ومسحت شعره الحريري لورى ....
ام فهد ..: شلونك يمه ..؟
فهد حس بحنان من لمستها وابتسم وجزئيا براحه ..وفتح عيونه ...: دامج يالغاليه بخير انا بخير ..
ام فهد ابتسمت ...: يعله دووم ...يمه شسويت مع البيت ..؟
فهد تغضن جبينه بعد ماتذكر الشطه اللي بتييه ..ايه ...وبكره بييون الصبح عمال التنظيف بيون ينظفون

..والعصر الاثاث ..يعني بعد باجر ان شاءالله بنروح ..
ام فهد : اي ياولدي ضاق صدري منذا المكان ..كني في سجن ..الوحد مايقدر يهبب خشمه شوي ..
فهد ضحك وبانت غمزاته وحب خشمهامن فوق النقاب : فديت هالخشم ...يله هانت مابقى شي ..كم يوم

ونخلص ...
ام فهد : وبيتنا خلصت اوراقه اعرفوا سبب الحريق ..
فهد : ايه يقولون السبب كيبل الكهرب صاير فيه التماس من المطر وهو اللي سبب الحريق ...بس الحمدلله

على سلامة الارواح ..
ام فهد : اي والله ... بس والله ماندري وين نلقي وجيهنا من هالبيت المحترق والا شركة ابوك الله يرحمه

اللي شوي وتفلس ...
فهد : الله يبيح منه وايد معطي هالزلامات اللي معاه ثقه لين لهفو نص اموال الشركه ...بس الحمد الله

قدرت الحق على باقي الاموال ولاكان قد طارت مثل غيرها ...بس المهم عندنا الي بعيشنا لين ارجع

الشركه نفس اول ...بس فيه اشياء لازم تستغنون عنها ..
ام فهد ..: اكيد ..اولها هالخمس خدامات برد ثلاث وبخلي ثنتين والدرويل والباقين ردهم ...والسيارت بعها

وخل عندنا العراوي واليوكن وموترك ...
فهد : معليه ...بس الريم واخيها سعد يخفون من المصاريف الزايده ...
ام فهد : ازهلهم ...انا بتفاهم معهم ...
فهد قام ...يبي يروح لغرفته ..: يمه بروح اتسبح وصلي العشا ...لاحد يزعجني مابغي شي غير الرقاد ..
ام فهد : ليه يمه ذق لك شي ...ماكليت شي من الصبح ..
فهد : بس فديت عمرج ...ابي الرقاد ..بس ...

-------------------------------------------------------------

http://sl.glitter-graphics.net/pub/894/894666icxovv0y29.gif
يتبـــــــــــــــــــع

http://sl.glitter-graphics.net/pub/716/716774cnzacof723.gif http://dl3.glitter-graphics.net/pub/725/725043liyjf3mp5c.gif http://sl.glitter-graphics.net/pub/716/716774cnzacof723.gif

بعد ما تأكدت انه راح لغرفته ..طلعت لصاله ..وحبت امها على راسها وقعدت جنبها ... بصوت انثوي

مبحوح وناعم ..: شلونج يمه ...؟
ام فهد : هب بخير لين الله يسهل امور فهد ..
ريم ...: ان شاءالله بيسر اموره وامورنا ...بس تفائلي ...
ام فهد بتقبل للواقع ...: الله كريم ...انا مهب هامني البيت والفلوس ان شاءالله بتعوض ...بس اخوج ..اللي

هامني بيضيع شبابه ورى ملاحق هالبلاوي اللي خلاها المرحوم ...
ريم : الله يعين ...الا يمه ...احنا بنرجع البيت الكبير ..؟
ام فهد ..: ايه بعد كم يوم ..
ريم وهي متضايقه ...: يمه فهد ماحصل مكان ثاني ...غير هالبيت ...؟
ام فهد : وين تبين يعني ....احمدي ربج لقيتي بيت يلمج ...
ريم : يمه حامدينه وشاكرينه ...بس ...يمه ...يعني وين كنا والحين نرجع لهالمتحف ..ليش فهد ماشرى لنا

فله على قدنا ..
ام فهد : وين تبين فله على قدكم ارخص فله هالايام بثنين ولا ثلاثه مليون ..وانتي ادرى بالعله ...
ريم وهي تحوس بوزها ...:انزين خلاص ....بس المكان بعيد على شغلي ..وانا مهب مستعده اسمع تهزيئه

من المديره ....
ام فهد : كل شي ملحوق عليه ...بس ترى بعض الخدم بنردهم بلادهم واحد من الدريوليه ...
ريم بصدمه ...: الخدم بنقول معليه بس الدريوليه لا ...تبين ولدج سعود يروح معاي في نفس السياره

اسمحولي ماقدر ...
: واللي بيخليج على كيفج ...
ريم وهي اطالع وراها وصدت بغضب ...: اذا تكلموا الكبار البزران يسكتون ...
سعد : صح انا بزر بس مهب مثلج يالكبيره ماهمج الا روحج ....لاتنسين انه احنا في وضع غير عن

الوضع السابق ...والمفروض ..انج تقدرين شوي ...يالعوده ..
ريم بعصبيه : سعود ..لايم ثمك ترى مالي خلقك ...
سعد : ادري ...
ريم طالعته بنظره ناريه افحمته ...بس سعد كالعاده غير مبالي بردات فعلها ....: الا اقول يمه متى بنطلع

من هالفندق يضيق الصدر ...
ام فهد ..: قريب ان شاءالله بعد كم يوم ...
ريم بسخريه ...: كلش اللي بتروح له قصر الاليزيه ...الا فلة يدك جنها عزبه ...
سعد : اوه الاخت ريم اسفين ...اتاريج محتجه على مكان السكن يعني انج ماسكنتي فيه قبل ...انا اللي

ماقد جفته ...مستانس ...ابي اروح له ..
ريم ..: انا عشان جذي محتجه لاني جربت السكن فيه ...ومايستاهل هالرجه اللي مسويها لنا ...
سعد : عفوا بنت الشيخ ...لاتصدقيين عمرج وايد ...ترى انتي وايد مغتره في عمرج ...ترى بطيحين

صخر ولابتلقيين اللي يلقفج ...بس الغلط مب منج من هالنفخه اللي نافخه نفسج فيها ...الله يعينج على

نفسج ..
ريم ماردت عليه وصدت على الصوب الثاني ماكانها سمعت شي ...ام فهد حبت تغير الموضوع لانهم

صدعوها ...: انزين ادحروا الشيطان واسمعوا ....فهد يقول لكم خفوا المصاريف شوي ....
ريم ..:اسمع يا سقراط زمانك ..لاني على قولتك نافخه نفسي بس بفلوسي بعرق جبيني ...
سعد مارد عليها : ان شاءالله يمه ... وبخصوص المدرسه الخاصه ..؟
ام فهد : ماعاد باقيلك الا هالسنه عشان جذي بخليك ...محن بعاجزين لذا درجه ...
سعد ارتاح جزئيا بس بعده حاس بذنب انه يحمل هله ظغوط زياده ....

(( الريم 24 سنه مدرسة علم نفس ..جميله مغروره بس قلبها طيب وتحب اليهال لدرجه كبيره ...طويله

شعرها اسود قصير يوصل لين كتوفها بشكل مدرج عيونها شوي صغار احلى شي فيها شفايفها المليانه

وغمزاتها ...تحب تهتم في شكلها الخارجي والمظاهر ...))
((سعد 16 سنه ثالث ثانوي ...شاب وسيم اسمر عيونه كبار شعره مب ناعم وايد يعني شوي خشن ..شاب

حيوي يحب السوالف والمغايظ اكثر شي مغايظ الريم لانها تحترق بسرعه ..يحب اللعب ...يكره الاجواء

المئسويه ...يعني فرفوش ...))

----------------------------------------------------------

دخل البيت بسيارة ال vxr2007وهو مشغل المسجل ...وقف سيارته في الطبيله ...ونزل منها وهو لابس

زي الطيران الحربي .... قفل السياره ودخل البيت ....
اول مادخل ...كان هناك حشد اكثر من المعتاد ...خالته وضحى قاعده جنب جدته وتسولف بس سكتت يوم

جافته ...وكانوا البنات قاعدين معاهم بس ماقدر يفرق اشكالهم لانهم كلهم لابسين نقابات ...بس خواته اللي

قاعدين بس بجلال ...
قرب من يدته وحب راسها ..اليده ..: هلا وغلا ورمرحبا ...يعلني فداك ...
شيخه بصوت ...وهي تضحك ...: بل بل جميع انواع الترحيب ...ههههه مايسوى هالخالد ..
خالد سمعها ...بس طنشها بيردها بعدين ...: الله يبقيج يمه ....واللتفت على خالته وسلم عليها ...:شلونج

ياخاله ...
وضحى : بخير جعلك بخير ...خواته قربوا منه وسلموا عليه ورجعوا يقعدون مكانهم ..
قعد بين خالته وجدته على الكنب ...ومقابل البنات ...وطالع شيخه بنظرة استهزاءوهو رافع الحاجب بس

شيخه طنشته وكملت سوالف مع نور...اراويج ...: شلونج مها ...؟
مها بصوت مستحي ...: الله يسلمك ...شلونك انت ..؟
خالد ...: بخير دام هالشيخه بخير ..وحط يده على ظهر يدته وحب خشمها ....وانتي يا حصه شلونج ...؟
حصه بصوت مندفع ...: الحمد الله ...وانت خالد شخبارك ...
خالد : بخير..
خالد طالع شيخه اللي طالعه بقهر شلون يتحفى خواتها الصغار ومطنشها ...ضحك في داخله لان شيخه

كل شي ينقرى عليها ...: شيخه ....وسكت شوي وهي اطالعه شبيقول ...صبي لي كرك ...
شيخه بقهر ...: وليش ان شاء الله اصب لك ..لاكون خدامتك بس ...وبعدين لاكون يهوديه ماتسلم على بس

تسلم على هالمبزره ....
خالد ببتسامه خبيثه بعد ماجافها معصبه ...: انزين اعترفتي انج عيوز ...صبي صبي بس ...
وضحى بضجر ..: شيوخ اقطعي واخسي على ذا اللسان ...اقصري وصبي لخوج ..
شيخه تخاوت ظروسه ...وصبت الكرك بقهر لان البنات قعدوا يضحكون ...وعدلت نقابها من العصبيه

ولفت الجلال عدل ...وقامت تعطيه اياه ....شيخه كانت تعرف انه مايحب القلاص متروس ...وكانت تارسه

القلاص ....قربت منه ومدته بالقلاص ...وهو يطالعها بنظرات انتصار بس شيخه ماهمتها عيونها كان فيها

شيطنه ...اول مامسك القلاص حركته شوي وانتثر الكرك الحارعلى اصبعه ...واحترق ...: اح ..
شيخه بتسامه من ورى النقاب ...: سلامات ...شفيك ماتشوف ...
خالد بقهر وهو قايم يغسل يده ..: اشوف الا انتي مادري وين بالج... ويوم قرب من ها يبي يعدي يروح قال

بصوت واطي ...: مالومج ..ادري من حلاتي ..ومشى لغرفة يدته يغسل يده في حمامها (وانتوابكرامه)

شيخه رجعت لمكانها وهي تنتفض من داخلها بس مابينت لحد ...قعدت بهدوءجنب نور اللي تمسح ايدين

شهد اللي كانت ماكله كافي برى في الحديقه مع بنت وضحى نوره ...
نور : شيوخ والله قويه ..منتي بهينه ...
شيخه : احسن عشان يعرف من شيخه بنت حمد ...
نور : شيوخ نصيحه لوجه الله ترى منتي بقد خالد ..ووطت صوتها ...: ترى مايحب المره القويه ..
شيخه : نوير انتي تشوفينه يستفزني ..
نور : ابد انتي ملاك ماتسوين شي ..
شيخه : نوير ماقدر ...
خالد رجع لصاله ...وخذ القلاص ...ورجعه لصينيه وصب له قلاص ثاني وهويطالع شيخه ....بس بنظره

بارده شيخه من هالنظره صخت ...شال القلاص معاه لغرفته يبدل ويسبح ...
وضحى ...: شيوخ يعلج العمى ...ماتستحين ...شاسوي فيج ..
شيخه برائه ...: يمه مهب قصدي ..
وضحى ...: بلى قصدج يالعوبا ..بس والله ان عدتيها بقول لبوج ...
نور : انا بروح المطبخ ..اشوف العشى حد بيروح معي ...
شيخه : انا بروح ...
غلا : انا ومهاوي بنروح لغرفتي بتجين حصوص ..
حصه : يله ..
البنات افترقوا اللي راح المطبخ واللي صعد فوق للقسم الثاني ...نور وشيخه توجهوا للمطبخ ....: شيوخ

ماقلت لج عن اللي صار ...؟
شيخه : وجع ....شصار ...؟
نور : امس رحت مع شهود الله يخس بليسها ...نطرد قطوه في حوش البيت العود ...جان يلطع لنا واحد ..

وانا يغفلين لكم الله ...على بالي هندي ...من الهنود اللي ابوي دايما يطرشهم يشيكون على البيت ...
شيخه بفضول ...اول ماوصلوا المطبخ قعدت جرت لها كرسي وقعدت وهي مشدوهه للسالفه : انزين ..
نور : جان افاتن عليه ...
شيخه : هههه وبعدين ...
نور سكتت شوي ....: طلع قطري ..
شيخه بصدمه : تكذبييين ...
نور : والله العظيم ....لا وبعد سفل فيني ...جعله العمى ...
شيخه : وش قال ..
نور : بعد وش قال ...طردني وقال لي لاعاد اشوفج هنا ....
شيخه : ابكيه ...ليه شاري البيت ..؟
نور : الظاهر ..يمكن عيال عمي باعوه ...
شيخه : ههههه يمكن ذال من مرته لاشوفج وتلعن خيره ..
نور : لا....اهو اعتقد اني طراره ..
شيخه انفجرت من الضحك ..: ههههههههههههههههه طراره مره وحده ..
نور : وجع على الضحكه ...ايه ...اصلا ًلو شفتيني ذاك اليوم كان قلتي ...ثيابي كانت وسخه ههههه..
شيخه : واذا طراره ...يصرخ عليها ...مالت عليه ..
نور : مادري الله يستر منه بس لايكون اقشر ويبلينا بمشاكله ...الحين خايفه لايدرون خواني اني كلمت

رجال غريب ادفنوني ..
شيخه :انزين بس مب كيفج ...
نور : والله مادري انا ماراضها لنفسي ولخواني ..
شيخه : واللي يرحم والديج بس اللي يجوفج يقول مرقمته ..
نور : وجع ...
شيخه : مادري عنج ...والا انا شكلي خربتها هالمره ...شكله زعل مني ..
نور : مادري صراحه ...وقفت جدام الثلاجه وطلعت لها بيبسي ...ولشيخه سفن اب دايت على طلاباتها ..
شيخه : يحرق اعصابي ...بس لو يحس مره فيني ..
نور : انتي ماتحسسينه كلها معلنه الحرب ضده وشلون بيعرف ..
شيخه : بذمه خالد ...بيطالع وحده بشكلي ...خالد يبي الكمال ...
نور : شيخه اشفيه شكلج الحمد الله مزيونه وتهبلين خصوصا حاليا بعد ماضعفتي ..
شيخه : اي ضعف ...للحين ..
نور : حرام عليج يهبل شكلج الحين وهو مليان ...
شيخه : لا ابي اضعف اكثر ..
نور عطتها السفن اب : مافيج حيله ..
شيخه : ادري ...ومسكت القوطي وبطلته ...ورفعت النقاب ..
: احلى يالدايت ...وينج وينه ...
شيخه نزلت نقابها وطالعت وراها ...جافته واقف بشموخه على الباب ويطالعها بسخريه ...لفت وعطته

ظهرها وطالعت نور ...: وانت شلك ...
خالد : لي مالي شي ...بس تكذبين على خواتي بلفيت تسوين رجييم وانتي من صبح مكوشه على دلال

الكرك والفطاير ويوم طلبت قلاص صغير حرقتيني ..خايفه يخلص ..
شيخه : مع اني ما اشربه ...بس شسوي ...احمي عمي عبدالله من يخلص حليبهم ..وتفقره ..
خالد بضحكه ..: قولي تبينه وبس ...
شيخه : والله اذا بغيت كيفي ...بيت خالتي اخاذ اللي ابيه ..
خالد : لا مب كيفج ...بعدين مصدقه نفسج رجيييم ...اي رجيييم اي خرابيط وانتي ماخذه بطاقه عضويه

في الجمعيات ..
شيخه وقفت وطالعته ...بنظره ...: الشيخ خالد الرجيييم اللي اسويه ماخذت رايك فيه ...شي خاص فيني

..وانت ماتحب حد يتدخل في خصوصياتك ....والتفت على نور ..: بروح اصلي ... وطلعت ..
خالد طالعها بدهشه بس ماطلعت على ويهه فعلا اهي ضعفت ...وشكلهاصاير يهبل ...بس ماكان فارق معاه

لانها بتظل شيوخ اللي يحب وجودها حوالينه مهما كان شكلها ...
(( خالد 25سنه ظابط في كلية الطيران الحربي ...شاب وسيم ...ابيض شعره حريري ...مسوي عارض

خفيف ...عيونه كبار وسود ..طويل وجسمه عريض كله عضل ... مرح ...سريع الغضب مايتفاهم ...عنده

بعض الافكار الرجعيه ...مغازلجي درجه اولى ...))

((الفصل الثالث ))


دخلت الغرفه ...وحصلتها قاعده على السجاده وجلال الصلاه على راسها ...طالعتها شيخه بنظرة عتب ...: تدرين اخوج قمة السخافه


...



نور ...وهي تستعد تبي تتوضاء ...: وتدرين اني قايله لج لاتلاسنينه ...


شيخه : ليش اخوج يخلي فيه مجال حد يحترمه ...
نور كفختها على راسها ...: ليه يالشيخه وش شايفه اخوي ومحد يحترمه مسوي شي ...
شيخه وهي تمسح مكان الظربه ...: وجع انتي وذا اليد ...ايه اخوج مسوي ...معذب قلبي البريء ...
نور وهي واقفه عند باب الحمام (وانتوابكرامه ) :احلى ياقلب بريء


... شيوخ تذكري خلود يحب المره تكون مره يدلعها ويتودد لها


مب ند له طول الوقت يتهاوش معاها ...
شيخه : نوير ... تعتقدين اني اتصنع عشان يحبني ...مااعتقد اذا ماحبني بطبيعتي ...مااحتاج هالحب ...
نور : شيوخ وانا قلت لج تصنعي ...قلت لج خفي من طولة اللسان معاه ...
شيخه : بحاول ... مع انه اهو اللي يبتدي ...



.


.

---- ...----- ...----- ...--- ...--- ...-------
.


.

دخل المجلس وفي يده قلاص الكرك ...وحصل محمد قاعد يطالع التلفزيون وسرحان ...ضحك على شكله ...اكيد سرحان يافي

الشركه ولافي الخبله شهوود ...


قعد وراه ونفخ اذنه .... محمد نقز من الخرعه وطالعه بنظره ناريه ...: وجع وش حركات البزران ذي ...


خالد وهو ميت من الضحك : زين يالشيبه ...شفتج في وادي قلت اطلعك منه ...هههه

محمد بعصبيه ...: شاب ناظرك .... خير شعندك . ...؟


خالد : ماعندي شي ...


محمد : اجل تلايط وانطم ...لاتزعجني ...والتفت على التلفزيون ...
خالد : محمد ...اللي يشوفك مندمج ....فيك شي ...
محمد من غير لايلتفت : مافيني شي ...
خالد : والله ان فيك شي ...
محمد وهي يتنهد : خالد مافيني شي ....بس ابي فيه ...
خالد : ابي ... شبلاه ...
محمد : مادري ...احس متضايق من شي من يوم رجعنا من صلاة العشاء انا رجعت قبله ورجع بوجه ثاني ... احس فيه شي ماغثه ...
خالد : يمكن حد قايل له شي ...
محمد : محد معانا في المسجد نعرفه ...
خالد : يمكن شي يوجعه ...
محمد : مادري هاذا اللي افكر فيه ...لايكون فيه شي ..وحن ماانتبهنا له ..



خالد سكت وقعد يفكر في حالة ابوه ... مع اسهابه في التفكير دخل ابوهم ...وقعد ...


خالد ... قام وحبه على راسه وقعد جنبه يقهويه ...

وعينه تلقط ملامح وجهه ....وبين على ويهه الضيق ...اللي قبض صدر خالد من الخوف على ابوه ...
محمد بوجس ....: يبه ...
ابومحمد : هلا ...
محمد : عسى ماشر ...
ابومحمد : مابه شر ...
محمد : اجل شفيك ...شلي حاصل لك من رجعنا من الصلاه ...
ابومحمد بتنهيده حااره ...: اللي حصل ...اني صرت ...مثل اخواني ...قاطع ...

خالد : ليه يبه ...؟

ابومحمد : اليوم يوم طلعنا من المسجد ... ... حصلت البيت الكبير ... مبطل والليتات مفتوحه ... رحت له .... عينت فهد ...ولد

عمكم ...
محمد : فهد ....

خالد : شعنده ...؟

ابو محمد بعد لحظة سكوت ...: بينزلون في البيت العود ...
محمد : ليه ...؟

ابومحمد التفت لمحمد : البيت من حقهم ...لاتنسى ...

خالد : مهب قصد محمد يبه ....ليه ...رجعوا للبيت ...مع ان بيتهم قصر اكبر من البيت العود ...


ابومحمد : مادري يابوك ... بس اللي عرفته منه ان بيتهم احترق ....وانهم بنزلون هنا ...


محمد : مايشفون شر ... بس يبه عسى ماحصل عليهم شي . ...
ابومحمد : لا ماحصل لهم شي ... بس بيتهم اللي الظاهر ماعاد فيه عيضه ...
خالد : انزين الله ستر عليهم ...
محمد : يبه ...
ابومحمد وهويطالع محمد اللي حس في عيونه كلام وايد ...: هلا ...
محمد : يبه شبيكون وضعنا معهم ....؟

ابومحمد : مادري ...يابوك ...انا حلفت عليه ....اول مايخلصون عشاهم عندنا ...هو وافق ...وبنشوف بعدها ...

.


.




------- ...----- ...------- ...---- ...----- ...-----

*



*

فهد: واقف في عرض الصاله الي انترست اثاث من ارقى المحلات ...باقي المجالس بكره يخلصونها ...قعد على طقم الكنب الجديد

بتعب ...وهو يطالع العمال يطلعون بأثاث غرف النوم اللي تعب من الدواره اليوم مع ريم وسعد اللي صدعوه بالهوشه واختلاف


اراءهم وضطر انه يخليهم مع امه في واحد من المحلات وطرش الدريول لهم ...وراح يخلص باقي اشغاله لان مافيه وقت ....يبي

يخلص من الانتقال للبيت عشان يتفرغ لشركه ....اللي للحين ماخلص ديونها ومشاكلها ...


غمض عينه بتعب .... بس تذكر شصار معاه اليوم ...

عمه عبدالله...عمه اللي كان السبب الرئيسي لغضب ابوه ....وافتراقه من

العائله ...عمه كان شكله طيب...

ومبين ان الزمن ماقصر فيه كان خطوط التعب راسمه في ويهه المبتسم وهو يكلمه...

.ولا غاب من

باله رجفة التوتر اللي صاحبته وهو يتكلم ...يمكن عشان جذي حزن منه ...ووافق على العشا ...او يمكن لانه حب يعرف السبب ...

وراء الشقاق بينه وبين ابوه ...او الفضول لمعرفة ابناء عم ...لايتذكر منهم الاثنين .. محمد وخالد وبنيه صغيره يتذكرها بشعرها

الناعم وعيونها الكبار ......كانت صياحه درجه اولى ... ...


*

*


\---...----...---...----...
,

,


بعد أسبوع ... من الاحداث السابقه ...


ام جابر في الصاله ...وتنادي ..: يابنات ...يابنات...يالله ..جعلكم الصلاح ...
نور وهي نازله من فوق بسرعه ...: لبيه...لبيه ...
ام جابر اطالعها بنقمه ...: الحين لبيه ...؟ وين انتوا من صبح ...؟

نور : موجودين يمه ...انا عند بنت محمد ابدل لها ملابسها... وغلا تصلي العصر ...
ام جابر : ذا الحزه اتصلي ...
نور : راقده من يوم جات من الجامعه ...توها قايمه...

ام جابر : ابدا ...يحابكم لتأخير الصلاه ...ماشي بنافعكم الا هي...
نور : اكيد يمه ...يمه تبغين شي ...يوم انج تدعيين ...؟

ام جابر : ايه ...ذكرتيني...قولي للمره تسوي قهوه وشاهي ...وتسوي فواله...نطرشهم لبيت عمج ...
نور بستغراب ...: اي عم...؟


ام جابر : بعد اي عم ليه عندكم غيره ...عمج عبدالعزيز ...
نور : ايه تذكرت ...ليه شعندهم ...
ام جابر : شلون شعندهم ...؟ ابوج ماقالج انهم نزلوا في البيت اللي جنبنا...
نور وهي مبهته من الخبر : لا ... ام جابر : زين يومج عرفتي روحي قولي للخدامه اللي طرشتج عليه ...
نور وهي قايمه تقيس الموضوع في مخها...بيت عمي ...غريبه ......: ان شاءالله بقول لها وبطرش محمود بعد يجيب فواله... معقوله ... هالعم مافكرت فيه طول هالسنين ولاطرى على بالي... بس اهو توفى من فتره واتذكر يدتي راحت هي وخواني وابوي

...بس عياله ماعرفهم ...لو يقفون جدامي ما مديتهم الفنيال ... غريبه حالج يادنيا ... بس ليه ...؟ مانعرفهم ...بسأل ابوي ...
.

.


----...---...-----...-----...----
.

.



كانت قاعده على سريرها اطالع الفوضى اللي متحاولتها ...اغراضها المكومه في الكراتيين...والخدم مشغوليين في ترتيب البيت ...
وهي مب متعوده الترتيب بالعاده توصل لغرفتها وتحصلها مرتبه ...افففففف ...ياربي ...شهالحظ..وقامت بكسل ترتب اغراضها


...وهي قايمه ...اسمعت اصوات برى لان الدريشه مبطله بس الستاير مسدوله... وقفت عند الستاره وأزاحت طرفها وطالعت ...بنيه ...

صغيره واقفه ...ووحده واقفه على دري تكلمها ...والبنيه الصغيره شكلها معنده على شي ...لانها تصارخ وتنقز ...ضحكت ريم على

حركاتها الطفوليه ...
.
.

----...---...-----...-----...---

واقف قدام البيت بخطوات متردده ...ويلعب في سويج السياره ...ونظارته الشمسيه اللي على عيونه اللي يحركها كل شوي... طالع البيت بتوتر ...قوى عزيمته وتوجه للباب بيدقه ...بس تفاجاء بحد يفتح الباب ...
كان ولد مراهق يطالعه بدهشه ...
محمد وهو يفسخ نظارته ...: سلام عليكم...ومد يده...


سعد وهو يمد يده يسلم ...: عليكم السلام ...مستغرب من هاي ...

محمد : فهد موجود ...؟



سعد وهو يوخر عشان يدخل محمد ...: اقلط ...فهد بيجي اللحين ...



محمد : انت ...ولده ...؟




سعد وهو يضحك ...: مالك لوا ...انا اخوه ...

محمد وهو يضحك يحاول يخفف الاحراج ...: يعني...ولد العم ...اسفيين ...السموحه ...انا ولد عمك عبدالله ...محمد ...




سعد حس بشعور داخلي مثل الشرار الكهربائي ...ولد عمي ...سعد من الغبطه ...حبه على خشمه ...: سموحه ولد العم...حياك البيت

بيتك ...
محمد ..: لا ... انا منا بجاي اتضيف...جاي ابغي اجوف تبون عازه...ولا اساعدكم في شي...
سعد : والله ان تقلط ...ومابه شي ...العمال ماقصروا من الصبح يرتبون ويشلون...




محمد دخل ...الميلس مع ولد عمه...وهو يحس بالرهبه...اول مره يدخل الميلس اللي كان محرم عليهم ...دخل حس كان عيون عمه

تلاحقه بنظرات ناريه ... طالع في ويه سعد الي كان بريء ...وكله طيبه ..ابتسم محمد له ..وقعد ...
----...---...-----...-----...---








وصلوا لباب الصاله الكبير والخدامه معاهم شايله الفواله...كانوا واقفين ينطرون يدتهم ادق الباب بأناملها الضعيفه
...نور كانت

ماسكه شهد بقوه لانها تحاول تتملص منها ...من جافت ابوها توجه للبوابه البرانيه...وهم راحوا من الفاصل العشبي اللي بين الفلتين


...على ان المسافه طويله بين الفلتين الا ان اليده اصرت على المشي بخطواتها البطيئه ...
وقفوا شوي ...قبل لاتفتح لهم ام فهد الباب ..ام فهد عرفت ام جابر ورحبت فيها ..ودخلتهم ...: زارتنا البركه ...ياحياكم الله ...
ام جابر : الله يبجيج ....شحالكم ...؟




ام فهد : الله يسلمج ...شحالكم ...انتوا حياكم تفضلوا يابنات...

ام جابر : مبروك المنزل...وخارجيين من الشر...
ام فهد : الشر ماييج ولا يوايهج ...شلونكم يابنات ؟




ام جابر : ذولا بناتج ...نور وغلا بنات عبدالله ...
ام فهد : يامرحبا بكم ...
نور بصوت مستحي : الله يرحب فيج يمه شلونج ...وعلى البركه المنزل ...
ام فهد وهي تعدل نقابها ..: الله يبارك في حياتج ...يامرحبا بنات عبدالله ...

نور : الله يخليج ...

ام فهد : بعد اذنكم بروح اطرش الخدامه تنادي لكم بنت عمكم الريم ...
بعد ماراحت ام فهد ..نور ساسرت غلا ...: الحين عندنا بنت اول مره نجوفها ...
غلا : والله حالنا غريب ...الا كم ولد عم عندنا ...؟



نور : حسب كلام ابوي ...ثلاثه فهد وريم ...وصبي صغير نسيته ...ماعرف ...

غلا : مالت حد ينسى ولد عمه يالخبله ...
نور : ابكيج ...لو جفتي شكله وانا اكلمه بغى يكفخني ...ضايق حده ...
غلا : ههههه ليته ...
نور : مالت على يكلمج يالدب ....
ام جابر : صه اقصروا ذا الحس يالعنباه ...نوري قومي ...ردي بنت اخوج طلعت ...يومنتي لاهيه في السوالف ...
نور بقهر ...: وليه غلوي ماتروح ...

ام جابر : مابغيتي الا ذي الرفلا تروح ...عشان ترجع وتقول ماحصلتها ...
نور بضحكه ...: في ذا صادقه ...
غلا بقهر وهي دزها ...: مالت بس روحي...
نور قامت وهي تعدل شيلتها وتضبط نقابها وعبايتها اللي تبطلت من قدام ...وهي تمشي تحاول تسكر الازره ...طلعت من الباب وهي

تحاول تلقط اي حركه لبنت اخوها ...
-----...---...-----...-----...---

دخل كراج البيت بسيارته cls500 كان فاسخ الغتره...وراد ايدين الثوب لورى ومبينه سواعده السمراء المتروسه من العضل ...
عدل الطاقيه على شعره الحريري....ولبس نظارته من شمس العصر المرتكزه على عيونه ...طالع الكرسي اللي ورى كان متروس من

الملفت اللي قدر يطلعها من بقايا المكتب اللي في بيتهم السابق ...نزل من السياره برجله السليمه ...وترس ثقله عليها ...ونزل رجله

الثانيه المصابه اللي تعوره اليوم بشكل غير طبيعي بسبة الاجهاد ... فهد...: رجييب ...رجيييب ...تعال ...


رجيييب دريولهم الخاص ...: يس سير ...؟



...

فهد ..وهو يحذف عليه السويج ...: نزل اغراض ورى ودها لمكتب مال انا ...

رجيييب ...: اوكي...

فهد وهو لاف يبي يروح للميلس ...لان سعد متصل فيه ...وقايل له عنده ريال...وقبل لايتوجه جاف بنيه واقفه جدامه واطالعه برعب

...

نفس البنت اللي جافها هذاك اليوم ...الطراره ...بس لبسها هالمره غير ...متكشخه ...كيد حد متصدق عليهم ...

فهد حزن منها لانها كانت خايفه ...: تعال حبيبي شسمج...؟



شهد برعب وترجع لورى ...: نا نا نا (لا لا لا)
.


فهد وهو يقرب منها بخطوات صغيره عشان ماتشرد منه ...: تعالي ...

شهد وعيونها انترست دموع ...: ات حايس مابي...( انت خايس مابي )..



فهد وهو يضحك...: مافهمت شي ...بس تالعي بعطيج كافي ...

شهد سكنت حركتها من اسمعت طاري الكافي ..طالعته برائه ...: كااااابي...(كافي ).



فهد : ايه كابي...

بصوت ناعم ومبحوح ...: شهد ...

شهد كانها سمعت صوت الانقاذ ركضت ...صوب نور وانخشت في عباتها وهي ترجف ...نور كانت واقفه في مكانها مثل الصنم



وعيونها شوي تطلع من النقاب من الصدمه ...
فهد حس بمثل البركان يمشي في عروقه ..فسخ نظارته ومد اصبعه بأشرة اتهام ...: انتي ...انا مب قايل لج ...لاتوطين هالبيت ...

ماتستحين من هالحركات ...بدال مادورين لج بيت يسترج انتي وياها ادورين فيها من بيت لبيت ...انتي شنو ...
نور انقهرت منه ومن اسلوبه المهين...: اسمح لي يا الشيخ ماعرفت انك من اهل هاالبيت كان قطعت ريلي قبل لااطى اي حصاه فيه

... فهد انصدم من قواة عينها ..: صج ماعليج شرهه يا..

: نور شهد ...

فهد اللتفت لصوت اللي وراه كان شاب في نفس طوله ...يطالعهم بنظرات شك غير راضيه للبنت اللي انطق اسمها بنور ...ونزلت

راسها بخوف من محمد ..وهي ترجف...وحولت تمسك شهد اللي فلتت منها وراحت ركض لمحمد...: بابا ...وحذفت روحها عليه...

محمد حس ان الجو فيه توتر ومتوجس من نور لانها مرتبكه بشكل غير طبيعي وشموقفها مع فهد من متى المعرفه ...طالعها بنظره

حارقه...

نور تدراكت روحها وقالت بصوت واطي ...: امي تقول يله نمشي ...ورجعت داخل...
محمد رتاح جزئيا يعني حصلته في طريقها ...اللتفت لفهد ...ومد يده : شلونك فهد ...؟



فهد بستغراب ...: بخير الله يسلمك...

فهد حاس انه في دوامه...مب قادر يستوعب اللي يصير جدامه ... من هاذولا ...من هي نور


وشهد ...






محمد بتوتر وهو يشل بنته اللي دفنت ويهها في رقبته ...: انا محمد ولد عمك ... فهد حس انه وقف على ارض صلبه وتدارك الواقع ...: حياك الله بوجسوم حياك الميلس...
محمد :الله يكثر خيركم ...مثل ماسمعت بنت عمك ...العيوز تبي البيت ... فهد : خلاص وصلهم وارجع ...
محمد : خلاص ...
فهد وهو يقرص خد شهد ...: وجب هالشهد معاك ...
محمد : هههه ماأظن ...شكلها مخترعه ...
فهد في نفسه مالومها ...: هههه الله يخليها لك...
محمد : فهد اذا محتاجين مساعده في شي ترى حن موجودين بعدنا اخوان ...
فهد احتركت فيه مشاعر الكرامه...حس ان محمد يشفق عليه ...فرد عليه برود ...: مشكوور ولد العم...الحمد الله مستورين ...

...

محمد حس بالاهانه ماكان يقصد هالشي ...: الله يزيدكم بخيره...بس اسمح لي ...الاهل طلعوا ...وتوجه ليدته اللي طلعت هي والبنات


..ومسك يدها وعطى شهد نور اللي شلتها ...
ام جابر : محمد هاذا مب ولد عمك فهد ...


محمد بضيق ..: بلا ..

ام جابر بطيبتها المعتاده...: ناده اسلم عليه ويسلم على بنات عمه...
محمد بضيق : وشله البنات بعد مهب من زود المعرفه...مايحتاج ...
ام جابر وهي تدز يده ...: ابوك ياولد عبدالله معاد عليك الا ذا ...تمنع عيال العم من بعض ماكفاكم الهجر ...
محمد نادى فهد اللي توجه لهم وهو يحاول يخفي عرجته ...ام جابر: حيا الله ولد عبد العزيز...
فهد وهو يحب راسها ...: الله يبقيج يمه...
ام جابر : خارجيين من الشر ...
فهد : الشر ماييج...شلونكم بنات ...
غلا اللي ردت لانها جافت نور ماتبي ترد ...: الله يسلمك ولد العم شلونك...
فهد عرف انها مب هي اللي ردت لان صوتها مبحوح رفع طرف عينها له ... انصدم من جمال عيونها المتروسه برود واحتقار ...


فهداستفزته النظره وطالعها بنظره قويه ...بس اشاحت بنظرتها بعدم احترام...
فهد بقهر ..: الله يسلمج بنت العم...عاد سمحوا لنا ...على المعرفه المتأخره ...

نور انقهرت منه وايد عليك ...ياولد العم ...مالت امحق معرفه...وسحبت شهوود وراحت للبيت مانطرتهم ...كان الدم يطبخ في

راسها من تصرفات ولد عمها واخته الللي سلمت عليهم بطرف خشم ونفس خايسه ...كانهم ولاشي قدامها...نور حست بالحرقه ...
محمد وصل يدته واخته
وهو منقهر من نور تصرفاتها اليوم...اول دخل الصاله حصلها قاعده وبوجوم ...ملامح بارده ...وشهد في

حظنها ...كان ساكت ينطر يدته تدخل غرفتها...
محمد برود ...: نوير ممكن تشرحين اللي صار...؟



...

نور وهي اطالعه بوجه مافيه اي ردة فعل...: ايش اللي صار...؟



محمد وهو يقرب منها بس مسك نفسه يوم جاف شهد انتبهت له ...: وقفتج مع ولد العم ...
نور في خاطرها مالت عليه من ولد عم...:ماوقفت اول ماطلعت اجيب شهد عشان اطرشها لك عشان نروح طلع في ويهي وبنتك

لزقت فيني مخترعه ولا قدرت امشي...
محمد بعد لحظة هدوء ...: هيه ..ماعلينا ...

نور : محمد ...شفيها اذا كلمت ولد عمي ...؟





محمد : مافيها شي...بس لين يعتبرونك بنت عمهم يصير خير ...بنسبه لنا هم اغراب ...لين يرضون بهالعلاقه...
نور حست ان فيه شي صاير عشان محمد يتكلم بهالطريقه ...معقوله من بعد ماجافت ريم وفهد شي طبيعي يصير منهم ...عكس امهم

اللي كانت طيبه ...


*

----...---...-----...-----...---


...


بعد صلاة المغرب وصل ابومحمد محمل السياره بميرة بيت يبها لبيت اخوه ...وطرش محمد فيها ...اللي كان يحاول يثني ابوه من

هالقرار ...: يبه الناس مب لهدرجه محتاجيين ...
ابومحمد ..: محمد ...انا منا اتصدق عليهم هاذي المعاريف ...مهي بصدقه ...
محمد : يبه انت كذا تحرجهم وياخذون موقف ...
ابومحمد : انت اللي متحسس من ذا الشي عطني سويج السياره انا اللي بروح ...
محمد : لا...والله ..انا اللي بروح ...خذ سويج بعصبيه ...وطلع ...وراح لبيت عمه ..دق هرن وطلع له الدرويل وقاله يبطل الباب


...
عشان ينزل الاغراض...وسأل عن فهد اللي ماكان موجود...بس ام فهد وبنتها ..محمد سلم عليها وبلغها بالاغراض...ام فهد شكرته


ونزلت راسها محمد انحرج ...حس انها منحرجه ...من اللي صار...
بس ام فهد منحرجه من طيبة هالناس اللي ريلها كان يكرهم...
وافترق من هله عشانهم...وهم بالعكس شارينهم...
محمد قعد ينزل الاغراض مع الدرويل للمطبخ عشان بسرعه يرجع لانه منحرج ومنقهر ...
كان الباب الموصل لصاله مفتوح ...وصل له صوت وحده صوتها حاد كانها تصارخ...: هاذا اللي ناقص بعد ...يتصدقون علينا عيال

لطيفه...
ام فهد : ريم اقصري ذا صوت ...الرجال برى ...
ريم بغرور ..: وشعلي ...يكفي تشمت خواته اليوم على بالهم مارمرت علي حركتهم ... بس والله وسماه بعدهم ماعرفوا بنت

عبدالعزيز ال...
ام فهد : ريم احترمي نفسج هاذولا عيال عمج ...
ريم : لا ....مهب عيال عمي ...ابوي ماكان له خوان هو قال لي مالي خوان...وعلى بالج مجيهم اليوم حبا فينا...لا يمه هاذولا ...


جايين يشفقون ...ويتشمتون...اعرف هالنوعيه زيين ...

ام فهد وهي تهز راسها بأسف : الله يهديج لنفسج يابنتي...

محمد كان جامد في مكانه من صدمه ...معقوله ...هاذا تفكيرهم فينا... الحين عرف سر برود فهد معاه ...تأججت نار في صدره ...



كان وده يحط يده على رقبة هالريم ويلويها ...محمد ..راح لسيارته من غير لايجوف اللي قدامه وشغلها وشخط لبيتهم...سعد كان

يحاول يكلمه بس ماكان يجوفه من الغضب ...سعد استغرب من محمد ...بس ماحط في باله ...محمد راح لبيتهم بجرح في كرامته

...لااحد يعلم مالذي سيمحوه ...

----...---...-----...-----...---

( الفصل الرابع )



ماسكه سماعة التفلون وتنطر حد يرد عليها ...بس للأسف انقطع

الخط ومحد رد..نزلت السماعه بستغراب ...اول مره تتصل في

بيت خالتها محد يرد ...بالعاده يدتها اوبنات خالتها او المفعوصه شهد ...غريبه وينهم ...


شيخه ... قامت ادور لامها عشان تسألها اكيد تعرف عنهم شي ...حصلتها في غرقتها اختها الصغيره تبدل ملابسها ...: يمه ...




وضحى وهي مشغوله في بنتها...: خير ...




شيخه : بل يالوضيحي خير...افا ...افا ...انا زينة بناتج تقوليين لي خير ...





وضحى وهي واصله حدها من نوره اللي مب راضيه تلبس الا بصعوبه ...: بنت حمد قسم بالله اذا مافارقتي من وجهي ماتشوفين شي

يرضيج...




شيخه وهي تضحك على عصبية امها : خلاص...اممممم وين خوالي ...اتصل عليهم مايردون ...؟

وضحى : راحوا لبيت عمهم ...

شيخه : ايه ...هم نزلو...

وضحى : اجل ليه راحوا ...


شيخه : هدي اعصابج ...حرم حمد المصون ...


وضحى بعصبيه : بنت حمد فارقيني...لاخلي حمد يمسد عقاله على ظهرج ...


شيخه ...انسحبت من الغرفه حفاظا على نفسها ... ورجعت لصاله الفوقانيه تكلم بنات خالتها ...بس هالمره...
ردت عليها نور ...اللي

ماكان لها خلق ...





...



شيخه : شفيج زامه روحج ...؟

نور بضيق : من هالخايس ولد عمي ...

شيخه : اي ولد عم ...

نور قالت لها السالفه كامله ...: والله انه فور الدم براسي هو واخته اللي نافخه روحها علينا ...




شيخه وفيها ضحكه ...: نوير هدي...



نور وهي حاسه ان شيخه تضحك ...: وجع يالعنز... ادري تضحكين...بكيتج ...





شيخه ماقدرت تمسك نفسها انفجرت من الضحك ...: نوير اتخيل شكلج انتي وشهود وانتوا تلفون البيوت ...هههههه والله شكلكم

مسخره ...





نور بقهر : شيوخ قسم بالله اسكر اذا ماانطميتي ...




شيخه ...:خلاص ...انزين بنت عمج شكبرها...

نور : بكيتها ...احس اكبرمني بس مهب وايد لانها مدرسه علم نفس اظن اول سنه ادرس ...





شيخه : اوه مدرسه بعد صج بنت عمج ...كلكم نفس الدم مدرسات ...



نور : محق من دم بروح ابدله ...
شيخه : تعالي بعطيج من الدمي العسل ...
نور : عسى ماشر ...تبني اصير مخفه مثلج ...
شيخه : المخفه ريلج ...خلاص هونا مانبي نعطيج...يله ضفي ويهج ...


نور : جب ...


شيخه : مال اول جب ...ياهل ...
نور : عيل شيقولون الحين ...
شيخه : شت يور ماوث...
نور : احلى يالعنقليزي ...هاذا وانتي لغه عربيه ...
شيخه : ويشششششش لا لا لا مااقدر شهالتخلف عنقليزي...لالالالا نو نو نو...
نور وهي تضحك ...: مالت عليج ...هاذا من قاموس حمده دكشنري ...
شيخه : فديتها شخبارها بس على الله مارتفع ظغطها من بنت عمكم ...

نور بقهر : لا بالعكس من جينا وهي تمدح في زينها وحلاتها ...
شيخه : ليه هي حلوه ...
نور : الا موووووووت...بس مالت عليه من جمال ...على الطل ...
شيخه : لاتخلينها تييكم ...
نور : ليش ...؟
شيخه : اخوج خلووود...بعد ليه تغسل مخه ربروحه من يشوف زول سوادعباه يطير ...
نور وهي تضحك : مالت عليج انتي وياه ...صدقيني ماراح يطالعها ولاهي بطالعه لانها ماتجوف ابعد من خشمها...
شيخه : مالت عليج انتي...انزين بتيوناهالاسبوع ...
نور :...نسيتي العشا عندنا يوم الخميس ...انتوا الابتجيون ...
شيخه : ايه ...انزين يوم الجمعه ...
نور : بشوف ابوي ويدتي وبرد عليج ...
شيخه : معليه يوم الخميس بسوي لها غسيل مخ ...
نور : هههه انزين...
شيخه : يله اقلبي خشتج ...باي
نور : بكيتج ....باااي ...
نور سكرت من شيخه...وهي تضحك ...شيخه نستها الضيقه ...وجددت روحها ...شيخه كانت على طوول تعرف لنور من تكون

متضايقه...عشان جذي على طوول كانوا قراب لبعض ...مثل التؤم

...نور راحت تصلي العشا عشان تنزل تحت ...وبالها مشغوول

في العزيمه شلون بتتحمل ريم ..وأيش مستقبل العلاقه بين العائلتيين ... ولد عمها ايش بتكون حياتهم في وجوده ...



----...----...----...----...----
قاعد في الميلس ومسند راسه على الكنب ..ويفكر في اللي صار اليوم من أحداث ...
عيال عمه ...ناس جديده ...ويوه يديده ...





ماعرف اشلون اصنفهم في حياتي ...
عمي ...
مادري شحال معاه....ابوي لو عايش كان قلب الدنيا ...
ابوي مات وهو ماتقبل عمي



عبدالله اخو...
هل عمي فعلا متقبلنا ...؟ الله العالم ...

فهد تذكر العيون اللي احرقت مشاعره ...
وصاعدت دقات قلبه ...نظره هزت

كيانه ...ضحك...
مالومها ...صراحه تحتقرني ...
زين بعد اذا ماتذبحني ...
بس قويه هالبنت...الله يعين عليها ...فهد كان يلعب في

مسباحه ...اللي كان خرزه بني ...
رفعه قدام عيونه يطالع الخرز اللي ذكره بعيونها ...
حط المسباح في يده وسكر عليه بكفه...مايبي

ينشغل بهالعيون يكفي ...البلاوي اللي عنده...


قام يروح لصاله لانه يأس من رجوع محمد ...
دخل بتعب...حصل امه قاعده...



وسعد حاط راسه على فخذها ...
وهي تمسح على شعره ...




فهد : سعد ...
يالدب ريال شطولك منسدح على ريل العيوز ...


سعد وهو منسدح ولا عبر فهد : محتر ...
هب قايم راحت عليك يالشيبه ...

فهد : شابت حواجبك ...قم قم عورت ريلها ...

ام فهد : خله مرتاحه ...

فهد قعد جنب امه ...
: اقول يمه ...اجل بنات عمي جايينكم اليوم ...

ام فهد : يحليلهم ...
جاونا ماقصروا بنات عبدالله ...

فهد: الله يجزيهم خير ...

ام فهد : اي والله ونعم التربيه اخلاق ودين...

سعد : يمه يمديج تعرفيين اخلاقهم...؟


ام فهد : بعض الناس من اول قعده تعرف معدنه ...

سعد: يمه شكبرهم ...
؟
فهد : وانت شلك...
ماتستحى تسأل عن بنات الناس ...

سعد : والله مب غرب بنات عمي...

ام فهد : وهوصادق بنات عمه ...
مافيها شي ...بس ياسعد ...
الله عرفته من شكلهم نور يمكن في عمر ريم وغلا اصغر منها ...

سعد : ومرة محمد ماكانت معاهم...؟
فهد : شلك بعد فيها ...؟
سعد وهو مطنش له ...: هاه يمه ..
ام فهد : وين تيي بلاك ماتعرف محمد مرته ميته من زمان ..
سعد : الله يرحمها ...يمه ...
تهقيين عيال عمي ..بيتقبلونا ...

ام فهد وهي تمسك ذقنه ...: هالويه من اللي مايحبه ...
فهد : والله والويه ...


سعد: ازين منك يالشيبه ...

ام فهد وهي ادزه من حظنها ..: قم ...واللي يعطيك ويه مره ثانيه ...والله ان عدت هالكلمه وقلتها لخوك ..ماتشوف خير ...
فهد وهو يحاول يخفي ضحكته : جيل مايحترم اللي اكبر منه ..
سعد وهو يطالعه بنظرات مقهوره ..وطالع امه ..: افا ..لالالالا الا شيخ الشباب ولاتزعلين الغاليه ..وحب خدها .... يمه ...
ام فهد : خير ..

سعد بل العيوز عصبت عشان هالشيبه ..: خلاص قلنا اسفين ..الا سوني وينه ..؟

ام فهد :مادري اسأل الخدامات ...
سعد حس ان امه تضايقت من مزاحه .. فنسحب يدور لسوني في غرفته ..حفاظا ً على خاطرها ...



----...----...----...----...----

يوم الاربعاء ..


نور ويدتها وغلا قاعدين في الصاله

...ام جابر تكلم بنتها وضحى والبنات قاعدين يسولفون عن العشا بكره ..شبيلبسون وشلون بيكون

شكل بنت العم ..


غلا : تصدقيين ..للحين مب مصدقه ان لنا عيال عم ..

نور : والله وعيال العم ..

غلا : ههههه مالت عليج انا ماجفت الاعينه وحده ..احبطتني اني اتعرف على البقيه ..

نور : نصيحه لاتجوفيين الباقي بيصديج احباط كامل ..

غلا بفضول : ليش من جفتي ..؟

نور بصوت واطي : بكيتج بتفضحيني قصري صوتج ..

غلا بصوت واطي : منننننننننن من ؟

نور : راس الحيه ...

غلا وعيونها بتطلع من الصدمه ..: فهد ..؟

نور : ايه ..

غلا : وجع يالكذوب ... مستحيل ..

نور :الكذوب وجهج ...اسمعي هو اللي بدا بكيته ..

غلا : عز الله كليتيه ...شمسويه ..

نور : يالبقره ماسويت شي ...هو عفانا الله عليه لسان سوط ..

غلا : علينا انتي نوير ام سواهي والدواهي ماسويتي شي ...

نور : قلعتج ماصدقتي ... بس نصيحه ..ترى هالعيله مستحيل تعتبرنا عيال عم ... لانهم مايجوفن الناس الا من فوق ..واكبر دليل

انتي جفتيه ..

غلا ..: انزين نوير شلون بنتعامل معاهم في المستقبل ..

نور : عندي لج حل خوووش حل ..

غلا : شنو !

نور : نتجنبهم ....كأنهم ماسكنوا جنبنا...

غلا: ماراح تقدرين ..لو كانو مب نفس الحوش يمكن ..بس الحين في الطلعه ودخله بتشوفينهم ..وفي الاعياد والمناسبات اللي ابوي

مايقصر ..مافيه حد مار الاومسوي له ذبيحه ..

نور : عيل ..تذليين نفسج لهم ..

غلا : نور ..عن الحساسيه الزايده مب لهدرجه ..

نور : والله انج مقصه ...عيل تبيني مثل يالبقره من غير احساس .. وخلي اي حد يدعس علي ...مستحيل ...

غلا : نوير فهد مسوي لج شي ...؟
نور : بعدين اقولج ..مب هني وهي تأشر على يدتها اللي نزلت سماعه واللتفت عليهم ..

غلا : زين ..

ام جابر : شعندكم روسكم في بعض وتغامزون ...

نور : ولاشي يمه سوالف عاديه ..

ام جابر : ايه اني خابره ...

غلا : يمه انتكلم عن بيت عمي ..

نور وهي تساسرها ..: بكيتج بطيتي البرمه ..

ام جابر : شبلاهم ..؟

نور : مابلاهم شي ..غلوي ...بس كذا تسأل عن حالهم شبيكون ..

ام جابر : بيكون الله ساتره بس انتوا صفوا القلوب ويمشي الحال ..

نور : والله قلوبنا صافيه الدور عليهم ..

ام جابر : وانتي يالعوبا ..وشدراج بلي في القلوب ..؟

نور : مايحتاج اعرف ..بروحج جفتي ..بنت العم ..شلون سلمت ماتجوف طروح نجد ..(مثل يقال للانسان المغرور ) ..

ام جابر : ماجفت اللي جفتيه ...واذا هي رافعه خشمها يحق لها ..
نور : لاوالله على وش ..

ام جابر : نوير لاتنسين انها جايه من عز ورخى ...وبين رمشة عين كل شي تحول ..يعني بعدها على عيشة عز عمرها ماتعاملت مع

ناس مهب من مستواها ..

نور : بنت محمد اجوفج تعذرين لها ..وشي اللي وراج ..؟

ام جابر : وراي العصا ..اللي بتلعب على ظهرج ...يالعوبا ...معيه لاتفهمين ..

نور : يمه فاهمه ... بنجوف بكره ..بتقدرين عليها ...

ام جابر : يمه لاتخلين قلبج يحكمج ..مب من مره تعرفين الواحد ...من مره مرتين يمكن فيها يكون شين ومره يكون زين ..لازم

تعاشرينه ..عشان تحكمين ...لاتغرج النظره الاولى بعظهم ودج به من تشوفينه بس من معاشرته تكرهينه ..وبعضهم تبغضينه بس

بعدين ودج به ولا الناس كلهم ..واظن قد عرفتي هالشي ..


نور عرفت يدتها من تقصد مرة محمد المرحومه ..: الله يرحمها يمه ..
ام جابر : عشان جذي اقول لج لاتتسرعين ...ابخسي الناس اول بعدين احكمي ...مثل مانتي الحين تنقدين عليهم اكيد هم بعد ينقدون

عليج ..

نور تذكرت موقفها مع فهد اكيد اول واحد بيتنقد علي هو ..: ان شاء الله يمه ..بحاول ..
ام جابر : بعدي بنتي ... خليكم دايما ...كذا لاتنقدون حد ولاحد ينقد عليكم ...

غلا : يمه نبي ..نروح الجمعيه ..

ام جابر: شعندكم ...

غلا : بكره عندنا عشا وناقصه اغراض ..

ام جابر : وين خوانكم ..؟

نور : خالد راقد من بعد صلاة العصر ...ومحمد مادري وين طلع ..؟
ام جابر : يامكم عاجزه من المراح ...

نور : انزين شنسوي ..

ام جابر : انطرو محمد ...

نور : اففففففففففففف نقعد ننطر شورانا ...

ام جابر : خلونا من ذا الهرج ..قوموا افرشوا لنا برى ..وقوموو شهد ..

نور : ان شاء الله ...
البنات قاموا يفرشون الحصير ...ويعدلون القعده للجده ..وبعد ماخلصو

غلا راحت تصحي شهد ونور راحت للمطبخ تجيب القهوه

والشاهي والحليب ... اول ماوصلت المطبخ حصلت الخدامات مسويين فطاير وكيك ..قالت للخدامت يلحقونها بالقهوه وهي بتشيل

الصحون ..وراحت لمكان اللي فارشين فيه ونزلت الاغراض ..وانسدحت على المفرش وراسها على مركى اليده اللي للحين مايات ..
ام جابر وهي نازله من الدري بمساعده غلا ..اللي ماسكه شهد وهي دايخه من النوم ..: نوير ...اخسي على الوجه وين النقاب ..
نور وبعدها منسدحه : يمه نقابي هنا ..اذا حد جا لبسته ...
ام جابر وهي تقعد : اذا حد جا وليه تنطرين حد يجي وبعدين تلبسين ...البسيه يمال العافيه ..لاتنسين البيت اللي جمبج فيه رياجيل ..
نور وهي قاعده وتلبس نقابها بمضض ..وبعاداتهم هي وختها في البيت يلبسون جلال نقاباتهم اذا طلعوا برى عند يدتهم ..: وهاذا

لبست ..
ام جابر: بعدي بنتي الجيده ...
نور مسكت الدلال وقعدت تقهوي يدتها ..وشلت شهد في حظنها اللي تتسدح بعد النوم فيها ..: من اللي بيروح معاي الجمعيه ..؟
شهد وهي تصحصح من سمعت الكلمه السحريه : ابي الوح ..اموووووووه (ابي اروح عمموه)
نور : اولا اشربي الحليب ويي ابوج انروح .... شهد خذت القلاص اللي بردته لها نور وعطتها اياه ..شهد وقت اللي تبي شي تكون

اطيع منها مايوجد ..




----...----...----...----...----




كان يتمشى في الحديقه متملل من اجواء بيتهم ريم وفهد طلعوا مادري وين راحوا وامه قاعده ترتب باقي الاغراض مع الخدم ...

وصل لقريب من الفاصل العشبي اللي بين البيتين ...سمع اصوات وضحك .... كان وده يقرب ..بس تراجع .... ماحب يتطفل ...



رجع ورى وكمل طريقه واصواتهم تجذبه ...وقف في نص الطريق متردد ... وده يقرب منهم بس يمكن يكون وجوده غير مرحب فيه

...بس وده يتعرف عليهم ...اذا ماهو ابتدا بالخطوه الاولى مستحيل هم يبتدون فيها ...

سعد رجع ... لازم اتعرف على هلي ...رجع

وقف عند الحاجز ...وعطى نفسه دافع شجاعه كانت ناقصته ..تنح تنح ..
وقفت وحده مب طويله وطالعته بنظرات عيونها الكبار بستغراب

..سعد بخجل ..: سلام عليكم ....انا سعد ولد عمكم ..

ام جابر من ورى الحاجز : حياك يمه ...قرب ..قرب...فديتك ..


سعد ارتفعت معناوياته بعد نظرات هالقزمه ...حس انها بتطرده ..: الله يحيج يمه قرب منها وحب راسها ...وقفت وحده ثانيه طويله

شوي اطول من الثانيه ...وقفت جنب القزمه ...


وسعد يطالعهم ...: شلونكم بنات ..؟

نور : الله يسلمك شلونك انت ..؟

سعد : بخير يابنت العم ...قعد جنب اما جابر مكان ماأشرت له يقعد....وصبت له قلاص حليب كرك وقربت له صحون الفطاير


والكيك ..
سعد حس انه قاعد في مكان خيالي كانه يحلم ...حلم من احلامه العائله مجتمعه واليده اللي عمره يتمنى يكون عنده مثلها

.
..حس بسعاده ..بس فيه حاجز بينه وبينهم كان وده يكسره ...فطالع

بنات عمه ..: الحين القزمه منه والنخله من فيكم ...؟

نور انصدمت منه ...سكتت شوي تستوعب اللي قاله .... الدب ..: القزمه اسمها الشيخه نور والنخله غلا يالزلمه ..

سعد ضحك عليها مهي بهينه بنت العم ..مربوشه ...زين والله فيه حد مثلي ...: قصدج الشيخ سعد ..الا يالشيخه نور مخلصه ولا ..

نور ابتسمت شكله ولد العم نفسه خفيفه مب مثل ثقيل الطينه اخوه

..: الله يسلمك تخرج تخصص رياض اطفال ..

سعد : مشاء الله عيوز يعني تخرج ...

نور : عيز حيلك يالبزر ..

سعد : ههههه على الاقل بعدني ريعان شباب ..وانتي النخله ..؟

غلا : نخله زرعت في راسك ...سنه اولى ..

سعد : روضه ..

غلا : لا الروضه حقك انت وشهووود ..جامعه ..

سعد : فديت الروضه اذا فيه مثل هالقمر ..مسك شهد وباس خدها ...

نور : شوي شوي على بنتنا لا تاكلها ..

ام جابر : اهبي على قوة ذا الوجه يانوير ..

سعد : يمه عادي ...عمتها يمكن خاطرها تاكلها بلسانها ..

نور : بكيتك ..يالدب ..عليك لسان يغطي علي ..

سعد : ماديرتي العرق دساس ..طالع عليج ..

نور : وينه هالعرق عشان اقطعه ...

سعد ابتسم ...: اسمعوا بنات العم عندي لكم كلمه واتمنى تسمعوني ..

نور وغلا بفضول طالعوله واستمعوا ...ام جابر : تفضل ..

سعد : حن عيال اليوم ...وانا ماددري شصار من عشرين سنه ..ولايهمني ..اللي يهمني اني لقيت هلي ...واتمنى ان نكون عيال اليوم


ونتجاوز خلافاتنا ...لان ودي اكون اخوكم ..ونذر على هالرقبه ماتشوفون مني شي مايعجبكم ...

ام جابر ببتسامة فخر : تسلم ياولد عبدالعزيز هاذا العشم فيك ....

سعد : هاه وشقلتوا ياخواتي ..

نور : مثل مااعتبرت نفسك اخونا احنا عادينك اخونا البزر ..

سعد ارتاح لانه عرف انهم ماردوه وضحك كان وده يقوم يرقص ...: تسلمين يالقزمه ...

غلا وهي تضحك بنعومه ..: والله وجا يومك يانوير واللي يقدر لج ..

نور بشموخ : انا الشيخه نور هالبزر يقدر لي اقري العب مع شهد ..

سعد : ههههههه والله كنت شاك ان عمي ماخذ مصريه ..
نور : بكيتك ..



: السلام عليكم ..



سعد انتفض من هالصوت البارد ...
رفع عينه جاف ولد عمه محمد ...
يطالعه بنظرات وقف شعر جسمه منه ..برود وغضب كانت


نظراته موزعه بينه وبين خواته ....
سعد تحدى هالنظره وقف يسلم عليه ...

محمد سلم وقعد جنب الجده وهو يطالع اخواته وده يذبحهم

على هالقعده مع سعد وبعد فالينها يسولفون ..

محمد بصوت بارد ..: شلونك سعد ..؟

سعد بشاشه ..: الله يسلمك ولد العم شلونك ..عسى ماخلاف ..؟

محمد : بخير ..الله يسلمك ..

سعد : السموحه ...ترى دقيت الميلس ماحصلت حد ويوم رجعت جفت بنات العم قلت اسلم ...

ام جابر : سعد يمه لاتعذر هاذا بيتك ..وبيت عمك وقت مابغيت تعال العين اوسع لك من الدار ...

محمد خفت نظراته ..: سعد البيت بيتك ...واحنا اهل ..

سعد ارتاح ...بس بعد حس ان محمد للحين مب متقبله ...فنحرج من هالشي بس تحمل ..عشان مايبين له ...قعد يشرب قلاص الحليب

..

محمد وهو يطالع خواته ..: خير شعندكم حارقيين الجوال بتصالاتكم ...؟

نور : الخير بوجهك ...بغينا الجمعيه ..
شهد وهي تنقز من حضن الجده ..: بلوح الدمعيه ..(بروح الجمعيه )

محمد : وانتي بعد ؟ لالا عيب البنات يروحون ..

شهد وعيونها انترست دموع ...: بلوح ..

محمد وهويسحبها لحضنه ...ويبوس خدودها بقوه ...: اودي مندوبج ...لو تبين بروحج انروح ...بس لاتصيحين ..

نور : لاوالله على كيفك ..

محمد : لاوالله على كيف الشيخه شهد بنت محمد ..

سعد بضحكه ..: مشاء الله بيتكم متروس شيوخ ..

نور : ماعليك بس حقوق الطبع لدى الشيخه نور ....

محمد : انزين اي جمعيه ...تبغون ...؟

نور : كارفور اللي في فيلاجيو ..أقرب لنا ...

محمد : معليه........... بس ياليت تخلصون لان وراي شغل بعد المغرب ...محمد طالع سعد ...: تخاوينا ...؟

سعد : والله ودي بمخاواكم بس الوالده بروحها ...

محمد : اهاا ..على هواك ...

البنات قاموا يلبسون وشهد معاهم اللي تجدد نشاطها بعد طاري الجمعيه ...

سعد قعد شوي ورجع لبيتهم ...وهو مملؤ بمشاعر يديده

..ماعرف لها ...سعاده انتماء وخوف من المستقبل اذا عرفوا خوانه بهالخطوه ...



----...----...----...----...----




واقف قدام محل الاثاث بتملل ..ينطر ريم تخلص ...طالعها كانت واقفه عند الكشير ..تحاسب ...

فهد طلع سويجه عشان يطلعون من

ظهر وهم في المجمع زهق ..

ريم : فهد ممكن نمر كارفور ..

فهد بزهق ..: بعد ...معليه بس لاتتأخريين ..

ريم : لالا ماراح أتأخر ...شغله بسيطه ...

دخلوا كارفور .ريم بخطوات سريعه عشان فهد مايعصب عليها راحت قسم الشامبو تاخذ لها ..وهي واقفه ...جذبها صوت ضحكه


قد سمعته في مكان قريب ...اللتفت جنبها ..فهد ماكان موجود ..بس بنيه صغيره لابسه فستان كاروهات وردي مع ابيض واصفر

وشعرها الناعم مفتوح يداعب خدودها المليانه.....جافتها مع بنات عمها ..واقفه جنبها وتضحك ..قالت بصوتها الطفولي ..: اموووه

بابا ...يحقني ...(عموه بابا يلحقني ..)
ريم بضحكه لان شهد كانت مشبهه عليها لان لابسه نقاب ..: حبيبي ..انا مب عموه ..ومسكتها من زنودها ...شسمج ..
شهد ببتسامه ..: انا دهوود ...( شهوود)
ريم : عهود ..ياحلو اسمج ..انتي حلوه ..
شهد : انتي حووووه ...وااايد ..
ريم : مب مثلج ...تعالي اوديج عند ماما ..
شهد : ماما ..وين ماما ..؟
ريم : بندور لها مع بابا فهد ...

شهد : ابي ماما ...امووووووه تليني ...(شليني )

ريم وهي تشيلها ..: تعالي ...

حصلت فهد واقف ورى رف الكتب يتصفح له كتاب ..طالعها بنظرات
استغراب ..: خير ..

ريم ..: مادري على بالها اني امها ..

فهد بضحكه حزينه ..: ما أظن امها ...امها متوفيه ...

ريم بصدمه ..: والله ...حرام ..طالعت شهد اللي اطالعهم بنظرات استفسار ..مب فاهمه السالفه ...
ريم حست بحزن يجثو على

صدرها ..لمت شهد وباست راسها ...شهد ماصدقت ريحت راسها ولمتها ..

فهد : ممكن تخليين حصص الامومه فضحتينا ..

ريم انحرجت نست نفسها ..: ابيه سوووري ...بس كسرت خاطري ..

فهد : انزين ..اكيد الحين اهلها ..يدورون لها ..مشغوليين ..

ريم : مبيين ...شلون هاديينها بروحها ..

بصوت رجولي خشن ....: شهد ..
شهد تمللت من حضنريم وركضت صوب الصوت
...اللي كان صاحبه شاب وسيم رجفت اطراف ريم من منظر الحنان اللي لم فيه


شهد ورفعها لصدره ..وباس خدها ..كان حضوره طاغي ...هز كيانها ...

محمد قرب منهم وسلم على فهد ..: السموحه ازعجتكم ...ماتخلي حركتها ..كل مره ..طالعها اخر مره اوديج ..
شهد : حلات مألووح بابا ..(خلاص بابا ماروح ).

فهد : ماحصل الاالخير ..الله يعينك على شطانتها ..

محمد بضحكه ..: الله يعيين ..يله استأذن الاهل معاي ...

ريم وهي تكلم شهد اللي واقفه جنب ابوها ..: باي شهود واشرت لها بيباي ..

محمد تجاوز الريم وهو يطالعها بنظرات جليديه .. لانه عرف صاحبة الصوت ..من كلمت بنته ..كان الاحتقار ماليه ....شال بنته

وراحوا تحت صدمة الريم من نظرات ولد عمها ...

فهد : خلصتي ...؟

ريم وهي بعدها تايهه ...:
لا ...ورجعت للقسم اللي كانت فيه وهي مب في شعورها من ولد عمها اللي خلبط كيانها ..من الوسامه

لنظرات الجليديه ...ليه ..؟

-

----...----...----...----...----



رجع يتصفح الكتاب وهو متملل ..ينطر اخته تخلص .. وهو يفر الصفحه ...انتبه لصوت وراه ...صوت مب غريب ....معاه صوت

ثاني ...
غلا : خذي هالقصص احلى ...

نور : اقلبي وجهج اقولج مبزره ...تقوليين قصص ...ابي كتب تعبيريه يعني اصور فيها تعبر اكثر ..

غلا : انزين خذي لهم احرف ...

نور : شكلي باخذ خيزران ...هههههه عشان العن خيرهم ...مايزعجوني ..

غلا : مالت من مدرسه ...هاذا وانتي تدريب جذي عيل بعدين ..

نور : اوقفهم في الحوش..خخخخخخ
غلا : هههههه بكيتج .... والله مادرس عيالي عندج ...

نور : زمن اللي يقول انج بتعرسين ...بتقعديين عااانس ...

غلا: احسن اقعد مع ابوي اوانسه وحدته ..

نور : ههههه مسكينه ...

غلا : ليه مسكينه جايفتني اطر ..مثلج ههههه

نور: بكيتج انتي وياه ..واللي يقولج سالفه ....

غلا : ههههه والله مسخره ..

نور : المسخره شكلج ... يالسخيفه ...والله لوجفته مره ثانيه امسح في خشته القاع .. البايخ ..بكيت ويهه ..

: ليش شايفه ويهي ...؟

نور وغلا اشهقوا من الصدمه ...نور طالعت وراها ...كان واقف وراها ومكتف ايدينه على صدره ويطالعها بنظرات تحدي ....نور

الصدمه لجمت لسانها ...

غلا استغلت اللحظه فسحبت اختها وراحت معاها ...لانها تعرفها مب ساكته ....ملسونه ...وهم بعيد منه


اللتفت نور له بنظرات غضب ...
بس هو رد النظرات بتحدي واضح ...وهي ترد عليه راح ارويك ياولد العم ...وفهد يبتسم بسخريه


..وعطها ظهره ...نور انقهرت منه ومشت وهي تتحلف فيه ....

فهد رجع الكتاب مكانه وهو يضحك ...
كان عارف مافيه حد قريب منهم عشان جذي
كلمها ...والله طلعت قويه بنت العم مب هينه

هالقصيره ...بنجوف شبتسوين ...بتقدرين علي والا ...؟
فهد حس كان فيه مثل الشعله تتقد في صدره ...تحدي ...سعاده ..شعور


خفي يداعب اطراف صدره من جاف عيونها الكبار ...المتحديه ...يمكن لانها اول وحده اطالعه بنظرات غير الشفقه ..من حالته ..



----...----...----...----...----


من طرف اخر ..كانت تشل اغراض وتحطها في السله من غير لاتشوف ...وغلا ترجع الاشياء اللي مب محتاجينها
....وتهز راسها

لانها تعرف عصبية نور ..

غلا بقهر : نوير خلاص ...شفيج ...فضحتينا ..

نور : ماقدر اللي مايستحي ..داري اني ماراح اقدر ارد عليه ...بكيت وجهه ...

غلا : نوير ممكن تخليين التعصيبه في البيت ...ترى محمد قريب ...
نور انتبهت ...: افففف ..خذتي فايين ..

غلا : ايه ...يله نروح نحاسب ...

نور مشت ورى غلا وباله مع مكان ثاني لشخص
...اشعل الحرائق في فؤادها ... ثاني مره يحقرها ...اهو ليش جذي معاي ..كله في

موقف غلط ...في وقت غلط ...بس محد قاله يسمع ...لان اللي يتسمعون ماراح يسمعون شي يعجبهم ...بس براويه ..اذا ماكنت نوير

بنت ابوي ...


واقفه في نص الغرفه وتجهز اغراضها في شنطه صغيره ..جلابيات وبدلتين ..وكم جلال ..وفرشاتها ...ولوازم سهر طبعا كلها دايت



..وابييه ..الابتوب ...بعد نسيته ...شالته من فيشة الكهرب وحطته في الشنطه ..مب مصدقه ..من قالت امها انهم بيباتون في بيت



خالتهم ...ابوهم سافر لسعوديه ..عشان واحد من ربعه صاير له مشكله ..ويمكن يطول هناك ..كم يوم ...يوم اتصلت في نور تبلغها



..نور ماصدقت قالت بطرش لهم محمد ...عشان يوون من ظهر عشان محد عندهم ...لانها تعرف ان حمد مايحبهم يروحون مع دريول

بروحهم خصوصا اذا هو مب موجود في البلاد ...

شيخه لبست عبايتها ونقابها المحفور شوي وكانت حاطه كحل مامسحته من يات من المحاظره وشيلتها ...ونزلت اغراضها لصاله

اللي كانت معفوسه ..اغراض خواتها ..وامها ...اللي يجوفهم مهاجريين مب يوميين ..

شيخه : وحليلي ..وانا اللي متكاثره اغراضي ...حصوص وين امي ..

حصه وهي ماده البوز ..: مادري ..

شيخه : اخسي يالنفس الخايسه ...
حصه : وانتوا ماحلى لكم المراح الا الحين ....ما كأن احنا راديين
من المدارس تعبانيين ..

شيخه : اها ..كل هاذا عشان الرقده ..خبروها عليج ...فارقي بس ...طلعي اغراض مهوي ...لانها بتطلع مع غلوي مناك ..

حصه : بعد هاذا اللي ناقص ..اشتغل عندج انتي واختج ...مشكلتج روحي انتي ..

شيخه وهي باديه تعصب : حصوص ..روحي دام النفس عليج طيبه ..

حصه : لا مب رايحه شبتسوين ...

شيخه وهي تسحب الخيزران من فوق كبت الصاله مكان ابوها مايحطها ..: بامردغها على ظهرج ..

حصه شردت لغرفة امها اللي تحت وهي تصارخ : يماااااااااااااااااااااااااااااه ....يماااااااااااااه ..

شيخه فسخت صندلها عشان مايعوقها ..ولحقتها ...: طلعي ..لاشلخها الحين ...

وضحى وهي واقفه بينهم ..وحصه ورى امها ..: خير خير شعندكم ...؟
شيخه بعصبيه ..: ملعونة الصير ذي اطرشها تقولي منا بخدامتكم ...
حصه : والله اني صادقه الخدامه في المطبخ ليه ماطرشها ...تحنها وانا ماتحني ..توني جايه تعبانه من المدرسه ..

شيخه : وليه يالشيخه محد تعبان الا انتي ..كلنا تعبانيين ..

وضحى ..: حصه روحي للاختج مطرشتج له من غير مناقشه وخلصوا ولد خالتكم ينطر برى ..عيب عليكم استحوا شوي ..

حصه طلعت من الغرفه وهي تحلطم ...على شيخه ..شيخه استانست من الخاطر انها مشت كلمتها ...

وضحى بعد ماطلعت حصه : وانتى يالكبيره ...تشوفينها جايه عاجزه تمريين عليها ارحمي شوي ..

شيخه بقهر : والله مطرشتها لاغراض اختها ...جزاتي مابغي الخدامه تحرك اغراضها ..

وضحى : وانتي ياراعية المعروف ليه ماجهزتيها لها ..

شيخه : والله وهي شعازتها قاعده في الصاله وحاطه رجل على رجل ...

وضحى : شيوخ اصطلبي ...ورحي حطي الاغراض في السياره انتي والخدامه ودي نوره معج عشان اقفل البيت اذا طلعت حصه ..

شيخه راحت الصاله وهي تصارخ تنادي الخدامه تشل الاغراض معاها ..ونوره ..
كانت سياره موقفه صوب البوابه يعني الدبه صوب بوابة الصاله ...حطت الشنط والاغراض ورى وسكرت الباب بقوه لانها معصبه

على اختها ..كانت سيارة محمد يوكن 2007 بطلت الباب الثاني اللي ورى اللي جنب السواق ..وركبت نوره ...وهي تحلطم ..
: شوي شوي على الباب كسرتيه ... مب يد عليج ولا مريم الغضبان ...
شيخه بصدمه : خااالد ..
خالد وهو يلتفت عليها ويرفع نظراته يرفع فيها شعره الناعم ماكان لابس غتره وفاك الزرار الفوقاني ..ومرجع ايدين ثوبه الكبك ورى

:خير ..
شيخه : لا على بالي محمد اللي بيجي ..
خالد : وليه ..شفيني مب عاجبج ..
شيخه الحين هاذا انا ناقصته يكفي امي وخواتي مصدعيين فيني : شبي في عشان تعجبني .. بتشتغل عندنا .. وركبت وسكرت الباب

بقوه عناد فيه ..
خالد رجع لكرسيه ولف المنظره عليها ...: كسرتي سيارتنا ...ترى مب جايبينها من الكراج ..
شيخه : مهيب سيارتك ...بعدين ليه ماجيت في سيارتك ...خايف عليها ...؟
خالد : عشان تبعجينها ...لا لامانا مستغني عنها ..
شيخه : وععع من زينها ... والله لو تحط لي مليون ريال لين بابها ماركبتها ...
خالد : اصلا ماركب سيارتي الدبب ..تكسرينها ...
شيخه حزت الكلمه في خاطرها ...سكتت تبلع الم الكلمه اللي معقدتها ...وتحاول تخفي دموعها ..لفت على الدريشه ..ونزلت طرف

شيلتها على عيونها ...
خالد كان يتعبث في المسجل ماأنتبه لسكوتها .. ولاعلق يمكن ماعندها رد ..طنش وقعد يكمل بحثه عن شريط يسمعه ...وصلت خالته

وركبت السياره وسلمت عليه ...حصه جات صوب الباب اللي قاعده عنده شيخه ..وفتحته ...: زحمي ..
شيخه : فارقي الصوب الثاني ...
حصه : وانتي ليه ماتزحميين تعبانه الف ...
شيخه : حصوص فارقي مالي خلقج ..وسكرت الباب بعصبيه ..حصه خافت لانها تعرف ان شيخه ..معصبه ...اهي كانت تبي

تغايضها بالعاده تتقبل منها ..
خالد : بل يالدبه ماخذه المكان كله كان زحمتي لها ...
شيخه : دبه مب من خيرك .... من خير ابوي ..
وضحى : شيوخ اهبي على طولة ذا اللسان ...
شيخه : والله ماقلت شي ..الدور على ولد الخاله ...اللي ذلنا على هالمشوار ..
خالد وهو يطالعها بنظرات ناريه : مهب العشم فيج يابنت الخاله ..تنداس رقبته في تراب اللي بيذلكم ..
وضحى : تكرم يالغالي ماعليك منها ...وضحى اللتفت لشيخه بنظرات غاضبه ..وتهديد اذا زوديتها ياويلج ...شيخه ماهمتها نظراتها

اهم شي انها انتقمت لكرامتها منه ...
خالد كانت النار تتصاعد داخله ماحب يطولها عشان خالته ولا كان عرف شيسوي معاها شيوخ ...ماتيوز عن هاللسان ... بس ماعليه

اراويج اذا ماكنت خالد اراويج ....صج المذله ...



----...----...----...----...----



وقفت اطالع الظالم اللي لاف البيت بنظره اخيره ...كان بيتها لسنوات طووويله ..وسنييييييين طويله من الغربه اخيرا بترجع للبلاد

..وبترجع لأهلها ...لبيتهم القديم ...مثل ماعرفت من فهد ..البيت الكبير ...سكرت الباب ...على ذكريات حلوه بس وحيده ... اخير

بترجع ...عشان تستقر هي وعيلتها ..
: يمه خلصتي ...؟
طالعته بنظرة حنان : ايه يالغالي خلصت ...يله ..
: يله ..مشينا ابوي ...بيوصلنا وبيرجع وراه وفد يستقبله ..
: يله ..
نزلت لسياره مع ولدها حمد وهو يشيل شنطتها ....ركبت السياره ...وهي تودع بيتها وحيها بحزن ...يمكن عشان الذكريات الحلوه ..
ابوحمد وهو يكب جدام ..ويطالع مرته : عفرا اكيد مافيه شي في البيت ...لان مافيني ادور ..يادوب اخلص هالاسبوع وانا لاحقكم ..


عفرا : لا مافيه شي متأكده ...
حمد : يبه ..نروح بيت خالي ...

ابوحمد : ايه ...اول ماتوصلون تكلموني ..وكل مطار توقفون فيه بعد ...
حمد : ان شاء الله ...

(( حمد 23 سنه وحيد امه وابوه .. وسيم ..طويل عريض المنكبيين ...شاب طموح توه متخرج من جامعه في

امريكا اللي كان ابوه يشتغل في سفارة البلاد في امريكا ...تخصص هندسه عمرانيه ..حمد كان جماله شيوخي والكل كان مييت عليه

في الجامعه من الجنس الناعم ...وهو من النوع اللي يتخقق بهالشي بس مايعطيهم ويه ..وفيه غرور بس مب زياده يعني ثقة نفس

..))


نهاية الفصل الرابع

(الفصل الخامس )


دخل الصاله وحط نظارته والسويج فوق التلفزيون بعصبيه ...حصل يدته قاعده حب راسها وقعد جنبها ..طالعته بحنان وحطت يدها

على ظهره ...



ام جابر : وين وضحى والبنات ؟
خالد : جايين ينزلون الاغراض ..
ام جابر : شلي مضيق خاطرك ...
خالد : ماشي ...يمه يمكن الحر ..


مسحت على شعره بحنان ..: قم يمه حط راسك شوي قبل صلاة العصر ...
خالد هز راسه مواقف قام وحب راسها وهو رايح لغرفته ...
وهو مايبي يتواجه مع شيخه لانه يعرف نفسه بيفقد اعصابه ...وهو يبي

يعطيها درس بس على هداوه ...
دخل غرفته حذف روحه على السرير ...
وانبطح على بطنه وحط المخده تحت ذراعه ...
وغمض عينه يبحث عن السكينه من افكاره

..المختلطه ....
لكن رنين الجوال قطع افكاره ....رفع الجوال ...جاف الرقم ...ضحك بسخريه ...حطه سايلنت ...وحط راسه يريح

شوي ....اذا قام بيتصل ...


--------------------------

دخلت الصاله وهي محمله اغراض ... نزلتها على الارض عشان الخدامه توديها فوق ..تقدمت خواتها وقربت من يدتها وسلمت عليها

وحبت راسها ... وقعدت جنبها ...

وضحى وبناتها سلموا وقعدوا والوجوم مخيم عليهم ماعدا نوره اللي مب حاسه بلي حوالينها ..

تبحث بعيونها عن صديقة دربها شهد ...
فبعد ماتخلصت من ايدين امها ويدتها اللي كانت تحبها
...راحت ادور شهد ...


وضحى بضيق : شلونج يمه ..؟
ام جابر : الله يسلمج .. شلونكم ..وشلون بناتج ..؟
وضحى وهي اطالع شيخه
بنظرات عتب غاضبه ...: ازهليهم هالبنات
عند ارواحهم عايشين .. على طول ذا الاسن لاتخافيين مهب

صايير لهم شي ..

شيخه تنهدت بغضب
مايسوى علينا هالخلود ...يسب ويشخط فينا ..
واذا حد رد عليه قامت الثورات عشانه ..
.شيخه عارفه ان طول

ماهي تشوفها بتقعد تعيد وتزيد وتجبرها على شي
...لو تموت ماسوته ...انها تعتذر ...
.فشالت نفسها وراحت

لغرفة نور ....

دخلت الغرفه حصلت نور منسدحه على جنبها وشهد جنبها
...راقده ...قربت من السرير وفسخت
عباتها وحذفتها على الكرسي

القريب منها وكان مصير النقاب والشيله نفس الشي ...ونسدحت جنب نور ....


نور وهي نعسانه ...: يتوو..؟
شيخه وهي منسدحه وتفكر ...: تونا ...نامي ...لاني برقد ...
نور كملت رقدتها وشهد حاظنه يدها
..شيخه ....كانت في عالم ثاني ...
عالم متأرجح بين الندم وبين القهر ..ندمت انها فقدت

اعصابها قدام امها ...
والقهر ان الكل بيشوفها غلطانه ...
وهي مراح تقدر ادافع عن نفسها ...والكفه كلها لصالح خالد ....وانا

كرامتي فوق اي اعتبار حتى لو على قطع رقبتي ...غمضت عينها تبحث عن الراحه من أفكارها ...

----------------------------

قامت على صوت اذان الساعه ...كانت الساعه 3 عصرا ً..طالعت جنبها مها بعدها نايمه ..كان فيه راقد تحت على الارض طلت من

فوق السرير ...حصه كانت نايمه ..غلا ضحكت على شكلها كانها طايحه من فوق رجل في صوب وايدينها مفتوحه ..قامت تتمدد

عضلات ايدينها وراحت تتوضى لصلاة العصر ....بعد ماطاعت نشفت ايدينها بفوطتها الزهريه ...وطلعت لها جلال ابيض يناسب

جلابيتها الورديه مالت البيت ..وطلعت تجوف خوانها راحوا المسيد وتقوم نور ...
مرت صوب غرفة محمد ..... حصلته قاعد على السرير بسروال وفانيله وبعد النوم فيه ...: الصلاه لاتفوتك ...
محمد طالعها بعيون حمر من تأثير الرقاد ..وحك راسه : ان شاءالله .... شهد وينها ..؟
غلا ببتسامه حنونه ...: اعتقد عند نور يمكن راقده ..
محمد وهو يقوم يتمدد ..: تأكدي ..وينها ...
غلا : ان شاء الله ..مر على خالد قومه ..
طلعت من عنده وهي متوجه لغرفة نور ...دخلتها كانت مظلمه ..الستاير مسكره وشيخه ونور راقدين وشهد اللي لازقه في ظهر نور

..ودافنه ويهها فيه ..
بطلت الليت ..وفتحت الستاير ...: نور ...شيخه ...قوموا لصلاة العصر ...
نور حطت ايدها على عيونها .. : كم الساعه ..؟
غلا : 3وربع ..قومي ورانا عشى ...وقومي شيخه ..لصلاه ..


نور : اوكي ..وقعدت في نص السرير لان شيخه وشهد راقدين على كل طرف ..ونزلت من الطرف الوراني مال السرير ....غلوي

ولاعليج امر قومي شهود لين اتوضى ..
غلا وهي تقعد على السرير عند ريول شهد ...: شهووود ...وحركت ريولها .....حبيبي ...قومي ...
شهد وهي تمتم بكلمات غير مفهومه وادس ويهها في المخده ...غلا ..: شهوده ...من اللي بيسوي معاي كيك ...
شهد انسدحت وهي تفرك عيونها ...وبصوت نعسان ...: انا ..ابي ..
غلا : يله قومي ..نصلي ونروح نسوي كيكه ...غلا شلتها ..وشهد دفنت ويهها في رقبتها وحظنت عمتها ..غلا راحت فيها لغرفتها

...عشان تغسل ويهها ..وتصلي ...
دخلت الغرفه حصلت مها بعدها راقده ..وهزت راسها ماتشبع راقد ...دخلت شهد الحمام ((وانتوا بكرامه)) وغسلت ويهها ..وطلعتها

ومسحت ويهها بفوطتها ...بس مامسحت ايدينها بعدها فيها ماي ...لان كان لها نيه ...قعدت شهد على كرسي التسريحه ..وافترت

لمها وايدينها متروسه ماي ...ومسحت ويهها فيه ...مها تخرعت ...وبطلت عيونها من الخرعه ....
غلا : يله قومي صرنا المغرب وانتي ماصليتي ...
مها وهي تمسح ويهها ..: وجع بكيتج خرعتيني ..
غلا : احسن بتفوتج الصلاه ..
مها وهي تقعد ...: هاي حصوص ....
غلا : ايه ..
مها : وليش ماقومتيها ...؟
غلا : بقومها بعد ماتخلصين .... خليها تريح شوي ...
مها : لاوالله ...وانا المسيكينه مالي رب ..
غلا : خلصي يله بخلي شهود تقومها عشان تقوووم بسرعه ..
مها : معليه ..ياويليج اذا طلعت وهي ماقامت ...
غلا : بس يله خلصي ...
بعد مادخلت مها الحمام ...قعدت على الارض تقوم حصه ....: حصوص ...حصوص..
حصه كانت خارج نطاق التغطيه ماردت عليها ..في سابع نومه ...غلا بزهق ..: حصوص ...قومي ..
حصه ماردت ....
غلا انقهرت منها ..: شهوود تعالي قوميها ..
شهد وهي تلعب في غراش العطر ..: مابي تبدني ..(مابي تظربني )..
غلا : تعالي ماراح تظربج بظربها ...
شهد وهي تنزل من الكرسي وتقرب من غلا وتحط ايدها على رقبتها ...وبصوت هادي : حده ..حده ..(حصه )
غلا : وايد عليج ..ركبي على بطنها ..وقوميها ..
شهد ماصدقت حذفت روحها على بطن حصه ..اللي نقزت من الخرعه ...وقامت ..: حدوود دومي ..(حصوص قومي )..
حصه وهي تمسك شهد من زنودها عشان ماتنقز زياده على بطنها ..: بقوم ..بس نزلي حد قايل لج ملاهي ..نزلي ..
غلا : لاوانتي الصاجه حماار ..
حصه : حمار ريلج ..شلي بنتكم لا اعضها الحين ...
شهد وهي تنزل خايفه ..وتروح ورى غلا ..: ماتقدر تسوي لج شي بعضها ..
حصه وهي ادز ركبة غلا : بس فارجي يالعصلا ..كف واحد الا وانتي لازقه في الطوفه ..
غلا وهي تشيل شهد ..وتاخذ كرتون الفاين وتفره على راس حصه اللي بعدها منسدحه في الفراش ..حصه فزت من الظربه وقعدت

على حيلها ...
حصه : بكيتج ارويج ...
غلا شردت لغرفة نور ...عشان تصلي ...اول مادخلت .....جافت شيخه قاعده على طرف السرير وشعرها ملتف حوالينها وحاطه

يدها على حلجها ويهها اصفر ...
غلا بخوف ...: شيوخ شفيج ..؟
شيخه بصوت واهن ...: جبدي لايعه ...احس برجع ...(وانتوا بكرامه )..
غلا : انزين ايب لج شي يودي اللوعه ..
شيخه وملامح القرف زادت عليها وهي تنفي ..: لالالا ..بس ابي الحمام برجع ..
غلا ...: حمامي خواتي فيه ..
شيخه وقفت لانها ماعادت تقدر تتحكم في نفسها ..وطلعت من الغرفه ادور اقرب حمام (وانتوا بكرامه ) ...اول غرفه في ويهها كانت

غرفة محمد دخلتها وسيده الحمام ....لين فرغت اللي في بطنها ....

-------------------------------

ركب الدري بخطوتيين سريعه ... يبي سويج سيارة ..يبي يلحق يروح الحلاق قبل العشى بكره عنده دوام ومافي وقت ....غترته على

جتفه وعقاله في يده ولابس الطاقيه اللي راده شعره الناعم لورى .... دخل غرفة محمد ياخذ السويج بسرعه ...بس فيه صوت وقفه

في مكانه ...صوت حد يأن ... خالد وقف يسمع الصوت عدل يبي يتأكد من وين جاي ...الصوت كان جاي من الحمام .. توجه له

بخطوات متردده ..كان الباب مفتوح فتحه بسيطه ..حط يده على الباب وفتحه بهدوء ...
كانت واقفه عند المغسله وتغسل ويهها ...وشعرها مغطيها مثل الستار ... خالد تجمد في مكانه ..يبي يطلع بس ريوله رفضت لانه

عارف ان هاي مب وحده من خواته ...رفعت راسها بوهن ..وطالعته بصدمه وعيون مرعوبه ..اتلاحقت عمرها وسكرت الباب بخوف

وقفلته...خالد بعده واقف في مكانه بعد ماتسكر الباب ...هاي شيخه ...امبلى شيخه ...الملامح ماتغيرت ..نفسها طفوليه ...خالد خذ

السويج وباله معاها ...شفيها ...

يتبع

شيخه سكرت فتحة المرحاض وقعدت وجسمها كله يرتجف من التعب والخوف ...هاذا شيسوي هني ..كأني ناقصه ...حطت راسها

بين ايدينها لان كان يدور فيها .. وقفت بخطوات تتهاود ...وفتحت الباب بتشكك ..وبطلة فتحه صغيره وطلت وتأكدت ان مافيه حد ..

وطلعت من الغرفه ...وهي تمشي بتعب ...ومنزله راسه ...وهي تمشي طلعت حصه في ويهها ...حصه استغربت من اختها طالعه

جذي من غير نقاب وجلال شيخه من النوع اللي ماتفسخها الا في البيت ...شفيها استخفت لا وطالعه من غرفة محمد ..
حصه بخوف وهي تقرب منها بعد ماجافت مشيتها الغير طبيعيه ..: شيوخ ....شفيج ..؟ وقربت منها تمسكها ...
شيخه وهي اطالع حصه بتعب ..: تعبااانه ..
حصه قربت منها ولمتها من خصرها وساعدتها تدخل غرفة نور ...وسدحتها على السرير وعطتها قلاص مااي ...نور كانت توها

طالعه من الحمام ...وجافتها وتخرعت ...: حصه شفيها شيخه ..؟
حصه : ماادري جفتها في الصاله وقالت لي تعبااانه ...
نور وهي تقعد جنب شيخه على السرير وتمسح يبهتها ....: بسم الله عليج ...شيوخ شفيج ..
شيخه بوهن ...: ماااشي ...بس جبدي كانت لاعيه بعد مارجعت ارتحت ...
غلا وبعد خلصت من الصلاه وهي تفسخ الجلال هي وشهود اللي متحجبه بجلال نور ...: شيوخ احسن الحين ...؟ بعد مارجعتي ..

ووقفت جنب نور ..
نور : شيوخ اعطيج حبوب مالت اللوعه ..
شيخه ..: لالالا مايحتاج احس اني احسن الحين ...
حصه : شيوخ جبتي دوا القولون معاج ..
شيخه : ايه ..في الشنطه ...
حصه : يمكن القولون ملتهب ...
شيخه : عطيني الشنطه ..باكل حبه ...
نور : اكيد بيلتهب ...من الشطه اليوم في الكفتريا ...صابتها كلها على الجبس ...
شيخه ...: اشتغلت وضحى الثانيه ...
حصه : شيوخ ...حرام هاي صحتج مسؤوله عنها امام رب العالميين ..
شيخه : انزين خلاص فكووني من الصدعه وعطيني الحبوب ..وهي اطالع حصه ومابي امي تعرف ..
حصه وهي تعطيها الشنطه ...: معليه ...بس هالمره ...ياويلج ..ان عدتيها ...
شيخه وهي تضحك وتبطل الشنطه ..: معليه ...
نور : شيوخ هاذا وانتي تسوين رجييم ...لازم ..شبس وشطه ..لين اطيحين علينا مره وحده ...
شيخه : نوير ضفي ويهج ... اللي يجوفج مره ماتعسينه ...الله يرحم الكبت المسكر ...
غلا : انزين يالعوانس ...بلا هذره زايده ..يله ننزل ..نخلص اللي ورانا ...وانتي شويخ ريحي شوي ..
شيخه : لالالالا باكل حبوبي وبانزل ...ناقصه وضحى تتطلع لي تسوي لي محاظره ..وتحط حرة حمد فيني ...
نور : بصلي وانزل انا ويها ....
غلا : يله انزين خلصوا ...وطلعت هي وشهد ..اللي كانت تلعب في الجلال ..مسويه روحها فله وترقص مثلها وهي تغني اغانيها ...

-------------------------------------------

ماسك الجوال ويسمع بتملل ..ويرد بشكل آلي ...: ايه ...معليه ...ماقدر ...لالالالالا..بجوف بعدين هالايام ماقدر اجوفج ...اوكي يله

انا بدخل الميلس عندي ريايل ...باي
خالد سكر الجوال ..وهو زهقان منها ...مايسوى على عطيتها ويه لزقت وتبي تشوفني بعد .. صج بنات مغسول ويهها بمرق ...

ماتستحي ..بكيت ويهها ...
دخل الميلس ..كان ابوه قاعد هو محمد ..واثنين من جيرانهم ...سلم عليهم وقعد جنب محمد اللي يطالعه بنظرات ..: وينك ؟
خالد : رحت الحلاق ...ليه ..؟
محمد : انزين كان قلت لي ...البيت يبغون اغراض ..وان من مغرب ملتزم بهالشيبان ..
خالد : والله شاسوي تدري دوامي من فير مافي وقت ..وبعدين وينهم عيال العم ..ماوصلوا للحين ..
محمد : مادري للحين ...بعدين تو الوقت توها ست المغرب ...بعدين يله فارج لنور ...تبي اغراض من الدكان ...
خالد : والدريول وينه ..؟
محمد : مطرشه ابوي ...ياخي بتروح والا انا وانت اقعد صب قهوه لشيبان ..
خالد : لالالالا بروح ...

---------------------------------

واقفين في المطبخ الثنتين ...ويوزعون اطباق الحلا في صحون التقديم ..نور تقطع وشيخه تحطها في قراطيس التقديم وتحطها في

الصينيه ...
شيخه : نوير جزاره ...قطعي قطع صغار ..
نور : سكتي لاقطعج وحطج مع الفواله ..
شيخه : لالالالا مايصير ...حلااي واييد ...
نور : وععععععععععع ...
شيخه وهي شايله الملعقه تبي تظربها فيها ...: وععع من شيفتج ...
نور وهي رافعه السكين في ويه شيخه ..: بتؤلي ايه ...لالالا اسمعي بئا ...مش كل طير بيتاكل لحموه ..انا ائئطعك ووزعك على كل

الحتت ...(بالمصري )
شيخه وهي تضحك ..: شعنده بوحه ..ههههههه
نور وهي تضحك ..: بوحه بكيتج ...هالشين ..ريلج ان شاءالله ...
شيخه : ههههههاااي ...لالالا..حبيبتي ...الا ريلج ...يصلح لج مثلج جزار ..
نور : سخييييييييييفه ..
شيخه : مب اسخف منج ..
نور : خلصي يله خلي نخلص نروح نلبس ..قبل لاتجي اميره زمانها ..وتشوفنا جذي عشان صج تنتفخ علينا ..
شيخه : نوير ..تغاريين منها عشانها حلوه ..صح ..؟
نور بجديه وهي اطالع شيخه ..: ليه شيوخ انتي خابرتني كذا ..؟
شيخه : مب قصدي ...بس انتي وايد متحامله عليها ...
نور : لان ...وايد رافعه خشمها علينا ...ذكرتني ....بخلود ..
شيخه : الله يرحمها ..نوير انسي ..
نور : كنت ناسيه لين ذكرتني هالريم فيها ..
شيخه : نور ..سامحي ..صاحب شأن خلاص عايش حياته ...ولايفكر ..
نور : لايكون غارج بسكوته ...ترى يوفه نار مانطفت اخوي واعرفه بحر ..محد يعرف له ...بس الله يرحمها ..حتى في موتتها

ذبحته ..مب كافي ذبحت روحه وهي حيه ...
شيخه : الله يعينه ...بس ماظن ريم نفسها ..ريم على الاقل مب قاعده في بيتهم وتتامر ..تشتغل يعني لها كيان ..مستقره نفسيا ...مب

مثل خلود ..
نور : ماادري ...شيوخ ..مادري ... بس ترى احنا مانستاهل ..
شيخه وهي اطالعها بحنان ..وقربت منها ولمتها بحنان ..: اهم شي انكم عندي تسون الدنيا ومافيها ..
نور طرى على بالها شي ..كان في ايدينها بقايا كراميل ....بعد مابعدت عنها مسحت الكراميل في ويهها .....شيخه شهقت من صدمه

:يالخايسه ..كانت خدودها كلها كراميل ...
نور شردت على طول وحطت ريلها داخل الفله ...شيخه كانت ادور شي ..عشان تحطه عليها ..حصلت بخاخ الدهن شلته ..وراها

..طلعت تركض ..
بس ...لم تكمل المشوار لأصطدامها ...بجسم قوي ...تناهي لمسمعها آنينه من الاصطدام ..وأحاطها بذراعيين قويين ..شيخه كانت

مسكره عيونها ماتبي اتبطلها من الخوف ..شيخه سحبت نفسها بسرعه وهي وترتجف ..بطلت عيونها بشوي ...كان جدامها بياض

ثوب وذقن ملتحي بشعر خفيف ..رفعت عيونها شوي ..لتشتبك ...مع عيون سود ..متروسه مرح ..وبريق غريب ...داعب اطرفها

مثل التيار الكهربائي ...وزاد من ايقاع قلبها ..ونظم تنفسها ..بلعت ريقها بصعوبه ...وانسحبت من جدامه بخطوات متعثره ...

وراحت للفله ..من غير لاتشوف جدامها كانت تشوف كل شي ابيض ...
خالد دخل المطبخ وهويبتسم ...مسح خده بأصبعه ...وطالعها كانت مغطاه بالكراميل ..اكيد من ويه شيوخ ..ضحك ...تذكر شكلها

...رجع يطالع صبعه ...وقربه من ثمه وذاقه ..احلى كراميل ...خذ الفاين ومسح ويهه ...وهو يبتسم ..

-----------------------------------


شيخه دخلت الغرفه بويه ثاني من غير لاتجوف اللي قدامها ..نور كانت واقفه عند الكبت اطلع له ملابس ...طالعت شيخه بستغراب

..شفيها ...شيخه فسخت الجلال ...ودخلت الحمام من غير لاتعلق بشي ..او اللي صار معاها ....وقفت قدام المرايه اطالع ويهها ..

كان الكراميل منمسح شوي من خدها ....نزلت ويهها شوي للمغسله وغسلت ويهها بهداوه ...كأنها مخدره ...بعد ماغسلت ويهها ..

رجعت اطالع نفسها ..تتسأل ...ليش كنت مثل الغبيه تنحت في ويهه ..ليش ماقلت شي ..لا وهاي ثاني مره يجوفني من غير نقاب ...

اكيد بيقول اني قاصده هالشي ..ابيييه ...لايكون بس فهم شي ...بمووت بيقول اني ميته عليه وبيكبر راسه صج علي ..بس انا احبه

..بس مب هالطريقه ....مابي اقط نفسي على حد ...مب انا ....


اندق الباب ..بشويش ...: شيخه ..شيخه فيج شي ...كانت نور خايفه عليها ...
شيخه انتبهت لنفسها ..مابي حد يعرف عشان مايتفسر بشكل غلط ...شيخه رفعت عينها على رف جنب المغسله ..لمحت دبة بودره

..ضحكت ...وقت الانتقام ..شلت الدبه وفتحتها وهي تضحك ..وقفت عند الباب وفتحته بسرعه وظغت الدبه بقوه ...تطايرت البودره

البيضاء في وجه نور ....
نور وقفت في مكانها منصدمه ...كان ويهها ابيض مثل المهرج ...وحمدت ربها انها كانت لابسه الجلال ..: شيووووووووووووخ ..
شيخه رجعت للحمام وقفلت الباب ..وهي ميته من الضحك والخوف من اللي بتسويه نور فيها ..وبتحدي ...: عشان ثاني مره

ماتتحرشين في الشيخه بنت حمد ..
نور بقهر وهي ادق الباب بقوه ..: بطلي يابنت حمد ...يالبايخه ..اذا ماحلقت راسج على الصفر بطلي ....
شيخه ..: تهبيين انتي وخشتج ...
نور انقهرت منها ...: شيوخ ..والله فيج ..بس اصبري ...
شيخه طالعت حوالينها ..جافت ..هووز الماي شلته وشغلت الماي وسكرت الفوه بأصبعها وفتحت الماي ....بطلت الباب بيد وحده..

نور كانت واقفه وحاطه ايدينها على خصرها ..
شيخه ..: حركه وحده بس ..وتلوميين نفسج ..
نور : يالخبله ..بتخيسين غرفتي ..
شيخه : كيفج ..ماتبينها تخيس ...عطيني وعد ماتسويين شي ..
نور بقهر : يالجبانه ..
شيخه : عيل ..اظمن روحي ..عشان ماتكليني ..
نور : وععععععع من حلاتج ...خلاص ...وعد ماسوي شي ...بس طلعي من الحمام اغسل ويهي ..قبل لاحد ايي ...
شيخه وهي تسكر الماي ..: ترى وعد الحر دين ...طلعت بتوجس ..
نور فسخت الجلال ..ودخلت الحمام اللي كانت شيخه تطلع منه وكفختها على راسها ..: فارجي بس ..
شيخه وهي ماسكه راسها ..: بكيتج ..

--------------------------------


دخلت بيت عمها وهي تمشي بخطوات مغصوبه ورى امها ..بعد مانزلهم فهد هو وسعد ودخلوا الميلس ...كانت رافضه ترووح ودار

بينها وبين امها جدال قوي ...لين تدخل فهد ..وقال لها ..:انتي روحي اليوم وحكمي منفسج ..وبعدين لج حرية الراي تروحيين لهم

ولا لأ وعد محد يقول لج شي ..
ريم ماكانت مقتنعه بس عشان فهد مايزعل منها ...وتقصر المشكله ...ويمكن فضول بعد اللي ساعد قرارها في الذهاب او دافع اخر

لرؤية صاحب النظرات الجليديه ..
دخلوا صاله كبيره مفروشه بسيراميك البيج واثاثها فستقي راقي ...كان فيه ثلاث نسوان قاعدين ..وحده كبيره في السن اللي جات

هذاك اليوم مع بنات عمها وحده قاعده جنبها اصغر منها واصغر من امها ...وجنبهم بنت من عمرها او اصغر ...كانت جوز العيون

اطالعهم بفضول ..وترحيب دافيء ..هز ريم ..واحرج موقفها ...اللي كانت ماخذته ..
ام جابر وهي واقفه ومعنزه نفسها على عصاتها ...: يامرحبا ..اقلطوا فديتكم ..
ام فهد وهي تسلم على ام جابر ..: الله يرحب بج يالغاليه ...
ام جابر : حياكم الله ..استهلت وامطرت ..واسفر البيت ..
ريم سلمت على ام جابر ..اللي مسكتها بحنان وباستها ...: حياج الله يابنيتي ...
ريم حست بموج حنان يعتري صدرها من مشاعر هالعيوز بس مابينته لانها مب متعوده على هالمشاعر ..سلمت على وضحى والبنت

اللي كانت جنبها ...وقعدت جنب امها ..
ام جابر : هاذي بنتي وضحى واللي جنبها بنتها مها ..
ام فهد : مرحبا بهم ..
وضحى وتمسك طرف النقاب ..: الله يرحب فيج ...
ريم كانت في عالم ثاني تستكشف البيت بنظراتها كل زاويه وكل قطعه تبحث عن اجوبه لاتعرف أسألتها ...لفت نظرها صوره على

طاوله قريبه ..صوره واحد لابس نظرات وبنيه صغيره في حظنه ملوي عليها ويضحك ...نفسه ..نفس الشخص ..ولد عمها اللي

جافته في كارفور وعرفت اسمه من فهد بعدين ..محمد ..وبنته شهد ...اهو نفس الشخص اللي اقلق مضجعها ...ومنعها من النوم

والتفكير السوي ..ولا من اللي كان يتوقع انها تدخل بيت عمها ..والسبب هو ..وعيونه الجليديه ....كانت تبي تعرفه وتعرف نظرته

لها ...
قطع حبل افكارها دخول ثنتين ...وحده لابسه تنوره سودا وقميص حريري مخطط بالابيض وشيله ..بس قصيره شوي ..والثانيه اطول

منها لابسه تنوره بيج وبدي نمري مزين بالورود الزرقاء وشيله ...بس القصيره عيونها نفس عيون محمد وشهد ..اكيد وحده من

خواته ..سلموا عليها وعلى امها وقعدوا ..وام قميص الاحمر مسكت الدلال وقعدت تصب قهوه وتمدهم فيها ...
ام فهد وهي اطالعها ببتسامه ..: انتي نور ولاغلا ...؟
نور وهي تمدها بالقهوه وهي واقفه والدله في يدها ..: نور فديتج ..
ام فهد : عاشت الاسامي يانور ..
نور بخجل يصبغ خدودها الخاليه من المكياج ...: عاشت ايامج يمه ...
ام فهد ابتسمت لها من ورى نقابها ...كانت اطالع نور وهي تقهوي يدتها وخالتها وتسولف عليهم ... كانت خالقه جو حلو حوالينها ..
قطع حديث نور دخول وحده ثانيه طولها فارع ..لابسه تنوره حريريه سوداء مزينه بورود بيضاء ولابسه معاها قميص أبيض ..نزلت

الصينيه اللي تشلها هي والخدامات اللي يشلون مثلها صواني عليها انواع الحلا ..سلمت عليهم وقعدت جنب شيخه بخجل ...
نور بتعريف ..: هاي غلا ..واللي جنبها شيخه بنت حمد بنت امي وضحى ..وطالعت خالتها وضحى تدري ان وضحى تنقهر منها اذا

قالت لها امي وضحى تتحسسها انها عيوز ...وضحى طالعتها بنظره ..هيين بعدين ...
ريم كانت اطالع شيخه وغلا ونور اللي واقفه قريبه منهم توزع الحلى في صحون ..كانوا يتبسمون ..ريم حست بالحسد لانهم كلهم مع

بعض ...بس نفضت هالافكار من راسها ..مب محتاجه حد ...انا بنت عبدالعزيز الكل يتمنى يتعرف علي ...مب محتاجه هالزمره

البايخه ولفت ويهها بكبرياء ..
نور الحركه مافاتتها ...كان ودها تكب صحن الحلا فوق راسها ..بس مسكت اعصابها عشان يدتها مب عشان ويهها الكريهه ..ريم



مدتها بصحن الحلا ...وهي طالعها بنظرات ..هاه شعندج ..
ريم طالعتها برود ..ورفضت بحركه من اصابعها ..: لابس مشكوره مابي ..ماكل حلا ..
نور في داخلها احسن وفرتي ...نزلت صحن على طاوله قريبه من ريم ..ورجعت توزع على الباقيين ...بعد ماخلصت قعدت ..وقالت

لغلا ..: قومي صبي قهوه ..
شيخه : شعندها ست الحسن ..لاتكون تسوي رجييم مثلي
نور : بكيتها ..لولا يدتي كان دفنتها هني في الصاله ..
شيخه : ماعليج منها ..لاتعطينها الزله تقبظها ..
نور : قهرتني ..عكس امها ...الطيبه كلها تفيض منها ...
دخلت شهد بفستانها الابيض المزين بالورود المطرزه الصفراء ...لزقت في نور ودفنت ويهها في زندها ..مستحيه من الحريم ..نور

شلتها وقعدتها في حظنها وهي منزله راسها ...: شهووده من وين يايه ..؟
شهد برائه وهي ماسكه شعرها ...: بلا ..(برى )
نور : عيل وين نوره ..
شهد : بلا ...
نور وهي تنزلها من حظنها وتوقف ...: انزين يله نسلم على خالوه ...ودتها تسلم على ام فهد وريم وهي كارهه خطواتها صوبها ..ام

فهد خذت شهد في حظنها وحبتها وسمت عليها ..بعدين ودتها صوب الريم ...اللي كانت اطالع شهد بنظرات كلها حنان وحب وخذتها

في حظنها ..تحت نظرات الدهشه من نور ...
ريم ..بعاطفه ..: حبيبي ..انا اللي كنت في الجمعيه تذكريين ..
شهد هزت راسها ..: امووووه ..( عموووه )
ريم : ايوا عموه ريم ..
شهد : اييم ...اتي حووه ..(ريم انتي حلوه )
ريم : انتي حلوه ؟
شهد : ايوا ..
ريم : عيل خلاص انا بعد حلووه مثلج ..
شهد وهي تسحب نقاب ريم ..: اتووف ..
نور اللي قعدت جنبها ..: شهد عييب ..فكي نقاب عمووه ..
شهد طالعت ريم بنظرات كلها برائه ...ريم بحنان ...: عادي خليها ...ريم رفعت نقابها ...تحت نظرات البنات اللي بغت تطلع من

محاجرها ..
شيخه وهي تساسر غلا : والله يحق لها الخقه ..مشاء الله عليها ...
شهد وهي تحط ايدينها ورى رقبت الريم ..: اموووه حوووه وباستها في خدها بقووه ..
ريم ضحكت على طفولية شهد ...ولوت عليها بعاطفه جياشه ...وباست شعرها ....: فديت الحلوه ..شهد دفنت ويهها في صدرريم

...ريم طالعت شهد بحنان ...اللي خلى نور في حيره ...شلون ريم بغرورها تحظن شهد ...وبمشاعر حقيقه ..نور لانت شوي من

صوب الريم ...يمكن لان الريم فاقده هالحنان ...بس امها مبين عليها طيبه ...مادري بس هالريم مب نفس ماتوقعت ..كسرت صورتها

القبيحه ...
نور بلطف ...: لاتعطينها ويه زياده بتلزق ..
ريم وهي تلعب في خدود شهد .....: عادي ..خليها ..فديتها الله يخليها لكم ...
نور : تسلميين ...ريم ..
ريم وهي اطالع شهد ماتبي ترفع عينها لنور ..ماتدري ليه بس كانت ماتبي ترفع راسها ...: هلا ..
نور : ريم ..في اي مدرسه ادرسين ...
ريم رفعت راسها لنور ..وطالعتها ...: مدرسة ال..... الثانويه ادرس ثالث ثانوي علم نفس ...
نور : مشاءالله ...اول سنه ..؟
ريم : ايه ...شلون عرفتي ...؟
نور : مبين من شكلج صغيره مب اكبر مني وايد ..
ريم استحت ...: وانتي ادرسين بعد ..؟
نور : في المستقبل ...هالسنه تخرج ...رياض اطفال ...
ريم بشعور ماتعرف تفسره ...حست انها كانت خاذله هالناس بشعورها كانت حاقرتهم وهم جازوها بالطيب ...: الله يوفقج ..
نور : يميع ..شهد يله قومي عييب روحي لعبي مع نوره ..ومسكتها من يدها ..
ريم مسكت يد نور : لا............ خليها ....نور ....انا .....سكتت شوي ..................
نور : ريم ...شفيج قولي ...
ريم وهي تنزل عيونا بأحراج .....: نور ...يمكن بديت معاكم بدايه خاطئه ...وانا ..
نور : ريم حن عيال اليوم ...لاتفكريين في اللي مضى ...وانتي ماكنتي تعرفيين حد منا عشان تحكمين ..واحنا ماكنا نعرفج ..عشان

جذي خذنا موقف غلط ...
ريم ..: نور ماكان ودي ...بس الانسان فيه مواقف مايقدر يتحكم في نفسه ...
نور : ريم خلاص ...احنا خوات اليوم ...ومسكت يدها بحنان ...وضحكت ..
ريم : شفيج ..؟
نور : طالعي شيخه بنت خالتي وغلا اختي شلوون يطالعونا ...كانهم بقر جايفه حريقه ...
ريم ضحكت ...: لهدرجه كنت لعينه مستغربيين مني اي شي ..
نور : بعض الشي ..
ريم : والله صريحه بنت العم ..
نور : بعض الشي خخخخخخخخ ...
ريم حركت يدها ..تناديهم يقعدون معاهم ..شيخه وغلا قاموا وهم يطالعون بعض بستغراب ..وقعدوا جنب نور وهم يطالعون ريم ..
ريم : ترى ماأكل ..
شيخه : صراحه كان جايني انطباع انج اكلة لحووم بشريه ..ههههه
ريم : والله من اللي معطيج هالانطباع ..؟
شيخه وهي تمد يدها على بنات خالتها ..: هالبقرتيين ..
ريم وهي تضحك ..: الله يسامحج ترى ما أسمح بنات عمي ..
نور : تحيا بنت العم ..
شيخه : عشتووو ومالت عليكم من الحين دقيتو حزب ..
ريم : ايه مب عاجبج ظربي راسج في الطوفه ...شكثرهم ..اختاري وحده ...
شيخه : صج من ال .... عليكم طول لسان ...
البنات طفسوا من الضحك ......وكانت هناك عيون اطالعهم ببتسامه ..وامل ...الحمد الله قدرت تندمج معاهم ...الله يسامحه ابوها

اهو اللي خرب شخصيتها ...الله يرحمه ...وطالعت اللي جنبها بقميصها الاحمر كانت داخله مزاجها عدل ..كانت من النوع النادر من

البنات تربيه حريم اول ...الاحترام والخجل ..ام فهد كانت سرحانه في نور تبني لها مستقبل في فكرها ...

---------------------------------------

كان يمشي وفي يده دلة الشاهي ومتوجه للمطبخ ....وقبل لايدخل سمع صوت ضحكه نسائيه ناعمه ...جنب المطبخ مكان الالعاب

شهد من الدورفه والزحليقه .. حط دله على طاولة المطبخ وقال للخدامه ..تسوي شاهي ...
وطالع من المطبخ والفضول ذابحه يبي يعرف من اللي قاعد هني ..خصوصا المكان مظلم جزئيا ً ....قرب شوي ..وسمع صوت

بوضوح ..: خلاص التوبه ..ماعيدها ...بس انت لاتزعل ....والله ماعيدها فديتك ...
خالد تيبس مكانه هاذا صوت شيخه ....من هاذا اللي تكلمه بهالطريقه جليله الحيا ...بذبحها ...خالد والشر يتطاير من عيونه راح له

وهي قاعده على الدورفه وترسم بريلها دواءر ...
شيخه انصدمت من خالد خصوصا انها كانت رافعه ناقابها ...سكرت التلفون بخوف وعدلت نقابها ...: خاااالد ..
خالد وهو يزبد ..: ايه خالد ..يالي ماتستحيين هاذي نهاية تقة هلج فييج ..
شيخه بصدمه ..: شتقووول ..انت شتخربط ...؟
خالد وهو يمسكها من زنودها وهوينفضها ويصارخ فيها ...: لاتمثليين علي ... منهو ...قولي وهو ينفضها ...
شيخه من انلجم لسانها من الصدمه ومنكثر مانفضها تشتت افكارها ....خالد ولع زياده يوم جافها ماردت عليه ...: شييوخ منهو ..

قولي والا ذبحتج ..
شيخه وهي تحاول تخلص نفسها من قبضته ..بس خالد مافكها ..: خالد فكني ..مالك حق تمسكني فكني ..
خالد : لا مب فاكج ليين تقوليين ..
شيخه وهي خايفه ..: شقول لك فكني ...لاحد يجوفنا ...شبيقولون ...خالد تكفى فكني ...وانترست عيونها دموع ...
خالد : يعني هاللي مخوفج ...واللي تسوينه ماخفتي منه ...
شيخه وهي تصارخ ..: خالد شسويت ...؟
خالد بغضب يغلي في صدره ..: لاتصااااااارخيين ..مابقى الا انتي اطوليين حسج ...
شيخه بلعت الم كلماته ..لهدرجه مااسوى عنده شي ...وانحدرت من خدها دمعه ونزلت راسها ...: ممكن تقولي شتتكلم عنه ..؟
خالد : هالخايس اللي تكلميينه ..ماتسحيين ...خساره فيج امي وضحى وحمد ..مايستاهلوون وحده خايسه مثلج ..توطي روسهم تالي

عمرهم ...
شيخه ...انصدمت ..من كلامه ..خالد يعتقد اني اكلم ريال غريب ...انا شيخه بنت حمد ...اسوي جذي ...تجمع غضب العالم والاهانه

في صدرها ...ودزته من صدره بقوه غريبه ...وطالعته بنظرات كلها نار الاهانه ..ومسحت عينها اللي نزلتها منها دمعه عشانه ...

ورفعت يدها في وييه ..: يكوون في علمك حمد يعرف يربي ...وربى ريال مب حرمه ...والحمد الله حافظه نفسي قبل لاحفض اسم

ابوي ...ويكون في علمك بس ...قبل لاتطلق اي حكم ...اللي كنت اكلمه ........................ابوي ....سمعت يالشيخ ....ابوي ...
ومدت جهاز الجوال في ويهه ....: تفضل شيك ..عشان تصدق ...
خالد ...حس برود في اطرافه ..وحراره في راسه ...ظلمتها ....حس نفسه انسان تافه ..طالعها بنظرات كلها اسف ...بس شيخه

...كانت تغلي من الغضب ...طالعته بأسف وهزت راسها ...: الله يسامحك على هالثقه ...ومشت من قدامه ...وخالد متجمد في مكانه

..ماتحرك مازال هول الصدمه شال اطرافه ...مايعرف شلي صار معاه معقوله كان اعمى البصيره ....مايدري بس من سمع

ضحكاتها ..واعتقاده انها تضحك لحد فوورت الدم في راسه ...مايعرف ليش ...بس ..كره هالشي ...وكره نفسه انه ماوثق فيها ...

حط ايدينه على خصره وطالع السما وتنهد بحرقه ...


-------------------------------------

بعد ماتعشوا ...قعدوا يسولفون ونور ملاحظه غياب شيخه من اطلعت تكلم ابوها مارجعت ...يمكن راحت للغرفه ..حتى مارضت

تتعشى يوم طرشت حصه ..يمكن عشان ابوها اول مره يسافر ...بس هي متعوده على دوامه الشفتات .. لالالالا شيوخ فيها شي ..نور

كان بالها مشغول ولاسمعت جوالها اللي في حضنها يرن ..
نور : الوووو
محمد : سنه لين ترديين ..
نور : كان بعيد مني ..كذبت عليه عشان مايلعن خيرها ..
محمد : انزين ابوي يبنا كلنا في الصاله الصغيره احنا وعيال عمج ومرة عمج وبنتها ...
نور : ليش ..؟
محمد : وانتي شلج ...بس تعالوا ..
نور : اوكي يله جايين ..
نور بغت ام فهد وريم ..اللي استغربت هالاجتماع ....نور: انا بروح اللبس عبايتي ...


نور وغلا اصعدوا فوق يلبسون نقاباتهم وعباياتهم ...لان لبسهم كان ضيق ...نور دخلت الغرفه ...حصلت شيخه قاعده على الكرسي

جنب الدريشه وطالع برى .....:شيووخ ..
شيخه طالعتها بملامح جامده ..: هلا ..
نور وهي تقعد على السرير ..: شفيج ...
شيخه ببتسامه ..: ماشي ...ليش
نور وهي تعرف شيخه عدل تحاول تخفي ..: شيوخ مب علي شفيج ...
شيخه : ولا شي بس اشتقت لبوي ..
نور ارتاحت شوي ..وقربت منهاولمتها وهي واقفه ..: دانا ماما وبابا وكل حاجه ...بس مدايئش خلئك ..ياحببتي ..وباست خدها ..
شيخه ضحكت ..: وانتي شعندج ابله عطيات شعندج شاله العباه ..
نور وهي تلبس العباه وتضحك ..: الله يسلمج عيلة ال....عندهم اجتماع سري ...مغلق وابوي يبنا كلنا تحت ...
شيخه : هههها ..انزين ..لاتنسين عاد قوللي لي اسرار عيلتكم الموقره ..
نور : خلي اجوف اول شيبون بعدين بفكر ..
شيخه : مالت ...
نور طلعت من الغرفه بعد ماعدلت عباتها ونقابها وشيلتها ونزلت مع غلا تحت لصاله ..وخذوا معاهم ام فهد وريم وتوجهوا لصاله ..

ودخلوا كان الكل قاعد سعد وفهد ومحمد وخالد وابومحمد ...: حياكم تعالوا ...
بعد السلام قعدوا ام فهد وجنبها ريم ونور وغلا ...ام فهد ..: خير يابومحمد موصي علينا ..
ابومحمد : الخير بوجهج ياأم فهد ...انا اليوم جامعكم ...عشان نلم شمل العيله ...وننسى اللي صاير ..ونبتدي صفحه جديده ...واحنا

عيال اليوم ..ولازم نسي اللب فات عشان نعرف نعيش ويعيشون عيالنا ..بعد من الحقد الماضي ...ونقرب القلوب من بعض ..اظن

يكفي بعد وهجر في هالعيله ...لازم عيلة ال......ترجع مثل اول عيله متماسكه وقويه ...
نور رفعت عينها اطالع اخوانها تبي تعرف ردة فعلهم ....محمد كان عادي كانه متوقع كلام ابوه او عارفه بس ينطر ردة فعل الطرف

الاخر ..خالد .........كان في عالم ثاني مب عارف شلي يدور حوالينه ...نور استغربت ..خالد توقعت انه بيكون له ردة فعل قويه

..بس ماكان مهتم في الموضوع مشغول فكره ...شفيه خالد ...؟
قطع حبل أفكارها ..نظرات تخترقها ...مالت بعينها لشخص اللي من دخلت تحاول انها ما أطالعه ...كان يطالعها بنظرات ...ماعرفت

تحدي ام سخريه ..نور عطته نظره ولفت يعني ماتهمني ...
فهد ضحك داخل نفسه ..: يبه ...احنا من يدك اليمين لشمال ...ومثل ما قلت تعبنا من القطيعه ..
ابومحمد ارتاح وابتسم بعيون متروسه دموع ...: تسلم ياولدي هاذا العشم فيك ...
فهد قام وحب راس عمه وسعد معاه ..محمد وخالد وقفوا جنب ابوهم اللي مستانس ..وخذوا عيال عمهم بالاحظان بفرحه ...ام فهد

انترست عيونها دموع هي وغلا...اما نور على قد ماكانت فرحانه بفرحة ابوها ...بس كانت كارهه هالعلاقه اللي بتجمعها مع فهد ..

ولد عم بكيته ...
ريم كانت مشاعرها مختلطه ...خايفه وفرحانه ...خايفه من هالمجتمع اليديد ..ومن صاحب النظرات الجليديه اللي مازال يطالعها فيها

...كانت بتموت من نظرته من شوي بس لف ويهه مايبي يطالعها ..ريم شي داخله تزعزع ...
فهد نادى الريم وقفها جنبه وحط يده على ظهرها ...: يبه هاي الريم ..الريم سلمي على عمي ...
الريم طالعت ابومحمد ...كان طويل نسبيا والشعر البيض صابغ لحيته وشعره ويتخللها بعض الشعيرات السوداء...كان الحنان

والطيبه يشع من عيونه ...ريم قربت منه ...وحبت راسه ...وسقطت من عينها دمعه ...ابومحمد لمها لحظنه ...ريم ماصدقت ...

انهارت في حظنه من الصياح ...كانها لقت ابوها ...بس شخص حنون وطيب ..كريم المشاعر ...ابومحمد قعد يمسح على ظهرها ..

ويهديها لين تمالكت نفسها ..: بس يابوج مابي اجوف هالدموع كيفي ..نبي نسمع ضحكه ..
ريم ابتسمت بحنان لعمها ...: ان شاءالله يبه ..
فهد بضحكه ..:فضحتينا ...ريم هاذولا عيال عمج محمد ابو شهد وخالد ..
خالد : حياج الله ريم ..
ريم بخجل : الله يحيك ..
محمد برود للحين مب متوقع اللي صار من شوي ...وين بنت عبدالعزيز ...اللي ماخلت كلمه الا وقالتها ...لالالا...هاي اكبر ممثله

..انا متأكد وراها شي ...مستحيل بعد الكلام اللي قالته ...تنهار جذي ..اكيد تمثل ...: اهليين بنت العم ..
ريم برودته جمدت اطرافها ...وهزت قلبها ..ريم نزلت راسها عشان مايكتشف ..ردة فعل نظرته ..: الله يحيك ولد العم ..كان تهتز

من وهي تنطق ..
بعد ماقعدوا ..فهد تعمد يقعد قدام نور ...وكل شوي يطالعها بنظره ناريه ..احرقت اعصابها ..بس نور ترد له نظره بأقوى منها ..

وفهد يضحك من داخله ...: يبه مادام كلنها مجتمعيين بغيت اقول لكم ان عمتي عفراء بتيي ..الليله ..متأخر وبتستقر نهائي ...
ابومحمد انصدم عفراء ..يبدو ان افكاره ماراح تنجح ..مثل ماتوقع ...

--------------------------------
نهاية الفصل الخامس

(الفصل السادس )





في جنح الليل ..هبطت طائره في مطار الدوحه الولي ..تعلن وصول عفراء ولدها حمد للأرض والوطن بسلامه ...كان في أستقبالهم

فهد الذي ينتظر هالرحله بوجل وخوف من معرفة عمته باللي صار ....هل بتتقبل وجود عمي عبدالله جنبنا وعلاقتنا اليديده فيه

؟كانت هاتسأولات أدورفي مخه ..
وصلوا المسافرين ..للبوابه وفهد ايطالع البوابه يدور ويه مئلوفه ...لين لمح حمد بطوله الفارع وجنبه عمته بجسمها الضئيل ...تقدم

لهم بخطواته الواسعه المرحبه ...والتقوا في الاحضان والسلام ودموع العمه المصاحبه بشوق لولد اخوها ...
وبعد اللقاء والسلام ..شالوا الشنط وتوجهوا للبيت ..اللي فهد وده يكون بعيد وأطول المسافه ..طالع عمته في المرايه كانت تعبانه

وتحارب النعاس بفتح عيونها بصعوبه ..
فهد بهمس ..: ياحليلها عمتي تعبانه ..
حمد وهو يمسح ويهه من أثار التعب ...: الله يعينها هاذا وانا شباب يالله تحملت الرحله ..كيف وحده مثل سنها ..ومعاها ظغط ..
فهد بوجوم ..: الله يعينها ...
حمد بهمس ..: فهد ..فيك شي ..؟
فهد بستغراب ..: شي ...لا ...ليه ...؟
حمد مخفض صوته عشان امه ماتسمع محور حديثهم ..: فهد في عيونك كلام خطير من وصلنا وانت اطالع امي ... صاير شي ..لكم

.؟
فهد بعد صمت قصيروبهمس ..: لا ..انت صاير شكاك اكثر من اللازم ..
حمد بشك ..: هب شكاك الا فطنه ..ومتأكد عندك شي وخايف من ردة فعل امي ...
فهد وهو يطالعه بنظرات مستغربه شلون عرف ...ركز نظره على الطريج ...وقال بصوت جاف ...:عمي عبدالله ..ساكن جنبنا ..

واليوم تعيشنا عنده ..
حمد الصدمه ألجمت لسانه ..وسكت شوي ...بعدين ضحك ...فهد بستغراب ...شلي يضحك ..؟
حمد بضحكه ..: الحين اللي يجوفك يعني من اسرار الدوله ..ويعني خالي عبدالله جنبنكم ..شبيصير ..؟
فهد بملامح بارده ويالطالع عمته اللي بعدها نايمه ..: يعني ماتعرف امك ...وموقفها ..من عمي عبدالله ..؟
حمد : اكيد بيصير غير ..هاي كلام صاير سنين ..مستحيل بعدها شايله حقد عليه ..هاي امي اعرفها ..
فهد بتوجس ..: يعني هب صاير لها شي اذا عرفت ...؟لان عمتي مستحيل تتغير ..اعرفها ..
حمد ..:فهد ترى امي تغيرت من بعد الغربه ...مب نفس اول ...
فهد : بنجوف شبيصير ...بس انت لاتفتح الموضوع جدامها ...لين اقول لها اذا ارتاحت ..
حمد : ان شاء الله ..

-------------------------------













مع اول خيوط الفجر كانت شيخه فاتحه عيونها واطالع السقف بتفكير عميق تفكر في موقف خالد معاها ... خالد كسر شي حلو عنه

داخلها انهزت الصوره الكبيره ... بس في داخلها كانت تبحث له عن عذر على اللي سواه معاها ..يمكن نه يغار ...بس خالد مستحيل

يغار علي ..لالالالالامأظن ...مهب لهدرجه ..رجعت بعض خصلها لورى وقامت من السرير ..بنعومه عشان ماوتقوم نور وشهد ..

دخلت الحمام غسلت ويهها وطلعت ...شالت شنطتها وطلعت حبه من حبوب القولون وكلت حبه لانها حاسه بألم ..ماتعرف الم الجوع

او القولون ...طلعت لها جلال نمري مثل لون جلابيتها البيج المزينه بقطع شيفون نمري ..لبست نقابها وجلالها عشان ماتحرج عيال

خالتها اذا طلعوا في ويهها ..نزلت تحت لصاله ...حصلت يدتها قاعده ودلال القهوه والحليب واصناف الريوق جدامها ..تقدمت منها

وصبحتها بالخير ..وقعدت مقابلتها على الكنبه ..ومدت يدها لدله تصب ليدتها قهوه ...: يمه امي ماقامت ..؟وصبت ومدت يدها لها...
ام جابر : مالج لوا ..بعدها راقده ..نوري ماخلتها ترقد البارحه ..تصيح تبي ابوها ..
شيخه : نوري متعلقه في ابوي اخر درجه ..اول مره يسافر ويخليها ..
ام جابر ..: الا قومها يوم هي عوبا ...لو ان امج تمسدها شوي بالخيزران ..كان خفت من الزلب ..
شيخه بضحكه خفيفه : اي والله ..مهب على حضي ...تمسدها على جنبي لين احكه ..ولاهالنوير مدلعتها هي وشيبتها ...
ام جابر : يامج اخر العنقود ...لازم ..يخرفون عليه ..
شيخه : لو انها توليني ايها كان تعدل ميلها ..
ام جابر : ماقد حد عدل من ميلج يوم انا خابره الحين بتستقويين على ذا المسكينه ..
شيخه : ههههه ..نوري مسيكينه لاوالله سكينه..
شيخه سكتت سمعت صوت حد يتنحنح ...ام جابر بصوت يشيع منه الحنان ..: حياك يمه خالد ..
شيخه حست بتيار كهربائي في عمودها الفقري من سمعت اسمه وخصوصا انه نازل من الدري من وراها ...كانت قمة الارتباك ..بس

تمالكت اعصابها وقعدت في مكانها وهي تلعب في طرف جلالها ..
دخل الصاله ..وحب راس يدته وقعد جنبها ومقابل شيخه ..وصب لنفسه قلاص حليب كرك ورفعه لشفايفه وهو يطالعها ...وهي منزله

عيونها للأرض ...أكيد بعدها ماخذه علي في خاطرها ..لفت نظره حركات أصابع ريولها في صندل البيت ..كانت مبين عليها

العصبيه وهي تحركها ضحك في داخله ..
شيخه ..كانت تخوض معركه ثانيه داخلها بين الاعجاب بشكله وهو لابس اللبس العسكري والشعر المسدول اللي يلامس جبينه ..ويهه

اللي بعد اثار النوم فيها ..شيخه حاولت تطفي هالاعجاب بالموقف اللي صار أمس ..لفت نظرها حركته وهو يتمدد ويحط يده ورى

ظهر يدته ويلمها ..ويبوس خشمها من ورى النقاب ..اللتفت فجاءه لها واشتبكت العيون ..بخيط سحري ..يداعب ارواحهم ..ورفع

النشاط في روح خالد ..وشتت شيخه اللي كانت روحها تلامس السماء من عيونه اللي حست انها سبرت اغوارها ولامست اعماقها..

خالد وهو يبتسم في ويهها ..: كيف الحال الشيخه ..؟وينج امس من السهره ..؟
شيخه ومنقهره منه يعني مايعرف شكان مسوي ويسأل بقواة ويهه ..: يسرك الحال .. ولد الخاله ...بس كنت مصدعه من صراخ

اليهال امس يوم كنت معاهم في الحوش ...فرقدت من وهل ..لاني مب متعوده في بيتنا على هالصريخ ...
خالد ببتسامه خبيثه ..: معليج ...عشان تتعودين اذا عرستي يكون عندج خبره ..
شيخه سكتت ..سخييييييييييف ..قسم بالله قمة السخافه ....لفت ويهها الصوب الثاني ....بس قطع عليهم الجو المتكهرب ام جابر ..:

شيخه يمه ..قومي جوفي الخدامات زهبوا دلة الكرك عشان خالد يوديها معاه ...
شيخه وهي منقهره ..بس حصلتها فرصه تطلع من المكان اللي هو فيه ...دخلت بخطوات متعثره من الغضب ...وقالت للخدامه ..

بصوت مشبع بالعصبيه ..: ياااني ..وين دله مال حليب مال خالد ..؟
الخدامه : في موزود مدام ...فوق تاوله ...
شيخه شالت الشنطه تبي تروح لصاله ..تحذف الشنطه وتروح للغرفه اهم شي ماتتقابل معاه ...لان مالها خلق ..بعد كلامه ..بس اول

ماالتفتت .........كان خالد في ويهها ..واقف في ايطار الباب بطوله الشامخ واشعة الشمس تتخلل سيقانه كان لابس نظارته الشمسيه

..ولاقدرت تميز نظرته ..بس قوت نفسها ماتبي تنغر في طلته اللي تخطف الانفاس ..وتوه تركيزها ....
شيخه بصوت مبحوح من المشاعر المضطربه وهي تمده بالشنطه ....: هاك ..الحليب ..
خالد وهو يمد يده وياخذ الشنطه منها بطء ..ولمست اصابعه طرف كفها ...ولاحظ ارتعاش يدها قبل لاتسحبها وتحطها ورى ظهرها

..خالد ضحك على حركتها الطفوليه ..بس كتم ضحكته اللي بينت غمازاته ..اللي كهربت شيخه بروزها ..وعرقت كفوفها ..وبعلت

ريقها بصعوبه ...
خالد ببتسامه ...: شيخه ............................. انا ...
شيخه تقاطعه بخبث في عيونها ..: خالد ...اذا عشان موقف امس .......لاتعتذر ...أخ ....وفهم اخته غلط ..مافيها شي ...وركزت



على كلمة أخ ....
خالد ..وهو يحوس بثمه ببتسامه ساخره من وقع كلمة اخ على نفسه ..استفزته ..لانها العلاقه والوحيده اللي يرفضها من صوبها ..:

اخ ! اكيد ...بس انا مب ياي اعتذر ...مثل ماقلتي اخ فهم اخته غلط ..يعني مايحتاج اعتذار ...بس بغيت اسأل ..؟
شيخه وهي غارسه اظافرها في كفوفها من القهر ...: عن أيش ...؟ لايكون شاك في شي بعد ...؟
خالد : ليش مسويه شي ..عشان اشك فيج ..؟
شيخه انفجرت في ويهه ...:خالد ..اظاهر في بالك عقد تبي تفكها فيني ..عندك شي قوله اذا ماعندك ..خلني اروح ليدتي اقابلها بدال

هالوقفه اللي مالها داعي ...وكانت بتمشي ..بس وقفها يوم نادها بصوت هامس فيه رجاء ..: شيخه صبري ....
شيخه اللتفتت له بنظرات كلها تساؤل ..لين متى هالعذاب معاك ....خالد وهو يفسخ النظاره ويمسكها بيده ..: شيخه ...شفيج امس

العصر ...؟
شيخه تجمدت في مكانها ...يوم تذكرت الموقف ..خالد جافها من غير شيله ....شيخه الحراره غلفت جسمها من الاحراج ...بصوت

مرتجف ...: ولا شي ..وشردت من قدامه بخطوات سريعه ...من غير لاتلتفت ..خالد وقف في مكان شارد في ساربها وبقايا عطرها

يداعب خشمه ...

فتح عيونه بصعوبه وهو يحس بالثقل في عيونه والحراره فيها ...فرك عيونه يحاول يطالع الساعه عدل ..اللي كانت تأشر على

الساعه 10:45 قعد على السرير يحاول يتذكر وينه موجود ..بعد ما تعودت عيونه على الاثاث الموجود ...تذكر انه في بيت خاله

عبدالعزيز ...رجع انسدح وشال اللحاف وقعد يتعبث في طرف قميص البيجاما ....حك شعره وقام بصعوبه وبعده له خاطر في النووم

..بس قام يتسبح عشان صلاة الجمعه ...
بعد ماطلع ..فتح شنطته ..وطالعها بغباء ...تذكر انه ماعنده ثياب ...بس بونطلونات وتي شيرتات ...صار له ثلاث سنوات ما جى

هني ..واكيد ثيابه كلها ضيقه وقصار ...لبس له بنطلون بيج وتي شيرت زيتي ..ومشط شعره لورى وطالع نفسه في المنظره يتأمل

عارضه الخفيف ..الغير مرتب يبي لنا الحلاق ..بس لازم اخذ مع عيال الخال لفه لين اتذكر ..مشاءالله الدوحه تغيرت عن اخر مره

..رجع خصله نديه مع شعره الرطب اللي كان قصير بس قذلته طويله ويرجعها لورى ...طلع له كاب بيج من الشنطه ..ورش عطر

وطلع ..وهومنحرج يردي مرة خاله ماتحب هاللبس ...وهو ينزل من الدري سمع صوت امه الحاد ...
عفرا : مشاء الله عليك ياولد عبدالعزيز ماقصرت ..سيده مديت يدك للي ذبح ابوك ...ولانسيت ..ولاتبي اذكرك ...
فهد : يمه عفرا ..انتي هدي اعصابج ...ابوي هو اللي جاب هاالشي لنفسه ..لاتنسين ...مب عمي ...واظن انه ماقصر معاج بعد ..

ولانسيتي عشان بس عمي عبدالله ..
عفرا : فهد ...لاتنسي من تكلم ..عمتك ...
فهد : يمه اعذرني طلعتيني من طوري ..يمه ..ترى هاي اخوج بعد ....ترى ماسوينا جريمه ..
عفرا : فهد لو ابوكم كان معرس على امكم كان سويتي مثلي ...
فهد : يمه انسي اللي فات كبرنا ...خلاص اصحاب الشأن ماتوا ...خلينا نتقدم خطوه قدام ...
عفرا : لاتنسى بعدني حيه وصاحبة شان في هالوضع ومستحيل اسمح لعبدالله يهدم باقي عيلة ال..... يكفي اللي فات تشتتنا والسبب

هو وامه ..ولانسيت يافهد ..يوم يدك طرد ابوك عشان هالعبدالله ..
فهد : وانتي قاعده تنفخين في رماد ...لاتحيين شي ...يمه واللي يرحم والديج ...خلينا من هالخلافات ..ونتخطاها ..
عفرا بعناد : مستحييييييل ...اذا انتوا عاجبكم الوضع كيفكم ..انا مستحيل فهمت مستحيل ..
حمد نزل وهو يهز راسه ... كان فهد وامه قاعدين بروحهم في الصاله ...دخل وحب راس امه اللي متأكد انها ماحست فيه من الغضب

..
حمد بدلع وهو يحط يده ورى ظهرها ..: شفيها ست الحبايب ..زعلانه ..
عفرا بعتب وهي اطالع فهد ...: أسأل كبيرالعيله الفاهم ..
فهد بتعب وهو يعدل طاقيته ..: يمه ماظن هالشي جريمه ..بعد ماتهدين بتعرفيين وتشوفين الوضع من جهه ثانيه ...
حمد : افا ...لالالالا ..ام حمد ...لاتزعليين...كيفج ...لاتزعليين ترى الزعل يكبر العمر ..
طالعته بعيون كلها شرار ..: حمد ممكن تنطم ..
حمد ضحك وهو يطالع ملامحها كان عراف انها موصله حدها ..وقرب منها وهو حاط ايده على جتوفها ..: افا قوه في حقي ...

المهندس حمد ..انطم ...من اللي يرضى يشغلني لو اسمع انج قلتي هالكلمه ...افرضي ريم مراسلتنا من الدوحه سمعتج ..والله

لاتصير فضيحتي على مستوى الخليج ...
: اي فضيحه وشلون ماعرفت عنها ..
حمد وهو يطالع امه ...: زين جذي ..
ريم وهي تمشي بخطوات كلها دلع صوب عمتها وتبوس خدها ..: شلونج يمه ..؟
حمد يطالعها وهو عافس ويهه من طلع الريم الزايد ..:تدرين ريموووه ..طول مانا في امريكا ..احوال انهم يسون لي غسيل معده ..

عشان الحليب اللي شربته معاج من خالتي ام فهد ...
ريم اطالعه وهي رافعه حاجب ...: نعم ..؟ ..لك الشرف اني اختك يالشين ..ولا الزين ترى ياييك من يوم رضعت معاي والا كنت

ترووع سكوون ..
ام حمد طالعت ريم بنظره جامده : الريم ..انتي بعد معاهم ..؟
حمد في باله شكلها مب مهونه من الموضوع مهما غيرت ..خلي اطلع من هالمكان قبل لاينفجر راسي ....وطلع من عندهم وفي يده

قلاص حليب ..
ريم بخوف ..: في ايش ..؟
عفرا : في صلحهم مع عمج ...
ريم بتردد وهي طالع فهد ورجعت طالعت عمتها ...وبخوف ..: انا مالي دخل انا رفضت بس هم اللي اصروا ..
فهد بصدمه : ريم ..
ريم : انا ....مالي دخل وشردت لغرفتها وهي تتنافض ..الخوف من فهد ومن عمتها ...
فهد : يمه عفرا ..انا علمتج بالوضع وانتي كيفج ...بس انا مب قاطع عمي ولا اخواني ..والقرار الاخير لج ...بس اسمحي لي مثل

ماانتي عمتي فهو بعد عمي ...
عفرا برووود : كيفك انت واخوانك ...بس انا لا...بس اعرف اني هب راضيه عليكم وراحت لغرفتها وسكرت بابها بقوه تنفس عن



غضبها ...

في مكان اخر نقاش حاد اخر ...بس هالمره بنكهه اخرى .... نور بعناد ..: يمه مايحتاج ماحد بيشربه ..بيكتونه ...خليه انا على

الاقل انتي تشربين منه ..
الجده وهي قاعده على كرسي المطبخ ومتعنزه على عصاها ...: نوري ..جعلج الحمى ..وانتي شعليج ..قومي وديه بيت عمج صدقه

في هاليوم ..حتى لوماشربوه انتي شعليج ...بس وديه ..
نور وهي تضرب ريلها في الارض محتجه ...: يماااااااااااااااه ....ليه الخدامه ماتوديه ...
اليده : كيفي ...ابغيج انتي ...تروحيين ..والاالخدامه اقدر احاكيها ...اذا رحتي دروا العرب انج جبتي شي ..مهب هالعصل يحطون

العازه ويروحون ..
نور : انزين خلي حد من البزران يوديه ..
الجده بعناد : مالج لوا بيكبونه ...
نور : يعني انتي حاطتني في بالج ومعزمه ...


الجده : الله هالله ..وشعندج ياالعوبا ...
نور وهي تحوس بوزها ..: ان شاءالله ....وطلعت من المطبخ عشان تروح تلبس نقابها وجلالها ..كانت تتحلطم ..دخلت غرفتها

وطالعت شيخه بحسد كانت راقده ..بكيتها خلتني اواجه هالمحنه بروحي ..والنخله غلووي مادري وش الجيد اللي طرى عليها موديه

شهد ونوره للجمعيه ...جعلها العثره ...
طلعت لها جلال ابيض مزين بسماوي نفس لون جلابيتها السماويه المزينه بشرايط حريريه وشيفوانت بيضا ..عدلت نقابها المحفور

شوي من عند العيون ولبست جلالها ولفته عدل عشان مايطيح ولبست صندلها ..وطلعت وهي بعدها تعد قوائم دعاوي على اختها

وبنات خالتها ..وفي نفس الوقت تدعي داخلها انها ماتجوف .......................فهد ...
بس يبدو ان دعاويها غير مستجابه ...لان لحظه عبورها السياج العشبي ... كان فهد واقف في المطبخ يشرب قلاص ماي بعد مانشف

ريقه مع عمته ..لمحهامن دريشة المطبخ ..ببنيتها الصغيره ..وعيونها الكبار من ورى النقاب اللي زايدها حلا ..ابتسم ...وقعد على

كرسي المطبخ ...
نور وهوي تتوجه المطبخ ..احسن شي اعطيه الخدامه وارجع واقول لها من وين ..ونخلص من حنة يدوووه ...سلختني في هالقايله

..دخلت المطبخ وجيك اللبن في يدها ....تجمدت عند الباب ...كان قاعد على الكرسي وفي يده قلاص ماي كان وجوده مالي المكان

وصاير ضيق ..نور وهي تبلع ريقها ...: السلام عليكم ..
فهد وهومنزل عينه على القلاص اللي على الطاوله بالفيت مايطالع وه من شوي مفصص تقول ليزر ...: عليكم السلام ورحمه الله

وبركاته ..
نور هاي اللي ناقص احصله جدامي ..: وين الخدامه ..؟
فهد وهويلعب في القلاص ..: بخير الله يسلمج بنت العم ..شلونج انتي ..؟
نور وغليان ابتدى يرتفع ..وهي تبلع رد لاذع ..: الله يسلمك ...شلونك ؟الخدامه وين ..؟
فهد : ليش مصره على الخدامه ...لايكون ناويه تخطفينها ...
نور بأندفاع : وليش ياحظي ماجفت خير ..الحمد الله في نعمه ...
فهد وهويرفع عينه ويطالع النار اللي في عيونها ..اعجبته ..: الله يزيدكم ..الخدامه مب هني ..تبين شي ؟ فهد كان مصرف الخدامه

قبل لاتدخل ..
نور : سلامتك ..بس جايبه اغراض ابي اعطيها ايها ...
فهد : اها ...مايصير انا اخذها ..اهي لها ..؟
نور وهي تعرف انه يستعبط عليها ..: لا..يدتي مطرشه هاللبن ..كان الاحراج كاسيها ...الله يسامحج يدوه اللي حطيتني في هالموقف

..
فهد ببتسامه : اها ام جابر الله يطول عمرها ..انا اقول هي راعية الواجب وطرش ..هب بنات الحين ..بنات الثلاجات ...بس يسخنون

..
نور فار الدم في راسها ..:انزين ياراعي الواجب ...تفضل عطه الخدامه ...
فهدبخبث : وليش انتي ماتحطينه في الثلاجه ...ليش مب بيتج ..؟
نور حست بثقل في معدتها من وقع الكلمه ...:نعم ..
فهد وهويبلع ضحكته ..: بيت عمج يعني بيتج صح ولا غلطان ..
نور لمحت طرف الضحكه في ثمه ..وانقهرت منه من دخلت وهو يتلاعب فيها ...: صح صاج ..
قربت منه ..عشان تروح لثلاجه ..فهد ببتسامه عريضه انتصار ...بس نور كانت لها نيه ثانيه ..فتحت غطى الجيك ..وقربت منه

....وصبته على راسه كاااااااااااامل لاخر نقطه فيه ....الشي الوحيد اللي صدرمنه شهقه قويه من برودة اللبن ..
نور طالعته بأنتصار ..: اظن وصلكم اللبن ..وضحكت على شكله واللبن مخرس شعره وملابسه ..حتى رموشه الطوال ...بس

الضحكه جمدت في بلعومها بعد ماوقف وملامح الشر كلها في عيونه ..نور حذفت الجيك وشردت ...حتى من غير لاأطالع وراها ...
طالعها وهي تركض ....ضحك ضحكه مدويه ...: الجبانه ...سحب الفاين ومش ويهه ..


------------------------------------------
-

واقفه عند دريشة غرفتها وعاضه اصبعها ..صارت حاله عندها من توفى ابوها ..من طلعت من الصاله وهي واقفه هني هربت من

المواجهه بين عمتها وفهد خافت من ردة فعل عمتها ...اويمكن كانت خايفه من مشاعرها اليديده .. من ناحية بنات عمها ..وو..انقطع

حبل افكارها ...
كان واقف عند سيارته ..هب لابس غتره ..ويتكلم في الجوال ..ويتلاعب في خصل شعره بعصبيه مره...ويحك لحيته مره...ويحرك

النظارات الشمسيه اللي مغطيه معظم ملامحه مره ..وعيونها تلقط كل حركه يسويها ..بنظرات حالمه ...وتسمرت عيونها ...على

ابتسامته ..كان شكله غير ..اوسم ..كانت معطيته دفىء غريب وهاله ..مميزه ..كهربت اطرافها ...ابتسمت لاشعوريا ...رفع عينه

فوق صوبها شهقت ..وتعثرت وطاحت على سريرها ...وهي ترتجف ..وبعد ما أستوعبت الموقف تذكرت ان دريشتها فيها عاكس

مستحيل يجوفها ...تنهدت وانسدحت على السرير ...


----------------------------------------

في مكان ثاني ...الجمعيه ..وقف جدام الجمعيه ..يطالعها بهاالمبني اليديد ...نزل ..كان ناوي يتمشى شوي لين وقت الصلاه بعد

التوتر اللي صار بين امه وفهد ..كان حاس بجوع بعد ماطلع ..وجاف الجمعيه قريب ..عدل الكاب ونزل من سيارة فهد clsدخل

الجمعيه ..وهويطالع اقسامها يبحث عن اي شي يسد فيه جوعه ..وقف عند قسم اكياس الكيك الجاهز وخذ له وحده وفتحها وخذ له

كيس ثاني ..وكان بيتوجه لقسم المشروبات ..لولا ماوقفته بنوته ..وهي تمد عليه ..
: وشمعنى هو يبطل وياكل وانا لا ..؟
بصوت هامس : نوري وجع تعالي ..فضحتينا ..
حمد وهو يبلع لقمته بصعوبه حس انه مجرم وصايدينه ...: ليش ممنوع ..
نوره : غلوي ماتخليني اكل الحلوى وانت تاكل مامسك الشرطي ...طالعت غلا ..انت جذابه ..
حمد : مافيه اصلا شرطي في الجمعيه ..عادي اكلي ..
غلا انقهرت من قلة ادبه عادي عنده الاخ داق سالفه اللي يجوفني يقول البنت فري ...سحبت نوره وشهد اللي في العربه ...وراحت

تحاسب ..وهي ترتجف من الفشيله ..هاذا جزاي صايره طيبه وموديتهم الجمعيه بكيتهم ...
حمد وقف مكانه منذهل من هالغزال ..ابو عيون وساع اللي ورى النقاب الاسود وهالطول الفارع اللي يقل منه بكم سنتيمتير وعباية

الراس والنقاب المحفور اللي زايدها جمال غير طبيعي ..بس ماطالعته ..سحبت البنت من جدامه وراحت حتى من غير لاتعبره ..

كانت مشيتها شيوخيه ورافعه راسها ..ولا اللتفت ... حس بشعور يلوي احشائه من صدت منه ..انا حمد بنات امريكا ..يتسدحون

عشان نظره ..هاي تمسحني كاني ولاشي ...صج قويه ..
خذ له غرشة ماي وراح للكشير اللي وراها ..حاسبت وطلعت ولارحمته بنظره عشان يزدريها ..ويخليها تجوف منهو حمد ال ....

الدريول شال اغراضها ..وركبت يوكن اسود ..
حمد مسك نفسه ..تذكر انه في الدوحه مب زينه في حقه ..دعس بترول وتعدى سيارتها ...حمد قبل لايدخل لفة بيتهم طالع المرايه

وانصدم ..اليوكن الاسود وراه ..الاخت مسويه فيها بريئه ولاحقتني ...حمد تحسف انها من هالنوع ...كان معجب في ادبها ..بس

حسافه ...وقف جدام البيت ونزل بهدوء وهويطالع اليوكن اللي سفط قريب ..ونزلت منه وقفت تنزل وحده من البنوتات لان الثانيه

نزلت وشكلها معصبه ..سكرت الباب ودخلت الفله المجاوره ...مسكت البنت الصغيره من يدها ..ودخلت معاها ..وهو بعده منصدم

..انها ساكنه قريب منه ..ابتسم وعاش امل يديد داخله ...طلع سعد من الباب ومسكه ..: هاي من بيته ؟ومد على الفله المجاوره ..
سعد بضحكه ..: بيت عمي ..عبدالله ...خالك ...
حمد ببتسامه ...يعني طلعت من العيله ...بس عاد اي وحده فيهم وهم اصلا كم وحده ..امممممم عفرا الغاليه مانقدر عليها مشوشه ..

الريم مافي غيرها ..وكانه حصل كنز ..ودخل بسرعه ...

--------------------------------------
-

بعد ماصلى الظهر مع عياله ....وقف عند باب البيت الكبير وهو ضام ايدينه لبعض ..برتباك ..خطوه توديه وخطوه ترجعه ...محتار

..وخايف من اللي بيصير ...

(الفصل السابع )











دخل الميلس وقعد بثقل ..وفتح زرار ثوبه بتعب ..وقعد يطالع اطار الصوره اللي معلقه بنظرات تائهه ..وباله في مكان ثاني ..طلع

المسباح من مخباه وقعد يسبحن شوي ..
دخل فهد وهو منزل راسه من الفشيله من عمه ..:يبه ..
ابومحمد وهوعارف رد فهد ابتسم بحزن ..: لاتقول شي يابوك ..عارف شردها ...وقف بتعب ...الله يهديها ..


فهد : يبه انزين اقعد تغدى ..
ابومحمد : خيركم سابق ..العيال ينطروني ..
فهد : يبه ..كان ودي اقدر اسوي شي ..
ابومحمد ببتسامه هادئه : العمل بيد ربك ..والله يقدم اللي فيه الخير ..وقف يتوجه للباب بس وقف في مكانه بعد ماطلع شاب طويل

عريض في ويهه بلبس غربي ...اللي وقفه ملامح ويهه كانت قريبه منه ذكره بنفسه من فتره هب قريبه ...
حمد تيبس في مكانه وطالع هالريال الكبير ..حس بشعور انه مب غريب منه ..كانه شايفه بس هب عارف وين قرب منه وحب خشمه

...
فهد وهو يكسر تسأل : يبه هاذا حمد ولد عمتي عفرا ...
ابومحمد : يامرحبا ..
حمد بأحراج حب راس خاله ..: هلا يبه شلونك ...؟
ابومحمد : الله يسلمك سلامة الاسفار ...
حمد : الله يسلمك ..وين رايح حياك الغدا ..
ابومحمد : الله يكثر خيركم ..انا جاي اسلم عليكم ..العيال كلهم مجتمعين ...
حمد سكت من الاحراج خاله جاي يسلم وهو اصلا ماطرى على باله هالشي ...والسبب معروف امه الله يسامحها ..واكيد رفضت

تطلع لخاله ...حمد وهو يحاول يداوي الموقف ..: يبه ..اسمح ..بس خاله قاطعه ..
ابومحمد : حمد ..ماصار الاالخير يله استرخص منكم ...وطلع ..
حمد طالع فهد وهومتلوم من خاله ..تنهد بحسره ...: الله يهديها ...يعني عندي خال هالشكل وتطردني منه ...
فهد وهويقعد بتعب ..: الله يسامح الجميع ..موقف كله معقد ...يبي له وقت ..لين ينحل ...ومصير عمتي ..تعقل وتعرف الحقيقه

حقيقة عمي عبدالله ..
حمد قعد جنب فهد : فهد كم هم عيال خالي ..
فهد : اربعه ..محمد الكبير وخالد وبنات نور وغلا ...
حمد ابتسم وبعدها في باله البنت الصغيره يوم قالت غلوي ..اكيد هي ..يعني بنت خالي ...: اها ..
فهد : قم قم تغدا..

---------------------------------


-

كانت تنشف ايدين شهد ومافاتها دخوله غرفته بشكل خوفها قعدت شهد على الكنبه ..وراحت وراه لغرفته وقلبها يسابقها بدقاته

السريعه ...دقت الباب بنعومه معتاده منها ..وسمعت صوته من ورى الباب يسمح لها بدخول ..
كان قاعد على سريره وفاسخ الغتره وفاتح ازره ثوبه كلها ومنزل راسه والشيب متخلله ....قعدت جنبه بهدوء وحطت يدها على

ذراعه : يبه شفيك ..؟
ابومحمد طالعها ببتسامه حنونه ..محد يحس فيه مثلها ..: ماشي ..
غلا وهي ترص بعيونها ..: علينا ابومحمد ..شفيك ..
ابومحمد : مافيني الا العافيه ..
غلا : عيل ليش ماتغديت ..من جيت انسدحت ..
ابومحمد : مالي شاهيه في الاكل ..يمكن من الحر ..
غلا : او من اللي رحت لهم ...رحت لعمتي صح ..
ابومحمد سكت شوي ...: من يومج نبيهه بنت عبدالله ..
غلابأهتمام : شصار ..؟
ابومحمد : ماشي ..
غلا بأستغراب ..: شلون ..ماجفتها ماتكلمتوا ..
ابومحمد : لاماجفتها ..
غلا : رفضت صح ..
ابومحمد هز راسه موافق ..
غلا بغضب : وانت ليش تعور قلبك يبه ..ليش رحت ...
ابومحمد : اختي ..
غلا : بس ماتبي هالخوه ..يبه ليش تدعس على كرامتك عشان ناس مايستاهلوون ..
ابومحمد : لو واحد من خوانج كان سويتي مثلي ...هاي اختي اللي بقت لي من هالدنيا ..اختي حتى لو مارضت ..
غلا :يبه ...انزين انت رحت لها هالمره ..بس اوعدني ماتروح ...يبه لاتذبح روحك عشان عيله ماجفت منها الخير ..يبه تكفى ..

ودمعت عيونها ...
ابومحمد تضايق من شكل غلا وزاد حزنه من الوضع كامل ..مسكها وحظنها ...: بس خلاص ...اللي الله بيقدمه راضي فيه بس

لاتزعلين ...ومسك ويهها ومسح دموعها ...
غلا سندت راسها على صدره ..: يبه مايهون علي اجوفك جذي ...
ابومحمد : الله كريم ويهديها ...
غلا وهي تحس بنار في يوفها من موقف عمتها ..حقدت عليها ...ليش تصد انسان مثل ابوها ..لو تلف العالم ماتلاقي اخو مثله ..

وحظنت ابوها اكثر ...

--------------------------------------

-

قاعدين كلهم متحاولين لعبة Ludoوأكياس الجبس والحب وعلب البيبسي ودلة الشاهي والبيالات مصفوفه وانواع البسكوت والكيك..
نور : غلوي يله سنه يعني تعدين ارقام الزهره خلصي ..
غلا : وجع وشله مستعجله ..خلي اركز من اطير منكم ..
شيخه وهي تنزل علبة الدايت ..: لالالا تكفين ...خرعتينا ..اللي يجوفج تخطيط عسكري ...لعبي لاأفرك ويهج في اللعبه ..
غلا : يمه زين كليتيني ...
مها : يماااااااااااااه منكم سوفااج ..
شيخه بنظره ناقمه ..: ايش ...ايش ...سوووووفاااج ..اقول ..لعبي انتي وياها لاحطكم سندويجة كلاب ..
نور: وعععععععععععععععع ...لاتخليني اكرهها ...الله يلوع جبودهم وع ..
مها : وعع منج انتي وياها ..
غلا وبعد مارمت الزهره ........:اييييييييييييييه ...ماقلت لكم شصار اليوم ..
نور : طحتي في الجمعيه ..؟
غلا : وجع لا ..
نور : خسار كنت مدعيه عليج..
غلا : بكيتج يالدب ...
شيخه : انزين اخلصي شصار ..؟
غلا : ايه ..اليوم وانا في الجمعيه ..جفت لكم ذاك المزيون المووووووووووووت ..
نور : غلا ..وجععععععععععععععع من متى اطالعين الريايل ...
غلا : صبري ..بعدين نظره واحده بس ..
نور : نظره تجر نظره بعدييين ..
مها تقاطعها : نوري انطمي شوي نسمع السالفه بعدين افتي على كيفج ..
نور : ابووووووووووووووك ياقواة العين على هالبرع ...
غلا بقهر : انزين اسمعي السالفه ..
نور : قولي ..يمال ...ال....العافيه ..
غلا : المهم ...نوري نشبت في قسم الكافي الا تبطل لها واحد وتاكله ..وانا معيه قلت لها بجينا شرطي ..
شيخه باهتمام : زين ..
غلا : جان اطالع المزيون ياكل ..وتوقف عنده وتقول لي شمعنى هو وانا لا...قسم بالله كرهتها من قلب ..حسيت بماي بارد على

راسي ..
نور : وبعدين ..
غلا : جان تكمل الاخت مافيه شرطي وهي تقلد صوت نوره حرتني ...جان اللعين يقول لها عادي اكلي ...بغيت اكفخه بالشنطه..الاخ

فالها عادي عندي ..جان الم اغراضي واطلع من الجمعيه ..بس تصدقون قلت بكيت زينه ..على شين اخلاق ووقاحه ...
نور: يعني شباب الحين شتنطرين منهم ...
شيخه : شباب عايش حياته بعرضها وطولها ولاهامه اقصى حد ..
مها : ههههههه وانا اقول رقمته ..بس عشان كلمه ..
شيخه : وجععععععععع ذا اللي ناقص يالعوبا ..
نور : اني داريه ...معاد الاذا بعد قولي عادي نكلم ونطلع مع البوي فرند ..
مها بدلع مصطنع ..: عادي شفيها ..الموضه جذي ..لازم كل وحده عندها بوي فرند مب واحد الااكثر ..
شيخه قامت على مها ولفت يدها ورى ظهرها ..: قصورج يابنت حمد ...
مها وهي تضحك وتتألم ...: شويخ هديني اضحك ...معاكم ..
نور : اضحك ..شيوخ كسري ظروسها عشان ماتعيدهالكلام ..
غلا وهي تفكك مها من ايدين شيخه : يمااااااااه يالمتوحشه فكيها ...
شيخه وهي ادز راس مها : زيد عيدي هالكلام شق احلجج ..
مها وهي ميته من الضحك ..: اللي يجوفج صج مغازله ..
شيخه :بس فكري فيها ..عشان تفقدين الذاكره ..
نقعوا كلهم من الضحك على شيخه وسوالفها ..صلوا العصر ونزلوا تحت عند العيايز ..وضحى وامها ..أول مانزلوا ..حصلو أم فهد

موجوده ....وخف الازعاج اللي كان مصاحب دخلتهم ..
ام فهد ابتسمت من جافت نور ....سلموا البنات وقعدوا...ماعادا نور اللي خذت الدله من خالتها وصارت تصب عليهم ..وهي منحرجه

من نظرات ام فهد ..ابيه لايكون قال لها اللي صار وناقده علي ...نزلت الدله وراحت المطبخ بحجة انها تيب دلة الحليب ...دخلت

المطبخ قعدت على الكرسي وهي تهوجس في اللي سوته كانت جرائه منها وخافت من هالشخصيه اللي طلعت مع وجود فهد ..
وقفت عند باب المطبخ وعينها على الفله الثانيه ...افففففففففففففف ..رجعت وشالت الصينيه اللي فيها دلة الحليب ..ورجعت ...اول

مادخلت حصلتهم كلهم يضحكون ويطالعونها ...وقفت في مكانها ...اكيد قال لها ...يافضيحتي ...نزلت الدله بشويش وهي تحاول

تلقط نظراتهم شي عشان تفهم ...:شفيكم ...؟
ام فهد : نضحك على اللبن اللي جبتيه اليوم ...
نور وقف قلبها ...لالالا كانت بتروح من الفشيله لولا ان ام فهد كملت على نياتها ...: ولد عمج ..شرب اللي هو شرب والباقي طاح

منه وانتثر ...قهرني ...
نور قعدت جنب شيخه وهي تحس بشي ثقيل انزاح من صدرها ...شيخه بهمس ..: مادري ليه عندي احساس ان فيه سالفه على هاللبن

.....
نور وبعد الصدمه مأثره لكزت جنب شيخه : لايمي ثمج بعدين بقول لج ..
شيخه وهي تضحك : هههههه انزين ..والله اني كنت عارفه ..
نور : شاسوي دجاله ..هههههه
شيخه : والله ...سخيفه..ماتضحكين ..ياالبقره ام اللبن ..
نور:وجعععععععععع ..قصري صوتج ....لاحد يسمع ...


-------------------------------------

دخل البيت بتعب حصل خالته قاعده اطالع التلفزيون وشهد ونوره متسدحين على ريولها ...سلم عليها وقعد جنبها وهو يلعب في

خدودشهد المندمجه مع الرسوم ..وتوخر يده بأنزعاج ..: حااااااااااااااالد ..وحل ...(خالد ...وخر )
خالد :هههه مفهيه ..عشان الرسوم ..فديت المعصبين ..
وضحى : حبيبي شهد عيب تقولين لعمج خالد ..وقولي عمي خالد ..
خالد وهو يضحك : لا يمه لالا بعدين يقولون علي شيبه ..
وضحى : سم الله عليك شيخ الشباب ..فديت هالويه ..
خالد : الله الله على المدح وين حمد يسمع هالغزل الصريح ..
وضحى بضحكه : الله يحفظه ..واثق ..مايسمع عواذل ..
خالد : احلا يالواثق ...الامتى بيرجع ..؟
وضحى : من كلامه اليوم على الثلاثاء او الاربعاء بيعود ..
خالد : اها الله يسهل دربه ...الاوين شلة الأنس ..الساعه 10 ومالهم حس ...لايكون زوجتوهم بعدي ...
وضحى وهي تضحك ..: ياليت ...برى في الحوش ..فارشين لهم وقاعدين ..
خالد : وانتي ليه منتي بعندهم ..؟
وضحى : كنت قاعده مع امي قدام لاترقد وبعدين هالعفرتيتين طلعوا لي يبون الرسوم قلت بعد ماتخلص بنطلع لهم ..
خالد : خلاص ..عيل بطلع لهم ...يعطوني عشى ...ميت من اليوع ..
وضحى بأهتمام : ايه يمه قل لهم ..ترى امي قايله للخدامات يخلون لك عشى ...
خالد يبتسم بحنان : فديت قلبها ..
وقام يطلع للبنات في الحوش الوراني صوب الزرع مكان قعدتهم ..

---------------------------------

--

قاعدين مثل الدائره متجمعين حوالين ورق اونو وكل وحده في يدها مجموعه ورق ..طبعا نور وشيخه قاعدين جنب بعض شيخه لافه

الشيله على راسها مثل الترمبا ...ونور مرخيه راسها على جتفها ...
غلا : لاوالله تغشون ..
نور : جب بس اللعبي من اللي يغش الحين ..
مها : لاوالله ..تغش وعادها بعد ..محن بلاعبين مع الغشاشين ...
شيخه : اقول لعبي انتي وياها خاييفن من الخساره ...
غلا : اي خساره وانتوا من الصبح تغشون اكبر خساره يوم لعبنا مع اللي مثلكم ...
حصه : هاي شويخ ..ماتخلي حركاتها ...
شيخه وهي متنرفزه من حصه : اقول حصيص ابلعي العافيه ...
حصه : وانا صادقه تغشين ولاتبين حد يقول شي ...
شيخه : ليه وين غشيت ...قولي يله ..
حصه : مادري الورق اللي في المخبى اللي في صدرج ..شفيه ..جفت نوري يوم حطتها بلفيت تلوي عليج ..
شيخه يوم حست انها انكشفت : اقول حصه قومي رقدي تأخر الوقت ..
حصه : لا مهب على كيفج ..يالسروق انتي ونوري ..
نور : سرقوا جوازج في الهند قولي امين ...وليه ويش سرقت منج ..
شيخه : حصه بترفس في بطنج ترى ..
غلا: ليه عشانها كشفتكم يالغشاشين ..
شيخه : انسه مثاليه انطمي بس ..
غلا: طمج بحر ..ياهيا الشعيبي ....
شيخه ماداني حد يناديها بهالاسم ...جان تقوم على غلا ..تبي تعظها ..بس مها وحصه ماخلوها ..بس نور ماخلتهم يقربون جان

تنقزعلى حصه ومها بس حصه مسكتها لان بنيتها اقوى من نور سدحتها وحطت ركبها على زنودها وثبتتها ...نور تحاول تتخلص

منها ..وشيخه تمكنت من غلا وعظتها بس مها ركبت على ظهرها ومسكت فك شيخه وغلا تحاول تخلص منها ..وقدروا بعد جهد

اسدحوها الثنتين وحده جتفتها والثانيه ركبت على بطنها ..
غلا وهي قاعده عليها : الحين براويج شلون يعظون ..
شيخه وهي ميته من الضحك ..: ام كشه قومي من بطنى عورتيني ...شيخه كانت طافسه من شعر غلا اللي طاير من الهواش ..
غلا انسدحت عليها وعظت خدها بقوه ...لين صرخت شيخه ...: يالدبه فكيني ...يمااااااااه كلتني ...فكيني ...
حصه من صوب ثاني كانت تربط ايدين نور ورى ظهرها بشيلتها وهي ميته من الضحك من نور اللي تتلوى تحتها ...حصه قامت

تعلن انتصارها ..نور حاولت توقف بس بصعوبه وقفت ...وشعرها مغطي ويهها ...حاولت تركض عشان تبعد من حصه وتفك الشيله

..
شيخه فكت نفسها منهم ...بس في لحظه شردوا منها غلا راحت صوب المطبخ ومها ورى الفله شيخه ركضت ورى غلا لانها حارتها

ومها بتقدر عليها البطه ...دخلت المطبخ وخصل شعرها منفلته من كماشتها ..شيخه : غلوي طلعي يالجبانه ...
بس محد رد عليها بطلت الثلاجه ..وطلعت غرشة بيبسي حجم عائلي ..وضحكت بشيطنه ...رجت الدبه ...وراحت ورى الباب .....
نور كانت تلوى ايدينها وهي واقفه بس ..لمحت حصه جايتها تركض ...نور من الخوف ركضت وهي اطالع حصه وراها ....لكن

للأسف مانتبهت للحاجز العشبي وطاحت فيه على ظهرها في حوش عمها ..نور من الصدمه غمضت عيونها كانت تحس بالم في

ظهرها وظلوعها من غير الجروح من الشجر على ايدينها ..
فتحت عيونها بصعوبه وهي تأن ..حاولت تقعد بصعوبه ..يالله ياخذج ياحصوص ...بس حركتها وتوقفت بعد ماسمعت صوت تكسر

اغصان وراها ..شهقت بخوف ...
صوت جلف ..: من اللي هني ..؟
نور وهي شوي وتصيح مانقصني الافهد ...بصوت يرتجف ..: انا ...نـــ .....نور ..
فهد بستغراب ..:نور شتسوين ..؟
نور : لاتقرب ..مب لابسه جلال ..
فهد : زين يله لبسي ..
نور : ماقدر ...
فهد : ايش ...شلون ...خلاص برجع داخل وانتي طلعي ..
http://www.rewity.com/vb/images/smilies/graaam%20%2861%29.gif
نور حاولت تقوم بس الويع ماخلاها ..: ف...فهد ناد الريم ..
فهد : ريم راقده ...نور شفيج ..؟
نور شمرقدها هالحزه ديايه ..: لالالا...
فهد : نور قولي ولاترى بيي اجوف شفيج ..
نور وهي تحاول تحتمى في الظلمه ..: فهد لالالا..ماقدر اقوم ايديني مربطه ...الله يلعن ابليسج ياحصيص ..


فهد : ايش ..من اللي مسوي جذي فيج ..
نور : فهد ..زين ناد اختي غلا ..
فهد : والله شقول لخوانج اذا طلعوا لي اختكم طايحه في حوشنا تبي اختها ..
نور : فهد مب وقتك سخافه ..شاسوي ..
فهد بعد تفكير بسيط ..: لحظه ...وراح مكان حبل الملابس وخذ جلابيه من جلابيات امه ...ورجع لمكانها ...: سمع انا جبت معاي

غطا بغمض عيوني لين اوصل لج وبحطه عليج وفك ايدينج ..
نور بعد مابلعت ريقها ..: لا..شيظمن انك مااطالعني ..
فهد برود : انا بظمن نفسي ..
نور بعد ماحست بروده خافت ..: زين خلاص ..
فهد يوم حس انه قريب منها غمض عيونه وتبع حدسه للوصول لها وصوت تنفسها الغير منتظم ..من التوتر ...بعد ماحس انه قريب

حط الغطا عليها ..: خلاص
نور بصوت خفيف ..: ايه ..
فتح عيونه ..انصدم من ظألة حجمها وهي مربطه حز في نفسه شكلها قعد وراها وحاول يفك الرباط بأصابع تنتفض مرتبكه من

قربها..
نور من قعد وراها سرى في عمودها الفقري تيار كهربائي ..وحاولت تكتم انفاسها من سمعت فحيف انفاسه وعطره اللى كتم انفاسها

ودوخها ...
فهد فك العقده كانها عمليه حسابيه معقده وهو يلاحظ عروق يدها النافره من التوتر ..والخدوش الماليه ايدينها ..هزه هالمنظر الدامي

لها ...
نور حطت ايدينها في حظنها وهي تفركها ..من الم ..وطفرت عيونها بدموع الم وفشيله ..رجعت شعرها تحت الغطا ..ولفت ويها فيه

بس عيونها اللي بينت ..فهد وقف بتوتر وهي تحاول توقف ..كان ودها يساعدها بس نخوته ماسمحت له ..وقفت بصعوبه ..وقبل لاتلف

لمح لمعان دموعها ...تجمد في مكان حس بشي حار يتحرك في صدره ..وثقل على قلبه ...نور تلاشت من قدامه في الظلام وراحت

لبيتهم وهي تتهادى في خطواتها ...
اما فهد وقف يتجرع عواطفه المتضاربه ...عواطف لأول مره تثار في نفسه ..وتقلب كيانه ...ماصدق شعوره وماقدريفسره من جاف

دموعها ..تنهد بتعب ورجع يقعد على الكرسي اللي في الحديقه ويقرى كتابه ويحاول يتناسى هالمشاعر ...

-----------------------------------

واقفه ورى الباب وهي تحاول اداري ضحكتها ...سمعت صوت خطوات قربت من المطبخ ..جهزت الدبه وحطت يدها على فوهتها ..

اول خطوه لدخول غلا ..طلعت في ويهها وفكت الببسي اللي فار من الدبه ....بس الصدمه ...مب غلا ....كان خالد ...
شيخه الدبه طاحت من يدها بعد ماشهقت شهقه قويه ...شردت ورى الباب ..وهي حاطه يدها على حجلها ..وترجف من الخوف ..
خالد بصوت جهوري ...: شييييييييييييييييييييييييييييخه ...
شيخه غاص قلبها من الخوف ورجفت ..لدرجه ان ريولها ماشالتها وقعدت من الخوف ....خالد وهي تسمع صوت صرير اسنانه ..:

شيوخ طلعي ...شهالحركات ..
شيخه بصوت خائف ..: مب قصدي ..كنت ....احسبك ....غلا ..
خالد بغضب : واذا غلا ..بيبسي ..شهالحركات مالت البزران ...اللي يجوفكم مب حريم ..لوتعرسون تيبون درزن عيال ..
شيخه وهي معصبه ..: ياخي قلنا مب قصدنا ...لازم تعقد السالفه ..
خالد من الغضب شات الباب اللي هي واقفه وراه ..ونقزت من الخوف واصدرت صيحه صغيره تمنت انه ماسمعها ..بس خالد سمعها

وضحك وتلاشي غضبه من عرف انها خايفه لان خوفها مب سهل ...: اقول طلعي يله من عندج ...
شيخه ..: لاوالله اطلع اول ..مب لابسه نقاب ..
خالد : عادي تغطي ...لاني ابيج ..في شي ..
شيخه : خير شعندك ..
خالد : خريتي من سابع سما لسابع ارض ..تعالي ..وقالها بقوه ..
شيخه خافت من تفاقم الوضع وتغطت وطلعت ..وبخوف ..: هاه ..
خالد وهويحاول يكتم ضحكته ...: تعالي ..
شيخه وهي ماسكه الباب كانه امان لها منه ..: كاني ..شتبي ..
خالد : يبي لي الفاين ...
شيخه جابت رول الفاين من كبت المطبخ ..ومدته فيه ..: هاك..
خالد ..: مشي ويهي ..
شيخه بصدمه ..: تهبي ...ذا اللي ناقص ..
خالد اتسعت ابتسامته ..: يبي ..بس الفاين ...
شيخه عطته وكانت بتطلع ..بس خالد وقف في طريقها ...: وين ..؟
شيخه : وخر بعد وين بروح داخل ...
خالد : ليه هي بساهل ..بس جذي تسوين اللي تسوينه وتروحين ...لا..مافي طلعه ..
شيخه وهي تبلع ريقها ..: شتبي ..يعني ..
خالد بخبث ..: ابي ...........امممممممممممممم اشياء وايد ....بس الحين ابي ............عشى ...خالد كان يراقب حركات اصابع

ايدينها المرتبكه ..وحس بلذة الانتصار انه زلل امانها ..
شيخه :زين ..واللتفت للفرن وطلعت صحن المعكرونه بالبشاميل ..وحطتها في المايكرويف ..وقعدت تنطر من غير لااطالع وراها

..خالد اللي قعد على الكرس وريح ايدينه على الطاوله ...بعد مانظف ويهه في مغسلة المطبخ ..ونشف ويهه ..شيخه حطت الاكل

جدامه ..
خالد : وين العصير ..؟
شيخه وهي تتأفف ..رجعت صوب الثلاجه ...وطلعت له ميرندا تفاح لانه يحبه ..حطت له ويابت قلاص وحطته جنبه ...شيخه برود

:شي ثاني؟
خالد وهويبتسم لها ..: اكليني ..
شيخه : ليش ياهل ..ولا ماأدل طريج حلجك ...
خالد وهو يزم شفايفه ..: شيخه خاطري اقص لسانج ..
شيخه : مب كيفك ..
خالد وهو يضحك ..: صدقيني ...بيصر بكيفي ...
شيخه وعيونه بغت تطلع من مكانها ...وطلعت من عنده هاذي ثاني مره يحذف مثل هالكلام في ويهها ..مب عارفه شيبي ...راحت

سيده لغرفة نور ...


-------------------------------------------

اليوم الثاني ...صباحا ...غلا كانت واقفه تستعد تلبس نقابها وجلالها ..تبي تتوجه لبيت عمها ..بعد ماأتصلت في الريم تبي من عندها

مرجع لبحثها ..وأكدت لها ان مافيه حد ...

(الفصل الثامن )..





قامت من النوم وجسمها متكسر ..وتحس حريق في ايدينها ..طالعت ايدينها بعيون فيها مثل الغيم ..كانت تلاحظ الجروح السطحيه ..

ولمستها..وحست بألم خفيف ..قعدت وطالعت شيخه متكوره جنبها نايمه ..شهد مارقدت اليوم معاهم رقدت مع ابوها ..
قامت من سريرها دخلت الحمام (وانتوابكرامه) غسلت ويهها ..وصلت صلاة الضحى ...ولبست جلالها ..ونزلت تحت ...
كان الهدوء يلف البيت ..مافيه اي حركه ..
قعدت على الكنب بتعب ..ومددت ايدينها وهي تتثاوب..بصوت من وراها :سكري حلجج لايدخل فيه طياره..
نور وهي تلتفت وظهرها يعورها : وجعع
شيخه وهي تضحك : وين افراد القبيله ...؟
نور : مادري يمكن هاجروا ..
قعدت جنب نور : اي والله ياريت اول وحده نوري وحصيص ..
نور وهي تتذكر اللي صار لها امس ..: بكيت وجهها ..خلي تقوم الدب..اذا مالعنت خيرها ..جوفي ايديني ..تشمخت..
شيخه وهي تضحك على منظر ايدينها ..: ياحضج ..مب انا ..طحت تحت ظروس اخوج ..
نور وهي تضحك : هههههه تستاهلين ...عشان ماتحبين واحد من ال........
شيخه وهي تحط يدها على حلج نور : وجعععععععع كذا على بلاطه يالدب ..قصري الصوت لحد يسمع ..
نور وهي ادز شيخه : وخري كتمتي نفسي ..واللي يرحم والديج كلهم خايسين رقاد اليوم سبت ..لو يصير هجوم محد قام ..
شيخه : وامي ويدتي بعد !
نور : لا...امج ويدوه راحوا لسوق واقف ..
شيخه : اها...زين قومي جيبي لنا ريوق ونسكافيه ..
نور : ليه انتي تعطيني معاش اخر اشهر ..؟
شيخه : ايه ..
نور وهي تكفخها على راسها ..: تخسين ..تبين روحي قولي للخدامات ..
شيخه : بكيت ذا الخشه ..هاذا وانا ضيفه عندج ..
نور : معليه عشان يكون عندج خبره في بيتج المستقبلي ..
شيخه : وجع ..
نور : شيوخ مايلبق لج السحى ..
شيخه : ليه ويههي مغسول بمرق ..
نور : ايه ..
شيخه : نور تلايطي ..ذليتي اخلاق على كم خبزه وقلاص نسكافيه..
وقامت تروح المطبخ ..استوقفتها نور : شيوخ خلي السكر زياده في النسكافيه ..
شيخه : اقلبي ويهج ..وراحت للمطبخ


..

--------------------------

---

كانت قاعده في غرفة الريم تتنظرها ..من طلعت منها من شوي ..مسكت لها قصه اظاهر ريم كانت تقراها ..طالعت ساعتها ..اكيد

البنات قد قاموا ..غلا عدلت قعدتها ..وحطت ريل على ريل ...وين راحت هالريم ..نزلت القصه ومسكت طرف شيلتها وقعدت تلعب



فيها .
انفتح الباب بقوه ..ونقزت من الخرعه ..: ريم خر.....ووقفت الكلمه في حلجها ...وقف شخص مب غريبه ملامحه في ايطار الباب

وكان ماليه بطوله ..كان بيقول شي بس الكلام وقف في حلجه بعد ماشدته العيون السود الملاينه حيره ..اشتبكت نظراتهم ..حمد حس

ان قلبه صعد لبلعومه من جافها وقلبه ينبض بقوه ...غلا كان تحس برجفه في اوصالها وقلبها ينبض بشده ..وشدت اصابعها على

طرف الشيله لين لبيضت اصابعها ..ونزلت عيونها ..من الاحراج ...
حمد وهو يبلع ريقه ..: انتي من بنات خالي عبدالله ؟
غلا رفعت عينها في عينه تحاول تتعرف على مقصده ...بس الاجابه الي صدرت منها هزت راسها ...موافقه .
حمد كان عارف انها غلا من بعد ماعرف من سعد : انا حمد ولد عمتكم عفرا.
غلا بطلت عيونها بتساع ..تذكرت منظر ابوها ..اشتعلت عيونها بنيران حقد متقد ..:زين اخ حمد ...ماتظن ان المكان غلط الي واقف

فيه وتعرفني على نفسك ...وبعدين شلون تدخل غرفة البنت هالشكل وافرض اني مب بنت خالك ..عادي عندك جذي تدخل ..
حمد رفع خشمه بكبرياء وبرود ..: اولا شكرا على حسن ترحيب بنت الخال ثانيا هاي غرفة اختي رضيعتي ماكنت ادري ان فيها حد

لاني جفت الريم نازله وثالثا مب ضروري اشرح شقاعد اسوي في بيتنا لج ..
غلا : لامب ظروري بعد وقفتك هني..... ماحب حد ييب لي الحجي ...
حمد بغضب بارد : الحمد الله الكل يشهد بأخلاقي ..الدور والباقي ..
غلا بعصبيه : قلها عشان اقص لسانك ..الحمد الله بنات عبدالله عمرنا ماركبتنا العيبه تيي انت اخر شي ..وهي تأشر بأصبعه

بستخفاف ..
حمد : والله وماعرفكم ..والباقي اظن مثلي ...فابلا هالمثاليات المفرغه ..
غلا انجرحت ...معقوله يفكرون فيهم جذي ...انترست عيونها دموع بس مانزلت حفاضا على باقي كرامتها اللي اهدرتها ..طالعته

بكره عميق ..وصدت بويهها الصوب الثاني وعدلت جلالها ومشت من جدامه ..وهي رافعه راسه ولا التفت له ..وانصرفت لبيتهم من

غير لاتنتظر الريم وتاخذ الكتاب ..
حمد دخل الغرفه وقف عند الدريشه وحط يبهته على الدريشه وطالعها وهي تمشي بخطوات بطيئه ومنزله راسها بعد ماكانت رافعته

.. انا شسويت ..مادري ليش رديت عليها هالشكل ..استفزتني ..بس ماكان ودي اجرحها ..كان شعور الندم مقطع يوفه خصوصا بعد

منظر الدموع العنيده في عيونها

...

----------------------------------
دخلت الصاله وهي شايله صينيه فيها قلاصين نسكافيه والخدامه وراها تشيل صينيه الريوق ..شيخه : جوفي سويت لج لاني حزينه

من حالج ..
نور : عسى ماشر شايفتني ..
شيخه :رفله ..ماتعرف تسوي شي ..
نور : هاه على كذا ..معليه ..بعدين اتعلم ..
شيخه : اشهد ان الضاوي معتاز ..
نور :خخخخخخخخخ
قعدت جنب نور وهي شايله قلاصها ...قبل لاترفع نقابها ..انسحب القلاص من يدها ..طالعت منصدمه من هاللي تجراء وخذه ...خالد

كان واقف جدامها وبعده بالبيجاما الرماديه ..وماسك قرصها ..
شيخه :عسى ماشر ..قايم من النوم متخرع ..
خالد وهو يمدد ذرعانه : اي والله حلمت انج تشتغلين عندي خدامه ..
شيخه : تخسي ..
خالد : خاست اعضامج ..
شيخه : معليه عادي ...بس يبيب القلاص ...ترى ماطلع الا بعد مذله من اختك ..
خالد : مشكلتج ..القانون لايحمل مغفلين ..
شيخه جافت قلاص نور بعدها ماشالته ...جاان تاخذه ..وطالعت نور المنصدمه : القانون لايحمل مغفلين ..
نور : تحسفتي ..عليه ..
شيخه : ايه ..تبين ..مسكي هالباب ومشي سيده ..ومدت على الباب اللي ويصل للمطبخ ..
نور : بكيتج ..
شيخه طنشت لها وحطت ريل على ريل ومسكت الريمونت وقعدت تفر في القنوات ..خالد قعد على الكنبه الي جنبها ..ونور طلعت

للمطبخ وهي تتحلطم على شيخه ..
خالد : سوي لي خبز وجبن ..
شيخه وهي طالعه بنقمه : لايكون تحسب بعدك تتحلم ..
خالد : لا قاعد حقق حلمي ..
شيخه : اقلب ويهك ..
خالد : ماقدر تعبان ..
شيخه قربت طاوله منها وسوت له سندويجه جبن ...وعطته ...خالد بعبط :أكليني ..
شيخه : بعد ..
خالد : هههههههههههههههه
شيخه : ضحكه من غير ظرووس ..
خالد : فديت ظروسي محتره منهم ليش ان ظروسج طايحه ..
شيخه : طاحت ظروسك وحواجبك..
نور دخلت الصاله : انتي ليش محتره من جمال اخوي ..ومقابله فيه الله من الصبح ...
خالد : مشكله اللي يغارون ..
شيخه : على ويش ياحسره ..وعععععععع والشيفه ..
خالد :يتمناها غيرج ..
شيخه : حلال عليهم ...
نور : اقول خالد ..محمد وينه ؟
خالد : مادري ..البارحه قايل بيروح الصناعيه ..
نور : من صبح عاد ..
خالد : عادي اليوم سبت ..
شيخه : خالد ..
خالد : خير ..
شيخه : بل من اولها خير ...ياخي ماعندك اسلوب ..
خالد : لا ..عندج سلفيني ..ولا اقول لج حوليه لي رصيد خخخخخخخخخخ
شيخه: ههههه ماتضحك ...سخييييييييييييييييف ..
خالد : مب ازود منج ..
نور : بس ..خلاااااااااااص ..فكونا كلكم سخيفين ...وانتي شيوخ شعندج ؟
شيخه : يالفضول ...خلاص مب قايله سد نفسي اخوج بثقل دمه ..
خالد : واللي بيسمع لج بس ..
شيخه :بمووووووووووووت تكفى .. لالا...اسمع بس ..
خالد : حبي يدي اول ...
شيخه : تخسي يعلها القطع ..
خالد : ليش سارق ...
شيخه : ايه سارق سيكل راعي الدكان ..
نور وهي متملله منهم ..: تصدقون تسدون نفس الواحد اسكتوا شوي اتريق على راحتي ..
شيخه : اصرطي يامال التخمه حد ماسكج ...
نور : والله غايظكم ينشب في البلعوم ...يلوع الجبد ...
خالد : زين خلاص بلعي بس ...الا غلا وينها ...غريبه للحين ماجفتها ...؟
نور : من شوي يات من بيت عمي وراحت فوق لغرفتها ...
خالد : شعندها من صبح مسيره ...؟
نور : مادري..
شيخه : رايحه تاخذ مرجع من عند ريم ..
خالد : اها عاد من صبح ..
شيخه : وانت ماتدري ...ترى بنت عمك عيوز من العشا ترقد ..
نور وقفت اللقمه في حلجها بعد ماتذكرت اللي صار امس وكلام فهد ان ريم ترقد مبكر ...تذكرت ملمس ايدنه الدافيه على بشرتها ..

وحست بقشعريره تسرى في اوصالها ..نزلت الخبزه من يدها ورجعت ورى على الكنبه وقلاص النسكافيه في ايدينها ...ابحرت في

عالم ثاني ... عالم عيون سووود وصوت خشن مازال يداعب مسامعها ...
شيخه : انزين الشيخ خالد ..
خالد ببتسامه : هلا ...
شيخه : بما ان اليوم السبت وبكره دوام وكراف ولعنة خير ..والجو حلو غيم وهوا بارد مع احتمال سقوط امطار ...
خالد : وبعد النشره الجويه شل المطلوب ؟
شيخه لفت عليه وثنت ريلها تحتها ...: اممممممممممممممممممممم ابيك تودينا النقيان ..
خالد بضحكه : اممممممممممممممممممممممممممممم معليه ...
شيخه ماصدقت نقزت من الفرح ومسكت ذراعه العاري الي كان مادها على طرف الكنب : صج ..؟
خالد انصدم منها وعض شفته السفليه ..وطالع يدها اللي بعدها على ذراعه وطالعها ...: ايه صج ...واللي تبينه ..وطالع عيونها ..
شيخه انتبهت لنفسها ..شهقت وخرت يدها ..وبعدت شوي وهي منزله عيونها من الاحراج ....خالد يبي يتفادى الوضع ..: خلاص بعد

الغدا اللي تبي تروح تكون جاهزه ..ولاترى بروح وخليها ...وقام من عندهم لغرفته ..
شيخه قعدت في مكانها ولاتحركت ..شلون جاتني الجراءه ومسكت يده ...اكيد الحين يعتقد اني قاطه روحي عليه ..ياربي لين متى

احط روحي في مواقف مايحتاي ....اففففففففففففف...


--------------------------------------

---

انسدح على سريره ..وحط ايدينه تحت راسه ..وقعد يفكر في ملمس يدها الناعم على ذراعه وشعوره بمثل التيار الكهربائي يلامس

بشرته ...ضحك ..تذكر يوم انتبهت لنفسها كان وده ماتشيل يدها ..للحين ماقدر يحدد شعوره من صوبها ...يفرح من يجوفها ويحب

يحرق دمها بس يحزن منها اذا زعلت ... بس تقهره يوم تتحداه ... وده يكسر هالقوه الي فيها ...مايعرف دوم يحس انها بتكون

موجوده في مستقبله ....وهو بالعكس متقبل هالوجود حتى دوم ينغزها بالكلام ...انسدح على جنبه ورجع شعره ورى اذنه ورفع تلفونه

حصل اكثر من ثلاث مكالمات لم يرد عليها ...خيبه ...عليها اظاهر هاي اول مره تكلم ....نزل الجوال وراح للحمام يتسبح ...

----------------------------

--

بعد الغدا طلعوا البنات فوق يتجهزون ...نور طول ماهي تبدل لشهد وبالها مشغول مع اختها غلا ..ماكانت على طبيعتها ...كانت

تضحك بس من ورى قلبها ...بس خلي استفرد فيها ...
نور لبست عبايتهاالكتف لانهم رايحين البر فعادي ماتلبس عباية الراس الا حق الاسواق ونقابها وشيلتها ..وشالت شنطتها المتروسه

انواع الكوافي والحب ...شيخه كانت واقفه عند المرايه تعدل نقابها...طالعت نور الي تهوجس واقفه عند الكبت ....: نوري شبلاج؟
نور : ولاشي ...
شيخه : نوري ...مب علي هالحركات فيج شي ..
نور وهي تتنهد : مادري غلوي من رجعت من بيت عمي فيها شي ...خايفه حد قايل لها شي ولا سامعه شي ..
شيخه وهي تلتفت لها : مثل ايش...؟
نور : مادري ...بس احسها متضايقه ....
شيخه : زين بعدين أسأليها ..
نور : اكيد هاذا اول شي اسويه ...بس خلي نوصل النقيان ...الحين ماقدر احس بعدها مشوشه ..ماراح تقول لي ....
شيخه : نور لاتشغلين نفسج وايد يمكن شي عادي بس انتي حساسه وايد ...
نور : لا اعرفها اختي عدل ....
شيخه :اوكي فرويد ...خلي ننزل لا يهملنا اخوج ...مالي على زيرانه اليوم ...صراحه منطربه على اخر شي ...ابي اتمشى قبل



الدوام...
نور : يله نزلي ومري الخدامات اخذي الدلال من عندهم ...
شيخه : اوكي ...

---------------------------------

--

نزاوا البنات كلهم تحت وخذوا معاهم شهد ونوره لسياره بعد ماشلوا لهم شوية اغراض ..من دلال حليب وفرشه وحرارة فطاير ..

وشوية عصاير للبنوتات ....
ركبوا السياره بعد ماسندرهم خالد بالهرنات ....ركبت نور جدام وراها غلا وجنبها شيخه وجنبها مها ...حصه وشهد ونوره ورى ..

كانت مبوزه عليهم ليش تقعد مع اليهال ..
شيخه وهي مطنقره عليها : وين احطج على راسي ...؟
حصه بغياظ : لافي حظنج ..
شيخه : قصورج بعد ..تكسرين ريولي ...
خالد : نور بطلي الدرج وطلعي نظاراتي ...
نور طلعتها وعطته ...طالعته ..اعجبها شكله كان لابس ثوب بيج ومتعصم ...يوم لبس النظارات صار شكله رهيب ..خخخخخ الله

يعين شويخ اكيد ذابت فديته خوي ..معذب قلوب العذارى ..
نور : خالد ..اطربنا ..
خالد : اوكي ...تبون دكان المحطه لاني بمر اعبي بترول ..
نور : لا مايحتاج محطه ابونخله كلها زحمه ..واحنا مجهزين انفسنا ...



خالد : ان شاءالله ..
وفعلا اول ماوصلوا كانت زحمه والغالبيه شباب ..فعبى خالد السياره ..وطلعوا من المحطه سيده لنقيان ..اول مامسكوا خط النقيان

خالد طول على المسجل ...وعدل المرايه على النص ويات عيونه على شيخه اللي تسولف بأندماج مع غلا ..كان يطالع حركات

ايدينها وهي تسولف ..ضحك وطالع الطريج ..حط صبعه الصغير بين اسنانه وقعد يهوجس في ضحكتهاالناعمه الي دغدغ قلبه..
شيخه التفت على خالد ...أسرها شكله وهو سرحان خصوصا شعره الحريري اللي يداعب اطراف رقبته وعارضه الخفيف وغمزته

اللي على جنب من كثر ماهو صار بأسنانه على صبعه ..كان ودها تشيل صبعه ..رفعت عينها على المرايه الي في نص ..اشتبكت

عيونها بعيونه بعد مانزل نظارات شوي ..شيخه نزلت عينها وقعدت تلعب في خيط في السيت ...خالد عدل النظاره وضحك ..
كان الهدوء مالي السياره ...كانوا مشغوليين بأفكارهم ...لين جات اغنيه على صوت الخليج وكل شوي تقرص في غلا جنبها تبي خالد

يطول ..ومستحيه ..وهي اصلا ماتبيه يفهم لو سمع الاغنيه ..شتحس فيه ...غلا: لاوالله تدرين ماحب اسمع شيرين ...
شيخه : زين قولي لنور ..
غلا: افففففففففف زين...نور طولي على المسجل مهاوي تبي تهديني هالاغنيه ..خخخخ
مها : متى..؟
شيخه وهي تعطيها بالكوع : انطمي ..بس
مها : وجع كسرتي ظلوعي ..
خالد طول على الراديو ...ورجع السكون مره اخرى ..

حبيتة بينى وبين نفسى
وماقولتش على اللى فى نفسى
ماعرفش اية اللى بيحصللى لما بشوف عنية
مابقتش عارفة اقول اية ماعرفش لية خبيت علية
بضعف اوى وانا جنبة وبسلم علية
كل الحب ديا فى قلبى ليك
وانت اغلى الناس عليا وروحى فيك
دانت لو قدام عنيا اشتاق اليك على بالى ولا انت دارى باللى جرالى
والليالى سنين طويلة سيبتهالى
يا انشغالى بكل كلمة قولتهالى الكلام لو كان يعبر على الحنان
كنت قولت انى بحبك من زمان
كل يوم الشوق بيكبر عليا بان على بالى ولا ات دارى
باللى جرالى
والليالى سنين طويلة سيبتهالى يا انشغالى بكل كلمة قولتهالى

شيخه التفت على الدريشه الي جنب غلا وظاعت مع كلمات الاغنيه ..وهي تتنهد ...ضمت ايدينها لصدرها وهي تهوجس ...خالد من

طرف ثاني ماعرف ليش اثرت فيه الاغنيه ...

--------------------------------------------
--

أول ماوصلوا ..نزلوا من السياره بسرعه وانتشروا يستغلون كل دقيقه قبل الحكره ...خالد راح بعيد من البنات عشان ياخذون راحتهم

وراحت معاه شهد ونوره وحصه ..بحكم انها ماتلبس نقاب ..
بعد ماحطوا الفرشه ودلال الحليب والفطاير قريب من السياره ..راحوا يتمشون أول ماحسوا انهم بعيد فسخوا النقابات ...نور وغلا

من اول ماوصلوا وهم حاذفينها في السياره ....
ركبوا فوق النقى وقعدوا على شكل دائره ...غلا طلعت كامراتها الديجيتال وقعدت تصور النقيان والاماكن القريبه ...وبعدين لفت

العدسه على البنات ...وقعدت تصورهم ...نور وشيخه يسون حركات استهبال بعيونهم وحلوجهم ويطلعون ألسنتهم ..
غلا وهي ميته من الضحك : والله ولادعاية المراعي ..ههههه بقر كل وحده مطلعه لسانها ...
شيخه خذت الكامره وقعدت تلحق غلا وتصورها ..هي ومها ...بعدين وقفوا جنب بعض عشان يقهرون شيخه ويسون حركات كيوت

بوقفتهم ...بعدين لفت العدسه على نور ..اللي قعدت على طرف النقى وشيله نازله وخصل شعرها منفلته وداعب ويهها ...صورتها

وهي سرحانه وكانت صورتها تهبل ...
شيخه : تعالو نسوي صوره جماعيه ...
غلا : الله ..يله ..
البنات التمو كلهم على بعض وقربوا روسهم من بعض وغلا ضغطت على الزر التصوير ..مها بنعومه : غلاوي تعالي نصور ..

بروحنا من غير عيايز يخربون صوره ..
نور : عيز حيلج ..يالعصلا ..
مها : احسن منج يالقزمه ..روحي مناك لاأدبسج في القاع ....
نور : بس روحي مناك ياعبدالناصردرويش ..
مها : جب ..
شيخه : خليج من هالمبزره ..وتعالي نطالع اخوج المزيون وين راح ..
نور بضحكه : هههههه شويخ ..وجع ..تخربين اليهال علينا ...
غلا برود : ايه ترى احنا ناقصين ...
نور : غلوي شقصدج ..حست بالجديه في صوت غلا..
غلا وهي تقعد : ماشي ..
شيخه : الافيه شي ...على بالج ماندري ان فيج شي ...
غلا اسكتت ..بعد ماحست انها ماتقدر تخبي عليهم ..انترست عيونها دموع ...وقالت لهم السالفه بعد ماقعدوا كلهم متحاولينها ...
نور : يخسي ..ملعون الصير ..معاد الا هاذا يقولها علينا من فاكر نفسه ...الله الي في سماه لوكنت موجوده جان قطعت لسانه..
غلا: والله انقهرت منه ...بعد يقول ان بيت عمي بعد نفس الشي مب واثقين من اخلاقنا ...بكيته ..
مها : يخسي تربيه ابوي عبدالله وام فهد وامي حمده ماعقبها تعقيب اسود الويه ...
نور: ويفكرون فينا ...يعني بينقطع معاشنا ولابيقطعون روسنا ...بطقاق فيهم ...والله معاد هموني بعد ما هالعوبا عفرا ماكسرت قلب

ابوي ..يجي ولدها قليل التربيه يقول جذي ..يخسون بس ..معاد الا..
شيخه : انزين ممكن تهدون الوضع ...ترى غلا غلطت ..
نور : خيييييييير؟
شيخه : عيل اطول لسانها على ريال شبه غريب عليها ..ويوم بغى يمد الجسور حرقتها بلسانها ..الطويل..
غلا : عيل تبيني اخذه في الاحضان ...
شيخه : لا ...بس هاي ريال ..يعني جرحتي كرامته وانتقم لها ...صدقي مجرب ...
نور بعد سكوت : حتى ولو ماكان له حق ..
شيخه : نوري لوأنا قايله هالكلام لخالد ؟
نور : كان لتج كف ..
شيخه : جفتي ...كل واحد له ردت فعل ...يعني احمدي ربج انها يات على جذي ..
غلا: بس انا معذوره ...بعد ماجفت ابوي ...يطلع لي ولد هالعمه الي قاهره ابوي مستحيل ...
شيخه : بس اهو مايعرف شلي في مخج ...انتي بينتي له فعلا انج ..مب متربيه ..اولا رديتي سلامه وحقرتيه ..شتبينه يقول ونعم

التربيه ..ولو ابوي عبدالله عرف بينحرج ..تدرين بهالشي ..
غلا: بس ...انا مب قصدي ...بس قهرني ..
شيخه : المفروض انتي ياغلا ..اكثر وحده تعرف ابوي عبدالله ...مب هالشكل نرد الاساءه بأسوء منها ..بيزعل لوعرف ..خصوصا

حاليا ..وهويحاول يلم شمل العايله ..حاولو تتفادون المشاكل مع عيال عمانكم ..
سكتو البنات كلهم ...بعد كلام شيخه الي مسهم من داخل وحسوا انهم فعلا تناسوا ابوهم ..وان عقولهم صغار ..بس غلا في داخلها

مستحيل اسامح هالحمد ..

------------------------------
---

بعد الغدا وهي تحاول تحصل فرصه تروح لبيت عمها من غير لاتحس عمتها ..تبي تعرف ليش غلا راحت ولاخذت المرجع شصار

لها ..مب عارفه من تغدت وهي تتصل فيها وجوالها مسكر ..وقالت بتروح لهم بس ماتبي عمتها تعرف وتزعل ..وهي ماترضى على

زعلها ...فقررت بعد صلاة العصر بتروح لهم ...لان عمتها بتطلع مع حمد لبيتها تجوف عمال التنظيف خلصوا وبتاخذ ام فهد

معاها..فقالت اول ما يطلعون بتشل رجلها صوب بيت عمها ...قبل لايرجعون لان بيت العمه قريب ...
اول ماتأكدت انهم طلعوا ...لبست عبايتها ونقابها وطلعت والكتاب في يدها .....وطلعت من البيت وقلبها في بطنها ..ماتعرف ليش

مرافقها شعور غريب من قررت تروح بيت عمها ...تخطت الحاجز بخطوات مرتعشه ..ووصلت لباب الصاله ودقته بس من غير

جواب ..دقت مره ثانيه ..بعد محد رد عليها ..دخلت الصاله وكانت هاديه بشكل غريب ..تقدمت بخجل ..وقفت قريب الباب ..سمعت

صوت كحه خشنه رجوليه ..وقفت في مكانها ..بعد ماجافت زول واحد نازل من الدري ...بلعت ريقها ...اول مانزل بطوله الرهيب

وشموخه ..وبروده ...
ريم : سلام عليكم ..
محمد وقف عند الدري ...برود : عليكم سلام ..وتخطاها وقعد على الكنب وسحب الجريده وفرشها جدامه متجاهل وجودها ..ريم

انصلخ ويهها من الاحراج ...: وين البنات ؟
لف ورقه من الجريده : طلعوا ...فيه شي ...
ريم حاست شفايفها بقهر من اسلوبه ...: سلامتك ...بس كنت جايبه كتاب لغلا كانت باغيته مني ...
محمد من غير لايرفع عينه من الجرايد : مشكوره نزليه على طاوله لين يات بتجوفه ....
ريم حست انها انطردت بطريقه محترمه ....فشتعل غضبها ..: ممكن تقول لي ليش نافخ روحك ....على ايش ..من جايف روحك ..
محمد رفع عينه فيها بغضب وهورافع حاجب ...: الشيخ محمد بن عبدالله ال.... اذا مب عاجبج ...
ريم : ممكن اعرف انا شمسويه لك ...
محمد : من تكونين عشان تسوين ...
ريم : الريم بنت عبدالعزيز ال...
محمد : خير يالطير ...والي ماحفل فيج ...
ريم : ومن اللي قال ابيك تهتم ..انا ماظن سويت لك شي ...عشان تحقد علي بهالشكل ..
محمد وهو يحط ريل على ريل ...بستهزاء ...: جوفي هالمسلسل الخليجي مب علي ...لاني اعرف نوعيتج عدل ...يعني لاتتصنعين

جدامي ...كيفج جدام ابوي خواتي ...انا لا....لاني اعرف نوعيتج ...
نور : وممكن الدكتور محمد يعرفني على نوعيتي ...
محمد وهويرفع الجريده وكانه ينهي الحديث : مايحتاج طالعي روحج في المنظره وتعرفين ....
ريم حذفت الكتاب على الطاوله محدثه صوت تبين على احتجاجها على رأيه فيها ...ريم طلعت من عنده وهي دامعه العينين ..

وشقهاتها تسابقها ..ماتعرف ليش ..محمد ...يعاملها هالشكل ..مع ان له شعور حلو داخلها له ...بس انكسر من قسوته ....دخلت

غرفتها وحذفت روحها على سريروهي تصيح بأنهيار ....
محمد من طلعت أبتسم بأنتصار ...هاذي اول الجولات ...والباقي جاي لين اكسر هالغرور ...اللي كرهته من قبل والحين ...بس

ماعرف ليش حسيت بلحظة ندم من جفت لمعة دمعه ....

-----------------------------------------

بعد مارجعوا من النقيان المغرب خذوا لهم تهزيئه محترمه من وضحى ليش تأخروا وراهم بكره دوامات من غير اليهال ...المهم كل

وحده مسكت لها حمام ..وخالد بعد مانزلهم راح لواحد من ربعه متصل فيه في الصناعيه ..
بعد العشا لبسوا بيجامتهم وتجمعوا في غرفة غلا وقعدوا يسولفون عن الجامعه وبلاويها ..وتسدحوا كل وحده على ريل الثانيه على

شكل دائره ...وسكتوا يفكرون ...
شيخه وهي تتنهد : تدرون شافكر فيه ؟


غلا: ايش ؟
شيخه : افكر في زوج المستقبل ...خاطري ...يكون انسان حنون يفهم مشاعري ..ولايخوني مع حد ..ويكون ريال حمش ..يعني كله

شموخ وكبرياء ..
مها : اما ..انا اهم شي ..يحترمني ..
غلا : لا انا ابي ريال يحترم هلي يعتز انه خذ من بناتهم ...ويرفع راسه بهم ..ويفهمني من النظره..ولا ابيه فري ابي فيه روح البداوه

مثل ابوي ...
نور : قولي تبين مثل ابوي ....
غلا : لا ابوي محد مثله ...غير...
نور وهي تلعب في شعرها : فديته ..
شيخه : وانتي النوري..
نور وهي سرحانه ..:ابيه يكون ريال ناضج ...يحبني ..رومنسي ...يسمعني كلام حب حلو ...ابيه وين ماأمشي ماتفارقني عيونه ..

مايقدر على فراقي ...يحس بوجعي بضحكتي ..متى احتاج متي ماأحتاج ...ابيه ريال ريال خيالي ...اسطوري ...انا وهو ..ينسني

الي حواليني ...بس هو ...

---------------------------------
----


بصوووووووووت حاد وخشن : يمه شلووووووون تسوين جذي من وراي تخطبين ....يمه انا مب مره ...تسوين هالاسلوب معاي ..
ليش يمه .
بصوت عنيد : لانك مستحيل تفكر في نفسك لين يروح شبابك ...وانا ام ابي اجوف عيالك ...وبعدين اعرف مصلحتك عدل ...

(الفصل السادس )





في جنح الليل ..هبطت طائره في مطار الدوحه الولي ..تعلن وصول عفراء ولدها حمد للأرض والوطن بسلامه ...كان في أستقبالهم

فهد الذي ينتظر هالرحله بوجل وخوف من معرفة عمته باللي صار ....هل بتتقبل وجود عمي عبدالله جنبنا وعلاقتنا اليديده فيه

؟كانت هاتسأولات أدورفي مخه ..
وصلوا المسافرين ..للبوابه وفهد ايطالع البوابه يدور ويه مئلوفه ...لين لمح حمد بطوله الفارع وجنبه عمته بجسمها الضئيل ...تقدم

لهم بخطواته الواسعه المرحبه ...والتقوا في الاحضان والسلام ودموع العمه المصاحبه بشوق لولد اخوها ...
وبعد اللقاء والسلام ..شالوا الشنط وتوجهوا للبيت ..اللي فهد وده يكون بعيد وأطول المسافه ..طالع عمته في المرايه كانت تعبانه

وتحارب النعاس بفتح عيونها بصعوبه ..
فهد بهمس ..: ياحليلها عمتي تعبانه ..
حمد وهو يمسح ويهه من أثار التعب ...: الله يعينها هاذا وانا شباب يالله تحملت الرحله ..كيف وحده مثل سنها ..ومعاها ظغط ..
فهد بوجوم ..: الله يعينها ...
حمد بهمس ..: فهد ..فيك شي ..؟
فهد بستغراب ..: شي ...لا ...ليه ...؟
حمد مخفض صوته عشان امه ماتسمع محور حديثهم ..: فهد في عيونك كلام خطير من وصلنا وانت اطالع امي ... صاير شي ..لكم

.؟
فهد بعد صمت قصيروبهمس ..: لا ..انت صاير شكاك اكثر من اللازم ..
حمد بشك ..: هب شكاك الا فطنه ..ومتأكد عندك شي وخايف من ردة فعل امي ...
فهد وهو يطالعه بنظرات مستغربه شلون عرف ...ركز نظره على الطريج ...وقال بصوت جاف ...:عمي عبدالله ..ساكن جنبنا ..

واليوم تعيشنا عنده ..
حمد الصدمه ألجمت لسانه ..وسكت شوي ...بعدين ضحك ...فهد بستغراب ...شلي يضحك ..؟
حمد بضحكه ..: الحين اللي يجوفك يعني من اسرار الدوله ..ويعني خالي عبدالله جنبنكم ..شبيصير ..؟
فهد بملامح بارده ويالطالع عمته اللي بعدها نايمه ..: يعني ماتعرف امك ...وموقفها ..من عمي عبدالله ..؟
حمد : اكيد بيصير غير ..هاي كلام صاير سنين ..مستحيل بعدها شايله حقد عليه ..هاي امي اعرفها ..
فهد بتوجس ..: يعني هب صاير لها شي اذا عرفت ...؟لان عمتي مستحيل تتغير ..اعرفها ..
حمد ..:فهد ترى امي تغيرت من بعد الغربه ...مب نفس اول ...
فهد : بنجوف شبيصير ...بس انت لاتفتح الموضوع جدامها ...لين اقول لها اذا ارتاحت ..
حمد : ان شاء الله ..

-------------------------------













مع اول خيوط الفجر كانت شيخه فاتحه عيونها واطالع السقف بتفكير عميق تفكر في موقف خالد معاها ... خالد كسر شي حلو عنه

داخلها انهزت الصوره الكبيره ... بس في داخلها كانت تبحث له عن عذر على اللي سواه معاها ..يمكن نه يغار ...بس خالد مستحيل

يغار علي ..لالالالالامأظن ...مهب لهدرجه ..رجعت بعض خصلها لورى وقامت من السرير ..بنعومه عشان ماوتقوم نور وشهد ..

دخلت الحمام غسلت ويهها وطلعت ...شالت شنطتها وطلعت حبه من حبوب القولون وكلت حبه لانها حاسه بألم ..ماتعرف الم الجوع

او القولون ...طلعت لها جلال نمري مثل لون جلابيتها البيج المزينه بقطع شيفون نمري ..لبست نقابها وجلالها عشان ماتحرج عيال

خالتها اذا طلعوا في ويهها ..نزلت تحت لصاله ...حصلت يدتها قاعده ودلال القهوه والحليب واصناف الريوق جدامها ..تقدمت منها

وصبحتها بالخير ..وقعدت مقابلتها على الكنبه ..ومدت يدها لدله تصب ليدتها قهوه ...: يمه امي ماقامت ..؟وصبت ومدت يدها لها...
ام جابر : مالج لوا ..بعدها راقده ..نوري ماخلتها ترقد البارحه ..تصيح تبي ابوها ..
شيخه : نوري متعلقه في ابوي اخر درجه ..اول مره يسافر ويخليها ..
ام جابر ..: الا قومها يوم هي عوبا ...لو ان امج تمسدها شوي بالخيزران ..كان خفت من الزلب ..
شيخه بضحكه خفيفه : اي والله ..مهب على حضي ...تمسدها على جنبي لين احكه ..ولاهالنوير مدلعتها هي وشيبتها ...
ام جابر : يامج اخر العنقود ...لازم ..يخرفون عليه ..
شيخه : لو انها توليني ايها كان تعدل ميلها ..
ام جابر : ماقد حد عدل من ميلج يوم انا خابره الحين بتستقويين على ذا المسكينه ..
شيخه : ههههه ..نوري مسيكينه لاوالله سكينه..
شيخه سكتت سمعت صوت حد يتنحنح ...ام جابر بصوت يشيع منه الحنان ..: حياك يمه خالد ..
شيخه حست بتيار كهربائي في عمودها الفقري من سمعت اسمه وخصوصا انه نازل من الدري من وراها ...كانت قمة الارتباك ..بس

تمالكت اعصابها وقعدت في مكانها وهي تلعب في طرف جلالها ..
دخل الصاله ..وحب راس يدته وقعد جنبها ومقابل شيخه ..وصب لنفسه قلاص حليب كرك ورفعه لشفايفه وهو يطالعها ...وهي منزله

عيونها للأرض ...أكيد بعدها ماخذه علي في خاطرها ..لفت نظره حركات أصابع ريولها في صندل البيت ..كانت مبين عليها

العصبيه وهي تحركها ضحك في داخله ..
شيخه ..كانت تخوض معركه ثانيه داخلها بين الاعجاب بشكله وهو لابس اللبس العسكري والشعر المسدول اللي يلامس جبينه ..ويهه

اللي بعد اثار النوم فيها ..شيخه حاولت تطفي هالاعجاب بالموقف اللي صار أمس ..لفت نظرها حركته وهو يتمدد ويحط يده ورى

ظهر يدته ويلمها ..ويبوس خشمها من ورى النقاب ..اللتفت فجاءه لها واشتبكت العيون ..بخيط سحري ..يداعب ارواحهم ..ورفع

النشاط في روح خالد ..وشتت شيخه اللي كانت روحها تلامس السماء من عيونه اللي حست انها سبرت اغوارها ولامست اعماقها..

خالد وهو يبتسم في ويهها ..: كيف الحال الشيخه ..؟وينج امس من السهره ..؟
شيخه ومنقهره منه يعني مايعرف شكان مسوي ويسأل بقواة ويهه ..: يسرك الحال .. ولد الخاله ...بس كنت مصدعه من صراخ

اليهال امس يوم كنت معاهم في الحوش ...فرقدت من وهل ..لاني مب متعوده في بيتنا على هالصريخ ...
خالد ببتسامه خبيثه ..: معليج ...عشان تتعودين اذا عرستي يكون عندج خبره ..
شيخه سكتت ..سخييييييييييف ..قسم بالله قمة السخافه ....لفت ويهها الصوب الثاني ....بس قطع عليهم الجو المتكهرب ام جابر ..:

شيخه يمه ..قومي جوفي الخدامات زهبوا دلة الكرك عشان خالد يوديها معاه ...
شيخه وهي منقهره ..بس حصلتها فرصه تطلع من المكان اللي هو فيه ...دخلت بخطوات متعثره من الغضب ...وقالت للخدامه ..

بصوت مشبع بالعصبيه ..: ياااني ..وين دله مال حليب مال خالد ..؟
الخدامه : في موزود مدام ...فوق تاوله ...
شيخه شالت الشنطه تبي تروح لصاله ..تحذف الشنطه وتروح للغرفه اهم شي ماتتقابل معاه ...لان مالها خلق ..بعد كلامه ..بس اول

ماالتفتت .........كان خالد في ويهها ..واقف في ايطار الباب بطوله الشامخ واشعة الشمس تتخلل سيقانه كان لابس نظارته الشمسيه

..ولاقدرت تميز نظرته ..بس قوت نفسها ماتبي تنغر في طلته اللي تخطف الانفاس ..وتوه تركيزها ....
شيخه بصوت مبحوح من المشاعر المضطربه وهي تمده بالشنطه ....: هاك ..الحليب ..
خالد وهو يمد يده وياخذ الشنطه منها بطء ..ولمست اصابعه طرف كفها ...ولاحظ ارتعاش يدها قبل لاتسحبها وتحطها ورى ظهرها

..خالد ضحك على حركتها الطفوليه ..بس كتم ضحكته اللي بينت غمازاته ..اللي كهربت شيخه بروزها ..وعرقت كفوفها ..وبعلت

ريقها بصعوبه ...
خالد ببتسامه ...: شيخه ............................. انا ...
شيخه تقاطعه بخبث في عيونها ..: خالد ...اذا عشان موقف امس .......لاتعتذر ...أخ ....وفهم اخته غلط ..مافيها شي ...وركزت



على كلمة أخ ....
خالد ..وهو يحوس بثمه ببتسامه ساخره من وقع كلمة اخ على نفسه ..استفزته ..لانها العلاقه والوحيده اللي يرفضها من صوبها ..:

اخ ! اكيد ...بس انا مب ياي اعتذر ...مثل ماقلتي اخ فهم اخته غلط ..يعني مايحتاج اعتذار ...بس بغيت اسأل ..؟
شيخه وهي غارسه اظافرها في كفوفها من القهر ...: عن أيش ...؟ لايكون شاك في شي بعد ...؟
خالد : ليش مسويه شي ..عشان اشك فيج ..؟
شيخه انفجرت في ويهه ...:خالد ..اظاهر في بالك عقد تبي تفكها فيني ..عندك شي قوله اذا ماعندك ..خلني اروح ليدتي اقابلها بدال

هالوقفه اللي مالها داعي ...وكانت بتمشي ..بس وقفها يوم نادها بصوت هامس فيه رجاء ..: شيخه صبري ....
شيخه اللتفتت له بنظرات كلها تساؤل ..لين متى هالعذاب معاك ....خالد وهو يفسخ النظاره ويمسكها بيده ..: شيخه ...شفيج امس

العصر ...؟
شيخه تجمدت في مكانها ...يوم تذكرت الموقف ..خالد جافها من غير شيله ....شيخه الحراره غلفت جسمها من الاحراج ...بصوت

مرتجف ...: ولا شي ..وشردت من قدامه بخطوات سريعه ...من غير لاتلتفت ..خالد وقف في مكان شارد في ساربها وبقايا عطرها

يداعب خشمه ...

فتح عيونه بصعوبه وهو يحس بالثقل في عيونه والحراره فيها ...فرك عيونه يحاول يطالع الساعه عدل ..اللي كانت تأشر على

الساعه 10:45 قعد على السرير يحاول يتذكر وينه موجود ..بعد ما تعودت عيونه على الاثاث الموجود ...تذكر انه في بيت خاله

عبدالعزيز ...رجع انسدح وشال اللحاف وقعد يتعبث في طرف قميص البيجاما ....حك شعره وقام بصعوبه وبعده له خاطر في النووم

..بس قام يتسبح عشان صلاة الجمعه ...
بعد ماطلع ..فتح شنطته ..وطالعها بغباء ...تذكر انه ماعنده ثياب ...بس بونطلونات وتي شيرتات ...صار له ثلاث سنوات ما جى

هني ..واكيد ثيابه كلها ضيقه وقصار ...لبس له بنطلون بيج وتي شيرت زيتي ..ومشط شعره لورى وطالع نفسه في المنظره يتأمل

عارضه الخفيف ..الغير مرتب يبي لنا الحلاق ..بس لازم اخذ مع عيال الخال لفه لين اتذكر ..مشاءالله الدوحه تغيرت عن اخر مره

..رجع خصله نديه مع شعره الرطب اللي كان قصير بس قذلته طويله ويرجعها لورى ...طلع له كاب بيج من الشنطه ..ورش عطر

وطلع ..وهومنحرج يردي مرة خاله ماتحب هاللبس ...وهو ينزل من الدري سمع صوت امه الحاد ...
عفرا : مشاء الله عليك ياولد عبدالعزيز ماقصرت ..سيده مديت يدك للي ذبح ابوك ...ولانسيت ..ولاتبي اذكرك ...
فهد : يمه عفرا ..انتي هدي اعصابج ...ابوي هو اللي جاب هاالشي لنفسه ..لاتنسين ...مب عمي ...واظن انه ماقصر معاج بعد ..

ولانسيتي عشان بس عمي عبدالله ..
عفرا : فهد ...لاتنسي من تكلم ..عمتك ...
فهد : يمه اعذرني طلعتيني من طوري ..يمه ..ترى هاي اخوج بعد ....ترى ماسوينا جريمه ..
عفرا : فهد لو ابوكم كان معرس على امكم كان سويتي مثلي ...
فهد : يمه انسي اللي فات كبرنا ...خلاص اصحاب الشأن ماتوا ...خلينا نتقدم خطوه قدام ...
عفرا : لاتنسى بعدني حيه وصاحبة شان في هالوضع ومستحيل اسمح لعبدالله يهدم باقي عيلة ال..... يكفي اللي فات تشتتنا والسبب

هو وامه ..ولانسيت يافهد ..يوم يدك طرد ابوك عشان هالعبدالله ..
فهد : وانتي قاعده تنفخين في رماد ...لاتحيين شي ...يمه واللي يرحم والديج ...خلينا من هالخلافات ..ونتخطاها ..
عفرا بعناد : مستحييييييل ...اذا انتوا عاجبكم الوضع كيفكم ..انا مستحيل فهمت مستحيل ..
حمد نزل وهو يهز راسه ... كان فهد وامه قاعدين بروحهم في الصاله ...دخل وحب راس امه اللي متأكد انها ماحست فيه من الغضب

..
حمد بدلع وهو يحط يده ورى ظهرها ..: شفيها ست الحبايب ..زعلانه ..
عفرا بعتب وهي اطالع فهد ...: أسأل كبيرالعيله الفاهم ..
فهد بتعب وهو يعدل طاقيته ..: يمه ماظن هالشي جريمه ..بعد ماتهدين بتعرفيين وتشوفين الوضع من جهه ثانيه ...
حمد : افا ...لالالالا ..ام حمد ...لاتزعليين...كيفج ...لاتزعليين ترى الزعل يكبر العمر ..
طالعته بعيون كلها شرار ..: حمد ممكن تنطم ..
حمد ضحك وهو يطالع ملامحها كان عراف انها موصله حدها ..وقرب منها وهو حاط ايده على جتوفها ..: افا قوه في حقي ...

المهندس حمد ..انطم ...من اللي يرضى يشغلني لو اسمع انج قلتي هالكلمه ...افرضي ريم مراسلتنا من الدوحه سمعتج ..والله

لاتصير فضيحتي على مستوى الخليج ...
: اي فضيحه وشلون ماعرفت عنها ..
حمد وهو يطالع امه ...: زين جذي ..
ريم وهي تمشي بخطوات كلها دلع صوب عمتها وتبوس خدها ..: شلونج يمه ..؟
حمد يطالعها وهو عافس ويهه من طلع الريم الزايد ..:تدرين ريموووه ..طول مانا في امريكا ..احوال انهم يسون لي غسيل معده ..

عشان الحليب اللي شربته معاج من خالتي ام فهد ...
ريم اطالعه وهي رافعه حاجب ...: نعم ..؟ ..لك الشرف اني اختك يالشين ..ولا الزين ترى ياييك من يوم رضعت معاي والا كنت

ترووع سكوون ..
ام حمد طالعت ريم بنظره جامده : الريم ..انتي بعد معاهم ..؟
حمد في باله شكلها مب مهونه من الموضوع مهما غيرت ..خلي اطلع من هالمكان قبل لاينفجر راسي ....وطلع من عندهم وفي يده

قلاص حليب ..
ريم بخوف ..: في ايش ..؟
عفرا : في صلحهم مع عمج ...
ريم بتردد وهي طالع فهد ورجعت طالعت عمتها ...وبخوف ..: انا مالي دخل انا رفضت بس هم اللي اصروا ..
فهد بصدمه : ريم ..
ريم : انا ....مالي دخل وشردت لغرفتها وهي تتنافض ..الخوف من فهد ومن عمتها ...
فهد : يمه عفرا ..انا علمتج بالوضع وانتي كيفج ...بس انا مب قاطع عمي ولا اخواني ..والقرار الاخير لج ...بس اسمحي لي مثل

ماانتي عمتي فهو بعد عمي ...
عفرا برووود : كيفك انت واخوانك ...بس انا لا...بس اعرف اني هب راضيه عليكم وراحت لغرفتها وسكرت بابها بقوه تنفس عن



غضبها ...

في مكان اخر نقاش حاد اخر ...بس هالمره بنكهه اخرى .... نور بعناد ..: يمه مايحتاج ماحد بيشربه ..بيكتونه ...خليه انا على

الاقل انتي تشربين منه ..
الجده وهي قاعده على كرسي المطبخ ومتعنزه على عصاها ...: نوري ..جعلج الحمى ..وانتي شعليج ..قومي وديه بيت عمج صدقه

في هاليوم ..حتى لوماشربوه انتي شعليج ...بس وديه ..
نور وهي تضرب ريلها في الارض محتجه ...: يماااااااااااااااه ....ليه الخدامه ماتوديه ...
اليده : كيفي ...ابغيج انتي ...تروحيين ..والاالخدامه اقدر احاكيها ...اذا رحتي دروا العرب انج جبتي شي ..مهب هالعصل يحطون

العازه ويروحون ..
نور : انزين خلي حد من البزران يوديه ..
الجده بعناد : مالج لوا بيكبونه ...
نور : يعني انتي حاطتني في بالج ومعزمه ...


الجده : الله هالله ..وشعندج ياالعوبا ...
نور وهي تحوس بوزها ..: ان شاءالله ....وطلعت من المطبخ عشان تروح تلبس نقابها وجلالها ..كانت تتحلطم ..دخلت غرفتها

وطالعت شيخه بحسد كانت راقده ..بكيتها خلتني اواجه هالمحنه بروحي ..والنخله غلووي مادري وش الجيد اللي طرى عليها موديه

شهد ونوره للجمعيه ...جعلها العثره ...
طلعت لها جلال ابيض مزين بسماوي نفس لون جلابيتها السماويه المزينه بشرايط حريريه وشيفوانت بيضا ..عدلت نقابها المحفور

شوي من عند العيون ولبست جلالها ولفته عدل عشان مايطيح ولبست صندلها ..وطلعت وهي بعدها تعد قوائم دعاوي على اختها

وبنات خالتها ..وفي نفس الوقت تدعي داخلها انها ماتجوف .......................فهد ...
بس يبدو ان دعاويها غير مستجابه ...لان لحظه عبورها السياج العشبي ... كان فهد واقف في المطبخ يشرب قلاص ماي بعد مانشف

ريقه مع عمته ..لمحهامن دريشة المطبخ ..ببنيتها الصغيره ..وعيونها الكبار من ورى النقاب اللي زايدها حلا ..ابتسم ...وقعد على

كرسي المطبخ ...
نور وهوي تتوجه المطبخ ..احسن شي اعطيه الخدامه وارجع واقول لها من وين ..ونخلص من حنة يدوووه ...سلختني في هالقايله

..دخلت المطبخ وجيك اللبن في يدها ....تجمدت عند الباب ...كان قاعد على الكرسي وفي يده قلاص ماي كان وجوده مالي المكان

وصاير ضيق ..نور وهي تبلع ريقها ...: السلام عليكم ..
فهد وهومنزل عينه على القلاص اللي على الطاوله بالفيت مايطالع وه من شوي مفصص تقول ليزر ...: عليكم السلام ورحمه الله

وبركاته ..
نور هاي اللي ناقص احصله جدامي ..: وين الخدامه ..؟
فهد وهويلعب في القلاص ..: بخير الله يسلمج بنت العم ..شلونج انتي ..؟
نور وغليان ابتدى يرتفع ..وهي تبلع رد لاذع ..: الله يسلمك ...شلونك ؟الخدامه وين ..؟
فهد : ليش مصره على الخدامه ...لايكون ناويه تخطفينها ...
نور بأندفاع : وليش ياحظي ماجفت خير ..الحمد الله في نعمه ...
فهد وهويرفع عينه ويطالع النار اللي في عيونها ..اعجبته ..: الله يزيدكم ..الخدامه مب هني ..تبين شي ؟ فهد كان مصرف الخدامه

قبل لاتدخل ..
نور : سلامتك ..بس جايبه اغراض ابي اعطيها ايها ...
فهد : اها ...مايصير انا اخذها ..اهي لها ..؟
نور وهي تعرف انه يستعبط عليها ..: لا..يدتي مطرشه هاللبن ..كان الاحراج كاسيها ...الله يسامحج يدوه اللي حطيتني في هالموقف

..
فهد ببتسامه : اها ام جابر الله يطول عمرها ..انا اقول هي راعية الواجب وطرش ..هب بنات الحين ..بنات الثلاجات ...بس يسخنون

..
نور فار الدم في راسها ..:انزين ياراعي الواجب ...تفضل عطه الخدامه ...
فهدبخبث : وليش انتي ماتحطينه في الثلاجه ...ليش مب بيتج ..؟
نور حست بثقل في معدتها من وقع الكلمه ...:نعم ..
فهد وهويبلع ضحكته ..: بيت عمج يعني بيتج صح ولا غلطان ..
نور لمحت طرف الضحكه في ثمه ..وانقهرت منه من دخلت وهو يتلاعب فيها ...: صح صاج ..
قربت منه ..عشان تروح لثلاجه ..فهد ببتسامه عريضه انتصار ...بس نور كانت لها نيه ثانيه ..فتحت غطى الجيك ..وقربت منه

....وصبته على راسه كاااااااااااامل لاخر نقطه فيه ....الشي الوحيد اللي صدرمنه شهقه قويه من برودة اللبن ..
نور طالعته بأنتصار ..: اظن وصلكم اللبن ..وضحكت على شكله واللبن مخرس شعره وملابسه ..حتى رموشه الطوال ...بس

الضحكه جمدت في بلعومها بعد ماوقف وملامح الشر كلها في عيونه ..نور حذفت الجيك وشردت ...حتى من غير لاأطالع وراها ...
طالعها وهي تركض ....ضحك ضحكه مدويه ...: الجبانه ...سحب الفاين ومش ويهه ..


------------------------------------------
-

واقفه عند دريشة غرفتها وعاضه اصبعها ..صارت حاله عندها من توفى ابوها ..من طلعت من الصاله وهي واقفه هني هربت من

المواجهه بين عمتها وفهد خافت من ردة فعل عمتها ...اويمكن كانت خايفه من مشاعرها اليديده .. من ناحية بنات عمها ..وو..انقطع

حبل افكارها ...
كان واقف عند سيارته ..هب لابس غتره ..ويتكلم في الجوال ..ويتلاعب في خصل شعره بعصبيه مره...ويحك لحيته مره...ويحرك

النظارات الشمسيه اللي مغطيه معظم ملامحه مره ..وعيونها تلقط كل حركه يسويها ..بنظرات حالمه ...وتسمرت عيونها ...على

ابتسامته ..كان شكله غير ..اوسم ..كانت معطيته دفىء غريب وهاله ..مميزه ..كهربت اطرافها ...ابتسمت لاشعوريا ...رفع عينه

فوق صوبها شهقت ..وتعثرت وطاحت على سريرها ...وهي ترتجف ..وبعد ما أستوعبت الموقف تذكرت ان دريشتها فيها عاكس

مستحيل يجوفها ...تنهدت وانسدحت على السرير ...


----------------------------------------

في مكان ثاني ...الجمعيه ..وقف جدام الجمعيه ..يطالعها بهاالمبني اليديد ...نزل ..كان ناوي يتمشى شوي لين وقت الصلاه بعد

التوتر اللي صار بين امه وفهد ..كان حاس بجوع بعد ماطلع ..وجاف الجمعيه قريب ..عدل الكاب ونزل من سيارة فهد clsدخل

الجمعيه ..وهويطالع اقسامها يبحث عن اي شي يسد فيه جوعه ..وقف عند قسم اكياس الكيك الجاهز وخذ له وحده وفتحها وخذ له

كيس ثاني ..وكان بيتوجه لقسم المشروبات ..لولا ماوقفته بنوته ..وهي تمد عليه ..
: وشمعنى هو يبطل وياكل وانا لا ..؟
بصوت هامس : نوري وجع تعالي ..فضحتينا ..
حمد وهو يبلع لقمته بصعوبه حس انه مجرم وصايدينه ...: ليش ممنوع ..
نوره : غلوي ماتخليني اكل الحلوى وانت تاكل مامسك الشرطي ...طالعت غلا ..انت جذابه ..
حمد : مافيه اصلا شرطي في الجمعيه ..عادي اكلي ..
غلا انقهرت من قلة ادبه عادي عنده الاخ داق سالفه اللي يجوفني يقول البنت فري ...سحبت نوره وشهد اللي في العربه ...وراحت

تحاسب ..وهي ترتجف من الفشيله ..هاذا جزاي صايره طيبه وموديتهم الجمعيه بكيتهم ...
حمد وقف مكانه منذهل من هالغزال ..ابو عيون وساع اللي ورى النقاب الاسود وهالطول الفارع اللي يقل منه بكم سنتيمتير وعباية

الراس والنقاب المحفور اللي زايدها جمال غير طبيعي ..بس ماطالعته ..سحبت البنت من جدامه وراحت حتى من غير لاتعبره ..

كانت مشيتها شيوخيه ورافعه راسها ..ولا اللتفت ... حس بشعور يلوي احشائه من صدت منه ..انا حمد بنات امريكا ..يتسدحون

عشان نظره ..هاي تمسحني كاني ولاشي ...صج قويه ..
خذ له غرشة ماي وراح للكشير اللي وراها ..حاسبت وطلعت ولارحمته بنظره عشان يزدريها ..ويخليها تجوف منهو حمد ال ....

الدريول شال اغراضها ..وركبت يوكن اسود ..
حمد مسك نفسه ..تذكر انه في الدوحه مب زينه في حقه ..دعس بترول وتعدى سيارتها ...حمد قبل لايدخل لفة بيتهم طالع المرايه

وانصدم ..اليوكن الاسود وراه ..الاخت مسويه فيها بريئه ولاحقتني ...حمد تحسف انها من هالنوع ...كان معجب في ادبها ..بس

حسافه ...وقف جدام البيت ونزل بهدوء وهويطالع اليوكن اللي سفط قريب ..ونزلت منه وقفت تنزل وحده من البنوتات لان الثانيه

نزلت وشكلها معصبه ..سكرت الباب ودخلت الفله المجاوره ...مسكت البنت الصغيره من يدها ..ودخلت معاها ..وهو بعده منصدم

..انها ساكنه قريب منه ..ابتسم وعاش امل يديد داخله ...طلع سعد من الباب ومسكه ..: هاي من بيته ؟ومد على الفله المجاوره ..
سعد بضحكه ..: بيت عمي ..عبدالله ...خالك ...
حمد ببتسامه ...يعني طلعت من العيله ...بس عاد اي وحده فيهم وهم اصلا كم وحده ..امممممم عفرا الغاليه مانقدر عليها مشوشه ..

الريم مافي غيرها ..وكانه حصل كنز ..ودخل بسرعه ...

--------------------------------------
-

بعد ماصلى الظهر مع عياله ....وقف عند باب البيت الكبير وهو ضام ايدينه لبعض ..برتباك ..خطوه توديه وخطوه ترجعه ...محتار

..وخايف من اللي بيصير ...

(الفصل السابع )











دخل الميلس وقعد بثقل ..وفتح زرار ثوبه بتعب ..وقعد يطالع اطار الصوره اللي معلقه بنظرات تائهه ..وباله في مكان ثاني ..طلع

المسباح من مخباه وقعد يسبحن شوي ..
دخل فهد وهو منزل راسه من الفشيله من عمه ..:يبه ..
ابومحمد وهوعارف رد فهد ابتسم بحزن ..: لاتقول شي يابوك ..عارف شردها ...وقف بتعب ...الله يهديها ..


فهد : يبه انزين اقعد تغدى ..
ابومحمد : خيركم سابق ..العيال ينطروني ..
فهد : يبه ..كان ودي اقدر اسوي شي ..
ابومحمد ببتسامه هادئه : العمل بيد ربك ..والله يقدم اللي فيه الخير ..وقف يتوجه للباب بس وقف في مكانه بعد ماطلع شاب طويل

عريض في ويهه بلبس غربي ...اللي وقفه ملامح ويهه كانت قريبه منه ذكره بنفسه من فتره هب قريبه ...
حمد تيبس في مكانه وطالع هالريال الكبير ..حس بشعور انه مب غريب منه ..كانه شايفه بس هب عارف وين قرب منه وحب خشمه

...
فهد وهو يكسر تسأل : يبه هاذا حمد ولد عمتي عفرا ...
ابومحمد : يامرحبا ..
حمد بأحراج حب راس خاله ..: هلا يبه شلونك ...؟
ابومحمد : الله يسلمك سلامة الاسفار ...
حمد : الله يسلمك ..وين رايح حياك الغدا ..
ابومحمد : الله يكثر خيركم ..انا جاي اسلم عليكم ..العيال كلهم مجتمعين ...
حمد سكت من الاحراج خاله جاي يسلم وهو اصلا ماطرى على باله هالشي ...والسبب معروف امه الله يسامحها ..واكيد رفضت

تطلع لخاله ...حمد وهو يحاول يداوي الموقف ..: يبه ..اسمح ..بس خاله قاطعه ..
ابومحمد : حمد ..ماصار الاالخير يله استرخص منكم ...وطلع ..
حمد طالع فهد وهومتلوم من خاله ..تنهد بحسره ...: الله يهديها ...يعني عندي خال هالشكل وتطردني منه ...
فهد وهويقعد بتعب ..: الله يسامح الجميع ..موقف كله معقد ...يبي له وقت ..لين ينحل ...ومصير عمتي ..تعقل وتعرف الحقيقه

حقيقة عمي عبدالله ..
حمد قعد جنب فهد : فهد كم هم عيال خالي ..
فهد : اربعه ..محمد الكبير وخالد وبنات نور وغلا ...
حمد ابتسم وبعدها في باله البنت الصغيره يوم قالت غلوي ..اكيد هي ..يعني بنت خالي ...: اها ..
فهد : قم قم تغدا..

---------------------------------


-

كانت تنشف ايدين شهد ومافاتها دخوله غرفته بشكل خوفها قعدت شهد على الكنبه ..وراحت وراه لغرفته وقلبها يسابقها بدقاته

السريعه ...دقت الباب بنعومه معتاده منها ..وسمعت صوته من ورى الباب يسمح لها بدخول ..
المحتوى الان غير مخفيكان قاعد على سريره وفاسخ الغتره وفاتح ازره ثوبه كلها ومنزل راسه والشيب متخلله ....قعدت جنبه بهدوء وحطت يدها على

ذراعه : يبه شفيك ..؟
ابومحمد طالعها ببتسامه حنونه ..محد يحس فيه مثلها ..: ماشي ..
غلا وهي ترص بعيونها ..: علينا ابومحمد ..شفيك ..
ابومحمد : مافيني الا العافيه ..
غلا : عيل ليش ماتغديت ..من جيت انسدحت ..
ابومحمد : مالي شاهيه في الاكل ..يمكن من الحر ..
غلا : او من اللي رحت لهم ...رحت لعمتي صح ..
ابومحمد سكت شوي ...: من يومج نبيهه بنت عبدالله ..
غلابأهتمام : شصار ..؟
ابومحمد : ماشي ..
غلا بأستغراب ..: شلون ..ماجفتها ماتكلمتوا ..
ابومحمد : لاماجفتها ..
غلا : رفضت صح ..
ابومحمد هز راسه موافق ..
غلا بغضب : وانت ليش تعور قلبك يبه ..ليش رحت ...
ابومحمد : اختي ..
غلا : بس ماتبي هالخوه ..يبه ليش تدعس على كرامتك عشان ناس مايستاهلوون ..
ابومحمد : لو واحد من خوانج كان سويتي مثلي ...هاي اختي اللي بقت لي من هالدنيا ..اختي حتى لو مارضت ..
غلا :يبه ...انزين انت رحت لها هالمره ..بس اوعدني ماتروح ...يبه لاتذبح روحك عشان عيله ماجفت منها الخير ..يبه تكفى ..

ودمعت عيونها ...
ابومحمد تضايق من شكل غلا وزاد حزنه من الوضع كامل ..مسكها وحظنها ...: بس خلاص ...اللي الله بيقدمه راضي فيه بس

لاتزعلين ...ومسك ويهها ومسح دموعها ...
غلا سندت راسها على صدره ..: يبه مايهون علي اجوفك جذي ...
ابومحمد : الله كريم ويهديها ...
غلا وهي تحس بنار في يوفها من موقف عمتها ..حقدت عليها ...ليش تصد انسان مثل ابوها ..لو تلف العالم ماتلاقي اخو مثله ..

وحظنت ابوها اكثر ...

--------------------------------------

-

قاعدين كلهم متحاولين لعبة Ludoوأكياس الجبس والحب وعلب البيبسي ودلة الشاهي والبيالات مصفوفه وانواع البسكوت والكيك..
نور : غلوي يله سنه يعني تعدين ارقام الزهره خلصي ..
غلا : وجع وشله مستعجله ..خلي اركز من اطير منكم ..
شيخه وهي تنزل علبة الدايت ..: لالالا تكفين ...خرعتينا ..اللي يجوفج تخطيط عسكري ...لعبي لاأفرك ويهج في اللعبه ..
غلا : يمه زين كليتيني ...
مها : يماااااااااااااه منكم سوفااج ..
شيخه بنظره ناقمه ..: ايش ...ايش ...سوووووفاااج ..اقول ..لعبي انتي وياها لاحطكم سندويجة كلاب ..
نور: وعععععععععععععععع ...لاتخليني اكرهها ...الله يلوع جبودهم وع ..
مها : وعع منج انتي وياها ..
غلا وبعد مارمت الزهره ........:اييييييييييييييه ...ماقلت لكم شصار اليوم ..
نور : طحتي في الجمعيه ..؟
غلا : وجع لا ..
نور : خسار كنت مدعيه عليج..
غلا : بكيتج يالدب ...
شيخه : انزين اخلصي شصار ..؟
غلا : ايه ..اليوم وانا في الجمعيه ..جفت لكم ذاك المزيون المووووووووووووت ..
نور : غلا ..وجععععععععععععععع من متى اطالعين الريايل ...
غلا : صبري ..بعدين نظره واحده بس ..
نور : نظره تجر نظره بعدييين ..
مها تقاطعها : نوري انطمي شوي نسمع السالفه بعدين افتي على كيفج ..
نور : ابووووووووووووووك ياقواة العين على هالبرع ...
غلا بقهر : انزين اسمعي السالفه ..
نور : قولي ..يمال ...ال....العافيه ..
غلا : المهم ...نوري نشبت في قسم الكافي الا تبطل لها واحد وتاكله ..وانا معيه قلت لها بجينا شرطي ..
شيخه باهتمام : زين ..
غلا : جان اطالع المزيون ياكل ..وتوقف عنده وتقول لي شمعنى هو وانا لا...قسم بالله كرهتها من قلب ..حسيت بماي بارد على

راسي ..
نور : وبعدين ..
غلا : جان تكمل الاخت مافيه شرطي وهي تقلد صوت نوره حرتني ...جان اللعين يقول لها عادي اكلي ...بغيت اكفخه بالشنطه..الاخ

فالها عادي عندي ..جان الم اغراضي واطلع من الجمعيه ..بس تصدقون قلت بكيت زينه ..على شين اخلاق ووقاحه ...
نور: يعني شباب الحين شتنطرين منهم ...
شيخه : شباب عايش حياته بعرضها وطولها ولاهامه اقصى حد ..
مها : ههههههه وانا اقول رقمته ..بس عشان كلمه ..
شيخه : وجععععععععع ذا اللي ناقص يالعوبا ..
نور : اني داريه ...معاد الاذا بعد قولي عادي نكلم ونطلع مع البوي فرند ..
مها بدلع مصطنع ..: عادي شفيها ..الموضه جذي ..لازم كل وحده عندها بوي فرند مب واحد الااكثر ..
شيخه قامت على مها ولفت يدها ورى ظهرها ..: قصورج يابنت حمد ...
مها وهي تضحك وتتألم ...: شويخ هديني اضحك ...معاكم ..
نور : اضحك ..شيوخ كسري ظروسها عشان ماتعيدهالكلام ..
غلا وهي تفكك مها من ايدين شيخه : يمااااااااه يالمتوحشه فكيها ...
شيخه وهي ادز راس مها : زيد عيدي هالكلام شق احلجج ..
مها وهي ميته من الضحك ..: اللي يجوفج صج مغازله ..
شيخه :بس فكري فيها ..عشان تفقدين الذاكره ..
نقعوا كلهم من الضحك على شيخه وسوالفها ..صلوا العصر ونزلوا تحت عند العيايز ..وضحى وامها ..أول مانزلوا ..حصلو أم فهد

موجوده ....وخف الازعاج اللي كان مصاحب دخلتهم ..
ام فهد ابتسمت من جافت نور ....سلموا البنات وقعدوا...ماعادا نور اللي خذت الدله من خالتها وصارت تصب عليهم ..وهي منحرجه

من نظرات ام فهد ..ابيه لايكون قال لها اللي صار وناقده علي ...نزلت الدله وراحت المطبخ بحجة انها تيب دلة الحليب ...دخلت

المطبخ قعدت على الكرسي وهي تهوجس في اللي سوته كانت جرائه منها وخافت من هالشخصيه اللي طلعت مع وجود فهد ..
وقفت عند باب المطبخ وعينها على الفله الثانيه ...افففففففففففففف ..رجعت وشالت الصينيه اللي فيها دلة الحليب ..ورجعت ...اول

مادخلت حصلتهم كلهم يضحكون ويطالعونها ...وقفت في مكانها ...اكيد قال لها ...يافضيحتي ...نزلت الدله بشويش وهي تحاول

تلقط نظراتهم شي عشان تفهم ...:شفيكم ...؟
ام فهد : نضحك على اللبن اللي جبتيه اليوم ...
نور وقف قلبها ...لالالا كانت بتروح من الفشيله لولا ان ام فهد كملت على نياتها ...: ولد عمج ..شرب اللي هو شرب والباقي طاح

منه وانتثر ...قهرني ...
نور قعدت جنب شيخه وهي تحس بشي ثقيل انزاح من صدرها ...شيخه بهمس ..: مادري ليه عندي احساس ان فيه سالفه على هاللبن

.....
نور وبعد الصدمه مأثره لكزت جنب شيخه : لايمي ثمج بعدين بقول لج ..
شيخه وهي تضحك : هههههه انزين ..والله اني كنت عارفه ..
نور : شاسوي دجاله ..هههههه
شيخه : والله ...سخيفه..ماتضحكين ..ياالبقره ام اللبن ..
نور:وجعععععععععع ..قصري صوتج ....لاحد يسمع ...

دخل البيت بتعب حصل خالته قاعده اطالع التلفزيون وشهد ونوره متسدحين على ريولها ...سلم عليها وقعد جنبها وهو يلعب في

خدودشهد المندمجه مع الرسوم ..وتوخر يده بأنزعاج ..: حااااااااااااااالد ..وحل ...(خالد ...وخر )
خالد :هههه مفهيه ..عشان الرسوم ..فديت المعصبين ..
وضحى : حبيبي شهد عيب تقولين لعمج خالد ..وقولي عمي خالد ..
خالد وهو يضحك : لا يمه لالا بعدين يقولون علي شيبه ..
وضحى : سم الله عليك شيخ الشباب ..فديت هالويه ..
خالد : الله الله على المدح وين حمد يسمع هالغزل الصريح ..
وضحى بضحكه : الله يحفظه ..واثق ..مايسمع عواذل ..
خالد : احلا يالواثق ...الامتى بيرجع ..؟
وضحى : من كلامه اليوم على الثلاثاء او الاربعاء بيعود ..
خالد : اها الله يسهل دربه ...الاوين شلة الأنس ..الساعه 10 ومالهم حس ...لايكون زوجتوهم بعدي ...
وضحى وهي تضحك ..: ياليت ...برى في الحوش ..فارشين لهم وقاعدين ..
خالد : وانتي ليه منتي بعندهم ..؟
وضحى : كنت قاعده مع امي قدام لاترقد وبعدين هالعفرتيتين طلعوا لي يبون الرسوم قلت بعد ماتخلص بنطلع لهم ..
خالد : خلاص ..عيل بطلع لهم ...يعطوني عشى ...ميت من اليوع ..
وضحى بأهتمام : ايه يمه قل لهم ..ترى امي قايله للخدامات يخلون لك عشى ...
خالد يبتسم بحنان : فديت قلبها ..
وقام يطلع للبنات في الحوش الوراني صوب الزرع مكان قعدتهم ..

---------------------------------

--

قاعدين مثل الدائره متجمعين حوالين ورق اونو وكل وحده في يدها مجموعه ورق ..طبعا نور وشيخه قاعدين جنب بعض شيخه لافه

الشيله على راسها مثل الترمبا ...ونور مرخيه راسها على جتفها ...
غلا : لاوالله تغشون ..
نور : جب بس اللعبي من اللي يغش الحين ..
مها : لاوالله ..تغش وعادها بعد ..محن بلاعبين مع الغشاشين ...
شيخه : اقول لعبي انتي وياها خاييفن من الخساره ...
غلا : اي خساره وانتوا من الصبح تغشون اكبر خساره يوم لعبنا مع اللي مثلكم ...
حصه : هاي شويخ ..ماتخلي حركاتها ...
شيخه وهي متنرفزه من حصه : اقول حصيص ابلعي العافيه ...
حصه : وانا صادقه تغشين ولاتبين حد يقول شي ...
شيخه : ليه وين غشيت ...قولي يله ..
حصه : مادري الورق اللي في المخبى اللي في صدرج ..شفيه ..جفت نوري يوم حطتها بلفيت تلوي عليج ..
شيخه يوم حست انها انكشفت : اقول حصه قومي رقدي تأخر الوقت ..
حصه : لا مهب على كيفج ..يالسروق انتي ونوري ..
نور : سرقوا جوازج في الهند قولي امين ...وليه ويش سرقت منج ..
شيخه : حصه بترفس في بطنج ترى ..
غلا: ليه عشانها كشفتكم يالغشاشين ..
شيخه : انسه مثاليه انطمي بس ..
غلا: طمج بحر ..ياهيا الشعيبي ....
شيخه ماداني حد يناديها بهالاسم ...جان تقوم على غلا ..تبي تعظها ..بس مها وحصه ماخلوها ..بس نور ماخلتهم يقربون جان

تنقزعلى حصه ومها بس حصه مسكتها لان بنيتها اقوى من نور سدحتها وحطت ركبها على زنودها وثبتتها ...نور تحاول تتخلص

منها ..وشيخه تمكنت من غلا وعظتها بس مها ركبت على ظهرها ومسكت فك شيخه وغلا تحاول تخلص منها ..وقدروا بعد جهد

اسدحوها الثنتين وحده جتفتها والثانيه ركبت على بطنها ..
غلا وهي قاعده عليها : الحين براويج شلون يعظون ..
شيخه وهي ميته من الضحك ..: ام كشه قومي من بطنى عورتيني ...شيخه كانت طافسه من شعر غلا اللي طاير من الهواش ..
غلا انسدحت عليها وعظت خدها بقوه ...لين صرخت شيخه ...: يالدبه فكيني ...يمااااااااه كلتني ...فكيني ...
حصه من صوب ثاني كانت تربط ايدين نور ورى ظهرها بشيلتها وهي ميته من الضحك من نور اللي تتلوى تحتها ...حصه قامت

تعلن انتصارها ..نور حاولت توقف بس بصعوبه وقفت ...وشعرها مغطي ويهها ...حاولت تركض عشان تبعد من حصه وتفك الشيله

..
شيخه فكت نفسها منهم ...بس في لحظه شردوا منها غلا راحت صوب المطبخ ومها ورى الفله شيخه ركضت ورى غلا لانها حارتها

ومها بتقدر عليها البطه ...دخلت المطبخ وخصل شعرها منفلته من كماشتها ..شيخه : غلوي طلعي يالجبانه ...
بس محد رد عليها بطلت الثلاجه ..وطلعت غرشة بيبسي حجم عائلي ..وضحكت بشيطنه ...رجت الدبه ...وراحت ورى الباب .....
نور كانت تلوى ايدينها وهي واقفه بس ..لمحت حصه جايتها تركض ...نور من الخوف ركضت وهي اطالع حصه وراها ....لكن

للأسف مانتبهت للحاجز العشبي وطاحت فيه على ظهرها في حوش عمها ..نور من الصدمه غمضت عيونها كانت تحس بالم في

ظهرها وظلوعها من غير الجروح من الشجر على ايدينها ..
فتحت عيونها بصعوبه وهي تأن ..حاولت تقعد بصعوبه ..يالله ياخذج ياحصوص ...بس حركتها وتوقفت بعد ماسمعت صوت تكسر

اغصان وراها ..شهقت بخوف ...
صوت جلف ..: من اللي هني ..؟
نور وهي شوي وتصيح مانقصني الافهد ...بصوت يرتجف ..: انا ...نـــ .....نور ..
فهد بستغراب ..:نور شتسوين ..؟
نور : لاتقرب ..مب لابسه جلال ..
فهد : زين يله لبسي ..
نور : ماقدر ...
فهد : ايش ...شلون ...خلاص برجع داخل وانتي طلعي ..
http://forums.graaam.com/images/smilies/graaam%20%2861%29.gif

نور حاولت تقوم بس الويع ماخلاها ..: ف...فهد ناد الريم ..
فهد : ريم راقده ...نور شفيج ..؟
نور شمرقدها هالحزه ديايه ..: لالالا...
فهد : نور قولي ولاترى بيي اجوف شفيج ..
نور وهي تحاول تحتمى في الظلمه ..: فهد لالالا..ماقدر اقوم ايديني مربطه ...الله يلعن ابليسج ياحصيص ..


فهد : ايش ..من اللي مسوي جذي فيج ..
نور : فهد ..زين ناد اختي غلا ..
فهد : والله شقول لخوانج اذا طلعوا لي اختكم طايحه في حوشنا تبي اختها ..
نور : فهد مب وقتك سخافه ..شاسوي ..
فهد بعد تفكير بسيط ..: لحظه ...وراح مكان حبل الملابس وخذ جلابيه من جلابيات امه ...ورجع لمكانها ...: سمع انا جبت معاي

غطا بغمض عيوني لين اوصل لج وبحطه عليج وفك ايدينج ..
نور بعد مابلعت ريقها ..: لا..شيظمن انك مااطالعني ..
فهد برود : انا بظمن نفسي ..
نور بعد ماحست بروده خافت ..: زين خلاص ..
فهد يوم حس انه قريب منها غمض عيونه وتبع حدسه للوصول لها وصوت تنفسها الغير منتظم ..من التوتر ...بعد ماحس انه قريب

حط الغطا عليها ..: خلاص
نور بصوت خفيف ..: ايه ..
فتح عيونه ..انصدم من ظألة حجمها وهي مربطه حز في نفسه شكلها قعد وراها وحاول يفك الرباط بأصابع تنتفض مرتبكه من

قربها..
نور من قعد وراها سرى في عمودها الفقري تيار كهربائي ..وحاولت تكتم انفاسها من سمعت فحيف انفاسه وعطره اللى كتم انفاسها

ودوخها ...
فهد فك العقده كانها عمليه حسابيه معقده وهو يلاحظ عروق يدها النافره من التوتر ..والخدوش الماليه ايدينها ..هزه هالمنظر الدامي

لها ...
نور حطت ايدينها في حظنها وهي تفركها ..من الم ..وطفرت عيونها بدموع الم وفشيله ..رجعت شعرها تحت الغطا ..ولفت ويها فيه

بس عيونها اللي بينت ..فهد وقف بتوتر وهي تحاول توقف ..كان ودها يساعدها بس نخوته ماسمحت له ..وقفت بصعوبه ..وقبل لاتلف

لمح لمعان دموعها ...تجمد في مكان حس بشي حار يتحرك في صدره ..وثقل على قلبه ...نور تلاشت من قدامه في الظلام وراحت

لبيتهم وهي تتهادى في خطواتها ...
اما فهد وقف يتجرع عواطفه المتضاربه ...عواطف لأول مره تثار في نفسه ..وتقلب كيانه ...ماصدق شعوره وماقدريفسره من جاف

دموعها ..تنهد بتعب ورجع يقعد على الكرسي اللي في الحديقه ويقرى كتابه ويحاول يتناسى هالمشاعر ...

-----------------------------------

واقفه ورى الباب وهي تحاول اداري ضحكتها ...سمعت صوت خطوات قربت من المطبخ ..جهزت الدبه وحطت يدها على فوهتها ..

اول خطوه لدخول غلا ..طلعت في ويهها وفكت الببسي اللي فار من الدبه ....بس الصدمه ...مب غلا ....كان خالد ...
شيخه الدبه طاحت من يدها بعد ماشهقت شهقه قويه ...شردت ورى الباب ..وهي حاطه يدها على حجلها ..وترجف من الخوف ..
خالد بصوت جهوري ...: شييييييييييييييييييييييييييييخه ...
شيخه غاص قلبها من الخوف ورجفت ..لدرجه ان ريولها ماشالتها وقعدت من الخوف ....خالد وهي تسمع صوت صرير اسنانه ..:

شيوخ طلعي ...شهالحركات ..
شيخه بصوت خائف ..: مب قصدي ..كنت ....احسبك ....غلا ..
خالد بغضب : واذا غلا ..بيبسي ..شهالحركات مالت البزران ...اللي يجوفكم مب حريم ..لوتعرسون تيبون درزن عيال ..
شيخه وهي معصبه ..: ياخي قلنا مب قصدنا ...لازم تعقد السالفه ..
خالد من الغضب شات الباب اللي هي واقفه وراه ..ونقزت من الخوف واصدرت صيحه صغيره تمنت انه ماسمعها ..بس خالد سمعها

وضحك وتلاشي غضبه من عرف انها خايفه لان خوفها مب سهل ...: اقول طلعي يله من عندج ...
شيخه ..: لاوالله اطلع اول ..مب لابسه نقاب ..
خالد : عادي تغطي ...لاني ابيج ..في شي ..
شيخه : خير شعندك ..
خالد : خريتي من سابع سما لسابع ارض ..تعالي ..وقالها بقوه ..
شيخه خافت من تفاقم الوضع وتغطت وطلعت ..وبخوف ..: هاه ..
خالد وهويحاول يكتم ضحكته ...: تعالي ..
شيخه وهي ماسكه الباب كانه امان لها منه ..: كاني ..شتبي ..
خالد : يبي لي الفاين ...
شيخه جابت رول الفاين من كبت المطبخ ..ومدته فيه ..: هاك..
خالد ..: مشي ويهي ..
شيخه بصدمه ..: تهبي ...ذا اللي ناقص ..
خالد اتسعت ابتسامته ..: يبي ..بس الفاين ...
شيخه عطته وكانت بتطلع ..بس خالد وقف في طريقها ...: وين ..؟
شيخه : وخر بعد وين بروح داخل ...
خالد : ليه هي بساهل ..بس جذي تسوين اللي تسوينه وتروحين ...لا..مافي طلعه ..
شيخه وهي تبلع ريقها ..: شتبي ..يعني ..
خالد بخبث ..: ابي ...........امممممممممممممم اشياء وايد ....بس الحين ابي ............عشى ...خالد كان يراقب حركات اصابع

ايدينها المرتبكه ..وحس بلذة الانتصار انه زلل امانها ..
شيخه :زين ..واللتفت للفرن وطلعت صحن المعكرونه بالبشاميل ..وحطتها في المايكرويف ..وقعدت تنطر من غير لااطالع وراها

..خالد اللي قعد على الكرس وريح ايدينه على الطاوله ...بعد مانظف ويهه في مغسلة المطبخ ..ونشف ويهه ..شيخه حطت الاكل

جدامه ..
خالد : وين العصير ..؟
شيخه وهي تتأفف ..رجعت صوب الثلاجه ...وطلعت له ميرندا تفاح لانه يحبه ..حطت له ويابت قلاص وحطته جنبه ...شيخه برود

:شي ثاني؟
خالد وهويبتسم لها ..: اكليني ..
شيخه : ليش ياهل ..ولا ماأدل طريج حلجك ...
خالد وهو يزم شفايفه ..: شيخه خاطري اقص لسانج ..
شيخه : مب كيفك ..
خالد وهو يضحك ..: صدقيني ...بيصر بكيفي ...
شيخه وعيونه بغت تطلع من مكانها ...وطلعت من عنده هاذي ثاني مره يحذف مثل هالكلام في ويهها ..مب عارفه شيبي ...راحت

سيده لغرفة نور ...


-------------------------------------------

اليوم الثاني ...صباحا ...غلا كانت واقفه تستعد تلبس نقابها وجلالها ..تبي تتوجه لبيت عمها ..بعد ماأتصلت في الريم تبي من عندها

مرجع لبحثها ..وأكدت لها ان مافيه حد ...

http://forums.graaam.com/images/smilies/graaam%20%28157%29.gif-----------------------------http://forums.graaam.com/images/smilies/graaam%20%28284%29.gif

..(الفصل الثامن )..





قامت من النوم وجسمها متكسر ..وتحس حريق في ايدينها ..طالعت ايدينها بعيون فيها مثل الغيم ..كانت تلاحظ الجروح السطحيه ..

ولمستها..وحست بألم خفيف ..قعدت وطالعت شيخه متكوره جنبها نايمه ..شهد مارقدت اليوم معاهم رقدت مع ابوها ..
قامت من سريرها دخلت الحمام (وانتوابكرامه) غسلت ويهها ..وصلت صلاة الضحى ...ولبست جلالها ..ونزلت تحت ...
كان الهدوء يلف البيت ..مافيه اي حركه ..
قعدت على الكنب بتعب ..ومددت ايدينها وهي تتثاوب..بصوت من وراها :سكري حلجج لايدخل فيه طياره..
نور وهي تلتفت وظهرها يعورها : وجعع
شيخه وهي تضحك : وين افراد القبيله ...؟
نور : مادري يمكن هاجروا ..
قعدت جنب نور : اي والله ياريت اول وحده نوري وحصيص ..
نور وهي تتذكر اللي صار لها امس ..: بكيت وجهها ..خلي تقوم الدب..اذا مالعنت خيرها ..جوفي ايديني ..تشمخت..
شيخه وهي تضحك على منظر ايدينها ..: ياحضج ..مب انا ..طحت تحت ظروس اخوج ..
نور وهي تضحك : هههههه تستاهلين ...عشان ماتحبين واحد من ال........
شيخه وهي تحط يدها على حلج نور : وجعععععععع كذا على بلاطه يالدب ..قصري الصوت لحد يسمع ..
نور وهي ادز شيخه : وخري كتمتي نفسي ..واللي يرحم والديج كلهم خايسين رقاد اليوم سبت ..لو يصير هجوم محد قام ..
شيخه : وامي ويدتي بعد !
نور : لا...امج ويدوه راحوا لسوق واقف ..
شيخه : اها...زين قومي جيبي لنا ريوق ونسكافيه ..
نور : ليه انتي تعطيني معاش اخر اشهر ..؟
شيخه : ايه ..
نور وهي تكفخها على راسها ..: تخسين ..تبين روحي قولي للخدامات ..
شيخه : بكيت ذا الخشه ..هاذا وانا ضيفه عندج ..
نور : معليه عشان يكون عندج خبره في بيتج المستقبلي ..
شيخه : وجع ..
نور : شيوخ مايلبق لج السحى ..
شيخه : ليه ويههي مغسول بمرق ..
نور : ايه ..
شيخه : نور تلايطي ..ذليتي اخلاق على كم خبزه وقلاص نسكافيه..
وقامت تروح المطبخ ..استوقفتها نور : شيوخ خلي السكر زياده في النسكافيه ..
شيخه : اقلبي ويهج ..وراحت للمطبخ


..

--------------------------

---

كانت قاعده في غرفة الريم تتنظرها ..من طلعت منها من شوي ..مسكت لها قصه اظاهر ريم كانت تقراها ..طالعت ساعتها ..اكيد

البنات قد قاموا ..غلا عدلت قعدتها ..وحطت ريل على ريل ...وين راحت هالريم ..نزلت القصه ومسكت طرف شيلتها وقعدت تلعب



فيها .
انفتح الباب بقوه ..ونقزت من الخرعه ..: ريم خر.....ووقفت الكلمه في حلجها ...وقف شخص مب غريبه ملامحه في ايطار الباب

وكان ماليه بطوله ..كان بيقول شي بس الكلام وقف في حلجه بعد ماشدته العيون السود الملاينه حيره ..اشتبكت نظراتهم ..حمد حس

ان قلبه صعد لبلعومه من جافها وقلبه ينبض بقوه ...غلا كان تحس برجفه في اوصالها وقلبها ينبض بشده ..وشدت اصابعها على

طرف الشيله لين لبيضت اصابعها ..ونزلت عيونها ..من الاحراج ...
حمد وهو يبلع ريقه ..: انتي من بنات خالي عبدالله ؟
غلا رفعت عينها في عينه تحاول تتعرف على مقصده ...بس الاجابه الي صدرت منها هزت راسها ...موافقه .
حمد كان عارف انها غلا من بعد ماعرف من سعد : انا حمد ولد عمتكم عفرا.
غلا بطلت عيونها بتساع ..تذكرت منظر ابوها ..اشتعلت عيونها بنيران حقد متقد ..:زين اخ حمد ...ماتظن ان المكان غلط الي واقف

فيه وتعرفني على نفسك ...وبعدين شلون تدخل غرفة البنت هالشكل وافرض اني مب بنت خالك ..عادي عندك جذي تدخل ..
حمد رفع خشمه بكبرياء وبرود ..: اولا شكرا على حسن ترحيب بنت الخال ثانيا هاي غرفة اختي رضيعتي ماكنت ادري ان فيها حد

لاني جفت الريم نازله وثالثا مب ضروري اشرح شقاعد اسوي في بيتنا لج ..
غلا : لامب ظروري بعد وقفتك هني..... ماحب حد ييب لي الحجي ...
حمد بغضب بارد : الحمد الله الكل يشهد بأخلاقي ..الدور والباقي ..
غلا بعصبيه : قلها عشان اقص لسانك ..الحمد الله بنات عبدالله عمرنا ماركبتنا العيبه تيي انت اخر شي ..وهي تأشر بأصبعه

بستخفاف ..
حمد : والله وماعرفكم ..والباقي اظن مثلي ...فابلا هالمثاليات المفرغه ..
غلا انجرحت ...معقوله يفكرون فيهم جذي ...انترست عيونها دموع بس مانزلت حفاضا على باقي كرامتها اللي اهدرتها ..طالعته

بكره عميق ..وصدت بويهها الصوب الثاني وعدلت جلالها ومشت من جدامه ..وهي رافعه راسه ولا التفت له ..وانصرفت لبيتهم من

غير لاتنتظر الريم وتاخذ الكتاب ..
حمد دخل الغرفه وقف عند الدريشه وحط يبهته على الدريشه وطالعها وهي تمشي بخطوات بطيئه ومنزله راسها بعد ماكانت رافعته

.. انا شسويت ..مادري ليش رديت عليها هالشكل ..استفزتني ..بس ماكان ودي اجرحها ..كان شعور الندم مقطع يوفه خصوصا بعد

منظر الدموع العنيده في عيونها

...

دخلت الصاله وهي شايله صينيه فيها قلاصين نسكافيه والخدامه وراها تشيل صينيه الريوق ..شيخه : جوفي سويت لج لاني حزينه

من حالج ..
نور : عسى ماشر شايفتني ..
شيخه :رفله ..ماتعرف تسوي شي ..
نور : هاه على كذا ..معليه ..بعدين اتعلم ..
شيخه : اشهد ان الضاوي معتاز ..
نور :خخخخخخخخخ
قعدت جنب نور وهي شايله قلاصها ...قبل لاترفع نقابها ..انسحب القلاص من يدها ..طالعت منصدمه من هاللي تجراء وخذه ...خالد

كان واقف جدامها وبعده بالبيجاما الرماديه ..وماسك قرصها ..
شيخه :عسى ماشر ..قايم من النوم متخرع ..
خالد وهو يمدد ذرعانه : اي والله حلمت انج تشتغلين عندي خدامه ..
شيخه : تخسي ..
خالد : خاست اعضامج ..
شيخه : معليه عادي ...بس يبيب القلاص ...ترى ماطلع الا بعد مذله من اختك ..
خالد : مشكلتج ..القانون لايحمل مغفلين ..
شيخه جافت قلاص نور بعدها ماشالته ...جاان تاخذه ..وطالعت نور المنصدمه : القانون لايحمل مغفلين ..
نور : تحسفتي ..عليه ..
شيخه : ايه ..تبين ..مسكي هالباب ومشي سيده ..ومدت على الباب اللي ويصل للمطبخ ..
نور : بكيتج ..
شيخه طنشت لها وحطت ريل على ريل ومسكت الريمونت وقعدت تفر في القنوات ..خالد قعد على الكنبه الي جنبها ..ونور طلعت

للمطبخ وهي تتحلطم على شيخه ..
خالد : سوي لي خبز وجبن ..
شيخه وهي طالعه بنقمه : لايكون تحسب بعدك تتحلم ..
خالد : لا قاعد حقق حلمي ..
شيخه : اقلب ويهك ..
خالد : ماقدر تعبان ..
شيخه قربت طاوله منها وسوت له سندويجه جبن ...وعطته ...خالد بعبط :أكليني ..
شيخه : بعد ..
خالد : هههههههههههههههه
شيخه : ضحكه من غير ظرووس ..
خالد : فديت ظروسي محتره منهم ليش ان ظروسج طايحه ..
شيخه : طاحت ظروسك وحواجبك..
نور دخلت الصاله : انتي ليش محتره من جمال اخوي ..ومقابله فيه الله من الصبح ...
خالد : مشكله اللي يغارون ..
شيخه : على ويش ياحسره ..وعععععععع والشيفه ..
خالد :يتمناها غيرج ..
شيخه : حلال عليهم ...
نور : اقول خالد ..محمد وينه ؟
خالد : مادري ..البارحه قايل بيروح الصناعيه ..
نور : من صبح عاد ..
خالد : عادي اليوم سبت ..
شيخه : خالد ..
خالد : خير ..
شيخه : بل من اولها خير ...ياخي ماعندك اسلوب ..
خالد : لا ..عندج سلفيني ..ولا اقول لج حوليه لي رصيد خخخخخخخخخخ
شيخه: ههههه ماتضحك ...سخييييييييييييييييف ..
خالد : مب ازود منج ..
نور : بس ..خلاااااااااااص ..فكونا كلكم سخيفين ...وانتي شيوخ شعندج ؟
شيخه : يالفضول ...خلاص مب قايله سد نفسي اخوج بثقل دمه ..
خالد : واللي بيسمع لج بس ..
شيخه :بمووووووووووووت تكفى .. لالا...اسمع بس ..
خالد : حبي يدي اول ...
شيخه : تخسي يعلها القطع ..
خالد : ليش سارق ...
شيخه : ايه سارق سيكل راعي الدكان ..
نور وهي متملله منهم ..: تصدقون تسدون نفس الواحد اسكتوا شوي اتريق على راحتي ..
شيخه : اصرطي يامال التخمه حد ماسكج ...
نور : والله غايظكم ينشب في البلعوم ...يلوع الجبد ...
خالد : زين خلاص بلعي بس ...الا غلا وينها ...غريبه للحين ماجفتها ...؟
نور : من شوي يات من بيت عمي وراحت فوق لغرفتها ...
خالد : شعندها من صبح مسيره ...؟
نور : مادري..
شيخه : رايحه تاخذ مرجع من عند ريم ..
خالد : اها عاد من صبح ..
شيخه : وانت ماتدري ...ترى بنت عمك عيوز من العشا ترقد ..
نور وقفت اللقمه في حلجها بعد ماتذكرت اللي صار امس وكلام فهد ان ريم ترقد مبكر ...تذكرت ملمس ايدنه الدافيه على بشرتها ..

وحست بقشعريره تسرى في اوصالها ..نزلت الخبزه من يدها ورجعت ورى على الكنبه وقلاص النسكافيه في ايدينها ...ابحرت في

عالم ثاني ... عالم عيون سووود وصوت خشن مازال يداعب مسامعها ...
شيخه : انزين الشيخ خالد ..
خالد ببتسامه : هلا ...
شيخه : بما ان اليوم السبت وبكره دوام وكراف ولعنة خير ..والجو حلو غيم وهوا بارد مع احتمال سقوط امطار ...
خالد : وبعد النشره الجويه شل المطلوب ؟
شيخه لفت عليه وثنت ريلها تحتها ...: اممممممممممممممممممممم ابيك تودينا النقيان ..
خالد بضحكه : اممممممممممممممممممممممممممممم معليه ...
شيخه ماصدقت نقزت من الفرح ومسكت ذراعه العاري الي كان مادها على طرف الكنب : صج ..؟
خالد انصدم منها وعض شفته السفليه ..وطالع يدها اللي بعدها على ذراعه وطالعها ...: ايه صج ...واللي تبينه ..وطالع عيونها ..
شيخه انتبهت لنفسها ..شهقت وخرت يدها ..وبعدت شوي وهي منزله عيونها من الاحراج ....خالد يبي يتفادى الوضع ..: خلاص بعد

الغدا اللي تبي تروح تكون جاهزه ..ولاترى بروح وخليها ...وقام من عندهم لغرفته ..
شيخه قعدت في مكانها ولاتحركت ..شلون جاتني الجراءه ومسكت يده ...اكيد الحين يعتقد اني قاطه روحي عليه ..ياربي لين متى

احط روحي في مواقف مايحتاي ....اففففففففففففف...


--------------------------------------

---

انسدح على سريره ..وحط ايدينه تحت راسه ..وقعد يفكر في ملمس يدها الناعم على ذراعه وشعوره بمثل التيار الكهربائي يلامس

بشرته ...ضحك ..تذكر يوم انتبهت لنفسها كان وده ماتشيل يدها ..للحين ماقدر يحدد شعوره من صوبها ...يفرح من يجوفها ويحب

يحرق دمها بس يحزن منها اذا زعلت ... بس تقهره يوم تتحداه ... وده يكسر هالقوه الي فيها ...مايعرف دوم يحس انها بتكون

موجوده في مستقبله ....وهو بالعكس متقبل هالوجود حتى دوم ينغزها بالكلام ...انسدح على جنبه ورجع شعره ورى اذنه ورفع تلفونه

حصل اكثر من ثلاث مكالمات لم يرد عليها ...خيبه ...عليها اظاهر هاي اول مره تكلم ....نزل الجوال وراح للحمام يتسبح ...

----------------------------

--

بعد الغدا طلعوا البنات فوق يتجهزون ...نور طول ماهي تبدل لشهد وبالها مشغول مع اختها غلا ..ماكانت على طبيعتها ...كانت

تضحك بس من ورى قلبها ...بس خلي استفرد فيها ...
نور لبست عبايتهاالكتف لانهم رايحين البر فعادي ماتلبس عباية الراس الا حق الاسواق ونقابها وشيلتها ..وشالت شنطتها المتروسه

انواع الكوافي والحب ...شيخه كانت واقفه عند المرايه تعدل نقابها...طالعت نور الي تهوجس واقفه عند الكبت ....: نوري شبلاج؟
نور : ولاشي ...
شيخه : نوري ...مب علي هالحركات فيج شي ..
نور وهي تتنهد : مادري غلوي من رجعت من بيت عمي فيها شي ...خايفه حد قايل لها شي ولا سامعه شي ..
شيخه وهي تلتفت لها : مثل ايش...؟
نور : مادري ...بس احسها متضايقه ....
شيخه : زين بعدين أسأليها ..
نور : اكيد هاذا اول شي اسويه ...بس خلي نوصل النقيان ...الحين ماقدر احس بعدها مشوشه ..ماراح تقول لي ....
شيخه : نور لاتشغلين نفسج وايد يمكن شي عادي بس انتي حساسه وايد ...
نور : لا اعرفها اختي عدل ....
شيخه :اوكي فرويد ...خلي ننزل لا يهملنا اخوج ...مالي على زيرانه اليوم ...صراحه منطربه على اخر شي ...ابي اتمشى قبل



الدوام...
نور : يله نزلي ومري الخدامات اخذي الدلال من عندهم ...
شيخه : اوكي ...

---------------------------------

--

نزاوا البنات كلهم تحت وخذوا معاهم شهد ونوره لسياره بعد ماشلوا لهم شوية اغراض ..من دلال حليب وفرشه وحرارة فطاير ..

وشوية عصاير للبنوتات ....
ركبوا السياره بعد ماسندرهم خالد بالهرنات ....ركبت نور جدام وراها غلا وجنبها شيخه وجنبها مها ...حصه وشهد ونوره ورى ..

كانت مبوزه عليهم ليش تقعد مع اليهال ..
شيخه وهي مطنقره عليها : وين احطج على راسي ...؟
حصه بغياظ : لافي حظنج ..
شيخه : قصورج بعد ..تكسرين ريولي ...
خالد : نور بطلي الدرج وطلعي نظاراتي ...
نور طلعتها وعطته ...طالعته ..اعجبها شكله كان لابس ثوب بيج ومتعصم ...يوم لبس النظارات صار شكله رهيب ..خخخخخ الله

يعين شويخ اكيد ذابت فديته خوي ..معذب قلوب العذارى ..
نور : خالد ..اطربنا ..
خالد : اوكي ...تبون دكان المحطه لاني بمر اعبي بترول ..
نور : لا مايحتاج محطه ابونخله كلها زحمه ..واحنا مجهزين انفسنا ...

خالد : ان شاءالله ..
وفعلا اول ماوصلوا كانت زحمه والغالبيه شباب ..فعبى خالد السياره ..وطلعوا من المحطه سيده لنقيان ..اول مامسكوا خط النقيان

خالد طول على المسجل ...وعدل المرايه على النص ويات عيونه على شيخه اللي تسولف بأندماج مع غلا ..كان يطالع حركات

ايدينها وهي تسولف ..ضحك وطالع الطريج ..حط صبعه الصغير بين اسنانه وقعد يهوجس في ضحكتهاالناعمه الي دغدغ قلبه..
شيخه التفت على خالد ...أسرها شكله وهو سرحان خصوصا شعره الحريري اللي يداعب اطراف رقبته وعارضه الخفيف وغمزته

اللي على جنب من كثر ماهو صار بأسنانه على صبعه ..كان ودها تشيل صبعه ..رفعت عينها على المرايه الي في نص ..اشتبكت

عيونها بعيونه بعد مانزل نظارات شوي ..شيخه نزلت عينها وقعدت تلعب في خيط في السيت ...خالد عدل النظاره وضحك ..
كان الهدوء مالي السياره ...كانوا مشغوليين بأفكارهم ...لين جات اغنيه على صوت الخليج وكل شوي تقرص في غلا جنبها تبي خالد

يطول ..ومستحيه ..وهي اصلا ماتبيه يفهم لو سمع الاغنيه ..شتحس فيه ...غلا: لاوالله تدرين ماحب اسمع شيرين ...
شيخه : زين قولي لنور ..
غلا: افففففففففف زين...نور طولي على المسجل مهاوي تبي تهديني هالاغنيه ..خخخخ
مها : متى..؟
شيخه وهي تعطيها بالكوع : انطمي ..بس
مها : وجع كسرتي ظلوعي ..
خالد طول على الراديو ...ورجع السكون مره اخرى ..

حبيتة بينى وبين نفسى
وماقولتش على اللى فى نفسى
ماعرفش اية اللى بيحصللى لما بشوف عنية
مابقتش عارفة اقول اية ماعرفش لية خبيت علية
بضعف اوى وانا جنبة وبسلم علية
كل الحب ديا فى قلبى ليك
وانت اغلى الناس عليا وروحى فيك
دانت لو قدام عنيا اشتاق اليك على بالى ولا انت دارى باللى جرالى
والليالى سنين طويلة سيبتهالى
يا انشغالى بكل كلمة قولتهالى الكلام لو كان يعبر على الحنان
كنت قولت انى بحبك من زمان
كل يوم الشوق بيكبر عليا بان على بالى ولا ات دارى
باللى جرالى
والليالى سنين طويلة سيبتهالى يا انشغالى بكل كلمة قولتهالى

شيخه التفت على الدريشه الي جنب غلا وظاعت مع كلمات الاغنيه ..وهي تتنهد ...ضمت ايدينها لصدرها وهي تهوجس ...خالد من

طرف ثاني ماعرف ليش اثرت فيه الاغنيه ...

--------------------------------------------
--

أول ماوصلوا ..نزلوا من السياره بسرعه وانتشروا يستغلون كل دقيقه قبل الحكره ...خالد راح بعيد من البنات عشان ياخذون راحتهم

وراحت معاه شهد ونوره وحصه ..بحكم انها ماتلبس نقاب ..
بعد ماحطوا الفرشه ودلال الحليب والفطاير قريب من السياره ..راحوا يتمشون أول ماحسوا انهم بعيد فسخوا النقابات ...نور وغلا

من اول ماوصلوا وهم حاذفينها في السياره ....
ركبوا فوق النقى وقعدوا على شكل دائره ...غلا طلعت كامراتها الديجيتال وقعدت تصور النقيان والاماكن القريبه ...وبعدين لفت

العدسه على البنات ...وقعدت تصورهم ...نور وشيخه يسون حركات استهبال بعيونهم وحلوجهم ويطلعون ألسنتهم ..
غلا وهي ميته من الضحك : والله ولادعاية المراعي ..ههههه بقر كل وحده مطلعه لسانها ...
شيخه خذت الكامره وقعدت تلحق غلا وتصورها ..هي ومها ...بعدين وقفوا جنب بعض عشان يقهرون شيخه ويسون حركات كيوت

بوقفتهم ...بعدين لفت العدسه على نور ..اللي قعدت على طرف النقى وشيله نازله وخصل شعرها منفلته وداعب ويهها ...صورتها

وهي سرحانه وكانت صورتها تهبل ...
شيخه : تعالو نسوي صوره جماعيه ...
غلا : الله ..يله ..
البنات التمو كلهم على بعض وقربوا روسهم من بعض وغلا ضغطت على الزر التصوير ..مها بنعومه : غلاوي تعالي نصور ..

بروحنا من غير عيايز يخربون صوره ..
نور : عيز حيلج ..يالعصلا ..
مها : احسن منج يالقزمه ..روحي مناك لاأدبسج في القاع ....
نور : بس روحي مناك ياعبدالناصردرويش ..
مها : جب ..
شيخه : خليج من هالمبزره ..وتعالي نطالع اخوج المزيون وين راح ..
نور بضحكه : هههههه شويخ ..وجع ..تخربين اليهال علينا ...
غلا برود : ايه ترى احنا ناقصين ...
نور : غلوي شقصدج ..حست بالجديه في صوت غلا..
غلا وهي تقعد : ماشي ..
شيخه : الافيه شي ...على بالج ماندري ان فيج شي ...
غلا اسكتت ..بعد ماحست انها ماتقدر تخبي عليهم ..انترست عيونها دموع ...وقالت لهم السالفه بعد ماقعدوا كلهم متحاولينها ...
نور : يخسي ..ملعون الصير ..معاد الا هاذا يقولها علينا من فاكر نفسه ...الله الي في سماه لوكنت موجوده جان قطعت لسانه..
غلا: والله انقهرت منه ...بعد يقول ان بيت عمي بعد نفس الشي مب واثقين من اخلاقنا ...بكيته ..
مها : يخسي تربيه ابوي عبدالله وام فهد وامي حمده ماعقبها تعقيب اسود الويه ...
نور: ويفكرون فينا ...يعني بينقطع معاشنا ولابيقطعون روسنا ...بطقاق فيهم ...والله معاد هموني بعد ما هالعوبا عفرا ماكسرت قلب

ابوي ..يجي ولدها قليل التربيه يقول جذي ..يخسون بس ..معاد الا..
شيخه : انزين ممكن تهدون الوضع ...ترى غلا غلطت ..
نور : خيييييييير؟
شيخه : عيل اطول لسانها على ريال شبه غريب عليها ..ويوم بغى يمد الجسور حرقتها بلسانها ..الطويل..
غلا : عيل تبيني اخذه في الاحضان ...
شيخه : لا ...بس هاي ريال ..يعني جرحتي كرامته وانتقم لها ...صدقي مجرب ...
نور بعد سكوت : حتى ولو ماكان له حق ..
شيخه : نوري لوأنا قايله هالكلام لخالد ؟
نور : كان لتج كف ..
شيخه : جفتي ...كل واحد له ردت فعل ...يعني احمدي ربج انها يات على جذي ..
غلا: بس انا معذوره ...بعد ماجفت ابوي ...يطلع لي ولد هالعمه الي قاهره ابوي مستحيل ...
شيخه : بس اهو مايعرف شلي في مخج ...انتي بينتي له فعلا انج ..مب متربيه ..اولا رديتي سلامه وحقرتيه ..شتبينه يقول ونعم

التربيه ..ولو ابوي عبدالله عرف بينحرج ..تدرين بهالشي ..
غلا: بس ...انا مب قصدي ...بس قهرني ..
شيخه : المفروض انتي ياغلا ..اكثر وحده تعرف ابوي عبدالله ...مب هالشكل نرد الاساءه بأسوء منها ..بيزعل لوعرف ..خصوصا

حاليا ..وهويحاول يلم شمل العايله ..حاولو تتفادون المشاكل مع عيال عمانكم ..
سكتو البنات كلهم ...بعد كلام شيخه الي مسهم من داخل وحسوا انهم فعلا تناسوا ابوهم ..وان عقولهم صغار ..بس غلا في داخلها

مستحيل اسامح هالحمد ..

------------------------------
---

بعد الغدا وهي تحاول تحصل فرصه تروح لبيت عمها من غير لاتحس عمتها ..تبي تعرف ليش غلا راحت ولاخذت المرجع شصار

لها ..مب عارفه من تغدت وهي تتصل فيها وجوالها مسكر ..وقالت بتروح لهم بس ماتبي عمتها تعرف وتزعل ..وهي ماترضى على

زعلها ...فقررت بعد صلاة العصر بتروح لهم ...لان عمتها بتطلع مع حمد لبيتها تجوف عمال التنظيف خلصوا وبتاخذ ام فهد

معاها..فقالت اول ما يطلعون بتشل رجلها صوب بيت عمها ...قبل لايرجعون لان بيت العمه قريب ...
اول ماتأكدت انهم طلعوا ...لبست عبايتها ونقابها وطلعت والكتاب في يدها .....وطلعت من البيت وقلبها في بطنها ..ماتعرف ليش

مرافقها شعور غريب من قررت تروح بيت عمها ...تخطت الحاجز بخطوات مرتعشه ..ووصلت لباب الصاله ودقته بس من غير

جواب ..دقت مره ثانيه ..بعد محد رد عليها ..دخلت الصاله وكانت هاديه بشكل غريب ..تقدمت بخجل ..وقفت قريب الباب ..سمعت

صوت كحه خشنه رجوليه ..وقفت في مكانها ..بعد ماجافت زول واحد نازل من الدري ...بلعت ريقها ...اول مانزل بطوله الرهيب

وشموخه ..وبروده ...
ريم : سلام عليكم ..
محمد وقف عند الدري ...برود : عليكم سلام ..وتخطاها وقعد على الكنب وسحب الجريده وفرشها جدامه متجاهل وجودها ..ريم

انصلخ ويهها من الاحراج ...: وين البنات ؟
لف ورقه من الجريده : طلعوا ...فيه شي ...
ريم حاست شفايفها بقهر من اسلوبه ...: سلامتك ...بس كنت جايبه كتاب لغلا كانت باغيته مني ...
محمد من غير لايرفع عينه من الجرايد : مشكوره نزليه على طاوله لين يات بتجوفه ....
ريم حست انها انطردت بطريقه محترمه ....فشتعل غضبها ..: ممكن تقول لي ليش نافخ روحك ....على ايش ..من جايف روحك ..
محمد رفع عينه فيها بغضب وهورافع حاجب ...: الشيخ محمد بن عبدالله ال.... اذا مب عاجبج ...
ريم : ممكن اعرف انا شمسويه لك ...
محمد : من تكونين عشان تسوين ...
ريم : الريم بنت عبدالعزيز ال...
محمد : خير يالطير ...والي ماحفل فيج ...
ريم : ومن اللي قال ابيك تهتم ..انا ماظن سويت لك شي ...عشان تحقد علي بهالشكل ..
محمد وهو يحط ريل على ريل ...بستهزاء ...: جوفي هالمسلسل الخليجي مب علي ...لاني اعرف نوعيتج عدل ...يعني لاتتصنعين

جدامي ...كيفج جدام ابوي خواتي ...انا لا....لاني اعرف نوعيتج ...
نور : وممكن الدكتور محمد يعرفني على نوعيتي ...
محمد وهويرفع الجريده وكانه ينهي الحديث : مايحتاج طالعي روحج في المنظره وتعرفين ....
ريم حذفت الكتاب على الطاوله محدثه صوت تبين على احتجاجها على رأيه فيها ...ريم طلعت من عنده وهي دامعه العينين ..

وشقهاتها تسابقها ..ماتعرف ليش ..محمد ...يعاملها هالشكل ..مع ان له شعور حلو داخلها له ...بس انكسر من قسوته ....دخلت

غرفتها وحذفت روحها على سريروهي تصيح بأنهيار ....
محمد من طلعت أبتسم بأنتصار ...هاذي اول الجولات ...والباقي جاي لين اكسر هالغرور ...اللي كرهته من قبل والحين ...بس

ماعرف ليش حسيت بلحظة ندم من جفت لمعة دمعه ....

-----------------------------------------

بعد مارجعوا من النقيان المغرب خذوا لهم تهزيئه محترمه من وضحى ليش تأخروا وراهم بكره دوامات من غير اليهال ...المهم كل

وحده مسكت لها حمام ..وخالد بعد مانزلهم راح لواحد من ربعه متصل فيه في الصناعيه ..
بعد العشا لبسوا بيجامتهم وتجمعوا في غرفة غلا وقعدوا يسولفون عن الجامعه وبلاويها ..وتسدحوا كل وحده على ريل الثانيه على

شكل دائره ...وسكتوا يفكرون ...
شيخه وهي تتنهد : تدرون شافكر فيه ؟


غلا: ايش ؟
شيخه : افكر في زوج المستقبل ...خاطري ...يكون انسان حنون يفهم مشاعري ..ولايخوني مع حد ..ويكون ريال حمش ..يعني كله

شموخ وكبرياء ..
مها : اما ..انا اهم شي ..يحترمني ..
غلا : لا انا ابي ريال يحترم هلي يعتز انه خذ من بناتهم ...ويرفع راسه بهم ..ويفهمني من النظره..ولا ابيه فري ابي فيه روح البداوه

مثل ابوي ...
نور : قولي تبين مثل ابوي ....
غلا : لا ابوي محد مثله ...غير...
نور وهي تلعب في شعرها : فديته ..
شيخه : وانتي النوري..
نور وهي سرحانه ..:ابيه يكون ريال ناضج ...يحبني ..رومنسي ...يسمعني كلام حب حلو ...ابيه وين ماأمشي ماتفارقني عيونه ..

مايقدر على فراقي ...يحس بوجعي بضحكتي ..متى احتاج متي ماأحتاج ...ابيه ريال ريال خيالي ...اسطوري ...انا وهو ..ينسني

الي حواليني ...بس هو ...

---------------------------------
----


بصوووووووووت حاد وخشن : يمه شلووووووون تسوين جذي من وراي تخطبين ....يمه انا مب مره ...تسوين هالاسلوب معاي ..
ليش يمه .
بصوت عنيد : لانك مستحيل تفكر في نفسك لين يروح شبابك ...وانا ام ابي اجوف عيالك ...وبعدين اعرف مصلحتك عدل ...


--------------------------------------

...(الفصل التاسع )
http://www.s3udy.net/pic/decoration001_files/14.gif





واقفه عند دريشة الفصل سرحانه وطالبتها يكتبون التطبيق ...نسمة هوى حركت خصله من قذلتها وصحت من سرحانها ...وطالعت

البنات الي خلصوا ..وراحت لهم تلم الورق ..بعد ماخلصت أعلن الجرس عن نهاية الحصه ...شالت اغراضها وراحت لغرفة

المدرسات وبعض البنات معاها يسألونها عن الاسئله ..
دخلت الغرفه ونزلت اغراضها بنعومه وردت بعض خصل شعرها ...وطالعت المدرسات المجتمعين على طاولة الابله هند ...:

شلونكم بنات ..؟
هند ردت بغير مبالاه : بخير وكملت سوالفها مع باقي المدرسات ..ريم استغربت منها هند من اقرب رفيجاتها ..يمكن زعلانه لان

صار فتره ماكلمتها ...ماأهتمت ...راحت لزاويه القهوه وصبت لها قلاص نسكافيه وراحت لمكتب هند ..خلي نراضيها ....
ريم : شلونج هنووده..
هند برود : ابله هند ...لو سمحتي ...
ريم : بل شكلها زعله جايده ...
الابلات الي كانوا مجتمعين على طاولة هند تفرقوا وهم يطالعون ريم بنظرات ..وطلعوا من الغرفه وهم يتهامسون وانذكر اسم ريم في

سوالفهم ...
ريم : هند ...؟
هند وهي تحوس بوزها ...: خير ...؟
ريم : عسى ماشر ...شفيج ...
هند وهي تسحب لها مجله من مكتبها وتفر الصفحات بغير اهتمام ..: شفيني ...الحمدالله كامله ..مال وعيله ...ورفيجات مثل العالم

..هب رفيجه ...جذابه ..
ريم : في ايش جذبت عليج ...؟
هند : مب قايله انكم ساكنين في قصر في معيذر ....وحده من البنات جايفتج في بيت في الريان ...مب جذبه ذي ..ولا شنو يابنت

العز ..
ريم : هند شفيج ...انتي تعرفين شصار لي ..عارفه ان بيتنا احترق ..
هند : والله ماقدر اصدقج ...انتي عمرج ماعزمتينا ..كانج خايفه لانعرف حقيقتج ...
ريم : اولا كم مره قايله لج اخوي يتظايق ....وبعدين ترى الفقر مب عيب ..عشان استحى منه ..لو كنت يعني ...
هند : بس الناس مستويات ...ولاتنسين ...انج كنتي تبينني حق اخوج فهد ..وانا صراحه ماقدر ..على ناس مب من مستواي ..
ريم طالعتها بصدمه ...الحين هاي رفيجتي ..من متى وحن ربع ..شلون ماعرفت نظرتها للحياه بهالسطحيه ...معقوله انا كنت مثلها

عشان جذي ماكنت منتبه لتصرفاتها ....
ريم بغرور وهي واقفه : يكون في علمج ..اصلا اخوي مستحيل يطالع وحده مثلج ...وزين ماغلطت وهقته مع وحده مثلج ..وراحت

وخلتها وهي مبهته من ريم ..وريم متحسره على الايام اللي ظيعتها مع وحده سطحيه مثلها ...خساره الرفجه فيها ...

-----------------------------------------------

قاعده في الكانتين تنتظر نور وهي سرحانه في حالي ابوها من رجع من السفر وهو شكله تعبان حاولت فيه امس يروح المستشفى بس

مارضى ...وهالنوره طالعه له طلعه وهي وبزاها ...الايوديها الجمعيه ...
نور وهي تتسحب من ورى شيخه وهي سرحانه ...مسكت كتوفها : الحلو سرحان في أيه ..؟
شيخه نقزت :طيرتي قلبي ...
نور قعدت جنبها ..: شفيج ..؟
شيخه وهي تتنهد : ابوي ...تعبان وهب راضي يروح المستشفى ...
نور : مايشوف شر ...شلي يحس فيه ..؟
شيخه : مادري ماكل شي وجسمه يعوره ومافيه حيل ...
نور : يمكن عشان الجو متغير عليه ..
شيخه : شدراني ..هو راح المستشفى عشان نعرف ...واللي قاهرني وضحى تقول خلوه على راحته ..
نور : وهي صاجه مب ياهل تضغطون عليه لين حس بالتعب بيقول ودونوني ...ولاتنسين امي وضحى تعرف له اكثر منكم ...
شيخه : مادري والله ..بس مب مرتاحه ...مادري ليش حاسه بخوف ...
نور : حطي الرحمن في صدرج هالوسواس خليج منه ..
شيخه : الله كريم ...خلصتي ..
نور : ايه ...
شيخه : وغلوي ومهوي بعدهم ...
نور : هييه ..بعدهم مطوولين ..بتطلعين معي ..
شيخه : افكورس ...
وشالوا اغراضهم ..وهم يمشون ويسولفون ويضحكون على اشكال بعض البنات ...وقفتهم وحده بكامل زينتها المبالغه والنظارات

المغطيه ويهها والميك اب فول اوبشين والعبايه اللي شوي وتنطر من الظيق والعطر اللي يخنق.... طالعت نور ..: انتي نور عبدالله

ال....
نور بستغراب : ايه ...ليش السؤال ؟
البنت : لا بس جذي ...حابه اعرف ..وراحت ..
شيخه ونور يطالعون بعض ...بستغراب ...شيخه : الحمدالله وشكر ...قسم بالله كل يوم الواحد يعيش ويجوف عقد ..
نور بضحكه : ههههه هب صاحيه ...
في مكان مب بعيد من نور وشيخه ..ثنتين واقفين يسولفون بهمس وضحك ...:ماقلت لج بيب خبره ...مسوي عمره ثقيل ...بس اذا هو

يشبه اخته ...واااااااااااااااااي عذاب ..
سميه : فاطمه من صجج انتي رحتي سألتيها ...
فاطمه : عادي ...اهم شي اعرف شي عنه ..
سميه : زين وعرفتي اخته ...بعدين ...؟
فاطمه : نعرف خالد من قريب ...فديته والله ..
سميه : فطوووم ...لاتتهورين ...
فاطمه : الحياه تجارب ...
سميه : ترى شكل خالد مب مثل غيره ..
فاطمه : هب ريال ....كلهم نفس التفكير ......

-------------------------------------------

----

وقف على نافذة مكتبه يتأمل شوراع الدوحه المزدحمه وهو يفكر في عمته اللي راحت بيتها وبعدها زعلانه منه ..مايعرف شلون

يصلح الوضع لانه مل من مشاكل العائله وده يخلص منها ...لانه مب متفرغ لهاسخافات القديمه ..مستقبل الشركه بين ايدينه وفي

وضع خطر لازم يصححه ...وعمته اللي للحين ماطلعت من ايطار مشاعر دفينه قديمه ...
قعد بثقل على الكرسي ومد ريله اللي تعوره وطالعها بعجز ..كان يكره لحظة العجز اللي تصيبه منها ...سحب له كم ملف يدرسهم

..رجع الغتره ورى شوي وركز على الملف ..بس قطع عليه رنين جواله ...رفع يجوف الشاشه ...كان حمد ولد عمته ..عقد حواجبه

تمنى مايكون جايب له خبر شين بعد ...
فهد بعد مافتح الخط : هلا..
حمد : السلام عليكم ..شلونك ..؟
فهد : الله يسلمك ...شلونك وشلون الوالده بعدها زعلانه ..؟


حمد بضحكه : ماعليك منها زعلة العيوز كم يوم وترضى لاتشغل بالك ..المهم متصل ابشرك ..
فهد ببتسامه : وش بشارته ..؟
حمد : قبلوني في قطر للبترول ...
فهد : زيين والله مبرووووك ..تستاهل ...عاد بيعطونك منصب يناسب شهاداتك ..
حمد : اكيييييد ولا شلون وافقت ...
فهد : يله بالتوفيق ..
حمد : وياك ..فهد ...اسمع بخصوص الوالده انطرها فتره ..خصوصا بعد ما سكنا بروحنا بتقعد تفكر عدل ..بتوزن الامور ...

لاتخاف.
فهد : والله ياحمد ...تعبت من هالسالفه ...صراحه مب فاضي لمشاكل العايله ..الشركه بروحها تبي لها مقابل ...بروحي ماترضيت

مع عمي الا عشان افتك من هالمشاكل ..وعمتى مب راضيه تفهم ...
حمد : فهد ازهل زعلها ...بترضى بس انت اهتم في شغلك ..
فهد : ان شاء الله بنشوف اخرتها ...

-----------------------------

----

دخلت البيت ..وفسخت نقابها وارخت شيلتها على كتوفها ...حصلت يدتها قاعده في الصاله وشهد منسدحه على ريلها ...سلمت عليها

وشالت شهد من ريل يدتها وحطتها في حظنها وهي تبوس خدودها المليانه وتلعب في شعرها الحريري ..
نور بحنان : توج قايمه ...؟
شهد بصوت مازال فيه اثر النوم : ايه ..
نور : من السهره على سبيس تون ...يبيلج تغير نظام رقاد ..
شهد طالعتها بعيونها الواسعه مب فاهمه ... دفنت يهها في صدر نور ....اللي باست راسها ...:يمه شخبارج اليوم ..؟
اليده : الحمد الله ..كان من ويع هالرويلات ...
نور: ماتشوفين شر ...تبين ادهنها لج بفكس ...
اليده : لا خلاص دهنتها لي الخدامه ...
نور : ابومحمد وينه اليوم ...لايكون راح الشركه ...
اليده : لا والله راح لحمد ريل وضحى تعبان ..
نور : ايه اليوم شيوخ قالت لي ...مايشوف شر ...مايستاهل ...
اليده : مادري شياه ...من يا من هالسفره وهو مب طيب ...
نور : مادري يمه يمكن عشان الجو تغير عليه ...
اليده : الله العالم ...
نور : زين يمه بروح ابدل ..واعطي هالبطه شي تاكله ..
شهد بأحتجاج ونور ماسكه يدها وموديتها معاها ..: انا حووه مو بده ...(انا حلوه مب بطه )
نور : والله حلفي ...
دخلت غرفتها وحطت شهد على سرير اللي ماصدقت انسدحت ...نور بدلت وغسلت ويهها ..وطلعت بعد ما لفت شعرها فوق بكماشه

ورديه تناسب الجلابيه اللي لابستها (جلابيات الراشدي ) ولبست خفين على شكل ارنوب وردي وشالت شهد على خصرها ونزلت

فيها للمطبخ تأكلها ...قعدتها على طاولة المطبخ ...وغرفت لها شوي من البلاليط اللي حصلتها في الحراره ....وقعدت تأكلها ..

وعينها تلقط كل شوي للفله اللي جنبهم بسرحان ....من بعد ذيك الليله ...ماتعرف تغير شي داخلها كانت تشوف فهد مثل التحدي

...بس كل ماتتذكر ملمس أنامله الخشنه على بشرتها ...تحس بتيار حار في جسمها ..ماتعرف شنو هالشعور ...شعور ماتعرف

تفسره..بين الخجل والميلان او........................................بداية حب .............
لا.......ما أغلط بهالشي ...لالا...مابي اعيش نار شيخه ...احب واحد مايفكر فيني ...لالالا مستحيل ..مابي هالشي ...وطلعت نفسها

من هالتفكير وطالعت شهد وقعدت تسوي حركات عبط بويهها ..عشان تنسى هالفكره ...

-------------------------------
بعد فتره العصر ..دخل البيت بتعب حصلها قاعده على الكنب وهي نص غافيه ...ضحك ونزل الملفات على الطاوله وحب راسها ..

انتفظت من الخرعه ...
فهد وهويضحك : كان وطيتي راسج داخل ..
ام فهد : قلت بنطرك لين ترد وغفت عيني ...
فهد وهو يقعد جنبها وينزل غترته وينساب شعره الحريري على جبهته ..ويعانق رقبته ..حط يده ورى ظهرها ..: قومي فديتج

لغرفتج...
ام فهد : لاخلاص راحت النوده ...
فهد ضحك ..: كيفج ..الا سعد وريموه وينهم ...؟
ام فهد : ريم راحت ترقد وسعد راح لبيت عمه ...
فهد : وهو كل يوم ناقز هناك ..
ام فهد : شيسوي من الزهق ..وهناك بنات عمه مشاءالله عليهم وينسين ...
فهد : وزين ..بعد مب عدله ..
ام فهد : اصلا بنت عمه هي اللي داقه عليه ....
فهد : اهاااا... شعندهم ...؟
ام فهد : ماعندهم شي ..بس شكلهم يرتاحون لسعد فديته نفسه خفيفه معاهم ...
فهد : اها ..يعني انا ثقيل طينه ...
ام فهد : ههههه وفديتك زينة الشباب ...بس انت ماتقعد معاهم نفسه ..كل يوم وثاني عندهم ...
فهد : يمه تدرين ماعندي وقت ...
ام فهد : لو تبي صار عندك وقت ...لو عرست شبيصير لحرمتك ...
فهد بضيق : يمه ...مافكر في هالشي حاليا ..
ام فهد بعصبيه ..: عيل متى يوم امووت ...
فهد : يمه شهالفال بعد عمر طويل يمه ...
ام فهد : لا ..مب فال الا صج ...جف حالك ..بينترس شعرك شيب وانت للحين مافكرت في حالك لاهي ورى وسخ هالدنيا ..كانه حن

في عوز ...الحمدالله عندنا خير ...
فهد وهو زهقان من هالموضوع اليديد ..: يمه ترى حلال خواني بعد لاتنسين ..مابي حقوقهم تضيع يكفي اللي راح ...والمره لاحقين

عليها ...بعدين الله يهداج اللي يجوفج يقول مخرف توني ...
ام فهد : ايه خبرك بنات الناس واقفين طابور ...ينطرون منك الاشاره ...بيروح العمر وانت ولاداري ...
فهد : يمه ..خلصنا من هالموضوع يوم بيي وقته بفاتحج واقولج اختاري اللي تعجبج ...
ام فهد : يعني مافي مزاجك حد ...؟
فهد وهو يضحك ..: يمه ليه حاس ان في بالج حد ..؟
ام فهد : اي والله ..وان حصلت ...نذر علي لايكون عرسك مافيه مثله في الدوحه ...كلن يحكي فيه ....
فهد : ههههه الله يستر بس لاكون باخذ بنت شيوخ ...
ام فهد : اشهد انها بنت شيوخ .....
فهد : هههههه ...بس اجلي هالموضوع الحين ...
ام فهد ماردت عليه لانها قعدت تبني احلام وخطط ...بعد ماخذت موافقته المبدئيه ..مراح تنطر لين ينسيها بتدق الحديد وهو حامي

...فهد من جافها كتمت ...قام يبدل ويصلي العصر ويتغدى ....

------------------------------
--

اصوات تتعالى وضحك ...تشوبها ضحكه طفوليه ...هناك تحدي مشتعل كالعاده بين ابناء عبدالله ولكن هناك عنصر جديد ..سعد

المتوهق بين بنات عمه وعيال عمه ...محمدو خالد حزب ونور وغلا حزب ..طبعا مجتمعين على السوني ....وشهد مسويه لها جو

بروحها تشجع ابوها وتغايظ عماتها ...
نور : سعد خلك منهم ..واحليلنا ...بنوتات بروحنا ..مب مثلهم ...
غلا : سعد تكفى تخلي بنات عمك بروحهم ...لالالالا ماهقيتها ...
خالد : افا ياولد العم ....لالالالا...لاتخليني اغير رايي ...اطيع شور الحريم ....


محمد : لالالالا..مااظن ...سعد وانا خوك لايضحكون على عقلك ....
سعد : غياظ فيكم ...انا في فريق النوري وغلوي ...
محمد ويصفق ايدينه في بعض ...: خساره ...رياجيلنا قدهم يمشون ورى الحريم ...
سعد : ههههه عادي .. هاذي نهاية الدمقراطيه ...
نور : اقول حمود طماطه ...خايف من الخساره ...
محمد : تخسين اخاف من منه انتي ..وسعيدان ..
سعد وهوينقز حواجبه : رجاء لاتقلل من قدراتي ...للحين ترى مابعد لعبت معي ..
محمد وهو يقعد شهد في حظنه ...: واللي يسمع كرستيانو رونالدو ...
سعد : ترى اتعداه ..
نور وهي تكفخ سعد على راسه بمخده صغيره : حدك ...ماعدا اي لاعب منشستراوي ماأرضى ..
سعد : هههههه اوكي ...
خالد : انت يالخبل ...تخلي المره تضربك قم عطها راشدي على اذنها ...
نور : وانت شعليك ..انا ولد عمي ..شحارك ..
سعد : اي والله ..شعليك ...تمون ..
خالد : احترت جنوبج ...انتي وياه...
غلا كانت تركب السوني وشهد ملعوزتها ...:روحي عند سعد اخته الحلوه ..
شهد ماصدقت لزقت في رقبته ..: وين اموووه حووه (وين عموه الحلوه )
سعد : شوفي لغة فضائيين ماعرف ...التفت على نور ...:ترجمي ..
نور وهي تضحك ..:هههه تسأل عن الريم ..
سعد : هههه وين الله قاطج ...عاد الريم بس ...ياماما رقي اختيارج قولي عمو سعد ..
شهد : لا امووووووووه ليم ...(لا عموه ريم )
محمد في باله وشهد شاهد من أهلها ...يعني مب انا بس ...نور قطعت افكاره ....: انزين الحين الاتفاق ..لازم تصملون عليه من

الحين ...
محمد : والله حن صامليين الشور عندكم انتوا قدها ..؟
سعد : ليه ..وش شايفنا ..خمق ...
خالد : لا تكرمووون ...الا خمق ...
نور : سخييييييييييييييييف ويستخف دمه ....
سعد : ماعليج منهم ...الحين الاتفاق وشو ...؟
نور :اذا فزنا وهاذا اللي بيصير ....حمود وخوليد بيودونا فيلاجيو نتسوق على حسابهم ...اما اذا خسرنا وان شاءالله يكون فالهم

...بنطلع النقيان وسوي للدبب خواني اطباق حلى ونسكافيه وحليب كرك ....
خالد : طبعا الحلا والحليب عقابه ثلاث ايام من بعد الطلعه يوم الجمعه ...
نور : لاوالله مهب كذا اتفقنا ....
خالد : اقول تلايطي ولعبي بس ..
نور وهي ماده البوز ..: ادري منجلط ...بنفوز ..
سعد : انتي الحين اسكتي ...بنرويهم اللعب على اصوله ...
بعد ماشغلت غلا السوني على تيلفزيون الصاله ..محمد وخالد وسعد قعدوا على الارض نور وغلا قعدوا وراهم على الكنب ..نور

وفريقها اختاروا مانشستر ومحمد وخالد اختاروا تشلسي عشان يقهرونها ....وشهد كالعاده تناقز من كنبه لكنبه وتصارخ بالفيت

تشجع ...
نور بصراخ ..: شهود البخي شوي ...صدعت ..
شهد : لالالا ابوي بيفووود ابوي بيفوود ...(ابوي بيفوز )
محمد : لاتحطين الحره في بنتي ..يوم انج خسرانه..
نور : للحين باقي وقت ...لاتفرح ..
خالد : وين باقي ..اقول جهزي الحلو تراني مبطي من الحلا ..
غلا بدلع ..: ليه مبطي ذا الحلا كله عندك وشو وتأشر على روحها ...
خالد طالعها بنظرة واحد منجلط من قلب ..: واللي يرحم شكلج بس ألبخي ..من اشوف ويهج احرم اعرس ..
غلا وهي تغايظ : ادري ودك انها تكون في ربع زيني ...
خالد عاطها ظهره وسفهها...نور وغلا ضحكوا لانهم يعرفون خالد يوم ينجلط يسكت ...وقطع ضحكهم صوت التلفون ..نور رفعت

السماعه ..: الو
ريم : احلى الو
نور : هلا بالزين ...شلونج شخبارج ..؟
ريم : بخير مانشكي ..وانتوا علومكم ..؟
نور : ابد مابه علوم ...ليه ماتسيرين علينا ..؟
ريم وهي متوهقه ...: الاانتوا ليه ماتجوني مرتين انا جيتكم ...
نور وهي اطالع محمد اللي اشعلها بنظراته الي تعبر عن لسان حاله وليه هي شحضرتها ماتجي نور احتارت ...: انزين عندي لج

نجتمع في النص ..ههههه ...
ريم اعجبها الوضع : اوكي ...بس القهوه والفواله علي ..
نور : اوكي ...زين بعد ماعندي وقت اسوي ..اخبي قدراتي ...
غلا : وجع لاتفاولللين نخسر ...
ريم : اي قدرات ..
نور : يوم اللقاء بقول لج ههههه
ريم : اوكي ...انتظركم ...
نور سكرت ومحمد يطالعها بنظرات مقهور من خواته شلون يعاشرون وحده مغروره مثلها لوهم سامعيين مثله كان حتى مارفعوا لها

السماعه ....نور استغربت حركة محمد عمره ماتدخل في علاقاتهم مع بنات العيله ..مادري ليش ريم اللي كاش منها ...ليكون شايف

منها شي ...حتى الريم يوم نجيب طاريه ترتبك ...فيه شي حاصل ..!!
انتهت المباره بفوز ساحق لمحمد وخالد اللي مب مصدق ماسك في نور طنازه ..: اقول روحي بس انتي ولد عمج ...من صبح

صاجتنا...
نور : اصلا انتوا تغشون ...ولاكان لعنا خيركم ...
خالد :هاذي اصلا سياسة الفاشلين ...على العموم بعد صلاة الجمعه ابغي ذاك الطبق اللي اكل لين احمر ...
نور : جعلك تنفطر يالدب ...
محمد : لاحطي في بالج ....انا طبعا طلبي غير ..بغي طبق سبشل ...طبعا بنتي محسوبه...
نور : مالك لوا ..بنتك بعد ..لالالالا..هذا اللي ناقص ...بنتك الشينه ..
سعد وهو يساسرها ...: ماعليج منهم ..بنشتري لهم جاهز..
نور :شيسدهم اسود ..اخواني اعرفهم ...
غلا : نووري...تدرين ماعرف اسوي ..
خالد : بصرش ..ياتسوين ياتغسلين سيارتي ...
غلا : لاوالله ..بتبطي ماغسلتها ...اللتفت على نور : نوري علميني ولااغسل سيارته ..
خالد : عناد فيج سيارتي تخمين الكشره اللي فيها وتنضفينها ..
غلا : لالا ماكان الاتفاق كذا ...
خالد وهو يحط رجل على رجل ..: والله ماحد قالج تلعبين مع فريق فاشل ..
غلا وهي تلحطم ..: بكيت اللي عاده بيلعب معكم ...
محمد : عسى ...وانتي ماسوت الخبل سويتي مثلها ..
غلا : قلت بنكسب من وراكم طلعه ..
محمد : جعل ربي الزين فيكم ...الطمع ..يله اشبعي من تدابيرها ...
نور وهي واقفه تردح لهم ..: من الخبل... الخبل بنتك ذي العوبا ...انتوا احمدوا ربكم ان فيه حد له مستوى في اللعب يقدر ينافسكم

واصلا انتوا من وين تعرفون اللعب الا من بعدي ...
محمد وهو يوقف ويعض شفته ورافع يده يبي يضربها ..:اهبي على ذا الصوت ..اقصريه ..جعلج تومين ..
نور لبدت مكانها ...حست انها زودتها خصوصا ان سعد بعد موجود والاخت واقفه تردح لهم ...نزلت عيونها من الاحراج ..وعم

الهدوء الصاله ..حتى شهد قعدت جنب عمها خالد ومسكت طرف ايد ثوبه وعظت اصبعها ..محمد مسك اعصابه شوي يوم جاف ويه

سعد تغير ...
محمد : بروح لبيت خالي حمد سعد تخاويني ..؟
سعد : يله ..
خالد : انا بلحقكم بعد مامر على المغسله اطلع هدومي ...
وطلعوا كلهم تحت نظرات المحرجه ..طالعت غلا اللي نظرات عيونها كلها ارتباك ..نور ضحكت ...: اللعن ابو الاحراج ..
غلا : الله ياخذ روحج انتي وحركاتج ماتخلينها ..على الاقل استحى من سعد واقفه وماسكه الحدات ..

نور : جب بس ..نسيت نفسي من كثر ماحسيت ان سعد من خواني ...بس اما محمد صج بغى يعجن ويهي ..
غلا : ليته عشان تخفين ذا اللقافه ..
نور : ياختي ..انتي ليه مقهوره ..انا اللي ملعون خيري ...
غلا : انتي مافكرتي في نظرة سعد لج ...ولا شلون بينقلها لهله ...
نور : وليه تبيني امثل غير نفسي ...تعرفيني اللي في قلبي على لساني ..
غلا : انزين قومي نروح لأمي حمده نشوفها من صلت العصر ماطلعت ...
نور : الحمد الله والشكر ...مطموسه عيونج ...امي راحت مع ابوي لأمي وضحى ..
غلا : قسم بالله ..؟ ماشفتها ...
نور : شاسوي فيج ..
غلا ..: انزين بنطلع لريم ..
نور : ابيييه ذكرتيني فيها قومي ...من متى مكلمتني ...شهووود امشي الحديقه عمووه ريم برى..
شهد وهي تقوم من الكنبه من بعد صراخ ابوها ..: اموووووووه حوووووووووه ...وطلعت تسابقهم الطريق ....

-----------------------------------



---

قاعده على الحصير وصافه الدلال والفطاير والكيك ..كانت ماسكه مجله متملله منها من كثر مافرفرت فيها ....شفيهم تأخروا ..سنه

لين يطلعون ...قطع افكره جسم صغير حذف نفسه في حظنها ولوا على رقبتها ....
ريم بضحكه ..: فديت الحلوين ...وينج من امس ...اشتقت لج ..
شهد وهي تبوس الريم من ورى النقاب ..: اموووووووووه احبت (عموه احبج )
ريم وهي تبوس خدودها : وانا اموووووووت فيج ياروح عموووه ..
شهد دفنت ويهها في صدر ريم ..ريم لوت عليها بعد مافاضت مشاعر الامومه فيها مسحت راسها وباسته ..كل يوم تتعلق فيها اكثر

وصارت ماتستغني عن شوفتها..حتى بعض الحصص تسرح تفكر فيها ودها تكون معاها على طول ...
قطعت لحظة الحنان وصول نور وغلا ..ريم وقفت تسلم عليهم وشهد ماسكه رقبتها ...نور : وايد معطيتها ويه نزليه ..
ريم : خليها فديتها ...مشتاقه لها ...
غلا : شهد عيب حبيبتي ..ذبحتي عموووه ..
شهد : لالالا عموووووه ليم مالتي ...
نور : ومن اللي طاردج منها ...بس لاتلعوزينها ..
ريم : ورفقه ..ماتقولون لها شي...
نور : يختي مب زين ..بتزهقج ..
ريم : اشتكيت لج ...خلوها انا مستانسه عليها ...
ريم صبت لهم الحليب وقربت لهم الصحون ...: ايييييييييييه ماقلت لكم اليوم شصار ....
غلا : ليه شصاير..؟
ريم : تدرون ان بعض الناس ماتعرفين معدنهم الابعد الشده ...الله يسلمكم وحده من ريفيجاتي اعرفها من فتره فقتها ..المهم اليوم

اسلم عليها زامه خشمها على ويوم سألتها قالت لي اني كذوب ...
نور : ليه ؟
ريم : تقول اني كذبت عليهم ...اني بنت عز وفي النهايه دروا اني ساكنه في فله قديمه ...
نور : واذا يعني فله قديمه ...
ريم : لان انا كنت ابيها لخوي فهد وكنت مكلمتها مبدايا..وكانت موافقه يوم ان الرصيد متروس ...وانا حاسه انها داريه بلي صار بس

تبي تتهرب ..بس طريقتها خسيسه ..
نور حست بثقل على صدرها من سمعت ريم تتكلم عن خطبة فهد ...بس ماعرفت ليش تضايقت ...: شرديتي عليها ..
ريم : لبختها عدل ...قلت لها الحمدالله اني ماوهقت اخي مع وحده مثلج ..
غلا : ههههه ...عطيتيها كاش ...
نور : تستاهل ...فيه ناس تستاهل الصراحه تنعطي في الويه ....
ريم : بكيت شيفتها ...ماعلينا منهم ...المهم شخباركم هاليوميين اللي ماشفتكم فيها ..
نور : انا وحده توني متهزءه وجايتج ..
ريم بضحكه ..: افا ياذا العلم ....
غلا : يادفعى البلا من لقافتها ....
نور : الا من اخوج الكبريت ...
ريم : شسالفه من اللي هزء من ..؟
نور : حضرتنا ومحمد معطيني من الجامد ...
ريم سكتت من سمعت اسمه شي داخلها اهتز من طاريه ...ونور لاحظت هالشي ....:ليه شمسويه ؟
نور : ابد سلامتج ...بس شوي طولت حسي وسعد موجود..
غلا : وين شوي الا وقفتي وردحتي لهم وهززتي خواصرج بعد ..
نور : ههه من الحره جلطوني ...بعدين خوانج يخلون الواحد في طوره لازم يطلع قدراته الصوتيه ..
ريم : اجل ماينلام اذا عطاج بعد راشدي ....
نور : تلايطي انتي بعد مثله اصلا سعد من كثر ماطاحت الميانه احس انه مثل خواني ...
ريم : سعيدان الملاغه ...دوري حد سنع ..سيعدان ..
نور : سيعدان رجلج ...اسمه سعد ال... ترى ما ارضى عليه ..
ريم : اشهد انج على العازه ...
نور : ليه مهب تارس عينج ..
غلا : وقت مستقطع قبل لاتتايطر الكشش ...ريم اذا رحنا النقيان الجمعه بتروحين ...
ريم : مادري ياختي انا ماعتب برى البيت الامع امي ..
غلا : اكيد امج معزومه بس انتي تطلعين البر ...
ريم وهي رافعه حاجب من تحت النقاب ...: ليه وشايفتني ...؟
غلا بضحكه ..: مادري ...يمكن ماتحبين ...
ريم : غلوي تلايطي بس ... اذا امي راحت انا اكيد بروح ....
شهد وقفت جنب نور ومسكت كتفها وهي تترقص ...: ابى الوووح حمااااام ...
غلا وقفت ومدت يدها لها ..: تعالي بوديج ..شهد ماصدقت شوتت جدامها ..وغلا تلحقها بخطوات سريعه ...
نور طالعت ريم بنظره كلها فضول ...: ريم بسألج ...وردي على بصراحه ...؟
ريم : اسألي وجاوب اللي اقدر عليه ..
نور : صاير بينج وبين محمد شي ..
ريم برتباك ..: هاه لا..ليه تسألين..
نور : مادري انتوا الثنين الوحيدين اللي احس الجو متكهرب اذا تواجتوا في نفس المكان ..
ريم : الصراحه ...مادري هو اللي احس انه اللي ماخذ مني موقف كل مره اجوفه احس انه كاره وجودي ..
نور : محمد ...مستحيل لو خالد بقول معليه ...بس محمد اطيب واحد فينا ...
ريم : معاي يصير اقشر حتى اخر مره وقالت لها اللي صارلها الاسبوع اللي فات ...
نور : محمد اخوي ..! ماصدق ...يمكن سامع منج شي ...
ريم : ولاعمري تواجهت معاه في شي ..
نور : غريبه ...
ريم : ليه زين ماسألينه ..؟
نور بضحكة استهزاء ...: محمد ماحد يعرف اللي وراه كتوم ...
ريم كانت بتقول شي بس سكتت من جافت امها مقبله عليهم ...نور وقفت وسلمت عليها ام فهد لوت عليها بشكل احرج نور من

مشاعر هالامومه الجارفه ...ام فهد قعدت وقعدت نور جنبها وكانت هناك مخططات تجري في مخ ام فهد وفي حاجه في استعجالها

..في اقرب وقت لان ماعندها وقت كافي ...
ام فهد : الايدتج وينها ...مالها زيله اليوم ...؟
نور : راحت لبيت امي وضحى ...ريلها تعبان وراحت تتطمن عليهم ...
ام فهد وهي تاخذ فنجال القهوه من ريم ...: مايشوف شر ...
نور : اشر مايجيج ...
ام فهد : يمه نور متى تخلصين من الجامعه ..
نور : يمه انا خلاص تخرج ماباقي الا شهرين وخلص ..
ام فهد : ايه الله يوفقج ...
نور : وياج يمه ...
ام فهد :مادري يدتج بتضوى ولا بتمسي ...
نور : لاوين تمسي ..مب على كيفها ماعندنا نسوان يسمون برى بيوتهم ..
ام فهد وهي تضحك ..: هههه خسج الله يالنوري ...
وكملت سوالفهم وضحكهم بعد رجوع غلا وشهد من الفله وتطورت السوالف وصارت تشمل تاريخ حياتهم واساله عن حياة الطرفين

ولكن المستفيد الوحيد ام فهد فقد جمعت الكثير من نور وكل حركه وسالفه تزيد اعجابها فيها وخليها تصر على اللي بتسويه ...نور

شخصت عينها لزول طلع من بيت عمها بشموخ وبعرجه خفيفه من غير لايطالع صوبهم نور ترست عينها من جماله اللي خدر

اطرافها وزاد نبضات قلبها ...بلعت ريقها بصعوبه كانت تبي تلف بعيونها بس ماقدرت كان مثل المغناطيس عيونها منجذبه له...
ريم لاحظت نضرات نور لفهد ...وتمنت من قبلها ان يصير اللي في بالها ....

--------------------------
تتوالى الايام وتمشي بطء للبعض وسريعه لبعضهم ..وتوالت على الريم وشهد اللي تعلقت فيها بشكل غير طبيعي وصارت لقأتهم

بشكل يومي في الحديقه ..مع ان الجو هالايام صار حار ...بس ريم ماصارت تسغني عنها وبعض المرات تاخذها عندها طبعا من غير

علم محمد المنشغل حاليا في صفقه ماخذه جهده ووقته ....وحال بيت حمد وضحى المقلوب من مرض حمد اللي صار له اسبوعين

مارفع راسه ..وتأجلت الروحه للنقيان لين يسلم حمد ومع تغير الجو تغيرت العزيمه وبتكون في العزبه ...
بعد اسبوعين من الاحداث البطيئه قاعده في غرفتها وعلى سجادتها ومسباحها في يدها وتسبحن بعد صلاة العشا ..تنتظر نور مب

عارفه شلون تفاتحها ...بس هاذا نصيب ولازم اخذ شورها ...الله يوفقها ويستر عليها ...وهو ماشاء الله عليه مايتعي منه رجال

منصب بيقدر يعزها يكفي انه ...........وقطع تفكيرها دخول نور بعد مادقت الباب ...دخلت الغرفه بخطوات خايفه من طلب جدتها

ماتعرف ليه بطنها يمغصها ...قعدت على سرير جدتها تنطرها تخلص ..وفسخت الجلال الابيض شوي من مقدمة شعرها ...طالعت

الوردات في جلابيتها وصارت ترسم فيها دوائر وهميه ..وهي متوتره ...
ام جابر :نور تعالي عانزيني اقوم ..
نور نقزت من السرير وقربت من جدتها وعنزاتها تقوم لين قعدت على سريرها بخطواتها الثقيله وقعدت بصعوبه ..اول ماقعدت نور

رفعت يد جدتها وحبتها ..ام جابر طالعتها بنظرات كلها حنان وفخر بتربية هالابنت ياحظه اللي بيظويها ...
ام جابر : نور يمه ...بقول لج شي وابيج تحطين كل شي في بالج قبل لاتعطيني اي رد ..


نور وهي تبلع ريقها بصعوبه ..: لبيه ..
ام جابر : ولد عمج متقدم لج ..وامه تبي رايج قبل لايجيون رسمي ...
نور برتباك ..: من ولد عـــ...
ام جابر ..: فهد ...وامه تبي تعرف رايج عشان اذا الله ماكتب نصيب مايصير مشاكل ..
نور انصدمت فهد ...ولاكان في احلامي ...بس هو ليه تقدم لي ..معقوله ...لالالا ...بنفسي لين الحين ماعرف مشاعري من صوبه ..

احس بفرح يوم اجوفه وقلبي يمشي فيه شعور غريب ...ماعرف شنو بس شعور لذيذ ...
ام جابر : هاه يمه شقلتي ..
نور وهي منزله راسها بأحراج ...: يمه هاذا حياه لازم افكر فيها واستخير ..
ام جابر : الله يقدم اللي فيه الخير ...بس اقول لج ترى ولد عمج ماينرد رجال ولاكل الرياجيل ..وحلاة الثوب رقعته منه وفيه ...

ولاحد بصاير لج سترى وغطا الاولد عمج ...
نور برتباك ..: الله يسهل ...
ام جابر : ترى امه تبي الرد خلال هالاسبوع مستعجليين ...
نور بضيق من عجلة ام فهد ..:يمه بس لازم افكر عدل ...
ام جابر : يمه فديتج فكري محد طاردج ...بس تروي في التفكير وترى مايبي له طوالاه ...ترى مافيه شي يعيبه ...
نور انسدحت في حظن جدتها ...: يمه ...بس ذا قرار يخوف ...لو وافقت خواني وحياتهم من بعدي من اللي بيقوم فيهم وشهد ..ويش

حياتها ...
ام جابر : ماعليهم شر ...كلهم مشاءالله عليهم كلن قايم بنفسه ...وشهد ياحافظ الله عليها قدها مره ...ومصير ابيها يعرس ...
نور : يمه ماهقوتي..
ام جابر :بلا اهقي ...منا بحمده اذا مازوجته وحده الله يعيضه في زواجه الاول ...
نور : الله كريم ...يمه بصلي استخاره وبرد عليج ...

------------------------------------

كانت تنطره بأحر من الجمر حتى وقت رقدتها عدته ..بس هو اليوم تأخر..لازم يعرف من الحين لو ردوا علينا ...عندي احساس كبير

انها بتكون من نصيبه ..الله ياكريم تحصل ..محد دخل مزاجي مثلها ...هي اللي بتسعده ..عرفت ها الشي من جفتها ...ادب واخلاق

واهم شي حنونه وتقدر تعوظه اللي ماقد حصل عليه ..الله يسامح عبدالعزيز من هو صغير جابل فيه البرود وحب شغل ...ونور هي

اللي بتقدر تذوب هالجليد ...
فهد دخل الصاله اللي اضواءها بعدها مفتوحه ..استغرب ...حصل امه قاعده في الصاله ...خاف ...قرب منها وهويشخصها بنظراته
ويبحث عن اي شي متغير ...بس اللي لاحظه نظرات مهمومه ومرتبكه ..: مسيها بالخير ...شعندج على ذي السهره ...خربتي ..
ام فهد : الله يمسيك بنوره ورحمته ..
فهد قعد جنبها بعد ماحب راسها ..: ام فهد بين ظلوعها شي ...
ام فهد : مافيه الا الاخير ...تعشيتنت ..
فهد : ايه يمه ...وشعندج ...
ام فهد : ماعندي الاعلوم الخير ...
فهد : اللي هي ...
ام فهد : اني خطبت لك ...
فهدبصدمه : ويششششششششش
ام فهد : اللي سمعته ...
فهدبصوووووووووت حاد وخشن : يمه شلووووووون تسوين كذا من وراي تخطبين ....يمه منا بمره ...تسوين هالاسلوب معي ..
ليه يمه .؟
ام فهد بصوت عنيد : لانك مستحيل تفكر في نفسك لين يروح شبابك ...وانا ام ابي اجوف عيالك ...وبعدين اعرف مصلحتك عدل ...
فهد وهو واقف بعصبيه : ليه بزر ماعرف مصلحتي ...ولا عاجز ...ومد على ريله ..
ام فهد : منت بزر ...بس ولدي واعرفه دام الشغل ملهيك منت بمفكر في العرس ..والعمر مهو بواقف لي ولك وماعدك بصغير تنتظر

..بعدين العرب خلاص كلمتهم ..
فهد : يمه السالفه سالفه انج تحطيني قدام الامر الواقع ...شليها من راسج ..مني بمعرس ...
ام فهد نفجرت عيونها بشلال دموع ..: وليه تحرمني من ذا الشي ...ذي جزات اخر العمر معكم ..اتجازوني ..
فهد عوره قلبه من منظرها ..: يمه ليه تمسكيني مع يدي اللي توجعني ...يمه ...تدرين ماقدر اربط حد معي ..من اللي بترضى ..

مابغي اظلم حد معي ...
ام فهد : منت بظالم حد ...هاذا نص دينك ...ريح قلبي يمه ..خلني استانس بأخر عمري بعيالك ...فرحني جعل قلبك مايبكيني ...
فهد وهو محتاس..: يمه ...
ام فهد : بعدين يومك محتج بعدك ماعرفت منهي ..
فهد طالعها بنظرات تسأول ...ام فهد بحب ..: نور بنت عمك عبدالله ...
اسمها كان كفيل بهزه مثل التيار .... انصدم وكتم ...نور ....: يمه بعدها صغيره ...
ام فهد : وين صغيره ...قدها بتخرج ذا زمان ...معاد به صغر ..انا اعرست وانا اصغر منها ...
فهد : يمه ذاك زمنكم ....
ام فهد : المهم ...ترى حاكيت جدتها امس ...وبترد على خلال ذا الايام ...
فهد : ماشاءالله عليج ماعندج وقت ...
ام فهد : اجل قعد انطرك ..باخنز ...
فهد حب راسها ورقى لغرفته ..وهو يفكر في هالقرار الجديد ...عرس ...ارتباط ...حياه جديده محسوبه علي ....بس نور بتوافق

على واحد مثلي ...اعرج ..ماظن علي اكبر منها ومتشوه ...ماظن ..فهد غمظ عينه وعنده يقين ان نور رافضته ....لكن ...النفوس

لاتعرف قدرها ....

... (الفصل العاشر )...

مسكه السماعه وصدى انفاسها يرتد لها تتنظر بخوف رد خالتها ...كل شوي ترد خصله منفلته بتمرد ورى اذنها ....كانت تتنظر رد

يرسيها على رأي ...
وضحى بهدوء جدي : شوفي يانور ...اذا على فهد ماعليه كلام ولاظن بيجيج احسن منه رجال شباب وماشاءالله عليه مزيون (نور

انصبغ ويهها ارجواني من كلام خالتها )..وعلى كذا بعد ولد عمج وبيتهم وبيتكم واحد ...يعني مافيه عيب ..والوحده اذا جاها النصيب

لاتوقفه بحجج واهيه ...اذا انتي شايفه فيه عيب قولي رايج ...بس اذا رفضتي لازم يكون له سبب ...
نور : يمه ...لاتحيريني زياده ..
وضحى : يمه اعطيج جميع الاحتمالات ..نوري ..انتي وشرايج ..
نور بأحراج ..: ماادري ..
وضحى بضحكه : ماادري ؟ ولو العلم بين ظلوعج ...على العموم مبروك مقدما ..
نور : يمااااااااااااه..
وضحى وهي ميته من الضحك ..: هاج الدوعى قذتني ..
شيخه : هاااه نوري اشوف هديتي علومج مع حرم حمد وانا مخليتني ..
نور : انطمي ...
شيخه :طمج فهيدان على عينج ..
نور : بدينا ...شيوخ تلايطي بروحي منا بقادره ..شارسي عليه ..
شيخه بجديه : النوري ..صارلج اسبوع وامه معطيتكم اسبوع ...يا بيجون يخطبون رسمي ولاحد معبرج بتاخذينه من ولاي خشمج



..ولا بتدور له مره ثانيه ..
نور اوجعتها الكلمه الثانيه انه يدور وحده ثانيه ...: شيوخ ..ريحيني ..قولي لي شاسوي ...
شيخه : يوم صليتي ثاني مره شحسيتي ...
نور : صراحه نفس اول مره ...عادي ..
شيخه : يعني مرتاحه ..
نور :تقدرين تقولين ..
شيخه : وانتي ويش اللي مرددج ..؟
نور : مادري ...
شيخه : نور انتي متردده من فكرة الزواج ولا من الشخص نفسه ..
نور : من الاثنين ..
شيخه : كيف ؟
نور : بسب الزواج يعني مرحله جديده مني بعارفه شلون اتعامل معاها او شلون اتقبلها ...
شيخه : والشخص نفسه ؟
نور : مادري ....هو فيه شعور من صوبه ماقدر احدده ...
شيخه : شلون شعور ...
نور : مادري ..احس بشعور غير يوم اجوفه احس كان موازين جسمي تختل وايد تعلق عيوني فيه ...شيوخ تصدقيين بعض المرات

ودي اجوفه ..واشتاق لشوفته...
شيخه سكتت ....حست كانه تقرير لحالتها .. : نوري ....
نور : لبيه ...
شيخه : نوري انتي تحبينه ...
نور سكتت وغرقت في بحر من الهدوء ....وبصوت مخنوق من المشاعر ..: ادري ...من تهاوشت معاه وانا شعوري غير ...
شيخه : انزين يوم تحبينه ومتردده ليه ؟
نور : المشكله هو يحبني ...؟
شيخه : تقدرين تخلينه يحبج ...
نور : ماهو هذا اللي خايفه منه بقدر ولا لاء..؟
شيخه : نور كل فصل من حياتنا ترى لازم له تجربه بس بتقدرين تنجحين هذا هو قمة التحدي ...وانا منا بخابرتج ماتحبين التحدي ..
نور : مادري شيوخ من عرفت فهد احس اني صرت اتحدى نفسي بعد ...
شيخه : نور ...انتي ادورين عذر عشان ترفضين ...خلاص ارفضي بعد الامر ماصار رسمي ..
نور بتلقائيه : لا..
شيخه بضحكه : عجل ليه عاله قلبي انا والوضيحي من صبح ..
نور انصبغ ويهها من الاحراج ..: جب ..يالدب ..يالله اقلبي وجهج ..
شيخه : اللحين عقبي بطيتي البرمه ...بس اقول فارقي ومبروووك مدام فهيدان ....شيخه ماسمعت من ردها سوى صدى اغلاق

السماعه ضحكت على حال نور ...

-------------------------------------

انسحدت على سريرها وهي فاله شعرها مثل المروحه تحتها ....سرحت وهي تلف خصله من شعرها في اصبعها ...تفكر في حالها لو

وافقت شبيكون مع فهد ...اهو انسان جامد متقدر تسبر اغواره ...هل بتقدر له ...هل بيتقبلها ...ماتعرف ...بس اللي تعرفه ان قلبها

شاغلها معاه ...تحس انه يستكين بلقاء عيونه سودا تحس انها لقت مبتغاها ....فهد مب من النوع اللعوب انسان جدي واقعي هذا اللي

عرفته من الريم ...ياحليل الريم اللحين عرفت السرد اليومي لأخلاف فهد ليش ..نور وقفت وطالعت المرايه ولمت شعرها وعيونها

تشعل بالتحدي ...فهد اذا ماخليتك ماتستغني عن نور بنت عبدالله اذا ماليتنك ...لبست جلالها ونزلت لجدتها تبلغها قرارها ....

---------------------------------

سكرت السماعه وهي تمسح عيونها بطرف شيلتها رفعت ايدينها لربها تدعي لها بالتوفيق مع ولدها ...مهي بمصدقه اللي صار تحس

انها في حلم اخيرا الله حقق اللي في بالها قبل الله لاياخذ امانته ...قامت تروح له تبشره من جى العصر وهو في مكتبه خليه يفرح

مثلي ...وقفت عند باب مكتبه والفرحه مرعشه جسمها ...دقت الباب وريولها تسابقها تبي تدخل ...فتحت الباب بعد ماسمعت

هممهمته من ورى الباب ..
ام فهد : سلام عليكم ...
فهد اللي فاسخ الغتره وشعره منسدل على يبهته ولابس نظارة القراءه فسخها وقام بسرعه من دخلت ...فهد بعتب حنون :وعليكم

السلام ورحمة الله وبركاته ...الغاليه كم مره اقول لج لادقيين الباب ادخلي سيده ..قرب منها وحب راسها ...
ام فهد وهي تمسك ذراعه العاريه بعد ماكان مرجع ايدين ثوبه لورى ...مشت معاه لين الكنبه اللي في مكتبه وقعدت جنبه وهي ماسكه

يده :يمه ابشرك ..
فهد : وشو به ..!
ام فهد : نور وافقت ...وابغيك بكره تروح تخطبها من عمك ..
فهد انصدم : وافقت !
ام فهد : ايه وافقت وصارت من نصيبك يايمه والله استجاب لدعائي ...
فهد كان يسمع صوت امه مثل الهمس ..من فجرت هالقنبله ..وافقت ...ليه ..ايش اللي خلاها توافق ...ليه ...اكيد فيه سبب ...فهد

ضاع بين شعور الزهو والفرح والشك في موافقة نور ...مب متقبل انها وافقت علي معقوله انها ماتعرف عني وعن حالة ريلي ...
ام فهد : هاه شقلت ؟
فهد انتبه لأمه : في ويش ..؟
ام فهد : لابالله منت بمعي ...سرحت مع هل البيت الجنوبي ..
فهد بهدوء : لا يمه معج ...بس ماكأنج مستعجله بكره ...خليها الاسبوع الجاي ...
ام فهد : مالك لوا ...بنروح لهم بكره ...ولاهوب على كيفك ....
فهد : يمه ...خليني على الاقل اتقبل الفكره ..يمه هاذي ترى بتكون حياة محسوبه علي ..
ام فهد : وانا قلت لاتحسبها ...صار لي اسبوعين من يوم قلت لك يمديك تقبل ...
فهد : يمه ليه مستعجله كذا ..؟
ام فهد : كانك ماتبغيها تروح قل لي ...ترى الرجاجيل واقفين طابور ...ومثل ماوافقت عليك يمكن توافق على غيرك اذا ماتحركتنت

يوم بيشاورونها اخوانها ...ترى البنت ماتبغي الا الستر ...
فهد حس بشعور يمغص بطنه يوم تخيل انها توافق على غيره ...لا ...: اجل بصرج اللي يريحج ...
ام فهد استانست يوم قدرت تقنعه ...فهد بجمود : شوفي من الحين اقول لج انابس بروح اخطب ..واجيب الملاك ....غيره ترى مالي

شغل فيه لاحد يوجع راسي فيه ...
ام فهد اللي ماصدقت يمشي معاها خطوه ..: ابدا ازهل الباقي بس انت بكره رح اخطب ...
فهد : ان شاءالله ..لبس نظارته ورجع ورى مكتبه ولا كان الوضع يعنيه يعني شخص ثاني ...

-------------------------

قاعده في الغرفه برتباك تلعب في طرف مخده صغيره تتنظر دخول شيخه في اي لحظه ..ماتدري ليه حاسه انها تسرعت في قرارها

حست بخذلان انها مب قد هالقرار ...ولاتقدر تشغل غلا بهالافكار لان عندها امتحانات ...انفتح الباب بشكل قوي ورفعت عينها بلهفه

كانت شهد داخله بأندفاع وهي هي تضحك ..: امووووو انوني ابي توب حلو (عموو نوري ابي ثوب حلو )..
نور وهي تنافخ وانا ناقصه هبال شهود : يله امشي بس اول غسلي ايدينج ويهج وريولج من الغبار ...راحت لغرفة محمد ودخلت

غرفة شهد المحلقه فيها ...
بعد ماخلصت من شهد بتعب وضيق رجعت لغرفتها وشهد نزلت بخطواتها الطفوليه لتحت لام جابر اللي قالت لها ان الريم بتجي من

عرفت وهي مسندرتها ...
نور رجعت لغرفتها وقعدت بعصبيه على سريرها ولمت شعرها بنفس العصبيه ...بعد برهه سمعت نقر خفيف على بابها وتوقعت انها

غلا : ادخلي ياغلا ..
انفتح الباب على مصرعيه ودخلت شيخه بعنفوانها ...: السلام عليكم ...
نور بأرتياح : وعليكم السلام ورحمة الله وبركاته .... : كان امسيتوا بعد ...
شيخه : والله الوضيحي مابغت تطلع تحوس ...
نور سلمت على شيخه ومها وحصه اللي دخلوا ورى شيخه : وابي حمد جا ...
شيخه : اكييد ...
نور بأهتمام : وشلونه اللحين ...؟
شيخه : الحمد الله احس احسن من اول ماجى من السفر ....
نور : هو ماراح المستشفى ...؟
شيخه : الا....قالوا له اجهاد ولازم يرتاح ...بس من تحاكين ...
نور : الله بيستر عليه ...
شيخه : الاغلوي وينها ...؟
نور : ليه مهيب تحت يوم جيتوا ...!
مها : كان ماشفتيني رازه وجهي ومقابلتكم يالعجايز ..
نور : عجزتي من شل ثوبج ...
مها : نوري ...الله يعين الرجال على مابلاه ...
نور : الله يعنيج على نفسج يالبقره ...
مها : شوفي بروح ادور غلوي عشان تريحين لسانج ولاييج عرق ..
شيخه : نط لج عرق وحول عيونج قولي اميين ...
مها طلعت ولاعبرتهم ...شيخه اللتفت على حصه ..: وانتي يله على ثرها ...
حصه وهي واقفه : لاحقه على علوم العرس ...نصيبج بيييج ...
شيخه وهي تحذفها بالمخده ..: انقلعي جعل مايييج نصيب ....
بعد ماطلعت حصه وسكرت الباب شيخه طالعت نور ..: هاه شخبار النفسيه ..؟
نور وهيي تتنهد : زفت ..
شيخه : ليه ..؟
نور : مادري ترددت ...
شيخه : ويش بعده الليله الملكه ...وبعد مافرح ابوج ...
نور : شيوخ ..مادري ..احس اني بين ناريين ...
شيخه : ياختي هاذي حاله تجي ...عادج بتضحكين عليها ...بس ريحي اعصابج وقومي صلي لج ركعتيين تهدي الوسواس ..

--------------------------------

طلعت من البيت قبل امها تبي تنفرد بنور قبل الملكه حست انها ظلمتها لازم تقول لها سلبيات فهد قبل لاتوافق عشان تكون وضحت

لها قبل اي خطوه ...
دخلت بيت عمها بعد ماسلمت على ام جابر اللي في الصاله هي وضحى قعدت معاهم شوي وهي تترقص في مكانها تبي تطلع بس

شهد بطأت صعودها ...شهد من سمعت حس ريم حذفت الالعاب اللي في يدها وجات تركض ورمت نفسها في حضنها ...
ريم : مرحبا بالحلويين ...
شهد وهي تفدن ويهها في رقبة ريم : امووووووه بيبتي (عموه حبيبتي ) .
ريم وهي تلوي عليها : شهودتي ...وين عمووه نور ..
شهد : فوووق ...الوح (نروح لها )
ريم : يله قومي ...وقامت بعد ما أستأذنت من ام جابر وضحى تطلع لنور ...ام جابر : الله يرزقها برجال والذريه الصالحه ...
وضحى وهي اطالع ريم بتفكير : امين ...يمه الريم مخطوبه ..؟
ام جابر : ماهقتي ...ليه ..؟
وضحى : مادري ليه داخله مزاجي زين ودلال وادب ..
ام جابر : ليه بتخطبينها لحمد .
وضحى بنقمه : يمه الله يهداج ...لا ابغيها لمحمد ..ماتشوفين تعلاق شهد فيها ...
ام جابر وهي تضحك : ليه مابعد طرى على بالي ...قد هوجست قدامج ...
وضحى : زين ..؟
ام جابر : خليحن نخلص من عرس ذولا ..وبعدين ملحوقيين على خير ..
وضحى : يمكن تنخطب ..وانتوا تتسحبون ..؟
ام جابر : ان الله كتبها له ماراحت ..
وضحى : الله يرزقه بها ...
ام جابر : الله يسمع منج ...

ريم قاعده على اعصابها تتنظر فرصه ان شيخه تطلع بس ماحصلت صار المغرب وبعدها قاعده ....شيخه : ريم شفيج كان وراج علم

؟
ريم : لا ماشي ...
شيخه : تبني اطلع ...
ريم طالعت نور وشيخه ...بس نور كسرت الاحراج : ريم اذا عندج شي قولي ترى ماخبي شي على شيوخ علومي كلها عندها ..
ريم برتياح : شوفي نور عشان ماتقوليين انا ظلمناج وقبل لايصير شي ابي اقول لج عن سلبيات اخوي ..
نور برتباك : مثل ايش ...؟
ريم : ترى فهد من عرفته ماعرف اي بنت ..مايعرف يتعامل مع البنات يعني دفش وبارد ..كل شي عنده اوامر..
شيخه بقهر : وليه جايه اللحين تقوليين يوم معاد فيه وقت ...
ريم : الا فيه وقت ...
نور بهدوء وهي اطالع اثنتين ببتسامه : يعني عمره ماعرف اي بنت ...
ريم : ابد ...طول عمره هو عسكري لين صار له الحادث وتحول لشركة ابوي وتولا اعمالها وكانت تعاني من مشاكل يعني ماكان

عنده وقت كل وقته لشغله ..
نور : ريم اللي قلتيه ...صدقيني ماراح يغير رايي بلعكس كنت متردده بس اللحين بتمسك برأيي ..
ريم : ليه ..؟
نور وهي ماسكه قلبها : القلب ومايهوى ...
ريم ببتسامه : معقوله ...؟
نور ببتسامه وهي تهز راسها اييه ...شيخه بفضول : الا على طاري الحادث ايش سالفته ...اوهو السبب في رجله ..؟
ريم : ايه هو السبب ...بس على فكره ترى مايحب يتكلم عنه وعن رجله ..
نور : اوكي ...وطالعت شيخه بنظره وقفي الفضول ..شيخه وقفت : انا بنزل تحت عند العجايز وبصلي تحت عند امي حمده ..من

جييت ماقعدت معها ..
نور : اوكي وانا بصلي وانزل ...
ريم التفت لنور بعد ماراحت شيخه : نوري صدق تحبينه ...
نور ويهها انصبغ بلون الزهر ...: تقدرين تقوليين ..


ريم بأهتمام : بس الطريق لقلبه صعب وطويل ..
نور بتحدي واحراج : عادي قلبي شباب يتحمل يمشي ...
ريم : حتى قلب فهد بعده طفل ماعرف حد ...
نور : احسن عشان يتعلم معاي ...
ريم : الله يهنيكم ان شاءالله ...

------------------------------------

تتنظر خروج وضحى بأحر من الجمر تجييب دفتر الملاك تبي تتأكد من موافقة نور كان حاضره مع ام جابر بجسدها فقط وبالها فوق

...اول مانزلت وضحى والدفتر مسكر ....تعلقت عيونها فيه وفي وضحى بلهفه تتنظر اي رد يطمنها ...
وضحى بهدوء : مبروووك يام فهد ...
ام فهد بصوت مغرورق بالدموع : الله يبارك في حياتج ...نزلت راسها ادراي دموعها وتحمد ربها ....
وضحى وقفت عند باب الصاله وعطت خالد الدفتر ..: مبرووووك ياخالد ...الفال لك...
خالد : الله يبارك فيج يمه ... ان شاءالله قريب يالعمه ...ههههه
وضحى بضحكه فاهمه قصده : ماعندنا بنات للعرس ..
خالد انصدم وقرب من الباب يبي يشتف من ملامحها الحقيقه : صج ...
وضحى وهي ميته من الضحك : بل تراك مغلوث على العرس ....اضحك معك ...حتى لو تبيها بقشتها قطيتها لك من اللحين ..
خالد بأرتياح : يمه مزاحج يعور ...بعدين بنت حمد شانها كبير متنوخذ كذا ...
وضحى : والله انك مغتر ...الله يعينك ..
خالد وهو يمط خشمها : اقول الوضيحي ....لاتغلطيين ...
وضحى وهي ادزه ..: خويلد رح لرجال بدفتر يمكن الحين موقف قلبه ينتظر وانت قاعد تبطح السوالف ...
خالد : لا ماعليج منه ...ماهزه شي ...تقولين فريزر ..الله يعين نوري تقولين جاي يسوي صفقه ...
وضحى : ياخي الرجال ثقيل مهب مثلك صعفق ...
خالد : هاااا انا ...اذا ملكت علووووم ...بتشوفيين بعدين ...
وضحى : الله يعين اجل ...
خالد رجع المجلس وضحى رجعت لصاله وهي تضحك على خالد اللي شكل فهد بيغسل شراعه ..
ام فهد : ام جابر الاا نور مهيب نازله نبارك لها ...
ام جابر : بلى بتنزل ذا اللحين ...التفت على غلا بهمس : قومي ادعي اختج ...
غلا رقت للبنات تناديهم ....اول مادخلت الغرفه كانت نور قاعده بهدوء على السرير وشيخه وريم على الكراسي يسولفون ...غلا

حست بشعور ان نور مب معاهم عايشه في دوامة افكار ...قربت منها وقعدت جنبها ومسكت يدها ..
غلا : خلاص مافيه تراجع هذا اختيارج ...
نور صحت من شرودها وطالعت غلا بعمق : ادري ...بس افكر فيكم ...
غلا وهي ترفع حاجب : ليه بزارين حن ..؟
نور : لا...بس انا نفسي ماقدر ...
غلا حطت يبهتها على يبهة اختها : لازم خلاص فهد صار مسؤوليتج اللحين ...ولانسيتي ...
نور : لامانسيت ...بس هل يستاهل ..؟
غلا : لو هو مايستاهل عندج كان موافقتي ...
نور ويهها احمر من الاحراج : هقتج ..؟
غلا : نور ....انتي ادري ...يله نزلي العجايز يبون يباركون لج ...
نور بأحراج وهي تقوم : لازم ..؟
شيخه : ايه لازم ...عشان امي حمده ولانسيتي فرحتها ...
نور : معليه بس ابدل هدومي ...

نزلت بخطوات مرتجفه تحس بالخدر في ركبها ...الاحراج متمكن منها لاقصى درجه .....دخلت الصاله وسلمت على جدتها وحبت

راسها وباركت لها وهي ردت عليها بصوت هامس من الاحراج ..اول ماوصلت لام فهد لمتها في حظنها وباركت لها ودموعها

تسابقها..
ام فهد بصوت دامع : مبروووك يايمه ..
نور وهي بعدها في حظن ام فهد ...بصوت مخنوق من المشاعر ..: الله يبارك فيج ..
ام فهد قعدت على الكنبه ونور جنبها ماسكتها كانها بتشرد ...ام فهد كانت تمسح على راس نور وتقرى عليها وتحمد ربها ...نور

كانت قمة الاحراج وترجف من الارتباك ....
وضحى : مبروك يام فهد عليكم نوارة عبدالله ..
ام فهد وهي تمسح دموعها : الله يبارك فيج ...خلاص قدها نوارة فهد وبيت فهد ...
نور غرقت في نص هدومها ونزلت ويهها اللي صار ارجواني ...شيخه وريم وغلا مها في زاويه اخري طافسين من الضحك على

شكل نور ...
غلا: ويهها شوي ويتفجر ....
شيخه : اشكر فنها ام فهد تعطي من العيار الثقيل ...
مها : غسلت نور ...
ريم : شوفوا ...اطالعنا ابيه لاتقوم بس تشرحنا ...
مها : ماعليج منها نوري جبانه ..بس افتني عليها ترقل ..
شيخه :فتنوا عليج جنانوه ...
مها : اشتغلت العجوز ...
شيخه : عجزتي من شل ثوبج ...
ريم : بس خلاص صدعتوني ...بروح اشوف شهوده من اللي بتروح معي ...
مها : انا وغلوي بنروح المطبخ امشي نروح جميع ...
شيخه : انا سوري انتظر العروس اشوف علومها ..
مها وهي واقفه : مشكله العناس ...
شيخه : عنستي ...
طلعوا البنات وخلوا شيخه تتحلطم على مها ...اول ماطلعوا المطبخ غلا ومها راحوا للمطبخ وريم راحت صوب الالعاب اللي جنب

المطبخ .... وحصلت شهد ونوره بنت وضحى يلعبون والخدامه قاعده عندهم ...بس ريم صرفتها وقالت بتقعد عندهم ...
شهد : اموووه اعبي معاي ( عموه لعبي معاي ).
ريم وهي تضحك : ويين ...لا حبيبتي ريولي تعورني ...
شهد وهي تنزل من الزحليقه وتقرب من ريم : من عوووج (من عورج )
ريم حست ان كذبتها انقلبت عليها : محد انا طحت ..
شهد وهي تلزق في ريم اللي قاعده على كرسي بلاستيكي حطت راسها على كتف الريم وحطت يدها على ركبة ريم : مللي ( مني )
ريم : ايه ..
شهد لوت على ريم وحبت خدها من ورى النقاب ورصت عليها : ادييييييييييتج (فديتج ) حلاث بيلوح (خلاص بيروح )
ريم لوت عليها : فدييييييت الويه انا ..
: شهد تعالي (صوت رجولي بارد وخشن )
شهد وهي اطل من ورى كتف ريم : ابوي ..بس ماتحركت من حظن ريم اللي متمسكه فيها من سمعت صوته القشعريره قبت في

جسمها ونبضها المتسارع ...
محمد : شهد تعالي ..
شهد وهي تدفن ويهها في رقبة الريم : نا ابي امووه حوووه (لا ابي عموه الحلوه )
ريم سحبت شهد شوي منها : حبيبي شهود روحي لبابا ..وبعدين رجعي ..
شهد وهي تضرب ريولها في الارض : نانا ...مابي ..
محمد بصراخ : شهووود تعالي ...من الحين تعصيني ...
ريم عصبت من صرخ عليه ..ويوم جافت دموع شهد ...وقفت وسحبت يد شهد ودتها له وقفتها قريبه منه وطالعته برود وقوه : ترى

مب ماكلتها ...وجات بتلف بس وقفت ..
محمد : لا وانتي الصادقه مابيج تعدينها ...
ريم بغضب غير طبيعي : ليه شايف فيني ...
محمد وهو يلف وشهد ماسكه يده : اظاهر ماجفتي المنظره للحين ....
ريم وقفت في مكانها وغضب العالم متملكها ...وطالع ظهره بنضرات ناريه ...منك لله ياولد عمي خاطري اعرف ليه حاقد علي ؟
مصيري في يوم اعرف واوقفك عند حدك ...

-----------------------------

جالسه بينهم وتفكيرها بعيد عن محيط كلامهم ..تفكر في اللي سوته ..انا تبعت قلبي اول مره اسويها ..انا من جفت فهد انقلبت

موازيني ...انا حبيت فهد بسرعه بس هل هو فعلا حب ام اعجاب ...انا تسرعت ؟ مادري ...! بس للحين حاسه براحه ...انا فعلا

ابي فهد بس خوفي من صده لمشاعري هو اللي مرددني ....نور وين قوتج ..تقدرين تلينين قلب فهد ...لازم ...انا احبه لازم ابتدي

اول خطوه .....انه يحبني ...
شيخه اللي قعدت جنبها : هي ...نحن هنا ..
نور وهي تصحى من عالمها : يس ..
شيخه : لايكون متردده ...
نور : لا ..
شيخه : بثقه بعد ..
نور وهي تعبث في شيلة شيخه : شيوخ اللي في قلبي له يخليني واثقه ..
شيخه : احلى ...بس نوري احسج وايد عشتى الوضع برومنسيه زايده ..
نور : ليه ؟
شيخه : مادري شلون حبيتيه بسرعه ...؟
نور : قلبي ..بعدين ليه اطول السالفه ..وهو بعد يبني بس بعدني ماعرفت شعوره ...قريب بعرف ..
شيخه : اقول نوري عيشي بواقعيه ...لاتخليين الرومنسيه اطير عقلج ...
نور : جب ...يوم خويلد يملك عليج لاحد يعيش هاللحظه ..
شيخه اصبغ ويهها : نوري اقطع ذا اللسان ..
نور : حركات ...اقول تلايطي ..قومي نروح نصلي العشا ...
شيخه : اصبري بروح اجيب نوري من برى ..
نور : اوكي بسبقج ..
شيخه طلعت برى وهي تعدل نقابها وتدور نوره ...كانت بتبطا فمها تنادي نوره بس سكتت ...بعد ماجافت خالد واقف وشايل نورة

وهي تصيح ..
شيخه : شفيها ..؟
خالد ببتسامه وهو يطالع شيخه : طايحه من الزحليقه ..
شيخه وهي تمد ايدينها : النوري تعالي ..
نوره نزلت من ايدينه وتوجهت لشيخه وهي تمسح دموعها في اكمام قميصها ..شيخه نزلت على ركبها ولمتها ...: فيج دم ..شي

يعورج ..
نوره هزت راسها تنفي ...:لا بس ريولي تعورني ..
شيخه : انروح لامي ...
نوره بعدت من شيخه : بروح انا ..وانسلخت من حضنها وراحت لداخل الصاله ...شيخه وقفت في مكانها ونظراتها مشتبكه بعيون

خالد ...: مبروووك ..
خالد ببتسامه : الله يبارك فيج ...عقبالي ...
شيخه فال الله ولا فالك ...: امين ..وحاست بوزها ولفت بويهها ..
خالد : شيخه متى التخرج ..؟
شيخه : بعد شهر ونص ...ليه ..؟
خالد :اها ........امممممممممممممم لا بس عشان ...شيخه طالعته بلهفة فضول ...عشان عرس نور بعد تخرج ..
شيخه انقهرت : بل ..مسرع شله العجله ...
خالد : بعد ليه الطواله ..رجال ويبغي مرته ...
شيخه : انزين ماقلنا شي ...بس بعد شوي مافيه وقت ..
خالد : لايكون انتي الابتعرسين ...
شيخه انحرجت ولجمت لسانها ..نزلت راسها من الفشيله ولفت تبي ترجع داخل ...بس شي وقفها ...شي مسك طرف شيلتها وكانت

بتطيح لو مارجعت تلف...خالد كان ماسكها ...انصدمت وطالعته : حطي في حسابج ...انج قبلها ..غمز لها بعينه ..وخلاها في

ذهولها واقفه ...

-------------------------------

واقفه عند البوابه تتنظر الدريول تأخر اليوم الله ياخذ شيفته وقفت تعدل عباية الراس اللي نزلت ...بس جذبها حديث البنت اللي واقفه

جنبها البنت مب غريبه عليها ...ايه تذكرتها هاي الهبله اللي وقفتنا مره ..صج مب صاحيه ...الحمدالله والشكر شهالمكياج اللي

مصبغه ويههافيه رايحه عرس ولا الشيله ماتلحق الشعر ...والله محد محزني الا هالسماعه اللي شوي وتمضغها ....شيخه كانت

اطالعها بنظرات تفحصيه وتضحك على شكلها ...
: فدييييييييت البدو كلهم مزيينهم ..هههههه
شيخه بنقمه بكيت الويه واللي معطيج ...
: لالالا ماقدر ...لاتوقف قريب من البوابه اخاف عليك من عيون البنات ....ايش ...اختك ....زين الله لايهنها ادق لك رجل بس

لاتقرب ..عندنا وايد ماجافوا خير ...وطالع شيخه بنظره ..
شيخه طالعتها بنظرة احتقار ولفت وييهها ...بكيتتج بعد شيخ العرب اطالع خمتج ...
: اموووووووت في اللي كاشخ على الفي اكس ار ابيض ...
شيخه وصلت سيارتها وطالعت وراها تشوف نور وين كانت قايله لها ان سيارتهم برى وينها ..طالعت نور توها جايه وهي تسكر

جوالها ...: وينج ..
نور : خالد داق على هواللي جاي ..
شيخه : ايه ..زين يله نطلع قبل لاأتوطى في بطن ذا البروع اللي وراج ...
نور طالعتها : من ذي بقرة الالوان ...والله انج معطيتها قدر ...ذي مخمة الارقام ...
شيخه : زين يله بعد تحترقين علينا وعرسج بعد 3اسابيع ..مافينا يردونج علينا يقولون مزوجينا سودانيه ..
نور : السوداني ريل يالدب ..
شيخه : فديته شيخ العرب ...
وهم يمشون البنت وراهم وحديثها مزال مستمر وضحكها الماصخ ...شيخه كانت سيارتها مقدمه شوي من سيارة خالد اللي ماكانت

منتبه لها ولاهي يكلم ومعلق الهدفون ...شيخه اول ماوصلت عند السياره سمعت ..: لاتطالع وايد يكفي هاي اللي قدامي شوي وتاكلك

بعيونها ...يله اختك وصلت ...خلودي حبيبي لاتنسي صحني ...شيخه التفت لها ولخالد كانت عيونهم في بعض بس ماعرفت نظرة

خالد لها كان لابس نظاره ...البنت رجعت مستانسه داخل ...
شيخه كانت حطام انسان ركبت السياره وحذفت اغراضها ...نور كانت تكلمها بس ولا كلمه دخلت في مخها سكرت الباب على العالم

الدائر بالخارج تحاول تغسل المنظر اللي جافته ...
شــربــت الــمُــر مــــن كــاســات غــــدرك
%%%% سكـرت وسكرتـي كانـت قـويـه



زرعـــت الــــود فــــي بـسـتــان صــــدرك
%%%% ولكـنـك ,, زرعــت الـهـم بـيّـه


------------------------

واقفه في نص الميلس ادور جوالها ....شهود واللي يعطيج جوال مره ثانيه مسكت جوال نور واتصلت بس انقهرت يعطيها مسكر ..

وقفت بين قطع الكنب ادور ودنعت ادور ...بعد ماحصلت ...اففففففففففففف وين ادور بعد ....رجعت لصوب الثاني من الكنب ودورت

بس وقفت من سمعت صوت سياره ...ابييه من منذا اللي جاي اللحين ..وذا وقته ..ولابعد منابلابسه نقاب عزا الله القتل جا ...
طلت من الدريشه جافت رنج اسود 2007ابييييييه لايكون حد من ربع خوااني ...ابييييييييه ...الله ياخذه حد يسير الساعة 2 الظهر

..
الحين شاسوي ...خالد داخل اكيد بيجي الحين والحمار ذا اكيد عند الباب ...غلا واقفه في مكانها وترجف من الخوف اول ماسمعت

تكة الباب ...ركضت من الخوف ونخشت ورى الباب ...
انفتح الباب ...غمضت عيونها بقوه ...دخل خيال ابيض وسكر الباب بهدوء ...نور فتحت عيونها بشويش ...كان معطيها ظهره ..

طالعت الباب يمينها ..تبي تشرد ....بس ...في اخر لحظه ..التفت لها ........وانصدمت ....كان ...

...( الفصل الحادي عشر ) ...


جـــزى الإحــســان ,, تـحـرقـنـي بـجـمــرك
%%%% تعـذب خافـقـي ,, وتـزيـد كـيّـه

قـتـلـت أشـــواق حــبــي وســــط صــــدرك
%%%% صدمت القلب بي صدمه قويّه!؟

(من اشعار محمود الشاهين )



قاعده في نص سريرها وحاظنه مخدتها ... ليه ياخالد كان قدرك عالي ليه نزلته مع وحده ماتسوى ثرك في التراب ... مادريت انك

كسرت صورتك في داخلي ...حسافه غلاى شلته لك اثريك ماتسوى ...شيخه بلعت تنهيده قويه ..والله مانزل دمعه في خيانتك ..ومع

من مع وحده خايسه .............. حسافه ....كــــــــــــــــرهتك بعد ماكنت اموووووووووت في حبك ...
شيخه صحت من افكارها بعد ماحست بنغزه قويه في قلبه من اصوات ودربكه برى غرفتها ...نقزت من السرير بسرعه وبطلت الباب

مها كانت تركض وتلبس عبايتها بسرعه ....
شيخه : مها شصاير ..؟
مها التفت لها ويهها كان متروس دموع : شيوخ ابوي مادري شبلاه مايحرك ريوله ..
شيخه شهقت بقوه شهقه شقتصدرها من الالم ..دزت مها من ويهها ونزلت تركض لاشعوريا روحها كانت تسابقها لغرفته وتكذب كلام

مها داخلها ..
دخلت الغرفه بخوف : يبه ...كان منسدح ومسكر عيونه ووضحى قاعده عنده بعباتها ...شيخه رمت نفسها عند ريوله ..: يبه شفيك ..
وضحى : شيخه ابوج تعبان ..لاتزيدينه قومي عشان تروحين معي وخلي مها تقعد عند خواتج ...
شيخه طالعت مها اللي تبي تروح بس قبلت قرار امها لانهم في وقت ماتقدر تناقش ..شيخه خذت عبايه مها وشيلتها ونقابها ..لبس

بسرعه هائله : مها قولي لدريول يقرب الموتر ...
وضحى من كثر ماهي منهاره ماقدرت تحرك اي عضل في جسمها بس اطالع بناتها وريلها اللي متحسره عليه من ذا الطيحه القويه

..شيخه وقفت جنب ابوها وحطت يدها من ورى ظهره ودخلت ايدها في ابطه وقعدته بقوه غريبه ..وضحى وقفت مع شيخه وساعدتها

وقدروا يشلونه لين الباب ...وحمد مسكر عيونه ..شيخه وضحى قعدوه على الدرج لين عشان الدريول يقرب الموتر اكثر ...بس

الدرويل رفض انهم يشولونه ..لانه شاله ودخله السياره ...شيخه ركبت بسرعه مع امها السياره ..شيخه مافتتها دمعه الحسره من

عين ابوها ..بس مسكت اعصابها ودموعها عشان ماتحسس اهلها بضعف ويزيد صعوبة الوضع ...
اول ماوصلوا طواري مستشفى حمد نزلت بسرعه ونادت الممرضين ...بعد مانزلوا للمستشفى ووقفوا عند باب غرفة العنايه القصيره

ينتظرون كشف الدكتور ...
وضحى وهي تمش دموعها : شيخه بيت خالتج يدرون ببوج ..؟
شيخه : مالج لوا ...
وضحى : زين يمه ..اتصلي في خالج عبدالله ..
شيخه : مايحتاج ...حن نسد ...
وضحى : شتسيدن ...بتوقفين مع الدكاتره ...يعني انهم بيتفاهمون معج ...لاوبعد قطريين عزالله ماصار ...اتصلي في خالج ...ولا

ان دري ضجر علينا ...
شيخه : ليه منا بنته يعني اسد لازم رجال ...
وضحى : شيخه ...ترى مالى خاطر لهياستج قومي كلمي ..اظاهر انتي ياذي بتطلعين من شورنا ...
شيخه وقفت في ممر بعيد شوي من غرفة العيانه وطالعت جوالها وهي تتنهد بحزن وتدعى من داخلها انها ماتسمع حس خالد ...

اتصلت على ابومحمد وقالت له السالفه ...من سمع اللي سار سكر بسرعه وراح لعياله ...
شيخه رجعت وقعدت جنب امها ....وضحى : هاه ..؟
شيخه وهي تتنهد : كلمته يقول بيجي الحين ...الدكتور ماطلع ..
وضحى : بلى يقول بيسون تحاليل بيشوفون ...
شيخه : زين ليه مادخلتي عنده ...
وضحى : ياخذون منه تحليل دم ..وانا ماتحمل اشوفهم يقطعون جسمه بالأبر ..وغروقت عيونها بدموع ...
شيخه بلعت غصة ألم ..: الله يشفيه ...انا بادخل له ..وقامت دخلت له ..كان منسدح وعيونه مسكره والممرضه واقفه عنده تسحب

منه دم ..شيخه جمعت اصابعها كلها بقوه والم ..وقربت من السرير وحطت يدها على جبهته ..حست انه انتفض تحت يدها وحس

بوجودها ...بس مافتح عيونه ..دنعت عليه وباست راسه وقرت عليه اية الكرسي ...وكملت تقرى بعد ماطلعت مصحف اللي مايفارق

شنطة امها اللي خذته قبل لاتدخل ....كانت واقفه وتقرى من غير لاتحس باللي متحاولها بس تفكر في ابوها وسبب هالطيحه ..

وضحى دخلت وقعدت على الكرسي اللي جنبه واطالع جهاز تخطيط القلب وتصيح ...
عبدالله ومحمد وخالد دخلوا الغرفه بهم ...سلموا على وضحى وسألوها من حال حمد عبدالله سلم على شيخه بس ماردت ..كانت في

عالم ثاني ماتسمعهم ولاتدري فيهم ..واقفه على راس ابوها وتقرى ومنفصله عن محيطهم ...خالد طالعها بعيون مهمومه من حالها

كانت عيونها كلها شقى وحزن دفيين ...وتمنى انه يقدر يسوي اي شي يزيح الحزن منها ...

يالله ياللي حامي العـرش والبيـت
كل هم في خلـي عشانـي تديـره
أرضى أعانق همهـا بـس ياليـت
ماشوفها تشكـي ألمهـا اْلأميـره
مع الألم من صغر سنـي تربيـت
ياليتني أقـدر ألمهـا اْستعيـره ؟
كان العشم في صدرها اْلراح حطيت
واخلي دنياهـا , جميلـه ومثيـره
الضيقة اللي بصدرها بـي تمنيـت
ولا أشوف اللي أبيهـا كسيـره ؟!

(من اشعار محمود الشاهين )

---------------------------------

وقف في مكانه من الصدمه وتجمدت ريوله في مكانه ولاقدر يتصرف لان حركتها ورها خرعته وطالع بسرعه ...بس ماتوقع يجوف

وحده ...واي وحده غزال ...من جمالها نسى نفسه ولاقدر يصد قعد يبحلق فيها ويملي عيونه فيها ..
غلا شهقت من الصدمه وحطت يدها على فهمها ...وانترست عيونها دموووع ..حمد انتبه لنفسه وعاطها ظهره وقعد يلوم نفسه على

غباءه ..غلا كانت تبي تشرد بس الصدمه شاله ريولها ماتوقعت انها توقف بهالشكل قدام حمد ...الحين بيتأكد من اللي قاله ...غلا

نشلت نفسها بخوف واعصاب ترجف ..كانت بتطلع بس الباب كانت تتحرك يدته ..غلا يبست في مكانها ...حمد لاشعوريا وقف قدامها

ودزها ورى الباب وقف ...
انفتح الباب ..ودخلت شهد ..: اموووووووووووووه وسكتت من جافت حمد ووقفت عند الباب ...وين امووووووووه..
حمد ببتسامه وارتياح : راحت داخل ..
شهد : نا امووووووووووه مني ...
حمد : ياذا البلشه ....لا راحت داخل ...
شهد بعناد : اموووووووووه الا ...الوووووووووووي (عموه غلا ..غلوووووووووووي )
حمد : شفتي مافيه حد ..
شهد : لا اموووووووووه مني انا ثفتها ( لاعموه مني انا جفتها )
حمد : يابنيه ..قلت لج محد هني روحي ..امج تناديج ..
شهد : امي ..
غلا من ورى الباب شهقت وبهمس : حرام عليك لالالالا...
شهد اطالعه برائه : وين ماما ...؟
حمد وهوينافخ : وانا شدراني ...داخل ...روحي لها ..
شهد بلهفة : ماما راحت تركض ...
غلا حست بسكين تقطع قلبها من سمعت اللهفه في صوتها ونزل شلال اخر من عيونها..غلا من قوة الصدمه والحزن والقهر دزت

حمد من ظهره ...
وطالعته بويه متروس دموع لانها الاخت ناسيه النقاب : انت مافي قلبك رحمه من ايش مصنوع ..
حمد بصدمه : شسويت ...؟ جزاتي سترت عليج لاتفضحج ..
غلا : ليتني انفضحت ولا اللي قلته لها ...
حمد :ليه ..
غلا وهي واقفه عند الباب واطالعه بنظرات اتهام : يعني ماتعرف ان امها ميته ....بس ماقول حاسفه القلب اللي شايله ينبضق بس

شغل ...وطلعت من عنده وهي في قمة اليأس ..ماتعرف شلون بتصلح الوضع مع شهد اللي ختفت من الحوش ...اكيد راحت ادور

..شاقول لها الحين ...
حمد تهالك على المكنبه بصدمه ...شسويت انا ..خنبقتها من قلب ...بس انا شيعرفني ....وهي بأي حق تتهمني ...وانا شلون سكت

لها ...هاي ثاني مره تطاول على انا حمد ال..... ولاوحده قدرت تمد لسانها وتقول نص الكلمه ...تجي ذي على اخر وقت تقط على

هالكلام ...هين يابنت الخال ....شغلج بعدين ...جزاتي اللي عطيتها ويه ..ولا هي ....لاوالله انها غزال ..ولاعمري وقد ماجفت

ماجفت مثل زينها ...والله ان قلبي للحين يرقص مكانه ...

----------------------------

قاعده اطالع الجوال بأعصاب محروقه ...من طلعوا من الجامعه وهي تتصل فيها وهي ماترد وينها ...والله بموت من القهر يوم

عندي لها اخبار ماحصلها وبعدين تشتغل لي مثل الدلاله ...لسانها يلوط اذانها الله يعين خالد عليها ...ههههههه... الغبيه ابي اقول

لها ان خالد كلم ابوها من كم يوم عشان الملجه ...بس غبيه راحت عليها ...نزلت الجوال وهي تتأفف ...بنزل تحت وكلم بيت امي

وضحى وشوف وين بنتها الخبله ...
نزلت تحت ...بس اول مانزلت ماكان الوضع طبيعي جدتها قاعده وشهد في حظنها وغلا قاعده عندها بهدوء ..ومبين على ويهها اثار

البكاء ..
نور بخوف : شفيكم ...؟
ام جابر : مابلانا شي ..
نور : بلى فيكم ..غلوي فيه شي ..
غلا بعيون حمر : لا ..
نور : ليه باكيه اجل ..
غلا : شهود ...كنت مضيعتها وادور عليها ...وتعرفيني ام دميعه ..طلعت الخايسه عند جدتي ..
ام جابر : منا بداريه جاتني وطمرت فوقي تصارخ يمه يمه ..تروعت ..
نور قعدت جنب غلا وهي مب مصدقه غلا انها صايحه عشان شهد ..: ايه ...الا ابي وخواني وينهم ..مالهم زيله ..؟
غلا : يمكن في المجلس ..انا شايفه سياره غريبه برى ..
نور : من ذا اللي مسير مع القايله ..
غلا : وشدراني ...
ام جابر : هم تغدوا ..؟
نور : والله مادري طلعت فوق وابي ينطر خالد ..
ام جابر : ماجاني خالد ...!
نور : بروح أسأل الخدامه ...بعد شوي رجعت لهم بسرعه ويهها ابيض من الخوف ...
نور بخوف : يمه تقول ماتغدوا ..طلعوا كلهم حتى خالد مابدل ملابس الدوام ..
ام جابر : ياقلعتي ..وشصاير لهم ..
نور بعبره : يمه منا بداريه ..
ام جابر : اجل منهم ذا اللي برى ...يمكن حاصل لهم شي ..
نور : يمه مادري ...يمه اطلعي له شوفي يمكن داري بشي عنهم ..
ام جابر نزلت شهد من حظنها وقامت بخطوات المتهالكه ...نور مسكت جوالها واتصلت في ابوها ...بس يعطيها مغلق ..ورجعت

لخوانها بعد مغلق ...
نور : هذولا وينهم اتصل ولاحد يرد ..
غلا : زين يمكن مافيه ارسال ...
نور : شدعوه كلهم ...
غلا : زين ارجعي اتصلي فيهم ...شهد كانت تراقب الوضع وهي حاسه بربكتهم فقربت من نور ودفنت ويهها في زندها ...
نور : امري لله ..بس حاسه فيهم شي ..
غلا : دافع البلا من فالج ..اتصلي ..
نور :بعد مسكره ...شاسوي ..
غلا : اتصلي في بيت عمي يمكن عندهم ...
نور بتفكير : هقتج ...
غلا وهي تفكر في اللي قاعد في المجلس اكيد ماجا هنا الافيه سالفه : يمكن هلي ماطلعوا ذا الحزه الاقريب ..اتصلي ..
نور : بتصل في سعد هو اللي بيقول لي ..
نور اتصلت فيه وسكرت بحيره ..: يقول غير اليوم ماجافهم ...
غلا : نوري انا اعصابي معاد تحملت ...ارجعي اتصلي ..
شوي الا ام جابر داخله عليهم ..نور بلهفه : هاه يمه ..؟
ام جابر : حمد ولد عمتكم عفرا يبغي ابوكم ..
غلا : ليه ..؟
ام جابر : ماعندي خبر بس هو كان متفق معه يجيه ..بس ابوكم ظهر ..
نور : شفتي ..اقول لكم فيهم شي ..
ام جابر : يابنتي هدي اعصابج ..مافيهم الا الخير ..
شوي الاجوال نور يرن طالعته برتباك وخوف من الاتصال ...كان سعد ....رفعت السماعه خايفه من اللي بتسمعه : الووووو
سعد : هاه حد رد عليج حصلتيهم ..
نور بخوف : لا ..للحين اتصل ولاحد يرد ..
سعد : يله انا جايكم ..وسكر ...

واقف وحاط ايدينه ورى ظهره ويطالعها بنظرات كلها حزن عمره ماجافها بهالانكسار ..شيخه للحين واقفه عند ابوها ولابراضيه

تتحرك اوتتكلم ..
خالد : يمه كلميها ..خلي تعد من جينا وهي واقفه ..
وضحى بأسى : والله اني حاولت ..بس حتى ماترد ..
خالد : مهب زين تنهار بعد من غير خالي بروح اكلمها ..
وضحى برجاء ..: والله تسوي خير ..
خالد وقف جنبها ...:شيخه ...
بس ماردت كانت مواصله تقرى بصوت هامس ...
خالد خذ نفس ..: شيخه اكلمج ردي ...
شيخه سكتت وطالعت ابوها المغضمض العينين من تأثير البنج والدواء ...
خالد : مب زين اللي تسوينه من ظهر وانتي واقفه صرنا المغرب ..ارحمي نفسج وحال امج ...اللي تحاتي ابوج ...مهيب ناقصه

انهيار ثاني ...
شيخه استوعبت كلامه بعد فتره وجيزه وطالعته ..كان خالد اللي يكلمها وبعده بملابسه العسكريه ...شيخه طالعته بعيون كلها حقد

وعتب ..: انت مالك دخل فيني كيفي ..
خالد سحب نفس ..يهدي اعصابه ..: شيخه ..انتي تعبانه اللحين روحي قعدي ..
شيخه وهي تصر على اسنانها ..: قلت لك ما..بس ماكملت كلامها لان خالد مسك زندها بقوه وقربها منه وهو يهمس بصوت غاضب

..:شيخه روحي قعدي دام النفس عليج راضيه وخلي منج العناد ..اذا مب عشانج عشان امي وضحى ..اللي متشتته بينج وبين خالي

.. ارحميها شوي وكوني لها عون ..
شيخه طول ماهو يتكلم كانت ساكته انفاسه الاهثه من الغضب اللي كانت تتضارب في سطح نقابها اسكتتها ..شيخه طالعت يده على

زندها بمعناه فكني ...خالد بعد ماحس انها استسلمت من عنادها ..فكها وهويطالعها بتهديد ..شيخه مرت من قدامه بنظرات كلها كره

عميق ودفين وقعدت جنب امها بهدوء ثقيل ...
خالد وقف عند حمد وحط يده على راسه وطالعه بحزن ..على انكسار رجل وانهياره ..حمد كان من النوع الفخور بنفسه الله يستر

عليه من ذا الطيحه ...طالع صوب شيخه اللي كانت عيونها متعلقه بالحركه الخارجيه من النافذه وهناك دمعه متعلقه في رمشها ..

خالد حس كان هالدمعه مثل الموس جرحت قلبه ..
قطع تفكيره دخول ابوه ومحمد ..ووجيهم متغيره ...وضحى بخوف ..: وشقال لكم الدكتور ..؟
ابومحمد : تعالوا برى ..احسن له ..
شيخه وضحى وخالد طلعوا معهم برى وشيخه تحس بشي جاثم على صدرها ...كانت تبي تطلع ماتبي تسمع شيقولون ..تمنت انها

صغيره ولاتفهم ..عشان ماتحس باللي بيصير ...
بعد ماوقفوا في الممر ...ابومحمد وهويتعبث في المسبحه في ايدها ...: اسمعي يام شيخه ..المرض ابتلاء من رب العالمين ...ويوم

يحب عبده يبتليه ...
وضحى : ونعم بالله ..
ابومحمد : حمد ...وحس ان الكلمه ثقيله على لسانه ...حمد جاته جلطه في ريوله ...
وضحى بشهقه بغت تشق صدرها : جلطه ...
شيخه وهي تلوي على امها وتهديها ...: يعني شلل ..
محمد : بس مع العلاج بيقدر يرجع يمشي ..
شيخه : بس فيه لكن ...صح
محمد : ايه ...نفسيته لازم تكون الدافع الاول عشان جسمه يتقبل العلاج ..ويرجع يمشي ...
شيخه وهي تبلع الصدمه عشان امها المنهاره بين ايدينها ...تبي تكون شجاعه ...بس ماتدري ليه تحس بتقل غريب في ريولها ..

شيخه قعدت هي وامها على اقرب كرسيين وقعدوا يهدون في بعض ...وضحى تبكي شموخ رجلها الذي ضاع ...وشيخه تتحسر على

ابوها ..
ابومحمد قرب منهم بعد ماحس انهم شوي هدت اعصابهم ..وحس انهم بتقبلون اللي بيقوله ..: اسمعي يام شيخه ...لازم نقنع حمد

بالعلاج اول مايقوم ...
وضحى وهي تمش دموعها في شيلتها ..: ان شاء الله ...بس الله يستر خبرك حمد عنيد ..
ابومحمد : عشان كذا انا ابغي اكلمه وافهمه الوضع ...لان العلاج مثل ماقال محمد لازم نفسيته تكون متقبله العلاج عشان ينفع العلاج

معه ..
وضحى : الشو شورك ..
شيخه : يبه ..مانقدر نوديه برى ..
ابومحمد : اول بنشوف شلون العلاج هنا اذا مانفع سفرناه برى ..
شيخه : بس يمكن تتضر ريوله ولاعاد نقدر ..
ابومحمد : لاان شاءالله ..ماراح يكون الاطيب ..
شيخه : زين يبه ...ابوي شلون بنقنعه ...
ابومحمد : كل شي في وقته ...بس اللحين انتوا ارجعوا البيت ..وشلوا لكم كم غرض وقعدوا عندنا لين الله يشفي حمد ..
وضحى : ابومحمد ..ماتقصر بس العيال ومدارسهم ..
ابومحمد : ماعليهم قصور ..واخوانهم والدوريله موجودين ..احسن ماتقعدون بروحكم من غير رجال على الاقل اذا قدكم عندنا نروح

ونرجع المستشفى مع بعض ولانقعد متشتتين ...
شيخه وهي كارهه هالاقتراح متبى تشوف خالد حاليا ..لين ترتب امورها ..: يبه بس مدارسنا والجامعه في بيتنا بيكون اريح ...
وضحى : ابومحمد صادق ...شيخه لاتنسين اني بانشغل مع ابوج ..خليكم عند امي احسن ..
شيخه : يمه ...
وضحى حسمت الوضع : خلاص يابومحمد ...بنروح ..
خالد وقف قريب من ابوه : يبه كلمت حد من البنات ..؟
ابومحمد : مالك لوا ..
خالد :اجل انا بطلع اكلمهم اكيد اللحين حارقيين الجوالات ..
شيخه وهي اطالعه بنظرات ناريه ..الا قول حبيبة القلب مسرع ماتوله لها ...لفت ويهها صوب امها اطالعها وتبيها تقعد معاه في

مكان واحد بتموت ..ماتقدر تجوف خالد وتتذكر خيانته كانت تحس بدمار شامل في معناويتها..
خالد رجع وهو يحك راسه : يبه نسيت الجوال ...عطني جوالك ..
شيخه بتشمت عسى يعله يخترب بعد..بس هين ياخالد مثل ماقدرت تلعب في مشاعري بقدر انساك مب انت اللي تلعب علي ..مصيرك

بتعرف قدري ..
خالد : نوري بس شفيج ...الحين شله الصياح ...زين شنسوي بعد مب كيفنا ...ايه ايه اكيد ابوي مافيه شي ...ايه خالي حمد ...جلطه

في ريوله ...نوري استهدي بالله ..المفروض تمسكين نفسج عشان خالتي وبناتها ...نوري اهدي شوي ولاعطيني غلا ...اسمعي ترى

خالتي وبناتها بيجون عندنا الفتره الحاليه ...سمعتي ...وجدتي شوي شوي عليها وانتي تقولين لها لاتصدمينها ....يالله في امان الله

..
رجع لبوه وعينه على شيخه اللي منزله راسها من طلعوا وهي مااطالعه الا بنظرات غريبه اكيد زعلت علي ...معليه بعدين يوم تكون

اظروف احسن بتعرف ليش ..صارخت عليها ...عطى ابوه الجوال : اففففف قذتني نور ...ساعه اهدي فيها ..
ابومحمد : ليه ..؟
خالد : تقول تتصل فينا من صبح ولاحد رد ..وقعدت تحاتي ..وخبرك النوري شغلت الونان ولسانها اللي مايخلص من التشراه ..
وضحى : مالومها ...

--------------------------
نور سكرت جوالها وحطت ايدينها اللي جامعتهم على راسها تتقبل الصدمه ...مسحت عيونها المحمره من الصياح بعد ماسمعت

صوت خالد وتاكدت انهم بخير بس الصدمه الثانيه كسرت قلبها ..اه ياخالي حمد ماتشوف شر ..والله يعين شيوخ ..الله يصبرها

ويصبر امي وضحى ..الحين امي حمده شباقول لها زين انها راحت تصلي ولاسمعت ولاكان علوووم ..قطع تفكيرها صوت طرقات

على باب الصاله ...ابيه اكيد سعد المسكين رجيته معي ....سحبت نقابها من طرف الكنبه ولبسته وعدلت جلالها وراحت للباب تفتحه



..
فتحت الباب ...بس سعد ماكان بروحه ......................................


....فهد كان واقف وراه بطوله الشامخ بنظرته الجليديه

..نور دخلتهم وهي تبلع ريقها اللي كانه رمل في حلجها وقلبها اللي شوي ويطلع من صدرها ..مشت وراهم وهي اطالع عرض كتفيه

الضخمه وخطواته الغير ثابته ورائحة عطره التي اسكرتها وصبحت منقاده لخطواته ..
فهد قعد وجنبه سعد ...وبصوت جليدي ..: حد اتصل فيكم ...؟
نور قعدت على كنبه بعيده منه نسبيا ومنزله راسها ..: ايه الحين خالد سكر قبل لاتدخلون ..
فهد : بشري ..
نور : هم مافيهم شي ...بس خالي حمد ..
فهد : شفيه ..
نور وعيونه مجتمعه فيها الدموع ..: صايدته جلطه في ريوله ..
فهد طالع دموعها وحس بثقل غريب على صدره ماعرف سببه ..: مايشوف شر الله يشفيه ...
نور وهي تحاول تمنع ذقنها من الاهتزاز : الشر مايجيك ..
فهد : عمي عاده في المستشفى ..؟
نور وهي تهز راسها موافقه : وخواني بعد معه ..
فهد كانت عيونه متعلقه في عيون نور الذبلانه من الصياح ورموشها الرطبه من الدموع كان وده يلمها في صدره وينهي هالضياع اللي

عايشه فيه ...فهد انصدم من تفكيره بهالطريقه ...
قطع عليهم السرحان دخول ام جابر ..: سلام عليكم ..
وقفوا العيال يسلمون عليها ..فهد حب راسها وقف جدام نور ..وسعد وقف يسلم عليها ويتحفاها ..فهد حس بحركه في كمه وطالع ...

انصدم جاف يد نور ماسكته وتحركه ..طالعها بتسأل ..
نور قربت منه وسحبت ذراعه عشان يقرب اذنه ..فهد مال براسه لها ...نور بهمس : شلون اقول ليدوه من غير لااصدمها ..
فهد كان في عالم ثاني من لمستها وصوت العذب اللي كان يداعب اذنه كان وده يعيش بس على هالهمس ولايذوق شي ..فهد : باقول

لها انا ..
نور : زين ..بعدت شوي منه عشان يدتها ماتنتبه وقعدت ..وهي تفكر شلون جاتها الجراءه وقربت منه ..طالعت يدها اللي مازالت

ترجف من لمسته ...
فهد بهدوء جليدي عكس اعصار المشاعر اللي داخله :يمه شحالج ..؟
ام جابر : الحمد الله على كل حال ...الاماذهبت عمك ..؟
فهد : بلي من شوي مكلم ..طيبين وبخير مافيهم الا العافيه ..
ام جابر : اجل يوم هجوا كذا من البيت ولاعطونا علم ...خلونا نحتاس ..
فهد : يمه ...يمكن نسوا يقولون ...المهم هم كانوا رايحيين لحمد ال.... تعبان شوي ..
ام جابر بخوف : بسم الله عليه ياربه ماينس شي كايد ..
فهد : مابه الاالعافيه لاتروعين ..بس شويه وجع في ريوله ..
ام جابر : وهاجيين كلهم ...مالك لوا فيه شي اكبر ..
فهد : يمه من الخرعه يوم اتصلت فيهم ام شيخه ..بس ترى مافيه الا العافيه ..
ام جابر : قلبي معيي لايصدق ...
فهد :يمه استهدي بالله وقوي قلبج عشان وضحى تقوى عزومها ..
ام جابر : اجل وشلي في حمد ..
فهد : جلطه في ريوله ..
ام جابر بعد هدوء قليل : لاحول ولاقوة الابالله ...مايشوف شر
فهد : يمه ان شاءالله تكون دفعة بلا ..
ام جابر : الحمد الله على كل حال ..
فهد : يمه تبغين شي محتاجه شي ..
ام جابر : سلامتك ..بس ودي اروح لهم في المستشفى ..
نور بصدمه : لالا..جدتها طالعتها بنقمه ...نور بلعت ريقها : اقصد امي وضحى بتجي بعد شوي ..
ام جابر : من اللي يقوله ...
نور : يمه خالد مكلمني من شوي ويقول ان امي وضحى وبناتها بيجون يقعدون هنا لين يطلع خالي حمد من المستشفى ..
ام جابر بتنهيده : هييييييه ...
فهد قام : يله اجل تامرون على شي ..
نور وقفت وعيونها عليه بس هو مارفع عينه منزلها يطالع الارض ..نور طالعت الارض تبي تجوف في ايش مشغول فجات عينها

على ريله المصابه المبينه من نعاله (وانتوابكرامه ) كان اثار العمليات مبين فيها شقين عريضين جنب بعض بس ماتعرف وين

ينتهون ... حز في خاطرها ان فهد كان يعاني وبروحه من غير لاحد يعرف مشاعره حتى امه واخوانه ..رفعت عينها بعد ماحست

بعيون تراقبها ..فهد كان يحدق فيها بروووووود يطالع ريله ويطالعه ..بنظره سببت ثقب في روحها ...
طلع بخطوات جامده مما خلى سعد يسبقه ويطلع ..نور طلعت وراهم تسكر الباب ..اول ماوصل فهد الباب وحس ان سعد ابتعد عن

محور الحديث ...نور وقفت جنب الباب ومسكته وفهد وقف بطريقه عرضيه بس عين وحده اطالعها برود وهدوء قاتل : نظرات

هالشفقه مابي اجوفها مره ثانيه ..ومشى وخلاها مندهشه ومنصدمه ..لا ..انا عمري ما أشفقت عليه ..انا المفروض اشفق على نفسي

مب عليك ...بس نور طرى عليها تحديها ..
مشت وراه ووقفت على اول درجه من الدرج الخارجي وفهد كان شوي ويوصل الباب الخارجي ..وبصوت شوي عالي : أن شاءالله

حبيبي ...
فهد وقف في مكانه ...حس بتياركهربائي في عموده الفقري من هالكلمه طالع وراره بنظرات ..نور ضحكت منها كان عيونه شوي

تطلع من مكانها لوحت له ودخلت بهدوء خارجي وعواصف التناقض تعتصر قلبها ...بين مؤيد وبين رافض ..
فهد كمل طريقه وهو يحس الباب بعيد وانفاسه تسابقه ... معقوله بس من كلمه ...لا انا مستحيل اخلي هالنتفه تلعب فيني ...وصل

سياره cLs وهو يضحك على هالاسم اللي اطلقه عليها صج نتفه اخاف مرات اتهور وافغصها ..هههههه
************************************************** **************************************


المحتوى الان غير مخفيبعد ماسلمت من صلاة العشى طالعت اختها تلعب مع شهد وهي تحس بألم لوتعرف شنو حال ابوي ...مراح يلاعبها مثل اول ولا راح

يلاحقها من مكان لمكان ....شيخه نفضت واوس الشيطان من فكرها ..فصخت جلال الصلاه ورفعت السجاده على الكرسي القريب

ونسدحت على سرير نور وهي تفكر في حال ابوها ...
نور دخلت : شهود نوري نزولوا تحت للعشى ...
شهد بطفوله : عتا يمممممممممممممم
نور بضحكه : زين يله روحي بس لاتكلين العشا كله ...طالعت شيخه اللي كانت في عالم ثاني ...تنهدت بحزن ...قربت منها ونقزت

على السرير على ريول شيخه اللي نقزت من الخرعه ..
شيخه طالعتها بذبول : خرعتيني ..
نور : ادري ...
شيخه انسدحت على ظهرها : نحيسه ..
نور : ادري ...قومي اكلي عشى ..
شيخه : مابي ...ولاتغصبين علي ..
نور : واثقه من عمرها ...من اللي بيغصب عشان تاكليين عشانا كله ..
شيخه طالعته بضحكه تصارعها من الحزن : سخيفه ..
نور انسدحت جنبها وقعدت تتعبث في خصل شعر شيخه الطويله وتلف خصله على اصبعها : شيوخ ماتدرين شصار اليوم ...
شيخه بهم : لا...
نور : فهد اليوم جانا .....ووووووووووووووووو
شيخه اطالعها بفضول وتعب : ويش ..؟
نور : وكلمني ..
شيخه عيونها بارزه ومصدومه : تكذبيين !!!
نور وهي ترفع حواجبها : ليه متى كذبت عليج ..
شيخه : واااااايد ..
نور : نظرا لظروفج المزاجيه منا بمعقبه على هالرد ..
شيخه : زين عندج ذوق ..
نور وهي تجر خصلة شيخه : جب..
شيخه وهي تمسح شعرها : اح ..وجع ..
نور : اسمعي السالفه ...نور قالت لها السالفه كامله ...
شيخه قعدت على حيلها ...وطالعت نور بتعجب ...: ياقو ويهج ..وين الحيا ..
نور قعدت وهي تحضن المخده : شفيها ريلي ...
شيخه : عاد من الحين شبيقول عنج ..
نور : ماراح يقول شي ..لانه اول مره حد يقول له هالكلام ...
شيخه : نوري ترى منتي بقدهالتحدي ...فهد ظرووفه غير من هو صغير مايعرف المشاعر الرومنسيه مثلج ...
نور : عادي بعلمه ...اخليه يصير عاشق ...مثل كاظم ..وهي تنقز حواجبها ...
شيخه : ماهو هذا اللي مدمر عقلج كاظم ومشاعر الشعراء اصحي ياماما كله بس هواء يبيعونه لنا لاتنجرفين ورى هالمشاعر

وتضعين ..
نور بستغراب : شيوخ انتي اللي تقوليين لي هالكلام ...
شيخه : ايه انا اللي اقوله ...نوري اصحي من اللحين قبل لاطحيين صخر ..
نور وفي شي يعتمر من الخوف داخلها من حال شيخه لانها متاكده انها منشغله بشي غير ابوها : شيوخ ..لو انا مب ماعرفه ان

بحصل تجاوب ماكان قلت هالكلام ...
شيخه : شلون ياعبقرية زمانج ..
نور : يوم فهد قال لي مابي اجوف هالنظرات مره ثانيه يعني مفكر فيني في حياته ويبني ..
شيخه : كيفج بس لاتجيين بكره تنثرين دموعج عندي ..
نور : وهاذا اللي ماتبين تسوينه الحين ...؟
شيخه : شقصدج ..؟
نور : شيوخ ...خالد شمسوي لج ..
شيخه ...قتلني اخوج ذبحني يانور ذبحني ...ولاحتى حللني ..... قتل كل معنى حلو له في قلبي ...كسر صورته مع وحده ماتسواه ..
شيخه انترست دموعها اللي حابستها من جافت خالد وطيحة ابوها وتفجرت مره وحده وقعدت تصيح ....نور خذتها في حظنها ولمتها

وخلتها تصيح براحتها وتسمي عليها وتمسح على شعرها وظهرها ...شيخه من الانهيار وكثر الصياح انسدحت في حضن نور ونامت

...
نور عدلتها ولحفتها ومشت دموعها المجتمعه في زاوية عينها وباست يبهتها وفتحت ليت الابجوره وطلعت من الغرفه بعد ماسكرت

الليتات ..وهي تسكر الباب بهدوء سمعت صوت وراها ...جافت خالد يبطل غرفته ..
نور : تعال ..
خالد يطالعها بتعجب : خير ..!
نور : تعال اقعد ابيك في سالفه ...
خالد حس بجدية الموضوع ..: زين مايصير ابدل ملابسي ..ترى من الصبح وانا في لبس الدوام ...
نور طالعت لبس الطيران الحربي بعده عليه : عادي بس دقايق ...
خالد قرب وقعد جنبها على الكنب : خير وشعندج ...
نور : شصاير لك مع شيخه ..؟
خالد وهو رافع حواجبه : ويش اللي صار ..؟
نور بقهر من برود اخوها : خالد لاتسوي عمرك ماتعرف ...شيوخ مانهارت صياح من سمعت طاريك عبث اكيد قايل لها شي ..
خالد سكر عيونه وعض شفته السفليه يوم تذكر موقف المستشفى ..شيخه صاحت ..والسبب انا ..طالع نور بحسره واسف وقال لها

السالفه كامله ...والسبب ..عشان مانتهار عليهم بس ماتوقع انها حساسه لهدرجه ..
خالد بحزن عميق : نوري صج انهارت ..
نور بحزن : توني الحين طالعه من عندها راقده على بكى ..
خالد وقف لاشعوريا : بجوفها..
نور وقفت ومسكته من ذراعه : وين تجوفها ...؟البنت ماتحل لك ...
خالد : بس هي بتصير مرتي بعد ماالله يشفي خالي حمد ...
نور : لين ذيك الحزه ..خالد استهدي بالله وقعد ..
خالد وهو يفرك ويهه بيدينه : نوري .. شمسويه الحين ...قولي لها ترى مهب قصدي ..ترى والله اني امووت فيها واحبها ومستحيل

اخلى دمعه تنزل والسبه انا ..
نور انفجرت عيونها من الدموع وفيض مشاعر اخوها اللي اول مره يعترف لها او قدام وحده من خواته ..نور حذفت روحها في حظنه

ولوت عليه وهي تصيح ...
نور وهي تصيح : صدقني ..شيخه بعد تحبك ..بس اكيد عشان ابوها ..
خالد وهو يسحب نور من صدره ويطالعها بصدمه : شيخه تحبني ..؟
نور وهي تمسح دموعها بكفوفها : ليه للحين ماعرفت ...شيخه من حن يهال تحبك ..
خالد بغير تصديق : نوري احلفي ..
نور : والله العظيم ...يعني هالرجييم والرياضه كلها لمن يعني ..عشان تحلى في عينك ...
خالد : قولي لها لاعاد تسوي شي لان غلاها عندي اكثر من شكلها مهما صار حبي لها من قبل لاتسوي رجييم ...بس كنت غبي اعاند

مشاعري ...نوري وباس راسها ..تستاهليين هديه على هالبشاره ..
نور : اقل من الألفين ماخذ ..
خالد : طقم الماس بعد لوتبين ..
نور بضحكه مبحوحه من الصياح : بل اثري شيخه لاعبه فيك من زمااااان ....
خالد : المهم نوري تكفين اول ماتصحى بشريني عن اخبارها ..اذا كنت محد طرشي مسج ...

قالت لي بي ضيقه بصدري وحسيت
في وسط صدري ضيقتي بي كبيره

عشانها في محجر العيـن هليـت
دمعات مكنونـه وصـارت كثيـره

من قالت إنـي ضايقـه ماتهنيـت
جالس أحاتيهـا ونفسـي ضريـره

( من أشعار محمود الشاهين شاعر الغربة )
------------------------------------
دخل غرفة حمد بخوف من طلبه له المستعجل وان مايكون حد معاه بس هو ...خالد دخل بعد مادق الباب وسمع صوت حمد يسمح له

بدخول دخل وهو يفصخ النظرات بتوجس ...دخل وسلم على حمد اللي نظراته خاويه ويطالع السقف برود ...بعد ماتحفاه ..وقعد

وصب لروحه قهوه ...
خالد : وين محد عندك اليوم ..؟
حمد برود : لا انا رجعتهم البيت ...لاني ابيك ...


خالد وهو يبل ريقه بصعوبه : لبيه ...
حمد : اسمع ...انا داري ان سفرك لبلجيكا بعد شهر ..ومابغيك تاجل مشاريعك عشاني ..
خالد : خالي شتقول ..
حمد : لاتقاطعني ...ابغيك تاخذ بنت خالتك وتعرسون قبل لاتسافر والملكه تكون الاسبوع الجاي يوم اطلع من المستشفى ..
خالد بصدمه : يبه اسمح لي شيخه ترى مهي برخيصه اخذها كذا ..
حمد وهويغمض عيونه يخفي الحسره : خالد لاتسرع اسمع ...بنت خالتك بتاخذها ولا زوجتها غيرك ..
خالد بقهر : خاااااااااالي ..
حمد طالعه بعيون حمر كلها انكسار وماسك ريوله : تشوفني في وضع اني اقدر اامن لهم المستقبل وهم اربع بنان يمكن اموت في

لحظه ..فياخالد بتاخذها ولاشلون ...لاني ماقدر انطرها ابي اجوفها في بيت ريلها قبل الله لايخذ امانته ...وانا داري مهي برخيصه

..عشان اظلمها كذا ..
خالد قرب من حمد ومسك يده : خالي انت متسرع في ذا القرار ..خلي ننطر شوي لين تشفى ونملك اذا رجعت في اجازتي ..
حمد بعناد : خالد اذا ماتبيها ترى فيه ناس مكلميني ..
خالد بعصبيه : يخسون ..شيخه لي ..
حمد : اجل خلاص ملكتكم الاسبوع الجاي ..
خالد وحس انه مقيد : الشور شورك ....الاسبوع الجاي ...

... ( الفصل الثاني عشر ) ...

شمعة وفا سالت وسط قلب مجروح
سالت ,, وذابت ,, وحرقتني معاها

(من أشعار شاعر الغربه محمود الشاهين )

واقفه اطالع ابوها بصدمه ودموعها شلال على خدودها ...: يبه ليش ..؟
حمد وهو معطيها ظهره وعيونه في دريشة غرفته وقاعد بشموخ على كرسيه المدولب ..: اللي سمعتيه ولد خالتج من زمان مكلمني ..وانا صراحه جايفه ماينرد ..
شيخه بصياح : بس انا مابيه ..
حمد التفت لها بغضب : ليه ..وشل المانع ...
شيخه : من غير مانع مابي اعرس ...
حمد : مب على كيفج ...بعدج في شوري ...
شيخه وهي تقعد عند ريوله وتمسك يده : يبه تكفى مابي اعرس ...
حمد : عطيني سبب ..اقنعيني ...
شيخه : بس ...مابي ابي اقعد معاك ...بعدين شلون اعرس وانت في ذي الحاله ....مابي ...يبه تكفى ..
حمد بتنهيده : شيخه ...لاتخليني اخذ معاج اسلوب ثاني ...خالد ملكتج عليه بكره فجهزي نفسج ...
شيخه بصراااخ : ماااااااااااااااابيه ...تعرفون مابيه ...
وضحى اللي دخلت الغرفه بقوه وهي تصارخ : شيييييييييييخه ...وجع ..اقصر ذا الصوت جعل الله ينزع روحج ..ذا اللي ناقص بعد ..
شيخه وهي اطالعهم : انتوا ماتحسون فيني ...مابي خالد ..
وضحى بغضب : اجل من تبغين ..؟
شيخه بقهر : ولا حد ..مابي اعرس مابي ..
حمد بصرااااخ : خلااااااااااااااااااااص ...انطمي انتي وياها ..خلاص ماعاد لي وجود ولامالي عيونكم انتي وياها ...وضحى انطمي وطلعي برى اظن اعرف اتفاهم مع بنتي ..فاااارقي ...
وضحى طالعت ريلها وعيونها متروسه دموع ...حمد من طلع من المستشفى وهو متغير كله يسب ويهاوش ..والحين يصارخ عليها قدام بنتها ..وضحى سكتت وبلعت عبرتها وطلعت بأذلال من الغرفه ..شيخه انهارت المزيد من الدموع بعد ما أبوها صارخ على امها عمرها ماتوقعت ان ابوها يسوي جذي في امها ...وقدام بناته ..
حمد والشرار طالع من عيونه : اسمعي ولد خالتج بيجي بكره وتملكين وانتي لابخه وعرسكم بعد شهر وتفارقين معاه دورته ..ومابغي بعدها حد يقول حمد ماعرف يربي بناته ....
شيخه كانت بتفتح ثمها احتجاج بس من جافت يد ابوها تنفض من الغضب ...سكتت ماتبي اطور من حالته وتفاقمها ...اظاهر ان ابوها اعلن حكمه من زمان قبل لايقول لها ...
حمد بصوت بارد : ماسمعت رد ..؟
شيخه بأنكسار : خلاص ..مب انت قررت ...مالي شور من بعدك ...
حمد برتياح : ايه جذي ابيج ...يله روحي جهزي نفسج لبكره ومن غير اي مفاجاءت ...سامعه ...
شيخه طلعت من عند ابوها وهي منهاره ومن غير لاتجوف اللي قدامها ...اكرهك ياخالد ذبحتني مرتين ..اكرهك ..ليت الله ماكتبك لي ولد خاله ...اكرهك ياريت اموت وافتك من هالوضع ..دخلت غرفتها وحذفت روحها على السرير وهي تصيح وتصارخ ...مابيك ياخالد ..اكرهك ..اكرهك ...

ياويل قلب ٍ من عنا الوقت مذبوح
ويامل عين ٍ باكيه من هواهــــــــا

(من أشعار شاعر الغربة محمود الشاهين )

----------------------------------------

: بلوووووووووووووح ..
محمد بهدوء وهو يقلب صفحات الجريده : لا..
شهد وهي تتلوى جنبه على الكنبه وتمسك طرف ثوبه : ابي اموووووووه حووووووووووووه (ابي عممووه حلوه )
محمد وهوينافخ : روحي لعمتج نور فوق ...بتلاعبج ..بدال هالبلوه ..
شهد بعناد : ابي لليم ...
محمد : ياهالريم وين الله بلشني فيها ...


ام جابر وهي تنزل فنجال قهوتها : لا والله مهيب بلشه الا البلشه بنتك ...ولا المسيكينه ماهي تقصر معها اربعه وعشرين ساعه تبزبزها ..كنها بنتها ...
محمد بضيق : محد طلب معونتها ..
ام جابر : وبعد هي مهي مجبوره ...الا حبها للبنيه ولا وشعليها ...
محمد : حبتها العافيه ...بس هي كذا خربت البنت على ماقامت تقعد معي وتسمع كلامي ...
ام جابر : اجل خلاص اقصر الخطوه عليك وعلى بنتك ..وخذها ..
محمد حذف الجريده من يده : مالج لوا ...معاد الا ذي اخذها ...
ام جابر : ليه مهيب ماليه عينك ...ولاقاصرها شي ...بنت عمك وبنت متعلمه ومدرسه واخلاق ...وشلي ناقصها عشان تملى عينك يامير زمانك ..
محمد طالع جدته واستغرب هجومها عليه : يمه ..الحين زعلانه عشان بنت ماعرفنها الا امس ...
ام جابر : اقول الله يرضى لي عليك ذي اللي تحكي عنها ترى من عرضك بنت عمك ..لاتنسى ..
محمد : ماقلنا شي ..بس انتي ليه دافعين عنها كذا ..
ام جابر : وانت ليه عليها ...شايف شي ..ولا سامع ..
محمد : لا ...بس كذا مارتاح لها ..
ام جابر : ايييييييييييييييه ... لا ماعليك بترتاح لها تراها بنت اجوديه ...
محمد برود : الله يخايها لأهلها ..
ام جابر بخبث : ويخليها من نصيبك ...
محمد بصدمه : الله لايقوله ..
ام جابر : مهب عشانك عشان ذا المسيكينه اللي راقده جنبك من الحزن على شوفتها ....محمد انصدم يوم طالع شهد نايمه جنبه ودموعها لازقه في اطراف رموشها ..محمد شالها وقربها من صدره ولمها بحزن ...باس قذلتها بحنان ..وقف بيوديها غرفته ...بس وقفه صوت ام جابر : فكر في اللي قلته ...وياليت ماتحسب بس نفسك في ذي الحسبه ..
محمد نزل بنته على السرير وانسدح جنبها وهو يمسح شعرها الحريري على ورى ويطالع الحزن في ملامحها ....حط راسه على المخده وهو يداعب خدها بأصبعه بحنان ...الحين جدتي تبيني افكر في وحده ثانيه بعد خلود ...اللي كوت قلبي بجرح للحين ينزف انا من بعدها كرهت كل الجنس النسائي ورفضتهم ..عيل تبني اذوق المر مره ثانيه مع وحده نفس خلود بغرورها ...مستحيل ...
انسدح على ظهره ..وهويتذكر كلمة جدته ..لاتحسب بس نفسك ..التفت لشهد ...شهد صج متعلقه فيها ...عكس امها اللي كانت رافضه وجودها من البدايه ..محمد تنهد بضيقه ..ماقدر اعيد تجربه فاشله يمكن تسبب لبنتي عقده ...لالا ...

-------------------------

منسدح يمرر انامله على تعرجات عضلات بطنه ويفكر ...حـــبيبي ...شكثر هزته هالكلمه مازال يحس بالماغص من تفكيره فيها وشلون نطقتها ...انسدح على جنبه وطالع الساعه كانت تاشر على ست المغرب كان يبي يشغل نفسه بشي ..بس مايتذكر كلمة نور ..
هاي النتفه يبي لها نظام يديد في حياتي ...
قام بسرعه ودخل الحمام يتوضى (وانتوا بكرامه ) يبي يلهي نفسه من التفكير فيها ...بعد ماطلع وسحب ثوبه من العلاق ..طالع ريله وتذكر نظراتها حس بالبرود يغلف قلبه ...اخر شي يبيه منها الشفقه .......................................لايكون موافقه علي شفقانه بحالي ..سحب غترته والفكره ادور في راسه وطالع وهو سرحان ولاسكر أزره ثوبه .....

-------------------------

دخلوا البيت بتعب ..وأكياس المحلات تراسه ايدينهم نور نزلت الاكياس على الكنب وقعدت وقالت بتعب ..: اففففففف ..والله تعبت يريوووم ..
ريم وهي تخلص ايدينها من الاكياس : اجل شتقولين عني ...منا بالعروس وكسرتي سيقي من محل لثاني ...
نور : خبره لج في المستقبل ..
ريم : طل في عينج ...مابي ...اللي باخذه بخليه هو اللي يجهز ...عيزانه ...
نور : هههههه ..زين والله عيل بخلي فهد يجهز الباقي ...
ريم : لاتعورين بطني بالضحك عيزانه ...فهد عز الله مالبستي ..
نور : جب ..لاتعقرين في ريلي ...
ريم : اقول لاتلوعين جبدي من الحين ....شهود وينها ..؟ مالها حس ..
نور : مادري لاتكون بس في بيتكم ..خخخخخ المسيكينه ماتدري انج دقيتي فيها خيانه ورحتي معي ...
ريم : فديتها ...
نور وهي توقف : ريمي ..فديتج عاونيني على الاغراض ..
ريم : يله قومي ...
شالوا الاغراض وطلعوا فوق للغرفه ..نور دخلت وفتحت الليت ونزلت الاغراض جنب الكبت فسخت عبايتها ...: ريوم تعالي توضي هني عشان صلاة العشى وانا بروح غرفه غلوي ..
ريم : الله يجزاج خير ...اي والله صارت 9 وحن للحين ماصلينا ...
نور طلعت من الغرفه وخلت ريم على راحتها ...ريم فسخت العبايه وشيله والنقاب ..ودخلت تتوضى ...بعد ماطلعت وقفت جدام المرايه اطالع خصل شعرها المنفلته افففففف متى يطول عشان ألمه عدل .. لمت شعرها وربطته عدل عشان تلبس جلال الصلاه ..ريم فرشت السجاده جنب السرير ومعطيه الباب ظهرها ...أللي للأسف نست تقفله ...
دخل غرفة اخته وحصلها تصلي ..: ياالهايته ذالحين تصليين ... وطالع اكياسها اللي تراسه الغرفه ..الله يعين ولد عمي من الحين مخاسير ...وقف يطالع ظهرها وهي تصلي شكلها الاخت توها مصليه ...بنسدح شوي لين تخلص واجووف رايها في هالدوها اللي حطتني فيها جدتي ...محمد حذف روحه على سريرنور من غير لاينتبه لملامح ريم اللي تصلي .....في باله انها اخته ...حط ايدينه تحت راسه وغمض عيونه بهدوء ...كانت شيله الريم تحت راسه وشذى عطرها يداعب انفه ...والله نوري مهي بهينه على ذا العطر بسأله وش عشان اشتريه لشهووود ...فديتها والله انها حزنتني اليوم ...ذا وقته تطلع لي ذا العله الريم ..قلبت لي خطوط كنت منضمها في حياتي ..وجدتي حطتني قدام خيارين يا أني أتزوجها او اني اقطع شهود من المراح لها وقطع قلبها على الفاضي ..ولاعاد تثق فيني ...امووووت واعرف هالساحره شمسويه فيهم ....محمد سحب طرف الشيله وقعد يمضغها بأسنانه بتفكير ...
ريم من دخل وتكلم وتيار من الكهرباء يجري في عمودها الفقري وحست ان الهوا انسحب من الغرفه ...وبعدها ماصلت وقفت في مكانها يمكن يميز الهيئه ويطلع ...لالالا الاخ الظاهر مايعرف اشكال خواته ...ياربي ...لالالا اطلع ...كان بيوقف قلبها اول مانسدح على السرير جنبها ..غمضت عيونها من الخوف ومن هول الموقف ...بس محمد للحين مانتبه لها ريم استغربت الهدوء في الغرفه وتنفسه ..بطلت عينها بشويش ..بعدين بطلت عيونها الثنتين ......كان منسدح بهدوء ومغمض عيونه وطرف شيلتها بين شفايفه ..ريم انصدمت من شكله ..محمد كان منسدح بهدوء الاطفال ...بس الرجوله مغطيته من راسه لريوله وجماله البدوي خصوصا العارض الخفيف المرسوم بترتيب على خده ..وعيونه الكبار والسمره الخفيفه من تعرضه لشمس ..وشعره الحريري المنتثر على المخده ريم ذابت في تفاصيل ويهه طاغي بالوسامه وحست برجفه اناملها وقلبها اللي يدق مثل الارنب الخائف ..حطت يدها على شفايفها تمنع نفسها من اصادر اي صوت ويحس فيها محمد ويبطل عيونه ..شكله نام ...ريم غمضت عيونه اللي انترست دموع بسبة مشاعرها المختلطه من الخوف والارتباك ...ومشاعر دافئه اخرى ...ريم سكرت عيونها بقوه ونفضت من مخها صورة محمد وكبرت تصلي وهي مغمضه عيونها ...
محمد فتح عيونه بملل ..شعندها ذي بتصلي التراويح ...بس أفكاره وقفت ....تجمد مخه ...هاي مب نور ..............هاي ...انصدم من الملامح البريئه وشفايف المملوء من الورد والخدود الزهريه والعيون المغمضه بهدوء والبشره الطفوليه ...هاي مب من خواتي ولابنات امي وضحى ...من هاي ...محمد ماقدر يسكر عيونه كان يحفظ ملاح ويهها حس بقلبه شوي ويطلع من صدره ويعانقها ..حس بحراره تطلع من جسمه وهو يطالعها وهي تصلي ...غمض عيونه وهو يستغفر شلون سمح لنفسه يجوف بنات الناس ...وتوهق شسوي الحين اذا طلعت بأنحرج واحرجها معاي ..وهي ماتحركت ولا قالت شي معقوله مانتبهت ..محمد مازال يفكر في ملامح ويهها الملائكي ..وقلبه اللي ينبض بقوه شديده ...اول مره يرقص قلبه جذي حتى مع خلود ماعمره حس بهالشعور ....محمد انسحب بهدوء من سجدت على الارض ..وهو يلوم نفسه ... اول ماوصل نص الصاله كانت نور توها طالعه من غرفة غلا : محمد يارب بس مادخلت غرفتي ..ترى ريم موجوده ..
محمد وحس كان شي ثقيل طاح على صدره ...رييييم بنت عمي ....بصوت جاف : لا وكمل طريقه لغرفته وبعده مصدوم ...يعني اللي جفتها الريم ..............مالوم شهد ...

---------------------------------------
دخلوا بيت خالتهم وهي بعدها متضايقه بس حاولت تخفي هالشي عشان خالتها وشيخه اللي ملكتها اليوم اللي من امس تتصل فيها وهي ماترد انصدمت يوم قالت لها جدتها الخبر ليش هالسرعه ...شفيه خالد مستغلث على العرس ...بس بعدين فهمها خالد ...
نور قعدت معاهم في الصاله وبالها مشغول ..طالعت عمتها ام فهد بضيق وصدت على الصوب الثاني عشان ماتعرف شلي تحس فيه ..بعدها مقهوره منها ...
نور : يمه شيخه وين ..؟
وضحى بضيق ماحس حد فيه غير نور : في حجرتها ...
نور : اها بتنزل ...ولا اطلع لها ...
وضحي بهمس : روحي لها احسن وياليت بروحج ..
نور : ان شاءالله ...
صعدت نور لغرفة شيخه ...وحصلت الباب مسكر ..دقت الباب بهدوء ماتدري ليش ..الارتباك لاعب في اعصابها من سمعت نبرة خالتها ...سمعت صوت شيخه المتعب يأذن لها بدخول ...نور فتحت الباب بهدوء ...انصدمت كان الليت مسكر وشيخه منسدحه ..فتحت الليت :راقده ...؟
شيخه بصوت رخيم : لا خلاص قمت ..
نور : حد يرقد يوم ملكته ...؟
شيخه وهي تقعد وبرود: أيه ...أنــــا ...
نور قعدت على السرير ومستغربه ردة فعل شيخه طالعتها وهي تسحب خطواتها وتدخل الحمام (وانتوا بكرامه ) ...نور الافكار السودا قامت ادور في راسها ...شفيها شيخه ...معقوله بعدها زعلانه من خالـــد ...وانا من غبائــي ماقلت لها اللي قاله لي خالــد مااحنا ماقعدنا مع بعض يوم تكون عند خالي حمد اكون انا في السوق ..او انكون كلنا عند خالي حمد ومافيه مجال اقول السالفه ...قطع افكارها خروج شيخه ..وبعد ملامحها ماتغيرت تكسوها التعاسه والحزن ...نشفت ويهها بالفوطه المحذوفه على الكرسي وسلمت على نور ..
نور بهدوء : شيوخ شلونج ...؟
شيخه بهدوء قاتل : بخير ...
نور وتحس ان شيخه تجاوبها غصب : مبروووك مقدما الحب ماحد قدج اليوم ..
شيخه والدموع تلمع في عيونها : الله يبارك فيج ...
نور : شيخه ...شلي مضايقج ....انتي مب طبيعيه ..
شيخه هزت راسها تنفي ..بس دموعها خذلتها تدحرجت على خدودها مثل السيل ...نور حست بضيقه من جافتها جذي وخذتها في حضنها وخلتها تصيح ..
نور بعطف : شيوخه حبيبتي ..قولي لي ...شفيج ...؟
شيخه وهي تصيح : اخوووووج ...بعد ..
نور بصدمه وهي تشيل شيخه من حضنها وطالع ويهها الدامع : شمسوي ..؟
شيخه وهي اطالع نور تبي تقووول لها السالفه كامله بس تذكرت كلام ابوها : بعد ..يعني عدله ملكتي اليوم وابوي طالع من المستشفى ...
نور بأرتياح على بالها فيه شي اكبر : يعني فعتقادج ماقال لخالي ..الا قال له بس هو اللي مارضى ...
شيخه بضيق : والله حاسه بضيق يانور ...اشلون افرح وابوي ...
نور قاطعتها : خالي ماعليه الا العافيه ..ماتعرفيين يمكن تكون هالفرحه علاجه ...لاتنسين شقال الدكتور ..معظم علاج الحاله نفسيه ولازم تراعين هالنقطه ...
شيخه ماهو هاذا اللي رابط الساني مرضه ..: ادري يانور ...بس بعد مهب هاين علي ...
نور بغياظ : بعدين شلون تبين اخوي يروح بلاد الغربه برووحه ماتخفيين عليه من هالحمر ..
شيخه ان ذا اللي بكاء بي ...: اخوج ذييب ماينخاف عليه ...عند روووحه ...
نور : احلا يالثقه ...
شيخه وهي تغير الموضوع وهي تمش دموعها بعد مارتاحت يمكن جزئيا من صاحت على اكتاف نور : شصار على التجهيز ..
نور بضيق : مشيه ..
شيخه لاحظت الضيق على نور ولامت أنانيتها لانها مانتبهت لنور ..: شفيج ...؟
نور وهي متضايقه : ولاشي ...كنت ابيهم يأجلون العرس اسبوع ..بس عمتي مارضت ..
شيخه : ليه التأجيل ...
نور : يعني ماتجوفين حالتنا ..طيحة خالي حمد وملكتكم ..وعرسج اللي بعد ثلاثة اسابيع ..
شيخه لازم تذكريني وحست بمغص : نور يعني شبتسوين بتعالجين ابوي ..ولاتراكضيين فيني ..
نور بحزن : لا ...ابي خالي حمد يكون مع خواني ...وابي اراكض في عرس اغلى ناس على قلبي ...شيوخ هاللحظه ماتعرفيين شكثر كنت انطرها اني ازفج لخوي ..وأكون معاج في كل خطوه ...
شيخه دمعت عيونها من الم نور ولوت عليها : نووري الله لايفرق بينا ..ومستحيل اخيط الابره وانتي مب معاي ...بعدين انا مب مسويه عرس ..
نور بصدمه : نعععععععععععم ....
شيخه وهي منزله راسها : نوري اسمعي ...اولا حالة ابوي الصحيه تمنع هالشي ...ثانيا ماعندي وقت حق فستان عرس خيالي ..ولاتنسين سفرة خالد ...يعني مافيه وقت ...وانا صراحه ابيها عائليه عشان ابوي يحس براحه اكثر ..
نور بتفهم : شيخه مع ان ودي اجهزكم في افخم قاعه في الدوحه ..
شيخه بضحكه : خلاص ..نخليها لمحمد ...
نور : ايه ..يوم يحج البقر على قرونه ...
شيخه تبي تنسى واقعها : خلصتي فستانج ..
نور : ايه باقي البروفه يوم الخميس ...بعدين تعالي ..لازم تروحين معاي عشان يعدلون قياس فستانج ..
شيخه كانت مفصله فستانها عند نفس المصمم اللي مسوي فستان نور : شله ...؟
نور وهي طالع جسم شيخه : يعني مب حاسه في نفسج ...ترى وايد ضعفتي ...
شيخه وهي طالع نفسها : يختي احسن ...معليه يوم بتروحين مرى علي ..
نور وهي تحذف روحها على مخداة سرير شيخه : من عنيا ياآلبي ...
شيخه وهي تنسدح جنبها : تسلم لي عيونج ....
نور فسخت النقاب وحذفته هو والشيله على الكوميدينو ..: شيوخ تدرين شخاطري فيه الحين ..؟
شيخه : ايش ..؟
نور وهي تلعب في قذلتها : خاطري اجوف رانــــزي المـــدهشه ...
شيخه بضحكه : اي والله ..اخ ..راحت ايام المبزره ...تذكرين يوم نطرد مهوي وغلوي ..ونقعد طالع بروحنا ..
نور : ايه اذكر ..يوم كنت اصيح يوم اجوف رانزي تصيح يوم جافها شان يوم تحولت كلب وقعدت تصيح ...
شيخه : خخخخخخ قعدتي اليوم كامل ماكلتي شي محزنه ..
نور : جب ..مشاعري مرهفه ...
شيخه : الا رومنسيه زياده عن الازم ...
نور : احسن منج ..عيل ماترقدين لايوم تجوفين قرندايزر والرجل الحديدي ..
شيخه بضحكه : ذكرتيني ...يوم اسوي لمهوي حركة الرجل الحديدي ..وظربتها على يبهتها وطاحت على حافه الدري ونشق راسها..
نور : ههههههه الله يخسج ..تذكرت يوم امي حمده طردتنا ذاك اليوم تحت النخله ....
شيخه : استوينا فحم ...والسبه مهوي ...والفزعه غلوي ...
وكملوا حديث الذكريات ..ونست شيخه واقعها ولو قليلا والفضل لنور وحديثها الذي لاينتهي ...وقاطع سردهم دخول البنات غلاو مها وريم اللي شهد لازقه فيها ....
شيخه وهي تسلم على ريم : لازم هالزقه معاج وجرت خد شهد ..
ريم : ماأرضى ترى ..

----------------------------------

اضحك ولكن ضحكتي ماتبيني - - - - - - مجبور أتضاحك مع الناس مجبور
اضحك ودمعاتي حبيسه في عيني - - - - - - والقلب في صدري من اعوام مكسور
( من أشعار شاعر الغربه محمود الشاهين )
قاعده بينهم وروحها في مكان ثاني ...من وقعت على شهاده الملكه وروحها مقبوضه وودها تصيح بس ماسكه روحها عشان اللي متحاولينها .......شيخه كانت تحس ان مشاعرها مثل البلور المكسور متحطمه وخايفه ...
الوحيده اللي كانت حاسه فيها نور اللي استغربت حال شيخه ..الموضوع اكبر من اللي قالته ..توقعت شيخه من بين كل الناس بيكون هاليوم مميز بالنسبه لها ...شيخه كأنها مذبوحه ...
ام فهد اطالع نور بحزن ...ماكان ودي اكسر بخاطرها ...بس مصيرها في يوم بتعذرني على هالعجله ....الله يهدي فهد لدرب نور ..عاده بيشكرني على هالدانه اللي جبرته عليها ...
وضحى بهدوء : شيخه ابوج متصل يقول خالد بيدخل ..
شيخه وقفت لاشعوريا : لا...
الكل انصدم من موقف شيخه وعم الهدوء على الصاله ...وضحى وهي تغلي من الغضب ..:شيخه ..
نور تبي تدارك الوضع ..: يمه ..انا وشيخه مقررين نسوي مثل بعض ...مانجوف ريايلنا الا يوم العرس ..تكفيين لاتخربيين علينا مخططنا ....وخلود ازهليه علي بتفاهم معاه ..
وضحى وهي اطالع شيخه بنظره لان كلام نور مامشى عليها ...: الله يعين عليكم ..يامصبر الرياجيل بس ....وقعدت في مكانها وهي تلتفت لامها تبي تغير جو القعده ...
نور سحبت شيخه فوق ...وشيخه مب في عالمهم ...عالم بروحها فيه عالم مؤلم ...لاحد يحس فيه ولاتبي حد يعرف ..دخلت الغرفه ونور بعدها ماسكه يدها بس شيخه ماتكلمت ملامحها جامده ...
نور بغضب هاديء : ممكن تقولين لي شصاير ..ومن غير لف ودوران ..؟
شيخه وهي طالع نور بحيره ..ماقدر يانور اخاف تحطم صورة خالد في عيونج مثلي ..: ماشي.... بس خفت ...
نور بشك : ايييييه ...شيخه ترى منا بزر ..تضحكين علي ...
شيخه وهي تتلفت كل صوب ماتبي نور تقرى عيونها ...نور عرفت ان شيخه رافضه الكلام ...نور برووود : يوم تحسين انج قادره تتكلمين لاتنسين ترى موجوده ...وطلعت من عندها تكلم خالد عشان تتفاهم معاه ...

----------------------------------

واقفه عند الباب تنطر محمد وابوها يطلعون بتملل من شهد اللي كل شوي تفك يدها وتلعب في الحوش ...افففففففف وينهم ذولا بعد غلا بعصبيه : شهد واللي يرحم والديج وقفي ..ترى بروحي زهقانه ..
شهد بصوت طفولي : ابي ولده ..(ابي ورده ) وهي تمد على الورد المزروع جدام الميلس ...
غلا : قري مكانج ..
شهد وهي تتملص من يد غلا : ابي ..ابي ..
غلا : شهد بس ..لاتلوعين جبدي ...قعدي لاطيرج بكف ...
: اعصابج على البنت ...
غلا بردت اعصابها من هالصوت الخشن ..وطالعت مصدر الصوت ...كان حمد واقف يلبس نعاله ومعطيها ظهره ...غلا بقهر : وانت شعليك ...
حمد بغياظ : حرام البنيه يتيمه ...
غلا بسخريه : توك تدري ...
حمد ببتسامه ساحره وهو يلتفت لها : ايه توني ادري ..
غلا حست بشعور من ابتسامته ..بس كابرت ..: مبروووك عيل على الاحساس ...تو الدم عيل مشى في عروقك ..
حمد وبعده مبتسم ..مع ان كلمتها جرحت شي داخله ...: شاسوي العرق دساس بعد ..اظاهر في عرج منج ..
غلا بقهر : بسم الله علي ..
حمد طالعها وهو رافع حواجبه ..: ليه عسى ماشر ..؟
غلا بغرور : بس ..
حمد وهو يطلع سويجه ويمشي لسيارته ومر من جدامها ...: يكون لج الشرف ان حمد ال...له عرق فيج ...وفتح باب سيارته ..
غلا بغرور : لو ادري اني احمل نفس دمك كان سويت غسيل دم ..
ركب السياره وفتح الدريشه ..وطالعه بنظره ..: بسم الله عليج من غسيل الدم ..
غلا شهقت بصوت خفيف ..استخف ذا ..بس وقع الكلمه هز كيانها ولخبط مشاعرها ومن غير ابتسامته اللي سرقت انفاسها ..غلا كانت منزله راسها عشان مايكتشف هالبركان ....حمد قبل لايطلع شغل المسجل وطول عليه شوي يعني غلا تقدر تسمعه ...

سواها قلبي ياحبيبي وحبك ماطاعني وأنا عن الحب ناهيه.....
الظاهر إنه مايبي غير قربك عاف الجميع وأول الناس راعيه....
غلا رفعت عينها بصدمه حمد كان يروس بسياره ولاانتبه لها ..واول ماوصل الباب طالعها بنظره وعطاها تحيه بأصبعين ...وطلع بسرعه من غير لايلتفت ...
: غلا يله جاهزين ..
غلا انتفضت من صوت محمد وصحت من احلامها المتلخبطه بسبب حمد ...وطالعته وشهد ماسكه يده وفي يدها ورد ..حمد قطع احساسها حتى من شهد ...
بصوت مخنوق من المشاعر : يله ..خلي اطلع جدتي ونور تنزل ...
محمد : وانا من متى مكلم كم تطلعون ...
غلا التفت تبي ترجع اتجيب جدتها ...بس جدتها اقطعت الطريق عليهم كانت جايه مع ريم اللي ماسكه يدها ..غلا استغربت جدتها من النوع القوي ماتحب حد يساندها ..شعندها ...؟
ام جابر : يمه محمد السياره قريبه ..
محمد وهو يطالع جدته بنظره ذات مغزى ..: قريب ..بس عطيني يدج ...بوديج ..
ام جابر : لاخلاص الريم معي ..خلك مع شهد ركبها الموتر ...
شهد وهي تفلت من يد ابوها ..وتلزق في الريم ..: لالالا بلوح مه امووووه حوووووه (لا بروح مع عموه حلوه )..
محمد بعضب يتقد ..: شهد تعالي ..نروح السياره ...
ام جابر : خلها خلها ...تشغل الونان تعال وصلني انت ...
محمد قرب من جدته اللي مافكت يد الريم الا يوم قرب محمد منها ..ريم وقفت مكانها متصنمه ..تذكرت موقف امس ونزلت عينها ...محمد كان بعيد عنها بمتر ..وريحة عطره اللي مالي الجو وخنقت مشاعرها ..رفعت عينها شوي ..بس لمحت طرف عارضه الاسود وهو مقرب راسه من جدته اللي ضحكت من قال لها شي ماسمعته ...لمحت طرف غمزه على خده شكلها ساحر ...
شهد قطعت تأملها لملامح ابوها : اموووه اليني ...(عمووه شيلني )..
ريم شالت شهد اللي حطت ايدينها ورى رقبتها وريولها طوقت فيها خصرها ..ريم وهي تبوس خدودها ..: فدييت البيبي ...اللي يشلونها ...
شهد : انا بيبي ..
ريم بضحكه ..: عيل بلبسج بامبرز ...
شهد بدلع ..: لالالا مابي ...ابي مداعه ..(ابي رضاعه )..
ريم : بعد اجوفج خذتي الدور صج ...
ريم قربت من السياره وحولت تنزل شهد اللي لازقه فيها ...: يله روحي السياره ..
شهد بعناد : لكبيني ...(ركبيني )..
ريم بأحراج ..: حبيبي ..روحي يله انتي كبيره ...
شهد وبعدها شابطه فيها ..: لالالا انا بيبي ....
محمد كان واقف عند الباب يركب جدته ..واذنه عند ريم وشهد ... واستغرب من بنته ...: شهود تعالي ..
ريم : يله روحي ..احين خالو فهد بيطلع ابي روح ...انتي كبيره الحين ...ولازم تسمعين كلام بابا صح ..
شهد بصوت مخنوق بصياح ..:لالالا ابيت ..(ابيج )...
ريم بأستسلام ....فتحت الباب الثاني وركبت شهد ...محمد كان واقف عند الباب اللي ماقبل ريم واقف عند جدته يعدل عبايتها من الباب ..شهد قعدت في الكرسي ..وهي ماسكه طرف عبايه الريم ...
ريم بصوت هامس ..: شهود فكيني بروح ..ترى بيضربني فهد ..
شهد وهي تفرك عيونها بأدينها الثنتين ..: حلاث ...
ريم عورها قلبها من زعلها فقربتها منها ولمتها وباستها وقرصت خدودها ..: خلاص يالدلوعه لاتزعليين بكره باييج ..ونلعب ..شرايج ..
شهد وعيونها تلمع بالفرح ..: انذين (انزين )..
ريم باست راسها ..: يله حبيبي بيباي ..وسمعي كلام يدووه وعمووه وبابا ..بس قالتها بصوت هامس ...محمد صكر باب جدته بعد ماجاف مشهد ريم وشهد وركب جدام ...ريم قبل لاتسكر الباب ..: يمه يله تامرين بشي ..
ام جابر : الله يحفظج ...ويرزقج بالريل الصالح والذريه ...
ريم بأحراج : يله فديتج ..مع حفظ الرحمن ...وراحت لسيارة فهد اللي بعده ماطلع بس سعد اللي قاعد في السياره ....ركبت وقعدت بهدوء خارجي ...واعاصير داخليه من جافته ...
نور وغلا طلعوا من داخل في نفس اللحظه اللي طلعوا فيها ابومحمد وفهد ...غلا : نوري وين خالد ..؟
نور بضيق : راح عنده دوام ..
غلا : مع من بنرووح ...؟
نور وهي سرحانه بضيق من حال شيخه ..: مع محمد ...
غلا : يختي مايكفي ...الا حق وحده ...
نور بعصبيه : نتزاحم بعد ..شنسوي ..
غلا : وخلووود زين ليه مانطر شوي ...اللي يشوفه مايتاخر على دوامه كل يوم ..وش ذا الجيد عنده اليوم ..
نور لاتلوميينه من القهر على شيخه ..بس على الله يصدق ان شيخه تبي تسوي مثلي ..: غلووي ..امشي نركب بس ..ومرت من قدام ابوها وفهد ..من لاتلتفت لهم ..لانها اصلا مانتبهت من الضيق ....
فهد من جافها طالعه حس بمثل الماغص ...بس حاول يهدي مشاعره حس ان هالشي غلط ان صغيره تسوي فيه جذي تلخبطه ...بس قطع تفكيره نظرة الضيق اللي في عيونها ....كانت مهمومه ...بس شمنه ....حس بضيق فجاءه ...
غلاونور وقفوا عند السياره ...نور : حمود ليه اليوم جاي على البي ام ...؟
محمد : مادريت ان خالد بيداوم ...
ام جابر : معليه تزاحموا لين نوصل ...
ابومحمد ركب ..: حداكم تركب مع سيارة فهد ...
غلا : نوري روحي ..
نور بروود : لا ..عادي قعدي على حظني لين نوصل ..
غلا : لاوالله بطولي عشان تنكسر رقبتي ...
نور : اجل بقعد في حظنج انا ...
ابومحمد : نور روحي ركبي مع فهد يومه محترم لج ..
نور : لايبه عادي ...
ابومحمد وهو يفتح الدريشه ..: فهد معكم مكان ..
فهد وهويركب ويطلع راسه من الباب ..: فيه مكان ..
ابومحمد : نور روحي ...
محمد بغياظ ..: روحي ...خلاص كلها كم يوم وتصيرين المدام ..الوضع عادي ..
نور بقهر وهي تضرب كرسيه ..: جب ...قومك يومك جاي في قوطي ذا الصلصه ...
محمد بضحكه : هههههه...روحي بس ...يله روحي مع بعلج ...
نور راحت لسيارة فهد وهي تحلطم على محمد ...ركبت بهدوء ورى فهد وقلبها يدق بقوه وعرق يبهتها ينبض ...قعدت جنب الريم اللي زحمت لها ...
ريم : هلا وغلا حرم اخوي المصون تومانورت السياره ..
نور طالعتها بنظره وبصوت هامس : ريم تلايطي ...ترى يكفي الطماطه ...
ريم بضحكه : من طماطه بعد ..
نور بقهر : محمد ...
ريم: شمعنى طماطه ؟
نور بضحكه : يومه صغير كان دب وخدوه حمر ...ويوم كنا نلعب تصير خدوده حمر ونسميه طماطه ...وضحكت على ذكرياتهم وشاركتها ريم في الضحك ...
فهد صكر الباب ..وصدى ضحكتها يداعب اذنه وتعزف على مشاعره بنعومه ..كانت مثل المخمل على قلبه ضحكاتها وهمساتها مع الريم ...شغل السياره وحركوا ...بس محمد وقف جنبهم وفتح الدريشه ..: ترى العنز اللي معكم حلال عليكم مانبي شي منكم ..خلوها عندكم ..
نور انجلطت من محمد وطبخت في مكانها من محمد هين يالطماطه ارويك ...واللي زادها قهر ضحك فهد ....فهد بضحكه ..: وانت شعليك منها ...تراك تحاكي حرم فهد ال....... ترى فيها قصاب ...
محمد بضحكه ..: والله والحرم ...
فهد : عمتك ...
محمد حرك وهويضحك لانه متأكد ان نور ماخلت مسبه ولا دعوه ....نور كانت في عالم ثاني من تكلم فهد حست بشعور دافئ يغلفها نزلت راسها بأحراج ...وطالعت الدريشه ماتبي تعطي ريم اي مجال تحرجها من غير بلاوي محمد ...
نور من عم الهدوء في السياره ماقطعه سوي احاديث جانبيه بين سعد وفهد وام فهد ...نور تذكرت حال شيخه ...خاطري اعرف شفيها شيخه ...ياترى شمسوي خالد يخلي شيوخ كذا ...؟ الله يستر بس ...
فهد طالع المرايه ..نور كانت حاطه يبهتها على الدريشه والضيق مصاحب عيونها ...رجعت تتضايق شفيها ... انا ماصدقت اسمع ضحكتها ...فهد استغرب انشغاله فيها ....وحاول يطلع من هالشي ...بس ماقدر كان متضايق من جافها بهالحال ...

الضيقة اللي بصدرها بـي تمنيـت
ولا أشوف اللي أبيهـا كسيـره ؟!

(من أشعار شاعر الغربه محمود الشاهين )..
-----------------------------------------

اليوم ...اجتمعت قلبين في قفص حياه جديد ...قلب من جليد في خريف العمر ...وقلب من ربيع العمر فتي بالمشاعر الجياشه ..اليمو تتعانق قلوب فهد ونور ...اليوم عرسهم .....
عرس اسطوري ...في قاعة المؤتمرات بالشيرتون ...عرس خيالي يليق بعيلة ال...... طبعا مثل تفاصيل اي عرس قطري ..زفه ورقص وتوزيع وسلامات وxxxx في البشريه ...مع عدم دخول المعرس قاعه العرس ..وكان طلبه الوحيد لهم ..لانه يرفض انه يكون فرجه لعيون ملايين من الحرييم ...نور ماعارضت هالشي ...وبعد انتهاء نور من التصوير والتهانئ على الكوشه ...زفوها لقاعه داخليه ...
شيخه وريم دخلوها قاعه داخليه فيها كرسي شنزيون طويل شوي وقعدوها عليه .... ريم طلعت بعد ماتغطت بالعباه لان خالد واقف عند الباب ...
خالد : ريم من اللي داخل ..؟
ريم بحيا : شيخه ...بس ..
خالد بضحكه ..: حلو ....ريم تكفيين زحلقي العيايز ..
ريم بضحكه خجوله ..: ان شاءالله ...
نور كانت النفاضه شايلتها والعبره واقفها في حلقها بس ماسكتها ...شيخه واقفه جدامها وتعدل طرحتها و فستانها ...لاحظت حركات اصابع ريولها اللي تدل على الارتباك ..
شيخه كانت لابسه فستان اخضر حريري منزلق على جسمها المتناسق بعد ماضعفت ..: نوري ...شكلج بتحفرين ابار نفط ...
نور بأرتباك ..: جب ...مب في حالج ...خايفه شيوخ ...
شيخه وهي تقعد جنبها وتنسق مسكتها ...: مب ذا اللي قاذيتنا عليه ...خلاص وصلنا الجد امسكي اعصابج ...ولاترى بتخسرين التحدي ...وبيعرف انج ضعيفه ..
نور وهي طالع شيخه ..: كرهت هالتحدي ...ياليت ..
شيخه بضحكه ..: ذا الحين معاد فيه ...
نور : شيوووخ ...بطني ...وريولي احس فيها مثل الشلل ...
شيخه بضحكه ..: نوري ...والله انج حركااات ..معليه خلي فهيدان يهمزج ...
نور ويهها صار ارجواني ..: شيوخ وطرم ...
شيخه وهي توقف وتعدل شعرها الحريري اللي بس منعمته وملتوي على جسمها بطوله...: بسم الله علي ..
: نوري لاتدعين على مرتي ..
شيخه شهقت وانخشت ورى نور ...نورماتت من الضحك ..: احسن جعل ربي ازين فيج ..
خالد قرب من نور وباس راسها وقعد جنبها وعينه تلقط شيخه اللي تحاول تغطي بالعباه ..: مبروووووك ...وشذا الزين ...صراحه منا بمخلي فهد يدخل اليوم ..خاف يصير له شي ...
نور باحراج ..: خااااالد ..
خالد بضحكه ..: زيين زييين ..خلاص ..وطالع شيخه ..وانتي شله لابسه العباه ..منا بمحترم لج ..
شيخه وهي بتطلع من الباب ..: مابعد ...
خالد عض شفته السفليه ..ولحقها ..ومسك زندها ولفها بسرعه لين طاحت على صدره ..وفسخ العباه بهدوء من راسها وانزلقت بهدوء على الارض وشيخه متصنمه في مكانها ...


خالد وهو ذايب في ملامح ويهها الملائكي ..مسح خدها بطرف اصبعه بخفه كأنها مصنوعه من الزجاج وخايف عليها من اي خدش وقرب ويهه منها ...شيخه غمضت عيونها من قوة مشاعرها اللي تحاول تسيطر عليها عشان خالد مايتمكن منها ....حست بأنفاسه قريبه منها ....باس يبهتها ...ورص عليها شوي ...
خالد بصوت مبحوح ...: مبروووك ...ونزل للأرض وشال عبايتها وحطها على راسها وبعدها واقفه وعيونها شاغره من صدمة المشاعر ....طلع من عندهم ..وصحت من غيبوبة المشاعر من ضحكة نور ..: خلوووود حركات عليه ...
شيخه مازالت منصدمه من نفسها ....شلون خانتها نفسها من اول لمسه ...نست اللي سواها شيخه لمت نفسها بخذلان وتغطت وطلعت لمكان تختلي بنفسها من هالصدمه ....
نور ارتجفت اوصالها من دخلت ام فهد تيبب وضحى معاها ...وشهد وريم ومها وغلا وراها بعبيهم ...وام جابر بخطواتها البطيئه ....ام فهد بفرحه لاتوصف ...: يله يمه فهد بيدخل ....
نور بلعت ريقها بصعوبه كأن في بلعومها اشواك ...نزلت راسها بخوف والدموع تلتمع في عيونها ...غلا قربت منها ونزلت الطرحه على ويه نور الي ماتحركت ....
دخلت مجموعه ارجل بثياب بيض واثنين منهم بس لابسين بشوت واحد اسود وثاني بيج ...اليج عرفته انه بشت ابوها لانها هي اللي مطلعته له ...والاسود اكيييد ...بلعت عقده وهميه في بلعومها ...قرب منها صاحب البشت الاسود وقعد جنبها بهدوء وكتفها احتك بهدوء في طرف زنده واشتعل فيها تيار ساخن في ايدها كامله ....
ابومحمد : مبروووك يمه نور ..
نور وقفت بأرتباك وسلمت على ابوها وجدتها وام فهد ..ورجعت قعدت من غير لااطالع جنبها ....فهد من طاحت عينه عليها وهو ينتفض من قوة المشاعر ..كان جمالها هادي يأسر خصوصا مع بياض الفستان ..حس ان قلبه بينقز عندها ...بس هالمشاعر ماكنت مبينه كان راسم الوجوم على ويهه ...
فهد كان يسولف مع اللي متحاولينه ويتقبل التهاني ...وعينه كل شوي تلقط الذراع الضعيفه المرسومه بخطوط الحنا لين كتفها العاري ..
ريم : يله المصوره تبي تاخذ الصور ...
فهد وهو يطالع ريم برفض ...نور ارتبكت ومسكت الورد بقوه ...وبعد ماقعدوا الشواب شوي معاهم ..طلعوا بنفس الربشه اللي دخلوا فيها ..بس مابقى عندهم الا وضحى وريم ...
وضحى رفعت طرحة نور وعدلتها ...وهي تقول بأمومه وحنان ..: مبرووووك يمه ..الحمد الله الله بلغني فيج هاليوم وصرتي مره ..
نور وعيونها متروسه دموع ..وذقنها يرتجف ...: الله يبارك فيج يمه ...
وضحى ..: مابي دموع تخربين المكياج ...نور هزت راسها ...دخلت المصوره ..ومسكت الكميره وقعدت تصور وخذت كم صوره لريم معاهم وطلعت هي وضحى ونور تناجيهم مايطلعون ...كانت ماسكه في خالته بس قدرت تخلص منها وطلعت ...
المصوره طلبت منهم يتقابلون ...نور غمضت عيونها ولفت صوبه ...فهد مال بجسمه بجموود ..وفتحت عيناها ببطء ...وجات في عينه الحاده وضاعت فيها وفي ملامحه الخشنه ...فهد التقت عيونه في عيونها الحالمه ..وقرب منها وباسها بين عيونها بطرف شفايفه بخفه ورجع لورى بسرعه كانها ماسك نار فهد جموود :مبروووك
نور نزلت عيونها ..باحراج ...: الله يبارك فيك ...
فهد استغرب من احمرارها السريع اللي داعب مشاعره ...فهد قطع تفكيره المصوره اللي اذته بطلبتها الماسخه ..فضطر ..انه يلغي جلسة التصوير وماخذت الا كم صوره ....ودخلت ريم بعتب وقبل لاتفتح ثمها بكلمه ...فهد برووود : يله سوي درب بنطلع ..
ريم : مسرع ..
فهد : كيفي مستعجل عندج مانع ..
ريم طالعت نور بضحكه ..: مالومك ياخوي على ذا الزين ..
فهد ويهه انصلخ ..: ريم فارقي ....
ريم طلعت من عندهم بضحكه ..: اوكي ...
فهد وقف عند نور ومد يده ...نور مدت يدها برعشه ومسكها بلطف وكانت صغيره يدها في كفه العريض ..وقفت بصعوبه من الفستان كانت ترجف من الخوف والارتباك ..وحس فيها فهد وشبك اصابعه في اصابعها يخفف ارتجافها وقف جنبها ..ولاحظ مدى قصرها كان مستوى راسها يوصل لكتفه العريض...حط اذراعه في ذراعه وطلع فيها ....

------------------------------------

كانت تركض بسرعه وعباية خالتها وضحى في يدها تبي تلحقها فيها لانها بتروح مع نور الفندق ...وعبايتها على ويهها ولاتجوف الا خطواتها الضيقه من الفستان وذيله الطويل اللي كل شوي يدخل بين خطواتها ...وهي تمشي طالعت طرف ثوب ابيض في ويهها وكانت تبي توقف عشان يوخر من طريقها ....بس للاسف دعست ذيل الفستان اللي دخل بين ريوله وتخرطفت وطاااحت ..على ويهها ...بس فيه شي وقف طيحتها صدر عريض ..صدر وااحد...

---------------------------

نهاية الفصل الثانى عشــــــــــــــر

...( الفصل الثالث عشر ) ...

وقفت بصمت تنظر امامها بذهول وعيون دامعه مشتبكه بعيون سوداء حاده منصدمه من وقوعها على صدره ولاشعوريا مسك زنودها

يخفف من اندفاعها ...حمد ماقدر حتى يرمش طووول الوقت وهي شاغله تفكيره والحين في احضانه ...حاس انه في حلم ... تامل

تفاصيل البراءه والجمال الهادي اللي عمره ماجافه في مخلوق ...كان يحس بأرتعاشها بين ايدينه كان وده يضمها لصدره ويهديها

...بس مايقدر ...
غلا وهي تحاول تهدي قلبها الجفول من مسكته لها طالعت عيونه اللي اقلقت مضجعها الايام اللي فاتت...حاولت تسيطر على انتفاض

ذقنها ...: انت ...
حمد وهو يبلع ريقه بصعوبه ويحاول يتحكم في صوته ..: غلا ...
غلا وهي فاقده اعصابها ..: هدني ...هدني ...وهي تحاول تتخلص من ايدينه ...
حمد فكها ...وهو منصدم من ردة فعلها ..: انا ماسويت شي ..
غلا وهي تصيح ..: هدني ..ياللي ماتستحي ...
حمد بقهر ...: هاي جزاتي اللي ساعدتج ماطيحين ...ليت خليتج ...
غلا وهي تحاول تسبه ...بس ماقدرت ...: انت .....انت .....سكتت وعدلت عبايتها على ويهها وراحت لخالتها اللي اكيد اللحين فورت

عليها ..
حمد وقف مكانه منصدم ...هاي الحين جزاتي خساره فيها بس ....بس والله تهبل وهي زعلانه جنها قطوه وضحك على شكلها يوم

تذكر انها تبي تسبه ...فديت زعلها الزعووول ...طالع الدريشه اللي وراه يعدل غترته اللي اختربت من طيحة غلا على صدره ..اللي

للحين يحسها موجوده على صدره ...لفت نظره شي في صدر ثوبه ....لطخة رووج فوشي من غلا ...نفس لون روجها يوم طاحت

العبايه منها يوم ارتطمت في صدره ...حمد طالعها ببتسامه وحط طرف الغتره عليها ودخل الطرف في فتحه الازره ...حمد عدل

سكبة الغتره في الدريشه وهو يحلف ان هالثوب ماينغسل .....

----------------------------

قام من النوم ببطء وهو يطالع حوالينه برؤيه ضبابيه...مكان غريب فرك عيونه عشان يجوف عدل ......انتبه لحركه جنبه طالع

بشويش ...كان جسم صغير متكور جنبه بهدوء يدل عليه بس تنفسه البطيء الذي يدل على الحياه ...سحب اللحاف وهو بعده منسدح

وطالع جنبه ...كانت معطيته ظهرها وشعرها منتثر على المخده وعلى رقبتها ....فهد غمض عيونه تذكر احداث امس ....كان عرسه

تذكر الاحداث ببطء ...قعد ومدد عضلات ايدينه وحذف اللحاف وطاح معضمه على نور الراقده ..وقف عند التسريحه يشيل الروب

يلبسه وهو يطالع انعكاس صورتها في المرايه ......كانت نايمه بهدوء ولامه ايدينها تحت خدها ومتكوره ....فهد الله يهداج يايمه اللي

زدتي حملي ...الشركه ومشاكلها ....والحين نور بروحها يبي لها تفرغ ....لا لازم احدد اولياتي معاها من الحين مب متفرغ لاي

مفاجاءه ...دخل الحمام وهو متضايق من تزاحم الافكار في مخه بين معارض ورافض ومتقبل وجودها في جزء من حياته ...
قامت من النوم بعد ماحست بحرارة الجو شالت اللحاف منها وكان ثقيل ....قعدت على كوعها وسحبته كان محذوف كامل عليها ...

طالعت جنبها المكان فاضي ...قعدت في نص السرير وهي تفرك عيونها ونزلت من السرير وهي منصدمه من الفوضى اللي مسببها

فهد في الغرفه الفوط في كل صوب والروب وقميص البيجاما في مكان ...لمت شعرها وسحبت لها فوطه من شنطتها ودخلت الحمام

..(وانتوابكرامه )...
طلعت من الغرفه بهدوءوخجل بعد مارتبت الغرفه وتسبحت ولبست لها بدله بيضا مزينه برسومات ذهبيه وخلت شعرها يرتاح على

كتوفها واكتفت بوضع كحل داخلي ....
وقفت وراه وهو مندمج في التلفزيون ولاانتبه لها ...كان قاعد على الكنبه ومعطيها ظهره نور سحرتها منظر خصل شعره الرطبه اللي

ملتفه على رقبته ...كان ودها تمد يدها وتخرب شكلها ...
نور بصوت مبحوح من النوم ..: صباح الخير ...
فهد من غير لايلتفت ...بروود : صباح نور ..
نور بجفل ..هاي اولتها بس ماعلينا قربت وقعدت جنبه ...ببتسامه ...: تريقت ...؟
فهد من غير لايلتفت ...: طلبت ...بيجبون الحين ...
نور وهي مازالت مبتسمه واطالعه ...: اوكي ...انزين ابي نسكافيه ..
طالعها وهو رافع حواجبه ..: زين انا طلبت جاي حليب خلاص ..
نور بضحكه ..: بس انا ماشربه ..ماحبه ...ابي نسكافيه ...
فهد وهو يرجع يطالع التلفزيون ...: خلاص دقي عليهم ...
نور بدلع : ماعرف ...
فهد بصبر ويطالعها بنص عين ...: شلون ماتعرفيين ...رقم موجود جنب التلفون ..
نور وهي تتعبث في طرف مخبا ثوبه ..وهي تتصنع الحيا ..: استحي ...
فهد بتأفف ..: جيبي التلفون ..
ومسك السماعه بعصبيه وطلب لها ونزل السماعه بعصبيه ...: فيه شي ثاني بعد ...
نور وهي تبتسم وقفت وطالعته ..قربت منه وباست خده بخفه ...: لا شكرا ً ياحبيبي ...بروح اكلم هلي ....
واختفت من جدامه وهو بعده مذهول من تصرفها حط يده على خده اللي مازالت دافيه منها ..سند ظهره على الكرسي وضحك

عليها...شكلي بتعب مع نور ...
نور من طلعت من عنده سكرت الباب وسندت ظهرها على الباب ودموعها مخرسه عيونها ...تبيكي خوفها من برود فهد اللي ماتحرك

فيه اي شعره حتى في صباحيتهم ...بعده في بروده ...شكثر حطت له الاعذار ايام الخطبه ولاطالبته في شي على أمل في يوم يحن

عليها بس للأسف الظاهر الطريق معاه شكله طووويل ومتعب...
مسحت ويهها بالفاين وهدت اعصابها ...المفروض تكون عارفه الوضع لان ريم علمتها بكل شي ...بس هي كان عندها احساس انه

بيتغير ولو بشكل طفيف ...طالعت نفسها في المرايه كانت عيونها حمر وخشمها اففففف هذا اللي ناقص ان فهد يلاحظ ضعفي ...لا

مستحيل لازم اغير مشاعر فهد لصوبي ..لازم طالعت نفسها بتحدي ...لازم اكون اقوي من جذي انا من البدايه عارفه كل شي عنه

..ليه الحين اتحسف ....لازم اعلم فهد حبي ...لازم ...وقفت ومسكت الجوال وكلمت ابوها ....

---------------------------
نزلت من غرفتها لصاله من بعد نوم متأخر ..نزلت وهي تحس جسمها متكسر وعيونها تحرقها ...دخلت ماحصلت حد الصاله فاضيه

قعدت وصبت لها قلاص حليب كرك ...
محمد وهي جاي من غرفة ابوه ..: صحيتي ...خلصتي الرقاد مابقى لنا شي ..
غلا وهي اطالعه بغيظ ..: مره ازهل روحك بدقة سلف عندك الرقاد ...
محمد : اهبي ...
غلا : وين الباقين ..؟
محمد : من خستي رقاد شردوا يقولون خرعهم شخيرج ...
غلا : بسم الله علي الا الاميره النائمه ..
محمد : الا الساحره ..
غلا : اقوول حمود عشان النوري مهيب هنا لاتنشب لي ترى مب متفيقه لك ...
محمد : هيه سقى الله ايامها بنت عبدالله ..
غلا : خلاص شمعت علينا ..
محمد : اي والله صدق الحين بيستقوي ظلعها علينا ...بيطول لسانها ...
غلا : الا على طاري طولة اللسان شهود وين ..؟
محمد : منزرعه عند ابوي تكلم نور معاه ..
غلا : نوري تكلم ...؟
محمد وهو يسحب الجرايد ..: ايه قد كلمتها ...
غلا نزلت قلاصها ...: بروح الحق اكلمها ...وركضت لغرفة ابوها ...حبت راس ابوها اللي قاعد يطالع شهد وهي تكلم عمتها ويضحك

عليها ..
غلا وهي تحاول تاخذ الجوال منها وشهد توخر منها ...: شهووود ...عطيني ..
شهد بعناد : نا نا ...ابي امووووه (لالا ابي عمووه )
غلا : لاوالله وانا بعد يبي ..
ابومحمد : يابوج خليها تكلم شوي ...
غلا بتأففف : بتلزق الحين ولاعاد بتفكه ...قعدت جنب ابوها بدلع وهي تهز ريلها ..
شهد : ابي الوح اندد امووه (ابي اروح عندج عموه )..لالا ابيت ..امووه الا مناك ..اوكي ..(لالالاابيج ..عمووه غلا مناك )..
غلا وهي تاخذ جوال ابوها ..: صباحيه مباركه ياعروسه ...
نوربضحكه : الله يبارك فيج عقبالج ...
غلا : لاوالله وخلي عبود يلعب من وراي لالالالا ...مابي ..
نور : من ذا عبوود ..
غلا وهي اطالع ابوها وتضحك ..: من غير بباتي ..
نور : اصغر عيالج ..
غلا : الا اكبرهم وطالعته بحب وهوابتسم لها بحنان وهو يلاعب شهد في حظنه ...
نور : غلوي ماوصيج فيه الله هالله فيه ..تكفيين ..
غلا : لاتوصيني في روحي ..
نور : واخوانج وامي حمده ..انتبهي لسكرها ...
غلا : نورري شفيج ..لاتوصيين حريص ...
نور : فديتها سمعت صوتها من شوي ..اشتقت لها ..
غلا حست ان صوت نور تغير شوي فغيرت الموضوع ..: مب مسافريين ...
نور : لاوين نسافر ..نسيتي عرس اخوج بعد اسبوعيين ..
غلا : ايييه ...
نور : شخباركم بعد ..؟
غلا : والله توني قايمه ..وماحصلت الا حموود نشب لي ...يقول مافيه حد يفش خلقه فيه ...
نور بضحكه : خلاص استلمي الوظيفه لين حد يعرس فيكم ..
غلا ..: بسم الله علي ..اذا هو يكون افضل ...
نور : غلووووي ماوصيج في شهوود خفي عليها ترى يتيمه ..


غلا وهي اطالع شهد اللي تلعب في مسباح جدها ...: ان شاءالله ...بعدين انتي ماعند ريل قاعده طق حنك معانا من صبح ..
نور : جب وانتي شعليج ...خليه فديته بعلي قاعد يتمدد مثل الاسد في الصاله ..
غلا وهي تضحك :وصف دقيق ...
نور : يله سلمي عليهم ..
غلا : الله يحفظج ...وسكرت وطالعت ابوها ...: يبه وين امي حمده ..
ابومحمد : دخلت غرفتها ..تقول بتريح قدام الصلاه ...
غلا وهي توقف ..: بروح اشوفها ...
ابو محمد : اول طلعي لي ملابس ابي اسبح ..
غلا : ان شاءالله ...وراحت لكبته وطلعت ملابسه وهو توجه للحمام (وانتوا بكرامه ) ..شهووود انروح ليدوه ...شهد هزت راسها وهي

بعدها مشغوله في المسباح وهي تلحق غلا لغرفة الجده ...
اول ما فتحت الباب حصلتها قاعده على السرير ورافعه برقعها اللي نادر ماترفعه ..وكان باين خطوط السنين في ملامحها المتقدمه

في السن ..مسكت طرف شيلتها ومشت عيونها ..غلا حست انها تصيح قعدت جنبها على السرير بهدوء ..
غلا وهي تحب راسها ..: يمه شفيج ..
ام جابر وبصوت مخنوق ...: مابلاني شي ..
غلا بحنان ..: الا فيج ..عشان النوري صح ..
ام جابر وهي تمسح دمعتها ..: مهي برخيصه بنت عبدالله ..
غلا بدلع : واحنا ...
ام جابر : مهب رخصن فيكم ...لاكن النوري بنتي العوده ...
غلا وهي تلوي عليها ..: فديتج يمه ..الا كلها بكره وهي رازه وجهها هنا ...
ام جابر : فديت ويهها ....
غلا قعدت تسولف مع جدتها عشان تنسيها وحدتها بعد مانور اخلت البيت عليهم ...بوجوده الدائم بينهم بطولة لسانها وشطانتها

وحنانها واهتمامها ...

--------------------------------

دخل الغرفه حصلها قاعده في نص السرير وسرحانه في نقشات المحلف حتى ماحست فيه يوم دخل كان شعرها منسدل على خدها

وحاجب عنها ...سكر الباب وهو مايبي بس عشان بس تنتبه لحضوره ...نور رفعت راسها فهد كان داخل مرمن جنبها من غير لايطالع

وسحب السجاده وفرشها يصلي ...
نور وهي اطالع الساعه واطالع ظهره ومنكبيه العرضيين : اذن ..؟
فهد من غير لايطالع وبرود ..: ايه ..
نور : ابي اصلي ...
فهد بعدم صبر : صلي من قاظبج ...
نور : مافيه سياده ...
فهد : يوم بخلص اخذي السياده ..فهد حس ان صوتها متغير مرت من جنبه وخذت لها ربطه مطاطيه ورفعت شعرها وغرتها الناعمه

تتدلي على يبهتها ..فهد طالعها بنظره جانبيه من غير لاتنتبه كان اذونها حمرا وخدها وخشمها احمر بشكل واضح ...
فهد : ليش صايحه ..ومن غير لايطالع ...
نور وقفت مكانها منصدمه انه حس فيها من غير لايجوفها ...فهد مهم تصنع البرود داخله انسان حنون ..اغرورقت عيونها بدموع من

لمسة الاهتمام ...يعني فيه امل ...نور حذفت روحها ودفنت ويهها في صدره وحطت ايدينها على خصره النحيل وانفجرت في

الصياح..وفهد واقف في مكانه منصدم من انفجارها ولاتحرك ...
فهد بصوت مخنوق ..: شفيج ...كان يبي يبعدها من صدره بس كانت لازقه ...وكان فيه شعور في حنايا صدره وده تسكن هني على

صدره ...بس نور اللي كان يصدر منها همهمه وصوت صياحها ..مسك جتوفها وخرها شوي من صدره وطالع ملامح ويهها المعذبه

بالبكي ..كسرت خاطره ويهها كان كله احمر ومتروس دمووع ...
فهد بهدوء : ممكن تهدين شوي ..تقولين لي ..
نور كانت تحس بضعف في ريولها من الاجهاد وانهارت على الارض ..فهد نزل معاها الارض وهو ماسك زنودها قعدوا على الارض

ونور مسنده راسها على كتفه وهي تحاول تنظم تنفسها المتلاحق ...
فهد كان متردد يحط ايده على ظهرها ويقربها من صدره ...بس كأنها تقرى افكار انسدحت في حظنه وقعدت تلعب في زرار ثوبه وهي

تمش دموعها بظهر كفها ...فهد حاول يبلع ريقه بصعوبه ويحاول يبعدها بس ماقدر كان فيه شي يمنعه ...فهد بصعوبه وبصوت مبحوح

وهو يتأمل ملامح ويهها البرىء وخشمها الاحمر ...: الحين بتقولين ..وحك خشمه ..
نور مسكت يده وقعدت تلعب في اصابعه وترسم دوائر وهميه في كفه ..: ماشي ...كلمت هلي ومن سمعت امي حمده وانتفض ذقنها

يهدد بنوبه اخرى ...
فهد مسك ذقنها بطرف انامله يمنعه من الارتجاف ..: زين احين استهدي بالله ...وقومي صلي وخليني اصلي ..واجهزي نطلع ..سحبها

بعد ماوقف ...وقامت وهي تسحب نفسها تتوضى ..وفهد يحاول يجمع شتات نفسه من قربها منه ...

---------------------------------

طالعت الانامل الصغيره الماسكه الوان وترسم في دفتر شاريته لها من فتره مخليته عندها كل مره تيي عندها اطلعه لها كانت قاعده

معاها على الارض وماده ريولها ...طالعت غلا...
ريم : افسخي النقاب ...ترى مافيه حد سعد وطلع مع امي لبيت عمتي عفرا ..
غلا من سمعت طاري عمتها تظايقت ..: وانتي ليه مارحتي ...
ريم : مالي خلق بروحي مصدعه ...
غلا ..: اهااا...
ريم : شنو اهاا...ترى عمتي طيبه لاتغرج عصبيتها ...
غلا بضيق : طيبتها لكم ..ما نحن شيطان رجييم ...
ريم : غلوي ...لاتخين الامور بحساسيه ...ترى لبين اهلنا شي اكبر منا ..
غلا : ليش احنا بزران ...اللي ابي اعرفه ابوي ليش اهو السبب يعني اذا يدي عرس ...والله عمتج حاله ..
ريم : الا عمتي ضحية يدتي ...الي كانت دووم تعبي راسها هي وابوي الله يرحمه ..
غلا حست ان ريم تضايقت ..: الله يرحمه ...الاماتدرين متى بيردون معاريس الغفله ..؟
ريم ضحكت : حشى مسرع توهم امس معرسين ....يمكن بعد يوميين ثلاثه مادري ..
غلا : اففففففف ملل ...ويعني هاي حالنا ..مثل العوانس منثبرين في البيت ..
ريم : وين يعني بتروحيين ..خبرج جو الدوحه اللي يهبل يساعد على التمشيه ...
غلا وهي تكفخ الريم على راسها : تتنطزين ويا الويه ...
ريم : الا تقرير بحال الواقع ..
غلا : زيين شرايج نطلع ...؟
ريم لفت بجسمها صوبها : وين ؟
غلا : مادري اي مكان اي مجمع اهم شي نطلع ...؟
ريم : بس مب اليوم ...
غلا : عيل متى ...
ريم : يوم اقنع الاداره العليا ...
غلا بتافففف : زين وين انروح عشان انا بعد اقنع ادارتي العليا ..
ريم بضحكه : شرايج الحياه ..؟
غلا : وااااااااع كله مغازل مابي ...
ريم : يعني ايش المكان اللي مافيه ...الوحده اللي صاينه نفسها محد بمكلمها ...
غلا : والله مايخلون حد حتى لو هي عنز بس اهم شي اسود يمشي ..
ريم وهي تضحك ..: زين وين نروح ..
غلا بتفكيير : امممممممممممممممم ....شرايج الستي ...
ريم : انا مب مشكله عادي اي مكان ..
غلا : بس انروح ظهر عشان مايكون فيه زحمه ....
ريم : زين مع مين بنروح دريولنا ولادريولكم ...
غلا : عشان دفاني رايحه الستي مع الدريول ...اكيد يامع خلود ولاحمود ..
ريم :شله روحي معاي وسعد معانا ..
غلا : خلاص بجوف محمد لاني اعرفه عادي مب مثل القفل العود ..
ريم : ههههه نفس طينة اللي عندنا ..
غلا بصدمه : فهد ..؟
ريم : ايه ..لو تموتين ماتروحين مع الدريول السوق تخيلي ماروح السوق الا يوم يفضى يعني مره في الشهر اوكل شهرين ...
غلا : بل الله يعين اختي ...
ريم : ليه ..؟ ترى اختيارها ...
غلا : ادري ..اختى خبله احس انها بتضيع ورى افكارها الرومنسيه ..
ريم : ليه عشان حبت فهد ...
غلا : مب عشان فهد ...نور ماتعرفينها رومنسيه زياده عن اللزوم عايشه عصر شاديه وفاتن الحمامه ...
ريم بضيق : بس هي تعرف فهد ..بعدين ماتعرفيين يمكن تقدر له ..
غلا : كل شي جايز ...بس ترى انا تكلم بعد زواج محمد ..صراحه تجربه فااااااشله ...
ريم فتحت عيونه منصدمه : غلا شهود هني ...
غلا : ماتعرف ...اصلا هي ماتعرف امها ..
ريم بستغراب ..: شلون ..؟
غلا : خلود ماتت يوم ولدت فيها ....
ريم : الله يرحمها..
غلا : ترى محمد كان جذي نفس النوري رومنسي جدا وهو اللي خربها...اتذكر هو والنوري دوم لازقيين عند الافلام المصريه

القديمه...بس من عرس تغيير 180 درجه ...
ريم : شمعنى ..؟
غلا : كانت انسانه مغروره في نفسها بارده المشاعر ..
ريم كانت تبي تسأل عن جمالها ...بس غلا جاوبت من غير لاتسأل : بس تصدقيين كانت ملكة جمال فعلا كانت مكمله وسامة محمد

كانوا احلا ثنائي ...بس للأسف في صور اما في الحياه كانت النقيض لمحمد كان هو دافي كانت جليد ...هو اجتماعي هي انطوائيه

محمد يحب الكل هي تحب روحها ...
ريم : ماعندها اهل ...؟
غلا استغربت السؤال : بلا..
ريم وهي تأشر براسها : عيل وينهم من ...تقصد شهد ..
غلا : ايه ...هي كان ابوها متوفي ويم عرست بسنه توفت امها وهي كانت وحيدتهم ...تخيلي قبل لاتتوفى مخليه محمد بشهور وساكنه

في بيتهم بروحها ...
ريم : الله يرحمها ...
غلا : تصدقين بعض المرات احس موتها رحمه لمحمد ...كان عايش عذاب معاها حتى يوم توفت عذبته ...بس اللي مانعرفه للحين

ليش زعلت وراحت بيتهم مارضى يقول ...
ريم : البيوت اسرار ...
غلا : اففففففف منها ذيك الفتره احسها دمرت اخوي وغيرته ...
ريم : غلا ..المفروض يعني هاي اسرار محمد يمكن مايحب حد يتكلم عنها ..
غلا : ادري ...بس هاي اشياء انا كتمتها داخلي ...
ريم : احمدي ربج على كل حال ...
غلا : الحمد الله ...بس اتمنى الله يعوضه بوحده تنسيه خلود ...
ريم ماتعرف ليش حست بمشاعر متضاربه بين الغيره وشعور ودها تكون هاالانسانه ...بس تعرف مستحيل محمد مايطق يجوف رقعة

ويهها ....

----------------------------------
واقف في نص الصاله وجدته تكلمه عن اغراض البيت الناقصه ...حك راسه بتفكير شلون يتهرب من هالمسؤوليه ...محمد بملل ..:

وخالد وينه ..؟
ام جابر : وشدراني عنه من عقب الغدا طالع ..
محمد : زين غلوي وين عشان تروح معي ...
ام جابر : في بيت عمك ..
محمد بضيق : وذي ماتعرف تقر في البيت اربع وعشرين ساعه زابنه عندهم ..
ام جابر : يامك من الظيقه يوم خويتها راحت ...لاتلومها ...
محمد : وليه ماتقعد عندج ..مهملتج لمن ...
ام جابر : انا اللي مرخصتها تروح لبنت عمها هي وشهد توسع صدرها قذتنا من فقدت عمتها قلت تروح بها لريم ...
محمد وهو يمسك جواله ويدق لغلا ...: الو ..
غلا : اهلين ..
محمد : تعالي البيت عشان تروحين معي نشتري اغراض البيت ..
غلا : وشهد ..؟
محمد : شفيها ..؟
غلا : بنوديها ..؟
محمد : اكيد ..
غلا: اوكي ..دقايق جاينك ...
غلا التفت على الريم ...: ريم تروحين معانا الجمعيه ..
ريم كانت لاهيه مع شهد تلون معاها ...وردت من غير لاترفع راسها ...: مع من بتروحين ..؟
غلا : مع محمد ..
ريم رفعت راسها وطالعت ريم بنظره ..: ماأظن ..
غلا : ليش امشي نطلع نتمشى شوي ..
ريم : مالي عازه اولا ..وثانيا بعدني تعبانه من العرس امس ..
غلا : بل يالعيوز ...خلي عنج الحركات قولي مستحيه من محمد ..
ريم : وهذا واحد من الاسباب ....الريم داخله واسباب لوتدرين عنها عذرتيني ...
شهد وهي تحذف الالوان ..: امووووه لووووووووووحي ..(عموه روحي )
ريم : انتي بعد ...شهود لاتشتغلين لي بعد ...
شهد وهي تحذف روحها في حظن ريم وتحط ايدينها ورى رقبتها ..: امووووه ...ابيييت تلوحييييييين (عموه ابيج تروحين )..
ريم وهي تحاول تفهمها : حبيبي ...انا تعبانه تعورني ريولي ..
شهد وهي تقعد على ريول ريم وتهمزها ..: احيين بيلوح..وحبت ساق الريم ..
ريم استحت من حركه شهد ورفعتها لصدرها ولوت عليها ..: حبيبي ..فديت عمرج لاعاد تبوسين ريولي عيب...
شهد : اتان يلوح بللعه ..( عشان يروح بسرعه)..
ريم وهي تبوس خدها بقوه : فديت اللي ماتصرف ..
غلا : امشي لاتكسرين بخاطر بنت اخوي ..
ريم : هذا اللي بلاني بنت اخوج ..
غلا : شقصدج ...؟
ريم توهقت بهالزله ...بس جوال غلا قطع حديثهم غلا بخوف ..: ابيه محمد بيلعن خيري قايله له دقايق ...يله ريم شقلتي ..
ريم : معليه ...
غلا : اوكي ..يله ...
طلعت الريم تلبست عبايتها ونقابها وشيلتها ...وطلعت مه غلا وشهد اللي ماسكه في ريم عشان ماتغير رأيها ...طبعا كانت مبلغه امها

اللي مامانعت ...
محمد كان قاعد في الصاله ينطر غلا اللي صيفت عليه ..وبدا يتنرفز منها ..دخلت غلا بخطوات سريعه وحصلت محمد قاعد قال برود

: ماتبين بعد زفه ..
غلا : سوري محمد والله ...
محمد : يله خلصي ...سكت يوم جاف وحده لابسه عباية راس داخله مع شهد اللي متقبظه فيها عرفها من عيونها الصغار السودا اللي

تذكره بالقطواه ..محمد بالادرلين يصعد لراسه من دخولها سكت ونزل راسه ..
غلا : محمد ريم بنت عمي بتروح معانا ...
محمد : اوكي بس خلصوا بسرعه ...
ريم طلعت مع شهد وغلا وقلبها يرجف من حضوره الطاغي والبارد كانت تحس بشعور غير طبيعي ...الحين شبيفكر عني ..لزقه ..

قطة ويه ...ريم ترددت في المشوار ...
غلا بدلت جلالها بشيله وعبايه ..ويادوب لبست شهد فستان وصندل وطلعوا كلهم تحت لمحمد اللي ركب السياره وطلعوا كلهم ....

--------------------------

قامت من النوم وهي تحس بجسمها متكسر طالعت ساعتها كانت خمس المغرب ..قعدت وحذفت اللحاف طالعت جنبها ماكان فيه حد

ولاحد اصلا كان جنبها ..معقوله مارقد بعده على قومته من صبح ...هي من رجعوا من الغدا رقدت من الاحباط كانت تجربه فاشله من

نزلوا تحت يتغدون ...كانت سوالفهم بارده هي تسأل وهو يرد بأجوبه مختصره وجامده وبعدين سكتت منه يوم جافت مافيه حيله

وكملوا الوجبه بهدوء ممل وبعدها رجعوا لغرفتهم ورقدت وهو قعد في الصاله ...
قامت للحمام (وانتوابكرامه ) تسبحت وصلت المغرب وطلعت لصاله وهي لابسه تنوره بنيه مزينه بربطات مشجره وبدي بنفس الوان

الربطات ...وخلت شعرها يرتاح على جتوفها لين ينشف من الماي لانه مازال رطب ..فتحت باب الغرفه كانت الصاله فاضيه بس

نعاله كانت جنب الكنب اللي معطيها ظهره فطلت من فوقه ...كان راقد على بطنه وايده نازله على الارض وطاقيته طايحه عند راسه

وشعره مغطي يبهته وخده ..طالعته بحنان كان مثل الياهل في عيونها قعدت على ركبها جنبه ورجعت خصل شعره المنتثره على خده

وحطت يدها على خده ...
نور بصوت ناعم : فهد ...
فهد بصوت متخدر : همممممم..
نور بنعومه وهي ترسم على خده بأصبعها : حبيبي قوم ..
فهد برقاد : زين سحب يده من الارض وحطها تحت خده ..
نور وتمسك ذراعه وبدلع : فهوودي قووووم ...وباست ذراعه ..
فهد وهو يحس بدفاء انافاسها على ذراعه فتح عينه كان ويهها قريب منه اطالعه ببتسامه عذبه وعيون نعسانه طالعه بتأمل وقلبه

يرجف قعد وهو يحاول يسطر على نفسه عشان مايضيع ورى سيل مشاعره ... قام بصعوبه من ريله اللي يحس فيها بالم خفيف من



نومته المتعبه على الكنب ...
نور من دخل فهد الغرفه اتصلت في خدمة الغرف وطلبت نسكافيه وجاي حليب وقعدت اطالع التلفزيون وهي تلعب في طرف خصل

شعرها ..تذكرت ان الخدمه بيجون فارحت بسرعه للغرفه تاخذ لها جلال فاول مافتحت الباب مانتبهت لين خذت الجلال ان فهد واقف

عند المرايه يحط كريم اباط ومبين انه توه طالع من الحمام من الشعر الرطب والفوطه الملفوفه على الخصر الضعيف والصدر

العريض الذي تتلاء عليه قطرات الماء ....نور نزلت راسها من الاحراج وطالعت الارض ... بس لفت نظرها ساق فهد السمراء مكان

العمليه اللي صايره خط احمر من قدمه لين ساقه من ورى وكان هالخط خالي من الشعر ومبين شكله بوضوح ...
فهد وهو ينزل الكريم : على وين ..؟
نور وهي تبلع ريقها ويهها من الحيا صاير احمر : الخدمه احين بيجبون جاي حليب ..
فهد وهو يسحب فانيله من الكرسي ..: لاتطلعين لهم ...يوم بيجون قولي لي عشان اطلع ..
نور بحيا وهي تلف تبي تطلع ..: ان شاء الله ...
فهد : نور ...
نور وقفت في مكانها : لبيه ..
فهد : جوفي لي كباكات في الشنطه ..ضيعت واحد من الكباكات ..
نور وهي تلف صوب شنطته الصغيره ...وتفتش فيها ..فهد دخل الاستراحه يكمل لبس ..كانت ادور في الشنطه بذهن غائب كانها ادور

ابره في كومه قش ...طلع فهد وهويرجع خصل شعره لورى بالطاقيه ...
نور حصلت نوعيين : اي واحد تبي ..؟
فهد : اي شي ...
نور اختارت واحد عاجبها ماركة اغنر ..طلعته وحطته في يده وقعدت على السرير اطالعه وهو يلبس الكبك اللي مارضى يتسكر لان

الثوب يديد وايدينه يابسه ابتسمت من مصارعته للكبك بعصبيه ...
وقفت قريب منه ومدت يدها ..: ييب بسكرها لك ..
فهد بطاوعيه عطاها ..مسكت ذراعه وقربتها منها وسكرت الكبك بأدين ترجف بس قدرت تسيطر عليها بصعوبه لدرجه ان ويهها

استوى ارجواني من احتقان المشاعر ..
فهد وقف جدام المرايه وقعد يحط عطر بوجه جامد يخفي اختلاج المشاعر ...نور قعدت على طرف السرير تهدي مشاعره الثايره

والخائبه من فهد اللي مايتأثر منها ولامن قربها مثل مايصير عليها ...
فهد طلع من الغرفه يوم سمع دق الباب كانه جرس انقاذ قدر انه يطلع من الغرفه اللي حسها ضيقه بحضورها كانه تخنقه بمشاعرها

المندفعه ....فتح الباب وخذ الطلب وقعد على الكنب وخذ قلاص الحليب يشربه وطعمه مثل الماي في حلجه من اظطراب مشاعره..
نور لحقته لصاله بعد ماتأكدت ان العامل طلع قعدت في كرسي بعيد وخذت قلاصها وقعدت تفكر في حالهم ....
فهد بجمود : تجهزي بعد ماتقهوين نطلع جهزي الشنط ...
نور وهي بغت تتغص ..: وين بنروح ..؟
فهد وهو يسند ظهره على الكرسي ويحط رجل على رجل ... وبخبث ..: بردج بيت هلج ...
نور بصدمه خدرت اطرافها لدرجه ان قلاصها اهتز في يدها وانتثر منه شوي على الارض ...حست ان دموعها شكلت ستار على

عيونها ..نزلت القلاص على الطاوله بأنكسار ...
فهد مسك ضحكته ...معقوله صدقتني ..بس شكلها يكسر الخاطر ..: اضحك معاج ...بنروح الشاليهات ..
نور حست كأن حد صاب عليها ماي بارد ...وقفت بقهر وطالعته ..: تدري انك سخييف ..وماقدرت تمنع دمعه سبقتها ونزلت على

خدها ...بس لفت بسرعه وراحت الغرفه بخطوات عصبيه ...فهد عمره مامزح مع حد يوم ضحك جرحها ..
فهد انصدم من دمعتها اللي نزلت حس انه صج سخييف ...هو ماكان قصده كان يبي يكسر التوتر ..بس للأسف جرحها ...اخ يانور ..

هاي اول العقبات معاج ...
نور دخلت الغرفه بعصبيه وقعدت على السرير شوي لين هدت اعصابها ...بعدين ضحكت الحين جذي يمزح عيل يوم بيقول يحبني

شبيسوي اكيد بيعطيني طراق ورجعت تضحك على حظها مع فهد ..طلعت شنتطتها وقعدت ترتب اغراظها فيها ...
دخل وحصلها معطيته ظهرها وترتب شنطتها ...فهد بصدمه ..: شتسوين ...؟
نور وقفت من الحركه ..شفيه فقد الذاكره توه قايل بنطلع ...نور تذكرت ...بخبث من غير لااطالع وراها ..: اجمع اغراضي بروح بيت

ابوي ..
فهد بصدمه مسك زندها وقفها على حيلها وجرها بقوه لين ارتطم ويهها بصدره العريض وتعور خشمها ...نور وهي تمسك خشمها بألم

وعيونها مدمعه من الويع ..: اضحك فهد ...
فهد عرف انها ترد له الحركه فدزها لين طاحت على ملابسها في الشنطه ...وهي تضحك وعيونها متروسه دموع وخشمها احمر فهد

تأثرمن ضحكها وابتسم ابتسامه أأسرت نور خلتها تسكت ...
فهد :ترديتها ..
نور : احسن عشان ثاني مره لاتخرعني ...
فهد : تهددين ..خلصي يله نبي نطلع قبل العشاء ...
نور : ان شاء الله ...قامت ترتب الشنط شنطتها وشنطته ...فهد انسدح على السرير يراقب تحركاتها وهي ترتب الاغراض بنعومه

حتى اغراضها رتبتها بطريقه ناعمه ...

------------------------------

ماسك سكان السياره وهو يفكر في ريم شلون كانت مع بنته طول الوقت طول وقتهم في الجمعيه كانت تعاملها بنفس طبعها كانها ياهل

معاها ...واللي استغرب منه ان شهد اطاوعها في كل شي لدرجه انها اقنعتها ماتشتري كوافي وحلويات كالعاده بالهبل اكتفت بكم حبه

..اخ ياريم شنو انتي في حياتي ...
محمد وقف جدام بيتهم ونزلوا غلا وشهد اول شي ..ريم تأخرت لان عبايتها كانت مشيره بين الاسيات ..وقبل لاتنزل ...وقفها صوت

محمد : ريم ..
ريم قعدت مكانها ..: لبيه ..
محمد : ريم لو تقدمت لج بتوافقين ...؟
ريم حست بنبض عرق جنب عينها وكأن الاكسجين انسحب من السياره ...ريم بصوت ضعيف ..: اظن عندي اهل تكلمهم وكانت

بنتزل ..
محمد بهدوء عصبي ..: ادري عندج اهل ترى مب قليل اصل ...اقصد بترضيين بواحد عنده بنت ...
ريم : منهو اللي اللي مايقبل شهد ...
محمد : ريم ...لوتقدمت ...وصار نصيب ...ترى انا ابي اعرس عشان بنتي ...
ريم وهي تحس بقلبها يهبط ..: يصير خير ..
محمد : الله كريم ...ترى اول مايرجع فهد بكلمه ..
ريم نزلت من السياره من غير لاترد عليه ...ريم كانت تحس انها انسان ثاني انسان ماتعرف من اللي رد على محمد هل الريم

ولامشاعرها ...ريم راحت لبيتهم لان مافيه مواجهه ثانيه معاه ...وتبي تعد حسابتها لوفعلا تقدم هل بتوافق على حلمها ...على محمد

على حبها الصامت له ...محمد اللي يبيها عشان بنته وهي تبيه وتبي بنته ...بس شلون بتقدر على الجدار اللي بناه حوالين نفسه ...

كانت تضحك على كفاح نور ..اضاهر هاي حال بنات ال... يعيشون بصعوبه في ظل اللي يحبون ....دخلت البيت وحصلت امها قاعده

في صاله والوجوم على ملامحها ...
ريم قربت من امها وحبت راسها ...: شفيج يمه ..؟
ام فهد : مافيني الا وجع قلبي من عمتج ...
ريم بحزن ..: وانتي شموديج لها يومج عارفه لها ...
ام فهد : ماابي اقطعها ترى بعدنا اهل ...
ريم : داريه ...يمه هي شقالت ...؟
ام فهد: وشلي ماقالته ..عشان فهد ...تقول انه بيندم انه خذ من ذا العيله وانها زعلانه عليه لين اخر يوم في عمرها ...
ريم : يمه ماعليج منها ..عمتي كلها كم يوم وترضى ...ترى ماعندها الا هاللسان ...ترى طيبه ..
ام فهد : داريه عشان كذا رحت لها عشان ماتاخذ في خاطرها وتقول خذوا بنت عبدالله وهملوني ..


ريم : يمه لاتشليين هم ..مصيرها ترضى يوم بتعرف نور ...
ام فهد : انه مابكابي الا نور ...خايفه توجعها بكلمه ...
ريم : ماعليه نور بتعرف لها ...بعدين لاتتعجلين بشي مابعد صار ...
ام فهد : الله كريم .. الافهد كلمني من شوي يقول بيرحون الشاليهات ..وبعد بكره بيرجعون ..
ريم بضحكه : والله مهب هين شاليه ..اظاهر نوري طحنت حبه ...
ام فهد : اذكري ربج غيرالله عليج ..
ريم وهي تضحك : ماشاءالله وانا شقلت لهم ...بل من الحين اشتغل المحاما ...
ام فهد : فديتهم الله يحميهم ...
ريم : اجل بطلع اتوضى وصلي العشا ...وبرجع لج ...
ريم صعدت لغرفتها وهي تفكر في موقف عمتها شبيكون لو وافقت على محمد ...فهد ماقدرت تواجهه برفضها بس هي اكيد بتلعن

خيرها وتزعل ...بس هي ليش خايفه هي للحين ماوفقت ...معقوله في قرارة نفسها موافقه هذا اللي حسته ....ماتعرف بصلي استخاره

قبل كل شي ...وقبل لايصير شي خلى انسى الحين لين يصير كل شي صج ...

تــــــــرى وقــــــــت الـــبـــشـــر قــــاســـــي
جـــــــــــرح قــــلــــبــــي وإحــــســــاســــي
كــــــتــــــم بــــالــــحــــب أنــــفــــاســــي
وســـــــرق غــفـــواتـــي مــــــــن عــيـــنـــي !!
(من اشعار شاعر الغربه محمود الشاهين )
---------------------------

سكرت الجوال من غلا وخالد اللي ضحكوها بسوالفهم خصوصا خالد اللي متحرقص يبي هالاسبوعين ينتهون عشان يعرس ويسافر ..

ابيه للحين فستاني ماخلص مادري الحق عليه ولا لا...
سكرت الشنطه الفاضيه اللي رتبت اغراضها ...طالعت الغرفه اللي مرتبه ...وطلعت الصاله ...حصلته واقف في الصاله وتوه ينزل

اكياس العشا ...
نور بنعومه : يسلم عليك خالد ..
فهد : الله يسلمه ...
نور : كلمت امي منيره ..
فهد : ايه ..تسلم عليج ..
نور : الله يسلمها توني مسكره من عندها ..بس تصدق شكلها تعبانه ...
فهد : داري معاد به صغر وهي ماترحم روحها ..
نور ابتسمت من حنان فهد لامه وكانت تحب هالنقطه فيه وهالشي اللي كان بداية حبها فيه انه يرحم امه ...: فديتها ...زين تعال

نتعشى برى ...
فهد : اوكي ..ابدل ونطلع ...
نور وقفت عند البوابه الزجاجيه وفتحتها وداعبت نسمات الهواء الرطبه برائحه البحر اطراف فستانها الشيفوني الابيض الضيق

الخصر ووسيع من تحت وقصه درابيه من عند الصدر وايدينه قصيره كان فستان صيفي من ضمن الملابس اللي شرتهم عن طريق

الانترنت ...
طلع فهد وهو لابس بنطلون جينز وتي شيرت ابيض ...وقف يطالعها وهي معطيته ظهرها والهوا يطاير اطراف فستانها وخصل

شعرها وعطرها مالي المكان مع ريحه البحر وشكلوا مزيج لذيذ ...وقف جدام هالسحر من هالانسانه صغيرة الحجم وكبيرة المشاعر

..
فهد بصوت متشنج ..: نطلع ..
نور وهي تلتفت له ببتسامه ناعمه سحرته ..: يله ...
شال الاكايس في يد وطلعوا ..وهم طالعين نور قربت منه ودفنت يدها في يده ...فهد حس بمس تيار حار في يده من لمستها الناعمه

فضغط عليها وشبك اصابعه معاها ومشوا لين الطاوله وهم يطالعون بنظرات غائمه ...قعدوا على الطاوله وعيونهم في بعض ...نور

فتحت الاكياس ووزعت العشا على الطاوله تحت نظراته ...قعدوا يتعشون بهدوء ...
نور : فهد متى بداوم ..؟
فهد عقد حواجبه يوم تذكر الشغل المتراكم : بعد بكره ...
نور : مسرع ...
فهد :بعد شغل ماقدر ااجله اكثر من كذا ..
نور : ايه ..من متى وانت تشتغل ...
فهد بجمود : من سنتين ...
نور : حسيت بصعوبه ...
فهد : اكيد في البدايه بعدين صار عادي ...
نور : اكيد واجهت صعوبات ..
فهد : واايد ... بس الحمدالله قدرت عليه ...
نور : فهد شلون كان عمي احس كان غير يعني انت كنت عسكري وهو اقتصادي ...
فهد انكسى ويهه بقناع ابيض ..: افضل انج ماتسالين ..
نور وهي تقرب منه وتمسك زنده بادينها الثنتين ..: ليش فهد ...ابي اعرف كلمني ...
فهد بروود جليدي وهو يوقف ويفك ايدينها منه : هالشي الوحيد اللي ابيج تنسينه ..ولاعاد تتكلمين فيه ..
نور بعناد : فهد ترى بعد هو عمي قلي عنه ..
فهد دزها على الارض بغضب هائل : قلت لا...ماتفهميين ..وذا زيد سمعتج تتكلمين فيه لاتلوميين الانفسج ...ودخل الشاليه وخلاها

تتخبط في احباطها وصدمتها من غضبه المفاجئ من طاري ابوه ...نور قامت وهي تمسح دموع الم من السقطه بقفى ايدينها ودخلت

وراه ونست صندلها جنب الكراسي ..ودخلت وهي منقهره منه ..حصلته واقف في الصاله وماسك خواصره ومعطيها ظهره ورافع

راسه للسقف ...
نور وهي تصارخ ..: عورتني يالسخيف ...
فهد بصوت جهوري : نوووووووور ...
نور صرخت من الخرعه من صراخه وحطت يدها على حلجها وشردت الغرفه وسكرت الباب وسندت ظهرها عليه وقلبها يدق بسرعه

من الخوف ...
فهد ابتسم من شكلها وهي متخرعه وشلون شردت ...طلعت جبانه مب على قوتها ...طلع برى ووقف على شاطي البحر والهوا يداعب

ويهه ...نور نكأت جرووح حاول يداويها من زمان ويتناساها ....بس نور حطت يدها على الجرح وظغت عليه بقوه ...رجع لشاليه بعد

ماحس بالتعب طالع الساعه انصدم ان الساعه 12 معقوله لهدرجه خذته افكاره وصار له ساعه وهو واقف ...رجع داخل بس لفت

نظره صندلها طايح في مكانيين من قو الطيحه ...فهد حس بشعور غريب انه عورها لاشعوريا ..حس بحزن ...بعدين ضحك عليها يوم

تذكر خوفها ...اه ياطفلتي ...شال صندلها ودخل ...

-----------------------------------------

اليوم يوم عهد جديد في حياة شخصين منعطف اخر في خريف اخر ...اليوم زفاف خالد وشيخه ..زفاف عائلي في بيت حمد بعد

اصرار شيخه وتقبل خالد بقهر ..وكان سفرهم في نفس اليوم .. شيخه هاليوم كانت غير كانت تحس انها انسانه خاليه من روح انسانه

غادرتها الحيويه تحس شيخه الاوليه ماتت واللي ذبحها خالد وابوها اللي ارغمها على هالشئ ...كانت اطالع نفسها في المرايه

واللبنانيه مزينة الشعر تعدل شعرها الطويل اللي طلبت منهم يسون تسريحه ينلم شعرها فيه ...كانت ملامح ويهها ذابله ماكأنها

عروس كان دوائر سودا تحت عيونها ويهها متهدل من الضعف ...شيخه خسرت الكثير من وزنها واسمرت من ضعفت ...طالعت

الساعه مابقي شي وانزف لقبري ...انحدرت على خدها دمعه ساخنه ...

-----------------------

واقفه جدام المرايه تعدل فستانها الحريري الاحمر وتعدل سيور حملات الفستان العاري الظهر والايدين كان بس اللي ماسكه من فوق

سيور رفيعه ..رجعت شعرها الحريري المسرح بالاستشوار على شكل مدرج وممسوك بطرف بشباصه حمراء مزينه بورود ..فتحت

صندوق مجوهراتها وطلعت خواتمها الالماس وطقمها ...
طالعت نفسها مره ثانيه .. اففف خساره هالتعدل وفهد محد ...للاسف تعدلت وفي النهايه مب جاي لاهي في الشغل ..من ذاك اليوم

اللي طيحها فيه انقطعت سبل الحديث بينهم صار مايكلمها ويم تكلمه يرد بأختصار وبرود ..ويوم رجعوا نفس الشي مايكلمها ويطلع

من الصبح ولايرد الا بعد ماتنام ...نور كانت تقوم معاه من الصبح تحط ريوقه وملابسه ...بس اللي اكتشفته فيه انه مايحب ياكل اول

مايقوم شي بس يكتفي بقلاص حليب جاي ...وماتتغدا الا لين يي ...بس هو من يتغدا يدخل مكتبه ويسكر على نفسه لين المغرب

ويرجع لشركه مره ثانيه ...
طلعت عبايتها وشيلتها وحذفتها على السرير ...دقت على الريم تبي تشوف خلصت من رجعوا من الصالون كلهم ركيض على غرفهم

عشان ام فهد محرصه عليهم مايتأخرون ...ريم قالت انها جاهزه ونزلت تحت تنطرها ..
نور بسرعه راحت للأستراحه اطلع صندلها ..وقفت تلبسهم رفعت ريلها تسكره ..وهي تنزل ريلها وتمشي ظربت كتفها في صدر

عريض ..ووقفت بصدمه ..فهد كان واقف واوراق في يده يطالعها بصمت ...
قال : شوي شوي شعندج مستعجله ..
نور وهي تبلع ريقها ..: امي تنطرني تحت ...وراحت تاخذ عبايتها ...
فهد وهو يطالعها وهورافع حوجبه ..: بتروحين جذي ...؟
نور وهي تلبس العباه ..: شلون جذي ...اكيد بروح ...
فهد بقهر : اقصد فستانج ..ماكأنه مفصخ ...
نور بقهر : عادي مافيه شي بعدين كله حريم ..
فهد : يعني عادي تتفصخين جدام الحريم ..
نور : لا ..بعدين ليش ماقلت من قبل ..ماقدر ابدل الحين ..فهد ..عاد اليوم عرس اخوي ...
فهد بغيره مستغربها من نفسه : زين ..شاسوي ..جذي مب طالعه ..
نور والدمعه شوي تفر منها ..: فهد تكفى حرام عليك ...
فهد : مالي دخل ياتبدلين ياتقعدين ..
نور : والمكياج ....زين اسمع ..بحط شيله ماراح يبين شي ...
فهد : وايش اللي خليني اصدقج ...


نور بثقه : لاني قلت ...
فهد وهو يحوس شفايفه : معليه ...بس ماتروحين مع الدريول انا بوصلج ...نزلي لامي قولي لها ..
نور ببتسامه ارتياح ..: ان شاء الله ..مرت من جنبه بسرعه وقربت منه وحطت ايدينها على رقبته عشان ينزل راسه اللي بعيد عليها

وباست خده ..وطلعت بسرعه ...
فهد وقف مكانه مشدوه من منها ..كل تفاجاءه بشي ...كانت مثل الهديه وهو مثل الطفل كل يوم يعرف شي حلو فيها وتخليه يتعلق فيها

غصب ....
وصلوا بيت خالتها وضحى على المغرب ...وقبل لاتنزل ..: فهد بترجعنا ..؟
فهد : ماأظن ...بسلم وارجع الشركه ..
نور : وحن ..؟
فهد كان يكلمها وهو يطالع جدام : أتصلوا في الدريول ...
نور بعد ماتأكدت ان عمتها نزلت ..: زين ممكن امسي في بيت ابوي ..
فهد التفت لها لورى كان ويهه قريب من كانت تحس بأنفاسه على نقابها ...: لا ..ولاتفكرين ..
نور بترجي ..: فههههههههد ...
فهد : انزلي ولارجعتج الحين البيت ..
نور وهي تنزل ..: زين خلاص ...وبعد مانزل من السياره وسكر الباب ...قالت له : اوكي حبيبي انتبه لنفسك ...وراحت من غير

لااطالع وراها ...لااطالع فهد اللي وقف من سمع حبيبي ..شكثر عذبته هالكلمه ..كانت مثل ملمس الحرير على قلبه ...

رسمتك صوره للفرحـه ولَونتـك بنـور الحـب
خجل من صورتك همي دقايـق شفـت راحاتـي
خسارة روحي وارباحي في ضحكاتك ترى المكسب
في قربك يهتنـي قلبـي وبعـدك هـم وآهاتـي
على شانك حلـف قلبـي يشيـل الهـم مايتعـب
وروحي عاهدت عينـي تعانـق مـوق عبراتـي
عشانك ياذهب وافـي حنـان الـود لـو يلهـب
أحبك وازرعـك ورده جميلـه بمنتـزة ذاتـي !!
حبيبي يانظر عيني غصب عنـك تـرى تنحـب
عيونك .. بسمتك تجـذب وتبعـد كـل علاتـي
عشان عيونك الحلـوه بنيـت بداخلـي منصـب
وفي قلبي اعتلـى حبـك وخـاوا كـل نبضاتـي
فداك الروح ياروحي وعينـي والعمـر والقلـب
(من اشعار شاعر الغربه محمودالشاهين )

دخلت الصاله وسلمت على الوجودين وقعدت معاهم شوي وطلعت لشيخه اللي كانت لابسه فستان فستان ابيض حريري ناعم وتسريحه

مرفوعه ناعمه مزينه بورود طبيعيه ...سلمت عليها وخذتها في الاحضان ..ومسكت نفسها عشان شيخه ماتصيح وتخرب المكياج ..
نور : مبروووك عليج خويلد ...الله الله شهالزين ..
حصه بلقافه : قولي ماشاءالله لاتحسدين اختي ..
نور : جب انتي ..شدخلج في مرة اخوي مب حاسدتها المشكله اللي بيحسدونها المغلوثيين على العرس ..
حصه : بسم الله علي ...
نور : شيوخ يالخاينه ..شهالضعف ...
شيخه من الهم اللي ماحد يعرفه ..: رجييم بعد ..
نور : اييييه ..لوت عليها مره ثانيه وهمست في اذنها ..: شيوخ لاتنسين ترى بعدني موجوده ..
شيخه وهي تحاول تمسك دمعتها ..: ان شاءالله ..
نور : مجهزه شناطج ..
شيخه : ايه منزلينها من امس تحت في غرفة الضيوف ...
مها وهي تسلم على نور ..: شيوخ خلصتي ...
شيخه وهي تهز راسها موافقه ..مها ...: زين يله بلا هذره خلصوا عشان الزفه الحين 8 عشان تصورين بعد ...
شيخه حست ان ساعة الصفر ابتدت ...وانتهت حياتها في هالبيت وانتهت شيخه ...وابتدت حياه مخيفه مع خالد في غربة مكان وزمان

وغربة مشاعر ...الجو المتحاولها ضحك وسوالف وهي كانت بينهم غريبه ماتحس بشي كانها متخدره ...
وزفه بسيطه وشمل عائلي بسيط مكون من الاهل والاصدقاء...دخل حمد مع خالد وصور معاهم وخالد غائب عنه مشاعر شيخه

المتبنجه ..ورجحه انها مرتبكه ...بعد الرقص والضحك والتبريكات والتصوير والذكريات الي متدت لين الساعه 12 قبل موعد

الطائره بساعتين ...شيخه صعدت لغرفتها بمساعده نور وغلا وريم ومها وبدلت وتسبحت ولبست لها بدله بيج وازرق ..ونزلوا تحت

يسلمون على الاهل ..وشيخه مازالت كاالعايش في غيبوبه ..ماتحس بشي ...سلمت على ابوها وعيونها كلها لوم وعتب ..وطالعت امها

نفس الشي لانها سكتت ولا ساعدتها ...سلمت على البقيه وركبت مع محمد وخالد في السياره من غير لاتتكلم ...
خلصوا اوراقهم من الجوازات وركبوا الطياره والحديث مغلق بينهم ...قعدوا في مقاعدهم وشيخه اختارت اللي جنب الدريشه ...اللي

من طارت الطياره عرفت ان مافيه مجال لتراجع لحياتها القديمه سكرت عيونها ودموعها تنزف بغزاره وطالعت الدريشه.....
من يواسيني .. ويبادلني الشعور
من يحسس خافقي بطعم الحياه

من بيجبر خاطري بعد الكسور
من يراعيني .. ويعطيني وفاه .!!

الألم فيني ولاتارك قصـور
منهي الأفراح .. وهمي ياقساه ؟
(من اشعار شاعر الغربه محمودالشاهين )...

...( الفصل الرابع عشر )...

مجتمعين كلهم في الصاله بعد رحيل المعاريس ... وضحى كانت في عالم من الحسره على حال بنتها اللي راحت وهي ماخذه في

خاطرها ...بس شيخه مصيرها تعذرهم وادري ان خالد ماراح يقصر معاها ...
ام جابر وهي تقطع افكارها ...: وضحى ...ليه ماتسيروون علينا بكره ..؟
وضحى بصوت متعب ..: مادري يمه بشوف حمد اول ...
ام جابر : على الله انه يروح مواعيده ..؟
وضحى : ايه يروح ..
ام جابر : عاده معيي لاحد يروح معه ..؟
وضحى بتهيده : شاسوي يايمه ..ماقدر اخالفه يعي يروح ....
ام جابر : الله يهيده ويشفيه ...مايستاهل ابو شيخه ...
وضحى : يمه ليه ماتمسين عندي ..
ام جابر بنقمه : وعيالي ...؟
وضحى : وش عيالج غلوي وشهود ...يمسون بعد ...
ام جابر : لافديتج ...ماهينى لي غط جنبي الا على سريري ....
وضحى : اللي يريحج ..


ام فهد وهي تكلم نور وترفع شعرها من ويهها ..: يمه فهد بيردنا البيت ..؟
نور اللي كانت تلبس شهد صندلها ...نزلت ريل شهد والتفت على عمتها ولوت عليها ..: لبيه يالغاليه ...؟
ام فهد وهي تضحك وتمسح على ظهر نور العاري : من اللي بيودينا بيتنا ...؟
نور : الدرويل ...
ام فهد : وريلج وين ..؟
نور : يقول عنده شغل ...
ام فهد بضيق : الله يهداه شغل حتى في يوم عرس ولد عمه ..
نور ببتسامه : يمه شغل ظروري مايقدر يأجله ...
ام فهد : لاتعذرين له ولدي واعرفه مايحب الاجتماعات العائليه ...
نور وهي تحاول تغطي ..: لايمه ترى ماراح الامن ساعه ..
ام فهد وهي مب مصدقه : ايييه ..معلينا ...دقيتوا على الدريول ..؟
نور: ايه من زمان وينطر برى بعد ....
ام فهد : اجل يله سرينا ...
نور : يله ....الريم جاهزه ...؟
ريم كانت قاعده وشهد في حظنها تلعب في خصل شعرها القصير ...ريم وهي تفك شعرها من يد شهد ..: يله ...جاهزه ...
شهد : لالا تلوحيين ...(لاتروحين )...
ريم : حبيبي ...لازم اروح ابي ارقد ..بكره تعالي عندي ..
شهد وهي تدفن ويهها في صدر ريم ..: لالالا مابي ..
نور وهي تحاول تقنع شهد ..: شهوود حبيبي ...لازم تروح ترقد في بيتهم تبين ماما منيره تضربها ...
شهد ببراءه اطالع ام فهد بنظره ..بعدين هزت راسها بالنفي ...: ماما اميره لاتبدين اموووه (ماما منيره لاتظربين عمووه )..
ام فهد : اذا خليتيها تروح معي مب ظاربتها ...
شهد طالعت ام جابر : ماما اوووده ابدي اموووه اوني تلوووح مع الوحت (ماما عوده اظربي عمووه نوري تروح مع الوحش )..
نور ماتت من الضحك ...ام جابر بعدم فهم : شتقول ..؟
نور وهي تمش دموعها من الضحك : تقول لج اظربيني عشان رحت مع فهد ...
ام جابر وهي تضحك ..: يمه اخاف فهد يطقني ..اذا ظربت مرته ..
شهد : انا بععده لين امووت (بعضه لين يموت)..
نور بشهقه : بسم الله عليه شهووود عيب ...
ام فهد بضحكه : مهيب عضه شهد اللي بتكتله ...
نور : يمه ..وشذا الكلام ..
ام فهد : يمه ترى الموت حق ...
نور بضيق ..: زين يمه ماقلت شي ... بس احنا في فرح لاطروون الموت بسم الله على ريلي ...
ام فهد ببتسامه : تامرين يالغاليه ..
نور وهي ترجع تلوي عليها ..: فديتج ...
ريم : هي ماتستحين ...اخوي وبالعافيه عليج فوقه بعد اعطيج الف بوسه ...امي لاعاد هني اقلبي ويهج ..روحي لبعلج ...
نور وهي بعدها في حظن ام فهد : ومن قال انها امج خلاص حبيبتي ..هاي كلام تقولينه للام المعزب اليديد ..هاي امي ..انتي روحي

دوري لج ريل ..خلي امه ادلعج ...
ريم : والله ...قومي قومي ...
ام فهد : مثل ماقالت لج بنتي روحي دوري لج ريل ..
ريم بقهر : لاوالله وانتي بعد مسرع ماقلبتج علي ...هين يالنتفه ...
غلا : لالالا حقوق النشر محفوظه لسعد بس ..هو اللي يسميها النتفه ...
نور : جب انتي وياها ...يضع سره في اصغر خلقه ...
غلا : ريووم تدرين وشو السر ..خخخخخخخخخ صغر العقل ...
نور فرت على غلا علبه الفاين جان تظرب في حاجبها ..: عقلج يالدبه ..
غلا وهي ماسكه مكان الويع ..: يالحيوانه عيني ...
نور وهي تضحك ..: احسن عشان ماتسبين مسويه حزب مع هالساحره والسنفوره اللي معاها ...
ريم : احسن منج ياأم السعف والليف ...
غلا وهي اطالع يدها تتأكد مافيها دم ..قامت تبي تضرب نور ...نور نقزت ورى ام فهد ..غلا ..: انخشيتي يالجبانه ...هين ارويج ..

يالدبه انتفخ حاجبي ...
نور وهي تضحك ..: احلا عشان يقولون حاطه بوتكس ...
غلا : يالخايسه شلون اربط نقابي الحين ..
نور وهي تحرك حواجبها من ورى ام فهد ..: مشكلتج ..
غلا : معليه ارويج ...بس سيري بيتنا ....
نور : بجي وانتي ماتشوفين الطريق ...
غلا بقهر ...: بعد ...خلي نطلع ...
غلا قعدت جنب الريم وهي تتوعد في نور اللي قاعده بين ام فهد وخالتها وضحى ...نور التفت لخالتها وباست خدها ..: الحلو وين

سرحان ..؟
وضحى ببتسامه سرحانه ..: في شيخه ...مهب هاين على فراقها ...
نور بعيون متروسه دموع ...: من هو اللي بيقدر على فراق شيخه ...بس الله يسعدها في حياتها اليديده ..
وضحى بحزن ..: امين ...
نور وهي تحط راسها على كتف خالتها ..: لاتخافيين يمه ترى احنا نسد عن شيخه موجودين بس ألو ونكون عندج برسم الخدمه ...
وضحى ضحكت ومسحت على ذراع نور بحنان ...: ماتقصرون فديتج ...الا شخبارج مع ريلج ..؟
نور ببتسامه وهي اطالع خالتها ..تخفي خوفها من مستقبلها مع فهد ..: تمام ...
وضحى ..: الحمدالله ... الا ماخلصتي اوراق شغلج ...
نور : الا ..بشتغل في اكادميه ال .... ادرس رياض اطفال ..
وضحى بأستنكار ..: روضه ...؟
نور : ايه اختصاصي ..شفيج ...
وضحى ..: ايه ...بس يارب المعاش اوكي ...
نور : يمه اهم شي عندي يناسب تخصصي ..الفلوس الحمدالله منا بمعتازه ..
وضحى : الله يرزقج يابنتي ...
نور ..: تسلمين فديت عيونج ...
قطع حديثهم اتصال سعد على جوال نور ...كان يبيهم يطلعون ...نور وريم وام فهد سلموا على الموجدين ولبسوا عبيهم وطلعوا بس

قبل لايطلعون ...غلا استغلت وقفت نور مع مها تكلمها تنتبه لخالتها من بعد شيخه ...وقفت من وراها ومها مسويه نفسها منتبه لها

عشان ماتحس بغلا اللي مسكتها من ورى وهي تضحك ..: والله وطحتي في يدي ...
نور وهي تحاول تتخلص منها : يالدبه هديني ..
بحكم ان بنية جسم غلا اطول من نور قدرت تمسكها ...وعضتها في خدها لين دمعت عيون نور من الويع ..بعدين هدتها وشردت ..نور

وهي تمسح خدها من الويع من تحت النقاب ...
نور بويع ..: والله وفيج النخله ....
غلا وهي ورى ام جابر ..: بس فارقي ...يله روحي بيتكم ...
نور : والله لولا عمتي في السياره كان نشبت هالصندل في يبهتج ..
غلا بضحكه شيطانيه ..: روحي لا اخمج على راسج اسويج ون زيب ...
نور طلعت بقهر وهي تتحلف في غلا ..بس سكتت من جافت ابوها واقف في الحوش ومعاه سعد ...راحت له وسلمت عليه وباست

راسه ...ولوت عليه بشوق ابومحمد لوى عليه بحنان وباس راسها ..: شلونج يالغاليه ..؟
نور بحنان ..: طيبه دامك بخير ...شلونك انت يالغالي ..؟
ابومحمد : الله يسلمج ..
سعد : هي كبرتي على الدلع وخري من عمي فغصتيه ...
نور : جب ..
سعد : الحمد الله والشكر وحده معرسه تقول جب ..
نور : ليه حرام ...
نور سكتت ووخرت من صدر ابوها من جافت واحد ابيضاني طويل تقريبا في طول فهد ووسييم بشكل ملفت ابومحمد مسك ذراعها

عشان ماتبعد قرب منهم وهو يبتسم ..نور استغربت من هاي ...
ابومحمد ..: نور هاي حمد ولد عمتج عفرا ..
نور بستوعاب ..: ايييييه شلونك حمد ..
حمد وهويطالع نور ...وانا اقول شبلاه ولد الخال الحال منقلب ترى مرته مب هينه اظاهر سر فيهم بنات خالي ...بس احس وايد

صغيره ...: الله يسلمج شلونج نور ..
نور : الحمد الله ...
حمد : على البركه ماسعيتوا فيه ..
نور : الله يبارك فيك ...
حمد كان يطالع خاله وابتسامته بحنان لبنته اللي واقفه جنبه وهو حاط يده على ظهرها ... معقوله انسان بهالطيبه امي تحقد عليه ..الله

يهداها امي دومها عنيده واذا حقدت خلاص ماتعرف تتنازل ...قطع حبل افكاره صوت مبحوح داعب فكره الايام اللي فاتت وخلاه

سهران...
غلا وهي ماسكه يد جدتها ..: يبه يله جاهزيين ..
ابومحمد : يله سرينا ...حمد يابوك قرب السياره من جدتك ....حمد قبل لايروح قرب من ام جابر وحب راسها وقعد يسولف معاها

ولافاتته حركت غلا اللي هدت يد جدتها ووقفت وراها والتفت على الصوب الثاني وهي تلم ايدينها بعصبيه لصدرها ...حمد ضحك في

داخله على توترها يعني مب بس هو اللي يتوتر من وجودها ...طنش لها ولاسلم عليها وراح يقرب السياره ...
غلا كانت في عالم اخر من الغليان ..جايفني يهوديه مايسلم ...عسي يعله مايسلم بموت عليه هالمغرور ...احسن خليه يفارج ...بعدين

سكتت تذكرت شي...طالعت ابوها ...: يبه لايكون بنروح معى هاي ومدت يدها على حمد..؟
ابومحمد : من هاي ...احترمي ولد عمتج ...ايه بنروح معاه مافيه حد محمد راح يوصل خالد ماراح يرد الا الفير ..
غلا بغيض : قلو الناس الا هاي نروح معاه..
ابومحمد بغضب : غلا مب وقته ...خلى هالليل يعدي على خير ..
غلا : يبه ...مب رايحه معاه ..
ابومحمد وهو يمسك نفسه من الغضب ..: لاتكونيين مثل عمتج يعميج الحقد ...
غلا : يبه وانت لاتكون طيب لهم ..
ابومحمد : ترى بيظل ولد عمتج مهما كانت امه ..والولد ماجفت منه الانيه الزينه ...
غلا : مب رايحه بروح مع نور ...والتفت لنور اللي تكلم جدتها ....:نوري بروح معاج ...
نور بستغراب : ليه ..؟
غلا : بس مابي اروح مع هالبزايه ...
نور : من ؟
غلا بقهر : افففففف ...من غير راعي هالرنج ..
نور : ايييييييه حمد ...اشكر فنه خطييير مزيون ..
غلا : نوووري وجع ...ترى بقول لفهد ..
نور : ياليت ..يمكن يغار شوي ...
غلا : زين ..شقلتي ..
نور بخبث : اسفه ...
غلا بصدمه : لييييييييه ..؟
نور : بس كيفي ...نسيتي من شوي ...يله فارقي مع ولد العمه ....
غلا : النوري لاتكونين حقوده ....
نور : نو ويي ....يله فارجي ...وحبت يدتها وراحت وخلت غلا تتخبط في مكانها من القهر من ابوها اللي فرضهم على حمد ومن نور

اللي رفضت تساعدها ... رجعت لجدتها بصمت تحته بركان من الغضب ...ساعدتها تركب السياره وشالت شهد وركبتها جنبها بصمت

مطبق ...وشاءت الصدف انها تقعد ورى حمد ...
شهد وهي قاعده وطالع السياره بتعجب ...: الله اياره حوووووووووه (سياره حلوه )..
غلا طالعتها بقهر ..وهمس ..: والله وزيين وعع مب حلوه شهود صندقه ...
شهد : نا حوووووه ابي متلها ...(لاحلوه ابي مثلها )...
غلا : لا مب حلوووه ..بس انا الحلوه ..
شهد : لاانا حووووه ...(لاانا حلوه )
غلا قدرت تغير الموضوع عن السياره ..عشان ماينتفخ عليهم اكثر ..: اوكي ...بس لاتعورين راسي ...
شهد تقدمت شوي من بين الاسيات ..ومسكت طرف ثوب يدها ..: بابا ..ابي لوووح عندك ...
ابومحمد :تعالي ...غلا عطيني اياها ...
غلا بصوت منخفض ..: يبه خلها بتعور ريولك ...
ابومحمد : لا .... عديها علي ...
غلا شالت شهد من اباطها وقربتها من ابوها اللي شالها لحظنه ..قبل لاترجع ايدها ظرب طرف كوعها زند حمد غلا شالت يدها

بسرعه كأنها لامست نار وقعدت في مكانها وهي تنتفض .....
أول ماوصلوا البيت ...فتحت الباب قبلهم تبي تشرد من قربه ...كانت مشاعرها متناقضه في حضوره ....وقفت عند باب جدتها

وساعدتها تنزل من السياره وهم في نص الطريق وقفتها ام جابر ..: غلا نسيت شنطتي ..
غلا بقهر لالالا مابي ارجع ...: ان شاءالله ...
رجعت لسيارة حمد وهي تتخبط بقهر ...ابومحمد ..: وين..؟
غلا وهي زامه شفايفها من تحت النقاب ..: جدتي نست شنطتها ...
ابومحمد ..: خلاص الحقي قبل لايروح حمد ...
غلا قربت من السياره وفتحت الباب اللي كانت جدتها قاعده صوبه ..حمد كان يشوفها يوم رجعت وحس بمشاعره تتصاعد لبلعومه

..فتحت الباب بقوه وخذت الشنطه ...
حمد وهو حاط المرايه عليها وبغياظ ..: شوي شوي لاتكسرين باب سيارتي ..
غلا : الاصندقه ...
حمد : ودج انتي بس مثلها بس مب حاصل ..
غلا بقهر ..: واااااااااااع لو خيروني بينها وبين عراوي خذت العراوي ولاخذ هالصندقه ...
حمد وهو ماسك ضحكته ..: حدج اصلا عراوي ...
غلا : عادي خلها حدي ..احسن من هالصندقه مادري من اللي قص عليك ...غلا حست انها طولت السالفه سكرت الباب بقوه ورجعت

بس حمد فتح الدريشه ....: كسرتي باب الصندقه وضحك ومشى ...
غلا وهي اطالعه سخييييييييييييييييييف وربي سخيييييييييف ....حمد كان في عالم ثاني غلا اول مره تتكلم معاه بأكثر من كلمه ومن

غير صراخ وزعل ..كان يظرب بصبعه على السكان بتفكير ... يفكر في مشاعره من صوب غلا من جافها حس كأن اي بنت ثانيه تمر

من جنبه ولاشي ...من عرف عيون غلا عاف النوم وصار السهر خويه وده في قربها بس مشاكل عيلتهم للحين بينهم ...مايعرف

شبيسوي ....

-----------------------------

عيون سارحه في ظالم الليل تراقب مرور انعكاس انوارالشارع في نافذة السياره عيون خاويه من الاحساس مليئه بالالم والحزن ...

توقفت السياره امام مبنى متخفى تحت جنح الليل ... لكن تلك العينان مازالت متشبته بخيال مرسوم في افق ما ....
فتح باب السياره بتعب ونزل الشنط بمساعدة سائق التاكسي وطالع شيخه بستغراب للحين مانزلت يمكن مازالت تعبانه من الرحله ..

وقف جدام دريشتها وطالعها ببتسام شكلها كانت سرحانه ...دق الدريشه بنعومه ..طالعته بتعجب ..وفتحت الدريشه ...
خالد : عاجبتج القعده ..
شيخه برود : شنو ...؟
خالد : مب نازله وصلنا ..ولاالتكسي عاجبج ....؟
شيخه : وين ؟
خالد بضحكه : المقصب..
شيخه بخوووف : هاااااه ...
خالد وهوميت من الضحك : البيت ...البيت ...نزلي ...
شيخه طالعته بقهر سييخيييييييييف نزلت من السياره بقهر وسكرت الباب بقوه تحت نظرات خالد الضاحكه ....سحبت شنطتها بقوه

ومشت لين سياج خشبي جدامه بوابه خشبيه صغيره ...طالعت ملامح فيلا غارقه في ظالم دامس تقدمت بخطوات متردده من مستقبل

مجهول هش الملامح ...فتحت البوابه بنعومه ودخلت وحفيف ورق الاشجار يداعب طرف تنورتها الجينز وقفت تحاول تركز على

الشكل الخارجي بس ستار الظلام كان اعند ...
وقف وراها بعد مادفع الحساب التاكسي ....: شفيج واقفه دخلي ...ولاتبين اشيلج مثل الافلام ....وضحك بخفه ..
شيخه طالعته بنقمه : قصورك بعد ...تقدمته بمشيه عصبيه وفتحت الباب الرئيسي ليكشف عن صاله وسيعه مؤثثه بأحدث الاثاث

الاخضر والبيج والاصفر ....خالد نزل الشنط وتقدمها بخطوات يرويها اماكن الغرف والمطبخ اللي فيه باب يوصل لحديقه خارجيه

متصله فيها مرجه خضراء وغابه اشجار الجوز ...بس الظلام مبتلعها وخفي ملامحها سكروا الباب وتوجهوا لغرفة النوم الواسعه ..

يتوسطها سرير ملكي اسطوري ...شيخه غضت بصرها من جمال الغرفه لانها متأكده انها مستحيل تجمعها مع خالد مهما كان الثمن

والعمر ...
شيخه انسحبت برى الغرفه بعد ماجافت خالد توجه للبلكونه وفتحها ....فتحت باب الغرفه اللي كان مخصصها لضيوف اللي مكونه من

سرير فردي وبأثاث اصفر وأبيض سحبت شنطتها من الصاله ودخلت الغرفه وسكرت على نفسها ....
طلع من البلكونه بعد مالامست وييه نسمات الهواء البارد وخففت من الظغط العصبي .. استغرب الهدوء اللي يغلف الغرفه كانت خاليه

من اي حركه ... فسخ الجاكيت وحذفه على السرير وطلع يدور شيخه ...
بحث عنها في كل مكان في البيت بس ماحصلها .... وين راحت يمكن رجعت الغرفه ؟ وفي طريقه للغرفه استوقفه صوت في غرفة

الضيوف ...وقف شوي يتأكد من الصوت ...
دق الباب بخفه : شيخه ؟
شيخه من ورى الباب بظطراب ...: لبيه ..؟
خالد ارتاح جزئيا ..: تعشين ..؟
شيخه سكتت لحظه تجمع شتات افكارها لانها توقعت سؤال غير ..: لا....تعبانه برقد ...
خالد : براحتج تصبحين على خير ....
دخل غرفته بأحباط ونسدح على سريره الوسيع بروحه ...كان عنده امل تشاركه ....بس معليه بخليها على راحتها مابي اظغط عليها

يكفي ظغط العرس والسفره وفراق الاهل اكيد كل هذا مخوفها مني ...بخليها لين ترتاح لي ....وغمضت عينه على اعصار افكاره...
في الغرفه المجاوره شيخه منسدحه على السرير تفكر في خالد ومصيرها معاه اليوم قدرت اصرف عمري بكره شلون وبعده

شباسوي؟ ماعرف ..؟ ماعرف ...؟لازم ابعد خالد مني مستحيل اتورط معاه اكثر بعد اللي شفته منه ...خالد خاين ...اكيد الحين خذ

فرصته ماصدق اقعد هني اكيد الحين معاها ...شيخه قعدت في نص السرير من المعت هالفكره في راسها ...خالد مع وحده ثانيه وقفت

وبطلت الباب ومشت بخطوات خفيفه وقفت عند باب غرفته ...بس هدوء يعم الغرفه ...فتحت الباب بهدوء ودخلت بعد مافسخت شبشب

البيت عند الباب عشان مايطلع صوت ....الليت مفتوح وباب البلكونه بعد كان جوالغرفه بارد يسبب القشعريره طالعت السرير بعد

مالاحظت جسد متمدد بأهمال ...كان منسدح بنص السرير وهو بملابسه الي سافر فيها ومبين عليه بردان ومنزعج من الليت مفتوح

من تغضن جبينه ...شيخه سكرت باب البلكونه وقبل لاتطلع من الغرفه طالعته بعتب وحزن ..آه ياخالد مادري من ظالم الثاني انا اللي

ظلمتك ولاانت ظالمني ..سكرت الليت وطلعت لغرفتها ترقد ....
----------------------------------------------

قاعده في الصاله بملل تفر في القنوات ...لين استوقفتها اغنيه لأنريكي اغليسيس طولت شوي على الصوت واندمجت معاها وقعدت

ادندن معاها بهدوء ..
دخل فهد الصاله بعد عودته من الشغل بس ماكان حد موجود فسخ غترته وحطها على الكنبه ... وتوجه لغرفة امه اللي حصلها فاضيه

دخل اصابعها في شعره الحريري وحركه بستغراب لعدم وجود امه ....سكر الباب وطلع فوق لقسمه وهو في نص الدرج استوقفه

صوت التلفزيون ...كمل طريجه لصالة قسمه لان الصوت صادر منها ...
نور سرحانه في عالم ثاني كانت ثانيه ريل تحتها وتلعب في خصل شعرها ...ولاانتبهت لدخول فهد اللي طالعها وهي سرحانه مع

المغني الوسيم ..فهد قعد جنبها وخذ الريمونت وفره على الجزيره ..
نور طالعته بقهر ... بس فهد سكتها بنظره اتحداج تتكلميين : قومي جيبي لي القهوه ...
نور : بسم الله عليك ياروحي ...القهوه جدامك ..
فهد انتبه لنفسه فعلا القهوه كانت جدامه بس انفعاله من سرحانها في شخص ثاني اعماه .... : زين داري قومي صبي ...
نور : ان شاءالله ...نور قامت ولسان حاله يقول فديت اللي يغار ....
فهد : امي وين ..؟
نور : راحت بيت ام حمد ..
فهد : عمتي ..؟
نور : ايه ...
فهد بجس نبض ..: وليش مارحتي معاها ..؟
نور بستغراب من سؤاله : شله اروح ..؟
فهد : بعد شله عمتج ...
نور برود : ليش اهي معترفه انه احنا عيال اخوها ..؟
فهد : وليش ماتكونين الاحسن وتخطين الخطوه الاولى ..
نور : هذا لوحصلت بصيص امل ...لو ملاحظ عمتك من عرسنا ماطبت بيتكم ليش اني هني ...يوم تبي شي من امي ادق عليها تييها

...
فهد : لو محصله خطوه ايجابيه يمكن يكون فيه امل ...
نور بعصبيه : يعني انا الحين غلطانه ....
فهد : انتي الصغيره المفروض تروحين لها ...مب هي اللي تتيج ..
نور بقهر : وفي اعتقادك بتستقبلني ....ولا بترزني في الصاله مثل ماسوت مع ابوي ..
فهد : شقصدج ..؟
نور وقفت بقهر ودمعتها في عينها بس استكبارها منعهامن السقوط : في اعتقادك انه ماحاولنا معاها او مع ولدها عشان نرجع ....بس

عمتك مب راضيه ...يكفي اهنتها لبوي ...لاتعتقد اني بسامح او انزل نفسي للي يهين ابوي ..لو حتى على قطع رقبتي ....نزلت فنجال

القهوه جدامه ودخلت غرفتها ...
فهد حط ايده على يبهته بتفكيرحس انه زودها مع نور ... بس بعد لازم يحصل حل لهل النزاع بين اهله مب عارف شيسوي مسألة

الكرامه والماضي اللي كله جروح واقف في ويهه مب قادر يحل اي مشكله بينهم .... انسدح على الكنبه يفكر لين غفت عينه بحزن

مب عارف شسببه ...
نور من دخلت غرفتها انسدحت على سريرها وانفجرت في صياح غريب ماتعرف سببه يمكن سببه انفجار فهد فيها ...حاولت تسكتت

شوي وتهدا بس سيل الدموع ماوقف كان يزيد دخلت الحمام (وانتوا بكرامه) ودخلت تحت الدش عشان يهدي اعصابها شوي ...

--------------------------------------
دخلوا بيتهم بضيق من الزيارة اللي قاموا فيها ..من تزوج فهد كل مايروحون لها مايسمعون منها الا الكلام اللي يغث ....ام فهد

تندمت انها راحت لها من قعدت عندها وهي تجرح في نور واهلها مع انها مب معاهم مادري ليش يمكن على بالها انه احنا نقالين

حجي بنوصله نور ...
ام فهد : لاتقولين شي لنور من حجي عمتج ..
ريم بضيق : ليش استخفيت ...احزنها بشي مايستاهل ...
ام فهد : الله يهداها عمتج ...مادري شصاير لها ...
ريم : مادري يمه ...المفروض خلاص كبرت على هالمحارب ..
ام فهد : الكبر كبر العقل ...عمتج بعدها عايشه زمن امها الله يرحمها ...
ريم سرحت في افكارها ...عيل شبتسوي لوعرفت ان محمد بيتقدم لي ...اكيد بطبقها فوق روسنا ...صج بتذبحني عمتي ...ريم من

داخلها كانت موافقه على محمد لان فيها جانب يتمنى هاللحظه وجانب اخر متخوف منها ...ريم مشاعره صوب محمد مشاعر متشابكه

تفكر فيه معظم وقتها بس للحين ماحددت مشاعرها ....
ام فهد : ريم وصمخ ...
ريم انتبهت لها : لبيه يمه ..؟
ام فهد : قومي شوفي نور وينها ..؟
ريم : يمه يمكن عند ريلها ...؟
ام فهد : اخوج هالحزه اكيد حاط راسه وهي قاعده بروحها .....
قطع حديثهم نزول نور اللي توهقت على بالها مافيه حد لان اثار البجي في ويهها عدلت جلالها وكملت المشي ...قربت من عمتها

وحبت راسها وقعدت جنب الريم ....
ام فهد : فهد قد جى ...؟
نور : ايه وقيل ..؟
ام فهد: مايشوف شر ...
نور شالت دلة القهوه وصبت لعمتها قهوه .....ام فهد : شبلاج ...باكيه ..؟ نزلت فنجال القهوه بخوف ..
نور بضحكه اداري اظطرابها وحزنها : لايمه فديتج متسبحه ودخل الشامبو بعيوني ....
ام فهد ماصدقتها لان دخلت يدها تحت جلال نور ومست شعرها الرطب ... ورتاحت جزئيا بس كانت حاسه ان نور فيها ضيجه لان

هالعيون قد حست بويعها ....
نور قعدت جنب عمتها وقعدت تقهويها ..وملاحظه سرحان ريم : الا شهود مالها حس اليوم ..؟
ريم : فديت ويهها ..اشتقت لها ...غلوي الخايسه طاردتها لاتيي ..
نور : ليش ؟
ريم : ماتعرفين سخافة اختج ... اتقول اول احنا ييها بعدين تخلي شهود تيي ...
نور : عشتوا غلوي كبر راسها ..وصارت تتحكم ...
ريم : شفتي مهزلة الحياه ...
نور : اما صج مهزله ...
ام فهد : وهي صاجه المره تبي تحس انها راعية بيت وانتوا ماتعرفون المواجيب ..
نور انفجرت من الضحك ...: غلوي تعرف الواجب ...وايد عليها تضيف نسكافيه واندومي ...
ريم ماتت من الضحك : اي والله صاجه ...
ام فهد بضحكه : صج العورى تضحك على الحولا وانتي ياريووم كلش مقطعتنا بالمواجيب بس ..
نور بضحكه : هذولا هم جيل البنات الثالث ...
ريم : خفي علينا يابنت العصر القديم ...
نور : احسن منج ياقوم الاندومي وناسكافيه ...
ريم بقهر : جب ...
ام فهد : شبيتي ولاطفيتي ...
نور : احسن ..
ريم : مالت والويه ...زين بتروحين لختج المتكبره ..
نور : نروح ليش لا ...
ريم : يله زين ...
نور : اوكي بس ويت شوي اروح اييب نقابي ...يمه بتروحين معانا ؟


ام فهد : لايامج ... بقعد ...
نور : على راحتج ...وطلعت لغرفتها تاخذ اغراضها ... دخلت قسمها وطالعت فهد بحزن وهو منسدح ماتوقعت منه هالعدم المبالاه

حتى ماطيب خاطري بكلمه رقد ولا كانه قال شي ...ليش يافهد كل ما أقرب بخطوه تبعد بعشر ...غلطتي اني حبيتك الظاهر اني

بسرعه برصد ثمنها ...
جـــرحــت ,, احســاســـي
بالحــب ,, يـاقـــاســي
كـتمــــــــت ,, أنفــــاســي ..
طعــنــت وجـــداني
رحـــت ابهــــوى ثـانــــــي
واصبحــت أنا أقـــاســي ..
(من قصائد شاعر الغربه محمود الشاهين )

طلعوا من البيت وهم يسولفون ويضحكون .... بس هناك ظل اعترض طريجهم رفعت نور عينها كان بطوله الفارع واقف ...يطالعهم

بستفسار ...: على وين؟
ريم ابتسمت بحنان وشوق ملامح وييه الي فاقدتها من كم يوم ..: هلا حمودي ...؟
حمد بكبرياء : هالطول والزين كله حمودي وهويأشر على نفسه ...
ريم : الشيخ حمد ال.... هاه بعد شعندك ..؟
حمد ببتسامه وهويفسخ نظارته شمسيه : ايه جذي بعدي اختي ...التفت لنور ...: شلونج بنت الخال ؟
نور : الله يسلمك ...
حمد : وينه بعلج ..؟
نور : مقيل ...
حمد : ايييه وانتوا على ويين ؟
ريم : بيت عمي ...
حمد : خالي حمد هناك ..؟
نور : ايه ..
حمد : عيل معكم بروح له ..
نور طالعته بستغراب حمد ليش يسوي جذي هل له نيه في شي ...ولافعلا غير عن امه ابوي دووم يمدح فيه غير امرك ياحمد مالوم

غلوي يوم هي متوجسه منك ...
دخلوابيت ابوعبدالله ثلاثتهم من الحديقه الخلفيه .... غلا كانت فارشه برى وحاطه الدلال والفواله وشهد تلعب عندها بسيكلها ...بس

يوم جافت ريم حذفته وركضت لها تلوي عليها ...ريم استقبلتها بأيدين مفتوحه ...غلا تغيرت ملامح ويهها وحست بثقل في معدتها

ورطوبه في كفوفها ....
حمد بصوت رخيم يحاول يغطي فيه رجفه قلبه اللي وصلت لحلجه ....: السلام عليكم ..
غلا بصوت مبحوح : عليكم السلام ...
نور : شلونج ياراعية البيت ...؟
غلا وهي تحب اختها ..: بخير يالقاطعه ...
حمد وهو يكلم شهد : فكي اختي ...
شهد بطفوله : نا ...امووووه حددتي (لا..عموه حقتي )..
حمد بغياظ : من الي يقوله ريم مالتنا ..
شهد وهي تقلب شفايفها : نانا ...(لالا)..
ريم : حمد خلاص لاتصيحها ..
غلابغياظ : خليه عادي كلهم نفس العقل ...
حمد بضحكه : الصح الدليل فهمتي علينا ...
غلا : ودك بمثل عقلي ...لو اعطيك منه ذره كان صرت اينشتاين ...
حمد : اخاف يدخلوني الرميله ...
غلا : اصلا انت شارد من الرميله ..
نور زهقت من حمد وغلا دخلت تسلم على جدتها وابوها .....غلا : النوري انتو ليه جايبنه معكم ... بس تلوعون كبدي فيه ...
حمد : والله اذا قدني قالط في ميلسج قولي ...
غلا : عيل انت الحين وين ؟
حمد : في بيت خالي ...؟
غلا : الحين اعترفت فيه ..؟
حمد : شقصدج ..؟
غلا وهي اطالعه برود وتبي تلف تعطيه ظهرها : انت ادرى ...؟
حمد فار الدم في راسه من عطته ظهرها ...لاشعوريا مسك زندها وفر ويهها صوبه وطالع في عيونها بغضب ..: يوم اكلمج لاتعطيني

ظهرج ...فاهمه ..
غلابعيون دامعه بس الكبرياء مانعها من الهبوط: فك يدي ... من تكون تمسكني ...هدني يعل يدك الكسر ...
حمد هد يدها بقوه : الكسر لراسج قريب اذا ماعرفتي من هو حمد ال .....
غلا بكبرياء العالم : وانت ماعرفت غلا بنت عبدالله ال ......
: حيا الله ولدي ...
حمد ببتسامه حنان : الله يحيك يبه ...وقرب من خاله يسلم عليه ....ريم قربت من غلا لانها خافت من الحوار حمد وغلا وكانت متاكه

انه بيوصل لهالمنحنى لان غرورهم مايكفي روسهم ..
ريم : غلوي اقصري الشر ... ترى حمد مب مثل خوانج ترى شري ..
غلا طالعت ريم بغضب : اظاهر للحين ماعرفتيني ...اللي يجيسني بكلمه احرقه بتيزاب ...
ريم : الله يعينا عليكم ...مسكت شهد ودخلت فيها بيت عمها لانها ماتحملت الاجواء برى ...
غلا قعدت جدام ابوها على الارض وهي اطالع حمد بنظرات ناريه وحمد يرسل لها كل شوي نظرة برود ...مسكت الدله وقعدت تصب

لهم قهوه وهي دعي على حمد في خاطرها تكون عشرج في بطنه ...
ابومحمد : يبه محمد مارجع من الشركه ..؟
غلا : مالك لوا ..للحين ..
ابومحمد : الله يعينه ...شهد وينها ...؟
غلا : لزقت في الريم ...
حمد بصوت واطي بعد ماجاف عمه يرد على جواله : تعبت من مقابل ام السعف والليف ..
غلا بنظرة احتقار : ام اسعف والليف في عينك انت ...عند غيرك لا..
حمد بنظرة بركانيه : من غيري يسودا الوجه ...
غلا برود : صج الي فيه العله يحسب الناس مثله ... طالع جدامك عشان تعرف من اقصد يابومخ وصخ ..وهي اطالع ابوها ..
حمد وهو يحاول يهدى وتيرة اعصابه الي فارت بشكل جنوني ....: تبين تفهميني انه خالي ..؟
غلا بغرور بارد : انا ماييب راسي الا واحد مثل عبدالله ال ... غيره مايترس عيني من الريايل ... فهمت ...ولا تبي شرح امريكي

عشان تفهم ياولد عمريكا على قولة امي حمدة ....
حمد بغرور : لاترفعين خشمج وايد ترى بينكسر ...ترى مانتي بحمد ال....
غلا بغروراكبر من غروره : ماعاش اللي يكسره اموت ولا ينزله ريال ...صبت له بياله شاهي وقامت ...: خذ يعله عشرج في بطنك ..


حمد بضحكه : عيوز وغروره ...والله ماقد جفتها ...
غلا مشت بثقه وهي رافعه راسها بكل كبرياء وغرور ومن غير لاطالع وراها لين دخلت الصاله ...تنفس براحها حست كان شي

ضاغط على صدرها ورافع من دقات قلبها بصوره جنونيه ...
حمد من مشت من جدامه وهو غارق في كل حركه منها حتى غرورها عذاب ونظراتها الناريه دوم تشغله نبرات صوتها المخمليه اللي

دوم تهمس في اذنه في احلامه ...
ابومحمد : حمد .....شلون الوالده ...؟
حمد بخجل من خاله ومن برود امه اللي للحين ماتغير ...: بخير الله يسلمك ...
ابومحمد : للحين ماغيرت رايها ...
حمد : يبه عطها وقت ... امي اعرفها شوي عنيده بس يوم تتعود على اجواء العيله بترضى ...
ابومحمد : الله كريم ...حمد ابيك تعرف ليه هي بعدها شاله علي بعد كل هالسنين ...
حمد : يبه اصبر شوي يوم ابوي بيرد ..بيهدى الوضع وبنعرف ...لانها الحين ماتقول لي شي ..ماخذه في خاطرها ..
ابومحمد عرف ليش عفرا زعلانه من ولدها عشان يياته لبيته ..: حمد يابوك لاتخسر امك ..بسبتي ..
حمد : يبه الامور سهالات .... الاباقي زعل بتمحيه الايام ..
ابومحمد : الله يعين ويصفي القلوب ...

----------------------------------------

كنت آتمنى جمعتي وسـط بيتـه
%%% واعيش في قربه واضمه في ذاتي
لكن جرحني جرح لامـا قويتـه
%%% راح وترك دمعات عيني فُراتـي
بعد السعاده هـم قلبـي جنيتـه
%%% وشلون أحبه من حرمني سُباتي ؟
( من أشعار شاعر الغربه محمود الشاهين )

مسنده ذقنها على ذراعها وسرحانه في منظر شجره معلق فيها ايطار سياره ويلعب فيه الهوى ... من قامت وهي حاسه بضياع طلعت

برى تبى تغير شعور الغربه والخوف من الوحده بس مانكسر هالشعور للحين فرجعت لغرفتها وسكرت على نفسها قبل لايقوم خالد

وهي للحين مب مستعده لمواجهته ...
قام من السرير بتعب مدد عضلات اذرعه وظهره بتعب ...حس بضيقة خاطر بعد ماطالع ملابسه انه رقد بملابسه من امس ..دخل

الحمام بكسل وحذف ملابسه في طريجه ...
صلى الفروض اللي فاتته ..بعد مالبس بيجاما قطنيه ...طلع الصاله وهو ينشف شعره الطويل بشكل خفيف بأصابعه ..بس دعس شي

عند باب غرفته ..كان شبشب قطني في اشكال قلوب ...ضحك بخفه يعني ماكان يحلم البارح يعني كانت صج عنده في الغرفه يعني

مافيها شي علي ..راح يدور لها في البيت ....
بس مالاحظ لها اي زيله دور جتى في الحديقه ... تعب من الدواره وقعد على كرسي في الحديقه اففففف هاي من امس كله منخشه

وادور عليها معقوله كل هاي حيا مني ...يمكن ...طالع المكان براحه وانشراح ان شاءالله يكون بدايه حياتي مع حبي شيوخ ..فديتها

..خلي اقوم جوف وين راحت ...؟
رجع داخل وهو بعده يحس بالكسل في جسمه ...دخل المطبخ ...حصل دله فتحها حصل فيها حليب كرك ( اسم الحليب شاي عندنا )

صب له قلاص وقرب القلاص من خشمه الله ياريحة الكرك ماش يعدل المزاج الا هو ...خذ القلاص معاه ورجع الصاله وقف عند باب

غرفتها وطالع الباب قرب يده من الباب يبي يدق بس تردد خليها على راحتها .... قعد في الصاله يطالع التلفزيون بغير اهتمام من

الملل ...
طالع الساعه كان الوقت داخل على العصر وهم للحين ماذاقو شي ...وقف عند الباب ودق الباب : شيخه ...شيخه ..
شيخه بعد مانقطع سرحانها ...ردت بخوف : لبيه ..؟
خالد : مب متغديه ...؟
شيخه بلعت ريقها برتباك هي من كم يوم ماذاقت شي حست كان خالد وقض الجوع من طرى الاكل ....قربت من الباب وفتحته جزء

ووقفت وراه ..: انا ماطبخت شي ..!
خالد ببتسامه : ومن قال ابيج تطبخين ..تعالي نطلع ...نتغدى ..
شيخه : مابي ...
خالد : شنو ماتبين ... هني مافيه اكل وانتي من كم يوم مب ماكله ...لبسي يله ..وراح لغرفته يبدل قبل لاتغير رايها بحجه ثانيه ...

شيخه وقفت في مكانها متوهقه ... كانت مقرره من ينفردون بروحهم بتحط حواجز .... بس خالد مثل الحصان الطايش قدر يتخطى اي

حاجز تحطه ....بس انا اليوم لازم احط لي موقف معاه ... لازم ....

-------------------------------------------------
قام من هالقيلوله المتعبه على الكنبه حط يده على رقبته وقد يهمزها بتعب طالع اللاحف الى مغطى فيه تاكد ان نور هي الل حطته آخ

يانور دوم متخطيني بخطوه ...قام يغسل ويهه ويجوفها ...دخل غرفة نومهم بس محد موجود اكيد تحت ....
نزل تحت واثار النوم بعدها في ويهه حصل امه قاعده في الصاله بروحها وتتقهوى بسرحان ...فهد قطع عليها خلوتها وحب راسها

بحنان ..
ام فهد بحب : قمتنت ...
فهد : عيل وين نور عنج يوم انج قاعده بروحج ...؟
ام فهد : راحت بيت اهلها ..
فهد بصدمه مخلوطه بخوف : ليه ..؟
ام فهد لاحظت التغير على ويهه ... هي كانت شاكه ان نور فيها شي بس الحين تأكدت ...: تقول ماتبي ترجع هني ...خلاص ...
فهد وقف من الصدمه : شنو ...؟
ام فهد ضحكت : اضحك معاك يمه بسم الله عليك لايصيرلك شي .... اقعد ...لاتخاف راحت تسلم على ابوها ...
فهد قعد بعد ماحس انه انفعل زياده بصورة غير متوقعه حس بسخافة الموقف وقعد بغضب : وهي شلون تروح وماتقول لي ..؟
ام فهد : هي كانت بتقومك بس انا عييت قلت تخليك ترقد شوي تريح ...وانا بقول لك يوم تقوم ..
فهد : حتى ولو ...
ام فهد : ليه بتعيي لاتخليها تروح لابوها ..؟
فهد : لا ...
ام فهد : اجل ادحر الشيطان ....
فهد رفع عينه للباب بدخولها الهادي علقت عيونه في عيونها الهاديه اللي مثل المحيط حس بهدوء نسبي من تأكد من رجعتها ...قربت

منه وقعدت جنبه بهدوء طرف جلالها طاح على فخذه وداعب خشمه عطرها اللي صار مدمن ريحته ...
نور بصوت ناعم : يمه تسلم عليج جدتي ..
ام فهد : الله يسلمها ...الا ريم وينها ..؟
نور بضحكه : لوعت كبدي هي وشهد قاعدت تتحايل عليها تبي ترد كانها خايفه منها ..جان ارد واهملها ..
ام فهد : ايه ..وهي خبله ماتعرف تتصرف ...
نور من تحت جلالها مسكت يد فهد ودفنت يدها في راحة كفه العريض ..كانت تستمد منه القوه : يمه ..؟
ام فهد : لبيج ..؟
نور : لبيتي في منى .... يمه ليه ماتعزمين امي عفرا ...؟
فهد ظغط على يدها بقوه يبي يحسسها بوجوده ...ام فهد بملامح متظايقه ..: معليه بس مهب الحين ... بنأجلها بعدين ..
فهد : ليه يمه خير البر عاجله ...
ام فهد بعصبيه : خلاص قلت بعدين يعني بعدين وقامت تنهي هالنقاش ...
فهد استغرب عصبية امه ...طالع يمكن تعرف شي بس لاحظ الحيره بعد في عيونها ...نور قامت من جنبه وطلعت لقسمهم من غير

لاتعلق ... فهد لحقها ...حصلها واقفه عند الكبت تصفط نقابها ..
فهد وهو حاط ايدينه في مخابي ثوبه : نور ..
نور بملامح هاديه : لبيه ...
فهد : ثاني مره يوم بتطلعين لازم تقولين لي حتى لوكنت راقد ...
نور بهدوء ماحبه فهد كانت متعود على حيوتها : ان شاء الله ..
فهد قعد على السرير .... وطالعها وهي تلم اغراضه المحذفين في الغرفه وترتبها ...طالع تغظن جبينها عرف انها متضايقه بس

تحاول تكابر جدامه ...
فهد : نور بدلي ملابسج ...
نور وهي اطالع انعكاس صورته في المرايه ...: ليه ..؟
فهد : بنطلع ...
نور : ان شاءالله ...
فهد : ماراح تسألين وين؟
نور : اكيد بعرف يوم بنوصل ...في خاطرها اهم شي اكون معاك ...
فهد : غريب امرج ...مره ومب فضوليه ...
نور التفت عليه بقوه : وانت شعرفك بالنسوان ...؟
فهد بضحكه لان نور اللي يعرفها رجعت : ليش ماعندي ام واخت ..؟
نور : ايه على بالي ...
فهد : زين يله خلصي وطلعي لي ملابس معاج بروح اسوي شوية اتصالات في المكتب لين تخلصين ...وطلع ونور الابتسامه شاقه

ويهها عرفت شي يديد عن فهد ...مايحب يعتذر ...بس يعتذر بطريقه غير مباشره ...

اللي أحبه يالملا ماهقوتي مثله مثيل
طيب وفي كله حنان محبوبي فيه أحلى الصفات
وانا المتيم في هواه والزين في حبي قتيل
وانا وعدته ماأخون مادامني في ذي الحيات

( من أشعار شاعر الغربه محمود الشاهين ).